This document is an excerpt from the EUR-Lex website
Document 32024R1610
Regulation (EU) 2024/1610 of the European Parliament and of the Council of 14 May 2024 amending Regulation (EU) 2019/1242 as regards strengthening the CO2 emission performance standards for new heavy-duty vehicles and integrating reporting obligations, amending Regulation (EU) 2018/858 and repealing Regulation (EU) 2018/956 (Text with EEA relevance)
Regolament (UE) 2024/1610 tal-Parlament Ewropew u tal-Kunsill tal-14 ta’ Mejju 2024 li jemenda r-Regolament (UE) 2019/1242 fir-rigward tat-tisħiħ tal-istandards ta’ prestazzjoni tal-emissjonijiet tas-CO2 għal vetturi heavy-duty ġodda u l-integrazzjoni tal-obbligi ta’ rapportar, li jemenda r-Regolament (UE) 2018/858 u li jħassar ir-Regolament (UE) 2018/956 (Test b'rilevanza għaż-ŻEE)
Regolament (UE) 2024/1610 tal-Parlament Ewropew u tal-Kunsill tal-14 ta’ Mejju 2024 li jemenda r-Regolament (UE) 2019/1242 fir-rigward tat-tisħiħ tal-istandards ta’ prestazzjoni tal-emissjonijiet tas-CO2 għal vetturi heavy-duty ġodda u l-integrazzjoni tal-obbligi ta’ rapportar, li jemenda r-Regolament (UE) 2018/858 u li jħassar ir-Regolament (UE) 2018/956 (Test b'rilevanza għaż-ŻEE)
PE/29/2024/REV/1
ĠU L, 2024/1610, 6.6.2024, ELI: http://data.europa.eu/eli/reg/2024/1610/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Il-Ġurnal Uffiċjali |
MT Is-serje L |
2024/1610 |
6.6.2024 |
REGOLAMENT (UE) 2024/1610 TAL-PARLAMENT EWROPEW U TAL-KUNSILL
tal-14 ta’ Mejju 2024
li jemenda r-Regolament (UE) 2019/1242 fir-rigward tat-tisħiħ tal-istandards ta’ prestazzjoni tal-emissjonijiet tas-CO2 għal vetturi heavy-duty ġodda u l-integrazzjoni tal-obbligi ta’ rapportar, li jemenda r-Regolament (UE) 2018/858 u li jħassar ir-Regolament (UE) 2018/956
(Test b’rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw lill-Kumitat tar-Reġjuni,
Filwaqt li jaġixxu skont il-proċedura leġiżlattiva ordinarja (2),
Billi:
(1) |
L-indirizzar tal-isfidi relatati mal-klima u mal-ambjent u l-ilħuq tal-objettivi tal-Ftehim ta’ Pariġi (3), adottat fit-12 ta’ Diċembru 2015 fl-ambitu tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), huma fil-qalba tal-komunikazzjoni tal-Kummissjoni tal-11 ta’ Diċembru 2019 dwar il-“Patt Ekoloġiku Ewropew”. Il-ħtieġa u l-valur tal-Patt Ekoloġiku Ewropew kibru biss fid-dawl tal-effetti severi ħafna tal-pandemija tal-COVID-19 fuq is-saħħa u l-benesseri ekonomiku taċ-ċittadini tal-Unjoni u tal-gwerra ta’ aggressjoni tar-Russja kontra l-Ukrajna. |
(2) |
Il-Patt Ekoloġiku Ewropew jikkombina sett komprensiv ta’ miżuri u ta’ inizjattivi li jsaħħu lil xulxin li għandhom l-għan li jiksbu n-newtralità klimatika fl-Unjoni sal-2050, u jistabbilixxi strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u għanja, b’ekonomija moderna, effiċjenti fir-riżorsi u kompetittiva, fejn it-tkabbir ekonomiku jkun diżakkoppjat mill-użu tar-riżorsi. Għandu wkoll l-għan li jipproteġi, jikkonserva u jsaħħaħ il-kapital naturali tal-Unjoni, u li jipproteġi s-saħħa u l-benesseri taċ-ċittadini minn riskji u impatti relatati mal-ambjent. Fl-istess ħin, dik it-tranżizzjoni taffettwa lin-nisa u lill-irġiel b’mod differenti u għandha impatt partikolari fuq xi gruppi żvantaġġati u vulnerabbli, bħal pereżempju l-unitajiet domestiċi u l-persuni b’introjtu baxx, il-persuni akbar fl-età, il-persuni b’diżabbiltà u l-persuni bi sfond razzjali jew etniku ta’ minoranza. Għalhekk, irid jiġi żgurat li t-tranżizzjoni tkun ġusta u inklużiva, u ma tħalli lil ħadd jibqa’ lura. |
(3) |
Wara l-adozzjoni, mill-Parlament Ewropew u l-Kunsill, tal-elementi essenzjali tal-pakkett leġiżlattiv “Lesti għall-mira ta’ 55 %”, kif propost mill-Kummissjoni f’Lulju 2021, l-Unjoni ssottomettiet f’Ottubru 2023 kontribut aġġornat stabbilit fil-livell nazzjonali (NDC) tal-Unjoni u tal-Istati Membri tagħha għall-UNFCCC, li jikkonferma li l-Unjoni se tnaqqas l-emissjonijiet netti tal-gassijiet serra tagħha b’mill-inqas 55 % sal-2030 meta mqabbla mal-livelli tal-1990. |
(4) |
Permezz tal-adozzjoni tar-Regolament (UE) 2021/1119 tal-Parlament Ewropew u tal-Kunsill (4), l-Unjoni naqqxet f’att leġiżlattiv tal-Unjoni l-objettiv tan-newtralità klimatika fl-ekonomija kollha fl-Unjoni sa mhux aktar tard mill-2050 u l-għan li jinkisbu emissjonijiet negattivi minn hemm ’il quddiem. Barra minn hekk, dak ir-Regolament jistabbilixxi mira vinkolanti tal-Unjoni għat- tnaqqis domestiku tal-emissjonijiet netti tal-gassijiet serra (emissjonijiet wara t-tnaqqis tal-assorbimenti) ta’ mill-inqas 55 % meta mqabbla mal-livelli tal-1990 sal-2030. Jistabbilixxi wkoll il-qafas għall-istabbiliment ta’ miri klimatiċi intermedji tal-Unjoni u għall-pubblikazzjoni tal-baġit indikattiv tal-Unjoni projettat għall-gassijiet serra għall-perijodu 2030-2050. |
(5) |
Is-setturi kollha tal-ekonomija huma mistennija jikkontribwixxu biex jinkiseb dak it-tnaqqis tal-emissjonijiet, inkluż is-settur tat-trasport bit-triq. Fil-komunikazzjoni tagħha tad-9 ta’ Diċembru 2020 dwar “L-Istrateġija għal Mobbiltà Sostenibbli – u Intelliġenti – it-tqegħid tat-trasport Ewropew fit-triq it-tajba għall-futur”, il-Kummissjoni tistabbilixxi pjan direzzjonali għal futur sostenibbli u intelliġenti għat-trasport Ewropew, bi pjan ta’ azzjoni lejn l-objettiv li jitwassal tnaqqis ta’ 90 % fl-emissjonijiet mis-settur tat-trasport sal-2050. Il-vetturi tqal bħalissa huma responsabbli għal aktar minn kwart tal-emissjonijiet tal-gassijiet serra mit-trasport bit-triq fl-Unjoni u għal aktar minn 6 % tal-emissjonijiet totali tal-gassijiet serra tal-Unjoni. |
(6) |
Il-pakkett leġiżlattiv “Lesti għall-mira ta’ 55 %”, għandu l-għan li jimplimenta l-mira ta’ tnaqqis tal-emissjonijiet tal-gassijiet serra sal-2030. Ikopri firxa ta’ oqsma ta’ politika. Ir-reviżjoni tar-Regolament (UE) 2019/1242 tal-Parlament Ewropew u tal-Kunsill (5) hija parti integrali minn dak il-pakkett leġiżlattiv. |
(7) |
Fil-komunikazzjoni tagħha tat-18 ta’ Mejju 2022 dwar il-“Pjan REPowerEU”, il-Kummissjoni ddeskriviet pjan sabiex l-Unjoni ssir indipendenti mill-fjuwils fossili Russi ferm qabel it-tmiem ta’ dan id-deċennju. Dik il-komunikazzjoni tenfasizza l-importanza, inter alia, li tiżdied ulterjorment l-effiċjenza u jitnaqqas il-konsum tal-fjuwils fossili fis-settur tat-trasport, fejn l-elettrifikazzjoni tista’ tiġi kkombinata mal-użu ta’ idroġenu mhux fossili sabiex jiġu sostitwiti l-fjuwils fossili. |
(8) |
Sabiex isir kontribut għat-tnaqqis fl-emissjonijiet netti tal-gassijiet serra ta’ mill-inqas 55 % meta mqabbla mal-livelli tal-1990 sal-2030 u f’konformità mal-prinċipju “l-effiċjenza enerġetika tiġi l-ewwel”, huwa meħtieġ li jissaħħu r-rekwiżiti tat-tnaqqis tal-emissjonijiet tas-CO2 għall-vetturi tqal stabbiliti fir-Regolament (UE) 2019/1242. Jeħtieġ ukoll li jiġi stabbilit perkors ċar għal aktar tnaqqis ta’ emissjonijiet lil hinn mill-2030 għas-settur tal-vetturi tqal sabiex jikkontribwixxi għall-kisba tal-objettiv tan-newtralità klimatika sal-2050. |
(9) |
Ir-rekwiżiti msaħħa ta’ tnaqqis tal-emissjonijiet tas-CO2 jenħtieġ li jinċentivaw proporzjon dejjem akbar ta’ vetturi tqal mingħajr emissjonijiet li jkunu qed jintużaw fis-suq tal-Unjoni filwaqt li jipprovdu benefiċċji lill-utenti u liċ-ċittadini f’termini ta’ kwalità tal-arja u ta’ ffrankar tal-enerġija, kif ukoll jiżguraw li l-innovazzjoni fil-katina tal-valur tas-settur awtomobilistiku u l-impjiegi ta’ kwalità għolja assoċjati jkunu jistgħu jinżammu. Bħalissa, il-vetturi tqal mingħajr emissjonijiet jinkludu vetturi elettriċi bil-batterija, vetturi b’ċellula tal-fjuwil u vetturi oħra motorizzati li jaħdmu bl-idroġenu, u l-innovazzjoni teknoloġika qed tkompli. |
(10) |
Jenħtieġ li jiġu stabbiliti miri msaħħa ġodda ta’ tnaqqis tal-emissjonijiet tas-CO2 għal vetturi tqal ġodda mill-2030 ’il quddiem. Dawk il-miri jenħtieġ li jiġu stabbiliti f’livell li jwassal sinjal qawwi sabiex tiġi aċċellerata l-adozzjoni ta’ vetturi tqal mingħajr emissjonijiet fis-suq tal-Unjoni, tiġi stimolata l-innovazzjoni f’teknoloġiji mingħajr emissjonijiet b’mod kosteffiċjenti, jingħata s-sinjal meħtieġ biex jiġi aċċellerat l-użu tal-infrastruttura tal-iċċarġjar u tar-riforniment fl-Unjoni kollha, tiġi żgurata l-kompetittività fit-tul tal-industrija tal-Unjoni f’suq globali, u jsir kontribut biex jitnaqqsu l-ispejjeż tal-operat tal-kumpaniji tat-trasport, filwaqt li jiġi żgurat li l-Unjoni tilħaq l-objettivi klimatiċi tagħha kif ukoll l-objettivi tagħha biex ittaffi t-tniġġis tal-arja. |
(11) |
It-tniġġis tal-arja huwa problema partikolarment akuta fil-bliet, u jaffettwa s-saħħa ta’ miljuni ta’ ċittadini Ewropej. It-trasport huwa wieħed mis-sorsi ewlenin tat-tniġġis tal-arja urbana. L-introduzzjoni aċċellerata tal-vetturi tqal mingħajr emissjonijiet, permezz ta’ rekwiżiti msaħħa ta’ tnaqqis tal-emissjonijiet tas-CO2, se tikkontribwixxi biex tittaffa l-problema tat-tniġġis tal-arja urbana. |
(12) |
Il-komunikazzjoni tal-Kummissjoni tal-5 ta’ Mejju 2021, dwar “Aġġornament tal-Istrateġija Industrijali l-Ġdida tal-2020: Nibnu Suq Uniku aktar b’saħħtu għall-irkupru tal-Ewropa” tipprevedi l-ħolqien konġunt ta’ perkorsi ta’ tranżizzjoni ekoloġika u diġitali fi sħubija mal-industrija, mal-awtoritajiet pubbliċi, mas-sħab soċjali u ma’ partijiet ikkonċernati oħra. F’dak il-kuntest, qiegħed jiġi żviluppat perkors ta’ tranżizzjoni għall-ekosistema tal-mobbiltà biex jakkumpanja t-tranżizzjoni tal-katina tal-valur tas-settur awtomobilistiku. Il-perkors ta’ tranżizzjoni jagħti attenzjoni partikolari lill-intrapriżi żgħar u ta’ daqs medju fil-katina tal-provvista tas-settur awtomobilistiku, u lill-konsultazzjoni, inkluż mill-Istati Membri, mas-sħab soċjali. Jibni wkoll fuq l-Aġenda Ewropea għall-Ħiliet b’inizjattivi bħall-Patt għall-Ħiliet biex jimmobilizza s-settur privat u partijiet ikkonċernati oħra sabiex itejbu l-ħiliet tal-forza tax-xogħol tal-Ewropa u sabiex jagħtu lill-forza tax-xogħol tal-Ewropa ħiliet ġodda fid-dawl tat-tranżizzjoni ekoloġika u dik diġitali, u jibni fuq il-Mekkaniżmu ta’ Spinta tat-Talent fil-qafas tal-inizjattiva ta’ Sfruttar tat-Talenti fir-reġjuni tal-UE. L-azzjonijiet u l-inċentivi xierqa f’livell Ewropew u nazzjonali biex tingħata spinta lill-affordabbiltà tal-vetturi mingħajr emissjonijiet qegħdin ukoll jiġu indirizzati fil-perkors tat-tranżizzjoni. Dak jista’, pereżempju, jinkludi l-possibbiltà li l-Istati Membri jużaw il-Fond Soċjali għall-Klima stabbilit bir-Regolament (UE) 2023/955 tal-Parlament Ewropew u tal-Kunsill (6) (il-“Fond Soċjali għall-Klima”) biex jassistu lill-mikrointrapriżi fix-xiri ta’ vetturi tqal mingħajr emissjonijiet. Jenħtieġ li tingħata wkoll attenzjoni partikolari lill-impatt li dik it-tranżizzjoni se jkollha fuq intrapriżi mikro, żgħar u ta’ daqs medju (l-SMEs) tul il-katina tal-provvista. Il-komunikazzjoni tal-Kummissjoni tal-1 ta’ Frar 2023, dwar il-“Pjan Industrijali tal-Patt Ekoloġiku għal Żmien l-Emissjonijiet Żero Netti” għandu l-għan li jsaħħaħ il-kompetittività tal-industrija tal-Ewropa b’emissjonijiet żero netti u se jappoġġja t-tranżizzjoni rapida għan-newtralità klimatika. Dak il-pjan għandu l-għan li jipprovdi ambjent li jappoġġja aktar l-espansjoni tal-kapaċità tal-manifattura tal-Unjoni għat-teknoloġiji u għall-prodotti b’emissjonijiet żero netti meħtieġa sabiex jintlaħqu l-miri klimatiċi ambizzjużi tal-Unjoni. L-aċċess għat-taħriġ u għat-taħriġ mill-ġdid f’bosta setturi li jeħtieġ li jgħaddu minn bidliet fundamentali, inkluż is-settur tal-vetturi tqal u s-setturi tar-riforniment u tal-irriċarġjar, huwa kruċjali għal tranżizzjoni soċjalment ġusta u effettiva. L-investimenti fil-ħiliet meħtieġa għal tranżizzjoni effettiva huma responsabbiltà kollettiva. L-impjegati u l-persuni li qed ifittxu impjieg jenħtieġ li jkollhom aċċess għal opportunitajiet ta’ taħriġ mill-ġdid u ta’ titjib tal-ħiliet, u l-parteċipazzjoni tagħhom f’dawk l-attivitajiet ta’ tagħlim jenħtieġ li jiġu appoġġati. L-Istati Membri huma mħeġġa jżidu l-investimenti fit-taħriġ mill-ġdid u fit-titjib tal-ħiliet u li jimmappjaw u janalizzaw il-bidliet previsti fis-suq tax-xogħol. |
(13) |
