1.   I gcás ina dtugann Ballstát réamhfhógra maidir le scéim ríomh-shainaitheantais don Choimisiún agus do na Ballstáit eile, tionscnófar an t-athbhreithniú piaraí i gcomhréir le hAirteagal 2.

2.   An Ballstát a thugann réamhfhógra maidir le scéim ríomh-shainaitheantais, féadfaidh sé, tráth ar bith, a réamhfhógra a tharraingt siar. I gcás ina dtarraingeoidh an Ballstát siar a réamhfhógra maidir leis an scéim ríomh-shainaitheantais, measfar an t-athbhreithniú piaraí a bheith foirceanta.

3.   Féadfaidh aon Bhallstát a chinneadh páirt a ghlacadh san athbhreithniú piaraí ar scéim ríomh-shainaitheantais Ballstáit eile.

4.   Is é gach Ballstát a bhfuil baint aige le hathbhreithniú piaraí a íocfaidh na costais a thabhóidh sé sa phróiseas.

5.   Bainfidh ionadaithe na mBallstát a dhéanann an t-athbhreithniú piaraí úsáid as an bhfaisnéis a fhaightear tríd an athbhreithniú piaraí chun críocha an athbhreithnithe sin amháin agus ní nochtfaidh siad aon fhaisnéis íogair nó rúnda a fhaightear le linn an athbhreithnithe piaraí do thríú páirtithe.

6.   Ballstát a chinneann a bheith rannpháirteach san athbhreithniú piaraí ar scéim ríomh-shainaitheantais Ballstáit eile, nochtfaidh sé aon choinbhleacht leasa maidir le hionadaithe arna gceapadh ag an mBallstát sin. I gcás ina bhfuil coinbhleacht leasa ann, féadfaidh an Ballstát a bhfuil athbhreithniú piaraí á dhéanamh ar a scéim ríomh-shainaitheantais rannpháirtíocht an ionadaí ábhartha i measúnú a scéime ríomh-shainaitheantais a dhiúltú.

7.   Aon díospóid a thiocfaidh chun cinn le linn an athbhreithnithe piaraí i ndáil leis na gníomhaíochtaí athbhreithnithe piaraí mar a leagtar síos in Airteagal 4(4) den Rialachán seo, déanfar iad a réiteach i gcomhréir le rialacha nós imeachta an Ghrúpa Comhair.

8.   Ní bheidh scéim ríomh-shainaitheantais faoi réir athbhreithniú piaraí eile laistigh de 2 bhliain ón athbhreithniú piaraí a chur i gcrích, ach amháin i gcás ina ndearnadh athruithe suntasacha ar an scéim ríomh-shainaitheantais a leagtar amach in Airteagal 6(1) ar an scéim ríomh-shainaitheantais a ndearnadh athbhreithniú piaraí uirthi.

1.   Áireofar an méid seo a leanas ar a laghad sa réamhfhógra:

2.   Scaipfidh an Coimisiún an fhaisnéis réamhfhógra ar an nGrúpa Comhair.

3.   Soláthrófar an fhaisnéis a cheanglaítear faoi mhír 1, pointe (c), i mBéarla ar a laghad. Ní bheidh sé d’oibleagáid ar na Ballstáit aon doiciméad a aistriú i gcás ina gcruthódh sé sin ualach míréasúnta riaracháin nó airgeadais.

1.   Ar dhearbhú a fháil go bhfuarthas réamhfhógra iomlán, cuirfidh an Coimisiún an Grúpa Comhair ar an eolas faoi thionscnamh an athbhreithnithe piaraí agus sceidealóidh sé cruinniú i gcás ina gcuirtear an scéim ríomh-shainaitheantais réamhfhógartha ar chlár oibre an chruinnithe lena chur faoi bhráid an Ghrúpa Comhair ag an mBallstát a rinne an réamhfhógra.

2.   Áiritheoidh cathaoirleach an Ghrúpa Comhair go dtionólfar an cruinniú sceidealaithe dá dtagraítear i mír 1 tráth nach déanaí ná 2 mhí tar éis an Grúpa Comhair a chur ar an eolas faoi thionscnamh an athbhreithnithe piaraí.

3.   Measfar gurb é dáta an tíolactha dáta tosaigh oifigiúil an athbhreithnithe piaraí.

4.   Tar éis don Bhallstát a thug an réamhfhógra an tíolacadh dá dtagraítear i mír 3 a dhéanamh, féadfaidh na Ballstáit eile ionadaithe a cheapadh chun páirt a ghlacadh san athbhreithniú piaraí thar a gceann. Má dhéanann siad amhlaidh, cuirfidh siad ainmneacha agus sonraí teagmhála a n-ionadaithe ar fáil. Is iad na hionadaithe ceaptha sin a bheidh sa ghrúpa athbhreithnithe piaraí.

