1.   An doiciméad aonair, an doiciméadacht tionlacain, an dearbhú ón mBallstát lena ndeimhnítear go gcomhlíonann an t-iarratas na coinníollacha maidir le clárú, aon idirthréimhse arna deonú nó arna moladh ag na húdaráis náisiúnta tar éis an nós imeachta náisiúnta um scrúdúchán agus an nós imeachta freasúra, faisnéis maidir leis an bhfreasúra inghlactha gaolmhar, agus an tagairt leictreonach foilseacháin don tsonraíocht atá cothrom le dáta, dá dtagraítear in Airteagal 13(1) de Rialachán (AE) 2024/1143, déanfar iad a tharraingt suas i gcomhréir leis na foirmeacha arna gcur ar fáil i gcóras digiteach an Choimisiúin dá dtagraítear in Airteagal 14(1) den Rialachán sin.

Féadfaidh na Ballstáit cóip den tsonraíocht táirge a sholáthar chomh maith leis an tagairt leictreonach dá foilsiú.

2.   I gcás ina mbaineann iarratas ar chlárú le limistéar geografach lasmuigh den Aontas, tarraingeofar suas an doiciméad aonair agus an tagairt d’fhoilsiú na sonraíochta táirge sa tríú tír i gcomhréir leis an bhfoirm a leagtar amach in Iarscríbhinn I le haghaidh gach earnála talmhaíochta (táirgí talmhaíochta, fíonta nó deochanna biotáilleacha). Déanfar an tsonraíocht táirge, an doiciméadacht tionlacain, cruthúnas dlíthiúil ar chosaint an táisc gheografaigh sa tír thionscnaimh, chomh maith leis an gcumhacht aturnae, i gcás inarb infheidhme, dá dtagraítear in Airteagal 13(2), pointí (a), (c), (d) agus (e), de Rialachán (AE) 2024/1143, faoi seach, a chur in iúl gan teimpléad sonrach a úsáid. Cuirfear doiciméid faoin mír seo faoi bhráid an Choimisiúin i bhformáid lenar féidir próiseáil focal a dhéanamh. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 14(1) de Rialachán (AE) 2024/1143.

3.   Beidh na heilimintí dá dtagraítear in Airteagal 13(3) de Rialachán (AE) 2024/1143 san iarratas comhpháirteach ar chlárú, sa bhreis ar na heilimintí dá dtagraítear i míreanna 1 nó 2 den Airteagal seo.

1.   Seiceálfaidh an Coimisiún, i gcomhréir le hAirteagal 15 de Rialachán (AE) 2024/1143, ar líonadh iarratas ar chlárú isteach i gceart agus ar cuireadh isteach é i gcomhréir le hAirteagal 10(6), Airteagal 13(4) agus Airteagal 14 de Rialachán (AE) 2024/1143 agus le hAirteagal 35 den Rialachán seo.

2.   Iarratas ar thásc geografach a chlárú maidir le táirge de thionscnamh an Aontais, measfar gur líonadh isteach i gceart é má áirítear ann na heilimintí uile a cheanglaítear le haghaidh iarratais i gcomhréir le hAirteagal 13(1) de Rialachán (AE) 2024/1143 agus má chomhlíonann sé Airteagal 2(1) den Rialachán seo.

3.   Iarratas ar thásc geografach a chlárú maidir le táirge de thionscnamh tríú tír, measfar gur líonadh isteach i gceart é má áirítear ann na heilimintí uile a cheanglaítear le haghaidh iarratais i gcomhréir le hAirteagal 13(2) de Rialachán (AE) 2024/1143 agus má chomhlíonann sé Airteagal 2(2) den Rialachán seo.

4.   Measfar gur líonadh an doiciméad aonair isteach i gceart má áirítear ann an fhaisnéis uile a cheanglaítear le hAirteagal 50(1) de Rialachán (AE) 2024/1143, nó le hAirteagal 95 de Rialachán (AE) Uimh. 1308/2013 nó le hAirteagal 23 de Rialachán (AE) 2019/787 i gcás táirgí talmhaíochta, fíona agus deochanna biotáilleacha, faoi seach.

5.   Measfar go gcomhlíonann iarratas a cuireadh isteach go rathúil trí chóras digiteach an Choimisiúin dá dtagraítear in Airteagal 35 ceanglais na seiceála foirmiúla dá dtagraítear i mír 1 den Airteagal seo.

6.   Maidir le hiarratas a cuireadh isteach le ríomhphost nach gcomhlíonann na ceanglais dá dtagraítear i mír 1, measfar nár cuireadh isteach é. Cuirfidh an Coimisiún an t-iarratasóir ar an eolas dá réir sin.

1.   Doiciméad aonair beacht a bheidh i ndoiciméad aonair na dtásc geografach le haghaidh táirgí talmhaíochta agus deochanna biotáilleacha agus ní rachaidh sé thar 2 500 focal. Maidir le tásca geografacha le haghaidh fíona, ní rachaidh sé thar 5 000 focal. Féadfar na tairseacha sin a shárú i gcásanna a bhfuil údar cuí leo. Léireofar sa doiciméad aonair aicmiú an táirge i gcomhréir le ceannteideal agus cód na hAinmníochta Comhcheangailte, dá dtagraítear in Airteagal 6(1) de Rialachán (AE) 2024/1143 le haghaidh gach earnála.

2.   I gcás ina n-áirítear sa doiciméad aonair ceanglais shonracha maidir le pacáistiú agus lipéadú nó ceanglais eile is infheidhme, a ndéantar foráil maidir leo sa an tsonraíocht táirge, beidh achoimre ar an réasúnú táirgeshonrach atá sa tsonraíocht táirge chomhfhreagrach ag gabháil le haon srian a eascraíonn as na ceanglais sin.

3.   Áiritheoidh na Ballstáit, údaráis tríú tíortha nó grúpaí táirgeoirí atá bunaithe nó ina gcónaí i dtríú tír gur achoimre dhílis é an doiciméad aonair ar an tsonraíocht táirge agus nach bhfuil aon éagsúlacht shubstaintiúil eatarthu. I gcás ina n-aimsítear neamhréir tar éis chlárú an táisc gheografaigh, déanfaidh an Ballstát, an tríú tír nó an grúpa táirgeoirí atá bunaithe nó ina chónaí i dtríú tír a chuir an t-iarratas isteach na bearta is gá chun an neamhréir sin a leigheas.

4.   Foilseofar ainmneacha daoine nádúrtha nó dlítheanacha a áirítear sa doiciméad aonair.

1.   Más rud é, tar éis na malartuithe dá dtagraítear in Airteagal 15(2) de Rialachán (AE) 2024/1143 idir an Coimisiún agus an Ballstát lena mbaineann, go ndéanfar athruithe ar an tsonraíocht táirge, tabharfaidh an Ballstát an doiciméad aonair cothrom le dáta agus áiritheoidh sé go dtabharfaidh an tagairt leictreonach d’fhoilsiú na sonraíochta táirge an léitheoir chuig an leagan de atá cothrom le dáta.

2.   Má mheasann an Ballstát go bhfuil na hathruithe ar an tsonraíocht táirge substaintiúil, rud a dhéanann difear do leasanna nár breithníodh sa nós imeachta náisiúnta freasúra arna dhéanamh i gcomhréir le hAirteagal 10(4) de Rialachán (AE) 2024/1143, beidh na hathruithe sin faoi réir nós imeachta náisiúnta freasúra breise. Sa nós imeachta náisiúnta freasúra breise sin, áiritheoidh an Ballstát go gceadófar d’aon duine nádúrtha nó dlítheanach a bhfuil leas dlisteanach aige agus atá bunaithe nó ina chónaí i gcríoch an Bhallstáit atá i gceist freasúra a chur isteach sula gcuirfear an leagan den doiciméad aonair atá cothrom le dáta, arna oiriúnú don tsonraíocht táirge atá cothrom le dáta, faoi bhráid an Choimisiúin.

