(1)

Il-kundizzjonijiet għall-introduzzjoni fis-suq u għat-tqegħid fis-suq ta’ deterġenti u aġenti tensjoattivi għad-deterġenti ġew armonizzati permezz tar-Regolament (KE) Nru 648/2004 tal-Parlament Ewropew u tal-Kunsill (2).

(2)

L-evalwazzjoni tal-Kummissjoni tar-Regolament (KE) Nru 648/2004 (3) ikkonkludiet li b’mod ġenerali dak ir-Regolament laħaq fil-biċċa l-kbira l-objettivi tiegħu. Madankollu, l-evalwazzjoni identifikat ukoll għadd ta’ dgħufijiet u oqsma għal aktar titjib. F’dawn l-aħħar snin, il-qafas regolatorju għas-sustanzi kimiċi nbidel radikalment u ħoloq nuqqas ta’ koerenza u duplikazzjonijiet fir-regoli applikabbli għad-deterġenti u b’mod partikolari r-rekwiżiti ta’ informazzjoni tagħhom. Għalhekk hemm bżonn li tiġi żgurata l-konsistenza u li jiġu eliminati r-rekwiżiti ta’ informazzjoni duplikati.

(3)

Tfaċċaw żviluppi ġodda fis-suq, b’mod partikolari l-iżvilupp ta’ deterġenti li fihom il-mikroorganiżmi u l-bejgħ tar-rikariki ta’ deterġenti li jew huma kompletament jew parzjalment mhux koperti mir-Regolament (KE) Nru 648/2004. Min-naħa l-oħra, id-diġitalizzazzjoni toffri opportunitajiet għas-simplifikazzjoni, għat-tnaqqis tal-piżijiet u għaż-żieda fil-faċilità tal-użu u l-fehim tal-informazzjoni dwar is-sikurezza u l-użu li bħalissa qed jintilfu. Għalhekk huwa meħtieġ li jitqiesu l-prodotti u l-prattiki ġodda li tfaċċaw u jiżdiedu l-isforzi ta’ diġitalizzazzjoni f’konformità mal-objettivi ġenerali tal-Unjoni speċjalment f’termini ta’ sostenibbiltà u t-tranżizzjoni doppja ekoloġika u diġitali.

(4)

Il-Kontroll tal-Idoneità tal-aktar leġiżlazzjoni rilevanti dwar is-sustanzi kimiċi (4) (minbarra r-Regolament (KE) Nru 1907/2006 tal-Parlament Ewropew u tal-Kunsill (5)) issottolinja l-kumplessità tal-qafas regolatorju tal-Unjoni għas-sustanzi kimiċi u attribwieha għall-għadd kbir ta’ biċċiet ta’ leġiżlazzjoni speċifiċi għall-prodott u għas-settur b’rabtiet inkorporati ma’ xulxin. Huwa ssottolinja wkoll li hemm lok għal simplifikazzjoni fil-komunikazzjoni tal-informazzjoni ta’ tikketti ffullati żżejjed lill-utenti tal-prodotti, u sab li l-użu ta’ għodod innovattivi għall-komunikazzjoni tal-informazzjoni dwar il-prodott bħalissa mhux qed jiġi sfruttat. Għalhekk, hemm bżonn li r-regoli attwali jiġu ssimplifikati biex jitnaqqas il-piż għall-operaturi ekonomiċi, jitjieb il-fehim tal-konsumatur u tiġi ffaċilitata s-sorveljanza tas-suq. Għalhekk, jenħtieġ li ir-Regolament (KE) Nru 648/2004 jiġi sostitwit.

(5)

Id-Deċiżjoni Nru 768/2008/KE tal-Parlament Ewropew u tal-Kunsill (6) tistabbilixxi prinċipji komuni u dispożizzjonijiet ta’ referenza maħsuba biex japplikaw fil-leġiżlazzjoni settorjali kollha sabiex jipprovdu bażi koerenti għal reviżjoni ta’ dik il-leġiżlazzjoni. Il-qafas legali l-ġdid għad-deterġenti u għall-aġenti tensjoattivi jenħtieġ li jiġi allinjat sa fejn ikun possibbli ma’ dawk il-prinċipji komuni u d-dispożizzjonijiet ta’ referenza.

(6)

Sabiex jiġu żgurati ċ-ċertezza legali u kundizzjonijiet ekwi għall-operaturi ekonomiċi, jenħtieġ li d-definizzjoni ta’ deterġent tkopri l-prodotti kollha li jaqgħu fl-ambitu tal-armonizzazzjoni, inklużi d-deterġenti żviluppati ġodda li fihom mikroorganiżmi miżjuda intenzjonalment. Id-definizzjoni jenħtieġ li tkopri wkoll il-prodotti għat-tindif tas-superfiċe tal-frott u tal-ħxejjex.

(7)

Peress li l-aġenti tensjoattivi jinbiegħu primarjament fi tranżazzjonijiet minn negozju għal negozju sabiex jintużaw fil-manifattura tad-deterġenti, dawn ma hemmx bżonn li jkunu soġġetti għall-istess rekwiżiti bħad-deterġenti. Għalhekk, jenħtieġ li jiġu stabbiliti regoli minimi għall-aġenti tensjoattivi, jiġifieri regoli dwar il-bijodegradabbiltà finali, sett minimu ta’ informazzjoni tat-tikkettar u l-obbligu tal-operaturi ekonomiċi li jfasslu dokumentazzjoni teknika u li joħolqu passaport tal-prodotti.

(8)

Dan ir-Regolament jenħtieġ li jikkomplementa r-regoli eżistenti stabbiliti fi strumenti leġiżlattivi oħra u jenħtieġ li ma jaffettwax l-applikazzjoni tal-leġiżlazzjoni eżistenti tal-Unjoni relatata mal-aspetti tal-protezzjoni tas-saħħa, tas-sikurezza u tal-ambjent mhux koperti minn dan ir-Regolament. B’mod partikolari, jenħtieġ li dan ir-Regolament japplika mingħajr preġudizzju għar-Regolament (KE) Nru 1907/2006, ir-Regolament (UE) Nru 528/2012 tal-Parlament Ewropew u tal-Kunsill (7) u għar-Regolament (KE) Nru 1272/2008 tal-Parlament Ewropew u tal-Kunsill (8).

(9)

L-aġenti tensjoattivi huma aġenti li jaħdmu fuq is-superfiċe li jgħinu biex ikissru l-interfaċċja bejn l-ilma u ż-żjut jew il-ħmieġ. Huma wieħed mill-ingredjenti ewlenin użati fid-deterġenti. L-aġenti tensjoattivi jistgħu, madankollu, joħolqu riskju għall-ambjent peress li jiġu skarikati f’sistemi tad-drenaġġ jew direttament fl-ilmijiet tas-superfiċe. Biex jiġi evitat kwalunkwe effett negattiv li l-aġenti tensjoattivi jista’ jkollhom fuq l-ambjent, huwa meħtieġ li jiġu stabbiliti rekwiżiti li jiżguraw li l-aġenti tensjoattivi jkunu kompletament bijodegradabbli jew meta jiġu introdotti fis-suq waħedhom u jkunu maħsuba għall-użu fid-deterġenti jew meta jkunu jinsabu fid-deterġenti.

(9a)

Hemm sustanzi użati fid-deterġenti, għajr aġenti tensjoattivi, li jistgħu jibqgħu fl-ilma mormi wara l-użu u, jekk ma jitneħħewx mill-operaturi tal-ilma mormi permezz ta’ proċessi li jiswew ħafna flus, dawn jippersistu u jinġemgħu fl-ambjent. Sabiex tiġi ffaċilitata l-innovazzjoni u jiġu indirizzati r-riskji potenzjali għas-saħħa u għall-ambjent, jeħtieġ li tiġi stabbilita mira ta’ nofs it-terminu li tiżgura li d-deterġenti, b’mod ġenerali, ikunu bijodegradabbli b’mod inerenti. Sabiex il-manifatturi jingħataw żmien ħalli jadattaw il-formulazzjonijiet tal-prodott, jenħtieġ li jiġu pprovduti perjodi ta’ tranżizzjoni suffiċjenti u l-kriterji rilevanti tat-testijiet jenħtieġ li jiġu stabbiliti minn qabel sew. [Em. 1]

(10)

Il-fosforu huwa ingredjent ewlieni użat fid-deterġenti. Madankollu, il-fosforu u l-komposti tiegħu jistgħu jikkawżaw ħsara sinifikanti lill-ekosistemi u lill-ambjenti akkwatiċi peress li jikkontribwixxu għall-ewtrofikazzjoni. Biex jiġi żgurat aktar livell għoli ta’ protezzjoni tal-ambjent, u jitnaqqas il-kontribut tad-deterġenti għal dak il-fenomenu, jeħtieġ li jiġu stabbiliti limiti armonizzati fuq il-kontenut tal-fosfati u ta’ komposti tal-fosforu fid-deterġenti tal-ħasil tal-ħwejjeġ f’ċerti deterġenti għall-konsumatur u fid-deterġenti tal-magni tal-ħasil tal-platti awtomatiċi għall-konsumatur industrijali . Limitazzjonijiet simili ma humiex meħtieġa għal tipi oħra ta’ deterġenti jew minħabba li l-kontribut tagħhom ma huwiex sinifikanti jew minħabba li bħalissa ma humiex disponibbli alternattivi xierqa. [Em. 2]

(11)

F’dawn l-aħħar snin, ġew żviluppati prodotti ġodda tat-tindif li fihom mikroorganiżmi ħajjin bħala ingredjenti attivi. Il-mikroorganiżmi għandhom il-bijoloġija u r-rispons proprji tagħhom għall-ambjent. Minħabba l-kapaċità tagħhom li jipproliferaw, hemm differenza ċara bejn id-deterġenti konvenzjonali u dawk mikrobiċi. Għalhekk, il-perikli inerenti u r-riskji li jinħolqu ma humiex neċessarjament tal-istess natura bħal dawk ippreżentati mis-sustanzi kimiċi, speċjalment fir-rigward tal-kapaċità tal-mikroorganiżmi li jippersistu u jimmultiplikaw f’ambjenti differenti u li jipproduċu firxa ta’ metaboliti u tossini differenti ta’ sinifikat tossikoloġiku potenzjali.

