1.   Déanfaidh an tÚdarás na cúraimí seo a leanas i leith rioscaí a bhaineann le ML/TF atá roimh an margadh inmheánach:

2.   Déanfaidh an tÚdarás na cúraimí seo a leanas maidir le heintitis roghnaithe faoi oibleagáid:

3.   Déanfaidh an tÚdarás na cúraimí seo a leanas maidir le maoirseoirí airgeadais:

4.   Déanfaidh an tÚdarás na cúraimí seo a leanas maidir le maoirseoirí seach-airgeadais:

I gcás ina ndéantar an mhaoirseacht ar earnálacha sonracha a tharmligean ar an leibhéal náisiúnta chun comhlachtaí féinrialála, feidhmeoidh an tÚdarás na cúraimí a leagtar amach sa chéad fhomhír i ndáil le formhaoirseacht a bheith á déanamh ag údaráis mhaoirseachta ar ghníomhaíochtaí na gcomhlachtaí sin.

5.   Déanfaidh an tÚdarás na cúraimí seo a leanas maidir le FIUnna agus lena ngníomhaíochtaí sna Ballstáit:

6.   Chun na cúraimí a thugtar dó leis an Rialachán seo a dhéanamh, cuirfidh an tÚdarás dlí ábhartha uile an Aontais i bhfeidhm agus, i gcás ina mbeidh an dlí sin ón Aontas comhdhéanta de threoracha, an reachtaíocht náisiúnta lena dtrasuitear na treoracha sin. I gcás ina mbeidh an dlí is infheidhme comhdhéanta de rialacháin, agus i gcás ina dtabharfar leis na rialacháin sin roghanna do na Ballstáit go sainráite, cuirfidh an tÚdarás an reachtaíocht náisiúnta i bhfeidhm freisin lena gcuirtear na roghanna sin i bhfáth.

1.   Maidir leis na heintitis roghnaithe faoi oibleagáid, beidh ag an Údarás na cumhachtaí maoirseachta agus imscrúdaitheacha mar a shonraítear in Airteagail 17 go 21 agus an chumhacht chun smachtbhannaí airgid agus íocaíochtaí pionósacha tréimhsiúla a fhorchur mar a shonraítear in Airteagail 22 agus 23.

Beidh na cumhachtaí agus na hoibleagáidí atá ag maoirseoirí airgeadais i réimse AML/CFT faoi dhlí is infheidhme an Aontais ag an Údarás freisin, mura bhforáiltear dá mhalairt leis an Rialachán seo.

A mhéid is gá chun na cúraimí a thugtar dó leis an Rialachán seo a dhéanamh, féadfaidh an tÚdarás a cheangal ar mhaoirseoirí airgeadais, trí threoracha, úsáid a bhaint as a gcumhachtaí i réimse AML/CFT, faoi na coinníollacha a leagtar amach sa dlí náisiúnta agus i gcomhréir leo, i gcás nach dtugtar na cumhachtaí sin don Údarás leis an Rialachán seo.

Chun na cumhachtaí dá dtagraítear sa chéad agus sa dara fomhír a fheidhmiú, féadfaidh an tÚdarás cinntí ceangailteacha atá dírithe ar eintitis roghnaithe aonair faoi oibleagáid a eisiúint. Beidh an chumhacht ag an Údarás bearta riaracháin a chur i bhfeidhm agus smachtbhannaí airgid a fhorchur as neamhchomhlíonadh na gcinntí a dhéantar i bhfeidhmiú na cumhachta a leagtar síos in Airteagal 21, i gcomhréir le hAirteagal 22.

2.   Maidir le maoirseoirí agus le húdaráis mhaoirseachta, beidh na cumhachtaí seo a leanas ag an Údarás:

3.   Maidir le FIUnna sna Ballstáit, beidh na cumhachtaí seo a leanas ag an Údarás:

4.   Chun na cúraimí a leagtar amach in Airteagal 5(1) a dhéanamh, beidh na cumhachtaí seo a leanas ag an Údarás:

1.   Beidh an tÚdarás freagrach as feidhmiú éifeachtach agus comhsheasmhach chóras maoirseachta AML/CFT.

2.   Beidh an tÚdarás agus na húdaráis mhaoirseachta faoi réir dualgas comhair de mheon macánta, agus oibleagáid faisnéis a mhalartú chun críocha AML/CFT i gcomhréir leis an Rialachán seo, Rialachán (AE) 2023/1113, Rialachán (AE) 2024/1624 agus Treoir (AE) 2024/1640.

3.   Ar iarraidh ón Údarás, cuirfidh na húdaráis mhaoirseachta an fhaisnéis uile a bhaineann le heintitis faoi oibleagáid a fhanann faoi mhaoirseacht dhíreach ar an leibhéal náisiúnta ar fáil don Údarás is gá chun cúraimí an Údaráis a chomhlíonadh de bhun Airteagal 5(1), (3) agus (4), i gcás ina mbeidh rochtain dhlíthiúil ag na húdaráis mhaoirseachta ar an bhfaisnéis sin.

4.   Tabharfaidh na húdaráis mhaoirseachta cúnamh don Údarás le linn sainiúlachtaí a gcreataí dlíthiúla náisiúnta faoi seach a shainaithint agus a chur i gcuntas, go háirithe i gcás ina bhfuil forálacha náisiúnta lena dtrasuitear reachtaíocht an Aontais dá dtagraítear in Airteagal 1(2) á gcur i bhfeidhm ag an Údarás.

1.   I gcomhar leis na húdaráis mhaoirseachta, déanfaidh an tÚdarás modheolaíocht mhaoirseachta AML/CFT a bheidh cothrom le dáta agus comhchuibhithe a fhorbairt agus a choinneáil ar bun, lena mionsonrófar an cur chuige rioscabhunaithe i leith na maoirseachta ar eintitis faoi oibleagáid san Aontas. Beidh an mhodheolaíocht sin comhdhéanta de threoirlínte, moltaí, tuairimí agus bearta agus ionstraimí eile de réir mar is iomchuí, lena n-áirítear go háirithe caighdeáin rialála agus theicniúla cur chun feidhme, ar bhonn na gcumhachtuithe a leagtar síos sna gníomhartha dá dtagraítear in Airteagal 1(2).

2.   Agus an mhodheolaíocht mhaoirseachta á forbairt, déanfaidh an tÚdarás idirdhealú idir eintitis faoi oibleagáid, lena n-áirítear ar bhonn a ngníomhaíochtaí agus shaghas agus chineál na rioscaí ML/TF a bhfuil siad neamhchosanta orthu. Beidh ar a laghad na heilimintí seo a leanas sa mhodheolaíocht mhaoirseachta agus beidh sí rioscabhunaithe:

3.   Forbróidh an tÚdarás ceistneoirí struchtúrtha agus uirlisí eile ar líne nó as líne a úsáidfidh an tÚdarás agus na maoirseoirí chun sonraí agus faisnéis ó eintitis faoi oibleagáid a iarraidh, a bhailiú, a thiomsú agus a anailísiú, lena n-áirítear na sonraí ar a mbeifear ag brath agus eilimintí na modheolaíochta maoirseachta a liostaítear i mír 2 á gcur i bhfeidhm.

Áiritheofar leis na huirlisí arna bhforbairt ag an Údarás go mbaileofar sonraí agus faisnéis oibiachtúil agus inchomparáide a bhaineann le AML/CFT ó eintitis faoi oibleagáid agus cumasófar leo malartú éifeachtúil tapa faisnéise idir na maoirseoirí agus an tÚdarás.

Féachfaidh an tÚdarás leis na huirlisí sin a fhorbairt a luaithe a bheidh an mhodheolaíocht mhaoirseachta infheidhme ar fud chóras maoirseachta AML/CFT ina iomláine.

4.   Leis an modheolaíocht mhaoirseachta léireofar ardchaighdeáin mhaoirseachta ar leibhéal an Aontais agus tógfar ar chaighdeáin agus treoir idirnáisiúnta ábhartha. Déanfaidh an tÚdarás athbhreithniú agus nuashonrú go tráthrialta ar a mhodheolaíocht mhaoirseachta, agus éabhlóid na rioscaí a dhéanann difear don mhargadh inmheánach á cur i gcuntas, lena n-áirítear rioscaí agus bagairtí arna sainaithint ag údaráis náisiúnta forfheidhmithe dlí agus FIUnna. Cuirfear i gcuntas sa mhodheolaíocht mhaoirseachta, a mhéid is féidir, na dea-chleachtais agus an treoir a d’fhorbair socraitheoirí caighdeán idirnáisiúnta.

1.   Tráth nach déanaí ná an 1 Nollaig gach bliain, soláthróidh údaráis mhaoirseachta faisnéis don Údarás maidir le hathbhreithnithe maoirseachta a bhfuil sé beartaithe acu iad a dhéanamh, ar bhonn téamach, le linn na bliana dár gcionn nó le linn an téarma maoirseachta agus arb é is aidhm dóibh measúnú a dhéanamh ar rioscaí ML/TF nó ar ghné shonrach de na rioscaí sin a bhfuil eintitis iomadúla faoi oibleagáid neamhchosanta orthu an tráth céanna. Cuirfear an fhaisnéis seo a leanas ar fáil:

2.   Faoi dheireadh gach bliana, déanfaidh Cathaoirleach an Údaráis pleanáil chomhdhlúite, de na hathbhreithnithe téamacha a bheartaíonn na húdaráis mhaoirseachta a dhéanamh le linn na bliana dár gcionn, a chur faoi bhráid an Bhoird Ghinearálta i gcomhdhéanamh maoirseachta dá dtagraítear in Airteagal 57(2).

3.   I gcás ina dtabharfar údar le comhordú ar leibhéal an Aontais le raon feidhme agus ábharthacht uile-Aontais na n-athbhreithnithe téamacha, déanfaidh na húdaráis mhaoirseachta ábhartha go comhpháirteach iad agus comhordóidh an tÚdarás iad. Féadfaidh an Bord Feidhmiúcháin athbhreithnithe téamacha comhpháirteacha a mholadh bunaithe ar na hanailísí atá ar fáil ar bhagairtí, ar leochaileachtaí agus ar rioscaí sa mhargadh inmheánach. Déanfaidh an Bord Ginearálta, ina chomhdhéanamh maoirseachta, liosta a tharraingt suas d’athbhreithnithe téamacha comhpháirteacha. Déanfaidh an Bord Ginearálta ina chomhdhéanamh maoirseachta tuairisc a tharraingt suas a bhaineann le seoladh, ábhar agus toradh gach athbhreithnithe théamaigh chomhpháirtigh. Foilseoidh an tÚdarás an tuairisc sin ar a shuíomh gréasáin.

4.   Comhordóidh an tÚdarás gníomhaíochtaí na n-údarás maoirseachta agus éascóidh sé pleanáil agus forghníomhú na n-athbhreithnithe téamacha comhpháirteacha dá dtagraítear i mír 3. Aon idirghníomhaíocht dhíreach le heintitis faoi oibleagáid seachas eintitis neamhroghnaithe faoi oibleagáid i gcomhthéacs aon athbhreithnithe théamaigh, fanfaidh sí faoi fhreagracht eisiach an údaráis maoirseachta atá freagrach as maoirseacht a dhéanamh ar na heintitis sin faoi oibleagáid agus ní fhorléireofar í mar aistriú cúraimí ná cumhachtaí a bhaineann leis na heintitis sin laistigh de chóras maoirseachta AML/CFT.

5.   I gcás nach mbeidh athbhreithnithe téamacha pleanáilte ar an leibhéal náisiúnta faoi réir cur chuige comhordaithe ar leibhéal an Aontais, féachfaidh an tÚdarás, i gcomhpháirt leis na húdaráis mhaoirseachta, an gá agus an bhféadfaí tráthchlár na n-athbhreithnithe téamacha sin a ailíniú nó a shioncronú, agus éascóidh sé malartú faisnéise agus cúnamh frithpháirteach idir údaráis mhaoirseachta a dhéanann na hathbhreithnithe téamacha sin. Éascóidh an tÚdarás aon ghníomhaíocht freisin is mian leis na húdaráis mhaoirseachta ábhartha a dhéanamh go comhpháirteach nó ar bhealach comhchosúil i gcomhthéacs a n-athbhreithnithe téamacha faoi seach.

6.   Áiritheoidh an tÚdarás go ndéanfar torthaí agus conclúidí na n-athbhreithnithe téamacha a sheolann roinnt údaráis mhaoirseachta ar an leibhéal náisiúnta a chomhroinnt leis na húdaráis mhaoirseachta uile, seachas faisnéis rúnda a bhaineann le heintitis aonair faoi oibleagáid. Sa chomhroinnt faisnéise sin, áireofar aon chonclúid choiteann a thagann as malartuithe faisnéise nó as gníomhaíocht chomhpháirteach nó chomhordaithe lena mbaineann roinnt údaráis mhaoirseachta.

1.   Féadfaidh an tÚdarás, de réir mar is iomchuí, an méid seo a leanas a fhorbairt:

2.   Éascóidh agus spreagfaidh an tÚdarás ar a laghad na gníomhaíochtaí seo a leanas:

3.   Féadfaidh gach údarás maoirseachta iarraidh ar chúnamh frithpháirteach a bhaineann lena chúraimí maoirseachta a chur faoi bhráid an Údaráis, agus sonrú á dhéanamh ar an gcineál cúnaimh atá á lorg aige ó fhoireann an Údaráis, foireann ceann amháin nó níos mó de na húdaráis mhaoirseachta, nó meascán de sin. Má bhaineann an iarraidh le gníomhaíochtaí i ndáil le maoirseacht eintiteas sonrach faoi oibleagáid, déanfaidh an t-údarás maoirseachta iarrthach an fhaisnéis agus na sonraí is gá chun cúnamh a sholáthar a tharchur chun an Údaráis. Coimeádfaidh an tÚdarás agus tabharfaidh sé cothrom le dáta go tráthrialta an fhaisnéis faoi réimsí sonracha saineolais agus faoi inniúlachtaí údarás maoirseachta chun cúnamh frithpháirteach a sholáthar a bhaineann lena gcúraimí maoirseachta.

4.   I gcás ina n-iarrfar ar an Údarás cúnamh a sholáthar chun cúraimí maoirseachta sonracha a dhéanamh ar an leibhéal náisiúnta i ndáil le heintitis faoi oibleagáid seachas eintitis roghnaithe faoi oibleagáid, tabharfaidh an t-údarás maoirseachta iarrthach mionsonraí, san iarraidh uaidh, ar na cúraimí ar lena n-aghaidh a iarrtar tacaíocht. Ní fhorléireofar an cúnamh mar aistriú, ón údarás maoirseachta iarrthach chun an Údaráis, de chúraimí maoirseachta, de chumhachtaí, nó de chuntasacht chun maoirseacht a dhéanamh ar eintitis faoi oibleagáid seachas eintitis roghnaithe faoi oibleagáid.

5.   I gcás ina mbeidh an tÚdarás den tuairim go bhfuil an iarraidh iomchuí agus indéanta, déanfaidh sé gach iarracht an cúnamh iarrtha a chur ar fáil, lena n-áirítear trína acmhainní daonna féin a shlógadh agus trína áirithiú go ndéanfaidh na húdaráis mhaoirseachta acmhainní a shlógadh ar bhonn deonach.

6.   Faoi dheireadh gach bliana, cuirfidh Cathaoirleach an Údaráis cumraíocht maoirseachta na n-acmhainní daonna in iúl don Bhord Ginearálta a leithdháilfidh an tÚdarás ar an gcúnamh a iarrtar faoi mhír 3 den Airteagal seo a sholáthar le linn na bliana dár gcionn. I gcás ina dtiocfaidh athrú ar infhaighteacht acmhainní daonna toisc aon cheann de na cúraimí dá dtagraítear in Airteagal 5(2), (3) agus (4) a bheith á chomhlíonadh, cuirfidh Cathaoirleach an Údaráis é sin in iúl don Bhord Ginearálta i gcumraíocht na maoirseachta.

7.   Fanfaidh aon idirghníomhaíocht idir foireann an Údaráis agus an t-eintiteas faoi oibleagáid faoi fhreagracht eisiach an údaráis maoirseachta atá freagrach as maoirseacht a dhéanamh ar an eintiteas sin. Ní fhorléireofar an idirghníomhaíocht sin mar aistriú cúraimí nó cumhachtaí a bhaineann le heintitis aonair faoi oibleagáid laistigh de chóras maoirseachta AML/CFT.

1.   Déanfaidh an tÚdarás bunachar sonraí lárnach faisnéise a bhunú agus a choimeád cothrom le dáta de bhun an Airteagail seo.

Cuirfidh an tÚdarás an fhaisnéis ar fáil d’údaráis mhaoirseachta, d’údaráis neamh-AML/CFT, d’údaráis náisiúnta eile agus do chomhlachtaí náisiúnta eile atá inniúil chun a áirithiú go gcomhlíonfar Treoir 2008/48/CE ó Pharlaimint na hEorpa agus ón gComhairle (28), Treoir 2009/110/CE ó Pharlaimint na hEorpa agus ón gComhairle (29), Treoir 2009/138/CE ó Pharlaimint na hEorpa agus ón gComhairle (30), Treoir 2014/17/AE ó Pharlaimint na hEorpa agus ón gComhairle (31), Rialachán (AE) Uimh. 537/2014 ó Pharlaimint na hEorpa agus ón gComhairle (32), Treoir 2014/56/AE ó Pharlaimint na hEorpa agus ón gComhairle (33), Treoir 2014/65/AE ó Pharlaimint na hEorpa agus ón gComhairle (34) nó Treoir (AE) 2015/2366 ó Pharlaimint na hEorpa agus ón gComhairle (35), agus do na hÚdaráis Mhaoirseachta Eorpacha, eadhon, an tÚdarás Baincéireachta Eorpach, an tÚdarás Eorpach um Urrúis agus Margaí (ESMA) agus an tÚdarás Eorpach um Árachas agus Pinsin Cheirde (ÚEÁPC) (‘ÚMEnna’ i dteannta a chéile), ar bhonn riachtanais eolais agus rúnda, i gcás inar gá sin chun a gcúraimí a chomhlíonadh.

Déanfaidh an tÚdarás anailís freisin ar an bhfaisnéis a bhaileofar agus féadfaidh sé torthaí a anailíse a chomhroinnt ar a thionscnamh féin le húdaráis mhaoirseachta, i gcás ina n-éascófaí a ngníomhaíochtaí maoirseachta dá ndéanfaí amhlaidh, agus, i gcás inarb ábhartha, le heintitis faoi oibleagáid.

2.   Tarchuirfidh na húdaráis mhaoirseachta an fhaisnéis seo a leanas ar a laghad chuig an Údarás, lena n-áirítear na sonraí a bhaineann le heintitis aonair faoi oibleagáid, ionas go gcuirfidh an tÚdarás an fhaisnéis sin isteach sa bhunachar sonraí:

Ní áireofar san fhaisnéis a sholáthrófar de bhun na chéad fhomhíre tagairt d’amhras sonrach arna thuairisciú de bhun Airteagal 69 de Rialachán (AE) 2024/1624.

Iontrálfaidh an tÚdarás sa bhunachar sonraí, ina theannta sin, an fhaisnéis a eascraíonn óna ghníomhaíochtaí i réimse na maoirseachta dírí a chomhfhreagraíonn do na catagóirí faisnéise a liostaítear sa chéad fhomhír, chomh maith le torthaí an phróisis measúnaithe riosca a rinne an tÚdarás de bhun Airteagal 12.

3.   Féadfaidh an tÚdarás a iarraidh ar údaráis mhaoirseachta faisnéis eile a sholáthar i dteannta na faisnéise dá dtagraítear i mír 2. Déanfaidh na húdaráis mhaoirseachta aon fhaisnéis a sholáthraítear a thabhairt cothrom le dáta a luaithe is gá sin nó ar iarraidh ón Údarás.

4.   Iontrálfaidh an tÚdarás sa bhunachar sonraí aon sonraí nó faisnéis is ábhartha chun críocha gníomhaíochtaí maoirseachta AML/CFT arna soláthar ag údaráis neamh-AML/CFT, ag údaráis agus comhlachtaí náisiúnta eile atá inniúil chun a áirithiú go gcomhlíonfar ceanglais Threoir 2008/48/CE, Threoir 2009/110/CE, Threoir 2009/138/CE, Threoir 2014/17/AE, Rialachán (AE) Uimh. 537/2014, Threoir 2014/56/AE, Threoir 2014/65/AE nó Threoir (AE) 2015/2366, nó ag ÚMEnna.

Áireofar san fhaisnéis dá dtagraítear sa chéad fhomhír cásanna ina bhfuil forais réasúnacha ag na húdaráis agus ag na comhlachtaí dá dtagraítear san fhomhír sin a bheith in amhras go bhfuiltear ag féachaint le ML/TF nó go bhfuiltear á dhéanamh nó go bhfuil riosca méadaithe ann ina leith i dtaca le heintiteas faoi oibleagáid, agus i gcás inar tháinig na forais réasúnacha sin chun cinn i gcomhthéacs fheidhmiú a gcúraimí faoi seach. Áireofar sa bhunachar sonraí chomh maith faisnéis ábhartha a fuair na húdaráis nó na comhlachtaí a dhéanann maoirseacht ar institiúidí creidmheasa i gcomhréir le Treoir 2013/36/AE ó Pharlaimint na hEorpa agus ón gComhairle, (36) lena n-áirítear BCE agus é ag gníomhú i gcomhréir le Rialachán (AE) Uimh. 1024/2013, i gcomhthéacs maoirseachta leanúnaí, lena n-áirítear faisnéis maidir le measúnuithe ar shamhlacha gnó, measúnuithe ar shocruithe rialachais, nósanna imeachta údarúcháin, measúnuithe ar éadálacha sealúchas cáilitheach, measúnuithe ‘cuí córa’ agus nósanna imeachta a bhaineann le ceadúnais a tharraingt siar.

5.   Féadfaidh na húdaráis agus na comhlachtaí dá dtagraítear i mír 1, an dara fomhír, iarraidh réasúnaithe ar fhaisnéis arna bailiú de bhun an Airteagail seo a dhíriú chun an Údaráis, más gá an fhaisnéis sin dá ngníomhaíochtaí maoirseachta. Déanfaidh an tÚdarás measúnú ar na hiarrataí sin agus soláthróidh sé an fhaisnéis a iarradh ar bhonn riachtanais eolais agus rúnda agus go tráthúil. Déanfaidh an tÚdarás an t-údarás nó an comhlacht, a sholáthair an fhaisnéis iarrtha ar dtús, a chur ar an eolas faoi chéannacht an údaráis nó an chomhlachta iarrthaigh, céannacht aon eintitis faoi oibleagáid lena mbaineann, an chúis atá leis an iarraidh ar fhaisnéis chomh maith le cibé acu a soláthraíodh nó nár soláthraíodh an fhaisnéis don údarás nó don chomhlacht iarrthach. I gcás ina gcinnfidh an tÚdarás gan an fhaisnéis iarrtha a chur ar fáil, soláthróidh sé údar réasúnaithe leis an gcinneadh sin.

6.   Forbróidh an tÚdarás dréachtchaighdeáin theicniúla rialála lena sonrófar na nithe seo a leanas:

Cuirfidh an tÚdarás na dréachtchaighdeáin theicniúla rialála sin faoi bhráid an Choimisiúin faoin 27 Nollaig 2025.

Tugtar de chumhacht don Choimisiún an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagal 49 den Rialachán seo.

7.   Féadfar sonraí pearsanta a bhailítear i gcomhréir leis an Airteagal seo a choinneáil i bhfoirm inaitheanta ar feadh tréimhse suas le 10 mbliana tar éis don Údarás na sonraí a bhailiú, agus scriosfar na sonraí sin ag deireadh na tréimhse sin. Bunaithe ar mheasúnú tráthrialta ar a riachtanas, féadfar sonraí pearsanta a scriosadh sula rachaidh an tréimhse sin in éag ar bhonn cás ar chás.

1.   Chun na cúraimí a liostaítear in Airteagal 5(2) a dhéanamh, déanfaidh an tÚdarás, i gcomhar le maoirseoirí airgeadais, measúnú tréimhsiúil ar institiúidí creidmheasa agus institiúidí airgeadais, agus ar ghrúpaí institiúidí creidmheasa agus institiúidí airgeadais, i gcás ina n-oibríonn siad, cibé acu trí bhunaíochtaí nó faoi shaoirse seirbhísí a sholáthar, i sé Bhallstát ar a laghad, lena n-áirítear an Ballstát baile, is cuma cé acu a dhéantar na gníomhaíochtaí trí bhonneagar ar an gcríoch lena mbaineann nó go cianda.

2.   Soláthróidh na húdaráis mhaoirseachta, agus na heintitis faoi oibleagáid atá faoi réir measúnú tréimhsiúil, aon fhaisnéis is gá don Údarás chun an measúnú tréimhsiúil dá dtagraítear i mír 1 a dhéanamh.

3.   Déanfaidh an tÚdarás próifílí riosca bhunúsaigh agus iarmharaigh eintitis faoi oibleagáid a ndéantar measúnú air de bhun mhír 1 a aicmiú mar phróifílí ísle, meánacha, substaintiúla nó arda, bunaithe ar na tagarmharcanna agus de réir na modheolaíochta a leagtar amach sna caighdeáin theicniúla rialála dá dtagraítear i mír 5. I gcás inar cuid de ghrúpa institiúidí creidmheasa nó institiúidí airgeadais an t-eintiteas measúnaithe faoi oibleagáid, aicmeofar an phróifíl riosca ar leibhéal uile-ghrúpa.

4.   Bunófar an mhodheolaíocht chun na próifílí riosca bhunúsaigh agus iarmharaigh a aicmiú, ar leithligh ar a laghad le haghaidh na gcatagóirí eintiteas faoi oibleagáid seo a leanas:

5.   I gcás gach catagóire de na heintitis faoi oibleagáid dá dtagraítear i mír 4, beidh na tagarmharcanna chun riosca bunúsach a mheasúnú sa mhodheolaíocht measúnúcháin bunaithe ar na catagóirí tosca riosca i ndáil le custaiméirí, táirgí, seirbhísí, idirbhearta, bealaí seachadta agus limistéir gheografacha. Bunófar na tagarmharcanna le haghaidh na dtáscairí riosca bhunúsaigh seo a leanas ar a laghad in aon Bhallstát ina n-oibríonn na heintitis faoi oibleagáid:

6.   I gcás gach catagóire eintitis faoi oibleagáid dá dtagraítear i mír 4, áireofar sa mheasúnú ar riosca iarmharach sa mhodheolaíocht measúnúcháin tagarmharcanna chun measúnú a dhéanamh ar cháilíocht na mbeartas, na rialuithe agus na nósanna imeachta inmheánacha arna gcur i bhfeidhm ag eintitis faoi oibleagáid chun a riosca bunúsach a mhaolú.

7.   Forbróidh an tÚdarás dréachtchaighdeáin theicniúla rialála lena sonrófar na nithe seo a leanas:

Cuirfidh an tÚdarás na dréachtchaighdeáin theicniúla rialála sin faoi bhráid an Choimisiúin faoin 1 Eanáir 2026.

Tugtar de chumhacht don Choimisiún an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagal 49 den Rialachán seo.

8.   Déanfaidh an tÚdarás athbhreithniú ar na tagarmharcanna agus ar an modheolaíocht gach 3 bliana ar a laghad. I gcás ina gceanglófar leasuithe, cuirfidh an tÚdarás dréachtchaighdeáin theicniúla rialála leasaithe faoi bhráid an Choimisiúin.

1.   Institiúidí creidmheasa agus institiúidí airgeadais, agus grúpaí institiúidí creidmheasa agus institiúidí airgeadais, a bhfuil a bpróifíl riosca iarmharaigh aicmithe mar phróifíl ardriosca iarmharaigh de bhun Airteagal 12, cáileoidh siad mar eintitis roghnaithe faoi oibleagáid.

2.   Mar sin féin, i gcás ina sainaithneofar níos mó ná 40 eintiteas de bhun mhír 1, féadfaidh an tÚdarás, i gcomhairle leis na húdaráis mhaoirseachta, teacht ar chomhaontú maidir leis an roghnú a theorannú do líon sonrach éagsúil eintiteas nó grúpaí atá níos mó ná 40.

Agus cinneadh á dhéanamh maidir le líon sonrach éagsúil na n-eintiteas roghnaithe faoi oibleagáid dá dtagraítear sa chéad fhomhír, cuirfidh an tÚdarás a acmhainní dílse san áireamh ó thaobh a acmhainneachta de chun an líon riachtanach foirne maoirseachta agus tacaíochta a leithdháileadh nó a fhostú sa bhreis air sin agus áiritheoidh sé go mbeidh an méadú is gá ar na hacmhainní airgeadais agus daonna indéanta.

