1.   Dan ir-Regolament japplika għas-sistemi ċentrali li ġejjin żviluppati jew aġġornati permezz tal-proġetti li ġejjin imsemmija fl-Anness tad-Deċiżjoni ta’ Implimentazzjoni (UE) 2023/2879:

(a)	is-Sistema tad-Deċiżjonijiet Doganali (CDS), żviluppata permezz tal-proġett tad-Deċiżjonijiet Doganali tal-Kodiċi Doganali tal-Unjoni (il-“Kodiċi” jew il-“KDU”);

(b)	is-sistema tal-Ġestjoni Uniformi tal-Utenti u tal-Firma Diġitali (UUM&DS), żviluppata permezz tal-proġett tal-aċċess dirett min-negozjanti għas-Sistemi tal-Informazzjoni Ewropej (Ġestjoni Uniformi tal-Utenti u Firma Diġitali);

(c)	is-sistema tal-Informazzjoni Vinkolanti Ewropea dwar it-Tariffi (EBTI), aġġornata permezz tal-proġett tal-Informazzjoni Vinkolanti dwar it-Tariffi (BTI) tal-KDU;

(d)	is-sistema tar-Reġistrazzjoni u tal-Identifikazzjoni tal-Operaturi Ekonomiċi (EORI), aġġornata permezz tal-proġett ta’ aġġornament tas-sistema tar-Reġistrazzjoni u tal-Identifikazzjoni tal-Operaturi Ekonomiċi (EORI 2) tal-KDU;

(e)	is-sistema tal-Operatur Ekonomiku Awtorizzat (AEO), aġġornata f’konformità mar-rekwiżiti tal-Kodiċi permezz tal-proġett ta’ aġġornament tal-AEO;

(f)	is-Sistema ta’ Kontroll tal-Importazzjoni 2 (ICS2), żviluppata permezz tal-proġett ICS2;

(g)	is-sistema tal-Iskedi ta’ Informazzjoni (INF) għall-Proċeduri Speċjali (INF SP), żviluppata permezz tal-proġett tal-Iskedi ta’ Informazzjoni tal-KDU (INF) għall-Proċeduri Speċjali;

(h)	is-sistema tal-Esportaturi Rreġistrati (REX), żviluppata permezz tal-proġett tar-REX tal-KDU;

(i)	is-sistema tal-Prova tal-Istatus tal-Unjoni (PoUS), żviluppata permezz tal-proġett tal-PoUS tal-KDU;

(j)	is-sistema ta’ Sorveljanza, aġġornata permezz tal-proġett ta’ Sorveljanza 3 tal-KDU.

2.   Dan ir-Regolament japplika għas-sistemi deċentralizzati li ġejjin kif żviluppati jew aġġornati permezz tal-proġetti li ġejjin imsemmija fl-Anness tad-Deċiżjoni ta’ Implimentazzjoni (UE) 2023/2879:

(a)	is-Sistema Awtomatizzata tal-Esportazzjoni (AES), żviluppata f’konformità mar-rekwiżiti tal-Kodiċi permezz tal-proġett AES;

(b)	is-Sistema Ġdida ta’ Tranżitu Kompjuterizzata (NCTS), aġġornata f’konformità mar-rekwiżiti tal-Kodiċi permezz tal-proġett ta’ aġġornament tal-NCTS;

(c)	is-sistema tal-Iżdoganar Ċentralizzat għall-Importazzjoni (CCI), żviluppata permezz tal-proġett tas-CCI tal-KDU;

(d)	is-sistema tal-Ġestjoni tal-Garanziji (GUM), żviluppata permezz tal-proġett GUM tal-KDU.

3.   Dan ir-Regolament japplika wkoll għas-sistemi ċentrali li ġejjin:

(a)	il-Portal Doganali tal-Unjoni Ewropea għan-Negozjanti (EUCTP);

(b)	is-sistema ta’ ġestjoni tar-riskju doganali (CRMS) imsemmija fl-Artikolu 36 tar-Regolament ta’ Implimentazzjoni (UE) 2015/2447.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet ta’ aċċess għall-EUCTP għandhom isiru bl-użu tas-sistema tal-UUM&DS.

Sabiex ir-rappreżentanti doganali jkunu awtentikati u jkunu jistgħu jaċċessaw l-EUCTP, l-għoti tas-setgħa lilhom biex jaġixxu f’dik il-kapaċità għandu jkun irreġistrat fis-sistema tal-UUM&DS jew f’sistema tal-ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament. L-għoti tas-setgħa ma għandux jiġi rreġistrat għall-fini ta’ aċċess għall-interfaċċa kondiviża tan-negozjanti għall-ICS2 kif imsemmi fl-Artikolu 45 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-EUCTP għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-EUCTP għandhom isiru billi tintuża s-sistema tal-UUM&DS jew is-servizzi tan-network ipprovduti mill-Kummissjoni.

1.   L-EUCTP għandu jipprovdi aċċess għall-portali speċifiċi għan-negozjanti tas-sistemi trans-Ewropej EBTI AEO, INF, REX u PoUS imsemmija fl-Artikoli 24, 38, 68, 83 u 96 ta’ dan ir-Regolament, rispettivament, kif ukoll għall-interfaċċa kondiviża tan-negozjanti għall-ICS2 imsemmija fl-Artikolu 45 ta’ dan ir-Regolament.

2.   L-EUCTP għandu jintuża għall-iskambju ta’ informazzjoni bejn l-awtoritajiet doganali tal-Istati Membri u l-operaturi ekonomiċi u persuni oħra, dwar it-talbiet, l-applikazzjonijiet, l-awtorizzazzjonijiet u d-deċiżjonijiet relatati mal-EBTI, l-AEO, l-INF, is-sistema tar-REX u l-PoUS.

3.   L-EUCTP jista’ jintuża għall-iskambju ta’ informazzjoni bejn l-awtoritajiet doganali tal-Istati Membri u l-operaturi ekonomiċi u persuni oħra, dwar dikjarazzjonijiet fil-qosor tad-dħul u meta applikabbli, dwar l-emendi, ir-referenzi maħruġa u l-invalidazzjoni tagħhom relatati mal-ICS2.

1.   Is-Sistema ta’ Deċiżjonijiet Doganali (“CDS”) għandha tippermetti l-komunikazzjoni bejn il-Kummissjoni, l-awtoritajiet doganali tal-Istati Membri, l-operaturi ekonomiċi u persuni oħra biex jissottomettu u jipproċessaw l-applikazzjonijiet u d-deċiżjonijiet imsemmija fl-Artikolu 8(1) ta’ dan ir-Regolament, kif ukoll biex jiġġestixxu deċiżjonijiet relatati mal-awtorizzazzjonijiet, jiġifieri, emendi, revoki, annullamenti u sospensjonijiet.

2.   Is-CDS għandha tikkonsisti mill-komponenti komuni li ġejjin:

(a)	portal tal-UE għan-negozjanti;

(b)	sistema ċentrali ta’ ġestjoni tad-deċiżjonijiet doganali (CDMS, customs decisions management system, “CDMS ċentrali”);

(c)	servizzi ta’ referenza għall-klijenti (CRS, customer reference services).

3.   L-Istati Membri jistgħu joħolqu l-komponenti nazzjonali li ġejjin:

(a)	portal nazzjonali għan-negozjanti;

(b)	sistema nazzjonali ta’ ġestjoni tad-deċiżjonijiet doganali (“CDMS nazzjonali”).

1.   Is-CDS għandha tintuża għas-sottomissjoni u l-ipproċessar tal-applikazzjonijiet għall-awtorizzazzjonijiet li ġejjin, kif ukoll għall-ġestjoni tad-deċiżjonijiet relatati ma’ dawk l-applikazzjonijiet jew l-awtorizzazzjonijiet:

(a)	l-awtorizzazzjoni għas-simplifikazzjoni tad-determinazzjoni tal-ammonti li jkunu parti mill-valur doganali tal-merkanzija, kif imsemmi fl-Artikolu 73 tal-Kodiċi;

(b)	l-awtorizzazzjoni għall-għoti ta’ garanzija komprensiva, inkluż xi tnaqqis jew eżenzjoni possibbli, kif imsemmi fl-Artikolu 95 tal-Kodiċi;

(c)	l-awtorizzazzjoni għal differiment tal-pagament tad-dazju pagabbli, sakemm il-permess ma jingħatax fir-rigward ta’ operazzjoni unika, kif imsemmi fl-Artikolu 110 tal-Kodiċi;

(d)	l-awtorizzazzjoni għat-tħaddim ta’ faċilitajiet ta’ ħżin temporanju, kif imsemmi fl-Artikolu 148 tal-Kodiċi;

(e)	l-awtorizzazzjoni biex jiġu stabbiliti servizzi regolari tat-tbaħħir, kif imsemmi fl-Artikolu 120 tar-Regolament Delegat (UE) 2015/2446;

(f)	l-awtorizzazzjoni għall-istatus ta’ utent awtorizzat, kif imsemmi fl-Artikolu 128 tar-Regolament Delegat (UE) 2015/2446;

(g)	l-awtorizzazzjoni għall-użu regolari ta’ dikjarazzjoni simplifikata, kif imsemmi fl-Artikolu 166(2) tal-Kodiċi;

(h)	l-awtorizzazzjoni għall-iżdoganar ċentralizzat, kif imsemmi fl-Artikolu 179 tal-Kodiċi;

(i)	l-awtorizzazzjoni biex tiġi ppreżentata dikjarazzjoni doganali permezz ta’ dħul ta’ data fir-rekords tad-dikjarant, inkluż għall-proċedura ta’ esportazzjoni, kif imsemmi fl-Artikolu 182 tal-Kodiċi;

(j)	l-awtorizzazzjoni għal awtovalutazzjoni, kif imsemmi fl-Artikolu 185 tal-Kodiċi;

(k)	l-awtorizzazzjoni għall-istatus ta’ piżatur awtorizzat tal-banana, kif imsemmi fl-Artikolu 155 tar-Regolament Delegat (UE) 2015/2446;

(l)	l-awtorizzazzjoni għall-użu tal-proċedura ta’ proċessar attiv, kif imsemmi fl-Artikolu 211(1), il-punt (a) tal-Kodiċi;

(m)	l-awtorizzazzjoni għall-użu tal-proċedura ta’ proċessar passiv, kif imsemmi fl-Artikolu 211(1), il-punt (a) tal-Kodiċi;

(n)	l-awtorizzazzjoni għall-użu tal-proċedura tal-użu finali, kif imsemmi fl-Artikolu 211(1), il-punt (a) tal-Kodiċi;

(o)	l-awtorizzazzjoni għall-użu tal-proċedura ta’ dħul temporanju, kif imsemmi fl-Artikolu 211(1), il-punt (a) tal-Kodiċi;

(p)	l-awtorizzazzjoni għat-tħaddim ta’ faċilitajiet ta’ ħżin għall-ħżin doganali tal-merkanzija, kif imsemmi fl-Artikolu 211(1), il-punt (b) tal-Kodiċi;

(q)	l-awtorizzazzjoni għall-istatus ta’ konsenjatarju awtorizzat għal operazzjoni TIR, kif imsemmi fl-Artikolu 230 tal-Kodiċi;

(r)	l-awtorizzazzjoni għall-istatus ta’ speditur awtorizzat għat-tranżitu fl-Unjoni, kif imsemmi fl-Artikolu 233(4), il-punt (a) tal-Kodiċi;

(s)	l-awtorizzazzjoni għall-istatus ta’ konsenjatarju awtorizzat għat-tranżitu fl-Unjoni, kif imsemmi fl-Artikolu 233(4), il-punt (b) tal-Kodiċi;

(t)	l-awtorizzazzjoni għall-użu ta’ siġilli ta’ tip speċjali, kif imsemmi fl-Artikolu 233(4), il-punt (c) tal-Kodiċi;

(u)	l-awtorizzazzjoni għall-użu ta’ dikjarazzjoni ta’ tranżitu b’rekwiżiti tad-data mnaqqsa, kif imsemmi fl-Artikolu 233(4), il-punt (d) tal-Kodiċi;

(v)	l-awtorizzazzjoni għall-użu ta’ dokument tat-trasport elettroniku bħala dikjarazzjoni doganali, kif imsemmi fl-Artikolu 233(4), il-punt (e) tal-Kodiċi.

2.   Il-komponenti komuni tas-CDS għandhom jintużaw fir-rigward tal-applikazzjonijiet u tal-awtorizzazzjonijiet imsemmija fil-paragrafu 1, kif ukoll fir-rigward tal-ġestjoni ta’ deċiżjonijiet relatati ma’ dawk l-applikazzjonijiet u awtorizzazzjonijiet, meta dawk l-awtorizzazzjonijiet jew dawk id-deċiżjonijiet jista’ jkollhom impatt f’aktar minn Stat Membru wieħed. L-awtorizzazzjonijiet jew id-deċiżjonijiet imsemmija fil-paragrafu 1, il-punt (f), ta’ dan ir-Regolament għandhom jinħażnu fis-CDMS ċentrali biex isiru disponibbli għas-sistema ċentrali tal-PoUS.

3.   Stat Membru jista’ jiddeċiedi li l-komponenti komuni tas-CDS jistgħu jintużaw fir-rigward tal-applikazzjonijiet u tal-awtorizzazzjonijiet imsemmija fil-paragrafu 1, kif ukoll fir-rigward tal-ġestjoni ta’ deċiżjonijiet relatati ma’ dawk l-applikazzjonijiet u l-awtorizzazzjonijiet, meta dawk l-awtorizzazzjonijiet jew id-deċiżjonijiet ikollhom impatt biss f’dak l-Istat Membru.

4.   Is-CDS ma għandhiex tintuża fir-rigward ta’ applikazzjonijiet, awtorizzazzjonijiet jew deċiżjonijiet għajr dawk elenkati fil-paragrafu 1.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet ta’ aċċess għall-komponenti komuni tas-CDS għandhom isiru bl-użu tas-sistema tal-UUM&DS.

Sabiex ir-rappreżentanti doganali jkunu awtentikati u jkunu jistgħu jaċċessaw il-komponenti komuni tas-CDS, l-għoti tas-setgħa lilhom biex jaġixxu f’dik il-kapaċità għandu jkun irreġistrat fis-sistema tal-UUM&DS jew f’sistema ta’ ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-CDS għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-CDS għandhom isiru bl-użu tas-sistema tal-UUM&DS jew bl-użu tas-servizzi tan-network ipprovduti mill-Kummissjoni.

