(1)

L-Artikolu 13 tar-Regolament (UE) 2019/472 jagħti s-setgħa lill-Kummissjoni tadotta atti delegati biex tissupplimenta dak ir-Regolament billi tispeċifika d-dettalji tal-obbligu ta’ ħatt l-art għall-istokkijiet kollha tal-ispeċijiet fil-Baħar tat-Tramuntana li għalihom japplika l-obbligu ta’ ħatt l-art skont l-Artikolu 15(1) tar-Regolament (UE) Nru 1380/2013 tal-Parlament Ewropew u tal-Kunsill (2), kif previst fil-punti (a) sa (e) tal-Artikolu 15(5) ta’ dak ir-Regolament abbażi ta’ rakkomandazzjonijiet konġunti żviluppati mill-Istati Membri.

(2)

Ir-Regolament Delegat tal-Kummissjoni (UE) 2020/2015 (3) jispeċifika d-dettalji tal-implimentazzjoni tal-obbligu ta’ ħatt l-art għal ċertu sajd demersali fl-Ilmijiet tal-Punent għall-perjodu 2021-2023, wara żewġ rakkomandazzjonijiet konġunti ppreżentati lill-Kummissjoni mill-Belġju, Spanja, Franza, l-Irlanda u n-Netherlands (l-Istati Membri tal-Ilmijiet tal-Majjistral), u l-Belġju, Spanja, Franza, in-Netherlands u l-Portugall (l-Istati Membri tal-Ilmijiet tal-Lbiċ). Ir-Regolament Delegat (UE) 2020/2015 ġie emendat fl-2021 (4), fl-2022 (5) u fl-2023 (6).

(3)

Wara konsultazzjoni mal-Kunsill Konsultattiv tal-Ilmijiet tal-Majjistral u mal-Kunsill Konsultattiv tal-Istokkijiet Pelaġiċi, l-Istati Membri tal-Ilmijiet tal-Majjistral ippreżentaw rakkomandazzjoni konġunta inizjali lill-Kummissjoni fit-3 ta’ Mejju 2023.

(4)

Wara konsultazzjoni mal-Kunsill Konsultattiv tal-Ilmijiet tal-Lbiċ u mal-Kunsill Konsultattiv tal-Istokkijiet Pelaġiċi, l-Istati Membri tal-Ilmijiet tal-Lbiċ ippreżentaw rakkomandazzjoni konġunta inizjali lill-Kummissjoni fit-2 ta’ Mejju 2023.

(5)

Il-Kumitat Xjentifiku, Tekniku u Ekonomiku għas-Sajd (STECF) ivvaluta r-rakkomandazzjonijiet konġunti inizjali matul il-Plenarja tat-8-12 ta’ Mejju 2023 (7).

(6)

Fis-6 ta’ Lulju 2023, l-Istati Membri tal-Ilmijiet tal-Lbiċ ippreżentaw rakkomandazzjoni konġunta aġġornata.

(7)

Fit-13 ta’ Lulju 2023, l-Istati Membri tal-Ilmijiet tal-Majjistral ippreżentaw rakkomandazzjoni konġunta aġġornata.

(8)

Il-Grupp ta’ Esperti għas-Sajd u l-Akkwakultura qies ir-rakkomandazzjonijiet konġunti aġġornati f’laqgħa fit-28 ta’ Lulju 2023 li l-Parlament Ewropew attenda għaliha bħala osservatur.

(9)

Skont l-Artikolu 13 tar-Regolament (UE) 2019/472, il-Kummissjoni qieset ir-rakkomandazzjonijiet konġunti aġġornati fid-dawl tal-valutazzjoni tal-STECF tar-rakkomandazzjonijiet konġunti inizjali biex tiżgura li r-rakkomandazzjonijiet konġunti aġġornati huma kompatibbli mal-miżuri ta’ konservazzjoni rilevanti tal-Unjoni, inkluż l-obbligu ta’ ħatt l-art.