3.   Más rud é, tar éis na malartuithe dá dtagraítear i mír 1, gur gá athruithe a dhéanamh ar an tsonraíocht táirge i gcás iarratas a bhaineann le tásc geografach de thionscnamh tríú tír, tabharfaidh an t-iarratasóir tríú tír an doiciméad aonair agus an tsonraíocht táirge cothrom le dáta agus cuirfidh sé na hathruithe sin in iúl don Choimisiún.

1.   Beidh an méid seo a leanas i bhfreasúra dá dtagraítear in Airteagal 17 de Rialachán (AE) 2024/1143:

Féadfaidh doiciméid tacaíochta a bheith ag gabháil leis an bhfreasúra, i gcás inarb ábhartha.

Tarraingeofar suas freasúra i gcomhréir leis an bhfoirm a leagtar amach in Iarscríbhinn II.

2.   Beidh an méid seo a leanas san fhógra faoi thorthaí na gcomhairliúchán dá dtagraítear in Airteagal 17(6) de Rialachán (AE) 2024/1143:

I gcás inar leasaíodh an tsonraíocht táirge, tabharfaidh an tagairt leictreonach d’fhoilsiú na sonraíochta táirge a foilsíodh i gcomhréir le hAirteagal 15(4) de Rialachán (AE) 2024/1143 an léitheoir chuig an tsonraíocht táirge atá cothrom le dáta. Murar tagairt leictreonach í an tagairt a foilsíodh i gcomhréir leis an Airteagal sin, beidh an tsonraíocht táirge leasaithe faoi iamh.

I gcás inar modhnaíodh an doiciméad aonair, déanfar an doiciméad aonair modhnaithe a chur i gceangal leis an bhfógra.

An fógra faoi dheireadh na gcomhairliúchán tar éis an nós imeachta freasúra, déanfar é a tharraingt suas i gcomhréir leis an bhfoirm a leagtar amach in Iarscríbhinn III a ghabhann leis an Rialachán seo.

1.   Beidh an méid seo a leanas in iarratas ar fhormheas ar leasú ar leibhéal an Aontais ar shonraíocht táirge dá dtagraítear in Airteagal 24(2), pointe (a), de Rialachán (AE) 2024/1143:

2.   I gcás ina ndéanfaidh Ballstát an t-iarratas, beidh an méid seo a leanas ag gabháil leis:

3.   I gcás ina ndéanfaidh tríú tír nó grúpa táirgeoirí atá bunaithe nó ina chónaí i dtríú tír an t-iarratas, beidh an méid seo a leanas ag gabháil leis:

4.   Gheobhaidh an Coimisiún na nithe seo a leanas ar leithligh agus ní fhoilseoidh sé iad mar chuid den iarratas:

5.   Áiritheoidh na Ballstáit, tríú tíortha agus grúpaí táirgeoirí atá bunaithe nó ina gcónaí i dtríú tír comhsheasmhacht idir an t-iarratas ar fhormheas ar leasú ar leibhéal an Aontais agus an tsonraíocht táirge chomhdhlúite agus nach bhfuil aon éagsúlacht shubstaintiúil eatarthu. Comhfhreagróidh na leasuithe a liostaítear san iarratas ar fhormheas ar leasú ar leibhéal an Aontais do na leasuithe a rinneadh iarbhír ar an tsonraíocht táirge. I gcás ina n-aimsítear neamhréir tar éis formheas a dhéanamh ar leasú ar leibhéal an Aontais, glacfaidh an Ballstát, an tríú tír nó an grúpa táirgeoirí iarrthach a chuir an t-iarratas isteach na bearta is gá chun an neamhréir sin a leigheas.

6.   Is iarratas beacht a bheidh in iarratas ar fhormheas ar leasú ar leibhéal an Aontais. Ní rachaidh an t-iarratas, lena n-áirítear an doiciméad aonair, thar 5 000 focal i gcás tásca geografacha le haghaidh táirgí talmhaíochta agus deochanna biotáilleacha agus ní rachaidh sé thar 7 500 focal i gcás tásca geografacha le haghaidh fíona, ach amháin i gcásanna a bhfuil údar cuí leo.

7.   Maidir le hiarratas ó Bhallstát ar fhormheas ar leasú ar leibhéal an Aontais ar an tsonraíocht táirge, tarraingeofar suas é i gcomhréir leis an bhfoirm arna cur ar fáil i gcóras digiteach an Choimisiúin dá dtagraítear in Airteagal 14(1) de Rialachán (AE) 2024/1143. Bainfidh iarratasóirí ó thríú tíortha úsáid as an bhfoirm a leagtar amach in Iarscríbhinn IV a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach sa chóras digiteach sin.

8.   Chun críocha Airteagal 24(6) de Rialachán (AE) 2024/1143, i gcomhar le hAirteagal 15(4) den Rialachán sin, anuas ar na doiciméid agus an fhaisnéis dá dtagraítear ann, arna leasú, foilseoidh an Coimisiún in Iris Oifigiúil an Aontais Eorpaigh, an t-iarratas ar fhormheas ar leasú ar leibhéal an Aontais ar an tsonraíocht táirge.

1.   Seiceálfaidh an Coimisiún, i gcomhréir le hAirteagal 15 de Rialachán (AE) 2024/1143, ar líonadh iarratas ar fhormheas ar leasú ar leibhéal an Aontais ar shonraíocht táirge isteach i gceart agus ar cuireadh isteach é i gcomhréir le hAirteagal 10(6), Airteagal 13(4) agus Airteagal 14 de Rialachán (AE) 2024/1143 agus le hAirteagal 35 den Rialachán seo.

Measfar gur líonadh iarratas ar fhormheas ar leasú ar leibhéal an Aontais ar shonraíocht táirge isteach i gceart má áirítear ann na heilimintí uile dá dtagraítear in Airteagal 10(1) go (4), i gcás inarb iomchuí, agus má chomhlíonann sé Airteagal 10(7).

2.   Measfar go gcomhlíonann iarratas a cuireadh isteach go rathúil trí chóras digiteach an Choimisiúin dá dtagraítear in Airteagal 35 ceanglais na seiceála foirmiúla dá dtagraítear i mír 1 den Airteagal seo.

3.   Maidir le hiarratas a cuireadh isteach le ríomhphost nach gcomhlíonann na ceanglais dá dtagraítear i mír 1, measfar nár cuireadh isteach é. Cuirfidh an Coimisiún an t-iarratasóir ar an eolas dá réir sin.

1.   Beidh an méid seo a leanas sa teachtaireacht maidir le leasú caighdeánach formheasta ar an tsonraíocht táirge, dá dtagraítear in Airteagal 5 de Rialachán Tarmligthe (AE) 2025/27:

Déanfar sonraí teagmhála na ngrúpaí táirgeoirí agus údaráis an Bhallstáit nó an tríú tír dá dtagraítear sa chéad fhomhír, pointe (c), a chur in iúl ar leithligh. Ní fhoilseofar sonraí teagmhála na ngrúpaí táirgeoirí ná na n-údarás sin mar chuid den teachtaireacht. Foilseofar a n-ainmneacha, áfach.