De bhun an chinnidh faoin uaslíon, is é a bheidh sna heintitis roghnaithe faoi oibleagáid ná na heintitis sin faoi oibleagáid atá cáilithe faoi mhír 1 atá ag oibriú sa líon is airde Ballstát cibé acu trí bhunaíochtaí nó faoin tsaoirse chun seirbhísí a sholáthar,

I gcás ina mbeidh níos mó ná an líon uasta socraithe d’eintitis roghnaithe faoi oibleagáid ann mar thoradh ar chur i bhfeidhm an chritéir dá dtagraítear sa tríú fomhír, roghnóidh an tÚdarás, ó na heintitis faoi oibleagáid a roghnófaí i gcomhréir leis an bhfomhír sin agus a oibríonn sa líon is lú de na Ballstáit, iad siúd ag a bhfuil an cóimheas is airde de mhéid na n-idirbheart le tríú tíortha le méid iomlán na n-idirbheart arna thomhas le linn na bliana airgeadais deireanaí.

3.   I gcás, i mBallstát, nach gcáilíonn aon institiúid creidmheasa, institiúid airgeadais ná grúpa institiúidí creidmheasa ná institiúidí airgeadais atá bunaithe, údaraithe nó cláraithe sa Bhallstát sin, nó ag a bhfuil fochuideachta ann, agus a bhfuil a bpróifíl riosca aicmithe mar phróifíl ardriosca, mar eintiteas roghnaithe faoi oibleagáid de bhun mhíreanna 1 agus 2 den Airteagal seo, déanfaidh an tÚdarás próiseas roghnúcháin breise sa Bhallstát sin, ar bhonn na modheolaíochta dá dtagraítear in Airteagal 12(7), pointe (b).

Tar éis an phróisis roghnúcháin bhreise, is cáilithe mar eintiteas roghnaithe faoi oibleagáid a bheidh an institiúid creidmheasa, an institiúid airgeadais nó an grúpa institiúidí creidmheasa nó institiúidí airgeadais, atá bunaithe nó cláraithe sa Bhallstát sin a bhfuil a bpróifíl riosca aicmithe mar phróifíl ardriosca.

I gcás ina bhfuil próifíl riosca ag roinnt institiúidí creidmheasa nó institiúidí airgeadais, nó ag grúpaí institiúidí creidmheasa nó institiúidí airgeadais, sa Bhallstát atá i gceist, atá aicmithe mar phróifíl ardriosca, cáileoidh an t-eintiteas a oibríonn sa líon is airde Ballstát, cibé acu trí bhunaíochtaí nó faoin tsaoirse chun seirbhísí a sholáthar, mar an t-eintiteas roghnaithe faoi oibleagáid. I gcás ina n-oibríonn roinnt institiúidí creidmheasa nó institiúidí airgeadais, nó grúpaí institiúidí creidmheasa nó institiúidí airgeadais, sa líon céanna Ballstát, cáileoidh an t-eintiteas ag a bhfuil an cóimheas is airde idir méid na n-idirbheart le tríú tíortha agus méid iomlán na n-idirbheart arna dtomhas le linn na bliana airgeadais deireanaí mar eintiteas roghnaithe faoi oibleagáid.

4.   Tosóidh an tÚdarás an chéad phróiseas roghnúcháin faoin 1 Iúil 2027 agus tabharfaidh sé an roghnúchán i gcrích laistigh de 6 mhí ón dáta tosaithe. Déanfar an próiseas roghnúcháin gach 3 bliana tar éis dháta tosaithe an chéad roghnúcháin, agus tabharfar i gcrích é laistigh de 6 mhí i gcás gach próisis roghnúcháin. Foilseoidh an tÚdarás liosta na n-eintiteas roghnaithe faoi oibleagáid gan moill mhíchuí ar an bpróiseas roghnúcháin a thabhairt i gcrích. Tosóidh an tÚdarás an mhaoirseacht dhíreach ar na heintitis roghnaithe faoi oibleagáid 6 mhí tar éis fhoilsiú an liosta.

5.   Sula bhfoilseofar liosta na n-eintiteas roghnaithe faoi oibleagáid, cuirfidh an tÚdarás na húdaráis ábhartha neamh-AML/CFT ar an eolas faoi thorthaí an phróisis measúnúcháin agus aicmiúcháin ar riosca bunúsach agus iarmharach na n-eintiteas faoi oibleagáid atá faoi réir measúnú.

6.   Leanfaidh eintiteas roghnaithe faoi oibleagáid de bheith faoi réir maoirseacht dhíreach ag an Údarás go dtí go dtosóidh an tÚdarás an mhaoirseacht dhíreach ar eintitis roghnaithe faoi oibleagáid bunaithe ar liosta a bhunaítear don tréimhse roghnúcháin ina dhiaidh sin nach n-áirítear an t-eintiteas sin faoi oibleagáid ann a thuilleadh.

1.   Féadfaidh maoirseoir airgeadais iarraidh réasúnaithe a chur faoi bhráid an Údaráis go nglacfadh an tÚdarás maoirseacht dhíreach air féin agus na cúraimí a liostaítear in Airteagal 5(2) a dhéanamh maidir le heintiteas neamhroghnaithe áirithe faoi oibleagáid.

Ní dhéanfar an iarraidh dá dtagraítear sa chéad fhomhír a thíolacadh ach amháin in imthosca eisceachtúla agus é mar aidhm aghaidh a thabhairt ar leibhéal an Aontais ar riosca méadaithe ML/TF nó ar mhainneachtana comhlíonta ag eintiteas neamhroghnaithe faoi oibleagáid agus chun cur i bhfeidhm comhsheasmhach ardchaighdeán maoirseachta a áirithiú.

2.   Déanfar an méid seo a leanas leis an iarraidh dá dtagraítear i mír 1:

3.   Beidh tuairisc ag gabháil le hiarraidh an mhaoirseora airgeadais ina léireofar stair mhaoirseachta agus próifíl riosca an eintitis neamhroghnaithe faoi oibleagáid lena mbaineann. Inti, cuirfear an t-eintiteas neamhroghnaithe faoi oibleagáid ar an eolas faoin iarraidh agus faoin amlíne atá beartaithe.

4.   Déanfaidh an tÚdarás measúnú ar an iarraidh dá dtagraítear i mír 1 laistigh de 2 mhí, nó laistigh de thréimhse ama lenar féidir cúraimí agus cumhachtaí a aistriú faoin dáta a mholtar san iarraidh, cibé acu is faide. Ní chomhaontóidh an tÚdarás leis an aistriú maoirseachta dírí arna iarraidh ach amháin i gcás ina gcomhlíontar ceann amháin ar a laghad de na coinníollacha seo a leanas:

5.   I gcás ina gcinnfidh Bord Feidhmiúcháin an Údaráis gur comhlíonadh na coinníollacha a leagtar amach i míreanna 1, 2 agus 4, glacfaidh sé cinneadh a bheidh dírithe ar an maoirseoir airgeadais iarrthach agus ar an eintiteas neamhroghnaithe faoi oibleagáid lena mbaineann lena dtabharfar fógra dóibh gur glacadh leis an iarraidh. Sonrófar sa chinneadh an dáta a ghlacfaidh an tÚdarás maoirseacht dhíreach agus ré maoirseachta den sórt sin. Ón dáta a bheidh maoirseacht dhíreach le glacadh ag an Údarás, measfar gur eintiteas roghnaithe faoi oibleagáid é an t-eintiteas neamhroghnaithe faoi oibleagáid lena mbaineann chun críocha an Rialacháin seo.

Ag deireadh ré na maoirseachta dírí ag an Údarás, a leagtar amach sa chinneadh dá dtagraítear sa chéad fhomhír, déanfar na cúraimí agus na cumhachtaí a bhaineann le maoirseacht dhíreach an eintitis faoi oibleagáid lena mbaineann a aistriú ar ais go huathoibríoch chuig an maoirseoir airgeadais, mura rud é go gcuireann an tÚdarás síneadh le cur i bhfeidhm an chinnidh sin tar éis iarraidh chomhfhreagrach arna déanamh ag an maoirseoir airgeadais i gcomhréir le míreanna 1 go 4.

6.   I gcás ina ndiúltóidh Bord Feidhmiúcháin an Údaráis iarraidh an mhaoirseora airgeadais, soláthróidh sé na cúiseanna leis sin i scríbhinn, ag cur in iúl go soiléir cé na coinníollacha a leagtar síos i míreanna 1 agus 4 nár comhlíonadh. Rachaidh an tÚdarás i gcomhairle leis an maoirseoir airgeadais sula ndéanfaidh sé cinneadh agus áiritheoidh sé go gcuirfear an t-eintiteas neamhroghnaithe faoi oibleagáid ar an eolas faoi thoradh an phróisis.

1.   Gan dochar do chumhacht an Údaráis de bhun Airteagal 21(3), pointe (a), faisnéis a thuairiscíonn eintitis roghnaithe faoi oibleagáid, ar bhonn leanúnach, a fháil go díreach, nó rochtain dhíreach a bheith aige uirthi, soláthróidh maoirseoirí airgeadais an fhaisnéis uile is gá don Údarás chun na cúraimí a thugtar don Údarás a dhéanamh i gcomhréir leis an Rialachán seo agus le dlí eile an Aontais is infheidhme.

2.   I gcás inarb iomchuí, tabharfaidh maoirseoirí airgeadais cúnamh don Údarás maidir le hullmhú agus cur chun feidhme aon ghnímh i ndáil leis na cúraimí dá dtagraítear in Airteagal 5(2), pointe (b), a mhéid a bhaineann leis na heintitis roghnaithe uile faoi oibleagáid, lena n-áirítear cúnamh i ngníomhaíochtaí fíorúcháin. Leanfaidh siad na treoracha atá tugtha ag an Údarás agus na cúraimí sin á ndéanamh.

3.   Forbróidh an tÚdarás caighdeáin theicniúla cur chun feidhme ina sonrófar an méid seo a leanas:

Cuirfidh an tÚdarás na dréachtchaighdeáin theicniúla cur chun feidhme sin faoi bhráid an Choimisiúin faoin 1 Eanáir 2026.

Cumhachtaítear don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 53.

1.   Bunófar comhfhoireann maoirseachta chun maoirseacht a dhéanamh ar gach eintiteas roghnaithe faoi oibleagáid. Beidh gach comhfhoireann maoirseachta comhdhéanta d’fhoireann ón Údarás agus ó na maoirseoirí airgeadais atá freagrach as maoirseacht a dhéanamh ar an eintiteas roghnaithe faoi oibleagáid ar an leibhéal náisiúnta. Ceapfar baill na comhfhoirne maoirseachta i gcomhréir le mír 4 agus oibreoidh siad faoi chomhordú baill foirne ainmnithe ón Údarás (‘comhordaitheoir JST’).

2.   Áiritheoidh comhordaitheoir JST comhordú na hoibre laistigh den chomhfhoireann maoirseachta. Leanfaidh baill na comhfhoirne maoirseachta treoracha chomhordaitheoir JST a mhéid a bhaineann lena gcúraimí sa chomhfhoireann maoirseachta. Beidh an méid sin gan dochar dá gcúraimí agus dá ndualgais laistigh dá maoirseoirí airgeadais faoi seach.

Féadfaidh gach maoirseoir airgeadais a cheapann níos mó ná ball foirne amháin chuig an gcomhfhoireann maoirseachta de bhun mhír 4, duine amháin díobh a ainmniú mar fho-chomhordaitheoir (‘fo-chomhordaitheoir náisiúnta’). Tabharfaidh na fo-chomhordaitheoirí náisiúnta cúnamh do chomhordaitheoir JST maidir le heagrú agus comhordú na gcúraimí sa chomhfhoireann maoirseachta, go háirithe maidir leis na baill foirne a cheap an maoirseoir airgeadais céanna leis an bhfo-chomhordaitheoir náisiúnta ábhartha. Féadfaidh an fo-chomhordaitheoir náisiúnta treoracha a thabhairt do bhaill na comhfhoirne maoirseachta arna gceapadh ag an maoirseoir airgeadais céanna, ar choinníoll nach mbeidh na treoracha sin ag teacht salach ar na treoracha arna dtabhairt ag comhordaitheoir JST.

3.   Beidh an méid seo a leanas san áireamh i gcúraimí comhfhoirne maoirseachta:

4.   Beidh an tÚdarás freagrach as bunú agus comhdhéanamh comhfhoirne maoirseachta. Ceapfaidh an tÚdarás agus na maoirseoirí airgeadais lena mbaineann duine amháin nó níos mó óna bhfoireann mar bhall nó mar bhaill de chomhfhoireann maoirseachta. Féadfar ball a cheapadh ina bhall de bhreis agus comhfhoireann maoirseachta amháin.

5.   Rachaidh an tÚdarás agus na maoirseoirí airgeadais i gcomhar le chéile agus tiocfaidh siad ar chomhaontú maidir le húsáid ball foirne maidir leis na comhfhoirne maoirseachta.

6.   Forbróidh an tÚdarás rialacha agus nósanna imeachta oibríochtúla inmheánacha maidir le comhdhéanamh na gcomhfhoirne maoirseachta, go háirithe maidir le baill foirne ó gach maoirseoir airgeadais, stádas na mball foirne ó mhaoirseoirí airgeadais, leithdháileadh acmhainní daonna ag an Údarás ar na comhfhoirne maoirseachta, lena n-áiritheofar go mbeidh na foirne sin comhdhéanta de bhaill foirne a bhfuil leibhéal leordhóthanach eolais, saineolais agus taithí acu, agus a mbeidh eolas, cúlraí, saineolas agus taithí acu atá éagsúil a ndóthain.

1.   Féadfaidh an tÚdarás a cheangal ar eintitis roghnaithe faoi oibleagáid agus daoine nádúrtha atá fostaithe acu nó daoine dlítheanacha a bhaineann leo, agus tríú páirtithe a ndearna na heintitis roghnaithe faoi oibleagáid feidhmeanna nó gníomhaíochtaí oibríochtúla a sheachfhoinsiú chucu agus daoine nádúrtha nó daoine dlítheanacha atá cleamhnaithe leo, an fhaisnéis uile is gá a sholáthar chun na cúraimí a thugtar dó leis an Rialachán seo agus le dlí eile an Aontais is infheidhme a dhéanamh.

2.   Maidir leis na daoine dá dtagraítear i mír 1 nó a n-ionadaithe agus, i gcás daoine dlítheanacha nó comhlachais nach bhfuil aon phearsantacht dhlítheanach acu, déanfaidh na daoine atá údaraithe chun ionadaíocht a dhéanamh thar a gceann de réir dlí nó de réir a mbunreachta an fhaisnéis arna hiarraidh a sholáthar gan moill mhíchuí, á áirithiú go bhfuil sí soiléir, cruinn agus iomlán. Féadfaidh dlíodóirí, atá údaraithe go hiomchuí gníomhú, an fhaisnéis a sholáthar thar ceann a gcliant. Leanfaidh na cliaint sin de bheith freagrach go hiomlán i gcás an fhaisnéis a sholáthrófar a bheith neamhiomlán, mícheart nó míthreorach.

3.   I gcás ina bhfaighidh an tÚdarás an fhaisnéis arna hiarraidh de bhun mhír 1, cuirfidh sé an fhaisnéis sin ar fáil don mhaoirseoir airgeadais lena mbaineann.

1.   Chun na cúraimí a thugtar dó leis an Rialachán seo a dhéanamh, féadfaidh an tÚdarás na himscrúduithe uile is gá a dhéanamh ar aon eintiteas roghnaithe faoi oibleagáid nó aon duine nádúrtha atá fostaithe aige nó aon duine dlítheanach a bhaineann leis, atá bunaithe nó lonnaithe i mBallstát.

Chuige sin, féadfaidh an tÚdarás an méid seo a leanas a dhéanamh:

2.   Beidh na daoine dá dtagraítear in Airteagal 17 faoi réir imscrúduithe a sheoltar ar bhonn cinneadh ón Údarás. I gcás ina gcuirfidh duine bac ar dhéanamh an imscrúdaithe, soláthróidh maoirseoir airgeadais an Bhallstáit ina bhfuil an t-áitreabh ábhartha lonnaithe, i gcomhréir leis an dlí náisiúnta, an cúnamh is gá, lena n-áirítear rochtain an Údaráis ar áitreabh gnó na ndaoine nádúrtha agus dlítheanacha dá dtagraítear in Airteagal 17 a éascú, ionas gur féidir na cumhachtaí a liostaítear i mír 1 den Airteagal seo a fheidhmiú.

1.   Chun na cúraimí a thugtar dó leis an Rialachán seo a dhéanamh, féadfaidh an tÚdarás, faoi réir fógra a thabhairt roimh ré don mhaoirseoir airgeadais lena mbaineann, na cigireachtaí ar an láthair uile is gá a dhéanamh ag áitreabh gnó na ndaoine nádúrtha agus dlítheanacha dá dtagraítear in Airteagal 17. Maidir le daoine nádúrtha arb ionann a n-áitreabh gnó agus a n-áit chónaithe phríobháideach, lorgóidh agus gheobhaidh an tÚdarás údarú breithiúnach le haghaidh cigireacht ar an láthair. I gcás inar gá sin ar mhaithe leis na cigireachtaí a sheoladh go cuí agus go héifeachtúil, féadfaidh an Bord an chigireacht ar an láthair a dhéanamh gan fógra a thabhairt roimh ré do na daoine nádúrtha agus dlítheanacha sin.

2.   Féadfaidh an tÚdarás a chinneadh feidhmiú na gcigireachtaí ar an láthair a chur de chúram ar chomhfhoireann maoirseachta i gcomhréir le hAirteagal 16 nó ar fhoireann thiomnaithe, a bhféadfadh baill den chomhfhoireann maoirseachta a bheith uirthi i gcás inarb infheidhme. Beidh an tÚdarás freagrach as bunú agus comhdhéanamh na bhfoirne cigireachta ar an láthair, a dhéanfar i gcomhar leis na maoirseoirí airgeadais.

3.   Féadfaidh foireann an Údaráis agus daoine eile arna n-údarú ag an Údarás chun cigireachtaí ar an láthair a dhéanamh dul isteach in áitreabh gnó ar bith nó ar thalamh ar bith de chuid na ndaoine nádúrtha nó dlítheanacha atá faoi réir cinnidh maidir le himscrúdú arna ghlacadh ag an Údarás agus, maidir le daoine nádúrtha arb ionann a n-áitreabh gnó agus a n-áit chónaithe phríobháideach, ar údarú breithiúnach a fháil le haghaidh cigireacht ar an láthair de bhun mhír 1 den Airteagal seo. Beidh na cumhachtaí dá bhforáiltear in Airteagal 21 ag foireann an Údaráis agus ag daoine eile arna n-údarú ag an Údarás.

4.   Beidh na daoine nádúrtha agus dlítheanacha dá dtagraítear in Airteagal 17 faoi réir cigireachtaí ar an láthair ar bhonn cinneadh ón Údarás.

5.   Déanfaidh an fhoireann agus daoine tionlacain eile atá údaraithe nó ceaptha ag maoirseoir airgeadais an Bhallstáit ina bhfuil an chigireacht le déanamh, ag gníomhú dóibh faoi mhaoirseacht agus comhordú an Údaráis, cúnamh gníomhach a thabhairt d’fhoireann an Údaráis agus do dhaoine eile atá údaraithe ag an Údarás. Chuige sin, beidh na cumhachtaí a leagtar amach i mír 3 acu. Beidh an ceart ag foireann mhaoirseoirí airgeadais an Bhallstáit lena mbaineann freisin páirt a ghlacadh sna cigireachtaí ar an láthair.

6.   I gcás ina gcuireann duine in aghaidh cigireacht ar an láthair a ordaítear de bhun an Airteagail seo, soláthróidh maoirseoir airgeadais an Bhallstáit lena mbaineann an cúnamh is gá i gcomhréir leis an dlí náisiúnta. A mhéid is gá i gcomhair na cigireachta, beidh séalú aon áitreabh gnó agus leabhar cuntais nó taifead ar áireamh sa chúnamh sin. I gcás nach mbeidh an chumhacht sin ar fáil don mhaoirseoir airgeadais lena mbaineann, úsáidfidh sé a chumhachtaí chun an cúnamh is gá a iarraidh ar údaráis náisiúnta eile.

1.   Má theastaíonn údarú ag údarás breithiúnach i gcomhréir leis an dlí náisiúnta ó chigireacht ar an láthair dá bhforáiltear in Airteagal 19, déanfaidh an tÚdarás iarratas ar údarú den sórt sin.

2.   I gcás ina ndéanfar iarratas ar údarú, ar ábhar é sin dá dtagraítear i mír 1, fíoróidh an t-údarás breithiúnach náisiúnta go bhfuil cinneadh an Údaráis barántúil agus nach bhfuil na bearta comhéigneacha a bheartaítear treallach ná iomarcach ag féachaint d’ábhar na cigireachta. Le linn dó rialú a dhéanamh i dtaobh chomhréireacht na mbeart comhéigneach, féadfaidh an t-údarás breithiúnach náisiúnta a iarraidh ar an Údarás mínithe mionsonraithe a thabhairt, go háirithe i ndáil leis na forais atá ag an Údarás chun drochamhras a bheith air go ndearnadh sárú ar na gníomhartha dá dtagraítear in Airteagal 1(2), tromchúis an tsáraithe a bhfuil drochamhras ann ina leith agus cineál rannpháirtíocht an duine atá faoi réir na mbeart comhéigneach. Ní dhéanfaidh an t-údarás breithiúnach náisiúnta athbhreithniú, áfach, ar an ngá atá leis an gcigireacht ná ní éileoidh sé go ndéanfar an fhaisnéis atá ar chomhad an Údaráis a sholáthar dó. Ní bheidh dlíthiúlacht chinneadh an Údaráis faoi réir a athbhreithnithe ach ag Cúirt Bhreithiúnais an Aontais Eorpaigh.

1.   Chun a chúraimí dá dtagraítear in Airteagal 5(2) a dhéanamh, beidh an chumhacht ag an Údarás na bearta riaracháin a leagtar amach i míreanna 2 agus 3 den Airteagal seo a chur i bhfeidhm, chun a cheangal ar aon eintiteas roghnaithe faoi oibleagáid na bearta is gá a dhéanamh i gcás:

2.   Chun críocha Airteagal 6(1), beidh an chumhacht ag an Údarás, go háirithe, na bearta riaracháin seo a leanas a chur i bhfeidhm:

3.   Trí bhíthin na mbeart riaracháin dá dtagraítear i mír 2, féadfaidh an tÚdarás, go háirithe, an méid seo a leanas a dhéanamh:

4.   Beidh sprioc-amanna ceangailteacha ag gabháil leis na bearta riaracháin dá dtagraítear i mír 2, i gcás inarb ábhartha, lena gcur chun feidhme. Déanfaidh an tÚdarás obair leantach agus measúnú ar chur chun feidhme na ngníomhaíochtaí arna n-iarraidh ag an eintiteas roghnaithe faoi oibleagáid.

5.   Tabharfaidh maoirseoirí airgeadais fógra don Údarás gan moill mhíchuí i gcás ina dtiocfaidh siad ar an eolas faoi cheann amháin nó níos mó de thásca gur sháraigh eintiteas roghnaithe faoi oibleagáid Rialachán (AE) 2023/1113 nó Rialachán (AE) 2024/1624.

6.   Beidh na bearta riaracháin a chuirfear i bhfeidhm éifeachtach, comhréireach agus athchomhairleach.

1.   Chun na cúraimí a thugtar dó leis an Rialachán seo a chur i gcrích, féadfaidh an tÚdarás smachtbhannaí airgid a fhorchur i gcás ina sáróidh eintiteas roghnaithe faoi oibleagáid, cibé acu d’aon ghnó nó le faillí, ceanglas de chuid Rialachán (AE) 2023/1113 nó Rialachán (AE) 2024/1624, nó i gcás nach gcomhlíonfaidh sé cinneadh ceangailteach dá dtagraítear in Airteagal 6(1) den Rialachán seo.

2.   I gcás ina bhfionnfaidh Bord Feidhmiúcháin an Údaráis go ndearna eintiteas roghnaithe faoi oibleagáid, d’aon ghnó nó le faillí, sárú tromchúiseach, leantach nó córasach ar cheanglais atá infheidhme go díreach agus atá i Rialachán (AE) 2023/1113 nó i Rialachán (AE) 2024/1624, glacfaidh sé cinneadh lena bhforchuirtear smachtbhannaí airgid, i gcomhréir le mír 3 den Airteagal seo. Déanfar smachtbhannaí airgid arna bhforchur i leith sáruithe den sórt sin, de réir imthosca gach cáis aonair, a fhorchur i dteannta, nó in ionad, na mbeart riaracháin dá dtagraítear in Airteagal 21(2).

3.   Déanfar méid bunúsach na smachtbhannaí airgid dá dtagraítear i mír 1 a áireamh laistigh de na teorainneacha seo a leanas:

4.   Déanfar na méideanna bunúsacha a shainítear laistigh de na teorainneacha a leagtar amach i mír 3 a choigeartú, i gcás inar gá, trí thosca géaraitheacha nó maolaitheacha a chur san áireamh i gcomhréir leis na comhéifeachtaí ábhartha a leagtar amach in Iarscríbhinn I. Is ceann ar cheann a dhéanfar na comhéifeachtaí géaraitheacha ábhartha a chur i bhfeidhm i leith an mhéid bhunúsaigh. Má tá níos mó ná comhéifeacht ghéaraitheach amháin infheidhme, déanfar an difríocht idir an méid bunúsach agus an méid a bheidh ann mar thoradh ar chur i bhfeidhm gach comhéifeachta géaraithí ar leith a chur leis an méid bunúsach. Maidir leis an tairbhe a dhíorthaítear ón sárú nó ó na caillteanais do na tríú páirtithe arb é an sárú is cúis leo, i gcás inar féidir iad a chinneadh, cuirfear iad le méid iomlán an smachtbhanna tar éis na comhéifeachtaí a chur i bhfeidhm.

5.   Is ceann ar cheann a dhéanfar na comhéifeachtaí maolaitheacha ábhartha a chur i bhfeidhm i leith an mhéid bhunúsaigh. Má tá níos mó ná comhéifeacht mhaolaitheach amháin infheidhme, déanfar an difríocht idir an méid bunúsach agus an méid a bheidh ann mar thoradh ar chur i bhfeidhm gach comhéifeachta maolaithí ar leith a dhealú ón méid bunúsach.

6.   Maidir leis an méid uasta smachtbhanna le haghaidh na sáruithe tromchúiseacha, leantacha nó córasacha dá dtagraítear i mír 3, pointí (a) agus (b), ní rachaidh sé thar 10 % de láimhdeachas bliantúil iomlán an eintitis faoi oibleagáid sa bhliain ghnó roimhe sin, tar éis na comhéifeachtaí dá dtagraítear i míreanna 4 agus 5 a chur i bhfeidhm.

7.   Maidir leis an méid uasta pionóis le haghaidh sáruithe tromchúiseacha, leantacha nó córasacha dá dtagraítear i mír 3, pointí (c) agus (d), ní rachaidh sé thar EUR 10 000 000, tar éis na comhéifeachtaí dá dtagraítear i míreanna 4 agus 5 a chur i bhfeidhm.

8.   I gcás inar máthairghnóthas nó fochuideachta máthairghnóthais an t-eintiteas roghnaithe faoi oibleagáid a bhfuil sé de cheangal air ráitis airgeadais chomhdhlúite a ullmhú i gcomhréir le hAirteagal 22 de Threoir 2013/34/AE ó Pharlaimint na hEorpa agus ón gComhairle (37), is éard a bheidh sa láimhdeachas bliantúil iomlán ábhartha an láimhdeachas bliantúil iomlán nó an cineál ioncaim chomhfhreagraigh i gcomhréir leis na caighdeáin chuntasaíochta is infheidhme de réir na gcuntas comhdhlúite is déanaí atá ar fáil agus a d’fhormheas comhlacht bainistíochta an mháthairghnóthais deiridh.

9.   I gcásanna nach gcumhdaítear le mír 1 den Airteagal seo, i gcás inar gá chun na cúraimí a thugtar dó leis an Rialachán seo a dhéanamh, féadfaidh an tÚdarás a cheangal ar mhaoirseoirí airgeadais imeachtaí a thionscnamh d’fhonn gníomhaíocht a dhéanamh chun a áirithiú go bhforchuirfear smachtbhannaí airgid iomchuí i gcomhréir leis an dlí náisiúnta lena dtrasuitear Treoir (AE) 2024/1640 agus aon reachtaíocht náisiúnta ábhartha lena dtugtar cumhachtaí sonracha nach gceanglaítear faoi láthair le dlí an Aontais. Beidh smachtbhannaí airgid arna bhforchur éifeachtach, comhréireach agus athchomhairleach.

Beidh an chéad fhomhír infheidhme maidir le smachtbhannaí airgid atá le forchur ar eintitis roghnaithe faoi oibleagáid i leith sáruithe ar an dlí náisiúnta lena dtrasuitear Treoir (AE) 2024/1640 agus maidir le haon smachtbhanna airgid atá le forchur ar chomhaltaí de chomhlacht bainistíochta na n-eintiteas roghnaithe faoi oibleagáid atá freagrach faoin dlí náisiúnta as sárú ag an eintiteas roghnaithe faoi oibleagáid.