1.   Il-portal tal-UE għan-negozjanti għandu jkun punt ta’ dħul fis-CDS għall-operaturi ekonomiċi u għal persuni oħra.

2.   Il-portal tal-UE għan-negozjanti għandu jinteropera mas-CDMS ċentrali, u mas-CDMS nazzjonali meta tinħoloq minn Stat Membru.

3.   Il-portal tal-UE għan-negozjanti għandu jintuża għall-applikazzjonijiet u għall-awtorizzazzjonijiet imsemmija fl-Artikolu 8(1) ta’ dan ir-Regolament, kif ukoll għall-ġestjoni ta’ deċiżjonijiet relatati ma’ dawk l-applikazzjonijiet u awtorizzazzjonijiet, meta dawk l-awtorizzazzjonijiet jew dawk id-deċiżjonijiet jista’ jkollhom impatt f’aktar minn Stat Membru wieħed.

4.   Stat Membru jista’ jiddeċiedi li l-portal tal-UE għan-negozjanti jista’ jintuża għall-applikazzjonijiet u għall-awtorizzazzjonijiet imsemmija fl-Artikolu 8(1) ta’ dan ir-Regolament, kif ukoll għall-ġestjoni tad-deċiżjonijiet relatati ma’ dawk l-applikazzjonijiet u l-awtorizzazzjonijiet, meta dawk l-awtorizzazzjonijiet jew dawk id-deċiżjonijiet ikollhom impatt biss f’dak l-Istat Membru.

Stat Membru li jiddeċiedi li juża l-portal tal-UE għan-negozjanti għal awtorizzazzjonijiet jew deċiżjonijiet li jkollhom impatt biss f’dak l-Istat Membru għandu jinforma lill-Kummissjoni b’dan.

1.   Is-CDMS ċentrali għandha tintuża mill-awtoritajiet doganali tal-Istati Membri biex jipproċessaw l-applikazzjonijiet u l-awtorizzazzjonijiet imsemmija fl-Artikolu 8(1) ta’ dan ir-Regolament, kif ukoll biex jiġġestixxu d-deċiżjonijiet relatati ma’ dawk l-applikazzjonijiet u l-awtorizzazzjonijiet, sabiex jivverifikaw jekk il-kundizzjonijiet għall-aċċettazzjoni ta’ applikazzjoni u għat-teħid ta’ deċiżjoni humiex issodisfati.

2.   Is-CDMS ċentrali għandha tinteropera mal-portal tal-UE għan-negozjanti, mas-servizzi ta’ referenza għall-klijenti msemmija fl-Artikolu 13 ta’ dan ir-Regolament, u mas-CDMS nazzjonali meta tinħoloq minn Stat Membru.

1.   Is-servizzi ta’ referenza għall-klijenti għandhom jintużaw għall-ħżin ċentrali ta’ data relatata mal-awtorizzazzjonijiet imsemmija fl-Artikolu 8(1) ta’ dan ir-Regolament, u għal deċiżjonijiet relatati ma’ dawk l-awtorizzazzjonijiet, u għandha tippermetti l-konsultazzjoni, ir-replikazzjoni u l-validazzjoni ta’ dawk l-awtorizzazzjonijiet minn sistemi elettroniċi oħra stabbiliti għall-finijiet tal-Artikolu 16 tal-Kodiċi.

2.   Is-servizzi ta’ referenza għall-klijenti għandhom jintużaw għall-ħżin ċentrali tad-data relatata mar-reġistrazzjonijiet mis-sistema tar-REX msemmija fl-Artikoli 81 u 88 ta’ dan ir-Regolament, u għandhom jippermettu l-konsultazzjoni, ir-replikazzjoni u l-validazzjoni ta’ dawk ir-reġistrazzjonijiet minn sistemi elettroniċi oħra stabbiliti għall-finijiet tal-Artikolu 16 tal-Kodiċi. Is-servizzi ta’ referenza għall-klijenti għandhom jintużaw minn Andorra, min-Norveġja, minn San Marino, mill-Iżvizzera u mit-Turkija biex jaħżnu d-data mill-operaturi ekonomiċi reġistrati nazzjonali tagħhom, u biex jikkonsultaw, jirreplikaw, u jivvalidaw id-data mis-sistema tar-REX għall-Istati Membri u mis-sistema tar-REX għall-pajjiżi terzi li magħhom l-Unjoni għandha arranġament kummerċjali preferenzjali, għall-finijiet tal-iskemi rispettivi tagħhom tas-Sistema Ġeneralizzata ta’ Preferenzi.

3.   Minbarra d-data mis-CDMS ċentrali, is-servizzi ta’ referenza għall-klijenti għandhom jintużaw biex jaħżnu data mis-sistemi tal-EORI, l-EBTI, l-AEO u l-GUM u għandhom jippermettu l-konsultazzjoni, ir-replikazzjoni u l-validazzjoni ta’ dik id-data minn sistemi elettroniċi oħra stabbiliti għall-finijiet tal-Artikolu 16 tal-Kodiċi.

4.   Is-servizzi ta’ referenza għall-klijenti jistgħu jintużaw mill-Kummissjoni u mill-awtoritajiet kompetenti sħab tal-Istati Membri biex jikkonsultaw, jirreplikaw u jivvalidaw id-data mis-sistema tal-EORI, għall-finijiet tal-Artikolu 16 tar-Regolament (UE) 2022/2399 tal-Parlament Ewropew u tal-Kunsill (13).

1.   Il-portal nazzjonali għan-negozjanti, meta jinħoloq minn Stat Membru, għandu jkun punt ta’ dħul addizzjonali għas-CDS għall-operaturi ekonomiċi u persuni oħra.

2.   Fir-rigward tal-applikazzjonijiet u tal-awtorizzazzjonijiet imsemmija fl-Artikolu 8(1) ta’ dan ir-Regolament, kif ukoll tal-ġestjoni ta’ deċiżjonijiet relatati ma’ dawk l-applikazzjonijiet u ma’ dawk l-awtorizzazzjonijiet meta dawk l-awtorizzazzjonijiet jew dawk id-deċiżjonijiet jista’ jkollhom impatt f’iżjed minn Stat Membru wieħed, l-operaturi ekonomiċi u persuni oħra jistgħu jagħżlu li jużaw il-portal nazzjonali għan-negozjanti, meta jinħoloq, jew il-portal tal-UE għan-negozjanti.

3.   Il-portal nazzjonali għan-negozjanti għandu jinteropera mas-CDMS nazzjonali, meta jinħoloq minn Stat Membru.

4.   Stat Membru li joħloq portal nazzjonali għan-negozjanti għandu jinforma lill-Kummissjoni b’dan.

1.   Meta tinħoloq minn Stat Membru, CDMS nazzjonali għandha tintuża mill-awtorità doganali tal-Istat Membru li jkun ħoloqha biex tipproċessa l-applikazzjonijiet u l-awtorizzazzjonijiet imsemmija fl-Artikolu 8(1) ta’ dan ir-Regolament, kif ukoll biex tiġġestixxi d-deċiżjonijiet relatati ma’ dawk l-applikazzjonijiet u l-awtorizzazzjonijiet, sabiex tivverifika jekk il-kundizzjonijiet għall-aċċettazzjoni ta’ applikazzjoni u għat-teħid ta’ deċiżjoni humiex issodisfati.

2.   Is-CDMS nazzjonali għandha tinteropera mas-CDMS ċentrali għall-konsultazzjoni bejn l-awtoritajiet doganali tal-Istati Membri kif imsemmi fl-Artikolu 12 ta’ dan ir-Regolament.

1.   Is-Sistema tal-Ġestjoni Uniformi tal-Utenti u tal-Firma Diġitali (“is-sistema tal-UUM&DS”) għandha tippermetti l-komunikazzjoni bejn il-Kummissjoni u s-sistemi ta’ ġestjoni tal-identità u tal-aċċess tal-Istati Membri msemmija fl-Artikolu 20 ta’ dan ir-Regolament bil-għan li jiġi pprovdut aċċess awtorizzat sikur għas-sistemi elettroniċi lill-persunal tal-Kummissjoni, lill-operaturi ekonomiċi u lil persuni oħra.

2.   Is-sistema tal-UUM&DS għandha tikkonsisti mill-komponenti komuni li ġejjin:

(a)	sistema ta’ ġestjoni tal-aċċess;

(b)	sistema ta’ ġestjoni tal-amministrazzjoni.

3.   Stat Membru għandu joħloq sistema ta’ ġestjoni tal-identità u tal-aċċess bħala komponent nazzjonali tas-sistema tal-UUM&DS.

1.   Is-Sistema Ewropea ta’ Informazzjoni Vinkolanti dwar it-Tariffi (“is-sistema tal-EBTI”) għandha, f’konformità mal-Artikoli 33 u 34 tal-Kodiċi, tippermetti dan li ġej:

(a)	il-komunikazzjoni bejn il-Kummissjoni, l-awtoritajiet doganali tal-Istati Membri, l-operaturi ekonomiċi u persuni oħra għall-finijiet tal-preżentazzjoni u l-ipproċessar tal-applikazzjonijiet għall-BTI u d-deċiżjonijiet tal-BTI;

(b)	il-ġestjoni ta’ kwalunkwe avveniment sussegwenti li jaf jaffettwa l-applikazzjoni jew id-deċiżjoni oriġinali;

(c)	il-monitoraġġ tal-użu obbligatorju tad-deċiżjonijiet tal-BTI;

(d)	il-monitoraġġ u l-ġestjoni tal-użu estiż tad-deċiżjonijiet tal-BTI;

(e)	il-monitoraġġ mill-Kummissjoni tad-deċiżjonijiet tal-BTI, inklużi l-proċessi għall-applikazzjoni għal, it-teħid u l-ġestjoni ta’ dawk id-deċiżjonijiet, biex tiġi żgurata l-applikazzjoni uniformi tal-leġiżlazzjoni doganali u ta’ liġi oħra tal-Unjoni.

2.   Is-sistema tal-EBTI għandha tikkonsisti mill-komponenti komuni li ġejjin:

(a)	Portal tal-UE speċifiku għan-Negozjanti għall-EBTI;

(b)	sistema ċentrali tal-EBTI;

(c)	il-kapaċità li jiġi mmonitorjat l-użu tad-deċiżjonijiet tal-BTI.

3.   L-Istati Membri jistgħu joħolqu, bħala komponent nazzjonali, sistema nazzjonali vinkolanti tal-informazzjoni dwar it-tariffi (“sistema tal-BTI nazzjonali”) flimkien ma’ portal nazzjonali għan-negozjanti.

1.   Is-sistema tal-EBTI għandha tintuża għas-sottomissjoni, l-ipproċessar, l-iskambju u l-ħżin ta’ informazzjoni relatata mal-applikazzjonijiet u mad-deċiżjonijiet relatati mal-BTI jew ma’ kwalunkwe avveniment sussegwenti li jista’ jaffettwa l-applikazzjoni jew id-deċiżjoni oriġinali kif imsemmi fl-Artikolu 21(1) tar-Regolament ta’ Implimentazzjoni (UE) 2015/2447.

2.   Is-sistema tal-EBTI għandha tintuża biex tappoġġa l-monitoraġġ mill-awtoritajiet doganali tal-Istati Membri tal-konformità mal-obbligi li jirriżultaw mill-BTI skont l-Artikolu 21(3) tar-Regolament ta’ Implimentazzjoni (UE) 2015/2447.

3.   Is-sistema tal-EBTI għandha tintuża mill-Kummissjoni biex tinforma lill-Istati Membri, skont l-Artikolu 22(2), it-tielet subparagrafu, tar-Regolament ta’ Implimentazzjoni (UE) 2015/2447, dwar il-fatt li l-kwantitajiet ta’ merkanzija li jistgħu jiġu żdoganati matul perjodu ta’ użu estiż ikunu ntlaħqu malli jkun seħħ dak il-fatt.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet tal-aċċess għall-komponenti komuni tas-sistema tal-EBTI għandhom isiru permezz tas-sistema tal-UUM&DS.

Sabiex ir-rappreżentanti doganali jkunu awtentikati u jkunu jistgħu jaċċessaw il-komponenti komuni tas-sistema tal-EBTI, is-setgħa tagħhom li jaġixxu f’dik il-kapaċità għandha tkun irreġistrata fis-sistema tal-UUM&DS jew f’sistema ta’ ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema tal-EBTI għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-sistema tal-EBTI għandhom isiru billi tintuża s-sistema tal-UUM&DS jew is-servizzi tan-network ipprovduti mill-Kummissjoni.

1.   Il-Portal tal-UE Speċifiku għan-Negozjanti għall-EBTI għandu jikkomunika mal-EUCTP, fejn il-EUCTP għandu jkun punt ta’ dħul għas-sistema tal-EBTI għall-operaturi ekonomiċi u persuni oħra.

2.   Il-Portal tal-UE Speċifiku għan-Negozjanti għall-EBTI għandu jinteropera mas-sistema ċentrali tal-EBTI, u għandu joffri ridirezzjoni lill-portali nazzjonali tan-negozjanti meta jkunu nħolqu sistemi nazzjonali tal-BTI mill-Istati Membri.

3.   Il-Portal tal-UE Speċifiku għan-Negozjanti għall-EBTI għandu jintuża biex tiġi sottomessa u skambjata l-informazzjoni relatata mal-applikazzjonijiet u d-deċiżjonijiet relatati mal-BTI jew ma’ kwalunkwe avveniment sussegwenti li jista’ jaffettwa l-applikazzjoni jew id-deċiżjoni oriġinali.

1.   Is-sistema ċentrali tal-EBTI għandha tintuża mill-awtoritajiet doganali tal-Istati Membri biex jipproċessaw, jiskambjaw u jaħżnu l-informazzjoni relatata mal-applikazzjonijiet u mad-deċiżjonijiet relatati mal-BTI jew ma’ kwalunkwe avveniment sussegwenti li jista’ jaffettwa l-applikazzjoni jew id-deċiżjoni oriġinali, biex jivverifikaw jekk il-kundizzjonijiet għall-aċċettazzjoni ta’ applikazzjoni u għat-teħid ta’ deċiżjoni humiex issodisfati.