Tiocfaidh comhaltaí an ghrúpa athbhreithnithe piaraí ar chomhaontú maidir leis na róil seo a leanas a shannadh:

5.   Déanfaidh an comhordaitheoir dá dtagraítear i mír 4, pointe (a), maoirseacht ar fhorghníomhú cuí an athbhreithnithe piaraí agus déanfaidh sé faireachán ar chomhlíonadh na gceanglas nós imeachta a leagtar amach sa Rialachán seo. Chuige sin, déanfaidh an comhordaitheoir na cúraimí seo a leanas go tráthúil:

6.   Sainaithneoidh na rapóirtéirí dá dtagraítear i mír 4, pointe (b), ceisteanna don Bhallstát a thug an réamhfhógra agus dréachtóidh siad na gnéithe den tuarascáil athbhreithnithe piaraí a bhaineann le réimse freagrachta a meithle faoi seach.

7.   Agus an treoir arna soláthar ag an nGrúpa Comhair á cur san áireamh, tiocfaidh an Ballstát a thug an réamhfhógra agus na Ballstáit a bhfuil baint acu leis an athbhreithniú piaraí ar chomhaontú maidir le haon socrú eagraíochtúil a bhaineann leis an athbhreithniú piaraí nach bhforáiltear go sonrach dó sa Rialachán seo, lena n-áirítear rialacha agus treoirlínte maidir le rúndacht agus coinbhleachtaí leasa.

8.   Ní mhairfidh an t-athbhreithniú piaraí níos faide ná 3 mhí ó dháta tosaigh oifigiúil an athbhreithnithe piaraí dá dtagraítear i mír 3 agus féadfar síneadh 2 mhí ar a mhéad a chur leis i gcás ina n-aontaíonn na Ballstáit uile a bhfuil baint acu leis an athbhreithniú piaraí é sin a dhéanamh.

1.   Déanfaidh an grúpa athbhreithnithe piaraí an t-athbhreithniú piaraí bunaithe ar an bhfaisnéis arna soláthar i gcomhréir le hAirteagal 2(1) ag an mBallstát a thug an réamhfhógra.

2.   Eagrófar an t-athbhreithniú piaraí i dtrí mheitheal, nó trí úsáid a bhaint as aon phróiseas eile a chomhaontaítear sa Ghrúpa Comhair i gcomhréir lena Rialacha Nós Imeachta. I gcás ina n-úsáidfear meithleacha, beidh rapóirtéir amháin agus comhalta gníomhach amháin ar a laghad ar gach meitheal.

3.   Is iad seo a leanas na meithleacha dá dtagraítear i mír 2:

4.   Áireofar san athbhreithniú piaraí ceann amháin nó níos mó de na gníomhaíochtaí seo a leanas, ach gan bheith teoranta dóibh:

5.   Féadfaidh na meithleacha iarrataí a bhfuil údar cuí leo a dhéanamh ar fhaisnéis bhreise, arna dtacú le doiciméadacht bhreise, ón mBallstát a rinne an réamhfhógra i gcás nach leor an fhaisnéis a sholáthraítear i gcomhréir le hAirteagal 2(1) chun an t-athbhreithniú piaraí a fhoirceannadh.

6.   Comhlíonfaidh an Ballstát a thug an réamhfhógra na hiarrataí sin ach amháin i gcás ina mbeidh feidhm ag ceann amháin de na nithe seo a leanas:

7.   I gcásanna den sórt sin, cuirfidh an Ballstát a thug an réamhfhógra an comhordaitheoir ar an eolas faoi na cúiseanna ar diúltaíodh an fhaisnéis nó an doiciméadacht a iarradh a sholáthar agus soláthróidh sé achoimre ardleibhéil den fhaisnéis nó leagan folaithe den doiciméadacht.

1.   Gan dochar d’Airteagal 3(9), déanfaidh an grúpa athbhreithnithe piaraí an méid seo a leanas:

2.   Sula nglacfaidh agus sula bhfoilseoidh an Grúpa Comhair, ar shuíomh gréasáin tiomnaithe de chuid an Choimisiúin, a thuairim chríochnaitheach maidir le tabhairt i gcrích an athbhreithnithe piaraí i gcomhréir le mír 9, féadfaidh sé faisnéis bhreise nó soiléiriú breise a éileamh ón mBallstát a rinne an réamhfhógra nó ón ngrúpa athbhreithnithe piaraí.

