1.   Tar éis don oifigeach imscrúdúcháin imscrúdú a chríochnú ar sháruithe féideartha ar na ceanglais dá dtagraítear in Airteagal 38g(1) de Rialachán (AE) Uimh. 600/2014 agus sula gcuirfidh an t-oifigeach imscrúdúcháin dá dtagraítear in Airteagal 38k(1) den Rialachán sin an comhad faoi bhráid ESMA, cuirfidh sé an duine atá faoi réir a imscrúdaithe ar an eolas i scríbhinn ina luafar a chuid cinntí agus tabharfaidh sé deis don duine sin aighneachtaí a dhéanamh i scríbhinn de bhun mhír 3. Sa ráiteas cinntí, leagfar amach na fíricí a bhféadfadh ceann amháin díobh a bheith ina shárú nó ina sháruithe ar na ceanglais dá dtagraítear in Airteagal 38g(1) de Rialachán (AE) Uimh. 600/2014, lena n-áirítear measúnú ar chineál agus ar thromchúis na sáruithe sin, agus na critéir a leagtar síos in Airteagal 38g(2) den Rialachán sin á gcur san áireamh.

2.   Sa ráiteas cinntí socrófar teorainn ama réasúnach ar laistigh di a fhéadfaidh an duine atá faoi réir a imscrúdaithe a chuid aighneachtaí a dhéanamh i scríbhinn. Le haghaidh imscrúduithe, cé is moite díobh sin dá dtagraítear in Airteagal 5, 4 seachtaine ar a laghad a bheidh sa teorainn ama sin. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar an oifigeach imscrúdúcháin iad a chur san áireamh.

3.   An duine atá faoi réir a imscrúdaithe, féadfaidh sé na fíorais ar fad atá ábhartha maidir lena chosaint a leagan amach ina chuid aighneachtaí i scríbhinn. Féadfaidh an duine atá faoi réir a imscrúdaithe a mholadh go ndéanfaidh an t-oifigeach imscrúdúcháin éisteacht a thabhairt do dhaoine eile a d’fhéadfadh comhthacú leis na fíorais a leagtar amach in aighneachtaí an duine atá faoi réir imscrúdú.

4.   Duine atá faoi réir a imscrúdaithe ar díríodh ráiteas cinntí chuige, féadfaidh an t-oifigeach imscrúdúcháin cuireadh a thabhairt dó freastal ar éisteacht ó bhéal. Na daoine atá faoi réir imscrúdú, féadfaidh siad cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

1.   Sa chomhad iomlán atá le cur faoi bhráid ESMA ag an oifigeach imscrúdúcháin, cuimseofar na doiciméid seo a leanas:

2.   I gcás comhad neamhiomlán, déanfaidh ESMA iarraidh réasúnaithe ar dhoiciméid bhreise ar an oifigeach imscrúdúcháin.

3.   I gcás ina measfaidh ESMA, maidir leis na fíorais a dtugtar tuairisc orthu i ráiteas cinntí an oifigigh imscrúdúcháin, nach sárú atá iontu ar na ceanglais a liostaítear in Airteagal 38g(1) de Rialachán (AE) Uimh. 600/2014, cinnfidh sé an cás a dhúnadh agus tabharfaidh sé fógra faoin gcinneadh sin don duine atá faoi réir a imscrúdaithe.

4.   I gcás nach n-aontóidh ESMA le cinntí an oifigigh imscrúdúcháin, cuirfidh sé ráiteas nua cinntí faoi bhráid an duine atá faoi réir a imscrúdaithe. Sa ráiteas cinntí sin, socrófar teorainn ama 4 seachtaine ar a laghad ar laistigh di a fhéadfaidh an duine atá faoi réir a imscrúdaithe aighneachtaí a dhéanamh i scríbhinn. Maidir le haighneachtaí i scríbhinn a gheofar tar éis dul in éag don teorainn ama sin maidir le cinneadh a ghlacadh an ann do shárú nó maidir le bearta maoirseachta agus forchur fíneála i gcomhréir le hAirteagal 38g agus Airteagal 38h de Rialachán (AE) Uimh. 600/2014, ní bheidh sé d’oibleagáid ar ESMA iad a chur san áireamh.

