Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘115.

Abdel Karim Mohammad IBRAHIM

عبد الكريم محمود إبراهيم

(litriú Araibise)

Post/poist: Ceann foirne Arm na Siria

Áit bhreithe: Tartous, an tSiria

Náisiúntacht: Siriach

Inscne: fireann

Is é Abdel Karim Mohammad Ibrahim ceann foirne Arm na Siria.

Déanann stát na Siria, lena n-áirítear an t-arm, céasadh córasach agus forleathan, éigniú agus foréigean gnéasach agus inscnebhunaithe in aghaidh na sibhialtach.

Tá Abdel Karim Mohammad Ibrahim, ina cháil mar cheann foirne Arm na Siria, freagrach as gníomhaíochtaí na bhfórsaí armtha atá faoina cheannas.

Dá bhrí sin, tá Abdel Karim Mohammad Ibrahim freagrach as sáruithe tromchúiseacha ar chearta an duine, lena n-áirítear céasadh agus foréigean córasach forleathan gnéasach agus inscnebhunaithe.

22.7.2024

116.

Ali Mahmoud ABBAS

علي محمود عباس

(litriú Araibise)

Post/poist: An tAire Cosanta agus Leas-Ardcheannasaí an Airm

Dáta breithe: 2.11.1964

Áit bhreithe: Rif Dimashq, an tSiria

Náisiúntacht: Siriach

Inscne: fireann

Is é Ali Mahmoud Abbas Aire Cosanta na Siria agus Leas-Ardcheannasaí ar Arm na Siria ó 2022.

Déanann stát na Siria, lena n-áirítear an t-arm, céasadh córasach agus forleathan, éigniú chomh maith le foréigean gnéasach agus inscnebhunaithe in aghaidh na sibhialtach.

Ina cháil mar Aire Cosanta na Siria agus mar Leas Ardcheannasaí ar Arm na Siria, tá Ali Mahmoud Abbas freagrach as gníomhaíochtaí na bhfórsaí armtha atá faoina cheannas.

Dá bhrí sin, tá Ali Mahmoud Abbas freagrach as sáruithe tromchúiseacha ar chearta an duine, lena n-áirítear céasadh agus foréigean córasach forleathan gnéasach agus inscnebhunaithe.

22.7.2024

117.

RI Chang Dae

Post/poist: An tAire Stáit Slándála

Náisiúntacht: Daon-Phoblacht Dhaonlathach na Cóiré (DPRK)

Inscne: fireann

Is é Ri Chang Dae Aire Slándála Stáit Dhaon-Phoblacht Dhaonlathach na Cóiré (DPDC) ó 2022.

Dírítear foréigean go córasach ar mhná agus ar chailíní atá ag cur i gcoinne an réimis nó atá á gcoinneáil in ionaid choinneála nó príosúin in DPDC, go háirithe faoi fhaire na hAireachta Slándála Stáit agus in ionaid atá faoi cheannas na hAireachta sin.

Ina cháil mar cheann ar an Aireacht Slándála Stáit, tá Ri Chang Dae freagrach as iliomad gníomhartha foréigin gnéasaigh agus inscnebhunaithe a rinne oifigigh na hAireachta sin.

Dá bhrí sin, tá Ri Chang Dae freagrach as sáruithe tromchúiseacha ar chearta an duine, lena n-áirítear foréigean córasach forleathan gnéasach agus inscnebhunaithe.

22.7.2024

118*.

Evgeniy Aleksandrovich SOBOLEV

ar a dtugtar freisin Yevhen Oleksandrovich SOBOLEV

Евгений Александрович Соболев

(litriú Rúisise)

Post/poist: Ceann sheirbhís pheannaideach údaráis forghabhála na Rúise i réigiún Kherson

Dáta breithe: 25.7.1985

Áit bhreithe: Nova Kakhovka, réigiún Kherson, an Úcráin

Náisiúntacht: Rúiseach

Inscne: fireann

Uimhir an phas: 3125216313

Is é Evgeniy Sobolev ceann sheirbhís pheannaideach údaráis forghabhála na Rúise i réigiún Kherson.

Faoina cheannas, rinneadh patrún forleathan córasach de sháruithe ar chearta an duine i saoráidí coinneála i limistéir atá faoi rialú údaráis forghabhála na Rúise, lena n-áirítear réigiún Kherson, a dhoiciméadú.

