C/2024/03224

This document is an excerpt from the EUR-Lex website

EUROPA
EUR-Lex home
EUR-Lex - C/2024/03224 - EN

Help

Search tips

Need more search options? Use the Advanced search

Document C/2024/03224

Help

Avviż li jemenda l-avviż ta’ kompetizzjoni miftuħa — EPSO/AD/403/23 — Amministraturi (AD 7) fl-oqsma li ġejjin: 1. Ġestjoni tal-kriżijiet 2. Migrazzjoni u sigurtà interna (ĠU C 264 A, 27.7.2023)

ĠU C, C/2024/3224, 28.5.2024, ELI: http://data.europa.eu/eli/C/2024/3224/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/C/2024/3224/oj

HTML

PDF - authentic OJ

e-signature

How to verify the authenticity of the Official Journal

Il-Ġurnal Uffiċjali
ta'l-Unjoni Ewropea

Is-serje C

C/2024/3224

28.5.2024

Avviż li jemenda l-avviż ta’ kompetizzjoni miftuħa — EPSO/AD/403/23 — Amministraturi (AD 7) fl-oqsma li ġejjin: 1. Ġestjoni tal-kriżijiet 2. Migrazzjoni u sigurtà interna

(Il-Ġurnal Uffiċjali tal-Unjoni Ewropea C 264 A tas-27 ta’ Lulju 2023)

(C/2024/3224)

Fil-qafas tal-kompetizzjoni miftuħa EPSO/AD/403/23, l-ittestjar online bi prokura awtomatizzata li sar bejn id-9 u l-11 ta’ Ottubru 2023 kellu problemi tekniċi serji. B’riżultat ta’ dan, għadd sinifikanti ta’ kandidati ma setgħux jagħmlu t-testijiet f’kundizzjonijiet xierqa jew ma setgħux ilestuhom.

Fis-17 ta’ Novembru 2023, l-EPSO ħabbar id-deċiżjoni tiegħu li jissospendi t-twettiq tat-test fil-kompetizzjoni EPSO/AD/403/23 u jagħżel alternattivi għal sistema reżiljenti ta’ twettiq tat-testijiet li żżomm l-integrità filwaqt li tiżgura esperjenza ottimali għall-utenti. Ġew eżaminati diversi alternattivi skont dawn il-kriterji, filwaqt li tqiesu wkoll l-interessi tas-servizz u tal-kandidati, bl-iskop li l-kompetizzjonijiet ikomplu mingħajr dewmien bla bżonn.

Is-soluzzjoni li nstabet għall-kompetizzjoni EPSO/AD/403/23 tinvolvi ttestjar online bi prokura awtomatizzata, iżda taħt modalitajiet ta’ ttestjar differenti. Għadd kbir ta’ kandidati f’din il-kompetizzjoni ma għandhomx rekord tal-prestazzjoni validu (jew sħiħ) u għalhekk jenħtieġ li jiġu ttestjati mill-ġdid, bil-kundizzjonijiet il-ġodda. Sabiex jiġi żgurat li l-kandidati kollha jiġu ttestjati f’kundizzjonijiet ugwali, il-fażi tal-ittestjar f’din il-kompetizzjoni se terġa’ tinfetaħ, u l-kandidati kollha se jkunu meħtieġa jagħmlu t-testijiet kollha mill-ġdid. Dan jinkludi dawk il-kandidati li kienu diġà lestew it-testijiet.

Minħabba l-ħtieġa li tiġi ripetuta l-fażi tal-ittestjar fil-kompetizzjoni EPSO/AD/403/23, inħolqot l-opportunità li din il-kompetizzjoni tiġi allinjata ma’ “reġim ta’ 24 lingwa” sħiħ. Dan l-approċċ huwa konsistenti ma’ kif l-EPSO tmexxi l-kompetizzjonijiet li l-avviż tagħhom ikun ġie ppubblikat iżda li l-ittestjar tagħhom ikun għadu ma bediex (ara C/2024/1805 tal-1 ta’ Marzu 2024 (1) u C/2024/2265 tat-22 ta’ Marzu 2024 (2)).

L-allinjament mar-“reġim ta’ 24 lingwa” sħiħ ifisser li skont l-istruzzjonijiet ipprovduti f’avviż ta’ kompetizzjoni partikolari, il-kandidati se jkollhom il-flessibbiltà li jagħżlu liberament kwalunkwe tnejn mill-24 lingwa uffiċjali tal-UE biex jagħmlu t-testijiet.