(12)

Peress li l-mikroorganiżmi ma humiex soġġetti għal reġistrazzjoni skont ir-Regolament (KE) Nru 1907/2006 jew kwalunkwe leġiżlazzjoni oħra tal-Unjoni li tirrikjedi li l-manifatturi juru li l-użu maħsub huwa sikur, jenħtieġ li dawn ikunu eliġibbli għall-użu fid-deterġenti biss sal-punt li jkunu ġew identifikati b’mod ċar u appoġġati minn data li turi li l-użu tagħhom huwa sikur, u soġġett għal rekwiżiti speċifiċi li jirregolaw is-sikurezza tagħhom. Għalhekk, jenħtieġ li jiġu stabbiliti regoli armonizzati li jirregolaw is-sikurezza tal-mikroorganiżmi fid-deterġenti kif ukoll metodi ta’ ttestjar rilevanti għall-operaturi ekonomiċi biex juru l-konformità ma’ dawk ir-regoli. Huma meħtieġa restrizzjonijiet fuq il-format li fih jiġu introdotti fis-suq id-deterġenti li fihom il-mikroorganiżmi meta l-ingredjenti sensitizzanti jkunu inklużi fil-kompożizzjoni tagħhom. Biex jiġi żgurat livell għoli ta’ protezzjoni tas-saħħa tal-bniedem anke għall-persuni sensitizzati, id-deterġenti li jkun fihom il-mikroorganiżmi u li jiġu introdotti fis-suq f’format ta’ sprej jenħtieġ, għalhekk, li jinstabu sikuri għall-użu f’dan il-format.

(12a)

F’konformità mad-Direttiva 2010/63/UE tal-Parlament Ewropew u tal-Kunsill  (9) , huwa meħtieġ li l-ittestjar fuq l-annimali jiġi sostitwit, imnaqqas jew irfinat, bil-ħsieb li mill-aktar fis possibbli jitwaqqaf l-użu tal-annimali fl-ittestjar. L-introduzzjoni fis-suq ta’ deterġenti u ta’ aġenti tensjoattivi li kienu s-suġġett ta’ ttestjar fuq l-annimali sabiex jiġu ssodisfati r-rekwiżiti ta’ dan ir-Regolament għaldaqstant jenħtieġ li jiġi pprojbit b’mod ġenerali filwaqt li tiġi żgurata l-protezzjoni tas-saħħa tal-bniedem u jiġi permess l-użu ta’ data storika. Il-Kummissjoni jenħtieġ li tivvalida l-metodi ta’ ttestjar alternattivi rilevanti u derogi rilevanti fejn xieraq u tħeġġeġ il-kondiviżjoni tal-informazzjoni bejn il-partijiet ikkonċernati rilevanti kollha biex tappoġġa l-iżvilupp ta’ metodi ta’ ttestjar li ma jinvolvux l-annimali filwaqt li jitqies id-dritt applikabbli tal-Unjoni dwar il-protezzjoni ta’ informazzjoni kummerċjali mhux żvelata u dwar l-aċċess pubbliku għall-informazzjoni ambjentali. [Em. 3]

(12b)

L-użu tal-asserzjoni “mingħajr ittestjar fuq l-annimali” jew asserzjonijiet simili jenħtieġ li jkun permess biss jekk jiġi żgurat li waqt il-manifattura u l-ittestjar tal-konformità ma jkun sar l-ebda ttestjar fuq l-annimali. Bl-istess mod, il-manifatturi jenħtieġ li jitħallew jasserixxu li prodott huwa “vegan” jew simili, jekk fil-manifattura jew fl-iżvilupp tal-prodott ma jkun intuża l-ebda ingredjent derivat mill-annimali, bħall-ġelatina, il-kolesterin jew il-kollaġen, jew prodotti sekondarji mill-annimali, bħall-għasel jew ix-xama’ tan-naħal. [Em. 4]

(13)

Biex jiġi żgurat livell għoli ta’ protezzjoni tal-aspetti ta’ interess pubbliku, u biex tiġi ggarantita kompetizzjoni ġusta fis-suq intern, jenħtieġ li l-operaturi ekonomiċi jkunu responsabbli għall-konformità tad-deterġenti jew tal-aġenti tensjoattivi ma’ dan ir-Regolament, fir-rigward tar-rwoli rispettivi tagħhom fil-katina tal-provvista. Kull meta jkun xieraq, jenħtieġ li l-manifatturi u l-importaturi jwettqu testijiet ta’ kampjun tad-deterġenti u tal-aġenti tensjoattivi li jkunu qiegħdu fis-suq, sabiex jipproteġu s-saħħa u s-sikurezza tal-konsumaturi u tal-ambjent.

(14)

Jenħtieġ li l-operaturi ekonomiċi kollha li jintervjenu fil-katina tal-provvista u tad-distribuzzjoni jieħdu miżuri xierqa u effettivi biex jiżguraw li jqiegħdu fis-suq tal-Unjoni biss deterġenti u aġenti tensjoattivi li jkunu konformi ma’ dan ir-Regolament. Jeħtieġ li tiġi prevista distribuzzjoni ċara u proporzjonata tal-obbligi li jikkorrispondu għar-rwol ta’ kull operatur ekonomiku fil-katina tal-provvista u tad-distribuzzjoni. [Em. 5]

(15)

Sabiex l-operaturi ekonomiċi jkunu jistgħu juru u l-awtoritajiet kompetenti jkunu jistgħu jivverifikaw li d-deterġenti u l-aġenti tensjoattivi mqiegħda fis-suq jikkonformaw mar-rekwiżiti ta’ dan ir-Regolament, huwa meħtieġ li tiġi prevista proċedura ta’ valutazzjoni tal-konformità. Id-Deċiżjoni Nru 768/2008/KE tistabbilixxi moduli għall-proċeduri ta’ valutazzjoni tal-konformità, mill-anqas stretti sal-aktar stretti, fi proporzjon mal-livell ta’ riskju involut u l-livell ta’ sikurezza meħtieġ. Sabiex tiġi żgurata l-koerenza intersettorjali u biex jiġu evitati varjanti ad hoc, id-Deċiżjoni Nru 768/2008/KE tispeċifika li l-proċeduri ta’ valutazzjoni tal-konformità jenħtieġ li jintgħażlu minn fost dawk il-moduli.

(15a)

Jenħtieġ li l-manifatturi jżommu d-dokumentazzjoni teknika, il-passaport tal-prodotti u, fejn ikun applikabbli, it-tikketta diġitali għal perjodu ta’ 10 snin wara d-data li fiha l-aħħar prodott minn lott jew mudell ta’ deterġent jew l-aġent tensjoattiv kopert minn dik id-dokumentazzjoni, passaport tal-prodott jew tikketta diġitali jkun ġie introdott fis-suq. [Em. 6]

(16)

Il-manifattur, li għandu għarfien dettaljat tad-disinn u tal-proċess tal-produzzjoni, huwa fl-aħjar pożizzjoni biex jiżgura l-konformità tad-deterġent jew tal-aġent tensjoattiv mar-rekwiżiti ta’ dan ir-Regolament. Għalhekk jenħtieġ li l-manifatturi jkunu l-uniċi responsabbli għat-twettiq tal-proċedura ta’ valutazzjoni tal-konformità għad-deterġenti u għall-aġenti tensjoattivi. Il-Modulu A jenħtieġ li jkun applikabbli għall-valutazzjoni tal-konformità tad-deterġenti u tal-aġenti tensjoattivi. Il-manifatturi jenħtieġ li jiġbru wkoll fajl tekniku li juri l-konformità tad-deterġent jew tal-aġent tensjoattiv mar-regoli u l-metodi ta’ ttestjar rilevanti.

(17)

Biex tiġi ffaċilitata l-konformità tal-manifatturi mal-obbligi tagħhom skont dan ir-Regolament, jenħtieġ li l-manifatturi stabbiliti fl-Unjoni jkunu jistgħu jaħtru rappreżentant awtorizzat biex iwettaq kompiti speċifiċi f’isimhom . Tali ħatra jenħtieġ li tkun valida biss meta tiġi aċċettata bil-miktub mir-rappreżentant awtorizzat . Barra minn hekk, biex tiġi żgurata distribuzzjoni ċara u proporzjonata tar-responsabbiltajiet bejn il-manifattur u r-rappreżentant awtorizzat, jeħtieġ li tiġi stabbilita l-lista tal-kompiti li l-manifatturi jenħtieġ li jkunu jistgħu jafdaw lir-rappreżentant awtorizzat. Barra dan, biex jiġu żgurati l-infurzabbiltà u l-effettività tar-rekwiżiti ta’ sorveljanza tas-suq u li deterġenti u aġenti tensjoattivi konformi biss jiġu introdotti fis-suq tal-Unjoni, il-ħatra ta’ rappreżentant awtorizzat jenħtieġ li tkun obbligatorja meta l-manifattur ikun stabbilit barra mill-Unjoni. [Em. 6]

(18)

Bil-għan li tiġi ffaċilitata l-komunikazzjoni bejn l-operaturi ekonomiċi, l-awtoritajiet ta’ sorveljanza tas-suq u l-konsumaturi, jenħtieġ li l-operaturi ekonomiċi, bħala parti mid-dettalji ta’ kuntatt tagħhom, jindikaw numru tat-telefon u indirizz ta’ sit web minbarra l-indirizz postali kif ukoll dak tal-posta elettronika . [Em. 8]

(19)

Sabiex jiġi ssalvagwardjat il-funzjonament tas-suq intern u biex jiġi żgurat li jintlaħaq l-objettiv li jiġi pprovdut livell għoli ta’ protezzjoni tas-saħħa u tal-ambjent, jeħtieġ li jiġi stabbilit li d-deterġenti u l-aġenti tensjoattivi minn pajjiżi terzi li jidħlu fis-suq tal-Unjoni jikkonformaw ukoll ma’ dan ir-Regolament. B’mod partikolari, jeħtieġ li jkun żgurat li l-manifatturi jkunu wettqu proċeduri xierqa ta’ valutazzjoni tal-konformità fir-rigward ta’ dawk il-prodotti. Huwa meħtieġ ukoll li jiġu stabbiliti regoli għall-importaturi biex jiġi żgurat li d-deterġenti u l-aġenti tensjoattivi li jintroduċu fis-suq jikkonformaw ma’ dawk ir-rekwiżiti u li d-dokumentazzjoni mfassla mill-manifatturi u, fejn ikun rilevanti, il-markatura CE jkunu tkun disponibbli għall-ispezzjoni mill-awtoritajiet nazzjonali kompetenti. Jenħtieġ li jsir provvediment ukoll għall-importaturi biex jiżguraw li jkun disponibbli passaport tal-prodotti għal dawk il-prodotti. [Em. 9]

