1.6.2013   

MT

Il-Ġurnal Uffiċjali tal-Unjoni Ewropea

L 148/1

(1)

Bid-Deċiżjoni tat-12 ta’ Mejju 2009 fil-każ C 43/2008 (3) (minn hawn ’il quddiem imsejħa "id-Deċiżjoni ta’ Mejju 2009"), il-Kummissjoni approvat, taħt ċerti kundizzjonijiet, EUR 5 biljun bħala tarka tar-riskju għal WestLB AG (4) (minn hawn ’il quddiem imsejħa "WestLB"), il-Landesbank ta’ North Rhine-Westphalia, dwar portafoll ta’ titoli strutturati (minn hawn ’il quddiem imsejjaħ "il-portafoll Phoenix"), u li tirreferi għal pjan ta’ ristrutturar sottomess fit-30 ta’ April 2009 (minn hawn ’il quddiem imsejjaħ "il-pjan ta’ ristrutturar ta’ April 2009").

(2)

Fit-23 ta’ Settembru 2009, il-Ġermanja nnotifikat lill-Kummissjoni dwar għajnuna addizzjonali lil WestLB fil-forma ta’ tarka tar-riskju temporanja għal segmenti tal-portafoll Phoenix għal ammont ta’ EUR 6,4 biljun u impenjat ruħha biex tinnotifika pjan rivedut ta’ ristrutturar.

(3)

Bid-Deċiżjoni tas-7 ta’ Ottubru 2009 fil-każ N 531/2009 (5) il-Kummissjoni ddeċidiet li t-tarka tar-riskju temporanja kienet kompatibbli mas-suq intern bħala għajnuna ta’ salvataġġ.

(4)

Fl-10 ta’ Diċembru 2009, il-Ġermanja nnotifikat miżura ta’ appoġġ għal WestLB fil-forma ta’ trasferiment ta’ assi lill-istituzzjoni ġdida Abwicklungsanstalt Erste (minn hawn ’il quddiem imsejħa "l-EAA"). Dik il-miżura minn issa ’l quddiem tissejjaħ "l-ewwel trasferiment ta’ assi". F’dan l-istadju, il-Ġermanja ppreżentat ukoll pjan ta’ ristrutturar immodifikat għal WestLB (minn issa ’l quddiem imsejjaħ "il-pjan ta’ ristrutturar ta’ Diċembru 2009"). L-ewwel trasferiment ta’ assi ssostitwixxa l-miżura notifikata fit-23 ta’ Settembru 2009 u għamel id-Deċiżjoni tas-7 ta’ Ottubru 2009 superfluwa.

(5)

Bid-Deċiżjoni tat-22 ta’ Diċembru 2009 fil-każ C 40/2009 (6) (minn issa ’l quddiem imsejħa "id-Deċiżjoni ta’ Diċembru 2009"), il-Kummissjoni temporanjament approvat l-ewwel trasferiment ta’ assi għal perjodu ta’ sitt xhur minħabba raġunijiet ta’ stabbiltà finanzjarja. Bl-istess Deċiżjoni, il-Kummissjoni tat bidu għal investigazzjoni formali skont l-Artikolu 108(2) tat-Trattat dwar il-Funzjonament tal-Unjoni Ewropea (TFUE) minħabba dubji dwar il-kompatibbiltà ta’ dik il-miżura mas-suq intern.

(6)

F’Diċembru 2009, il-Kummissjoni ħatret lil Société Générale, lil Bangert Research u lill-Professur Wim Schoutens bħala esperti sabiex jivvalutaw l-assi danneġġati li l-WestLB kien ittrasferixxa lill-EAA.

(7)

Fl-1 ta’ Frar 2010, il-Ġermanja ppreżentat ir-rimarki dwar il-motivazzjoni wara d-Deċiżjoni ta’ Diċembru 2009.

(8)

Bid-Deċiżjoni tat-22 ta’ Ġunju 2010, fil-każ N 249/2010 (7) (minn issa ’l quddiem imsejħa "d-Deċiżjoni ta’ Ġunju 2010"), il-Kummissjoni estendiet l-approvazzjoni temporanja tal-ewwel trasferiment ta’ assi minħabba raġunijiet ta’ stabbiltà finanzjarja sakemm tittieħed id-deċiżjoni finali dwar l-ewwel trasferiment ta’ assi u l-pjan ta’ ristrutturar ta’ Diċembru 2009.

(9)

Fid-29 ta’ Ottubru 2010, il-Kummissjoni pprovdiet lil Ġermanja rapport ta’ valutazzjoni ddettaljat dwar l-assi li kienu s-suġġett tal-ewwel trasferiment ta’ assi.

(10)

Fil-5 ta’ Novembru 2010, il-Kummissjoni addottat deċiżjoni li testendi l-proċedura ta’ investigazzjoni formali dwar l-ewwel trasferiment ta’ assi fil-każ C 40/2009 (8) (minn issa ’l quddiem imsejħa "d-Deċiżjoni ta’ Novembru 2010"). Fid-Deċiżjoni ta’ Novembru 2010, il-Kummissjoni esprimiet aktar dubji dwar il-kompatibbiltà tal-ewwel trasferiment ta’ assi mas-suq intern.

(11)

F’Novembru 2010, l-awtoritajiet Ġermaniżi ppreżentaw kummenti li kienu sarulhom żidiet fil-21 ta’ Diċembru 2010. Il-Kummissjoni ma rċeviet l-ebda kumment minn partijiet interessati oħra.

(12)

Fil-21 ta’ Diċembru 2010, il-Kummissjoni ddeċidiet li tipposponi d-data li fiha l-Westdeutsche ImmobilienBank AG (9) (minn issa ’l quddiem imsejjaħ "WestImmo") kellu jieqaf jikteb negozju ġdid (10).

(13)

Fil-15 ta’ Frar 2011, il-Ġermanja ppreżentat pjan ta’ ristrutturar immodifikat għal WestLB (minn issa ’l quddiem imsejjaħ "il-pjan ta’ ristrutturar ta’ Frar 2011").

(14)

Fil-15 ta’ April 2011, il-Ġermanja ppreżentat lill-Kummissjoni rapport ta’ progress dwar it-trustee ta’ ċessjoni li kien ġie maħtur skont id-Deċiżjoni ta’ Mejju 2009 u l-pjan ta’ ristrutturar ġdid għal WestLB (minn issa ’il quddiem imsejjaħ "il-pjan ta’ ristrutturar ġdid".

(15)

Fit-23 ta’ Ġunju 2011, id-dettalji kollha importanti dwar il-likwidazzjoni ta’ WestLB u l-qsim tal-piż bejn l-azzjonisti tiegħu kienu miftiehma bejn l-Aġenzija Federali tal-Ġermanja għall-Istabbilizzazzjoni tas-Suq Finanzjarju (minn hawn ’il quddiem imsejħa "il-FMSA"), l-azzjonisti ta’ WestLB u l-EAA (il-ftehim minn hawn ’il quddiem imsejjaħ "l-Eckpunktevereinbarung") (11).

(16)

Fit-30 ta’ Ġunju 2011, il-Ġermanja bagħtet verżjoni finali tal-pjan ta’ ristrutturar ġdid ibbażat fuq l-Eckpunktevereinbarung lill-Kummissjoni (dik il-verżjoni finali minn hawn ’il quddiem hija msejħa "il-pjan ta’ ristrutturar ta’ Ġunju 2011").

(17)

Fit-28 ta’ Ottubru 2011, il-Ġermanja talbet lill-Kummissjoni biex tiddeferixxi sad-29 ta’ Frar 2012 l-obbligu ta’ WestLB li tieqaf minn negozju ġdid, minħabba li d-Deċiżjoni ta’ Mejju 2009 teħtieġ li WestLB tieqaf minn negozju ġdid mill-1 ta’ Jannar 2012. Dik it-talba tressqet fuq bażi ta’ protezzjoni, f’każ li d-Deċiżjoni ta’ Mejju 2009 ma tiġix sostitwita minn deċiżjoni ġdida sal-1 ta’ Jannar 2012.

(18)

Fit-28 ta’ Ottubru 2011, il-Ġermanja ressqet informazzjoni dettaljata dwar miżura ta’ għajnuna ulterjuri mill-istat għal WestLB, fil-forma ta’ tieni trasferiment ta’ assi lill-EAA (minn hawn ’il quddiem dik il-miżura hija msejħa "riforniment").

