Rialacha nós imeachta an Mhaoirseora Eorpaigh ar Chosaint Sonraí

 

ACHOIMRE AR:

Cinneadh ón Maoirseoir Eorpach ar Chosaint Sonraí lena nglactar rialacha nós imeachta an chomhlachta

CAD IS AIDHM LEIS NA RIALACHA NÓS IMEACHTA?

• Tagann siad in ionad na rialacha nós imeachta roimhe sin don Mhaoirseoir Eorpach ar Chosaint Sonraí (MECS) arna leagan amach le Cinneadh 2013/504/AE, a aisghairtear leo.
• Leagtar amach leo prionsabail threoracha MECS, mar aon le rialacha maidir le próisis um chinnteoireacht inmheánach, eagrú agus oibriú na rúnaíochta, pleanáil, riarachán inmheánach, agus oscailteacht agus trédhearcacht na hinstitiúide.
• Leasaíodh na rialacha in 2022 chun idirdhealú soiléir a dhéanamh idir na rialacha nós imeachta riachtanacha lena rialaítear feidhmiú chúraimí MECS agus na cinn a bhaineann le struchtúr eagraíochtúil rúnaíocht MECS (ós rud é nár cheart an ceann deireanach a luadh a áireamh sna rialacha nós imeachta).

PRÍOMHPHOINTÍ

Tá ról MECS leagtha amach i Rialachán (AE) 2018/1725 — féach an achoimre.

Cuirtear san áireamh sna rialacha sin na hathruithe ar reachtaíocht an Aontais Eorpaigh (AE) maidir le cosaint sonraí, go sonrach:

• Rialachán (AE) 2016/679, an rialachán ginearálta maidir le cosaint sonraí — féach an achoimre;
• Treoir (AE) 2016/680 maidir le cosaint sonraí ag na póilíní agus údaráis an cheartais choiriúil — féach an achoimre;
• Rialachán (AE) 2018/1727 maidir le Gníomhaireacht an Aontais Eorpaigh um Chomhar Ceartais Choiriúil — féach an achoimre;
• Rialachán (AE) 2018/1241 lena mbunaítear Córas Eorpach um Fhaisnéis agus Údarú Taistil — féach an achoimre;
• Rialachán (AE) 2017/1939 maidir le hOifig an Ionchúisitheora Phoiblí Eorpaigh — féach an achoimre;
• Rialachán (AE) 2016/794 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí — féach an achoimre.

Prionsabail threoracha

Ceanglaítear ar MECS leis na rialacha roinnt prionsabail threoracha a leanúint ina gcumhdaítear:

• dea–rialachas, macántacht agus dea–iompar riaracháin — ní mór do MECS gníomhú ar mhaithe leis an leas poiblí mar shaineolaí, chomh maith le comhlacht neamhspleách, iontaofa, réamhghníomhach agus riaracháin sa réimse maidir le príobháideacht agus cosaint sonraí pearsanta;
• cuntasacht agus trédhearcacht;
• éifeachtacht agus éifeachtúlacht;
• comhar.

Ról an Mhaoirseora

Áirítear iad seo a leanas ar shainchúraimí an Mhaoirseora:

• tosaíochtaí straitéiseacha MECS a chinneadh;
• doiciméid bheartais a ghlacadh a bheidh comhfhreagrach le sainchúraimí agus cumhachtaí MECS;
• cinneadh a dhéanamh maidir le struchtúr eagraíochtúil rúnaíocht MECS, a thiocfaidh leis na tosaíochtaí straitéiseacha.

Faireachán a dhéanamh ar chosaint sonraí

• Ní mór do MECS cosaint éifeachtach ceart agus saoirsí daoine aonair a áirithiú trí fhaireachán agus trí chur chun feidhme Rialachán (AE) 2018/1725 agus aon dlí eile AE lena leagtar amach sainchúraimí agus cumhachtaí do MECS.
• Agus a chumhachtaí imscrúdaitheacha, ceartaitheacha, údarúcháin agus comhairleacha á gcur i gcrích aige, ní mór do MECS cuairteanna um chomhlíonadh, suirbhéanna agus cuairteanna gach dhá mhí agus comhairliúcháin neamhfhoirmiúla a dhéanamh nó socruithe síochánta gearán a spreagadh.

Gearáin

• Láimhseálann MECS gearáin i scríbhinn agus roinnt tosca á gcur san áireamh, lena n–áirítear iad seo a leanas:
  • cineál agus tromchúis na sáruithe líomhnaithe;
  • chomh tábhachtach agus atá an damáiste a rinneadh;
  • tábhacht fhoriomlán fhéideartha an cháis.
• Ní mór dó an gearánaí a chur ar an eolas a luaithe is féidir.
• Maidir le gearáin a chuirtear isteach níos mó ná 2 bhliain i ndiaidh don ghearánaí teacht ar an eolas faoin sárú líomhnaithe, dearbhóidh sé nach bhfuil siad inghlactha agus ní dhéileálfaidh sé leo ach amháin i gcúinsí eisceachtúla a bhfuil údar cuí leo.
• Féadfaidh an gearánaí nó an institiúid lena mbaineann a iarraidh ar MECS a chinneadh a athbhreithniú.