2.   I gcás inarb é Ballstát a dhéanfaidh an teachtaireacht, beidh an méid seo a leanas ag gabháil léi:

3.   Beidh an méid seo a leanas ag gabháil le teachtaireachtaí maidir le formheas ar leasú caighdeánach a bhaineann le táirgí de thionscnamh tríú tíortha:

4.   Teachtaireacht ó Bhallstát maidir le leasú caighdeánach formheasta, tarraingeofar suas í i gcomhréir leis an bhfoirm arna cur ar fáil i gcóras digiteach an Choimisiúin dá dtagraítear in Airteagal 14(1) de Rialachán (AE) 2024/1143.

5.   Maidir le teachtaireachtaí ó thríú tíortha, úsáidfear an fhoirm a leagtar amach in Iarscríbhinn V. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 14(1) de Rialachán (AE) 2024/1143.

1.   Beidh an méid seo a leanas sa teachtaireacht maidir le leasú sealadach formheasta ar shonraíocht táirge, dá dtagraítear in Airteagal 7(2) agus (5) de Rialachán Tarmligthe (AE) 2025/27:

Déanfar sonraí teagmhála an ghrúpa táirgeoirí agus údaráis an Bhallstáit nó an tríú tír dá dtagraítear sa chéad fhomhír, pointe (c), a chur in iúl ar leithligh. Ní fhoilseofar sonraí teagmhála na ngrúpaí táirgeoirí ná na n-údarás sin mar chuid den teachtaireacht. Foilseofar a n-ainmneacha, áfach.

2.   I gcás inarb é Ballstát a dhéanfaidh an teachtaireacht, beidh an méid seo a leanas inti:

3.   Beidh an méid seo a leanas ag gabháil le teachtaireachtaí maidir le formheas ar leasú sealadach a bhaineann le táirgí de thionscnamh tríú tíortha:

4.   Teachtaireacht ó Bhallstát maidir le leasú sealadach formheasta, tarraingeofar suas í i gcomhréir leis an bhfoirm arna cur ar fáil i gcóras digiteach an Choimisiúin dá dtagraítear in Airteagal 14(1) de Rialachán (AE) 2024/1143.

5.   Maidir le teachtaireachtaí ó thríú tíortha, úsáidfear an fhoirm a leagtar amach in Iarscríbhinn VI a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 14(1) de Rialachán (AE) 2024/1143.

1.   Beidh an méid seo a leanas in iarraidh ar chlárú táisc gheografaigh a chealú de bhun Airteagal 25(1) de Rialachán (AE) 2024/1143:

Déanfar sonraí teagmhála an duine nádúrtha nó dhlítheanaigh, nó údaráis nó chomhlachtaí an Bhallstáit nó an tríú tír dá dtagraítear sa chéad fhomhír, pointí (c), (d) agus (e), a chur in iúl ar leithligh. Ní fhoilseofar sonraí teagmhála na ndaoine, na n-údarás ná na gcomhlachtaí sin mar chuid den iarraidh ar chealú. Foilseofar a n-ainmneacha, áfach.

2.   Tarraingeofar suas iarraidh ar thásc geografach a chealú de bhun Airteagal 25(1) de Rialachán (AE) 2024/1143 i gcomhréir leis an bhfoirm a leagtar amach in Iarscríbhinn VII a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 14(1) de Rialachán (AE) 2024/1143.

3.   Féadfaidh na Ballstáit tús a chur le céim náisiúnta an nós imeachta um chealú as a stuaim féin. Sa chás sin, féadfar an fhaisnéis dá dtagraítear i mír 1, an chéad fhomhír, pointí (d) agus (f), a fhágáil ar lár.

4.   I gcás ina ndéanann an Coimisiún cealú as a stuaim féin, cuirfear tús leis an nós imeachta go díreach ag céim an Aontais. Foilseoidh an Coimisiún, le haghaidh freasúra, i gcomhréir le hAirteagal 15(4) de Rialachán (AE) 2024/1143, a thogra féin maidir le cealú, ina mbeidh na heilimintí dá dtagraítear i mír 1 den Airteagal seo, mutatis mutandis.

5.   Gníomhaire atá sainordaithe ag na táirgeoirí, seachas i gcás táirgeoir aonair, a chuirfidh isteach iarraidh ar chlárú táisc gheografaigh a chealú ar thionscnamh tháirgeoirí an táirge a mhargaítear faoin ainm cláraithe, de bhun Airteagal 25(2) de Rialachán (AE) 2024/1143.

6.   Beidh an méid seo a leanas in iarraidh ar chealú de bhun Airteagal 25(2) de Rialachán (AE) 2024/1143 a chuirfear faoi bhráid an Choimisiúin:

Déanfar sonraí teagmhála údarás an Bhallstáit nó an tríú tír nó an ghrúpa táirgeoirí aitheanta nó an ghníomhaire a dhéanann ionadaíocht do na táirgeoirí, dá dtagraítear sa chéad fhomhír, pointí (d), (e) agus (f), a chur in iúl ar leithligh. Ní fhoilseofar sonraí teagmhála na n-údarás, na ngrúpaí táirgeoirí ná na ngníomhairí sin mar chuid den iarraidh ar chealú. Foilseofar a n-ainmneacha, áfach.

7.   Tarraingeofar suas iarraidh ar chlárú táisc gheografaigh a chealú de bhun Airteagal 25(2) de Rialachán (AE) 2024/1143 i gcomhréir leis an bhfoirm a leagtar amach in Iarscríbhinn VIII a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 14(1) de Rialachán (AE) 2024/1143.

8.   Beidh an iarraidh ar chealú arna líonadh isteach go cuí dá dtagraítear i mír 1 nó 6 den Airteagal seo san fhaisnéis atá le foilsiú de bhun Airteagal 15(4) de Rialachán (AE) 2024/1143.

1.   Seiceálfaidh an Coimisiún, i gcomhréir le hAirteagal 15 de Rialachán (AE) 2024/1143, ar líonadh iarraidh ar chlárú táisc gheografaigh a chealú isteach i gceart agus ar cuireadh isteach í i gcomhréir le hAirteagal 10(6), Airteagal 13(4) agus Airteagal 14 de Rialachán (AE) 2024/1143 agus le hAirteagal 35 den Rialachán seo.

Measfar gur líonadh iarraidh ar chlárú táisc gheografaigh a chealú isteach i gceart má áirítear inti na heilimintí uile dá dtagraítear in Airteagal 14(1) nó (6) agus má chomhlíonann sí Airteagal 14(2) nó (7).

2.   Maidir le hiarraidh ar chlárú táisc gheografaigh a chealú nach gcomhlíonann na ceanglais dá dtagraítear i mír 1, measfar nár cuireadh isteach í. Cuirfidh an Coimisiún an t-eintiteas iarrthach ar an eolas dá réir sin.

1.   Bunófar clár an Aontais um thásca geografacha dá dtagraítear in Airteagal 22 de Rialachán (AE) 2024/1143 mar réiteach digiteach lena gceadófar stóráil theicniúil agus rochtain phoiblí ar gach iontráil a bhaineann le tásca geografacha, lena n-áirítear iarratais ar chlárú, ar leasú ar leibhéal an Aontais agus ar chealú, diúltuithe, foilsithe le haghaidh freasúra, clárúcháin, formheasanna ar leasuithe ar leibhéal an Aontais, foilsithe leasuithe caighdeánacha agus sealadacha, agus cealuithe. Is é an Coimisiún a bheidh ina úinéir ar an gclár sin de chuid an Aontais. Is í Oifig Maoine Intleachtúla an Aontais Eorpaigh (‘EUIPO’) a dhéanfaidh an réiteach digiteach a óstáil agus a bhainistiú, i gcomhréir le hAirteagal 22(2) de Rialachán (AE) 2024/1143. Cuirfidh an Coimisiún na sonraí ábhartha ar fáil do EUIPO. Beidh clár an Aontais ar fáil i dteangacha oifigiúla uile an Aontais.