(10)

Il-Kummissjoni qieset ukoll li: (i) l-evalwazzjoni li jmiss hija mistennija tipprovdi aktar informazzjoni dwar l-effettività, l-effiċjenza, il-koerenza, ir-rilevanza u l-valur miżjud tal-Unjoni tal-obbligu ta’ ħatt l-art; u (ii) l-STECF innota (8) li l-proċess attwali ta’ evalwazzjoni tar-rakkomandazzjonijiet konġunti huwa ineffiċjenti, li hija meħtieġa riflessjoni ulterjuri dwar kif dan jista’ jittejjeb aktar u li riflessjoni bħal din tippermetti diskussjoni dwar kwistjonijiet ta’ data u dwar is-sejba ta’ modi ġodda biex tittejjeb l-implimentazzjoni tal-obbligu ta’ ħatt l-art.

(11)

L-eżenzjonijiet marbuta mal-kapaċità ta’ sopravivenza għolja li ġejjin mill-obbligu ta’ ħatt l-art jenħtieġ li japplikaw għall-Ilmijiet tal-Majjistral.

(12)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-iskampu li jinqabad bin-nases u bil-kavetti, u bix-xbieki tat-tkarkir tal-qiegħ fis-subżoni 6 u 7 tal-Kunsill Internazzjonali għall-Esplorazzjoni tal-Baħar (“ICES”). L-Istati Membri talbu li l-eżenzjoni titkompla. L-STECF evalwa l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-istimi tas-sopravivenza u r-rati ta’ skartar huma varjabbli bejn iż-żoni, l-istudji dwar is-sopravivenza twettqu b’mod robust u juru l-benefiċċji ta’ titjib fis-selettività permezz ta’ miżuri tekniċi (9). Għalhekk, għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(13)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għal-lingwata komuni inqas mid-daqs minimu ta’ referenza għall-konservazzjoni li tinqabad bi xbieki tat-tkarkir tal-qiegħ b’daqs tal-malja ta’ 80-99 mm fid-diviżjoni 7d tal-ICES sa sitt mili nawtiċi mill-kosta iżda barra miż-żoni ta’ tkabbir identifikati, u bi xbieki tat-tkarkir bid-diriġenti b’malja tal-manka akbar minn 80 mm fid-diviżjoni 7e tal-ICES sa sitt mili nawtiċi mill-kosta iżda barra miż-żoni ta’ tkabbir identifikati. L-Istati Membri talbu li l-eżenzjoni titkompla. L-STECF evalwa l-informazzjoni ppreżentata bħala parti mir-rakkomandazzjoni konġunta inizjali u kkonkluda li s-sopravivenza hija raġonevoli u li l-istudji ppreżentati twettqu b’mod robust (10). Għalhekk, għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(14)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għar-rebekkini u r-raj li jinqabdu bl-irkapti kollha fis-subżoni 6 u 7 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li s-sopravivenza hija varjabbli skont l-irkaptu u l-istaġun, il-livell ta’ kooperazzjoni bejn l-Istati Membri huwa notevoli u l-eżenzjoni kienet il-katalista għal dan ix-xogħol (11). Barra minn hekk, fir-rakkomandazzjoni konġunta aġġornata, l-Istati Membri impenjaw ruħhom li jwettqu metaanaliżi dwar is-sopravivenza bil-għan li jivvalutaw l-effett ġenerali tal-eżenzjoni. Għal dawn ir-raġunijiet, u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(15)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-barbun tat-tbajja’ li jinqabad b’pariti, xbieki tat-tkarkir bid-diriġenti, xbieki tat-tkarkir bi travu, tartaruni Daniżi u tartaruni fid-diviżjoni 7 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li r-rati ta’ sopravivenza huma varjabbli u l-aktar baxxi fis-segmenti li jirrappreżentaw l-ogħla qabdiet, bl-ogħla rati u volumi ta’ skartar, għaddejja ħidma fis-sajd ikkonċernat biex jittejbu s-selettività u l-probabbiltajiet ta’ sopravivenza b’irkapti u teknoloġiji innovattivi (12). Biex tkun tista’ titkompla din il-ħidma u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(16)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-ispeċijiet li jinqabdu fin-nases fis-subżoni 5 (eskluża 5a u inklużi biss l-ilmijiet tal-Unjoni ta’ 5b), 6 u 7 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-kwantitajiet globali ta’ ħut proposti huma negliġibbli, it-tipi ta’ rkaptu huma relattivament favorevoli u l-impatt tal-eżenzjoni x’aktarx li jkun minimu (13). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(17)

