(1)

Nochtaí ó thaobh na hinbhuanaitheachta de in earnáil na seirbhísí airgeadais, ba cheart iad a bheith sách soiléir, beacht agus feiceálach chun é a chur ar chumas infheisteoirí deiridh cinntí eolasacha a dhéanamh. Chuige sin, ba cheart rochtain a bheith ag infheisteoirí deiridh ar shonraí iontaofa is féidir leo a úsáid agus a anailísiú ar bhealach tráthúil agus éifeachtúil. Ba cheart, dá bhrí sin, an fhaisnéis a sholáthraítear sna nochtaí sin a athbhreithniú agus a athmheas i gcomhréir leis na Treoracha, na Rialacháin agus na forálacha náisiúnta dá dtagraítear in Airteagal 6(3) agus Airteagal 11(2) de Rialachán (AE) 2019/2088. Ina theannta sin, ba cheart rialacha a leagan síos maidir le foilsiú na faisnéise sin ar shuíomhanna gréasáin, i gcás ina gceanglaítear an fhaisnéis sin le Rialachán (AE) 2019/2088.

(2)

Le hábhar agus cur i láthair na nochtaí ó thaobh na hinbhuanaitheachta de a bhaineann le táirgí airgeadais lena ndéantar tagairt do bhascaed innéacsanna, ba cheart léargas cuimsitheach a sholáthar d’infheisteoirí deiridh ar ghnéithe na dtáirgí airgeadais sin. Dá bhrí sin, le nochtaí ó thaobh na hinbhuanaitheachta de maidir le hinnéacs atá ainmnithe mar thagarmharc agus atá comhdhéanta de bhascaed innéacsanna, is gá an bascaed agus gach innéacs sa bhascaed sin a chumhdach.

(3)

I gcás infheisteoirí deiridh ag a bhfuil leas i bhfeidhmíocht inbhuanaitheachta rannpháirtithe sa mhargadh airgeadais agus na gcomhairleoirí airgeadais, tá sé fíor-riachtanach go mbeidh faisnéis a sholáthróidh rannpháirtithe sa mhargadh airgeadais maidir le drochthionchair phríomha a gcinntí infheistíochta ar thosca inbhuanaitheachta, agus ag comhairleoirí airgeadais maidir le drochthionchair phríomha a gcomhairle infheistíochta nó a gcomhairle árachais maidir le tosca inbhuanaitheachta, go mbeidh sí cuimsitheach. Leis an bhfaisnéis sin, dá bhrí sin, ba cheart infheistíochtaí díreacha agus infheistíochtaí indíreacha i sócmhainní a chumhdach.

(4)

Is gá a áirithiú gur féidir an fhaisnéis a nochtar a chur i gcomparáid go héasca agus gurb éasca na táscairí maidir le drochthionchair phríomha na gcinntí infheistíochta ar thosca inbhuanaitheachta a thuiscint. Chuirfí feabhas ar an inchomparáideacht agus ar an tsothuigtheacht sin trí idirdhealú a dhéanamh idir, ar thaobh amháin, táscairí maidir le drochthionchair as a dtagann drochthionchair phríomha i gcónaí, agus, ar an taobh eile, táscairí breise drochthionchar ar thosca inbhuanaitheachta atá príomha le haghaidh na rannpháirtithe sa mhargadh airgeadais. Tá sé tábhachtach, áfach, a áirithiú go meastar go bhfuil an tábhacht chéanna le drochthionchair na gcinntí infheistíochta ar an aeráid, nó ar thosca inbhuanaitheachta eile a bhaineann leis an gcomhshaol, agus atá le drochthionchair na gcinntí infheistíochta ar thosca inbhuanaitheachta sóisialta, fostaithe, chearta an duine, frithéillithe nó frithbhreabaireachta. Dá bhrí sin, ba cheart baint a bheith ag táscairí breise drochthionchar príomha le ceann amháin ar a laghad de gach ceann de na tosca sin. Chun comhleanúnachas le nochtaí eile ó thaobh na hinbhuanaitheachta de a áirithiú, ba cheart méadracht chaighdeánaithe a úsáid le táscairí na ndrochthionchar príomha, i gcás inarb ábhartha, agus ba cheart iad a bheith bunaithe ar na táscairí a úsáidtear i Rialachán Tarmligthe (AE) 2020/1818 ón gCoimisiún (2) agus Rialachán Tarmligthe (AE) 2021/2139 ón gCoimisiún (3).

(5)

Chun inchomparáideacht na faisnéise atá le nochtadh a neartú a thuilleadh, ba cheart baint a bheith ag an bhfaisnéis maidir le drochthionchair phríomha le tréimhsí tagartha a ritheann ón 1 Eanáir go dtí an 31 Nollaig an bhliain roimhe sin agus ba cheart í a bheith foilsithe faoin 30 Meitheamh gach bliain mar dháta coiteann. D’fhéadfadh sé, áfach, go dtiocfadh athrú ar na punanna infheistíochtaí de chuid rannpháirtithe sa mhargadh airgeadais go tráthrialta laistigh de na tréimhsí tagartha sin. Dá bhrí sin, ba cheart cinneadh na ndrochthionchar príomha a dhéanamh ar cheithre dháta shonracha ar a laghad le linn na tréimhse tagartha sin agus ba cheart an meántoradh a nochtadh ar bhonn bliantúil. Chun a áirithiú gur féidir le hinfheisteoirí deiridh comparáid a dhéanamh ar an gcaoi ar bhreithnigh rannpháirtithe sa mhargadh airgeadais na drochthionchair phríomha le himeacht ama, ba cheart do na rannpháirtithe sa mhargadh airgeadais comparáid stairiúil a sholáthar bliain ar bhliain ar a dtuarascálacha ar feadh na gcúig thréimhse thagartha roimhe sin ar a laghad, i gcás ina mbeidh fáil orthu.

(6)

Rannpháirtithe sa mhargadh airgeadais a bhreithníonn drochthionchair phríomha den chéad uair i mbliain féilire ar leith, ba cheart déileáil go hiomchuí leo, agus ba cheart a áirithiú freisin go bhfaighidh infheisteoirí deiridh faisnéis leordhóthanach sula ndéanfaidh siad a gcinntí infheistíochta. Dá bhrí sin, ba cheart do na rannpháirtithe sin sa mhargadh airgeadais faisnéis a nochtadh maidir leis na gníomhaíochtaí atá beartaithe acu nó na spriocanna a leagann siad síos le haghaidh na tréimhse tagartha ina dhiaidh sin chun aon drochthionchar príomha a sainaithníodh a sheachaint nó a laghdú. Ar an gcúis chéanna, ba cheart dóibh faisnéis a nochtadh freisin maidir lena mbeartais chun drochthionchair phríomha a shainaithint agus tosaíocht a thabhairt dóibh maidir le tosca inbhuanaitheachta agus na caighdeáin idirnáisiúnta a chuirfidh siad i bhfeidhm sa tréimhse thagartha ina dhiaidh sin.

(7)

Ba cheart d’infheisteoirí deiridh, gan beann ar an mBallstát ina bhfuil cónaí orthu, a bheith in ann na drochthionchair phríomha atá nochta maidir le tosca inbhuanaitheachta a chur i gcomparáid. Dá bhrí sin, ba cheart do rannpháirtithe sa mhargadh airgeadais achoimre ar a nochtaí a sholáthar i dteanga is gnách a úsáid i réimse an airgeadais idirnáisiúnta agus i gceann amháin de theangacha oifigiúla na mBallstát ina ndéantar táirgí airgeadais na rannpháirtithe sin sa mhargadh airgeadais a chur ar fáil.

(8)

Úsáideann comhairleoirí airgeadais faisnéis maidir le drochthionchair phríomha ar thosca inbhuanaitheachta a sholáthraíonn rannpháirtithe sa mhargadh airgeadais. Faisnéis a sholáthraíonn comhairleoirí airgeadais maidir le cibé acu a chuireann nó nach gcuireann agus an chaoi a gcuireann siad drochthionchair phríomha ar thosca inbhuanaitheachta san áireamh laistigh dá gcomhairle infheistíochta nó árachais, ba cheart, dá bhrí sin, tuairisc shoiléir a thabhairt inti ar an gcaoi a ndéantar an fhaisnéis ó rannpháirtithe sa mhargadh airgeadais a phróiseáil agus a chomhtháthú ina gcomhairle infheistíochta nó árachais. Go háirithe, comhairleoirí airgeadais a bhraitheann ar chritéir nó ar thairseacha maidir le drochthionchair phríomha ar thosca inbhuanaitheachta a úsáidtear chun táirgí airgeadais a roghnú, nó comhairle a thabhairt fúthu, ba cheart dóibh na critéir nó na tairseacha sin a fhoilsiú.

