21.5.2009   

GA

Iris Oifigiúil an Aontais Eorpaigh

L NaN/11

(1)

Foráiltear le Rialachán (CE) Uimh. 2223/96 ón gComhairle (2) go nglacfar bearta áirithe i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (3).

(2)

Leasaíodh Cinneadh 1999/468/CE le Cinneadh 2006/512/CE ón gComhairle (4), lenar tugadh isteach an nós imeachta rialúcháin lena ngabhann grinnscrúdú chun bearta a bhfuil raon feidhme ginearálta acu a ghlacadh, ar bearta iad atá ceaptha chun eilimintí neamhriachtanacha d’ionstraim bhunaidh, arna glacadh i gcomhréir leis an nós imeachta dá dtagraítear in Airteagal 251 den Chonradh, a leasú, inter alia trí roinnt de na heilimintí sin a scriosadh nó tríd an ionstraim a fhorlíonadh le heilimintí nua neamhriachtanacha.

(3)

I gcomhréir leis an ráiteas ó Pharlaimint na hEorpa, ón gComhairle agus ón gCoimisiún (5) maidir le Cinneadh 2006/512/CE, chun go mbeidh an nós imeachta rialúcháin lena ngabhann grinnscrúdú infheidhme maidir le hionstraimí atá i bhfeidhm cheana agus a glacadh i gcomhréir leis an nós imeachta dá dtagraítear in Airteagal 251 den Chonradh, caithfear na hionstraimí sin a choigeartú i gcomhréir leis na nósanna imeachta is infheidhme.

(4)

Maidir le Rialachán (CE) Uimh. 2223/96, ba cheart go dtabharfaí de chumhacht don Choimisiún leasuithe a ghlacadh ar mhodheolaíocht Chóras Eorpach na gCuntas 1995 agus chun cinntí a dhéanamh maidir leis na hathruithe ar na sonraí a iarrtar ar na Ballstáit. Ós rud é go bhfuil raon feidhme ginearálta ag na bearta sin agus go bhfuil siad ceaptha chun eilimintí neamhriachtanacha de Rialachán (CE) Uimh. 2223/96 a leasú, inter alia trína fhorlíonadh le heilimintí nua neamhriachtanacha, caithfear iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(5)

Ba cheart, mar sin, Rialachán (CE) Uimh. 2223/96 a leasú dá réir sin,

(1)

In Airteagal 2, cuirtear an méid seo a leanas in ionad mhír 2:

‘2.   Glacfaidh an Coimisiún leasuithe ar mhodheolaíocht ESA 95, ar leasuithe iad atá ceaptha chun a hinneachar a shoiléiriú agus a fheabhsú, ar choinníoll nach n-athraíonn siad a coincheapanna bunúsacha, nach n-éilítear acmhainní breise chun iad a chur chun feidhme agus nach gcuireann siad faoi deara méadú ar a hacmhainní dílse. Maidir leis na bearta sin, atá ceaptha chun eilimintí neamhriachtanacha den Rialachán seo a leasú, inter alia trína fhorlíonadh, glacfar iad i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 4(2)’;

(2)

Cuirtear an méid seo a leanas in ionad an dara fomhír d’Airteagal 3(2):

‘Laistigh de na teorainneacha arna socrú in Airteagal 2(2), glacfaidh an Coimisiún aon athruithe — táblaí nua, tíortha nua agus/nó réigiúin nua lena mbaineann — sna sonraí a iarrtar ar na Ballstáit. Maidir leis na bearta sin, atá ceaptha chun eilimintí neamhriachtanacha den Rialachán seo a leasú, inter alia trína fhorlíonadh, glacfar iad i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 4(2)’;

(3)

Cuirtear an méid seo a leanas in ionad Airteagal 4:

‘Airteagal 4

1.   Tabharfaidh an Coiste um an gClár Staidrimh (dá ngairtear “an Coiste” anseo feasta) cúnamh don Choimisiún.

2.   I gcás ina ndéantar tagairt don mhír seo, beidh feidhm ag Airteagal 5a(1) go (4), agus ag Airteagal 7 de Chinneadh 1999/468/CE, ag féachaint d’fhorálacha Airteagal 8 de’.