Ir-Regolament Delegat (UE) 2020/2015 jinkludi eżenzjoni tas-sopravivenza għolja għall-kavalli u l-aringi fis-sajd tat-tartarun tal-borża fis-subżona 6 tal-ICES; u għall-kavalli u l-aringi li jinqabdu fis-sajd bit-tartarun tal-lampara li jimmira għall-ispeċijiet pelaġiċi mhux soġġetti għal kwoti fid-diviżjonijiet 7e u 7f tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li għalkemm ma setax jivverifika jekk il-kundizzjonijiet issodisfati matul l-esperimenti ppreżentati humiex rappreżentattivi tal-kundizzjonijiet esperjenzati f’operazzjonijiet tas-sajd kummerċjali, l-istimi tas-sopravivenza ta’ 70 % għall-kavalli u għall-aringi huma l-aħjar disponibbli għas-sajd bit-tartarun tal-borża (14). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(18)

L-eżenzjonijiet marbuta mal-kapaċità ta’ sopravivenza għolja li ġejjin mill-obbligu ta’ ħatt l-art jenħtieġ li japplikaw għall-Ilmijiet tal-Lbiċ.

(19)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-iskampu li jinqabad bi xbieki tat-tkarkir tal-qiegħ fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li r-rati ta’ sopravivenza jvarjaw bejn il-flotot u li d-delijiet għall-iskartar tal-ħut urew li kienu effiċjenti fit-tnaqqis tal-mortalità mill-iskartar (15). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027 għal dawk il-bastimenti li jkollhom installati delijiet għall-iskartar tal-ħut.

(20)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għar-rebekkini u r-raj, minbarra r-raj kukù, li jinqabdu bl-irkapti kollha fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li hemm indikazzjonijiet li l-impatti jvarjaw skont it-tipi ta’ rkaptu u l-ispeċijiet, għaddejjin għadd ta’ studji xjentifiċi biex tiġi vvalutata l-kapaċità ta’ sopravivenza ta’ speċijiet differenti ta’ rebekkini u raj (16). Biex ikunu jistgħu jitlestew dawn l-istudji, biex tiġi żgurata l-konsistenza mal-Ilmijiet tal-Majjistral u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(21)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-paġella ħamra li tinqabad bl-irkaptu artiġjanali voracera fid-diviżjoni 9a tal-ICES, u bis-snanar u x-xlief fis-subżoni 8 u 10 u d-diviżjoni 9a tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni ġdida pprovduta biex tappoġġa l-eżenzjoni hija limitata u hemm inċertezza dwar l-istimi tas-sopravivenza tal-qbid skartat u l-ammonti mhux magħrufa ta’ qbid skartat flimkien ma’ tnaqqis fil-ħatt l-art. Ir-rapport tal-STECF jindika li huma meħtieġa studji ġodda biex jiġu stmati r-rati ta’ sopravivenza abbażi ta’ osservazzjonijiet fil-magħluq li kienu nqabdu minn operazzjonijiet kummerċjali rappreżentattivi (17). Biex ikunu jistgħu jitlestew dawn l-istudji u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(22)

Ir-Regolament Delegat (UE) 2020/2015 jinkludi eżenzjoni marbuta mal-kapaċità ta’ sopravivenza għolja għall-inċova, is-sawrell u l-kavalli fis-sajd bit-tartarun tal-borża. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li xi impatti ma setgħux jiġu vvalutati, l-istimi tas-sopravivenza fi studji preċedenti wrew li kienu għoljin għal dawn l-ispeċijiet. Barra minn hekk, għaddejjin studji xjentifiċi (18). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(23)

Jenħtieġ li japplikaw l-eżenzjonijiet de minimis li ġejjin mill-obbligu ta’ ħatt l-art għall-Ilmijiet tal-Majjistral.