2.   Is-sistema ċentrali tal-EBTI għandha tintuża mill-awtoritajiet doganali tal-Istati Membri biex jikkonsultaw, jipproċessaw, jiskambjaw u jaħżnu l-informazzjoni, kif imsemmi fl-Artikolu 16(4), l-Artikolu 17, l-Artikolu 21(2), il-punt (b), u l-Artikolu 21(5) tar-Regolament ta’ Implimentazzjoni (UE) 2015/2447.

3.   Is-sistema ċentrali tal-EBTI għandha tinteropera ma’:

(a)	il-Portal tal-UE Speċifiku għan-Negozjanti għall-EBTI;

(b)	is-sistemi nazzjonali tal-BTI, meta jinħolqu mill-Istati Membri.

1.   Meta Stat Membru jkun ħoloq sistema nazzjonali tal-BTI skont l-Artikolu 21(3) ta’ dan ir-Regolament, il-portal nazzjonali għan-negozjanti għandu jkun il-punt tad-dħul ewlieni għas-sistema nazzjonali tal-BTI għall-operaturi ekonomiċi u għal persuni oħra.

2.   L-operaturi ekonomiċi u persuni oħra għandhom jużaw il-portal nazzjonali għan-negozjanti, meta jinħoloq minn Stat Membru, fir-rigward tal-applikazzjonijiet u d-deċiżjonijiet relatati mal-BTI jew ma’ kwalunkwe avveniment sussegwenti li jista’ jaffettwa l-applikazzjoni jew id-deċiżjoni oriġinali.

3.   Il-portal nazzjonali għan-negozjanti għandu jinteropera mas-sistema nazzjonali tal-BTI, meta tinħoloq minn Stat Membru.

4.   Il-portal nazzjonali għan-negozjanti għandu jiffaċilita l-proċessi li huma ekwivalenti għal dawk iffaċilitati mill-Portal tal-UE Speċifiku għan-Negozjanti għall-EBTI.

5.   Stat Membru li joħloq portal nazzjonali għan-negozjanti għandu jinforma lill-Kummissjoni b’dan. Il-Kummissjoni għandha tiżgura li l-portal nazzjonali għan-negozjanti jkun aċċessibbli direttament mill-Portal tal-UE Speċifiku għan-Negozjanti għall-EBTI.

1.   Meta tinħoloq minn Stat Membru, sistema nazzjonali tal-BTI għandha tintuża mill-awtorità doganali tal-Istat Membru li jkun ħoloqha biex tipproċessa, tiskambja u taħżen l-informazzjoni relatata mal-applikazzjonijiet u mad-deċiżjonijiet relatati mal-BTI jew ma’ kwalunkwe avveniment sussegwenti li jista’ jaffettwa l-applikazzjoni jew id-deċiżjoni oriġinali, biex tivverifika jekk il-kundizzjonijiet għall-aċċettazzjoni ta’ applikazzjoni jew għat-teħid ta’ deċiżjoni humiex issodisfati.

2.   L-awtorità doganali ta’ Stat Membru għandha tuża s-sistema nazzjonali tagħha tal-BTI biex tikkonsulta, tipproċessa, tiskambja u taħżen l-informazzjoni kif imsemmi fl-Artikolu 16(4), l-Artikolu 17, l-Artikolu 21(2), il-punt (b), u l-Artikolu 21(5) tar-Regolament ta’ Implimentazzjoni (UE) 2015/2447, sakemm dik l-awtorità doganali ma tużax is-sistema ċentrali tal-EBTI għal dawk il-finijiet.

3.   Is-sistema nazzjonali tal-BTI għandha tinteropera ma’:

(a)	il-portal nazzjonali għan-negozjanti, meta jinħoloq minn Stat Membru;

(b)	is-sistema ċentrali tal-EBTI.

1.   Is-sistema tal-EORI għandha tintuża għall-finijiet li ġejjin:

(a)	biex tirċievi d-data għar-reġistrazzjoni tal-operaturi ekonomiċi u persuni oħra kif imsemmi fl-Anness 12-01 tar-Regolament Delegat (UE) 2015/2446 (“data tal-EORI”) ipprovduta mill-Istati Membri;

(b)	biex taħżen b’mod ċentrali d-data tal-EORI li tappartjeni għar-reġistrazzjoni u għall-identifikazzjoni tal-operaturi ekonomiċi u persuni oħra;

(c)	biex id-data tal-EORI ssir disponibbli għall-Istati Membri;

(d)	biex tiżgura l-applikazzjoni uniformi tal-kontrolli doganali u tal-leġiżlazzjoni doganali;

(e)	biex timminimizza ir-riskji.

2.   Is-sistema tal-EORI għandha tippermetti, lill-awtoritajiet doganali tal-Istati Membri, aċċess online għad-data tal-EORI maħżuna fil-livell tas-sistema ċentrali.

3.   Is-sistema tal-EORI għandha tinteropera mas-sistemi elettroniċi l-oħra kollha meta jintuża n-numru tal-EORI.

1.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet tal-aċċess għall-komponenti komuni tas-sistema tal-EORI għandhom isiru billi jintużaw is-servizzi tan-network ipprovduti mill-Kummissjoni.

2.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-sistema tal-EORI għandhom isiru billi tintuża s-sistema tal-UUM&DS jew is-servizzi tan-network ipprovduti mill-Kummissjoni.

1.   Is-sistema ċentrali tal-EORI għandha tintuża mill-awtoritajiet doganali tal-Istati Membri għall-finijiet tal-Artikolu 7 tar-Regolament ta’ Implimentazzjoni (UE) 2015/2447, kif ukoll mill-Kummissjoni biex id-data tal-EORI ssir disponibbli għall-finijiet tal-Artikoli 46, 47(2) u 50(1) tal-Kodiċi biex tiġi żgurata l-applikazzjoni uniformi tal-kontrolli doganali u tal-leġiżlazzjoni doganali u jiġu minimizzati r-riskji, inkluż permezz ta’ tekniki tal-estrazzjoni tad-data u l-iskambju ta’ informazzjoni dwar ir-riskju.

2.   Is-sistema tal-EORI tista’ tintuża wkoll mill-Kummissjoni u mill-awtoritajiet kompetenti sħab tal-Istati Membri għall-finijiet tal-Artikolu 16 tar-Regolament (UE) 2022/2399.

3.   Is-sistema ċentrali tal-EORI għandha tinteropera mas-sistemi nazzjonali tal-EORI, meta tinħoloq mill-Istati Membri.

1.   Meta tinħoloq minn Stat Membru, sistema nazzjonali tal-EORI għandha tintuża mill-awtorità doganali tal-Istat Membru li jkun ħoloqha għall-iskambju u l-ħżin tad-data tal-EORI.

2.   Meta tinħoloq minn Stat Membru, sistema nazzjonali tal-EORI għandha tinteropera mas-sistema ċentrali tal-EORI.

1.   Is-Sistema tal-Operatur Ekonomiku Awtorizzat (“is-sistema tal-AEO”) għandha tippermetti l-komunikazzjoni bejn il-Kummissjoni, l-awtoritajiet doganali tal-Istati Membri, l-operaturi ekonomiċi u persuni oħra biex:

(a)	jissottomettu u jipproċessaw l-applikazzjonijiet tal-AEO;

(b)	jagħtu awtorizzazzjonijiet tal-AEO;

(c)	jiġġestixxu kwalunkwe avveniment sussegwenti li jista’ jaffettwa d-deċiżjoni oriġinali kif imsemmi fl-Artikolu 30(1) tar-Regolament ta’ Implimentazzjoni (UE) 2015/2447.

2.   Is-sistema tal-AEO għandha tikkonsisti mill-komponenti komuni li ġejjin:

(a)	Portal tal-UE speċifiku għan-Negozjanti għall-AEO;

(b)	sistema ċentrali tal-AEO.

3.   L-Istati Membri jistgħu joħolqu l-komponenti nazzjonali li ġejjin:

(a)	portal nazzjonali għan-negozjanti;

(b)	sistema nazzjonali ta’ Operaturi Ekonomiċi Awtorizzati (“sistema tal-AEO nazzjonali”).

1.   Is-sistema tal-AEO għandha tintuża għas-sottomissjoni, l-iskambju, l-ipproċessar u l-ħżin ta’ informazzjoni li tikkonċerna l-applikazzjonijiet u d-deċiżjonijiet tal-AEO jew kwalunkwe avveniment sussegwenti li jista’ jaffettwa d-deċiżjoni oriġinali kif imsemmi fl-Artikolu 30(1) u l-Artikolu 31(1) u (4) tar-Regolament ta’ Implimentazzjoni (UE) 2015/2447.

2.   L-awtoritajiet doganali tal-Istati Membri għandhom jużaw is-sistema tal-AEO biex jikkonformaw mal-obbligi tagħhom skont l-Artikolu 31(1) u (4) tar-Regolament ta’ Implimentazzjoni (UE) 2015/2447 u biex iżommu rekord tal-konsultazzjonijiet ikkonċernati.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet tal-aċċess għall-komponenti komuni tas-sistema tal-AEO għandhom isiru permezz tas-sistema tal-UUM&DS.

Sabiex ir-rappreżentanti doganali jkunu awtentikati u jkunu jistgħu jaċċessaw il-komponenti komuni tas-sistema tal-AEO, l-għoti tas-setgħa lilhom biex jaġixxu f’dik il-kapaċità għandu jkun irreġistrat fis-sistema tal-UUM&DS jew f’sistema ta’ ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet tal-aċċess għall-komponenti komuni tas-sistema tal-AEO għandhom isiru billi jintużaw is-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-sistema tal-AEO għandhom isiru billi tintuża s-sistema tal-UUM&DS jew is-servizzi tan-network ipprovduti mill-Kummissjoni.

1.   Il-Portal tal-UE Speċifiku għan-Negozjanti għall-AEO għandu jikkomunika mal-EUCTP, fejn l-EUCTP għandu jkun punt ta’ dħul għas-sistema tal-AEO għall-operaturi ekonomiċi u persuni oħra.

2.   Il-Portal tal-UE Speċifiku għan-Negozjanti għall-AEO għandu jinteropera mas-sistema ċentrali tal-AEO, u għandu joffri ridirezzjoni lill-portal nazzjonali għan-negozjanti meta jinħoloq mill-Istat Membru.

3.   Il-Portal tal-UE Speċifiku għan-Negozjanti għall-AEO għandu jintuża sabiex tiġi sottomessa u skambjata l-informazzjoni relatata mal-applikazzjonijiet u d-deċiżjonijiet tal-AEO jew ma’ kwalunkwe avveniment sussegwenti li jista’ jaffettwa d-deċiżjoni oriġinali.

1.   Is-sistema ċentrali tal-AEO għandha tintuża mill-awtoritajiet doganali tal-Istati Membri biex jiskambjaw u jaħżnu l-informazzjoni li tikkonċerna l-applikazzjonijiet u d-deċiżjonijiet tal-AEO jew kwalunkwe avveniment sussegwenti li jista’ jaffettwa d-deċiżjoni oriġinali.

2.   L-awtoritajiet doganali tal-Istati Membri għandhom jużaw is-sistema ċentrali tal-AEO biex jiskambjaw u jaħżnu l-informazzjoni, u biex jikkonsultaw u jiġġestixxu d-deċiżjonijiet kif imsemmi fl-Artikoli 30 u 31 tar-Regolament ta’ Implimentazzjoni (UE) 2015/2447.

3.   Is-sistema ċentrali tal-AEO għandha tinteropera ma’;

(a)	il-portal għan-negozjanti tal-UE;

(b)	is-sistemi nazzjonali tal-AEO, meta jinħolqu mill-Istati Membri.

1.   Meta jinħoloq minn Stat Membru, il-portal nazzjonali għan-negozjanti għandu jippermetti l-iskambju ta’ informazzjoni relatata mal-applikazzjonijiet u d-deċiżjonijiet tal-AEO.

2.   L-operaturi ekonomiċi u persuni oħra għandhom jużaw il-portal nazzjonali għan-negozjanti, meta jkun inħoloq, biex jiskambjaw l-informazzjoni mal-awtoritajiet doganali tal-Istati Membri fir-rigward tal-applikazzjonijiet u tad-deċiżjonijiet tal-AEO.

3.   Il-portal nazzjonali għan-negozjanti għandu jinteropera mas-sistema nazzjonali tal-AEO, meta tinħoloq minn Stat Membru.

1.   Meta tinħoloq minn Stat Membru, sistema nazzjonali tal-AEO għandha tintuża mill-awtorità doganali tal-Istat Membru li jkun ħoloqha biex tiskambja u taħżen l-informazzjoni relatata mal-applikazzjonijiet u d-deċiżjonijiet tal-AEO jew ma’ kwalunkwe avveniment sussegwenti li jista’ jaffettwa d-deċiżjoni oriġinali.

2.   Is-sistema nazzjonali tal-AEO għandha tinteropera ma’;

(a)	il-portal nazzjonali għan-negozjanti, meta jinħoloq minn Stat Membru;

(b)	is-sistema ċentrali tal-AEO.

1.   Is-Sistema ta’ Kontroll tal-Importazzjoni 2 (“ICS2”) għandha tappoġġa l-komunikazzjoni bejn l-awtoritajiet doganali tal-Istati Membri u l-Kummissjoni, u bejn l-operaturi ekonomiċi u persuni oħra u l-awtoritajiet doganali tal-Istati Membri, għall-finijiet li ġejjin:

(a)	it-twettiq tar-rekwiżiti tad-dikjarazzjoni fil-qosor tad-dħul;

(b)	l-analiżi tar-riskju mill-awtoritajiet doganali tal-Istati Membri primarjament għal finijiet ta’ sigurtà u sikurezza u għal miżuri doganali bil-għan li jiġu mmitigati r-riskji rilevanti inkluż il-kontrolli doganali;

(c)	il-komunikazzjoni bejn l-awtoritajiet doganali tal-Istati Membri bil-għan li jiġu ssodisfati r-rekwiżiti tad-dikjarazzjoni fil-qosor tad-dħul;

(d)	l-iżgurar tal-applikazzjoni uniformi tal-leġiżlazzjoni doganali u l-minimizzazzjoni tar-riskji, permezz, fost l-oħrajn, tal-ipproċessar, it-tqabbil u l-analiżi tad-data mill-Istati Membri u mill-Kummissjoni, u l-arrikkiment u l-komunikazzjoni tad-data lill-Istati Membri.

