EUR-Lex Access to European Union law
This document is an excerpt from the EUR-Lex website
Document 32014D0505
2014/505/EU: Council Decision of 23 July 2014 on the signing, on behalf of the Union, and provisional application of the Agreement between the European Union and the Kingdom of Norway on reciprocal access to fishing in the Skagerrak for vessels flying the flag of Denmark, Norway and Sweden
2014/505/UE: Deċiżjoni tal-Kunsill tat- 23 ta' Lulju 2014 dwar l-iffirmar, f'isem l-Unjoni, u l-applikazzjoni provviżorja tal-Ftehim bejn l-Unjoni Ewropea u r-Renju tan-Norveġja dwar aċċess reċiproku għas-sajd fi Skagerrak għal bastimenti li jtajru l-bandiera tad-Danimarka, tan-Norveġja u tal-Isvezja
2014/505/UE: Deċiżjoni tal-Kunsill tat- 23 ta' Lulju 2014 dwar l-iffirmar, f'isem l-Unjoni, u l-applikazzjoni provviżorja tal-Ftehim bejn l-Unjoni Ewropea u r-Renju tan-Norveġja dwar aċċess reċiproku għas-sajd fi Skagerrak għal bastimenti li jtajru l-bandiera tad-Danimarka, tan-Norveġja u tal-Isvezja
ĠU L 224, 30/07/2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2014/505/oj
|
30.7.2014 |
MT |
Il-Ġurnal Uffiċjali tal-Unjoni Ewropea |
L 224/1 |
DEĊIŻJONI TAL-KUNSILL
tat-23 ta' Lulju 2014
dwar l-iffirmar, f'isem l-Unjoni, u l-applikazzjoni provviżorja tal-Ftehim bejn l-Unjoni Ewropea u r-Renju tan-Norveġja dwar aċċess reċiproku għas-sajd fi Skagerrak għal bastimenti li jtajru l-bandiera tad-Danimarka, tan-Norveġja u tal-Isvezja
(2014/505/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, b'mod partikolari l-Artikolu 43(2), flimkien mal-Artikolu 218(5) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Ftehim dwar aċċess reċiproku għas-sajd fi Skagerrak u Kattegat (“Ftehim tal-1966”) bejn id-Danimarka, in-Norveġja u l-Isvezja ġie ffirmat fid-19 ta' Diċembru 1966 u daħal fis-seħħ fis-7 ta' Awwissu 1967. |
|
(2) |
Il-Ftehim tal-1966 ippermetta aċċess reċiproku bejn id-Danimarka, in-Norveġja u l-Isvezja biex jistadu fiż-żona sa erba' mili nawtiċi mil-linji bażi rispettivi tagħhom fi Skagerrak u Kattegat. Dan stabbilixxa wkoll li, għall-finijiet ta' tali sajd, iż-żona inkwistjoni titqies li tikkostitwixxi ibħra miftuħa u li għalhekk il-ġurisdizzjoni tal-Istat tal-bandiera applikat fi kwistjonijiet bħal dawk tal-kontroll. |
|
(3) |
Permezz tal-adeżjoni tad-Danimarka u l-Isvezja mal-Unjoni fl-1973 u l-1995 rispettivament, l-Unjoni saret responsabbli mill-amministrazzjoni tal-Ftehim tal-1966 f'isem dawk iż-żewġ Stati Membri. |
|
(4) |
Fid-29 ta' Lulju 2009, il-Ministru tal-Affarijiet Barranin tan-Norveġja nnotifika lid-Danimarka, id-depożitarju tal-Ftehim tal-1966, li huma xtaqu jitterminaw il-Ftehim tal-1966 permezz ta' denunzja formali f'konformità ma' dak il-Ftehim u konsegwentement, il-Ftehim tal-1966 skada fis-7 ta' Awwissu 2012. |
|
(5) |
Il-Kunsill awtorizza lill-Kummissjoni biex tinnegozja, f'isem l-Unjoni, Ftehim ġdid mar-Renju tan-Norveġja dwar aċċess reċiproku għas-sajd fi Skagerrak u Kattegat. |
|
(6) |
B'riżultat ta' dawn in-negozjati, fl-24 ta' Ottubru 2013 ġie inizjalat il-Ftehim bejn l-Unjoni Ewropea u r-Renju tan-Norveġja dwar aċċess reċiproku għas-sajd fi Skagerrak għal bastimenti li jtajru l-bandiera tad-Danimarka, tan-Norveġja u tal-Isvezja (il-“Ftehim”). |
|
(7) |
Il-Ftehim għandu jiġi ffirmat. |
|
(8) |
Sabiex ikun hemm garanzija tal-kontinwazzjoni ta' aċċess għall-bastimenti tal-Unjoni għall-attivitajiet tas-sajd, il-Ftehim għandu jiġi applikat fuq bażi provviżorja sa sentejn mid-data tal-firma tiegħu, sa meta jidħol fis-seħħ, |
ADOTTA DIN ID-DEĊIŻJONI:
Artikolu 1
L-iffirmar f'isem l-Unjoni tal-Ftehim bejn l-Unjoni Ewropea u r-Renju tan-Norveġja dwar aċċess reċiproku għas-sajd fi Skagerrak għal bastimenti li jtajru l-bandiera tad-Danimarka, tan-Norveġja u tal-Isvezja huwa b'dan awtorizzat, suġġett għall-konklużjoni tal-imsemmi Ftehim.
It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat jaħtar lill-persuna jew persuni mogħtija s-setgħa li jiffirmaw il-Ftehim f'isem l-Unjoni.
Artikolu 3
Il-Ftehim għandu jiġi applikat fuq bażi provviżorja sa sentejn mid-data tal-iffirmar tiegħu (1), sa meta jidħol fis-seħħ.
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-23 ta' Lulju 2014.
Għall-Kunsill
Il-President
S. GOZI
(1) Id-data tal-iffirmar tal-Ftehim tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.