(20)

Peress li l-importaturi għandhom rwol ewlieni biex jiggarantixxu l-konformità tad-deterġenti u tal-aġenti tensjoattivi importati fis-suq tal-Unjoni, meta jintroduċu fis-suq deterġent jew aġent tensjoattiv, l-importaturi jenħtieġ li jindikaw fuq il-prodott isimhom, l-isem kummerċjali rreġistrat jew it-trademark irreġistrata tagħhom kif ukoll l-indirizz postali u tal-posta elettronika tagħhom u, jekk ikunu disponibbli, il-mezzi elettroniċi ta’ komunikazzjoni n-numru tat-telefon li permezz tagħhom jistgħu jiġu kkuntattjati. [Em. 10]

(21)

Peress li d-distributur iqiegħed deterġent jew aġent tensjoattiv fis-suq wara li dan ikun ġie introdott hemm mill-manifattur jew mill-importatur, jenħtieġ li d-distributur jaġixxi bl-attenzjoni dovuta fir-rigward tar-rekwiżiti applikabbli. Jenħtieġ li d-distributur jiżgura wkoll li l-immaniġġar tiegħu tad-deterġent jew tal-aġent tensjoattiv ma jaffettwax b’mod negattiv il-konformità tiegħu mar-rekwiżiti ta’ dan ir-Regolament.

(22)

Peress li d-distributuri u l-importaturi huma qrib is-suq u għandhom rwol importanti biex jiżguraw il-konformità tal-prodott, jenħtieġ li jkunu involuti fil-kompiti ta’ sorveljanza tas-suq imwettqa mill-awtoritajiet nazzjonali kompetenti, u jenħtieġ li jkunu lesti li jipparteċipaw b’mod attiv, billi jagħtu l-informazzjoni kollha meħtieġa lil dawk l-awtoritajiet fir-rigward tad-deterġent jew tal-aġent tensjoattiv ikkonċernat.

(23)

L-operaturi ekonomiċi li jew jintroduċu deterġent jew aġent tensjoattiv fis-suq taħt isimhom jew bit-trademark tagħhom jew jimmodifikaw deterġent jew aġent tensjoattiv b’tali mod li l-konformità ma’ dan ir-Regolament tista’ tiġi affettwata, jenħtieġ li jitqiesu bħala manifatturi u jenħtieġ li jassumu l-obbligi tal-manifatturi. F’każijiet oħra, operaturi ekonomiċi li jimballaw jew jimballaw mill-ġdid biss deterġent jew aġent tensjoattiv li diġà jkun ġie introdott fis-suq minn operaturi ekonomiċi oħra jenħtieġ li jkunu kapaċi jagħtu prova li l-konformità mar-rekwiżiti ta’ dan ir-Regolament ma ġietx affettwata, billi jindikaw l-identità tagħhom fuq il-pakkett u billi jżommu kopja tal-informazzjoni tat-tikkettar oriġinali.

(24)

Il-markatura CE, li tindika l-konformità ta’ deterġent ma’ dan ir-Regolament, hija l-konsegwenza viżibbli ta’ proċess sħiħ li jinkludi valutazzjoni tal-konformità f’sens wiesa’. Ir-Regolament (KE) Nru 765/2008 tal-Parlament Ewropew u tal-Kunsill  (10) jistabbilixxi l-prinċipji ġenerali tal-markatura CE. Jenħtieġ li dak ir-Regolament ikun applikabbli għad-deterġenti koperti minn dan ir-Regolament sabiex jiġi żgurat li l-prodotti li jibbenefikaw mill-moviment liberu tal-merkanzija fl-Unjoni jissodisfaw ir-rekwiżiti li jipprovdu livell għoli ta’ protezzjoni ta’ interessi pubbliċi bħalma huma s-saħħa u l-ambjent. F’konformità mar-Regolament (KE) Nru 765/2008, il-markatura CE jenħtieġ li tkun l-unika markatura ta’ konformità li tindika li d-deterġent huwa konformi mal-leġiżlazzjoni tal-Unjoni dwar l-armonizzazzjoni. [Em. 11]

(25)

Biex jiġi żgurat livell għoli ta’ protezzjoni tas-saħħa tal-bniedem, jenħtieġ li l-manifatturi jkunu meħtieġa jipprovdu skeda tad-data dwar l-ingredjenti għal deterġenti mhux perikolużi. Sabiex tiġi ottimizzata l-effiċjenza tar-rekwiżiti rilevanti u fid-dawl tas-sistema relatata mar-reazzjoni ta’ emerġenza relatata mas-saħħa diġà stabbilita skont ir-Regolament (KE) Nru 1272/2008, jenħtieġ li l-manifatturi jżommu din l-informazzjoni għad-dispożizzjoni taċ-ċentri tal-avvelenament, fuq talba. [Em. 12]

(26)

It-tikketti jikkomunikaw informazzjoni importanti dwar l-użu , is-saħħa u s-sikurezza lill-utenti, bħall-preżenza ta’ sensitizzaturi tal-ġilda jew respiratorji (eż. fwejjaħ allerġeniċi, preservattivi jew enzimi) fid-deterġenti u fl-aġenti tensjoattivi. Billi tiġi pprovduta informazzjoni dwar il-kontenut ta’ dawk is-sustanzi fuq it-tikketti tad-deterġenti u tal-aġenti tensjoattivi, huwa possibbli għall-utenti b’allerġiji jew bi predispożizzjonijiet allerġiċi li jagħmlu għażliet infurmati, u b’hekk jitnaqqsu r-reazzjonijiet potenzjali relatati mal-użu tad-deterġenti u tal-aġenti tensjoattivi. Għalhekk huwa meħtieġ li jiġu stabbiliti rekwiżiti ta’ tikkettar għad-deterġenti u għall-aġenti tensjoattivi. [Em. 13]

(27)

Peress li t-tikkettar tad-deterġenti u tal-aġenti tensjoattivi jista’ jaqa’ taħt diversi biċċiet tal-leġiżlazzjoni tal-Unjoni, l-informazzjoni dwar it-tikketti tad-deterġenti u tal-aġenti tensjoattivi jeħtieġ li tiġi simplifikata sabiex meta tkun meħtieġa informazzjoni simili li tirriżulta minn biċċiet differenti tal-leġiżlazzjoni tal-Unjoni fuq it-tikketti tad-deterġenti u tal-aġenti tensjoattivi, din l-informazzjoni tingħata darba biss f’konformità mar-regoli aktar stretti. Dan, minn naħa, se jtejjeb il-leġġibbiltà u l-fehim tat-tikketti tad-deterġenti u tal-aġenti tensjoattivi mill-utenti finali u, min-naħa l-oħra, inaqqas il-piż regolatorju għall-manifatturi tad-deterġenti u tal-aġenti tensjoattivi.

(28)

Is-sustanzi tal-fwieħa huma komposti organiċi bi rwejjaħ karatteristiċi, ġeneralment pjaċevoli, li jintużaw ħafna fid-deterġenti iżda wkoll f’ħafna prodotti oħra bħall-fwejjaħ u kożmetiċi oħra bil-fwieħa. Dawk is-sustanzi jistgħu jikkawżaw reazzjoni allerġika mal-kuntatt, speċjalment għal persuni sensitizzati, anki meta jkunu f’konċentrazzjonijiet baxxi. Għalhekk, huwa importanti li tiġi pprovduta informazzjoni dwar il-preżenza ta’ fwejjaħ allerġeniċi individwali fid-deterġenti sabiex il-persuni sensitizzati jkunu jistgħu jevitaw il-kuntatt mas-sustanza li għaliha jkunu allerġiċi. Għalhekk huwa meħtieġ li jiġu stabbiliti rekwiżiti stretti għat-tikkettar tal-fwejjaħ allerġeniċi. Madankollu, dawk is-sustanzi jistgħu jiskattaw ukoll rekwiżit ta’ tikkettar skont ir-Regolament (KE) Nru 1272/2008. Għalhekk jenħtieġ li jiġu stabbiliti rekwiżiti speċifiċi ta’ tikkettar li japplikaw biss meta ma jintlaħqux il-limiti tat-tikkettar skont ir-Regolament (KE) Nru 1272/2008. Dan mhux biss jipprevjeni l-piż bla bżonn għall-operaturi ekonomiċi iżda jiżgura wkoll li l-utenti finali jirċievu din l-informazzjoni ppreżentata b’mod ċar u b’hekk jiġi pprovdut livell għoli ta’ protezzjoni tas-saħħa tal-bniedem anke għall-persuni sensitizzati. Jenħtieġ li jiġu applikati perjodi ta’ tranżizzjoni xierqa għar-rekwiżiti ġodda tat-tikkettar stabbiliti b’atti delegati. [Em. 14]

(29)

Huma meħtieġa rekwiżiti addizzjonali ta’ tikkettar għal ċerti sustanzi bħall-preservattivi sabiex jiġi żgurat livell għoli ta’ protezzjoni tas-saħħa. Għalhekk, jenħtieġ li r-rekwiżiti tat-tikkettar għall-preservattivi jkopru mhux biss dawk il-preservattivi miżjuda intenzjonalment mill-manifattur fid-deterġent iżda wkoll dawk li jirriżultaw mit-taħlitiet kostitwenti tiegħu u li spiss jissejħu “preservattivi ta’ trasferiment”.

(30)

L-informazzjoni dwar l-ammont korrett ta’ deterġent li l-konsumaturi jeħtieġ jużaw meta jwettqu attivitajiet ta’ tindif, jiġifieri, l-informazzjoni dwar id-dożaġġ, jenħtieġ li tiġi inkluża fuq it-tikketta tad-deterġenti tal-ħasil tal-ħwejjeġ għall-konsumatur u tad-deterġenti tal-magni tal-ħasil tal-platti awtomatiċi għall-konsumatur sabiex jiġi evitat l-użu żejjed potenzjali tad-deterġenti u b’hekk jitnaqqas l-ammont totali ta’ deterġent u ta’ aġent tensjoattiv li jidħol fl-ambjent.