(9)

Níl an mhéadracht loirg carbóin go hiomlán forbartha fós. Rannpháirtithe sa mhargadh airgeadais a dhéanann, i gcomhréir le hAirteagal 4(2), pointe (d), de Rialachán (AE) 2019/2088, tagairt ina nochtaí ar leibhéal eintitis do mhéid ailínithe a dtáirgí airgeadais le cuspóirí Chomhaontú Pháras a glacadh faoi Chreat-Choinbhinsiún na Náisiún Aontaithe ar an Athrú Aeráide, ba cheart dóibh, dá bhrí sin, na nochtaí sin a bhunú ar chásanna aeráide réamhbhreathnaitheacha.

(10)

Má chuirtear drochthionchair phríomha cinntí infheistíochta san áireamh, bealach amháin is ea é sin inar féidir le táirgí airgeadais saintréithe comhshaoil nó sóisialta a chur chun cinn. Táirgí airgeadais arb í infheistíocht inbhuanaithe is cuspóir dóibh, mar chuid de na nochtaí a rinneadh maidir leis an bprionsabal “gan dochar suntasach a dhéanamh”, ní mór dóibh táscairí inbhuanaitheachta a bhreithniú freisin i ndáil leis na drochthionchair dá dtagraítear in Airteagal 4(6) agus (7) de Rialachán (AE) 2019/2088. Ar na cúiseanna sin, ba cheart do rannpháirtithe sa mhargadh airgeadais a léiriú, mar chuid dá nochtaí inbhuanaitheachta, cén chaoi a mbreithníonn siad, i gcás na dtáirgí airgeadais sin, drochthionchair phríomha a gcinntí infheistíochta maidir le tosca inbhuanaitheachta.

(11)

Le hAirteagal 10(1), an dara fomhír, de Rialachán (AE) 2019/2088 ceanglaítear ar rannpháirtithe sa mhargadh airgeadais a chuireann táirgí airgeadais ar fáil a chuireann saintréithe comhshaoil nó sóisialta chun cinn na saintréithe sin a nochtadh gan infheisteoirí deiridh a chur ar míthreoir. Tugann sé sin le tuiscint nár cheart do rannpháirtithe sa mhargadh airgeadais nochtadh a dhéanamh maidir le hinbhuanaitheacht, lena n-áirítear trí chatagóiriú táirge, ar bhealach nach léiríonn an bealach ina gcuireann an táirge airgeadais na saintréithe comhshaoil nó sóisialta sin chun cinn go héifeachtach. Dá bhrí sin, níor cheart do rannpháirtithe sa mhargadh airgeadais ach na critéir sin le haghaidh roghnú sócmhainní foluiteacha a nochtadh, agus iad sin amháin, ar critéir iad atá ina gceangal ar an bpróiseas cinnteoireachta infheistíochta, agus nach critéir iad ar a bhféadfaidh siad neamhaird a thabhairt nó a fhéadfaidh siad a shárú ar a ndiscréid.

(12)

I gcás táirgí airgeadais a chuireann saintréithe comhshaoil nó sóisialta chun cinn, is féidir úsáid a bhaint astu chun infheistíocht a dhéanamh i réimse leathan sócmhainní foluiteacha, arbh fhéidir nach gcáileodh cuid acu mar infheistíochtaí inbhuanaithe iontu féin ná nach rannchuideoidís leis na saintréithe comhshaoil ná sóisialta a chuireann an táirge airgeadais chun cinn. Samplaí de na hinfheistíochtaí sin is ea ionstraimí fálaithe, infheistíochtaí neamhscagtha chun críoch éagsúlaithe, infheistíochtaí a bhfuil sonraí in easnamh ina leith nó airgead atá á shealbhú mar leachtacht choimhdeach. Dá bhrí sin, na rannpháirtithe sa mhargadh airgeadais a chuireann na táirgí airgeadais sin ar fáil, ba cheart dóibh a bheith go hiomlán trédhearcach maidir le leithdháileadh na n-infheistíochtaí bunúsacha ar na catagóirí infheistíochtaí sin.

(13)

Is féidir le táirgí airgeadais saintréithe comhshaoil nó sóisialta a chur chun cinn ar an iliomad bealaí, lena n-áirítear i ndoiciméad réamhchonarthach nó tréimhsiúil, in ainm a dtáirge nó in aon chumarsáid mhargaíochta maidir lena straitéis infheistíochta, lena gcaighdeáin táirge airgeadais, leis na lipéid a chomhlíonann siad, nó leis na coinníollacha is infheidhme maidir le clárú uathoibríoch. Chun inchomparáideacht agus sothuigtheacht na saintréithe comhshaoil nó sóisialta a cuireadh chun cinn a áirithiú, ba cheart do rannpháirtithe sa mhargadh airgeadais a chuireann táirgí airgeadais ar fáil a chuireann saintréithe comhshaoil nó sóisialta chun cinn an fhaisnéis maidir le cur chun cinn saintréithe comhshaoil nó sóisialta a dheimhniú in iarscríbhinní a ghabhann leis na doiciméid nó san fhaisnéis dá dtagraítear in Airteagal 6(3) agus Airteagal 11(2) de Rialachán (AE) 2019/2088 maidir le nochtaí réamhchonarthacha agus tréimhsiúla.

(14)

Táirgí airgeadais a chuireann saintréithe comhshaoil nó sóisialta chun cinn, tá leibhéil éagsúla uaillmhéine ó thaobh na hinbhuanaitheachta de acu. Dá bhrí sin, i gcás ina saothraíonn na táirgí airgeadais sin infheistíocht inbhuanaitheachta go páirteach, ba cheart do rannpháirtithe sa mhargadh airgeadais an méid sin a dheimhniú sna hiarscríbhinní a ghabhann leis na doiciméid nó san fhaisnéis dá dtagraítear in Airteagal 6(3) agus Airteagal 11(2) de Rialachán (AE) 2019/2088 maidir le nochtaí réamhchonarthacha agus tréimhsiúla chun a áirithiú go mbeidh infheisteoirí deiridh in ann na leibhéil éagsúla inbhuanaitheachta a thuiscint agus cinntí infheistíochta eolasacha a dhéanamh ó thaobh na hinbhuanaitheachta de.

(15)

Maidir le táirgí airgeadais arb í infheistíocht inbhuanaithe is cuspóir dóibh, cé nár cheart dóibh ach infheistíochtaí inbhuanaithe a dhéanamh, is féidir leis na táirgí sin, go pointe áirithe, infheistíochtaí eile a dhéanamh i gcás ina gceanglaítear orthu déanamh amhlaidh faoi rialacha earnáilsonracha. Dá bhrí sin, is iomchuí nochtaí a cheangal maidir le méid agus cuspóir aon infheistíocht eile ionas gur féidir a fhíorú cibé acu a choisceannnó nach gcoisceann na hinfheistíochtaí sin ar an táirge airgeadais a chuspóir infheistíochta inbhuanaithe a bhaint amach.

(16)

Braitheann go leor táirgí airgeadais ar straitéisí eisiaimh bunaithe ar chritéir chomhshaoil nó shóisialta. Ba cheart an fhaisnéis is gá a sholáthar d’infheisteoirí deiridh chun measúnú a dhéanamh ar éifeachtaí na gcritéar sin ar chinntí infheistíochta, agus ar éifeachtaí na straitéisí eisiaimh sin ar chomhdhéanamh na punainne a thagann as sin. Léiríonn cleachtas margaidh go gcuirtear straitéisí eisiaimh áirithe i láthair mar straitéisí éifeachtacha, cé gurb amhlaidh nach dtagann ach líon teoranta infheistíochtaí as na straitéisí eisiaimh sin, nó go bhfuil siad bunaithe ar eisiaimh a cheanglaítear le dlí. Dá bhrí sin, is gá aghaidh a thabhairt ar ábhair imní maidir le “glas-snasú”, is é sin, go háirithe, an cleachtas a bhaineann le buntáiste iomaíoch éagórach a bhaint amach trí tháirge airgeadais a mholadh mar tháirge atá neamhdhíobhálach don chomhshaol nó inbhuanaithe, nuair is amhlaidh nach gcomhlíonann an táirge airgeadais sin bunchaighdeáin chomhshaoil ná caighdeáin eile ó thaobh na hinbhuanaitheachta de. Chun mídhíol agus glas-snasú a chosc, agus chun tuiscint níos fearr a thabhairt d’infheisteoirí deiridh ar éifeachtaí na straitéisí eisiaimh a chuirtear i bhfeidhm le táirgí airgeadais áirithe, ba cheart do rannpháirtithe sa mhargadh airgeadais aon ghealltanas i dtéarmaí infheistíochtaí eisiata a dheimhniú, go háirithe mar eilimintí ceangailteacha den straitéis infheistíochta, i bhfaisnéis maidir le leithdháileadh sócmhainní agus san fhaisnéis maidir le táscairí inbhuanaitheachta a úsáidtear chun éifeachtaí na straitéisí sin a thomhas.