10.   Beidh na smachtbhannaí airgid a fhorchuirfidh an tÚdarás éifeachtach, comhréireach agus athchomhairleach.

Agus méid an smachtbhanna airgid á cinneadh, tabharfaidh an tÚdarás aird chuí ar chumas an eintitis roghnaithe faoi oibleagáid an smachtbhanna airgid a íoc agus, i gcás ina bhféadfadh an smachtbhanna airgid difear a dhéanamh do chomhlíonadh na rialála stuamachta, rachaidh sé i gcomhairle leis na húdaráis atá inniúil ar mhaoirseacht a dhéanamh ar chomhlíonadh na n-eintiteas roghnaithe faoi oibleagáid le dlí an Aontais is infheidhme.

1.   Féadfaidh an Bord Feidhmiúcháin cinneadh a ghlacadh lena bhforchuirfear íocaíocht phionósach thréimhsiúil chun iallach a chur orthu seo a leanas:

2.   Beidh an íocaíocht phionósach thréimhsiúil éifeachtach agus comhréireach. Déanfar an íocaíocht phionósach thréimhsiúil a fhorchur go dtí go ndéanfaidh an t-eintiteas roghnaithe faoi oibleagáid nó an duine lena mbaineann an beart riaracháin ábhartha dá dtagraítear i mír 1 a chomhlíonadh.

3.   D’ainneoin mhír 2, ní sháróidh méid na híocaíochta pionósaí tréimhsiúla, i gcás daoine dlítheanacha, 3 % den mheánláimhdeachas laethúil sa bhliain ghnó roimhe sin nó, i gcás daoine nádúrtha, 2 % den mheánioncam laethúil sa bhliain féilire roimhe sin. Déanfar é a ríomh ón dáta a shocraítear sa chinneadh lena bhforchuirtear an íocaíocht phionósach thréimhsiúil.

4.   Féadfar íocaíocht phionósach thréimhsiúil a fhorchur ar feadh tréimhse nach faide ná 6 mhí tar éis an fhógra faoin gcinneadh ón Údarás. I gcás, ar dhul in éag na tréimhse sin, nár chomhlíon an t-eintiteas roghnaithe faoi oibleagáid an beart riaracháin go fóill, féadfaidh an tÚdarás íocaíochtaí pionósacha tréimhsiúla a fhorchur ar feadh tréimhse bhreise nach faide ná 6 mhí.

5.   Féadfar an cinneadh lena bhforchuirtear íocaíocht phionósach thréimhsiúil a dhéanamh tráth níos déanaí le héifeacht chúlghabhálach suas go dtí dáta chur i bhfeidhm an bhirt riaracháin.

1.   Sula ndéanfaidh sé aon chinneadh maidir le pionós airgid nó íocaíocht phionósach thréimhsiúil a fhorchur faoi Airteagail 22 nó 23, tabharfaidh an Bord Feidhmiúcháin an deis do na daoine atá faoi réir na n-imeachtaí éisteacht a fháil faoi fhionnachtana an Údaráis. Is ar na fionnachtana sin a raibh deis ag na daoine atá faoi réir na n-imeachtaí a dtuairimí a thabhairt ina leith, agus orthu sin amháin, a bhunóidh an Bord Feidhmiúcháin a chuid cinntí.

2.   Déanfar cearta cosanta na ndaoine atá faoi réir na n-imeachtaí a urramú go hiomlán le linn na n-imeachtaí. Beidh siad i dteideal rochtain a bheith acu ar chomhad an Údaráis, faoi réir leas dlisteanach daoine eile maidir lena rúin ghnó a chosaint. Ní bheidh faisnéis rúnda ná doiciméid ullmhúcháin inmheánacha de chuid an Údaráis sa cheart rochtain a fháil ar an gcomhad.

1.   Foilseoidh an tÚdarás gach cinneadh lena bhforchuirfear smachtbhanna airgid nó íocaíocht phionósach thréimhsiúil nó lena gcuirfear i bhfeidhm bearta riaracháin dá dtagraítear in Airteagal 21(2), pointí (c) go (g), a ghlacfar maidir le cásanna dá dtagraítear in Airteagal 21(1), pointe (a), díreach tar éis don duine ar a gcuirfear na smachtbhannaí a bheith curtha ar an eolas faoin gcinneadh sin. Áireofar ar a laghad san fhoilsiú an fhaisnéis maidir le saghas agus cineál an tsáraithe, céannacht an duine atá faoi smachtbhannaí, agus méid an smachtbhanna airgid nó na híocaíochta pionósaí tréimhsiúla, i gcás inarb infheidhme.

De mhaolú ar an gcéad fhomhír, i gcás ina mbaineann an foilsiú le bearta riaracháin ar féidir iad a achomharc agus nach bhfuil sé d’aidhm acu sáruithe tromchúiseacha, leantacha agus córasacha a leigheas, féadfaidh an tÚdarás foilsiú na mbeart riaracháin sin a chur siar go dtí dul in éag an spriocdháta le haghaidh achomhairc chuig Cúirt Bhreithiúnais an Aontais Eorpaigh.

2.   Ar dhul in éag an spriocdháta le haghaidh athbhreithniú ar an gcinneadh ón mBord Riaracháin Athbhreithniúcháin nó, i gcás nár iarr an t-eintiteas faoi oibleagáid athbhreithniú den sórt sin, ar dhul in éag an spriocdháta le haghaidh achomhairc chuig Cúirt Bhreithiúnais an Aontais Eorpaigh, foilseoidh an tÚdarás an fhaisnéis maidir le hiarraidh ar athbhreithniú nó achomharc. Foilseoidh an tÚdarás aon fhaisnéis ina dhiaidh sin maidir le toradh an athbhreithnithe nó an achomhairc sin díreach tar éis dó an fhaisnéis sin a fháil. Foilseofar freisin aon chinneadh lena gcuirfear ar neamhní cinneadh smachtbhanna airgid nó íocaíocht phionósach thréimhsiúil a fhorchur, nó beart riaracháin a chur i bhfeidhm de bhun Airteagal 21(1), pointe (a).

3.   D’ainneoin an cheanglais dá dtagraítear i mír 1, i gcás ina measfaidh an tÚdarás go bhfuil foilsiú chéannacht nó shonraí pearsanta na ndaoine atá freagrach díréireach tar éis measúnú cás ar chás, nó i gcás ina gcuirfear cobhsaíocht na margaí airgeadais nó imscrúdú atá ar siúl i mbaol leis an bhfoilsiú, déanfaidh an tÚdarás an méid seo a leanas:

4.   Cuirfidh an tÚdarás aon fhoilseachán de bhun an Airteagail seo ar fáil ar a shuíomh gréasáin oifigiúil go ceann tréimhse 5 bliana.

1.   Beidh smachtbhannaí airgid agus íocaíochtaí pionósacha tréimhsiúla a fhorchuirtear de bhun Airteagail 22 agus 23 in-fhorfheidhmithe.

Déanfar forfheidhmiú a rialú leis na rialacha nós imeachta shibhialta atá i bhfeidhm sa Bhallstát ina ndéantar an forfheidhmiú ar a chríoch. Maidir leis an ordú chun forfheidhmiú a dhéanamh, déanfar é a chur i gceangal leis an gcinneadh chun smachtbhannaí airgid nó íocaíochtaí pionósacha tréimhsiúla a fhorchur de bhun Airteagail 22 agus 23 gan aon fhoirmiúlacht cé is moite de bharántúlacht an chinnidh a fhíorú ag an údarás a bheidh ainmnithe chuige sin ag rialtas gach Ballstáit, ar údarás é a gcuirfidh rialtas gach Ballstáit an tÚdarás agus Cúirt Bhreithiúnais an Aontais Eorpaigh ar an eolas ina leith.

Nuair atá na foirmiúlachtaí sin curtha i gcrích, ar iarratas ón bpáirtí lena mbaineann, féadfaidh an páirtí sin dul i mbun an fhorfheidhmiúcháin i gcomhréir leis an dlí náisiúnta, tríd an ábhar a thabhairt go díreach os comhair an chomhlachta inniúil.

Ní fhéadfar forfheidhmiúchán a chur ar fionraí ach amháin trí bhreith ó Chúirt Bhreithiúnais an Aontais Eorpaigh. Beidh dlínse ag cúirteanna an Bhallstáit lena mbaineann, áfach, i dtaca le gearáin go bhfuil an forfheidhmiúchán á chur i gcrích ar dhóigh neamhrialta.

2.   Déanfar méideanna na smachtbhannaí airgid agus na n-íocaíochtaí pionósacha tréimhsiúla arna mbailiú a leithdháileadh ar bhuiséad ginearálta an Aontais Eorpaigh.

1.   Más rud é, le linn a dhualgais faoin Rialachán seo a chur i gcrích, go bhfionnann an tÚdarás go bhfuil tásca tromchúiseacha ann a léiríonn go bhféadfadh sé gurbh ann d’fhíorais ar dóigh maidir leo gurb ionann iad agus ceann amháin nó níos mó de na sáruithe a liostaítear in Iarscríbhinn II, ceapfaidh an tÚdarás foireann neamhspleách imscrúdúcháin laistigh den Údarás chun an t-ábhar a imscrúdú. Ní bheidh an fhoireann imscrúdúcháin rannpháirteach ná tar éis a bheith rannpháirteach i maoirseacht dhíreach ar an eintiteas roghnaithe faoi oibleagáid lena mbaineann, agus comhlíonfaidh sí a cuid feidhmeanna go neamhspleách ar an mBord Feidhmiúcháin. Forbróidh an tÚdarás nósanna imeachta inmheánacha chun na rialacha a chinneadh lena rialófar roghnú bhaill na foirne imscrúdúcháin neamhspleáiche, go háirithe maidir le heolas, cúlra, saineolas agus taithí na mball sin.

2.   Déanfaidh an fhoireann imscrúdúcháin na sáruithe líomhnaithe a imscrúdú, agus aon bharúil arna dtíolacadh ag daoine atá faoi réir a n-imscrúdaithe á gcur san áireamh, agus déanfaidh sí comhad iomlán ina mbeidh a cuid fionnachtana a chur faoi bhráid an Bhoird Feidhmiúcháin.

Chun a cuid cúraimí a chur i gcrích, féadfaidh an fhoireann imscrúdúcháin faisnéis a éileamh i gcomhréir le hAirteagal 17 agus imscrúduithe agus cigireachtaí ar an láthair a dhéanamh i gcomhréir le hAirteagail 18 agus 19.

Nuair atá a cuid cúraimí á gcur i gcrích aici, beidh rochtain ag an bhfoireann imscrúdúcháin ar gach doiciméad agus ar an bhfaisnéis uile a bhailíonn an chomhfhoireann maoirseachta trína gníomhaíochtaí maoirseachta.

3.   Tar éis don fhoireann imscrúdúcháin a himscrúdú a chríochnú agus sula ndéanfaidh sí an comhad ina bhfuil a cuid fionnachtana a chur faoi bhráid Bhord Feidhmiúcháin an Údaráis, tabharfaidh sí deis do na daoine atá faoi réir imscrúdaithe éisteacht a fháil maidir leis na hábhair atá á n-imscrúdú. Ní dhéanfaidh an fhoireann imscrúdúcháin a cuid fionnachtana a bhunú ach amháin ar fhíorais a raibh deis ag na daoine a bhí faoi réir imscrúdaithe barúil a thabhairt ina leith.

Déanfar cearta cosanta na ndaoine lena mbaineann a urramú go hiomlán le linn imscrúduithe faoin Airteagal seo.

4.   Nuair a bheidh an comhad ina bhfuil a cuid fionnachtana á chur faoi bhráid an Bhoird Feidhmiúchán ag an bhfoireann imscrúdúcháin, tabharfaidh sí fógra faoin méid sin do na daoine atá faoi réir imscrúdaithe. Beidh na daoine atá faoi réir imscrúdaithe i dteideal rochtain a bheith acu ar an gcomhad, ach sin faoi réir an leasa dhlisteanaigh atá ag daoine eile maidir lena rúin ghnó a chosaint. Ní leathnófar an ceart rochtana ar an gcomhad chun faisnéis rúnda a chumhdach, faisnéis a dhéanann difear do thríú páirtithe.

5.   Ar bhonn an chomhaid ina bhfuil fionnachtana na foirne imscrúdúcháin agus, arna iarraidh sin do na daoine lena mbaineann, déanfaidh an Bord Feidhmiúcháin, tar éis éisteacht a thabhairt do na daoine atá faoi réir imscrúdaithe i gcomhréir le hAirteagal 24(1), a chinneadh an bhfuil ceann amháin nó níos mó de na sáruithe a liostaítear in Iarscríbhinn II déanta ag na daoine a bhí faoi réir imscrúdaithe, agus más amhlaidh an cás, déanfaidh sé smachtbhanna airgid a chur i bhfeidhm i gcomhréir le hAirteagal 22 agus beart riaracháin a dhéanamh i gcomhréir le hAirteagal 21 i dteannta, nó in ionad, smachtbhanna airgid a fhorchur.

6.   Ní bheidh an fhoireann imscrúdúcháin rannpháirteach i bpléití an Bhoird Feidhmiúcháin ná ní dhéanfaidh sí idiragairt ar aon bhealach eile i bpróiseas cinnteoireachta an Bhoird Feidhmiúcháin.

7.   Déanfaidh an Coimisiún rialacha nós imeachta breise a ghlacadh maidir le feidhmiú na cumhachta chun smachtbhannaí airgid nó íocaíochtaí pionósacha tréimhsiúla a fhorchur, lena n-áirítear forálacha maidir le cearta cosanta, forálacha ama, agus smachtbhannaí airgid nó íocaíochtaí pionósacha tréimhsiúla a bhailiú, agus déanfaidh sé rialacha mionsonraithe a ghlacadh maidir leis na tréimhsí teorann i dtaca le pionóis a fhorchur agus a fhorfheidhmiú.

Glacfar na rialacha dá dtagraítear sa chéad fhomhír trí bhíthin gníomhartha tarmligthe lena bhforlíontar an Rialachán seo, i gcomhréir le hAirteagal 100.

Glacfaidh an Coimisiún na gníomhartha tarmligthe dá dtagraítear sa dara fomhír faoin 1 Eanáir 2027.

8.   Déanfaidh an tÚdarás ábhair i gcomhair ionchúiseamh coiriúil a tharchur chuig na húdaráis náisiúnta ábhartha i gcás ina bhfionnann sé, agus a dhualgais faoin Rialachán seo á ndéanamh aige, tásca tromchúiseacha gur féidir gur ann d’fhíorais a léireodh cionta coiriúla. Ina theannta sin, staonfaidh an tÚdarás ó smachtbhannaí airgid nó íocaíochtaí pionósacha tréimhsiúla a fhorchur más rud é, maidir le héigiontú nó le ciontú roimhe sin a éiríonn as fíorais chomhionanna nó as fíorais atá comhionann lena chéile go substaintiúil, go bhfuil feidhm res judicata bainte amach aige mar thoradh ar imeachtaí coiriúla faoin dlí náisiúnta.

1.   Déanfaidh an tÚdarás agus na maoirseoirí airgeadais na socruithe a ghlacadh dá gcumarsáid laistigh de chóras maoirseachta AML/CFT, lena n-áirítear an teanga (na teangacha) a bheidh le húsáid.

2.   Aon doiciméad a chuireann eintiteas roghnaithe faoi oibleagáid nó aon duine nádúrtha nó dlítheanach eile atá faoi réir nósanna imeachta maoirseachta an Údaráis go haonarach faoi bhráid an Údaráis; féadfar é a dhréachtú in aon cheann de theangacha oifigiúla an Aontais, arna roghnú ag an eintiteas roghnaithe faoi oibleagáid nó ag an duine nádúrtha nó dlítheanach lena mbaineann.

3.   Féadfaidh an tÚdarás, na heintitis roghnaithe faoi oibleagáid agus aon duine nádúrtha nó dlítheanach eile atá faoi réir nósanna imeachta maoirseachta an Údaráis go haonarach comhaontú chun ceann de theangacha oifigiúla an Aontais a úsáid go heisiach ina gcuid cumarsáide scríofa, lena n-áirítear i dtaca le cinntí maoirseachta an Údaráis.

4.   I gcás ina ndéanfar comhaontú maidir le húsáid eisiach teanga amháin dá dtagraítear i mír 3 a chúlghairm ina dhiaidh sin, ní dhéanfaidh an chúlghairm sin difear ach do na gnéithe de nós imeachta maoirseachta an Údaráis nach bhfuil curtha i gcrích go fóill.

5.   I gcás ina n-iarrfaidh rannpháirtithe in éisteacht ó bhéal éisteacht a fháil i dteanga oifigiúil an Aontais seachas teanga nós imeachta maoirseachta an Údaráis, tabharfar réamhfhógra leordhóthanach den cheanglas sin don Údarás ionas gur féidir leis na socruithe riachtanacha a dhéanamh.

1.   Déanfaidh an tÚdarás measúnuithe tréimhsiúla ar chuid de na gníomhaíochtaí nó ar na gníomhaíochtaí go léir a bhaineann le ceann amháin, roinnt díobh, nó na maoirseoirí airgeadais go léir, agus chomh maith leis sin ar a n-uirlisí agus a n-acmhainní. Mar chuid de gach measúnú, déanfaidh an tÚdarás measúnú ar a mhéid a dhéanann maoirseoir airgeadais a chúraimí i gcomhréir le Treoir (AE) 2024/1640 agus a dhéanann sé na bearta is gá chun caighdeáin agus cleachtais mhaoirseachta ardleibhéil chomhsheasmhacha a áirithiú. Cuirfear san áireamh sna measúnuithe leibhéal comhchuibhithe na gcineálacha cur chuige maoirseachta agus, chuige sin, áireofar athbhreithniú ar chur i bhfeidhm mhodheolaíocht mhaoirseachta AML/CFT, ina hiomláine nó i bpáirt, a forbraíodh de bhun Airteagal 8, agus cumhdófar leo na maoirseoirí airgeadais uile laistigh de thimthriall measúnúcháin amháin. Glacfaidh an Bord Feidhmiúcháin, tar éis dó dul i gcomhairle leis an mBord Ginearálta i gcomhdhéanamh maoirseachta, plean timthrialla measúnúcháin. Féadfaidh an Bord Ginearálta, ag gníomhú dó trí thromlach dhá thrian dá chomhaltaí, a cheangal ar an mBord Feidhmiúcháin plean nua a ghlacadh. Déanfaidh an tÚdarás fad gach timthrialla measúnúcháin a chinneadh, agus ní rachaidh sé thar 7 mbliana.

Forbróidh an tÚdarás modhanna chun gur féidir measúnú comhsheasmhach a dhéanamh ar na maoirseoirí airgeadais a athbhreithníodh sa timthriall céanna agus comparáid a dhéanamh eatarthu. Ag deireadh gach timthrialla measúnúcháin, cuirfidh an tÚdarás a chuid fionnachtana faoi bhráid Pharlaimint na hEorpa agus na Comhairle.

2.   Is iad foireann an Údaráis agus, tar éis glao oscailte ar rannpháirtíocht, foireann maoirseoirí airgeadais nach bhfuil faoi réir athbhreithniú a dhéanfaidh na measúnuithe, ar bhonn deonach. I gcás inarb ábhartha, tabharfar aird chuí sna measúnuithe ar na meastóireachtaí, measúnuithe nó tuairiscí go léir arna ndréachtú ag eagraíochtaí idirnáisiúnta agus comhlachtaí idir-rialtasacha ag a bhfuil inniúlacht sa réimse chun ML/TF a chosc. Féadfar aird chuí a thabhairt sna measúnuithe freisin ar an bhfaisnéis a leagtar amach i mbunachar sonraí lárnach AML/CFT arna bhunú de bhun Airteagal 11.

3.   Cuirfidh an tÚdarás tuairisc le chéile ina leagfar amach torthaí gach measúnaithe. Cuirfear dréachtleagan den tuairisc faoi bhráid an mhaoirseora airgeadais atá faoi réir an mheasúnaithe chun barúlacha a fháil ina leith, sula ndéanfaidh an Bord Ginearálta i gcomhdhéanamh maoirseachta é a bhreithniú. Laistigh de sprioc-am a chinnfidh an tÚdarás, déanfaidh an maoirseoir airgeadais atá faoi réir an mheasúnaithe barúlacha a thíolacadh maidir leis an dréacht-tuairisc. Déanfaidh an Bord Feidhmiúcháin an tuairisc chríochnaitheach a ghlacadh, ag cur san áireamh bharúlacha an Bhoird Ghinearálta i gcomhdhéanamh maoirseachta. Áiritheoidh an Bord Feidhmiúcháin comhsheasmhacht i gcur i bhfeidhm na modheolaíochta measúnúcháin. Tabharfar míniú agus léiriú sa tuairisc ar aon bheart leantach sonrach is gá don mhaoirseoir airgeadais atá faoi réir an mheasúnaithe a ghlacadh, a mheastar a bheith iomchuí, comhréireach agus riachtanach mar thoradh ar an measúnú. Féadfar na bearta leantacha a ghlacadh freisin i bhfoirm treoirlínte agus moltaí ón mBord Ginearálta. Féadfar na bearta leantacha a ghlacadh freisin i bhfoirm moltaí aonair arna ndéanamh ag an mBord Feidhmiúcháin. Ní fhoilseofar na bearta leantacha aonair sin ach amháin le toiliú an mhaoirseora airgeadais lena mbaineann agus i bhfoirm achomair nó i bhfoirm chomhiomlán amháin, sa chaoi nach féidir institiúidí airgeadais aonair a shainaithint. Ní bheidh faisnéis rúnda ná tagairtí do mhaoirseoirí airgeadais sonracha san áireamh sa leagan foilsithe den tuairisc.

4.   Déanfaidh maoirseoirí airgeadais a ndícheall na bearta leantacha sonracha a dhírítear chucu mar thoradh ar an measúnú a chomhlíonadh. I gcás inarb infheidhme, déanfaidh maoirseoirí airgeadais nuashonruithe tráthrialta a sholáthar don Údarás maidir leis na cineálacha beart atá curtha chun feidhme acu mar fhreagairt ar an tuairisc dá dtagraítear i mír 3.

1.   Áiritheoidh an tÚdarás, laistigh de raon feidhme a chumhachtaí agus gan dochar do chumhachtaí na maoirseoirí airgeadais ábhartha, go ndéanfar coláistí maoirseachta AML/CFT san earnáil airgeadais a bhunú agus a fheidhmiú go comhsheasmhach le haghaidh bunaíochtaí oibriúcháin eintiteas neamhroghnaithe faoi oibleagáid i roinnt Ballstát i gcomhréir le hAirteagal 49 de Threoir (AE) 2024/1640. Chuige sin, féadfaidh an tÚdarás:

2.   Chun críocha mhír 1, beidh cearta rannpháirtíochta iomlána ag baill foirne an Údaráis sna coláistí maoirseachta AML/CFT, agus beidh siad in ann páirt a ghlacadh ina ngníomhaíochtaí, lena n-áirítear cigireachtaí ar an láthair, gníomhaíochtaí a chuirtear i gcrích go comhpháirteach ag beirt mhaoirseoirí airgeadais nó níos mó.

1.   Tabharfaidh maoirseoirí airgeadais fógra don Údarás i gcás ina dtiocfaidh meath tapa suntasach ar staid aon eintitis neamhroghnaithe faoi oibleagáid maidir lena chomhlíonadh le Rialachán (AE) 2024/1624, Rialachán (AE) 2023/1113, aon fhorálacha dlíthiúla eile arna nglacadh chun na Rialacháin sin a chur chun feidhme nó aon ghníomh riaracháin arna eisiúint ag aon mhaoirseoir agus ar a neamhchosaint ar rioscaí ML/TF, go háirithe i gcás ina bhféadfadh meath den sórt sin tionchar diúltach a imirt ar roinnt Ballstát nó ar an Aontas ina iomláine nó ina bhféadadh meath den sórt sin an bonn a bhaint de shláine chóras airgeadais an Aontais.

2.   Féadfaidh an tÚdarás, i gcás ina bhfaighidh sé tásca ar sháruithe tromchúiseacha, leantacha nó córasacha ag eintiteas neamhroghnaithe faoi oibleagáid, a iarraidh ar a mhaoirseoir airgeadais a méid seo a leanas a dhéanamh:

Sa chomhthéacs sin, féadfaidh an tÚdarás, i gcás inar gá, a iarraidh ar mhaoirseoir airgeadais eintitis neamhroghnaithe faoi oibleagáid cinneadh aonair a ghlacadh a bheadh dírithe ar an eintiteas sin, á cheangal air gach gníomhaíocht is gá a dhéanamh chun a chuid oibleagáidí a chomhlíonadh faoi dhlí an Aontais is infheidhme go díreach nó faoin dlí náisiúnta a mhéid a dhéantar leis an dlí náisiúnta treoracha a thrasuí nó roghanna a fheidhmiú a thugtar do Bhallstáit le dlí an Aontais, lena n-áirítear scor d’aon chleachtas. Ní chuirfidh na hiarrataí dá dtagraítear sa mhír seo bac ar bhearta maoirseachta leanúnacha a bheidh á ndéanamh ag an maoirseoir airgeadais ar cuireadh an iarraidh faoina bhráid.

3.   Féadfar iarraidh dá dtagraítear i mír 2 a thionscnamh i gcás ina bhfuil tásca ag an Údarás gur ann do shárú tromchúiseach, leantach nó córasach:

4.   Comhlíonfaidh an maoirseoir airgeadais lena mbaineann aon iarraidh a sheoltar chuige i gcomhréir le mír 2, agus cuirfidh sé an tÚdarás ar an eolas a luaithe is féidir, agus laistigh de 10 lá oibre ó fhógra na hiarrata sin ar a dhéanaí, faoi na bearta atá déanta aige, nó na bearta atá ar intinn aige a dhéanamh, leis an iarraidh sin a chomhlíonadh.

5.   I gcás nach gcomhlíontar iarraidh dá dtagraítear i mír 2 nó nach soláthrófar don Údarás faisnéis maidir leis na bearta a rinneadh nó a bhí beartaithe a dhéanamh chun í a chomhlíonadh laistigh de 10 lá oibre ó fhógra na hiarrata, féadfaidh an tÚdarás a iarraidh ar an gCoimisiún cead a dheonú chun na cúraimí agus na cumhachtaí ábhartha dá dtagraítear in Airteagal 5(2) agus Airteagal 6(1) a bhaineann le maoirseacht dhíreach ar an eintiteas neamhroghnaithe faoi oibleagáid a aistriú go sealadach ón maoirseoir airgeadais lena mbaineann chuig an Údarás.

6.   Beidh an méid seo a leanas san iarraidh ón Údarás chuig an gCoimisiún de bhun mhír 5:

7.   Bunaithe ar an bhfaisnéis a gheofar de bhun mhír 6, beidh mí amháin ag an gCoimisiún ón dáta a gheofar an iarraidh ón Údarás chun cinneadh a bhfuil údar cuí leis a ghlacadh i dtaobh aistriú na gcúraimí agus na gcumhachtaí ábhartha a údarú nó cur ina choinne. Tabharfar fógra faoin gcinneadh don Údarás, a chuirfidh an maoirseoir airgeadais agus an t-eintiteas neamhroghnaithe faoi oibleagáid ar an eolas go láithreach faoi sin. Cuirfear Parlaimint na hEorpa agus an Chomhairle ar an eolas faoin gcinneadh.

8.   Ar an deichiú lá oibre tar éis fógra a bheith tugtha don Údarás faoin gcinneadh lena n-údaraítear aistriú na gcúraimí agus na gcumhachtaí i ndáil leis an eintiteas neamhroghnaithe faoi oibleagáid, measfar an t-eintiteas neamhroghnaithe faoi oibleagáid a bheith ina eintiteas roghnaithe faoi oibleagáid chun críocha fheidhmiú na gcúraimí dá dtagraítear in Airteagal 5(2) agus na gcumhachtaí dá dtagraítear in Airteagal 6(1) agus in Airteagail 17 go 23. Socrófar leis an gcinneadh ón gCoimisiún teorainn ama d’fheidhmiú na gcúraimí agus na gcumhachtaí sin, a n-aistreofar ar ais chuig an maoirseoir airgeadais lena mbaineann go huathoibríoch iad ar dhul in éag na teorann ama sin.

9.   Tar éis dó dul i gcomhairle leis an maoirseoir airgeadais lena mbaineann, féadfaidh an tÚdarás iarraidh a chur faoi bhráid an Choimisiúin ar shíneadh a chur le cur i bhfeidhm an chinnidh lena n-údaraítear aistriú na gcúraimí agus na gcumhachtaí. Cuirfear an iarraidh sin isteach 2 mhí ar a laghad roimh dhul in éag na tréimhse tosaigh.

