This document is an excerpt from the EUR-Lex website
Reati tat-traffiku fit-triq — l-iskambju ta’ informazzjoni bejn il-pajjiżi
SOMMARJU TAD-DOKUMENT:
Direttiva (UE) 2015/413 — l-iskambju ta’ informazzjoni dwar reati tat-traffiku fit-triq
X’TAGĦMEL ID-DIRETTIVA?
Din tistabbilixxi regoli sabiex titnaqqas l-impunità ta’ sewwieqa barranin li jwettqu reati tat-traffiku perikolużi billi tagħmilha aktar faċli għall-awtoritajiet tal-pulizija f’pajjiżi differenti tal-UE li jiskambjaw l-informazzjoni sabiex jiġu identifikati t-trasgressuri.
PUNTI EWLENIN
Id-direttiva tapplika għar-reati segwenti:
- sewqan b’veloċità eċċessiva,
- meta ma jintlibisx iċ-ċinturin tas-sikurezza,
- meta dak li jkun ma jieqafx fid-dwal tat-traffiku,
- sewqan taħt l-influwenza tax-xorb,
- sewqan taħt l-influwenza tad-drogi,
- meta ma jintlibisx elmu ta’ protezzjoni,
- l-użu ta’ karreġġata pprojbita (eż. karreġġata għall-karozzi tal-linja),
- l-użu illegali ta’ telefon ċellulari jew ta’ kwalunkwe tagħmir ieħor ta’ komunikazzjoni waqt is-sewqan.
Kull pajjiż irid jagħti l-aċċess għad-data dwar ir-reġistrazzjoni tal-vetturi nazzjonali tiegħu lil kwalunkwe pajjiż ieħor li jkun qed jinvestiga reat imwettaq fit-toroq tiegħu, sabiex ikunu jistgħu jidentifikaw il-vetturi u s-sidien jew l-utenti tagħhom.
Jekk il-pajjiż fejn ikun seħħ ir-reat jiddeċiedi li jieħu azzjoni ulterjuri, irid jinnotifika lit-trasgressur potenzjali u jinfurmah dwar il-konsegwenzi legali, f’ittra li tiddikjara:
- in-natura tar-reat,
- il-post, id-data u l-ħin,
- il-liġi miksura u l-piena,
- (Jekk ikun xieraq), it-tagħmir li ntuża fl-osservazzjoni tar-reat.
Biex iwettaq monitoraġġ tal-prestazzjoni ta’ dan l-arranġament, kull pajjiż irid jibgħat rapport lill-Kummissjoni sa Mejju 2016 u kull sentejn wara dik id-data, bid-dettalji tat-tfittxijiet magħmula u tan-numru ta’ ittri ta’ notifika mibgħuta sussegwentement.
META TAPPLIKA D-DIRETTIVA?
Hija daħlet fis-seħħ fis-.
Din kellha tiġi inkorporata fid-dritt nazzjonali sas-. Din l-iskadenza ġiet posposta għas- għad-Danimarka, l-Irlanda u r-Renju Unit (1).
SFOND
Id-Direttiva preċedenti dwar din il-kwistjoni, jiġifieri d-Direttiva 2011/82/UE, ġiet annullata mill-Qorti tal-Ġustizzja tal-UE fl-2014 minħabba li kellha l-bażi legali żbaljata.
ATT
Direttiva (UE) 2015/413 tal-Parlament Ewropew u tal-Kunsill tal- li tiffaċilita l-iskambju transkonfinali ta’ informazzjoni dwar reati tat-traffiku relatati mas-sikurezza fit-toroq (ĠU L 68, , p. 9–25)
l-aħħar aġġornament
(1) Ir-Renju Unit joħroġ mill-Unjoni Ewropea u jsir pajjiż terz (pajjiż mhux tal-UE) mill-.