This document is an excerpt from the EUR-Lex website
Regolament li jimplimenta t-Trattat ta’ Marrakexx
SOMMARJU TA’:
X’INHU L-GĦAN TAR-REGOLAMENT?
Dan jistabbilixxi r-regoli għal kif ix-xogħlijiet jew materjal ieħor1 f’kopji f’formati aċċessibbli2 huma kondiviżi bejn l-UE u pajjiżi mhux tal-UE li huma parti mit-Trattat ta’ Marrakexx, għall-benefiċċju ta’ persuni li huma għomja, neqsin mid-dawl jew inkella għandhom diffikultà biex jaqraw materjal stampat, u mingħajr ma jkollhom bżonn permess tad-detentur tad-drittijiet tal-awtur.
PUNTI EWLENIN
It-Trattat ta’ Marrakexx
It-Trattat ta’ Marrakexx jirrikjedi li l-pajjiżi li jiffirmawh jadottaw liġijiet nazzjonali li jinkoraġġixxu li l-kotba jiġu prodotti f’formati aċċessibbli bħal braille, test elettroniku, awdjo jew tipa kbira, immirati lejn nies li huma għomja, neqsin mid-dawl jew inkella għandhom diffikultà biex jaqraw materjal stampat. Dawn il-liġijiet għandhom ukoll jagħmluha eħfef biex dawn l-oġġetti jinqasmu bejn il-fruntieri nazzjonali mingħajr ma jkun hemm bżonn ta’ awtorizzazzjoni mid-detentur tad-drittijiet tal-awtur. It-trattat ġie ffirmat fl-2013 u ġie ratifikat mill-UE . L-UE saret parti mit-trattat .
Dan ir-regolament
Entità awtorizzata3 tal-pajjiż tal-UE hija permessa li tagħmel disponibbli għal persuni benefiċjarji4, jew għal kwalunkwe entità awtorizzata f’pajjiżi mhux tal-UE li huma parti mit-trattat, verżjonijiet aċċessibbli ta’ kotba jew materjal bil-miktub ieħor permess mid-Direttiva (UE) 2017/1564, id-direttiva li timplimenta t-Trattat ta’ Marrakexx fl-UE, u dawn l-oġġetti jistgħu jkunu importati u użati minn tali persuni jew entitajiet.
Entità awtorizzata trid:
- tiskoraġġixxi riproduzzjoni u distribuzzjoni mhux awtorizzati lill-pubbliku ta’ kopji ta’ format aċċessibbli;
- iżżomm rekords tal-immaniġġjar tax-xogħlijiet tagħha u kopji f’format aċċessibbli;
- tippubblika informazzjoni dwar kif tikkonforma ma’ dawn l-obbligi;
- issegwi r-regoli dwar l-ipproċessar ta’ data personali ta’ persuni benefiċjarji;
- tipprovdi l-informazzjoni li ġejja b’mod aċċessibbli, fuq talba, lil persuni benefiċjarji, entitajiet awtorizzati oħra jew detenturi tad-drittijiet tal-awtur
- il-lista ta’ xogħlijiet li għalihom għandha kopji ta’ format aċċessibbli u l-formati disponibbli, u
- dettalji tal-kuntatt tal-entitajiet awtorizzati involuti fl-iskambju ta’ kopji b’format aċċessibbli.
Reviżjoni
Sal-, il-Kummissjoni Ewropea se tevalwa l-operat tar-regolamenti u tirrapporta lill-Parlament Ewropew, lill-Kunsill u lill-Kumitat Ekonomiku u Soċjali Ewropew, bi proposti biex jiġi emendat ir-regolament, fejn xieraq.
MINN META JAPPLIKA R-REGOLAMENT?
Ir-regolament ilu japplika mit-.
SFOND
Għal aktar informazzjoni, ara:
- Implimentazzjoni tat-Trattat ta’ Marrakexx fid-dritt tal-Unjoni (Kummissjoni Ewropea)
- L-UE taderixxi mat-Trattat ta’ Marrakexx (is-Servizz Ewropew għall-Azzjoni Esterna).
TERMINI EWLENIN
- Xogħol jew materjal ieħor: ktieb, ġurnal, gazzetta, rivista jew tip ieħor ta’ kitba, notazzjoni, inklużi mużika fuq il-karta, u illustrazzjonijiet relatati, fi kwalunkwe midja, inkluż f’forma ta’ awdjo bħalma huma kotba tal-awdjo u f’format diġitali, li huwa protett minn drittijiet tal-awtur jew drittijiet relatati u li huwa ppubblikat jew magħmul disponibbli għall-pubbliku.
- Kopja f’format aċċessibbli: kopja ta’ xogħol f’forma li tagħti lil persuna benefiċjarja aċċess bl-iktar mod fattibbli u komdu bħala persuna mingħajr l-ebda indeboliment jew diżabilità koperta minn din ir-regolament.
- Entità awtorizzata: entità awtorizzata jew rikonoxxuta minn pajjiż biex tipprovdi edukazzjoni, taħriġ, qari adattat jew aċċess għall-informazzjoni lil persuni benefiċjarji fuq bażi bla skop ta’ profitt.
- Persuna benefiċjarja: persuna li hija għamja, għandha indeboliment tal-vista, jew diżabilità perċettwali jew tal-qari u ma tistax taqra xogħlijiet stampati bl-istess mod bħal persuna mingħajr indeboliment bħal dan, jew ma tistax iżżomm jew timmanipula ktieb jew li tiffoka jew iċċaqlaq għajnejha sal-punt normalment aċċettabbli għall-qari.
DOKUMENT EWLIENI
Ir-Regolament (UE) 2017/1563 tal-Parlament Ewropew u tal-Kunsill tat- dwar l-iskambju transfruntier bejn l-Unjoni u l-pajjiżi terzi ta’ kopji b’format aċċessibbli ta’ ċerti xogħlijiet jew materjal ieħor protett bid-dritt tal-awtur u bi drittijiet relatati għall-ġid tal-persuni għomja, b’diżabbiltà fil-vista jew li b’xi mod ieħor għandhom diffikultà biex jaqraw materjal stampat (ĠU L 242, , p. 1-5).
l-aħħar aġġornament