Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32023R2847

    Rialachán Cur Chun Feidhme (AE) 2023/2847 ón gCoimisiún an 20 Nollaig 2023 lena n-údaraítear bithmhais cillsaothráin úill a chur ar an margadh mar bhia núíosach agus lena leasaítear Rialachán Cur Chun Feidhme (AE) 2017/2470

    C/2023/8866

    IO L, 2023/2847, 21.12.2023, ELI: http://data.europa.eu/eli/reg_impl/2023/2847/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2023/2847/oj

    Date of document:
    20/12/2023; Dáta ar glacadh
    Date of effect:
    10/01/2024; Teacht i bhfeidhm Dáta foilsithe +20 Féach Airt. 2
    Date of end of validity:
    No end date
    Author:
    An Coimisiún Eorpach, Ard-Stiúrthóireacht um Shláinte agus Sábháilteacht Bia
    Responsible body:
    SANTE
    Form:
    Rialachán cur chun feidhme
    Additional information:
    Ábharthacht maidir le LEE
    Treaty:
    An Conradh ar Fheidhmiú an Aontais Eorpaigh
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32017R2470 Cur le iarscríbhinn tábla 1 Téacs 10/01/2024
    Modifies 32017R2470 Cur le iarscríbhinn tábla 2 Téacs 10/01/2024
    Instruments cited:
    European flag

    Iris Oifigiúil
    an Aontais Eorpaigh

    GA

    Sraith L

    2023/2847

    21.12.2023

    RIALACHÁN CUR CHUN FEIDHME (AE) 2023/2847 ÓN gCOIMISIÚN

    an 20 Nollaig 2023

    lena n-údaraítear bithmhais cillsaothráin úill a chur ar an margadh mar bhia núíosach agus lena leasaítear Rialachán Cur Chun Feidhme (AE) 2017/2470

    (Téacs atá ábhartha maidir le LEE)

    TÁ AN COIMISIÚN EORPACH,

    Ag féachaint don Chonradh ar Fheidhmiú an Aontais Eorpaigh,

    Ag féachaint do Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (1), agus go háirithe Airteagal 12(1) de,

    De bharr an mhéid seo a leanas:

    (1)

    Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear i liosta an Aontais de bhianna núíosacha a chur ar an margadh laistigh den Aontas.

    (2)

    De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 (2) ón gCoimisiún.

    (3)

    An 14 Aibreán 2020, chuir an chuideachta Mibelle Group Biochemistry (‘an t-iarratasóir’) iarratas ar údarú faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun bithmhais ceallsaothráin úill a chur ar mhargadh an Aontais mar bhia núíosach. Iarradh cead san iarratas bithmhais cillsaothráin úill a úsáid i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (3).

    (4)

    An 2 Nollaig 2020, d'iarr an Coimisiún ar an Údarás Eorpach um Shábháilteacht Bia (‘an tÚdarás’) measúnú a dhéanamh ar bhithmhais cillsaothráin úill mar bhia núíosach.

    (5)

    An 24 Bealtaine 2023 ghlac an tÚdarás a thuairim eolaíoch dar teideal ‘Safety of apple fruit cell culture biomass as a novel food pursuant to Regulation (EU) 2015/2283’ (4) [Sábháilteacht bithmhaise cillsaothráin úill mar bhia núíosach de bhun Rialachán (AE) 2015/2283] i gcomhréir le hAirteagal 11 de Rialachán (AE) 2015/2283.

    (6)

    Sa tuairim uaidh, tháinig an tÚdarás ar an gconclúid go bhfuil an bia núíosach sábháilte faoi na coinníollacha úsáide i bhforbhianna atá beartaithe don phobal fásta ag leibhéal uasta 0,15 mg/lá. Dá bhrí sin, is leor na forais sa tuairim eolaíoch sin chun a shuí go gcomhlíonann bithmhais cillsaothráin úill, faoi na coinníollacha úsáide sonracha, na coinníollacha maidir lena chur ar an margadh i gcomhréir le hAirteagal 12(1) de Rialachán (AE) 2015/2283.

    (7)

    Is iomchuí go mbeadh an fhaisnéis dá dtagraítear in Airteagal 9(3) de Rialachán (AE) 2015/2283 san iontráil a bhaineann le bithmhais cillsaothráin úill ar liosta an Aontais de bhianna núíosacha. I ndáil leis sin, i gcomhréir le coinníollacha úsáide forbhianna ina bhfuil bithmhais cillsaothráin úill, atá molta ag an iarratasóir agus atá measúnaithe ag an Údarás, is gá tomhaltóirí a chur ar an eolas trí lipéadú iomchuí go bhfuil bithmhais cillsaothráin úill beartaithe don phobal fásta.