5.   I gcás ina n-aontóidh ESMA le cinntí an oifigigh imscrúdúcháin ar fad nó le cuid díobh, cuirfidh sé an duine atá faoi réir a imscrúdaithe ar an eolas dá réir. Leis an gcumarsáid sin, socrófar teorainn ama de 2 sheachtain ar a laghad i gcás ina n-aontóidh ESMA leis na cinntí ar fad, agus 4 seachtaine ar a laghad i gcás nach n-aontaíonn ESMA leis na cinntí uile, agus laistigh den tréimhse sin féadfaidh an duine atá faoi réir imscrúdú aighneachtaí i scríbhinn a dhéanamh. Maidir le haighneachtaí i scríbhinn a gheofar tar éis dul in éag don teorainn ama sin maidir le cinneadh a ghlacadh an ann do shárú nó maidir le bearta maoirseachta agus forchur fíneála i gcomhréir le hAirteagal 38g agus Airteagal 38h de Rialachán (AE) Uimh. 600/2014, ní bheidh sé d’oibleagáid ar ESMA é a chur san áireamh.

6.   Ina theannta sin, an duine atá faoi réir a imscrúdaithe ar díríodh ráiteas cinntí chuige, féadfaidh ESMA cuireadh a thabhairt dó freastal ar éisteacht ó bhéal. An duine atá faoi réir a imscrúdaithe, féadfaidh sé cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

7.   Má chinneann ESMA go ndearna duine atá faoi réir a imscrúdaithe sárú ar cheann amháin nó níos mó de na ceanglais dá dtagraítear in Airteagal 38g(1) de Rialachán (AE) Uimh. 600/2014, agus má ghlacann sé cinneadh lena ngearrtar fíneáil i gcomhréir le hAirteagal 38h den Rialachán sin, tabharfaidh sé fógra faoin gcinneadh sin don duine atá faoi réir a imscrúdaithe láithreach.

1.   Sula ndéanfaidh sé cinneadh lena bhforchuirtear íocaíocht phionósach thréimhsiúil de bhun Airteagal 38i de Rialachán (AE) Uimh. 600/2014, cuirfidh ESMA ráiteas cinntí faoi bhráid an duine atá faoi réir na n-imeachtaí, ráiteas ina leagfar amach na cúiseanna lena dtugtar údar le híocaíocht phionósach thréimhsiúil a fhorchur agus méid na híocaíochta pionósaí tréimhsiúla in aghaidh gach lae a bheidh neamhchomhlíonadh i gceist. Sa ráiteas cinntí sin socrófar teorainn ama 4 seachtaine ar a laghad ar laistigh di a fhéadfaidh an duine atá faoi réir na n-imeachtaí aighneachtaí a dhéanamh i scríbhinn. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar ESMA iad a chur san áireamh maidir le cinneadh a dhéanamh i ndáil leis an íocaíocht phionósach thréimhsiúil.

2.   DRSP nó an duine atá faoi réir imeachtaí, a luaithe a chomhlíonfaidh sé an cinneadh ábhartha dá dtagraítear in Airteagal 38i(1) de Rialachán (AE) Uimh. 600/2014, ní dhéanfar íocaíocht phionósach thréimhsiúil a fhorchur air a thuilleadh.

3.   Le cinneadh dá dtagraítear in Airteagal 38i(1) de Rialachán (AE) Uimh. 600/2014, sonrófar an bunús dlí agus na cúiseanna atá leis an gcinneadh sin agus méid agus túsdáta na híocaíochta pionósaí tréimhsiúla.

4.   Féadfaidh ESMA cuireadh a thabhairt don duine atá faoi réir nósanna imeachta freastal ar éisteacht ó bhéal. An duine atá faoi réir nósanna imeachta, féadfaidh sé cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

1.   De mhaolú ar Airteagal 3(4), (5) agus (6) agus ar Airteagal 4(1) agus (4), beidh feidhm ag an nós imeachta a leagtar amach san Airteagal seo i gcás ina nglacfaidh ESMA cinntí eatramhacha de bhun Airteagal 38l(1), an dara fomhír, de Rialachán (AE) Uimh. 600/2014.

