Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021D0014

Cinneadh (CBES) 2021/14 ón gComhairle an 7 Eanáir 2021 lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali)

IO L 5, 8.1.2021, pp. 16–17 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2021/14/oj

Date of document:
07/01/2021; Dáta ar glacadh
Date of effect:
07/01/2021; Teacht i bhfeidhm Dáta an doiciméid Féach Airt. 2
Date of effect:
15/01/2021; Cur i bhfeidhm Féach Airt. 2
Date of end of validity:
31/01/2027; Nasctha le 32014D0219
Author:
Comhairle an Aontais Eorpaigh
Form:
Cinneadh
Treaty:
An Conradh ar an Aontas Eorpach
Legal basis:
Link
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Extended validity 32014D0219 15/01/2021 31/01/2023
Modifies 32014D0219 Cur le airteagal 14 mír 1 mír neamhuimhrithe 1 15/01/2021
Modifies 32014D0219 Athchur airteagal 14a mír 3 15/01/2021
Modifies 32014D0219 Athchur airteagal 18 abairt 2 15/01/2021
Modifies 32014D0219 Athchur airteagal 2 mír 2 15/01/2021
Instruments cited:
Link

8.1.2021   

GA

Iris Oifigiúil an Aontais Eorpaigh

L 5/16

CINNEADH (CBES) 2021/14 ÓN gCOMHAIRLE

an 7 Eanáir 2021

lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali)

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, agus go háirithe Airteagail 42(4) agus 43(2) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 15 Aibreán 2014, ghlac an Chomhairle Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali) (1).

(2)

An 21 Feabhra 2019, ghlac an Chomhairle Cinneadh (CBES) 2019/312 (2), lenar cuireadh síneadh le EUCAP Sahel Mali go dtí an 14 Eanáir 2021.

(3)

An 13 Bealtaine 2019, ghlac an Chomhairle Cinneadh (CBES) 2019/762 (3), lena ndearnadh coigeartú ar shainordú EUCAP Sahel Mali chun rannchuidiú le gníomhaíocht CBSC sa tSaiheil a réigiúnú agus lenar bunaíodh Aonad Réigiúnach um Chomhairle agus Comhordú (RACC).

(4)

An 14 Bealtaine 2020, ghlac an Chomhairle Cinneadh (CBES) 2020/652 (4), lenar méadaíodh méid tagartha airgeadais EUCAP Sahel Mali don tréimhse go dtí an 14 Eanáir 2021.

(5)

An 13 Deireadh Fómhair agus an 5 Samhain 2020, faoi seach, i gcomhthéacs an Athbhreithnithe Straitéisigh ar EUCAP Sahel Mali, mhol an Coiste Polaitiúil agus Slándála go gcuirfí síneadh le EUCAP Sahel Mali go dtí an 31 Eanáir 2023 agus go ndéanfaí a shainordú a choigeartú.

(6)

Ba cheart Cinneadh 2014/219/CBES a leasú dá réir.

(7)

Cuirfear EUCAP Sahel Mali i gcrích i gcomhthéacs staid a d’fhéadfadh dul i ndonas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh ar an Aontas Eorpach,

TAR ÉIS AN CINNEADH SEO A GHLACADH:

Airteagal 1

Leasaítear Cinneadh 2014/219/CBES mar a leanas:

(1)

In Airteagal 2, cuirtear an méid seo a leanas in ionad mhír 2:

“2.   Chun tacú le dinaimic Mhailí maidir le húdarás Stáit a athbhunú, chomh maith le cur chun feidhme an Chomhaontaithe ar son na Síochána agus an Athmhuintearais i Mailí, a síníodh an 15 Bealtaine agus an 20 Meitheamh 2015 agus i ndlúthchomhar le gníomhaithe idirnáisiúnta eile, go háirithe Misean Ilghnéitheach Comhtháite Cobhsúcháin na Náisiún Aontaithe i Mailí (MINUSMA), tabharfaidh EUCAP Sahel Mali cúnamh agus comhairle do CSI maidir le cur chun feidhme athchóiriú na hearnála slándála faoi stiúir Rialtas Mhailí, agus é mar aidhm leo an méid seo a leanas a dhéanamh:

(a)

éifeachtúlacht oibríochtúil ISF a fheabhsú;

(b)

slabhraí ordlathais ISF faoi seach a athbhunú trí bhainistiú níos comhleanúnaí ar acmhainní;

(c)

ról na n-údarás breithiúnach agus riaracháin a threisiú a mhéid a bhaineann le bainistiú agus maoirseacht a gcuid misean, rud a chuideoidh le héilliú agus le saoirse ó phionós a chosc;

(d)

ath-imlonnú CSI chuig lár Mhailí a éascú; agus

(e)

tacaíocht a thabhairt, de réir a chéile, i bpróiseas modúlach, d’ath-imlonnú údaráis riaracháin shibhialta Mhailí chuig lár Mhailí, bunaithe ar phrionsabail an dea-rialachais.”;

(2)

in Airteagal 14(1), cuirtear an fhomhír seo a leanas leis:

“Is é EUR 89 100 000 a bheidh sa mhéid tagartha airgeadais atá ceaptha an caiteachas a bhaineann le EUCAP Sahel Mali a chumhdach idir an 15 Eanáir 2021 agus an 31 Eanáir 2023.”;

(3)

In Airteagal 14a, cuirtear an méid seo a leanas in ionad mhír 3:

“3.   Is iad seo a leanas na cuspóirí a bheidh ag RACC, i ndlúthchomhar le Misin CBSC atá ann cheana sa tSaiheil:

(a)

feabhas a chur ar an gcomhar agus an comhordú idir struchtúir G5 na Saiheile agus tíortha G5 na Saiheile d’fhonn feabhas a chur ar an gcomhar réigiúnach agus ar na cumais oibríochtúla i réimse na cosanta agus na slándála, i gcomhlíonadh an dlí idirnáisiúnta, chearta an duine agus Chur Chuige Straitéiseach an Aontais maidir le Mná, an tSíocháin agus an tSlándáil a leag an Chomhairle amach ina conclúidí an 10 Nollaig 2018;

(b)

d’fhonn acmhainneachtaí náisiúnta thíortha G5 na Saiheile a threisiú, réigiúnú gníomhaíocht CBSC a ullmhú agus tacaíocht a thabhairt di;

(c)

mar thaca le Toscaireachtaí an Aontais i dtíortha G5 na Saiheile agus le rúnaíocht na Comhpháirtíochta le haghaidh Cobhsaíochta agus Slándála sa tSaiheil (P3S), eagrú an bhailithe agus na comhroinnte faisnéise le comhpháirtithe uile G5 na Saiheile a éascú agus tacú leis an mbailiú agus leis an gcomhroinnt sin.”;

(4)

in Airteagal 18, cuirtear an méid seo a leanas in ionad an dara habairt:

“Beidh feidhm aige go dtí an 31 Eanáir 2023.”.

Airteagal 2

Tiocfaidh an Cinneadh seo i bhfeidhm ar dháta a ghlactha.

Beidh feidhm aige ón 15 Eanáir 2021.

Arna dhéanamh sa Bhruiséil, 7 Eanáir 2021.

Thar ceann na Comhairle

An tUachtarán

A.P. ZACARIAS

(1)   IO L 113, 16.4.2014, lch. 21.

(2)  Cinneadh (CBES) 2019/312 ón gComhairle ar an 21 Feabhra 2019 lena leasaítear Cinneadh 2014/219/CBES maidir le misean CBSC an Aontais Eorpaigh i Mailí (EUCAP Sahel Mali) agus lena gcuirtear síneadh leis (IO L 51, 22.2.2019, lch. 29).

(3)  Cinneadh (CBES) 2019/762 ón gComhairle an 13 Bealtaine 2019 lena leasaítear Cinneadh 2014/219/CBES maidir le misean CBSC an Aontais Eorpaigh i Mailí (IO L 125, 14.5.2019, lch. 18).

(4)  Cinneadh (CBES) 2020/652 ón gComhairle an 14 Bealtaine 2020 lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali) (IO L 153, 15.5.2020, lch. 5).

Top