Beidh an méid seo a leanas ag gabháil leis an iarraidh dá dtagraítear sa chéad fhomhír:

Glacfaidh an Coimisiún cinneadh i dtaobh an ndeonófar an síneadh laistigh den teorainn ama a luaitear i mír 7. Aon síneadh a dheonófar de bhun na míre seo, ní fhéadfar é a dheonú ach aon uair amháin.

1.   Féadfaidh an tÚdarás cúnamh a thabhairt do mhaoirseoirí airgeadais teacht ar chomhaontú i gcomhréir leis an nós imeachta a leagtar amach i míreanna 3, 4 agus 5 den Airteagal seo arna iarraidh sin do mhaoirseoir airgeadais amháin nó níos mó ná sin de bhun Airteagail 46, 47, 49 nó 54 de Threoir (AE) 2024/1640 nó i gcásanna eile ina n-easaontaíonn maoirseoir airgeadais le nós imeachta nó le hábhar gníomhaíochta, le gníomhaíocht atá beartaithe nó le neamhghníomhaíocht maoirseora seach-airgeadais eile a mhéid a dhéanann sé difear dá chúraimí agus dá fhreagrachtaí maoirseachta féin i ndáil le heintiteas sonrach neamhroghnaithe faoi oibleagáid nó le heintitis iomadúla neamhroghnaithe faoi oibleagáid.

2.   I gcásanna seachas na cásanna sin a chumhdaítear le hAirteagail 46, 47, 49 agus 54 de Threoir (AE) 2024/1640, iarrfaidh maoirseoir airgeadais cúnamh ar an Údarás gan moill mhíchuí i gcás ina gceanglaítear le foráil de dhlí an Aontais go dtiocfaidh an maoirseoir airgeadais sin ar chomhaontú, ar shocrú nó ar chomhar de chineál eile atá bunaithe nó curtha ar bhonn foirmiúil, le maoirseoir airgeadais eile, a bhaineann le maoirseacht a dhéanamh ar eintitis shonracha neamhroghnaithe faoi oibleagáid, agus i gcásanna ina dtarlaíonn aon cheann de na nithe seo a leanas:

3.   Déanfaidh an Bord Feidhmiúcháin measúnú ar aon iarraidh dá dtagraítear i míreanna 1 agus 2 agus tabharfaidh sé fógra do na páirtithe ábhartha i dtaobh an measann sé go bhfuil údar cuí leis an iarraidh agus an bhfuil sé ar intinn aige gníomhú ina leith i gcomhréir leis an Airteagal seo.

4.   Déanfaidh an tÚdarás teorainn ama a leagan síos don idir-réiteach idir na maoirseoirí airgeadais, agus aon teorainneacha ama ábhartha a shonraítear i ndlí an Aontais agus castacht agus práinn an ábhair á gcur san áireamh. Chun críocha na céime idir-réitigh, gníomhóidh an tÚdarás mar idirghabhálaí. I gcás inar gá nó ina bhforáiltear i ndlí an Aontais, eiseoidh sé tuairim maidir le conas an t-easaontas a réiteach.

5.   I gcás nach dtagann na maoirseoirí airgeadais ar chomhaontú le linn na céime idir-réitigh dá dtagraítear i mír 4, nó i gcás nach leanann siad an tuairim arna heisiúint ag an Údarás, féadfaidh an tÚdarás a chur de cheangal ar na maoirseoirí sin gníomhaíocht shonrach a dhéanamh nó staonadh ó ghníomhaíocht chun an t-ábhar a réiteach, agus chun a áirithiú go gcomhlíonfar dlí an Aontais. Beidh an cinneadh ón Údarás ceangailteach ar na maoirseoirí airgeadais. Féadfaidh ceanglas a bheith sa chinneadh ón Údarás gur gá do na maoirseoirí airgeadais cinneadh a ghlac siad a chúlghairm nó a leasú, nó úsáid a bhaint as na cumhachtaí atá acu faoi dhlí an Aontais is infheidhme.

6.   Tabharfaidh an tÚdarás fógra do na maoirseoirí airgeadais gur cuireadh i gcrích nósanna imeachta faoi mhíreanna 4 agus 5, agus, i gcás inarb infheidhme, an cinneadh a rinne sé faoi mhír 5.

7.   Beidh aon ghníomhaíocht a dhéanfaidh na maoirseoirí airgeadais maidir le fíorais atá faoi réir cinneadh de bhun mhír 5 comhoiriúnach le cinneadh den sórt sin.

8.   Sa tuairisc dá dtagraítear in Airteagal 84, leagfaidh Cathaoirleach an Údaráis amach cineál agus saghas na n-easaontas atá ann idir na maoirseoirí airgeadais, na comhaontuithe ar thángthas orthu agus na cinntí a rinneadh chun na heasaontais sin a réiteach.

1.   I gcás nár chuir maoirseoir airgeadais bearta a leagtar síos i dTreoir (AE) 2024/1640, nó forálacha an dlí náisiúnta lena dtrasuitear an Treoir sin, i bhfeidhm, nó inar chuir sé bearta i bhfeidhm ar bhealach ar dealraitheach gur sárú ar dhlí an Aontais é as a n-eascraíonn mainneachtana córasacha ina mhaoirseacht a dhéanann difear d’eintitis iomadúla faoi oibleagáid agus a bhaineann an bonn d’éifeachtacht chóras maoirseachta AML/CFT, gníomhóidh an tÚdarás i gcomhréir leis na cumhachtaí a leagtar amach i míreanna 2, 3 agus 4.

2.   Féadfaidh an tÚdarás imscrúdú a thionscnamh ar shárú féideartha ar dhlí an Aontais dá dtagraítear i mír 1 ar a thionscnamh féin i gcás ina bhfuil tásca aige ar shárú den sórt sin bunaithe ar fhaisnéis a bhfuil bunús maith léi arna bailiú ag an Údarás agus a chúraimí á ndéanamh aige de bhun an Rialacháin seo.

Féadfaidh an tÚdarás imscrúdú a dhéanamh freisin ar shárú líomhnaithe ar dhlí an Aontais nó ar an líomhain nár cuireadh dlí an Aontais i bhfeidhm ar iarraidh a bhfuil bunús maith léi a fháil ó mhaoirseoir airgeadais amháin nó níos mó, ó Pharlaimint na hEorpa nó ón gCoimisiún.

I gcás ina n-iarrtar imscrúdú ar shárú féideartha ar dhlí an Aontais de bhun na chéad fhomhíre nó an dara fomhír, cuirfidh an tÚdarás in iúl go cuí don pháirtí a bhfuil an iarraidh á déanamh aige conas atá sé ar intinn aige dul ar aghaidh leis an ábhar agus cibé an bhfuil údar le himscrúdú ar an sárú líomhnaithe. I gcás ina gcinnfidh an tÚdarás dul ar aghaidh le himscrúdú, cuirfidh sé é sin in iúl ar dtús don mhaoirseoir airgeadais lena mbaineann.

3.   Déanfaidh an maoirseoir airgeadais is ábhar d’imscrúdú de bhun mhír 2 gach faisnéis a sholáthar don Údarás gan mhoill a iarrfaidh an tÚdarás chun críoch a imscrúdaithe, lena n-áirítear maidir leis an gcaoi a gcuirtear na gníomhartha dá dtagraítear i mír 1 i bhfeidhm i gcomhréir le dlí an Aontais.

4.   I gcás ina meastar é a bheith iomchuí agus riachtanach, féadfaidh an tÚdarás freisin, tar éis dó an maoirseoir airgeadais is ábhar don imscrúdú a chur ar an eolas, deis a thabhairt do gach maoirseoir airgeadais eile faisnéis a tharchur chuig an Údarás a mheasann siad a bheith ábhartha nó iarraidh ar fhaisnéis, a bhfuil údar maith léi agus atá réasúnaithe go cuí, a dhíriú chuig aon mhaoirseoir airgeadais eile. Soláthróidh seolaithe iarrata den sórt sin, gan moill mhíchuí, faisnéis shoiléir, chruinn agus iomlán don Údarás.

5.   Féadfaidh an tÚdarás, tráth nach déanaí ná 6 mhí ón dáta a tionscnaíodh a imscrúdú, moladh a dhíriú chuig an maoirseoir airgeadais atá faoi réir imscrúdú, ina leagfar amach an ghníomhaíocht is gá chun dlí an Aontais a chomhlíonadh.

Sula n-eiseoidh sé moladh den sórt sin, rachaidh an tÚdarás i dteagmháil leis an maoirseoir airgeadais i gcás ina measfaidh sé gurb iomchuí an rannpháirtíocht sin chun réiteach a fháil ar mhainneachtana córasacha maoirseachta a bhfuil sárú ar dhlí an Aontais mar thoradh orthu, chun iarracht a dhéanamh teacht ar chomhaontú maidir leis na bearta is gá chun dlí an Aontais a chomhlíonadh.

Laistigh de 10 lá oibre ón moladh a fháil, cuirfidh an maoirseoir airgeadais an tÚdarás ar an eolas faoi na bearta atá déanta aige nó atá ar intinn aige a dhéanamh chun comhlíonadh dhlí an Aontais a áirithiú.

6.   I gcás nár chomhlíon an maoirseoir airgeadais dlí an Aontais laistigh de mhí amháin ó dháta faighte mholadh an Údaráis, féadfaidh an Coimisiún, tar éis don Údarás é a chur ar an eolas faoi sin nó ar a thionscnamh féin, tuairim fhoirmiúil a eisiúint á cheangal ar an maoirseoir airgeadais an ghníomhaíocht is gá a dhéanamh chun dlí an Aontais a chomhlíonadh. Cuirfear moladh an Údaráis san áireamh i dtuairim fhoirmiúil an Choimisiúin.

Eiseoidh an Coimisiún tuairim fhoirmiúil den sórt sin laistigh de 3 mhí ón dáta a ghlacfar an moladh. Féadfaidh an Coimisiún síneadh míosa a chur leis an tréimhse sin.

Cuirfidh an tÚdarás agus an maoirseoir airgeadais an fhaisnéis uile is gá ar fáil don Choimisiún.

7.   Laistigh de 10 lá oibre ón tuairim fhoirmiúil dá dtagraítear i mír 6 a fháil, cuirfidh an maoirseoir airgeadais an Coimisiún agus an tÚdarás ar an eolas faoi na bearta atá déanta aige nó atá ar intinn aige a dhéanamh chun an tuairim fhoirmiúil sin a chomhlíonadh. Agus gníomhaíocht á déanamh maidir le saincheisteanna is ábhar do thuairim fhoirmiúil, comhlíonfaidh an maoirseoir airgeadais an tuairim fhoirmiúil sin.

1.   Déanfaidh an tÚdarás athbhreithnithe piaraí go tráthrialta ar chuid de ghníomhaíochtaí na maoirseoirí seach-airgeadais agus na n-údarás poiblí dá dtagraítear in Airteagal 52 de Threoir (AE) 2024/1640, nó orthu go léir, chun comhsheasmhacht agus éifeachtacht i dtorthaí maoirseachta a neartú. Forbróidh an tÚdarás modhanna chun gur féidir measúnú oibiachtúil a dhéanamh ar na maoirseoirí seach-airgeadais a ndéanfar athbhreithniú orthu agus comparáid oibiachtúil a dhéanamh eatarthu. I gcás inarb ábhartha, agus measúnuithe á bpleanáil agus á ndéanamh, tabharfar aird chuí ar na meastóireachtaí, ar na measúnuithe agus ar na tuairiscí arna dtarraingt suas ag eagraíochtaí idirnáisiúnta agus comhlachtaí idir-rialtasacha a bhfuil inniúlacht acu i réimse AML/CFT. Féadfar aird chuí a thabhairt sna measúnuithe freisin ar an bhfaisnéis atá i mbunachar sonraí lárnach AML/CFT arna bhunú de bhun Airteagal 11 den Airteagal seo.

Cuirfear san áireamh sna modhanna dá dtagraítear sa chéad fhomhír gnéithe sonracha an chreata maoirseachta i gcásanna ina gcuirtear maoirseacht de chúram ar chomhlachtaí féinrialála, lena n-áirítear ról an údaráis phoiblí atá freagrach as formhaoirseacht a dhéanamh ar na comhlachtaí sin de bhun Airteagal 52 de Threoir (AE) 2024/1640, agus saintréithe sonracha na maoirseoirí sna cásanna sin.

2.   Déanfaidh foireann an Údaráis athbhreithnithe piaraí i gcomhpháirt leis an bhfoireann ábhartha de chuid na maoirseoirí seach-airgeadais agus na n-údarás poiblí dá dtagraítear in Airteagal 52 de Threoir (AE) 2024/1640.

3.   Déanfar na nithe seo a leanas a mheasúnú san athbhreithniú piaraí, ach ní bheidh sé teoranta dóibh sin amháin:

4.   Ullmhóidh an tÚdarás tuairisc ina leagfar amach torthaí an athbhreithnithe piaraí. Déanfaidh foireann an Údaráis agus foireann ábhartha na maoirseoirí seach-airgeadais agus na n-údarás poiblí dá dtagraítear in Airteagal 51 de Threoir (AE) 2024/1640 a bhfuil baint acu leis an athbhreithniú piaraí an tuairisc athbhreithnithe piaraí sin a ullmhú go comhpháirteach, agus glacfaidh an Bord Feidhmiúcháin í, tar éis dó barúlacha an Bhoird Ghinearálta i gcomhdhéanamh maoirseachta a fháil maidir le comhsheasmhacht chur i bhfeidhm na modheolaíochta le tuairiscí athbhreithnithe piaraí eile. Tabharfar míniú agus léiriú sa tuairisc ar na bearta leantacha a mheastar a bheith iomchuí, comhréireach agus riachtanach de thoradh an athbhreithnithe piaraí. Féadfar na bearta leantacha sin a ghlacadh i bhfoirm treoirlínte agus moltaí de bhun Airteagal 54 agus i bhfoirm tuairimí de bhun Airteagal 55 den Rialachán seo. Déanfaidh na maoirseoirí seach-airgeadais agus na húdaráis phoiblí dá dtagraítear in Airteagal 52 de Threoir (AE) 2024/1640 a ndícheall aon treoirlínte agus aon mholtaí eisithe a chomhlíonadh, i gcomhréir le hAirteagal 54(3) den Rialachán seo.

5.   Foilseoidh an tÚdarás fionnachtana an athbhreithnithe piaraí ar a shuíomh gréasáin agus cuirfidh sé Parlaimint na hEorpa ar an eolas faoi ar a laghad. Cuirfidh sé tuairim faoi bhráid an Choimisiúin más rud é, ag féachaint do thoradh an athbhreithnithe piaraí nó d’aon fhaisnéis eile a fuair an tÚdarás agus a chúraimí á ndéanamh aige, go mbreithníonn sé gur ghá rialacha an Aontais is infheidhme maidir le heintitis faoi oibleagáid san earnáil seach-airgeadais nó maidir le maoirseoirí seach-airgeadais a chomhchuibhiú tuilleadh ó thaobh an Aontais de.

6.   Cuirfidh an tÚdarás tuairisc leantach ar fáil 2 bhliain tar éis fhoilsiú na tuairisce athbhreithnithe piaraí. Déanfaidh foireann an Údaráis agus foireann ábhartha na maoirseoirí seach-airgeadais a bhfuil baint acu leis an athbhreithniú piaraí an tuairisc leantach a ullmhú go comhpháirteach, agus glacfaidh an Bord Feidhmiúcháin í, tar éis dó barúlacha an Bhoird Ghinearálta i gcomhdhéanamh maoirseachta a fháil, maidir le comhsheasmhacht chur i bhfeidhm na modheolaíochta le tuairiscí athbhreithnithe piaraí eile. Cuimseofar sa tuairisc leantach measúnú ar leorgacht agus ar éifeachtacht na ngníomhaíochtaí a rinne na maoirseoirí seach-airgeadais a bhí faoi réir an athbhreithnithe piaraí mar fhreagairt ar bhearta leantacha na tuairisce athbhreithnithe piaraí. Déanfaidh an tÚdarás fionnachtana na tuairisce leantaí a fhoilsiú ar a shuíomh gréasáin.

7.   Chun críocha an Airteagail seo, glacfaidh an Bord Feidhmiúcháin plean oibre athbhreithnithe piaraí gach 2 bhliain, tar éis dó dul i gcomhairle leis an mBord Ginearálta i gcomhdhéanamh maoirseachta. Léireofar sa phlean oibre athbhreithnithe piaraí sin na ceachtanna a foghlaimíodh ó phróisis athbhreithnithe piaraí roimhe sin agus ón bplé a rinneadh sa Bhord Ginearálta i gcomhdhéanamh maoirseachta. Féadfaidh an Bord Ginearálta i gcomhdhéanamh maoirseachta, ag gníomhú dó trí thromlach dhá thrian dá chomhaltaí, a cheangal ar an mBord Feidhmiúcháin plean nua a ghlacadh. Cuid ar leithligh den chlár oibre bliantúil agus ilbhliantúil a bheidh sa phlean oibre d’athbhreithniú piaraí, agus áireofar sa doiciméad clársceidealaithe aonair é dá dtagraítear in Airteagal 65. I gcás práinne nó teagmhais gan choinne, féadfaidh an tÚdarás a chinneadh athbhreithnithe piaraí breise a dhéanamh.

8.   I gcás ina mbaineann athbhreithnithe piaraí le gníomhaíochtaí maoirseachta a dhéanann comhlachtaí féinrialála i mBallstát amháin nó níos mó, áireofar san athbhreithniú piaraí measúnú ar bhearta arna ndéanamh de bhun Airteagal 52 de Threoir (AE) 2024/1640 ag an údarás poiblí atá freagrach as maoirseacht a dhéanamh ar na comhlachtaí sin chun a áirithiú go gcomhlíonfaidh siad a bhfeidhm go leormhaith agus go héifeachtach.

9.   I gcás ina mbaineann athbhreithnithe piaraí le gníomhaíochtaí maoirseachta a dhéanann comhlachtaí féinrialála i mBallstát amháin nó níos mó ná sin, ní cheanglófar ar na comhlachtaí féinrialála sin a bheith rannpháirteach. Mar sin féin, i gcás ina léiríonn siad gur spéis leo a bheith rannpháirteach in athbhreithniú piaraí, beidh cead ag foireann na gcomhlachtaí sin a gcuirtear cúraimí maoirseachta ar a n-iontaoibh a bheith rannpháirteach san athbhreithniú piaraí sin.

1.   Déanfaidh an tÚdarás, laistigh de raon feidhme a chumhachtaí agus gan dochar do chumhachtaí na maoirseoirí ábhartha seach-airgeadais de bhun Airteagal 50 de Threoir (AE) 2024/1640, cúnamh a thabhairt coláistí maoirseachta AML/CFT san earnáil seach-airgeadais a chur ar bun agus a fheidhmiú le haghaidh eintitis faoi oibleagáid san earnáil seach-airgeadais a oibríonn bunaíochtaí i roinnt Ballstát i gcomhréir leis an Airteagal sin.

2.   Chun críocha mhír 1, féadfaidh an tÚdarás an méid seo a leanas a dhéanamh:

3.   Chun críocha mhír 1, beidh cearta rannpháirtíochta iomlána ag foireann an Údaráis i gcoláistí maoirseachta AML/CFT. Ar chomhaontú ó na maoirseoirí seach-airgeadais lena mbaineann, beidh foireann an Údaráis ábalta a bheith rannpháirteach i ngníomhaíochtaí an choláiste arna ndéanamh go comhpháirteach ag beirt mhaoirseoirí seach-airgeadais nó níos mó ná sin, lena n-áirítear cigireachtaí ar an láthair ar eintitis faoi oibleagáid san earnáil seach-airgeadais seachas iad sin a chumhdaítear le hAirteagal 3, pointe (3)(a) agus (b), de Rialachán (AE) 2024/1624.

1.   I gcás ina bhfuil forais ag an Údarás chun bheith in amhras nach bhfuil gníomhartha an Aontais nó an reachtaíocht náisiúnta dá dtagraítear in Airteagal 1(2) den Rialachán seo curtha i bhfeidhm ag maoirseoir seach-airgeadais nó ag údarás poiblí a dhéanann formhaoirseacht ar chomhlachtaí féinrialála dá dtagraítear in Airteagal 52 de Threoir (AE) 2024/1640, nó go bhfuil siad curtha i bhfeidhm aige ar bhealach ina ndealraítear go sáraíonn sé dlí an Aontais, cuirfidh sé an maoirseoir nó an t-údarás poiblí lena mbaineann ar an eolas faoi na sáruithe amhrasta sin agus déanfaidh sé imscrúdú orthu.

Chun críocha na chéad fhomhíre, féadfaidh an tÚdarás gníomhú arna iarraidh sin do mhaoirseoir seach-airgeadais nó d’údarás poiblí amháin nó níos mó ná sin, do Pharlaimint na hEorpa, don Chomhairle nó don Choimisiún, nó ar a thionscnamh féin, lena n-áirítear i gcás ina mbeidh an ghníomhaíocht sin bunaithe ar fhaisnéis a bhfuil bunús maith léi ó dhaoine nádúrtha nó dlítheanacha de bhun Airteagal 90.

2.   Beidh an tÚdarás ábalta an fhaisnéis uile a mheasann an tÚdarás a bheith riachtanach dá imscrúdú a iarraidh ar an maoirseoir nó ar an údarás poiblí lena mbaineann, lena n-áirítear faisnéis faoi conas a dhéantar gníomhartha an Aontais nó reachtaíocht náisiúnta dá dtagraítear in Airteagal 1(2) den Rialachán seo a chur i bhfeidhm i gcomhréir le dlí an Aontais, ach cé is moite d’fhaisnéis a chumhdaítear le pribhléid dhlíthiúil, mura bhfuil feidhm ag na díolúintí a leagtar amach in Airteagal 21(2), an dara fomhír, agus in Airteagal 70(2), an dara fomhír, de Rialachán (AE) 2024/1624 agus in Airteagal 52(3), pointe (a), de Threoir (AE) 2024/1640.

Déanfaidh an maoirseoir nó an t-údarás poiblí lena mbaineann, gan mhoill, an fhaisnéis a iarrtar a chur ar fáil don Údarás.

Aon uair a chruthaítear nó a mheastar nach leor an fhaisnéis a iarrtar ar an maoirseoir nó ar an údarás poiblí lena mbaineann chun an fhaisnéis a mheastar a bheith riachtanach a fháil chun an sárú amhrasta a imscrúdú, féadfaidh an tÚdarás, tar éis dó an maoirseoir nó an t-údarás poiblí lena mbaineann a chur ar an eolas, iarraidh ar fhaisnéis, a bhfuil údar maith léi agus atá réasúnaithe, a dhíriú go díreach chuig maoirseoirí eile nó chuig údaráis phoiblí eile a dhéanann formhaoirseacht ar chomhlachtaí féinrialála.

Soláthróidh seolaí na hiarrata sin faisnéis shoiléir, chruinn agus iomlán don Údarás gan moill mhíchuí.

3.   Féadfaidh an tÚdarás, tráth nach déanaí ná 6 mhí óna imscrúdú a thionscnamh, moladh a dhíriú chuig an maoirseoir nó chuig an údarás poiblí lena mbaineann ina leagfar amach an ghníomhaíocht is gá chun an sárú a shainaithnítear a leigheas.

Sula n-eiseofar an moladh sin, rachaidh an tÚdarás i dteagmháil leis an maoirseoir nó leis an údarás poiblí lena mbaineann i gcás ina measfaidh sé gurb iomchuí an teagmháil sin a dhéanamh chun an sárú a réiteach, agus iarracht á déanamh aige teacht ar chomhaontú maidir leis na bearta is gá chun na críche sin.

Déanfaidh an maoirseoir nó an t-údarás poiblí lena mbaineann, laistigh de 10 lá oibre ón moladh a fháil, an tÚdarás a chur ar an eolas faoi na bearta atá déanta aige nó a bheartaíonn sé a dhéanamh chun an sárú a réiteach.

4.   I gcás nach bhfuil an sárú a shainaithnítear dá dtagraítear i mír 3, an chéad fhomhír, réitithe ag an maoirseoir ná ag an údarás poiblí laistigh de mhí amháin ón moladh ón Údarás a fháil, eiseoidh an tÚdarás rabhadh ina sonrófar an sárú agus ina sainaithneofar na bearta a bheidh le cur chun feidhme ag seolaithe an rabhaidh chun a éifeachtaí a mhaolú.

Déanfar an rabhadh dá dtagraítear sa chéad fhomhír a dhíriú chucu seo a leanas:

5.   A luaithe a bheidh an sárú réitithe ag an maoirseoir nó ag an údarás poiblí lena mbaineann, cuirfidh an tÚdarás seolaithe an rabhaidh ina leith dá dtagraítear i mír 4 ar an eolas gur réitíodh an sárú agus go bhfuil deireadh leis na bearta maolaitheacha.

1.   Féadfaidh an tÚdarás cúnamh a thabhairt do mhaoirseoirí seach-airgeadais teacht ar chomhaontú i gcomhréir leis an nós imeachta a leagtar amach i míreanna 3 agus 4 den Airteagal seo arna iarraidh sin do mhaoirseoir seach-airgeadais amháin nó níos mó ná sin de bhun Airteagail 46, 47, 50 nó 54 de Threoir (AE) 2024/1640 nó i gcásanna eile ina n-easaontaíonn maoirseoir seach-airgeadais le nós imeachta nó le hábhar gníomhaíochta, le gníomhaíocht atá beartaithe nó le neamhghníomhaíocht maoirseora eile seach-airgeadais a mhéid a dhéanann sé difear dá chúraimí agus dá fhreagrachtaí maoirseachta féin i ndáil le heintiteas sonrach faoi oibleagáid nó le heintitis iomadúla faoi oibleagáid.

2.   I gcásanna seachas na cásanna sin a chumhdaítear le hAirteagail 46, 47, 50 agus 54 de Threoir (AE) 2024/1640, iarrfaidh maoirseoir seach-airgeadais cúnamh ar an Údarás gan moill mhíchuí i gcás ina gceanglaítear le foráil de dhlí an Aontais go dtiocfaidh an maoirseoir seach-airgeadais sin ar chomhaontú, ar shocrú nó ar chomhar de chineál eile atá bunaithe nó curtha ar bhonn foirmiúil, le maoirseoir eile seach-airgeadais nó le maoirseoirí eile seach-airgeadais, a bhaineann le maoirseacht a dhéanamh ar eintitis shonracha faoi oibleagáid, agus ina dtarlaíonn aon cheann de na nithe seo a leanas:

3.   Déanfaidh an Bord Feidhmiúcháin measúnú ar aon iarraidh dá dtagraítear i míreanna 1 agus 2 agus tabharfaidh sé fógra do na páirtithe ábhartha i dtaobh an measann sé go bhfuil údar cuí leis an iarraidh agus an bhfuil sé ar intinn aige gníomhú ina leith i gcomhréir leis an Airteagal seo.

4.   Socróidh an tÚdarás teorainn ama don idir-réiteach idir na maoirseoirí seach-airgeadais agus aon tréimhsí ama ábhartha a shonraítear i ndlí an Aontais agus castacht agus práinn an ábhair á gcur san áireamh aige. Chun críocha na céime idir-réitigh, gníomhóidh an tÚdarás mar idirghabhálaí. I gcás inar gá nó ina bhforáiltear i ndlí an Aontais, eiseoidh an tÚdarás tuairim maidir le conas an t-easaontas a réiteach.

1.   Beidh an tÚdarás freagrach as comhar atá éifeachtach agus comhsheasmhach a áirithiú idir Aonaid um Fhaisnéis Airgeadais (‘FIUnna’) faoi chuimsiú an tsásra um thacaíocht agus um chomhordú le haghaidh FIUnna. Chuige sin, déanfaidh an tÚdarás tacaíocht a thabhairt do ghníomhaíochtaí FIUnna agus comhordú ina leith.

2.   Beidh an tÚdarás agus FIUnna faoi réir dualgas comhair de mheon macánta, lena n-áirítear maidir le hanailísí comhpháirteacha a dtacaíonn an tAontas leo nó a dhéanann sé a thionscnamh, agus faoi réir oibleagáid i dtaobh faisnéis a mhalartú atá riachtanach chun a gcúraimí faoi seach a chomhlíonadh.

3.   Beidh acmhainní daonna, airgeadais agus TF tiomnaithe ag an Údarás chun tacú leis na cúraimí dá dtagraítear in Airteagal 5(5) agus áiritheoidh sé, i gcás inar gá, deighilt eagraíochtúil na foirne a thiomnaítear do na cúraimí sin ón bhfoireann a dhéanann na cúraimí a bhaineann le gníomhaíochtaí maoirseachta an Údaráis.

Féadfaidh FIU an tÚdarás a chur ar an eolas i gcás mainneachtain ag FIU eile comhar a dhéanamh. Sa chás sin, gníomhóidh an tÚdarás mar idirghabhálaí.

1.   Déanfaidh an tÚdarás modhanna agus critéir a leagan síos chun cásanna a roghnú agus a chur in ord tosaíochta atá ábhartha maidir le hanailísí comhpháirteacha a dhéanamh i gcomhréir le hAirteagal 32 de Threoir (AE) 2024/1640, le cúnamh ón Údarás.