(31)

It-tikkettar diġitali jista’ jtejjeb il-komunikazzjoni tal-informazzjoni tat-tikkettar kemm billi jevita tikketti fiżiċi ffullati żżejjed kif ukoll billi jippermetti lill-utenti jibbażaw fuq diversi għażliet ta’ qari disponibbli biss għal formati diġitali, bħal tipa akbar, tiftix awtomatiku, loud speakers jew traduzzjoni f’lingwi oħra. Il-forniment ta’ tikketti diġitali jista’ jwassal ukoll għal ġestjoni aktar effiċjenti tal-obbligi ta’ tikkettar mill-operaturi ekonomiċi, billi jiffaċilita l-aġġornament tal-informazzjoni tat-tikkettar, inaqqas il-kostijiet tat-tikkettar u jippermetti informazzjoni aktar immirata lill-utenti. Għalhekk, l-operaturi ekonomiċi jenħtieġ li jkunu jistgħu jipprovdu ċerta informazzjoni tat-tikkettar biss permezz tat-tikketta diġitali soġġett għal ċerti kundizzjonijiet biex jiġi żgurat livell għoli ta’ protezzjoni tal-utenti tad-deterġenti u tal-ambjent . [Em. 15]

(31a)

It-tikkettar diġitali jista’ jżid il-leġġibbiltà, il-faċilità tal-użu u l-komprensjoni tat-tikketti għall-konsumaturi, inklużi l-konsumaturi vulnerabbli u b’indeboliment tal-vista. [Em. 16]

(32)

Biex jiġi evitat li jiġi impost piż amministrattiv bla bżonn għall-operaturi ekonomiċi u peress li, fil-biċċa l-kbira tal-każijiet, it-tikketta diġitali hija biss komplementari għal dik fiżika, jenħtieġ li l-operaturi ekonomiċi jkunu jistgħu jiddeċiedu jekk jużawx tikketti diġitali jew jipprovdux l-informazzjoni kollha fuq tikketta fiżika biss. L-għażla li tiġi pprovduta tikketta diġitali jenħtieġ li tkun f’idejn il-manifatturi u l-importaturi, li huma responsabbli biex jipprovdu s-sett preċiż ta’ informazzjoni tat-tikkettar. [Em. 17]

(33)

It-tikkettar diġitali jista’ joħloq ukoll sfidi għall-gruppi vulnerabbli tal-popolazzjoni mingħajr ħiliet diġitali jew b’ħiliet diġitali insuffiċjenti u jwassal għal żieda fid-distakk diġitali. Għal din ir-raġuni, l-informazzjoni speċifika li għandha tiġi pprovduta biss f’tikketta diġitali jenħtieġ li tirrifletti l-istat attwali tad-diġitalizzazzjoni tas-soċjetà u s-sitwazzjoni partikolari tal-utenti tad-deterġenti kif ukoll il-livell ta’ tħejjija tal-infrastruttura wireless u infrastruttura teknoloġika oħra meħtieġa li tippermetti aċċess bla restrizzjonijiet għall-informazzjoni . Barra minn hekk, l-informazzjoni kollha tat-tikkettar dwar il-protezzjoni tas-saħħa u tal-ambjent, kif ukoll inkluż l-istruzzjonijiet minimi dwar l-użu tad-deterġenti, jenħtieġ li jibqgħu fuq it-tikketta fiżika, biex l-utenti finali kollha jkunu jistgħu jagħmlu għażliet infurmati qabel ma jixtru d-deterġent u biex jiġi żgurat l-immaniġġar sikur tiegħu. [Em. 18]

(34)

Madankollu, jenħtieġ li ssir eċċezzjoni Għad-deterġenti mibjugħa lill-utenti finali f’format ta’ rikarika. Sabiex jiġu sfruttati b’mod sħiħ mhux biss il-benefiċċji offruti mid-diġitalizzazzjoni iżda wkoll il-benefiċċji ambjentali kbar f’termini ta’ tnaqqis tal-imballaġġ u tal-iskart relatat mill-imballaġġ li toffri l-prattika tal-bejgħ tar-rikariki, jenħtieġ li jkun permess jiġi żgurat li l-informazzjoni kollha tat-tikkettar tiġi pprovduta tkun disponibbli fuq tikketta disponibbli b’mod diġitali bl-eċċezzjoni tal-istruzzjonijiet separat li jenħtieġ li tkun mehmuża mal-imballaġġ fil-mument tal-rikarika. Dan jenħtieġ li jinkludi l-istruzzjonijiet dwar id-dożaġġ għad-deterġenti tal-ħasil tal-ħwejjeġ għall-konsumatur. [Em. 19]

(35)

Biex jiġu żgurati kundizzjonijiet ekwi fost l-operaturi ekonomiċi li jqiegħdu d-deterġenti fis-suq, u biex jiġu protetti l-utenti finali, jenħtieġ li jiġu stabbiliti rekwiżiti ġenerali għat-tikkettar diġitali. Pereżempju, l-operaturi ekonomiċi jenħtieġ li jiżguraw aċċess liberu u faċli għat-tikketti diġitali , disponibbli permezz ta’ massimu ta’ żewġ għafsiet ta’ buttuna jew klikks, u li l-informazzjoni obbligatorja tat-tikkettar mitluba skont dan ir-Regolament tkun separata minn informazzjoni oħra. [Em. 20]

(36)

Minħabba l-iżvilupp attwali tal-ħiliet diġitali, l-operaturi ekonomiċi jenħtieġ li jipprovdu wkoll l-informazzjoni tat-tikkettar b’mezzi alternattivi lill-utenti finali meta dawn ma jkunux jistgħu jaċċessaw it-tikketta diġitali. Dan l-obbligu jenħtieġ li jiġi impost bħala miżura ta’ sikurezza biex jitnaqqas kwalunkwe riskju potenzjali minħabba n-nuqqas ta’ disponibbiltà tal-informazzjoni tat-tikkettar, b’mod partikolari fir-rigward tad-deterġenti rikarikati, meta l-informazzjoni kollha tista’ tiġi pprovduta f’tikketta diġitali. [Em. 21]

(37)

Peress li d-deterġenti għandhom l-istess użu u jippreżentaw l-istess riskji irrispettivament mill-format li fih jitqiegħdu fis-suq, l-operaturi ekonomiċi li jqiegħdu fis-suq id-deterġenti f’format ta’ rikarika jenħtieġ li jiżguraw li dawn jikkonformaw mal-istess rekwiżiti bħal dawk imballati minn qabel. Barra minn hekk, il-konsumaturi jenħtieġ li jirċievu l-informazzjoni meħtieġa tat-tikkettar ukoll meta jagħżlu deterġenti rikarikati. Kopja fiżika tat-tikketta jenħtieġ li tkun viżibbli dejjem fil-post tar-rikarika. Għalhekk, il-bejgħ tar-rikariki tad-deterġenti jenħtieġ li jkun kopert b’mod espliċitu minn dan ir-Regolament sabiex jiġi żgurat livell għoli ta’ protezzjoni tas-saħħa u tal-ambjent u kundizzjonijiet ekwi għall-operaturi ekonomiċi. Sabiex tkompli timxi ’l quddiem it-tranżizzjoni tal-Unjoni lejn ekonomija ċirkolari, jenħtieġ li jiġu mħeġġa u promossi l-użu mill-ġdid u r-rikariki tal-imballaġġ. Jenħtieġ li l-manifatturi u d-distributuri finali, meta jkun fattibbli, jippermettu u jiżviluppaw aktar il-bejgħ tad-deterġenti fil-format ta’ rikarika fil-punt tal-bejgħ u jenħtieġ li jagħmlu ħilithom biex jagħmlu d-deterġenti disponibbli għall-konsumaturi f’forom oħra ta’ bejgħ sostenibbli, pereżempju billi jagħmlu d-deterġenti disponibbli f’imballaġġ riċiklabbli li jippermetti lill-konsumaturi jagħmlu r-rikarika tal-imballaġġ xieraq fi djarhom, meta jkun possibbli, filwaqt li jiżguraw is-sikurezza tal-konsumaturi. [Em. 22]

(38)

L-iżgurar tat-traċċabbiltà ta’ deterġent jew ta’ aġent tensjoattiv tul il-katina kollha tal-provvista jgħin biex is-sorveljanza tas-suq issir aktar sempliċi u effiċjenti. Sistema effiċjenti ta’ traċċabbiltà tiffaċilita l-kompitu tal-awtoritajiet tas-sorveljanza tas-suq li jittraċċaw operaturi ekonomiċi li jkunu qiegħdu fis-suq deterġenti jew aġenti tensjoattivi mhux konformi.

(39)

Jenħtieġ li l-manifatturi joħolqu passaport tal-prodotti biex jipprovdu informazzjoni dwar il-konformità tad-deterġenti u tal-aġenti tensjoattivi ma’ dan ir-Regolament, kif ukoll ma’ kwalunkwe leġiżlazzjoni oħra li d-deterġent jew l-aġent tensjoattiv irid jikkonforma magħha. Sabiex jiġu ffaċilitati l-kontrolli fuq id-deterġenti jew l-aġenti tensjoattivi u biex l-atturi fil-katina tal-provvista u l-utenti finali jkunu jistgħu jaċċessaw l-informazzjoni meħtieġa bħall-ingredjenti u l-istruzzjonijiet dwar l-użu, l-informazzjoni fuq il-passaport tal-prodotti jenħtieġ li tiġi pprovduta b’mod diġitali u b’mod direttament aċċessibbli, permezz ta’ mezz ta’ data mwaħħal mat-tikketta tad-deterġent jew tal-aġent tensjoattiv, l-imballaġġ tiegħu jew id-dokumentazzjoni li takkumpanjah. Għalhekk, jenħtieġ li l-awtoritajiet tas-sorveljanza tas-suq, l-operaturi ekonomiċi u l-utenti finali jkollhom aċċess immedjat għall-informazzjoni dwar il-konformità jew informazzjoni oħra dwar id-deterġent jew l-aġent tensjoattiv permezz tal-mezz ta’ data.

