This document is an excerpt from the EUR-Lex website
Document 32025R0154
Commission Implementing Regulation (EU) 2025/154 of 29 January 2025 concerning the authorisation of a preparation of Saccharomyces cerevisiae DSM 34246 as a feed additive for dogs and cats (holder of authorisation: ACEL pharma s.r.l.)
Rialachán Cur Chun Feidhme (AE) 2025/154 ón gCoimisiún an 29 Eanáir 2025 maidir le húdarú ullmhóide arb é atá inti Saccharomyces cerevisiae DSM 34246 mar bhreiseán beathaithe le haghaidh madraí agus cat (sealbhóir an údaraithe: ACEL pharma s.r.l.)
Rialachán Cur Chun Feidhme (AE) 2025/154 ón gCoimisiún an 29 Eanáir 2025 maidir le húdarú ullmhóide arb é atá inti Saccharomyces cerevisiae DSM 34246 mar bhreiseán beathaithe le haghaidh madraí agus cat (sealbhóir an údaraithe: ACEL pharma s.r.l.)
C/2025/519
IO L, 2025/154, 30.1.2025, ELI: http://data.europa.eu/eli/reg_impl/2025/154/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2025/154 |
30.1.2025 |
RIALACHÁN CUR CHUN FEIDHME (AE) 2025/154 ÓN gCOIMISIÚN
an 29 Eanáir 2025
maidir le húdarú ullmhóide arb é atá inti Saccharomyces cerevisiae DSM 34246 mar bhreiseán beathaithe le haghaidh madraí agus cat (sealbhóir an údaraithe: ACEL pharma s.r.l.)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin a bhfuiltear lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003 cuireadh isteach iarratas maidir le húdarú ullmhóide arb é atá inti Saccharomyces cerevisiae DSM 34246. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le húdarú ullmhóide arb é atá inti Saccharomyces cerevisiae DSM 34246 mar bhreiseán beathaithe le haghaidh madraí agus cat, agus iarrtar ann go n-aicmeofaí an breiseán sin i gcatagóir na mbreiseán ‘breiseán zóiteicniúil’ agus san fheidhmghrúpa ‘cobhsaitheoirí fhlóra na stéige’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 17 Aibreán 2024 (2) go bhfuil an ullmhóid Saccharomyces cerevisiae DSM 34246 sábháilte do mhadraí agus cait, faoi na coinníollacha úsáide atá beartaithe. Thairis sin, dúirt sé nach gá measúnú a dhéanamh ar shábháilteacht an tomhaltóra ná an chomhshaoil toisc nach bhfuil sé beartaithe an breiseán a úsáid ach amháin i mbeatha le haghaidh cat agus madraí. Tháinig an tÚdarás ar an gconclúid freisin maidir leis an ullmhóid Saccharomyces cerevisiae DSM 34246 nach greannaitheoir súl ná craicinn í, ach gur cheart a mheas gur íogróir craicinn agus riospráide í. Tháinig an tÚdarás ar an gconclúid thairis sin go bhféadfadh an ullmhóid Saccharomyces cerevisiae DSM 34246 a bheith éifeachtach mar bhreiseán zóiteicniúil le haghaidh cat agus madraí nuair a chuirtear le beatha í ag cainníocht 5 × 109 CFU/kg d’ábhar beatha iomlán. Níor mheas an tÚdarás go raibh gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann an ullmhóid Saccharomyces cerevisiae DSM 34246 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh madraí agus cat. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An ullmhóid a shonraítear san Iarscríbhinn, ullmhóid a bhaineann leis an gcatagóir breiseán ‘breiseáin zóiteicniúla’ agus leis an bhfeidhmghrúpa ‘cobhsaitheoirí fhlóra na stéige’, údaraítear í mar bhreiseán i gcothú ainmhithe faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 29 Eanáir 2025.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) EFSA Journal [Iris EFSA]. 2024;22:e8802.
IARSCRÍBHINN
|
Uimhir aitheantais an bhreiseáin beathaithe |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||
|
CFU/kg d’ábhar beatha iomlán ina bhfuil cion taise 12 % |
|||||||||||||
|
Catagóir: breiseáin zóiteicniúla. Feidhmghrúpa: cobhsaitheoirí fhlóra na stéige |
|||||||||||||
|
4b1873 |
ACEL pharma s.r.l.) |
Saccharomyces cerevisiae DSM 34246 |
Comhdhéanamh an bhreiseáin Ullmhóid Saccharomyces cerevisiae DSM 34246 ina bhfuil ar a laghad 2 × 1010 CFU/g Foirm sholadach. Tréithriú na substainte gníomhaí Cealla inmharthana Saccharomyces cerevisiae DSM 34246 Modh anailíse (1) Áireamh sa bhreiseán beathaithe agus sa bheatha chumaisc: Modh an doirte ar phláta nó modh an leata ar phláta (EN 15789) Sainaithint: Imoibriú slabhrúil polaiméaráise (PCR) – CEN / TS 15790 |
Madraí agus cait |
– |
5 × 109 |
– |
|
19 Feabhra 2035 |
||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
ELI: http://data.europa.eu/eli/reg_impl/2025/154/oj
ISSN 1977-0839 (electronic edition)