This document is an excerpt from the EUR-Lex website
Document 32025D0171
Council Decision (CFSP) 2025/171 of 27 January 2025 amending Decision (CFSP) 2019/797 concerning restrictive measures against cyber-attacks threatening the Union or its Member States
Cinneadh (CBES) 2025/171 ón gComhairle an 27 Eanáir 2025 lena leasaítear Cinneadh (CBES) 2019/797 a bhaineann le bearta sriantacha i gcoinne cibirionsaithe lena mbagraítear ar an Aontas nó ar a Bhallstáit
Cinneadh (CBES) 2025/171 ón gComhairle an 27 Eanáir 2025 lena leasaítear Cinneadh (CBES) 2019/797 a bhaineann le bearta sriantacha i gcoinne cibirionsaithe lena mbagraítear ar an Aontas nó ar a Bhallstáit
ST/5128/2025/INIT
IO L, 2025/171, 27.1.2025, ELI: http://data.europa.eu/eli/dec/2025/171/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 27/01/2025; Dáta ar glacadh
- Date of effect:
- 27/01/2025; Teacht i bhfeidhm Dáta foilsithe Féach Airt. 2
- Date of end of validity:
- 18/05/2028; Nasctha le 32019D0797
- Author:
- Comhairle an Aontais Eorpaigh
- Form:
- Cinneadh
- Treaty:
- An Conradh ar an Aontas Eorpach
- Legal basis:
- Link
- Select all documents based on this document
- Link
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32019D0797 Cur le iarscríbhinn cuid A pointe 15 27/01/2025 Modifies 32019D0797 Cur le iarscríbhinn cuid A pointe 16 27/01/2025 Modifies 32019D0797 Cur le iarscríbhinn cuid A pointe 17 27/01/2025
- EUROVOC descriptor:
- Subject matter:
- Directory code:
-
- 18.00.00.00 Comhbheartas Eachtrach agus Slándála
|
Iris Oifigiúil |
GA Sraith L |
|
2025/171 |
27.1.2025 |
CINNEADH (CBES) 2025/171 ÓN gCOMHAIRLE
an 27 Eanáir 2025
lena leasaítear Cinneadh (CBES) 2019/797 a bhaineann le bearta sriantacha i gcoinne cibirionsaithe lena mbagraítear ar an Aontas nó ar a Bhallstáit
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 17 Bealtaine 2019, ghlac an Chomhairle Cinneadh (CBES) 2019/797 (1). |
|
(2) |
Tá bearta sriantacha spriocdhírithe i gcoinne cibirionsaithe a dhéanann mórdhíobháil agus ar bagairt sheachtrach iad ar an Aontas nó ar a Bhallstáit, ar cheann de na bearta a áirítear i gcreat an Aontais le haghaidh freagairt chomhpháirteach taidhleoireachta ar chibirghníomhaíochtaí mailíseacha, eadhon Bosca Uirlisí na Cibearthaidhleoireachta, agus is uirlis ríthábhachtach iad chun gníomhaíochtaí den sórt sin a chosc, a dhíspreagadh agus freagairt orthu. |
|
(3) |
Tá méadú ag teacht ar líon, minicíocht agus sofaisticiúlacht na gcibirghníomhaíochtaí mailíseacha i gcoinne bonneagar criticiúil nó seirbhísí bunriachtanacha, lena n-áirítear trí bhogearraí éirice agus díothúcháin a úsáid, díriú ar shlabhraí soláthair agus cibirspiaireacht, lena n-áirítear gníomhaíochtaí gadaíochta maoine intleachtúla. Lena gcuid éifeachtaí suaiteacha millteacha, is bagairt shistéamach iad na gníomhaíochtaí sin ar shlándáil, ar gheilleagar, ar dhaonlathas agus ar shochaí an Aontais i gcoitinne. |
|
(4) |
In 2020, rinneadh cibirionsaithe a raibh éifeacht a rinne mórdhíobháil ar an Eastóin. Rinneadh cibirionsaithe a bhí dírithe ar chórais ríomhaireachta institiúidí éagsúla, agus é mar aidhm leo úsáid a bhaint as na sonraí chun bagairt a dhéanamh ar shlándáil Phoblacht na hEastóine. Bhain na cibirionsaithe sin le faisnéis rúnaicmithe a stóráil. |
|
(5) |
Mar chuid den ghníomhaíocht leanúnach, oiriúnaithe agus chomhordaithe ón Aontas i gcoinne gníomhaithe a bhíonn i mbun cibearbhagairtí ar bhonn leanúnach, ba cheart triúr daoine nádúrtha a áireamh ar liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir na mbeart sriantach a leagtar amach san Iarscríbhinn a ghabhann le Cinneadh (CBES) 2019/797. Tá na daoine sin freagrach as cibirionsaithe a rinne mórdhíobháil agus ar bagairt sheachtrach iad ar an Aontas nó ar a Bhallstáit, nó tá siad páirteach iontu. |
|
(6) |
Ba cheart, dá bhrí sin, Cinneadh (CBES) 2019/797 a leasú dá réir, |
TAR ÉIS AN CINNEADH SEO A GHLACADH:
Airteagal 1
Leasaítear an Iarscríbhinn a ghabhann le Cinneadh (CBES) 2019/797 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 27 Eanáir 2025.
Thar ceann na Comhairle
An tUachtarán
K. KALLAS
(1) Cinneadh (CBES) 2019/797 ón gComhairle an 17 Bealtaine 2019 a bhaineann le bearta sriantacha i gcoinne cibirionsaithe lena mbagraítear ar an Aontas nó ar a Bhallstáit (IO L 129 I, 17.5.2019, lch. 13).