(17)

Is é is aidhm do Rialachán (AE) 2019/2088 neamhshiméadrachtaí faisnéise a laghdú i gcaidrimh príomhaí-ghníomhaire maidir le cur chun cinn saintréithe comhshaoil nó sóisialta agus cuspóirí infheistíochta inbhuanaithe. Chuige sin, ceanglaítear leis an Rialachán sin ar rannpháirtithe sa mhargadh airgeadais nochtaí réamhchonarthacha agus suímh gréasáin a dhéanamh d’infheisteoirí deiridh nuair a ghníomhaíonn siad mar ghníomhairí na n-infheisteoirí deiridh sin. Chun go mbeidh an ceanglas sin go hiomlán éifeachtach, ba cheart do rannpháirtithe sa mhargadh airgeadais faireachán a dhéanamh le linn saolré táirge airgeadais ar an gcaoi a gcomhlíonann an táirge sin na saintréithe comhshaoil nó sóisialta nochta, nó an cuspóir infheistíochta inbhuanaithe. Dá bhrí sin, ba cheart do rannpháirtithe sa mhargadh airgeadais míniú a thabhairt, mar chuid dá nochtaí suímh gréasáin, ar na sásraí rialaithe inmheánaigh nó sheachtraigh a chuirtear i bhfeidhm chun faireachán a dhéanamh ar an gcomhlíontacht sin ar bhonn leanúnach.

(18)

I Rialachán (AE) 2019/2088 sonraítear go bhfuil an measúnú ar dhea-chleachtais rialachais ina chuid lárnach de tháirgí airgeadais a chuireann saintréithe comhshaoil nó sóisialta chun cinn, nó táirgí arb í infheistíocht inbhuanaithe is cuspóir dóibh. Dá bhrí sin, ba cheart do rannpháirtithe sa mhargadh airgeadais a chuireann táirgí airgeadais ar fáil a chuireann saintréithe comhshaoil nó sóisialta chun cinn nó ag a bhfuil cuspóir infheistíochta inbhuanaithe, ba cheart dóibh faisnéis a nochtadh ar a mbeartais chun measúnú a dhéanamh ar dhea-chleachtais cuideachtaí infheistiúcháin.

(19)

Le hAirteagal 8(1), pointe (b), de Rialachán (AE) 2019/2088 ceanglaítear ar rannpháirtithe sa mhargadh airgeadais a chuireann táirgí airgeadais ar fáil a chuireann saintréithe comhshaoil nó sóisialta chun cinn agus a úsáideann innéacs ainmnithe mar thagarmharc, ceanglaítear orthu a nochtadh cibé acu atá nó nach bhfuil an t-innéacs sin comhsheasmhach leis na saintréithe sin agus an chaoi a bhfuil an t-innéacs comhsheasmhach leo. I gcontrárthacht leis sin, le hAirteagal 9(1) de Rialachán (AE) 2019/2088, ceanglaítear ar rannpháirtithe sa mhargadh airgeadais a chuireann táirgí airgeadais ar fáil arb í infheistíocht inbhuanaithe is cuspóir dóibh agus a úsáideann innéacs ainmnithe mar thagarmharc, ceanglaítear orthu a nochtadh cén chaoi a ndéantar an t-innéacs sin a ailíniú leis an gcuspóir infheistíochta sin agus cén fáth agus cén chaoi a bhfuil an t-innéacs ainmnithe sin éagsúil le hinnéacs leathan margaidh. I gcás na dtáirgí airgeadais sin, ba cheart do rannpháirtithe sa mhargadh airgeadais, dá bhrí sin, a léiriú go soiléir gurb iomchuí dearadh an innéacs ainmnithe chun an cuspóir infheistíochta inbhuanaithe sonraithe a bhaint amach agus go n-áirithítear le straitéis an táirge airgeadais go bhfuil an táirge airgeadais ailínithe go leanúnach leis an innéacs sin. Dá bhrí sin, ba cheart nochtaí modheolaíochta a dhéanamh ar leibhéal innéacs le haghaidh na dtáirgí airgeadais sin.

(20)

Is féidir le rannpháirtithe sa mhargadh airgeadais modhanna infheistíochta éagsúla a úsáid chun a áirithiú go gcomhlíonfaidh na táirgí airgeadais a chuireann siad ar fáil na saintréithe comhshaoil nó sóisialta, nó go mbainfidh siad an cuspóir infheistíochta inbhuanaithe amach. Is féidir le rannpháirtithe sa mhargadh airgeadais infheistiú go díreach in urrúis arna n-eisiúint ag cuideachtaí infheistiúcháin nó infheistíochtaí indíreacha a dhéanamh. Ba cheart do rannpháirtithe sa mhargadh airgeadais a bheith trédhearcach maidir leis an sciar dá n-infheistíochtaí a choinnítear go díreach agus an sciar a choinnítear go hindíreach. Go háirithe, ba cheart do rannpháirtithe sa mhargadh airgeadais míniú a thabhairt ar an gcaoi a bhfuil úsáid díorthach comhoiriúnach leis na saintréithe comhshaoil nó sóisialta a chuireann an táirge airgeadais chun cinn nó leis an gcuspóir infheistíochta inbhuanaithe.

(21)

Chun soiléireacht a áirithiú d’infheisteoirí deiridh, ba cheart a shoiléiriú le faisnéis réamhchonarthach maidir le táirgí airgeadais a chuireann saintréithe comhshaoil nó sóisialta chun cinn, trí ráiteas, nach í infheistíocht inbhuanaithe is cuspóir do na táirgí sin. Chun na críche céanna, agus chun cothroime iomaíochta a áirithiú le táirgí airgeadais arb í infheistíocht inbhuanaithe is cuspóir dóibh, i gcás faisnéis réamhchonarthach, faisnéis suímh gréasáin agus faisnéis thréimhsiúil maidir le táirgí a chuireann saintréithe comhshaoil nó sóisialta chun cinn, ba cheart cion na n-infheistíochtaí inbhuanaithe a lua iontu freisin.

(22)

Le hAirteagal 2, pointe (17), de Rialachán (AE) 2019/2088 sainmhínítear infheistíocht inbhuanaithe mar infheistíocht i ngníomhaíocht eacnamaíoch a rannchuidíonn le cuspóir comhshaoil nó sóisialta, nó infheistíocht i gcaipiteal daonna nó i bpobail atá faoi mhíbhuntáiste go heacnamaíoch nó go sóisialta, ar choinníoll nach ndéanann na hinfheistíochtaí sin dochar suntasach d’aon cheann de na cuspóirí sin agus go leanann na cuideachtaí infheistiúcháin dea-chleachtais rialachais. Tá tábhacht ar leith leis an bprionsabal “ná déan aon dochar suntasach” le haghaidh táirgí airgeadais arb í infheistíocht inbhuanaithe is cuspóir dóibh ós rud é go bhfuil comhlíontacht leis an bprionsabal sin ina critéar lena bhfuil gá chun measúnú a dhéanamh ar cibé acu a bhaineann nó nach mbaineann infheistíocht an cuspóir infheistíochta inbhuanaithe amach. Tá an prionsabal sin ábhartha freisin, áfach, le haghaidh táirgí airgeadais a chuireann saintréithe comhshaoil nó sóisialta chun cinn i gcás ina ndéanann na táirgí airgeadais sin infheistíochtaí inbhuanaithe, ós rud é gur cheart do rannpháirtithe sa mhargadh airgeadais cion na n-infheistíochtaí inbhuanaithe a rinneadh a nochtadh. Rannpháirtithe sa mhargadh airgeadais a chuireann táirgí airgeadais ar fáil a chuireann saintréithe comhshaoil nó sóisialta chun cinn a dhéanann infheistíochtaí inbhuanaithe go páirteach nó táirgí airgeadais arb í infheistíocht inbhuanaithe is cuspóir dóibh, ba cheart dóibh, dá réir sin, faisnéis a sholáthar a bhaineann leis an bprionsabal “ná déan aon dochar suntasach”. Tá an prionsabal “ná déan aon dochar suntasach” nasctha le nochtaí dhrochthionchair phríomha na gcinntí infheistíochta ar thosca inbhuanaitheachta. Ar an gcúis sin, i gcás nochtaí táirge airgeadais maidir leis an bprionsabal “ná déan aon dochar suntasach” ba cheart míniú a thabhairt iontu ar an gcaoi ar cuireadh táscairí drochthionchar san áireamh. Thairis sin, ós rud é go bhfuil na nochtaí sin nasctha go dlúth le Rialachán (AE) 2020/852 ó Pharlaimint na hEorpa agus ón gComhairle (4), is iomchuí faisnéis bhreise a cheangal ar ailíniú na n-infheistíochtaí leis na coimircí íosta a leagtar amach sa Rialachán sin.