2.   Déanfar na sonraí seo a leanas a thaifeadadh sa chlár dá dtagraítear i mír 1, de réir mar is iomchuí:

3.   I gcomhréir le mír 2, pointe (f), déanfar na sonraí seo a leanas a thaifeadadh:

4.   Maidir le mír 2, pointe (h), in éagmais ionstraim shonrach lena gcláraítear an t-ainm, déanfar na sonraí seo a leanas a thaifeadadh:

5.   I gcás ina bhformheasfaidh an Coimisiún leasú ar leibhéal an Aontais ar shonraíocht táirge nó i gcás ina bhfaighidh sé teachtaireacht maidir le leasú caighdeánach formheasta nó neamhnithe ar shonraíocht táirge, déanfar sonraí a bhaineann leis an leasú a thaifeadadh de réir an liosta i míreanna 2 agus 3, de réir mar is iomchuí, le héifeacht ón dáta a bheidh an leasú, nó neamhniú an leasaithe, infheidhme san Aontas. Déanfar tagairtí leictreonacha d’fhoilsiú na teachtaireachta maidir le leasuithe caighdeánacha a thaifeadadh. Tagairt leictreonach a thugann an léitheoir chuig na teachtaireachtaí maidir le leasú sealadach, déanfar í a thaifeadadh chun na teachtaireachtaí sin a phoibliú.

6.   Áireofar sa sliocht as clár an Aontais um thásca geografacha na sonraí dá dtagraítear i mír 2, pointí (a) go (e), agus pointí (g) go (l).

7.   I gcás inar cealaíodh clárú táisc gheografaigh, taispeánfar i gclár an Aontais um thásca geografacha an t-ainm arna chealú ón dáta a ghabhfaidh éifeacht leis an ngníomh cur chun feidhme ábhartha. Coinneofar taifead ar an gcealú sa chlár sin, lena n-áirítear an tagairt leictreonach don chinneadh maidir le cealú.

8.   I gcás ina bhfaighidh an Coimisiún iarratas ar chlárú nó ar leasú ar leibhéal an Aontais a fhormheas, nó iarraidh ar chealú, déanfar ainm, uimhir chomhaid, aicmiú tháirge, tír thionscnaimh, cineál iarratais, dáta agus stádas an iarratais nó na hiarrata a fuarthas a thaifeadadh i gclár an Aontais um thásca geografacha. Déanfar dáta an fhoilsithe agus an tagairt leictreonach don fhoilsiú sin a thaifeadadh freisin a luaithe a fhoilseofar an t-iarratas in Iris Oifigiúil an Aontais Eorpaigh. Coimeádfar i gclár an Aontais um thásca geografacha taifead ar an gcinneadh maidir le diúltú d’iarratais, lena n-áirítear an tagairt leictreonach don chinneadh maidir le diúltú.

9.   Fanfaidh na sonraí dá dtagraítear i míreanna 2 go 5, 7 agus 8 den Airteagal seo i gclár an Aontais um thásca geografacha. Beidh na Ballstáit freagrach as an tagairt leictreonach don tsonraíocht táirge dá dtagraítear in Airteagal 13(1), pointe (e), de Rialachán (AE) 2024/1143 a choimeád gníomhach agus ag feidhmiú i gceart fad a fhanfaidh an tásc geografach faoi chosaint. Tabharfaidh an tagairt leictreonach an léitheoir go díreach chuig an leagan den tsonraíocht táirge aonair atá cothrom le dáta. Ní thabharfaidh sí an léitheoir chuig leathanaigh idirmheánacha ná chuig hipearnaisc.

1.   Má chuireann Ballstát córas fianuithe i bhfeidhm, dá dtagraítear in Airteagal 45(1), pointe (a), de Rialachán (AE) 2024/1143, féadfaidh an fianú lena ndeimhnítear comhlíonadh na sonraíochta táirge dá dtagraítear san Airteagal sin a bheith i bhfoirm leictreonach agus féadfar é a chur ar fáil trína thaispeáint ar leathanach gréasáin a bhfuil rochtain ag an oibreoir air agus óna bhféadfaidh an t-oibreoir an fianú a íoslódáil. Luafar san fhianú sin a dháta eisiúna agus beidh sé i gcarachtair Laidine nó beidh leagan tras-scríofa nó traslitrithe de i gcarachtair Laidine ag gabháil leis.

Má chuireann Ballstát córas liostaí d’oibreoirí formheasta i bhfeidhm, dá dtagraítear in Airteagal 45(1), pointe (b), de Rialachán (AE) 2024/1143, beidh sliocht an liosta (liostaithe) dá dtagraítear san Airteagal sin i bhfoirm leictreonach agus cuirfear ar fáil é trína thaispeáint ar leathanach gréasáin a bhfuil rochtain ag an oibreoir air agus óna bhféadfaidh an t-oibreoir sliocht oifigiúil den liostú comhfhreagrach a íoslódáil. Luafar sa liostú an dáta a tarraingíodh suas é. Beidh an liostú i gcarachtair Laidine nó beidh leagan tras-scríofa nó traslitrithe de i gcarachtair Laidine ag gabháil leis.

2.   Beidh na sonraí seo a leanas ar a laghad san fhianú agus sa liostú:

3.   Chun an tsaorchúrsaíocht a éascú laistigh den Aontas, féadfaidh údaráis agus comhlachtaí a eisíonn an fianú agus an liostú dá dtagraítear i mír 1 den Airteagal seo an fhoirm a leagtar amach in Iarscríbhinn IX a úsáid.

4.   Maidir le táirgí a tháirgtear i dtríú tíortha, i gcás oibreora a n-allmhairítear isteach san Aontas a tháirge arna ainmniú leis an tásc geografach cláraithe, cuirfidh sé ar fáil d’allmhaireoir an táirge san Aontas, arna iarraidh sin dó, cruthúnas ar dheimhniúchán mar oibreoir táirge arna ainmniú leis an tásc geografach sin arna sholáthar ag údarás rialaithe náisiúnta nó comhlacht deimhniúcháin an tríú tír sin.

Féadfaidh fianú nó liostú oibreoirí údaraithe a bheith i gceist leis an gcruthúnas ar dheimhniúchán dá dtagraítear sa chéad fhomhír agus féadfaidh an t-údarás rialaithe náisiúnta nó an comhlacht deimhniúcháin an cruthúnas sin a sholáthar ar bhonn díreach. Féadfaidh an cruthúnas ar dheimhniúchán a bheith i bhfoirm páipéir nó i bhfoirm leictreonach. Beidh sé i dteanga oifigiúil de chuid an Aontais, nó beidh aistriúchán i dteanga oifigiúil de chuid an Aontais ag gabháil leis, agus beidh sé i gcarachtair is furasta a thuiscint sna Ballstáit ina gcuirtear an táirge ar an margadh. Ní bheidh sé imithe in éag, i gcomhréir le dlí náisiúnta an tríú tír, an dáta a chuirfear ar fáil don allmhaireoir é.

5.   Cuirfidh an t-allmhaireoir an cruthúnas ar dheimhniúchán dá dtagraítear i mír 4 ar fáil, arna iarraidh sin, d’údaráis chustaim nó d’údaráis eile san Aontas atá i mbun fíorú a dhéanamh ar úsáid tásc geografach ar earraí a dhearbhaítear le haghaidh saorchúrsaíochta nó a chuirtear ar mhargadh an Aontais. Féadfaidh an t-allmhaireoir an cruthúnas ar dheimhniúchán a chur ar fáil don phobal nó d’aon duine a iarrfaidh cruthúnas ar dheimhniúchán le linn gnó.

