(1)

Le Rialachán Cur Chun Feidhme (AE) 2016/1141 ón gCoimisiún (2) bunaítear liosta na speiceas coimhthíoch ionrach is ábhar imní don Aontas (‘liosta an Aontais’) atá le coinneáil cothrom le dáta de réir mar is iomchuí, i gcomhréir le hAirteagal 4(2) de Rialachán (AE) Uimh. 1143/2014.

(2)

Ar bhonn na faisnéise atá ar fáil agus na measúnuithe riosca a rinneadh de bhun Airteagal 5(1) de Rialachán (AE) Uimh. 1143/2014, thángthas ar an gconclúid go gcomhlíontar na critéir go léir a leagtar amach in Airteagal 4(3) den Rialachán sin maidir leis na speicis choimhthíocha ionracha seo a leanas: ‘Acacia mearnsii [mar ‘mearnsi’] De Wild., Pl. Bequaert. 3: 61 (1925), Acridotheres cristatellus (Linnaeus, 1758), Asterias amurensis Lutken, 1871, Bipalium kewense Moseley, 1868, Brachyponera chinensis (Emery, 1895), Broussonetia papyrifera (L.) L'Hér ex Vent., Castor canadensis Kuhl, 1820, Cervus nippon Temminck, 1838, Cherax destructor Clark, 1936, Cipangopaludina chinensis (Gray 1834), Crassula helmsii (Kirk) Cockayne, Delairea odorata Lem, Faxonius immunis (Hagen, 1870), Marisa cornuarietis (Linnaeus 1758), Misgurnus anguillicaudatus (Cantor, 1842), Misgurnus bipartitus (Sauvage & Dabry de Thiersant, 1874), Mulinia lateralis (Say, 1822), Nanozostera japonica (Ascherson & Graebner) Tomlinson & Posluszny, 2001, Neogale vison (Schreber, 1777), Obama nungara Carbayo, Álvarez-Presas, Jones & Riutort, 2016, Platydemus manokwari de Beauchamp, 1963, Pycnonotus jocosus (Linnaeus, 1758), Reynoutria japonica Houtt., Reynoutria sachalinensis (F. Schmidt) Nakai, Reynoutria × bohemica Chrtek & Chrtková agus Vespa mandarinia Smith, 1852.

(3)

Maidir leis na speicis choimhthíocha ionracha uile dá dtagraítear in aithris 2, rinneadh na gnéithe uile a leagtar amach in Airteagal 4(6) de Rialachán (AE) Uimh. 1143/2014 a bhreithniú go cuí.

(4)

Mar thoradh ar athraithe ar na tagairtí ainmníochta le haghaidh ceithre speiceas choimhthíocha ionracha is ábhar imní don Aontas, athraithe a bhfuil glacadh forleathan leo, is gá na hainmneacha nó gnéithe eile den ainmníocht iomlán a athrú le haghaidh na speiceas coimhthíoch ionrach seo a leanas a liostaítear san Iarscríbhinn a ghabhann le Rialachán Cur Chun Feidhme (AE) 2016/1141: Eichhornia crassipes, Hakea sericea, Pennisetum setaceum, Tamias sibiricus.

(5)

I bhfianaise na tacsanomaíochta atá ag athrú maidir leis an speiceas ionrach Lampropeltis getula, an raon mar a shainítear é sa mheasúnú riosca bunaidh, atá mar bhonn taca lena chuimsiú ar liosta an Aontais, is gá é a athdhearbhú agus a shoiléiriú. Sa mheasúnú riosca seo, baintear úsáid as an tagairt ‘sensu lato’ chun an speiceas a chuimsiú go hiomlán sa chiall thacsanomaíoch is leithne. Chun aghaidh a thabhairt ar fhorbairtí tacsanomaíocha a d’fhéadadh a bheith ann agus chun cumhdach rialála láidir a áirithiú, ba cheart na fospeicis lena mbaineann a lua go sainráite.

(6)

Dá bhrí sin, ba cheart Rialachán Cur Chun Feidhme (AE) 2016/1141 a leasú dá réir.

(7)

Saothraítear an speiceas Neogale vison (Schreber, 1777) i roinnt Ballstát chun fionnadh a tháirgeadh. Sa mhéid go bhféadfadh sé a bheith ar na Ballstáit iarratais ar na húdaruithe a ullmhú, iarratais dá dtagraítear in Airteagal 9 de Rialachán (AE) Uimh. 1143/2014, ba cheart áireamh an speicis sin ar liosta an Aontais a chur siar chun am a thabhairt do na Ballstáit iarratais den sórt sin a ullmhú sula ngabhfaidh éifeacht le liostú an speicis.

(8)

Tá dúshláin mhóra ag baint le bainistiú an speicis choimhthíoch ionraigh Castor canadensis Kuhl, 1820, i limistéir a bhfuil an béabhar dúchasach Castor fiber (3) iontu freisin de bharr na gcosúlachtaí idir an dá speiceas. Dá bhrí sin, ba cheart áireamh an speicis Castor canadensis ar liosta an Aontais a chur siar chun am a thabhairt do na Ballstáit reachtaíocht náisiúnta agus bearta bainistíochta sonracha a oiriúnú, i gcás inarb ábhartha, sula ngabhfaidh éifeacht le liostú Castor canadensis Kuhl, 1820.

(9)

Tá na bearta dá bhforáiltear sa Rialachán seo i gcomhréir le tuairim an choiste a bunaíodh le hAirteagal 27(1) de Rialachán (AE) Uimh. 1143/2014,