Flimkien ma’ inizjattivi biex tiġi aċċellerata bidla modali lejn modi tat-trasport aktar sostenibbli, it-tisħiħ tar-rekwiżiti ta’ tnaqqis tal-emissjonijiet tas-CO2 għall-vetturi tqal u l-introduzzjoni tal-infrastruttura meħtieġa tal-irriċarġjar u tar-riforniment se jkollhom rwol ewlieni fit-tnaqqis tal-emissjonijiet tas-CO2 tas-settur tal-vetturi tqal. Il-miri ta’ tnaqqis tal-emissjonijiet tas-CO2 għall-flotta kollha tal-Unjoni stipulati f’dan ir-Regolament huma kkomplementati bir-rekwiżiti tal-infrastruttura tal-irriċarġjar u tar-riforniment stabbiliti fir-Regolament (UE) 2023/1804 tal-Parlament Ewropew u tal-Kunsill (7). Il-finanzjament tal-Unjoni għandu rwol importanti fl-introduzzjoni tal-infrastruttura fil-livell nazzjonali. L-użu ta’ infrastruttura tal-irriċarġjar għall-vetturi elettriċi tqal huwa ugwalment importanti f’postijiet privati li mhumiex aċċessibbli għall-pubbliku, bħal f’deposti privati u f’ċentri loġistiċi li jipprovdu l-iċċarġjar matul il-lejl u fid-destinazzjoni. L-Istati Membri jenħtieġ li jqisu li jieħdu miżuri fil-kuntest tal-istabbiliment tal-oqfsa ta’ politika nazzjonali riveduti tagħhom biex jiżguraw li tiġi pprovduta infrastruttura xierqa għall-iċċarġjar matul il-lejl u fid-destinazzjoni għall-vetturi elettriċi tqal. Huwa xieraq li jitqies ukoll, minħabba restrizzjonijiet infrastrutturali possibbli f’pajjiżi terzi, l-impatt ta’ dan ir-Regolament fuq il-possibbiltà li vetturi tqal ġodda rreġistrati fl-Istati Membri joperaw barra mill-Unjoni. |
(14) |
Fl-2015, wara l-adozzjoni tad-Direttiva 2014/94/UE tal-Parlament Ewropew u tal-Kunsill (8), il-Forum dwar it-Trasport Sostenibbli (il-“Forum”) ġie stabbilit mill-Kummissjoni. Il-Forum jassisti lill-Kummissjoni fl-implimentazzjoni tal-attivitajiet u tal-programmi tal-Unjoni li għandhom l-għan li jrawmu l-użu ta’ infrastruttura sostenibbli għall-fjuwils alternattivi. Wara l-adozzjoni ta’ dan ir-Regolament, il-Kummissjoni se tiżgura li l-Forum jappoġġja l-introduzzjoni effettiva u kosteffiċjenti tal-infrastruttura tal-irriċarġjar u tar-riforniment meħtieġa biex jiġu ssodisfati r-rekwiżiti msaħħa ta’ tnaqqis tal-emissjonijiet tas-CO2 għall-vetturi tqal, u li jipprovdi informazzjoni għar-rieżami msemmi fl-Artikolu 24(2) tar-Regolament (UE) 2023/1804, sabiex il-miri stabbiliti f’dak ir-Regolament ikunu allinjati mal-ambizzjoni ta’ dan ir-Regolament. |
(15) |
It-tranżizzjoni lejn in-newtralità klimatika tirrikjedi investiment sinifikanti fil-grilja tal-elettriku, inklużi kapaċità msaħħa, reżiljenza u ħżin, kif ukoll konnessjonijiet addizzjonali. Fid-dawl tal-miri ta’ tnaqqis tal-emissjonijiet tas-CO2 għall-vetturi tqal għas-sena 2030 stabbiliti skont dan ir-Regolament, is-sehem ta’ vetturi tqal mingħajr emissjonijiet fil-flotta totali ta’ vetturi tqal fit-toroq u l-konsum tal-elettriku fis-settur se jibqgħu limitati. Għalhekk, l-impatt relatat fuq il-grilja tal-elettriku se jibqa’ limitat ukoll. |
(16) |
Filwaqt li l-miri msaħħa ta’ tnaqqis tal-emissjonijiet tas-CO2 se jaċċelleraw l-adozzjoni ta’ vetturi tqal mingħajr emissjonijiet, parti sinifikanti mill-flotta totali tal-vetturi tqal fit-toroq se tibqa’ vetturi b’magna tal-kombustjoni interna. Biex dik il-parti tal-flotta tikkontribwixxi għall-kisba tal-miri klimatiċi tal-Unjoni, huma essenzjali aktar innovazzjoni u adozzjoni aċċellerata tal-fjuwils rinnovabbli sostenibbli. Il-politiki u l-istrumenti legali eżistenti tal-Unjoni, b’mod partikolari d-Direttiva (UE) 2018/2001 tal-Parlament Ewropew u tal-Kunsill (9) u s-Sistema tal-UE għall-iskambju ta’ kwoti tal-emissjonijiet stabbilita bid-Direttiva 2003/87/KE tal-Parlament u tal-Kunsill (10), se jippromwovu d-dekarbonizzazzjoni tal-fjuwils tat-trasport, bl-għan li l-fjuwils fossili jiġu eliminati gradwalment. Il-Kummissjoni jenħtieġ li tkompli tiżviluppa qafas koerenti ta’ inċentivi għall-bijofjuwils u għall-bijogass avvanzati u għall-fjuwils rinnovabbli ta’ oriġini mhux bijoloġika. Dak il-qafas jenħtieġ li jindirizza l-ostakli għall-adozzjoni u għall-provvista b’mod komprensiv, filwaqt li jqis id-domanda fis-setturi ekonomiċi kollha, fil-kuntest tal-isforzi ġenerali biex jintlaħqu l-miri klimatiċi tal-Unjoni. Billi tibni fuq l-objettivi għall-bijometan fil-pjan RePowerEU, jenħtieġ li l-Kummissjoni tindirizza wkoll kif l-espansjoni fil-produzzjoni tal-bijometan fl-Unjoni tista’ tikkontribwixxi għad-dekarbonizzazzjoni tal-ekonomija inkluż is-settur tat-trasport. |
(17) |
Wara li tikkonsulta mal-partijiet ikkonċernati, il-Kummissjoni, fi żmien sena mid-data tad-dħul fis-seħħ ta’ dan ir-Regolament, se tivvaluta l-irwol ta’ metodoloġija għar-reġistrazzjoni ta’ vetturi tqal li jaħdmu esklużivament bi fjuwils newtrali għas-CO2, f’konformità mad-dritt tal-Unjoni u mal-objettiv tan-newtralità klimatika tal-Unjoni. |
(18) |
Jenħtieġ li l-manifatturi jibqgħu jingħataw biżżejjed flessibbiltà meta maż-żmien jadattaw il-flotot tal-vetturi tqal tagħhom għall-ġestjoni b’mod kosteffiċjenti tat-tranżizzjoni lejn vetturi tqal mingħajr emissjonijiet. Għalhekk huwa xieraq li jinżamm l-approċċ ta’ tisħiħ tal-livelli fil-mira fi stadji ta’ ħames snin. |
(19) |
Minħabba l-istruttura eteroġena tal-flotta totali tal-vetturi tqal, mhuwiex possibbli li wieħed ibassar bis-sħiħ jekk l-iżviluppi teknoloġiċi humiex se jkunu rapidi biżżejjed biex jiżguraw li t-teknoloġija mingħajr emissjonijiet mit-tailpipe tkun għażla vijabbli għall-użi speċifiċi kollha. Dan jista’ jinkludi vetturi tqal għal applikazzjonijiet kritiċi ta’ sigurtà u ta’ sikurezza li ma jistgħux jiġu ssodisfati minn teknoloġiji mingħajr emissjonijiet mit-tailpipe. Jenħtieġ li tali vetturi jikkostitwixxu sehem limitat mill-flotta kollha ta’ vetturi tqal. Fir-rieżami tagħha tar-Regolament (UE) 2019/1242, il-Kummissjoni jenħtieġ li tivvaluta l-possibbiltà li jiġu applikati miżuri li jnaqqsu l-emissjonijiet tas-CO2 minn tali vetturi. |
(20) |
Għall-proċeduri tal-akkwist pubbliku tagħhom koperti minn dan ir-Regolament, l-awtoritajiet kontraenti u l-entitajiet kontraenti huma mħeġġa bil-qawwa jużaw kriterju tal-għoti jew speċifikazzjoni teknika relatati mal-proporzjon tal-prodotti tal-offerti li joriġinaw minn pajjiżi li mhumiex parti fil-Ftehim tal-Organizzazzjoni Dinjija tal-Kummerċ dwar l-Akkwist Pubbliku (il-“GPA”) u li ma kkonkludewx ftehim ta’ kummerċ ħieles li jkun fih regoli dwar l-akkwist pubbliku mal-Unjoni. Tali kriterji se jkollhom rwol importanti fit-trawwim tal-provvista ta’ xarabanks urbani mingħajr emissjonijiet mill-industrija Ewropea, se jiżguraw ktajjen tal-provvista sostenibbli u reżiljenti għax-xarabanks urbani u isaħħu s-sigurtà tal-provvista fl-Unjoni. |
(21) |
L-awtoritajiet kontraenti u l-entitajiet kontraenti huma mħeġġa jużaw kriterju ta’ sostenibbiltà ambjentali bħala kriterju tal-għoti jew bħala speċifikazzjoni teknika għall-proċeduri tal-akkwist pubbliku tagħhom koperti minn dan ir-Regolament. Mingħajr preġudizzju għall-atti leġiżlattivi tal-Unjoni applikabbli għal teknoloġija speċifika, inkluż ir-Regolament (UE) 2023/1542 tal-Parlament Ewropew u tal-Kunsill (11) u Regolament tal-Parlament Ewropew u tal-Kunsill li jistabbilixxi qafas għall-iffissar ta' rekwiżiti għall-ekodisinn għal prodotti sostenibbli, meta jevalwaw is-sostenibbiltà ambjentali tax-xarabanks urbani akkwistati abbażi ta’ dan ir-Regolament, jenħtieġ li jkun possibbli li l-awtoritajiet kontraenti u l-entitajiet kontraenti jqisu diversi elementi b’impatt fuq il-klima u l-ambjent. Dawk l-elementi jistgħu jinkludu, pereżempju: id-durabbiltà u l-affidabbiltà tas-soluzzjoni, kemm huma faċli t-tiswija u l-manutenzjoni, kemm huwa faċli r-riċiklaġġ u l-kwalità tiegħu, l-użu ta’ sustanzi, il-konsum tal-enerġija, tal-ilma u ta’ riżorsi oħra fi stadju wieħed jew aktar taċ-ċiklu tal-ħajja tal-prodott, l-inkorporazzjoni ta’ komponenti użati, l-impronta ambjentali tal-prodott u l-impatt ambjentali taċ-ċiklu tal-ħajja tiegħu, u l-ammont ta’ skart iġġenerat. |
(22) |
Bil-miri aktar stretti ta’ tnaqqis tal-emissjonijiet tas-CO2 għall-flotta kollha tal-Unjoni mill-2030 ’il quddiem, il-manifatturi jridu jvaraw b’mod sinifikanti aktar vetturi tqal mingħajr emissjonijiet fis-suq tal-Unjoni. F’dak il-kuntest, il-mekkaniżmu ta’ inċentivi għal vetturi tqal mingħajr emissjonijiet u b’emissjonijiet baxxi ma jibqax jaqdi l-iskop oriġinali tiegħu u jkun qed jirriskja li jikkomprometti l-effettività tar-Regolament (UE) 2019/1242. Għalhekk, dak il-mekkaniżmu ta’ inċentivi jenħtieġ li jitneħħa mill-2030. |
(23) |
Il-possibbiltà li d-dħul mill-primjums għall-emissjonijiet tas-CO2 żejda jiġi assenjat għal fond speċifiku jew għal programm rilevanti ġiet evalwata kif meħtieġ skont l-Artikolu 15(4) tar-Regolament (UE) 2019/1242, bil-konklużjoni li jekk isir hekk jiżdied b’mod sinifikanti l-piż amministrattiv, mingħajr ma jirriżulta f’kwalunkwe benefiċċju dirett għas-settur awtomobilistiku fit-tranżizzjoni tiegħu. Għalhekk, jenħtieġ li d-dħul mill-primjums għall-emissjonijiet tas-CO2 żejda jkompli jitqies bħala dħul għall-baġit ġenerali tal-Unjoni Ewropea f’konformità mal-Artikolu 8(4) tar-Regolament (UE) 2019/1242. |
(24) |
Jenħtieġ li s-suġġett tar-Regolament (UE) 2019/1242 jiġi estiż sabiex ikopri wkoll l-obbligi ta’ monitoraġġ u ta’ rapportar li huma integrati fir-Regolament (UE) 2019/1242 permezz ta’ dan ir-Regolament. |
(25) |
Jenħtieġ li r-Regolament (UE) 2019/1242 jiġi emendat sabiex ikopri l-istess kamp ta’ applikazzjoni tar-Regolament (UE) 2018/956 tal-Parlament Ewropew u tal-Kunsill (12). |
(26) |
L-emissjonijiet tas-CO2 għal vetturi tqal li mhumiex fil-kamp ta’ applikazzjoni tal-leġiżlazzjoni dwar l-approvazzjoni tat-tip tal-vetturi tal-Unjoni, bħal tratturi għall-agrikoltura u għall-forestrija, vetturi iddisinjati u mibnija għall-użu mid-difiża nazzjonali, inklużi s-servizzi armati, u vetturi fuq iċ-ċineg, ma jiġux iddeterminati. Għalhekk, dawk il-vetturi mhumiex meħtieġa jilħqu l-miri ta’ tnaqqis tal-emissjonijiet tas-CO2 stabbiliti f’dan ir-Regolament. |
(27) |
Sabiex ma tiġix skoraġġuta l-approvazzjoni b’mod volontarju skont it-tip ta’ vetturi tqal li huma ddisinjati u mibnija jew adattati għall-użu mis-servizzi tal-protezzjoni ċivili, mis-servizzi tat-tifi tan-nar u mill-forzi responsabbli għaż-żamma tal-ordni pubbliku jew mis-servizzi għall-kura medika urġenti, li jkollha implikazzjonijiet negattivi fuq is-sikurezza u fuq l-ambjent, tali vetturi li huma approvati b’mod volontarju skont it-tip jenħtieġ li jkunu eżentati wkoll mill-obbligu li jilħqu l-miri ta’ tnaqqis tal-emissjonijiet tas-CO2 stabbiliti f’dan ir-Regolament sakemm il-manifattur ma jitlobx mod ieħor. Jenħtieġ li l-Istati Membri jkunu intitolati wkoll li jeżentaw il-vetturi tqal mill-obbligu tal-ilħuq tal-miri ta’ tnaqqis tal-emissjonijiet tas-CO2 stabbiliti f’dan ir-Regolament meta dawk il-vetturi tqal, mhux iddisinjati speċifikament, iżda huma rreġistrati, għall-użu mis-servizzi tal-protezzjoni ċivili, mis-servizzi tat-tifi tan-nar, mill-forzi responsabbli għaż-żamma tal-ordni pubbliku jew mis-servizzi għall-kura medika urġenti, bħal kowċis normali użati għat-trasport tal-forzi tal-pulizija jew tas-servizzi armati, billi jikkonfermaw li tali eżenzjoni tkun fl-interess pubbliku. L-Istati Membri jenħtieġ li jkunu intitolati wkoll li jeżentaw vetturi rreġistrati għas-servizzi armati stabbiliti f’dan ir-Regolament fl-intier tiegħu. |
(28) |
Fir-rigward ta’ ċerti sottogruppi ta’ vetturi tqal approvati skont it-tip, iżda li għalihom il-miri ta’ tnaqqis tal-emissjonijiet tas-CO2 għadhom ma ġewx iddeterminati għal raġunijiet tekniċi, dawk il-vetturi tqal mhumiex meħtieġa jilħqu l-miri ta’ tnaqqis tal-emissjonijiet tas-CO2 stabbiliti f’dan ir-Regolament. Eżempji ta’ tali vetturi huma vetturi bi skop speċjali, bħal krejnijiet mobbli, trasportaturi ta’ tagħmir multiplu idrawliku jew vetturi tat-trasport ta’ tagħbijiet eċċezzjonali, vetturi off-road, bħal ċerti vetturi tqal użati għal skopijiet ta’ estrazzjoni, forestrija u agrikoltura, kif ukoll vetturi tqal oħra b’konfigurazzjonijiet tal-fus mhux standard bħal vetturi tqal b’aktar minn erba’ fusien jew b’aktar minn żewġ fusien motorizzati, xarabanks żgħar b’massa tat-tagħbija massima teknikament possibbli (TPMLM) ta’ inqas minn jew ekwivalenti għal 7,5 tunnellati, u trakkijiet żgħar b’TPMLM ta’ inqas minn jew ekwivalenti għal 5 tunnellati. Il-Kummissjoni jenħtieġ li tinvestiga l-adegwatezza tad-determinazzjoni tal-emissjonijiet tas-CO2 ta’ trakkijiet żgħar b’TPMLM ta’ inqas minn jew ekwivalenti għal 5 tunnellati skont id-dispożizzjonijiet tar-Regolament tal-Kummissjoni (UE) 2017/2400 (13) (għodda għall-kalkolu tal-konsum tal-enerġija tal-vettura jew simulazzjonijiet VECTO), filwaqt li jitqies ir-Regolament tal-Kummissjoni (UE) 2017/1151 (14). |
(29) |
Jenħtieġ li jiġu introdotti ċerti definizzjonijiet sabiex it-terminoloġija tar-Regolament (UE) 2019/1242 tiġi armonizzata ma’ dik tal-leġiżlazzjoni dwar l-approvazzjoni tat-tip tal-vetturi tal-Unjoni, b’mod partikolari tar-Regolament (UE) 2018/858 tal-Parlament Ewropew u tal-Kunsill (15) u tar-Regolament (UE) 2017/2400. |
(30) |