(19)

Fil-21 ta’ Novembru 2011, il-Ġermanja ppreżentat informazzjoni aġġornata dwar il-pjan ta’ ristrutturar ta’ Ġunju 2011.

(20)

Fl-1 ta’ Diċembru 2011, il-Ġermanja ppreżentat informazzjoni dwar l-ammont ta’ assistenza ta’ likwidità temporanja għal żmien li jista’ jingħata lil WestLB sat-30 ta’ Ġunju 2012.

(21)

Fit-8 ta’ Diċembru 2011, il-Ġermanja ppreżentat katalgu finali ta’ impenji lill-Kummissjoni.

(22)

Fit-13 ta’ Diċembru 2011, il-Ġermanja kkonfermat l-akkwiżizzjoni maħsuba ta’ entità msejħa Verbundbank, li se tkun maqtugħa mill-WestLB fil-kuntest tar-ristrutturar ta’ din tal-aħħar, minn Helaba Landesbank Hessen-Thüringen (minn hawn ’il quddiem imsejħa "Helaba").

(23)

Il-benefiċjarju huwa WestLB. WestLB hija l-Landesbank ta’ North Rhine-Westphalia li għandu l-uffiċċji reġistrati f’Düsseldorf. L-azzjonisti tagħha huma l-Assoċjazzjoni tal-Banek tat-Tfaddil ta’ Westphalia-Lippe (minn hawn ’il quddiem imsejħa "SVWL"), il-Banek tat-Tfaddil u l-Assoċjazzjoni Giro ta’ Rhineland (minn hawn ’il quddiem imsejħa "RSGV"; SVWL u RSGV huma kollettivament imsejħa "l-assoċjazzjonijiet tal-banek tat-tfaddil"), il-Land ta’ North Rhine-Westphalia (minn hawn ’il quddiem imsejħa "NRW") u ż-żewġ assoċjazzjonijiet reġjonali ta’ Rhineland (minn hawn ’il quddiem imsejħa "LVR") u Westphalia-Lippe (minn hawn ’il quddiem imsejħa "LWL"). Is-Sonderfonds Finanzmarkstabilisierung (minn hawn ’il quddiem imsejħa "SoFFin"), li hija amministrata mill-FMSA, kellha parteċipazzjoni silenzjuża f’WestLB AG.

(24)

L-informazzjoni finanzjarja prinċipali ta’ WestLB hija miġbura fit-tabella li ġejja:

Tabella 1

L-informazzjoni finanzjarja prinċipali ta’ WestLB

(25)

WestLB isservi bħala l-istituzzjoni ċentrali għall-banek tat-tfaddil u bħala l-konnessjoni mas-swieq finanzjarji għall-banek tat-tfaddil li joperaw fil-livell reġjonali f’NRW u Brandenburg. Il-bank joffri firxa wiesgħa ta’ prodotti u servizzi, inkluż self, finanzi strutturati personalizzati, negozju fis-swieq tal-kapital, ġestjoni tal-assi, u servizzi ta’ tranżazzjoni lill-klijenti Ġermaniżi u dawk internazzjonali tiegħu li jinkludu korporazzjonijiet, kif ukoll klijenti istituzzjonali u mis-settur pubbliku.

(26)

L-attenzjoni tal-attivitajiet kummerċjali ta’ WestLB inbidlet tul is-snin. Filwaqt li inizjalment kienet limitata għall-funzjoni tagħha ta’ istituzzjoni ġiro ċentrali għall-banek tat-tfaddil, WestLB aktar u aktar inbidlet f’bank tal-investiment. Mill-2001, meta l-attivitajiet tagħha ta’ missjoni pubblika kienu separati minn dawk kummerċjali ekonomiċi, WestLB kienet ilha għaddeja minn ristrutturar (12).

(27)

Aktar reċentement, investimenti kbar f’titoli strutturati, parzjalment imdaħħla f’entitajiet bi skop speċjali li ma kinux ġew konsolidati qabel l-2007, ikkawżaw telf sinifikanti u rriżultaw f’rekwiżiti kapitali dejjem jogħlew, minkejja r-rilassament ta’ standards ta’ kontabilità li ġie adottat bħala reazzjoni għall-kriżi finanzjarja. Għalhekk, il-Ġermanja u l-azzjonisti ta’ WestLB koprew b’garanzija t-tarka ta’ riskju fuq il-portafoll Phoenix fl-2008 (13) u f’Novembru 2009 qablu dwar it-twaqqif ta’ bank ħażin, il-EAA, li fih ġew trasferiti l-ammont nominali ta’ madwar EUR 77,5 biljun ta’ assi u kapital ta’ madwar EUR 3 biljun.

(28)

Fl-2008, WestLB ittrasferixxiet portafoll ta’ titoli strutturati għal entità bi skop speċjali ("SPV") imsejħa Phoenix Light, kumpanija b’responsabbiltà limitata stabbilita skont il-liġi Irlandiża, bid-delimitazzjoni ta’ titoli (14) li għandhom volum nominali totali ta’ madwar EUR 23 biljun meħudin mill-karta tal-bilanċ ta’ WestLB. L-SPV kienet assigurata minn garanziji tal-azzjonisti ta’ WestLB li ġew mogħtija fit-8 ta’ Frar 2008 biex ikopru inadempjenzi attwali ta’ pagamenti sa EUR 5 biljun (minn hawn ’il quddiem imsejħa "it-tarka tar-riskju fuq il-portafoll Phoenix") u li kienu approvati mid-Deċiżjoni ta’ Mejju 2009 (15). It-tarka tar-riskju kienet tikkonsisti minn żewġ garanziji separati:

(29)

Fl-24 ta’ Novembru 2009, il-Ġermanja u l-azzjonisti ta’ WestLB qablu dwar id-dettalji tat-twaqqif ta’ bank ħażin imsejjaħ Erste Abwicklungsanstalt taħt il-liġi Ġermaniża dwar il-Fond għall-Istabbilizzazzjoni tas-Swieq Finanzjarji (Finanzmarktstabilisierungsfondsgesetz - "FMStFG") sabiex jiddelimitaw portafoll ta’ pożizzjonijiet ta’ riskju u l-unitajiet tan-negozju mhux strateġiċi. L-azzjonisti ta’ WestLB iltaqgħu u approvaw formalment il-ftehimiet kuntrattwali meħtieġa fil-11 ta’ Diċembru 2009.

(30)

Il-miżura tal-ewwel trasferiment ta’ assi (16) kienet magħmula minn injezzjoni ta’ kapital ta’ EUR 3 biljun, garanziji ulterjuri mill-azzjonisti ta’ WestLB u trasferiment ta’ assi li kellu jsir l-aktar permezz ta’ segregazzjoni ta’ assi. Barra minn hekk, it-tarka tar-riskju fuq il-portafoll Phoenix ta’ EUR 5 biljun ma kienx itterminat iżda ġie ttrasferit għall-EAA. Li kieku t-tarka tar-riskju ma kinitx ġiet ittrasferita, l-EAA kien ikollha bżonn EUR 5 biljun ta’ kapital addizzjonali sabiex tkun tista’ tieħu l-portafoll Phoenix.

(31)

It-twaqqif tal-EAA kellu jiġi preċedut minn injezzjoni ta’ kapital ta’ EUR 3 biljun minn SoFFin f’WestLB (minn hawn ’il quddiem imsejħa "l-injezzjoni tal-kapital"). Dik l-injezzjoni ta’ kapital kienet saret fi tliet pagamenti parzjali, fit-23 ta’ Diċembru 2009 (EUR 672 miljun), fl-4 ta’ Jannar 2010 (EUR 1,5 biljun) u fit-30 ta’ April 2010 (EUR 828 miljun). Il-kapital kien ipprovdut fil-forma ta’ parteċipazzjoni silenzjuża li ma tridx tiġi mħallsa, bl-għażla li tkun konvertibbli f’ishma ordinarji wara l-1 Lulju 2010. Skont it-termini miftiehma, SoFFin ma tistax issir azzjonist maġġoritarju tal-kumpanija.