2.   I gcás ina gcinneann ESMA go ndearna duine atá faoi réir a imscrúdaithe sárú ar cheann amháin nó níos mó de na ceanglais dá dtagraítear in Airteagal 38g(1) de Rialachán (AE) Uimh. 600/2014, agus má ghlacann sé cinneadh eatramhach lena ngearrtar fíneáil i gcomhréir le hAirteagal 38g de Rialachán (AE) Uimh. 600/2014, tabharfaidh sé fógra láithreach faoin gcinneadh sin don duine atá faoi réir an chinnidh eatramhaigh.

Socróidh ESMA teorainn ama 4 seachtaine ar a laghad ar laistigh di a fhéadfaidh an duine atá faoi réir an chinnidh eatramhaigh aighneachtaí a dhéanamh i scríbhinn maidir leis an gcinneadh sin. Aighneachtaí i scríbhinn a gheofar tar éis don teorainn ama sin dul in éag, ní bheidh oibleagáid ar ESMA iad a chur san áireamh.

Arna iarraidh sin air, deonóidh ESMA rochtain ar an gcomhad do na daoine atá faoi réir an chinnidh eatramhaigh. Maidir le doiciméid de chuid an chomhaid, ní úsáidfear iad ach chun críoch imeachtaí breithiúnacha nó riaracháin a bhaineann le Rialachán (AE) Uimh. 600/2014.

Féadfaidh ESMA iarraidh ar an duine atá faoi réir an chinnidh eatramhaigh freastal ar éisteacht ó bhéal. An duine atá faoi réir an chinnidh eatramhaigh, féadfaidh sé cúnamh a fháil ó abhcóide dá rogha féin. Ní dhéanfar éisteachtaí ó bhéal go poiblí.

3.   A luaithe is féidir tar éis an cinneadh eatramhach a ghlacadh is ea a dhéanfaidh ESMA cinneadh críochnaitheach.

Nuair a mheasann ESMA, tar éis dó éisteacht a thabhairt don duine atá faoi réir cinneadh eatramhach, go ndearna an duine atá faoi réir an chinnidh eatramhaigh sárú ar na forálacha dá dtagraítear in Airteagal 38g(1) de Rialachán (AE) Uimh. 600/2014, glacfaidh sé cinneadh daingniúcháin lena bhforchuirfear ceann amháin nó níos mó de na bearta maoirseachta a leagtar síos in Airteagal 38g de Rialachán (AE) Uimh. 600/2014. Cuirfidh ESMA an cinneadh sin in iúl láithreach do na daoine atá faoi réir an chinnidh eatramhaigh.

4.   I gcás ina nglacfaidh ESMA cinneadh críochnaitheach nach ndeimhneofar an cinneadh eatramhach leis, measfar an cinneadh eatramhach a bheith aisghairthe.

1.   Arna iarraidh sin, deonóidh ESMA rochtain ar an gcomhad don duine atá faoi réir an imscrúdaithe ar chuir an t-oifigeach imscrúdúcháin nó ESMA ráiteas cinntí chuige. Deonófar rochtain tar éis fógra a thabhairt faoi aon ráiteas cinntí.

2.   Maidir le doiciméid de chuid an chomhaid a bhfaigheann an duine dá dtagraítear i mír 1 rochtain orthu, ní úsáidfidh an duine sin iad ach chun críoch imeachtaí breithiúnacha nó riaracháin a bhaineann le Rialachán (AE) Uimh. 600/2014.

1.   Maidir le fíneálacha agus íocaíochtaí pionósacha tréimhsiúla ar DRSPanna agus ar dhaoine eile atá faoi réir a n-imscrúdaithe, beidh siad faoi réir tréimhse teorann 5 bliana.

2.   Is ar an lá tar éis an lae a dhéanfar an sárú a thosóidh an tréimhse teorann dá dtagraítear i mír 1. I gcás sáruithe leanúnacha nó sáruithe a dhéantar arís agus arís eile, is ar an lá a thiocfaidh deireadh leis an sárú a thosóidh an tréimhse teorann sin.