It-tranżizzjoni għar-“reġim ta’ 24 lingwa” sħiħ fil-kompetizzjoni EPSO/AD/403/23 teħtieġ aġġustament fil-portafoll tat-testijiet. B’mod partikolari, l-istudju tal-każ previst f’dan il-kuntest jikkawża diffikultajiet prattiċi. Għalhekk huwa xieraq li jinbidel b’test bil-miktub fejn l-assenjament ikun ibbażat fuq materjali/dokumenti diġà disponibbli għall-pubbliku f’24 lingwa. Il-valutazzjoni se tiffoka fuq il-ħiliet ta’ komunikazzjoni bil-miktub. L-immarkar u t-tul tat-testijiet se jibqgħu l-istess u huma ċċarati aktar fl-avviż ta’ emenda.

Sabiex kemm il-kandidati attwali kif ukoll dawk potenzjalment ġodda jkunu jistgħu jagħmlu l-aħjar użu mill-flessibbiltà pprovduta mir-“reġim ta’ 24 lingwa” sħiħ, u biex ikunu jistgħu jagħżlu lingwi oħrajn għat-testijiet, il-kompetizzjoni qed terġa’ tinfetaħ. Konsegwentement, il-kandidati li diġà ppreżentaw l-applikazzjoni tagħhom iridu jirrieżaminaw u jivvalidaw mill-ġdid l-applikazzjoni tagħhom biex ikomplu jipparteċipaw f’din il-kompetizzjoni. Il-kandidati se jingħataw aktar informazzjoni individwalment permezz tal-kontijiet tal-EPSO tagħhom.

Għar-raġunijiet imsemmija hawn fuq, l-avviż ta’ kompetizzjoni miftuħa EPSO/AD/403/23 għandu jiġi emendat kif ġej:

(1)	Fil-paġna 1, l-iskadenza għall-applikazzjoni għandha taqra: “ Data ta’ skadenza għall-applikazzjoni: id-9 ta’ Lulju 2024 f’12:00 (nofsinhar), ħin ta’ Brussell ”;

(2)

Fil-paġna 2, it-Taqsima 3 “Jiena eliġibbli?”:

minflok: “Il-kandidati jridu jissodisfaw il-kundizzjonijiet ġenerali u speċifiċi ta’ eliġibbiltà kollha elenkati hawn taħt, fid-data li jagħlqu l-applikazzjonijiet.”,

aqra: “Il-kandidati jridu jissodisfaw il-kundizzjonijiet ġenerali u speċifiċi kollha tal-eliġibbiltà elenkati hawn taħt, fid-data tal-għeluq tal-applikazzjonijiet (ara l-punt (a) tat-Taqsima 4.3.1 ta’ dan l-avviż).”.

(3)

F’paġna 4, it-Taqsima 4 “Kif se tiġi organizzata l-kompetizzjoni?” għandha taqra:

‘4. KIF SE TIĠI ORGANIZZATA L-KOMPETIZZJONI?

4.1. Ħarsa ġenerali lejn il-proċeduri tal-kompetizzjoni

Din il-kompetizzjoni tiġi organizzata fil-fażijiet li ġejjin:

—	Applikazzjoni (ara t-Taqsima 4.3.1).

—	Ittestjar: testijiet ta’ raġunament, test b’mistoqsijiet b’għażla multipla relatat mal-qasam magħżul mill-kandidat (“test MCQ relatat mal-qasam”), u test bil-miktub (ara t-Taqsima 4.3.2).

—	Immarkar tat-test bil-miktub u l-kontroll tal-eliġibbiltà (ara t-Taqsima. 4.3.3).

—	Ħolqien ta’ listi ta’ riżerva (ara t-Taqsima 4.3.4.).

4.2. Lingwi użati f’din il-kompetizzjoni

Ir-Regolamenti tal-Persunal (1)* jistipulaw li uffiċjal jista’ jiġi appuntat biss bil-kundizzjoni li jipproduċi evidenza ta’ għarfien komplut ta’ waħda mil-lingwi tal-UE u għarfien sodisfaċenti ta’ lingwa oħra tal-UE sal-punt meħtieġ biex iwettaq id-dmirijietu.