(23)

Chun é a chur ar chumas infheisteoirí deiridh tuiscint níos fearr a fháil ar na straitéisí infheistíochta a thairgtear, ba cheart do rannpháirtithe sa mhargadh airgeadais úsáid a bhaint as nochtaí suímh gréasáin ó thaobh na hinbhuanaitheachta de chun ábhair a nochtar a fhorbairt ar bhealach beacht i ndoiciméid réamhchonarthacha agus faisnéis bhreise atá ábhartha maidir leis na hinfheisteoirí deiridh sin a sholáthar. Sula dtugtar conradh i gcrích, ba cheart do rannpháirtithe sa mhargadh airgeadais infheisteoirí deiridh a chur ar an eolas gur féidir tuilleadh faisnéise mionsonraithe táirgeshonraí a fháil ar an suíomh gréasáin agus hipearnasc chuig an bhfaisnéis sin a sholáthar dóibh.

(24)

Leis an nochtadh táirge suímh gréasáin ba cheart mionsonraí breise a sholáthar maidir leis an straitéis infheistíochta a úsáidtear le haghaidh an táirge airgeadais lena mbaineann, lena n-áirítear an beartas chun measúnú a dhéanamh ar dhea-rialachas cuideachtaí infheistiúcháin, agus na modheolaíochtaí a úsáidtear chun measúnú a dhéanamh ar cibé acu a chomhlíonann nó nach gcomhlíonann an táirge airgeadais na saintréithe comhshaoil nó sóisialta, nó a bhaineann nó nach mbaineann sé cuspóirí infheistíochta inbhuanaithe amach. Thairis sin, ba cheart do rannpháirtithe sa mhargadh airgeadais achoimre shoiléir, ghonta agus intuigthe a fhoilsiú ar a suíomh gréasáin ar an bhfaisnéis a sholáthraítear mar chuid den tuairisciú tréimhsiúil.

(25)

I leith ábhar na nochtaí tréimhsiúla a cheanglaítear le hAirteagal 11 de Rialachán (AE) 2019/2088, ba cheart do rannpháirtithe sa mhargadh airgeadais tacar íosta táscairí caighdeánaithe agus inchomparáide cainníochtúla agus cáilíochtúla a nochtadh a léiríonn an chaoi a gcomhlíonann gach táirge airgeadais na saintréithe comhshaoil nó sóisialta a chuireann sé chun cinn nó an cuspóir infheistíochta inbhuanaithe arb é is aidhm dó a bhaint amach. Ba cheart na táscairí sin a bheith ábhartha maidir le dearadh agus straitéis infheistíochta an táirge airgeadais mar a thugtar tuairisc air i bhfaisnéis réamhchonarthach an táirge airgeadais. Go háirithe, chun comhsheasmhacht a áirithiú idir nochtaí réamhchonarthacha agus nochtaí tréimhsiúla, ba cheart do rannpháirtithe sa mhargadh airgeadais tuairisciú a dhéanamh ina nochtaí tréimhsiúla ar na táscairí inbhuanaitheachta sonracha a luaitear san fhaisnéis réamhchonarthach agus a úsáidtear chun tomhas a dhéanamh ar an gcaoi a gcomhlíontar na saintréithe comhshaoil nó sóisialta nó a mbaintear an cuspóir infheistíochta inbhuanaithe amach.

(26)

Is gá a áirithiú go mbeidh forbhreathnú soiléir ag infheisteoirí deiridh ar infheistíochtaí an táirge airgeadais. Dá bhrí sin, ba cheart do rannpháirtithe sa mhargadh airgeadais faisnéis a sholáthar sna tuarascálacha tréimhsiúla a cheanglaítear le hAirteagal 11 de Rialachán (AE) 2019/2088 maidir le tionchair na gcúig infheistíocht déag is tábhachtaí de chuid an táirge airgeadais. Ba cheart na hinfheistíochtaí is tábhachtaí sin a roghnú ar bhonn na n-infheistíochtaí a sheasann don chion is mó de na hinfheistíochtaí le linn na tréimhse a chumhdaítear leis an tuarascáil thréimhsiúil, a ríomhtar ag eatraimh iomchuí le bheith ionadaíoch don tréimhse sin. I gcás ina seasann níos lú ná cúig infheistíocht déag do leath d’infheistíochtaí an táirge airgeadais, áfach, ba cheart do rannpháirtithe sa mhargadh airgeadais faisnéis a sholáthar maidir leis na hinfheistíochtaí sin agus maidir leo sin amháin. Thairis sin, chun inchomparáideacht leordhóthanach a áirithiú le himeacht ama, ba cheart do rannpháirtithe sa mhargadh airgeadais comparáid stairiúil a sholáthar bliain ar bhliain ar a dtuarascálacha tréimhsiúla ar feadh ar a laghad na gcúig thréimhse roimhe sin, ar choinníoll go bhfuil tuarascálacha tréimhsiúla le haghaidh na dtréimhsí sin ar fáil.

(27)

Rannpháirtithe sa mhargadh airgeadais a chuireann táirgí airgeadais ar fáil a úsáideann tagarmharc chun saintréithe comhshaoil nó sóisialta a chomhlíonadh, nó chun an cuspóir infheistíochta inbhuanaithe a bhaint amach, ba cheart dóibh a bheith trédhearcach maidir le cé chomh maith agus atá an táirge airgeadais in ann fanacht i gcomhréir leis an tagarmharc ainmnithe nuair is é is aidhm dó an tsaintréith nó an cuspóir sin a chomhlíonadh nó a bhaint amach. Ar an gcúis sin, agus chun comhsheasmhacht a chothú leis na nochtaí comhshaoil, sóisialta agus rialachais (ESG) a cheanglaítear ar leibhéal tagarmhairc le Rialachán (AE) 2016/1011 ó Pharlaimint na hEorpa agus ón gComhairle (5), ba cheart do rannpháirtithe sa mhargadh airgeadais comparáid a dhéanamh ina dtuarascálacha tréimhsiúla idir feidhmíocht an táirge airgeadais lena mbaineann agus feidhmíocht an tagarmhairc ainmnithe le haghaidh na dtáscairí inbhuanaitheachta sin uile atá ábhartha chun bunús a thabhairt go bhfuil an tagarmharc ainmnithe ailínithe le saintréithe comhshaoil nó sóisialta an táirge airgeadais nó a chuspóir infheistíochta inbhuanaithe. Leis an gcomparáid sin, ba cheart é a chur ar chumas infheisteoirí deiridh freisin a chinneadh go soiléir cá mhéid a fheidhmíonn an táirge airgeadais ar bhealach inbhuanaithe i gcomparáid le feidhmíocht táirge príomhshrutha.