Għall-finijiet tat-trasferiment ta’ vetturi tqal bejn il-manifatturi, introdott permezz ta’ dan ir-Regolament, u tal-istabbiliment ta’ eżenzjoni għall-manifatturi li jipproduċu għadd żgħir ta’ vetturi tqal, jenħtieġ li tiżdied definizzjoni tat-terminu “grupp ta’ manifatturi konnessi” fir-Regolament (UE) 2019/1242. Jenħtieġ li dik id-definizzjoni, fis-sustanza, tkun skont it-terminoloġija użata fir-Regolament (UE) 2019/631 tal-Parlament Ewropew u tal-Kunsill (16) għall-vetturi ħfief. |
(31) |
Fir-rigward tal-istabbiliment tal-obbligi tal-manifatturi individwali, il-miri ta’ tnaqqis tal-emissjonijiet tas-CO2 tal-flotta tal-Unjoni kollha għall-flotta tal-vetturi tqal ġodda jenħtieġ li jiġu riflessi f’miri speċifiċi tal-emissjonijiet tas-CO2 għas-subgruppi tal-vetturi determinati abbażi ta’ karatteristiċi tekniċi tal-vetturi tqal li jinkludu. |
(32) |
Peress li l-emissjonijiet tas-CO2 relatati mat-trejlers għandhom impatt qawwi fuq l-emissjonijiet globali tas-CO2 u fuq il-konsum tal-enerġija tal-vetturi bil-mutur tqal, jenħtieġ li jiġu stabbiliti wkoll miri ta’ tnaqqis tal-emissjonijiet tas-CO2 għat-trejlers. |
(33) |
L-emissjonijiet tas-CO2 minn vetturi vokazzjonali, bħall-vetturi għall-ġbir tal-iskart, it- tippers jew ilmiksers tal-konkrit, diġà huma ċċertifikati fl-ambitu tal-VECTO u huma immonitorjati u rrapportati mill-manifatturi tal-vetturi u mill-Istati Membri. L-emissjonijiet tas-CO2 minn vetturi vokazzjonali jirrappreżentaw bejn wieħed u ieħor 2 % tal-emissjonijiet tas-CO2 tal-vetturi tqal u bejn wieħed u ieħor 4 % tal-bejgħ. Peress li joperaw l-aktar fil-bliet, il-vetturi vokazzjonali għandhom ukoll impatt fuq il-kwalità tal-arja urbana. Għalhekk, jenħtieġ li l-vetturi vokazzjonali jiġu eżentati sal-2029 mill-kalkolu tal-emissjonijiet tas-CO2 speċifiċi medji tal-manifatturi. Għall-perijodu 2030 sa2034, jenħtieġ li jitqiesu biss il-vetturi vokazzjonali mingħajr emissjonijiet għal dak il-kalkolu. Mill-2035, il-vetturi vokazzjonali kollha jenħtieġ li jitqiesu għal dak il-kalkolu. |
(34) |
Sabiex jiġi ffaċilitat l-iżvilupp u jkun possibbli użu mifrux tat-trejlers mgħammra b’teknoloġija għat-tnaqqis tal-emissjonijiet tas-CO2, huwa essenzjali li l-qafas ta’ approvazzjoni għal tali teknoloġiji jiġi aġġornat u estiż minnufih, b’mod partikolari għat-trejlers elettrifikati, billi jiġi emendat ir-Regolament (UE) 2018/858. |
(35) |
Fl-2022, ix-xarabanks urbani mingħajr emissjonijiet diġà kienu jirrappreżentaw madwar kwart tax-xarabanks urbani kollha mibjugħa fl-Unjoni, u wħud mill-Istati Membri laħqu ishma ferm ogħla. Minħabba l-prontezza teknika tax-xarabanks urbani u l-ħtieġa li tittejjeb il-kwalità tal-arja urbana, jenħtieġ li jiġi stabbilit sehem minimu obbligatorju ta’ xarabanks urbani ġodda mingħajr emissjonijiet. |
(36) |
Sehem minimu obbligatorju ta’ xarabanks urbani mingħajr emissjonijiet jenħtieġ li jirrifletti l-ħtieġa soċjetali għal trasport pubbliku affordabbli, inkluż fiż-żoni rurali. Iż-żieda fil-provvista ta’ xarabanks urbani mingħajr emissjonijiet li tirriżulta minn tali sehem minimu obbligatorju jenħtieġ li jkollha effett pożittiv fuq l-ispiża tax-xiri, kemm f’termini tal-prezz tax-xiri bil-quddiem kif ukoll tal-ispiża totali tas-sjieda ta’ xarabanks urbani mingħajr emissjonijiet, li jirrifletti l-iffrankar b’rabta mal-fjuwils fossili li jirriżulta mit-tħaddim ta’ tali xarabanks urbani. L-akkwist konġunt ta’ xarabanks urbani li jibni fuq il-Pjattaforma Xarabanks Nodfa fl-Ewropa jista’ jkompli jnaqqas l-ispiża tax-xiri ta’ tali xarabanks, u l-Fond Soċjali għall-Klima jkun jista’ jintuża mill-Istati Membri sabiex jappoġġjaw liċ-ċittadini vulnerabbli b’nollijiet jew b’abbonamenti tat-trasport pubbliku mraħħsa jew mingħajr ħlas. Fl-aħħar nett, ix-xarabanks u l-kowċis reġjonali u għal distanzi twal, inkluż għat-trasport fiż-żoni rurali, jibqgħu soġġetti għall-miri ta’ tnaqqis tal-emissjonijiet għall-vetturi tqal. L-appoġġ mill-Fond Soċjali għall-Klima jista’ jindirizza il-ħtiġijiet speċifiċi taż-żoni rurali u jipprevjeni l-faqar tat-trasport, kif definit fl-Artikolu 2, il-punt (2), tar-Regolament (UE) 2023/955, billi jiżgura l-aċċess għal trasport pubbliku affordabbli. Jenħtieġ li l-Kummissjoni tikkunsidra wkoll aktar miżuri xierqa biex iżżid id-domanda għal vetturi tqal mingħajr emissjonijiet mill-awtoritajiet pubbliċi, biex tappoġġja l-kisba tal-objettiv tal-Unjoni b’rabta man-newtralità klimatika. |
(37) |
Peress li huma l-entitajiet kummerċjali aktar milli dawk legali li jenħtieġ li jitqiesu għall-konformità, jenħtieġ li l-manifatturi konnessi ekonomikament, fi ħdan ċerti limiti, jitħallew jittrasferixxu l-vetturi tqal bejniethom għall-finijiet ta’ kontabbiltà ta’ dawk il-vetturi tqal fl-ambitu tar-Regolament (UE) 2019/1242. |
(38) |
Barra minn hekk, sabiex jissaħħaħ l-iżvilupp ta’ teknoloġiji ġodda mingħajr emissjonijiet f’kumpaniji żgħar u ta’ daqs medju speċjalizzati, jenħtieġ li jkun possibbli wkoll li jiġu ttrasferiti vetturi tqal mingħajr emissjonijiet bejn entitajiet mhux konnessi. |
(39) |
Il-modifika retroattiva ta’ vetturi mingħajr emissjonijiet tikkonsisti minn konverżjoni ta’ magna jew vettura tal-kombustjoni interna f’waħda mingħajr emissjonijiet. Din għandha benefiċċji ambjentali, li jirriżultaw mill-fatt li jiġu evitati l-produzzjoni ta’ parts ġodda u l-użu ta’ materjal assoċjat. Għandha wkoll benefiċċji ekonomiċi, assoċjati ma’ affordabbiltà mtejba tal-vetturi u potenzjal ta’ ħolqien ta’ impjiegi. Madankollu, l-adozzjoni mis-suq ta’ vetturi tqal li jkunu modifikati b’mod retroattiv biex isiru vetturi tqal mingħajr emissjonijiet hija mxekkla min-nuqqas ta’ regoli tekniċi u amministrattivi armonizzati għall-approvazzjoni tagħhom. Għalhekk, jenħtieġ li l-Kummissjoni tikkunsidra l-ħtieġa għal inizjattivi possibbli biex tippromwovi l-iżvilupp ta’ tali regoli armonizzati. |
(40) |
Il-miżuri biex jiżdied is-sehem ta’ vetturi tqal mingħajr emissjonijiet, li jkunu proprjetà ta’ operaturi ta’ flotot kbar jew mogħtija lilhom b’lokazzjoni, jgħinu biex jiżdied il-bejgħ ta’ vetturi tqal mingħajr emissjonijiet u tiġi aċċellerata t-tranżizzjoni lejn trasport bit-triq mingħajr emissjonijiet. Għalhekk, il-Kummissjoni jenħtieġ li tanalizza l-ħtieġa potenzjali u l-impatt ta’ inizjattivi biex jiżdied is-sehem ta’ vetturi tqal mingħajr emissjonijiet li jkunu proprjetà ta’ operaturi ta’ flotot kbar jew mogħtija lilhom b’lokazzjoni. |
(41) |
Sabiex jiġu evitati spejjeż ta’ konformità għoljin b’mod sproporzjonat u sabiex jitnaqqas il-piż amministrattiv, il-manifatturi li jipproduċu għadd żgħir ta’ vetturi tqal jenħtieġ li, dment li jkunu ssodisfati ċertu rekwiżiti legali, jiġu eżentati mill-obbligu ta’ konformità mal-miri ta’ tnaqqis tal-emissjonijiet tas-CO2. Peress li huma għadhom meħtieġa jikkonformaw mal-obbligi ta’ rapportar tar-Regolament (UE) 2019/1242, hemm mekkaniżmu ta’ kontroll xieraq għal dawk il-manifatturi. |
(42) |
Jenħtieġ li s-sistema eżistenti ta’ krediti tal-emissjonijiet u ta’ djun tal-emissjonijiet pluriennali tiġi estiża sal-2039, peress li l-miri ta’ tnaqqis tal-emissjonijiet tas-CO2 se jibqgħu jissaħħu lil hinn mill-2030 sal-2040 u jirrikjedu żviluppi tekniċi progressivi tal-manifatturi matul dak il-perijodu. Madankollu, jenħtieġ li l-manifatturi jxejnu d-djun tal-emissjonijiet kollha li jkun fadlilhom fis-snin 2029, 2034 u 2039. Jenħtieġ li l-krediti tal-emissjonijiet jiskadu awtomatikament fejn ma jkunux intużaw fi żmien seba’ snin wara li jkunu ġew akkwistati. |
(43) |
Jenħtieġ li għal kull kategorija ta’ vetturi, ir-Regolament (UE) 2019/1242 jistipula b’mod ċar l-identità tal-manifattur li lilu jenħtieġ li tiġi attribwita vettura tqila, u b’hekk iqis speċifikament il-kostellazzjonijiet differenti għall-vetturi tqal tal-kategorija M. |
(44) |
Jenħtieġ li r-regoli dwar il-verifika tad-data ta’ monitoraġġ rapportata ikopru wkoll il-korrezzjoni potenzjali ex post ta’ żbalji f’tali data u kif il-Kummissjoni jenħtieġ li tittratta tali korrezzjonijiet għall-implimentazzjoni tal-miri ta’ tnaqqis tal-emissjonijiet tas-CO2 għall-flotta kollha tal-Unjoni. |
(45) |
Il-valutazzjoni tal-emissjonijiet tas-CO2 ta’ referenza jenħtieġ li tiġi emendata sabiex tkopri wkoll is-subgruppi tal-vetturi inklużi ġodda fil-kamp ta’ applikazzjoni tar-Regolament (UE) 2019/1242. |
(46) |
Il-monitoraġġ u r-rapportar mill-manifatturi u mill-Istati Membri huma prekundizzjoni essenzjali għall-implimentazzjoni tar-Regolament (UE) 2019/1242. L-inkorporazzjoni tar-Regolament (UE) 2018/956 fir-Regolament (UE) 2019/1242 jenħtieġ li tipproduċi sinerġiji u tippermetti l-interpretazzjoni tad-dispożizzjonijiet li jqiesu l-objettivi taż-żewġ Regolamenti. |
(47) |
Meta d-dispożizzjonijiet dwar il-monitoraġġ u r-rapportar tar-Regolament (UE) 2018/956 jiġu inkorporati fir-Regolament (UE) 2019/1242, jenħtieġ li tinħataf l-opportunità biex dawk id-dispożizzjonijiet jiġu emendati xi ftit fid-dawl tal-esperjenza miksuba mill-ewwel żewġ ċikli ta’ rapportar fl-ambitu tar-Regolament (UE) 2018/956. |
(48) |
Filwaqt li jitqies il-fatt li d-determinazzjoni tal-emissjonijiet tas-CO2 mhijiex se tibqa’ ssir mill-manifatturi waħedhom, jenħtieġ li l-obbligu tar-rapportar tal-emissjonijiet tas-CO2 u ta’ data teknika oħra tal-vetturi tqal jiġi estiż lil hinn mill-manifatturi għal dawk l-entitajiet li jwettqu dik id-determinazzjoni fl-ambitu tar-Regolament (UE) 2017/2400 u tar-Regolament ta’ Implimentazzjoni tal-Kummissjoni (UE) 2022/1362 (17). Jenħtieġ li d-data li trid tiġi rrapportata tinkludi l-fajl tar-rekords tal-manifattur. |
(49) |
Jenħtieġ li l-Kummissjoni titħalla tqis il-progress tekniku, l-evoluzzjoni tal-loġistika tat-trasport tal-merkanzija, bħal b’mod speċjali kombinazzjonijiet ta’ vetturi tqal f’xi Stati Membri, l-aġġustamenti meħtieġa bbażati fuq l-applikazzjoni ta’ dan ir-Regolament u l-emendi għall-atti legali sottostanti dwar l-approvazzjoni tat-tip, tiżgura li r-rekwiżiti tad-data u l-proċedura tal-monitoraġġ u tar-rapportar jibqgħu rilevanti maż-żmien għall-valutazzjoni tal-kontribut tal-flotta ta’ vetturi tqal għall-miri ta’ tnaqqis tal-emissjonijiet tas-CO2, tiżgura d-disponibbiltà tad-data dwar teknoloġiji ġodda u avvanzati għat-tnaqqis tal-emissjonijiet tas-CO2 u dwar ir-riżultati tat-testijiet ta’ verifika fit-triq, tiżgura li l-meded taċ-ċifri tar-reżistenza tal-arja jibqgħu rilevanti għall-finijiet ta’ informazzjoni u ta’ komparabbiltà, u tissupplimenta d-dispożizzjonijiet dwar il-multi amministrattivi. |
(50) |
Għal dawk ir-raġunijiet, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar tal-kriterji li jiddefinixxu s-subgruppi tal-vetturi inkluż permezz ta’ żieda ta’ subgruppi għal trakkijiet b’kombinazzjoni tqila ħafna (EHC) u li jiddefinixxuvetturi vokazzjonali, u l-kriterji għall-awtonomiji operazzjonali ta’ teknoloġiji differenti tas-sistema tal-motopropulsjoni, il-lista u l-piż tal-profili tal-missjoni, it-tagħbijiet, l-għadd ta’ passiġġieri, il-mases tal-passiġġieri, it-tagħbijiet massimi teknikament possibbli, l-għadd ta’ passiġġieri u l-volumi ta’ merkanzija massimi teknikament possibbli tas-subgruppi tal-vetturi u ċ-ċifri tal-kilometraġġi annwali, tal-emendar tar-rekwiżiti tad-data u tal-proċedura tal-monitoraġġ u tar-rapportar stabbiliti fl-Annessi, fir-rigward tal-ispeċifikazzjoni tad-data li trid tiġi rrapportata mill-Istati Membri għall-monitoraġġ tar-riżultati tat-testijiet ta’ verifika fit-triq, tal-emendar tal-meded taċ-ċifri tar-reżistenza tal-arja, u tad-definizzjoni tal-kriterji, tal-kalkolu u tal-metodu ta’ ġbir tal-multi amministrattivi imposti fuq il-manifatturi. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jitwettqu f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati. |
(51) |
Sabiex ikunu żgurati kundizzjonijiet uniformi għall-implimentazzjoni tar-Regolament (UE) 2019/1242, jenħtieġ li jingħataw setgħat ta' implimentazzjoni lill-Kummissjoni fir-rigward tal-proċeduri tal-approvazzjoni tat-tip u fir-rigward tal-ispeċifikazzjonijiet tekniċi komuni, fir-rigward tal-interoperabbiltà teknika u miftuħa bejn l-infrastruttura tal-iċċarġjar u r-riforniment u x-xarabanks urbani, f’termini ta’ konnessjonijiet fiżiċi u skambju ta’ komunikazzjoni. Jenħtieġ li dawk is-setgħat ikunu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill (18). |
(52) |
Jenħtieġ li r-Regolament (UE) 2018/956 jitħassar b’dispożizzjonijiet tranżizzjonali li jippermettu li l-perijodu ta’ rapportar li jkun jinsab għaddej fil-mument tad-dħul fis-seħħ ta’ dan ir-Regolament jiġi konkluż skont ir-regoli applikabbli fil-bidu ta’ dak il-perijodu ta’ rapportar, inkluż l-ipproċessar kollu tad-data miġbura. Għaldaqstant, jenħtieġ li dan ir-Regolament japplika mill-bidu tal-perijodu ta’ rapportar li ġej. |
(53) |