Comhairliúchán reachtach

• Mar fhreagairt ar iarratais ón gCoimisiún Eorpach i gcomhréir le hAirteagal 42(1) de Rialachán (AE) 2018/1725, féadfaidh MECS tuairim a eisiúint i gcás ina mbaineann an t–iarratas le togra le haghaidh gníomh reachtach nó le moladh nó togra chuig Comhairle an Aontais Eorpaigh de bhun Airteagal 218 den Chonradh ar Fheidhmiú an Aontais Eorpaigh. I gcás ina mbaineann an t–iarratas le dréachtghníomh tarmligthe nó le gníomh cur chun feidhme, eisíonn MECS barúlacha foirmiúla.

CÉN UAIR ATÁ TOSACH FEIDHME AN CHINNIDH?

Tá sé i bhfeidhm ón 27 Meitheamh 2020.

CÚLRA

• Sonraítear in Airteagal 7 den Chairt um Chearta Bunúsacha go bhfuil an ceart ag gach duine go ndéanfar a shaol nó a saol príobháideach agus a shaol nó a saol teaghlaigh, a chónaí nó a cónaí agus a chumarsáidí nó a cumarsáidí a urramú.
• In Airteagal 8 den Chairt um Chearta Bunúsacha sonraítear go bhfuil an ceart ag gach duine chun a sonraí pearsanta a chosaint.
• In Airteagal 16 den Chonradh ar Fheidhmiú an Aontais Eorpaigh déantar an ceart sin a fhorbairt tuilleadh. Is é an t–airteagal an bonn dlíthiúil maidir le reachtaíocht AE ar bith ar chosaint sonraí.

Le haghaidh tuilleadh faisnéise, féach:

• Cosaint sonraí san Aontas Eorpach (An Coimisiún Eorpach).
• An Maoirseoir Eorpach ar Chosaint Sonraí (suíomh gréasáin).

PRÍOMHDHOICIMÉAD

Cinneadh ón Maoirseoir Eorpach ar Chosaint Sonraí an 15 Bealtaine 2020 lena nglactar Rialacha Nós Imeachta MECS (IO L 204, 26.6.2020, lgh. 49-59).

Rinneadh leasuithe comhleanúnacha ar an gcinneadh a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) 2018/1727 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh um Chomhar Ceartais Choiriúil (Eurojust), agus lena n–aisghairtear Cinneadh 2002/187/CGB ón gComhairle agus a ghabhann in ionad an Chinnidh sin (IO L 295, 21.11.2018, lgh. 138-183).

Féach an leagan comhdhlúite.

Rialachán (AE) Uimh. 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin agus lena n–aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lgh. 39-98).

Rialachán (AE) 2018/1241 ó Pharlaimint na hEorpa agus ón gComhairle an 12 Meán Fómhair 2018 lena leasaítear Rialachán (AE) 2016/794 chun Córas Eorpach um Fhaisnéis agus Údarú Taistil (ETIAS) a bhunú (IO L 236, 19.9.2018, lgh. 72-73).

Rialachán (AE) Uimh. 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (“OIPE”) (IO L 283, 31.10.2017, lgh. 1-71).

Féach an leagan comhdhlúite.

Leagan comhdhlúite den Chonradh ar Fheidhmiú an Aontais Eorpaigh — Cuid a hAon — Prionsabail — Teideal II — Forálacha a bhfuil feidhm ghinearálta leo — Airteagal 16 (sean–Airteagal 286 CCE) (IO C 202, 7.6.2016, lch. 55)

Leagan comhdhlúite den Chonradh ar Fheidhmiú an Aontais Eorpaigh — Cuid a Cúig — Gníomhaíochtaí seachtracha an Aontais — Teideal V — Comhaontuithe idirnáisiúnta — Airteagal 218 (sean–Airteagal 300 CCE) (IO C 202, 7.6.2016, lgh. 144-146).

Cairt um Chearta Bunúsacha an Aontais Eorpaigh — Teideal II — Saoirsí — Airteagal 7 Meas ar an saol príobháideach agus ar shaol an teaghlaigh (IO L 202, 7.6.2016, lch. 395).

Cairt um Chearta Bunúsacha an Aontais Eorpaigh — Teideal II — Saoirsí — Airteagal 8 — Cearta sonraí pearsanta (IO C 202, 7.6.2016, lch. 395).

Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) lena n–aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lgh. 53-114).

Féach an leagan comhdhlúite.

Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n–aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lgh. 1-88).

Féach an leagan comhdhlúite.

Treoir (AE) 2016/680 ó Pharlaimint na hEorpa agus ón gComhairle an 27 Aibreán 2016 i ndáil le cosaint daoine nádúrtha maidir le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus saorghluaiseacht sonraí den sórt sin, agus lena n–aisghairtear Cinneadh Réime 2008/977/CGB ón gComhairle (IO L 119, 4.5.2016, lgh. 89-131).

Féach an leagan comhdhlúite.

Nuashonraithe 23.11.2022