(28)

Is gá a áirithiú go mbeidh infheisteoirí deiridh in ann tairbhiú de na nochtaí ó thaobh na hinbhuanaitheachta de i ndáil le tairiscint ar tháirge airgeadais ó rannpháirtí sa mhargadh airgeadais ó Bhallstát eile. Dá bhrí sin, ba cheart do rannpháirtithe sa mhargadh airgeadais achoimre a sholáthar ar an bhfaisnéis a sholáthraítear sna nochtaí sin ó thaobh na hinbhuanaitheachta de, agus sin i dteanga is gnách a úsáid i réimse an airgeadais idirnáisiúnta. I gcás ina gcuirtear táirge airgeadais ar fáil lasmuigh den Bhallstát ina bhfuil an rannpháirtí sa mhargadh airgeadais bunaithe, ba cheart achoimre ar an bhfaisnéis sin a sholáthar freisin i gceann de na teangacha oifigiúla de chuid an Bhallstáit ina gcuirtear an táirge airgeadais ar fáil.

(29)

Is gá inchomparáideacht an ráitis drochthionchar príomha, na nochtaí réamhchonarthacha agus na nochtaí tréimhsiúla a cheanglaítear le Rialachán (AE) 2019/2088 a áirithiú, agus a áirithiú gurb éasca d’infheisteoirí deiridh an fhaisnéis sin a thuiscint. Is iomchuí, dá bhrí sin, teimpléid chaighdeánacha a leagan amach le haghaidh chur i láthair na faisnéise sin. Ar an gcúis chéanna, ba cheart go n-áireofaí sna teimpléid sin míniúcháin achoimre ar na príomhthéarmaí a úsáidtear sna teimpléid sin.

(30)

Féadfaidh táirgí airgeadais áirithe réimse roghanna bunúsacha infheistíochta a thairiscint d’infheisteoirí deiridh. Is gá a áirithiú go gcuirfear infheisteoirí deiridh ar an eolas faoi fheidhmíocht inbhuanaitheachta féideartha na dtáirgí sin, agus go gceanglaítear ar rannpháirtithe sa mhargadh airgeadais faisnéis a sholáthar maidir leis na roghanna sin a chuireann saintréithe comhshaoil nó sóisialta chun cinn nó roghanna arb í infheistíocht inbhuanaithe is cuspóir dóibh. Leis an bhfaisnéis sin ba cheart a shoiléiriú gurb amhlaidh, i gcás táirgí airgeadais a chuireann saintréithe comhshaoil nó sóisialta chun cinn, atá a mhéid a chomhlíonann na táirgí sin na saintréithe sin faoi réir chion na roghanna a roghnaíonn an t-infheisteoir deiridh a chuireann na saintréithe sin chun cinn agus na tréimhse ama ina n-infheistíonn an t-infheisteoir deiridh sna roghanna sin. Leis an bhfaisnéis sin ba cheart a shoiléiriú freisin, i gcás táirgí airgeadais arb í infheistíocht inbhuanaithe is cuspóir dóibh, nach mór gurb í infheistíocht inbhuanaithe is cuspóir do na roghanna bunúsacha infheistíochta uile. Le táirgí airgeadais áirithe tairgtear réimse roghanna bunúsacha infheistíochta d’infheisteoirí deiridh, agus ceann amháin nó níos mó de na roghanna bunúsacha infheistíochta ag cáiliú mar tháirgí airgeadais a chuireann saintréithe comhshaoil nó sóisialta chun cinn. Chun trédhearcacht iomlán a sholáthar, is den tábhacht a áirithiú go gcumhdaíonn faisnéis maidir leis na táirgí airgeadais sin na roghanna sin freisin. Is ann do tháirgí airgeadais freisin ina bhfuil ceann amháin nó níos mó de na roghanna bunúsacha infheistíochta ina dtáirgí airgeadais arb í infheistíocht inbhuanaithe is cuspóir dóibh. Sa chás sin freisin, ba cheart an fhaisnéis maidir leis na táirgí sin na roghanna sin a chumhdach. Is ann do tháirgí airgeadais freisin le ceann amháin nó níos mó de na roghanna bunúsacha infheistíochta arb í infheistíocht inbhuanaithe is cuspóir dóibh, ach nach táirgí airgeadais na roghanna sin mar a shainmhínítear in Airteagal 2, pointe (12) de Rialachán (AE) 2019/2088. Ós rud é go bhfuil na roghanna sin laistigh de tháirge airgeadais foriomlán faoi raon feidhme Rialachán (AE) 2019/2088 agus gurb í infheistíocht inbhuanaithe is cuspóir dóibh, is iomchuí a cheangal go soláthrófar faisnéis íosta maidir lena gcuspóir infheistíochta inbhuanaithe.

(31)

Nochtaí réamhchonarthacha le haghaidh táirgí airgeadais a thairgeann réimse roghanna bunúsacha infheistíochta, ba cheart dóibh leibhéal iomchuí faisnéise ó thaobh na hinbhuanaitheachta de a sholáthar ar an táirge airgeadais go foriomlán. Ba cheart liosta achoimre a sholáthar d’infheisteoirí deiridh ar na roghanna bunúsacha infheistíochta ó thaobh na hinbhuanaitheachta de agus léiriú soiléir ar an áit ar féidir faisnéis ó thaobh na hinbhuanaitheachta de maidir leis na roghanna sin a aimsiú. Leis an liosta sin ba cheart a áirithiú go ndéanfar na roghanna bunúsacha infheistíochta a chatagóiriú go hiomchuí i dtéarmaí an chuspóra infheistíochta inbhuanaithe agus chur chun cinn na saintréithe comhshaoil nó sóisialta.

(32)

Leis an bhfaisnéis ó thaobh na hinbhuanaitheachta de a chur san áireamh go díreach i bhfoirm iarscríbhinní a ghabhann leis na nochtaí réamhchonarthacha dá dtagraítear i Rialachán (AE) 2019/2088, féadfar cosc a chur ar infheisteoir deiridh nochtadh soiléir agus beacht a fháil toisc go bhféadfaidh an táirge airgeadais réimse leathan roghanna bunúsacha infheistíochta agus líon comhfhreagrach iarscríbhinní faisnéise a thairiscint. Sna cásanna sin, ba cheart a cheadú go soláthraítear an fhaisnéis sin trí thagairt do nochtaí eile a dhéantar de bhun Treoracha, Rialachán nó an dlí náisiúnta. Ar an gcuma chéanna, i gcás nochtaí tréimhsiúla a bhaineann le táirgí airgeadais a thairgeann réimse roghanna bunúsacha infheistíochta, níor cheart baint a bheith ag an bhfaisnéis thréimhsiúil ach amháin leis na roghanna infheistíochta a infheistítear iontu, toisc go rialaíonn na roghanna infheistíochta a infheistítear iarbhír a mhéid a chomhlíonann an táirge airgeadais na saintréithe comhshaoil nó sóisialta a chuireann sé chun cinn nó a bhaineann sé a chuspóir infheistíochta inbhuanaithe amach.

(33)

