This document is an excerpt from the EUR-Lex website
Il-kummerċ ta’ djamanti mhux maħduma: l-implimentazzjoni tal-Kimberley Process
SOMMARJU TAD-DOKUMENT:
X’INHU L-GĦAN TAR-REGOLAMENT?
Li jistabbilixxi sistema ta’ ċertifikazzjoni għall-importazzjoni u l-esportazzjoni ta’ djamanti mhux maħduma. L-iskop ewlieni tiegħu huwa li jimplimenta l-iskema ta' ċertifikazzjoni tal-Kimberley Process (KPCS)1, li għandha l-għan li tiżgura li x-xiri ta’ djamanti mhux maħduma ma jintużax biex jiffinanzja l-vjolenza minn movimenti tar-ribelli li jfittxu li jdgħajfu l-gvernijiet leġittimi.
PUNTI EWLENIN
- Attwalment il-KPCS għandha 54 membru li jirrappreżentaw 81 pajjiż. L-UE taġixxi bħala parteċipant uniku u għandha s-Servizz tal-Istrumenti tal-Politika Barranija (FPI), dipartiment tal-Kummissjoni Ewropea, bħala l-awtorità kompetenti tagħha.
- Il-Kummissjoni tikkoordina u twettaq monitoraġġ tal-implimentazzjoni tar-regoli tal-Kimberley Process fi ħdan l-UE.
- Sabiex merkanzija tad-djamanti mhux maħduma tiġi importata fl-UE u fi Greenland, din għandha tiġi trasportata f’kontejner li jiflaħ għal kontra t-tbagħbis u tkun akkumpanjata minn ċertifikat tal-Kimberley Process li ma jkunx jista' jiġi ffalsifikat ivvalidat mill-Gvern mill-pajjiż esportatur. Jekk dawn il-kundizzjonijiet jiġu ssodisfati, l-awtorità tal-UE fil-pajjiż ser tipprovdi ċertifikat ikkonfermat lill-importatur; jekk dawn ma jkunux issodisfati, il-merkanzija ser tinżamm.
- Sabiex merkanzija tad-djamanti mhux maħduma tiġi esportata mill-UE u minn Greenland, din għandha tiġi trasportata f’kontejner li jiflaħ għal kontra t-tbagħbis u tkun akkumpanjata minn ċertifikat li ma jkunx jista' jiġi ffalsifikat mill-awtorità tal-UE tal-pajjiż esportatur.
- L-awtoritajiet kompetenti fil-pajjiżi tal-UE għandhom jirrapportaw kull xahar lill-Kummissjoni u lill-FPI dwar iċ-ċertifikati ta’ importazzjoni u ta’ esportazzjoni maħruġa u vvalidati minnhom.
- In-negozjanti tad-djamanti mhux maħduma (elenkati fl-Anness V ta’ dan ir-Regolament) għandhom jiżguraw li jbiegħu biss djamanti mixtrija minn sorsi leġittimi mhux involuti fil-finanzjament tal-konflitti. Dawn għandhom jiggarantixxu bil-miktub li d-djamanti huma liberi mill-konflitti abbażi ta’ għarfien personali u/jew garanziji bil-miktub ipprovduti mill-fornituri tad-djamanti.
META JAPPLIKA R-REGOLAMENT?
Dan ilu japplika mill-.
Madankollu, ċerti artikoli ta’ dan ir-Regolament li jittrattaw ir-reġimi ta’ importazzjoni/esportazzjon u t-tranżitu ilhom japplikaw mill-.
SFOND
Il-kummerċ tad-djamanti ta' konflitt2 huwa kwistjoni ta’ tħassib internazzjonali serju, li tista’ tkun marbuta direttament maż-żieda fil-konflitti armati, l-attivitajiet tal-movimenti tar-ribelli bil-għan li jdgħajfu jew iwaqqgħu gvernijiet leġittimi, u t-traffikar illeċitu u ż-żieda fl-armamenti, speċjalment fl-armi żgħar u armi ħfief.
Il-KPCS ġiet żviluppata wara li l-pajjiżi ltaqgħu f’Kimberley, fl-Afrika t’Isfel, fis-sena 2000 biex ifittxu modi biex jiġu indirizzati l-problemi li dejjem qed jikbru, li joriġinaw mid-djamanti ta’ konflitt.
Għal aktar informazzjoni, ara:
- Il-Kimberley Process, il-ġlieda kontra d-“djamanti ta' konflitt” fuq is-sit elettroniku tal-Kummissjoni Ewropea.
* TERMINI EWLENIN
- L-iskema ta’ ċertifikazzjoni Kimberley Process (KPCS): il-proċess stabbilit fl-2003 mill-Assemblea Ġenerali tar-Riżoluzzjoni tan-Nazzjonijiet Uniti 55/56 biex jiġi evitat il-kummerċ tad-djamanti ta’ konflitt.
- Djamanti ta’ konflitt: djamanti mhux maħduma estratti minn minjieri f’żoni tal-gwerra u mibjugħin biex jiffinanzjaw irvelli, sforzi tal-gwerra ta’ armati li jinvadu jew l-attivitajiet tal-kmandanti militari.
DOKUMENT EWLIENI
Ir-Regolament tal-Kunsill (KE) Nru 2368/2002 tal- li jimplimenta l-iskema ta' ċertifikazzjoni tal-Kimberley Process fil-kummerċ internazzjonali ta’ djamanti mhux maħduma (ĠU L 358, , pp. 28-48)
L-emendi suċċessivi għar-Regolament (KE) Nru 2368/2002 ġew inkorporati fid-dokument oriġinali. Din il-verżjoni konsolidata hija biss ta’ valur dokumentarju.
l-aħħar aġġornament