(32)

It-termini kuntrattwali tal-parteċipazzjoni silenzjuża jipprovdu għal remunerazzjoni ta’ 10 % fis-sena jekk WestLB tagħmel profitt suffiċjenti fi tmiem is-sena skont l-HGB (17). Fil-każ ta’ telf fi tmiem is-sena, madanakollu, ma titħallas l-ebda remunerazzjoni u l-parteċipazzjoni silenzjuża tipparteċipa pari passu mat-telf. Minn mindu kienet injettata l-parteċipazzjoni silenzjuża, WestLB jew għamlet it-telf (fl-2009) jew ma ħalliet l-ebda profitt fi tmiem is-sena (fl-2010) skont l-HGB. Bħala riżultat, sal-lum ma tħallset l-ebda remunerazzjoni u l-parteċipazzjoni silenzjuża pparteċipat fit-telf b’madwar EUR 1 miljun.

(33)

It-twaqqif tal-EAA jinvolvi garanzija mill-azzjonisti ta’ WestLB li tkopri aktar telf magħmul mill-assi trasferiti. Fil-fatt, kull telf mill-EAA li jmur lil hinn mill-kapital trasferit għandu, skont il-FMStFG, ikun kopert mill-azzjonisti ta’ WestLB u l-FMSA.

(34)

Għal dak il-għan l-azzjonisti ta’ WestLB ipprovdew garanzija espliċita fl-ammont totali ta’ EUR 1 biljun, maqsum bejn l-NRW (EUR 482 miljun), l-assoċjazzjonijiet tal-banek tat-tfaddil (EUR 501 miljun), u l-LVR u l-LWL (EUR 17-il miljun). Barra minn hekk, fir-rigward ta’ kwalunkwe kopertura ta’ telf addizzjonali, l-azzjonisti ta’ WestLB qablu li jillimitaw l-obbligu ta’ RSGV u WLSGV għal aktar kumpens ta’ telf għal ammont ta’ EUR 4 biljun. Meta tiġi kkunsidrata l-garanzija ta’ EUR 501 miljun mogħtija mill-assoċjazzjonijiet tal-banek tat-tfaddil, il-parteċipazzjoni ta’ telf massimu ta’ RSGV u WLSGV għalhekk huwa limitat għal EUR 4,5 biljun. Sabiex jiġbru EUR 4 biljun, l-RSGV u l-WLSGV għandhom permess jibnu riżervi adegwati għal dan l-obbligu fuq perjodu ta’ 25 sena. Kwalunkwe telf li jeċċedi kemm l-ekwità tal-EAA u l-garanziji mogħtija se jitħallas mill-FMSA u l-NRW (18).

(35)

It-trasferiment ta’ assi tossiċi u mhux strateġiċi (u l-obbligazzjonijiet) sar f’żewġ stadji. Fl-ewwel stadju, titoli (b’mod partikolari noti intermedji u titoli oħra strutturati) b’valur totali skont il-kotba ta’ madwar EUR 6,2 biljun u l-obbligazzjonijiet b’valur skont il-kotba ta’ madwar EUR 5,5 biljun kienu trasferiti (19) lill-EAA bħala segregazzjoni ta’ assi li ġiet irreġistrata fir-reġistru kummerċjali fit-23 ta’ Diċembru 2009. Fit-tieni stadju, il-bqija tal-portafoll delimitat kien segregat jew sintetikament trasferit lill-EAA fit-30 ta’ April 2010 (20).

(36)

It-tranżazzjoni kienet strutturata b’tali mod li WestLB ibbenefikat minn effetti retroattivi tat-trasferiment. Il-valuri skont il-kotba tat-titoli trasferiti fit-23 ta’ Diċembru 2009 kienu determinati abbażi tad-data tas-segregazzjoni effettiva tal-31 ta’ Diċembru 2008/l-1 ta’ Jannar 2009, filwaqt li l-valuri skont il-kotba tal-bqija tal-portafoll trasferit fit-30 ta’ April 2010 kienu determinati abbażi tad-data tas-segregazzjoni effettiva tal-31 ta’ Diċembru 2009/l-1 ta’ Jannar 2010.

(37)

Il-portafoll ikopri assi b’ammont nozzjonali ta’ EUR 77 biljun (il-valur skont il-kotba fil-31 ta’ Diċembru 2009 ta’ EUR 68,117 biljun (21)), li fih firxa wiesgħa ta’ prodotti ta’ self, plain vanilla bonds (22), titoli strutturati u derivattivi. Il-portafoll jinkludi wkoll obbligazzjonijiet diġà eżistenti fl-ammont ta’ EUR 22,1 biljun (valur skont il-kotba skont il-“Spaltungsvertrag”). Tliet tipi prinċipali ta’ assi ġew trasferiti lill-EAA:

Barra minn hekk, l-assi kienu parzjalment skambjati (rata ta’ imgħax u/jew swaps ta’ muniti li jkunu mehmuża mas-sigurtà jew mas-self) u xi pożizzjonijiet diretti tas-CDS ġew trasferiti, u jikkostitwixxu l-parti derivattiva tal-portafoll.

(38)

Filwaqt li xi wħud mill-assi, l-emittenti tagħhom, il-kontropartijiet jew is-sottoswieq jistgħu jiġu kategorizzati bħala danneġġati, għal porzjon sinifikanti dan ma kienx il-każ. Il-Ġermanja kklassifikat EUR 4,2 biljun (madwar 6 % tal-assi kollha) bħala "likwidu", li jimplika li jappartjenu għal swieq li mhumiex danneġġati (24).

(39)

Fil-bidu tagħha, il-kapital tal-EAA kien jikkonsisti minn assi netti li jammontaw għal EUR 3,267 biljun. Dawk l-assi kienu magħmulin minn EUR 3 biljun kapital u EUR 267 miljun minn passiv intern li ġej minn noti marbuta ma’ kreditu (CLNs) fi ħdan il-portafoll ta’ segmenti tal-European Super Senior.

(40)

Fir-rigward tal-ġestjoni tal-assi, l-EAA iffirmat ftehima ta’ servizz ma’ WestLB għal perjodu ta’ tliet snin. Taħt dik il-ftehima WestLB tipprovdi servizzi ta’ ġestjoni tal-portafoll lill-EAA li l-għan ewlieni tagħha huwa li matul iż-żmien tillikwida l-portafoll sħiħ u jiġu mminimizzati r-riskji. Fil-bidu, WestLB aġixxiet bħala kontraparti esklussiva għall-EAA għal skopijiet ta’ finanzjament u derivattivi.

(41)

Il-Ġermanja vvalutat iż-żewġ partijiet tal-portafoll delimitat, l-ewwel parti bit-30 ta’ Settembru 2009 bħala data ta’ referenza u t-tieni parti bil-31 ta’ Marzu 2010 bħala data ta’ referenza (għal ħarsa ġenerali ara t-Tabella 2). Il-Ġermanja ddikjarat li l-valur ekonomiku reali (minn hawn ’il quddiem "REV") tal-portafolli magħquda kien ta’ EUR 62,727 biljun, li huwa EUR 5,389 biljun inqas mill-valuri magħquda tagħhom skont il-kotba (25). Dak il-kalkolu ġie kkonfermat kemm minn Blackrock (26) kif ikoll mid-Deutsche Bundesbank (27) li huwa konservattiv biżżejjed. Għall-kwantifikazzjoni tal-ammont ta’ għajnuna mill-Istat involut, il-Ġermanja naqqset min-nuqqas tar-REV (EUR 5,389 biljun) il-kapitalizzazzjoni inizjali tal-EAA (28) (EUR 3,267 biljun, dak l-ammont ikun id-differenza bejn il-valuri skont il-kotba tal-assi u l-obbligazzjonijiet) u b’hekk waslet għall-ammont ta’ EUR 2,123 biljun bħala d-differenza netta bejn il-valur tat-trasferiment u r-REV.

(42)

Bħall-Ġermanja, il-Kummissjoni ffukat fuq id-differenza netta bejn valuri ta’ trasferiment u REVs ta’ assi u obbligazzjonijiet trasferiti (minn hawn ’il quddiem imsejħa t-"transfer delta") għall-kalkolu tagħha tal-ammont ta’ għajnuna mill-istat involut.