Le Rialachán (AE) 2020/852 leasaíodh Rialachán (AE) 2019/2088 trína cheangal ar rannpháirtithe sa mhargadh airgeadais faisnéis a áireamh i nochtaí réamhchonarthacha agus tréimhsiúla na dtáirgí airgeadais arb í infheistíocht inbhuanaithe is cuspóir dóibh agus a infheistíonn i ngníomhaíocht eacnamaíoch a rannchuidíonn le cuspóir comhshaoil de réir bhrí Airteagal 2, pointe (17), den Rialachán sin, ar faisnéis í maidir leis an gcuspóir comhshaoil mar a leagtar amach i Rialachán (AE) 2020/852, agus tuairisc ar an gcaoi agus an méid atá na hinfheistíochtaí mar bhonn leis an táirge airgeadais i ngníomhaíochtaí eacnamaíocha atá inbhuanaithe ó thaobh an chomhshaoil de dá dtagraítear in Airteagal 3 den Rialachán sin. Ina theannta sin, ceanglaítear le Rialachán (AE) 2019/2088 anois freisin ar rannpháirtithe sa mhargadh airgeadais faisnéis a áireamh i nochtaí réamhchonarthacha agus tréimhsiúla na dtáirgí airgeadais a chuireann saintréithe comhshaoil chun cinn, ar faisnéis í is gá i gcás táirgí airgeadais arb í infheistíocht inbhuanaithe is cuspóir dóibh agus a infheistíonn i ngníomhaíocht eacnamaíoch a rannchuidíonn le cuspóir comhshaoil de réir bhrí an Rialacháin sin. Is gá a chur ar chumas infheisteoirí deiridh comparáid a dhéanamh go héasca ar leibhéil infheistíochtaí na dtáirgí airgeadais i ngníomhaíochtaí eacnamaíocha atá inbhuanaithe ó thaobh an chomhshaoil de. Ba cheart do rannpháirtithe sa mhargadh airgeadais, dá bhrí sin, chun críocha Airteagal 6(1) agus 2 agus Airteagal 11(2) de Rialachán (AE) 2019/2088, a áireamh sna hiarscríbhinní a ghabhann leis na doiciméid nó san fhaisnéis dá dtagraítear in Airteagal 6(3) agus Airteagal 11(2) den Rialachán (AE) sin, léirithe grafacha ar infheistíochtaí den sórt sin ar bhonn méadrach caighdeánaithe, arb é atá san uimhreoir luach margaidh na n-infheistíochtaí i ngníomhaíochtaí eacnamaíocha atá inbhuanaithe ó thaobh an chomhshaoil de agus arb é atá san ainmneoir luach margaidh na n-infheistíochtaí uile. Chun faisnéis iontaofa a sholáthar d’infheisteoirí deiridh, ba cheart a áireamh san uimhreoir luach margaidh na n-infheistíochtaí i gcuideachtaí infheistiúcháin arb é atá ann cion ghníomhaíochtaí eacnamaíocha na gcuideachtaí infheistiúcháin sin atá inbhuanaithe ó thaobh an chomhshaoil de, agus fáltais na n-urrús fiachais i gcás ina gceanglaítear le téarmaí na n-urrús fiachais go n-úsáidtear na fáltais sin le haghaidh gníomhaíochtaí eacnamaíocha atá inbhuanaithe ó thaobh an chomhshaoil de. Chun na hinfheistíochtaí uile a ghabháil, ar infheistíochtaí iad lena bhféadfar gníomhaíochtaí eacnamaíocha atá inbhuanaithe ó thaobh an chomhshaoil de a mhaoiniú, ba cheart go bhféadfaí a áireamh san uimhreoir sócmhainní bonneagair, sócmhainní réadmhaoine, sócmhainní urrúsaithe agus infheistíochtaí i dtáirgí airgeadais eile dá dtagraítear in Airteagal 5, an chéad mhír, agus Airteagal 6, an chéad mhír, de Rialachán (AE) 2020/852. Is de dheasca easpa modheolaíochtaí iontaofa chun a chinneadh a mhéid gur neamhchosaintí ar ghníomhaíochtaí eacnamaíocha atá inbhuanaithe ó thaobh an chomhshaoil de iad na neamhchosaintí a bhaintear amach trí dhíorthaigh, nár cheart neamhchosaintí den sórt sin a áireamh san uimhreoir. Ba cheart luach margaidh na n-infheistíochtaí uile a bheith san ainmneoir.

(34)

Níl aon mhodheolaíocht iomchuí ann faoi láthair chun a ríomh a mhéid gur neamhchosaintí ar ghníomhaíochtaí eacnamaíocha inbhuanaithe ó thaobh an chomhshaoil de iad na neamhchosaintí ar rialtais láir, ar bhainc cheannais agus ar eisitheoirí fornáisiúnta (“neamhchosaintí ceannasacha”). Chun feasacht a ardú maidir le hinfheisteoirí deiridh, is iomchuí méid na n-infheistíochtaí i ngníomhaíochtaí eacnamaíocha atá inbhuanaithe ó thaobh an chomhshaoil de a ríomh agus a léiriú go grafach ar dhá bhealach. Áirítear ar an gcéad bhealach cead a thabhairt infheistíochtaí in urrúis fiachais arna n-eisiúint ag rialtais láir, bainc cheannais agus eisitheoirí fornáisiúnta a chur san áireamh san uimhreoir i gcás ina gceanglaítear le téarmaí na n-urrús fiachais go n-úsáidtear na fáltais sin le haghaidh gníomhaíochtaí eacnamaíocha atá inbhuanaithe ó thaobh an chomhshaoil de, agus cead a thabhairt infheistíochtaí in urrúis fiachais arna n-eisiúint ag rialtais láir, bainc cheannais agus eisitheoirí fornáisiúnta a chur san áireamh san ainmneoir, gan beann ar úsáid na bhfáltas. Chun bonn eolais breise a chur faoi chinntí infheistíochta na n-infheisteoirí deiridh, ba cheart do rannpháirtithe sa mhargadh airgeadais míniú a thabhairt ar cén fáth nach bhfuil neamhchosaintí ceannasacha áirithe i ngníomhaíochtaí eacnamaíocha atá inbhuanaithe ó thaobh an chomhshaoil de, lena n-áirítear i gcás inarb amhlaidh de dheasca easpa modheolaíochta chun a ríomh a mhéid gur neamhchosaintí ar ghníomhaíochtaí eacnamaíocha inbhuanaithe ó thaobh an chomhshaoil de iad na neamhchosaintí sin. Áirítear ar an dara bealach neamhchosaintí ceannasacha a eisiamh ón uimhreoir agus ón ainmneoir, rud a fheabhsóidh inchomparáideacht i measc táirgí airgeadais tuilleadh agus a chuirfidh ar chumas infheisteoirí deiridh measúnú a dhéanamh ar a mhéid a infheistíonn táirgí airgeadais i ngníomhaíochtaí eacnamaíocha atá inbhuanaithe ó thaobh an chomhshaoil de gan neamhchosaintí ceannasacha a bheith san áireamh.

(35)

Ba cheart do rannpháirtithe sa mhargadh airgeadais a bheith in ann brath ar sholáthraithe sonraí tríú páirtí, i gcás nár chomhlíon gnóthais an oibleagáid a leagtar síos in Airteagal 8 de Rialachán (AE) 2020/852 go fóill, faisnéis a nochtadh maidir leis an gcaoi agus a mhéid a bhaineann a gcuid gníomhaíochtaí le gníomhaíochtaí eacnamaíocha a cháilíonn mar inbhuanaithe ó thaobh an chomhshaoil de faoi Airteagail 3 agus 9 den Rialachán sin. I gcás an mheasúnaithe ar infheistíochtaí i gcuideachtaí infheistiúcháin nach bhfuil faoi réir na nochtaí a cheanglaítear le hAirteagal 8 de Rialachán (AE) 2020/852, ba cheart do rannpháirtithe sa mhargadh airgeadais na sonraí a tuairiscíodh go poiblí a mheasúnú agus a úsáid. Sa chás nach bhfuil na sonraí sin ar fáil, agus sa chás sin amháin, ba cheart cead a thabhairt do rannpháirtithe sa mhargadh airgeadais sonraí a fuarthas go díreach ó chuideachtaí infheistiúcháin nó ó thríú páirtithe a úsáid i ngach cás, ar choinníoll go bhfuil na sonraí a chuirtear ar fáil faoi na nochtaí sin coibhéiseach leis na sonraí a chuirtear ar fáil faoi na nochtaí a rinneadh i gcomhréir leis an Airteagal 8 sin.

(36)

