(a)

li jimmappja l-ħtiġijiet attwali ta’ akkomodazzjoni fit-territorji u l-gruppi tal-popolazzjoni, b’mod partikolari l-gruppi b’introjtu baxx u medju, u jivvaluta l-impatt li l-iskarsezza tal-akkomodazzjoni għandha fuq l-inugwaljanzi, l-affordabbiltà, id-demografija, il-faqar u l-esklużjoni soċjali, inkluż bl-użu tad-data eżistenti diżaggregata skont il-ġeneru;

(b)

li janalizza l-politiki rilevanti eżistenti tal-Unjoni, nazzjonali, reġjonali u lokali dwar l-akkomodazzjoni b’enfasi fuq id-disponibbiltà ta’ strumenti b’miri speċifiċi għal akkomodazzjoni soċjali, sostenibbli u affordabbli fil-bliet, fil-gżejjer u fiż-żoni kostali u rurali bil-ħsieb li jiġu identifikati u jinħarġu rakkomandazzjonijiet, inklużi politiki ddedikati biex il-persuni b’diżabilità u b’mobbiltà mnaqqsa jkollhom aċċess għall-akkomodazzjoni;

(c)

li janalizza l-impatt tal-ispekulazzjoni fil-qasam tal-akkomodazzjoni u l-konsegwenzi ekonomiċi tagħha, kif ukoll jipproponi azzjonijiet ta’ segwitu;

(d)

li jivvalutat jekk ix-xejra tal-prezzijiet u l-kirjiet tal-akkomodazzjoni tkunx qed titqies b’mod adegwat fl-indikaturi tal-għoli tal-ħajja u fil-politiki relatati,

(e)

li jimmappja u jivvaluta l-effettività tar-riżorsi pubbliċi u privati tal-Unjoni u nazzjonali, inklużi l-fondi eżistenti tal-Unjoni ddedikati għal akkomodazzjoni deċenti, sostenibbli u affordabbli u għall-eradikazzjoni tal-problema tal-persuni mingħajr dar u jagħmel rakkomandazzjonijiet, fejn rilevanti;

(f)

li janalizza l-kwistjonijiet sistemiċi tal-kirjiet ta’ akkomodazzjoni għal żmien qasir u l-impatt tagħhom fuq id-disponibbiltà ta’ akkomodazzjoni affordabbli fiż-żoni partikolarment affettwati u jagħmel proposti rilevanti;

(g)

li jimmonitorja l-implimentazzjoni tal-leġiżlazzjoni tal-Unjoni dwar il-ġbir u l-qsim tad-data relatata mas-servizzi tal-kiri ta’ akkomodazzjoni għal żmien qasir, li trid tiġi adottata fil-livell nazzjonali sal-20 ta’ Mejju 2026;

(h)

li janalizza l-effetti tal-politiki tal-Unjoni li jinfluwenzaw id-disponibbiltà u l-affordabbiltà tal-akkomodazzjoni, inklużi l-konġestjonijiet fir-regolamenti attwali tal-Unjoni rigward il-kapaċità ta’ investiment, fuq l-akkomodazzjoni u l-akkomodazzjoni soċjali, l-għajnuna mill-Istat u l-iskarsezzi fil-ktajjen tal-provvista;

(i)

li jivvaluta l-ostakli potenzjali li jaffettwaw lis-settur tal-kostruzzjoni u l-impatt tagħhom fuq il-kriżi tal-akkomodazzjoni;

(j)

li jidentifika l-iskarsezzi fid-disponibbiltà, is-sostenibbiltà u l-ħtiġijiet ta’ finanzjament għal akkomodazzjoni affordabbli u l-ħtieġa ta’ riformi potenzjali;

(k)

li jivvaluta l-impatt ta’ soluzzjonijiet ta’ akkomodazzjoni mingħajr skop ta’ qligħ u bi profitt limitat, bħall-akkomodazzjoni soċjali jew dik kooperattiva, fuq l-affordabbiltà u l-aċċessibbiltà tal-akkomodazzjoni għal gruppi differenti;

(l)

li jivvaluta l-politiki u l-proposti leġiżlattivi meħtieġa biex jittejbu l-forniment u d-disponibbiltà ta’ akkomodazzjoni deċenti, sostenibbli u affordabbli, inkluż billi jsiru possibbli programmi ġodda ta’ kostruzzjoni, rikonverżjoni u rinnovazzjoni tal-akkomodazzjoni, filwaqt li jitqies il-potenzjal tal-bini vojt;

(m)

li jimmappja teknoloġiji, proċessi, servizzi u prodotti innovattivi biex jagħti appoġġ lill-mewġa tar-rinnovazzjoni, filwaqt li jqis l-inizjattivi eżistenti tal-Unjoni; li jimmappja fejn il-piżijiet amministrattivi u regolatorji qed ixekklu l-mewġa tar-rinnovazzjoni, bl-għan li jnaqqas il-piż regolatorju bla bżonn filwaqt li jassigura ħidma ta’ kwalità fis-settur tal-kostruzzjoni u standards tal-kwalità għall-akkomodazzjoni affordabbli;

(n)

li jikkontribwixxi għall-iżvilupp u l-implimentazzjoni futura tal-pjan Ewropew ta’ akkomodazzjoni affordabbli u l-istrateġija Ewropea għall-kostruzzjoni tal-akkomodazzjoni, li għandhom jiġu ppreżentati mill-Kummissjoni;

(o)

li jagħmel seduti ta’ smigħ mal-esperti mill-istituzzjonijiet tal-Unjoni u l-awtoritajiet kompetenti, l-istituzzjonijiet internazzjonali, nazzjonali u reġjonali, l-organizzazzjonijiet mhux governattivi u s-setturi rilevanti tal-ekonomija, filwaqt li jqis il-perspettivi ta’ firxa ta’ partijiet ikkonċernati;

(p)

li jagħmel żjarat biex jistudja l-aħjar prattiki madwar l-Ewropa;