(43)

Il-Kummissjoni rrevediet il-valutazzjoni mressqa mill-Ġermanja, bl-użu ta’ esperti esterni, jiġifieri Société Générale, Bangert Research u l-Professur Wim Schoutens. Ir-riżultat ta’ dik ir-reviżjoni, li huwa deskritta fid-dettall fid-Deċiżjoni ta’ Novembru 2010 (29), wassal għall-konklużjoni li, meta tiġi addottata opinjoni prudenti, it-transfer delta huwa ta’ EUR 1,606 biljun ogħla minn dak iddikjarat mill-Ġermanja (EUR 5,389 biljun). Fi kliem ieħor, ir-REV huwa EUR 6,949 biljun taħt il-valur tat-trasferiment (30). L-esperti sabu, prinċipalment fil-livell tas-subportafolli, differenzi fil-valutazzjoni tar-REV ta’ wħud mill-bonds (għall-portafoll sħiħ tat-titoli ta’ madwar EUR 600 miljun) minħabba valutazzjoni diverġenti dwar l-indeboliment ta’ dawk is-swieq. Pereżempju, kuntrarjament għal WestLB, l-esperti kkunsidraw diversi swieq tal-vanilla bonds bħala swieq li jiffunzjonaw biex il-valur tas-suq ikun meqjus bħala r-REV. It-tieni nett, differenzi nstabu fir-rigward tas-self li WestLB kienet ittrasferixxiet (fil-portafoll tas-self kollu ta’ EUR 1 biljun), abbażi ta’ diskrepanzi serji fil-valutazzjoni tat-telf fil-każ ta’ inadempjenza (LGD) tagħha. Differenzi kbar instabu wkoll f’ċerti subkategoriji tal-portafoll tat-titoli strutturati iżda l-effett nett tagħhom deher li kien ibbilanċjat.

(44)

Il-Ġermanja ppreżentat ukoll fatturi u argumenti mitiganti potenzjali li juru li t-transfer delta kien inqas minn żero.

It-Tabella li jmiss, li hija meħuda mid-Deċiżjoni ta’ Novembru 2010, turi r-riżultati fil-qosor maqsumin skont is-subportafoll.

Tabella 2

Riżultati dwar l-ewwel trasferiment ta’ assi kif indikat fid-Deċiżjoni ta’ Novembru 2010

(45)

Il-pjan ta’ ristrutturar ta’ Ġunju 2011 jistabbilixxi likwidazzjoni ordinata ta’ WestLB, li għaliha se jkunu meħtieġa numru ta’ miżuri addizzjonali ta’ appoġġ. Il-Ġermanja tipprevedi t-trasferiment tal-assi u l-obbligazzjonijiet li jifdal ta’ WestLB għall-EAA; is-sostituzzjoni ta’ kapital, is-suppożizzjoni tal-ispejjeż operattivi u l-ispejjeż tal-likwidazzjoni għal WestLB jew is-suċċessur imsemmi tiegħu (minn hawn ’il quddiem imsejjaħ "il-bank tal-SPM") skont il-każ; u miżuri xierqa biex tiġi żgurata l-likwidità matul il-fażi ta’ trasformazzjoni.

(46)

Il-pjan ta’ ristrutturar ta’ Ġunju 2011 jipprovdi għal trasferiment addizzjonali ta’ dak li jifdal mill-assi u l-obbligazzjonijiet kollha, inklużi prodotti u derivattivi li ma jidhrux fuq il-karta tal-bilanċ u li jġorru r-riskji, minn WestLB għall-EAA (minn hawn ’il quddiem imsejjaħ it-"tieni trasferiment ta’ assi"). Dawk l-assi u l-obbligazzjonijiet kollha ta’ WestLB li la ġew mibjugħa lil partijiet terzi u lanqas saru parti mill-Verbundbank se jgħaddu għand l-EAA sat-30 ta’ Ġunju 2012. (31) Wara t-trasferiment WestLB ma tibqax iżżomm l-assi bankarji għar-riskju proprju tagħha (ħlief għal investimenti relatati mal-ekwità tal-bank tal-SPM.

(47)

Il-portafoll ġenerali ġie diskuss mal-Kummissjoni u wara ġie ppreżentat mill-Ġermanja fuq il-bażi ta’ figuri dettaljati, li jistgħu jiġu mqassra hekk kif ġej:

Tabella 3

Riżultati dwar it-tieni trasferiment ta’ assi (biljun EUR)

(48)

Fir-rigward tal-valuri tas-suq tal-assi u l-obbligazzjonijiet li se jikunu s-suġġett tat-tieni trasferiment tal-assi lill-EAA, il-Ġermanja stqarret li l-valuri tas-suq rispettiv tagħhom, jekk valutati fuq bażi individwali, huma ogħla minn dawk indikati fit-Tabella 3. Il-Ġermanja, b’mod partikolari, stabbilixxiet li l-valuri tas-suq individwali tal-assi kienu jlaħħqu sa EUR [120-150] biljun, u dawk tal-obbligazzjonijiet sa EUR [120-150] biljun. Il-Ġermanja targumenta li l-portafoll li fadal ta’ WestLB diġà tnaddaf permezz tal-ewwel trasferiment ta’ assi u fih biss assi li huma pprezzati fuq valuri li jistgħu jiġu rkuprati. B’mod partikolari, il-Ġermanja kkonfermat li l-portafoll fih biss titoli u derivattivi li kienu pprezzati għal valuri tas-suq rispettiv tagħhom jew self u strumenti finanzjarji oħra li għalihom ma jeżisti l-ebda suq stabbilit u li għalhekk kienu pprezzati fuq metodu ta’ Fluss Skontat ta’ Flus. Il-portafoll fih biss ammont limitat ħafna ta’ assi (inqas minn EUR 1 biljun) li jikklassifika bħala finanzjament pubbliku internazzjonali jew sovranitajiet internazzjonali.

(49)

Madanakollu, wara diskussjoni mal-Kummissjoni, il-Ġermanja ssottomettiet li għal xi partijiet mill-portafoll, jiġifieri l-portafoll tas-self u assi simili mhux likwidi ta’ madwar EUR [40-70] biljun, effett ta’ portafoll għandu jiġi kkunsidrat, fid-dawl tal-daqs enormi tal-portafoll ġenerali. Li kieku WestLB attwalment kellha tbigħ il-portafoll kollu fis-suq qabel it-30 ta’ Ġunju 2012, il-provvista eċċessiva kienet twaqqa’ l-valuri tas-suq individwali. F’dak il-każ, skont l-informazzjoni riċevuta, il-Ġermanja sostniet li l-valuri tas-suq tal-portafoll għandhom ikunu kkalkulati billi jitnaqqsu l-valuri tas-suq individwali minn [2-5]%.

(50)

Skont il-pjan ta’ ristrutturar ta’ Ġunju 2011, it-tieni trasferiment ta’ assi lill-EAA jista’ jinkludi l-assi minn WestImmo, li se jittrasferixxi l-assi lill-EAA sabiex itejjeb il-potenzjal tal-bejgħ tiegħu stess. WestImmo se jkompli l-kummerċ biss li huwa eliġibbli għal bonds koperti Ġermaniżi (Pfandbriefe) taħt l-isem "Pfandbriefbank" (li huwa titolu ta’ ħidma preliminari). Sabiex jiġi implimentat dak il-kunċett, parti kbira mill-assi u obbligazzjonijiet ta’ WestImmo jistgħu jittieħdu u jiġu trasferiti lill-EAA fl-ewwel nofs tal-2012. Il-carve-out portfolio se jammonta għal madwar EUR [5-10] biljun, inkluż – fil-livell ta’ subportafoll - portafoll tal-proprjetà immobbli kummerċjali mhux garantit, portafoll bl-assi fil-Ġappun, u portafoll ta’ bonds u ta’ self b’ipoteka bl-imnut ta’ EUR [2-4] biljun li diġà ġie trasferit lill-EAA sintetikament fil-kuntest tal-ewwel trasferiment u attwalment qiegħed jintuża bħala kollateral fil-grupp ta’ bonds koperti. Wara t-trasferiment, WestImmo se jkun bank ħafna iżgħar b’assi ta’ madwar EUR [16-23] biljun fil-bidu. Jekk WestImmo ma jkunx jista’ jinbiegħ sat-30 ta’ Ġunju 2012 l-assi li jifdal ukoll jiġu trasferiti lill-EAA. Għaldaqstant huma jridu jiġu kkunsidrati flimkien mal-ammont identifikat fil-premessa (49).

