(1)

Cuid dhílis de bhunú limistéir gan teorainneacha inmheánacha ab ea comhbheartas an Aontais maidir le víosaí. I dteachtaireacht ón gCoimisiún an 14 Márta 2018 dar teideal ‘Adapting the common visa policy to new challenges’ (‘An comhbheartas víosaí a oiriúnú do dhúshláin nua’], tugadh aghaidh ar an gcoincheap ‘r-víosaí’ agus fógraíodh staidéar féidearthachta maidir le nósanna imeachta digiteacha víosaí agus an rún atá ann measúnú a dhéanamh ar roghanna agus treoirthionscadail a chur chun cinn chun an bealach a réiteach le haghaidh tograí a bheidh ann amach anseo. Agus an Cód Víosaí (3) á athbhreithniú acu in 2019, chuir Parlaimint na hEorpa agus an Chomhairle in iúl go sainráite gurb é an aidhm atá ann réiteach comhchoiteann a fhorbairt amach anseo ionas go bhféadfaí iarratais ar víosaí Schengen a dhéanamh ar líne, agus, ar an gcaoi sin, leas iomlán a bhaint as forbairtí dlíthiúla agus teicneolaíocha a rinneadh le déanaí.

(2)

Tá an Rialachán seo i gcomhréir le beartas an Aontais chun nuachóiriú agus digitiú seirbhísí poiblí a spreagadh agus le teachtaireacht ón gCoimisiún an 9 Márta 2021 dar teideal maidir le ‘Compás Digiteach 2030: an modh Eorpach le haghaidh na Deacáide Digití’. Ó tháinig Rialachán (CE) Uimh. 810/2009 ó Pharlaimint na hEorpa agus ón gComhairle (4) i bhfeidhm in 2010 agus ó cuireadh tús le hoibríochtaí an Lárchórais VIS in 2011 faoi Rialachán (CE) Uimh. 767/2008 ó Pharlaimint na hEorpa agus ón gComhairle (5), tá athrú suntasach tagtha ar an gcomhthéacs ina n-oibríonn an beartas víosaí. Ina theannta sin, le forbairtí suntasacha teicneolaíochta, cuirtear deiseanna nua ar fáil chun próiseas an iarratais ar víosa Schengen a dhéanamh níos rianúla agus níos éifeachtaí do náisiúnaigh tríú tír, chomh maith le bheith níos costéifeachtaí do na Ballstáit.

(3)

Le paindéim COVID-19 tháinig moill ar oibríochtaí víosaí Schengen ar fud an domhain i bpáirt mar gheall ar a dheacra a bhí sé glacadh le hiarratais ar víosaí i gconsalachtaí agus in ionaid iarratais ar víosaí, agus ba rud é sin a spreag na Ballstáit chun iarraidh ar an gCoimisiún dlús a chur leis an obair ar dhigiteáil na nósanna imeachta maidir le víosaí.

(4)

Sa Chomhaontú Nua maidir le hImirce agus Tearmann a mhol an Coimisiún an 23 Meán Fómhair 2020, leagadh síos mar chuspóir go ndéanfaí digitiú iomlán ar an nós imeachta maidir le víosaí faoi 2025, le víosa digiteach agus leis an gcumas iarratais ar víosaí a thíolacadh ar líne.

(5)

Cé go bhfuil próiseáil víosaí digitithe go páirteach cheana féin, agus iarratais agus cinntí taifeadta in VIS, tá dhá chéim thábhachtacha ann atá bunaithe ar pháipéar go fóill: próiseas an iarratais ar víosa agus eisiúint an víosa don iarratasóir trí bhíthin greamán víosa. Cruthaíonn na céimeanna páipéarbhunaithe ualach do na geallsealbhóirí uile, go háirithe d’údaráis na mBallstát a eisíonn víosaí agus d’iarratasóirí ar víosaí. Tá na Ballstáit ar an eolas faoin méid sin agus tá réitigh dhigiteacha curtha chun feidhme ag cuid acu cheana chun nós imeachta iarratais atá nua-aimseartha agus áisiúil don úsáideoir a chur ar fáil d’iarratasóirí agus chun feabhas a chur ar a éifeachtúla atá sé iarratais ar víosaí a láimhseáil.

(6)

Ba cheart réiteach teicniúil amháin, eadhon Ardán an Aontais um Iarratas ar Víosaí (EU VAP), a fhorbairt chun go mbeidh iarratasóirí ar víosa in ann iarratas a dhéanamh ar víosa ar líne, gan beann ar an mBallstát cinn scríbe. Ba cheart a chinneadh go huathoibríoch leis sin cén Ballstát atá inniúil chun iarratas a scrúdú, go háirithe i gcásanna ina bhfuil sé beartaithe ag an iarratasóir cuairt a thabhairt ar roinnt Ballstát. Sna cásanna sin, ní bheadh ar na Ballstáit ach a sheiceáil ar cinneadh an Ballstát ceart inniúil leis an uirlis.

(7)

Le hardán digiteach, atá i gcoiteann ag na Ballstáit uile, rannchuideofaí go mór le feabhas a chur ar íomhá an Aontais.

(8)

Ba cheart do EU VAP faisnéis atá cothrom le dáta agus inrochtana go héasca a sholáthar don iarratasóir mar aon leis na coinníollacha le haghaidh dul isteach ar chríoch na mBallstát, i bhformáidí a chuireann lagú amhairc san áireamh. Ba cheart, leis sin, uirlis treorach a chur ar fáil freisin lena bhféadfaidh an t-iarratasóir teacht ar an bhfaisnéis uile is gá maidir le ceanglais agus nósanna imeachta víosa, amhail an bhfuil víosa de dhíth, cén cineál víosa atá de dhíth ach gan bheith teoranta dóibh; méid na táille víosa; an Ballstát a bheidh inniúil ar an iarratas a láimhseáil; céard iad na doiciméid tacaíochta atá ag teastáil; an gá ceapachán a dhéanamh chun aitheantóirí bithmhéadracha a bhailiú agus an féidir iarratas a dhéanamh ar líne gan coinne a dhéanamh. Le EU VAP, ba cheart doiciméid a chur ar fáil don iarratasóir i bhformáid inphriontáilte agus ba cheart sásra cumarsáide a bheith ann, amhail bota comhrá, chun ceisteanna na n-iarratasóirí a fhreagairt. Ní bheidh an bota comhrá sin mar an t-aon bhealach trína bhféadfadh an t-iarratasóir faisnéis a fháil maidir leis an nós imeachta víosaí. Le EU VAP, ba cheart faisnéis a chur ar fáil freisin maidir le próiseáil sonraí pearsanta i gcomhthéacs VIS. Le EU VAP, ba cheart freisin cumarsáid leictreonach shlán a cheadú idir an t-iarratasóir agus consalacht inniúil nó údaráis lárnacha an Bhallstáit inniúil, más gá doiciméid bhreise nó agallamh leis an iarratasóir.

