(1)

Le Rialachán (AE) 2023/956 leagtar síos oibleagáidí ar údaráis chustaim faisnéis shonrach a chur in iúl don Choimisiún maidir le hearraí a dhearbhaítear le haghaidh allmhairiú.

(2)

Tá an fhaisnéis a fhaigheann na húdaráis chustaim le stóráil i gclárlann SCCT arna bunú i gcomhréir le hAirteagal 14(1) de Rialachán (AE) 2023/956 agus le húsáid chun cros-seiceáil a dhéanamh ar an bhfaisnéis a sholáthraíonn na dearbhóirí SCCT údaraithe, na hallmhaireoirí agus na hionadaithe custaim indíreacha i gcomhréir le hAirteagal 25 den Rialachán sin, lena n-áirítear faisnéis a bhaineann le comhlíontacht raon feidhme na faisnéise i gcomhréir le hAirteagal 2 den Rialachán sin agus leis na nósanna imeachta custaim gaolmhara i gcomhréir le hAirteagal 25(2) den Rialachán sin, mar atá i gcás nós imeachta próiseála isteach dá dtagraítear in Airteagal 256 de Rialachán (AE) Uimh. 952/2013 ó Pharlaimint na hEorpa agus ón gComhairle (2).

(3)

Chun cur chun feidhme éifeachtach Rialachán (AE) 2023/956 a áirithiú, is gá an fhaisnéis atá le cur in iúl ag na húdaráis chustaim don Choimisiún a leagan amach, ar faisnéis í atá le háireamh ag na dearbhóirí SCCT údaraithe, na hallmhaireoirí agus na hionadaithe custaim indíreacha, agus an dearbhú custaim á thaisceadh chun an fhaisnéis atá ábhartha maidir le SCCT a fhíorú le haghaidh allmhairí earraí a liostaítear in Iarscríbhinn I a ghabhann leis an Rialachán sin. Ba cheart a áireamh san fhaisnéis sin léiriú ar uimhir chuntais SCCT nó faisnéis eile atá ábhartha do SCCT agus atá i ndearbhuithe custaim, i ndearbhuithe ath-onnmhairiúcháin, sa bhille urscaoilte, sa dearbhú fála nó in aon doiciméad ábhartha eile a chuirtear faoi bhráid na n-údarás custaim.

(4)

Chun cruinneas sonraí agus fíorú tráthúil dearbhóirí SCCT údaraithe a áirithiú, ba cheart nósanna imeachta a bhunú le haghaidh modhanna cumarsáide agus cros-seiceála faisnéise idir dearbhóirí SCCT údaraithe, údaráis chustaim, údaráis inniúla, agus an Coimisiún, agus úsáid á baint as córais chustaim atá ann cheana agus as clárlann SCCT. I gcás nach ndéantar foráil sna córais chustaim atá ann cheana maidir le cumarsáid uathoibrithe, ba cheart modhanna malartacha cumarsáide a úsáid. Ba cheart nósanna imeachta atá bunaithe cheana féin ag údaráis chustaim a chur san áireamh sa Rialachán seo, agus dá bhrí sin ba cheart cead a bheith ag údaráis chustaim faisnéis a chomhroinnt san fhormáid atá ar fáil dóibh, agus a mhéid atá an fhaisnéis sin ar fáil agus a mhéid is féidir leis na húdaráis chustaim rochtain a fháil uirthi. I gcás nach mbeidh faisnéis ar fáil, ba cheart do na húdaráis chustaim an Coimisiún a chur ar an eolas gan mhoill.

(5)

Chun faisnéis mhionsonraithe a áirithiú maidir leis na hearraí a liostaítear in Iarscríbhinn I a ghabhann le Rialachán (AE) 2023/956 a allmhairiú, ba cheart do na húdaráis chustaim na sonraí sna dearbhuithe custaim ábhartha SCCT a chur in iúl don Choimisiún trí bhíthin an tsásra faireachais a bhunaítear de bhun Airteagal 56(5) de Rialachán (AE) Uimh. 952/2013.

(6)

Ba cheart a chur san áireamh san fhaisnéis chustaim agus sna sonraí custaim uile na cóid nós imeachta custaim ábhartha uile a bhaineann le SCCT a taisceadh sa dearbhú custaim, lena n-áirítear faisnéis maidir le próiseáil isteach i gcomhréir le hAirteagal 2(1) de Rialachán (AE) 2023/956 agus próiseáil amach i gcomhréir le hAirteagal 6(4) den Rialachán sin.