Minħabba li l-objettivi ta’ dan ir-Regolament, jiġifieri li jippromwovi t-tnaqqis tal-emissjonijiet tas-CO2 b’mod kosteffettiv u ekonomikament effiċjenti b’tali mod li jkun proporzjonat għall-mira ta’ tnaqqis tal-emissjonijiet tal-gassijiet serra netti fl-ekonomija kollha għall-2030 permezz ta’ miri ta’ tnaqqis tal-emissjonijiet tas-CO2 emendati għall-vetturi tqal, ma jistgħux jinkisbu b’mod suffiċjenti mill-Istati Membri, iżda jistgħu pjuttost, minħabba l-iskala u l-effetti tagħhom, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-objettivi. |
(54) |
Għalhekk, ir-Regolament (UE) 2018/858 u (UE) 2019/1242 jenħtieġ li jiġu emendati skont dan, |
ADOTTAW DAN IR-REGOLAMENT:
Artikolu 1
Emendi għar-Regolament (UE) 2019/1242
Ir-Regolament (UE) 2019/1242 huwa emendat kif ġej:
(1) |
l-Artikolu 1 huwa sostitwit b’dan li ġej: “Artikolu 1 Suġġett u objettivi 1. Dan ir-Regolament jistabbilixxi l-istandards tal-prestazzjoni tal-emissjonijiet tas-CO2 għall-vetturi tqal ġodda. Dawk l-istandards jikkontribwixxu għall-ilħuq tal-objettiv b’rabta man-newtralità klimatika u mal-miri intermedji tal-Unjoni dwar il-klima, kif stipulat fir-Regolament (UE) 2021/1119 tal-Parlament Ewropew u tal-Kunsill (*1), il-miri tal-Istati Membri li jnaqqsu l-emissjonijiet tal-gassijiet serra tagħhom, kif stipulat fir-Regolament (UE) 2023/857 tal-Parlament Ewropew u tal-Kunsill (*2), u l-objettivi tal-Ftehim ta’ Pariġi, kif ukoll l-iżgurar tal-funzjonament xieraq tas-suq intern. 2. Dan ir-Regolament jistabbilixxi wkoll rekwiżiti għar-rapportar tal-emissjonijiet tas-CO2 minn vetturi tqal ġodda rreġistrati fl-Unjoni u tal-konsum tal-fjuwil tagħhom. (*1) Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (‘il-Liġi Ewropea dwar il-Klima’) (ĠU L 243, 9.7.2021, p. 1)." (*2) Ir-Regolament (UE) 2023/857 tal-Parlament Ewropew u tal-Kunsill tad-19 ta’ April 2023 li jemenda r-Regolament (UE) 2018/842 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u r-Regolament (UE) 2018/1999 (ĠU L 111, 26.4.2023, p. 1).”;" |
(2) |
l-Artikolu 2 huwa emendat kif ġej:
|
(3) |
l-Artikolu 3 huwa emendat kif ġej:
|
(4) |
jiddaħħlu l-artikoli li ġejjin: “Artikolu 3a Miri ta’ tnaqqis tal-emissjonijiet tas-CO2 1. L-emissjonijiet tas-CO2 medji tal-flotta tal-Unjoni ta’ vetturi bil-mutur tqal ġodda, għajr vetturi bi skop speċjali, vetturi off-road u vetturi bi skop speċjali off-road għandhom jitnaqqsu bil-perċentwali li ġejjin meta mqabbla mal-emissjonijiet tas-CO2 medji tal-perijodu ta’ rapportar tas-sena 2019:
2. Is-subgruppi tal-vetturi għandhom jikkontribwixxu għall-miri ta’ tnaqqis tal-emissjonijiet tas-CO2 imsemmija fil-paragrafu 1, f’konformità mal-punt 4.3. tal-Anness I. 3. L-emissjonijiet tas-CO2 relatati mal-flotta tal-Unjoni ta’ trejlers ġodda għandhom jitnaqqsu f’konformità mal-punt 4.3 tal-Anness I. 4. Minkejja l-Artikolu 2(3) tar-Regolament (UE) 2017/2400, il-vetturi tqal approvati li jaqgħu taħt l-Artikolu 2(3), l-ewwel subparagrafu, il-punt (b), tar-Regolament (UE) 2018/858 ma għandhomx ikunu soġġetti għall-miri ta’ tnaqqis tal-emissjonijiet tas-CO2 stabbiliti fil-paragrafi 1 sa 3 ta’ dan l-Artikolu, sakemm il-manifattur jagħżel li jinkludi dawk il-vetturi tqal fil-kalkolu tal-emissjonijiet u tal-miri tas-CO2 speċifiċi tiegħu meta jirrapporta l-vettura f’konformità mal-Parti B tal-Anness IV ta’ dan ir-Regolament. 5. Vetturi tqal għajr dawk imsemmija fil-paragrafu 4 li huma rreġistrati għall-użu mis-servizzi tal-protezzjoni ċivili, mis-servizzi tat-tifi tan-nar, mill-forzi responsabbli għaż-żamma tal-ordni pubbliku jew mis-servizzi għall-kura medika urġenti ma għandhomx ikunu soġġetti għall-miri ta’ tnaqqis tal-emissjonijiet tas-CO2 stabbiliti fil-paragrafi 1 sa 3, dment li Stat Membru jindika dan fil-proċess tar-reġistrazzjoni u tar-rapportar, u b’hekk jikkonferma fid-data rrapportata f’konformità mal-Parti A tal-Anness IV li l-iskop tal-vettura tqila ma jistax jiġi moqdi bl-istess mod minn vettura tqila mingħajr emissjonijiet u għalhekk huwa fl-interess pubbliku li vettura tqila b’magna tal-kombustjoni tiġi rreġistrata sabiex tissodisfa dak l-iskop. Il-vetturi tqal irreġistrati għall-użu mis-servizzi armati ma għandhomx ikunu soġġetti għar-rekwiżiti ta’ dan ir-Regolament jekk Stat Membru jiddeċiedi li ma jirrapportahomx f’konformità mal-Parti A tal-Anness IV. Artikolu 3b Miżuri addizzjonali biex tiġi appoġġjata t-tranżizzjoni lejn vetturi tqal mingħajr emissjonijiet fis-suq tal-Unjoni Sat-30 ta’ Ġunju 2025, il-Kummissjoni għandha tissottometti, lill-Parlament Ewropew u lill-Kunsill, rapport li jqis il-ħtieġa li tiġi ffaċilitata l-adozzjoni fis-suq tal-Unjoni ta’ vetturi tqal, li jiġu mmodifikati b’mod retroattiv biex isiru vetturi tqal mingħajr emissjonijiet, inkluż permezz ta’ regoli armonizzati. Dak ir-rapport għandu jkun fiħ analiżi tal-għażliet u l-impatti ta’ dawk l-għażliet. Meta xieraq, l-analiżi għandha tkun akkumpanjata minn inizjattiva leġiżlattiva jew minn azzjoni oħra. Artikolu 3c Miżuri addizzjonali biex tiġi appoġġjata d-domanda għal vetturi tqal mingħajr emissjonijiet fis-suq tal-Unjoni Sat-30 ta’ Ġunju 2027, il-Kummissjoni għandha tissottometti, lill-Parlament Ewropew u lill-Kunsill, rapport li jkun fiħ analiżi tal-ħtieġa potenzjali għal u l-impatt tal- inizjattivi biex jiżdied is-sehem ta’ vetturi bil-mutur tqal mingħajr emissjonijiet li jkunu proprjetà ta’ operaturi ta’ flotot kbar jew mogħtija lilhom b’lokazzjoni. F’dak ir-rapport, il-Kummissjoni għandha tqis l-għażliet possibbli biex jiżdied l-użu ta’ vetturi tqal mingħajr emissjonijiet li jkunu proprjetà ta’ operaturi ta’ flotot kbar jew mogħtija lilhom b’lokazzjoni. Artikolu 3d Mira ta’ vetturi tqal mingħajr emissjonijiet għax-xarabanks urbani 1. Għall-vetturi tqal imsemmija fir-raba’ kolonna tat-tabella fil-punt 4.2 tal-Anness I (‘xarabanks urbani’), il-manifatturi għandhom jikkonformaw mal-ishma minimi ta’ 90 % u 100 % ta’ vetturi tqal mingħajr emissjonijiet fil-flotta tagħhom ta’ vetturi tqal ġodda f’konformità mal-punt 4.3.2 tal-Anness I. 2. Il-Kummissjoni għandha tispeċifika, permezz ta’ atti ta’ implimentazzjoni, l-ispeċifikazzjonijiet tekniċi komuni, inklużi standards, rigward l-interoperabbiltà teknika u miftuħa bejn l-infrastruttura tal-irriċarġjar u tar-riforniment u x-xarabanks urbani, f’termini ta’ konnessjonijiet fiżiċi u skambju ta’ komunikazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 16(2). 3. Il-Kummissjoni għandha s-setgħa li tadotta atti delegati skont l-Artikolu 17 sabiex tissupplimenta dan ir-Regolament billi tistabbilixxi speċifikazzjonijiet tekniċi komuni, inklużi standards, rigward il-kondiviżjoni u l-użu sikuri u siguri tad-data ġġenerata b’rabta mal-użu ta’ xarabanks urbani. Artikolu 3e L-iżgurar ta’ ktajjen tal-provvista sostenibbli u reżiljenti għax-xarabanks urbani permezz ta’ proċeduri tal-akkwist pubbliku 1. L-awtoritajiet kontraenti u l-entitajiet kontraenti għandhom jibbażaw l-għoti ta’ kuntratti pubbliċi ta’ provvista għax-xiri, il-lokazzjoni, il-kiri jew il-lokazzjoni b’opzjoni ta’ xiri ta’ xarabanks urbani ġodda mingħajr emissjonijiet, kif ukoll ta’ kuntratti ta’ servizzi pubbliċi li jkollhom bħala s-suġġett ewlieni tagħhom l-użu ta’ tali xarabanks urbani, fuq l-aktar offerta ekonomikament vantaġġuża li għandha tinkludi l-aħjar proporzjon bejn il-prezz u l-kwalità. 2. L-awtoritajiet kontraenti u l-entitajiet kontraenti għandhom jużaw mill-inqas tnejn mill-kriterji li ġejjin bħala speċifikazzjonijiet tekniċi jew bħala kriterji tal-għoti, mill-inqas wieħed minnhom għandu jirrelata mal-kontribut tal-offerta għas-sigurtà tal-provvista kif stabbilit fil-punti (a) sa (d), skont is-sitwazzjoni tas-suq u f’konformità mad-Direttivi 2014/23/UE, 2014/24/UE jew 2014/25/UE, u mal-leġiżlazzjoni settorjali applikabbli, kif ukoll mal-impenji internazzjonali tal-Unjoni, inkluż il-Ftehim dwar l-Akkwist Pubbliku tal-Organizzazzjoni Dinjija tal-Kummerċ (il-‘GPA’) u ftehimiet internazzjonali oħra li l-Unjoni hija marbuta bihom:
L-ewwel subparagrafu ma għandux jipprekludi lill-awtoritajiet kontraenti u lill-entitajiet kontraenti milli jużaw kriterji addizzjonali. 3. Jekk il-kontribut tal-offerta għas-sigurtà tal-provvista jintuża bħala kriterju tal-għoti, dan għandu jingħata ponderazzjoni li tkun bejn 15 sa 40 % tal-kriterji tal-għoti. (*7) Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).”;" |
(5) |
fl-Artikolu 4, l-ewwel paragrafu, huwa sostitwit b’dan li ġej: “Mill-1 ta’ Lulju 2020, u f’kull perijodu ta’ rapportar sussegwenti, il-Kummissjoni għandha tiddetermina għal kull manifattur l-emissjonijiet tas-CO2 speċifiċi medji fi g/tkm għall-perijodu ta’ rapportar preċedenti, billi jitqies dan li ġej:
|
(6) |
l-Artikolu 5 huwa emendat kif ġej:
|
(7) |
l-Artikolu 6 huwa sostitwit b’dan li ġej: “Artikolu 6 Il-miri ta’ emissjonijiet tas-CO2 speċifiċi ta’ manifattur Għall-perijodu ta’ rapportar tas-sena 2025 u għal kull perijodu ta’ rapportar sussegwenti, il-Kummissjoni għandha tiddetermina għal kull manifattur, mira ta’ emissjonijiet tas-CO2 speċifiċi għall-perijodu ta’ rapportar preċedenti. Dik il-mira għandha tiġi ddeterminata f’konformità mal-punt 4.1 tal-Anness I.” |
(8) |
jiddaħħlu l-artikoli li ġejjin: “Artikolu 6a Trasferiment ta’ vetturi tqal bejn il-manifatturi 1. Għall-fini tal-kalkolu tal-emissjonijiet tas-CO2 speċifiċi medji tal-manifatturi f’konformità mal-Artikolu 4 u mal-punt 2.2 tal-Anness I, jistgħu jiġu ttrasferiti vetturi tqal individwali bejn manifatturi, dment li l-kundizzjonijiet li ġejjin jkunu ssodisfati:
Il-manifatturi għandhom jippreżentaw it-talbiet ta’ trasferiment lill-Kummissjoni billi jużaw l-għodod elettroniċi pprovduti mill-Kummissjoni. 2. Meta l-Kummissjoni tqis li l-kundizzjonijiet għal trasferiment huma ssodisfati, hija ma għandhiex tqis il-vettura tqila ttrasferita għall-kalkolu taċ-ċifri rilevanti għall-manifattur li jittrasferixxi, iżda għandha tqisha għall-kalkolu taċ-ċifri rilevanti għall-manifattur li jirċievi. Artikolu 6b Eżenzjoni għall-manifatturi li jipproduċu għadd żgħir ta’ vetturi tqal 1. Jekk manifattur jirreġistra anqas minn 100 vettura tqila ġdida ta’ manifattur f’perijodu ta’ rapportar partikolari, l-emissjonijiet tas-CO2 speċifiċi medji kif previst fl-Artikolu 4 u fil-punt 2.7 tal-Anness I u l-miri ta’ emissjonijiet tas-CO2 speċifiċi kif previst fl-Artikolu 6 u fil-punt 4.1 tal-Anness I għandhom jiġu stabbiliti għal ‘0’ għal dak il-perijodu ta’ rapportar. 2. Meta japplika l-paragrafu 1 ta’ dan l-Artikolu, iċ-ċifri tal-emissjonijiet tas-CO2 speċifiċi medji u tal-miri ta’ emissjonijiet tas-CO2 speċifiċi ma għandhomx jiġu inklużi fil-pubblikazzjoni tad-data skont l-Artikolu 11 għall-manifatturi u għall-perijodi ta’ rapportar ikkonċernati. 3. L-eżenzjoni stabbilita fil-paragrafu 1 ma għandhiex tapplika f’perijodu ta’ rapportar partikolari fi kwalunkwe każ minn dawn li ġejjin:
4. Il-manifatturi li ma jkunux parti minn grupp fis-sens tal-paragrafu 3, il-punt (c), għandhom jinfurmaw lill-Kummissjoni jekk ikunu rreġistraw anqas minn 100 vettura tqila f’perijodu ta’ rapportar partikolari. 5. Il-manifatturi li għalihom ma tapplikax l-eżenzjoni stabbilita fil-paragrafu 1 għandhom jinfurmaw lill-Kummissjoni f’kull perijodu ta’ rapportar dwar l-impriżi kollha konnessi magħhom li għalihom tapplika l-eżenzjoni. 6. Il-manifatturi għandhom jinfurmaw lill-Kummissjoni għall-fini tal-paragrafi 4 u 5 billi jużaw l-għodod elettroniċi pprovduti mill-Kummissjoni.” |
(9) |
l-Artikolu 7 huwa emendat kif ġej:
|
(10) |
jiddaħħlu l-artikoli li ġejjin: “Artikolu 7a Attribuzzjoni ta’ vetturi tqal lil manifattur Meta jiġu kkalkulati l-emissjonijiet tas-CO2 speċifiċi medji msemmija fl-Artikolu 4 u l-mira ta’ emissjonijiet tas-CO2 speċifiċi msemmija fl-Artikolu 6, il-vetturi tqal irreġistrati f’perijodu ta’ rapportar partikolari għandhom jiġu attribwiti lill-manifatturi li ġejjin:
Artikolu 7b Kalkolu tal-emissjonijiet tas-CO2 speċifiċi medji tal-vetturi tqal tal-kategorija M Għall-vetturi tqal tal-kategorija M, għandu japplika dan li ġej:
(*8) Ir-Regolament ta’ Implimentazzjoni tal-Kummissjoni (UE) 2022/1362 tal-1 ta’ Awwissu 2022 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tal-prestazzjoni ta’ trejlers heavy-duty fir-rigward tal-influwenza tagħhom fuq l-emissjonijiet tas-CO2, il-konsum tal-fjuwil, il-konsum tal-enerġija u l-firxa tas-sewqan b’emissjonijiet żero tal-vetturi bil-mutur u li jemenda r-Regolament ta’ Implimentazzjoni (UE) 2020/683 (ĠU L 205, 5.8.2022, p. 145).”;" |
(11) |
l-Artikolu 8 huwa emendat kif ġej:
|
(12) |
l-Artikolu 9 huwa emendat kif ġej:
|
(13) |