(9)

Ba cheart do na Ballstáit a áirithiú go bhfuil an tseirbhís a thairgtear don phobal le linn an phróisis iarratais ar víosaí ar ardchaighdeán agus go bhfuil sí ag cloí le dea-chleachtas riaracháin. Ba cheart do na Ballstáit a áirithiú go gcuirfear prionsabal an ‘ionaid ilfhreastail’ i bhfeidhm ar na hiarratasóirí go léir.

(10)

Ba cheart iarratasóirí ar víosa a bheith in ann a n-iarratas a chur isteach, na sonraí a cheanglaítear a thabhairt san fhoirm iarratais a chur ar fáil, cóip leictreonach den doiciméad taistil a chur ar fáil, agus doiciméid tacaíochta agus árachas liachta taistil a chur ar fáil i bhformáid dhigiteach trí EU VAP. Ionas go mbeidh iarratasóirí in ann faisnéis a bhaineann lena n-iarratas a shábháil, ba cheart an EU VAP a bheith in ann sonraí a stóráil ar bhonn sealadach agus díreach don fhad is gá chun na cúraimí ábhartha a chur i gcrích. A luaithe a bheidh an t-iarratas ar líne tíolactha ag an iarratasóir agus na seiceálacha iomchuí déanta ag na Ballstáit, ba cheart an comhad iarratais a aistriú chuig córas náisiúnta an Bhallstáit inniúil agus stórálfar ann é. Ní mór do chonsalachtaí nó do na húdaráis lárnacha an fhaisnéis atá stóráilte ar an leibhéal náisiúnta a cheadú agus gan ach na sonraí is gá a iontráil i lárchóras VIS.

(11)

I bprionsabal, níor cheart go mbeadh sé éigeantach teacht i láthair go pearsanta ag consalacht ná ag soláthraí seirbhíse seachtrach ach amháin i gcás iarratasóirí céaduaire agus iarratasóir a bhfuil doiciméad taistil nua acu, ar doiciméad é is gá a fhíorú, agus chun aitheantóirí bithmhéadracha a bhailiú. Mar sin féin, i gcásanna ina bhfuil amhras ann maidir leis an doiciméad taistil, leis na doiciméid tacaíochta, nó leis an dá rud, nó i gcásanna aonair in áit ar leith ina bhfuil líon mór doiciméid chalaoiseacha, ba cheart do na Ballstáit an deis a choinneáil a iarraidh ar an iarratasóir teacht i láthair go pearsanta.

(12)

Ba cheart athiarratasóirí a bheith in ann iarratas a dhéanamh go hiomlán ar líne laistigh de thréimhse 59 mí tar éis dóibh an chéad iarratas a dhéanamh, ar choinníoll go ndéanann siad an t-iarratas leis an doiciméad taistil céanna. A luaithe a bheidh an tréimhse sin caite, ba cheart aitheantóirí bithmhéadracha a bhailiú arís, i gcomhréir i Rialachán (CE) Uimh. 810/2009, lena bhforáiltear go mbaileofar sonraí bithmhéadracha gach 59 mí ag tosú ó dháta an chéad bhailiúcháin.

(13)

Tá feidhm ag forálacha sonracha maidir le náisiúnaigh tríú tír atá faoi réir ceanglas víosa, ar baill teaghlaigh iad le saoránaigh de chuid an Aontais a bhfuil feidhm ag Treoir 2004/38/CE ó Pharlaimint na hEorpa agus ón gComhairle (6) maidir leo, nó ar baill teaghlaigh iad le náisiúnaigh tríú tír ag a bhfuil an ceart chun saorghluaiseachta atá coibhéiseach leis an gceart atá ag saoránaigh den Aontas faoi chomhaontú idir an tAontas agus a Bhallstáit, ar lámh amháin, agus tríú tír, ar an lámh eile, agus nach bhfuil cárta cónaithe acu de bhun Threoir 2004/38/CE, nó le náisiúnaigh de chuid na Ríochta Aontaithe ar tairbhithe iad den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (7) (An Comhaontú um Tharraingt Siar idir an tAontas Eorpach agus an Ríocht Aontaithe) maidir lena stát óstach, mar a shainmhínítear sa Chomhaontú um Tharraingt Siar idir an tAontas Eorpach agus an Ríocht Aontaithe, agus nach bhfuil doiciméad cónaithe acu a bhaineann leis an gComhaontú um Tharraingt Siar idir an tAontas Eorpach agus an Ríocht Aontaithe.

(14)

Sonraítear in Airteagal 21(1) den Chonradh ar Fheidhmiú an Aontais Eorpaigh (CFAE) go bhfuil an ceart ag gach saoránach den Aontas gluaiseacht agus cónaí faoi shaoirse laistigh de chríocha na mBallstát, faoi réir na dteorainneacha agus na gcoinníollacha dá bhforáiltear sna Conarthaí agus sna bearta a glacadh lena gcur chun feidhme. Le Treoir 2004/38/CE, leagtar síos teorainneacha agus coinníollacha a bhaineann leis na cearta sin. Faoi mar a dheimhnigh Cúirt Bhreithiúnais an Aontais Eorpaigh, ní hamháin go bhfuil sé de cheart ag baill teaghlaigh shaoránaigh an Aontais a bhfuil feidhm ag Treoir 2004/38/CE maidir leo dul isteach i gcríoch an Bhallstáit, ach tá sé de cheart acu víosa iontrála a fháil chun na críche sin. Ceanglaítear ar na Ballstáit gach saoráid a dheonú do na daoine sin chun na víosaí riachtanacha a fháil atá le heisiúint saor in aisce a luaithe is féidir, ar bhonn nós imeachta brostaithe agus aird chuí á tabhairt ar na coimircí nós imeachta a bhfuil feidhm acu maidir leo. Ina fhianaise sin, go háirithe, ba cheart na baill teaghlaigh sin, go háirithe, a bheith i dteideal na nithe seo a leanas a thaisceadh: a n-iarratas ar víosa, a n-iarratas ar dheimhniú a fháil maidir le víosa bailí i ndoiciméad taistil nua nó a n-iarratas ar shíneadh a chur lena víosa gan EU VAP a úsáid, mar go bhféadfadh sin a n-iarratas ar víosa a éascú. Sna cásanna sin, ba cheart iad a bheith i dteideal rogha a dhéanamh a n-iarratais a thaisceadh go pearsanta ag an gconsalacht nó ag na soláthraithe seirbhíse seachtracha. Ina theannta sin, ba cheart a chur san áireamh go hiomlán le EU VAP na cearta agus na héascuithe a thugtar do thairbhithe acquis na saorghluaiseachta. Is amhlaidh atá maidir le baill teaghlaigh náisiúnach den Ríocht Aontaithe ar tairbhithe iad den Chomhaontú um Tharraingt Siar idir an tAontas Eorpach agus an Ríocht Aontaithe i ndáil lena Stát óstach, mar a shainmhínítear sa Chomhaontú um Tharraingt Siar idir an tAontas Eorpach agus an Ríocht Aontaithe, de bhua Airteagal 14(3) den Chomhaontú sin.