3.   Soláthróidh an Ballstát a thug an réamhfhógra an fhaisnéis bhreise is gá dá dtagraítear i mír 2, ach amháin i gcás ina mbeidh feidhm ag ceann amháin de na nithe seo a leanas:

4.   Liostófar sa tuarascáil chríochnaitheach maidir le hathbhreithniú piaraí an fhaisnéis a d’iarr an grúpa athbhreithnithe piaraí nó an Grúpa Comhair ach nárbh fhéidir a sholáthar ar fhoras amháin nó níos mó a leagtar amach i mír 3, gan na cúiseanna arna soláthar ag an mBallstát a thug an réamhfhógra a shonrú. Féadfaidh an grúpa athbhreithnithe piaraí scrúdú a dhéanamh ar thionchar aon neamh-infhaighteachta faisnéise sa tuarascáil chríochnaitheach maidir le hathbhreithniú piaraí.

5.   Cuirfidh an grúpa athbhreithnithe piaraí an tuarascáil chríochnaitheach maidir le hathbhreithniú piaraí agus a dhréacht-tuairim chríochnaitheach faoi bhráid an Ghrúpa Comhair tráth nach déanaí ná 4 mhí, nó i gcás fadaithe i gcomhréir le hAirteagal 3(8) tráth nach déanaí ná 6 mhí tar éis dháta tosaigh oifigiúil an athbhreithnithe piaraí de bhun Airteagal 3(3).

6.   I dtuairim chríochnaitheach an ghrúpa athbhreithnithe piaraí maidir le scéim ríomh-shainaitheantais an Bhallstáit a thug an réamhfhógra, liostófar gealltanais ar bith a thug an Ballstát sin.

7.   Tar éis an tuarascáil chríochnaitheach maidir le hathbhreithniú piaraí agus tuairim chríochnaitheach an ghrúpa athbhreithnithe piaraí a thíolacadh, glacfaidh agus foilseoidh an Grúpa Comhair a thuairim féin maidir le tabhairt i gcrích an athbhreithnithe piaraí, ina léireofar an gcomhlíonann agus conas a chomhlíonann an scéim ríomh-shainaitheantais phiarmheasúnaithe na ceanglais a leagtar amach i Rialachán Cur Chun Feidhme (AE) 2015/1502 a bhfuil feidhm acu maidir leis na leibhéil dearbhaithe arna gcur in iúl ag an mBallstát a rinne an réamhfhógra, i gcomhréir le hIarscríbhinn I a ghabhann leis an Rialachán seo. Leanfaidh an próiseas glactha rialacha nós imeachta an Ghrúpa Comhair.

8.   Sainaithneofar i dtuairim an Ghrúpa Comhair an Ballstát a thug an réamhfhógra chomh maith leis an scéim ríomh-shainaitheantais réamhfhógartha agus a leibhéal dearbhaithe. Luafar sa tuairim freisin ar cuireadh an t-athbhreithniú piaraí i gcrích go rathúil.

9.   Foilseoidh an Grúpa Comhair faisnéis arna soláthar i gcomhréir le hAirteagal 2(1), ach amháin i gcás inar chuir an Ballstát a sholáthair an fhaisnéis in iúl i scríbhinn nár cheart an fhaisnéis sin a phoibliú.

1.   I gcás ina dtiocfaidh athrú ar scéim ríomh-shainaitheantais ar tugadh fógra ina leith ar bhealach ar dócha go mbeidh tionchar aige ar a hidir-inoibritheacht, a slándáil nó a hiontaofacht, tabharfaidh an Ballstát a thug an fógra fógra don Ghrúpa Comhair gan moill mhíchuí faoi na hathruithe sin agus tabharfaidh sé an fhaisnéis a soláthraíodh roimhe sin cothrom le dáta.

2.   Tar éis fógra dá dtagraítear i mír 1 a fháil, agus ar choinníoll go ndearnadh athbhreithniú piaraí ar an scéim ríomh-shainaitheantais ar tugadh fógra ina leith, féadfaidh aon Bhallstát den Ghrúpa Comhair nuashonrú ar an athbhreithniú piaraí a iarraidh.

3.   I gcás iarraidh ar nuashonrú, beidh feidhm ag na nósanna imeachta a leagtar amach in Airteagail 3 go 5 dá réir sin agus teorannóidh an grúpa athbhreithnithe piaraí an t-athbhreithniú piaraí do na gnéithe a athraíodh de bhun an fhógra bunaidh agus do thionchair na n-athruithe sin.