(7)

Chun críoch rialaithe agus chun na cúraimí dá dtagraítear i Rialachán (AE) 2023/956 a dhéanamh, ba cheart do na húdaráis inniúla nó don Choimisiún a bheith in ann a iarraidh ar na húdaráis chustaim bailíochtú a dhéanamh ar an bhfaisnéis a chuir na dearbhóirí SCCT údaraithe, na hallmhaireoirí, na hionadaithe custaim indíreacha nó na húdaráis chustaim ar fáil.

(8)

Féadfaidh na húdaráis inniúla nó an Coimisiún doiciméad nó sonraí ábhartha ar bith eile a chuirtear faoi bhráid na n-údarás custaim a iarraidh ar na húdaráis chustaim chun críche imscrúdú sonrach ar chomhlíonadh.

(9)

Leis an Rialachán seo, ba cheart teorainn a chur le tréimhsiúlacht na hiarrata ar fhaisnéis, i gcás ina bhfuil iarraidh den sórt sin bunaithe ar mheasúnú riosca nó i gcás ina dtugann an Coimisiún údar cuí leis.

(10)

Leis an Rialachán seo, urramaítear na cearta bunúsacha agus comhlíontar na prionsabail a aithnítear i gCairt um Chearta Bunúsacha an Aontais Eorpaigh, go háirithe an ceart go ndéanfar sonraí pearsanta a chosaint. Chun na críche sin, beidh feidhm ag Rialachán (AE) 2016/679 ó Pharlaimint na hEorpa agus ón gComhairle (3), agus, i gcás inarb ábhartha, ag Rialachán (AE) 2018/1725 ó Pharlaimint na hEorpa agus ón gComhairle (4).

(11)

Baineann na forálacha sa Rialachán seo le faisnéis chustaim a bhaineann le hearraí allmhairithe ón 1 Eanáir 2026 ar aghaidh. Dá bhrí sin, ba cheart feidhm a bheith ag an Rialachán seo ón dáta sin.

(12)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an 20 Samhain 2025.

(13)

Tá na bearta dá bhforáiltear sa Rialachán seo i gcomhréir leis an tuairim ó Choiste SCCT,

(1)

ciallaíonn ‘bille urscaoilte’ an doiciméad dá dtagraítear in Airteagal 175 de Rialachán Tarmligthe (AE) 2015/2446 ón gCoimisiún (5);

(2)

Ciallaíonn ‘uimhir chuntais SCCT’ an uimhir a shanntar don dearbhóir SCCT údaraithe i gcomhréir le hAirteagal 16(1) de Rialachán (AE) 2023/956;

(3)

ciallaíonn ‘dearbhú custaim’ an gníomh dá dtagraítear in Airteagal 5, pointe (12), de Rialachán (AE) Uimh. 952/2013;

(4)

ciallaíonn ‘dearbhú fála’ an doiciméad dá dtagraítear in Airteagal 4(1) de Rialachán Cur Chun Feidhme (AE) 2025/2210 ón gCoimisiún (6);

(5)

ciallaíonn ‘modhanna cumarsáide malartacha’ aon mhodh cumarsáide seachas na córais atá idir-inoibritheach le clárlann SCCT dá dtagraítear in Airteagal 5(1) de Rialachán Cur Chun Feidhme (AE) 2024/3210 ón gCoimisiún (7).

(a)

an uimhir EORI;

(b)

i gcás nach bhfuil aon uimhir EORI ann, foirm aitheantais an allmhaireora a dhearbhaítear i gcomhréir le hAirteagal 6(2) de Rialachán Tarmligthe (AE) 2015/2446;

(c)

uimhir chuntais SCCT an allmhaireora nó an ionadaí custaim indírigh, mura ndéanann an t-allmhaireoir nó an t-ionadaí indíreach custaim an méid seo a leanas:

(d)

cód AC ocht ndigit na n-earraí a dhearbhaítear mar a liostaítear in Iarscríbhinn I a ghabhann le Rialachán (AE) 2023/956;

(e)

cainníocht na n-earraí;

(f)

an tír thionscnaimh;

(g)

dáta glactha an dearbhaithe custaim;

(h)

an nós imeachta custaim ar dearbhaíodh na hearraí ina leith.