Choose the experimental features you want to try

This document is an excerpt from the EUR-Lex website

Socraíocht urrús san Aontas a fheabhsú

ACHOIMRE AR:

Rialachán (AE) Uimh. 909/2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús

CAD IS AIDHM LEIS AN RIALACHÁN?

  • Is é is aidhm leis comhchuibhiú a dhéanamh ar uainiú agus iompar na socraíochta urrús san Aontas Eorpach (AE) agus ar na rialacha is infheidhme maidir le taisclanna lárnacha urrús (TLUnna)1.
  • Tá sé ceaptha chun cur le sábháilteacht agus le héifeachtúlacht an chórais, go háirithe maidir le hidirbhearta laistigh den Aontas Eorpach.
  • Leasaíodh an rialachán roinnt uaireanta, agus leasaíodh an uair is deireanaí é le Rialachán (AE) 2022/2554, an Gníomh um Athléimneacht Dhigiteach Oibríochtúil (ar a dtugtar DORA), lena bhféachtar le go n–áiritheofar go mbeidh an earnáil airgeadais ábalta fanacht seasmhach nuair atá cur isteach tromchúiseach oibríochtúil ann (féach an achoimre).

PRÍOMHPHOINTÍ

  • Tugtar isteach na gnéithe seo a leanas ach go háirithe leis an rialachán seo.
    • Tréimhsí socraíochta níos gairide, ar cheart go dtosódh siad go ginearálta tráth nach déanaí ná an dara lá gnó i ndiaidh an trádáil a dhéanamh.
    • Oibleagáid maidir le taifead a dhéanamh i bhfoirm cuntais reatha2 gach urrús inaistrithe a cheadaítear isteach in ionaid trádala nó a trádáladh sna hionaid trádála.
    • Ceanglais dhochta eagraíochtúla, iompair gnó agus stuamachta le haghaidh TLUanna.
    • Córas smachta socraíochta chun déileáil le mainneachtain socraíochta. Ní mór do TLUanna córas pionóis airgid thirim a oibriú agus tá siad faoi réir ceanglais tuairiscithe maidir le mainneachtain socraíochta. Tá rannpháirtithe faoi réir ceannach isteach éigeantach.
    • Córas pasanna trínar féidir le TLUAnna údaraithe a seirbhísí a sholáthar ar fud AE, faoi réir ceanglais pas áirithe.
    • Ceanglais stuamachta agus maoirseachta mhéadaithe le haghaidh TLUanna agus institiúidí eile a sholáthraíonn seirbhísí de chineál baincéireachta a thacaíonn le socraíocht urrús.
  • Ní mór d’údaráis náisiúnta Bhallstáit AE:
    • TLUanna a údarú agus a mhaoirsiú, agus athbhreithniú agus measúnú a dhéanamh orthu ar bhonn bliantúil ar a laghad;
    • faisnéis a mhalartú agus comhoibriú le chéile agus leis an Údarás Eorpach um Urrúis agus Margaí (ESMA).
  • Go sonrach, ní mór do TLUanna:
    • socruithe láidre rialachais, struchtúr soiléir eagraíochta, rialuithe inmheánacha agus nósanna imeachta fónta riaracháin agus cuntasaíochta a bheith acu;
    • a chinntiú go mbeidh dea-cháil agus a ndóthain taithí ag an lucht bainistíochta sinsearaí;
    • coistí úsáideoirí a bhunú do gach córas socraíochta urrús a fheidhmíonn siad;
    • gach taifead dá seirbhísí agus dá ngníomhaíochtaí a choimeád ar feadh 10 mbliana ar a laghad;
    • leanúint de bheith freagrach go hiomlán as obair ar bith a dhéanann siad a sheachfhoinsiú;
    • trédhearcacht a léiriú trí na praghsanna agus na táillí a bhaineann leis na seirbhísí lárnacha a sholáthraíonn siad a nochtadh go poiblí;
    • go leor caipitil a bheith acu ionas go mbeidh leordhóthain cosanta acu i gcoinne rioscaí oibriúcháin, dlíthiúla, coimeádta, infheistíochta agus gnó;
    • údarú breise a fháil roimh sheirbhísí coimhdeacha de chineál baincéireachta ar bith a sholáthar;
    • de thoradh ar ghlacach DORA (Rialachán leasaitheach (AE) 2022/2554), foinsí riosca oibriúcháin a shainaithint, go hinmheánach agus go seachtrach araon, agus a dtionchar a íoslaghdú trí leas a bhaint as uirlisí, próisis agus beartais iomchuí TFC.
  • Féadfaidh TLUnna i dtír nach tír den Aontas í feidhmiú san Aontas, lena n–áirítear trí bhrainse atá bunaithe san Aontas, ar an gcoinníoll go gcomhlíonann siad ceanglais áirithe.
  • Coimeádann ESMA clár atá ar fáil go poiblí maidir le gach TLU údaraithe.
  • Forbróidh ESMA dréachtchaighdeáin theicniúla rialála chun na rioscaí oibriúcháin, seachas rioscaí TFC, atá roimh TLUnna a shonrú.
  • Tá sé de chumhacht ag údaráis inniúla na mBallstát na smachtbhannaí riaracháin cuí agus bearta eile maidir le sárú a chur i bhfeidhm.
  • Chun creat reachtúil soiléir agus stuama a bheith acu le haghaidh trádála agus socraíochta, braitheann Rialachán (AE) Uimh. 909/2014 ar go leor de na sainmhínithe agus coincheapa i dTreoir 2014/65/AE (margaí in ionstraimí airgeadais (MiFID II) — féach an achoimre). Leasaíodh an rialachán chun an t–athrú ar dháta chur i bhfeidhm MiFID II a chur san áireamh. Chiallaigh sé sin go raibh feidhm ag na rialacha atá leagtha amach in MiFID I (Treoir 2004/39/CE) go dtí dáta nua theacht i bhfeidhm MiFID II.
  • Glac an Coimisiún Eorpach roinnt gníomhartha tarmligthe freisin lena bhforlíontar Rialachán (AE) Uimh. 909/2014:
    • Rialachán Tarmligthe (AE) 2017/389 maidir le paraiméadair chun na pionóis airgid thirim le haghaidh mainneachtana socraíochta TLUanna i mBallstáit óstacha a ríomh;
    • Rialachán Tarmligthe (AE) 2017/390 maidir le caighdeáin theicniúla rialála ar cheanglais stuamachta le haghaidh taisclanna lárnacha urrús agus institiúidí creidmheasa a sholáthraíonn seirbhísí cúntacha de chineál baincéireachta;
    • Rialachán Tarmligthe (AE) 2017/391 maidir le caighdeáin theicniúla rialála lena sonraítear tuilleadh inneachar na tuairiscithe ar shocraíochtaí inmheánaithe;
    • Rialachán Tarmligthe (AE) 2017/392 maidir le caighdeáin theicniúla rialála ar cheanglais údaraithe, maoirseachta agus feidhmeacha le haghaidh taisclanna lárnacha urrús;
    • Rialachán Tarmligthe (AE) 2018/1229 maidir le caighdeáin theicniúla rialála ar dhisciplín socraíochta, a leasaíodh dá réir sin le Rialachán Tarmligthe (AE) 2020/1212, Rialachán Tarmligthe (AE) 2021/70 agus Rialachán Tarmligthe (AE) 2022/1930.