2.   Chun críocha mhír 1, déanfaidh an tÚdarás, ar bhonn bliantúil, liosta de réimsí tosaíochta a tharraingt suas maidir le hanailísí comhpháirteacha a dhéanamh. Féadfar athbhreithniú a dhéanamh ar an liosta sin i gcás ina sainaithnítear réimsí tosaíochta nua.

3.   Más rud é, de bhun Airteagal 32 de Threoir (AE) 2024/1640 agus ag féachaint do na critéir dá dtagraítear i mír 1 den Airteagal seo, go sainaithníonn FIU Ballstáit gá ionchasach le hanailís chomhpháirteach a dhéanamh le FIU amháin nó le roinnt FIUnna i mBallstáit eile, tabharfaidh sé fógra don Údarás faoi sin.

Déanfaidh an tÚdarás na fógraí uile a gheofar de bhun na chéad fhomhíre den mhír seo a chlárú agus déanfaidh sé measúnú ar ábharthacht an cháis i gcomhréir leis na modhanna agus na critéir dá dtagraítear i mír 1. I gcás ina measann an tÚdarás go bhfuil an cás ábhartha, cuirfidh sé FIUnna sna Ballstáit ábhartha uile ar an eolas laistigh de 5 lá ón bhfógra tosaigh agus iarrfaidh sé orthu páirt a ghlacadh san anailís chomhpháirteach. Chuige sin, bainfidh an tÚdarás úsáid as bealaí slána cumarsáide. Déanfaidh FIUnna sna Ballstáit ábhartha uile breithniú i dtaobh páirt a ghlacadh san anailís chomhpháirteach.

4.   Má aontaíonn FIU amháin eile ar a laghad páirt a ghlacadh san anailís chomhpháirteach, áiritheoidh an tÚdarás go seolfar an anailís chomhpháirteach laistigh de 20 lá ón measúnú tosaigh dá dtagraítear i mír 3, an dara fomhír, mura dtugann práinn an ábhair údar cuí le sprioc-am níos giorra a fhorchur.

5.   Aon FIU a dhiúltaíonn páirt a ghlacadh i gcur i gcrích na hanailíse comhpháirtí, tabharfaidh sé na cúiseanna atá leis sin i scríbhinn don an Údarás, laistigh de 5 lá ón gcuireadh a fháil. Cuirfidh an tÚdarás an míniú sin ar fáil gan mhoill do FIU a shainaithin an gá atá le hanailís chomhpháirteach.

6.   Ar thoiliú sainráite na FIUnna uile atá rannpháirteach san anailís chomhpháirteach, tabharfar rochtain d’fhoireann an Údaráis a thacaíonn leis an anailís chomhpháirteach ar na sonraí uile a bhaineann le hábhar an cháis agus beidh siad ábalta na sonraí sin a phróiseáil chun tacú leis an anailís chomhpháirteach.

I gcás ina ndiúltaíonn FIU rochtain a thabhairt d’fhoireann an Údaráis ar na sonraí a bhaineann le hábhar an cháis, áiritheoidh sé go soláthrófar an fhaisnéis ar bhealach eile nach gcuireann bac ar fhoireann an Údaráis tacaíocht oibríochtúil a sholáthar don anailís chomhpháirteach, ná nach gcuireann isteach go héifeachtach ar shlí eile ar a gcumas an tacaíocht sin a sholáthar.

I gcás ina ndiúltaíonn roinnt FIUnna rochtain a thabhairt ar na sonraí a bhaineann le hábhar an cháis, déanfaidh an tÚdarás athmheasúnú i dtaobh an dtugann na cúraimí a dhéanfadh a fhoireann údar cuí lena thacaíocht don anailís chomhpháirteach, agus déanfaidh sé breithniú i dtaobh a mholadh go leanfaidh an anailís chomhpháirteach ar aghaidh d’uireasa a thacaíochta ina ionad sin.

7.   Soláthróidh an tÚdarás na huirlisí agus an tacaíocht oibríochtúil uile is gá chun an anailís chomhpháirteach a dhéanamh, i gcomhréir leis na modhanna agus na nósanna imeachta atá forbartha. Go sonrach, déanfaidh an tÚdarás bealach cumarsáide atá tiomnaithe agus slán a chur ar bun chun an anailís chomhpháirteach a dhéanamh, agus soláthróidh sé an comhordú teicniúil iomchuí, lena n-áirítear tacaíocht TF, chomh maith le tacaíocht bhuiséadach agus lóistíochta.

8.   Ar thoiliú sainráite na FIUnna uile atá rannpháirteach san anailís chomhpháirteach, beidh foireann an Údaráis a thacaíonn leis an anailís chomhpháirteach údaraithe chun sonraí na FIUnna sin a chrosmheaitseáil, ar bhonn córas ‘amas a fháil/gan amas a fháil’, le sonraí arna gcur ar fáil ag FIUnna eile agus ag comhlachtaí, oifigí agus gníomhaireachtaí de chuid an Aontais laistigh dá sainorduithe faoi seach.

I gcás amais, comhroinnfidh an tÚdarás leis na FIUnna uile atá rannpháirteach san anailís chomhpháirteach an fhaisnéis a spreag an t-amas a mhéid a d’údaraigh soláthraí na faisnéise í a chomhroinnt agus a mhéid atá an fhaisnéis riachtanach chun an anailís chomhpháirteach a dhéanamh.

Chun críocha na míre seo, úsáidfidh an tÚdarás, ar bhealach comhréireach, córas atá ceaptha chun crosmheaitseáil a dhéanamh ar fhaisnéis atá ábhartha chun sciúradh airgid, a chionta preideacáide agus maoiniú na sceimhlitheoireachta a chosc. Áiritheofar leis an gcóras sin leibhéal slándála agus rúndachta a bheidh comhréireach le cineál agus méid na faisnéise crosmheaitseáilte. Sonrófar sna modhanna agus sna nósanna imeachta atá le bunú chun na hanailísí comhpháirteacha a dhéanamh de bhun Airteagal 43(1) agus sna socruithe oibre atá le tabhairt i gcrích de bhun Airteagal 94(2) na modhanna chun an chrosmheaitseáil a dhéanamh ar bhonn córas ‘amas a fháil/gan amas a fháil’ dá dtagraítear sa chéad fhomhír den mhír seo.

1.   I gcás ina léiríonn torthaí anailíse comhpháirtí go bhfuil forais réasúnacha ann le bheith in amhras go bhfuil sciúradh airgid nó gníomhaíochtaí coiriúla eile á ndéanamh nó déanta a bhféadfadh OIPE a inniúlacht a fheidhmiú ina leith i gcomhréir le hAirteagal 22 agus Airteagal 25(2) agus (3) de Rialachán (AE) 2017/1939, tuairisceoidh an tÚdarás gan moill mhíchuí torthaí na hanailíse comhpháirtí agus aon fhaisnéis ábhartha bhreise do OIPE.

2.   Déanfaidh an tÚdarás, i gcomhairle le OIPE, dréachtchaighdeáin theicniúla cur chun feidhme a fhorbairt chun an fhormáid a shonrú atá le húsáid ag an Údarás chun faisnéis a thuairisciú do OIPE.

Cuirfidh an tÚdarás na dréachtchaighdeáin theicniúla cur chun feidhme sin faoi bhráid an Choimisiúin faoin 27 Meitheamh 2026.

Tugtar de chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 53.

3.   I gcás ina léiríonn torthaí na hanailíse comhpháirtí go bhfuil forais réasúnacha ann le bheith in amhras go bhfuil calaois, éilliú nó aon ghníomhaíocht neamhdhleathach eile a dhéanann difear do leasanna airgeadais an Aontais á ndéanamh nó déanta a bhféadfadh an Oifig Eorpach Frith-Chalaoise (OLAF) a hinniúlacht a fheidhmiú ina leith i gcomhréir le hAirteagal 8 de Rialachán (AE, Euratom) Uimh. 883/2013, tarchuirfidh an tÚdarás torthaí na hanailíse comhpháirtí agus aon fhaisnéis ábhartha bhreise chuig OLAF.

4.   Ar thoiliú sainráite na FIUnna uile atá rannpháirteach san anailís chomhpháirteach agus i gcás ina léiríonn torthaí na hanailíse comhpháirtí go bhfuil forais réasúnacha ann le bheith in amhras go ndearnadh cion coiriúil a bhféadfadh Europol a inniúlacht a fheidhmiú ina leith i gcomhréir le Rialachán (AE) 2016/794 ó Pharlaimint na hEorpa agus ón gComhairle (38), déanfaidh an tÚdarás torthaí na hanailíse comhpháirtí agus aon fhaisnéis ábhartha bhreise a tharchur chuig Europol.

5.   Ar thoiliú sainráite na FIUnna uile atá rannpháirteach san anailís chomhpháirteach agus i gcás ina léiríonn torthaí na hanailíse comhpháirtí go bhfuil forais réasúnacha ann le bheith in amhras go ndearnadh cion coiriúil a bhféadfadh Eurojust a inniúlacht a fheidhmiú ina leith i gcomhréir le Rialachán (AE) 2018/1727 ó Pharlaimint na hEorpa agus ón gComhairle (39), tarchuirfidh an tÚdarás torthaí na hanailíse comhpháirtí agus aon fhaisnéis ábhartha bhreise chuig Eurojust.

6.   Féadfaidh an tÚdarás, OIPE, Europol, Eurojust agus OLAF faisnéis straitéiseach agus faisnéis neamhoibríochtúil eile, amhail tíopeolaíochtaí agus táscairí riosca, a mhalartú sna réimsí laistigh dá n-inniúlacht.

Déanfar na coinníollacha maidir le malartú na faisnéise dá dtagraítear sa chéad fhomhír a leagan síos sna socruithe oibre dá dtagraítear in Airteagal 94.

1.   I gcás ina sainaithníonn an tÚdarás go bhféadfadh gá a bheith le hanailís chomhpháirteach a dhéanamh de bhun Airteagal 40 den Rialachán seo nó Airteagal 31 de Threoir (AE) 2024/1640, cuirfidh sé na FIUnna lena mbaineann ar an eolas faoi sin agus iarrfaidh sé orthu páirt a ghlacadh san anailís chomhpháirteach.

2.   Cuirfidh FIUnna lena mbaineann an tÚdarás ar an eolas gan moill mhíchuí, agus déanfaidh siad a ndícheall é sin a dhéanamh laistigh de 5 lá ón iarraidh a fháil, faoina gcinneadh maidir leis an iarraidh dá dtagraítear i mír 1.

3.   I gcás ina ndiúltaíonn FIU a n-iarrtar air páirt a ghlacadh san anailís chomhpháirteach d’iarraidh arna déanamh ag an Údarás de bhun mhír 1, cuirfidh sé an tÚdarás ar an eolas faoi na cúiseanna lena chinneadh gan moill mhíchuí, agus déanfaidh siad a ndícheall é sin a dhéanamh laistigh de 5 lá ón iarraidh a fháil más féidir.

1.   Bunóidh an tÚdarás modhanna agus nósanna imeachta chun anailísí comhpháirteacha a dhéanamh agus déanfaidh sé iad a athbhreithniú go tréimhsiúil agus iad a nuashonrú i gcás inar gá. Beidh feidhm freisin ag an gceanglas i leith athbhreithniú agus nuashonrú a dhéanamh i leith na modhanna agus na critéir dá dtagraítear in Airteagal 40(1).

2.   Féadfaidh FIUnna a bhí rannpháirteach in anailís chomhpháirteach nó a raibh baint ar shlí eile acu le hanailís chomhpháirteach a n-aiseolas a sholáthar don Údarás maidir le déanamh na hanailíse, lena n-áirítear aiseolas ar an tacaíocht oibríochtúil arna soláthar ag an Údarás i bpróiseas na hanailíse comhpháirtí, chomh maith le haiseolas ar thoradh na hanailíse, ar na modhanna agus na nósanna imeachta atá i bhfeidhm de bhun mhír 1, ar na huirlisí atá ar fáil agus ar an gcomhordú idir na FIUnna rannpháirteacha. Ní dhéanfar aiseolas atá lipéadaithe mar aiseolas rúnda a chomhroinnt le FIUnna eile.

3.   Ar bhonn an aiseolais dá dtagraítear i mír 2, nó ar a thionscnamh féin, féadfaidh an tÚdarás tuairisc leantach a eisiúint maidir le déanamh na hanailíse comhpháirtí, lena n-áirítear moltaí sonracha i gcomhair coigeartuithe maidir leis na modhanna agus na nósanna imeachta chun an anailís chomhpháirteach a dhéanamh, agus conclúidí maidir le toradh na hanailíse comhpháirtí. Comhroinnfear an tuairisc leantach leis na FIUnna uile, gan faisnéis rúnda ná faisnéis shrianta maidir leis an gcás a nochtadh. Comhroinnfear na conclúidí agus na moltaí a bhaineann le déanamh na hanailíse comhpháirtí leis na FIUnna uile a bhí rannpháirteach san anailís chomhpháirteach sin, agus le gach FIU eile a mhéid nach bhfuil faisnéis rúnda ná faisnéis shrianta sna conclúidí agus sna moltaí sin.

1.   Déanfaidh FIU gach Ballstáit ball foirne amháin nó níos mó ná sin a tharmligean chuig an Údarás. Beidh gnátháit oibre thoscaire FIU náisiúnta ag suíomh an Údaráis.

2.   Beidh stádas fhoireann FIU tarmligin ag toscairí FIU tráth a gceapacháin agus ar feadh tréimhse iomlán a dtarmligin. Ceapfaidh na Ballstáit a dtoscaire FIU ar bhonn ardleibhéal taithí cruthaithe atá ábhartha agus praiticiúil i réimse chúraimí FIU. Fanfaidh an toscaire faoi údarás FIU tarmligin agus comhlíonfaidh sé rialacha slándála agus rúndachta FIU tarmligin, lena n-áirítear an dlí náisiúnta ábhartha.

3.   Féadfaidh an Bord Ginearálta i gcomhdhéanamh FIU diúltú do dhuine a ceapadh mar thoscaire FIU mura gcomhlíonann an duine sin na critéir dá dtagraítear i mír 2. 3 bliana a bheidh i dtéarma oifige thoscairí FIU, a bheidh in-athnuaite uair amháin le toiliú FIU tarmligin

4.   Tacóidh toscairí FIU leis an Údarás chun na cúraimí a leagtar amach in Airteagal 5(5) a chomhlíonadh. Chuige sin, tabharfar rochtain do thoscairí FIU, ar feadh thréimhse an tarmligin, ar shonraí agus ar fhaisnéis an Údaráis a mhéid is gá chun a gcúraimí a chomhlíonadh.

5.   Tabharfar rochtain do thoscairí FIU ar aon sonraí atá inrochtana ag a FIU tarmligin chun na cúraimí dá dtagraítear in Airteagal 5(5) a dhéanamh.

6.   Cinnfidh an Bord Feidhmiúcháin cearta agus oibleagáidí thoscairí FIU i ndáil leis an Údarás, agus tuairim an Bhoird Ghinearálta i gcomhdhéanamh FIU á cur san áireamh. Áiritheoidh FIUnna go gcomhlíonfaidh a dtoscaire FIU na cearta agus na hoibleagáidí sin.

1.   I gcomhthéacs comhar a chur chun cinn idir FIUnna, agus tacú le hobair FIUnna, déanfaidh an tÚdarás, agus riachtanais FIUnna á gcur san áireamh aige, cineálacha cur chuige, modhanna agus dea-chleachtais choiteanna a chur chun cinn. Déanfaidh an tÚdarás freisin, go háirithe, na gníomhaíochtaí seo a leanas a eagrú agus a éascú:

2.   Féadfaidh FIU iarraidh ar chúnamh a bhaineann le cúraimí FIU a chur faoi bhráid an Údaráis, ina sonrófar an cineál cúnaimh atá á lorg aige ó fhoireann an Údaráis, ó fhoireann FIU amháin nó níos mó ná sin, nó teaglaim díobh sin. Áiritheoidh FIU a iarrann cúnamh go dtabharfar rochtain ar aon fhaisnéis agus sonraí atá riachtanach chun an cúnamh sin a sholáthar. Déanfaidh an tÚdarás faisnéis a choinneáil agus a thabhairt cothrom le dáta go tráthrialta maidir le réimsí sonracha saineolais agus maidir le hacmhainneacht FIUnna cúnamh frithpháirteach a sholáthar a bhaineann le cúraimí FIUnna.

3.   Déanfaidh an tÚdarás gach iarracht an cúnamh arna iarraidh a sholáthar, lena n-áirítear trí bhreithniú a dhéanamh ar an tacaíocht atá le soláthar lena acmhainní daonna féin chomh maith le comhordú agus éascú a dhéanamh ar sholáthar aon chineál cúnaimh ag FIUnna eile ar bhonn deonach.

4.   Ag tús gach bliana, cuirfidh Cathaoirleach an Údaráis an Bord Ginearálta ar an eolas i gcomhdhéanamh FIU faoi na hacmhainní daonna is féidir leis an Údarás a leithdháileadh ar sholáthar an chúnaimh dá dtagraítear i mír 2 den Airteagal seo. I gcás ina dtarlaíonn athruithe ar infhaighteacht acmhainní daonna mar gheall ar chomhlíonadh na gcúraimí dá dtagraítear in Airteagal 5(5), cuirfidh Cathaoirleach an Údaráis an Bord Ginearálta i gcomhdhéanamh FIU ar an eolas faoi sin.

1.   Féadfaidh an tÚdarás réiteach a éascú i gcás easaontas idir dhá FIU nó níos mó ná sin maidir le cásanna aonair a bhaineann le comhar, lena n-áirítear malartú faisnéise, faoi Threoir (AE) 2024/1640. Is é is cuspóir don idirghabháil sin réiteach a dhéanamh idir dearcthaí éagsúla idir na FIUnna agus tuairim neamhcheangailteach a ghlacadh.

2.   I gcás nach féidir easaontas a réiteach trí theagmháil dhíreach agus idirphlé idir na FIUnna lena mbaineann, seolfaidh an tÚdarás nós imeachta idirghabhála arna iarraidh sin do cheann amháin nó níos mó de na FIUnna sin. Féadfaidh an tÚdarás a mholadh freisin nós imeachta idirghabhála a sheoladh ar a thionscnamh féin. Ní dhéanfar idirghabháil ach amháin le comhaontú na FIUnna uile lena mbaineann.

3.   Seolfar an nós imeachta idirghabhála os comhair an Bhoird Ghinearálta i gcomhdhéanamh FIU. Féachfaidh comhaltaí uile an Bhoird Ghinearálta i gcomhdhéanamh FIU, seachas cinn na FIUnna a mbaineann an t-easaontas leo, le réiteach a fháil idir tuairimí na FIUnna a mbaineann an t-easaontas leo agus comhaontóidh siad tuairim neamhcheangailteach. I gcás inarb ábhartha, féadfar cuireadh a thabhairt do shaineolaithe ón gCoimisiún a bheith rannpháirteach sa nós imeachta idirghabhála i gcáil chomhairleach.

4.   Glacfaidh an Bord Ginearálta i gcomhdhéanamh FIU rialacha nós imeachta le haghaidh nósanna imeachta idirghabhála, lena n-áirítear na spriocdhátaí is infheidhme.

5.   I gcás ina ndiúltaíonn FIU a mbaineann easaontas leis a bheith rannpháirteach sa nós imeachta idirghabhála, cuirfidh sé an tÚdarás agus na FIUnna eile a mbaineann an t-easaontas leo ar an eolas faoi na cúiseanna atá lena chinneadh laistigh den tréimhse a shonraítear sna rialacha nós imeachta dá dtagraítear i mír 4.

6.   Laistigh de 3 mhí ó ghlacadh na tuairime neamhcheangailtí dá dtagraítear i mír 3, tuairisceoidh na FIUnna a mbaineann an t-easaontas leo don Bhord Ginearálta i gcomhdhéanamh FIU maidir leis na bearta a rinne siad mar fhreagairt ar an tuairim nó, i gcás nach ndearna siad bearta, maidir leis na cúiseanna nach ndearna siad amhlaidh.

1.   Áiritheoidh an tÚdarás go mbeidh óstáil FIU.net leormhaith, gan bhriseadh agus slán, agus déanfaidh sé bainistiú, cothabháil agus forbairt FIU.net a áirithiú. Agus riachtanais FIUnna á gcur san áireamh aige, áiritheoidh an tÚdarás go n-úsáidfear an teicneolaíocht is airde leibhéal agus is sláine atá ar fáil do FIU.net, faoi réir anailís costais is tairbhe.

2.   Áiritheoidh an tÚdarás feidhmiú gan bhriseadh FIU.net agus coimeádfaidh sé cothrom le dáta é. I gcás inar gá chun tacú le malartú faisnéise agus comhar idir FIUnna nó chun an malartú sin a neartú agus bunaithe ar riachtanais FIUnna, déanfaidh an tÚdarás feidhmiúlachtaí uasghrádaithe nó breise FIU.net a dhearadh agus a chur chun feidhme, nó a chur ar fáil ar shlí eile.

3.   Beidh an tÚdarás freagrach freisin as na cúraimí seo a leanas a bhaineann le FIU.net:

4.   Chun na cúraimí dá dtagraítear i míreanna 1, 2 agus 3 a chomhlíonadh, tabharfar an chumhacht don Údarás conarthaí nó comhaontuithe atá ceangailteach ó thaobh dlí de a thabhairt i gcrích nó a dhéanamh le soláthraithe seirbhíse tríú páirtí, tar éis iniúchtaí iomchuí a dhéanamh ar a gcaighdeáin slándála.

5.   Déanfaidh an tÚdarás na bearta is gá a ghlacadh agus a chur chun feidhme chun na cúraimí dá dtagraítear san Airteagal seo a chomhlíonadh, lena n-áirítear plean slándála, plean leanúnachais gnó agus plean athshlánaithe ó thubaiste le haghaidh FIU.net.

6.   Féadfaidh an Bord Ginearálta i gcomhdhéanamh FIU, ag gníomhú dó d’aon toil, a chinneadh an rochtain atá ag FIU, ag a chontrapháirtí i dtríú tír, nó ag comhlacht, oifig nó gníomhaireacht de chuid an Aontais, ar FIU.net a chur ar fionraí i gcás ina bhfuil forais aige chun a chreidiúint go gcuirfeadh an rochtain sin cur chun feidhme Chaibidil III de Threoir (AE) 2024/1640 agus slándáil agus rúndacht na faisnéise atá i seilbh FIUnna agus a mhalartaítear tríd an gcóras FIU.net i mbaol, lena n-áirítear i gcás ina bhfuil ábhair imní ann maidir le heaspa neamhspleáchais agus uathrialach FIU.

I gcás ina nglacfaidh an Bord Ginearálta i gcomhdhéanamh FIU cinneadh lena gcuirtear rochtain FIU ar FIU.net ar fionraí, gníomhóidh an Bord Ginearálta d’aon toil trí vóta chomhaltaí uile an Bhoird Ghinearálta i gcomhdhéanamh FIU, seachas ceann FIU i dtrácht.

Saineoidh an Bord Ginearálta i gcomhdhéanamh FIU na critéir maidir le rochtain ar FIU.net a chur ar fionraí agus glacfaidh sé rialacha nós imeachta le haghaidh fionraí den sórt sin.

1.   Déanfaidh an tÚdarás próiseas athbhreithnithe piaraí ar ghníomhaíochtaí FIUnna a chur ar bun de bhun Chaibidil III de Threoir (AE) 2024/1640 chun comhsheasmhacht agus éifeachtacht ghníomhaíochtaí FIU a neartú agus chun malartú dea-chleachtas idir FIUnna a éascú. Forbróidh an tÚdarás modhanna chun gur féidir measúnú oibiachtúil a dhéanamh ar na FIUnna a athbhreithnítear agus forbróidh sé freisin rialacha nós imeachta chun athbhreithnithe piaraí a dhéanamh.

I gcás inarb ábhartha, agus athbhreithnithe piaraí á bpleanáil agus á ndéanamh, tabharfar aird chuí ar na meastóireachtaí, na measúnuithe agus na tuairiscí arna dtarraingt suas ag eagraíochtaí idirnáisiúnta agus comhlachtaí idir-rialtasacha a bhfuil inniúlacht acu i sciúradh airgid, a chionta preideacáide agus maoiniú na sceimhlitheoireachta a chosc agus a bhrath.

2.   Chun críocha mhír 1, cuirfidh an tÚdarás foireann athbhreithnithe piaraí ar bun, ar foireann í a bheidh comhdhéanta d’fhoireann an Údaráis agus d’ionadaithe ó na FIUnna atá rannpháirteach san athbhreithniú piaraí.

3.   Áireofar san athbhreithniú piaraí ar ghníomhaíochtaí FIU measúnú ar na nithe seo a leanas, ach ní bheidh sé teoranta dóibh:

4.   Ullmhóidh an tÚdarás tuairisc ina leagfar amach torthaí an athbhreithnithe piaraí. Déanfaidh foireann an Údaráis agus foireann ábhartha na FIUnna atá rannpháirteach san fhoireann athbhreithnithe piaraí an tuairisc athbhreithnithe piaraí sin a ullmhú go comhpháirteach, agus glacfaidh an Bord Feidhmiúcháin í, tar éis dó barúlacha an Bhoird Ghinearálta i gcomhdhéanamh FIU a fháil maidir le comhsheasmhacht chur i bhfeidhm na modheolaíochta le tuairiscí athbhreithnithe piaraí eile. Áireofar sa tuairisc dea-chleachtais a shainaithnítear agus, i gcás inarb ábhartha, bearta leantacha a mheastar a bheith iomchuí, comhréireach agus riachtanach mar thoradh ar an athbhreithniú piaraí. Féadfar na bearta leantacha sin a ghlacadh i bhfoirm treoirlínte agus moltaí de bhun Airteagal 54 agus i bhfoirm tuairime de bhun Airteagal 55. Déanfaidh FIUnna gach iarracht cloí le haon treoirlínte agus moltaí a eisítear i gcomhréir le hAirteagal 54.

5.   Foilseoidh an tÚdarás fionnachtana an athbhreithnithe piaraí ar a shuíomh gréasáin agus cuirfidh sé tuairim faoi bhráid an Choimisiúin más rud é, ag féachaint do thoradh an athbhreithnithe piaraí nó d’aon fhaisnéis eile a fhaigheann an tÚdarás agus a chúraimí á ndéanamh aige, go measann sé gur ghá rialacha an Aontais is infheidhme i leith FIUnna a chomhchuibhiú tuilleadh ó thaobh an Aontais de.

6.   Cuirfidh an tÚdarás tuairisc leantach ar fáil 2 bhliain tar éis fhoilsiú na tuairisce athbhreithnithe piaraí. Déanfaidh foireann an Údaráis agus foireann ábhartha na FIUnna atá rannpháirteach san fhoireann athbhreithnithe piaraí an tuairisc leantach a ullmhú go comhpháirteach, agus glacfaidh an Bord Feidhmiúcháin í, tar éis dó barúlacha an Bhoird Ghinearálta i gcomhdhéanamh FIU a fháil maidir le comhsheasmhacht chur i bhfeidhm na modheolaíochta le tuairiscí athbhreithnithe piaraí eile. Áireofar sa tuairisc leantach measúnú ar leormhaitheas agus éifeachtacht na ngníomhaíochtaí a rinne na FIUnna a bhí faoi réir an athbhreithnithe piaraí mar fhreagairt ar bhearta leantacha na tuairisceathbhreithnithe piaraí. Déanfaidh an tÚdarás fionnachtana na tuairisceleantaí a fhoilsiú ar a shuíomh gréasáin.

7.   Chun críocha an Airteagail seo, glacfaidh an Bord Feidhmiúcháin plean oibre athbhreithnithe piaraí gach 2 bhliain, ina léireofar na ceachtanna a foghlaimíodh ó na próisis athbhreithnithe piaraí a bhí ann roimhe seo agus an plé a tionóladh sa Bhord Ginearálta i gcomhdhéanamh FIU. Beidh an plean oibre athbhreithniú piaraí ina chuid leithleach den chlár oibre bliantúil agus ilbhliantúil agus áireofar é sa doiciméad clársceidealaithe aonair. Beidh gach FIU rannpháirteach sna hathbhreithnithe piaraí a bhaineann leis.

1.   I gcás ina dtarmligeann Parlaimint na hEorpa agus an Chomhairle cumhacht chuig an gCoimisiún chun caighdeáin theicniúla rialála a ghlacadh trí bhíthin gníomhartha tarmligthe de bhun Airteagal 290 CFAE chun comhchuibhiú comhsheasmhach a áirithiú sna réimsí a leagtar amach go sonrach sna gníomhartha reachtacha dá dtagraítear in Airteagal 1(2) den Rialachán seo, féadfaidh an tÚdarás dréachtchaighdeáin theicniúla rialála a fhorbairt. Cuirfidh an tÚdarás a dhréachtchaighdeáin theicniúla rialála faoi bhráid an Choimisiúin lena nglacadh. An tráth céanna, cuirfidh an tÚdarás na dréachtchaighdeáin theicniúla rialála sin ar aghaidh chun faisnéis a thabhairt do Pharlaimint na hEorpa agus don Chomhairle.