2.   L-ICS2 għandha tikkonsisti mill-komponenti komuni li ġejjin:

(a)	interfaċċa kondiviża tan-negozjanti;

(b)	repożitorju komuni.

3.   Kull Stat Membru għandu joħloq is-sistema ta’ dħul nazzjonali tiegħu bħala komponent nazzjonali.

4.   Stat Membru jista’ joħloq interfaċċa nazzjonali għan-negozjanti bħala komponent nazzjonali.

1.   L-ICS2 għandha tintuża għall-iskopijiet li ġejjin:

(a)	għas-sottomissjoni, l-ipproċessar u l-ħżin tad-dettalji tad-dikjarazzjonijiet fil-qosor tad-dħul kif imsemmi fl-Artikolu 127 tal-Kodiċi, u t-talbiet għal emendi u invalidazzjonijiet imsemmija fl-Artikolu 129 tal-Kodiċi;

(b)	għar-riċeviment, l-ipproċessar u l-ħżin tad-dettalji tad-dikjarazzjonijiet fil-qosor tad-dħul estratti mid-dikjarazzjonijiet kif imsemmi fl-Artikolu 130 tal-Kodiċi;

(c)	għas-sottomissjoni, l-ipproċessar u l-ħżin tal-informazzjoni dwar notifiki tal-wasla ta’ bastiment li jbaħħar jew inġenju tal-ajru kif imsemmi fl-Artikolu 133 tal-Kodiċi;

(d)	għar-riċeviment, l-ipproċessar u l-ħżin tal-informazzjoni dwar il-preżentazzjoni ta’ merkanzija lid-dwana kif imsemmi fl-Artikolu 139 tal-Kodiċi;

(e)	għar-riċeviment, l-ipproċessar u l-ħżin tal-informazzjoni dwar talbiet u riżultati tal-analiżi tar-riskju, rakkomandazzjonijiet ta’ kontroll, deċiżjonijiet dwar kontrolli, u riżultati ta’ kontroll kif imsemmi fl-Artikolu 46(3) u (5) u l-Artikolu 47(2) tal-Kodiċi;

(f)

għar-riċeviment, l-ipproċessar, il-ħżin u l-komunikazzjoni tan-notifiki u l-informazzjoni lill-operaturi ekonomiċi jew persuni oħra kif imsemmi fl-Artikolu 186(2), il-punt (e) u l-Artikolu 186(3) sa (6) tar-Regolament ta’ Implimentazzjoni (UE) 2015/2447 u l-Artikolu 24(2) tar-Regolament Delegat (UE) 2015/2446;

(g)	għas-sottomissjoni, l-ipproċessar u l-ħżin tal-informazzjoni ulterjuri mitluba mill-awtoritajiet doganali tal-Istati Membri skont l-Artikolu 186(3) u (4) tar-Regolament ta’ Implimentazzjoni (UE) 2015/2447.

2.   L-ICS2 għandha tintuża biex tappoġġa l-monitoraġġ u l-evalwazzjoni mill-Kummissjoni u mill-Istati Membri tal-implimentazzjoni tal-kriterji u tal-istandards komuni tar-riskju għas-sikurezza u s-sigurtà u tal-miżuri ta’ kontroll u tal-oqsma prijoritarji ta’ kontroll imsemmija fl-Artikolu 46(3) tal-Kodiċi.

3.   Minbarra d-data msemmija fil-paragrafu 1, biex jingħata appoġġ lill-proċessi tal-ġestjoni tar-riskju, il-funzjonalità analitika tas-sikurezza u tas-sigurtà tal-ICS2 tista’ tintuża għall-ġbir, il-ħżin, l-ipproċessar u l-analiżi tal-informazzjoni li ġejja:

(a)	informazzjoni għajr l-informazzjoni msemmija fil-paragrafu 1 ta’ dan l-Artikolu;

(b)	informazzjoni dwar ir-riskju u riżultati tal-analiżi tar-riskju skambjati skont l-Artikolu 46(5) tal-Kodiċi;

(c)	data skambjata skont l-Artikolu 47(2) tal-Kodiċi għajr l-informazzjoni msemmija fil-paragrafu 1 ta’ dan l-Artikolu;

(d)	data miġbura mill-Istati Membri jew mill-Kummissjoni minn sorsi nazzjonali, tal-Unjoni jew internazzjonali skont l-Artikolu 46(4), it-tieni subparagrafu, tal-Kodiċi;

(e)

kwalunkwe data jew informazzjoni oħra magħmula disponibbli fis-sistemi elettroniċi tal-Kummissjoni għall-iskambju u l-ħżin tal-informazzjoni doganali msemmija fl-Artikolu 16 tal-Kodiċi u informazzjoni oħra dwar id-dħul, il-ħruġ, it-tranżitu, il-moviment, il-ħżin u l-użu aħħari ta’ merkanzija trasportata bejn it-territorju doganali tal-Unjoni u pajjiżi jew territorji barra dak it-territorju għall-fini tal-implimentazzjoni uniformi tal-kontrolli doganali u l-leġiżlazzjoni doganali.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet ta’ aċċess għall-komponenti komuni tal-ICS2 għandhom isiru bl-użu tas-sistema tal-UUM&DS.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tal-ICS2 għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tal-ICS2 għandhom isiru bl-użu tas-sistema tal-UUM&DS jew tas-servizzi tan-network ipprovduti mill-Kummissjoni.

1.   L-interfaċċa kondiviża tan-negozjanti għandha tkun punt ta’ dħul għall-ICS2 għall-operaturi ekonomiċi u għal persuni oħra għall-finijiet tal-Artikolu 182(1a) tar-Regolament ta’ Implimentazzjoni (UE) 2015/2447.

2.   L-interfaċċa kondiviża tan-negozjanti għandha tinteropera mar-repożitorju komuni tal-ICS2 imsemmi fl-Artikolu 46 ta’ dan ir-Regolament.

3.   L-interfaċċa kondiviża tan-negozjanti għandha tintuża:

(a)	għas-sottomissjoni, l-ipproċessar, u l-ħżin tad-dettalji tad-dikjarazzjonijiet fil-qosor tad-dħul u n-notifiki tal-wasla;

(b)	għas-sottomissjoni, l-ipproċessar, u l-ħżin tat-talbiet għal emendi u invalidazzjonijiet tad-dikjarazzjonijiet fil-qosor tad-dħul;

(c)	għall-iskambju ta’ informazzjoni bejn l-awtoritajiet doganali tal-Istati Membri u l-operaturi ekonomiċi u persuni oħra.

1.   Ir-repożitorju komuni tal-ICS2 għandu jintuża mill-Kummissjoni u mill-awtoritajiet doganali tal-Istati Membri biex jipproċessaw, jaħżnu u jiskambjaw:

(a)	id-dettalji tad-dikjarazzjonijiet fil-qosor tad-dħul;

(b)	it-talbiet għal emendi u invalidazzjonijiet tad-dikjarazzjonijiet fil-qosor tad-dħul;

(c)	in-notifiki tal-wasla;

(d)	l-informazzjoni dwar il-preżentazzjoni tal-merkanzija;

(e)	l-informazzjoni dwar it-talbiet u r-riżultati tal-analiżi tar-riskju;

(f)	ir-rakkomandazzjonijiet tal-kontroll;

(g)	id-deċiżjonijiet tal-kontroll;

(h)	ir-riżultati tal-kontroll u l-informazzjoni skambjata mal-operaturi ekonomiċi jew ma’ persuni oħra.

2.   Ir-repożitorju komuni tal-ICS2 għandu jintuża mill-Kummissjoni u mill-Istati Membri għall-istatistika u għall-evalwazzjoni, u għall-iskambju ta’ informazzjoni dwar id-dikjarazzjoni fil-qosor tad-dħul bejn l-Istati Membri u bejn il-Kummissjoni u l-Istati Membri.

3.   Ir-repożitorju komuni tal-ICS2 għandu jintuża mill-Kummissjoni u mill-Istati Membri:

(a)	biex jiġbru, jaħżnu, jipproċessaw u janalizzaw elementi addizzjonali ta’ informazzjoni flimkien mad-dikjarazzjonijiet fil-qosor tad-dħul;

(b)	biex jipprovdu appoġġ għall-proċessi ta’ ġestjoni tar-riskju msemmija fl-Artikolu 43(3) ta’ dan ir-Regolament permezz tal-funzjonalità analitika tas-sikurezza u s-sigurtà tal-ICS2.

4.   Ir-repożitorju komuni tal-ICS2 għandu jinteropera ma’:

(a)	l-interfaċċa kondiviża tan-negozjanti;

(b)	l-interfaċċi nazzjonali tan-negozjanti, meta jinħolqu mill-Istati Membri;

(c)	is-sistemi nazzjonali ta’ dħul.

1.   Meta tinħoloq mill-Istati Membri, l-interfaċċa nazzjonali tan-negozjanti għandha tkun punt ta’ dħul għall-ICS2 għall-operaturi ekonomiċi u għal persuni oħra f’konformità mal-Artikolu 182(1a) tar-Regolament ta’ Implimentazzjoni (UE) 2015/2447 meta s-sottomissjoni tkun indirizzata lill-Istat Membru li jopera l-interfaċċa nazzjonali tan-negozjanti.

2.   L-operaturi ekonomiċi u persuni oħra jistgħu jagħżlu li jużaw l-interfaċċa nazzjonali tan-negozjanti, meta tinħoloq, jew l-interfaċċa kondiviża tan-negozjanti, biex:

(a)	jissottomettu, jipproċessaw, u jaħżnu d-dettalji tad-dikjarazzjonijiet fil-qosor tad-dħul u n-notifiki tal-wasla;

(b)	jitolbu l-emendi u l-invalidazzjoni tad-dettalji tad-dikjarazzjonijiet fil-qosor tad-dħul;

(c)	jiskambjaw l-informazzjoni bejn l-awtoritajiet doganali u l-operaturi ekonomiċi u persuni oħra.

3.   Meta tinħoloq, l-interfaċċa nazzjonali tan-negozjanti għandha tinteropera mar-repożitorju komuni tal-ICS2.

4.   Stat Membru li joħloq interfaċċa nazzjonali tan-negozjanti għandu jinforma lill-Kummissjoni b’dan.

1.   Sistema nazzjonali ta’ dħul għandha tintuża mill-awtorità doganali tal-Istat Membru kkonċernat għall-finijiet li ġejjin:

(a)	biex tiskambja d-dettalji tad-dikjarazzjoni fil-qosor tad-dħul estratti mid-dikjarazzjonijiet imsemmija fl-Artikolu 130 tal-Kodiċi;

(b)	biex tiskambja l-informazzjoni u n-notifiki mar-repożitorju komuni tal-ICS2 għal informazzjoni dwar il-wasla ta’ bastiment tal-baħar jew inġenju tal-ajru kif imsemmi fl-Artikolu 133 tal-Kodiċi;

(c)	biex tiskambja l-informazzjoni dwar il-preżentazzjoni tal-merkanzija;

(d)	biex tipproċessa t-talbiet għall-analiżi tar-riskju;

(e)	biex tiskambja u tipproċessa l-informazzjoni rigward ir-riżultati tal-analiżi tar-riskju, ir-rakkomandazzjonijiet ta’ kontroll, id-deċiżjonijiet ta’ kontroll u r-riżultati tal-kontroll.

L-awtorità doganali tal-Istat Membru kkonċernat għandha tuża sistema nazzjonali ta’ dħul meta awtorità doganali ta’ Stat Membru tirċievi informazzjoni ulterjuri mingħand l-operaturi ekonomiċi u persuni oħra.

2.   Is-sistema ta’ dħul nazzjonali għandha tinteropera mar-repożitorju komuni tal-ICS2.

3.   Is-sistema nazzjonali ta’ dħul għandha tinteropera ma’ sistemi żviluppati fil-livell nazzjonali biex tiġi rkuprata l-informazzjoni msemmija fil-paragrafu 1.

1.   Is-Sistema Awtomatizzata tal-Esportazzjoni (“AES”) għandha tippermetti l-komunikazzjoni bejn l-awtoritajiet doganali tal-Istati Membri, u bejn l-awtoritajiet doganali tal-Istati Membri u l-operaturi ekonomiċi u persuni oħra biex jissottomettu u jipproċessaw id-dikjarazzjonijiet tal-esportazzjoni u r-riesportazzjoni meta l-merkanzija tinħareġ ’il barra mit-territorju doganali tal-Unjoni. L-AES tista’ tippermetti wkoll il-komunikazzjoni bejn l-awtoritajiet doganali tal-Istati Membri biex jittrażmettu d-dettalji tad-dikjarazzjonijiet fil-qosor tal-ħruġ fis-sitwazzjonijiet imsemmija fl-Artikolu 271(1), it-tieni subparagrafu, tal-Kodiċi.

2.   L-AES għandha tikkonsisti mill-komponenti komuni li ġejjin:

(a)	network ta’ komunikazzjoni komuni;

(b)	servizzi ċentrali.

3.   L-Istati Membri għandhom joħolqu l-komponenti nazzjonali li ġejjin:

(a)	portal nazzjonali għan-negozjanti;

(b)	sistema nazzjonali tal-esportazzjoni (“AES nazzjonali”);

(c)	interfaċċa komuni bejn l-AES u l-NCTS fil-livell nazzjonali;

(d)	interfaċċa komuni bejn l-AES u s-Sistema tal-Movimenti u tal-Kontrolli ta’ Prodotti Soġġetti għas-Sisa (EMCS) fil-livell nazzjonali.

1.   L-operaturi ekonomiċi u persuni oħra għandu jkollhom aċċess biss għall-AES nazzjonali permezz tal-portal nazzjonali għan-negozjanti. L-awtentikazzjoni u l-verifika tal-aċċess għandhom jiġu ddeterminati mill-Istati Membri.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet tal-aċċess għall-komponenti komuni tas-sistema tal-AES għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-sistema tal-AES għandhom isiru bl-użu tal-UUM&DS jew tas-servizzi tan-network ipprovduti mill-Kummissjoni.

1.   In-network komuni ta’ komunikazzjoni għandu jiżgura l-komunikazzjoni elettronika bejn l-AES nazzjonali tal-Istati Membri.