(39a)

Sabiex jiġu evitati spejjeż għall-kumpaniji u għall-pubbliku li jkunu sproporzjonati għall-benefiċċji usa’, jenħtieġ li l-passaport tal-prodotti, b’mod awtomatiku, ikun speċifiku għall-mudell ta’ deterġent jew ta’ aġenti tensjoattiv. Meta jkun hemm bidliet sostanzjali fil-formula jew meta jkun hemm differenzi fil-kompożizzjoni skont il-lott, il-passaport tal-prodotti jenħtieġ li jkun speċifiku għal-lott. [Em. 23]

(40)

Biex tiġi evitata d-duplikazzjoni tal-investiment fid-diġitalizzazzjoni mill-atturi kollha involuti, inklużi l-manifatturi, l-awtoritajiet tas-sorveljanza tas-suq u l-awtoritajiet doganali, il-passaport tal-prodotti stabbilit skont dan ir-Regolament jenħtieġ li jkun kompletament interoperabbli mal-passaport tal-prodotti meħtieġ skont leġiżlazzjoni oħra tal-Unjoni.

(41)

B’mod partikolari, ir-Regolament (UE) …/… [tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE] jistabbilixxi wkoll rekwiżiti u speċifikazzjonijiet tekniċi għal passaport diġitali tal-prodotti, l-istabbiliment ta’ reġistru ċentrali tal-Kummissjoni fejn tinħażen l-informazzjoni dwar il-passaporti u l-interkonnessjoni ta’ dak ir-reġistru mas-sistemi tal-IT doganali. Dak ir-Regolament jista’ jinkludi d-deterġenti jew l-aġenti tensjoattivi fil-kamp ta’ applikazzjoni tiegħu fuq terminu medju, u b’hekk jirrikjedi li jkun hemm disponibbli għalihom passaport diġitali tal-prodotti.

(42)

Il-passaport tal-prodotti għad-deterġenti u l-aġenti tensjoattivi maħluq skont dan ir-Regolament jenħtieġ għalhekk li jikkonforma mal-istess rekwiżiti u elementi tekniċi bħal dawk stabbiliti fir-Regolament (UE) …/… dwar ir-rekwiżiti tal-ekodisinn għal prodotti sostenibbli, inklużi l-aspetti tekniċi, semantiċi u organizzattivi tiegħu tal-komunikazzjoni minn tarf sa tarf u tat-trasferiment tad-data.

(43)

Meta leġiżlazzjoni oħra tal-Unjoni applikabbli għad-deterġenti jew għall-aġenti tensjoattivi tirrikjedi passaport tal-prodotti, jenħtieġ li jkun disponibbli meħtieġ passaport tal-prodotti wieħed għad-deterġenti u għall-aġenti tensjoattivi li jkun fih l-informazzjoni meħtieġa skont dan ir-Regolament u l-leġiżlazzjoni l-oħra tal-Unjoni. Barra minn hekk, ir-rekwiżiti għad-disinn tekniku tal-passaport tal-prodotti għad-deterġenti u l-aġenti tensjoattivi jenħtieġ li jkunu kompatibbli ma’ kriterji ta’ disinn tekniku separati previsti f’leġiżlazzjoni oħra tal-Unjoni. [Em. 24]

(44)

Huwa kruċjali li jiġi ċċarat kemm lill-manifatturi kif ukoll lill-utenti li billi joħloq il-passaport tal-prodotti għad-deterġent jew għall-aġent tensjoattiv u, fejn ikun rilevanti, billi jwaħħal il-markatura CE, il-manifattur jiddikjara li d-deterġent jew l-aġent tensjoattiv ikun konformi mar-rekwiżiti applikabbli kollha u li l-manifattur jieħu r-responsabbiltà sħiħa tiegħu. [Em. 25]

(45)

Meta ċerta informazzjoni tiġi pprovduta biss b’mod diġitali, huwa meħtieġ li jiġi ċċarat li din l-informazzjoni jeħtieġ li tiġi pprovduta separatament u distinta b’mod ċar minn xulxin iżda permezz ta’ mezz ta’ data wieħed. Dan se jiffaċilita l-ħidma tal-awtoritajiet tas-sorveljanza tas-suq iżda jipprovdi wkoll ċarezza lill-utenti finali fir-rigward tal-biċċiet differenti ta’ informazzjoni li huma disponibbli għalihom f’format diġitali. [Em. 26]

(46)

Il-Kapitolu VII tar-Regolament (UE) 2019/1020 tal-Parlament Ewropew u tal-Kunsill (11), li jistabbilixxi r-regoli tal-kontrolli fuq il-prodotti li jidħlu fis-suq tal-Unjoni, japplika għad-deterġenti u għall-aġenti tensjoattivi. L-awtoritajiet responsabbli minn dawk il-kontrolli, li fi kważi l-Istati Membri kollha huma l-awtoritajiet doganali, għandhom iwettquhom abbażi tal-analiżi tar-riskju kif imsemmi fl-Artikoli 46 u 47 tar-Regolament (UE) Nru 952/2013 tal-Parlament Ewropew u tal-Kunsill (12), il-leġiżlazzjoni ta’ implimentazzjoni tiegħu u l-gwida korrispondenti. Għalhekk, jenħtieġ li dan ir-Regolament ma jimmodifika bl-ebda mod il-Kapitolu VII tar-Regolament (UE) 2019/1020 u l-mod kif l-awtoritajiet responsabbli mill-kontrolli fuq il-prodotti li jidħlu fis-suq tal-Unjoni jorganizzaw lilhom infushom u jwettqu l-attivitajiet tagħhom.

(47)

Minbarra l-qafas ta’ kontrolli stabbilit mill-Kapitolu VII tar-Regolament (UE) 2019/1020, jenħtieġ li l-awtoritajiet doganali jkunu jistgħu jivverifikaw awtomatikament li jeżisti passaport tal-prodotti għad-deterġenti u l-aġenti tensjoattivi importati soġġetti għal dan ir-Regolament sabiex jissaħħu l-kontrolli fil-fruntieri esterni tal-Unjoni u jiġi evitat li deterġenti u aġenti tensjoattivi mhux konformi jidħlu fis-suq tal-Unjoni.

(48)

Meta deterġenti u aġenti tensjoattivi li jkunu ġejjin minn pajjiżi terzi jiġu ppreżentati għar-rilaxx għaċ-ċirkolazzjoni libera, id-dwana jenħtieġ li tiżgura li r-referenza ta’ passaport tal-prodotti ssir disponibbli għall-awtoritajiet doganali mill-operatur ekonomiku u li din ir-referenza tikkorrispondi għal identifikatur uniku tal-prodott li jkun maħżun fir-reġistru tal-passaporti tal-prodotti stabbilit mill-Kummissjoni skont [l-Artikolu 12 tar-Regolament (UE) …/… dwar l-Ekodisinn għal Prodotti Sostenibbli]. L-interkonnessjoni bejn dan ir-reġistru u s-sistema tal-IT doganali kif previst fl-[Artikolu 13 tar-Regolament (UE) …/… dwar ir-rekwiżiti tal-ekodisinn għal prodotti sostenibbli] jenħtieġ li tippermetti verifika awtomatika tal-passaport tal-prodotti ppreżentat lid-dwana għal dak id-deterġent jew aġent tensjoattiv, sabiex jiġi żgurat li deterġenti u aġenti tensjoattivi b’referenza valida għal identifikatur uniku tal-prodott kif inkluż fir-reġistru biss jiġu rilaxxati għaċ-ċirkolazzjoni libera.

(49)

Meta informazzjoni oħra minbarra l-identifikatur uniku tal-prodott u l-identifikatur uniku tal-operatur tiġi maħżuna fir-reġistru tal-passaporti tal-prodott stabbilit skont [l-Artikolu 12 tar-Regolament (UE) …/… dwar l-Ekodisinn għal Prodotti Sostenibbli], il-Kummissjoni jenħtieġ li tkun tista’ tistipula f’att delegat, li l-awtoritajiet doganali jkunu jistgħu jivverifikaw il-konsistenza bejn din l-informazzjoni addizzjonali u l-informazzjoni magħmula disponibbli mill-operatur ekonomiku lid-dwana, sabiex tittejjeb il-konformità tad-deterġenti u tal-aġenti tensjoattivi mqiegħda taħt il-proċedura doganali tar-rilaxx għaċ-ċirkolazzjoni libera ma’ dan ir-Regolament.

(50)

L-informazzjoni inkluża fil-passaport tal-prodotti tista’ tippermetti lill-awtoritajiet doganali jarrikkixxu u jiffaċilitaw il-ġestjoni tar-riskju u jippermettu l-immirar aħjar tal-kontrolli fil-fruntieri esterni tal-Unjoni. Għalhekk, jenħtieġ li l-awtoritajiet doganali jkunu jistgħu jirkupraw u jużaw l-informazzjoni inkluża fil-passaport tal-prodotti u fir-reġistru relatat biex iwettqu l-kompiti tagħhom f’konformità mal-leġiżlazzjoni tal-Unjoni inkluż għall-ġestjoni tar-riskju f’konformità mar-Regolament (UE) Nru 952/2013.

(51)

Huwa xieraq li tiġi prevista l-pubblikazzjoni ta’ avviż f’Il-Ġurnal Uffiċjali tal-Unjoni Ewropea li jindika d-data meta l-interkonnessjoni bejn ir-reġistru u s-Sistema ta’ Tieqa Unika Doganali għall-Iskambju taċ-Ċertifikati tal-UE msemmija fl-[Artikolu 13 tar-Regolament (UE) …/… dwar l-Ekodisinn għal Prodotti Sostenibbli] issir operattiva sabiex jiġi ffaċilitat l-aċċess pubbliku għal dik l-informazzjoni.

(52)

Jenħtieġ li l-verifika awtomatika mid-dwana tar-referenza tal-passaport tal-prodotti għad-deterġenti u l-aġenti tensjoattivi li jidħlu fis-suq tal-Unjoni ma tissostitwixxix jew ma timmodifikax ir-responsabbiltajiet tal-awtoritajiet tas-sorveljanza tas-suq iżda tikkomplementa biss il-qafas ġenerali għall-kontrolli fuq il-prodotti li jidħlu fis-suq tal-Unjoni. Jenħtieġ li l-awtoritajiet tas-sorveljanza tas-suq, f’konformità mar-Regolament (UE) 2019/1020, iwettqu kontrolli tal-informazzjoni li tinsab fil-passaporti tal-prodotti, verifiki fuq il-prodotti fis-suq u, f’każ ta’ sospensjoni tar-rilaxx għaċ-ċirkolazzjoni libera mill-awtoritajiet maħtura għall-kontrolli fil-fruntieri esterni tal-Unjoni, jiddeterminaw il-konformità u r-riskji serji tal-prodotti skont il-Kapitolu VII tar-Regolament (UE) 2019/1020.