1.   Nuair a chuirfidh Ballstát an t-iarratas ar chlárú ag céim an Aontais faoi bhráid an Choimisiúin, an tsonraíocht táirge agus an dearbhú ón mBallstát lena ndeimhnítear go gcomhlíonann an t-iarratas na coinníollacha maidir le clárú agus faisnéis maidir le haon fhreasúra inghlactha ar an leibhéal náisiúnta tar éis an nós imeachta náisiúnta um scrúdúcháin agus an nós imeachta freasúra, dá dtagraítear in Airteagal 57(1), pointe (a), de Rialachán (AE) 2024/1143, déanfar í a tharraingt suas i gcomhréir leis an bhfoirm arna cur ar fáil i gcóras digiteach an Choimisiúin dá dtagraítear in Airteagal 58(1) den Rialachán sin.

Beidh léiriú ar ainm an ghrúpa táirgeoirí iarrthaigh ag an gcéim náisiúnta den nós imeachta dá dtagraítear in Airteagal 56(2), pointe (a), de Rialachán (AE) 2024/1143 ag gabháil leis an iarratas ar chlárú ag céim an Aontais. Déanfar na sonraí breise sin a chur in iúl i gcomhréir leis an bhfoirm a chuirfear ar fáil i gcóras digiteach an Choimisiúin dá dtagraítear in Airteagal 58(1) den Rialachán sin.

2.   I gcás ina gcuirfidh údarás tríú tír nó iarratasóir atá bunaithe nó ina chónaí i dtríú tír an t-iarratas ar chlárú ag céim an Aontais faoi bhráid an Choimisiúin, tarraingeofar suas an tsonraíocht táirge i gcomhréir leis an bhfoirm a leagtar amach in Iarscríbhinn X a ghabhann leis an Rialachán seo. I gcás ina ndéanann gníomhaire ionadaíocht don iarratasóir, dá dtagraítear in Airteagal 57(1), pointe (b), de Rialachán (AE) 2024/1143, déanfar an chumhacht aturnae a chur in iúl gan úsáid a bhaint as formáid shonrach.

Beidh léiriú ar ainm an ghrúpa táirgeoirí iarrthaigh sa tríú tír ag gabháil leis an iarratas ar chlárú ag céim an Aontais, murab ionann é agus an t-iarratasóir ag céim an Aontais, dá dtagraítear in Airteagal 56(2), pointe (a), de Rialachán (AE) 2024/1143, agus beidh ainmneacha agus seoltaí na n-údarás inniúil agus na gcomhlachtaí deimhniúcháin táirgí arna n-ainmniú ag an tríú tír dá dtagraítear in Airteagal 72(7) den Rialachán sin ag gabháil leis an iarratas sin. Cuirfear na sonraí breise sin in iúl gan úsáid a bhaint as formáid shonrach. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 58(1) de Rialachán (AE) 2024/1143.

3.   Maidir le hiarratas comhpháirteach ar chlárú ag céim an Aontais, sa bhreis ar na heilimintí dá dtagraítear i míreanna 1 nó 2 den Airteagal seo, beidh na heilimintí dá dtagraítear in Airteagal 57(3) de Rialachán (AE) 2024/1143 ann.

1.   Seiceálfaidh an Coimisiún, i gcomhréir le hAirteagal 59 de Rialachán (AE) 2024/1143, ar líonadh iarratas ar chlárú isteach i gceart agus ar cuireadh isteach é i gcomhréir le hAirteagal 56(3), Airteagal 57(2) agus Airteagal 58 de Rialachán (AE) 2024/1143 agus le hAirteagal 35 den Rialachán seo.

2.   Maidir le hiarratas ar shainearra traidisiúnta faoi ráthaíocht a chlárú arna chur isteach ag Ballstát, measfar gur líonadh isteach i gceart é má chomhlíonann sé Airteagal 21(1).

3.   Maidir le hiarratas ar shainearra traidisiúnta faoi ráthaíocht a chlárú arna chur isteach ag tríú tír, measfar gur líonadh isteach i gceart é má chomhlíonann sé Airteagal 21(2).

4.   Measfar gur líonadh an tsonraíocht táirge isteach i gceart má áirítear inti an fhaisnéis uile a cheanglaítear le hAirteagal 54 de Rialachán (AE) 2024/1143.

5.   Measfar go gcomhlíonann iarratas a cuireadh isteach go rathúil trí chóras digiteach an Choimisiúin dá dtagraítear in Airteagal 35 ceanglais na seiceála foirmiúla dá dtagraítear i mír 1 den Airteagal seo.

6.   Maidir le hiarratas a cuireadh isteach le ríomhphost nach gcomhlíonann na ceanglais dá dtagraítear i mír 1, measfar nár cuireadh isteach é. Cuirfidh an Coimisiún an t-iarratasóir ar an eolas dá réir sin.

1.   I gcás ina bhfuil an maíomh dá dtagraítear in Airteagal 53(3) de Rialachán (AE) 2024/1143 ag gabháil le hainm sainearra thraidisiúnta faoi ráthaíocht, cuirfear an maíomh sin isteach sa tsonraíocht táirge.

2.   Foilseofar ainm daoine nádúrtha nó dlítheanacha atá sa tsonraíocht táirge.

3.   Beidh an tsonraíocht táirge atá ina cuid d’iarratas ar chlárú arna chur isteach ag tríú tír i bhformáid lenar féidir próiseáil focal a dhéanamh.

1.   Más rud é, tar éis na malartuithe dá dtagraítear in Airteagal 59(2) de Rialachán (AE) 2024/1143 idir an Coimisiún agus an Ballstát lena mbaineann, go measann an Ballstát sin go ndéantar athruithe substaintiúla ar an tsonraíocht táirge, rud a dhéanann difear do leasanna nár breithníodh sa nós imeachta náisiúnta freasúra arna dhéanamh i gcomhréir le hAirteagal 56(3) de Rialachán (AE) 2024/1143, beidh na hathruithe sin faoi réir nós imeachta freasúra breise. Sa nós imeachta náisiúnta freasúra breise sin, áiritheoidh an Ballstát go gceadófar d’aon duine nádúrtha nó dlítheanach a bhfuil leas dlisteanach aige agus atá bunaithe nó ina chónaí i gcríoch an Bhallstáit atá i gceist freasúra a chur isteach sula gcuirfear an leagan leasaithe den tsonraíocht táirge faoi bhráid Choimisiúin.

2.   Más rud é, tar éis na malartuithe dá dtagraítear i mír 1, gur gá athruithe a dhéanamh ar an tsonraíocht táirge i gcás iarratas arna chur isteach ag tríú tír, tabharfaidh an t-iarratasóir tríú tír an tsonraíocht táirge cothrom le dáta agus cuirfidh sé na hathruithe sin in iúl don Choimisiún.

1.   Tarraingeofar suas freasúra dá dtagraítear in Airteagal 61 de Rialachán (AE) 2024/1143 i gcomhréir leis an bhfoirm a leagtar amach in Iarscríbhinn XI a ghabhann leis an Rialachán seo agus beidh an méid seo a leanas ann:

Féadfaidh doiciméid tacaíochta a bheith ag gabháil leis an bhfreasúra, dá dtagraítear sa chéad fhomhír, i gcás inarb ábhartha.

2.   Beidh an méid seo a leanas san fhógra faoi thorthaí na gcomhairliúchán dá dtagraítear in Airteagal 61(6) de Rialachán (AE) 2024/1143:

3.   I gcás inar modhnaíodh an tsonraíocht táirge, déanfar an tsonraíocht táirge mhodhnaithe a chur i gceangal leis an bhfógra.