(15)

Ba cheart feidhm a bheith ag forálacha speisialta, ar chúiseanna daonchairdiúla, maidir le cásanna aonair a bhfuil údar leo, cásanna force majeure, nó le ceannairí Stáit nó rialtais agus comhaltaí de rialtas náisiúnta leis na céilí a bheidh á dtionlacan, agus comhaltaí dá dtoscaireachtaí oifigiúla nuair a thabharfaidh rialtais Ballstát nó eagraíochtaí idirnáisiúnta cuireadh dóibh chun críche oifigiúla, ceannasaithe agus daoine sinsearacha eile de theaghlach ríoga, nuair a thabharfaidh rialtais Ballstát nó eagraíochtaí idirnáisiúnta cuireadh dóibh chun críche oifigiúla, agus maidir le víosaí a ndéantar iarratas orthu ag an teorainn sheachtrach nó a bhféadfaí síneadh a chur leo ar chríoch na mBallstát.

(16)

Na forálacha speisialta a bhfuil feidhm acu ar chúiseanna daonnúla, d’fhéadfaidís gach cineál saincheiste maidir le hinrochtaineacht dhigiteach, rochtain theoranta ar an idirlíon nó dul i bhfód ar bith ar an idirlíon, nó litearthacht dhigiteach theoranta a chumhdach freisin. Ba cheart aird ar leith a thabhairt ar dhaoine faoi mhíchumas.

(17)

Tríú duine atá cuí-údaraithe ag an iarratasóir ar víosa nó a dtugtar cumhacht dó nó di le dlí ionadaíocht a dhéanamh air nó uirthi, i gcás inarb iomchuí, ba cheart don pháirtí sin a bheith in ann iarratas a chur isteach thar ceann an iarratasóra ar víosa, ar choinníoll go n-áireofar céannacht an triú duine sin san fhoirm iarratais.

(18)

Ba cheart do gach iarratasóir foirm iarratais chomhlánaithe a chur isteach trí leas a bhaint as EU VAP. Ba cheart an fhoirm iarratais ar líne, lena n-áirítear dearbhú i ndáil le barántúlacht, iomláine, cruinneas agus iontaofacht na sonraí arna gcur isteach agus dearbhú i ndáil le fírinneacht agus iontaofacht na ráiteas arna ndéanamh, a shíniú go leictreonach trí thic a chur sa bhosca iomchuí san fhoirm iarratais. Ba cheart do gach iarratasóir a chur in iúl freisin go dtuigeann sé nó sí na coinníollacha maidir le dul isteach dá dtagraítear i Rialachán (AE) 2016/399 ó Pharlaimint na hEorpa agus ón gComhairle (8) agus go bhféadfaí iarraidh air nó uirthi na doiciméid tacaíochta ábhartha a chur ar fáil tráth gach dul isteach. Ba cheart d’iarratasóirí a dheimhniú go gcomhaontaíonn siad cumarsáid a fháil trí EU VAP. Chun na críche sin, ba cheart dóibh rochtain a fháil ar EU VAP ar bhonn rialta. Ba cheart foirmeacha iarratais maidir le mionaoisigh a bheith curtha isteach agus ríomhshínithe ag duine a fheidhmíonn údarás tuismitheora buan nó sealadach nó caomhnóireacht dhleathach.

(19)

Agus iarratas á dhéanamh acu ar víosa, ba cheart d’iarratasóirí cruthúnas ar dhoiciméid tacaíochta a sholáthar. Chun críocha an Rialacháin seo, cuimsítear leis sin doiciméid a thíolacadh go digiteach agus go fisiciúil. Agus cásdlí seanbhunaithe Chúirt Bhreithiúnais an Aontais Eorpaigh á chur san áireamh ar an bhforas gur diúltaíodh víosa, ní bheidh seoladh IP a bhfuil bratach leis nó an dúbailt a d’fhéadfadh a bheith ar sheoltaí IP ábhartha chun an t-iarratas a scrúdú.

(20)

Ba cheart an táille víosa a íoc trí thairseach atá nasctha le EU VAP a úsáid agus d’aistreofaí na híocaíochtaí go díreach, ina n-iomláine, chuig an mBallstát iomchuí. Níor cheart na sonraí is gá chun go ndéanfaí an íocaíocht leictreonach a bheith mar chuid de na sonraí a stóráiltear in VIS. I gcás nach féidir íocaíocht leictreonach a dhéanamh, ba cheart do na consalachtaí nó don soláthraí seirbhíse seachtrach a bhfuil an cúram sin air an táille víosa a bhailiú.

(21)

Ina theannta sin, ba cheart uirlis cheapacháin a bheith in EU VAP lena bhféadfaidh na Ballstáit úsáid a bhaint as ceapacháin ag a gconsalachtaí nó ag na soláthraithe seirbhíse seachtracha. Cé gur cheart úsáid na huirlise sin a bheith roghnach i gcónaí, toisc go bhféadfadh sé nach mbeadh sé iomchuí i ngach suíomh agus i gcás na gconsalachtaí uile, ba cheart do na Ballstáit, mar sin féin, leas a bhaint as comhar áitiúil Schengen chun plé a dhéanamh féachaint an féidir cur chuige comhchuibhithe maidir le húsáid na huirlise coinní a leanúint i dtríú tíortha sonracha nó in áiteanna sonracha.

