Choose the experimental features you want to try

This document is an excerpt from the EUR-Lex website

Ionstraimí dlí Eorpacha

Tagraíonn an téarma “ionstraimí dlí Eorpacha” do na hionstraimí a chuirtear ar fáil d’institiúidí Eorpacha chun go mbeidh siad in ann a gcuid tascanna a chur i gcrích. Is iad seo a leanas na hionstraimí atá liostaithe in Airteagal 288 den Chonradh ar Fheidhmiú an Aontais Eorpaigh (CFAE):

  • rialacháin: bíonn rialacháin ina gceangal go huile agus go hiomlán agus bíonn siad infheidhmithe go díreach i mBallstáit uile an Aontais Eorpaigh (AE);
  • treoracha: bíonn treoracha ina gceangal ar Bhallstáit AE maidir leis na torthaí nach mór a bhaint amach; ní mór treoracha a thrasuí sa chreat dlíthiúil náisiúnta, mar sin bíonn lamháil inlíochta ag na Ballstáit maidir le cineál agus le meán an fhorfheidhmithe;
  • cinntí: bíonn cinntí ina gceangal go huile agus go hiomlán ar an té ar a ndírítear iad;
  • moltaí agus tuairimí: is ionstraimí neamhcheangailteacha dearbhaitheacha iad seo.

Thairis sin, faoi Airteagal 290 de CFAE, tugtar seans don reachtóir Eorpach cumhacht a tharmligean don Choimisiún chun glacadh le gníomhartha neamhreachtacha de raon ginearálta, a fhorlíonann nó a leasaíonn eilimintí neamhriachtanacha na ngníomhartha reachtacha.

De bhreis ar na hionstraimí atá liostaithe in Airteagal 288 de CFAE, rinneadh sraith iomlán doiciméad uathúil a fhorbairt bunaithe ar chleachtas: comhaontaithe idirinstitiúideacha, rúin, conclúidí, cumarsáid, páipéir uaine agus páipéir bhána.

Baintear feidhm as ionstraimí dlí sonracha, amhail gníomhartha agus staideanna AE, faoin Chomhbheartas Eachtrach agus Slándála (CBES).

FÉACH FOSTA

Top