Beidh na caighdeáin theicniúla rialála teicniúil, ní bheidh cinntí straitéiseacha ná roghanna beartais le tuiscint astu agus beidh a n-inneachar teoranta ag na gníomhartha reachtacha ar a bhfuil siad bunaithe.

Sula dtíolacfaidh an tÚdarás chuig an gCoimisiún iad, seolfaidh sé comhairliúcháin oscailte phoiblí maidir leis na dréachtchaighdeáin theicniúla rialála agus déanfaidh sé anailís ar na costais agus ar na tairbhí a d’fhéadfadh a bheith ag gabháil leo, mura rud é go mbeidh na comhairliúcháin agus na hanailísí sin an-díréireach le raon feidhme agus le tionchar na ndréachtchaighdeán teicniúil rialála lena mbaineann nó leis an bpráinn ar leith atá ag baint leis an ábhar.

Laistigh de 3 mhí ó dhréachtchaighdeán teicniúil rialála a fháil, déanfaidh an Coimisiún cinneadh i dtaobh é a ghlacadh. Cuirfidh an Coimisiún Parlaimint na hEorpa agus an Chomhairle ar an eolas in am trátha i gcás nach féidir an glacadh a dhéanamh laistigh den tréimhse 3 mhí. Féadfaidh an Coimisiún an dréachtchaighdeán teicniúil rialála a ghlacadh go páirteach amháin, nó le leasuithe, i gcás ina n-éilítear amhlaidh ar mhaithe le leasanna an Aontais.

I gcás ina mbeartaíonn an Coimisiún gan dréachtchaighdeán teicniúil rialála a ghlacadh nó é a ghlacadh go páirteach nó le leasuithe, cuirfidh sé an dréachtchaighdeán teicniúil rialála ar ais chuig an Údarás, agus míneoidh sé cén fáth nach nglacann sé é nó míneoidh sé na cúiseanna a bhí aige leis na leasuithe a dhéanamh.

Seolfaidh an Coimisiún cóip dá litir chuig Parlaimint na hEorpa agus chuig an gComhairle. Laistigh de thréimhse 6 seachtaine, féadfaidh an tÚdarás an dréachtchaighdeán teicniúil rialála a leasú ar bhonn na leasuithe arna moladh ag an gCoimisiún agus é a chur faoi bhráid an Choimisiúin an athuair i bhfoirm tuairim fhoirmiúil. Seolfaidh an tÚdarás cóip dá thuairim fhoirmiúil chuig Parlaimint na hEorpa agus chuig an gComhairle.

Más rud é, ar dhul in éag na tréimhse sin 6 seachtaine, nach bhfuil dréachtchaighdeán teicniúil rialála leasaithe tíolactha ag an Údarás, nó go bhfuil dréachtchaighdeán teicniúil rialála tíolactha aige nach bhfuil leasaithe ar bhealach atá ag teacht leis na leasuithe atá molta ag an gCoimisiún, féadfaidh an Coimisiún an caighdeán teicniúil rialála a ghlacadh leis na leasuithe a mheasann sé féin a bheith ábhartha, nó féadfaidh sé diúltú dó.

Ní dhéanfaidh an Coimisiún athrú ar inneachar dréachtchaighdeáin theicniúil rialála arna ullmhú ag an Údarás gan comhordú a dhéanamh roimh ré leis an Údarás, de réir mar a leagtar amach san Airteagal seo.

2.   I gcás nach ndéanann an tÚdarás dréachtchaighdeán teicniúil rialála a thíolacadh laistigh den teorainn ama a leagtar amach sna gníomhartha reachtacha dá dtagraítear in Airteagal 1(2), féadfaidh an Coimisiún an dréacht sin a iarraidh laistigh de theorainn ama nua. Mura féidir leis an Údarás an teorainn ama nua sin a chomhlíonadh, cuirfidh sé Parlaimint na hEorpa, an Chomhairle agus an Coimisiún ar an eolas faoi sin in am trátha.

3.   I gcás nach ndéanann an tÚdarás dréachtchaighdeán teicniúil rialála a thíolacadh chuig an gCoimisiún laistigh de na teorainneacha ama i gcomhréir le mír 2, agus sa chás sin amháin, féadfaidh an Coimisiún caighdeán teicniúil rialála a ghlacadh trí bhíthin gníomh tarmligthe gan dréacht a bheith faighte aige ón Údarás.

Seolfaidh an Coimisiún comhairliúcháin oscailte phoiblí maidir leis na dréachtchaighdeáin theicniúla rialála agus déanfaidh sé anailís ar na costais agus ar na tairbhí a d’fhéadfadh a bheith leo, mura mbeidh na comhairliúcháin agus na hanailísí sin díréireach le raon feidhme agus le tionchar na ndréachtchaighdeán teicniúil rialála lena mbaineann nó i ndáil leis an bpráinn ar leith atá ag baint leis an ábhar.

Cuirfidh an Coimisiún an dréachtchaighdeán teicniúil rialála ar aghaidh láithreach chuig Parlaimint na hEorpa agus chuig an gComhairle.

Seolfaidh an Coimisiún a dhréachtchaighdeán teicniúil rialála chuig an Údarás. Laistigh de thréimhse 6 seachtaine, féadfaidh an tÚdarás an dréachtchaighdeán teicniúil rialála a leasú agus é a chur faoi bhráid an Choimisiúin i bhfoirm tuairim fhoirmiúil. Seolfaidh an tÚdarás cóip dá thuairim fhoirmiúil chuig Parlaimint na hEorpa agus chuig an gComhairle.

Más rud é, ar dhul in éag na tréimhse 6 seachtaine dá dtagraítear sa cheathrú fomhír, nach bhfuil dréachtchaighdeán teicniúil rialála leasaithe tíolactha ag an Údarás, féadfaidh an Coimisiún an caighdeán teicniúil rialála a ghlacadh.

Má tá dréachtchaighdeán teicniúil rialála leasaithe tíolactha ag an Údarás laistigh den tréimhse 6 seachtaine, féadfaidh an Coimisiún an dréachtchaighdeán teicniúil rialála a leasú ar bhonn na leasuithe atá molta ag an Údarás nó féadfaidh sé an caighdeán teicniúil rialála a ghlacadh leis na leasuithe a mheasann sé féin a bheith ábhartha. Ní dhéanfaidh an Coimisiún athrú ar inneachar an dréachtchaighdeáin theicniúil rialála arna ullmhú ag an Údarás gan comhordú a dhéanamh roimh ré leis an Údarás, de réir mar a leagtar amach san Airteagal seo.

4.   Déanfar na caighdeáin theicniúla rialála a ghlacadh trí bhíthin rialachán nó cinntí. Beidh na focail ‘caighdeán teicniúil rialála’ le feiceáil sa teideal atá ar na rialacháin nó ar na cinntí sin. Foilseofar na caighdeáin sin in Iris Oifigiúil an Aontais Eorpaigh, agus tiocfaidh siad i bhfeidhm ar an dáta a bheidh sonraithe iontu.

1.   Déanfar an chumhacht chun caighdeáin theicniúla rialála a ghlacadh dá dtagraítear in Airteagal 49 a thabhairt don Choimisiún go ceann tréimhse 4 bliana ón 26 Meitheamh 2024. Déanfaidh an Coimisiún, tráth nach déanaí ná sé 6 mhí roimh dheireadh na tréimhse 4 bliana, tuairisc a tharraingt suas maidir leis an gcumhacht tharmligthe. Déanfar tarmligean na cumhachta a fhadú go huathoibríoch go ceann tréimhsí comhfhaid.

2.   A luaithe a ghlacfaidh sé caighdeán teicniúil rialála, tabharfaidh an Coimisiún fógra faoi do Pharlaimint na hEorpa agus don Chomhairle an tráth céanna.

3.   Is faoi réir na gcoinníollacha a leagtar síos in Airteagail 49, 51 agus 52 a thugtar an chumhacht don Choimisiún chun caighdeáin theicniúla rialála a ghlacadh.

1.   Féadfaidh Parlaimint na hEorpa nó an Chomhairle agóid a dhéanamh i gcoinne caighdeán teicniúil rialála laistigh de thréimhse 3 mhí ón dáta a thabharfar an fógra faoin gcaighdeán teicniúil rialála arna ghlacadh ag an gCoimisiún. Ar thionscnamh Pharlaimint na hEorpa nó na Comhairle, déanfar an tréimhse sin a fhadú 3 mhí.

2.   Más rud é, ar dhul in éag na tréimhse dá dtagraítear i mír 1, nach mbeidh agóid déanta ag Parlaimint na hEorpa ná ag an gComhairle i gcoinne an chaighdeáin theicniúil rialála, foilseofar é in Iris Oifigiúil an Aontais Eorpaigh agus tiocfaidh sé i bhfeidhm ar an dáta a bheidh luaite ann.

Féadfar an caighdeán teicniúil rialála a fhoilsiú in Iris Oifigiúil an Aontais Eorpaigh agus féadfaidh sé teacht i bhfeidhm roimh dhul in éag na tréimhse dá dtagraítear i mír 1 más rud é gur chuir Parlaimint na hEorpa agus an Chomhairle araon in iúl don Choimisiún nach bhfuil sé ar intinn acu agóidí a dhéanamh.

3.   Má dhéanann Parlaimint na hEorpa nó an Chomhairle agóid i gcoinne caighdeán teicniúil rialála laistigh den tréimhse dá dtagraítear i mír 1, ní thiocfaidh an caighdeán sin i bhfeidhm. I gcomhréir le hAirteagal 296 CFAE, luafaidh an institiúid a dhéanfaidh an agóid na cúiseanna atá le hagóid a dhéanamh i gcoinne an chaighdeáin theicniúil rialála.

1.   I gcás nach bhformhuiníonn an Coimisiún dréachtchaighdeán teicniúil rialála nó ina leasaíonn sé é mar a fhoráiltear in Airteagal 49, cuirfidh an Coimisiún é sin in iúl don Údarás, do Pharlaimint na hEorpa agus don Chomhairle agus luafaidh sé na cúiseanna atá aige leis sin.

2.   I gcás inarb iomchuí, féadfaidh Parlaimint na hEorpa nó an Chomhairle a iarraidh ar an gCoimisinéir atá freagrach, mar aon le Cathaoirleach an Údaráis, laistigh de mhí amháin ó dháta an fhógra dá dtagraítear i mír 1, teacht chuig cruinniú ad hoc de choiste inniúil de Pharlaimint na hEorpa nó den Chomhairle chun a gcuid difríochtaí a chur i láthair agus a mhíniú.

1.   I gcás ina dtugann Parlaimint na hEorpa agus an Chomhairle cumhachtaí cur chun feidhme don Choimisiún chun caighdeáin theicniúla cur chun feidhme a ghlacadh trí bhíthin gníomhartha cur chun feidhme de bhun Airteagal 291 CFAE, sna réimsí a leagtar amach go sonrach sna gníomhartha reachtacha dá dtagraítear in Airteagal 1(2) den Rialachán seo, féadfaidh an tÚdarás dréachtchaighdeáin theicniúla cur chun feidhme a fhorbairt. Is caighdeáin theicniúla a bheidh sna caighdeáin theicniúla cur chun feidhme, ní bheidh cinntí straitéiseacha ná roghanna beartais le tuiscint astu agus is é an t-inneachar a bheidh iontu na coinníollacha maidir le cur i bhfeidhm na ngníomhartha sin a chinneadh. Cuirfidh an tÚdarás a dhréachtchaighdeáin theicniúla cur chun feidhme faoi bhráid an Choimisiúin lena nglacadh. An tráth céanna, cuirfidh an tÚdarás na caighdeáin theicniúla sin ar aghaidh mar fhaisnéis chuig Parlaimint na hEorpa agus chuig an gComhairle.

Sula gcuirfidh an tÚdarás dréachtchaighdeáin theicniúla cur chun feidhme faoi bhráid an Choimisiúin, seolfaidh sé comhairliúcháin oscailte phoiblí agus déanfaidh sé anailís ar na costais agus ar na tairbhí a d’fhéadfadh a bheith leo, mura mbeidh na comhairliúcháin agus na hanailísí sin an-díréireach le raon feidhme agus le tionchar na ndréachtchaighdeán teicniúil cur chun feidhme lena mbaineann nó leis an bpráinn ar leith a bhaineann leis an ábhar.

Laistigh de 3 mhí ó dhréachtchaighdeán teicniúil cur chun feidhme a fháil, déanfaidh an Coimisiún cinneadh i dtaobh é a ghlacadh. Féadfaidh an Coimisiún síneadh míosa a chur leis an tréimhse sin. Cuirfidh an Coimisiún Parlaimint na hEorpa agus an Chomhairle ar an eolas in am trátha i gcás nach féidir an glacadh a dhéanamh laistigh den tréimhse 3 mhí. Ní fhéadfaidh an Coimisiún an dréachtchaighdeán teicniúil cur chun feidhme a ghlacadh go páirteach, nó le leasuithe, ach amháin i gcás ina n-éilítear amhlaidh ar mhaithe le leasanna an Aontais.

I gcás ina mbeartaíonn an Coimisiún gan dréachtchaighdeán teicniúil cur chun feidhme a ghlacadh nó i gcás ina mbeartaíonn sé é a ghlacadh go páirteach nó le leasuithe, cuirfidh sé ar ais chuig an Údarás é agus míneoidh sé cén fáth nach bhfuil sé ar intinn aige é a ghlacadh nó míneoidh sé na cúiseanna atá aige leis na leasuithe a dhéanamh. Seolfaidh an Coimisiún cóip dá litir chuig Parlaimint na hEorpa agus chuig an gComhairle. Laistigh de thréimhse 6 seachtaine, féadfaidh an tÚdarás an dréachtchaighdeán teicniúil cur chun feidhme a leasú ar bhonn na leasuithe atá molta ag an gCoimisiún agus é a chur faoi bhráid an Choimisiúin an athuair i bhfoirm tuairim fhoirmiúil. Seolfaidh an tÚdarás cóip dá thuairim fhoirmiúil chuig Parlaimint na hEorpa agus chuig an gComhairle.

Más rud é, ar dhul in éag na tréimhse 6 seachtaine dá dtagraítear sa cheathrú fomhír, nach bhfuil dréachtchaighdeán teicniúil cur chun feidhme leasaithe tíolactha ag an Údarás, nó go bhfuil dréachtchaighdeán teicniúil cur chun feidhme tíolactha aige nach bhfuil leasaithe ar bhealach atá ag teacht leis na leasuithe atá molta ag an gCoimisiún, féadfaidh an Coimisiún an caighdeán teicniúil cur chun feidhme a ghlacadh leis na leasuithe a mheasann sé féin a bheith ábhartha nó féadfaidh sé diúltú dó.

Ní dhéanfaidh an Coimisiún athrú ar inneachar dréachtchaighdeáin theicniúil cur chun feidhme arna ullmhú ag an Údarás gan comhordú a dhéanamh roimh ré leis an Údarás, de réir mar a leagtar amach san Airteagal seo.

2.   I gcás nach bhfuil dréachtchaighdeán teicniúil cur chun feidhme tíolactha ag an Údarás laistigh den teorainn ama a leagtar amach sna gníomhartha reachtacha dá dtagraítear in Airteagal 1(2), féadfaidh an Coimisiún an dréacht sin a iarraidh laistigh de theorainn ama nua. Mura féidir leis an Údarás an teorainn ama nua sin a chomhlíonadh, cuirfidh sé Parlaimint na hEorpa, an Chomhairle agus an Coimisiún ar an eolas faoi sin in am trátha.

3.   I gcás nach ndéanann an tÚdarás dréachtchaighdeán teicniúil cur chun feidhme a chur faoi bhráid an Choimisiúin laistigh de na teorainneacha ama i gcomhréir le mír 2, agus sa chás sin amháin, féadfaidh an Coimisiún caighdeán teicniúil cur chun feidhme a ghlacadh trí bhíthin gníomh cur chun feidhme gan dréacht a bheith faighte aige ón Údarás.

Seolfaidh an Coimisiún comhairliúcháin oscailte phoiblí maidir leis na dréachtchaighdeáin theicniúla cur chun feidhme agus déanfaidh sé anailís ar na costais agus ar na tairbhí a d’fhéadfadh a bheith leo, mura mbeidh na comhairliúcháin agus na hanailísí sin díréireach le raon feidhme agus le tionchar na ndréachtchaighdeán teicniúil cur chun feidhme lena mbaineann nó i ndáil leis an bpráinn ar leith a bhaineann leis an ábhar.

Cuirfidh an Coimisiún an dréachtchaighdeán teicniúil cur chun feidhme ar aghaidh láithreach chuig Parlaimint na hEorpa agus chuig an gComhairle.

Seolfaidh an Coimisiún an dréachtchaighdeán teicniúil cur chun feidhme chuig an Údarás. Laistigh de thréimhse 6 seachtaine, féadfaidh an tÚdarás an dréachtchaighdeán teicniúil cur chun feidhme a leasú agus é a chur faoi bhráid an Choimisiúin i bhfoirm tuairim fhoirmiúil. Seolfaidh an tÚdarás cóip dá thuairim fhoirmiúil chuig Parlaimint na hEorpa agus chuig an gComhairle.

Más rud é, ar dhul in éag na tréimhse 6 seachtaine dá dtagraítear sa cheathrú fomhír, nach bhfuil dréachtchaighdeán teicniúil cur chun feidhme leasaithe tíolactha ag an Údarás, féadfaidh an Coimisiún an caighdeán teicniúil cur chun feidhme a ghlacadh.

Má tá dréachtchaighdeán teicniúil cur chun feidhme leasaithe tíolactha ag an Údarás laistigh den tréimhse 6 seachtaine sin, féadfaidh an Coimisiún an dréachtchaighdeán teicniúil cur chun feidhme a leasú ar bhonn na leasuithe atá molta ag an Údarás nó féadfaidh sé an caighdeán teicniúil cur chun feidhme a ghlacadh leis na leasuithe a mheasann sé féin a bheith ábhartha.

Ní dhéanfaidh an Coimisiún athrú ar inneachar na ndréachtchaighdeán teicniúil cur chun feidhme arna n-ullmhú ag an Údarás gan comhordú a dhéanamh roimh ré leis an Údarás, de réir mar a leagtar amach san Airteagal seo.

4.   Déanfar na caighdeáin theicniúla cur chun feidhme a ghlacadh trí bhíthin rialachán nó cinntí. Beidh na focail ‘caighdeán teicniúil cur chun feidhme’ le feiceáil sa teideal atá ar na rialacháin nó na cinntí sin. Foilseofar na caighdeáin sin in Iris Oifigiúil an Aontais Eorpaigh, agus tiocfaidh siad i bhfeidhm ar an dáta a bheidh sonraithe iontu.

1.   D’fhonn cleachtais mhaoirseachta agus cleachtais a bhaineann le FIU atá comhsheasmhach, éifeachtúil agus éifeachtach a bhunú, agus chun cur i bhfeidhm coiteann, aonfhoirmeach agus comhsheasmhach dhlí an Aontais a áirithiú, déanfaidh an tÚdarás treoirlínte agus moltaí a eisiúint a bheidh dírithe ar údaráis mhaoirseachta, maoirseoirí, FIUnna, nó eintitis faoi oibleagáid.

2.   I gcás inarb iomchuí, seolfaidh an tÚdarás comhairliúcháin oscailte phoiblí maidir leis na treoirlínte agus na moltaí sin agus déanfaidh sé anailís ar na costais agus ar na tairbhí a d’fhéadfadh a bheith ag baint leo. Beidh na comhairliúcháin agus na hanailísí sin comhréireach le raon feidhme, cineál agus tionchar na dtreoirlínte nó na moltaí. I gcás nach seolann an tÚdarás comhairliúcháin oscailte phoiblí, soláthróidh an tÚdarás na cúiseanna atá aige agus poibleoidh sé iad.

3.   Déanfaidh údaráis mhaoirseachta, maoirseoirí, FIUnna agus eintitis faoi oibleagáid gach iarracht na treoirlínte agus na moltaí sin a chomhlíonadh.

Laistigh de 2 mhí tar éis treoirlíne nó moladh a eisiúint, dearbhóidh gach údarás maoirseachta, maoirseoir nó FIU an gcomhlíonann sé an treoirlíne nó an moladh sin nó an bhfuil sé ar intinn aige an treoirlíne nó an moladh sin a chomhlíonadh. I gcás nach gcomhlíonann údarás maoirseachta, maoirseoir nó FIU an méid sin nó nach bhfuil sé ar intinn aige an méid sin a chomhlíonadh, cuirfidh sé é sin in iúl don Údarás agus luafaidh sé na cúiseanna atá aige.

Foilseoidh an tÚdarás an fíoras nach gcomhlíonann údarás maoirseachta, maoirseoir nó FIU an treoirlíne nó an moladh sin nó nach bhfuil sé ar intinn aige iad a chomhlíonadh. Féadfaidh an tÚdarás a chinneadh freisin, ar bhonn cás ar chás, na cúiseanna a thugann an t-údarás maoirseachta, an maoirseoir nó FIU nach gcomhlíonann siad an treoirlíne nó an moladh sin a fhoilsiú. Gheobhaidh an t-údarás maoirseachta, an maoirseoir nó FIU réamhfhógra faoin bhfoilsiú sin.

Má cheanglaítear sin leis an treoirlíne nó leis an moladh sin, tuairisceoidh eintitis faoi oibleagáid, ar bhealach soiléir agus mionsonraithe, i dtaobh an gcomhlíonann siad an treoirlíne nó an moladh sin.

4.   Sa tuairisc dá dtagraítear in Airteagal 64(4), pointe (c), liostóidh an tÚdarás na treoirlínte agus na moltaí a d’eisigh sé.

5.   Tiocfaidh na treoirlínte agus na moltaí arna n-eisiúint ag an Údarás in ionad na dtreoirlínte agus na moltaí a d’eisigh ÚBE nó maoirseoirí agus FIUnna roimhe sin maidir leis an ábhar céanna. Ar choinníoll go bhfuil siad fós ábhartha, leanfaidh na treoirlínte agus na moltaí arna n-eisiúint ag ÚBE nó ag maoirseoirí agus FIUnna de bhun Threoir (AE) 2015/849 ó Pharlaimint na hEorpa agus ón gComhairle (40) agus Rialachán (AE) 2023/1113 de bheith infheidhme go dtí go mbeidh feidhm ag na treoirlínte agus na moltaí nua arna n-eisiúint ag an Údarás ar an ábhar céanna. Déanfaidh an tÚdarás foráil d’idirthréimhse oiriúnach chun na treoirlínte agus na moltaí nua a chur i bhfeidhm.

1.   Féadfaidh an tÚdarás, arna iarraidh sin do Pharlaimint na hEorpa, don Chomhairle nó don Choimisiún, nó ar a thionscnamh féin, tuairimí a thabhairt do Pharlaimint na hEorpa, don Chomhairle agus don Choimisiún faoi na saincheisteanna go léir a bhaineann lena réimse inniúlachta.

2.   Féadfar a áireamh san iarraidh dá dtagraítear i mír 1 comhairliúchán le comhlachtaí ábhartha eile de chuid an Aontais i gcás ina mbaineann lena n-inniúlacht, comhairliúchán poiblí nó anailís theicniúil.

3.   Féadfaidh an tÚdarás, arna iarraidh sin do Pharlaimint na hEorpa, don Chomhairle nó don Choimisiún, comhairle theicniúil a thabhairt do Pharlaimint na hEorpa, don Chomhairle agus don Choimisiún sna réimsí a chumhdaítear leis na gníomhartha reachtacha dá dtagraítear in Airteagal 1(2).

1.   Beidh an comhdhéanamh maoirseachta a leagtar síos i mír 2 nó an comhdhéanamh FIU a leagtar síos i mír 3 ag an mBord Ginearálta.

2.   Beidh an Bord Ginearálta i gcomhdhéanamh maoirseachta comhdhéanta díobh seo a leanas:

Déanfaidh cinn na n-údarás maoirseachta dá dtagraítear sa chéad fhomhír, pointe (b), i ngach Ballstát vóta aonair a chomhroinnt agus tiocfaidh siad ar chomhaontú maidir le hionadaí coiteann aonair, a bheidh ina bhuanionadaí nó ina ionadaí vótála ad hoc, chun críoch gach cruinnithe nó nós imeachta vótála ar leith. I gcás ina mbaineann na míreanna atá le plé ag an mBord Ginearálta i gcomhdhéanamh maoirseachta le hinniúlacht roinnt údaráis mhaoirseachta, féadfaidh ionadaí ó suas le dhá údarás maoirseachta eile, gan ceart vótála, a bheith in éineacht leis an ionadaí coiteann aonair.

Beidh gach údarás maoirseachta a bhfuil comhalta vótála aige faoi chomhaontú ad hoc nó comhaontú buan freagrach as comhalta malartach ardleibhéil a ainmniú óna údarás, a fhéadfaidh teacht in ionad chomhalta vótála an Bhoird Ghinearálta dá dtagraítear sa dara fomhír i gcás nach mbeidh an duine sin ábalta freastal a dhéanamh.

3.   Beidh an Bord Ginearálta i gcomhdhéanamh FIU comhdhéanta díobh seo a leanas:

Ainmneoidh gach FIU comhalta malartach ardleibhéil óna aonad, a fhéadfaidh teacht in ionad cheann FIU dá dtagraítear sa chéad fhomhír, pointe (b), i gcás nach mbeidh an duine sin ábalta freastal a dhéanamh.

4.   Féadfaidh an Bord Ginearálta a chinneadh breathnóirí a ligean isteach. Go sonrach, féadfaidh an Bord Ginearálta i gcomhdhéanamh FIU na hionadaithe ó OLAF, Europol, Eurojust agus OIPE a ligean isteach mar bhreathnóirí chuig cruinnithe, i gcás ina bpléitear ábhair a thagann faoi raon feidhme a sainorduithe faoi seach. Déanfaidh an Bord Ginearálta i gcomhdhéanamh maoirseachta ionadaí arna ainmniú ag Bord Maoirseachta BCE agus ionadaí ó gach ceann de na ÚMEnna a ligean isteach mar bhreathnóirí, i gcás ina bpléitear ábhair a thagann faoi raon feidhme a sainorduithe faoi seach

Na cúinsí faoina dtugtar cuireadh chuig cruinnithe an Bhoird Ghinearálta d’institiúidí, do chomhlachtaí, d’oifigí agus do ghníomhaireachtaí de chuid an Aontais a liostaítear sa chéad fhomhír, sonrófar iad i rialacha nós imeachta an Bhoird Ghinearálta agus léireofar iontu comhaontú ar thángthas air idir an tÚdarás agus gach ceann de na breathnóirí sin.

Féadfar breathnóirí eile a ligean isteach ar bhonn ad hoc má fhormheastar iad le tromlach dhá thrian de chomhaltaí an Bhoird Ghinearálta a bhfuil vóta acu sa chomhdhéanamh ábhartha.

5.   Féadfaidh comhaltaí an Bhoird Feidhmiúcháin a bheith rannpháirteach i gcruinnithe an Bhoird Ghinearálta, bíodh sin i gcomhdhéanamh maoirseachta nó i gcomhdhéanamh FIU, gan ceart vótála, i gcás ina bpléifear na míreanna a chumhdaítear lena réimsí freagrachta arna gcinneadh ag Cathaoirleach an Údaráis agus dá dtagraítear in Airteagal 66(2).

1.   Féadfaidh an Bord Ginearálta, ar a thionscnamh féin nó arna iarraidh sin do Chathaoirleach an Údaráis, coistí inmheánacha a bhunú le haghaidh cúraimí sonracha a shanntar dó. Féadfaidh an Bord Ginearálta foráil a dhéanamh maidir le cúraimí agus cinntí áirithe atá sainithe go soiléir a tharmligean chuig coistí inmheánacha, chuig an mBord Feidhmiúcháin nó chuig Cathaoirleach an Údaráis. Féadfaidh an Bord Ginearálta an tarmligean sin a chúlghairm ag aon am.

2.   Tuairisceoidh coistí inmheánacha don Bhord Ginearálta chun cinneadh a dhéanamh maidir leis na conclúidí uile ar tháinig siad orthu.

3.   Féadfaidh comhaltaí an Bhoird Feidhmiúcháin a bheith rannpháirteach i gcruinnithe na gcoistí inmheánacha i gcomhréir le hAirteagal 57(5).

4.   Bunóidh an Bord Ginearálta i gcomhdhéanamh FIU buanchoiste ar a mbeidh naonúr dá chomhaltaí nó ionadaithe ag a bhfuil saineolas leormhaith óna FIU náisiúnta faoi seach, chun tacú leis agus a chúraimí de bhun Airteagal 60(3) á gcomhlíonadh aige, lena n-áirítear trí thograí a thíolacadh agus trí dhréachtchinntí a ullmhú.