(22)

Le comhar áitiúil Schengen, ba cheart a chinneadh freisin i gcásanna sonracha úsáid teangacha neamhoifigiúla a labhraítear go forleathan nó chun an fhoirm iarratais a aistriú. Le comhar áitiúil Schengen, ba cheart plé a dhéanamh freisin ar shocruithe maidir le sonraí leictreonacha a aistriú le haghaidh soláthraithe seirbhíse seachtracha nó le haghaidh Ballstáit ionadaíocha ina dtoirmisctear faoi dhlíthe náisiúnta tríú tíortha na haistrithe sin lasmuigh dá gcríoch.

(23)

Le EU VAP, ba cheart réamhsheiceáil uathoibrithe inghlacthachta a dhéanamh chun a fhíorú an gcomhlíonann an fhaisnéis a chuir an t-iarratasóir ar fáil na ceanglais inghlacthachta don víosa a iarradh. Ba cheart dó fógra a thabhairt don iarratasóir má tá aon fhaisnéis ar iarraidh agus deis a thabhairt don iarratasóir an t-iarratas a cheartú.

(24)

Le EU VAP, ba cheart réamhsheiceáil inniúlachta uathoibrithe a dhéanamh chun an Ballstát inniúil a réamhchinneadh ar bhonn na faisnéise a sholáthair an t-iarratasóir. Ba cheart an t-iarratasóir a bheith in ann a chur in iúl, áfach, go ndéanfadh Ballstát eile an t-iarratas a phróiseáil ar bhonn phríomhchuspóir an fhanachta. Ba cheart do chonsalacht nó d’údaráis lárnacha an Bhallstáit eile sin lena mbaineann a fhíorú cé acu an bhfuil siad inniúil chun an t-iarratas a scrúdú.

(25)

I gcás ina gcinnfidh consalacht nó údaráis lárnacha an Bhallstáit inniúil go bhfuil siad inniúil ar an iarratas a scrúdú, ba cheart dóibh glacadh leis agus ba cheart na sonraí ón stóras sealadach a iontráil sa chóras náisiúnta mar a bhunaítear le Rialachán VIS agus ba cheart na sonraí sin a scriosadh ón stóras sealadach cé is moite de shonraí teagmhála.

(26)

Le hollstruchtúr EU VAP, ba cheart cosaint sonraí, trí dhearadh agus mar réamhshocrú, urramú phrionsabal an íoslaghdaithe sonraí a áirithiú agus, nuair a bhíonn sé oibríochtúil, a áirithiú go gcuirfear EU VAP chun feidhme é ar bhealach a urramaíonn cearta rochtana faoi dhlí ábhartha náisiúnta agus an Aontais.

(27)

Ionas go mbeidh na sonraí pearsanta a chuirtear isteach ar EU VAP den cháilíocht íosta is gá, tá gá le nós imeachta sonrach chun cáilíocht na sonraí sin a fhíorú. Tá sé tábhachtach cur chuige aonfhoirmeach a bheith ann chun cáilíocht a sheiceáil, ní hamháin chun leibhéal comhionann cáilíochta sonraí a áirithiú ar fud na mBallstát, ach freisin chun a áirithiú go gcuirfear an chóir chéanna ar iarratasóirí cibé údarás inniúil ar a dtabharfaidh siad aghaidh.

(28)

Is gá ról agus freagrachtaí na ngníomhaithe éagsúla a bhfuil baint acu le próiseáil na sonraí arna mbailiú ó iarratasóirí agus ó shealbhóirí víosa a shoiléiriú. Beidh na Ballstáit ina n-úsáideoirí deiridh ar na sonraí atá le bailiú ag EU VAP agus déanfaidh siad an cinneadh deiridh ar bhonn na sonraí a chuirfidh iarratasóirí agus sealbhóirí víosa ar fáil. Dá bhrí sin, ba cheart do na Ballstáit a bheith ina rialaitheoirí comhpháirteacha chun sonraí pearsanta a phróiseáil sa stóras sealadach i gcomhréir le hAirteagal 26 de Rialachán (AE) 2016/679 ó Pharlaimint na hEorpa agus ón gComhairle (9). Ba cheart do gach Ballstát údarás inniúil a ainmniú ar cheart dó a bheith ina rialaitheoir. Ba cheart do na Ballstáit na húdaráis sin a chur in iúl don Choimisiún, do Ghníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), arna bunú le Rialachán (AE) 2018/1726 ó Pharlaimint na hEorpa agus ón gComhairle (10), agus do Bhallstáit eile. Le eu-LISA, ba cheart réitigh theicniúla a oibriú agus a sholáthair le haghaidh EU VAP agus ba cheart sonraí a phróiseáil arna dtíolacadh ag iarratasóirí ar víosaí thar ceann na mBallstát a eisíonn víosaí Schengen. Dá bhrí sin, ba cheart eu-LISA a bheith ina phróiseálaí mar a shainmhínítear in Airteagal 3, pointe 12, de Rialachán (AE) 2018/1725 ó Pharlaimint na hEorpa agus ón gComhairle (11).

(29)

Nuair a bheidh faisnéis nua ann maidir leis an iarratas nó leis an víosa, ba cheart an t-iarratasóir a chur ar an eolas trí theachtaireacht leictreonach. An cinneadh a rinne an Ballstát inniúil, i gcomhréir le Rialacháin (CE) Uimh. 810/2009 agus (CE) Uimh. 767/2008, lena gcuirtear in iúl an ndearnadh an víosa a eisiúint, a dhiúltú, a dheimhniú i ndoiciméad taistil nua, an ndearnadh síneadh a chur leis, é a chur ar neamhní nó é a chúlghairm, ba cheart é a chur ar fáil don iarratasóir i seirbhís cuntais shláin ar EU VAP. Ba cheart rochtain ar chuntas slán EU VAP a chosaint trí mhodhanna teicniúla, mar shampla trí fhíorú ilfhachtóra.

(30)

Prionsabal seanbhunaithe sa chásdlí is ea nach ndéanfar dochar d’aon cheart mar thoradh ar dhul in éag teorann ama má chruthaíonn an páirtí lena mbaineann gur ann d’imthosca nárbh fhéidir a thuar nó force majeure. Dá bhrí sin, ní dhéanfar dochar do chearta na n-iarratasóirí i gcás nach féidir an cuntas slán a úsáid ar chúiseanna teicniúla, ar choinníoll go gcruthóidh an t-iarratasóir lena mbaineann go bhfuil imthosca nárbh fhéidir a thuar nó force majeure ann.

(31)

Chun na rioscaí slándála a bhaineann le mí-úsáid greamán víosa, greamáin víosa ghóchumtha agus ghoidte a laghdú, ba cheart víosa a eisiúint i bhformáid dhigiteach seachas mar ghreamán víosa a ghreamaítear den doiciméad taistil.