    (8)

    Ba cheart bithmhais cillsaothráin úill ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

    (9)

    Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

    TAR ÉIS AN RIALACHÁN SEO A GHLACADH:

    Airteagal 1

    1.   Ceadaítear bithmhais cillsaothráin úill a chur ar an margadh laistigh den Aontas.

    Áireofar bithmhais cillsaothráin úill ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470.

    2.   Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 i gcomhréir leis an Iarscríbhinn a ghabhann leis an Rialachán seo.

    Airteagal 2

    Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

    Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

    Arna dhéanamh sa Bhruiséil, an 20 Nollaig 2023.

    Thar ceann an Choimisiúin

    An tUachtarán

    Ursula VON DER LEYEN

    (1)   IO L 327, 11.12.2015, lch. 1, ELI: http://data.europa.eu/eli/reg/2015/2283/oj.

    (2)  Rialachán Cur Chun Feidhme (AE) 2017/2470 ón gCoimisiún an 20 Nollaig 2017 lena mbunaítear liosta an Aontais de bhianna núíosacha i gcomhréir le Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO L 351, 30.12.2017, lch. 72, ELI: http://data.europa.eu/eli/reg_impl/2017/2470/oj).

    (3)  Treoir 2002/46/CE ó Pharlaimint na hEorpa agus ón gComhairle an 10 Meitheamh 2002 maidir le comhfhogasú dhlíthe na mBallstát a bhaineann le forbhianna (IO L 183, 12.7.2002, lch. 51, ELI: http://data.europa.eu/eli/dir/2002/46/oj).

    (4)   EFSA Journal [Iris EFSA] 2023;21(7):8065

    IARSCRÍBHINN

    Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 mar a leanas:

    (1)

    i dTábla 1 (Bianna núíosacha údaraithe), cuirtear an iontráil seo a leanas isteach:

    Bia núíosach údaraithe

    Coinníollacha faoina bhféadfar an bia núíosach a úsáid

    Ceanglais lipéadaithe shonracha bhreise

    Ceanglais eile

    Cosaint sonraí

    ‘Bithmhais cillsaothráin úill

    Catagóir shonraithe bhia

    Uasleibhéil

     

     

     

    Forbhianna mar a shainmhínítear i dTreoir 2002/46/CE le haghaidh daoine fásta

    0,15 mg/lá

    1.

    Is é ‘bithmhais cillsaothráin úill’ ainmniú an bhia núíosaigh ar lipéadú na n-earraí bia a bhfuil sé iontu.

    2.

    Ar lipéadú forbhianna ina bhfuil an bia núíosach, beidh ráiteas ina luafar nár cheart ach do dhaoine os cionn 18 bliana d’aois iad a thomhailt.’

    (2)

    i dTábla 2 (Sonraíochtaí), cuirtear an iontráil seo a leanas isteach:

    ‘Bia Núíosach Údaraithe Sonraíocht

    Sonraíocht

    Bithmhais cillsaothráin úill

    Tuairisc/Sainmhíniú:

    Is éard atá sa bhia núíosach bithmhais déanta as cealla saothraithe agus homaiginithe ó úlla Eilvéiseacha den chineál Uttwiler Spätlauber (Malus domestica Borkh.).

    Mar chuid den phróiseas déantúsaíochta, déantar codanna sonracha den úll a bhailiú faoi choinníollacha steiriúla agus cuirtear iad ar mheán soladach, agus é mar aidhm forbairt fíocháin callais, déanta as cealla neamhdhifreáilte, a spreagadh faoi choinníollacha steiriúla. Déantar na cealla callais a shaothrú ansin i meán leachtach agus déantar iad a homaiginiú, a theaschóireáil, agus a thriomú.

    Saintréithe/comhdhéanamh:

    Taise: 10,9–15,5 g/100 g

    Luaith: 11,8–20,8 g/100 g

    Próitéin: 14,3–20,0 g/100 g

    Saillte: 0,6–2,5 g/100 g

    Carbaihiodráití neamh-indíleáite: 17,1–25,2 g/100 g

    Carbaihiodráití eile (arna ríomh  (*1)): 21,9–38,9 g/100 g

    Iomlán na siúcraí: 17,1–32,6 g/100g

    Fruchtós: 10,8–20,2 g/100 g

    Glúcós: 3,8–7,0 g/100 g

    Feanóil iomlána: 0,15–0,29 g/100 g

    Aigéad malach: 0,41–1,19 g/100 g

    Aigéad sucanach: 0,14–0,26 g/100 g

    (*1)  Carbaihiodráití eile (g/100g) = 100 (iarmhar tirim) - Luaith - Próitéin (Nitrigin × 6,25) - Saill iomlán - Aigéad sucanach: - Aigéad L-malach - Snáithín cothaitheach’

    ELI: http://data.europa.eu/eli/reg_impl/2023/2847/oj

    ISSN 1977-0839 (electronic edition)

    Top