2.   L-awtoritajiet doganali tal-Istati Membri għandhom jużaw in-network komuni ta’ komunikazzjoni għall-iskambju ta’ informazzjoni kif imsemmi fl-Artikolu 51(1), il-punti (c) u (d) ta’ dan ir-Regolament.

1.   Il-portal nazzjonali tan-negozjanti għandu jippermetti l-iskambju ta’ informazzjoni bejn l-operaturi ekonomiċi jew persuni oħrajn, u l-AES nazzjonali tal-awtoritajiet doganali tal-Istati Membri.

2.   Il-portal nazzjonali għan-negozjanti għandu jinteropera mal-AES nazzjonali.

1.   L-AES nazzjonali għandha tinteropera mal-portal nazzjonali għan-negozjanti u għandha tintuża mill-awtorità doganali tal-Istat Membru biex tipproċessa d-dikjarazzjonijiet tal-esportazzjoni u tar-riesportazzjoni.

2.   L-AESs nazzjonali tal-Istati Membri għandhom jikkomunikaw ma’ xulxin b’mod elettroniku permezz tan-network komuni ta’ komunikazzjoni u għandhom jipproċessaw l-informazzjoni dwar l-esportazzjoni u l-ħruġ li jirċievu minn Stati Membri oħra.

3.   L-Istati Membri għandhom jipprovdu u jżommu fil-livell nazzjonali interfaċċa bejn l-AES nazzjonali tagħhom u l-EMCS għall-finijiet tal-Artikolu 280 tal-Kodiċi u l-Artikoli 21 u 25 tad-Direttiva tal-Kunsill (UE) 2020/262 (14).

4.   L-Istati Membri għandhom jipprovdu u jżommu fil-livell nazzjonali interfaċċa bejn l-AES u l-NCTS nazzjonali tagħhom għall-finijiet tal-Artikolu 280 tal-Kodiċi, u l-Artikolu 329(5) u (6), u l-Artikolu 333(2), il-punti (b) u (c), tar-Regolament ta’ Implimentazzjoni (UE) 2015/2447.

1.   Sal-14 ta’ Diċembru 2025, il-Kummissjoni għandha tipprovdi lill-Istati Membri komponenti komuni addizzjonali, regoli tranżizzjonali, u mekkaniżmi ta’ appoġġ biex jiġi stabbilit ambjent operazzjonali li fih l-Istati Membri li għadhom ma bdewx jużaw is-sistema tal-AES jistgħu jkomplu, fuq bażi temporanja, jinteroperaw mas-sistemi fl-Istati Membri li diġà varaw dik is-sistema.

2.   Il-Kummissjoni għandha toffri komponent komuni fil-forma ta’ konvertur ċentrali għall-iskambju ta’ messaġġi fuq in-network komuni ta’ komunikazzjoni. Stat Membru jista’ jiddeċiedi li jimplimenta l-konvertur fil-livell nazzjonali. Il-Kummissjoni għandha żżomm u topera l-konvertur ċentrali sal-14 ta’ Diċembru 2025.

3.   F’każ ta’ konnettività gradwali tal-operaturi ekonomiċi u persuni oħra, Stat Membru jista’ joffri konvertur nazzjonali għall-iskambju ta’ messaġġi bejn l-operatur ekonomiku u persuni oħra, u l-awtorità doganali ta’ dak l-Istat Membru.

4.   Il-Kummissjoni, f’kollaborazzjoni mal-Istati Membri, għandha tfassal ir-regoli li huma ta’ natura kummerċjali u teknika li għandhom jiġu applikati sal-14 ta’ Diċembru 2025, biex tippermetti l-immappjar u l-interoperabbiltà bejn ir-rekwiżiti għall-iskambju ta’ informazzjoni stabbiliti fir-Regolamenti Delegati tal-Kummissjoni (UE) 2016/341 (15), u (UE) 2015/2446, u fir-Regolament ta’ Implimentazzjoni (UE) 2015/2447.

1.   Is-Sistema Ġdida ta’ Tranżitu Kompjuterizzata (“NCTS”) għandha tippermetti l-komunikazzjoni bejn l-awtoritajiet doganali tal-Istati Membri, u bejn l-awtoritajiet doganali tal-Istati Membri u l-operaturi ekonomiċi u persuni oħra, għas-sottomissjoni u l-ipproċessar tad-dikjarazzjonijiet u n-notifiki doganali meta l-merkanzija titqiegħed taħt il-proċedura ta’ tranżitu.

2.   L-NCTS għandha tikkonsisti mill-komponenti komuni li ġejjin:

(a)	network ta’ komunikazzjoni komuni;

(b)	servizzi ċentrali.

3.   L-Istati Membri għandhom joħolqu l-komponenti nazzjonali li ġejjin:

(a)	portal nazzjonali għan-negozjanti;

(b)	sistema nazzjonali ta’ tranżitu kompjuterizzata (“NCTS nazzjonali”);

(c)	interfaċċa komuni bejn l-NCTS u l-AES fil-livell nazzjonali.

1.   L-operaturi ekonomiċi għandhom aċċess biss għas-sistema nazzjonali ta’ tranżitu permezz ta’ portal nazzjonali għan-negozjanti. L-awtentikazzjoni u l-verifika tal-aċċess għandhom jiġu ddeterminati mill-Istati Membri.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-NCTS għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tal-NCTS għandhom isiru bl-użu tal-UUM&DS jew tas-servizzi tan-network ipprovduti mill-Kummissjoni.

1.   In-network komuni ta’ komunikazzjoni għandu jiżgura l-komunikazzjoni elettronika bejn l-NCTS nazzjonali tal-Istati Membri u l-Partijiet Kontraenti tal-Konvenzjoni dwar proċedura komuni ta’ tranżitu.

2.   L-awtoritajiet doganali tal-Istati Membri għandhom jużaw in-network komuni ta’ komunikazzjoni għall-iskambju ta’ informazzjoni relatata mal-formalitajiet fir-rigward tat-tranżitu.

1.   Il-portal nazzjonali għan-negozjanti għandu jippermetti l-iskambju tal-informazzjoni bejn l-operaturi ekonomiċi u persuni oħra, u l-NCTS nazzjonali tal-awtoritajiet doganali tal-Istati Membri.

2.   Il-portal nazzjonali għan-negozjanti għandu jinteropera mal-NCTS nazzjonali.

1.   L-NCTS nazzjonali għandha tinteropera mal-portal nazzjonali għan-negozjanti u għandha tintuża mill-awtoritajiet doganali tal-Istat Membru jew minn Partijiet Kontraenti għall-Konvenzjoni dwar proċedura komuni ta’ tranżitu biex jippreżentaw u jipproċessaw id-dikjarazzjoni ta’ tranżitu.

2.   L-NCTS nazzjonali għandha, permezz tan-network komuni ta’ komunikazzjoni, tikkomunika b’mod elettroniku mal-applikazzjonijiet nazzjonali kollha ta’ tranżitu tal-Istati Membri u tal-Partijiet Kontraenti għall-Konvenzjoni dwar proċedura komuni ta’ tranżitu u għandha tipproċessa l-informazzjoni dwar it-tranżitu li tirċievi minn Stati Membri oħra u Partijiet Kontraenti għall-Konvenzjoni dwar proċedura komuni ta’ tranżitu.

3.   L-Istati Membri għandhom jipprovdu u jżommu interfaċċa bejn is-sistemi nazzjonali tal-NCTS u tal-AES tagħhom għall-finijiet tal-Artikolu 329(5) u (6) tar-Regolament ta’ Implimentazzjoni (UE) 2015/2447.

1.   Għall-Istati Membri tal-UE u l-Partijiet Kontraenti għall-Konvenzjoni dwar proċedura komuni ta’ tranżitu li jiddeċiedu li jinkludu dettalji tad-dikjarazzjoni fil-qosor tad-dħul fid-dikjarazzjoni ta’ tranżitu, u biss meta jiġu pprovduti mill-operatur ekonomiku jew minn persuna oħra, l-NCTS għandha tikkomunika dawk id-dettalji lis-sistema tal-ICS2 u tappoġġa l-iskambju ta’ informazzjoni bejn l-ICS2 u l-operaturi ekonomiċi u persuni oħra.

2.   Il-Kummissjoni għandha tipprovdi komponent komuni għall-iskambju ta’ messaġġi bejn l-NCTS u l-ICS2.

1.   Matul il-perjodu ta’ tranżizzjoni tal-NCTS stabbilit fl-Anness tad-Deċiżjoni ta’ Implimentazzjoni (UE) 2023/2879, il-Kummissjoni għandha tipprovdi lill-Istati Membri komponenti komuni addizzjonali, regoli tranżizzjonali u mekkaniżmi ta’ appoġġ biex jistabbilixxu ambjent operazzjonali li fih l-Istati Membri li jkunu għadhom ma bdewx jużaw is-sistema l-ġdida tal-NCTS jistgħu jkomplu, fuq bażi temporanja, jinteroperaw mas-sistemi fl-Istati Membri li jkunu diġà varaw dik is-sistema l-ġdida.

2.   Il-Kummissjoni għandha toffri komponent komuni fil-forma ta’ konvertur ċentrali għall-iskambju ta’ messaġġi fuq in-network komuni ta’ komunikazzjoni. Stat Membru jista’ jiddeċiedi li jimplimenta l-konvertur fil-livell nazzjonali.

3.   Fil-każ ta’ konnettività gradwali tal-operaturi ekonomiċi u ta’ persuni oħra, Stat Membru jista’ joffri konvertur nazzjonali għall-iskambju ta’ messaġġi bejn l-operatur ekonomiku u persuni oħra, u l-awtorità doganali ta’ dak l-Istat Membru.

4.   Il-Kummissjoni, f’kollaborazzjoni mal-Istati Membri, għandha tfassal ir-regoli tekniċi li huma ta’ natura kummerċjali u teknika li għandhom jiġu applikati matul il-perjodu ta’ tranżizzjoni tal-NCTS stabbilit fl-Anness tad-Deċiżjoni ta’ Implimentazzjoni (UE) 2023/2879, biex tippermetti l-immappjar u l-interoperabbiltà bejn ir-rekwiżiti tal-iskambju tal-informazzjoni stabbiliti fir-Regolament Delegat (UE) 2016/341, fir-Regolament Delegat (UE) 2015/2446, u fir-Regolament ta’ Implimentazzjoni (UE) 2015/2447.

1.   Is-Sistema ta’ Proċeduri Speċjali tal-INF (“is-sistema tal-INF SP”) għandha tippermetti l-komunikazzjoni bejn l-awtoritajiet doganali tal-Istati Membri u l-operaturi ekonomiċi u persuni oħra biex joħorġu u jiġġestixxu d-data tal-INF fil-qasam tal-Proċeduri Speċjali.

2.   Is-sistema tal-INF SP għandha tikkonsisti mill-komponenti komuni li ġejjin:

(a)	Portal tal-UE speċifiku għan-Negozjanti għall-INF;

(b)	sistema ċentrali tal-INF SP.

1.   Is-sistema tal-INF SP għandha tintuża għall-operaturi ekonomiċi u għal persuni oħra biex jissottomettu talbiet għal INF u sabiex isegwu l-istatus ta’ tali talbiet. L-awtoritajiet doganali tal-Istati Membri għandhom jużaw is-sistema tal-INF SP biex jipproċessaw tali talbiet u biex jiġġestixxu l-INF.

2.   Is-sistema tal-INF SP għandha tippermetti l-ħolqien ta’ INF mill-awtoritajiet doganali tal-Istati Membri u l-komunikazzjoni bejn l-awtoritajiet doganali tal-Istati Membri fejn meħtieġ.

3.   Is-sistema tal-INF SP għandha tippermetti l-kalkolu tal-ammont ta’ dazji fuq l-importazzjoni f’konformità mal-Artikolu 86(3) tal-Kodiċi.

1.   L-awtentikazzjoni u l-verifika tal-aċċess tal-operaturi ekonomiċi u persuni oħra għall-finijiet ta’ aċċess għall-komponenti komuni tas-sistema tal-INF SP għandha ssir billi tintuża s-sistema tal-UUM&DS.

Biex ir-rappreżentanti doganali jkunu awtentikati u jkunu jistgħu jaċċessaw il-komponenti komuni tas-sistema tal-INF SP, l-għoti tas-setgħa lilhom biex jaġixxu f’dik il-kapaċità għandu jkun irreġistrat fis-sistema tal-UUM&DS jew f’sistema ta’ ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema tal-INF SP għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tas-sistema tal-INF SP għandha ssir billi tintuża s-sistema tal-UUM&DS jew billi jintużaw is-servizzi tan-network ipprovduti mill-Kummissjoni.

1.   L-EUCTP għandu jipprovdi aċċess għall-Portal tal-UE Speċifiku għan-Negozjanti għall-INF kif imsemmi fl-Artikolu 6 ta’ dan ir-Regolament, fejn il-Portal tal-UE Speċifiku għan-Negozjanti għandu jkun punt ta’ dħul għas-sistema tal-INF SP għall-operaturi ekonomiċi u persuni oħra.

2.   Il-Portal tal-UE speċifiku għan-Negozjanti għall-INF għandu jinteropera mas-sistema ċentrali tal-INF SP.

1.   Is-sistema ċentrali tal-INF SP għandha tintuża mill-awtoritajiet doganali tal-Istati Membri biex jiskambjaw u jaħżnu l-informazzjoni li tappartjeni għall-INFs sottomessi.

2.   Is-sistema ċentrali tal-INF SP għandha tinteropera mal-Portal tal-UE Speċifiku għan-Negozjanti għall-INF.

1.   Is-Sistema ta’ Ġestjoni tar-Riskju Doganali (“CRMS”) għandha tippermetti l-komunikazzjoni, il-ħżin u l-iskambju tal-informazzjoni dwar ir-riskju bejn l-Istati Membri, l-Iżvizzera u n-Norveġja, kif ukoll bejn l-Istati Membri, l-Iżvizzera, in-Norveġja u l-Kummissjoni biex tappoġġa l-implimentazzjoni tal-qafas komuni tal-ġestjoni tar-riskju.

