This document is an excerpt from the EUR-Lex website
Document 32024D0396
Council Decision (EU) 2024/396 of 16 January 2024 on the conclusion, on behalf of the Union, of the Protocol on the implementation of the Fisheries Partnership Agreement between the European Community, on the one hand, and the Republic of Kiribati, on the other (2023-2028)
Deċiżjoni tal-Kunsill (UE) 2024/396 tas-16 ta’ Jannar 2024 dwar il-konklużjoni, f’isem l-Unjoni, tal-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea min-naħa waħda, u r-Repubblika ta’ Kiribati, min-naħa l-oħra (2023–2028)
Deċiżjoni tal-Kunsill (UE) 2024/396 tas-16 ta’ Jannar 2024 dwar il-konklużjoni, f’isem l-Unjoni, tal-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea min-naħa waħda, u r-Repubblika ta’ Kiribati, min-naħa l-oħra (2023–2028)
ST/9862/2023/INIT
ĠU L, 2024/396, 24.1.2024, ELI: http://data.europa.eu/eli/dec/2024/396/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2024/396/oj
|
Il-Ġurnal Uffiċjali |
MT Serje L |
|
2024/396 |
24.1.2024 |
DEĊIŻJONI TAL-KUNSILL (UE) 2024/396
tas-16 ta’ Jannar 2024
dwar il-konklużjoni, f’isem l-Unjoni, tal-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea min-naħa waħda, u r-Repubblika ta’ Kiribati, min-naħa l-oħra (2023–2028)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43, flimkien mal-Artikolu 218(6), it-tieni subparagrafu, il-punt (a)(v) tiegħu, u mal-Artikolu 218(7) tiegħu,
Wara li kkunsidra l-proposta tal-Kummissjoni Ewropea,
Wara li kkunsidra l-kunsens tal-Parlament Ewropew (1),
Billi:
|
(1) |
F’konformità mad-Deċiżjoni tal-Kunsill (UE) 2023/2187 (2), il-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra (2023-2028) (“il-Protokoll”) ġie ffirmat fit-2 ta’ Ottubru 2023. |
|
(2) |
L-objettiv tal-Protokoll huwa li jimplimenta l-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra (“il-Ftehim”) biex jagħti opportunitajiet tas-sajd lill-bastimenti tal-Unjoni fiż-żoni tas-sajd fl-ilmijiet ta’ Kiribati u biex jippermetti lill-Unjoni u lil Kiribati jaħdmu aktar mill-qrib fuq il-promozzjoni tal-kooperazzjoni fil-qasam tal-iżvilupp sostenibbli tal-oċeani, fil-politika tas-sajd u fl-ekonomija blu, filwaqt li jikkontribwixxi għal kundizzjonijiet tax-xogħol deċenti fis-settur tas-sajd. |
|
(3) |
Il-Protokoll jipprevedi opportunitajiet tas-sajd għall-bastimenti tal-Unjoni fiż-żoni tas-sajd ta’ Kiribati, abbażi tal-aħjar parir xjentifiku disponibbli u skont il-miżuri ta’ konservazzjoni u ta’ ġestjoni adottati mill-Kummissjoni għas-Sajd fil-Punent tal-Paċifiku u l-Paċifiku Ċentrali. |
|
(4) |
Jenħtieġ li l-Protokoll jiġi approvat. |
|
(5) |
L-Artikolu 9 tal-Ftehim jistabbilixxi Kumitat Konġunt responsabbli għall-monitoraġġ tal-applikazzjoni tiegħu. Skont l-Artikoli 8 u 18 tal-Protokoll, il-Kumitat Konġunt jista’ japprova ċerti emendi għall-Protokoll. Sabiex tiġi ffaċilitata l-approvazzjoni ta’ dawn l-emendi, jenħtieġ li l-Kummissjoni tingħata s-setgħa tapprovahom f’isem l-Unjoni bi proċedura ssimplifikata, b’ċerti kundizzjonijiet sostantivi u proċedurali. |
|
(6) |
Jenħtieġ li l-Kunsill jistabbilixxi l-pożizzjoni tal-Unjoni dwar l-emendi tal-Protokoll li jkunu ġew proposti. Jenħtieġ li l-emendi proposti jiġu approvati sakemm minoranza li timblokka ma toġġezzjonax għalihom f’konformità mal-Artikolu 16(4) tat-Trattat dwar l-Unjoni Ewropea. |
|
(7) |
Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (3), u bagħat opinjoni fid-19 ta’ Ġunju 2023. |
|
(8) |
Jenħtieġ li din id-Deċiżjoni tidħol fis-seħħ mill-aktar fis possibbli minħabba l-importanza ekonomika tal-attivitajiet tas-sajd tal-Unjoni fl-ilmijiet ta’ Kiribati u l-ħtieġa li jitnaqqas kemm jista’ jkun il-perjodu ta’ żmien qabel ma jkunu jistgħu jitkomplew attivitajiet bħal dawn, |
ADOTTA DIN ID-DEĊIŻJONI:
Artikolu 1
Il-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra (2023-2028) (“il-Protokoll”) huwa b’dan approvat f’isem l-Unjoni.
