This document is an excerpt from the EUR-Lex website
Éicidhearthóireacht do tháirgí a bhaineann le fuinneamh
ACHOIMRE AR:
CAD IS AIDHM LEIS AN TREOIR?
- Le Treoir 2009/125/CE, leagtar amach creat don Choimisiún Eorpach chun íoscheanglais éicidhearthóireachta1 a leagan síos maidir le táirgí a bhaineann le fuinneamh a dhíoltar san Aontas Eorpach (AE). Níl feidhm aige maidir le modhanna iompair a úsáidtear chun daoine nó earraí a iompar.
- Féachtar lei le feabhas a chur ar éifeachtúlacht fuinnimh2 táirgí agus leis an gcomhshaol a chosaint, agus dá réir sin cur le forbairt inbhuanaithe, agus é sin á dhéanamh ar bhealach comhchuibhithe chun tacú le margadh aonair an Aontais Eorpaigh agus ilroinnt an mhargaidh agus praghsanna níos airde a d’fhéadfadh a bheith mar thoradh ar rialacha náisiúnta maidir leis na gnéithe céanna a sheachaint.
PRÍOMHPHOINTÍ
- D’fhéadfadh sé go gclúdófaí le ceanglais éicidhearthóireachta na céimeanna uile a bhaineann le saolré táirge agus leis an deisiú agus leis an athchúrsáil ag deireadh na saolré. Díríodh go dtí seo, i bhformhór na gcásanna, ar ídiú fuinnimh in úsáid toisc gur tugadh tús áite do ghníomhaíocht sa réimse sin. Baineann dearcadh níos iomlánaíche leis na rialacháin is déanaí, áfach, i bhfianaise iomlán an fhuinnimh a úsáidtear le linn shaolré an táirge. Maidir le táirgí leictreonacha go háirithe, tá an chéim mhonaraíochta freagrach as aon rud ó thrian go dhá thrian fiú den fhuinneamh a úsáidtear le linn shaolré an táirge, agus moltar ceanglais maidir le húsáid an fhuinnimh chorpraithe sin a uasmhéadú le ceanglais maidir le hiontaofacht agus in–athúsáidteacht, chun saolré an táirge a shíneadh, agus in–athchúrsáilteacht, chun ábhair a aisghabháil ar bhealach níos éifeachtaí.
- Bíonn marcáil CE ar na táirgí a chomhlíonann na ceanglais agus is féidir iad a dhíol áit ar bith san Aontas.
Gníomhartha cur chun feidhme
Trí bhíthin gníomhartha cur chun feidhme arna nglacadh faoin treoir, bhunaigh an Coimisiún na ceanglais éicidhearthóireachta maidir leis na hearraí seo a leanas a chur ar an margadh:
- miasniteoirí tí (Rialachán (CE) Uimh. 1275/2008);
- gaothráin innealltiomáinte lena bhfuil cumhacht ionchuir leictreach idir 125 W agus 500 kW (Rialachán (AE) Uimh. 327/2011);
- aerchóiritheoirí agus gaothráin chompoird (Rialachán (AE) Uimh. 206/2012);
- caidéil uisce (Rialachán (CE) Uimh. 547/2012);
- athfhillteoirí leithleacha gan dlúthaire agus athfhillteorí gan dlúthaire a comhtháthaíodh i dtáirgí (Rialachán (AE) Uimh. 622/2012);
- triomadóirí rothlaim tí (Rialachán (CE) 2023/2533);
- ríomhairí agus freastalaithe ríomhaire (Rialachán (AE) Uimh. 617/2013);
- folúsghlantóirí (Rialachán (CE) Uimh. 666/2013);
- ídiú cumhachta leictrigh fuireachais sa mód “as” de threalamh leictreach agus leictreonach tí agus oifige (Rialachán (AE) Uimh. 801/2013);
- spástéitheoirí agus comhthéitheoirí (Rialachán (AE) Uimh. 813/2013);
- téitheoirí uisce agus umair stórála uisce the (Rialachán (AE) Uimh. 814/2013);
- oighinn tí, iartaí agus cochaill soirn (Rialachán (AE) Uimh. 66/2014);
- claochladáin chumhachta bheaga, mheánmhéide agus mhóra (Rialachán (AE) Uimh. 548/2014);