(24)

Ir-Regolament Delegat (UE) 2020/2015 jinkludi eżenzjoni de minimis għall-merlangu li jinqabad minn bastimenti li jużaw xbieki tat-tkarkir tal-qiegħ u tartaruni b’daqs tal-malja ta’ 80 mm jew akbar, xbieki tat-tkarkir pelaġiku u xbieki tat-tkarkir bi travu b’daqs tal-malja ta’ 80-119-il mm fid-diviżjonijiet 7d u 7e tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li ma ġiet ippreżentata l-ebda informazzjoni ġdida biex tappoġġa l-eżenzjoni, studji preċedenti kienu wrew li l-użu ta’ ċerti apparati ta’ selettività wassal għal telf sinifikanti ta’ qabdiet kummerċjali (19). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(25)

Ir-Regolament Delegat (UE) 2020/2015 jinkludi eżenzjoni de minimis għal-lingwata komuni li tinqabad minn bastimenti li jużaw pariti u għeżula fid-diviżjonijiet 7d sa 7 g tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-irkapti tas-sajd taħt din l-eżenzjoni huma mgħammra biex jaqbdu l-lingwata komuni fid-daqs minimu ta’ referenza għall-konservazzjoni u ogħla minnu. Barra minn hekk, fir-rapport tiegħu, l-STECF indika li huwa probabbli li t-titjib fis-selettività jirriżulta f’telf kummerċjali. Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(26)

Ir-Regolament Delegat (UE) 2020/2015 jinkludi eżenzjoni de minimis għal-lingwata komuni li tinqabad minn bastimenti li jużaw xbieki tat-tkarkir bi travu b’daqs tal-malja ta’ 80 sa 119-il mm mgħammra b’pannell Fjamming, biex jaqbdu l-lingwata komuni fid-diviżjonijiet 7d sa 7h, 7j u 7k tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni hija limitata fir-rigward tal-livell ta’ użu jew id-data ta’ monitoraġġ dwar l-apparat ta’ selettività. Madankollu, fir-rapport tiegħu, l-STECF indika wkoll li huwa pożittiv li l-eżenzjoni hija relatata mal-użu ta’ modifika tal-irkaptu li ntwera li tnaqqas il-livell ta’ qabdiet mhux mixtieqa. Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(27)

Ir-Regolament Delegat (UE) 2020/2015 jinkludi eżenzjoni de minimis għall-merluzz tal-linja sewda li jinqabad minn bastimenti li joperaw b’daqs tal-malja ta’ 100 mm jew akbar għax-xbieki tat-tkarkir tal-qiegħ u t-tartaruni kollha; minn bastimenti li joperaw b’daqs tal-malja ta’ 80 mm jew akbar b’ċerti speċifikazzjonijiet dwar il-kompożizzjoni tal-qabda; u minn bastimenti li joperaw bi xbieki tat-tkarkir bi travu li jużaw daqsijiet tal-malji ta’ 80 mm jew akbar flimkien mal-użu ta’ pannell Fjamming fid-diviżjonijiet 7b, 7c u 7e sa 7k tal-ICES. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-istokk tal-merluzz tal-linja sewda fil-Baħar Ċeltiku bħalissa qed jinqabad b’mod sostenibbli, hemm rata għolja ta’ skartar f’xi sajd. L-STECF ikkonkluda wkoll li t-titjib tas-selettività jenħtieġ li jibqa’ prijorità f’dan is-sajd u li diġà sar titjib f’diversi tipi ta’ sajd (20). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027, dment li l-miżuri tekniċi fil-punt 1.3.2 tal-parti B tal-Anness VI tar-Regolament (UE) 2019/1241 tal-Parlament Ewropew u tal-Kunsill (21) jibqgħu fis-seħħ wara l-31 ta’ Diċembru 2023.

(28)

Ir-Regolament Delegat (UE) 2020/2015 jinkludi eżenzjoni de minimis għall-pixxi trumbetta li jinqabad minn bastimenti li jużaw xbieki tat-tkarkir tal-qiegħ fid-diviżjonijiet 7b, 7c u 7f sa 7k tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni hija limitata fir-rigward tat-telf potenzjali derivat mit-tneħħija tal-eżenzjoni, ġiet ipprovduta informazzjoni dwar il-provi tas-selettività u huwa possibbli titjib fis-selettività f’xi sajd. Barra minn hekk, fil-valutazzjonijiet preċedenti tiegħu, l-STECF ikkonkluda li t-titjib tas-selettività għall-pixxi trumbetta biss ikun ta’ sfida (22). Barra minn hekk, hemm ukoll ir-riskju li l-pixxi trumbetta jsir speċi bi kwota limitanti f’diversi tipi ta’ sajd demersali. Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(29)