Għaldaqstant, f’din il-kompetizzjoni, kandidat irid ikollu għarfien sħiħ (livell minimu C1) ta’ waħda mill-24 lingwa uffiċjali tal-UE u għarfien sodisfaċenti (livell minimu B2) ta’ lingwa differenti li trid tintgħażel minn fost it-23 lingwa uffiċjali l-oħra tal-UE. Il-livelli minimi indikati hawn japplikaw għal kull kapaċità lingwistika (għad-diskors, il-kitba, il-qari u s-smigħ) mitluba fil-formola tal-applikazzjoni. Dawn il-ħiliet jirriflettu dawk tal-Qafas Komuni Ewropew ta’ Referenza għal-Lingwi(2)*.

Għall-prattiċità dawn il-lingwi se jissejħu “lingwa 1” u “lingwa 2”.

Il-lingwi se jintużaw f’fażijiet differenti tal-kompetizzjoni kif ġej:

Fażi tal-kompetizzjoni	Testijiet	Lingwa
Applikazzjoni	—	Kwalunkwe waħda mill-24 lingwa uffiċjali tal-UE
Ittestjar	Testijiet tar-raġunament	Lingwa 1
	Test MCQ relatat mal-qasam	Lingwa 2
	Test bil-miktub	Lingwa 2

Il-kandidati jridu jindikaw l-għażla tagħhom tal-lingwi tat-test fil-formola tal-applikazzjoni tagħhom u ma jkunux jistgħu jbiddluha wara li jivvalidaw l-applikazzjoni tagħhom.

4.3. Fażijiet tal-kompetizzjoni

4.3.1. Applikazzjoni

(a)

Biex ikun jista’ japplika kandidat jeħtieġ li jkollu kont tal-EPSO. Il-kandidati li għad ma għandhomx kont tal-EPSO jridu joħolqu wieħed. Jista’ jinħoloq kont wieħed biss għall-applikazzjonijiet kollha tal-EPSO ta’ kandidat.

Il-kandidati jridu japplikaw online fuq is-sit web tal-EPSO (3)* sa

9 Lulju 2024 f’12.00 (nofsinhar), ħin ta’ Brussell.

(b)

Meta jivvalidaw il-formola tal-applikazzjoni tagħhom, il-kandidati jkunu qed jiddikjaraw fuq l-unur tagħhom li jissodisfaw il-kundizzjonijiet kollha msemmijin fit-Taqsima 3 “Jiena eliġibbli?”. Ladarba l-kandidati jkunu vvalidaw il-formola tal-applikazzjoni tagħhom, dawn ma jkunu jistgħu jagħmlu l-ebda bidla. Hija r-responsabbiltà tal-kandidati li jiżguraw li jlestu u jivvalidaw l-applikazzjoni tagħhom sal-iskadenza.

(c)

Il-kandidati li kienu diġà ppreżentaw l-applikazzjonijiet tagħhom għal din il-kompetizzjoni sal-iskadenza indikata fl-avviż oriġinali tal-kompetizzjoni ppubblikat f’Il-Ġurnal Uffiċjali tal-Unjoni Ewropea C 264 A, fis-27 ta’ Lulju 2023, (minn hawn ’il quddiem, “il-kandidati eżistenti”) se jkollhom l-applikazzjoni tagħhom miftuħa mill-ġdid mill-EPSO.

(d)	Il-kandidati eżistenti jridu jerġgħu jeżaminaw u jivvalidaw l-applikazzjonijiet tagħhom mill-ġdid, qabel l-iskadenza msemmija fil-punt (a) ta’ din is-sottotaqsima. Din l-azzjoni hija obbligatorja biex il-kandidati jkunu jistgħu jkomplu jipparteċipaw f’din il-kompetizzjoni.

(e)	Minbarra li jirrieżaminaw l-għażliet tal-lingwa tat-test tagħhom, il-kandidati għandhom il-possibbiltà li jagħmlu kwalunkwe bidla oħra fil-formola tal-applikazzjoni tagħhom, pereżempju, jaġġornaw ir-rekord akkademiku tagħhom jew it-tul ta’ żmien tal-esperjenza professjonali attwali tagħhom.