Is gá a áirithiú go ndéanfaidh táirgí airgeadais faisnéis a nochtadh go comhsheasmhach maidir lena mhéid gurb infheistíochtaí i ngníomhaíochtaí eacnamaíocha inbhuanaithe ó thaobh an chomhshaoil de iad na hinfheistíochtaí i gcuideachtaí infheistiúcháin is gnóthais neamhairgeadais, faoi Airteagail 3 agus 9 de Rialachán (AE) 2020/852. Chuige sin, ba cheart do rannpháirtithe sa mhargadh airgeadais cion an láimhdeachais, an chaiteachais chaipitiúil agus an chaiteachais oibriúcháin a roghnú chun an t-eochairtháscaire feidhmíochta in aghaidh an táirge airgeadais a ríomh chun an méid sin a thomhas, agus ba cheart dóibh an roghnú sin a nochtadh sna hiarscríbhinní a ghabhann leis na doiciméid nó san fhaisnéis dá dtagraítear in Airteagal 6(3) de Rialachán (AE) 2019/2088. Chun inchomparáideacht a áirithiú i measc táirgí airgeadais agus chun go dtuigfidh infheisteoirí deiridh go héasca é, mar réamhshocrú, ba cheart gurbh é láimhdeachas an t-eochairtháscaire feidhmíochta. Níor cheart caiteachas caipitiúil nó caiteachas oibriúcháin a úsáid ach amháin i gcás ina dtugtar údar don úsáid sin le gnéithe an táirge airgeadais, go háirithe i gcás ina bhfuil caiteachas caipitiúil nó caiteachas oibriúcháin ina léiriú níos fearr ar a mhéid a infheistíonn na táirgí airgeadais sin i ngníomhaíochtaí eacnamaíocha atá inbhuanaithe ó thaobh an chomhshaoil de, agus ar choinníoll go dtugtar míniú ar an úsáid sin. I gcás cuideachtaí infheistiúcháin is gnóthais airgeadais, mar a shainmhínítear in Airteagal 1, pointe 8, de Rialachán Tarmligthe (AE) 2021/2178 ón gCoimisiún (6), ba cheart an inchomparáideacht a bhaint amach trína cheangal go n-úsáidfear an t-eochairtháscaire feidhmíochta céanna le haghaidh na ngnóthas airgeadais den chineál céanna. I gcás gnóthais árachais nó gnóthais athárachais a dhéanann gníomhaíochtaí frithgheallta neamhshaoil, ba cheart go bhféadfaí an infheistíocht agus na heochairtháscairí feidhmíochta frithgheallta a chomhcheangal in aon eochairtháscaire feidhmíochta amháin. Chun trédhearcacht a chur chun cinn i measc infheisteoirí deiridh, is gá a cheangal go soláthrófar leis na nochtaí tréimhsiúla, maidir leis an gcaoi agus a mhéid a rinneadh na hinfheistíochtaí atá mar bhonn leis an táirge airgeadais i ngníomhaíochtaí eacnamaíocha inbhuanaithe ó thaobh an chomhshaoil de, go soláthrófar leo comparáid le cion spriocdhírithe na n-infheistíochtaí sna gníomhaíochtaí eacnamaíocha sin atá i gceist sna nochtaí réamhchonarthacha. Chun inchomparáideacht agus trédhearcacht a áirithiú, ba cheart a léiriú leis na nochtaí tréimhsiúla a mhéid a rinneadh na hinfheistíochtaí sna gníomhaíochtaí eacnamaíocha sin de réir láimhdeachais, caiteachas caipitiúil agus caiteachas oibríochtúil.

(37)

Tá forálacha an Rialacháin seo nasctha go dlúth le chéile, ós rud é go ndéileáiltear leo uile leis an bhfaisnéis nach mór do rannpháirtithe sa mhargadh airgeadais agus do chomhairleoirí airgeadais a sholáthar i ndáil le nochtaí ó thaobh na hinbhuanaitheachta de in earnáil na seirbhísí airgeadais a cheanglaítear faoi Rialachán (AE) 2019/2088. Chun comhleanúnachas idir na forálacha sin a áirithiú, ar cheart a dteacht i bhfeidhm a bheith ann an tráth céanna, agus chun dearcadh cuimsitheach a éascú do rannpháirtithe sa mhargadh airgeadais agus do chomhairleoirí airgeadais ar a n-oibleagáidí faoin Rialachán sin, is iomchuí na caighdeáin theicniúla rialála uile a cheanglaítear le hAirteagal 2a(3), Airteagal 4(6), an tríú fomhír, Airteagal 4(7), an dara fomhír, Airteagal 8(3), an ceathrú fomhír, Airteagal 8(4), an ceathrú fomhír, Airteagal 9(5), an ceathrú fomhír, Airteagal 9(6), an ceathrú fomhír, Airteagal 10(2), an ceathrú fomhír, Airteagal 11(4), an ceathrú fomhír, agus Airteagal 11(5), an ceathrú fomhír, a áireamh i Rialachán amháin.

(38)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach, an tÚdarás Eorpach um Árachas agus Pinsin Cheirde agus an tÚdarás Eorpach um Urrúis agus Margaí (Údaráis Mhaoirseachta Eorpacha) faoi bhráid an Choimisiúin.

(39)

Rinne Comhchoiste na nÚdarás Maoirseachta Eorpach dá dtagraítear in Airteagal 54 de Rialachán (AE) Uimh. 1093/2010 ó Pharlaimint na hEorpa agus ón gComhairle (7), in Airteagal 54 de Rialachán (AE) Uimh. 1094/2010 ó Pharlaimint na hEorpa agus ón gComhairle (8) agus in Airteagal 54 de Rialachán (AE) Uimh. 1095/2010 ó Pharlaimint na hEorpa agus ón gComhairle (9) comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010, ar an nGrúpa Geallsealbhóirí Árachais agus Athárachais arna bhunú i gcomhréir le hAirteagal 37 de Rialachán (AE) Uimh. 1094/2010, agus ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010.

(40)

Is gá a chur ar chumas rannpháirtithe sa mhargadh airgeadais agus comhairleoirí airgeadais oiriúnú do na ceanglais a leagtar síos sa Rialachán Tarmligthe seo. Ba cheart, dá bhrí sin, dáta a chur i bhfeidhm a chur siar go dtí an 1 Eanáir 2023. Is gá, áfach, a cheangal ar rannpháirtithe sa mhargadh airgeadais a bhreithnigh drochthionchair phríomha na gcinntí infheistíochta ar thosca inbhuanaitheachta dá dtagraítear in Airteagal 4(1), pointe (a), de Rialachán (AE) 2019/2088, nó mar a cheanglaítear le hAirteagal 4(3) nó (4) den Rialachán sin, faoin 31 Nollaig 2022, go bhfoilseoidh siad den chéad uair an fhaisnéis maidir leis na tionchair sin ar a suíomhanna gréasáin i ranna ar leith dar teideal “Ráiteas maidir le drochthionchair phríomha cinntí infheistíochta ar thosca inbhuanaitheachta” faoin 30 Meitheamh 2023 don tréimhse ón 1 Eanáir 2022 go dtí an 31 Nollaig 2022,

(1)

ciallaíonn “astaíochtaí GCT scóip 1, 2 agus 3” scóip na n-astaíochtaí gás ceaptha teasa dá dtagraítear i bpointí (1)(e)(i) go (iii) d’Iarscríbhinn III a ghabhann le Rialachán (AE) 2016/1011 ó Pharlaimint na hEorpa agus ón gComhairle (18);

(2)

ciallaíonn “astaíochtaí gás ceaptha teasa (GCT)” astaíochtaí gás ceaptha teasa mar a shainmhínítear in Airteagal 3, pointe (1), de Rialachán (AE) 2018/842 ó Pharlaimint na hEorpa agus ón gComhairle (19);

(3)

ciallaíonn “meán ualaithe” cóimheas d’ualach na hinfheistíochta ag an rannpháirtí sa mhargadh airgeadais i gcuideachta infheistiúcháin i ndáil le luach fiontair na cuideachta infheistiúcháin;

(4)

ciallaíonn “luach fiontair” suim, i ndeireadh na bliana fioscaí, caipitlithe margaidh gnáthscaireanna, caipitlithe margaidh scaireanna tosaíochta, agus an luacha de réir na leabhar den fhiachas iomlán agus de leasanna neamh-urlámhais, gan airgead tirim ná coibhéisí airgid a asbhaint;

(5)

ciallaíonn “cuideachtaí atá gníomhach in earnáil na mbreoslaí iontaise” cuideachtaí a fhaigheann aon ioncam ó thaiscéalaíocht, mianadóireacht, eastóscadh, táirgeadh, próiseáil, stóráil, scagadh nó dáileadh, lena n-áirítear iompar, stóráil agus trádáil breoslaí iontaise, mar a shainmhínítear in Airteagal 2, pointe (62), de Rialachán (AE) 2018/1999 ó Pharlaimint na hEorpa agus ón gComhairle (20);

(6)

ciallaíonn “foinsí fuinnimh in-athnuaite” foinsí neamhiontaise in-athnuaite, eadhon fuinneamh gaoithe, grianfhuinneamh (grianfhuinneamh teirmeach agus grianfhuinneamh fótavoltach) agus fuinneamh geoiteirmeach, fuinneamh comhthimpeallach, fuinneamh taoide, fuinneamh tonnta agus fuinneamh eile aigéin, hidreachumhacht, bithmhais, gás láithreáin líonta, gás ó ghléasra cóireála séarachais, agus bithghás;

(7)

ciallaíonn “foinsí fuinnimh neamh-inathnuaite” foinsí fuinnimh seachas iad sin dá dtagraítear i bpointe (6);

(8)

ciallaíonn “déine an tomhaltais fuinnimh” cóimheas an tomhaltais fuinnimh in aghaidh an aonaid gníomhaíochta, aschuir nó aon mhéadraigh eile de chuid na cuideachta infheistiúcháin le tomhaltas fuinnimh iomlán na cuideachta infheistiúcháin sin;