- aonaid aerála (Rialachán (CE) Uimh. 1253/2014);
- caibinéid chuisniúcháin stórála tráchtála, caibinéid roisreo, aonaid chomhdhlúthúcháin agus fuarthóirí próiseála (Rialachán (AE) 2015/1095);
- téitheoirí spáis áitiúla breosla sholadaigh (Rialachán (AE) 2015/1185);
- téitheoirí spáis áitiúla (Rialachán (AE) 2015/1188);
- coirí breosla sholadaigh (Rialachán (AE) 2015/1189);
- tháirgí a bhaineann le fuinneamh, táirgí fuaraithe, fuarthóirí próisis ardteochta agus aonaid ghaothráin agus chorna (Rialachán (AE) 2016/2281);
- freastalaithe agus táirgí stórála sonraí (Rialachán (AE) 2019/424);
- mótair leictreacha agus tiomáintí luais inathraithe (Rialachán (AE) 2019/1781);
- soláthairtí seachtracha cumhachta (Rialachán (AE) 2019/1782);
- claochladáin chumhachta bheag, mheánmhéide agus mhóra (Rialachán (AE) Uimh. 2019/1783;
- trealamh tathúcháin (Rialachán (CE) Uimh. 2019/1784);
- triomadóirí rothlaim tí (Rialachán (CE) 2019/2019);
- foinsí solais agus gléasanna rialaithe ar leith (Rialachán (AE) 2019/2020);
- fearais chúisniúcháin lena mbaineann feidhm díolacháin dhírigh (Rialachán (AE) 2019/2024);
- taispeáintí leictreonacha (Rialachán (CE) Uimh. 2019/2021);
Le Rialachán (AE) 2023/826, lena n–aisghairtear Rialachán (CE) Uimh. 1275/2008 agus 107/2009, lena leagtar síos ceanglais éicidhearthóireachta maidir le hídiú leictreachais móid “as”, móid fuireachais, agus móid fuireachais líonra trealamh tí agus oifige leictreach agus trealamh tí agus oifige leictreonach, agus beidh sé i bhfeidhm ón .
Aisghairm
Aisghaireadh Treoir 2009/125/CE le Rialachán (AE) 2024/1781 (féach an achoimre) ón i leith. Beidh roinnt rialacha den treoir i bhfeidhm fós, áfach, chun glacadh le bearta a bhí á bhforbairt fúithi (go dtí 2026) nó chun na cinn atá i bhfeidhm cheana a leasú (go dtí 2030). Ina theannta sin, beidh gníomhartha cur chun feidhme arna nglacadh faoin treoir fós i bhfeidhm go dtí go n–aisghairfear iad.
ÓN gCATHAIN A BHAINEANN NA RIALACHA?
B’éigean an treoir a thrasuí sa dlí náisiúnta faoin . Tá na rialacháin lena socraítear ceanglais éicidhearthóireachta do ghrúpaí táirgí sonracha ina gceangal ar gach Ballstát agus cruthaíonn siad oibleagáidí ón dáta/na dátaí iarratais atá leagtha síos sna rialacháin aonair.
CÚLRA
Le haghaidh tuilleadh faisnéise, féach:
- Táirgí atá tíosach ar fhuinneamh (An Coimisiún Eorpach)
- Rialacháin maidir le héicidhearthóireacht le haghaidh táirgí inbhuanaithe (An Coimisiún Eorpach).
PRÍOMHTHÉARMAÍ
- Éicidhearthóireacht. Gnéithe comhshaoil a chomhtháthú i ndearthóireacht táirgí d’fhonn feabhas a chur ar fheidhmíocht chomhshaoil an táirge le linn a shaolré.
- Éifeachtúlacht fuinnimh. Níos lú fuinnimh a úsáid chun an tseirbhís chéanna a chur ar fáil. Tá cuisneoirí agus meaisíní níocháin atá tíosach ar fhuinneamh ina samplaí de tháirgí.
PRÍOMHDHOICIMÉAD
Treoir 2009/125/CE ó Pharlaimint na hEorpa agus ón gComhairle an lena mbunaítear creat chun ceanglais éicidhearthóireachta do tháirgí a bhaineann le fuinneamh a shocrú (IO L 285, , lgh. 10-35).
Rinneadh leasuithe comhleanúnacha ar Threoir 2009/125/CE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.
an nuashonrú is déanaí