l-Artikolu 10 huwa sostitwit b’dan li ġej: “Artikolu 10 Valutazzjoni tal-emissjonijiet tas-CO2 ta’ referenza 1. Sabiex jiġu żgurati r-robustezza u r-rappreżentattività tal-emissjonijiet tas-CO2 ta’ referenza tas-subgruppi tal-vetturi li għalihom japplika perijodu ta’ rapportar tas-sena 2024 jew aktar tard bħala l-perijodu ta’ referenza skont il-punt 3.2 tal-Anness I, il-Kummissjoni għandha tivvaluta l-applikazzjoni tal-kundizzjonijiet li taħthom ikunu ġew iddeterminati l-emissjonijiet tas-CO2 ta’ referenza u tiddetermina jekk dawk l-emissjonijiet ikunux żdiedu bla bżonn u, jekk ikun il-każ, kif għandhom jiġu kkoreġuti. 2. Jekk il-Kummissjoni tikkonkludi li l-emissjonijiet tas-CO2 ta’ referenza kollha jew li wħud minnhom iridu jiġu kkoreġuti, hija għandha tadotta att ta’ implimentazzjoni biex jitwettqu dawk il-korrezzjonijiet, f’konformità mal-proċedura ta’ eżami msemmija fl-Artikolu 16(2).” |
(14) |
l-Artikolu 11 huwa emendat kif ġej:
|
(15) |
fl-Artikolu 13, il-paragrafu 3 huwa sostitwit b’dan li ġej: “3. Fejn jinstab nuqqas ta' korrispondenza tal-valuri tal-emissjonijiet tas-CO2 u tal-konsum tal-fjuwil li ma jistgħux jiġu attribwiti għal funzjonament ħażin tal-għodda ta' simulazzjoni, jew il-preżenza ta' kwalunkwe strateġiji li jtejbu b'mod artifiċjali l-prestazzjoni ta' vettura, bħala riżultat tal-verifiki mwettqa skont il-paragrafu 2, l-awtorità tal-approvazzjoni tat-tip responsabbli għandha, minbarra li tieħu l-miżuri meħtieġa stabbiliti fil-Kapitolu XI tar-Regolament (UE) 2018/858, tiżgura li l-fajls tal-informazzjoni tal-klijent, iċ-ċertifikati ta’ konformità u ċ-ċertifikati tal-approvazzjoni individwali jiġu kkoreġuti, skont il-każ. Meta d-data fil-fajls ta’ informazzjoni għall-klijenti, fiċ-ċertifikati tal-konformità u fiċ-ċertifikati tal-approvazzjoni individwali ma tkunx tista’ tiġi kkoreġuta fl-ambitu tar-Regolament (UE) 2018/858, l-awtorità tal-approvazzjoni tat-tip responsabbli għandha toħroġ dikjarazzjoni ta’ korrezzjoni bid-data kkoreġuta. Hija għandha tibgħat dik id-dikjarazzjoni lill-Kummissjoni u lill-partijiet ikkonċernati.” |
(16) |
jiddaħħlu l-artikoli li ġejjin: “Artikolu 13a Monitoraġġ u rapportar mill-Istati Membri 1. Mill-perijodu ta’ rapportar tas-sena 2023, l-Istati Membri għandhom jimmonitorjaw id-data speċifikata fil-Parti A tal-Anness IV relatata ma’ vetturi tqal ġodda rreġistrati għall-ewwel darba fl-Unjoni. Sat-30 ta’ Settembru ta’ kull sena, mill-2020 ’il quddiem, l-awtoritajiet kompetenti tal-Istati Membri għandhom jirrapportaw dik id-data għall-perijodu ta’ rapportar preċedenti tal-1 ta’ Lulju sat-30 ta’ Ġunju lill-Kummissjoni f’konformità mal-proċedura ta’ rapportar stabbilita fl-Anness V. 2. L-awtoritajiet kompetenti responsabbli għall-monitoraġġ u għar-rapportar ta’ data f’konformità ma’ dan ir-Regolament għandhom ikunu dawk innominati mill-Istati Membri f’konformità mal-Artikolu 7(6) tar-Regolament (UE) 2019/631. 3. Il-vetturi tqal iddisinjati u mibnija jew adattati għall-użu mis-servizzi tal-protezzjoni ċivili, mis-servizzi tat-tifi tan-nar jew mill-forzi responsabbli għaż-żamma tal-ordni pubbliku mhumiex soġġetti għal dan l-Artikolu. 4. Il-vetturi tqal irreġistrati għall-użu mis-servizzi tal-protezzjoni ċivili, mis-servizzi tat-tifi tan-nar, mill-forzi responsabbli għaż-żamma tal-ordni pubbliku jew mis-servizzi għall-kura medika urġentigħandhom ikunu soġġetti għal dan l-Artikolu, irrispettivament minn jekk ikunux eżentati mill-Artikolu 3a. Artikolu 13b Rapportar mill-manifatturi jew minn entitajiet oħra responsabbli għad-determinazzjoni tal-emissjonijiet tas-CO2 ta’ vettura tqila 1. Il-manifatturi jew entitajiet oħra li huma responsabbli għad-determinazzjoni tal-emissjonijiet tas-CO2 ta’ vettura tqila u huma soġġetti għall-Artikolu 9 tar-Regolament (UE) 2017/2400 jew għall-Artikolu 8 tar-Regolament ta’ Implimentazzjoni (UE) 2022/1362 għandhom jirrapportaw id-data għal vetturi tqal ġoddaf’konformità mal-Parti B tal-Anness IV ta’ dan ir-Regolament. Sat-30 ta’ Settembru ta’ kull sena, huma għandhom jirrapportaw dik id-data lill-Kummissjoni għal kull vettura tqila ġdida b’data ta’ determinazzjoni, jew ta’ valutazzjoni, li taqa’ fil-perijodu ta’ rapportar li jintemm fit-30 ta’ Ġunju f’konformità mal-proċedura ta’ rapportar stabbilita fl-Anness V. Dan il-paragrafu ma għandux japplika għal vetturi tqal li huma eżentati skont l-Artikolu 6b. 2. Kull manifattur jew entità oħra fis-sens tal-paragrafu 1 għandhom jaħtru punt ta’ kuntatt għall-fini tar-rapportar tad-data f’konformità ma’ dan ir-Regolament. 3. L-obbligi ta’ rapportar fl-ambitu tal-Artikolu 13a(3) u (4) għandhom japplikaw għall-manifatturi u għal entitajiet oħra fis-sens tal-paragrafu 1 ta’ dan l-Artikolu. Artikolu 13c Reġistru ċentrali għad-data dwar vetturi tqal 1. Il-Kummissjoni għandha żżomm reġistru ċentrali għad-data dwar vetturi tqal (‘ir-reġistru ċentrali’) li tiġi rrapportata skont l-Artikoli 13a u 13b. Ir-reġistru ċentrali għandu jkun disponibbli għall-pubbliku bl-eċċezzjoni tal-entrati tad-data elenkati fil-punt 3.2 tal-Anness V. Iċ-ċifra tar-reżistenza tal-arja għandha ssir disponibbli għall-pubbliku f’format ta’ meded kif stabbilit fil-Parti C tal-Anness IV. 2. L-Aġenzija Ewropea għall-Ambjent għandha tiġġestixxi r-reġistru ċentrali f’isem il-Kummissjoni. Artikolu 13d Monitoraġġ tar-riżultati tat-testijiet ta’ verifika fit-triq 1. Il-Kummissjoni għandha, meta jkunu disponibbli, timmonitorja r-riżultati tat-testijiet fit-triq imwettqa fil-qafas tar-Regolament (KE) Nru 595/2009 biex tivverifika l-emissjonijiet tas-CO2 u l-konsum tal-fjuwil ta’ vetturi tqal ġodda. 2. Il-Kummissjoni għandha s-setgħa li tadotta atti delegati f’konformità mal-Artikolu 17 sabiex tissupplimenta dan ir-Regolament billi tispeċifika d-data li trid tiġi rrapportata mill-awtoritajiet kompetenti tal-Istati Membri għall-finijiet tal-paragrafu 1 ta’ dan l-Artikolu. Artikolu 13e Kwalità tad-data 1. L-awtoritajiet kompetenti u l-manifatturi għandhom ikunu responsabbli għall-korrettezza u għall-kwalità tad-data li jirrapportaw skont l-Artikoli 13a u 13b. Huma għandhom jinfurmaw lill-Kummissjoni mingħajr dewmien dwar kwalunkwe żball individwat fid-data rrapportata. 2. Il-Kummissjoni għandha twettaq il-verifika tagħha stess tal-kwalità tad-data rrapportata skont l-Artikoli 13a u 13b. 3. Meta l-Kummissjoni tkun infurmata bi żbalji fid-data rrapportata skont il-paragrafu 1, jew issib, wara l-verifika tagħha stess skont il-paragrafu 2, diskrepanzi fis-sett tad-data, hija għandha, meta jkun xieraq, tieħu l-miżuri meħtieġa biex tikkoreġi d-data ppubblikata fir-reġistru ċentrali. 4. Il-Kummissjoni tista’, permezz ta’ atti ta’ implimentazzjoni, tiddetermina l-miżuri ta’ verifika u ta’ korrezzjoni msemmija fil-paragrafi 2 u 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 16. Artikolu 13f Multi amministrattivi 1. Il-Kummissjoni tista’ timponi multa amministrattiva f’kull wieħed minn dawn il-każijiet:
Għall-finijiet tal-verifika tad-data msemmija fil-punt (a), il-Kummissjoni għandha tikkonsulta lill-awtoritajiet tal-approvazzjoni tat-tip rilevanti. Il-multi amministrattivi għandhom ikunu effettivi, proporzjonati u dissważivi u ma għandhomx jaqbżu EUR 30 000 għal kull vettura tqila kkonċernata minħabba devjazzjoni mid-data jew dewmien tad-data kif imsemmija fil-punti (a) u (b). 2. Il-Kummissjoni għandha, tadotta atti delegati f’konformità mal-Artikolu 17 biex tissupplimenta dan ir-Regolament billi tistabbilixxi l-proċedura u l-metodi għall-kalkolu u għall-ġbir tal-multi amministrattivi msemmija fil-paragrafu 1 ta’ dan l-Artikolu. Dawk l-atti delegati għandhom jirrispettaw il-prinċipji li ġejjin:
3. L-ammonti tal-multi amministrattivi għandhom jitqiesu bħala dħul għall-baġit ġenerali tal-Unjoni Ewropea.” |
(17) |
l-Artikolu 14 huwa sostitwit b’dan li ġej: “Artikolu 14 Emendi għall-Annessi I, IV u V 1. Il-Kummissjoni għandha s-setgħa li tadotta atti delegati skont l-Artikolu 17 ta’ dan ir-Regolament bl-għan li temenda l-elementi li ġejjin fl-Anness I ta’ dan ir-Regolament sabiex tqis il-progress tekniku, l-evoluzzjoni tal-loġistika tat-trasport tal-merkanzija, l-aġġustamenti meħtieġa bbażati fuq l-applikazzjoni ta’ dan ir-Regolament u l-emendi tal-atti legali sottostanti dwar l-approvazzjoni tat-tip, b’mod partikolari r-Regolamenti (UE) 2018/858 u (KE) Nru 95/2009:
2. Il-Kummissjoni għandha s-setgħa li tadotta atti delegati skont l-Artikolu 17 bil-ħsieb li temenda l-elementi li ġejjin fl-Anness IV:
3. Il-Kummissjoni għandha s-setgħa li tadotta atti delegati skont l-Artikolu 17 bil-ħsieb li temenda l-elementi li ġejjin fl-Anness V:
|
(18) |
l-Artikolu 15 huwa sostitwit b’dan li ġej: “Artikolu 15 Rieżami 1. Sal-31 ta‘ Diċembru 2027, il-Kummissjoni għandha twettaq rieżami tal-effettività u tal-impatt ta’ dan ir-Regolament, b’mod partikolari fir-rigward tal-objettiv tan-newtralità klimatika sa mhux aktar tard mill-2050, u tippreżenta rapport lill-Parlament Ewropew u lill-Kunsill bir-riżultati ta’ dak ir-rieżami. F’dak ir-rapport, il-Kummissjoni għandha tivvaluta b’mod partikolari:
Dak ir-rapport għandu, meta jkun xieraq, ikun akkumpanjat minn proposta leġiżlattiva biex dan ir-Regolament jiġi emendat. 2. Il-Kummissjoni għandha tivvaluta r-rwol tal-fjuwils rinnovabbli sostenibbli fit-tranżizzjoni lejn in-newtralità klimatika, inkluż fis-settur tal-vetturi tqal. B’mod separat mir-rieżami msemmi fil-paragrafu 1, u bħala parti minn strateġija usa’ għall-użu ta’ tali fjuwils, sal-31 ta’ Diċembru 2025, il-Kummissjoni għandha tippreżenta rapport lill-Parlament Ewropew u lill-Kunsill b’analiżi komprensiva tal-ħtieġa li tiġi inċentivata aktar l-adozzjoni ta’ bijofjuwils u bijogass avvanzati u fjuwils rinnovabbli ta’ oriġini mhux bijoloġika fis-settur tal-vettur tqal u l-qafas xieraq ta’ miżuri, inklużi inċentivi finanzjarji, biex jinkiseb dak l-iskjerament. Abbażi ta’ dik l-analiżi, il-Kummissjoni, meta ikun xieraq, għandha tagħmel proposti leġiżlattivi addizzjonali jew għandha tagħmel rakkomandazzjonijiet lill-Istati Membri.” |
(19) |
l-Artikolu 17 huwa emendat kif ġej:
|
(20) |
l-Annessi I u II tar-Regolament (UE) 2019/1242 huma sostitwiti bit-test stabbilit fl-Anness I ta’ dan ir-Regolament; |
(21) |
it-test stabbilit fl-Anness II ta’ dan ir-Regolament jiżdied bħala l-Annessi III, IV, V u VI tar-Regolament (UE) 2019/1242. |
Artikolu 2
Emendi għar-Regolament (UE) 2018/858
Ir-Regolament (UE) 2018/858 huwa emendat kif ġej:
(1) |
l-Artikolu 3 huwa emendat kif ġej:
|
(2) |
fl-Anness I, il-Parti B, il-punt 6.1.1(d), jiżdied is-subpunt li ġej:
|
Artikolu 3
Tħassir tar-Regolament (UE) 2018/956
Ir-Regolament (UE) 2018/956 huwa mħassar b’effett mill-1 ta’ Lulju 2024.
Ir-referenzi għar-Regolament (UE) 2018/956 għandhom jinftiehmu bħala referenzi għar-Regolament (UE) 2019/1242 u għandhom jinqraw skont it-tabella ta’ korrelazzjoni fl-Anness VI tar-Regolament (UE) 2019/1242, kif inkluż fl-Anness II ta’ dan ir-Regolament.
Artikolu 4
Dispożizzjonijiet tranżizzjonali
Minkejja l-Artikolu 3, fir-rigward tal-perijodi ta’ rapportar qabel l-1 ta’ Lulju 2024, ir-Regolament (UE) 2019/1242 kif applikabbli fit-30 ta’ Ġunju 2024 u r-Regolament (UE) 2018/956 kif applikabbli fit-30 ta’ Ġunju 2024 għandhom ikomplu japplikaw.
Artikolu 5
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Lulju 2024.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Mejju 2024.
Għall-Parlament Ewropew
Il-President
R. METSOLA
Għall-Kunsill
Il-President
H. LAHBIB
(1) ĠU C 349, 29.9.2023, p. 134.
(2) Il-Pożizzjoni tal-Parlament Ewropew tal-10 ta’ April 2024 (għadha mhijiex ippubblikata fil-Ġurnal Uffiċjali) u d-Deċiżjoni tal-Kunsill tas-7 ta’ Mejju 2024.
(3) ĠU L 282, 19.10.2016, p. 4.
(4) Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (“il-Liġi Ewropea dwar il-Klima”) (ĠU L 243, 9.7.2021, p. 1).
(5) Ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (ĠU L 198, 25.7.2019, p. 202).
(6) Ir-Regolament (UE) 2023/955 tal-Parlament Ewropew u tal-Kunsill tal-10 ta’ Mejju 2023 li jistabbilixxi Fond Soċjali għall-Klima u li jemenda r-Regolament (UE) 2021/1060 (ĠU L 130, 16.5.2023, p. 1).
(7) Ir-Regolament (UE) 2023/1804 tal-Parlament Ewropew u tal-Kunsill tat-13 ta’ Settembru 2023 dwar il-varar ta’ infrastruttura ta’ fjuwils alternattivi, u li jħassar id-Direttiva 2014/94/UE (ĠU L 234, 22.9.2023, p. 1).
(8) Id-Direttiva 2014/94/UE tal-Parlament Ewropew u tal-Kunsill tat-22 ta’ Ottubru 2014 dwar l-installazzjoni ta’ infrastruttura tal-karburanti alternattivi (ĠU L 307, 28.10.2014, p. 1).
(9) Id-Direttiva (UE) 2018/2001 tal-Parlament Ewropew u tal-Kunsill tal-11 ta’ Diċembru 2018 dwar il-promozzjoni tal-użu tal-enerġija minn sorsi rinnovabbli (ĠU L 328, 21.12.2018, p. 82).