(9)

ciallaíonn “earnálacha aeráide ardtionchair” na hearnálacha a liostaítear i Ranna A go H agus i Roinn L d’Iarscríbhinn I a ghabhann le Rialachán (CE) Uimh. 1893/2006 ó Pharlaimint na hEorpa agus ón gComhairle (21);

(10)

ciallaíonn “limistéar faoi chosaint” limistéir ainmnithe i mBunachar Sonraí Coiteann maidir le Limistéir Ainmnithe (CDDA) na Gníomhaireachta Eorpaí Comhshaoil;

(11)

ciallaíonn “limistéar ardluacha bithéagsúlachta lasmuigh de limistéir faoi chosaint” talamh a bhfuil ardluach bithéagsúlachta aige dá dtagraítear in Airteagal 7b(3) de Threoir 98/70/CE ó Pharlaimint na hEorpa agus ón gComhairle (22);

(12)

ciallaíonn “astaíochtaí in uisce” astaíochtaí díreacha substaintí tosaíochta mar a shainmhínítear in Airteagal 2(30) de Threoir 2000/60/CE ó Pharlaimint na hEorpa agus ón gComhairle (23) agus astaíochtaí díreacha níotráití, fosfáití agus lotnaidicídí;

(13)

ciallaíonn “limistéir ina bhfuil ardstrus maidir le huisce” réigiúin ina bhfuil céatadán an uisce iomláin a tharraingítear siar ard (40-80 %) nó fíorard (níos mó ná 80 %) in “Aqueduct”, uirlis Atlais Riosca Uisce Institiúid Acmhainní an Domhain (WRI);

(14)

ciallaíonn “dramhaíl ghuaiseach agus dramhaíl radaighníomhach” dramhaíl ghuaiseach agus dramhaíl radaighníomhach;

(15)

ciallaíonn “dramhaíl ghuaiseach” dramhaíl ghuaiseach mar a shainmhínítear in Airteagal 3(2) de Threoir 2008/98/CE ó Pharlaimint na hEorpa agus ón gComhairle (24);

(16)

ciallaíonn “dramhaíl radaighníomhach” dramhaíl radaighníomhach mar a shainmhínítear in Airteagal 3(7) de Threoir 2011/70/Euratom ón gComhairle (25);

(17)

ciallaíonn “dramhaíl neamh-athchúrsáilte” aon dramhaíl nach n-athchúrsáiltear de réir bhrí “athchúrsáil” in Airteagal 3(17) de Threoir 2008/98/CE;

(18)

ciallaíonn “gníomhaíochtaí a bhfuil tionchar diúltach acu ar limistéir atá íogair ó thaobh na bithéagsúlachta de” gníomhaíochtaí a bhfuil na saintréithe uile seo a leanas acu:

(19)

ciallaíonn “limistéir atá íogair ó thaobh na bithéagsúlachta de” líonra Natura 2000 de limistéir faoi chosaint, láithreáin Oidhreachta Domhanda Unesco agus Príomhlimistéir Bhithéagsúlachta, chomh maith le limistéir eile faoi chosaint, dá dtagraítear in Aguisín D d’Iarscríbhinn II a ghabhann le Rialachán Tarmligthe (AE) 2021/2139 ón gCoimisiún (29);

(20)

ciallaíonn “speiceas faoi bhagairt” speiceas i mbaol, lena n-áirítear flora agus fauna, a liostaítear ar an Liosta Dearg Eorpach nó ar Liosta Dearg IUCN, dá dtagraítear i Roinn 7 d’Iarscríbhinn II a ghabhann le Rialachán Tarmligthe (AE) 2021/2139;

(21)

ciallaíonn “dífhoraoisiú” tiontú sealadach nó buan talaimh foraoise ina thalamh neamhfhoraoisithe, arb é an duine is cúis leis;

(22)

ciallaíonn “prionsabail Chomhshocrú Domhanda na Náisiún Aontaithe” deich bPrionsabal Chomhshocrú Domhanda na Náisiún Aontaithe;

(23)

ciallaíonn “bearna phá neamhchoigeartaithe idir na hinscní” an difríocht idir an meán-olltuilleamh in aghaidh na huaire a thuilleann fostaithe fireanna ar pá agus an meán-olltuilleamh in aghaidh na huaire a thuilleann fostaithe baineanna ar pá mar chéatadán den mheán-olltuilleamh in aghaidh na huaire a thuilleann fostaithe fireanna ar pá;

(24)

ciallaíonn “bord” comhlacht riaracháin, bainistíochta nó maoirseachta cuideachta;

(25)

ciallaíonn “beartas um chearta an duine” gealltanas beartais a fhormheastar ar leibhéal an bhoird maidir le cearta an duine go mbeidh gníomhaíochtaí eacnamaíocha na cuideachta infheistiúcháin i gcomhréir le Prionsabail Threoracha na Náisiún Aontaithe maidir le Gnó agus Cearta an Duine;

(26)

ciallaíonn “sceithire”“duine tuairiscithe” mar a shainmhínítear in Airteagal 5(7) de Threoir (AE) 2019/1937 ó Pharlaimint na hEorpa agus ón gComhairle (30);

(27)

ciallaíonn “truailleáin neamhorgánacha” astaíochtaí laistigh de nó níos ísle ná na leibhéil astaíochtaí atá bainteach leis na teicnící is fearr atá ar fáil (BAT-AEL) mar a shainmhínítear in Airteagal 3, pointe (13) de Threoir 2010/75/AE ó Pharlaimint na hEorpa agus ón gComhairle (31), le haghaidh an tionscail Ceimiceáin Neamhorgánacha ar Mhéideanna Móra – Soladacha agus Eile;

(28)

ciallaíonn “truailleáin aeir” astaíochtaí díreacha de dhé-ocsaídí sulfair (SO2), ocsaídí nítrigine (NOx), comhdhúile so-ghalaithe orgánacha neamh-mheatáin (NMVOC) agus mínábhar cáithníneach (PM2,5) mar a shainmhínítear in Airteagal 3, pointí (5) go (8) de Threoir (AE) 2016/2284 ó Pharlaimint na hEorpa agus ón gComhairle (32), amóinia (NH3) dá dtagraítear sa Treoir sin agus miotail throma (HM) dá dtagraítear in Iarscríbhinn I a ghabhann leis an Treoir sin;

(29)

ciallaíonn “substaintí ídithe ózóin” substaintí a liostaítear i bPrótacal Montréal um Shubstaintí a Ídíonn an Ciseal Ózóin.

(1)

ríomhfar “astaíochtaí GCT” i gcomhréir leis an bhfoirmle seo a leanas:

(2)

ríomhfar “lorg carbóin” i gcomhréir leis an bhfoirmle seo a leanas:

(3)

ríomhfar “déine GCT cuideachtaí infheistiúcháin” i gcomhréir leis an bhfoirmle seo a leanas:

(4)

ríomhfar “déine GCT stát ceannasach” i gcomhréir leis an bhfoirmle seo a leanas:

(5)

ríomhfar “sócmhainní réadmhaoine neamhéifeachtúla” i gcomhréir leis an bhfoirmle seo a leanas:

(1)

ciallaíonn “luach reatha infheistíochta” an luach in EUR d’infheistíocht an rannpháirtí sa mhargadh airgeadais sa chuideachta infheistiúcháin;

(2)

ciallaíonn “luach fiontair” suim, i ndeireadh na bliana fioscaí, caipitlithe margaidh gnáthscaireanna, caipitlithe margaidh scaireanna tosaíochta, agus an luacha de réir na leabhar den fhiachas iomlán agus de leasanna neamh-urlámhais, gan airgead tirim ná coibhéisí airgid a asbhaint;

(3)

ciallaíonn “luach reatha na n-infheistíochtaí uile” an luach in EUR d’infheistíochtaí uile an rannpháirtí sa mhargadh airgeadais;

(4)

beidh ag “foirgneamh nach mór neodrach ó thaobh fuinnimh (NZEB)”, “éileamh fuinnimh phríomhúil (PED)” agus “teastas feidhmíochta fuinnimh (EPC)” na bríonna a thugtar dóibh i míreanna 2, 5 agus 12 d’Airteagal 2 de Threoir 2010/31/AE ó Pharlaimint na hEorpa agus ón gComhairle (33).