Ir-Regolament Delegat (UE) 2020/2015 jinkludi eżenzjoni de minimis għall-megrim inqas mid-daqs minimu ta’ referenza għall-konservazzjoni li jinqabad bi xbieki tat-tkarkir bi travu b’daqs tal-malja ta’ 80 sa 119-il mm fis-subżona 7 tal-ICES u bl-użu ta’ xbieki tat-tkarkir tal-qiegħ f’kundizzjonijiet speċifiċi. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni l-ġdida pprovduta biex tappoġġa l-eżenzjoni hija limitata u huwa possibbli titjib dwar is-selettività. Madankollu, fir-rapport tiegħu, l-STECF indika wkoll li xi studji wrew li l-apparat ta’ selettività wassal għal tnaqqis sinifikanti fil-qabda kummerċjabbli f’xi sajd (23). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(30)

Ir-Regolament Delegat (UE) 2020/2015 jinkludi eżenzjoni de minimis għal-lingwata komuni li tinqabad minn bastimenti li jużaw xbieki tat-tkarkir bi travu b’daqs tal-malja ta’ 80 sa 119-il mm b’żieda fis-selettività (pannell Fjamming) fid-diviżjonijiet 7a tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni ppreżentata b’appoġġ għal din l-eżenzjoni kienet l-istess bħal fis-snin preċedenti. Barra minn hekk, fil-valutazzjoni preċedenti tiegħu (24), l-STECF irrikonoxxa li ġew stabbiliti miżuri biex titnaqqas il-qabda mhux mixtieqa tal-lingwata. Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(31)

Ir-Regolament Delegat (UE) 2020/2015 jinkludi eżenzjoni de minimis għall-arġentina kbira li tinqabad minn bastimenti li jużaw xbieki tat-tkarkir tal-qiegħ b’daqs tal-malja ta’ 100 mm jew akbar (TR1) fid-diviżjoni 5b (ilmijiet tal-Unjoni) u fis-subżona 6 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-eżenzjoni x’aktarx ma jkollhiex impatt sinifikanti fuq l-istokk minħabba l-livell baxx ta’ qbid skartat (25). Barra minn hekk, fil-valutazzjonijiet preċedenti tiegħu, l-STECF indika li huwa diffiċli li jinkiseb titjib dwar is-selettività għal xi sajd mingħajr ma l-flotot ikkonċernati jġarrbu kostijiet sproporzjonati (26). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(32)

Ir-Regolament Delegat (UE) 2020/2015 jinkludi żewġ eżenzjonijiet de minimis għas-sawrell u għall-kavalli li jinqabdu f’sajd demersali mħallat minn bastimenti li jużaw xbieki tat-tkarkir tal-qiegħ, tartaruni u xbieki tat-tkarkir bi travu fis-subżona 6 tal-ICES u fid-diviżjonijiet 7b sa 7k tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li ż-żieda fis-selettività mingħajr ma jitnaqqas ir-rendiment hija diffiċli ħafna (27). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(33)

Ir-Regolament Delegat (UE) 2020/2015 jinkludi eżenzjoni de minimis għall-istokkafixx fis-sajd industrijali b’bastimenti tat-tkarkir pelaġiku fis-subżoni 6 u 7 u d-diviżjoni 5b tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni li tappoġġa l-eżenzjoni hija fil-biċċa l-kbira l-istess bħal fis-snin preċedenti, jiġifieri d-diffikultà biex jittejbu s-selettività u l-kostijiet addizzjonali tal-immaniġġar (28). L-STECF ikkonkluda wkoll li d-deskrizzjoni tal-operazzjoni abbord il-bastiment u l-informazzjoni pprovduta biex tappoġġa l-affermazzjoni li l-kostijiet tal-immaniġġar tal-qabdiet mhux mixtieqa abbord huma sproporzjonati jipprovdu ġustifikazzjoni raġonevoli għal din l-eżenzjoni (29). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(34)

Ir-Regolament Delegat (UE) 2020/2015 jinkludi eżenzjoni de minimis għas-sawrell, il-kavalli u l-merlangu li jinqabdu b’bastimenti tat-tkarkir pelaġiku b’tul totali sa 25 metru bl-użu ta’ xbieki tat-tkarkir pelaġiku fid-diviżjoni 7d tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni l-ġdida pprovduta biex tappoġġa l-eżenzjoni hija limitata. Madankollu, fir-rapport tiegħu, l-STECF indika wkoll li huwa diffiċli li jinkiseb titjib fis-selettività (30). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(35)

Jenħtieġ li japplikaw l-eżenzjonijiet de minimis li ġejjin mill-obbligu ta’ ħatt l-art għall-Ilmijiet tal-Lbiċ.