(10) Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32).
(11) Ir-Regolament (UE) 2023/1542 tal-Parlament Ewropew u tal-Kunsill tat-12 ta’ Lulju 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE (ĠU L 191, 28.7.2023, p. 1).
(12) Ir-Regolament (UE) 2018/956 tal-Parlament Ewropew u tal-Kunsill tat-28 ta’ Ġunju 2018 dwar il-monitoraġġ u r-rappurtar tal-emissjonijiet ta’ CO2 u tal-konsum ta’ fjuwil minn vetturi heavy-duty ġodda (ĠU L 173, 9.7.2018, p. 1).
(13) Ir-Regolament tal-Kumissjoni (UE) 2017/2400 tat-12 ta’ Diċembru 2017 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011 (ĠU L 349, 29.12.2017, p. 1).
(14) Ir-Regolament tal-Kummissjoni (UE) 2017/1151 tal-1 ta’ Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill fir-rigward tad-determinazzjoni dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).
(15) Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).
(16) Ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (ĠU L 111, 25.4.2019, p. 13).
(17) Ir-Regolament ta’ Implimentazzjoni tal-Kummissjoni (UE) 2022/1362 tal-1 ta’ Awwissu 2022 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tal-prestazzjoni ta’ trejlers heavy-duty fir-rigward tal-influwenza tagħhom fuq l-emissjonijiet tas-CO2, il-konsum tal-fjuwil, il-konsum tal-enerġija u l-firxa tas-sewqan b’emissjonijiet żero tal-vetturi bil-mutur u li jemenda r-Regolament ta’ Implimentazzjoni (UE) 2020/683 (ĠU L 205, 5.8.2022, p. 145).
(18) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).
ANNESS I
L-Annessi I u II tar-Regolament (UE) 2019/1242 huma emendati kif ġej:
(1) |
l-Anness I huwa sostitwit b'dan li ġej: “ANNESS I Emissjonijiet tas-CO2 speċifiċi medji, miri ta’ emissjonijiet tas- CO2 speċifiċi u emissjonijiet tas-CO2 żejda 1. Subgruppi tal-vetturi 1.1. Għall-finijiet ta’ dan ir-Regolament, subgrupp tal-vetturi sg huwa definit għal kull vettura tqila ġdida.
1.4. Definizzjonijiet tal-profili tal-missjoni
2. Kalkolu tal-emissjonijiet tas-CO2 speċifiċi medji ta’ manifattur 2.1. Kalkolu tal-emissjonijiet tas-CO2 speċifiċi ta’ vettura tqila ġdida L-emissjonijiet tas-CO2 speċifiċi fi g/km ta’ vettura tqila ġdida v attribwita għal subgrupp tal-vetturi sg jew tal-vettura primarja tagħha għandhom jiġu kkalkolatikif ġej:
Fejn
Għall-vetturi tqal bil-mutur mingħajr emissjonijiet, iċ-ċifri ta’ CO2v,mp u ta’ CO2pv,mp għandhom jiġu ssettjati għal 0. 2.1.1. Il-piżijiet tal-profil tal-missjoni (Wsg,mp ) għall-vetturi tqal tal-kategorija N
2.1.2. Il-piżijiet tal-profil tal-missjoni (Wsg,mp ) għall-vetturi tqal tal-kategorija M
2.1.3 Il-piżijiet tal-profil tal-missjoni (Wsg,mp ) għall-vetturi tqal tal-kategorija O
2.2. L-emissjonijiet tas-CO2 speċifiċi medji tal-vetturi tqal ġodda kollha f’subgrupp tal-vetturi għal manifattur Għal kull manifattur u għal kull perijodu ta’ rapportar, l-emissjonijiet tas-CO2 speċifiċi medji avgCO2sg tal-vetturi tqal ġodda kollha f’subgrupp tal-vetturi sg jew tal-vetturi primarji tagħhom, jekk applikabbli, għandhom jiġu kkalkolati kif ġej:
2.3. Kalkolu tal-fattur ta’ mingħajr emissjonijiet u ta’ emissjonijiet baxxi kif imsemmi fl-Artikolu 5 2.3.1 Perijodi ta’ rapportar mill-2019 sal-2024 Għal kull manifattur u għal kull perijodu ta’ rapportar mill-2019 sal-2024, il-fattur tal-vetturi ta’ mingħajr emissjonijiet u ta’ emissjonijiet baxxi (ZLEV) imsemmi fl-Artikolu 5 għandu jiġi kkalkolat kif ġej: ZLEV = Vall / (Vconv + Vzlev) b’minimu ta’ 0,97 fejn:
fejn
2.3.2 Perijodi ta’ rapportar mill-2025 sal-2029 Għal kull manifattur u għal kull perijodu ta’ rapportar, il-fattur tal-vetturi ta’ mingħajr emissjonijiet u ta’ emissjonijiet baxxi (ZLEV) imsemmi fl-Artikolu 5 għandu jiġi kkalkolat kif ġej:
Fejn:
Fejn:
Meta Vin/Vtotal tkun aktar baxxa minn 0,0075, il-fattur ZLEV għandu jiġi ssettjat għal 1. 2.3.3 Perijodi ta’ rapportar mill-2030 ‘il quddiem ZLEV = 1 2.3.4 Kalkolu tal-limitu ta’ emissjonijiet baxxi Il-limitu ta’ emissjonijiet baxxi LET sg tas-subgrupp tal-vetturi sg huwa definit kif ġej: LETsg = (rCO2sg x PLsg) / 2 Fejn:
2.4. Kalkolu tal-ishma tal-vetturi tqal Għal kull manifattur u għal kull perijodu ta’ rapportar, is-sehem ta’ vetturi tqal ġodda f’subgrupp tal-vetturi sharesg għandu jiġi kkalkolat kif ġej:
Għal kull manifattur u għal kull perijodu ta’ rapportar, is-sehem ta’ vetturi tqal ġodda b’emissjonijiet baxxi f’subgrupp tal-vetturi zevsg għandu jiġi kkalkolat kif ġej:
Għal kull manifattur u għal kull perijodu ta’ rapportar, is-sehem ta’ vetturi tqal ġodda fi ħdan is-subgrupp tal-vetturi sg, li skont l-Artikolu 7b għandu jitqies fl-emissjonijiet tas-CO2 tal-vetturi primarji tagħhom fil-kalkolu tal-emissjonijiet tas-CO2 speċifiċi medji tal-punt 2.2, għandu jiġi kkalkolat kif ġej:
Fejn,
2.5. Ċifri tat-tagħbija, għadd ta’ passiġġieri u volumi tal-merkanzija Iċ-ċifra tat-tagħbija medja PLsg ta’ vettura tqila tal-kategorija N jew O f’subgrupp tal-vetturi sg għandha tiġi kkalkolata kif ġej:
L-għadd medju ta’ passiġġieri PNsg ta’ vettura tqila tal-kategorija M f’subgrupp tal-vetturi sg għandu jiġi kkalkolat kif ġej:
Fejn
2.5.1. Vetturi tqal tal-kategorija N Iċ-ċifri tat-tagħbija PL sg, mp (f’tunnellati) huma determinati kif ġej:
Iċ-ċifri tat-tagħbija massima teknikament possibbli maxPLsg u l-volumi tal-merkanzija CVsg huma determinati skont il-punt 3.1.1. 2.5.2. Vetturi tqal tal-kategorija M L-għadd ta’ passiġġieri PNsg,mp , il-mases tal-passiġġieri PMsg,mp u l-għadd massimu ta’ passiġġieri teknikament possibbli maxPNsg għas-subgrupp tal-vetturi sg u l-profil tal-missjoni mp huma determinati skont il-punt 3.1.1. 2.5.3. Vetturi tqal tal-kategorija O Iċ-ċifri tat-tagħbija PL sg, mp (f’tunnellati) huma determinati kif ġej:
Iċ-ċifri tat-tagħbija massima teknikament possibbli maxPLsg u l-volumi tal-merkanzija CVsg huma determinati skont il-punt 3.1.1. 2.6. Kalkolu tal-fattur ta’ ponderazzjoni tal-kilometraġġ u tat-tagħbija jew tal-għadd ta’ passiġġieri Il-fattur ta’ ponderazzjoni tal-kilometraġġ u tat-tagħbija (tal-passiġġieri) (MPWsg) ta’ subgrupp tal-vetturi sg huwa definit bħala l-prodott tal-kilometraġġ annwali speċifikat fil-punt 2.6.1 u ċ-ċifri tat-tagħbija u tal-għadd ta’ passiġġieri għas-subgrupp tal-vetturi speċifikati fil-punti 2.5.1, 2.5.2 u 2.5.3 għall-vetturi tal-kategoriji N, M u O, rispettivament, normalizzati għaċ-ċifra rispettiva għas-subgrupp tal-vetturi 5-LH, u għandu jiġi kkalkolat kif ġej:
Fejn,
2.6.1. Kilometraġġi annwali għall-vetturi tqal tal-kategorija N
2.6.2. Kilometraġġi annwali għall-vetturi tqal tal-kategorija M
2.6.3. Kilometraġġi annwali għall-vetturi tqal tal-kategorija O
2.7. L-emissjonijiet tas-CO2 speċifiċi medji tal-manifatturi, kif imsemmija fl-Artikolu 4 Għal kull manifattur, għandhom jiġu kkalkolati l-emissjonijiet tas-CO2 speċifiċi medji li ġejjin: 2.7.1. Għall-perijodi ta’ rapportar tas-snin2019 sal-2029: CO2(2025) = ZLEV × ∑ sg sharesg × MPWsg × avgCO2sg 2.7.2. Għall-perijodi ta’ rapportar mill-2025 ’il quddiem: CO2(NO) = ∑sg sharesg × MPWsg × avgCO2sg CO2(MCO2) = ∑sg sharesg × MPWsg × [avgCO2sg × (1 – pvsg) + avgCO2psg × pvsg] CO2(MZE) = ∑sg sharesg × MPWsg × (1 – zevsg) × rCO2sg CO2(M) = CO2(MCO2) + CO2(MZE) Fejn
3. Kalkolu taċ-ċifri referenzjarji 3.1. Ċifri referenzjarji Iċ-ċifri referenzjarji li ġejjin għandhom jiġu kkalkolati fuq il-bażi tal-vetturi tqal ġodda kollha tal-manifatturi kollha għall-perijodu ta’ referenza applikabbli għas-subgrupp tal-vetturi sg skont il-punt 3.2.
3.2. Perijodi ta’ referenza applikabbli għas-subgruppi tal-vetturi Il-perijodi ta’ rapportar li ġejjin għandhom jiġu applikati bħala perijodi ta’ referenza għas-subgruppi tal-vetturi:
L-emissjonijiet tas-CO2 speċifiċi medji avgCO2sg u avgCO2psg kif previsti fil-punt 2.2 u l-emissjonijiet tas-CO2 ta’ referenza rCO2sg u rCO2psg kif previsti fil-punt 3.1.2 għandhom jiġu ssettjati għal ‘0’ għall-manifatturi kollha fis-subgrupp tal-vetturi sg għall-fini tal-kalkolu tal-emissjonijiet tas-CO2 speċifiċi medji skont il-punt 2.7 u l-miri ta’ emissjonijiet tas-CO2 speċifiċi skont il-punt 4.1 għall-perijodi ta’ rapportar tas-snin < Y + 5. Hawnhekk, Y hija s-sena tal-ewwel perijodu ta’ rapportar li fiha l-għadd ta’ vetturi tqal ġodda tal-manifatturi kollha fis-subgrupp tal-vetturi sg ikun ta’ mill-anqas 50. Sabiex jinkisbu l-emissjonijiet tas-CO2 ta’ referenza rCO2sg u rCO2psg għall-fini tal-kalkolu tal-mira ta’ emissjonijiet tas-CO2 speċifiċi skont il-punt 4, l-ewwel nett, iċ-ċifri korrispondenti previsti fil-punt 3.1.2 għandhom jiġu kkalkolati għall-perijodu ta’ rapportar tas-sena Y minflok għall-perijodu ta’ referenza applikabbli għas-subgrupp tal-vetturi sg skont il-punt 3.2. Imbagħad, iċ-ċifri li jirriżultaw għandhom jiġu diviżi bi:
4. Kalkolu tal-mira ta’ emissjonijiet tas-CO2 speċifiċi ta’ manifattur imsemmija fl-Artikolu 6 4.1. Miri ta’ emissjonijiet tas-CO2 speċifiċi Għal kull manifattur, il-miri ta’ emissjonijiet tas-CO2 speċifiċi T li ġejjin għandhom jiġu kkalkolati kif ġej:
4.2. Is-subgruppi tal-vetturi inklużi fil-kalkolu tal-emissjonijiet tas-CO2 speċifiċi medji u tal-miri ta’ emissjonijiet tas-CO2 speċifiċi tal-manifatturi Is-subgruppi tal-vetturi sg li ġejjin għandhom jiġu inklużi fil-kalkolu tal-emissjonijiet tas-CO2 speċifiċi CO2(X), tal-miri tal-emissjonijiet tas-CO2 speċifiċi T(X) u tat-trajettorja tat-tnaqqis tal-emissjonijiet tas-CO2 ET(X)Y :
4.3. Il-miri ta’ tnaqqis tal-emissjonijiet tas-CO2 u l-mandati ta’ vetturi tqal mingħajr emissjonijiet
5. Krediti u djun tal-emissjonijiet imsemmijin fl-Artikolu 7 5.1. Trajettorji ta’ tnaqqis tal-emissjonijiet tas-CO2 5.1.1. Fatturi fil-mira Għal kull subgrupp tal-vetturi sg u għal kull perijodu ta’ rapportar ta’ sena Y, il-fatturi fil-mira għandhom jiġu definiti kif ġej: RETsg,Y = (1-rfsg,uY)+(rfsg,uY – rfsg,lY)× (uY – Y)/(uY – lY) RETpsg,Y = (1-rfpsg,uY)+(rfpsg,uY – rfpsg,lY)× (uY – Y)/(uY – lY) ZETsg,Y = (1-zevMsg,uY)+(zevMsg,uY – zevMsg,lY)× (uY – Y)/(uY – lY) Fejn,
Għas-snin ta’ rapportar Y < rY, iċ-ċifri ta’ RETsg,Y, RETpsg,Y u ZETsg,Y għandhom jiġu ssettjati għal 1 b’tali mod li ma jkun hemm l-ebda kontribut tas-subgrupp tal-vetturi sg għat-trajettorja ta’ tnaqqis tal-emissjonijiet tas-CO2. 5.1.2. Trajettorji ta’ tnaqqis tal-emissjonijiet tas-CO2
1.2. Kalkolu tal-krediti u tad-djun tal-emissjonijiet f’kull perijodu ta’ rapportar Għal kull manifattur u għal kull perijodu ta’ rapportar tas-snin Y mill-2019 sal-2040, il-krediti tal-emissjonijiet cCO2(X)Y u d-djun tal-emissjonijiet dCO2(X)Y, (X = NO, M) għandu jkollhom iċ-ċifri li ġejjin jew ikunu 0 (jiġifieri l-krediti tal-emissjonijiet u d-djun tal-emissjonijiet ma jistgħux ikunu negattivi), skont liema tkun l-ikbar:
Fejn,
5.3. Limitu tad-djun tal-emissjonijiet Għal kull manifattur, il-limiti tad-djun tal-emissjonijiet limCO2(X) Y fil-perijodu ta’ rapportar tas-sena Y huma definiti kif ġej:
Fejn
5.4 Krediti ta’ emissjonijiet bikrija Id-djun tal-emissjonijiet miksubin għall-perijodi ta’ rapportar tas-sena 2025 għandhom jitnaqqsu b’ammont li jikkorrispondi għall-krediti tal-emissjonijiet miksubin qabel dak il-perijodu ta’ rapportar, li huma determinati għal kull manifattur kif ġej:
Fejn,
6. Determinazzjoni tal-emissjonijiet tas-CO2 żejda ta’ manifattur imsemmija fl-Artikolu 8(2) Għal kull manifattur u għal kull perijodu ta’ rapportar tas-sena Y mis-sena 2025 ’il quddiem, iċ-ċifra tal-emissjonijiet tas-CO2 żejda speċifiċi tal-kategorija tal-vetturi exeCO2(X)Y għandha tiġi kkalkolata kif ġej, jekk iċ-ċifra tkun pożittiva (X = NO, M). Għall-perijodu ta’ rapportar tas-sena 2025:
Għall-perijodi ta’ rapportar tas-snin Y mill-2026 sal-2028, mill-2030 sal-2033 u mill-2035 sal-2038:
Għall-perijodi ta’ rapportar tas-snin Y mill-2030 sal-2033 u mill-2035 sal-2038:
Għall-perijodi ta’ rapportar tas-snin Y = 2029, 2034 u 2039:
Għall-perijodi ta’ rapportar tas-snin Y = 2034 u 2039:
Għall-perijodu ta’ rapportar tas-sena 2040:
Għall-perijodi ta’ rapportar tas-snin Y > 2040: exeCO2(NO)Y = (CO2(NO)Y – T(NO)Y) × VY exeCO2(M)Y = (CO2(M)Y – T(M)Y) × VY Jekk il-kalkoli preċedenti jirriżultaw f’ċifra negattiva għal exeCO2(X)Y , dan tal-aħħar għandu jiġi ssettjat għal 0. Fejn,
Fil-każijiet l-oħrajn kollha, iċ-ċifra tal-emissjonijiet żejda exeCO2(X)Y għandu jiġi ssettjat għal 0 (X = NO, M). L-emissjonijiet tas-CO2 żejda tal-perijodu ta’ rapportar tas-sena Y kif imsemmi fl-Artikolu 8(2) għandhom ikunu: exeCO2Y = exeCO2(NO)Y + exeCO2(M)Y 6.1. Determinazzjoni ta’ ccCO2 (X)Y, I
ccCO2(X)I,Y = min(cCO2(X)I;
|
(2) |
l-Anness II huwa sostitwit b’dan li ġej: “ANNESS II Proċeduri ta’ aġġustament imsemmijin fl-Artikolu 11 1. Aġġustament tal-emissjonijiet tas-CO2 ta’ referenza wara emenda tal-proċeduri tal-approvazzjoni tat-tip imsemmijin fl-Artikolu 11(2) Wara emenda tal-proċeduri tal-approvazzjoni tat-tip imsemmijin fl-Artikolu 11(2), l-emissjonijiet tas-CO2 ta’ referenza msemmijin fil-punt 3.1.2 tal-Anness I għandhom jiġu kkalkolati mill-ġdid. Għal dak l-għan, l-emissjonijiet tas-CO2 fi g/km ta’ vetturi tqal ġodda v tal-perijodu ta’ referenza u tal-vetturi primarji tagħhom determinati għal profil tal-missjoni mp, kif imsemmi fil-punt 2.1 tal-Anness I, għandhom jiġu aġġustati kif ġej: CO2v,mp = CO2(RP)v,mp ∙ (∑ r sr,sg ∙ CO2r,mp)/ (∑ r sr,sg ∙ CO2(RP)r,mp) CO2pv,mp = CO2p(RP)v,mp ∙ (∑ r sr,sg ∙ CO2pr,mp)/ (∑ r sr,sg ∙ CO2p(RP)r,mp) Fejn