(32)

Chun an oiread slándála agus is féidir a áirithiú agus chun góchumadh nó brionnú a chosc, ba cheart fógra maidir le víosa dhigiteach a bheith i bhfoirm barrachód 2D, a bheidh sínithe go cripteagrafach ag Údarás Deimhniúcháin na Tíre Sínithe (CSCA) de chuid an Bhallstáit eisiúna. Dá bhrí sin, i gcás nach mbeadh VIS ar fáil, d’fhéadfaí seiceálacha a dhéanamh ar bhonn an bharrachóid 2D sin.

(33)

I gcás ina gcaillfear, ina ngoidfear, ina n-éagfaidh nó ina mbeidh doiciméad taistil shealbhóir an víosa neamhbhailí agus ina mbeidh an víosa fós bailí, ba cheart don sealbhóir víosa a bheith in ann iarratas a dhéanamh trí EU VAP ar dheimhniú na víosa bailí i ndoiciméad taistil nua ar choinníoll go bhfuil an doiciméad taistil nua den chineál céanna agus go n-eisíonn an tír chéanna é leis an doiciméad taistil a cailleadh, a goideadh, a chuaigh in éag nó a cuireadh ó bhail. Ba cheart do shealbhóir na víosa teacht i láthair go pearsanta os comhair na consalachta nó os comhair an tsoláthraí seirbhíse sheachtraigh chun an doiciméad taistil nua a thaispeáint ar mhaithe le barántúlacht an doiciméid taistil nua a fhíorú.

(34)

Ba cheart na sonraí a stóráiltear in EU VAP a choimirciú trí úsáid a bhaint as bearta cur chun feidhme cosanta príobháideachais.

(35)

Níor cheart rochtain a bheith ag soláthraithe seirbhíse seachtracha ar EU VAP ach amháin chun iarratais a aisghabháil agus a athbhreithniú; na sonraí atá stóráilte ar bhonn sealadach a fhíorú, mar shampla cóip scanta den doiciméad taistil,; na sonraí pearsanta ábhartha a sheiceáil agus a uaslódáil ó shlis an doiciméid taistil; aitheantóirí bithmhéadracha a bhailiú agus a uaslódáil; seiceálacha cáilíochta a dhéanamh ar na doiciméid tacaíochta a uaslódáladh; a dheimhniú go ndearnadh athbhreithniú ar iarratas agus, ar an gcaoi sin, é a chur ar fáil don chonsalacht lena phróiseáil a thuilleadh; Níor cheart rochtain a bheith ag soláthraithe seirbhíse seachtracha ar shonraí a stóráiltear in VIS.

(36)

Is gá an dáta óna dtosóidh oibríochtaí a chinneadh, lena n-áirítear dáta na víosa digití agus EU VAP; Ba cheart foráil a dhéanamh d’idirthréimhse, ar lena linn ba cheart go mbeadh Ballstát in ann cinneadh a dhéanamh gan leas a bhaint as EU VAP. Ba cheart gur tréimhse 7 mbliana ó dháta thús na n-oibríochtaí a bheadh i gceist leis an idirthréimhse sin. Mar sin féin, ba cheart do Bhallstát a bheith in ann fógra a thabhairt don Choimisiún agus do eu-LISA gur mian leis a bheith páirteach in EU VAP roimh dheireadh na hidirthréimhse. Le linn na hidirthréimhse, má chinneann Ballstát gan leas a bhaint as EU VAP, ba cheart sealbhóirí víosa a bheith fós in ann na víosaí digiteacha a fhíorú trí úsáid a bhaint as seirbhís gréasáin EU VAP.

(37)

Ba cheart do eu-LISA acmhainneachtaí agus feidhmiúlachtaí leordhóthanacha EU VAP a áirithiú chun go mbeidh na Ballstáit in ann dul isteach in EU VAP le linn na hidirthréimhse. Agus EU VAP á fhorbairt ag eu-LISA, ba cheart a chur san áireamh an úsáid a bhainfidh na Ballstáit sin amach anseo as EU VAP nach gcuireann acquis Schengen i bhfeidhm ina iomláine fós. Ba cheart EU VAP a bhunú ionas go mbeidh na Ballstáit sin in ann nascadh go rianúil leis agus leas rianúil a bhaint as EU VAP a luaithe a ghlacfar cinneadh ón gComhairle i gcomhréir le hAirteagal 3(2) d’Ionstraim Aontachais 2003 nó le hAirteagal 4(2) d’Ionstraim Aontachais 2005. Chuige sin, ba cheart do eu-LISA aird a thabhairt, go háirithe, ar thoilleadh stórais EU VAP agus ar idirnascadh EU VAP leis na córais faisnéise víosaí náisiúnta. Ba cheart d’údaráis inniúla na mBallstát lena mbaineann a bheith lánpháirteach le forbairt EU VAP ón tús ar an mbealach céanna le húdaráis inniúla na mBallstát eile.

(38)

Ba cheart do Bhallstát nach gcuireann acquis Schengen i bhfeidhm ina iomláine a bheith in ann iarraidh ar eu-LISA naisc a thabhairt isteach chuig nós imeachta náisiúnta ábhartha iarratais an Bhallstáit lena mbaineann trí Aimsitheoir Aonfhoirmeach Acmhainní (URL) a áireamh in EU VAP.

(39)

Ba cheart feidhmiúlacht a bheith in EU VAP d’iarratasóirí agus d’eintitis eile, amhail fostóirí nó ollscoileanna nó údaráis áitiúla, chun na víosaí digiteacha a fhíorú.

(40)

Chun gur féidir Cinneadh Uimh. 565/2014/AE ó Pharlaimint na hEorpa agus ón gComhairle (12) a chur i bhfeidhm, ba cheart gan ach rochtain inléite a bheith ag an mBulgáir, ag an gCipir agus ag an Rómáin ar víosaí digiteacha a stóráiltear in VIS.

(41)

Ba cheart do eu-LISA a bheith freagrach as forbairt theicniúil agus bainistiú oibríochtúil EU VAP agus a chomhpháirteanna, mar chuid de VIS.

