1.   Leis seo, ceaptar Birgitte MARKUSSEN mar Ionadaí Speisialta an Aontais Eorpaigh (ISAE) don tSaiheil ón 1 Meán Fómhair 2026 go dtí an 31 Lúnasa 2027. Féadfaidh an Chomhairle a chinneadh go gcuirfí síneadh le sainordú ISAE (‘an sainordú’) nó go ndéanfar é a fhoirceannadh níos luaithe, ar bhonn measúnú ón gCoiste Polaitiúil agus Slándála agus ar thogra ó Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’).

2.   Chun críocha an tsainordaithe, sainítear gurb é atá sa tSaiheil Buircíne Fasó, Sead, Mailí, an Mháratáin agus an Nígir. Rachaidh ISAE i dteagmháil freisin, de réir mar is iomchuí, le tíortha Imchuach Loch Shead agus le tíortha eile agus le heintitis réigiúnacha nó idirnáisiúnta laistigh agus lasmuigh den tSaiheil, lena n-áirítear sa Mhagraib agus i Murascaill na Guine, mar is iomchuí, agus, go háirithe, leis na tíortha comharsanacha a ndéanann dinimic na Saiheile difear dóibh.

1.   Ar bhonn chuspóirí beartais Straitéis Chomhtháite an Aontais Eorpaigh sa tSaiheil mar a glacadh le conclúidí ón gComhairle an 16 Aibreán 2021, an oiriúnaithe ar chur chuige an Aontais i leith réigiún na Saiheile mar a pléadh ag an gComhairle Gnóthaí Eachtracha an 11 Nollaig 2023 agus an 19 Feabhra 2024, agus Chur Chuige Athnuaite an Aontais i leith réigiún na Saiheile arna fhormhuiniú ag an gComhairle Gnóthaí Eachtracha an 20 Samhain 2025, agus tuairimí arna gcur in iúl ag na Ballstáit á gcur san áireamh, is é an sainordú a bheidh ann rannchuidiú go gníomhach agus tosaíocht a thabhairt d’iarrachtaí réigiúnacha agus idirnáisiúnta chun síocháin, slándáil, cobhsaíocht agus forbairt inbhuanaithe bhuan a bhaint amach sa réigiún. Thairis sin, beidh sé d’aidhm ag ISAE feabhas a chur ar cháilíocht, tionchar agus infheictheacht rannpháirteachas ilghnéitheach an Aontais sa tSaiheil agus luachanna uilíocha agus leasanna an Aontais a chur chun cinn. I gcomhréir le treoshuíomhanna na Comhairle, cuideoidh ISAE leis an Ardionadaí cur chuige athnuaite an Aontais i leith réigiún na Saiheile a chur chun feidhme, a bhaineann le rioscaí méadaitheacha na neamhshláine agus na héagobhsaíochta sa réigiún.

2.   Rannchuideoidh ISAE le hiarrachtaí an Aontais sa réigiún a fhorbairt agus a chur chun feidhme, i gcomhréir leis an dlí idirnáisiúnta, lena n-áirítear urraim d’iomláine chríochach, ar bhealach comhtháite, lena n-áirítear i réimsí na polaitíochta, na slándála agus na forbartha, agus leis na hionstraimí agus na páirtithe leasmhara ábhartha uile do ghníomhaíochtaí an Aontais a chomhordú. Rannchuideoidh ISAE le hiarrachtaí rannpháirtíochta agus comhordúcháin an Aontais a dhoimhniú le sásraí náisiúnta, réigiúnacha agus idirnáisiúnta.

3.   Gníomhóidh ISAE i ndlúthchomhar agus i ndlúthchomhardú leis an gComhairle, leis an gCoimisiún, leis an tSeirbhís Eorpach Gníomhaíochta Seachtraí (SEGS), le toscaireachtaí an Aontais, leis na Ballstáit agus le páirtithe leasmhara ábhartha eile, go háirithe na Náisiúin Aontaithe agus eagraíochtaí Afracacha, go sonrach an tAontas Afracach agus Comhphobal Eacnamaíoch Stáit na hAfraice Thiar (ECOWAS).

1.   Chun cuspóirí beartais a leagtar amach in Airteagal 2 a bhaint amach, is é an méid seo a leanas a bheidh mar shainordú:

2.   Chun an sainordú a chomhlíonadh, déanfaidh ISAE inter alia na nithe seo a leanas:

1.   Beidh ISAE freagrach as an sainordú a chur chun feidhme, ag gníomhú dó nó di faoi údarás an Ardionadaí.

2.   Coinneoidh an Coiste Polaitiúil agus Slándála nasc pribhléideach le ISAE agus is é a bheidh ina phríomhphointe teagmhála ISAE leis an gComhairle. Cuirfidh an Coiste Polaitiúil agus Slándála treoir straitéiseach agus stiúradh polaitiúil ar fáil do ISAE faoi chuimsiú an tsainordaithe, gan dochar do chumhachtaí an Ardionadaí.

3.   Oibreoidh ISAE i ndlúthchomhar le ranna ábhartha SEGS.

1.   Is EUR 1 788 249,05 a bheidh sa mhéid tagartha airgeadais a bheartaítear chun an caiteachas a bhaineann leis an sainordú (‘an caiteachas’) sa tréimhse ón 1 Meán Fómhair 2026 go dtí an 31 Lúnasa 2027 a chumhdach.