IARSCRÍBHINN
San Iarscríbhinn a ghabhann le Cinneadh (CBES) 2019/797, cuirtear na hiontrálacha seo a leanas leis faoin gceannteideal ‘A. Daoine nádúrtha’:
|
|
Ainm |
Faisnéis aitheantais |
Cúiseanna |
Dáta an liostaithe |
|
‘15. |
Nikolay Alexandrovich KORCHAGIN |
Николай Александрович Корчагин Dáta breithe: 16.9.1997 Náisiúntacht: Rúiseach Inscne: fireann Eintiteas comhlachaithe: Príomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise |
Tá Nikolay Korchagin páirteach i gcibirionsaithe a dhéanann mórdhíobháil agus tá sé freagrach astu trí ghníomhaíochtaí faisnéise a dhéanamh atá dírithe ar Phoblacht na hEastóine agus trí rochtain a fháil ar chóras ríomhaireachta go neamhdhleathach. Is oifigeach d’aonad míleata 29155 i bPríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GRU) é Nikolay Korchagin. Sa ról sin, tá baint aige le cibirionsaithe ar chórais ríomhaireachta agus tá sé freagrach astu agus é mar aidhm acu sonraí a bhailiú ó chórais sonraí institiúidí éagsúla, a thugann forléargas go neamhspleách nó i dteannta a chéile ar bheartas cibearshlándála Phoblacht na hEastóine, ar chibearchumais an stáit, ar shonraí pearsanta íogaire agus ar shonraí íogaire eile, chun iad a úsáid chun bagairt a dhéanamh ar shlándáil na hEastóine. Dá bhrí sin baineann na hionsaithe le faisnéise rúnaicmithe a stóráil. Bhain na hionsaithe le comhghuaillithe agus le comhpháirtithe na hEastóine. Dá bhrí sin, tá Nikolay Korchagin páirteach i gcibirionsaithe a dhéanann mórdhíobháil ar bagairt sheachtrach ar Bhallstát iad agus tá sé freagrach astu. |
27.1.2025 |
|
16. |
Vitaly SHEVCHENKO |
Виталий Шевченко Dáta breithe: 1.9.1997 Náisiúntacht: Rúiseach Inscne: fireann Eintiteas comhlachaithe: Príomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise |
Tá Vitaly Shevchenko páirteach i gcibirionsaithe a dhéanann mórdhíobháil agus tá sé freagrach astu trí ghníomhaíochtaí faisnéise a dhéanamh atá dírithe ar an Eastóinagus trí rochtain a fháil ar chóras ríomhaireachta go neamhdhleathach. Is oifigeach d’aonad míleata 29155 i bPríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GRU) é Vitaly Shevchenko. Sa ról sin, tá baint aige le cibirionsaithe ar chórais ríomhaireachta agus tá sé freagrach astu agus é mar aidhm acu sonraí a bhailiú ó chórais sonraí institiúidí éagsúla, a thugann forléargas go neamhspleách nó i dteannta a chéile ar bheartas cibearshlándála na hEastóine, ar chibearchumais an stáit, ar shonraí pearsanta íogaire agus ar shonraí íogaire eile, chun iad a úsáid chun bagairt a dhéanamh ar shlándáil na hEastóine. Dá bhrí sin, baineann na hionsaithe le faisnéise rúnaicmithe a stóráil. Bhain na hionsaithe le comhghuaillithe agus le comhpháirtithe na hEastóine. Dá bhrí sin, tá Vitaly Shevchenko páirteach i gcibirionsaithe a dhéanann mórdhíobháil ar bagairt sheachtrach ar Bhallstát iad agus tá sé freagrach astu. |
27.1.2025 |
|
17. |
Yuriy Fedorovich DENISOV |
Юрий Федорович Денисов Dáta breithe: 17.6.1980 Náisiúntacht: Rúiseach Inscne: fireann Eintiteas comhlachaithe: Príomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise |
Tá Yuriy Denisov páirteach i gcibirionsaithe suntasacha agus tá sé freagrach astu trí ghníomhaíochtaí faisnéise a dhéanamh atá dírithe ar an Eastóin agus trí rochtain a fháil ar chóras ríomhaireachta go neamhdhleathach. Is oifigeach d’aonad míleata 29155 i bPríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GRU) é Yuriy Fedorovich Denisov. Sa ról sin, tá baint aige le cibirionsaithe ar chórais ríomhaireachta agus tá sé freagrach astu agus é mar aidhm acu sonraí a bhailiú ó chórais sonraí institiúidí éagsúla, a thugann forléargas go neamhspleách nó i dteannta a chéile ar bheartas cibearshlándála na hEastóine, ar chibearchumais an stáit, ar shonraí pearsanta íogaire agus ar shonraí íogaire eile, chun iad a úsáid chun bagairt a dhéanamh ar shlándáil na hEastóine. Dá bhrí sin baineann na hionsaithe le faisnéise rúnaicmithe a stóráil. Bhain na hionsaithe le comhghuaillithe agus le comhpháirtithe na hEastóine. Dá bhrí sin, tá Yuriy Denisov páirteach i gcibirionsaithe a dhéanann mórdhíobháil ar bagairt sheachtrach ar Bhallstát iad agus tá sé freagrach astu. |
27.1.2025’ |
ELI: http://data.europa.eu/eli/dec/2025/171/oj
ISSN 1977-0839 (electronic edition)