2.   Servizz web għas-sistemi nazzjonali jista’ jintuża biex jippermetti l-iskambju tad-data bejn is-CRMS u s-sistemi nazzjonali permezz ta’ interfaċċa tal-web. Is-CRMS għandha tinteropera mal-komponenti komuni tal-ICS2.

1.   Is-CRMS għandha tintuża għall-finijiet li ġejjin:

(a)

l-iskambju ta’ informazzjoni dwar ir-riskju inkluż ir-riżultati tal-analiżi tar-riskju bejn l-Istati Membri, l-Iżvizzera u n-Norveġja, kif ukoll bejn l-Istati Membri, l-Iżvizzera, in-Norveġja u l-Kummissjoni, kif imsemmi fl-Artikolu 46(5) u l-Artikolu 47(2) tal-Kodiċi u fl-Artikolu 36(1) tar-Regolament ta’ Implimentazzjoni (UE) 2015/2447, u l-ħżin u l-ipproċessar ta’ tali informazzjoni;

(b)

il-komunikazzjoni bejn l-Istati Membri, l-Iżvizzera u n-Norveġja, kif ukoll bejn l-Istati Membri, l-Iżvizzera, in-Norveġja u l-Kummissjoni tal-informazzjoni relatata mal-implimentazzjoni tal-kriterji komuni tar-riskju, mal-azzjonijiet ta’ kontroll prijoritarju, mal-ġestjoni tal-kriżijiet kif imsemmi fl-Artikolu 36(2) tar-Regolament ta’ Implimentazzjoni (UE) 2015/2447, u s-sottomissjoni, l-ipproċessar u l-ħżin ta’ tali informazzjoni, inkluż l-iskambju tal-informazzjoni dwar ir-riskju relatat, ir-riżultati tal-analiżi tar-riskju mwettqa qabel l-azzjonijiet li jikkonċernaw il-kontroll prijoritarju u l-ġestjoni tal-kriżijiet, u l-analiżi tar-riżultati ta’ dawn l-azzjonijiet;

(c)

biex l-Istati Membri, l-Iżvizzera, in-Norveġja u l-Kummissjoni jkunu jistgħu jiksbu b’mod elettroniku mis-sistema r-rapporti tal-analiżi tar-riskju dwar ir-riskji eżistenti, dwar ir-riżultati tal-analiżi tar-riskju, u dwar xejriet ġodda biex jikkontribwixxu għall-qafas komuni tal-ġestjoni tar-riskju u għas-sistema nazzjonali tal-ġestjoni tar-riskju.

2.   Fejn it-trasferiment tad-data bejn is-CRMS u s-sistemi nazzjonali jkun jista’ jiġi awtomatizzat, l-Istati Membri għandhom jadattaw is-sistemi nazzjonali biex jużaw is-servizz web tas-CRMS.

1.   Is-CRMS għandha tipprevedi formoli ta’ informazzjoni dwar ir-riskju u formoli ta’ feedback dwar l-analiżi tar-riskju u r-riżultati tal-kontroll li għandhom jimtlew elettronikament fis-sistema, jiġu pproċessati għar-rapportar u jinħażnu fis-sistema. L-utenti awtorizzati għandhom ikunu jistgħu jirkupraw il-formoli u jużawhom għal finijiet ta’ ġestjoni u kontroll tar-riskji nazzjonali.

2.   Is-CRMS għandha tipprevedi mekkaniżmi ta’ komunikazzjoni li jippermettu lill-utenti (individwalment jew bħala parti minn unità organizzazzjonali) jipprovdu u jiskambjaw l-informazzjoni dwar ir-riskju, jirrispondu għal talbiet speċifiċi minn utenti oħra u jipprovdu lill-Kummissjoni fatti u analiżi tar-riżultati tal-azzjonijiet tagħhom waqt l-implimentazzjoni tal-kriterji komuni tar-riskju, tal-azzjonijiet ta’ kontroll prijoritarji u tal-ġestjoni tal-kriżijiet.

3.   Is-CRMS għandha tipprovdi għodod li jippermettu l-analiżi u l-aggregazzjoni tad-data mill-formoli tal-informazzjoni dwar ir-riskju maħżuna fis-sistemi.

4.   Is-CRMS għandha tipprevedi pjattaforma fejn għandha tinħażen l-informazzjoni, li tinkludi gwidi, informazzjoni u data ta’ teknoloġija ta’ skoperta u ħolqiet għal bażijiet tad-data oħra, rilevanti għall-ġestjoni u l-kontrolli tar-riskju u din għandha titpoġġa għad-dispożizzjoni tal-utenti awtorizzati għal skopijiet ta’ ġestjoni u kontroll tar-riskju.

1.   L-Iżdoganar Ċentralizzat għall-Importazzjoni (“CCI”) għandu jippermetti l-komunikazzjoni bejn l-awtoritajiet doganali tal-Istati Membri, u bejn l-awtoritajiet doganali tal-Istati Membri u l-operaturi ekonomiċi biex jissottomettu u jipproċessaw dikjarazzjonijiet doganali fil-kuntest ta’ żdoganar ċentralizzat għall-importazzjoni meta jkun involut aktar minn Stat Membru wieħed.

2.   Is-CCI għandu jikkonsisti mill-komponenti komuni li ġejjin:

(a)	network ta’ komunikazzjoni komuni;

(b)	servizzi ċentrali.

3.   L-Istati Membri għandhom jiżguraw li s-sistemi tas-CCI nazzjonali tagħhom jikkomunikaw permezz tan-network komuni ta’ komunikazzjoni għas-CCI mas-sistemi tas-CCI nazzjonali tal-Istati Membri l-oħra u li s-sistema nazzjonali tas-CCI tinkludi l-komponenti nazzjonali li ġejjin:

(a)	portal nazzjonali għan-negozjanti;

(b)	applikazzjoni nazzjonali għas-CCI;

(c)	interfaċċa mal-EMCS/Sistema għall-Iskambju ta’ Data dwar id-Dazji tas-Sisa fil-livell nazzjonali.

1.   L-operaturi ekonomiċi għandu jkollhom aċċess biss għas-sistemi tas-CCI nazzjonali permezz ta’ portal nazzjonali għan-negozjanti żviluppat mill-Istati Membri. L-awtentikazzjoni u l-verifika tal-aċċess għandhom jiġu ddeterminati mill-Istati Membri.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema tas-CCI għandhom isiru bl-użu tas-servizzi tan-network ipprovduti mill-Kummissjoni.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tas-sistema tas-CCI għandhom isiru bl-użu tal-UUM&DS jew tas-servizzi tan-network ipprovduti mill-Kummissjoni.

1.   In-network komuni ta’ komunikazzjoni għandu jiżgura l-komunikazzjoni elettronika bejn l-applikazzjonijiet tas-CCI nazzjonali tal-Istati Membri.

2.   L-awtoritajiet doganali tal-Istati Membri għandhom jużaw in-network komuni ta’ komunikazzjoni għall-iskambju tal-informazzjoni rilevanti għall-formalitajiet tal-importazzjoni relatati mas-CCI.

1.   Il-portal nazzjonali għan-negozjanti għandu jippermetti l-iskambju ta’ informazzjoni bejn l-operaturi ekonomiċi u s-sistemi nazzjonali tas-CCI tal-awtoritajiet doganali tal-Istati Membri.

2.   Il-portal nazzjonali għan-negozjanti għandu jinteropera mal-applikazzjonijiet nazzjonali tas-CCI.

1.   Is-sistema nazzjonali tas-CCI għandha tintuża mill-awtorità doganali tal-Istat Membru li jkun ħoloqha għall-finijiet ta’ proċessar tad-dikjarazzjonijiet doganali skont is-CCI.

2.   Is-sistemi nazzjonali tas-CCI tal-Istati Membri għandhom jikkomunikaw ma’ xulxin b’mod elettroniku permezz tad-dominju komuni u għandhom jipproċessaw l-informazzjoni dwar l-importazzjoni li jirċievu minn Stati Membri oħra.

1.   Is-Sistema tal-Prova tal-Istatus tal-Unjoni (“is-sistema tal-PoUS”) għandha tippermetti l-komunikazzjoni bejn l-awtoritajiet doganali tal-Istati Membri u l-operaturi ekonomiċi u persuni oħra biex joħorġu u jiġġestixxu dokumenti T2L/T2LF u manifesti doganali tal-merkanzija (CGM) bħala mezz ta’ prova tal-istatus doganali tal-merkanzija tal-Unjoni.

2.   Is-sistema tal-PoUS għandha tikkonsisti mill-komponenti komuni li ġejjin:

(a)	Portal tal-UE Speċifiku għan-Negozjanti għall-PoUS;

(b)	sistema ċentrali tal-PoUS.

3.   L-Istati Membri jistgħu joħolqu l-komponenti nazzjonali li ġejjin:

(a)	portal nazzjonali għan-negozjanti;

(b)	prova nazzjonali tas-sistema tal-istatus tal-Unjoni (“sistema nazzjonali tal-PoUS”).

1.   L-operaturi ekonomiċi u persuni oħra għandhom jużaw is-sistema tal-PoUS:

(a)	biex jissottomettu talbiet għal approvazzjoni u reġistrazzjoni, jew reġistrazzjoni mingħajr approvazzjoni;

(b)	biex jissottomettu prova tal-istatus tal-Unjoni fil-forma ta’ dokumenti T2L/T2LF u CGM;

(c)	biex jiġġestixxu l-użu tal-prova tal-istatus tal-Unjoni ta’ merkanzija mal-preżentazzjoni.

2.   Is-sistema tal-PoUS għandha tippermetti l-approvazzjoni u r-reġistrazzjoni tat-talbiet tal-operaturi ekonomiċi u ta’ persuni oħra u l-ġestjoni tal-użu tal-prova tal-istatus tal-Unjoni.

3.   Il-PoUS għandha tippermetti wkoll komunikazzjoni bejn l-awtoritajiet doganali tal-Istati Membri biex jiġu ppreżentati d-dokumenti T2L/T2LF u CGM bħala mezz sabiex jiġi ppruvat l-istatus doganali tal-merkanzija tal-Unjoni.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet ta’ aċċess għall-komponenti komuni tas-sistema tal-PoUS għandhom isiru permezz tas-sistema tal-UUM&DS.

Sabiex ir-rappreżentanti doganali jiġu awtentikati u jkunu jistgħu jaċċessaw il-Portal tal-UE Speċifiku għan-Negozjanti għas-sistema tal-PoUS għall-Istati Membri, l-għoti tas-setgħa lilhom biex jaġixxu f’dik il-kapaċità għandu jiġi rreġistrat fis-sistema tal-UUM&DS jew f’sistema ta’ ġestjoni tal-identità u tal-aċċess stabbilita minn Stat Membru skont l-Artikolu 20 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema tal-PoUS għandhom isiru bl-użu tas-servizzi tan-network ipprovduti mill-Kummissjoni.

L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għas-sistema nazzjonali tal-PoUS għandhom isiru bl-użu ta’ sistema ta’ ġestjoni tal-identità u tal-aċċess stabbilita mill-Istat Membru rilevanti.

3.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tas-sistema tal-PoUS għandhom isiru bl-użu tas-sistema tal-UUM&DS jew is-servizzi tan-network ipprovduti mill-Kummissjoni.

1.   Il-Portal tal-UE Speċifiku għan-Negozjanti għall-PoUS għandu jikkomunika mal-EUCTP, fejn il-EUCTP għandu jkun punt ta’ dħul għas-sistema tal-PoUS għall-operaturi ekonomiċi u persuni oħra.

2.   Il-Portal tal-UE Speċifiku għan-Negozjanti għall-PoUS għandu jkun interoperabbli mas-sistema ċentrali tal-PoUS.

1.   Is-sistema ċentrali tal-PoUS għandha tintuża mill-awtoritajiet doganali tal-Istati Membri biex jiskambjaw u jaħżnu l-informazzjoni li tappartjeni għad-dokumenti T2L/T2LF u CGM sottomessi.

2.   Is-sistema ċentrali tal-PoUS għandha tkun interoperabbli mal-Portal tal-UE Speċifiku għan-Negozjanti għall-PoUS.

1.   Meta Stat Membru jkun ħoloq sistema nazzjonali tal-PoUS f’konformità mal-Artikolu 93(3), il-punt (b), ta’ dan ir-Regolament, il-portal nazzjonali tan-negozjanti għandu jkun il-punt ewlieni ta’ dħul fis-sistema nazzjonali tal-PoUS għall-operaturi ekonomiċi u għal persuni oħrajn.

2.   Il-portal nazzjonali għan-negozjanti għandu jinteropera mas-sistema nazzjonali tal-PoUS, meta tinħoloq minn Stat Membru.

3.   Il-portal nazzjonali għan-negozjanti għandu jipprevedi l-funzjonalitajiet ekwivalenti għal dawk previsti mill-Portal tal-UE Speċifiku għan-Negozjanti għall-PoUS.

4.   Stat Membru li joħloq portal nazzjonali għan-negozjanti għandu jinforma lill-Kummissjoni b’dan.

1.   Is-sistema ta’ Sorveljanza għandha, f’konformità mal-Artikolu 56(5) tal-Kodiċi u mal-liġi tal-Unjoni li tipprevedi l-użu tagħha, tippermetti, għall-fini ta’ sorveljanza doganali, il-komunikazzjoni bejn l-awtoritajiet doganali tal-Istati Membri u l-Kummissjoni, u l-ġbir, il-ħżin, l-ipproċessar u l-analiżi ta’ data estratta mid-dikjarazzjoni doganali għad-dħul f’ċirkolazzjoni libera jew għall-esportazzjoni ta’ merkanzija.

2.   L-Istati Membri għandhom, b’mod awtomatizzat, jittrażmettu l-informazzjoni mitluba mis-sistemi ta’ dikjarazzjoni doganali lis-sistema ta’ Sorveljanza.

3.   Is-sistema ta’ Sorveljanza hija sistema ċentrali li tikkonsisti fil-komponenti komuni li ġejjin:

(a)	komponent għall-ġbir, il-validazzjoni u l-ħżin tad-data;

(b)	komponent għat-twettiq tal-estrazzjoni tad-data u l-ġenerazzjoni ta’ informazzjoni għall-fini ta’ sorveljanza doganali.

1.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema ta’ Sorveljanza għandhom isiru bl-użu tas-servizzi tan-network ipprovduti mill-Kummissjoni.