2.   Bainisteofar an caiteachas i gcomhréir leis na nósanna imeachta agus na rialacha is infheidhme maidir le buiséad ginearálta an Aontais.

3.   Beidh bainistiú an chaiteachais faoi réir conradh idir ISAE agus an Coimisiún. Is don Choimisiún a bheidh ISAE cuntasach as an gcaiteachas.

1.   Laistigh de theorainneacha an tsainordaithe agus de na hacmhainní airgeadais comhfhreagracha a chuirfear ar fáil, beidh ISAE freagrach as foireann a chur le chéile. Áireofar ar fhoireann ISAE an saineolas maidir le saincheisteanna beartais de réir mar a cheanglaítear leis an sainordú. Coinneoidh ISAE an Chomhairle agus an Coimisiún ar an eolas go pras faoi chomhdhéanamh fhoireann ISAE.

2.   Féadfaidh na Ballstáit, institiúidí de chuid an Aontais agus SEGS a mholadh go mbeadh pearsanra ar iasacht ag obair ar fhoireann ISAE. Is iad an Ballstát tionscnaimh, an institiúid de chuid an Aontais lena mbaineann nó SEGS, de réir mar is iomchuí, a chumhdóidh tuarastal an phearsanra sin atá ar iasacht. Féadfar saineolaithe atá ar iasacht ó na Ballstáit chuig institiúidí de chuid an Aontais nó chuig SEGS a thabhairt ar iasacht chun oibriú ar fhoireann ISAE freisin. Beidh náisiúntacht Bhallstáit ag pearsanra idirnáisiúnta ar conradh.

3.   Is faoi údarás riaracháin an Bhallstáit tionscnaimh, institiúid an Aontais lena mbaineann nó SEGS a fhanfaidh an pearsanra uile ar iasacht agus comhlíonfaidh siad a ndualgais agus feidhmeoidh siad chun leas an tsainordaithe.

4.   Comhlonnófar pearsanra ISAE le roinn ábhartha SEGS nó le toscaireachtaí an Aontais chun comhleanúnachas agus comhsheasmhacht a ngníomhaíochtaí faoi seach a áirithiú.

1.   Áiritheoidh na Ballstáit, an Coimisiún, SEGS agus Ardrúnaíocht na Comhairle go dtabharfar rochtain do ISAE ar aon fhaisnéis ábhartha.

2.   Soláthróidh toscaireachtaí an Aontais sa réigiún agus na Ballstáit, de réir mar is iomchuí, tacaíocht lóistíochta do ISAE agus do chomhaltaí fhoireann ISAE.

1.   Cuirfidh ISAE i bhfeidhm na rialacha a leagtar síos i Rialachán (CE) Uimh. 1049/2001 ó Pharlaimint na hEorpa agus ón gComhairle (3), chomh maith leis na rialacha cur chun feidhme a leagtar síos sa Chinneadh ó Ardionadaí an Aontais do Ghnóthaí Eachtracha agus don Bheartas Slándála an 6 Márta 2025 (4).

2.   Cosnóidh ISAE daoine aonair i ndáil leis an bpróiseáil a dhéantar ar a sonraí pearsanta i gcomhréir leis na rialacha a leagtar síos i Rialachán (AE) 2018/1725 ó Pharlaimint na hEorpa agus ón gComhairle (5) agus leis na rialacha cur chun feidhme arna nglacadh ag an Ardionadaí do SEGS.

1.   Faoi chuimsiú chur chuige athnuaite an Aontais i leith réigiún na Saiheile, rannchuideoidh ISAE le haontacht, comhsheasmhacht agus éifeachtacht ghníomhaíocht an Aontais agus cuideoidh ISAE lena áirithiú go ndéanfar ionstraimí uile an Aontais agus gníomhaíochtaí uile na mBallstát a chur i bhfeidhm nó a chur chun feidhme go comhsheasmhach chun cuspóirí beartais an Aontais a bhaint amach. Féachfaidh ISAE le hidirchaidreamh a dhéanamh leis na Ballstáit ar bhonn rialta. Déanfar gníomhaíochtaí ISAE a chomhordú le gníomhaíochtaí de chuid thoscaireachtaí SEGS, an Aontais agus de chuid an Choimisiúin, agus le gníomhaíochtaí ISAEnna eile atá gníomhach sa réigiún. Cuirfidh ISAE seisiúin faisnéise thráthrialta ar fáil do SEGS, do thoscaireachtaí an Aontais agus do mhisin na mBallstát sa réigiún.

2.   Ar an láthair, déanfaidh ISAE dlúthchaidreamh le Cinn Mhisin ábhartha na mBallstát, le Cinn Thoscaireachtaí an Aontais agus le Cinn Mhisean CBSC. Déanfaidh siad gach iarracht cúnamh a thabhairt do ISAE agus an sainordú á chur chun feidhme aige nó aici. Cuirfidh ISAE, i ndlúthchomhar leis na toscaireachtaí ábhartha de chuid an Aontais, treoir pholaitiúil áitiúil ar fáil do Cheann Misin EUCAP Sahel Mali. Rachaidh ISAE agus Ceannasaí Oibríochtaí Sibhialtacha i gcomhairle le chéile de réir mar is gá. Déanfaidh ISAE idirchaidreamh freisin le gníomhaithe idirnáisiúnta agus réigiúnacha eile ar an láthair.