(36)

Ir-Regolament Delegat (UE) 2020/2015 jinkludi eżenzjoni de minimis għall-merluzz li jinqabad bi xbieki tat-tkarkir u tartaruni fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li minkejja bosta studji dwar is-selettività, ma nstabet l-ebda soluzzjoni. Barra minn hekk, fir-rapport tiegħu, l-STECF indika li l-istudji ġeneralment urew li l-modifiki fl-irkaptu ttestjati huma ineffettivi jew iwasslu għal telf inaċċettabbli ta’ qabdiet kummerċjabbli (31). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(37)

Ir-Regolament Delegat (UE) 2020/2015 jinkludi eżenzjoni de minimis għal-lingwata komuni li tinqabad bi xbieki tat-tkarkir pelaġiku, xbieki tat-tkarkir bi travu u xbieki tat-tkarkir tal-qiegħ fid-diviżjonijiet 8a u 8b tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-informazzjoni l-ġdida pprovduta biex tappoġġa l-eżenzjoni hija limitata. Madankollu, fir-rapport tiegħu, l-STECF indika li l-informazzjoni pprovduta turi żieda fil-ħinijiet tal-għażla abbord assoċjata mal-obbligu ta’ ħatt l-art (32). Barra minn hekk, ir-rata ta’ skartar u l-volum tal-qabdiet mhux mixtieqa huma baxxi. Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(38)

Ir-Regolament Delegat (UE) 2020/2015 jinkludi eżenzjoni de minimis għal-lingwata komuni li tinqabad bil-pariti u l-għeżula fid-diviżjonijiet 8a u 8b tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li s-selettività għax-xbieki statiċi għal-lingwata hija għolja (33). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(39)

Ir-Regolament Delegat (UE) 2020/2015 jinkludi eżenzjoni de minimis għall-fonsa ħamra li tinqabad bis-snanar u x-xlief fis-subżona 10 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni l-ġdida pprovduta biex tappoġġa l-eżenzjoni hija limitata (34), il-valutazzjonijiet preċedenti tiegħu rigward id-diffikultajiet minħabba s-selettività u l-kostijiet sproporzjonati baqgħu rilevanti (35). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(40)

Ir-Regolament Delegat (UE) 2020/2015 jinkludi eżenzjoni de minimis għas-sawrell li jinqabad bi xbieki tat-tkarkir bi travu, xbieki tat-tkarkir tal-qiegħ u tartaruni fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li ż-żieda fis-selettività mingħajr ma jitnaqqas ir-rendiment hija diffiċli ħafna (36). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(41)

Ir-Regolament Delegat (UE) 2020/2015 jinkludi eżenzjoni de minimis għas-sawrell li jinqabad bl-għeżula fis-subżoni 8, 9 u 10 tal-ICES u ż-żoni 34.1.1, 34.1.2 u 34.2.0 tal-Kumitat tas-Sajd għall-Atlantiku Ċentrali tal-Lvant (“CECAF”). L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni l-ġdida pprovduta biex tappoġġa l-eżenzjoni hija limitata, il-valutazzjonijiet preċedenti tiegħu baqgħu rilevanti. Barra minn hekk, f’dawk il-valutazzjonijiet preċedenti (37), l-STECF indika li jkun raġonevoli li wieħed jassumi li s-selettività għas-sawrell f’dan is-sajd hija diffiċli biex tinkiseb. Għal dik ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(42)

Ir-Regolament Delegat (UE) 2020/2015 jinkludi żewġ eżenzjonijiet de minimis għall-kavalli li jinqabdu bix-xbieki tat-tkarkir bi travu, bix-xbieki tat-tkarkir tal-qiegħ u bit-tartaruni fis-subżoni 8 u 9 tal-ICES; u għall-kavalli li jinqabdu bl-għeżula fis-subżoni 8 u 9 tal-ICES u fiż-żoni 34.1.1, 34.1.2 u 34.2.0 tas-CECAF. L-Istati Membri talbu li dawn l-eżenzjonijiet jitkomplew. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li ż-żieda fis-selettività mingħajr ma jitnaqqas ir-rendiment hija diffiċli ħafna f’dan is-sajd (38). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjonijiet mitluba jenħtieġ li jingħataw mill-1 ta’ Jannar 2024 sal-31 ta’ Diċembru 2027.

