L-Ewropa għaċ-Ċittadini: L-UE tinġieb eqreb lejn iċ-ċittadini

 

SOMMARJU TAD-DOKUMENT:

Il-programm L-Ewropa għaċ-Ċittadini 2014-20 — Regolament (UE) Nru 390/2014

X’INHU L-GĦAN TA’ DAN IR-REGOLAMENT?

• Dan jistabbilixxi l-objettivi u l-istruttura tal-programm “L-Ewropa għaċ-Ċittadini” 2014-2020.
• Huwa jistabbilixxi l-kundizzjonijiet għall-finanzjament tal-proġetti.

PUNTI EWLENIN

L-għan globali tal-programm huwa:

• li jgħin lill-Ewropej jifhmu aħjar lill-UE, l-istorja u d-diversità tagħha
• li jippromwovi l-idea ta’ ċittadinanza Ewropea u jagħmel il-parteċipazzjoni ċivika u demokratika fil-livell tal-UE aktar faċli u aktar attraenti.

Għanijiet speċifiċi

• Biex joħloq sensibilizzazzjoni dwar il-kommemorazzjoni, l-istorja komuni u l-valuri tal-UE u l-għanijiet tal-UE — għall-promozzjoni tal-paċi, tal-valuri tagħha u tal-benesseri tal-popli tagħha
• Biex jinkoaġġixxi l-parteċipazzjoni demokratika u ċiviku tal-pubbliku ġenerali fil-livell tal-UE, billi jiġi żviluppat il-fehim tagħhom dwar il-proċess tat-tfassil tal-politika tal-UE, u jistimola l-interess u l-involviment fit-tfassil tal-politika tal-UE.

Struttura

Dan il-programm huwa diviżi f’żewġ linji:

• 1.

  Kommemorazzjoni Ewropea;

• 2.

  Involviment demokratiku u parteċipazzjoni ċivika.

Azzjonijiet iffinanzjati

L-UE se tiffinanzja diversi tipi ta’ azzjoni. Dawn jeħtieġ li jew jiġu implimentati fl-UE kollha jew li jkollhom dimensjoni Ewropea. Dawn jinkludu:

• attivitajiet ta’ skambju u kooperazzjoni bħal:
  • ġemellaġġi bejn l-ibliet, netwerks ta’ ġemellaġġi bejn l-ibliet;
  • proġetti ta’ kommemorazzjoni b’dimensjoni Ewropea;
  • skambji permezz tal-midja soċjali u/jew teknoloġiji tal-informazzjoni u l-komunikazzjoni;
• appoġġ strutturali għall-organizzazzjonijiet bħall-punti ta’ kuntatt ta’ L-Ewropa għaċ-Ċittadini;
• studji fil-livell tal-UE relatati mal-għanijiet tal-programm;
• attivitajiet promozzjonali għal inizjattivi appoġġati bħal:
  • Konferenzi fil-livell tal-UE, seminars, kommemorazzjonijiet u ċerimonji tal-għoti ta’ premijijiet;
  • laqgħat tal-esperti u seminars.

L-inizjattivi speċifiċi relatati ma’ dawn it-tipi ta’ azzjoni huma deskritti fl-anness għar-Regolament.

META JAPPLIKA R-REGOLAMENT?

Huwa ilu japplika mill-1 ta’ Jannar 2014.

SFOND

Għal aktar informazzjoni, ara:

• Il-programm L-Ewropa għaċ-Ċittadini fuq il-websajt tal-Kummissjoni Ewropea.

DOKUMENT EWLIENI

Regolament tal-Kunsill (UE) Nru 390/2014 tal-14 ta’ April 2014 li jistabbilixxi l-programm “L-Ewropa għaċ-Ċittadini” għall-perijodu 2014–2020 (ĠU L 115, 17.4.2014, pp. 3-13)

l-aħħar aġġornament 04.10.2016