(42)

Le hollstruchtúr córais EU VAP, ba cheart athúsáid a bhaint, a mhéid is féidir, as na córais atá ann cheana agus atá ar na bacáin agus atá mar chuid den chreat nua don idir-inoibritheacht, agus go háirithe Córas Eorpach um Fhaisnéis agus Údarú Taistil (ETIAS) agus an Córas Dul Isteach/Imeachta (EES), agus na teorainneacha atá ann faoi láthair leis an teicneolaíocht agus, ag an am céanna, na hinfheistíochtaí atá á ndéanamh cheana féin ag na Ballstáit ina gcórais náisiúnta féin á n-urramú.

(43)

Maidir le forbairt EU VAP ag eu-LISA agus a idirnascadh leis na córais faisnéise víosaí náisiúnta agus oibriú, lena n-áirítear cothabháil, EU VAP ag eu-LISA, ba cheart é a mhaoiniú faoi bhuiséad ginearálta an Aontais. Maidir le hoiriúnuithe riachtanacha ó na Ballstáit ar na córais faisnéise víosaí náisiúnta atá ann cheana, ba cheart do na Ballstáit a bheith in ann an Ionstraim le haghaidh Tacaíocht Airgeadais don Bhainistiú Teorainneacha agus don Bheartas Víosaí a úsáid chun an chatagóir costas sin a mhaoiniú.

(44)

Le seiceáil víosaí digiteacha ag an teorainn, ba cheart brath ar ailtireacht chórais an Aontais atá ann cheana agus atá ar na bacáin le haghaidh bainistiú teorainneacha agus ba cheart faisnéis an tsealbhóra víosa a bheith in VIS. Ba cheart d’údaráis na mBallstát an fhaisnéis sin a fhíorú trí bhíthin sonraí bithmhéadracha.

(45)

An fhormáid le haghaidh víosaí gearrfhanachta, mar a leagtar síos i Rialachán (CE) Uimh. 1683/95 ón gComhairle (13) í, úsáidtear í freisin le haghaidh víosaí fadfhanachta. Dá bhrí sin, maidir leis an gCoinbhinsiún lena ndéantar Comhaontú Schengen (14) a chur chun feidhme, ba cheart é a leasú ionas go bhféadfar víosaí fadfhanachta a eisiúint i bhformáid dhigiteach freisin.

(46)

Is doiciméid iad Doiciméid Idirthurais Éascaithe (FTD) agus Doiciméid Idirthurais Iarnróid Éascaithe (FRTD) atá coibhéiseach le víosaí idirthurais, lena n-údaraítear don sealbhóir dul trí chríocha na mBallstát i gcomhréir le forálacha acquis Schengen a bhaineann le teorainneacha seachtracha a thrasnú. Eisítear FTD agus FRTD i bhformáidí aonfhoirmeacha agus is ar pháipéar atá an nós imeachta iarratais. Chun forbairtí maidir le digitiú a léiriú, ba cheart Rialacháin (CE) Uimh. 693/2003 (15) agus (CE) Uimh. 694/2003 (16) ón gComhairle a leasú chun gur féidir feidhmchláir dhigiteacha agus FTD agus FRTD a eisiúint i bhformáid dhigiteach.

(47)

Chun gnéithe áirithe de Rialachán (CE) Uimh. 767/2008 a leasú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun sonrú a dhéanamh ar ábhar na bhfoirmeacha iarratais simplithe chun víosaí bailí a dheimhniú i ndoiciméad taistil nua agus chun víosaí a shíneadh. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (17). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(48)

Chun coinníollacha aonfhoirmeacha a áirithiú maidir le Rialachán (CE) Uimh. 810/2009 a chur chun feidhme, ba cheart cumhachtaí cur chun feidhme a thabhairt don Choimisiún chun na híoschaighdeáin a ghlacadh maidir le doiciméid taistil a fhíorú agus maidir le sonraí slise a phróiseáil, agus chun rialacha a ghlacadh maidir le réimsí sonraí na víosaí digiteacha a chomhlánú. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (18).

(49)

Chun coinníollacha aonfhoirmeacha a áirithiú maidir le Rialachán (CE) Uimh. 767/2008 a chur chun feidhme, ba cheart cumhachtaí cur chun feidhme a thabhairt don Choimisiún chun na bearta is gá a leagan síos le haghaidh chur chun feidhme teicniúil fheidhmiúlachtaí EU VAP, chun samhlacha de phleananna teagmhasacha a ghlacadh i gcás nach mbeidh sé indéanta go teicniúil rochtain a fháil ar shonraí ag na teorainneacha seachtracha, agus chun na freagrachtaí agus na caidrimh idir na Ballstáit a shonrú mar rialaitheoirí comhpháirteacha maidir le sonraí pearsanta a phróiseáil in EU VAP, an caidreamh idir na rialaitheoirí comhpháirteacha agus an próiseálaí, agus freagrachtaí an phróiseálaí i gcomhréir le hAirteagal 28 de Rialachán (AE) 2016/679 agus le hAirteagal 29 de Rialachán (AE) 2018/1725. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(50)

Ós rud é go gcuireann cuspóirí an Rialacháin seo, eadhon EU VAP a bhunú agus víosa dhigiteach a thabhairt isteach, le tionscnaimh eile arb é is aidhm dóibh, ar thaobh amháin, na nósanna imeachta a chuíchóiriú agus a chomhchuibhiú i gcomhthéacs an chomhbheartais víosaí agus, ar an taobh eile, taisteal, ceanglais iontrála agus seiceálacha teorann laistigh de Limistéar Schengen a ailíniú leis an ré dhigiteach nua, ní féidir leis na Ballstáit na leasuithe ar an reachtaíocht ghaolmhar a bhaint amach ach ní féidir iad a bhaint amach ach amháin ar leibhéal an Aontais agus mar chuid de acquis Schengen, féadfaidh an tAontas, dá bhrí sin, bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach (CAE). I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(51)

Tá an Rialachán seo gan dochar do chur i bhfeidhm Threoir 2004/38/CE agus do Chuid a Dó de Chomhaontú um Tharraingt Siar idir an tAontas Eorpach agus an Ríocht Aontaithe.

(52)

Urramaítear leis an Rialachán seo na cearta bunúsacha agus comhlíontar leis na prionsabail a aithnítear go sainráite le Cairt um Chearta Bunúsacha an Aontais Eorpaigh. Go háirithe, trí EU VAP agus víosa dhigiteach a thabhairt isteach, urramófar go hiomlán an ceart go ndéanfar sonraí pearsanta a chosaint, an ceart go n-urramófar an saol príobháideach agus saol an teaghlaigh, cearta an linbh, agus cosaint daoine leochaileacha. Beidh feidhm iomlán i gcónaí ag gach coimirce maidir le cearta bunúsacha a áirítear i Rialachán (CE) Uimh. 767/2008B i gcomhthéacs EU VAP agus i gcomhthéacs na víosa digití, go háirithe maidir le cearta an linbh. Beidh ar EU VAP na ceanglais a leagtar síos i dTreoir (AE) 2016/2102 ó Pharlaimint na hEorpa agus ón gComhairle (19) a chur san áireamh chun rochtain éasca a áirithiú do dhaoine faoi mhíchumas. Ba cheart aird ar leith a thabhairt ar dhaoine a bhfuil litearthacht dhigiteach theoranta acu agus ar shaincheisteanna maidir le rochtain ar an idirlín.