3.   Aon bheart a dhéanfaidh ESMA, nó an t-údarás inniúil náisiúnta atá ag gníomhú ar iarratas ó ESMA i gcomhréir le hAirteagal 38o de Rialachán (AE) Uimh. 600/2014 chun críoch an imscrúdaithe nó chun críoch na n-imeachtaí i ndáil le sárú ar na ceanglais dá dtagraítear in Airteagal 38g(1) de Rialachán (AE) Uimh. 600/2014, brisfidh sé an tréimhse teorann i dtaca le fíneálacha agus íocaíochtaí pionósacha tréimhsiúla a fhorchur. Briseadh na tréimhse teorann sin, beidh éifeacht leis ón dáta a thabharfar fógra faoin mbeart don DRSP nó don duine atá faoi réir a imscrúdaithe nó imeachtaí i ndáil le sárú dá dtagraítear in Airteagal 38g(1) de Rialachán (AE) Uimh. 600/2014.

4.   Le gach briseadh dá dtagraítear i mír 3, atosófar an tréimhse teorann. Is é an tráth is déanaí a rachaidh an tréimhse teorann in éag an lá a bheidh tréimhse curtha isteach is ionann le dúbailt na tréimhse teorann, agus gan aon fhíneáil ná íocaíocht phionósach thréimhsiúil forchurtha ag ESMA le linn an ama sin. An t-am a bheidh an teorainn ar fionraí de bhun mhír 5, cuirfear é de shíneadh leis an tréimhse sin.

5.   An tréimhse teorann i dtaca le fíneálacha agus íocaíochtaí pionósacha tréimhsiúla a fhorchur, cuirfear ar fionraí í fad atá cinneadh ESMA faoi réir imeachtaí atá ar feitheamh os comhair an Bhoird Achomhairc, i gcomhréir le hAirteagal 60 de Rialachán (AE) Uimh. 1095/2010 ó Pharlaimint na hEorpa agus ón gComhairle (3), nó atá faoi réir athbhreithniú ag Cúirt Bhreithiúnais an Aontais Eorpaigh, i gcomhréir le hAirteagal 38m de Rialachán (AE) Uimh. 600/2014.

1.   Maidir leis an gcumhacht atá ag ESMA cinntí a ghlactar de bhun Airteagal 38h agus Airteagal 38i de Rialachán (AE) Uimh. 600/2014 a fhorfheidhmiú, beidh sí faoi réir tréimhse teorann 5 bliana.

2.   An tréimhse teorann dá dtagraítear i mír 1, is ar an lá tar éis an lae a dhéanfar cinneadh críochnaitheach den chinneadh a thosóidh sí.

3.   An tréimhse teorann i dtaca le pionóis a fhorfheidhmiú, déanfaidh na nithe seo a leanas í a bhriseadh:

4.   Le gach briseadh dá dtagraítear i mír 3, atosófar an tréimhse teorann.

5.   An tréimhse teorann i dtaca le pionóis a fhorfheidhmiú, cuirfear ar fionraí í fad:

1.   Méideanna na bhfíneálacha agus na n-íocaíochtaí pionósacha tréimhsiúla a bhailíonn ESMA, taiscfear iad i gcuntas úsmhar arna oscailt ag ESMA go dtí go mbeidh siad críochnaitheach. I gcás ina mbaileoidh ESMA an t-iliomad fíneálacha agus íocaíochtaí pionósacha tréimhsiúla ag an am céanna, áiritheoidh ESMA go dtaiscfear iad i gcuntais nó i bhfochuntais éagsúla. Maidir le fíneálacha agus íocaíochtaí pionósacha tréimhsiúla a íocfar, ní dhéanfar iad a iontráil i mbuiséad ESMA ná a thaifeadadh mar mhéideanna buiséadacha.

2.   A luaithe a shuífidh ESMA gur críochnaitheach feasta iad na fíneálacha nó na híocaíochtaí pionósacha tréimhsiúla tar éis ídiú na gceart achomhairc go léir, aistreoidh ESMA na méideanna sin móide aon ús a fhabhrófar orthu chuig an gCoimisiún Eorpach. Ina dhiaidh sin déanfar na méideanna sin a iontráil ansin i mbuiséad ioncaim an Aontais.

3.   Tuairisceoidh ESMA ar bhonn rialta chuig an gCoimisiún maidir le méideanna na bhfíneálacha agus na n-íocaíochtaí pionósacha tréimhsiúla a fhorchuirtear agus maidir lena stádas.