(53)

Is-sorveljanza tas-suq hija strument essenzjali minħabba li tiżgura l-applikazzjoni xierqa u uniformi tal-leġiżlazzjoni tal-Unjoni. Ir-Regolament (UE) 2019/1020 jistabbilixxi l-qafas għas-sorveljanza tas-suq ta’ prodotti soġġetti għal-leġiżlazzjoni ta’ armonizzazzjoni tal-Unjoni. Għalhekk, jenħtieġ li l-Istati Membri jorganizzaw u jwettqu sorveljanza tas-suq tad-deterġenti u tal-aġenti tensjoattivi f’konformità ma’ dak ir-Regolament.

(54)

Ir-Regolament (UE) 2019/1020 diġà japplika għad-deterġenti u għall-aġenti tensjoattivi, peress li r-Regolament (KE) Nru 648/2004 huwa elenkat fl-Anness I tiegħu. Madankollu, sabiex tiġi żgurata ċ-ċertezza legali, jeħtieġ li jiġi ċċarat li dawk ir-regoli dwar is-sorveljanza tas-suq intern u l-kontroll tal-prodotti li jidħlu fis-suq intern previsti fir-Regolament (UE) 2019/1020 japplikaw ukoll għad-deterġenti u għall-aġenti tensjoattivi koperti b’dan ir-Regolament. Jenħtieġ li dan ir-Regolament ma jipprevjenix lill-Istati Membri milli jagħżlu l-awtoritajiet kompetenti biex iwettqu dawk il-kompiti. Għalhekk, jenħtieġ li r-Regolament (UE) 2019/1020 jiġi emendat biex jinkludi referenza għal dan ir-Regolament.

(55)

Ir-Regolament (KE) Nru 648/2004 kien jipprevedi proċedura ta’ salvagwardja li kienet tippermetti lill-Kummissjoni teżamina l-ġustifikazzjoni għal miżura meħuda minn Stat Membru kontra deterġenti u aġenti tensjoattivi meqjusa li jikkostitwixxu riskju. Sabiex tiżdied it-trasparenza u jitnaqqas iż-żmien tal-ipproċessar, jeħtieġ li tittejjeb il-proċedura ta’ salvagwardja preċedenti, bil-ħsieb li din issir aktar effiċjenti u tkun ibbażata fuq l-għarfien espert disponibbli fl-Istati Membri. Is-sistema preċedenti jenħtieġ li tiġi ssostitwita bi proċedura li biha l-partijiet interessati jiġu infurmati bil-miżuri li jkunu maħsuba li jittieħdu fir-rigward ta’ deterġenti u aġenti tensjoattivi li jippreżentaw riskju għas-saħħa jew għall-ambjent. L-awtoritajiet tas-sorveljanza tas-suq jenħtieġ li jkunu jistgħu, f’kooperazzjoni mal-operaturi ekonomiċi rilevanti, jaġixxu fi stadju bikri fir-rigward ta’ tali deterġenti u aġenti tensjoattivi. Jenħtieġ li l-Kummissjoni, permezz ta’ atti ta’ implimentazzjoni u, minħabba n-natura speċjali u teknika tagħhom, filwaqt li taġixxi mingħajr l-applikazzjoni tar-Regolament (UE) Nru 182/2011, tiddetermina jekk miżura nazzjonali fir-rigward ta’ deterġent jew aġent tensjoattiv li jippreżenta riskju, tkunx ġustifikata.

(56)

L-esperjenza bir-Regolament (KE) Nru 648/2004 uriet li deterġenti u aġenti tensjoattivi li kienu konformi mar-rekwiżiti applikabbli, f’każijiet speċifiċi kienu ta’ riskju għas-saħħa jew għall-ambjent. Jenħtieġ li jsiru dispożizzjonijiet biex jiġi żgurat li l-awtoritajiet tas-sorveljanza tas-suq jieħdu azzjoni kontra kwalunkwe deterġent jew aġent tensjoattiv li jippreżenta riskju għas-saħħa jew għall-ambjent, anki meta jkun konformi mar-rekwiżiti legali. Jenħtieġ li l-Kummissjoni, permezz ta’ atti ta’ implimentazzjoni u, minħabba n-natura speċjali u teknika tagħhom, filwaqt li taġixxi mingħajr l-applikazzjoni tar-Regolament (UE) Nru 182/2011, tiddetermina jekk miżura nazzjonali fir-rigward ta’ deterġenti jew aġenti tensjoattivi konformi li Stat Membru jsib li jippreżentaw riskju għas-saħħa u għas-sikurezza tal-persuni jew tal-ambjent tkunx ġustifikata.

(57)

Sabiex jittieħed kont tal-progress tekniku u xjentifiku jew ta’ evidenza xjentifika ġdida, u tal-livell ta’ prontezza diġitali, jenħtieġ li l-Kummissjoni tiġi ddelegata s-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tas-supplimentazzjoni ulterjuri tar-rekwiżiti ġenerali dwar it-tikkettar diġitali; l-emendar tal-informazzjoni tat-tikkettar li tista’ tiġi pprovduta f’format diġitali biss; l-emendar tal-limitu tal-fwejjaħ allerġeniċi meta jiġu stabbiliti limiti ta’ konċentrazzjoni individwali bbażati fuq ir-riskju għall-allerġeni tal-fwieħa skont ir-Regolament (KE) Nru 1223/2009; l-emendar tar-rekwiżiti eżistenti ta’ bijodegradabbiltà biex jiġu introdotti rekwiżiti ta’ bijodegradabbiltà għal sustanzi u taħlitiet għajr aġenti tensjoattivi fid-deterġenti (inklużi kapsuli ta’ deterġenti) meta evidenza xjentifika ġdida tkun teħtieġ dan; u l-emendar tal-Annessi I sa VII. Jenħtieġ li l-Kummissjoni tingħata s-setgħa wkoll li temenda l-informazzjoni speċifika li jenħtieġ li tiġi inkluża fil-passaport tal-prodotti, kif ukoll l-informazzjoni li għandha tiġi inkluża fir-reġistru tal-Kummissjoni. Barra minn hekk, jenħtieġ li l-Kummissjoni tingħata s-setgħa li tissupplimenta dan ir-Regolament billi tiddetermina l-informazzjoni addizzjonali maħżuna fir-reġistru li għandha tiġi kkontrollata mill-awtoritajiet doganali. Barra minn hekk, sabiex tiġi ffaċilitata l-ħidma tal-awtoritajiet doganali fir-rigward tad-deterġenti u tal-aġenti tensjoattivi u tar-rekwiżiti stabbiliti f’dan ir-Regolament, jenħtieġ li l-Kummissjoni tingħata s-setgħa li tadotta atti delegati li jemendaw dan ir-Regolament billi tipprovdi Anness li jkun fih lista ta’ kodiċijiet tan-Nomenklatura Magħquda, kif stabbilit fl-Anness I tar-Regolament (KEE) Nru 2658/87, u deskrizzjonijiet tal-prodott tad-deterġenti u tal-aġenti tensjoattivi u billi taġġorna dan l-Anness.

(58)

Meta tadotta atti delegati skont dan ir-Regolament, huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell tal-esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (13). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(59)

Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi r-rekwiżiti tekniċi dettaljati għall-passaport tal-prodotti għad-deterġenti u għall-aġenti tensjoattivi. Jenħtieġ li dawk is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (14).

(60)

Fid-dawl tal-ħtieġa li jiġi żgurat livell għoli ta’ protezzjoni tas-saħħa tal-bniedem u tal-ambjent u tal-ħtieġa li jittieħed kont ta’ żviluppi ġodda bbażati fuq fatti xjentifiċi, jenħtieġ li l-Kummissjoni tissottometti lill-Parlament Ewropew u lill-Kunsill rapport dwar l-applikazzjoni ta’ dan ir-Regolament. Fir-rapport tagħha, il-Kummissjoni jenħtieġ li tivvaluta inter alia jekk dan ir-Regolament ikunx qed jilħaq l-objettivi tiegħu, b’kont meħud tal-impatti fuq l-intrapriżi żgħar u ta’ daqs medju. [Em. 27]

(61)

Sabiex jiġi żgurat livell għoli ta’ protezzjoni tas-saħħa u tal-ambjent, titrawwem l-innovazzjoni u tingħata spinta lill-kompetittività, il-Kummissjoni jenħtieġ li tivvaluta r-rekwiżiti tas-sikurezza għad-deterġenti li fihom il-mikroorganiżmi u l-possibbiltà li jiġi permess l-użu ta’ mikroorganiżmi jew ta’ razez ta’ mikroorganiżmi ġodda fid-deterġenti , jew li jirrestrinġu l-preżenza ta’ xi wħud minnhom, fejn ikun meħtieġ . [Em. 28]

(61a)

Sabiex tiġi faċilitata t-tranżizzjoni lejn ekonomija kompletament ċirkolari, il-Kummissjoni jenħtieġ li tivvaluta l-introduzzjoni ta’ miri għall-materja prima rinnovabbli sostenibbli u għall-kontenut riċiklat għad-deterġenti. [Em. 29]

(62)

Dan ir-Regolament jintroduċi l-possibbiltà li r-rekwiżiti obbligatorji kollha tat-tikkettar jew parti minnhom jiġu pprovduti biss f’tikketti diġitali f’ċerti sitwazzjonijiet u jirrikjedi l-ħolqien ta’ passaport diġitali tal-prodotti għad-deterġenti u għall-aġenti tensjoattivi. Għalhekk, huwa meħtieġ li jiġi previst żmien suffiċjenti għall-operaturi ekonomiċi biex jikkonformaw mal-obbligi tagħhom skont dan ir-Regolament, għall-Istati Membri biex jistabbilixxu l-infrastruttura amministrattiva meħtieġa għall-applikazzjoni tiegħu u għall-Kummissjoni biex tħejji l-implimentazzjoni tar-rekwiżiti tekniċi tal-passaport tal-prodotti. Konsegwentement, jenħtieġ li l-applikazzjoni ta’ dan ir-Regolament tiġi differita għal data meta dawk it-tħejjijiet ikunu jistgħu jiġu ffinalizzati b’mod raġonevoli.