(51)

B’mod aktar dettaljat, il-carve-out portfolio li ġie diskuss mal-Kummissjoni u li wara ġie ppreżentat mill-Ġermanja fuq il-bażi ta’ figuri dettaljati, jista’ jiġi mqassar hekk kif ġej:

Tabella 4

Valutazzjoni ta’ assi ta’ WestImmo tal-carve-out portfolio (biljun EUR)

(52)

Il-Ġermanja ppreżentat spjegazzjoni dettaljata għala l-valutazzjoni tal-assi fil-carve-out portfolio ta’ West Immo għandha tiġi kkunsidrata bħala suffiċjentement prudenti. Hija ddikjarat li 1) madwar terz tal-portafoll jikkonsisti minn pożizzjonijiet fuq perjodu qasir; 2) l-istruttura bażi tal-kollaterali hija solida; u 3) il-valutazzjoni kollaterali kienet riċenti.

(53)

Barra minn hekk, WestLB bi ħsiebha tbiegħ il-WestImmo Pfandbriefbank qabel it-30 ta’ Ġunju 2012. Madanakollu, jekk dak il-bejgħ propost ma jseħħx, l-assi u l-obbligazzjonijiet kompleti ta’ WestImmo jeħtieġ li jkunu trasferiti lill-EAA. Il-valur stmat skont il-kotba aġġustat għar-riskju (inkluż il-carve-out portfolio) huwa ta’ EUR [20-26] biljun sa Ġunju 2011. Il-portafoll jikkonsisti l-aktar minn proprjetà immobbli kummerċjali u ipoteki bl-imnut. Il-Ġermanja ssostni li partijiet kbar tal-portafoll inizjali diġà kienu koperti mill-proċedura ta’ għażla għall-ewwel trasferiment ta’ assi sabiex il-parti li fadal tkun nadifa u għalhekk ikollha valur tas-suq ugwali għall-valur skont il-kotba. Barra minn hekk, il-portafoll ta’ proprjetà immobbli kummerċjali huwa prinċipalment użat għall-ħruġ ta’ bonds koperti u għalhekk għandu valur tas-suq li huwa biżżejjed biex jaqbel mal-valur tat-trasferiment.

(54)

Fl-aħħar nett, il-Ġermanja ssostni li għat-trasferiment tal-assi ta’ WestImmo u t-tieni trasferiment ta’ assi minn WestLB, il-REV tagħhom għandu jkun ugwali għall-valuri tagħhom ta’ trasferiment.

(55)

Skont il-Eckpunktevereinbarung, l-NRW se jieħu kontroll totali u r-responsabbiltà għal WestLB mit-30 ta’ Ġunju 2012. Minħabba li WestLB se tħallas lura lil SoFFin EUR 1 biljun tal-parteċipazzjoni silenzjuża ta’ SoFFin f’WestLB waqt ir-ristrutturar, dik il-parti mill-kapital jeħtieġ li tiġi ssostitwita. L-NRW timpenja ruħha li tipprovdi strument kapitali addizzjonali li huwa konformi mal-Eckpunktevereinbarung  (33) fl-ammont ta’ EUR 1 biljun għal dak il-għan (minn hawn ’il quddiem imsejjaħ "l-istrument kapital addizzjonali għall-bank tal-SPM").

(56)

Il-pjan ta’ ristrutturar ta’ Ġunju 2011 jistabbilixxi żewġ każijiet differenti ta’ negozju għal WestLB/bank tal-SPM, wieħed għal xenarju li huwa deskritt bħala każ ta’ bażi, l-ieħor għal xenarju li huwa deskritt bħala każ ħażin. Il-każ ta’ bażi jagħmel stima li t-telf globali għall-operazzjoni u likwidazzjoni tal-bank tal-SPM fuq perjodu ta’ ħames snin (Transformationskosten), inkluża s-suppożizzjoni ta’ obbligazzjonijiet tal-pensjoni, se jammonta għal EUR [3-6] biljun. Il-każ ħażin, li huwa bbażat fuq suppożizzjonijiet differenti rigward it-tnaqqis tal-persunal, l-ammont ta’ deprezzament meħtieġa fuq il-bini u l-investimenti tal-IT, l-obbligazzjonijiet tal-pensjoni, u spejjeż oħra ta’ ħruġ, jagħmel stima li t-telf totali matul il-perjodu ta’ ħames snin se jammonta għal EUR [4-7] biljun. L-NRW tieħu kontroll assolut u responsabbiltà għal WestLB. Kemm il-każ ta’ bażi kif ukoll il-każ ħażin jimplikaw li l-istrument tal-kapital ta’ EUR 1 biljun ipprovdut mill-NRW se jiġi kkunsmat. Fix-xenarju ta’ każ ħażin, l-NRW ikollha tipprovdi fondi addizzjonali, b’konformità mal-Eckpunktevereinbarung.

(57)

Il-pjanijiet ta’ ristrutturar ta’ Ġunju 2011 jistabbilixxu wkoll li l-likwidità attwali għandha tinżamm matul il-perjodu tar-ristrutturar mill-banek tat-tfaddil, l-NRW u l-EAA. Jekk appoġġ ta’ likwidità addizzjonali jkun meħtieġ matul il-perjodu ta’ ristrutturar sat-30 ta’ Ġunju 2012, WestLB, l-azzjonisti tagħha, u l-EAA, b’mod konformi mal-Eckpunktevereinbarung, se jaqblu dwar miżuri xierqa għall-provvista ta’ likwidità matul il-fażi ta’ trasformazzjoni. Skont informazzjoni ppreżentata mill-Ġermanja fl-1 ta’ Diċembru 2011, l-użu ta’ assistenza ta’ likwidità addizzjonali […] fil-każ ta’ xenarju ta’ stress.

(58)

Il-Ġermanja ppreżentat diversi pjanijiet ta’ ristrutturar lill-Kummissjoni li ttrattaw miżuri differenti ta’ għajnuna mill-istat u kunċetti ta’ ristrutturar differenti. L-ewwel sett ta’ dokumenti, li kopra biss it-tarka tar-riskju ta’ EUR 5 biljun, irriżulta fil-pjan ta’ ristrutturar ta’ April 2009 (34).

(59)

Iż-żewġ elementi ewlenin tal-pjan ta’ ristrutturar ta’ April 2009 (35) kienu t-tnaqqis tal-karta tal-bilanċ ta’ WestLB minn EUR 250 biljun għal EUR 125 biljun (inkluż l-iżvestiment ta’ diversi assi bħal WestImmo) u l-iffukar mill-ġdid u t-tnaqqis tar-riskju tal-attivitajiet kollha, segwit minn bejgħ ta’ WestLB fi proċedura tal-offerti miftuħa, trasparenti u mhux diskriminatorju. Jekk bejgħ bħal dan ma jseħħx, WestLB ikollha twaqqaf in-negozju ġdid wara l-2011. Għalkemm l-azzjonisti ta’ WestLB qiegħdu taħt mandat trustee ta’ żvestiment kif ukoll bank ta’ investiment bil-proċess tal-bejgħ u pubblikament nedew offerta għal WestLB fit-30 ta’ Settembru 2010, il-proċedura ta’ offerti ma rriżultatx f’offerti li l-azzjonisti ta’ WestLB ikkunsidraw aċċettabbli mill-aspett ekonomiku.

(60)

Pjanijiet ġodda ta’ ristrutturar ġew ippreżentati f’Diċembru 2009 (36) u fi Frar 2011. Il-pjan ta’ ristrutturar ta’ Frar 2011 indika tnaqqis ulterjuri tal-bank għal karta tal-bilanċ ta’ madwar EUR 80 biljun iżda l-ebda pagament ta’ rkuprar. Pjan finali ta’ ristrutturar ġie nnotifikat f’Ġunju 2011. Il-Ġermanja espliċitament ikkonfermat li l-pjan ta’ ristrutturar ta’ Frar 2011 ġie rtirat. Għalhekk, fid-Deċiżjoni attwali se jiġi eżaminat biss il-pjan ta’ ristrutturar ta’ Ġunju 2011.

