1.

Tacóidh sé leis na leasuithe atá beartaithe chun an obair a dhéantar ag Cruinniú na bPáirtithe a shimpliú agus a réasúnú, mar shampla formheas na dtaifead focal ar fhocal a ghlacadh tar éis dheireadh an tseisiúin (Riail 60) nó an fhéidearthacht ghinearálta a thabhairt isteach maidir le míreanna de chláir oibre sheisiúin Chruinniú na bPáirtithe a chraoladh beo ar an ngréasán, faoi réir fhormheas Chruinniú na bPáirtithe ag tús gach seisiúin (Riail 15, mír b nua).

2.

Comhaontóidh sé soiléiriú a dhéanamh, gan Rialacha Nós Imeachta Chruinniú na bPáirtithe a leasú, ionas go dtuigtear go n-áirítear comhaid fuaime i dtaifid focal ar fhocal de chruinnithe iomlánacha (Riail 60).

3.

Tacóidh sé leis an leasú a bhaineann le seisiúin fhíorúla Chruinniú na bPáirtithe a eagrú (Riail 15, mír c nua); mar sin féin, níor cheart seisiúin fhíorúla a bheith teoranta go docht d’imthosca eisceachtúla agus, ar an gcaoi sin, nuair is féidir, cuirfear san áireamh an gá cothromaíocht a bhaint amach maidir leis na costais chomhshaoil a bhaineann le seisiúin ar an láthair.

4.

Tacóidh sé leis an leasú chun rannpháirtíocht chomhaltaí Bhiúró Chruinniú na bPáirtithe i gceapachán Cheann na Rúnaíochta a shainiú níos soiléire, chomh maith leis an leasú lena bhforáiltear don fhéidearthacht Ceann Rúnaíochta gníomhach a ainmniú, nuair is gá (Riail 24ter).

5.

Tacóidh sé leis an leasú a bhaineann le meáin chreidiúnaithe a bheith i láthair i seisiúin phoiblí (riail 2, mír 13), ós rud é go mbeidh comhsheasmhacht níos fearr ann idir Riail 2 agus Riail 32 mar thoradh ar an leasú sin.

6.

Tacóidh sé le ceartú neamhréireachtaí, lena n-áirítear scriosadh an fhocail ‘rún’ (Riail 60) agus ailíniú forálacha maidir le ‘eagraíochtaí réigiúnacha eacnamaíocha’ (Riail 2 agus Riail 29).

7.

Molfaidh sé go ndéanfar leasú ar Riail 8 lena gcuirtear oibleagáid faoi láthair ar an Rúnaíocht an clár oibre sealadach, mar aon le doiciméid chomhdhála eile, a dháileadh ar na Páirtithe 60 lá ar a laghad roimh lá tosaigh an tseisiúin. Ba cheart síneadh suas le 120 lá roimh oscailt an tseisiúin a chur leis an tréimhse sin ionas go mbeidh eagraíochtaí réigiúnacha um lánpháirtiú eacnamaíoch agus tíortha cónaidhme in ann a seasaimh a ullmhú agus a bhunú i gceart. Ba cheart tréimhse 90 lá ar a laghad a áirithiú le haghaidh doiciméid chomhdhála a bhaineann le cinntí a dhéantar ag Cruinniú na bPáirtithe atá ceangailteach ar na Páirtithe ó thaobh dlí de, nó a bhfuil impleachtaí tábhachtacha beartais nó dlíthiúla leo.

[seasamh cúltaca: is féidir leis an Aontas Eorpach glacadh le haon síneadh ar an tréimhse dáileacháin thar 60 lá roimh oscailt an tseisiúin mar atá ann faoi láthair, agus ar a laghad le haghaidh doiciméid chomhdhála a bhaineann le cinntí a dhéantar ag Cruinniú na bPáirtithe atá ceangailteach ar na Páirtithe ó thaobh dlí de, nó a bhfuil impleachtaí tábhachtacha beartais nó dlíthiúla leo.]

8.

I bhfianaise an deichiú seisiún roimhe sin de Chomhdháil na bPáirtithe i gCreat-Choinbhinsiún na hEagraíochta Domhanda Sláinte maidir le Rialú Tobac (‘FCTC EDS’) agus chun comhleanúnachas a áirithiú idir na rialacha nós imeachta is infheidhme maidir le Comhdháil na bPáirtithe agus Cruinniú na bPáirtithe, léireofar coigeartuithe ar Rialacha Nós Imeachta Chomhdháil na bPáirtithe (COP) mutatis mutandis i Rialacha Nós Imeachta Chruinniú na bPáirtithe.

(1)

Gabhfaidh sé buíochas leis an mBiúró as an tuarascáil ina bhfuil moltaí comhpháirteacha ó Bhiúró COP agus Biúró MOP maidir le feabhas a chur ar an bpróiseas chun Ceann na Rúnaíochta a roghnú agus a cheapadh agus na critéir maidir le hiarrthóirí don phost mar Cheann na Rúnaíochta a roghnú.

(2)

Tacóidh sé le feabhsuithe beartaithe an phróisis chun Ceann na Rúnaíochta a roghnú agus a cheapadh, próiseas a bunaíodh le Cinneadh FCTC/COP8(8) agus Cinneadh FCTC/MOP1(12), lena n-áirítear modhnuithe chun athnuachan aonair ar théarma oifige Cheann na Rúnaíochta go ceann 4 bliana eile a shimpliú, ar choinníoll go ndéanfar meastóireacht ar a fheidhmíocht/ar a feidhmíocht roimh ré agus gur measúnú dearfach a bheidh ann.

(3)

Tacóidh sé leis na critéir fheabhsaithe maidir leis na hiarrthóirí don phost mar Cheann na Rúnaíochta a roghnú; mar sin féin, ba cheart don Aontas a iarraidh go ndéanfaí gnéithe a bhaineann leis an bPrótacal a ghabhann le Creat-Choinbhinsiún na hEagraíochta Domhanda Sláinte maidir le Rialú Tobac a chur leis na critéir roghnúcháin. Go háirithe, ba cheart cúlra láidir, eolas agus taithí shubstainteach sa chomhrac in aghaidh na trádála aindleathaí a chur san áireamh i gcritéir dhoiciméadacha 1, agus ba cheart taithí sa chomhrac in aghaidh na trádála aindleathaí agus naisc láidre leis an bpobal frithchaolaoise idirnáisiúnta a chur san áireamh i gcritéir dhoiciméadacha 2.

(4)

I bhfianaise an deichiú seisiún roimhe sin de Chomhdháil na bPáirtithe (COP) i gCreat-Choinbhinsiún na hEagraíochta Domhanda Sláinte maidir le Rialú Tobac (‘FCTC EDS’) agus chun comhleanúnachas a áirithiú idir na rialacha nós imeachta is infheidhme maidir le Comhdháil na bPáirtithe agus Cruinniú na bPáirtithe, déanfar leasuithe ar na rialacha lena rialaítear ceapachán Cheann Rúnaíocht an Choinbhinsiúin mar a comhaontaíodh ag Comhdháil na bPáirtithe mutatis mutandis sna rialacha lena rialaítear ceapachán Cheann Rúnaíocht an Choinbhinsiúin a bheidh le comhaontú ag Cruinniú na bPáirtithe.