Artikolu 2
Il-President tal-Kunsill għandu, f’isem l-Unjoni jwassal in-notifika prevista fl-Artikolu 23 tal-Protokoll.
Artikolu 3
F’konformità mal-proċeduri u l-kundizzjonijiet stabbiliti għall-Anness II għal din id-Deċiżjoni, il-Kummissjoni hija awtorizzata li tapprova, f’isem l-Unjoni, l-emendi għall-Protokoll adottati mill-Kumitat Konġunt stabbilit skont l-Artikolu 9 tal-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra.
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-16 ta’ Jannar 2024.
Għall-Kunsill
Il-President
V. VAN PETEGHEM
(1) Approvazzjoni tat-12 ta’ Diċembru 2023 (għadha ma ġietx ippubblikata fil-Ġurnal Uffiċjali).
(2) Id-Deċiżjoni tal-Kunsill (UE) 2023/2187 tas-6 ta’ Settembru 2023 dwar l-iffirmar, f’isem l-Unjoni, u l-applikazzjoni proviżorja tal-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra (2023–2028) (ĠU L, 2023/2187, 18.10.2023, ELI: http://data.europa.eu/eli/dec/2023/2187/oj).
(3) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).
ANNESS
PROĊEDURA BIEX JIĠU APPROVATI L-EMENDI TAL-PROTOKOLL DWAR L-IMPLIMENTAZZJONI TAL-FTEHIM TA’ SĦUBIJA DWAR IS-SAJD BEJN IL-KOMUNITÀ EWROPEA MIN- NAĦA WAĦDA, U R-REPUBBLIKA TA’ KIRIBATI,MIN-NAĦA L-OĦRA (2023-2028) LI L-KUMITAT KONĠUNT GĦANDU JADOTTA
Meta l-Kumitat Konġunt jintalab jadotta emendi tal-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea, min-naħa waħda, u r-Repubblika ta’ Kiribati, min-naħa l-oħra (2023-2028) (‘il-Protokoll’), f’konformità mal-Artikoli 8 u 18 tiegħu, il-proċedura li ġejja tapplika:
|
1. |
Il-Kummissjoni għandha tiżgura li l-approvazzjoni tal-emendi proposti li ssir f’isem l-Unjoni:
|
|
2. |
Qabel l-approvazzjoni tal-emendi proposti f’isem l-Unjoni, il-Kummissjoni għandha tissottomettihom lill-Kunsill fi żmien biżżejjed qabel il-laqgħa rilevanti tal-Kumitat Konġunt. |
|
3. |
Il-Kunsill għandu jevalwa jekk l-emendi proposti jikkonformawx mal-kriterji ddefiniti fil-punt 1. |
|
4. |
Sakemm ma jkunx hemm numru ta’ Stati Membri ekwivalenti għal minoranza li timblokka tal-Kunsill f’konformità mal-Artikolu 16(4) tat-Trattat dwar l-Unjoni Ewropea li joġġezzjonaw għall-emendi proposti, il-Kummissjoni għandha tapprovahom f’isem l-Unjoni. Jekk ikun hemm din il-minoranza li timblokka, il-Kummissjoni għandha tirrifjuta l-emendi proposti f’isem l-Unjoni. |
|
5. |
Jekk, matul laqgħat ulterjuri tal-Kumitat Konġunt, ikun impossibbli li jintlaħaq ftehim, inkluż fuq il-post, il-kwistjoni għandha terġa’ tintbagħat lill-Kunsill, f’konformità mal-punti 2, 3 u 4, sabiex il-pożizzjoni tal-Unjoni tkun tista’ tqis elementi ġodda. |
|
6. |
Il-Kummissjoni hija mistiedna tieħu, fiż-żmien dovut, il-miżuri kollha meħtieġa biex tiżgura s-segwitu tad-deċiżjoni tal-Kumitat Konġunt biex temenda l-protokoll, inkluż, fejn ikun xieraq, il-pubblikazzjoni ta’ dik id-deċiżjoni f’Il-Ġurnal Uffiċjali tal-Unjoni Ewropea u s-sottomissjoni ta’ kwalunkwe proposta meħtieġa għall-implimentazzjoni ta’ dik id-deċiżjoni. |
Fir-rigward ta’ kwistjonijiet oħra li ma jikkonċernawx l-emendi tal-Protokoll, f’konformità mal-Artikoli 8 u 18tiegħu,, il-pożizzjoni li għandha tittieħed mill-Unjoni fil-Kumitat Konġunt għandha tiġi stabbilita f’konformità mat-Trattati u mal-prattiki ta’ ħidma stabbiliti.
ELI: http://data.europa.eu/eli/dec/2024/396/oj
ISSN 1977-074X (electronic edition)