(f)

Sal-4 ta’ Settembru 2024 f’12.00 (nofsinhar), ħin ta’ Brussell, il-kandidati jridu jtellgħu fil-kont tal-EPSO tagħhom (u l-link għall-applikazzjoni tagħhom) il-kopji skennjati tad-dokumenti li jsostnu d-dikjarazzjonijiet li jagħmlu fil-formola tal-applikazzjoni tagħhom. Spjegazzjoni dwar kif tagħmel dan hija disponibbli fuq is-sit web tal-EPSO (4)*.

(g)

Il-kandidati eżistenti li diġà tellgħu d-dokumenti ta’ sostenn u llinkjawhom mal-formola tal-applikazzjoni tagħhom mhux se jkollhom bżonn itellgħuhom mill-ġdid jew jerġgħu jillinkjawhom. Madankollu, huma jistgħu jiddeċiedu li jżidu/jillinkjaw dokumenti addizzjonali sal-iskadenza indikata fil-punt (f) ta’ din is-sottotaqsima.

4.3.2. Ittestjar

(a) Informazzjoni ġenerali

It-testijiet li twettqu fil-kuntest ta’ din il-kompetizzjoni fid-9, fl-10 u fl-11 ta’ Ottubru 2023 huma annullati. It-tweġibiet għat-test tal-kandidati u l-kitbiet minn dawn it-testijiet mhux se jiġu pproċessati u mhux se joħorġu riżultati tat-testijiet.

Il-kandidati kollha li vvalidaw kif suppost il-formola ta’ applikazzjoni tagħhom sal-iskadenza indikata fil-punt (a) tat-Taqsima 4.3.1 ta’ dan l-avviż u li segwew l-istruzzjonijiet skont it-Taqsima 4.3.1 se jiġu mistiedna jagħmlu s-sensiela ta’ testijiet deskritti hawn taħt.

It-testijiet se jsiru u jiġu sorveljati (inviġilati) mill-bogħod. L-EPSO se jinforma lill-kandidati dwar il-modalitajiet tal-ittestjar l-aktar tard mal-istedina għat-testijiet.

It-tabella li ġejja turi kif se jintużaw il-marki tat-test:

Test	Kif se jintużaw il-marki tat-test?
Raġunament verbali, numeriku u astratt	“Għaddejt/Weħilt” It-testijiet se jingħataw marki biex jiġi ddeterminat jekk il-kandidat laħaqx il-marki minimi meħtieġa.
Test MCQ relatat mal-qasam	“Għaddejt/Weħilt u klassifikazzjoni” Il-marki tal-kandidati li laħqu l-marka minima se jintużaw biex tinħoloq klassifika skont il-prestazzjoni tal-kandidati.
Test bil-miktub	“Għaddejt/Weħilt” It-test se jingħata marka biss biex jiġi ddeterminat jekk il-kandidat kisibx il-marka minima meħtieġa.

Jekk kandidat jonqos milli jġib il-marka/i meħtieġa f’wieħed mit-testijiet, il-parteċipazzjoni tiegħu fil-kompetizzjoni tintemm. It-tweġibiet tat-testijiet u/jew il-kitbiet ta’ dawn il-kandidati ma jiġux ipproċessati aktar u l-eliġibbiltà tagħhom ma tiġix ivverifikata, skont kif applikabbli.

Ir-riżultati tat-testijiet jiġu nnotifikati biss lill-kandidati fi tmiem il-kompetizzjoni irrispettivament mill-istadju tal-kompetizzjoni li l-kandidati jkunu laħqu.

(b) Testijiet tar-raġunament

It-testijiet tal-ħiliet ta’ raġunament tal-kandidati jiġu organizzati kif ġej:

Test	Lingwa	Għadd ta’ mistoqsijiet	F’kemm ħin	Marka minima
Raġunament verbali	Lingwa 1	20 mistoqsija	35 min	10/20
Raġunament numeriku		10 mistoqsijiet	20 min	Raġunament numeriku u astratt flimkien: 10/20
Raġunament astratt		10 mistoqsijiet	10 min	Raġunament numeriku u astratt flimkien: 10/20

Biex jgħaddi mit-testijiet ta’ raġunament, kandidat irid jgħaddi minnhom it-tnejn

(i)	marka minima ta’ 10/20 fit-test tar-raġunament verbali u

(ii)	marka minima kkombinata ta’ 10/20 fit-testijiet tar-raġunament numeriku u astratt.