4.   An fógra faoi dheireadh na gcomhairliúchán tar éis an nós imeachta freasúra, déanfar é a tharraingt suas i gcomhréir leis an bhfoirm a leagtar amach in Iarscríbhinn XII.

5.   Maidir le hiarratas a cuireadh isteach le ríomhphost nach gcomhlíonann na ceanglais dá dtagraítear i mír 1, measfar nár cuireadh isteach é. Cuirfidh an Coimisiún an t-iarratasóir ar an eolas dá réir sin.

1.   Beidh an méid seo a leanas in iarratas ar fhormheas ar leasú ar shonraíocht táirge, dá dtagraítear in Airteagal 66 de Rialachán (AE) 2024/1143:

2.   Gheobhaidh an Coimisiún na nithe seo a leanas ar leithligh agus ní fhoilseoidh sé iad mar chuid den iarratas:

3.   Áiritheoidh na Ballstáit, údaráis tríú tíortha agus grúpaí iarrthacha atá bunaithe nó ina gcónaí i dtríú tír comhsheasmhacht idir an t-iarratas ar fhormheas ar leasú agus an tsonraíocht táirge chomhdhlúite agus nach bhfuil aon éagsúlacht ábhartha eatarthu. Comhfhreagróidh na leasuithe a liostaítear san iarratas ar fhormheas ar leasú do na leasuithe a rinneadh iarbhír ar an tsonraíocht táirge. I gcás ina n-aimsítear neamhréir tar éis formheas a dhéanamh ar leasú, glacfaidh an Ballstát, an tríú tír nó an grúpa táirgeoirí iarrthach a chuir an t-iarratas isteach na bearta is gá chun an neamhréir sin a leigheas.

4.   Maidir le hiarratas ar fhormheas ar leasú ar an tsonraíocht táirge, tarraingeofar suas é i gcomhréir leis an bhfoirm arna cur ar fáil i gcóras digiteach an Choimisiúin dá dtagraítear in Airteagal 58(1) de Rialachán (AE) 2024/1143. Bainfidh iarratasóirí ó thríú tíortha úsáid as an bhfoirm a leagtar amach in Iarscríbhinn XIII a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach sa chóras digiteach sin.

5.   Chun críocha Airteagal 66(2) de Rialachán (AE) 2024/1143, i gcomhar le hAirteagal 59(4) den Rialachán sin, anuas ar na doiciméid agus an fhaisnéis dá dtagraítear ann, arna leasú, foilseoidh an Coimisiún in Iris Oifigiúil an Aontais Eorpaigh, an t-iarratas ar fhormheas ar leasú ar an tsonraíocht táirge.

1.   Seiceálfaidh an Coimisiún, i gcomhréir le hAirteagal 59 de Rialachán (AE) 2024/1143, ar líonadh iarratas ar fhormheas ar leasú ar shonraíocht táirge isteach i gceart agus ar cuireadh isteach é i gcomhréir le hAirteagal 56(3), Airteagal 57(2) agus Airteagal 58 de Rialachán (AE) 2024/1143 agus le hAirteagal 35 den Rialachán seo.

2.   Measfar gur líonadh iarratas ar fhormheas ar leasú ar shonraíocht táirge isteach i gceart má áirítear ann na heilimintí uile dá dtagraítear in Airteagal 28(1) go (2) agus má chomhlíonann sé Airteagal 28(4).

3.   Measfar go gcomhlíonann iarratas a cuireadh isteach go rathúil trí chóras digiteach an Choimisiúin dá dtagraítear in Airteagal 35 ceanglais na seiceála foirmiúla dá dtagraítear i mír 1 den Airteagal seo.

4.   Maidir le hiarratas a cuireadh isteach le ríomhphost nach gcomhlíonann na ceanglais dá dtagraítear i mír 1, measfar nár cuireadh isteach é. Cuirfidh an Coimisiún an t-iarratasóir ar an eolas dá réir sin.

1.   Beidh an méid seo a leanas in iarraidh ar chlárú sainearraí thraidisiúnta faoi ráthaíocht a chealú de bhun Airteagal 67(1) de Rialachán (AE) 2024/1143:

Déanfar sonraí teagmhála an duine nádúrtha nó dhlítheanaigh, nó an ghrúpa táirgeoirí, nó údarás nó chomhlachtaí an Bhallstáit nó an tríú tír dá dtagraítear sa chéad fhomhír, pointí (b), (c) agus (d), a chur in iúl ar leithligh. Murab ionann is na hainmneacha, ní fhoilseofar sonraí teagmhála na n-údarás, na ndaoine, na ngrúpaí nó na gcomhlachtaí sin mar chuid den iarraidh ar chealú.

2.   Tarraingeofar suas iarraidh ar shainearra traidisiúnta faoi ráthaíocht a chealú de bhun Airteagal 67(1) de Rialachán (AE) 2024/1143 i gcomhréir leis an bhfoirm a leagtar amach in Iarscríbhinn XIV a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 58(1) de Rialachán (AE) 2024/1143.

3.   Féadfaidh na Ballstáit tús a chur le céim náisiúnta an nós imeachta um chealú as a stuaim féin. Sa chás sin, féadfar an fhaisnéis dá dtagraítear i mír 1, an chéad fhomhír, pointí (c) agus (e), a fhágáil ar lár.

4.   I gcás ina ndéanann an Coimisiún cealú as a stuaim féin, cuirfear tús leis an nós imeachta go díreach ag céim an Aontais. Foilseoidh an Coimisiún, le haghaidh freasúra, i gcomhréir le hAirteagal 59(4) de Rialachán (AE) 2024/1143, a thogra féin maidir le cealú, ina mbeidh na heilimintí dá dtagraítear i mír 1 den Airteagal seo, mutatis mutandis.

5.   Maidir le hiarraidh ar chlárú sainearra thraidisiúnta faoi ráthaíocht a chealú de bhun Airteagal 67(2) de Rialachán (AE) 2024/1143, cuirfidh gníomhaire atá sainordaithe ag na táirgeoirí isteach í.

6.   Beidh an méid seo a leanas in iarraidh ar chealú de bhun Airteagal 67(2) de Rialachán (AE) 2024/1143 a chuirfear faoi bhráid an Choimisiúin:

Déanfar sonraí teagmhála údarás an Bhallstáit nó an tríú tír nó an ghníomhaire a dhéanann ionadaíocht do na táirgeoirí, dá dtagraítear sa chéad fhomhír, pointí (c), (d) agus (e), a chur in iúl ar leithligh. Ní fhoilseofar sonraí teagmhála na n-údarás ná na ngníomhairí sin mar chuid den iarraidh ar chealú. Foilseofar a n-ainmneacha, áfach.

7.   Tarraingeofar suas iarraidh ar chlárú sainearra thraidisiúnta faoi ráthaíocht a chealú de bhun Airteagal 67(2) de Rialachán (AE) 2024/1143 i gcomhréir leis an bhfoirm a leagtar amach in Iarscríbhinn XV a ghabhann leis an Rialachán seo. Féadfaidh an Coimisiún an fhaisnéis a sholáthraítear a chur isteach ina chóras digiteach dá dtagraítear in Airteagal 58(1) de Rialachán (AE) 2024/1143.

8.   Beidh iarraidh ar chealú arna líonadh isteach go cuí dá dtagraítear i mír 1 nó 6 den Airteagal seo san fhaisnéis atá le foilsiú de bhun Airteagal 59(4) de Rialachán (AE) 2024/1143.

