Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘134.

Vadim Viktorovich BULGAKOV

ar a dtugtar freisin

Vadym Viktorovych BULHAKOV

Вадим Викторович БУЛГАКОВ

(Litriú Rúisise)

Post: Ceann ar Directorate of the Russian Federal Penal Enforcement Service (Stiúrthóireacht Sheirbhís Chónaidhme Forfheidhmithe Phionósach na Rúise) do “Poblacht na Crimé agus Cathair Sevastopol”

Dáta breithe: 30.1.1969

Áit bhreithe: Simferopol, an Úcráin

Náisiúntacht: Úcránach, Rúiseach

Uimhir aitheantais chánach Úcránach (ДРФО): 2523214611

Uimhir aitheantais chánach Rúiseach (ИНН): 910218275068

Inscne: fireann

Seoladh: Simferopol, Poblacht Fhéinrialaitheach na Crimé, an Úcráin

Daoine aonair comhlachaithe: Arkady Alexandrovich Gostev, Stiúrthóir Russian Federal Penitentiary Service (Seirbhís Pheannaideach Chónaidhme na Rúise) Aleksei Nikolaevich Pikin, Leas-Cheann Stiúrthóireacht Sheirbhís Chónaidhme Forfheidhmithe Phionósach na Rúise do “Poblacht na Crimé agus Cathair Sevastopol”

Ó mhí na Samhna 2014, is é Vadim Bulgakov Ceann ar Directorate of the Russian Federal Penal Enforcement Service (Stiúrthóireacht Sheirbhís Chónaidhme Forfheidhmithe Phionósach na Rúise) do “Poblacht na Crimé agus Cathair Sevastopol”. Is é an t-aon duine amháin a bhfuil údarás iomlán aige ar ghníomhaíochtaí na Stiúrthóireachta agus, dá réir sin, tá freagracht phearsanta air as seirbhísí leighis a sholáthar go cuí do dhaoine atá á gcoinneáil agus do phríosúnaigh sa Chrimé, i measc rudaí eile. Sa cháil sin, tá sé freagrach as cúram agus cóir leighis leordhóthanach a dhiúltú go forleathan agus go córasach do dhaoine atá á gcoinneáil agus do phríosúnaigh, go háirithe príosúnaigh pholaitiúla. Is ionann sin agus íde atá cruálach, mídhaonna nó táireach.

Ó ceapadh é mar Cheann na Stiúrthóireachta in 2014, tá na sáruithe forleathana córasacha atá á ndéanamh ar chearta an duine in ionaid choinneála na Crimé doiciméadaithe ag na Náisiúin Aontaithe agus ag an gCúirt Eorpach um Chearta an Duine. Go háirithe, an cleachtas riaracháin maidir le drochíde agus cúram leighis a dhiúltiú do phríosúnaigh pholaitiúla, ar íde nó pionóis atá cruálach, mídhaonna nó táireach é, a tharla arís agus arís eile in ionad coinneála Simferopol sa Chrimé ó ceapadh é. Tá sé freagrach, go háirithe, as drochíde a thabhairt do chosantóirí chearta an duine Iryna Danylovych agus Amet Suleymanov, ar diúltaíodh cúram leighis cuí dóibh ar feadh roinnt míonna le linn a bpríosúnachta in ionad coinneála Simferopol.

Tá Vadim Bulgakov freagrach, dá bhrí sin, as sáruithe nó mí-úsáidí tromchúiseacha chearta an duine, eadhon íde nó pionós atá cruálach, mídhaonna nó táireach, go háirithe i ndáil le príosúnaigh pholaitiúla atá faoi choinneáil in ionaid choinneála sa Chrimé.

5.9.2025

135.

Aleksei Nikolaevich PIKIN

ar a dtugtar freisin

Alexey Nikolaevich PIKIN

Алексей Николаевич ПИКИН

(Litriú Rúisise)

Post: Leas-Cheann ar Directorate of the Russian Federal Penal Enforcement Service (Stiúrthóireacht Sheirbhís Chónaidhme Forfheidhmithe Phionósach na Rúise) do “Poblacht na Crimé agus Cathair Sevastopol”

Dáta breithe: 9.8.1975

Náisiúntacht: Rúiseach

Inscne: fireann

Seoladh: Voronezh, Voronezh Region, an Rúis

Daoine aonair comhlachaithe: Arkady Alexandrovich Gostev, Stiúrthóir Russian Federal Penitentiary Service (Seirbhís Pheannaideach Chónaidhme na Rúise) Vadim Viktorovich Bulgakov, Ceann Stiúrthóireacht Sheirbhís Chónaidhme Forfheidhmithe Phionósach na Rúise do “Poblacht na Crimé agus Cathair Sevastopol”

Is é Aleksei Pikin Leas-Cheann ar Directorate of the Russian Federal Penal Enforcement Service (Stiúrthóireacht Sheirbhís Chónaidhme Forfheidhmithe Phionósach na Rúise) do “Poblacht na Crimé agus Cathair Sevastopol” ó mhí na Bealtaine 2016. Laistigh den struchtúr sin, tá sé freagrach as an gcóras pionósach réigiúnach sa Chrimé agus in Sevastopol a bhainistiú agus a chomhordú, lena n-áirítear iompar foirne, leas príosúnach, agus sáruithe ar an dlí sna saoráidí coinneála a chosc. I bhfianaise an tsainordaithe seo, tá sé freagrach as aon sáruithe ar chearta an duine a rinneadh i gcoinne daoine ar gearradh príosúnacht orthu sa Chrimé, lena n-áirítear mí-úsáidí a rinne an fhoireann, bearta araíonachta neamhdhleathacha, nó mainneachtain céastóireacht, drochíde nó diúltú ceart bunúsach sa chóras pionósach a chosc. Tá sé freagrach as cúram leighis agus cóir leighis cuí a dhiúltú go forleathan agus go córasach do dhaoine atá á gcoinneáil agus do phríosúnaigh, go háirithe príosúnaigh pholaitiúla. Is ionann sin agus íde atá cruálach, mídhaonna nó táireach.

Ó ceapadh é mar Leas-Cheann in 2016, tá na sáruithe forleathana córasacha atá á ndéanamh ar chearta an duine in ionaid choinneála na Crimé doiciméadaithe ag na Náisiúin Aontaithe agus ag an gCúirt Eorpach um Chearta an Duine. Go háirithe, an cleachtas riaracháin maidir le drochíde agus cúram leighis a dhiúltú do phríosúnaigh pholaitiúla, ar íde nó pionóis atá cruálach, mídhaonna nó táireach é, a tharla arís agus arís eile faoina údarás in ionad coinneála Simferopol sa Chrimé ó ceapadh é. Go háirithe, tá sé freagrach as drochíde a thabhairt do chosantóirí chearta an duine Iryna Danylovych agus Amet Suleymanov, ar diúltaíodh cúram leighis cuí dóibh ar feadh roinnt míonna le linn a bpríosúnachta in ionad coinneála Simferopol.

Tá Aleksei Pikin freagrach, dá bhrí sin, as sáruithe nó mí-úsáidí tromchúiseacha chearta an duine, eadhon, íde nó pionós atá cruálach, mídhaonna nó táireach, go háirithe i ndáil le príosúnaigh pholaitiúla atá faoi choinneáil in ionaid choinneála sa Chrimé.

5.9.2025’