It-test MCQ relatat mal-qasam se jkun speċifiku għall-qasam magħżul mill-kandidat. Dan se jiġi organizzat kif ġej:

Test	Lingwa	Għadd ta’ mistoqsijiet	F’kemm ħin	Marka	Marka minima
Test MCQ relatat mal-qasam	Lingwa 2	30	40 minuta	minn 0 sa 30	15/30

Kandidat irid iġib marka minima ta’ 15/30 u jkun fost il-kandidati li jġibu l-ogħla marka. Il-kandidati li jġibu l-marka minima jiġu kklassifikati f’ordni dixxendenti skont il-marka li jġibu, skont il-qasam. Din il-klassifika se tintuża (i) biex jiġu ddeterminati l-kandidati li t-test bil-miktub tagħhom se jingħata marka u li l-eliġibbiltà tagħhom se tiġi kkontrollata (ara t-Taqsima 4.3.3) u (ii) għall-fini tal-ħolqien ta’ listi ta’ riżerva skont il-proċedura definita fit-Taqsima 4.3.4.

Jekk kandidat ma jkunx fost il-kandidati li kisbu l-ogħla marka kif definit fit-Taqsima 4.3.3(a), il-parteċipazzjoni tiegħu fil-kompetizzjoni titqies li tkun intemmet. Il-kitbiet tat-testijiet ta’ dawn il-kandidati ma jiġux pproċessati u l-eliġibbiltà tagħhom ma tiġix ivverifikata.

(d) Test bil-miktub

It-test bil-miktub għandu l-għan li jivvaluta l-ħiliet ta’ komunikazzjoni bil-miktub ta’ kandidat. Dan se jiġi organizzat kif ġej:

Test	Lingwa	F’kemm ħin	Marka	Marka minima
Test bil-miktub	Lingwa 2	45 minuta	minn 0 sa 10	5/10

Il-kandidati se jkunu meħtieġa jagħmlu l-assenjament(i) tat-test abbażi tad-dokumentazzjoni pprovduta relatata mal-qasam tal-kompetizzjoni. Id-dokumentazzjoni se tkun disponibbli fuq is-sit web tal-EPSO qabel id-data tat-test. Il-kandidati se jirċievu l-istess dokumentazzjoni matul it-test, flimkien mal-assenjament(i) ibbażat/bbażati fuqha.

It-test bil-miktub mhuwiex test tal-lingwa. Il-valutazzjoni se tkun ibbażata fuq l-ankri speċifiċi ppubblikati fis-sit web tal-EPSO (5)*

4.3.3. Immarkar tat-test bil-miktub u l-verifika tal-eliġibbiltà

(a)

L-immarkar tat-test bil-miktub u l-verifika tal-eliġibbiltà (din tal-aħħar titwettaq skont il-paragrafu (b) hawn taħt), se jitwettqu b’mod parallel. Dan se jitwettaq f’ordni dixxendenti tal-klassifika msemmija fit-Taqsima 4.3.2(c). Il-Bord tas-Selezzjoni se jimmarka biss il-kitbiet tat-test bil-miktub u jivverifika l-eliġibbiltà ta’ għadd limitat ta’ kandidati f’kull qasam (mhux aktar minn darba u nofs l-għadd ta’ kandidati li jgħaddu u li hemm bżonn f’kull qasam).

(b)

Il-kontroll tal-eliġibbiltà jinvolvi l-verifika tal-konformità mal-kundizzjonijiet tal-eliġibbiltà msemmija fit-Taqsima 3 (“Jiena eliġibbli?”) ta’ dan l-avviż. Il-Bord tas-Selezzjoni se jiddeċiedi dwar l-eliġibbiltà ta’ kandidat billi jqabbel (a) id-dikjarazzjonijiet magħmula fil-formola tal-applikazzjoni u (b) id-dokumenti mtellgħin fil-kont tal-EPSO tal-kandidat b’sostenn għal dawn id-dikjarazzjonijiet.

4.3.4. Stabbiliment ta’ listi ta’ riżerva

(a)

Wara li jitlestew il-proċeduri msemmija fit-Taqsima 4.3.3 il-Bord tas-Selezzjoni se jinkludi fil-lista ta’ riżerva rilevanti l-ismijiet tal-kandidati li (i) ikunu kisbu il-marki minimi meħtieġa kollha u (ii) ikunu ġabu waħda mill-ogħla marki fit-test MCQ relatat mal-qasam minn fost dawk imsemmija fit-Taqsima 4.3.3(a), u (iii) li jkun instab li huma eliġibbli.