1.   Seiceálfaidh an Coimisiún, i gcomhréir le hAirteagal 59 de Rialachán (AE) 2024/1143, ar líonadh iarraidh ar chlárú sainearraí thraidisiúnta faoi ráthaíocht a chealú isteach i gceart agus ar cuireadh isteach í i gcomhréir le hAirteagal 56(3), Airteagal 57(2) agus Airteagal 58 de Rialachán (AE) 2024/1143 agus le hAirteagal 35 den Rialachán seo.

2.   Measfar gur líonadh iarraidh ar chlárú sainearra thraidisiúnta faoi ráthaíocht a chealú isteach i gceart má áirítear inti na heilimintí uile dá dtagraítear in Airteagal 30(1) nó (6) agus má chomhlíonann sí Airteagal 30(2) nó (7).

3.   Maidir le hiarraidh ar chlárú sainearra thraidisiúnta faoi ráthaíocht a chealú nach gcomhlíonann na ceanglais dá dtagraítear i mír 1, measfar nár cuireadh isteach í. Cuirfidh an Coimisiún an t-eintiteas iarrthach ar an eolas dá réir sin.

1.   Bunófar clár an Aontais um shainearraí traidisiúnta faoi ráthaíocht dá dtagraítear in Airteagal 65 de Rialachán (AE) 2024/1143 mar réiteach digiteach lena gceadófar stóráil theicniúil agus rochtain phoiblí ar gach iontráil a bhaineann le sainearraí traidisiúnta faoi ráthaíocht, lena n-áirítear iarratais ar chlárú, ar leasú agus ar chealú, diúltuithe, foilsithe le haghaidh freasúra, clárúcháin, formheasanna ar leasuithe agus cealuithe. Is é an Coimisiún a bheidh ina úinéir ar an gclár sin. Is é an Coimisiún a dhéanfaidh an réiteach digiteach a óstáil agus a bhainistiú.

2.   Déanfar na sonraí seo a leanas a thaifeadadh sa chlár dá dtagraítear i mír 1, de réir mar is iomchuí:

3.   I gcás ina bhformheasfaidh an Coimisiún leasú ar shonraíocht táirge, déanfar na sonraí a bhaineann leis an leasú a thaifeadadh de réir an liosta i mír 2 de réir mar is iomchuí, le héifeacht ón dáta a bheidh an leasú infheidhme san Aontas. Déanfar tagairt leictreonach d’fhoilsiú rialachán lena bhformheastar leasú in Iris Oifigiúil an Aontais Eorpaigh a thaifeadadh.

4.   I gcás ina gcealófar clárú sainearra thraidisiúnta faoi ráthaíocht, taispeánfar i gclár an Aontais um shainearraí traidisiúnta faoi ráthaíocht an t-ainm arna chealú ón dáta a ghabhfaidh éifeacht leis an ngníomh cur chun feidhme ábhartha. Coinneofar taifead ar an gcealú sa chlár sin, lena n-áirítear an tagairt leictreonach don chinneadh maidir le cealú.

5.   I gcás ina bhfaighidh an Coimisiún iarratas ar chlárú nó ar leasú a fhormheas, nó iarraidh ar chealú, déanfar ainm, uimhir chomhaid, aicme tháirge, tír thionscnaimh, cineál iarratais, dáta agus stádas an iarratais nó na hiarrata a fuarthas a thaifeadadh i gclár an Aontais um shainearraí traidisiúnta faoi ráthaíocht. Déanfar dáta an fhoilsithe agus an tagairt leictreonach don fhoilsiú sin a thaifeadadh freisin a luaithe a fhoilseofar an t-iarratas in Iris Oifigiúil an Aontais Eorpaigh. Coimeádfar i gclár an Aontais um shainearraí traidisiúnta faoi ráthaíocht taifead ar an gcinneadh maidir le diúltú iarratas, lena n-áirítear an tagairt leictreonach don chinneadh maidir le diúltú.

6.   Fanfaidh na sonraí dá dtagraítear i míreanna 2 go 5 i gclár an Aontais um shainearraí traidisiúnta faoi ráthaíocht.

1.   Má chuireann Ballstát córas fianuithe i bhfeidhm, dá dtagraítear in Airteagal 77(1), pointe (a), de Rialachán (AE) 2024/1143, féadfaidh an fianú lena ndeimhnítear comhlíonadh na sonraíochta táirge dá dtagraítear san Airteagal sin a bheith i bhfoirm leictreonach. Féadfar é a chur ar fáil trína thaispeáint ar leathanach gréasáin a bhfuil rochtain ag an oibreoir air agus óna bhféadfaidh an t-oibreoir an fianú a íoslódáil. Luafar san fhianú a dháta eisiúna agus beidh sé i gcarachtair Laidine nó beidh leagan tras-scríofa nó traslitrithe de i gcarachtair Laidine ag gabháil leis.

Má chuireann Ballstát córas liostaí d’oibreoirí formheasta i bhfeidhm, dá dtagraítear in Airteagal 77(1), pointe (b), de Rialachán (AE) 2024/1143, beidh sliocht an liosta (liostaithe) dá dtagraítear san Airteagal sin i bhfoirm leictreonach agus cuirfear ar fáil é trína thaispeáint ar leathanach gréasáin a bhfuil rochtain ag an oibreoir air agus óna bhféadfaidh an t-oibreoir sliocht oifigiúil den liostú comhfhreagrach a íoslódáil. Luafar sa liostú an dáta a tarraingíodh suas é. Beidh an liostú i gcarachtair Laidine nó beidh leagan tras-scríofa nó traslitrithe de i gcarachtair Laidine ag gabháil leis.

2.   Beidh na sonraí seo a leanas ar a laghad san fhianú agus sa liostú dá dtagraítear i mír 1:

3.   Chun an tsaorchúrsaíocht a éascú laistigh den Aontas, féadfaidh údaráis agus comhlachtaí a eisíonn an fianú agus an liostú dá dtagraítear i mír 1 den Airteagal seo an fhoirm a leagtar amach in Iarscríbhinn XVI a úsáid.

4.   Maidir le táirgí a tháirgtear i dtríú tíortha, i gcás oibreora a n-allmhairítear isteach san Aontas a tháirge arna ainmniú leis an sainearra traidisiúnta faoi ráthaíocht atá cláraithe, cuirfidh sé ar fáil d’allmhaireoir an táirge san Aontas, arna iarraidh sin dó, cruthúnas ar dheimhniúchán mar oibreoir táirge arna ainmniú leis an sainearra traidisiúnta faoi ráthaíocht sin arna sholáthar ag údarás rialaithe náisiúnta nó comhlacht deimhniúcháin an tríú tír sin.

Féadfaidh fianú nó liostú oibreoirí údaraithe a bheith i gceist leis an gcruthúnas ar dheimhniúchán dá dtagraítear sa chéad fhomhír agus féadfaidh an t-údarás rialaithe náisiúnta nó an comhlacht deimhniúcháin an cruthúnas sin a sholáthar ar bhonn díreach. Féadfaidh an cruthúnas ar dheimhniúchán a bheith i bhfoirm páipéir nó i bhfoirm leictreonach. Beidh sé i dteanga oifigiúil de chuid an Aontais, nó beidh aistriúchán i dteanga oifigiúil de chuid an Aontais ag gabháil leis, agus beidh sé i gcarachtair is furasta a thuiscint sa Bhallstát nó sna Ballstáit ina gcuirtear an táirge ar an margadh. Ní bheidh sé imithe in éag, i gcomhréir le dlí náisiúnta an tríú tír, an dáta a chuirfear ar fáil don allmhaireoir é.

