Strateġija tal-UE dwar l-alkoħol

PUNTI EWLENIN

Ħames prijoritajiet

1. Protezzjoni taż-żgħażagħ, tat-tfalu tat-tarbija li għadha fil-ġuf - din tinkludi 3 għanijiet speċifiċi:
   • trażżin tax-xorb taħt l-età, u tnaqqis ta’ xorb perikoluż u ta’ ħsara fost iż-żgħażagħ,
   • tnaqqis tal-ħsara mġarrba minn tfal f’familji bi problemi relatati mal-alkoħol,
   • tnaqqis ta’ esponiment għall-alkoħol waqt it-tqala.

1. Tnaqqis ta’ mwiet u korrimenti fit-toroq relatati mal-alkoħol
2. Tnaqqis ta’ ħsara relatata mal-alkoħol fost iż-żgħażagħ u l-impatt negattiv tagħha fuq il-post tax-xogħol - l-għanijiet speċifiċi huma li:
   • jitnaqqas il-mard fiżiku u mentali kroniku relatat mal-alkoħol,
   • jitnaqqas in-numru ta’ mwiet relatati mal-alkoħol,
   • tkun provduta informazzjoni lill-konsumaturi sabiex ikunu jistgħu jagħmlu għażliet infurmati,
   • jingħata kontribut għat-tnaqqis ta’ ħsara relatata mal-alkoħol fuq il-post tax-xogħol.

1. Tinforma, teduka u tqajjem kuxjenza - issir enfasi partikolari fuq l-impatt tal-konsum tal-alkoħol ta’ ħsara u perikoluż fuq:
   • it-tarbija fil-ġuf,
   • dawk li jixorbu taħt l-età,
   • il-prestazzjoni tax-xogħol u tas-sewqan.

1. L-iżvilupp, l-appoġġ u ż-żamma ta’ bażi ta’ evidenza komuni- ġbir ta’ informazzjoni komparabbli dwar numru ta’ kwistjonijiet li jinkludu:
   • il-livelli tal-konsum,
   • tendenza ta' kif jiġi kkunsmat ix-xorb,
   • effetti soċjali u tas-saħħa tal-alkoħol.

Appoġġ lill-pajjiżi tal-UE

L-irwol tal-UE f’din l-istrateġija huwa li tikkumplimenta l-isforzi tal-pajjiżi tal-UE, iżżid valur għall-azzjonijiet tagħhom u li tippermetti lill-pajjiżi tal-UE biex jaħdmu flimkien u jindirizzaw kwistjonijiet komuni.

Azzjoni konġunta dwar it-tnaqqis ta’ ħsara relatata mal-alkoħol (RARHA, reducing alcohol-related harm) ta' tliet snin, iffinanzjata taħt il-Programm dwar is-saħħa tal-UE, li bdiet f’Jannar 2014. Hi timmira li tappoġġa l-progress tal-pajjiżi tal-UE lejn prijoritajiet komuni f’konformità mal-istrateġija tal-UE dwar l-alkoħol, u li tgħinhom jindirizzaw u jnaqqsu l-ħsara relatata mal-alkoħol.

L-implimentazzjoni tal-Istrateġija

• Rapport tal-2013 sab li ħafna mill-pajjiżi tal-UE kienu aġġornaw u saħħew l-istrateġiji dwar l-alkoħol tagħhom fid-direzzjoni tal-Istrateġija tal-UE.
• Instab li l-istrateġija tal-UE fil-5 oqsma ta’ prijorità uriet riżultati ċari f’termini ta’ appoġġ għall-azzjoni tal-pajjiżi tal-UE.
• Il-koordinazzjoni u l-appoġġ għall-pajjiżi tal-UE jistgħu jitjiebu billi tiżdied il-viżibilità tal-Kumitat dwar il-Politika u l-Azzjoni Nazzjonali dwar l-Alkoħol (CNAPA, Committee on National Alcohol Policy and Action) u jiġi introdott pjan ta’ ħidma multi-annwali.
• Partijiet interessati jistgħu jkunu mħeġġa sabiex jinvolvu ruħhom fil-Forum dwar l-Alkoħol u s-Saħħa tal-UE.