(b)	Dan se jitwettaq fl-ordni dixxendenti tal-klassifika msemmija fit-Taqsima 4.3.2(c) sakemm jintlaħaq l-għadd ta’ kandidati li jkunu għaddew mitlub għal kull qasam jew sakemm tispiċċa l-pula ta’ kandidati li jissodisfaw il-kriterji msemmija fil-punt (a) hawn fuq.

(c)	Il-kandidati li jġibu l-istess marka għall-aħħar post disponibbli fil-lista ta’ riżerva se jiżdiedu wkoll ma’ dik il-lista ta’ riżerva.

(d)

L-ismijiet fil-listi ta’ riżerva se jiġu elenkati b’mod alfabetiku. Il-listi ta’ riżerva se jkunu disponibbli għas-servizzi ta’ reklutaġġ. Il-kandidati se jiġu nnotifikati bir-riżultati tagħhom (riżultati tat-testijiet u riżultati tal-verifika tal-eliġibbiltà) sakemm it-tweġibiet tat-testijiet u/jew tal-kitbiet tagħhom ikunu ma ġewx ipproċessati u/jew il-fajls tad-dokumenti jkunu ma ġewx ittrattati għar-raġunijiet imsemmija f’dan l-avviż.

Inklużjoni f’lista ta’ riżerva mhijiex dritt jew garanzija li persuna se tiġi rreklutata.

(4)

Fil-paġna 11, l-Anness I, it-Taqsima 5 “Ittestjar” għandha taqra:

‘5. Ittestjar

(1)

L-EPSO se jinforma lill-kandidati dwar il-modalitajiet tal-ittestjar filwaqt li jagħti d-dettalji u l-istruzzjoni meħtieġa kollha sa mhux aktar tard minn meta jistieden lill-kandidati għat-testijiet.

(2)

Jekk u ladarba jiġu informati, il-kandidati jridu jipprenotaw appuntament għat-test skont l-istruzzjonijiet li jkunu rċevew mingħand l-EPSO. Il-perjodi tal-prenotazzjoni u tal-ittestjar huma limitati.

(3)

Il-kandidati jridu jlestu l-passi kollha meħtieġa msemmija fl-istruzzjonijiet maħruġa qabel it-testijiet, bħall-installazzjoni tas-software, it-twettiq tas-sinkronizzazzjoni(jiet) meħtieġa, it-twettiq ta’ prova tal-konnettività, it-test tal-prerekwiżiti tekniċi, jew kontroll tas-sistemi u/jew test ta’ simulazzjoni. Il-konformità mal-istruzzjonijiet se tippermetti li tiġi vverifikata l-prontezza tal-ambjent tal-IT tal-kandidat u l-kompatibbiltà tal-apparat tal-kandidat mal-pjattaforma tal-ittestjar jew l-applikazzjoni. In-nuqqas li jitlestew il-passi obbligatorji jista’ jipprevjeni lill-kandidat milli jagħmel it-testijiet u jimpedixxi l-kapaċità tal-fornitur tat-twettiq tat-test milli jindirizza b’mod effettiv kwalunkwe kwistjoni teknika li jista’ jiltaqa’ magħha l-kandidat matul l-ittestjar.

(4)

F’każ li l-kandidati jonqsu milli jipprenotaw, jagħmlu jew ilestu test wieħed jew aktar, jitqies li l-parteċipazzjoni tagħhom fil-kompetizzjoni tkun intemmet, sakemm il-kandidati ma jkunux jistgħu jagħtu prova li n-nuqqas ta’ prenotazzjoni, ta’ attendenza jew ta’ tlestija ta’ test kien dovut għal ċirkostanzi lil hinn mill-kontroll tal-kandidati jew minħabba sitwazzjoni ta’ force majeure. Huma għandhom jikkuntattjaw lill-EPSO malajr kemm jista’ jkun, preferibbilment qabel it-test, u għandhom jipprovdu l-ġustifikazzjoni meħtieġa, inkluż, fejn applikabbli, prova li kkuntattjaw lis-servizzi ta’ appoġġ tekniku.