CÉN UAIR ATÁ TOSACH FEIDHME AN RIALACHÁIN?

  • Tá ceanglais i leith foirm cuntais reatha (Airteagal 3(1)) i bhfeidhm ón maidir le hurrúis inaistrithe a eiseofar i ndiaidh an dáta sin agus ón maidir le gach urrús inaistrithe.
  • Tá feidhm ag na rialacha maidir le dáta socraíochta an rialacháin (Airteagal 5(2)) ón .
  • Tá an córas socraíochta disciplín (Airteagail 6(1) go (4) agus 7(1) go (13)) i bhfeidhm ón .

CÚLRA

  • Go traidisiúnta, bhí TLUnna á rialú ar bhonn náisiúnta.
  • Baineann rioscaí agus costais níos airde le socraíocht thar theorainneacha d’infheisteoirí ná a bhaineann le hoibríochtaí baile. Ag an am céanna, tá méadú ag teacht ar an gcineál sin idirbhirt.
  • Is é an príomhchuspóir atá leis an rialachán sábháilteacht agus éifeachtúlacht socraíochta urrús agus bonneagair socraíochta in AE a mhéadú. Déantar amhlaidh trí shraith choiteann de chaighdeáin stuamachta, eagraíochta agus iompair gnó a sholáthar lena n–úsáid ar fud AE, ar cheart go mbeadh ról fíorthábhachtach acu maidir leis an ngeilleagar a mhaoiniú.
  • Le haghaidh tuilleadh faisnéise, féach:

PRÍOMHTHÉARMAÍ

  1. Taisclanna lárnacha urrús. Daoine dlítheanacha a fheidhmíonn córas socraíochta urrús agus a sholáthraíonn seirbhísí le haghaidh taifeadadh tosaigh urrús i gcóras cuntais reatha ar a laghad agus/nó le haghaidh cothabháil cuntais urrús ag an leibhéal is uachtaraí.
  2. Cuntas reatha. Nuair a dhéantar úinéireacht urrúis a thaifeadadh i bhfoirm leictreonach seachas i bhfoirm deimhnithe.

PRÍOMHDHOICIMÉAD

Rialachán (AE) Uimh. 909/2014 ó Pharlaimint na hEorpa agus ón gComhairle an maidir le socraíocht urrús san Aontas Eorpach a fheabhsú agus maidir le taisclanna lárnacha urrús agus lena leasaítear Treoir 98/26/CE agus Treoir 2014/65/AE agus Rialachán (AE) Uimh. 236/2012 IO L 257, , lgh. 1–72).

Rinneadh leasuithe comhleanúnacha ar Rialachán (AE) Uimh. 909/2014 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

nuashonrú is deireanaí

Top