(63)

Sabiex tiġi żgurata ċ-ċertezza legali u biex jiġi evitat l-iskart, l-operaturi ekonomiċi jeħtieġ li jkunu jistgħu jbigħu l-istokk li jkun jew fil-katina tad-distribuzzjoni jew maħżun fid-data tal-applikazzjoni ta’ dan ir-Regolament. Għalhekk, huwa meħtieġ li jiġu previsti arranġamenti tranżizzjonali li jippermettu t-tqegħid fis-suq ta’ deterġenti u aġenti tensjoattivi li jkunu ġew introdotti fis-suq f’konformità mar-Regolament (KE) Nru 648/2004 qabel id-data tal-applikazzjoni ta’ dan ir-Regolament mingħajr ma dawk il-prodotti jkollhom jikkonformaw mar-rekwiżiti tal-prodott stabbiliti b’dan ir-Regolament. Id-distributuri jenħtieġ għalhekk li jkunu jistgħu jfornu deterġenti u aġenti tensjoattivi li jkunu ġew introdotti fis-suq, jiġifieri stokk li diġà jkun jinsab fil-katina tad-distribuzzjoni, qabel id-data tal-applikazzjoni ta’ dan ir-Regolament.

(64)

Jenħtieġ li jsiru wkoll arranġamenti tranżizzjonali li jippermettu l-introduzzjoni fis-suq ta’ deterġenti u aġenti tensjoattivi li fid-data tal-applikazzjoni ta’ dan ir-Regolament ikunu għadhom ma humiex fil-katina tad-distribuzzjoni mingħajr ma dawk il-prodotti jkollhom jikkonformaw mar-rekwiżiti stabbiliti minn dan ir-Regolament, dment li fiż-żmien tal-introduzzjoni tagħhom fis-suq ikunu għadhom konformi mar-Regolament (KE) Nru 648/2004. Il-manifatturi u l-importaturi għalhekk jenħtieġ li jkunu jistgħu jintroduċu fis-suq deterġenti u aġenti tensjoattivi, jiġifieri stokk li għadu mhux fil-katina tad-distribuzzjoni, wara d-data tal-applikazzjoni ta’ dan ir-Regolament.

(65)

Peress li l-objettiv ta’ dan ir-Regolament, jiġifieri li jiggarantixxi l-funzjonament tas-suq intern filwaqt li jiżgura li d-deterġenti u l-aġenti tensjoattivi fis-suq jissodisfaw ir-rekwiżiti li jipprevedu livell għoli ta’ protezzjoni tas-saħħa u tal-ambjent, ma jistax jintlaħaq b’mod suffiċjenti mill-Istati Membri iżda jista’, minħabba l-iskala u l-effetti tiegħu, jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv,

(1)

“deterġent” tfisser kwalunkwe waħda minn dawn li ġejjin:

(2)

“deterġent tal-ħasil tal-ħwejjeġ għall-konsumatur” tfisser deterġent għall-ħwejjeġ li jiġi introdott fis-suq għall-użu minn persuni mhux professjonisti, inkluż fil-laundrettes pubbliċi;

(3)

“deterġent tal-magni tal-ħasil tal-platti awtomatiċi għall-konsumatur” tfisser deterġent introdott fis-suq għall-użu f’magni tal-ħasil tal-platti awtomatiċi minn persuni mhux professjonisti;

(3a)

“prodott tat-tindif tas-superfiċi ibsin” tfisser kwalunkwe prodott tat-tindif b’użi multipli, prodott tat-tindif tal-kċina, prodott tat-tindif tat-twieqi jew prodott tat-tindif tal-kamra tal-banju; [Em. 31]

(3b)

“deterġent tal-ħasil tal-platti bl-idejn għall-konsumatur” tfisser deterġent użat għat-tindif ta’ platti, pożati u utensili oħra tal-kċina bl-idejn, li jiġi introdott fis-suq għall-użu minn persuni mhux professjonali; [Em. 32]

(3c)

“deterġent tal-ħasil tal-ħwejjeġ industrijali u istituzzjonali” tfisser deterġent tal-ħwejjeġ introdott fis-suq għall-użu minn persunal speċjalizzat barra mill-isfera domestika; [Em. 33]

(3d)

“deterġent tal-magni tal-ħasil tal-platti industrijali u istituzzjonali” tfisser deterġent introdott fis-suq għall-użu minn persunal speċjalizzat f’magni tal-ħasil tal-platti awtomatiċi barra mill-isfera domestika. [Em. 34]

(4)

“deterġent li fih il-mikroorganiżmi” tfisser deterġent li fih mikroorganiżmu wieħed jew aktar ikun ġie miżjud intenzjonalment, waħdu jew permezz ta’ wieħed mill-komponenti tad-deterġent;

(5)

“deterġent professjonali” tfisser deterġent għat-tindif barra mill-isfera domestika, imwettaq minn persunal speċjalizzat bl-użu ta’ prodotti speċifiċi;

(6)

“tindif” tfisser il-proċess li bih depożitu mhux mixtieq jitneħħa minn substrat jew minn ġo substrat u jinġieb fi stat ta’ soluzzjoni jew dispersjoni , inkluż bl-użu ta’ mikroorganiżmi ; [Em. 35]

(7)

“sustanza” tfisser sustanza kif definita fl-Artikolu 3, il-punt (1) tar-Regolament (KE) Nru 1907/2006;

(8)

“taħlita” tfisser taħlita kif definita fl-Artikolu 3, il-punt (2) tar-Regolament (KE) Nru 1907/2006;

(9)

“mikroorganiżmu” tfisser mikroorganiżmu kif definit fl-Artikolu 3(1), il-punt (b) tar-Regolament (UE) Nru 528/2012;

(10)

“mikroorganiżmi ġenetikament modifikati” tfisser mikroorganiżmi li fihom il-materjal ġenetiku jkun inbidel bl-użu ta’ teknoloġija taċ-ċelloli jew tal-inġinerija ġenetika jew bi kwalunkwe mod ieħor li ma jseħħx b’mod naturali permezz ta’ tgħammir jew rikombinazzjoni naturali.

(11)

“aġent tensjoattiv” tfisser kwalunkwe sustanza organika jew taħlita użata fid-deterġenti, li għandha proprjetajiet tensjoattivi u li tikkonsisti minn grupp idrofiliku wieħed jew aktar u minn grupp idrofobiku wieħed jew aktar ta’ tali natura u daqs li kapaċi twettaq l-azzjonijiet kollha li ġejjin:

(12)

“bijodegradazzjoni aerobika finali” tfisser il-livell ta’ bijodegradazzjoni miksub meta s-sustanza jew it-taħlita tintuża totalment minn mikroorganiżmi fil-preżenza ta’ ossiġenu li jirriżulta fid-dekompożizzjoni tagħha f’diossidu tal-karbonju, ilma u imlieħ minerali ta’ kwalunkwe element ieħor preżenti, kif imkejjel bil-metodi ta’ ttestjar elenkati fl-Anness I, u kostitwenti ċellulari mikrobiċi ġodda;

(13)

“tqegħid fis-suq” tfisser kwalunkwe provvista għad-distribuzzjoni, il-konsum jew l-użu fis-suq tal-Unjoni matul attività kummerċjali, kemm jekk bi ħlas kif ukoll jekk bla ħlas;

(14)

“introduzzjoni fis-suq” tfisser l-ewwel tqegħid fis-suq tal-Unjoni;

(15)

“manifattur” tfisser kwalunkwe persuna fiżika jew ġuridika li timmanifattura jew li jkollha deterġent jew aġent tensjoattiv iddisinjat jew immanifatturat, u li tintroduċi dak id-deterġent jew aġent tensjoattiv fis-suq taħt isimha jew it-trademark tagħha;

(16)

“rappreżentant awtorizzat” tfisser kwalunkwe persuna fiżika jew ġuridika stabbilita fl-Unjoni li tkun irċeviet mandat bil-miktub mingħand manifattur biex taġixxi f’ismu fir-rigward ta’ kompiti speċifikati;

(17)

“importatur” tfisser kwalunkwe persuna fiżika jew ġuridika stabbilita fl-Unjoni li tintroduċi deterġent jew aġent tensjoattiv minn pajjiż terz fis-suq tal-Unjoni;

(18)

“distributur” tfisser kwalunkwe persuna fiżika jew ġuridika fil-katina tal-provvista, għajr il-manifattur jew l-importatur, li tqiegħed deterġent jew aġent tensjoattiv fis-suq;

(19)

“operatur ekonomiku” tfisser il-manifattur, ir-rappreżentant awtorizzat, l-importatur jew id-distributur;

(20)

“sorveljanza tas-suq” tfisser l-attivitajiet imwettqa u l-miżuri meħuda mill-awtoritajiet tas-sorveljanza tas-suq biex jiżguraw li l-prodotti jikkonformaw mar-rekwiżiti stabbiliti f’dan ir-Regolament u leġiżlazzjoni oħra applikabbli tal-Unjoni dwar l-armonizzazzjoni u biex jiżguraw il-protezzjoni tal-interess pubbliku kopert b’dik il-leġiżlazzjoni ; [Em. 36]

(21)

“awtorità tas-sorveljanza tas-suq” tfisser awtorità tas-sorveljanza tas-suq kif definita fl-Artikolu 3, il-punt 4 , tar-Regolament (UE) 2019/1020 bħala r-responsabbli għall-organizzazzjoni u t-twettiq tas-sorveljanza tas-suq fit-territorju ta’ dak l-Istat Membru ; [Em. 37]

(22)

“sejħa lura” tfisser sejħa lura kif definita fl-Artikolu 3, il-punt 22 tar-Regolament (UE) 2019/1020;

(23)

“irtirar” tfisser irtirar kif definit fl-Artikolu 3, il-punt 23 tar-Regolament (UE) 2019/1020;

(24)

“markatura CE” tfisser markatura li permezz tagħha l-manifattur jindika li d-deterġent huwa konformi mar-rekwiżiti applikabbli stabbiliti fil-leġiżlazzjoni tal-Unjoni dwar l-armonizzazzjoni li tipprevedi t-twaħħil tagħha; [Em. 38]

