This document is an excerpt from the EUR-Lex website
Document 32022D1377
Commission Implementing Decision (EU) 2022/1377 of 4 August 2022 amending the Annex to Decision 2007/453/EC as regards the BSE status of France (notified under document C(2022) 5507) (Text with EEA relevance)
Cinneadh Cur Chun Feidhme (AE) 2022/1377 ón gCoimisiún an 4 Lúnasa 2022 lena leasaítear an Iarscríbhinn a ghabhann le Cinneadh 2007/453/CE a mhéid a bhaineann le stádas ESB na Fraince (a bhfuil fógra tugtha ina leith faoi dhoiciméad C(2022) 5507) (Téacs atá ábhartha maidir le LEE)
Cinneadh Cur Chun Feidhme (AE) 2022/1377 ón gCoimisiún an 4 Lúnasa 2022 lena leasaítear an Iarscríbhinn a ghabhann le Cinneadh 2007/453/CE a mhéid a bhaineann le stádas ESB na Fraince (a bhfuil fógra tugtha ina leith faoi dhoiciméad C(2022) 5507) (Téacs atá ábhartha maidir le LEE)
C/2022/5507
IO L 206, 8.8.2022, p. 51–54
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32007D0453 | Athchur | iarscríbhinn | 08/08/2022 |
8.8.2022 |
GA |
Iris Oifigiúil an Aontais Eorpaigh |
L 206/51 |
CINNEADH CUR CHUN FEIDHME (AE) 2022/1377 ÓN gCOIMISIÚN
an 4 Lúnasa 2022
lena leasaítear an Iarscríbhinn a ghabhann le Cinneadh 2007/453/CE a mhéid a bhaineann le stádas ESB na Fraince
(a bhfuil fógra tugtha ina leith faoi dhoiciméad C(2022) 5507)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (1), agus go háirithe Airteagal 5(2), an tríú fomhír, de,
De bharr an mhéid seo a leanas:
(1) |
Is éard a fhoráiltear le Rialachán (CE) Uimh. 999/2001 go bhfuil na Ballstáit nó tríú tíortha nó réigiúin díobh (tíortha nó réigiúin) le haicmiú de réir a stádais einceifileapaite spúinsí bólachta (ESB) i gceann de thrí chatagóir: riosca diomaibhseach ESB, riosca rialaithe ESB agus riosca neamhchinntithe ESB. |
(2) |
Foráiltear le hAirteagal 5(2) de Rialachán (CE) Uimh. 999/2001 go bhféadfar athmheasúnú a dhéanamh ar an aicmiú ESB ar leibhéal an Aontais más rud é gur chuir an Eagraíocht Dhomhanda um Shláinte Ainmhithe (OIE) Stát iarrthach i gceann de na trí chatagóir ESB. |
(3) |
I gCinneadh 2007/453/CE ón gCoimisiún (2), liostaítear stádas ESB na dtíortha nó na réigiún de réir a riosca ESB i gCodanna A, B nó C den Iarscríbhinn a ghabhann leis an ngníomh sin. Meastar go mbaineann riosca diomaibhseach ESB leis na tíortha nó na réigiúin a liostaítear i gCuid A den Iarscríbhinn sin, meastar go mbaineann riosca rialaithe ESB leo siúd a liostaítear i gCuid B, agus foráiltear le Cuid C den Iarscríbhinn sin go measfar gur riosca neamhchinntithe ESB a bhaineann leis na tíortha nó na réigiúin nach liostaítear i gCodanna A nó B. |
(4) |
Faoi láthair is laistigh de Chuid B den Iarscríbhinn a ghabhann le Cinneadh 2007/453/CE a thagann an Fhrainc, faoi thíortha nó réigiúin lena mbaineann riosca rialaithe ESB. |
(5) |
An 24 Bealtaine 2022, ghlac Comhthionól Domhanda Thoscaireachtaí OIE Rún Uimh. 15, dar teideal ‘Recognition of the Bovine Spongiform Encephalopathy Risk Status of Members’ [Aitheantas do Stádas Riosca na mBall maidir le hEinceifileapaite Spúinseach Bhólachta] (3), i bhfianaise a theacht i bhfeidhm an 27 Bealtaine 2022. Sa Rún sin, is éard a glacadh leis gur riosca diomaibhseach ESB atá sa Fhrainc, i gcomhréir le Cód um Shláinte na nAinmhithe Talún OIE. Tar éis athmheasúnú an scéil ar leibhéal an Aontais, agus i ngeall ar Rún Uimh. 15 ó OIE, mheas an Coimisiún gur cheart stádas ESB OIE nua na Fraince a léiriú san Iarscríbhinn a ghabhann le Cinneadh 2007/453/CE. |
(6) |
Dá bhrí sin, ba cheart liosta na dtíortha nó na réigiún san Iarscríbhinn a ghabhann le Cinneadh 2007/453/CE a leasú ionas gur i gCuid A den Iarscríbhinn sin a liostófar an Fhrainc, is é sin faoi thíortha nó réigiúin a mbaineann riosca diomaibhseach ESB leo. |
(7) |
Dá bhrí sin, ba cheart an Iarscríbhinn a ghabhann le Cinneadh 2007/453/CE a leasú dá réir. |
(8) |
Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Cuirtear an téacs a leagtar amach san Iarscríbhinn a ghabhann leis an gCinneadh seo in ionad na hIarscríbhinne a ghabhann le Cinneadh 2007/453/CE.