2.   L-awtentikazzjoni u l-verifika tal-aċċess tal-persunal tal-Kummissjoni għall-finijiet ta’ aċċess għall-komponenti komuni tas-sistema ta’ Sorveljanza għandhom isiru bl-użu tas-servizzi tan-network ipprovduti mill-Kummissjoni.

1.   Is-sistema tal-Ġestjoni tal-Garanziji (“Sistema tal-GUM”) għandha tippermetti s-sottomissjoni, l-ipproċessar u l-ġestjoni tal-applikazzjonijiet u tad-deċiżjonijiet relatati mal-garanziji komprensivi permezz tas-CDS imsemmija fl-Artikolu 7 ta’ dan ir-Regolament. Għandha tippermetti wkoll il-ġestjoni u l-monitoraġġ ta’ garanziji komprensivi u garanziji oħra, ħlief għat-tranżitu li jiġi ttrattat bħala parti mill-proġett tal-NCTS.

2.   Is-Sistema tal-GUM għandha tikkonsisti mill-komponenti komuni li ġejjin ta’ CDS imsemmija fl-Artikolu 7(2) ta’ dan ir-Regolament:

(a)	portal tal-UE għan-negozjanti;

(b)	sistema ċentrali tal-GUM;

(c)	servizzi ta’ referenza għall-klijenti (CRS).

3.   L-Istati Membri għandhom joħolqu, bħala komponent nazzjonali, sistema nazzjonali ta’ ġestjoni tal-garanziji (“sistema nazzjonali tal-GUM”).

1.   Is-sistema tal-GUM għandha tintuża, permezz tas-CDS imsemmija fl-Artikolu 7 ta’ dan ir-Regolament, għas-sottomissjoni u għall-ipproċessar tal-applikazzjonijiet għal garanziji komprensivi, u għall-ġestjoni tad-deċiżjonijiet relatati mal-applikazzjonijiet jew mal-awtorizzazzjonijiet għal garanziji komprensivi.

2.   Is-sistema tal-GUM għandha tintuża wkoll għall-finijiet li ġejjin:

(a)	għar-reġistrazzjoni ta’ garanziji individwali u garanziji komprensivi;

(b)	għall-ġestjoni ta’ garanziji individwali u garanziji komprensivi;

(c)	għall-monitoraġġ tal-eżistenza ta’ garanzija li tingħata fi Stat Membru differenti minn dak li fih tkun qed tintuża l-garanzija;

(d)	għall-monitoraġġ tal-ammont ta’ referenza.

1.   L-awtentikazzjoni u l-verifika tal-aċċess tal-operaturi ekonomiċi u ta’ persuni oħra għall-finijiet tal-aċċess għall-komponenti komuni tas-sistema tal-GUM għandhom isiru f’konformità mal-Artikolu 9 ta’ dan ir-Regolament.

2.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet ta’ aċċess għall-komponenti komuni tas-sistema tal-GUM għandhom isiru f’konformità mal-Artikolu 9 ta’ dan ir-Regolament.

3.   L-awtentikazzjoni u l-verifika tal-aċċess tal-awtoritajiet doganali tal-Istati Membri għall-finijiet tal-aċċess għas-sistema nazzjonali tal-GUM għandhom isiru bl-użu ta’ sistema ta’ ġestjoni tal-identità u tal-aċċess stabbilita mill-Istat Membru kkonċernat.

4.   L-awtentikazzjoni u l-verifika tal-aċċess tal-persunal tal-Kummissjoni għall-finijiet tal-aċċess għall-komponenti komuni tas-sistema tal-GUM għandhom isiru f’konformità mal-Artikolu 9 ta’ dan ir-Regolament.

1.   Il-portal tal-UE għan-negozjanti msemmi fl-Artikolu 10 ta’ dan ir-Regolament għandu jkun punt ta’ dħul għas-sistema tal-GUM għall-operaturi ekonomiċi u persuni oħra.

2.   Il-portal tal-UE għan-negozjanti għandu jintuża għall-applikazzjonijiet u għall-awtorizzazzjonijiet relatati mal-garanziji komprensivi msemmija fl-Artikolu 8(1), il-punt (b), ta’ dan ir-Regolament, kif ukoll għall-ġestjoni tad-deċiżjonijiet relatati ma’ dawk l-applikazzjonijiet u l-awtorizzazzjonijiet.

1.   Is-sistema ċentrali tal-GUM, bl-użu tas-CDMS ċentrali msemmija fl-Artikolu 11 ta’ dan ir-Regolament, għandha tintuża mill-awtoritajiet doganali tal-Istati Membri biex jiġġestixxu l-applikazzjonijiet u d-deċiżjonijiet relatati mal-garanziji komprensivi.

2.   Is-sistema ċentrali tal-GUM għandha tinterfaċċa mas-sistema nazzjonali tal-GUM għall-garanziji komprensivi.

1.   Is-sistema nazzjonali tal-GUM għandha tintuża mill-awtoritajiet doganali tal-Istati Membri għar-reġistrazzjoni u l-ġestjoni ta’ garanziji komprensivi u għall-monitoraġġ tal-ammonti ta’ referenza relatati.

2.   Is-sistema nazzjonali tal-GUM tista’ tintuża għar-reġistrazzjoni u l-ġestjoni ta’ garanziji oħra.

3.   Is-sistema nazzjonali tal-GUM għandha tinteropera mas-sistemi nazzjonali ta’ dikjarazzjoni doganali meta jiġu invokati l-garanziji.

4.   Is-sistema nazzjonali tal-GUM tista’, f’konformità mal-Artikolu 13(3) ta’ dan ir-Regolament, tikseb mis-servizzi ta’ referenza tal-klijenti d-data kummerċjali rilevanti mill-awtorizzazzjoni rispettiva għal garanziji komprensivi.

1.   Il-Kummissjoni għandha tiżviluppa, tittestja, tvara u tiġġestixxi l-komponenti komuni, u l-Istati Membri jistgħu jittestjaw dawk il-komponenti komuni. L-Istati Membri għandhom jiżviluppaw, jittestjaw, ivaraw u jiġġestixxu l-komponenti nazzjonali.

2.   L-Istati Membri għandhom jiżguraw li l-komponenti nazzjonali jkunu interoperabbli mal-komponenti komuni.

3.   Il-Kummissjoni għandha tfassal u żżomm l-ispeċifikazzjonijiet komuni għas-sistemi deċentralizzati f’kooperazzjoni mill-qrib mal-Istati Membri.

4.   L-Istati Membri għandhom jiżviluppaw, joperaw u jżommu l-interfaċċi biex jipprovdu l-funzjonalità għas-sistemi deċentralizzati meħtieġa għall-iskambju tal-informazzjoni mal-operaturi ekonomiċi u persuni oħra permezz ta’ komponenti u interfaċċi nazzjonali, u ma’ Stati Membri oħra permezz ta’ komponenti komuni.

1.   Il-Kummissjoni għandha twettaq il-manutenzjoni tal-komponenti komuni u l-Istati Membri għandhom iwettqu l-manutenzjoni tal-komponenti nazzjonali tagħhom.

2.   Il-Kummissjoni u l-Istati Membri għandhom jiżguraw tħaddim mingħajr interruzzjoni tas-sistemi elettroniċi.

3.   Il-Kummissjoni tista’ tbiddel il-komponenti komuni tas-sistemi elettroniċi biex tikkoreġi l-ħsarat, iżżid funzjonalitajiet ġodda, jew tbiddel il-funzjonalitajiet eżistenti.

4.   Il-Kummissjoni għandha tinforma lill-Istati Membri bil-bidliet u bl-aġġornamenti tal-komponenti komuni.

5.   L-Istati Membri għandhom jinfurmaw lill-Kummissjoni bil-bidliet u bl-aġġornamenti tal-komponenti nazzjonali li jistgħu jaffettwaw il-funzjonament tal-komponenti komuni.

6.   Il-Kummissjoni u l-Istati Membri għandhom jagħmlu l-informazzjoni dwar il-bidliet u l-aġġornamenti fis-sistemi elettroniċi stabbiliti fil-paragrafi 4 u 5 disponibbli pubblikament.

1.   F’każ ta’ ħsara temporanja fis-sistemi elettroniċi kif imsemmi fl-Artikolu 6(3), il-punt (b), tal-Kodiċi, l-operaturi ekonomiċi u persuni oħra għandhom jippreżentaw l-informazzjoni meħtieġa biex jissodisfaw il-formalitajiet ikkonċernati bil-mezzi stabbiliti mill-Istati Membri, inkluż b’mezzi għajr it-tekniki elettroniċi tal-ipproċessar tad-data.

2.   L-awtoritajiet doganali tal-Istati Membri għandhom jiżguraw li l-informazzjoni ppreżentata f’konformità mal-paragrafu 1 tkun disponibbli fis-sistemi elettroniċi rispettivi fi żmien 7 ijiem minn meta s-sistemi elettroniċi rispettivi jerġgħu jsiru disponibbli.

3.   Il-Kummissjoni u l-Istati Membri għandhom jinfurmaw lil xulxin bi kwalunkwe nuqqas ta’ disponibbiltà tas-sistemi elettroniċi li jirriżulta minn ħsara temporanja.

Il-Kummissjoni u l-Istati Membri għandhom jinfurmaw ukoll lil xulxin dwar in-nuqqas ta’ disponibbiltà tas-sistemi tal-operaturi ekonomiċi fir-rigward tal-ICS2.

4.   Permezz ta’ deroga mill-paragrafu 1, f’każ ta’ ħsara temporanja fl-ICS2, fl-AES, fis-CRMS, fil-PoUS jew fis-CCI, għandu japplika l-pjan għall-kontinwità tal-operat miftiehem bejn l-Istati Membri u l-Kummissjoni.

5.   Fir-rigward tal-ICS2, kull Stat Membru għandu jiddeċiedi dwar l-attivazzjoni tal-pjan tal-kontinwità tal-operat meta dak l-Istat Membru jkun affettwat mill-ħsara temporanja tas-sistema elettronika jew meta operatur ekonomiku ma jkunx jista’ jippreżenta dikjarazzjoni fil-qosor tad-dħul jew dettalji ta’ tali dikjarazzjoni skont l-Artikolu 127(4) u (6) tal-Kodiċi.

6.   Permezz ta’ deroga mill-paragrafu 1, f’każ ta’ ħsara temporanja fis-sistema tal-NCTS, għandha tapplika l-proċedura tal-kontinwità tal-operat imsemmija fl-Anness 72-04 tar-Regolament ta’ Implimentazzjoni (UE) 2015/2447.

7.   Permezz ta’ deroga mill-paragrafu 2, f’każ ta’ ħsara temporanja tas-sistema tal-PoUS, għandu japplika l-pjan ta’ kontinwità tal-operat miftiehem bejn l-Istati Membri u l-Kummissjoni.

1.   Id-data personali rreġistrata fis-sistemi elettroniċi għandha tiġi pproċessata għall-finijiet ta’ implimentazzjoni tal-leġiżlazzjoni doganali u leġiżlazzjoni oħra msemmija fil-Kodiċi, filwaqt li jitqiesu l-objettivi speċifiċi ta’ kull waħda mis-sistemi elettroniċi stabbiliti fl-Artikolu 4, l-Artikoli 7(1), 16(1), u 21(1), l-Artikolu 30, l-Artikoli 35(1), 42(1), 50(1), 57(1), 65(1), 70(1), 74(1), 80(1), 87(1), 93(1), 100(1) u 104(1) ta’ dan ir-Regolament.

2.   L-awtoritajiet superviżorji nazzjonali fil-qasam tal-protezzjoni tad-data personali u l-Kontrollur Ewropew għall-Protezzjoni tad-Data għandhom jikkooperaw, f’konformità mal-Artikolu 62 tar-Regolament (UE) 2018/1725, biex jiżguraw is-superviżjoni kkoordinata tal-ipproċessar tad-data personali rreġistrata fis-sistemi elettroniċi.

3.   Kwalunkwe talba minn suġġett tad-data rreġistrat fis-sistema tar-REX biex jeżerċita d-drittijiet tiegħu skont il-Kapitolu III tar-Regolamenti (UE) 2016/679 u (UE) 2018/1725 għandha l-ewwel tiġi ppreżentata lill-awtoritajiet kompetenti fil-pajjiż terz jew lill-awtoritajiet doganali fl-Istat Membru li jkun irreġistra d-data personali.

Meta suġġett tad-data jkun issottometta tali talba lill-Kummissjoni mingħajr ma jkun ipprova jikseb id-drittijiet tiegħu jew tagħha mill-awtoritajiet kompetenti fil-pajjiż terz jew mill-awtoritajiet doganali fl-Istat Membru li jkun irreġistra d-data personali, il-Kummissjoni għandha tibgħat dik it-talba lill-awtoritajiet kompetenti fil-pajjiż terz jew lill-awtoritajiet doganali fl-Istat Membru, rispettivament, li jkun irreġistra dik id-data.

Meta l-esportatur irreġistrat jonqos milli jikseb id-drittijiet tiegħu mill-awtoritajiet kompetenti fil-pajjiż terz jew mill-awtoritajiet doganali fl-Istat Membru li jkun irreġistra d-data personali, l-esportatur irreġistrat għandu jissottometti tali talba lill-Kummissjoni li taġixxi bħala kontrollur kif definit fl-Artikolu 4, il-punt (7), tar-Regolament (UE) 2016/679 u l-Artikolu 3, il-punt (8) tar-Regolament (UE) 2018/1725.

1.   L-Istati Membri għandhom jiżguraw li d-data rreġistrata fil-livell nazzjonali tikkorrispondi mad-data rreġistrata fil-komponenti komuni u tinżamm aġġornata.

2.   Permezz ta’ deroga mill-paragrafu 1, fir-rigward tal-ICS2, l-Istati Membri għandhom jiżguraw li d-data li ġejja tinżamm aġġornata u tikkorrispondi għad-data fir-repożitorju komuni tal-ICS2:

(a)	data rreġistrata fil-livell nazzjonali u kkomunikata mis-sistema ta’ dħul nazzjonali lir-repożitorju komuni tal-ICS2;

(b)	data li s-sistema ta’ dħul nazzjonali tirċievi mir-repożitorju komuni tal-ICS2.

