—

tannulla d-digriet appellat;

—

tiddikjara r-rikors għal annullament ammissibbli;

—

tannulla d-Deċiżjoni tal-Kummissjoni C(2022) 7665 final tal-31 ta’ Ottubru 2022 dwar l-Għajnuna mill-Istat SA.34914 (2013/C) implimentata mir-Renju Unit rigward l-Iskema tat-Taxxa fuq l-Introjtu Korporattiv f’Ġibiltà (iktar ’il quddiem id-“deċiżjoni kontenzjuża”) (1) u tikkundanna lill-Kummissjoni għall-ispejjeż sostnuti mill-appellanti quddiem il-Qorti tal-Ġustizzja u quddiem il-Qorti Ġenerali, jew

—

sussidjarjament, tibgħat il-kawża lura quddiem il-Qorti Ġenerali sabiex tiġi eżaminata fuq il-mertu.

1.

L-ewwel aggravju huwa bbażat fuq żball ta’ liġi, sa fejn il-Qorti Ġenerali kellha tikkonstata li l-Kummissjoni ma kellhiex il-kompetenza sabiex tadotta d-deċiżjoni kontenzjuża abbażi tal-Artikolu 92(3)(a) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (iktar ’il quddiem il-“Ftehim ta’ ħruġ”) (2). Konsegwentement, il-Qorti Ġenerali ma kellhiex tqis r-rikors bħala intiż li jikkontesta l-eżerċizzju tas-setgħa tal-Kummissjoni li tadotta deċiżjoni preliminari abbażi tal-Artikolu 108(2) (li jkun normalment inammissibbli fl-assenza ta’ għajnuna), iżda pjuttost bħala intiż li jikkontesta b’mod validu r-riferiment preċedenti tal-Kummissjoni għall-Artikolu 92(3)(a).

2.

It-tieni aggravju bbażat fuq żball ta’ liġi, sa fejn il-Qorti Ġenerali naqset li tinterpreta u tapplika l-Artikolu 92 tal-Ftehim ta’ ħruġ flimkien mal-Artikolu 108 TFUE u kellha tiddeċiedi li f’din il-kawża ma kienx hemm “proċedura amministrattiva li kienet għadha għaddejja”, b’tali mod li l-Artikolu 92(3) ma setax iservi bħala bażi legali għall-investigazzjoni tal-Kummissjoni. Appell imsejjes fuq din il-bażi jkun ukoll ammissibbli għall-istess raġunijiet bħal dawk esposti iktar ’il fuq.

3.

It-tielet aggravju bbażat fuq nuqqas ta’ motivazzjoni, sa fejn il-Qorti Ġenerali ma eżaminatx il-kwistjoni ta’ jekk ir-rikors għal annullament kienx inammissibbli minħabba l-ksur tal-Artikolu 92 tal-Ftehim ta’ ħruġ.