(53)

I gcomhréir le hAirteagail 1 agus 2 de Phrótacal Uimh. 22 maidir le Seasamh na Danmhairge, atá i gceangal le CAE agus le CFAE, níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm. Ós rud é go gcuireann an Rialachán seo le acquis Schengen, cinnfidh an Danmhairg, i gcomhréir le hAirteagal 4 den Phrótacal sin, laistigh de thréimhse 6 mhí tar éis don Chomhairle cinneadh a dhéanamh ar an Rialachán seo, an gcuirfidh sí chun feidhme ina dlí náisiúnta é.

(54)

Is é atá sa Rialachán seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (20); dá bhrí sin, níl Éire rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(55)

Maidir leis an Íoslainn agus leis an Iorua, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme (21), a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE ón gComhairle (22).

(56)

Maidir leis an Eilvéis, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (23), ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE ón gComhairle, arna léamh i gcomhar le hAirteagal 3 de Chinneadh 2008/146/CE ón gComhairle (24).

(57)

Maidir le Lichtinstéin, is é atá sa Rialachán seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (25), ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle (26).

(58)

A mhéid a bhaineann leis an gCipir, agus leis an mBulgáir agus leis an Rómáin, is é atá sa Rialachán seo gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(2) d’Ionstraim Aontachais 2003 agus Airteagal 4(2) d’Ionstraim Aontachais 2005 faoi seach.

(59)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug an Maoirseoir tuairim uaidh an 21 Meitheamh 2022 (27),

(1)

in Airteagal 1(2), cuirtear an pointe seo a leanas leis:

(*1)  Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (IO L 29, 31.1.2020, lch. 7).’;"

(2)

leasaítear Airteagal 2 mar a leanas:

(3)

leasaítear Airteagal 3(5) mar a leanas:

(4)

in Airteagal 8, cuirtear an mhír seo a leanas isteach:

(5)

leasaítear Airteagal 9 mar a leanas:

(6)

leasaítear Airteagal 10 mar a leanas:

(7)

leasaítear Airteagal 11 mar a leanas:

(8)

cuirtear an méid seo a leanas in ionad Airteagal 12:

(9)

leasaítear Airteagal 13 mar a leanas:

(10)

in Airteagal 14 cuirtear an méid seo a leanas in ionad mhíreanna 1 agus 2:

(11)

in Airteagal 15(2), cuirtear an méid seo a leanas in ionad an dara fomhír:

‘Chomh maith leis sin, dearbhóidh na hiarratasóirí sin, san fhoirm iarratais go bhfuil a fhios acu gur gá árachas liachta taistil a bheith acu le haghaidh cuairteanna ina dhiaidh sin.’;

(12)

leasaítear Airteagal 16 mar a leanas:

(13)

leasaítear Airteagal 18 mar a leanas:

(14)

in Airteagal 19, cuirtear an mhír seo a leanas isteach:

(15)

scriostar Airteagal 20;

(16)

leasaítear Airteagal 21 mar a leanas:

(17)

leasaítear Airteagal 24 mar a leanas:

(18)

in Airteagal 25, cuirtear an mhír seo a leanas leis:

(19)

cuirtear an tAirteagal seo a leanas isteach:

(20)

cuirtear an méid seo a leanas in ionad Airteagal 27:

(21)

cuirtear an méid seo a leanas in ionad Airteagal 28:

(22)

in Airteagal 32, cuirtear an méid seo a leanas in ionad mhír 2:

(23)

cuirtear an tAirteagal seo a leanas isteach:

(24)

leasaítear Airteagal 33 mar a leanas:

(25)

leasaítear Airteagal 34 mar a leanas:

(26)

in Airteagal 35, cuirtear an mhír seo a leanas leis:

(27)

leasaítear Airteagal 37 mar a leanas:

(28)

leasaítear Airteagal 38 mar a leanas:

(29)

in Airteagal 40(2), cuirtear an méid seo a leanas in ionad phointe (a):

(30)

scriostar Airteagal 42.

(31)

leasaítear Airteagal 43 mar a leanas:

(32)

leasaítear Airteagal 44 mar a leanas:

(33)

leasaítear Airteagal 47 mar a leanas:

(34)

cuirtear an téacs a leagtar amach in Iarscríbhinn I a ghabhann leis an Rialachán seo in ionad Iarscríbhinn I a ghabhann le Rialachán (CE) Uimh. 810/2009.

(35)

scriostar Iarscríbhinn III a ghabhann le Rialachán (CE) Uimh. 810/2009;.

(36)

in Iarscríbhinn V a ghabhann le Rialachán (CE) Uimh. 810/2009, cuirtear an iontráil seo a leanas isteach i ndiaidh na hiontrála a bhaineann le San Mairíne:

‘AN RÍOCHT AONTAITHE:

(1)

leasaítear Airteagal 2a mar a leanas:

(2)

leasaítear Airteagal 4 mar a leanas:

(3)

cuirtear an Chaibidil seo a leanas isteach:

‘CAIBIDIL Ia

ARDÁN AN AONTAIS UM IARRATAIS AR VÍOSAÍ (EU VAP)

(*3)  Rialachán (AE) 2018/1806 ó Pharlaimint na hEorpa agus ón gComhairle an 14 Samhain 2018 lena liostaítear na tríú tíortha a mbeidh ar a náisiúnaigh víosaí a bheith ina seilbh acu ar thrasnú teorainneacha seachtracha dóibh agus lena liostaítear na tríú tíortha a mbeidh a náisiúnaigh díolmhaithe ón gceanglas sin (IO L 303, 28.11.2018, lch. 39)."