1.   Id-data rreġistrata fil-komponenti komuni tas-sistemi elettroniċi minn Stat Membru tista’ tiġi aċċessata jew ipproċessata minn dak l-Istat Membru. Stat Membru ieħor li jkun involut fl-ipproċessar ta’ applikazzjoni jew fil-ġestjoni ta’ deċiżjoni li magħha tkun relatata d-data jista’ wkoll jaċċessa u jipproċessa dik id-data.

2.   Id-data rreġistrata fil-komponenti komuni tas-sistemi elettroniċi minn operatur ekonomiku jew minn persuna oħra tista’ tiġi aċċessata jew ipproċessata minn dak l-operatur ekonomiku jew dik il-persuna. Stat Membru involut fl-ipproċessar ta’ applikazzjoni jew fil-ġestjoni ta’ deċiżjoni li magħha tkun relatata d-data jista’ wkoll jaċċessa u jipproċessa dik id-data.

3.   Id-data fil-komponent komuni tal-ICS2 li tiġi kkomunikata lill-interfaċċa kondiviża tan-negozjanti jew irreġistrata fiha minn operatur ekonomiku jew minn persuna oħra tista’ tiġi aċċessata jew ipproċessata minn dak l-operatur ekonomiku jew minn dik il-persuna l-oħra.

4.   Id-data rreġistrata fis-sistema ċentrali tal-EBTI minn Stat Membru tista’ tiġi pproċessata minn dak l-Istat Membru. Stat Membru ieħor li jkun involut fl-ipproċessar ta’ applikazzjoni li magħha tkun relatata d-data jista’ wkoll jipproċessa dik id-data, inkluż permezz ta’ konsultazzjoni bejn l-awtoritajiet doganali tal-Istati Membri f’konformità mal-Artikolu 26 ta’ dan ir-Regolament. L-awtoritajiet doganali tal-Istati Membri jistgħu jaċċessaw dik id-data għall-finijiet tal-Artikolu 25(2) ta’ dan ir-Regolament u l-Kummissjoni tista’ taċċessa dik id-data għall-finijiet tal-Artikolu 21(1) ta’ dan ir-Regolament.

5.   Id-data rreġistrata fis-sistema ċentrali tal-EBTI minn operatur ekonomiku jew persuna oħra tista’ tiġi aċċessata jew ipproċessata minn dak l-operatur ekonomiku jew minn dik il-persuna. L-awtoritajiet doganali tal-Istati Membri jistgħu jaċċessaw dik id-data għall-finijiet tal-Artikolu 25(2) ta’ dan ir-Regolament u l-Kummissjoni tista’ taċċessa dik id-data għall-finijiet tal-Artikolu 21(1) ta’ dan ir-Regolament.

6.   Id-data rreġistrata fil-komponent komuni tas-sistema tal-EORI tista’ tiġi aċċessata u pproċessata mill-Kummissjoni. L-Istat Membru li rreġistra dik id-data jista’ wkoll jaċċessa u jipproċessa dik id-data.

7.   Id-data fil-komponenti komuni tal-ICS2:

(a)

ikkomunikata lil Stat Membru minn operatur ekonomiku jew persuna oħra permezz tal-interfaċċa kondiviża tan-negozjanti fir-repożitorju komuni tal-ICS2 tista’ tiġi aċċessata u pproċessata minn dak l-Istat Membru fir-repożitorju komuni tal-ICS2, u, meta meħtieġ, dak l-Istat Membru jista’ wkoll jaċċessa dik id-data li tkun irreġistrata fl-interfaċċa kondiviża tan-negozjanti;

(b)	ikkomunikata lir-repożitorju komuni tal-ICS2 jew irreġistrata fih minn Stat Membru tista’ tiġi aċċessata jew ipproċessata minn dak l-Istat Membru;

(c)

imsemmija fil-punti (a) u (b) tista’ tiġi aċċessata u pproċessata wkoll minn Stat Membru ieħor meta dak l-Istat Membru l-ieħor, f’konformità mal-Artikolu 186(2), il-punti (a), (b) u (d), l-Artikolu 186(5), (7) u (7a), u l-Artikolu 189(3) u (4) tar-Regolament ta’ Implimentazzjoni (UE) 2015/2447, ikun involut fl-analiżi tar-riskju jew fil-proċess ta’ kontroll, jew it-tnejn li huma, li magħhom tkun relatata d-data, bl-eċċezzjoni tad-data rreġistrata fis-sistema mill-awtoritajiet doganali ta’ Stati Membri oħra fir-rigward tal-informazzjoni dwar ir-riskji għas-sigurtà u s-sikurezza kif imsemmi fl-Artikolu 186(2), il-punt (a), tar-Regolament ta’ Implimentazzjoni (UE) 2015/2447;

(d)

tista’ tiġi pproċessata mill-Kummissjoni f’kooperazzjoni mal-Istati Membri għall-finijiet imsemmija fl-Artikolu 43(2) ta’ dan ir-Regolament u fl-Artikolu 182(1), il-punt (c), tar-Regolament ta’ Implimentazzjoni (UE) 2015/2447, u r-riżultati ta’ tali pproċessar jistgħu jiġu aċċessati mill-Kummissjoni u mill-Istati Membri;

(e)

tista’ tiġi aċċessata u pproċessata mill-Istati Membri u mill-Kummissjoni għall-finijiet imsemmija fl-Artikolu 43(3) ta’ dan ir-Regolament, skont il-kundizzjonijiet imsemmija fl-Artikolu 119 ta’ dan ir-Regolament u f’konformità mal-ftehimiet speċifiċi tal-proġett li jagħtu dettalji dwar l-operazzjonijiet ta’ pproċessar bejn l-Istati Membri u l-Kummissjoni.

8.   Id-data fil-komponent komuni tal-ICS2 li hija rreġistrata fir-repożitorju komuni tal-ICS2 mill-Kummissjoni tista’ tiġi aċċessata u pproċessata mill-Kummissjoni u mill-Istati Membri.

9.   Id-data fis-sistema ta’ Sorveljanza tista’ tiġi aċċessata u pproċessata mill-Kummissjoni u mill-Istati Membri.

10.   Id-data rreġistrata fis-sistema ċentrali tar-REX għall-Istati Membri tista’ tiġi aċċessata għall-fini tal-implimentazzjoni u l-monitoraġġ tal-arranġamenti kummerċjali preferenzjali tal-Unjoni mill-awtoritajiet doganali tal-Istati Membri u mill-Kummissjoni.

11.   Id-data rreġistrata fis-sistema ċentrali tar-REX għall-pajjiżi terzi, li l-Unjoni għandha arranġament kummerċjali preferenzjali magħhom, tista’ tiġi aċċessata minn dawn li ġejjin:

(a)	l-awtoritajiet kompetenti tal-pajjiż terz li fih tkun ġiet irreġistrata d-data;

(b)	l-awtoritajiet doganali tal-Istati Membri għall-fini tat-twettiq ta’ verifiki tad-dikjarazzjonijiet doganali skont l-Artikolu 188 tal-Kodiċi jew ta’ kontroll wara r-rilaxx skont l-Artikolu 48 tal-Kodiċi;

(c)	il-Kummissjoni għall-fini tal-implimentazzjoni u l-monitoraġġ tal-arranġamenti kummerċjali preferenzjali tal-Unjoni.

12.   Meta l-Istati Membri jirrapportaw inċidenti u problemi fil-proċessi operazzjonali għall-forniment tas-servizzi tas-sistemi meta l-Kummissjoni taġixxi bħala proċessur, il-Kummissjoni jista’ jkollha aċċess għad-data biss biex issolvi inċident jew problema rreġistrata. Il-Kummissjoni għandha tiżgura l-kunfidenzjalità ta’ tali data f’konformità mal-Artikolu 12 tal-Kodiċi.

13.   Id-data rreġistrata fil-komponenti komuni tas-CRMS minn Stat Membru, mill-Iżvizzera, min-Norveġja jew mill-Kummissjoni tista’ tiġi aċċessata jew ipproċessata minn dak l-Istat Membru, mill-Iżvizzera, min-Norveġja, minn Stat Membru ieħor jew mill-Kummissjoni biex tiġi żgurata l-implimentazzjoni tal-qafas komuni ta’ ġestjoni tar-riskju f’konformità mal-Artikolu 46(5) tal-Kodiċi u mal-Artikolu 36 tar-Regolament ta’ Implimentazzjoni (UE) 2015/2447.

14.   Id-data rreġistrata fis-sistema ċentrali tal-PoUS tista’ tiġi aċċessata jew ipproċessata minn:

(a)	l-awtoritajiet doganali tal-Istati Membri f’konformità mal-Artikolu 93 ta’ dan ir-Regolament;

(b)	il-Kummissjoni għal skopijiet ta’ statistika.

15.   Fil-kuntest tal-Qafas ta’ Windsor, ir-rappreżentanti tal-Unjoni jistgħu jaċċessaw id-data tal-ICS2 fir-rigward tal-Irlanda ta’ Fuq.

1.   Il-Kummissjoni għandha tkun is-sid tas-sistema tal-komponenti komuni.

2.   L-Istati Membri għandhom ikunu s-sidien tas-sistema tal-komponenti nazzjonali rispettivi.

1.   Il-Kummissjoni għandha tiżgura s-sigurtà tal-komponenti komuni. L-Istati Membri għandhom jiżguraw is-sigurtà tal-komponenti nazzjonali.

Għal dawk il-finijiet, il-Kummissjoni u l-Istati Membri għandhom jieħdu l-miżuri meħtieġa biex:

(a)	jipprevjenu lil kwalunkwe persuna mhux awtorizzata milli jkollha aċċess għall-installazzjonijiet li jintużaw għall-ipproċessar tad-data;

(b)	jipprevjenu d-dħul ta’ data u kwalunkwe konsultazzjoni, modifika jew tħassir ta’ data minn persuni mhux awtorizzati;

(c)	jidentifikaw kwalunkwe waħda mill-attivitajiet imsemmija fil-punti (a) u (b).

2.   Il-Kummissjoni u l-Istati Membri għandhom jinfurmaw lil xulxin bi kwalunkwe attività li tista’ tirriżulta fi ksur jew f’suspett ta’ ksur tas-sigurtà tas-sistemi elettroniċi.

3.   Il-Kummissjoni u l-Istati Membri għandhom jistabbilixxu pjanijiet ta’ sigurtà li jikkonċernaw is-sistemi elettroniċi kollha.

1.   Il-perjodi ta’ żamma tad-data għas-sistemi li għalihom l-Istati Membri huma kontrolluri, kif stabbilit fl-Artikolu 119 ta’ dan ir-Regolament, għandhom jiġu ddeterminati minn dawk l-Istati Membri, filwaqt li jitqiesu r-rekwiżiti tal-leġiżlazzjoni doganali. L-Istati Membri għandhom jinfurmaw lill-Kummissjoni b’dawk il-perjodi ta’ żamma.

2.   Il-perjodi ta’ żamma tad-data li ġejjin għandhom japplikaw għas-sistemi li ġejjin li għalihom il-Kummissjoni u l-Istati Membri huma kontrolluri konġunti:

(a)

għall-ICS2, biex timmonitorja u tevalwa l-implimentazzjoni tal-kriterji u l-istandards komuni tar-riskju għas-sigurtà u s-sikurezza, tal-miżuri ta’ kontroll u tal-oqsma ta’ kontroll prijoritarji msemmija fl-Artikolu 43(2), u biex tappoġġa l-proċessi ta’ ġestjoni tar-riskju msemmija fl-Artikolu 43(3) ta’ dan ir-Regolament, perjodu ta’ żamma ta’ 10 snin li jibda mill-mument li d-data tiġi pproċessata fis-sistema ċentrali għall-ewwel darba;

(b)

għas-sistema tar-REX, biex tkun tista’ ssir in-notifika tad-dejn doganali għal perjodu massimu ta’ 10 snin f’konformità mal-Artikolu 103(2) tal-Kodiċi, reġistrazzjoni revokata għandha tinżamm fis-sistema tar-REX għal perjodu massimu ta’ 10 snin li jibda mill-1 ta’ Jannar tas-sena ta’ wara s-sena li fiha tkun seħħet ir-revoka, u, wara l-iskadenza ta’ dak il-perjodu, l-awtorità kompetenti ta’ pajjiż terz jew l-awtoritajiet doganali tal-Istat Membru li jkun irrevoka r-reġistrazzjoni għandhom iħassru d-data tar-reġistrazzjoni. Madankollu, jekk ir-reġistrazzjonijiet kollha f’pajjiż benefiċjarju tas-Sistema Ġeneralizzata ta’ Preferenzi jiġu rrevokati f’konformità mal-Artikolu 90(1) tar-Regolament ta’ Implimentazzjoni (UE) 2015/2447, u jekk il-pajjiż benefiċjarju ma jkun pajjiż benefiċjarju tas-Sistema Ġeneralizzata ta’ Preferenzi tan-Norveġja, tal-Iżvizzera jew tat-Turkija għal aktar minn 10 snin, il-Kummissjoni għandha tħassar id-data tar-reġistrazzjoni;

(c)	għas-CRMS, biex jiġu żgurati l-protezzjoni tas-sigurtà u s-sikurezza taċ-ċittadini u l-protezzjoni tal-interessi finanzjarji tal-Unjoni u tal-Istati Membri tagħha, perjodu ta’ żamma ta’ 10 snin li jibda mill-mument li d-data tiġi pproċessata fis-sistema ċentrali għall-ewwel darba;

(d)

għas-sistema ta’ Sorveljanza, biex tiġi żgurata l-protezzjoni tal-interessi finanzjarji tal-Unjoni u tal-Istati Membri tagħha u l-politiki kummerċjali u l-politiki l-oħra kollha tal-Unjoni li huma bbażati fuq id-data miksuba permezz ta’ sorveljanza, perjodu ta’ żamma ta’ 10 snin li jibda mill-mument li d-data tiġi pproċessata fis-sistema ċentrali għall-ewwel darba.

Madankollu, meta jkunu bdew proċedimenti tal-qorti jew appell li jinvolvi data maħżuna fis-sistemi elettroniċi msemmija fil-punti (a) sa (d), dik id-data għandha tinżamm sakemm jintemmu l-proċedura tal-appell jew il-proċedimenti tal-qorti.

3.   Il-perjodu ta’ żamma tad-data għandu jkun applikabbli għad-data kollha koperta mis-sistemi elettroniċi.