(61)

Il-pjan ta’ ristrutturar ta’ Ġunju 2011 huwa bbażat fuq erba’ elementi prinċipali:

(62)

Il-pjan bejn wieħed u ieħor jista’ jiġi mqassar hekk kif ġej:

Tabella 5

Struttura bażika fil-mira tal-pjan ta’ ristrutturar ta’ Ġunju 2011

(63)

L-attivitajiet kummerċjali tal-Verbundbank se jiġu sseparati biex jiffurmaw entità li tkun amalgamata ma’ bank ieħor. Matul il-proċedura li twassal għall-adozzjoni tad-Deċiżjoni attwali, il-banek tat-tfaddil irrinunzjaw l-intenzjoni preċedenti tagħhom li jistabbilixxu bank ġdid fuq bażi awtonoma. Il-Verbundbank se jaġixxi bħala fornitur ta’ servizzi u bħala bank ċentrali għall-banek tat-tfaddil fl-NRW u l-Brandenburg, u se jimpjega madwar 400 impjegat li qabel kienu ma’ WestLB. Għal perjodu ta’ tranżizzjoni jista’ jikkuntratta xi servizzi pprovduti minn WestLB/bank tal-SPM.

(64)

Il-Verbundbank se jkollu mudell ta’ negozju ta’ riskju baxx. Dan se joffri servizzi u prodotti lil banek tat-tfaddil u lill-klijenti tagħhom, lil korporazzjonijiet ta’ daqs medju, u lil entitajiet pubbliċi u lill-klijenti istituzzjonali. Il-prodotti tiegħu se jinkludu prinċipalment attivitajiet ta’ finanzi korporattivi u ta’ plain vanilla capital market. Fost il-figuri finanzjarji ewlenin tal-Verbundbank hemm assi maħsuba għar-riskju fl-ammont ta’ EUR 8,3 biljun u total tal-karta tal-bilanċ minn EUR 40 sa EUR 45 biljun. Fil-bidu l-Verbundbank se jkun mgħammar b’kapital ta’ EUR 1 biljun sabiex ikun hemm proporzjon ta’ ekwità regolatorja ta’ 12 %. Il-kapital se jkun ipprovdut mill-assoċjazzjonijiet tal-banek tat-tfaddil fl-NRW (50 %) u l-assoċjazzjoni tal-banek tat-tfaddil fil-livell nazzjonali (DSGV - 50 %) (37). L-obbligazzjonijiet tiegħu se jikkonsistu minn depożiti tal-banek tat-tfaddil, bonds u bonds koperti kif ukoll minn depożiti minn investituri istituzzjonali. Il-parti l-kbira tal-finanzjament se tkun ipprovduta minn membri mill-grupp finanzjarju tal-banek tat-tfaddil.

(65)

Wara l-preżentazzjoni tal-pjan ta’ ristrutturar ta’ Ġunju 2011, Landesbank Helaba indika li huwa lest li jieħu kontroll tal-attivitajiet tal-Verbundbank. Fit-12 ta’ Diċembru 2011, Helaba fil-prinċipju kkonkluda b’mod pożittiv fuq diliġenza dovuta ta’ portafoll magħżul ta’ assi u obbligazzjonijiet minn WestLB u tenna r-rieda tiegħu li jieħu kontroll tal-Verbundbank billi jobbliga lill-bord eżekuttiv tiegħu li jidħol f’negozjati konkreti dwar l-integrazzjoni tan-negozju tal-Verbundbank (38). Integrazzjoni tal-Verbundbank jew f’Helaba jew fis-settur tal-banek tat-tfaddil kienet organizzata mill-assoċjazzjonijiet tal-banek tat-tfaddil wara li kien sar evidenti li l-profittabilità tal-Verbundbank - jekk jopera fuq bażi awtonomu - hija mistennija li tkun pjuttost baxxa, bi qligħ fuq ekwità li jvarja minn [[2,0-3,0]% to [4,0-5,0]%. L-ispejjeż ġenerali mnaqqas u s-sinerġiji li ġejjin mill-integrazzjoni tal-attivitajiet tal-Verbundbank f’Helaba jew fis-settur tal-banek tat-tfaddil għandhom itejbu l-profittabilità mistennija u jressquha lejn livell aċċettabbli.

(66)

Fir-rigward ta’ dawk il-partijiet ta’ WestLB li ma jikkwalifikawx għall-carve-out ta’ Verbundbank, il-pjan ta’ ristrutturar ta’ Ġunju 2011 jistabbilixxi li għandhom jinbiegħu kemm jista’ jkun possibbli partijiet sat-30 ta’ Ġunju 2012 (l-iffirmar tal-kuntratti). Dak il-proċess ġie sinkronizzat mal-attivitajiet ta’ bejgħ kontinwu li diġà kienu mibdija sabiex ikunu konformi mal-kundizzjonijiet tad-Deċiżjoni ta’ Mejju 2009. […].

(67)

WestLB ħarġet għall-bejgħ entitajiet akbar bħad-diviżjonijiet tal-Finanzi Korporattivi u Strutturati u tas-Swieq tal-Kapital li huma l-muturi prinċipali ta’ introjtu ta’ WestLB, inklużi entitajiet iżgħar bħall-unitajiet tan-negozju marbutin mal-Korporattivi, Finanzi Strutturati, Swieq tal-Ekwità, Swieq tad-Debitu u Servizzi ta’ Kustodja, li kollha jistgħu jinxtraw bis-sistemi elettroniċi għall-ipproċessar tad-dejta u l-infrastruttura rispettivi tagħhom, jekk ikun meħtieġ.

(68)

WestLB se jivvaluta l-offerti abbażi ta’ firxa ta’ kriterji, inkluż il-prezz tal-bejgħ u l-klawsoli ta’ aġġustament rispettivi, l-effetti ta’ bejgħ fuq il-karta tal-bilanċ ta’ WestLB u d-dikjarazzjoni ta’ profitt u telf, il-korrettezza tal-offerti fir-rigward, pereżempju, ta’ kunċetti ta’ finanzjament u ta’ esperjenza ta’ tranżazzjoni tax-xerrej, l-aspetti legali tat-tranżazzjoni, u r-riforniment tal-EAA.

(69)

Fit-30 ta’ Ġunju 2012, l-assi u l-obbligazzjonijiet kollha ta’ WestLB li għadhom ma ġewx mibjugħa jew għadhom ma ġewx trasferiti lill-Verbundbank se jiġu ttrasferiti lill-EAA. Il-qafas legali applikabbli (39) jippermetti għal riforniment sussegwenti tal-EAA, sakemm – fost affarijiet oħra – ikun hemm disponibbli ekwità suffiċjenti, ir-riskji kollha inerenti tal-assi ikunu żvelati u li jkun ġie ppreżentat pjan dettaljat ta’ likwidazzjoni.

(70)

Il-metodi ta’ trasferiment għat-tieni trasferiment ta’ assi se jsegwu lil dawk li kienu diġà applikati f’Diċembru 2009 u April 2010 meta l-ewwel żewġ segmenti tal-ewwel trasferiment ta’ assi ta’ WestLB ġew trasferiti lill-EAA. Għal darb’oħra, il-metodu preferut ta’ trasferiment se tkun il-qasma, u jkun biss f’każ li metodi oħra xierqa ta’ trasferiment, bħal bejgħ jew subparteċipazzjoni, ma jkunux legalment jew teknikament possibbli jew jinvolvu riskji kummerċjalment mhux raġonevoli, li trasferiment fiżiku jiġi sostitwit bi trasferiment sintetiku tar-riskji sottostanti.

(71)

L-għan tat-trasferiment huwa li jiżgura li WestLB jew l-bank tal-SPM, skont il-każ, ma jidħlux f’kummerċ bankarju ġdid (ħlief għal negozju miktub b’rabta ma’ attivitajiet ta’ servisjar) u mhux se jkunu iżjed esposti għal kwalunkwe kreditu jew riskju tas-suq fir-rigward tal-kont proprju li għandu jiġi kopert minn minimu regolatorju ta’ ekwità fuq il-bażi tal-qafas regolatorju attwalment applikabbli (40).

(72)

Fir-rigward tal-valutazzjoni ta’ assi u obbligazzjonijiet, it-trasferiment se jsir skont valuri tal-kotba adattati għar-riskju, jiġifieri […].