L-emissjonijiet tas-CO2 speċifiċi għandhom jiġu nnormalizzati skont l-Anness III bl-użu ta’ dawk iċ-ċifri għall-parametri msemmijin fl-Artikolu 14(1), il-punt (f), li jkunu applikabbli fil-perijodu ta’ rapportar imsemmi fl-Artikolu 11(2), il-punt (a). Il-vetturi tqal rappreżentattivi għandhom jiġu definiti f’konformità mal-metodoloġija msemmija fl-Artikolu 11(3). 2. Applikazzjoni tal-emissjonijiet tas-CO2 ta’ referenza aġġustati skont l-Artikolu 11(2) Jekk fil-perijodu ta’ rapportar tas-sena Y l-emissjonijiet tas-CO2 speċifiċi ta’ xi vetturi tqal ġodda ta’ manifattur ikunu ġew iddeterminati bl-emendi msemmijin fl-Artikolu 11(2), l-emissjonijiet tas-CO2 ta’ referenza rCOsg tas-subgrupp tal-vetturi sg użati fil-punti 4 u 5.1 tal-Anness I għandhom jiġu kkalkolati kif ġej: rCO2sg = ∑,i Vsg,i/Vsg x rCO2sg,,i fejn:
|
(*1) Għall-kalkolu tal-ishma tal-vetturi u tal-emissjonijiet tas-CO2 speċifiċi medji tal-manifatturi tal-perijodi ta’ rapportar tas-snin 2030 sa2034 skont il-punti 2.4 u 2.7, rispettivament, il-vetturi vokazzjonali mingħajr emissjonijiet tal-kategorija N għandhom jiġu attribwiti kif ġej:
(*2) Ara d-definizzjonijiet fil-punt 1.1
(*3) Ara d-definizzjonijiet fil-punt 1.4
(*4) Ara d-definizzjonijiet fil-punt 1.1
(*5) Ara d-definizzjonijiet fil-punt 1.4
(*6) Ara d-definizzjonijiet fil-punt 1.1
(*7) Ara d-definizzjonijiet fil-punt 1.4
(*8) Ara d-definizzjonijiet fil-punt 1.1
(*9) Ara d-definizzjonijiet fil-punt 1.4
(*10) Ara d-definizzjonijiet fil-punt 1.1
(*11) Ara d-definizzjonijiet fil-punt 1.4
(*12) Ara d-definizzjonijiet fil-punt 1.1
(*13) Ara d-definizzjonijiet fil-punt 1.1
(*14) Ara d-definizzjonijiet fil-punt 1.1
ANNESS II
“ANNESS III
Normalizzazzjoni tal-emissjonijiet tas-CO2 speċifiċi ta’ vetturi tqal ġodda kif msemmijin fl-Artikolu 4
1. Normalizzazzjoni tal-emissjonijiet tas-CO2 speċifiċi
Għall-finijiet tal-kalkolu fil-punt 2.1 tal-Anness I, iċ-ċifri tal-emissjonijiet tas-CO2 CO2v,mp tal-vetturi tqal huma normalizzati kif ġej:
CO2v,mp = reportCO2v,mp + ΔCO2v,mp(m) + ΔCO2cvv,mp
m = PLsg,mp – PLv,mp + cCWv |
(għall-vetturi tqal tal-kategoriji N u O) |
m = PMsg,mp – PMv,mp + cCWv |
(għall-vetturi tqal tal-kategorija M) |
Iċ-ċifri tal-emissjonijiet tas-CO2 CO2pv,mp tal-vetturi primarji huma normalizzati skont l-istess metodoloġija, bl-użu tal-parametri għall-vetturi primarji.
Fejn
CO2v,mp |
huma l-emissjonijiet normalizzati tas-CO2 tal-vettura tqila v determinati għal profil tal-missjoni mp li għandhom jiġu kkunsidrati fil-kalkolu tal-punt 2.1 tal-Anness I; |
reportCO2v,mp |
huma l-emissjonijiet tas-CO2 fi g/km ta’ vettura tqila ġdida v determinati għal profil tal-missjoni mp u rrapportati skont l-Artikoli 13a u 13b; |
ΔCO2v,mp(m) |
għandha tiġi ddeterminata f’konformità mal-punt 3; |
ΔCO2cvv,mp |
għandha tiġi ddeterminata f’konformità mal-punt 4; |
PLv,mp |
hija t-tagħbija tal-vettura tqila v fil-profil tal-missjoni mp, kif determinata mid-data rrapportata skont l-Artikoli 13a u 13b; |
PLsg,mp |
hija t-tagħbija għas-subgrupp tal-vetturi sg u għall-profil tal-missjoni mp kif prevista fil-punt 2.5 tal-Anness I; |
PMv,mp |
hija l-massa tal-passiġġieri tal-vettura tqila v fil-profil tal-missjoni mp, kif determinata mid-data rrapportata skont l-Artikoli 13a u 13b; |
PMsg,mp |
hija l-massa tal-passiġġieri għas-subgrupp tal-vetturi sg u għall-profil tal-missjoni mp kif prevista fil-punt 2.5 tal-Anness I; |
cCWv |
hija l-korrezzjoni tal-piż tal-vettura sħiħa bit-tank mimli tal-vettura tqila v skont il-punt 2. |
2. Normalizzazzjoni tal-piż tal-vettura sħiħa bit-tank mimli
Peress li l-utilità tat-trasport ta’ vettura tqila tiżdied mat-tagħbija massima teknikament possibbli jew mal-għadd massimu ta’ passiġġieri teknikament possibbli tagħha, iżda għal raġunijiet tekniċi ċifri ogħla għal dawk il-parametri huma korrelatati ma’ piżijiet ogħla tal-vettura sħiħa bit-tank mimli u, għalhekk, ma’ emissjonijiet ogħla tas-CO2, għandha tiġi applikata l-korrezzjoni li ġejja tal-piż tal-vettura sħiħa bit-tank mimli ta’ vettura tqila v fis-subgrupp tal-vetturi sg għall-fini tan-normalizzazzjoni tal-emissjonijiet tas-CO2 speċifiċi tagħha skont il-punt 1:
cCWv = asg · (maxPLsg – maxPLv) |
għall-vetturi tqal tal-kategorija N; |
cCWv = 0 |
għall-vetturi tqal tal-kategorija O; |
cCWv = asg · (maxPNsg – maxPNv) |
għall-vetturi tqal tal-kategorija M; |
Fejn
asg |
huwa koeffiċjent lineari determinat skont il-punt 2.1 għall-perijodu ta’ rapportar tas-sena li fiha l-vettura tqila v tkun ġiet irreġistrata; |
maxPLv |
hija t-tagħbija massima teknikament possibbli tal-vettura tqila v kif determinata mid-data rrapportata skont l-Artikoli 13a u 13b; |
maxPNv |
huwa l-għadd massimu ta’ passiġġieri teknikament possibbli tal-vettura tqila v kif determinat mid-data rrapportata skont l-Artikoli 13a u 13b;. |
maxPLsg |
hija t-tagħbija massima teknikament possibbli tas-subgrupp tal-vetturi sg determinata skont il-punt 2.5 tal-Anness I; |
maxPNsg |
huwa l-għadd massimu ta’ passiġġieri teknikament possibbli tas-subgrupp tal-vetturi sg determinat skont il-punt 2.5 tal-Anness I. |
2.1. Determinazzjoni tal-parametri tan-normalizzazzjoni
Għal kull perijodu ta’ rapportar, il-parametri asg u bsg għandhom jiġu ddeterminati b’analiżi ta’ rigressjoni lineari tal-korrelazzjoni taċ-ċifri ta’ CWv maċ-ċifri ta’ maxPLv (vetturi tqal tal-kategorija N) u maxPNv (vetturi tqal tal-kategorija M), meta jitqiesu l-vetturi tqal kollha rreġistrati ġodda v fis-subgrupp tal-vetturi sg;
CWv ≈ asg maxPLv + bsg |
għall-vetturi tqal tal-kategorija N; |
CWv ≈ asg maxPNv + bsg |
għall-vetturi tqal tal-kategorija M. |
Fejn
CWv |
huwa l-piż tal-vettura sħiħa bit-tank mimli tal-vettura tqila v kif determinat mid-data rrapportata skont l-Artikoli 13a u 13b; jekk l-ebda ċifra preċiża ma tkun disponibbli, dan ikun jista’ jiġi approssimat mill-massa attwali kkoreġuta tal-vettura tqila v; |
maxPLv |
hija t-tagħbija massima teknikament possibbli tal-vettura tqila v kif determinata mid-data rrapportata skont l-Artikoli 13a u 13b; |
maxPNv |
huwa l-għadd massimu ta’ passiġġieri teknikament possibbli tal-vettura tqila v kif determinat mid-data rrapportata skont l-Artikoli 13a u 13b. |
3. Bidla fl-emissjonijiet tas-CO2 għal bidla fil-massa totali tal-vettura
Il-bidla ex post tal-emissjonijiet tas-CO2 ta’ vettura tqila v li għandha tiġi ddeterminata għal profil tal-missjoni mp minħabba bidla ex post fil-massa totali li għandha tiġi attribwita għall-vettura tqila għad-determinazzjoni tal-emissjonijiet tas-CO2 hija definita mill-approssimazzjoni lineari li ġejja:
ΔCO2v,mp(m) = m (CO2v,r – CO2v,l) / (Mr – Ml)
Fejn:
m |
hija l-bidla tal-massa totali attribwita għall-vettura tqila v għad-determinazzjoni tal-emissjonijiet tas-CO2 tagħha; |
CO2v,r |
huma l-emissjonijiet tas-CO2 tal-vettura tqila v fi g/km, mingħajr il-bidla fil-massa, determinati għall-istess profil tal-missjoni mp, kundizzjonijiet ta’ tagħbija rappreżentattiva; |
CO2v,l |
huma l-emissjonijiet tas-CO2 tal-vettura tqila v fi g/km, mingħajr il-bidla fil-massa, determinati għall-istess profil tal-missjoni mp, kundizzjonijiet ta’ tagħbija baxxa; |
Mr |
hija l-massa totali tal-vettura f’simulazzjoni, mingħajr il-bidla fil-massa, għall-istess profil tal-missjoni mp, kundizzjonijiet ta’ tagħbija rappreżentattiva; |
Ml |
hija l-massa totali tal-vettura f’simulazzjoni, mingħajr il-bidla fil-massa, għall-istess profil tal-missjoni mp, kundizzjonijiet ta’ tagħbija baxxa. |
4. Normalizzazzjoni għal volumi differenti ta’ merkanzija
Il-vetturi tqal tal-kategorija O fl-istess subgrupp tal-vetturi għandhom volumi ta’ merkanzija differenti. Peress li l-utilità tat-trasport ta’ vettura tqila tiżdied mal-volum tal-merkanzija, iżda għal raġunijiet tekniċi tali żieda hija wkoll korrelatata ma’ emissjonijiet ogħla tas-CO2, għandha tiġi applikata l-korrezzjoni li ġejja tal-emissjonijiet tas-CO2 ta’ vettura tqila v fis-subgrupp tal-vetturi sg:
ΔCO2cvv,mp = asg,mp (CVsg – CVv)
Where
asg,mp |
huwa koeffiċjent lineari determinat skont il-punt 4.1 għall-perijodu ta’ rapportar tas-sena li fiha l-vettura tqila v tkun ġiet irreġistrata; |
CVv |
huwa l-volum tal-merkanzija tal-vettura tqila v kif determinat mid-data rrapportata skont l-Artikoli 13a u 13b; |
CVsg |
huwa l-volum tal-merkanzija tas-subgrupp tal-vetturi sg determinat skont il-punt 2.5 tal-Anness I. |
Għall-vetturi tqal tal-kategoriji N u M, il-korrezzjoni tal-emissjonijiet tas-CO2 ΔCO2cvv,mp għandha tkun ta’ 0.
4.1. Determinazzjoni tal-parametri tan-normalizzazzjoni
Għal kull perijodu ta’ rapportar u għal kull profil tal-missjoni, il-parametri asg,mp u bsg,mp għandhom jiġu ddeterminati b’analiżi ta’ rigressjoni lineari tal-korrelazzjoni taċ-ċifri ta’ [reportCO2v,mp + ΔCO2v,mp(m)] maċ-ċifri ta’ CVv, meta jitqiesu l-vetturi tqal rreġistrati ġodda kollha v fis-subgrupp tal-vetturi sg:
reportCO2v,mp + ΔCO2v,mp(m) ≈ asg,mp · CVv + bsg,mp
Fejn
CVv |
huwa l-volum tal-merkanzija tal-vettura tqila v kif determinat mid-data rrapportata skont l-Artikoli 13a u 13b; |
reportCO2v,mp, ΔCO2v,mp(m) |
huma kif definiti fil-punt 1. |
ANNESS IV
Regoli dwar id-data li għandha tiġi mmonitorjata u rrapportata skont l-Artikoli 13a u 13b
PARTI A: DATA LI GĦANDHA TIĠI MMONITORJATA U RRAPPORTATA MILL-ISTATI MEMBRI
(a) |
in-numri ta’ identifikazzjoni tal-vetturi tqal ġodda kollha kif imsemmijin fl-Artikolu 2 li huma rreġistrati fit-territorju tal-Istat Membru; |
(b) |
isem il-manifattur; |
(c) |
id-ditta (l-isem kummerċjali tal-manifattur); |
(d) |
il-kodiċi għall-karozzerija kif speċifikat fl-entrata 38 taċ-ċertifikat tal-konformità, inklużi, meta applikabbli, iċ-ċifri supplimentari msemmijin fl-Appendiċi 2 tal-Anness I tar-Regolament (UE) 2018/858; |
(e) |
fil-każ tal-vetturi tqal imsemmijin fl-Artikolu 2(1), l-ewwel paragrafu, il-punt (a) jew (b), l-informazzjoni dwar l-impjant tal-enerġija speċifikata fl-entrati 23, 23.1 u 26 taċ-ċertifikat tal-konformità; |
(f) |
il-veloċità massima tal-vettura tqila kif speċifikata fl-entrata 29 taċ-ċertifikat tal-konformità; |
(g) |
l-istadju tat-tlestija, kif indikat fil-mudell magħżul taċ-ċertifikat tal-konformità f’konformità mal-punt 2 tal-Anness VIII tar-Regolament ta’ Implimentazzjoni tal-Kummissjoni (UE) 2020/683 (1); |
(h) |
il-kategorija ta’ vetturi kif speċifikat fl-entrata 0.4 taċ-ċertifikat tal-konformità; |
(i) |
l-għadd ta’ fusien, kif speċifikat fl-entrata 1 taċ-ċertifikat tal-konformità; |
(j) |
il-TPMLM, kif speċifikata fl-entrata 16.1 taċ-ċertifikat tal-konformità; |
(k) |
it-timbru tal-hash kriptografika tal-fajl tar-rekords tal-manifattur kif speċifikat fl-entrata 49.1 taċ-ċertifikat tal-konformità; għall-vetturi tqal rreġistrati sat-30 ta’ Ġunju 2025, l-Istati Membri jistgħu jirrapportaw biss l-ewwel tmien karattri tal-hash kriptografika; |
(l) |
l-emissjonijiet tas-CO2 speċifiċi kif speċifikati fl-entrata 49.5 taċ-ċertifikat tal-konformità; |
(m) |
iċ-ċifra tat-tagħbija medja kif speċifikata fl-entrata 49.6 taċ-ċertifikat tal-konformità; |
(n) |
id-data tar-reġistrazzjoni; |
(o) |
il-TPMLM għal vettura tqila tal-kategorija N3 b’kombinazzjoni tqila ħafna (EHC) imsemmija fl-Artikolu 3, il-punt (25), kif speċifikata fl-entrata 16.4 taċ-ċertifikat tal-konformità jew taċ-ċertifikat tal-approvazzjoni ta’ vettura individwali; |
(p) |
għall-vetturi bi skop speċjali, id-deżinjazzjoni tagħhom kif speċifikata fl-entrata 51 taċ-ċertifikat tal-konformità; |
(q) |
l-għadd ta’ fusien motorizzati, kif speċifikat fl-entrata 3 taċ-ċertifikat tal-konformità; |
(r) |
għall-vetturi tqal approvati skont l-Artikolu 2(3), il-punt (b) tar-Regolament (UE) 2018/858, l-informazzjoni li l-vettura tqila kienet iddisinjata u mibnija jew adattata għall-użu mis-servizzi tal-protezzjoni ċivili, mis-servizzi tat-tifi tan-nar u mill-forzi responsabbli għaż-żamma tal-ordni pubbliku; |
(s) |
għall-vetturi tqal rreġistrati għall-użu mis-servizzi tal-protezzjoni ċivili, mis-servizzi tat-tifi tan-nar jew mill-forzi responsabbli għaż-żamma tal-ordni pubbliku, il-konferma li l-vettura hija rreġistrata għall-użu mis-servizzi tal-protezzjoni ċivili, mis-servizzi tat-tifi tan-nar jew mill-forzi responsabbli għaż-żamma tal-ordni pubblika u li tissodisfa l-kundizzjonijiet stabbiliti fl-Artikolu 3a(5), ta’ dan ir-Regolament. Għall-vetturi tqal kollha inklużi l-vetturi tqal approvati individwalment, l-informazzjoni korrispondenti għandha tkun l-informazzjoni li għandha tiġi pprovduta fiċ-ċertifikat tal-konformità tal-UE jew fiċ-ċertifikat tal-approvazzjoni tal-vettura individwali tal-UE jew fiċ-ċertifikat tal-approvazzjoni individwali nazzjonali f’konformità mal-mudelli stabbiliti fir-Regolament ta’ Implimentazzjoni (UE) 2020/683 irrispettivament minn kwalunkwe eżenzjoni nazzjonali applikabbli skont l-Artikolu 45(1) tar-Regolament (UE) 2018/858. |
PARTI B: DATA LI GĦANDHA TIĠI RRAPPORTATA MILL-MANIFATTURI U MINN ENTITAJIET OĦRAJN
F’konformità mal-Artikolu 13b ta’ dan ir-Regolament, kull rapportatur għandu jirrapporta d-data li ġejja għal dawk il-vetturi tqal li għalihom huwa obbligat jipproduċi Fajl tar-Rekords tal-Manifattur (MRF) jew Fajl ta’ Informazzjoni dwar il-Vettura (VIF) skont ir-Regolament (UE) 2017/2400 (UE) u ir-Regolament ta’ Implimentazzjoni (UE) 2022/1362.