(5)

In-nuqqas ta’ konformità mat-termini u l-kundizzjonijiet applikabbli f’relazzjoni mal-ittestjar, speċifikati fl-istruzzjonijiet u l-informazzjoni disponibbli għall-kandidati ma jitqiesx bħala ċirkostanza lil hinn mill-kontroll tal-kandidati jew bħala sitwazzjoni ta’ force majeure.

(6)

Il-kandidati huma mistiedna wkoll jikkonsultaw is-sit web tal-EPSO (*) biex isiru jafu aktar dwar il-proċeduri ta’ selezzjoni tal-EPSO, inkluż dwar ir-rekwiżiti ġenerali applikabbli għall-ittestjar.

(5)

Fil-paġna 11, l-Anness I, it-Taqsima 7.1 “Kwistjonijiet tekniċi u organizzattivi” għandha taqra:

‘7,1. Kwistjonijiet tekniċi u organizzattivi

(1)	Jekk fi kwalunkwe fażi tal-proċedura tas-selezzjoni l-kandidati jiltaqgħu ma’ problema teknika jew organizzazzjonali serja, huma għandhom jinfurmaw lill-EPSO permezz tal-formola ta’ kuntatt online (*).

(2)	Għal kwistjonijiet bil-formola tal-applikazzjoni, il-kandidati jridu jikkuntattjaw lill-EPSO immedjatament u f’kwalunkwe każ qabel l-iskadenza għall-applikazzjonijiet.

(3)

Meta l-problema tinqala’ waqt l-ittestjar, kandidat irid jagħmel dawn iż-żewġ affarijiet:

(a)	jirrapporta l-kwistjoni immedjatament billi jsegwi mill-qrib l-istruzzjonijiet deskritti fl-ittra/i li tistieden/jistiednu lill-kandidati għat-test(ijiet), kif ukoll

(b)

fi żmien 3 ijiem kalendarji, li jibdew minn (u jinkludu) il-ġurnata wara dik li fiha kandidat ikun għamel it-test, jikkuntattja lill-EPSO permezz tal-formola ta’ kuntatt online (**), u jagħti deskrizzjoni fid-dettall tal-problema. Il-kandidat għandu jehmeż ukoll il-prova ta’ tentattiv(i) biex isolvi l-kwistjoni (pereżempju, help-desk jew numru tar-rikjesta għal appoġġ tekniku, traskrizzjonijiet taċ-chat, rapport ta’ individwazzjoni ta’ soluzzjoni, eċċ.). Din il-prova dokumentarja hija meħtieġa biex l-EPSO jkun jista’ jinvestiga s-sitwazzjoni. L-ittri ta’ stedina għat-testijiet jistgħu jispeċifikaw aktar rekwiżiti u struzzjonijiet għar-rapportar ta’ kwistjonijiet li jinqalgħu waqt l-ittestjar.

L-obbligu li l-EPSO jiġi infurmat japplika fil-każijiet kollha, anki meta l-fornitur responsabbli mis-servizz ikun ta segwitu għall-ilment tal-kandidat.

(4)	Ilmenti li jaslu wara l-iskadenza speċifikata f’dan il-punt jiġu meqjusa inammissibbli.

(5)

Ilmenti dwar kwistjonijiet tekniċi, ippreżentati minn kandidati li naqsu milli jieħdu l-passi msemmija fit-Taqsima 5(3) jitqiesu inammissibbli sakemm il-kandidati ma jkunux jistgħu jagħtu prova li n-nuqqas li jieħdu l-passi meħtieġa kollha kien dovut għal ċirkostanzi lil hinn mill-kontroll tagħhom jew minħabba sitwazzjoni ta’ force majeure.

(6)	Rikjesti li jsiru fil-kuntest tal-ilmenti msemmija fit-Taqsimiet 7.2.2 u 7.3.1 u bbażati fuq allegati kwistjonijiet tekniċi u/jew organizzazzjonali li ma kinux ġew irrapportati f’konformità mat-Taqsima 7.1 moqrija flimkien mat-Taqsima 5, se jiġu meqjusa inammissibbli.

(1) https://eur-lex.europa.eu/eli/C/2024/1805/oj.

(2) https://eur-lex.europa.eu/eli/C/2024/2265/oj.

ELI: http://data.europa.eu/eli/C/2024/3224/oj

ISSN 1977-0987 (electronic edition)

Top

Choose the experimental features you want to try