Áirítear leis an bpatrún sin céasadh, agus íde nó pionós eile atá cruálach, mídhaonna nó táireach agus foréigean gnéasach agus inscnebhunaithe. I measc na gcleachtas tá éigniú, nochtacht éigeantais, leictrealoisc ar bhaill ghiniúna agus bagairtí maidir le ciorrú ball giniúna.

Díríodh go sonrach ar dhaoine a bhfuil amhras fúthu maidir le faisnéis a chur ar fáil d’údaráis na hÚcráine, nó a thacaigh le fórsaí armtha na hÚcráine.

Ina cháil mar cheann ar sheirbhís pheannaideach údaráis forghabhála na Rúise i réigiún Kherson, tá Evgeniy Sobolev freagrach as sáruithe tromchúiseacha ar chearta an duine, lena n-áirítear céasadh agus íde nó pionós eile atá cruálach, mídhaonna nó táireach agus sáruithe eile ar chearta an duine, lena n-áirítear foréigean córasach forleathan gnéasaach agus inscnebhunaithe.

22.7.2024’

Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘32.

Kokorat San Ras

An cineál eintitis: Drong ó Háítí atá ag feidhmiú den chuid is mó i réigiún Artibonite agus an Iarthuaiscirt

Is drong é Kokorat San Ras atá ag feidhmiú i Háití a bunaíodh agus a neartaigh idir 2015 agus 2017. Feidhmíonn sé i réigiúin ar leith (Artibonite/Iarthuaisceart) agus tá an tionchar a imríonn sé fós ag fás.

Tá cáil ar Kokorat San Ras mar gheall ar a ionsaithe foréigneacha agus a ionsaitheacht fhisiciúil chun smacht a fháil ar níos mó limistéar. Le linn na n-ionsaithe sin, déantar éigniú agus foréigean eile in aghaidh na mban go rialta.

Dá bhrí sin, tá Kokorat San Ras freagrach as sáruithe tromchúiseacha ar chearta an duine, lena n-áirítear foréigean córasach forleathan gnéasach agus inscnebhunaithe.

22.7.2024

33.

Onsong County MSS Detention Centre

An cineál eintitis: ionad coinneála

Áit chláraithe: Contae Onsong, Cúige Hamgyong Thuaidh, Daon-Phoblacht Dhaonlathach na Cóiré (DPRK)

Is saoráid choinneála é Onsong County MSS Detention Centre i gCúige Hamgyong Thuaidh de Dhaon-Phoblacht Dhaonlathach na Cóiré (DPDC).

Is iad fórsa póilíneachta ginearálta DPDC, Aireacht Slándála na nDaoine , a bhainistíonn an tsaoráid agus tá oifigigh stáit agus oifigigh cheartúcháin Aireacht slándála na nDaoine ar fhoireann na saoráide.

In Onsong County MSS Detention Centre, is gné sheanbhunaithe den phróiseas ceistiúcháin í an chéastóireacht, a úsáidtear chun admháil iomlán a fháil uathu siúd atá á gcoinneáil go treallach.

I measc samplaí de chéastóireacht agus íde nó pionós eile atá cruálach, mídhaonna nó táireach tá diúltú bia a thabhairt thar tréimhsí fada, ocras, diúltú cúnamh leighis a thabhairt, easpa sláinteachais, céastóireacht suímh.

Tá daoine atá á gcoinneáil in Onsong County MSS Detention Centre faoi réir éignithe agus cineálacha eile foréigin ghnéasaigh agus inscnebhunaithe freisin, mar shampla sclábhaíocht, corpchuardaigh ionracha, ginmhilltí éigeantais, agus díriú córasach ar chumas atáirgthe na mban.

Dá bhrí sin, tá Onsong County MSS Detention Centre freagrach as sáruithe tromchúiseacha ar chearta an duine, lena n-áirítear céasadh agus íde nó pionós eile atá cruálach, mídhaonna nó táireach, gabháil nó coinneáil threallach chomh maith le sáruithe tromchúiseacha eile ar chearta an duine lena n-áirítear foréigean córasach forleathan gnéis agus inscnebhunaithe.

22.7.2024’