Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32009L0103

    Assigurazzjoni kontra responsabbiltà ċivili għall-vetturi bil-mutur

    Datatal-aħħarreviżjoni:
    12/10/2015
    Data tal-ħolqien inizjali:
    27/08/2010
    Dokument(i) mqassar/mqassra:
    Awtur:
    Uffiċċju tal-Pubblikazzjonijiet tal-Unjoni Ewropea

    Assigurazzjoni kontra responsabbiltà ċivili għall-vetturi bil-mutur

    SOMMARJU TAD-DOKUMENT:

    Direttiva 2009/103/KE - Assigurazzjoni kontra responsabbiltà ċivili għall-vetturi bil-mutur

    SOMMARJU

    L-assigurazzjoni għall-vetturi tirrappreżenta proporzjon sinifikanti mill-poloz tal-assigurazzjoni li ma tirrigwardax il-ħajja li jsiru fi ħdan l-Unjoni Ewropea (UE). Din id-Direttiva għandha l-għan li tgħin lir-residenti tal-UE li jkunu involuti f’inċident tat-traffiku f’pajjiż ieħor tal-UE.

    X’TAGĦMEL ID-DIRETTIVA?

    Skont id-Direttiva, l-abbonati f’poloz tal-assigurazzjoni obbligatorja tal-vetturi bil-mutur fil-pajjiżi kollha tal-UE huma koperti għas-sewqan mal-UE kollha.

    PUNTI EWLENIN

    Id-Direttiva:

    —
    teħtieġ li l-vetturi bil-mutur kollha fl-UE jkunu koperti minn assigurazzjoni tar-responsabbiltà ta’ terzi obbligatorja*

    —
    tabolixxi l-kontrolli fil-fruntieri fuq l-assigurazzjoni sabiex tiffaċilita l-ivvjaġġar internazzjonali fi ħdan l-UE

    —
    tippreskrivi kopertura minima tal-assigurazzjoni tar-responsabbiltà ta’ terzi fil-pajjiżi tal-UE

    —
    tispeċifika l-persuni eżentati u l-awtoritajiet responsabbli għall-kumpens

    —
    tintroduċi mekkaniżmu biex tikkumpensa lill-vittmi lokali ta’ inċidenti kkawżati minn vetturi minn pajjiż tal-UE ieħor

    —
    tirrikjedi ħlas malajr tal-pretensjonijiet li jirriżultaw minn inċidenti li jsiru barra l-pajjiż tal-UE ta’ residenza tal-vittma (’l hekk imsejħa “visiting victims”)

    —
    tintitola lid-detenturi tal-polza jitolbu għal stqarrija dwar il-pretensjonijiet (jew in-nuqqas ta’ pretensjonijiet) li jinvolvu l-vettura tagħhom matul il-ħames snin ta’ qabel il-kuntratt.

    Id-Direttiva ma tirregolax kwistjonijiet ta’ responsabbiltà ċivili, inkluż l-għoti ta’ kumpens, li huma deċiżi mill-pajjiżi tal-UE, jew “kopertura komprensiva” għal korriment fiżiku tas-sewwieq jew ħsara fil-vetturi.

    META TAPPLIKA D-DIRETTIVA?

    Mis-27 ta’ Ottubru 2009.

    SFOND

    Il-websajt tal-Kummissjoni Ewropea dwar l-assigurazzjoni tal-vetturi bil-mutur

    TERMINI EWLENIN

    *Assigurazzjoni tar-responsabbiltà ta’ terzi: kopertura għal ħsara, telf jew korriment imġarrab minn parti oħra minħabba l-azzjonijiet tad-detentur tal-polza.

    ATT

    Direttiva 2009/103/KE tal-Parlament Ewropew u tal-Kunsill tas-16 ta’ Settembru 2009 dwar l-assigurazzjoni kontra responsabbiltà ċivili fir-rigward tal-użu ta’ vetturi bil-mutur u l-infurzar tal-obbligu ta’ assigurazzjoni kontra din ir-responsabbiltà

    REFERENZA

    Att

    Dħul fis-seħħ

    Terminu għat-traspożizzjoni fl-Istati Membri

    Il-Ġurnal Uffiċjali

    Direttiva 2009/103/KE

    27.10.2009

    -

    ĠU L 263, 7.10.2009, p. 11-31

    l-aħħar aġġornament 12.10.2015

    Fuq