(25)

“miżura azzjoni korrettiva” tfisser miżura azzjoni kif definita fl-Artikolu 3, il-punt 16 , tar-Regolament (UE) 2019/1020 (18); [Em. 39]

(26)

“rilaxx għaċ-ċirkolazzjoni libera” tfisser il-proċedura stabbilita fl-Artikolu 201 tar-Regolament (UE) Nru 952/2013;

(27)

“mezz ta’ data” tfisser simbolu tal-barcode lineari, simbolu bidimensjonali jew mezz ieħor ta’ ġbir awtomatiku tad-data ta’ identifikazzjoni li jista’ jinqara minn apparat;

(28)

“identifikatur uniku tal-prodott” tfisser sekwenza unika ta’ karattri li tippermetti l-identifikazzjoni għall-identifikazzjoni ta’ prodott u li tippermetti wkoll link web għall-passaport tal-prodotti; [Em. 40]

(29)

“identifikatur uniku tal-operatur” tfisser sekwenza unika ta’ karattri għall-identifikazzjoni tal-operaturi ekonomiċi tal-atturi involuti fil-katina tal-valur tal-prodotti; [Em. 41]

(30)

“awtoritajiet doganali” tfisser l-awtoritajiet doganali kif definiti fl-Artikolu 5, il-punt 1 tar-Regolament (UE) Nru 952/2013;

(31)

“Sistema ta’ Tieqa Unika Doganali għall-Iskambju taċ-Ċertifikati tal-UE” tfisser is-sistema msemmija fl-Artikolu 4 tar-Regolament (UE) 2022/2399 tal-Parlament Ewropew u tal-Kunsill (19);

(32)

“imballaġġ individwali” tfisser imballaġġ li fih id-deterġent jew l-aġent tensjoattiv jitqiegħed fis-suq u li jkun maħsub biex jakkumpanja l-kontenut fil-post tal-użu;

(33)

“rikarika” tfisser l-operazzjoni li biha d-deterġent jimtela fil-ħanut minn kontenitur kbir fil-pakkett tal-utenti finali stess manwalment jew permezz ta’ tagħmir awtomatiku jew semiawtomatiku konsumatur jew utent professjonali jimla imballaġġ b’deterġent offrut minn fornitur matul attività kummerċjali, kemm jekk bi ħlas kif ukoll jekk mingħajr ħlas ; [Em. 42]

(34)

“lott” tfisser kwantità definita ta’ prodotti lesti li tissodisfa l-kundizzjonijiet li ġejjin:

(34a)

“mudell” tfisser grupp ta’ deterġenti jew aġenti tensjoattivi li jissodisfaw il-kundizzjonijiet li ġejjin:

(35)

“utent finali” tfisser kwalunkwe persuna fiżika jew ġuridika residenti jew stabbilita fl-Unjoni, li deterġent jew aġent tensjoattiv ikun tqiegħed għad-dispożizzjoni tagħha jew bħala konsumatur barra minn kwalunkwe kummerċ, negozju, sengħa jew professjoni jew bħala utent finali professjonali matul l-attivitajiet industrijali jew professjonali tagħha.

—

L-ewwel paragrafu ma għandux japplika għal deterġenti li huma prodotti bijoċidali industrijali fit-tifsira tar-Regolament (UE) Nru 528/2012 jew apparati mediċi fit-tifsira tar-Regolament (UE) 2017/745  (22) . [Em. 52]

—

Il-preżenza mhux intenzjonata fl-aġenti tensjoattivi u fid-deterġenti ta’ fosfati u ta’ komposti tal-fosforu oħra li jirriżultaw mill-impuritajiet tal-ingredjenti, mill-proċess tal-manifattura jew mill-ħżin jew mill-migrazzjoni mill-imballaġġ, għandha tiġi ttollerata jekk dik il-preżenza tkun teknikament inevitabbli fil-prattika tajba tal-manifattura u, minkejja din il-preżenza, dawk l-aġenti tensjoattivi u deterġenti jkunu sikuri. [Em. 53]

(a)

li jiżgura li l-imballaġġ ikollu fuqu ismu, l-isem kummerċjali rreġistrat jew it-trademark irreġistrata u , l-indirizz postali tiegħu u tal-posta elettronika u n-numru tat-telefon fejn jista’ jiġi kkuntattjat, preċeduti mill-kliem “imballat minn” jew “imballat mill-ġdid minn”; [Em. 79]

(b)

li jiżgura l-konformità mal-Artikoli 14 sa 17;

(c)

li jżomm ir-referenza għall-identifikatur uniku tal-prodott għad-dispożizzjoni tal-awtoritajiet tas-sorveljanza tas-suq għal 10 snin wara li jkun qiegħed id-deterġent jew l-aġent tensjoattiv fis-suq.

(a)

il-passaporti tal-prodotti maħluqa skont dan ir-Regolament għandhom ikunu kompletament interoperabbli mal-passaporti tal-prodotti meħtieġa minn leġiżlazzjoni oħra tal-Unjoni fir-rigward tal-aspetti tekniċi, semantiċi u organizzattivi tal-komunikazzjoni minn tarf sa tarf u tat-trasferiment tad-data;

(b)

l-informazzjoni kollha inkluża fil-passaport tal-prodott għandha tkun ibbażata fuq standards trasparenti , żviluppati b’format interoperabbli u jenħtieġ li din għandha, fejn ikun xieraq, tkun tista’ tinqara mill-magni, tkun strutturata u jkun jista’ jsir tiftix għaliha , u trasferibbli permezz ta’ network ta’ skambju ta’ data interoperabbli mingħajr lock-in teknoloġiku tal-bejjiegħ ; [Em. 104]

(ba)

il-passaporti tal-prodotti għandhom jiġu mfassla u operati b’mod faċli li jintuża; [Em. 105]

(c)

l-utenti finali, l-operaturi ekonomiċi u atturi rilevanti oħra għandu jkollhom aċċess faċli għall-passaport tal-prodotti mingħajr ħlas u mingħajr ma jiġi ristrett l-aċċess għall-utenti eżistenti ; [Em. 106]

(d)

id-data inkluża fil-passaport tal-prodotti għandha tinħażen u tiġi aġġornata mill-operatur ekonomiku responsabbli għall-ħolqien tiegħu jew minn operaturi awtorizzati li jaġixxu f’ismu; [Em. 107]

(e)

jekk id-data inkluża fil-passaport tal-prodotti tinħażen jew tiġi pproċessata b’mod ieħor minn operaturi awtorizzati li jaġixxu f’isem operaturi ekonomiċi li jintroduċu d-deterġent jew l-aġent tensjoattiv fis-suq, dawk l-operaturi ma għandhomx ikunu jistgħu jbigħu, jużaw mill-ġdid jew jipproċessaw tali data, b’mod sħiħ jew parzjali, lil hinn minn dak li jkun meħtieġ għall-forniment tas-servizzi rilevanti ta’ ħżin jew ta’ pproċessar;

(f)

l-operaturi ekonomiċi ma jistgħux jittraċċaw, janalizzaw jew jużaw kwalunkwe informazzjoni dwar l-użu għal finijiet oħra għajr dak li jkun assolutament meħtieġ għall-għoti tal-informazzjoni dwar il-passaport tal-prodotti online.

(a)

in-natura, is-serjetà u t-tul tal-ksur;

(b)

il-karattru intenzjonali jew negliġenti tal-ksur;

(c)

il-ħsara għas-saħħa tal-bniedem jew għall-ambjent ikkawżata mill-ksur, sa fejn din tkun tista’ tiġi ddeterminata;

(d)

il-livell ta’ kooperazzjoni tal-persuna fiżika jew ġuridika miżmuma responsabbli mal-awtorità kompetenti. [Em. 119]

“15.

Ir-Regolament (UE) …/… tal-Parlament Ewropew u tal-Kunsill ta’... dwar it-tqegħid fis-suq ta’ deterġenti u aġenti tensjoattivi (ĠU L …).”

(a)

ta’ kif dan ir-Regolament ikun qed jilħaq l-objettivi tiegħu, inkluża valutazzjoni dwar l-impatt fuq l-intrapriżi żgħar u ta’ daqs medju;

(b)

tar-riskju li tiġi ġġenerata reżistenza antimikrobika assoċjata mal-użu ta’ deterġenti jew aġenti tensjoattivi bi proprjetajiet bijoċidali;

(c)

tal-okkorrenza ta’ asserzjonijiet ta’ kummerċjalizzazzjoni mhux sostanzjati, reklami u disinni tal-imballaġġ li jqarrqu jew li għandhom il-potenzjal li jqarrqu bil-konsumaturi billi jagħtu l-impressjoni ta’ deterġenti jew aġenti tensjoattivi aktar tajbin għas-saħħa jew aktar favur l-ambjent;

(d)

ir-rekwiżiti tat-tikkettar fiżiku u diġitali tad-deterġenti, filwaqt li jitqiesu s-sikurezza tal-utenti finali u tal-ambjent u l-livell ta’ tħejjija diġitali fost il-gruppi kollha tal-popolazzjoni fl-Unjoni.

(e)

il-fattibbiltà u l-ispejjeż u l-benefiċċji ambjentali u soċjoekonomiċi tal-eliminazzjoni gradwali tal-fosforu fid-deterġenti għall-konsumatur u ta’ tnaqqis u fejn ikun possibbli l-eliminazzjoni gradwali tal-fosfru fid-deterġenti għall-użu industrijali u istituzzjonali f’konformità mal-impenji skont il-Pjan ta’ Azzjoni għall-Baħar Baltiku;

(f)

il-kostijiet u l-benefiċċji ambjentali, tas-saħħa u soċjoekonomiċi tal-estensjoni tal-approċċ ġeneriku għall-ġestjoni tar-riskju għad-deterġenti u l-aġenti tensjoattivi u tat-tneħħija gradwali tas-sustanzi ta’ tħassib, inklużi dawk li jikkawżaw il-kanċer jew mutazzjonijiet tal-ġeni, jaffettwaw is-sistema riproduttiva jew endokrinali, huma persistenti u bijoakkumulattivi, jaffettwaw is-sistema immunitarja, newroloġika jew respiratorja jew huma tossiċi għal organu speċifiku, filwaqt li jitqiesu l-effetti kkombinati, sabiex jinkiseb ambjent mhux tossiku.