(73)

Wara t-30 ta’ Ġunju 2012 WestLB mhux se tieħu sehem f’kummerċ bankarju ġdid (ħlief għal negozju miktub b’rabta mal-attivitajiet tagħha ta’ servisjar) u se ċċedi l-isem tad-ditta tagħha WestLB u terġa’ tingħata l-isem tad-ditta l-bank tal-SPM (titolu preliminari ta’ ħidma). WestLB se tiġi ttrasformata f’unità li għal skopijiet ta’ likwidazzjoni żżomm pożizzjonijiet ta’ wirt kummerċjalment trasferiti lill-EAA u tieħu ħsieb tal-persunal li jifdal, u pjattaforma ta’ servisjar li se tipprovdi biss servizzi ta’ ġestjoni ta’ assi.

(74)

[…].

(75)

Essenzjalment, il-bank tal-SPM se jsir kumpanija azzjonarja (minn hawn ’il quddiem imsejħa "il-kumpanija azzjonarja tal-bank tal-SPM") li huwa ppjanat li jkollha żewġ kumpaniji sussidjarji, l-SPM Betriebsgesellschaft u l-SPM Servicegesellschaft, kumpanija ta’ servisjar (minn hawn ’il quddiem imsejħa "il-kumpanija ta’ servisjar").

(76)

Assi li ma jistgħux jiġu fiżikament trasferiti lill-EAA għal raġunijiet ta’ taxxa, legali jew regolatorji se jiġu trasferiti biss b’mod sintetiku. Assi bħal dawn se jinżammu fuq il-karti tal-bilanċ tal-kumpanija azzjonarja tal-bank tal-SPM jew tal-SPM Betriebsgesellschaft, iżda mhux tal-SPM Servicegesellschaft.

(77)

Wara t-tlestija tar-riforniment, WestLB jew il-bank tal-SPM, skont il-każ, mhux se jkollhom xi assi marbuta mar-riskju għal riskji fuq il-krediti u riskji tas-swieq (41) u jżomm biss ammont relattivament żgħir ta’ assi marbuta mar-riskju sabiex ikopri rekwiżiti kapitali regolatorji purament għal riskji operattivi (anqas minn EUR 1 biljun, jekk ikkalkulat skont l-Approċċ tal-Indikatur Bażi) (42).

(78)

L-SPM Betriebsgesellschaft se jżomm l-obbligi li jifdal tal-pensjoni għall-impjegati attwali u preċedenti ta’ WestLB. Il-kompitu prinċipali tal-parteċipazzjoni tal-SPM/SPM Betriebsgesellschaft se jkun li jnaqqas persunal mil-livell attwali ta’ madwar 4 400 impjegat għal 1 400 fl-2016, li minnhom 1 000 se jkunu fil-kumpanija ta’ servisjar, u sabiex jingħalqu postijiet u sistemi dispensabbli. L-SPM Betriebsgesellschaft se jipprovdi biss servizzi bażiċi periferiċi, eż. il-manutenzjoni ta’ bini u uffiċċji.

(79)

Il-kumpanija ta’ servisjar se tiġi derivata bejn l-1 ta’ Jannar 2012 u l-31 ta’ Diċembru 2014 biex tipprovdi servizzi ta’ ġestjoni ta’ assi għall-assi u obbligazzjonijiet li jifdal ta’ WestLB. Il-fatt li portafolli ta’ assi ġew trasferiti lill-EAA (u l-Verbundbank) toħloq il-ħtieġa għal servizzi ta’ ġestjoni ta’ assi, peress li la l-EAA u lanqas il-Verbundbank ma jistgħu jwettqu l-manutenzjoni tal-portafolli tagħhom stess. Il-kumpanija ta’ servisjar se toffri dawk is-servizzi lill-EAA (u lill-Verbundbank) bir-rati kummerċjali tas-soltu. Il-limitazzjonijiet kollha dwar il-mudell tan-negozju tal-kumpanija tas-servisjar (ara wkoll il-premessi 78 sa 83) se jiġu fi tmiemhom wara l-bejgħ tal-kumpanija tas-servisjar.

(80)

Il-kumpanija azzjonarja tal-bank tal-SPM jew is-sussidjarji tagħha se jkollhom fil-pussess il-liċenzji kollha bankarji li għadhom meħtieġa għall-attivitajiet tagħhom. Il-Ġermanja tintrabat li l-kamp ta’ applikazzjoni u l-għadd ta’ liċenzji bankarji, madanakollu, huma ristretti għall-minimu meħtieġ għall-provvista ta’ servizzi ta’ ġestjoni ta’ assi.

(81)

Partijiet sinifikanti tal-portafolli tal-EAA huma u se jkollhom jibqgħu riżervati fil-fergħat barranin. Mill-31 ta’ Ottubru 2011, WestLB kellu skoperturi fi New York ta’ madwar EUR [5-15]-il biljun, f’Londra ta’ madwar EUR [15-25] biljun, u fl-Asja ta’ madwar EUR [5-10] biljun. Trasferiment fiżiku għall-EAA ta’ dawk il-portafolli kien fil-kuntest tal-ewwel trasferiment ta’ assi għal raġunijiet ta’ taxxa, legali jew regolatorji li jew huwa impossibbli jew ekonomikament mhux raġonevoli, u għalhekk jista’ jseħħ biss sintetikament. Dawk l-assi se jinżammu minn kumpanija azzjonarja tal-bank tal-SPM jew l-SPM Betriebsgesellschaft, jew f’fergħat barranin jew f’sussidjarji. Il-Ġermanja tispjega li l-fergħat barranin jew sussidjarji ma jistgħux jiġu magħluqa b’mod immedjat, iżda timpenja ruħha li l-kumpanija azzjonarja tal-bank tal-SPM jew l-SPM Betriebsgesellschaft se jagħlqu l-fergħat barranin jew sussidjarji kollha qabel it-tmiem tal-2016, sakemm l-għeluq ma jitwaqqafx għal raġunijiet ta’ rekwiżiti regolatorji tal-bank.

(82)

Barra minn hekk, il-kumpanija tas-servisjar se jkollha tagħmel manutenzjoni lil dawk il-portafolli b’mod adegwat. Sabiex jinżamm l-għarfien dwar il-ġestjoni tal-assi, il-kumpanija tas-servisjar se tmexxi fergħa fi New York, f’Londra, u f’post wieħed fl-Asja. Madwar terz tal-impjegati li mistennija jaħdmu għall-kumpanija tas-servisjar se jaħdmu f’waħda mill-fergħat barranin. Għalhekk il-Kummissjoni tifhem li wara l-bejgħ tal-kumpanija tas-servisjar, il-bank tal-SPM wara l-2016 mhu se jkollu l-ebda fergħa jew sussidjarja barranija, sakemm l-għeluq individwali ma jitwaqqafx minħabba raġunijiet ta’ rekwiżiti regolatorji bankarji.

(83)

Il-kumpanija tas-servisjar mhux biss se tiġi derivata iżda sussegwentement se tinbiegħ ukoll, sa mhux aktar tard mill-2016. Sabiex jiġi ffaċilitat il-bejgħ tal-kumpanija tas-servisjar, il-bank tal-SPM jista’ matul il-perjodu mill-2012 sal-2014 jikkonkludi kuntratti għall-provvista ta’ servizzi għall-ġestjoni tal-assi għall-portafolli ta’ partijiet terzi, jiġifieri portafolli li mhumiex relatati mal-portafolli preċedenti ta’ WestLB. Madanakollu, ir-rikavat minn dawk l-attivitajiet ma jistax jeċċedi [40-60]% tal-introjtu gross totali tal-kumpanija tas-servisjar. Dik il-limitazzjoni se tispiċċa wara l-bejgħ tal-kumpanija tas-servisjar.

(84)

Il-kumpanija tas-servisjar hija mistennija li tiġġenera dħul moderat fuq il-bejgħ ta’ madwar [8-12]% li għandu jkun biżżejjed biex jippermetti l-potenzjal tal-bejgħ tagħha (43). Il-kalkolu ta’ qligħ u telf li fuqu kien valutat il-profitt tal-kumpanija tas-servisjar jitfa’ l-attenzjoni fuq il-fatt li sal-2016 għandu jinkiseb tnaqqis sinifikanti tal-ispejjeż (44).