(*4)  Treoir 2004/38/CE ó Pharlaimint na hEorpa agus ón gComhairle an 29 Aibreán 2004 maidir le ceart shaoránaigh an Aontais agus bhaill a dteaghlaigh aistriú agus cur fúthu faoi shaoirse laistigh de chríoch na mBallstát lena leasaítear Rialachán (CEE) Uimh. 1612/68 agus lena n-aisghairtear Treoracha 64/221/CEE, 68/360/CEE, 72/194/CEE, 73/148/CEE, 75/34/CEE, 75/35/CEE, 90/364/CEE, 90/365/CEE agus 93/96/CEE) (IO L 158, 30.4.2004, lch. 77)."

(*5)  Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (IO L 29, 31.1.2020, lch. 7)."

(*6)  Rialachán (AE) 2021/1148 ó Pharlaimint na hEorpa agus ón gComhairle an 7 Iúil 2021 lena mbunaítear, mar chuid den Chiste um Bainistiú Comhtháite Teorainneacha, an Ionstraim le haghaidh Tacaíocht Airgeadais don Bhainistiú Teorainneacha agus don Bheartas Víosaí (IO L 251, 15.7.2021, lch. 48).’;"

(4)

in Airteagal 9, leasaítear an chéad mhír mar a leanas:

(5)

in Airteagal 9b, cuirtear an mhír seo a leanas leis:

(6)

in Airteagal 10, leasaítear mír 1 mar a leanas:

(7)

cuirtear an tAirteagal seo a leanas isteach:

(8)

in Airteagal 14(1), cuirtear an méid seo a leanas in ionad phointe (d):

(9)

in Airteagal 15(2), cuirtear an méid seo a leanas in ionad phointe (f):

(10)

Leasaítear Airteagal 18 mar a leanas:

(11)

cuirtear an tAirteagal seo a leanas isteach:

(12)

in Airteagal 19, cuirtear an méid seo a leanas in ionad mhír 1:

(13)

in Airteagal 20(2), cuirtear an méid seo a leanas in ionad phointe (d):

(14)

in Airteagal 21(2), cuirtear an méid seo a leanas in ionad phointe (d):

(15)

in Airteagal 22(2), cuirtear an méid seo a leanas in ionad phointe (e):

(16)

in Airteagal 22c, cuirtear an pointe seo a leanas leis:

(17)

in Airteagal 22f(1), cuirtear an méid seo a leanas in ionad phointe (d):

(18)

in Airteagal 22o, leasaítear mír 3 mar a leanas:

(19)

in Airteagal 22r, leasaítear mír 3 mar a leanas:

(20)

in Airteagal 26, cuirtear na míreanna seo a leanas leis:

(*7)  Rialachán (AE) 2023/2667 ó Pharlaimint na hEorpa agus ón gComhairle an 22 Samhain 2023 lena leasaítear Rialacháin (CE) Uimh. 767/2008, (CE) Uimh. 810/2009 agus (AE) 2017/2226 ó Pharlaimint na hEorpa agus ón gComhairle, Rialacháin (CE) Uimh. 693/2003 agus (CE) Uimh. 694/2003 ón gComhairle agus an Coinbhinsiún lena ndéantar Comhaontú Schengen a chur chun feidhme, a mhéid a bhaineann le digitiú an nós imeachta víosa (IO L 2023/2667, 7.12.2023, ELI:http://data.europa.eu/eli/ reg/2023/2667/oj)."

(*8)  Rialachán (AE) 2018/1726 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), agus lena leasaítear Rialachán (CE) Uimh. 1987/2006 agus Cinneadh 2007/533/CGB ón gComhairle agus lena n-aisghairtear Rialachán (AE) Uimh. 1077/2011 (IO L 295, 21.11.2018, lch. 99).’;"

(21)

in Airteagal 45(2), cuirtear na pointí seo a leanas leis:

(22)

in Airteagal 48a(2), (3) agus (6), cuirtear tagairtí do ‘Airteagal 7b(7), Airteagal 9, Airteagal 9h(2), Airteagal 9j(2) agus Airteagal 22b(18)’ in ionad na dtagairtí do ‘Airteagal 9, Airteagal 9h(2), Airteagal 9j(2) agus Airteagal 22b(18)’;

(23)

leasaítear Airteagal 50 mar a leanas:

(1)

cuirtear an méid seo a leanas in ionad Airteagal 1:

(2)

in Airteagal 2(1), cuirtear an méid seo a leanas in ionad na foclaíochta réamhráití:

(3)

in Airteagal 2(1), cuirtear an méid seo a leanas in ionad phointí (a) agus (b):

(4)

in Airteagal 2, cuirtear an méid seo a leanas in ionad mhír 2:

(*9)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’;"

(5)

scriostar Airteagal 3;

(6)

scriostar an dara habairt in Airteagal 5;

(7)

in Airteagal 6, cuirtear an méid seo a leanas in ionad na chéad mhíre:

‘Na Ballstáit a chinn an méid sin a dhéanamh, eiseoidh siad an fhormáid dhigiteach i gcás FTD agus FRTD dá dtagraítear in Airteagal 1 tráth nach déanaí ná bliain amháin tar éis ghlacadh na sonraíochtaí teicniúla dá dtagraítear in Airteagal 2.’;

(8)

cuirtear an téacs a leagtar amach in Iarscríbhinn II a ghabhann leis an Rialachán seo in ionad Iarscríbhinn I agus Iarscríbhinn II a ghabhann le Rialachán (CE) Uimh. 694/2003.

(1)

cuirtear an méid seo a leanas in ionad mhír 1:

(*10)  Rialachán (CE) Uimh. 1683/95 ón gComhairle an 29 Bealtaine 1995 lena leagtar síos formáid aonfhoirmeach do víosaí (IO L 164, 14.7.1995, lch. 1)."

(*11)  Rialachán (CE) Uimh. 810/2009 ó Pharlaimint na hEorpa agus ón gComhairle an 13 Iúil 2009 lena mbunaítear Cód Comhphobail maidir le Víosaí (Cód Víosaí) (IO L 243, 15.9.2009, lch. 1).’;"

(2)

cuirtear an mhír seo a leanas isteach:

(1)

in Airteagal 2, cuirtear an méid seo a leanas in ionad mhír 3:

(2)

leasaítear Airteagal 5 mar a leanas:

(3)

in Airteagal 6, cuirtear an méid seo a leanas in ionad mhíreanna 2, 3 agus 4:

(1)

in Airteagal 16(2), cuirtear an méid seo a leanas in ionad phointe (d):

(2)

leasaítear Airteagal 19 mar a leanas:

(3)

in Airteagal 24(2), cuirtear an méid seo a leanas in ionad phointe (b):

(4)

in Airteagal 32(5), cuirtear an méid seo a leanas in ionad phointe (c):