Airteagal 2
Is chuig na Ballstáit a dhírítear an Cinneadh seo.
Arna dhéanamh sa Bhruiséil, 4 Lúnasa 2022.
Thar ceann an Choimisiúin
Stella KYRIAKIDES
Comhalta den Choimisiún
(1) IO L 147, 31.5.2001, lch. 1.
(2) Cinneadh 2007/453/CE ón gCoimisiún an 29 Meitheamh 2007 lena mbunaítear stádas ESB na mBallstát agus tríú tíortha nó réigiún díobh de réir an riosca ESB a bhaineann leo (IO L 172, 30.6.2007, lch. 84).
(3) https://www.woah.org/app/uploads/2022/05/a-r15-2022-bse-final-1.pdf
IARSCRÍBHINN
Cuirtear an méid seo a leanas in ionad na hIarscríbhinne a ghabhann le Cinneadh 2007/453/CE:
“IARSCRÍBHINN
LIOSTA DE THÍORTHA NÓ DE RÉIGIÚIN
A. Tíortha nó réigiúin lena mbaineann riosca diomaibhseach ESB
Ballstáit
— |
An Bheilg |
— |
An Bhulgáir |
— |
An tSeicia |
— |
An Danmhairg |
— |
An Ghearmáin |
— |
An Eastóin |
— |
Éire |
— |
An Spáinn |
— |
An Fhrainc |
— |
An Chróit |
— |
An Iodáil |
— |
An Chipir |
— |
An Laitvia |
— |
An Liotuáin |
— |
Lucsamburg |
— |
An Ungáir |
— |
Málta |
— |
An Ísiltír |
— |
An Ostair |
— |
An Pholainn |
— |
An Phortaingéil |
— |
An Rómáin |
— |
An tSlóivéin |
— |
An tSlóvaic |
— |
An Fhionlainn |
— |
An tSualainn |
Réigiúin na mBallstát (*1)
— |
Tuaisceart Éireann |
Tíortha Chomhlachas Saorthrádála na hEorpa
— |
An Íoslainn |
— |
Lichtinstéin |
— |
An Iorua |
— |
An Eilvéis |
Tríú tíortha
— |
An Airgintín |
— |
An Astráil |
— |
An Bhrasaíl |
— |
Ceanada |
— |
An tSile |
— |
An Cholóim |
— |
Cósta Ríce |
— |
An India |
— |
Iosrael |
— |
An tSeapáin |
— |
Geirsí |
— |
An Namaib |
— |
An Nua-Shéalainn |
— |
Panama |
— |
Paragua |
— |
Peiriú |
— |
An tSeirbia (*2) |
— |
Singeapór |
— |
Na Stáit Aontaithe |
— |
Uragua |
B. Tíortha nó réigiúin lena mbaineann riosca rialaithe ESB
Ballstáit
— |
An Ghréig |
Tríú tíortha
— |
Meicsiceo |
— |
Nicearagua |
— |
An Chóiré Theas |
— |
An Téaváin |
— |
An Ríocht Aontaithe cé is moite de Thuaisceart Éireann |
C. Tíortha nó réigiún lena mbaineann riosca neamhchinnte ESB
— |
Tíortha nó réigiúin nach liostaítear i gCodanna A ná B. |
(*1) I gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach, agus go háirithe Airteagal 5(4) den Phrótacal maidir le hÉirinn/Tuaisceart Éireann i gcomhar le hIarscríbhinn 2 a ghabhann leis an bPrótacal sin, chun críocha na hIarscríbhinne seo, cuimsíonn tagairtí do na Ballstáit an Ríocht Aontaithe i leith Thuaisceart Éireann.
(*2) Faoi mar a thagraítear di in Airteagal 135 den Chomhaontú Cobhsaíochta agus Comhlachais idir na Comhphobail Eorpacha agus a mBallstáit de pháirt, agus Poblacht na Seirbia, den pháirt eile (IO L 278, 18.10.2013, lch. 16).”