Għall-vetturi tqal msemmijin fil-Parti A, il-punti (p) u (q), tal-Anness IV, il-manifattur imsemmi fl-Artikolu 7a għandu jinforma wkoll lill-Kummissjoni, f’konformità mal-Artikolu 2(4) u (5), jekk il-vettura tqila li kieku kienet tkun eżentata mill-obbligi stabbiliti fl-Artikolu 3a ma hijiex eżentata minn dawk l-obbligi.
Kategoriji ta’ vetturi/subgruppi tal-vetturi |
Rapportaturi |
|||||||||||||||
Manifattur tal-vettura primarja (2) |
Manifattur tal-vettura interim (3) |
Servizz tekniku ddeżinjat (9) |
||||||||||||||
N/kollha |
Mhux applikabbli |
Mhux applikabbli |
|
Mhux applikabbli |
||||||||||||
M/kollha |
tal-vettura primarja |
Mhux applikabbli |
tal-vettura kompleta jew kompluta |
Mhux applikabbli |
||||||||||||
O/kollha |
Mhux applikabbli |
Mhux applikabbli |
|
|
Nru |
Parametru tal-monitoraġġ |
Sors |
Kategoriji ta’ vetturi li għalihom japplika l-parametru tal-monitoraġġ |
15 |
Id-ditta (l-isem kummerċjali tal-manifattur) |
|
Kollha |
24 |
L-isem u l-indirizz tal-manifattur tat-trażmissjoni |
Il-punt 0.4 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness VI tar-Regolament (UE) 2017/2400 |
Kategorija N; Kategorija M: vettura primarja biss; |
25 |
Id-ditta (l-isem kummerċjali tal-manifattur tat-trażmissjoni |
Il-punt 0.1 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness VI tar-Regolament (UE) 2017/2400 |
Kategorija N; Kategorija M: vettura primarja biss; |
32 |
L-isem u l-indirizz tal-manifattur tal-fusien |
Il-punt 0.4 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness VII tar-Regolament (UE) 2017/2400 |
Kategorija N; Kategorija M: vettura primarja biss; Kategorija O; |
33 |
Id-ditta (l-isem kummerċjali tal-manifattur tal-fusien) |
Il-punt 0.1 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness VII tar-Regolament (UE) 2017/2400 |
Kategorija N; Kategorija M: vettura primarja biss; Kategorija O; |
39 |
L-isem u l-indirizz tal-manifattur tat-tajers |
Il-punt 1 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness X tar-Regolament (UE) 2017/2400 |
Kategorija N; Kategorija M: vettura primarja biss; Kategorija O; |
40 |
Id-ditta (l-isem kummerċjali tal-manifattur tat-tajers) |
Il-punt 3 tal-mudell ta’ ċertifikat ta’ komponent, ta’ unità teknika separata jew ta’ sistema tal-Appendiċi 1 tal-Anness X tar-Regolament (UE) 2017/2400 |
Kategorija N; Kategorija M: vettura primarja biss; Kategorija O; |
72 |
In-numru tal-liċenzja għat-tħaddim tal-għodda ta’ simulazzjoni |
|
Kollha |
75 |
L-emissjonijiet tal-massa tas-CO2 tal-magna tul id-WHTC (8) (g/kWh) |
Il-punt 1.4.2 tal-addendum tal-Appendiċi 5, jew il-punt 1.4.2 tal-addendum tal-Appendiċi 7, tal-Anness I tar-Regolament tal-Kummissjoni (UE) Nru 582/2011 (2), skont liema jkun applikabbli |
Kategorija N; Kategorija M: vettura primarja biss; |
76 |
Il-konsum ta’ fjuwil tal-magna tul id-WHTC (g/kWh) |
Il-punt 1.4.2 tal-addendum tal-Appendiċi 5, jew il-punt 1.4.2 tal-addendum tal-Appendiċi 7, tal-Anness I tar-Regolament (UE) Nru 582/2011, skont liema jkun applikabbli |
Kategorija N; Kategorija M: vettura primarja biss; |
77 |
L-emissjonijiet tal-massa tas-CO2 tal-magna tul id-WHSC (9) (g/kWh) |
Il-punt 1.4.1 tal-addendum tal-Appendiċi 5, jew il-punt 1.4.1 tal-addendum tal-Appendiċi 7, tal-Anness I tar-Regolament (UE) Nru 582/2011, skont liema jkun applikabbli |
Kategorija N; Kategorija M: vettura primarja biss; |
78 |
Il-konsum ta’ fjuwil tal-magna tul id-WHSC (g/kWh) |
Il-punt 1.4.1 tal-addendum tal-Appendiċi 5, jew il-punt 1.4.1 tal-addendum tal-Appendiċi 7, tal-Anness I tar-Regolament (UE) Nru 582/2011, skont liema jkun applikabbli |
Kategorija N; Kategorija M: vettura primarja biss; |
101 |
Għall-vetturi tqal b’data tas-simulazzjoni mill-1 ta’ Lulju 2020, in-numru tal-approvazzjoni tat-tip tal-magna |
Il-punt 1.2.1. tal-addendum tal-Appendiċi 5, 6 jew 7 tal-Anness I tar-Regolament (UE) Nru 582/2011, skont liema jkun applikabbli |
Kategorija N; Kategorija M: vettura primarja biss; |
102 |
Għall-vetturi tqal b’data tas-simulazzjoni mill-1 ta’ Lulju 2021, il-fajl CSV (comma separated values) tal-istess isem bħall-job file u b’estensjoni.vsum li jinkludi r-riżultati aggregati għal kull profil tal-missjoni u kundizzjoni ta’ tagħbija simulati |
Fajl iġġenerat bl-għodda ta’ simulazzjoni msemmija fl-Artikolu 5(1), il-punt (a), tar-Regolament (UE) 2017/2400 fil-verżjoni GUI (interfaċċa grafika tal-utent) tiegħu |
kollha |
PARTI C: MEDED TAĊ-ĊIFRI TAR-REŻISTENZA TAL-ARJA (CDXA) GĦALL-FINI TA’ PUBBLIKAZZJONI F’KONFORMITÀ MAL-ARTIKOLU 13c
Għall-fini li tkun pubblikament disponibbli ċ-ċifra CdxA speċifikata fl-entrata tad-data 23 f’konformità mal-Artikolu 13c, il-Kummissjoni għandha tuża l-meded taċ-ċifri definiti fit-tabella li ġejja li fiha l-medda korrispondenti għal kull ċifra CdxA:
Medda |
Ċifra CdxA [m2] |
|
CdxA min (CdxA ≥ CdxA min) |
CdxA mass (CdxA < CdxA mass) |
|
A1 |
0,00 |
3,00 |
A2 |
3,00 |
3,15 |
A3 |
3,15 |
3,31 |
A4 |
3,31 |
3,48 |
A5 |
3,48 |
3,65 |
A6 |
3,65 |
3,83 |
A7 |
3,83 |
4,02 |
A8 |
4,02 |
4,22 |
A9 |
4,22 |
4,43 |
A10 |
4,43 |
4,65 |
A11 |
4,65 |
4,88 |
A12 |
4,88 |
5,12 |
A13 |
5,12 |
5,38 |
A14 |
5,38 |
5,65 |
A15 |
5,65 |
5,93 |
A16 |
5,93 |
6,23 |
A17 |
6,23 |
6,54 |
A18 |
6,54 |
6,87 |
A19 |
6,87 |
7,21 |
A20 |
7,21 |
7,57 |
A21 |
7,57 |
7,95 |
A22 |
7,95 |
8,35 |
A23 |
8,35 |
8,77 |
A24 |
8,77 |
9,21 |
ANNESS V
Ir-rapportar u l-ġestjoni tad-data msemmija fl-Artikoli 13a sa 13c
1. RAPPORTAR MILL-ISTATI MEMBRI
1.1. |
Id-data speċifikata fil-Parti A tal-Anness IV għandha tiġi trażmessa f’konformità mal-Artikolu 13a mill-punt ta’ kuntatt tal-awtorità kompetenti permezz tat-trasferiment elettroniku tad-data lill-Aġenzija Ewropea għall=Ambjent. |
Il-punt ta’ kuntatt għandu jinnotifika lill-Kummissjoni u lill-Aġenzija Ewropea għall-Ambjent meta d-data tiġi trażmesssa bil-posta elettronika fl-indirizzi li ġejjin:
C-CO2-HDV-IMPLEMENTATION@ec.europa.eu
kif ukoll
HDV-monitoring@eea.europa.eu
2. RAPPORTAR MILL-MANIFATTURI
2.1. |
Il-manifatturi għandhom, mingħajr dewmien, jinnotifikaw lill-Kummissjoni bl-informazzjoni li ġejja:
Huma għandhom jinnotifikaw lill-Kummissjoni bla dewmien dwar kwalunkwe tibdil f’dik l-informazzjoni. In-notifiki għandhom jintbagħtu fl-indirizzi msemmija fil-punt 1.1. |
2.2. |
Id-data speċifikata fil-Parti B, il-punt 2, tal-Anness I, għandha tiġi trażmessa f’konformità mal-Artikolu 13b mill-punt ta’ kuntatt tal-manifattur permezz tat-trasferiment elettroniku tad-data lill-Aġenzija Ewropea għall-Ambjent. |
Il-punt ta’ kuntatt għandu jinnotifika lill-Kummissjoni u lill-Aġenzija Ewropea għall-Ambjent meta d-data tiġi trażmesssa bil-posta elettronika fl-indirizzi msemmijin fil-punt 1.1.
3. IPPROĊESSAR TAD-DATA
3.1. |
L-Aġenzija Ewropea għall-Ambjent għandha tipproċessa d-data trażmessa f’konformità mal-punti 1.1 u 2.2 u għandha tirreġistra d-data pproċessata fir-reġistru. |
3.2. |
Id-data relatata ma’ vetturi tqal irreġistrati fil-perijodu ta’ rapportar preċedenti u rreġistrata fir-reġistru għandha ssir pubblika sat-30 ta’ April ta’ kull sena, bl-eċċezzjoni tal-entrati tad-data li ġejjin:
|
3.3. |
Meta awtorità kompetenti jew manifattur jidentifika żbalji fid-data ppreżentata, huwa għandu jinnotifikahom mingħajr dewmien lill-Kummissjoni u lill-Aġenzija Ewropea għall-Ambjent billi jippreżenta rapport ta’ notifika ta’ żball lill-Aġenzija Ewropea għall-Ambjent u b’ittra elettronika fl-indirizzi msemmijin fil-punt 1.1. |
3.4. |
Il-Kummissjoni għandha, bis-sostenn tal-Aġenzija Ewropea għall-Ambjent, tivverifika l-iżbalji nnotifikati u, meta jkun xieraq, tikkoreġi d-data fir-reġistru. |
3.5. |
Il-Kummissjoni, bis-sostenn tal-Aġenzija Ewropea għall-Ambjent, għandha tagħmel formats elettroniċi disponibbli għat-trażmissjonijiet tad-data msemmijin fil-punti 1.1 u 2.2 fi żmien debitu qabel l-iskadenzi għat-trażmissjoni. |
ANNESS VI
Tabella ta’ korrelazzjoni
Regolament (UE) 2018/956 |
Dan ir-Regolament |
Artikolu 1 |
Artikolu 1(2) |
Artikolu 2 |
Artikolu 2 |
Artikolu 3 |
Artikolu 3 |
Artikolu 4 |
Artikolu 13a |
Artikolu 5 |
Artikolu 13b |
Artikolu 6 |
Artikolu 13c |
Artikolu 7 |
Artikolu 13d |
Artikolu 8 |
Artikolu 13e |
Artikolu 9 |
Artikolu 13f |
Artikolu 10 |
— |
Artikolu 11 |
Artikolu 14 |
Artikolu 12 |
Artikolu 16 |
Artikolu 13 |
Artikolu 17 |
Artikolu 14 |
— |
Anness I |
Anness IV |
Anness II |
Anness V”. |
(1) Ir-Regolament ta’ Implimentazzjoni tal-Kummissjoni (UE) 2020/683 tal-15 ta’ April 2020 li jimplimenta r-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti amministrattivi għall-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsubin għat-tali vetturi (ĠU L 163, 26.5.2020, p. 1).
(2) L-Artikolu 3, il-punt (29), tar-Regolament (UE) 2017/2400
(3) L-Artikolu 3, il-punt (31), tar-Regolament (UE) 2017/2400
(4) L-Artikolu 3, il-punt (4a), tar-Regolament (UE) 2017/2400
(5) Fajl tar-rekords tal-manifattur (MRF), l-Artikolu 3, il-punt (23), tar-Regolament (UE) 2017/2400
(6) Fajl ta' informazzjoni dwar il-vettura (VIF), l-Artikolu 3, il-punt (25), tar-Regolament (UE) 2017/2400
(7) L-Artikolu 2,il- punt (5), tar-Regolament ta' Implimentazzjoni (UE) 2022/1362
(8) Fajl tar-rekords tal-manifattur (MRF), l-Artikolu 2, il-punt (9), tar-Regolament ta' Implimentazzjoni (UE) 2022/1362
(9) L-Artikolu 8(6) u (7) tar-Regolament ta’ Implimentazzjoni (UE) 2022/1362
(*1) Informazzjoni addizzjonali:
(2) Ir-Regolament tal-Kummissjoni (UE) Nru 582/2011 tal-25 ta’ Mejju 2011 li jimplimenta u jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy-duty (Euro VI) u li jemenda l-Annessi I u III għad-Direttiva 2007/46/KE tal-Parlament Ewropew u tal-Kunsill (ĠU L 167, 25.6.2011, p. 1).
(10) Ir-Regolament tal-Kummissjoni (UE) Nru 19/2011 tal-11 ta’ Jannar 2011 li jikkonċerna r-rekwiżiti għall-approvazzjoni skont it-tip għall-pjanċa statutorja tal-manifattur u għan-numru ta’ identifikazzjoni tal-vettura għall-vetturi bil-mutur u t-trejlers tagħhom u li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (ĠU L 8, 12.1.2011, p. 1).
ELI: http://data.europa.eu/eli/reg/2024/1610/oj
ISSN 1977-074X (electronic edition)