(43)

Ir-Regolament Delegat (UE) 2020/2015 jinkludi eżenzjoni de minimis għall-megrim li jinqabad bi xbieki tat-tkarkir bi travu, xbieki tat-tkarkir tal-qiegħ u tartaruni fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li minkejja bosta esperimenti dwar is-selettività, ma nstabet l-ebda soluzzjoni. Barra minn hekk, fil-valutazzjonijiet preċedenti tiegħu, l-STECF indika li t-tnaqqis tar-rati ta’ skartar permezz ta’ titjib fis-selettività huwa diffiċli f’dan is-sajd (39). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(44)

Ir-Regolament Delegat (UE) 2020/2015 jinkludi eżenzjoni de minimis għall-megrim li jinqabad bl-għeżula fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li wieħed jista’ jassumi li s-selettività tax-xbieki statiċi għall-megrim hija għolja u li l-kostijiet għall-immaniġġar tal-volumi żgħar ħafna ta’ megrim huma sinifikanti (40). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(45)

Ir-Regolament Delegat (UE) 2020/2015 jinkludi eżenzjoni de minimis għall-petriċa kbira li tinqabad bi xbieki tat-tkarkir pelaġiku, xbieki tat-tkarkir bi travu, xbieki tat-tkarkir tal-qiegħ u tartaruni fis-subżoni 8 u 9 tal-ICES. L-Istati Membri talbu li l-eżenzjoni titkompla, iżda jiġu esklużi x-xbieki tat-tkarkir pelaġiku, peress li ma hemm l-ebda qabdiet irrappurtati ta’ petriċa kbira bl-użu ta’ dan l-irkaptu. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li l-istudji dwar it-titjib tas-selettività wrew telf relattivament għoli ta’ qbid kummerċjali (41). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(46)

Ir-Regolament Delegat (UE) 2020/2015 jinkludi eżenzjoni de minimis għall-petriċa kbira li tinqabad bl-għeżula fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li hemm indikazzjonijiet li s-selettività tax-xbieki statiċi għall-petriċa kbira ma tistax tittejjeb minħabba l-morfoloġija tal-ispeċi u li l-kostijiet għall-immaniġġar tal-volumi żgħar ħafna ta’ petriċa kbira huma sinifikanti (42). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(47)

Ir-Regolament Delegat (UE) 2020/2015 jinkludi eżenzjoni de minimis għall-merlangu li jinqabad bl-għeżula fis-subżona 8 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni l-ġdida pprovduta biex tappoġġa l-eżenzjoni hija limitata, il-valutazzjonijiet preċedenti tiegħu baqgħu rilevanti. Barra minn hekk, fil-valutazzjonijiet preċedenti tiegħu (43), l-STECF ikkonkluda li t-titjib fis-selettività huwa diffiċli biex jinkiseb fis-sajd bl-għeżula. Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(48)

Ir-Regolament Delegat (UE) 2020/2015 jinkludi eżenzjoni de minimis għall-inċova li tinqabad bi xbieki tat-tkarkir bi travu, xbieki tat-tkarkir tal-qiegħ u tartaruni fis-subżoni 8 u 9 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li d-data dwar il-qbid tissuġġerixxi li l-livell ta’ qabdiet mhux mixtieqa fis-sajd rilevanti huwa baxx u li l-impatt tal-eżenzjoni x’aktarx li jkun baxx (44). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(49)

