EUR-Lex Access to European Union law
This document is an excerpt from the EUR-Lex website
Document 32021D0837
Council Decision (EU) 2021/837 of 6 May 2021 on the position to be taken by the European Union in the International Tropical Timber Council on the extension of the International Tropical Timber Agreement, 2006
Cinneadh (AE) 2021/837 ón gComhairle an 6 Bealtaine 2021 maidir leis an seasamh atá le glacadh ag an Aontas Eorpach sa Chomhairle Idirnáisiúnta um Adhmad Trópaiceach a mhéid a bhaineann le síneadh a chur leis an gComhaontú Idirnáisiúnta um Adhmad Trópaiceach, 2006
Cinneadh (AE) 2021/837 ón gComhairle an 6 Bealtaine 2021 maidir leis an seasamh atá le glacadh ag an Aontas Eorpach sa Chomhairle Idirnáisiúnta um Adhmad Trópaiceach a mhéid a bhaineann le síneadh a chur leis an gComhaontú Idirnáisiúnta um Adhmad Trópaiceach, 2006
ST/7261/2021/INIT
IO L 185, 26.5.2021, p. 23–24
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
26.5.2021 |
GA |
Iris Oifigiúil an Aontais Eorpaigh |
L 185/23 |
CINNEADH (AE) 2021/837 ÓN gCOMHAIRLE
an 6 Bealtaine 2021
maidir leis an seasamh atá le glacadh ag an Aontas Eorpach sa Chomhairle Idirnáisiúnta um Adhmad Trópaiceach a mhéid a bhaineann le síneadh a chur leis an gComhaontú Idirnáisiúnta um Adhmad Trópaiceach, 2006
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagail 192 agus 207 i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
An Comhaontú Idirnáisiúnta um Adhmad Trópaiceach, 2006 (ITTA 2006), thug an tAontas i gcrích é le Cinneadh 2011/731/AE ón gComhairle (1) agus tháinig sé i bhfeidhm an 7 Nollaig 2011. |
(2) |
De bhun Airteagal 6 ITTA 2006, is í an Chomhairle Idirnáisiúnta um Adhmad Trópaiceach (ITTC) an t-údarás is airde de chuid na hEagraíochta Idirnáisiúnta um Adhmad Trópaiceach (ITTO) agus is comhairle í atá comhdhéanta de chomhaltaí uile ITTO. |
(3) |
De bhun Airteagal 44(1) ITTA 2006, leanfaidh an Comhaontú sin d’fheidhm a bheith aige ar feadh tréimhse 10 mbliana tar éis an dáta a thiocfaidh sé i bhfeidhm, go dtí an 6 Nollaig 2021, mura gcinneann ITTC, trí bhíthin vóta speisialta i gcomhréir le hAirteagal 12 de, ar shíneadh a chur leis, ar é a chaibidliú an athuair nó ar é a fhoirceannadh. De bhun Airteagal 44(2) ITTA 2006, féadfaidh ITTC a chinneadh ar shíneadh a chur leis ar feadh dhá thréimhse, eadhon, tréimhse thosaigh 5 bliana agus tréimhse bhreise 3 bliana. |
(4) |
Déanfaidh ITTC cinneadh maidir le síneadh a chur le ITTA 2006 ag an 57ú Seisiún dá chuid a bheidh ar siúl i mí na Samhna 2021 nó idir na seisiúin gan teacht le chéile ag seisiún. |
(5) |
Is chun leas an Aontais é síneadh a chur le ITTA 2006 ar feadh tréimhse thosaigh 5 bliana, ós rud é gur sna céimeanna tosaigh de théarnamh airgeadais atá ITTO fós agus go bhfuil athchóiriú á dhéanamh aige ar a ollstruchtúr airgeadais. |
(6) |
Is iomchuí an seasamh atá le glacadh thar ceann an Aontais in ITTC a bhunú maidir le síneadh a chur le ITTA 2006, |
TAR ÉIS AN CINNEADH SEO A GHLACADH:
Airteagal 1
Is é an seasamh atá le glacadh thar ceann an Aontais sa Chomhairle Idirnáisiúnta um Adhmad Trópaiceach, toiliú do shíneadh a chur leis an gComhaontú Idirnáisiúnta um Adhmad Trópaiceach 2006 ar feadh tréimhse thosaigh 5 bliana, nó vótáil i bhfabhar an tsínidh sin.
Airteagal 2
Tiocfaidh an Cinneadh seo i bhfeidhm an lá a nglacfar é.
Arna dhéanamh sa Bhruiséil, 6 Bealtaine 2021.
Thar ceann na Comhairle
An tUachtarán
J. BORRELL FONTELLES
(1) Cinneadh 2011/731/AE ón gComhairle an 8 Samhain 2011 maidir le tabhairt i gcrích, thar ceann an Aontais, an Chomhaontaithe Idirnáisiúnta um Adhmad Trópaiceach, 2006 (IO L 294, 12.11.2011, lch. 1)