5.   Cuirfidh an t-allmhaireoir an cruthúnas ar dheimhniúchán dá dtagraítear i mír 4 ar fáil, arna iarraidh sin, d’údaráis chustaim nó d’údaráis eile san Aontas atá i mbun fíorú a dhéanamh ar úsáid sainearraí traidisiúnta faoi ráthaíocht i dtaobh earraí a dhearbhaítear le haghaidh saorchúrsaíochta nó a chuirtear ar mhargadh an Aontais. Féadfaidh an t-allmhaireoir an cruthúnas ar dheimhniúchán a chur ar fáil don phobal nó d’aon duine a iarrfaidh cruthúnas ar dheimhniúchán le linn gnó.

1.   Déanfar siombailí an Aontais dá dtagraítear in Airteagal 37(2) agus Airteagal 70(1) de Rialachán (AE) 2024/1143 a atáirgeadh mar a leagtar síos in Iarscríbhinn XVII a ghabhann leis an Rialachán seo.

2.   I gcás ina mbeidh siombailí, tásca nó giorrúcháin chomhfhreagracha an Aontais dá dtagraítear in Airteagail 37 agus 70 de Rialachán (AE) 2024/1143 le feiceáil ar lipéadú táirge, beidh an t-ainm cláraithe ag gabháil leo.

3.   Féadfar na tásca ‘AINMNIÚCHÁN TIONSCNAIMH FAOI CHOSAINT’, ‘TÁSC GEOGRAFACH FAOI CHOSAINT’ agus ‘SAINEARRA TRAIDISIÚNTA FAOI RÁTHAÍOCHT’ laistigh den tsiombail a úsáid in aon cheann de theangacha oifigiúla an Aontais mar a leagtar síos in Iarscríbhinn XVII.

1.   Na doiciméid agus an fhaisnéis is gá chun Caibidlí I, II agus III de Rialachán (AE) 2024/1143 a chur chun feidhme, cuirfear faoi bhráid an Choimisiúin iad mar a leanas:

Beidh feidhm ag Rialachán Tarmligthe (AE) 2017/1183 agus Rialachán Cur Chun Feidhme (AE) 2017/1185 maidir leis an gcumarsáid a dhéanfar faoin gcéad fhomhír, pointe (a), den mhír seo.

Coimeádfaidh an Coimisiún na Ballstáit ar an eolas faoi athruithe arna ndéanamh ar na córais dhigiteacha dá dtagraítear in Airteagal 14(1) agus Airteagal 58(1) de Rialachán (AE) 2024/1143.

2.   De mhaolú ar mhír 1, an chéad fhomhír, pointe (a), is le ríomhphost a chuirfidh údaráis inniúla na mBallstát na doiciméid seo a leanas isteach:

3.   Déanfaidh an Coimisiún faisnéis a chur in iúl agus a chur ar fáil d’údaráis inniúla na mBallstát tríd an gcóras digiteach ábhartha i gcomhréir le mír 1, an chéad fhomhír, pointe (a).

Cuirfidh an Coimisiún faisnéis ar fáil le ríomhphost do na húdaráis inniúla, do na grúpaí táirgeoirí, don duine nádúrtha nó dlítheanach atá bunaithe nó ina chónaí i dtríú tír, i gcomhthéacs na nósanna imeachta dá dtagraítear i mír 1, an chéad fhomhír, pointe (b), agus d’údaráis inniúla na mBallstát, i gcomhthéacs na nósanna imeachta dá dtagraítear i mír 2.

4.   I gcás cumarsáid theicniúil oifigiúil, cuirfidh gach Ballstát in iúl don Choimisiún pointe teagmhála amháin arb éard atá ann seoladh roinne agus seoladh poist, seoladh bosca ríomhphoist fheidhmiúil, agus uimhir theileafóin roinne. Coimeádfaidh na Ballstáit na pointí teagmhála sin cothrom le dáta. Leis na sonraí sin, ní shainaithneofar ach feidhmeanna oifigiúla, oifigí agus ranna. Ní shainaithneofar aon duine nádúrtha ná sonraí pearsanta le haon cheann de na sonraí.

Féadfaidh an Coimisiún liosta iomlán na bpointí teagmhála sin a choimeád, a stóráil, a chomhroinnt, a chur ar fáil don phobal agus a scaipeadh go tréimhsiúil, lena n-áirítear chuig a sheirbhísí féin, chuig institiúidí agus comhlachtaí eile an Aontais, agus chuig gach pointe teagmhála ar an liosta. Féadfaidh an Coimisiún a cheangal go gcuirfidh na Ballstáit na sonraí sin isteach trí na córais dhigiteacha dá dtagraítear in Airteagal 14(1) agus Airteagal 58(1) de Rialachán (AE) 2024/1143.

1.   Measfar go ndearnadh an chumarsáid agus cur isteach na ndoiciméad agus na faisnéise dá dtagraítear in Airteagal 35 an dáta a gheobhaidh an Coimisiún í.

2.   Is tríd an gcóras digiteach sin a dheimhneoidh an Coimisiún go bhfuarthas gach mír chumarsáide a fuarthas agus gach comhad arna gcur faoi bhráid údaráis inniúla na mBallstát tríd an gcóras digiteach dá dtagraítear in Airteagal 35(1), an chéad fhomhír, pointe (a).

Sannfaidh an Coimisiún uimhir chomhaid do gach leagan nua de na nithe seo a leanas: iarratas ar chlárú, iarratas ar fhormheas ar leasú ar leibhéal an Aontais ar an tsonraíocht táirge le haghaidh tásc geografach, gach iarratas ar fhormheas ar leasú ar shonraíocht táirge le haghaidh sainearra traidisiúnta faoi ráthaíocht, teachtaireacht maidir le leasuithe caighdeánacha formheasta, agus teachtaireacht maidir le leasuithe sealadacha formheasta.

Beidh na heilimintí seo a leanas ar a laghad sa deimhniú fála:

Is tríd an gcóras digiteach dá dtagraítear in Airteagal 35(1), an chéad fhomhír, pointe (a), a thabharfaidh an Coimisiún fógra faoin gcumarsáid sin agus faoi chur isteach na ndoiciméad agus na faisnéise sin dá dtagraítear sa chéad fhomhír agus a chuirfidh sé faisnéis agus nótaí maidir leo ar fáil.

3.   Deimhneoidh an Coimisiún le ríomhphost go bhfuarthas gach cumarsáid agus cur isteach na gcomhad a fuarthas le ríomhphost.

Sannfaidh an Coimisiún uimhir chomhaid do gach leagan nua de na nithe seo a leanas: iarratas ar chlárú, iarratas ar fhormheas ar leasú ar leibhéal an Aontais ar shonraíocht táirge le haghaidh tásc geografach, iarratas ar fhormheas ar leasú ar shonraíocht táirge le haghaidh sainearra traidisiúnta faoi ráthaíocht, teachtaireacht maidir le leasuithe caighdeánacha formheasta, agus teachtaireacht maidir le leasuithe sealadacha formheasta agus iarraidh ar chealú.

Beidh na heilimintí seo a leanas ar a laghad sa deimhniú fála:

Is le ríomhphost a thabharfaidh an Coimisiún fógra faoi chumarsáid agus cur isteach na ndoiciméad agus na faisnéise sin dá dtagraítear sa chéad fhomhír agus a chuirfidh sé faisnéis agus nótaí maidir leo ar fáil.

4.   Beidh feidhm mutatis mutandis ag Airteagal 4 de Rialachán Tarmligthe (AE) 2017/1183 agus ag Airteagail 1 go 5 de Rialachán Cur Chun Feidhme (AE) 2017/1185 maidir le fógra a thabhairt faoi fhaisnéis dá dtagraítear i míreanna 1 agus 2 den Airteagal seo agus maidir leis an bhfaisnéis sin a chur isteach.