Ir-Regolament Delegat (UE) 2020/2015 jinkludi żewġ eżenzjonijiet de minimis għall-paġella ħamra li tinqabad bix-xbieki tat-tkarkir bi travu, bix-xbieki tat-tkarkir tal-qiegħ u bit-tartaruni fil-parti tal-Golf ta’ Cádiz tad-diviżjoni 9a tal-ICES; u l-lingwata maqbuda bix-xbieki tat-tkarkir bi travu, bix-xbieki tat-tkarkir tal-qiegħ u bit-tartaruni fil-parti tal-Golf ta’ Cádiz tad-diviżjoni 9a tal-ICES. L-Istati Membri talbu li dawn l-eżenzjonijiet jitkomplew. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni pprovduta biex tappoġġa l-eżenzjoni hija limitata, il-valutazzjonijiet preċedenti tiegħu baqgħu rilevanti. Barra minn hekk, f’dawk il-valutazzjonijiet preċedenti (45), l-STECF indika li l-analiżi pprovduta dwar il-kostijiet sproporzjonati wriet li jkun hemm żieda fil-ħin tal-immaniġġar u tal-għażla abbord skont id-daqs tal-bastimenti, jekk l-eżenzjonijiet ma jingħatawx. Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjonijiet mitluba jenħtieġ li jingħataw mill-1 ta’ Jannar 2024 sal-31 ta’ Diċembru 2027.

(50)

Ir-Regolament Delegat (UE) 2020/2015 jinkludi eżenzjoni de minimis għall-istokkafixx li jinqabad bi xbieki tat-tkarkir pelaġiku u xbieki tat-tkarkir pelaġiku bil-paranzi fis-subżona 8 tal-ICES. L-Istati Membri talbu li l-eżenzjoni titkompla. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li filwaqt li l-informazzjoni l-ġdida pprovduta biex tappoġġa l-eżenzjoni hija limitata, l-impatt ta’ din l-eżenzjoni jidher baxx. Barra minn hekk, l-informazzjoni pprovduta biex tappoġġa l-affermazzjoni li l-kostijiet tal-immaniġġar tal-qabdiet mhux mixtieqa abbord huma sproporzjonati tipprovdi ġustifikazzjoni raġonevoli għal din l-eżenzjoni (46). Għal dawn ir-raġunijiet u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjoni mitluba jenħtieġ li tingħata mill-1 ta’ Jannar 2024 sal-31 ta’ Diċembru 2027.

(51)

Ir-Regolament Delegat (UE) 2020/2015 jinkludi żewġ eżenzjonijiet de minimis għall-inċova u għas-sawrell li jinqabdu bix-xbieki tat-tkarkir pelaġiku fis-subżona 8 tal-ICES; u għas-sawrell li jinqabad bl-użu ta’ tartaruni tal-borża fis-subżoni 8, 9 u 10 tal-ICES u fid-diviżjonijiet 34.1.1, 34.1.2 u 34.2.0 tas-CECAF. L-Istati Membri talbu li dawn l-eżenzjonijiet jitkomplew. L-STECF ivvaluta l-informazzjoni ppreżentata bħala parti mir-rakkomandazzjoni konġunta inizjali u kkonkluda li, għalkemm limitata, l-informazzjoni ppreżentata tindika li ż-żieda fis-selettività mingħajr ma jitnaqqas ir-rendiment hija diffiċli ħafna (47). Għal din ir-raġuni u għar-raġunijiet stabbiliti fil-premessi (9) u (10) hawn fuq, il-Kummissjoni għalhekk jidhrilha li l-eżenzjonijiet mitluba jenħtieġ li jingħataw mill-1 ta’ Jannar 2024 sal-31 ta’ Diċembru 2027.

(52)

Il-miżuri fir-rakkomandazzjonijiet konġunti aġġornati huma konformi mal-Artikolu 15(4), l-Artikolu 15(5)(c) u l-Artikolu 18(3) tar-Regolament (UE) Nru 1380/2013, u mar-Regolament (UE) 2019/472, b’mod partikolari l-Artikolu 13 tiegħu, u għalhekk jistgħu jiġu inklużi f’dan ir-Regolament.

(53)

Peress li l-miżuri previsti f’dan ir-Regolament għandhom impatt dirett fuq l-ippjanar tal-istaġun tas-sajd tal-bastimenti tal-Unjoni u fuq l-attivitajiet ekonomiċi relatati, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu.

(54)

Jenħtieġ li huwa japplika mill-1 ta’ Jannar 2024,