Ní bheidh aon chumhachtaí cinnteoireachta ag an mbuanchoiste. Déanfaidh sé a chúraimí a chur i gcrích ar mhaithe leis an Aontas ina iomláine agus oibreoidh sé i dtrédhearcacht iomlán leis an mBord Ginearálta i gcomhdhéanamh FIU.

Glacfaidh an Bord Ginearálta i gcomhdhéanamh FIU rialacha nós imeachta an bhuanchoiste. Áiritheofar le comhdhéanamh an bhuanchoiste cothromaíocht chóir agus uainíocht chóir idir comhaltaí nó ionadaithe FIUnna náisiúnta. Is é an Bord Ginearálta i gcomhdhéanamh FIU a cheapfaidh a naonúr comhaltaí.

1.   Agus na cúraimí a thugtar dóibh leis an Rialachán seo á ndéanamh acu, gníomhóidh Cathaoirleach an Údaráis agus comhaltaí an Bhoird Ghinearálta i gcomhdhéanamh maoirseachta agus i gcomhdhéanamh FIU go neamhspleách agus chun leasa ghinearálta an Aontais ina iomláine agus ní lorgóidh siad ná ní ghlacfaidh siad treoracha ó institiúidí, ó chomhlachtaí, ó oifigí ná ó ghníomhaireachtaí de chuid an Aontais, ná ó aon rialtas ná ó aon chomhlacht poiblí nó príobháideach eile.

2.   Ní dhéanfaidh na Ballstáit, institiúidí, gníomhaireachtaí, oifigí agus comhlachtaí de chuid an Aontais, ná comhlachtaí poiblí nó príobháideacha eile iarracht tionchar a imirt ar chomhaltaí an Bhoird Ghinearálta i gcomhlíonadh a gcúraimí dóibh.

3.   Ina rialacha nós imeachta, leagfaidh an Bord Ginearálta síos socruithe praiticiúla chun coinbhleachtaí leasa a chosc agus a bhainistiú.

1.   Déanfaidh an Bord Ginearálta i gcomhdhéanamh maoirseachta na cinntí a bhaineann leis na cúraimí dá dtagraítear in Airteagail 7 go 10 chomh maith le haon chinneadh eile a ghlacfaidh an Bord Ginearálta i gcomhdhéanamh maoirseachta de bhun an Rialacháin seo.

2.   Féadfaidh an Bord Ginearálta i gcomhdhéanamh maoirseachta a thuairim a thabhairt maidir le haon dréachtchinneadh arna ullmhú ag an mBord Feidhmiúcháin i ndáil le heintitis roghnaithe faoi oibleagáid, i gcomhréir le Caibidil II, Roinn 3, agus Airteagal 64(2).

Déanfaidh an Bord Ginearálta i gcomhdhéanamh maoirseachta agus an Bord Feidhmiúcháin na nósanna imeachta agus na hamlínte a bheidh le leanúint a chomhaontú go comhpháirteach agus glacfaidh siad na nósanna imeachta agus na hamlínte a bheidh le leanúint chun an tuairim dá dtagraítear sa chéad fhomhír a thabhairt.

3.   Déanfaidh an Bord Ginearálta i gcomhdhéanamh FIU na cúraimí agus glacfaidh sé na cinntí dá dtagraítear in Airteagal 5(5) agus i gCaibidil II, Roinn 6.

4.   Glacfaidh an Bord Ginearálta tuairimí, moltaí, treoirlínte agus cinntí an Údaráis dá dtagraítear i gCaibidil II, Roinn 7, sa chomhdhéanamh iomchuí, ag féachaint d’ábhar na hionstraime. I gcás ina mbaineann ionstraim ar leith le hábhair a bhaineann le maoirseacht agus le hábhair a bhaineann le FIU araon, déanfaidh an Bord Ginearálta i gcomhdhéanamh maoirseachta agus an Bord Ginearálta i gcomhdhéanamh FIU araon na tuairimí, na moltaí, na treoirlínte agus na cinntí sin a ghlacadh ar leithligh. Glacfar na tuairimí, na moltaí agus na treoirlínte bunaithe ar thogra ón gcoiste inmheánach ábhartha.

5.   Vótálfaidh an Bord Ginearálta ar na dréachtchaighdeáin theicniúla rialála dá dtagraítear in Airteagal 49 agus ar na dréachtchaighdeáin theicniúla cur chun feidhme dá dtagraítear in Airteagal 53 agus cuirfidh sé faoi bhráid an Choimisiúin iad lena nglacadh, sa chomhdhéanamh iomchuí, ag féachaint d’ábhar na gcaighdeán.

6.   Rachfar i gcomhairle leis an mBord Ginearálta i gceachtar den dá chomhdhéanamh faoi na dréachtchinntí atá le glacadh ag an mBord Feidhmiúcháin de bhun Airteagal 64(4), pointí (a), (c), (e) agus (m). I gcás ina ndiallann an cinneadh a ghlacann an Bord Feidhmiúcháin ina dhiaidh sin ó thuairim an Bhoird Ghinearálta, cuirfidh an Bord Feidhmiúcháin na cúiseanna atá leis sin ar fáil i scríbhinn.

7.   Glacfaidh an Bord Ginearálta a rialacha nós imeachta agus poibleoidh sé iad.

8.   Gan dochar d’Airteagal 63(3) agus (4) agus d’Airteagal 68(1) agus (2), feidhmeoidh an Bord Ginearálta na cumhachtaí a thugtar leis na Rialacháin Foirne ar an údarás ceapacháin agus leis na Coinníollacha Fostaíochta Seirbhíseach Eile ar an údarás a bhfuil sé de chumhacht aige conarthaí fostaíochta a thabhairt chun críche (‘cumhachtaí an údaráis ceapacháin’) maidir le Cathaoirleach an Údaráis agus cúigear comhaltaí lánaimseartha an Bhoird Feidhmiúcháin, le linn a sainordaithe.

1.   Déanfar cinntí an Bhoird Ghinearálta a ghlacadh trí thromlach simplí dá chomhaltaí. Beidh vóta amháin ag gach comhalta ag a bhfuil ceart vótála mar a chinntear le hAirteagal 57(2) agus (3). I gcás comhionannas vótaí, beidh vóta réitigh ag Cathaoirleach an Údaráis.

2.   De mhaolú ar mhír 1 den Airteagal seo, déanfaidh an Bord Ginearálta, maidir leis na gníomhartha dá dtagraítear in Airteagail 49, 53, 54 agus 55 den Rialachán seo, cinntí ar bhonn thromlach cáilithe a chomhaltaí, dá bhforáiltear in Airteagal 16(4) CAE.

Ní vótálfaidh Cathaoirleach an Údaráis ar na cinntí dá dtagraítear sa chéad fhomhír den mhír seo, ar na tuairimí dá dtagraítear in Airteagal 60(2) ná ar na cinntí a bhaineann le meastóireacht ar fheidhmíocht an Bhoird Feidhmiúcháin dá dtagraítear in Airteagal 63(5).

3.   Ní fhreastalóidh na comhaltaí nach bhfuil ceart vótála acu agus na breathnóirí ar aon phlé laistigh den Bhord Ginearálta i gcomhdhéanamh maoirseachta a bhaineann le heintitis aonair faoi oibleagáid, mura bhforáiltear dá mhalairt sna gníomhartha reachtacha dá dtagraítear in Airteagal 1(2) nó má chinneann na comhaltaí a bhfuil ceart vótála acu a mhalairt.

4.   Ní bheidh feidhm ag mír 3 i leith chomhaltaí an Bhoird Feidhmiúcháin ná i leith ionadaí BCE arna ainmniú ag Bord Maoirseachta BCE.

5.   Beidh an sainchumas ag Cathaoirleach an Údaráis vótáil a ghairm ag aon tráth. Gan dochar don saincheart sin ná d’éifeachtacht nósanna imeachta cinnteoireachta an Údaráis, déanfaidh an Bord Ginearálta a dhícheall teacht ar chomhthoil agus a chinntí á nglacadh aige.

1.   Déanfaidh Cathaoirleach an Údaráis cruinnithe an Bhoird Ghinearálta a thionól.

2.   Tionólfaidh an Bord Ginearálta dhá ghnáthchruinniú ar a laghad in aghaidh na bliana. Ina theannta sin, tiocfaidh sé le chéile ar thionscnamh a Chathaoirligh, nó arna iarraidh sin d’aon trian ar a laghad dá chomhaltaí.

3.   Féadfaidh an Bord Ginearálta cuireadh a thabhairt d’aon duine a bhféadfadh a thuairim a bheith ina díol spéise freastal ar a chruinnithe i gcáil breathnóra.

4.   Faoi réir a rialacha nós imeachta, féadfaidh comhairleoirí nó saineolaithe cúnamh a thabhairt do chomhaltaí an Bhoird Ghinearálta agus dá chomhaltaí malartacha ag na cruinnithe.

5.   Tabharfaidh rúnaíocht arna soláthar ag an Údarás cúnamh don Bhord Ginearálta.

6.   Ní fhreastalóidh Cathaoirleach an Údaráis ná an cúigear comhaltaí lánaimseartha den Bhord Feidhmiúcháin ar chruinnithe an Bhoird Ghinearálta i gcás ina ndéanfar ábhair a bhaineann le feidhmiú a sainordaithe a phlé nó a chinneadh.

1.   Beidh an Bord Feidhmiúcháin comhdhéanta díobh seo a leanas:

I gcás ina ndéanann an Bord Feidhmiúcháin na cúraimí dá dtagraítear in Airteagal 64(4), pointí (a) go (l), beidh ionadaí ón gCoimisiún i dteideal a bheith rannpháirteach sna díospóireachtaí agus ní bheidh rochtain aige ach ar na doiciméid a bhaineann leis na cúraimí sin.

2.   Beidh an Stiúrthóir Feidhmiúcháin rannpháirteach i gcruinnithe an Bhoird Feidhmiúcháin, ach ní bheidh ceart vótála aige.

3.   I gcás ina ndéantar plé ar na cinntí dá dtagraítear in Airteagal 64(2) i ndáil le heintiteas roghnaithe faoi oibleagáid, féadfaidh an comhalta den Bhord Ginearálta i gcomhdhéanamh maoirseachta ón mBallstát ina bhfuil an t-eintiteas roghnaithe faoi oibleagáid lena mbaineann bunaithe a bheith rannpháirteach sna pléití le linn chruinnithe ábhartha an Bhoird Feidhmiúcháin.

Ní bheidh an comhalta sin den Bhord Ginearálta i láthair le linn na vótála tar éis na bpléití sin.

4.   Roghnófar comhaltaí an Bhoird Feidhmiúcháin dá dtagraítear i mír 1, pointe (b), ar bhonn fiúntais, scileanna, eolais, sláine, agus seasamh agus taithí aitheanta i réimse AML/CFT, agus ar bhonn cáilíochtaí ábhartha eile, tar éis nós imeachta roghnúcháin oscailte a fhoilseofar in Iris Oifigiúil an Aontais Eorpaigh.

Ullmhóidh an Coimisiún gearrliosta iarrthóirí do phost chomhaltaí an Bhoird Feidhmiúcháin dá dtagraítear i mír 1, pointe (b). Féadfaidh Parlaimint na hEorpa éisteachtaí na n-iarrthóirí atá ar an ngearrliosta sin a stiúradh.

Cuirfidh an Bord Ginearálta togra maidir le ceapadh chomhaltaí an Bhoird Feidhmiúcháin dá dtagraítear i mír 1, pointe (b), faoi bhráid Pharlaimint na hEorpa, bunaithe ar an ngearrliosta atá ullmhaithe ag an gCoimisiún. Tar éis do Pharlaimint na hEorpa an togra sin a fhormheas, glacfaidh an Chomhairle cinneadh cur chun feidhme chun comhaltaí sin an Bhoird Feidhmiúcháin a cheapadh. Gníomhóidh an Chomhairle trí thromlach cáilithe.

Le linn an phróisis ceapacháin, cuirfear prionsabail na cothromaíochta inscne agus geografaí san áireamh a mhéid is féidir.

5.   4 bliana a bheidh i dtéarma oifige chomhaltaí an Bhoird Feidhmiúcháin dá dtagraítear i mír 1, pointe (b). Le linn an 12 mhí roimh dheireadh a dtéarma oifige 4 bliana, déanfaidh an Bord Ginearálta sa dá chomhdhéanamh nó coiste níos lú a roghnófar as measc chomhaltaí an Bhoird Ghinearálta, lena n-áirítear ionadaí ón gCoimisiún, measúnú ar na comhaltaí sin den Bhord Feidhmiúcháin. Cuirfear san áireamh sa mheasúnú meastóireacht ar fheidhmíocht gach comhalta den Bhord Feidhmiúcháin agus ar chúraimí agus dúshláin an Údaráis sa todhchaí. Bunaithe ar an measúnú, féadfaidh an Bord Ginearálta sa dá chomhdhéanamh a mholadh do Pharlaimint na hEorpa síneadh a chur lena dtéarma oifige. Ní fhéadfar síneadh den sórt sin a dheonú ach aon uair amháin. Tar éis do Pharlaimint na hEorpa an togra ón mBord Ginearálta a fhormheas, glacfaidh an Chomhairle cinneadh cur chun feidhme chun síneadh a chur le téarma oifige chomhalta nó chomhaltaí an Bhoird Feidhmiúcháin lena mbaineann. Gníomhóidh an Chomhairle trí thromlach cáilithe.

6.   Gníomhóidh comhaltaí an Bhoird Feidhmiúcháin dá dtagraítear i mír 1, pointe (b), go neamhspleách agus go hoibiachtúil chun leasa an Aontais ina iomláine agus ní lorgóidh siad ná ní ghlacfaidh siad treoracha ó institiúidí, comhlachtaí, oifigí nó gníomhaireachtaí de chuid an Aontais, ná ó aon rialtas ná ó aon chomhlacht príobháideach nó poiblí eile. Urramóidh institiúidí, comhlachtaí, oifigí agus gníomhaireachtaí de chuid an Aontais, rialtais na mBallstát agus gach comhlacht poiblí nó príobháideach eile an neamhspleáchas sin.

7.   Más rud é nach gcomhlíonann comhalta an Bhoird Feidhmiúcháin dá dtagraítear i mír 1, pointe (b), a thuilleadh na coinníollacha a cheanglaítear chun dualgais an chomhalta sin a fheidhmiú nó má bhí sé nó sí ciontach i mí-iompar tromchúiseach, féadfaidh an Chomhairle, ag gníomhú di ar a tionscnamh féin nó tar éis togra ó Pharlaimint na hEorpa nó ón mBord Ginearálta i gceachtar comhdhéanamh, cinneadh cur chun feidhme a ghlacadh chun an comhalta sin den Bhord Feidhmiúcháin a chur as oifig. Gníomhóidh an Chomhairle trí thromlach cáilithe.

8.   Le linn tréimhse 18 mí tar éis dóibh scor d’oifig a shealbhú, toirmeascfar ar iarchomhaltaí an Bhoird Feidhmiúcháin, lena n-áirítear Cathaoirleach agus Leas-Chathaoirleach an Údaráis, gabháil do ghníomhaíocht ghairme shochrach leis an méid seo a leanas:

Ina rialacha maidir le coinbhleachtaí leasa a chosc agus a bhainistiú i leith a chomhaltaí, dá dtagraítear in Airteagal 64(4), pointe (e), sonróidh an Bord Feidhmiúcháin na himthosca faoina bhfuil coinbhleacht leasa den sórt sin ann nó faoina bhféadfaí a mheas gur ann do choinbhleacht leasa den sórt sin.

1.   Beidh an Bord Feidhmiúcháin freagrach as pleanáil fhoriomlán agus as cur i gcrích na gcúraimí a thugtar don Údarás de bhun Airteagal 5. Glacfaidh an Bord Feidhmiúcháin cinntí uile an Údaráis cé is moite de na cinntí atá le glacadh ag an mBord Ginearálta i gcomhréir le hAirteagal 60.

2.   Glacfaidh an Bord Feidhmiúcháin na cinntí a dhíreofar chuig eintitis roghnaithe faoi oibleagáid chun na cumhachtaí dá dtagraítear in Airteagal 6(1) a fheidhmiú, agus an togra ó chomhfhoireann maoirseachta an eintitis roghnaithe faoi oibleagáid dá dtagraítear in Airteagal 16, an togra ón bhfoireann imscrúdúcháin neamhspleách dá dtagraítear in Airteagal 27, agus an tuairim a thug an Bord Ginearálta maidir leis an gcinneadh beartaithe sin de bhun Airteagal 60(2) á gcur san áireamh. I gcás ina gcinneann an Bord Feidhmiúcháin diall ón tuairim sin, tabharfaidh sé na cúiseanna mionsonraithe leis sin i scríbhinn.

3.   Glacfaidh an Bord Feidhmiúcháin na cinntí a dhíreofar chuig na húdaráis phoiblí aonair de bhun Airteagail 14, 30, agus 32 go 36.

4.   Ina theannta sin, beidh ar an mBord Feidhmiúcháin na cúraimí seo a leanas:

5.   Roghnóidh an Bord Feidhmiúcháin Leas-Chathaoirleach ar an Údarás as measc a chomhaltaí ag a bhfuil ceart vótála. Glacfaidh an Leas-Chathaoirleach ionad Chathaoirleach an Údaráis go huathoibríoch mura mbeidh an Cathaoirleach ábalta a chuid nó a cuid dualgas a chomhlíonadh.

6.   Maidir leis na cumhachtaí dá dtagraítear i mír 4, pointe (h), den Airteagal seo, glacfaidh an Bord Feidhmiúcháin, i gcomhréir le hAirteagal 110(2) de na Rialacháin Foirne, cinneadh bunaithe ar Airteagal 2(1) de na Rialacháin Foirne agus ar Airteagal 6 de na Coinníollacha Fostaíochta Seirbhíseach Eile, lena dtarmligfear cumhachtaí ábhartha an údaráis ceapacháin chuig an Stiúrthóir Feidhmiúcháin. Beidh an Stiúrthóir Feidhmiúcháin údaraithe na cumhachtaí sin a fho-tharmligean.

7.   In imthosca eisceachtúla, féadfaidh an Bord Feidhmiúcháin trí chinneadh, tarmligean chumhachtaí an údaráis ceapacháin chuig an Stiúrthóir Feidhmiúcháin agus aon fho-tharmligean chumhachtaí an údaráis ceapacháin ag an Stiúrthóir Feidhmiúcháin sin a chur ar fionraí ar bhonn sealadach, agus iad a fheidhmiú é féin nó iad a tharmligean chuig duine dá chomhaltaí nó chuig ball foirne eile seachas an Stiúrthóir Feidhmiúcháin.

1.   Faoin 30 Samhain gach bliain, glacfaidh an Bord Feidhmiúcháin doiciméad clársceidealaithe aonair ina mbeidh clár oibre ilbhliantúil agus clár oibre bliantúil, bunaithe ar dhréacht arna thíolacadh ag an Stiúrthóir Feidhmiúcháin, agus an tuairim ón gCoimisiún á cur i gcuntas aige agus – i dtaca leis an gclár oibre ilbhliantúil – tar éis dó dul i gcomhairle le Parlaimint na hEorpa. Má chinneann an Bord Feidhmiúcháin gan aon ghnéithe de thuairim an Choimisiúin a chur i gcuntas, soláthróidh sé bonn cirt cuimsitheach leis an gcinneadh sin. Beidh feidhm ag an oibleagáid bonn cirt cuimsitheach a sholáthar freisin maidir le haon ghnéithe a ardóidh Parlaimint na hEorpa nuair a théitear i gcomhairle léi. Cuirfidh an Bord Feidhmiúcháin ar aghaidh gan mhoill an doiciméad clársceidealaithe aonair chuig Parlaimint na hEorpa, chuig an gComhairle agus chuig an gCoimisiún.

Beidh an doiciméad clársceidealaithe aonair críochnaitheach tar éis ghlacadh críochnaitheach an bhuiséid ghinearálta agus, más gá, coigeartófar é dá réir.

2.   Beidh an clár oibre bliantúil comhdhéanta de chuspóirí mionsonraithe agus na torthaí a mbeifear ag súil leo, lena n-áirítear táscairí feidhmíochta. Beidh cur síos ann freisin ar na gníomhaíochtaí atá le maoiniú agus tásc ar na hacmhainní airgeadais agus daonna a leithdháilfear ar gach gníomhaíocht, i gcomhréir le prionsabail an bhuiséadaithe agus an bhainistithe de réir gníomhaíochtaí. Beidh an clár oibre bliantúil i gcomhréir leis an gclár oibre ilbhliantúil. Sonrófar ann go soiléir cad iad na cúraimí breise a cuireadh leis, a athraíodh nó a scriosadh i gcomparáid leis an mbliain airgeadais roimhe.

3.   Déanfaidh an Bord Feidhmiúcháin an clár oibre bliantúil atá glactha a leasú nuair a thabharfar cúram nua don Údarás.

Is leis an nós imeachta céanna a úsáideadh don chlár oibre bliantúil tosaigh a ghlacfar aon leasú substaintiúil ar an gclár oibre bliantúil. Féadfaidh an Bord Feidhmiúcháin an chumhacht leasuithe neamhshubstaintiúla a dhéanamh ar an gclár oibre bliantúil a tharmligean chuig an Stiúrthóir Feidhmiúcháin.

4.   Leagfar amach sa chlár oibre ilbhliantúil an clársceidealú straitéiseach foriomlán lena n-áirítear cuspóirí, torthaí a bhfuil coinne leo agus táscairí feidhmíochta. Leagfar amach ann clársceidealú acmhainní freisin, lena n-áirítear an buiséad ilbhliantúil agus an fhoireann.

Déanfar an clársceidealú acmhainní a thabhairt cothrom le dáta gach bliain. Nuashonrófar an clársceidealú straitéiseach i gcás inarb iomchuí.

1.   Déanfaidh an Bord Feidhmiúcháin cinntí trí thromlach simplí dá chomhaltaí. Beidh vóta amháin ag gach comhalta den Bhord Feidhmiúcháin. I gcás comhionannas vótaí, beidh vóta réitigh ag Cathaoirleach an Údaráis, nó ag an Leas-Chathaoirleach i gcás ina dtagann sé nó sí in ionad an Chathaoirligh.

2.   Beidh ceart vótála ag ionadaí ón gCoimisiún uair ar bith a phléitear ábhair a bhaineann le hAirteagal 64(4), pointí (a) go (l), agus nuair a dhéantar cinneadh ina leith.

3.   Le rialacha nós imeachta an Bhoird Feidhmiúcháin, leagfar síos socruithe vótála níos mionsonraithe, go háirithe na cúinsí inar féidir le comhalta gníomhú thar ceann comhalta eile.

1.   Déanfaidh an Bord Feidhmiúcháin, ar thogra ón Stiúrthóir Feidhmiúcháin, Oifigeach um Chearta Bunúsacha a ainmniú. Féadfaidh an tOifigeach um Chearta Bunúsacha a bheith mar bhall d’fhoireann an Údaráis cheana féin.

2.   Déanfaidh an tOifigeach um Chearta Bunúsacha na cúraimí seo a leanas:

3.   Áiritheoidh an Bord Feidhmiúcháin nach lorgóidh an tOifigeach um Chearta Bunúsacha ná nach nglacfaidh sé nó sí aon treoracha maidir le feidhmiú chúraimí an Oifigigh.

4.   Tuairisceoidh an tOifigeach um Chearta Bunúsacha go díreach don Stiúrthóir Feidhmiúcháin agus ullmhóidh sé nó sí tuairiscí tráthrialta maidir le feidhmiú na gcúraimí dá dtagraítear i mír 2. Cuirfear na tuairiscí sin ar fáil don Bhord Feidhmiúcháin.

1.   Roghnófar Cathaoirleach an Údaráis ar bhonn tuillteanais, scileanna, eolais, sláine, seasaimh agus taithí aitheanta i réimse AML/CFT agus cáilíochtaí ábhartha eile, tar éis nós imeachta roghnúcháin oscailte a fhoilseofar in Iris Oifigiúil an Aontais Eorpaigh. Coinneofar Parlaimint na hEorpa, an Chomhairle agus an Bord Ginearálta ar an eolas go cuí ag gach céim den nós imeachta sin go tráthúil.

Ullmhóidh an Coimisiún gearrliosta de bheirt iarrthóirí cháilithe ar a laghad do phost Chathaoirleach an Údaráis. Féadfaidh Parlaimint na hEorpa agus an Bord Ginearálta éisteachtaí na n-iarrthóirí ar an ngearrliosta sin a stiúradh. Féadfaidh an Bord Ginearálta tuairim phoiblí a eisiúint maidir le torthaí a éisteachtaí, nó a thuairim a chur faoi bhráid Pharlaimint na hEorpa, na Comhairle agus an Choimisiúin.

Cuirfidh an Coimisiún moladh maidir le ceapadh Chathaoirleach an Údaráis faoi bhráid Pharlaimint na hEorpa.

Tar éis do Pharlaimint na hEorpa an togra sin a fhormheas, glacfaidh an Chomhairle cinneadh cur chun feidhme chun Cathaoirleach an Údaráis a cheapadh. Gníomhóidh an Chomhairle trí thromlach cáilithe.

De mhaolú ar an dara fomhír, déanfaidh an Coimisiún, i ndáil leis an gcéad Chathaoirleach ar an Údarás a cheapadh tar éis theacht i bhfeidhm an Rialacháin seo, déanfaidh an Coimisiún togra le haghaidh cheapachán an Chathaoirligh gan an Bord Ginearálta a bheith rannpháirteach.

2.   Gníomhóidh Cathaoirleach an Údaráis go neamhspleách agus go hoibiachtúil chun leasa an Aontais ina iomláine agus ní lorgóidh sé nó sí treoracha ná ní ghlacfaidh sé nó sí iad ó institiúidí, comhlachtaí, oifigí nó gníomhaireachtaí an Aontais ná ó aon rialtas ná ó aon chomhlacht príobháideach nó poiblí eile. Urramóidh institiúidí, comhlachtaí, oifigí agus gníomhaireachtaí an Aontais, rialtais na mBallstát agus gach comhlacht poiblí nó príobháideach eile an neamhspleáchas sin.

3.   4 bliana a mhairfidh téarma oifige Chathaoirleach an Údaráis. Le linn an 12 mhí roimh dheireadh théarma oifige 4 bliana an Chathaoirligh, déanfaidh an Bord Ginearálta sa dá chomhdhéanamh nó i gcoiste níos lú a roghnófar as measc chomhaltaí an Bhoird Ghinearálta, lena n-áirítear ionadaí ón gCoimisiún, measúnú ar an gCathaoirleach. Sa mheasúnú déanfar meastóireacht ar fheidhmíocht an Chathaoirligh agus ar chúraimí agus dúshláin an Údaráis amach anseo a chur i gcuntas. Bunaithe ar an measúnú, féadfaidh an Coimisiún a mholadh do Pharlaimint na hEorpa síneadh a chur le téarma oifige an Chathaoirligh. Ní fhéadfar an síneadh sin a dheonú ach aon uair amháin. Tar éis do Pharlaimint na hEorpa an togra ón gCoimisiún a fhormheas, glacfaidh an Chomhairle cinneadh cur chun feidhme chun síneadh a chur le téarma oifige Chathaoirleach an Údaráis. Gníomhóidh an Chomhairle trí thromlach cáilithe.

4.   I gcás nach gcomhlíonfaidh Cathaoirleach an Údaráis a thuilleadh na coinníollacha a cheanglaítear chun a chuid nó a cuid dualgas a fheidhmiú nó i gcás go bhfuarthas ciontach é nó í i mí-iompar tromchúiseach, féadfaidh an Chomhairle, ag gníomhú di ar a tionscnamh féin nó tar éis togra ó Pharlaimint na hEorpa nó ón mBord Ginearálta i gceachtar den dá chomhdhéanamh, cinneadh cur chun feidhme a ghlacadh chun Cathaoirleach an Údaráis a chur as oifig. Gníomhóidh an Chomhairle trí thromlach cáilithe.

5.   Má éiríonn an Cathaoirleach as nó mura bhfuil sé nó sí in ann freastal ar a chuid nó a cuid dualgas ar chúis ar bith eile, is é nó í an Leas-Chathaoirleach a dhéanfaidh feidhmeanna an Chathaoirligh.

1.   Is é nó í Cathaoirleach an Údaráis a fheidhmeoidh mar ionadaí an Údaráis, agus a bheidh freagrach as obair an Bhoird Ghinearálta agus an Bhoird Feidhmiúcháin a ullmhú, lena n-áirítear an clár oibre a shocrú, na cruinnithe uile a thionól agus cathaoirleacht a dhéanamh orthu agus na míreanna a bheidh le cinneadh a chur síos.

2.   Is é nó í Cathaoirleach an Údaráis a shannfaidh do chomhaltaí an Bhoird Feidhmiúcháin dá dtagraítear in Airteagal 63(1), pointe (b), réimsí sonracha freagrachta laistigh de raon feidhme chúraimí an Údaráis ar feadh thréimhse a sainordaithe.

1.   Beidh an Stiúrthóir Feidhmiúcháin fostaithe mar ghníomhaire sealadach ag an Údarás faoi Airteagal 2, pointe (a), de Choinníollacha Fostaíochta Seirbhíseach Eile.

2.   Déanfaidh an Stiúrthóir Feidhmiúcháin a dhualgais nó a dualgais a fheidhmiú chun leasa an Aontais, agus go neamhspleách ar aon leas sonrach.

3.   Bainisteoidh an Stiúrthóir Feidhmiúcháin an tÚdarás. Beidh an Stiúrthóir Feidhmiúcháin freagrach don Bhord Feidhmiúcháin. Gan dochar do chumhachtaí an Choimisiúin agus an Bhoird Feidhmiúcháin, beidh an Stiúrthóir Feidhmiúcháin neamhspleách i bhfeidhmiú a chuid nó a cuid dualgas agus ní iarrfaidh ná ní ghlacfaidh sé nó sí treoracha ó aon institiúidí, comhlachtaí, oifigí nó gníomhaireachtaí de chuid an Aontais, ná ó aon rialtas ná aon chomhlacht poiblí nó príobháideach eile.

4.   Roghnófar an Stiúrthóir Feidhmiúcháin ar fhorais tuillteanais agus scileanna ardleibhéil doiciméadaithe riaracháin, buiséadacha agus bainistíochta, tar éis nós imeachta roghnúcháin oscailte a fhoilseofar in Iris Oifigiúil an Aontais Eorpaigh, agus, de réir mar is iomchuí, ar shuíomhanna eile preasa agus idirlín. Ullmhóidh an Coimisiún gearrliosta ina mbeidh ar a laghad beirt iarrthóirí atá cáilithe don phost mar Stiúrthóir Feidhmiúcháin. Is é an Bord Feidhmiúcháin a cheapfaidh an Stiúrthóir Feidhmiúcháin.

5.   5 bliana a bheidh i dtéarma oifige an Stiúrthóra Feidhmiúcháin. Le linn na 9 mí roimh dheireadh théarma oifige an Stiúrthóra Feidhmiúcháin, déanfaidh an Bord Feidhmiúcháin measúnú ina gcuirtear i gcuntas meastóireacht ar fheidhmíocht an Stiúrthóra Feidhmiúcháin agus ar chúraimí agus dúshláin an Údaráis amach anseo. Féadfaidh an Bord Feidhmiúcháin, agus an mheastóireacht á cur i gcuntas aige, síneadh a chur le téarma oifige an Stiúrthóra Feidhmiúcháin uair amháin.

Féadfaidh an Bord Feidhmiúcháin an Stiúrthóir Feidhmiúcháin a chur as oifig ar mholadh ón gCoimisiún.

6.   Ní fhéadfaidh Stiúrthóir Feidhmiúcháin, ar cuireadh síneadh lena théarma oifige nó lena téarma oifige, páirt a ghlacadh i nós imeachta roghnúcháin eile don phost céanna ag deireadh an téarma oifige ar cuireadh síneadh leis.

1.   Beidh an Stiúrthóir Feidhmiúcháin freagrach as bainistiú laethúil an Údaráis, agus is é a bheidh d’aidhm aige nó aici cothromaíocht inscne, agus, a mhéid is féidir, cothromaíocht gheografach, a áirithiú laistigh den Údarás. Go háirithe, beidh an Stiúrthóir Feidhmiúcháin freagrach as an méid seo a leanas:

2.   Déanfaidh an Stiúrthóir Feidhmiúcháin bearta eile is gá, go háirithe treoracha riaracháin inmheánacha a ghlacadh agus fógraí a fhoilsiú, chun feidhmiú an Údaráis a áirithiú, i gcomhréir leis an Rialachán seo.

3.   Cinnfidh an Stiúrthóir Feidhmiúcháin an gá ball foirne amháin nó níos mó a bheith lonnaithe i mBallstát eile amháin nó níos mó chun cúraimí an Údaráis a dhéanamh ar bhealach éifeachtúil éifeachtach. Sula gcinnfidh sé oifig áitiúil a bhunú, gheobhaidh an Stiúrthóir Feidhmiúcháin toiliú roimh ré ón gCoimisiún, ón mBord Feidhmiúcháin agus ó aon Bhallstát lena mbaineann. Sonrófar sa chinneadh raon feidhme na ngníomhaíochtaí a bheidh le déanamh san oifig áitiúil ar bhealach lena seachnófar costais nach bhfuil aon ghá leo agus dúbailt fheidhmeanna riaracháin an Údaráis. Déanfar comhaontú leis an mBallstát nó leis na Ballstáit lena mbaineann a thabhairt i gcrích dá réir sin.

1.   Bunóidh an tÚdarás Bord Riaracháin Athbhreithniúcháin chun athbhreithniú riaracháin inmheánach a dhéanamh ar na cinntí atá déanta ag an Údarás i bhfeidhmiú na gcumhachtaí a liostaítear in Airteagail 22, 23 agus 77. Bainfidh raon feidhme an athbhreithniúcháin riaracháin inmheánaigh le comhréireacht nós imeachta agus shubstainteach na gcinntí sin leis an Rialachán seo.

2.   Beidh an Bord Riaracháin Athbhreithniúcháin comhdhéanta de chúigear aonair a bhfuil dea-cháil orthu, a bhfuil cuntas teiste cruthaithe d’eolas ábhartha agus taithí ghairmiúil acu, lena n-áirítear taithí mhaoirseachta i réimse AML/CFT, cé is moite de bhaill foirne reatha an Údaráis, chomh maith leis na baill foirne reatha atá ag údaráis mhaoirseachta AML/CFT agus FIUnna nó ag institiúidí, comhlachtaí, oifigí agus gníomhaireachtaí eile náisiúnta nó de chuid an Aontais a mbíonn baint acu le cur i gcrích na gcúraimí a thugtar don Údarás leis an Rialachán seo. Beidh acmhainní leordhóthanacha agus saineolas leordhóthanach ag an mBord Riaracháin Athbhreithniúcháin le measúnú a dhéanamh ar fheidhmiú chumhachtaí an Údaráis faoin Rialachán seo.

3.   Déanfaidh an Bord Riaracháin Athbhreithniúcháin cinneadh ar bhonn tromlaigh triúir ar a laghad dá chúigear comhaltaí.

1.   Is é an Bord Ginearálta i gcomhdhéanamh maoirseachta a cheapfaidh comhaltaí an Bhoird Riaracháin Athbhreithniúcháin agus beirt chomhaltaí mhalartacha go ceann téarma 5 bliana, lena bhféadfar síneadh a chur uair amháin, tar éis glao poiblí ar léirithe spéise a fhoilsítear in Iris Oifigiúil an Aontais Eorpaigh. Ní bheidh siad faoi cheangal ag aon treoir.

2.   Gníomhóidh comhaltaí an Bhoird Riaracháin Athbhreithniúcháin go neamhspleách agus ar mhaithe le leas an phobail, agus ní dhéanfaidh siad aon dualgais eile laistigh den Údarás. Chun na críche sin, tabharfaidh siad dearbhú poiblí gealltanas agus leasanna lena léirítear aon leas díreach nó indíreach a bhféadfaí a bhreithniú ina leith gur dochar dá neamhspleáchas é nó lena léirítear nach bhfuil aon leas den sórt sin acu.

1.   Féadfaidh aon duine nádúrtha nó duine dlítheanach chuig a ndírítear an cinneadh, nó lena mbaineann an cinneadh go díreach agus go leithleach, iarraidh ar athbhreithniú a thabhairt os comhair an Bhoird Riaracháin Athbhreithniúcháin i gcoinne cinntí a dhéanann an tÚdarás de bhun Airteagal 6(1), agus Airteagail 21, 22, 23 agus 77.

2.   Déanfar aon iarraidh ar athbhreithniú i scríbhinn, mar aon le ráiteas ar na forais atá leis, agus cuirfear faoi bhráid an Údaráis é laistigh de mhí amháin ón dáta a thugtar fógra faoin gcinneadh don duine a iarrann an t-athbhreithniú, nó ina éagmais sin, ón lá a cuireadh in iúl don duine a d’iarr an t-athbhreithniú é.

3.   Tar éis rialú maidir le hinghlacthacht na hiarrata ar athbhreithniú, tabharfaidh an Bord Riaracháin Athbhreithniúcháin tuairim laistigh de thréimhse arb iomchuí do phráinne an cháis é agus in aon chás faoi thráth nach déanaí ná 2 mhí tar éis an iarraidh a fháil agus an cás chun cinneadh nua a ullmhú a tharchur chuig an mBord Feidhmiúcháin. Cuirfidh an Bord Feidhmiúcháin i gcuntas tuairim an Bhoird Riaracháin Athbhreithniúcháin, agus glacfaidh sé cinneadh nua go pras. Leis an gcinneadh nua déanfar an cinneadh tosaigh a aisghairm agus cinneadh a bhfuil ábhar comhionann ann nó cinneadh leasaithe a chur ina ionad.

4.   Féadfar iarraidh ar chur i bhfeidhm an chinnidh atá faoi réir imeachtaí athbhreithniúcháin a chur ar fionraí a áireamh in iarraidh ar athbhreithniú de bhun mhír 2. Féadfaidh an Bord Riaracháin Athbhreithniúcháin, má mheasann sé go n-éilítear sin leis na himthosca, agus tuairim an Bhoird Feidhmiúcháin á cur i gcuntas, a ordú go ndéanfar cur i bhfeidhm an chinnidh i dtrácht a chur ar fionraí go dtí go nglacfaidh an Bord Feidhmiúcháin cinneadh nua de bhun mhír 3. Mura ndéanfaidh an Bord Riaracháin Athbhreithniúcháin cinneadh maidir leis an iarraidh ar fhionraí laistigh de 14 lá, measfar an iarraidh sin a bheith diúltaithe.

5.   An tuairim a thugann an Bord Riaracháin Athbhreithniúcháin, agus an cinneadh nua a ghlacann an Bord Feidhmiúcháin de bhun an Airteagail seo, beidh siad réasúnaithe agus tabharfar fógra do na páirtithe fúthu.

6.   Glacfaidh an tÚdarás cinneadh lena mbunófar rialacha nós imeachta an Bhoird Riaracháin Athbhreithniúcháin.

1.   Ní ghlacfaidh comhaltaí an Bhoird Riaracháin Athbhreithniúcháin páirt in aon imeachtaí athbhreithniúcháin má tá aon leas pearsanta acu sna himeachtaí, má bhí baint acu cheana mar ionadaithe do dhuine de na páirtithe sna himeachtaí, nó má bhí siad rannpháirteach i nglacadh an chinnidh atá faoi athbhreithniú.

2.   Má tharlaíonn sé, ar cheann de na cúiseanna a liostaítear i mír 1 nó ar aon chúis eile, go mbreithníonn comhalta den Bhord Riaracháin Athbhreithniúcháin nár cheart dó nó di páirt a ghlacadh in imeacht athbhreithniúcháin, cuirfidh sé nó sí an méid sin in iúl don Bhord Riaracháin Athbhreithniúcháin dá réir sin.

3.   Féadfaidh aon pháirtí sna himeachtaí athbhreithniúcháin agóid a dhéanamh in aghaidh aon chomhalta den Bhord Riaracháin Athbhreithniúcháin ar aon cheann de na forais a liostaítear i mír 1, nó má tá amhras ann go bhfuil an comhalta sin claonta. Ní bheidh aon agóid den sórt sin inghlactha i gcás ina ndéanfaidh páirtí sna himeachtaí athbhreithniúcháin céim nós imeachta a ghlacadh, agus é ar an eolas faoi fhoras le hagóid a dhéanamh. Ní cheadófar aon agóid a dhéanamh ar bhonn náisiúntacht na gcomhaltaí.

4.   Cinnfidh an Bord Riaracháin Athbhreithniúcháin an gníomh a dhéanfar sna cásanna dá dtagraítear i míreanna 2 agus 3 gan an comhalta lena mbaineann a bheith rannpháirteach. Chun an cinneadh sin a dhéanamh, cuirfear comhalta malartach an chomhalta lena mbaineann in ionad an chomhalta sin ar an mBord Riaracháin Athbhreithniúcháin.

1.   Beidh feidhm maidir le foireann an Údaráis agus gach ábhar nach gcumhdaítear leis an Rialachán seo ag na Rialacháin Foirne agus ag Coinníollacha Fostaíochta Seirbhíseach Eile agus chomh maith leis sin ag na rialacha arna nglacadh trí chomhaontú idir institiúidí an Aontais chun éifeacht a thabhairt do na Rialacháin Foirne sin agus do Choinníollacha Fostaíochta Seirbhíseach Eile.

2.   De mhaolú ar mhír 1 den Airteagal seo, beidh Cathaoirleach an Údaráis agus comhaltaí an Bhoird Feidhmiúcháin dá dtagraítear in Airteagal 63(1), pointe (b), ar comhchéim le Comhalta agus Cláraitheoir na Cúirte Ginearálta, faoi seach, maidir le díolaíochtaí agus aois inphinsin, mar a shainmhínítear iad i Rialachán (AE) 2016/300 ón gComhairle (43). Maidir le gnéithe nach bhfuil cumhdaithe faoin Rialachán seo ná faoi Rialachán (AE) 2016/300, beidh feidhm ag na Rialacháin Foirne agus ag na Coinníollacha Fostaíochta Seirbhíseach Eile de réir analaí.

3.   Glacfaidh an Bord Feidhmiúcháin, i gcomhaontú leis an gCoimisiún, na bearta cur chun feidhme is gá, i gcomhréir leis na socruithe dá bhforáiltear in Airteagal 110 de na Rialacháin Foirne.

4.   Féadfaidh an tÚdarás úsáid a bhaint as saineolaithe náisiúnta ar iasacht nó as baill foirne eile nach bhfuil fostaithe ag an Údarás, lena n-áirítear toscairí FIU.

5.   Glacfaidh an Bord Feidhmiúcháin rialacha maidir le baill foirne ó Bhallstáit atá le fostú ar iasacht san Údarás agus tabharfar cothrom le dáta iad de réir mar is gá. Beidh san áireamh, go háirithe, ar na rialacha sin na socruithe airgeadais a bhaineann leis na hiasachtaí sin, lena n-áirítear árachas agus oiliúint. Cuirfear i gcuntas sna rialacha sin go bhfuil na baill foirne ar iasacht agus go bhfuil siad le himscaradh mar fhoireann de chuid an Údaráis. Áireofar leo sin forálacha maidir le coinníollacha an imscartha. I gcás inarb ábhartha, beidh sé mar aidhm ag an mBord Feidhmiúcháin comhsheasmhacht a áirithiú leis na rialacha is infheidhme maidir le speansais mhisin na foirne reachtúla a aisíoc.

1.   Beidh comhaltaí an Bhoird Ghinearálta agus an Bhoird Feidhmiúcháin, agus baill foirne uile an Údaráis, lena n-áirítear oifigigh ar iasacht ó Bhallstáit ar bhonn sealadach, chomh maith le gach duine eile ag a bhfuil cúraimí á ndéanamh don Údarás ar bhonn conarthach, faoi réir cheanglais na rúndachta gairmiúla de bhun Airteagal 339 CFAE agus Airteagal 67 de Threoir (AE) 2024/1640, lena n-áirítear tar éis deireadh a theacht lena ndualgais.

2.   Áiritheoidh an Bord Feidhmiúcháin go mbeidh gach duine a sholáthraíonn aon seirbhís, go díreach nó go hindíreach, go buan nó anois is arís, a bhaineann le cúraimí an Údaráis, lena n-áirítear oifigigh agus daoine eile a bheidh údaraithe ag an mBord Feidhmiúcháin nó ceaptha ag na húdaráis phoiblí agus FIUnna chun na críche sin, go mbeidh siad faoi réir cheanglais na rúndachta gairmiúla atá coibhéiseach leo sin dá bhforáiltear i mír 1.

3.   Chun na cúraimí arna dtabhairt dó leis an Rialachán seo a chomhlíonadh, údarófar an tÚdarás, laistigh de na teorainneacha agus faoi na coinníollacha a leagtar amach sna gníomhartha dá dtagraítear in Airteagal 1(2), faisnéis a mhalartú le húdaráis agus comhlachtaí de chuid an Aontais nó le húdaráis agus comhlachtaí náisiúnta sna cásanna ina gceadaíonn na gníomhartha sin do mhaoirseoirí airgeadais faisnéis a nochtadh do na heintitis sin nó i gcás inar féidir leis na Ballstáit foráil a dhéanamh maidir leis an nochtadh sin faoi dhlí an Aontais is infheidhme.

4.   Déanfaidh an tÚdarás na socruithe praiticiúla maidir le cur chun feidhme na rialacha rúndachta dá dtagraítear i míreanna 1 agus 2.

5.   Cuirfidh an tÚdarás Cinneadh (AE, Euratom) 2015/444 ón gCoimisiún (44) i bhfeidhm.

1.   Glacfaidh an tÚdarás a rialacha slándála féin a bheidh coibhéiseach le rialacha slándála an Choimisiúin chun Faisnéis Rúnaicmithe an Aontais Eorpaigh (FRAE) agus faisnéis íogair neamh-rúnaicmithe a chosaint, mar a leagtar amach i gCinntí (AE, Euratom) 2015/443 (45) agus (AE, Euratom) 2015/444 ón gCoimisiún. Cuimseoidh rialacha slándála an Údaráis, inter alia, forálacha chun an fhaisnéis sin a mhalartú, a phróiseáil agus a stóráil. Glacfaidh an Bord Feidhmiúcháin rialacha slándála an Údaráis tar éis don Choimisiún iad a fhormheas.

2.   Aon chomhshocrú riaracháin maidir le malartú faisnéise rúnaicmithe le húdaráis ábhartha tríú tír nó, in éagmais an chomhshocraithe sin, aon eisiúint ad hoc FRAE chuig na húdaráis sin, beidh sé nó sí faoi réir formheas roimh ré ón gCoimisiún.

1.   Beidh bealaí tuairiscithe tiomnaithe i bhfeidhm ag an Údarás chun faisnéis arna soláthar ag daoine a thuairiscíonn sáruithe iarbhír nó sáruithe féideartha ar na nithe seo a leanas a fháil agus a láimhseáil:

2.   Beidh cosaint Threoir (AE) 2019/1937 ag na daoine a thuairiscíonn trí na bealaí sin agus ag na daoine lena mbaineann, i gcás inarb infheidhme.

3.   Tar éis d’údaráis mhaoirseachta san earnáil seach-airgeadais tuairiscí a chur isteach de bhun Airteagal 60(4) de Threoir (AE) 2024/1640, beidh an tÚdarás in ann faisnéis bhreise a iarraidh ar na húdaráis mhaoirseachta sin faoin gcaoi a ndearna siad obair leantach ar na tuairiscí a fuarthas. Cuirfidh na húdaráis mhaoirseachta sin an fhaisnéis a iarradh ar fáil go pras ach ní nochtfaidh siad faisnéis a bhféadfadh sainaithint an duine tuairiscithe a bheith mar thoradh uirthi.

1.   Oibreoidh an tÚdarás i ndlúthchomhar leis na ÚMEnna a bhunú agus a chothabháil, go háirithe agus dréachtchaighdeáin theicniúla rialála nó dréachtchaighdeáin theicniúla cur chun feidhme, treoirlínte nó moltaí á bhforbairt laistigh de shainchúram a gcúraimí faoi seach.

2.   Faoin 27 Meitheamh 2025, déanfaidh an tÚdarás meabhrán tuisceana a thabhairt i gcrích leis na ÚMEnna ina leagfar amach an chaoi a bhfuil sé beartaithe acu dul i gcomhar i gcomhlíonadh a gcúraimí faoi dhlí an Aontais.

1.   Oibreoidh an tÚdarás i gcomhar, agus malartóidh sé faisnéis, le húdaráis neamh-AML/CFT agus, ar bhonn riachtanais eolais agus ar bhonn rúndachta, le húdaráis agus le comhlachtaí náisiúnta eile atá inniúil chun a áirithiú go gcomhlíonfar Treoracha 2009/110/CE, 2009/138/CE, 2014/17/AE, 2014/65/AE agus (AE) 2015/2366, agus leis na ÚMEnna, laistigh de theorainneacha a sainorduithe faoi seach.

2.   Tabharfaidh an tÚdarás meabhrán tuisceana i gcrích leis na húdaráis stuamachta mar a shainmhínítear in Airteagal 4(1), pointe (40), de Rialachán (AE) Uimh. 575/2013, leis na ÚMEnna agus leis na húdaráis náisiúnta eile atá inniúil chun comhlíonadh Rialachán (AE) 2023/1114 a áirithiú, ina leagfar amach i dtéarmaí ginearálta conas a oibreoidh siad i gcomhar le chéile agus a mhalartóidh siad faisnéis le chéile i bhfeidhmiú a gcúraimí maoirseachta faoi dhlí an Aontais i ndáil le heintitis roghnaithe agus neamhroghnaithe faoi oibleagáid.

I gcás ina measann sé gur gá sin, féadfaidh an tÚdarás meabhrán tuisceana a thabhairt i gcrích freisin le haon cheann de na húdaráis nó na comhlachtaí eile dá dtagraítear i mír 1 ina leagfar amach i dtéarmaí ginearálta conas a oibreoidh siad i gcomhar le chéile agus a mhalartóidh siad faisnéis le chéile i bhfeidhmiú a gcúraimí maoirseachta faoi dhlí an Aontais i ndáil le heintitis roghnaithe agus neamhroghnaithe faoi oibleagáid.

3.   Faoin 27 Meitheamh 2025, tabharfaidh an tÚdarás agus BCE meabhrán tuisceana i gcrích ina leagfar amach na módúlachtaí praiticiúla don chomhar agus do mhalartú faisnéise i bhfeidhmiú a gcúraimí faoi seach faoi dhlí an Aontais.

4.   Áiritheoidh an tÚdarás comhar agus malartú faisnéise éifeachtach idir na húdaráis mhaoirseachta uile sa chóras maoirseachta AML/CFT agus na húdaráis agus na comhlachtaí ábhartha dá dtagraítear i mír 1, lena n-áirítear maidir le rochtain ar aon fhaisnéis agus sonraí i mbunachar sonraí lárnach AML/CFT dá dtagraítear in Airteagal 11.

1.   I gcás inarb ábhartha chun na cúraimí dá dtagraítear i gCaibidil II a chomhlíonadh, féadfaidh an tÚdarás comhpháirtíochtaí trasteorann a bhunú chun faisnéis a chomhroinnt, i gcomhréir le cearta bunúsacha agus coimircí nós imeachta breithiúnacha, nó féadfaidh sé a bheith rannpháirteach i gcomhpháirtíochtaí le haghaidh comhroinnt faisnéise arna mbunú i mBallstát amháin nó ar fud roinnt Ballstát agus é ina chuspóir tacú le sciúradh airgid, a chionta preideacáide agus maoiniú na sceimhlitheoireachta a chosc agus a chomhrac. Beidh rannpháirtíocht an Údaráis i gcomhpháirtíocht atá ann cheana faoi réir chomhaontú na n-údarás a bhfuil an chomhpháirtíocht sin bunaithe acu.

2.   I gcás ina mbunóidh an tÚdarás comhpháirtíocht trasteorann le haghaidh comhroinnt faisnéise, áiritheoidh sé go gcomhlíonfaidh an chomhpháirtíocht ceanglais Airteagal 75(3), (4) agus (5) de Rialachán (AE) 2024/1624. Sa bhreis ar eintitis faoi oibleagáid, féadfaidh an tÚdarás cuireadh a thabhairt do na húdaráis inniúla dá dtagraítear in Airteagal 2(1), pointe (44), pointí (a), (b) agus (c), den Rialachán sin, chomh maith le comhlachtaí, oifigí agus gníomhaireachtaí de chuid an Aontais a bhfuil ról acu i sciúradh airgid, a chionta preideacáide agus maoiniú na sceimhlitheoireachta a chosc agus a chomhrac, páirt a ghlacadh sa chomhpháirtíocht, i gcás ina bhfuil an rannpháirtíocht sin ábhartha chun a gcúraimí agus a gcumhachtaí a chomhlíonadh. Ar thoiliú d’aon toil ó na comhaltaí rannpháirteacha, féadfar cuireadh a thabhairt do thríú páirtithe eile a bheith rannpháirteach, ar bhonn ócáideach, i gcruinnithe na comhpháirtíochta, i gcás inarb ábhartha.

1.   Féadfaidh an tÚdarás socruithe oibre a thabhairt i gcrích le hinstitiúidí an Aontais, le gníomhaireachtaí díláraithe an Aontais agus le comhlachtaí eile an Aontais a ghníomhaíonn i réimse fhorfheidhmiú an dlí agus an chomhair bhreithiúnaigh. Féadfaidh na socruithe oibre sin a bheith de chineál straitéiseach, oibríochtúil nó teicniúil agus beidh mar aidhm shonrach leo comhar agus malartú faisnéise a éascú idir na páirtithe lena mbaineann. Ní bheidh na socruithe oibre ina mbunús chun malartú sonraí pearsanta a cheadú agus ní bheidh siad ina gceangal ar an Aontas ná ar a Bhallstáit.

2.   Déanfaidh an tÚdarás caidreamh dlúth a bhunú agus a choimeád le OLAF, Europol, Eurojust agus OIPE. Chun na críche sin, tabharfaidh an tÚdarás socruithe oibre ar leithligh chun críche le OLAF, Europol, Eurojust agus OIPE ina leagfar amach mionsonraí maidir lena gcomhar. Beidh sé d’aidhm ag an gcaidreamh go háirithe malartú faisnéise oibríochtúla agus straitéisí agus malartú treochtaí i ndáil le bagairtí i ndáil le ML/TF atá os comhair an Aontais a áirithiú.

3.   Chun comhar rianúil idir an tÚdarás agus Europol, Eurojust agus OIPE a chur chun cinn agus a éascú, déanfar foráil sna socruithe oibre leo go háirithe maidir leis an bhféidearthacht oifigigh idirchaidrimh a phostú in áitribh a chéile, agus leagfar síos iontu coinníollacha chun na críche sin.

1.   Chun na cuspóirí a leagtar amach sa Rialachán seo a bhaint amach, agus gan dochar d’inniúlachtaí na mBallstát agus institiúidí an Aontais faoi seach, féadfaidh an tÚdarás teagmhálacha a fhorbairt agus socruithe riaracháin a dhéanamh le húdaráis AML/CFT i dtríú tíortha ag a bhfuil inniúlachtaí rialála agus maoirseachta agus inniúlachtaí a bhaineann le FIU i réimse AML/CFT chomh maith le heagraíochtaí idirnáisiúnta agus riaracháin tríú tír. Ní chruthófar oibleagáidí dlíthiúla leis na socruithe sin i dtaca leis an Aontas agus lena Bhallstáit, ná ní choiscfidh siad Ballstáit agus a gcuid údarás inniúil ó shocruithe déthaobhacha nó iltaobhacha a thabhairt i gcrích leis na tríú tíortha sin.

2.   Féadfaidh an tÚdarás socruithe riaracháin samplacha a fhorbairt d’fhonn cleachtais chomhsheasmhacha, éifeachtúla agus éifeachtacha a bhunú san Aontas agus d’fhonn comhordú agus comhar idirnáisiúnta sa chomhrac in aghaidh ML/TF a threisiú. Déanfaidh údaráis phoiblí agus FIUnna a ndícheall na socruithe samplacha sin a leanúint.

3.   I gcásanna ina mbaineann an idirghníomhaíocht idir roinnt údarás maoirseachta de chuid an Aontais agus FIUnna ar thaobh amháin agus údaráis tríú tír ar an taobh eile le hábhair laistigh de raon feidhme chúraimí an Údaráis a leagtar amach in Airteagal 5, beidh ról ceannasach ag an Údarás chun an idirghníomhaíocht sin a éascú i gcás inar gá. Beidh ról sin an Údaráis gan dochar d’idirghníomhaíochtaí tráthrialta na n-údarás maoirseachta agus FIUnna le húdaráis tríú tír.

4.   Déanfaidh an tÚdarás, laistigh de na cumhachtaí atá aige de bhun an Rialacháin seo agus de bhun na ngníomhartha reachtacha dá dtagraítear in Airteagal 1(2), rannchuidiú le hionadaíocht aontaithe, chomhchoiteann, chomhsheasmhach agus éifeachtach ar leasanna an Aontais sna fóraim idirnáisiúnta, lena n-áirítear trí chúnamh a thabhairt don Choimisiún lena chúraimí a bhaineann le comhaltas an Choimisiúin sa Tascfhórsa um Ghníomhaíocht Airgeadais agus trí thacú le hobair agus le cuspóirí Ghrúpa Egmont d’Aonaid um Fhaisnéis Airgeadais.