(85)

Jekk, madanakollu, il-bank tal-SPM ma jbigħx il-kumpanija tas-servisjar sal-31 ta’ Diċembru 2016, il-Ġermanja timpenja ruħha li l-kumpanija tas-servisjar tiġi likwidata. F’dak il-każ, l-obbligi kuntrattwali eżistenti kollha jintemmu sal-31 ta’ Diċembru 2017 li hija d-data finali għall-perjodu tat-tneħħija gradwali tal-kumpanija tas-servisjar (jekk ma tinbiegħx).

(86)

Minbarra l-pjan ta’ ristrutturar ta’ Ġunju 2011, il-Ġermanja ppreżentat katalgu ta’ impenji (ara l-Anness ta’ din id-Deċiżjoni), li jista’ jiġi mqassar hekk kif ġej:

(87)

Bid-Deċiżjoni ta’ Diċembru 2009, il-Kummissjoni qajmet dubji skont l-Artikolu 108(2) tat-TFUE dwar il-kompatibbiltà tal-miżuri ta’ salvataġġ ta’ assi eżaminati f’dik id-deċiżjoni mal-komunikazzjoni tal-Kummissjoni dwar it-trattament ta’ assi danneġġati fis-settur bankarju tal-Komunità (46) (minn hawn ’il quddiem imsejħa "il-Komunikazzjoni dwar l-Assi Danneġġati"). Barra minn hekk, fl-opinjoni tal-Kummissjoni, ir-restawr tal-vijabilità, il-qsim adegwat tal-piż u l-mitigazzjoni tad-distorsjoni tal-kompetizzjoni kkawżati mill-għajnuna (addizzjonali) ma ġewx murija b’mod konvinċenti b’konformità mal-Komunikazzjoni tal-Kummissjoni dwar ir-ritorn għall-vijabbiltà u l-valutazzjoni ta’ miżuri ta’ ristrutturar fis-settur finanzjarju fil-kriżi attwali taħt ir-regoli ta’ għajnuna mill-Istat (47) (minn hawn ’il quddiem “il-Komunikazzjoni dwar ir-Ristrutturar”).

(88)

Il-Kummissjoni indikat li ma kinitx qed tinvestiga biss l-għajnuna ġdida li ġejja mit-trasferiment ta’ assi fil-EAA iżda kellha wkoll tikkunsidra mill-ġdid l-għajnuna awtorizzata skont id-Deċiżjoni ta’ Mejju 2009 (48).

(89)

Il-Kummissjoni indikat ukoll dubji dwar kontribuzzjoni proprja adegwata tal-banek tat-tfaddil, meta jitqies li l-obbligi tal-banek tat-tfaddil li ġejjin mill-miżura ta’ salvataġġ ta’ assi kienu ffissati u li l-kapital meħtieġ sabiex tiġi stabbilita l-EAA tqajmet biss mill-Ġermanja iżda mhux mill-banek tat-tfaddil (49).

(90)

Il-Ġermanja kienet meħtieġa tipprovdi pjan rivedut ta’ ristrutturar li jikkunsidra l-ammont sħiħ ta’ għajnuna statali mogħtija, inklużi r-remunerazzjoni adegwata u r-ristrutturar fil-fond addizzjonali.

(91)

Mid-Deċiżjoni ta’ Novembru 2010, il-Kummissjoni estendiet il-proċedura minħabba d-dubji addizzjonali dwar il-kompatibbiltà tal-ewwel trasferiment ta’ assi mal-Komunikazzjoni dwar l-Assi Danneġġati u l-kompatibbiltà tal-pjan ta’ ristrutturar ta’ Diċembru 2009, li naqsu milli juru li huwa adattat li tiġi rrestawrata l-vijabbiltà tal-benefiċjarju kif ukoll biex jiġi żgurat qsim adegwat tal-piż u jiġu mitigati d-distorsjonijiet tal-kompetizzjoni kkawżati mill-għajnuna.

(92)

B’mod partikolari fir-rigward tal-ewwel trasferiment ta’ assi, il-Kummissjoni qajmet dubji dwar l-eliġibilità tal-assi danneġġati. Hija kkonkludiet dwar l-eżistenza ta’ għajnuna mill-istat u l-ammont ta’ għajnuna u vvalutat l-ammonti bħala tali tant li l-għajnuna ma tkunx kompatibbli mal-Komunikazzjoni dwar l-Assi Danneġġati jekk mhux irkuprati jew magħmula permezz ta’ ristrutturar addizzjonali skont il-punt 41 tal-Komunikazzjoni dwar l-Assi Danneġġati.

(93)

Fid-Deċiżjoni ta’ Novembru 2010, il-Kummissjoni kkunsidrat l-ammont ta’ għajnuna attribwibbli għall-ewwel trasferiment ta’ assi li jkun ta’ madwar EUR 6,9 biljun, kif stabbilit mill-esperti tagħha. Dak l-ammont huwa kkalkulat bħala d-differenza bejn il-valur tat-trasferiment u l-valur tas-suq tal-assi (madwar EUR 11-il biljun) (50), korrett bl-ekwità inizjali pprovduta lill-EAA (madwar EUR 3,3 biljun) (51), mill-valuri tal-kotba ta’ ċerti noti marbuta ma’ kreditu (madwar EUR 0,3 biljun) (52), minn tnaqqis għat-trasferiment ta’ obbligazzjonijiet diġà eżistenti (madwar EUR 0,9 biljun) (53).

(94)

Il-Kummissjoni kompliet approvat it-transfer delta kif instab mill-esperti tagħha, jiġifieri, id-differenza netta bejn il-valuri tat-trasferiment u r-REVs tal-assi u l-obbligazzjonijiet. Hija kkunsidrat li t-transfer delta jammonta għal EUR 3,4 biljun, ladarba fatturi ta’ ekwità u ta’ kreditu huma aġġustati (54). Rigward il-portafoll tat-titoli il-Kummissjoni osservat li biex il-klassijiet tal-assi mitluba jinstabu danneġġati (55), evidenza ulterjuri kienet tkun meħtieġa biex ikun konkluż li s-swieq għal dawk l-assi kienu jkunu verament ma jiffunzjonawx, fl-assenza ta’ kwalunkwe xerrej u bejjiegħ. Barra minn hekk, abbażi tal-prassi tad-deċiżjonijiet adottati, hija qablet mal-esperti li l-fatturi ta’ skont li WestLB kien applika biex jistabbilixxi r-REV kienu ferm baxxi, tant li wasslu għal riżultat aħħari eċċessivament għoli għar-REV. Il-Kummissjoni qablet ukoll mal-konstatazzjoni tal-esperti li, minħabba suppożizzjonijiet konservattivi insuffiċjenti tal-LGD, ir-REV tal-portafoll tas-self kien ta’ madwar EUR 1,0 biljun taħt l-istima ta’ WestLB. Il-Kummissjoni osservat li l-figuri kienu mqabbla fil-livell settorjali b’konformità mal-prassi tad-deċiżjonijiet adottati tal-Kummissjoni (56). Barra minn hekk il-Kummissjoni kkunsidrat mill-ġdid fatturi oħra mitiganti li ġew ppreżentati iżda ddeċidiet li ma kienx hemm bażi biex dawn jiġu kkunsidrati għall-valutazzjoni tar-REV.

(95)

Barra minn hekk, il-Kummissjoni esprimiet dubji dwar il-ġestjoni tal-assi danneġġati minħabba li kienu għadhom amministrati minn WestLB. Barra minn hekk, il-Kummissjoni ddeduċiet mill-fatt li l-EAA kienet irreġistrat telf ta’ EUR 1 biljun ftit wara t-twaqqif tagħha, li t-telf seta’ diġà kien imġarrab mid-data tat-trasferiment. Dan ikkawża dubji dwar jekk l-assi rilevanti kinux jaqgħu fil-kamp tal-applikazzjoni tal-punt 32 tal-Komunikazzjoni dwar l-Assi Danneġġati.

(96)

Għal darb’oħra, il-Ġermanja kienet meħtieġa tipprovdi pjan rivedut ta’ ristrutturar li jikkunsidra l-għajnuna addizzjonali mogħtija lil WestLB u li jittratta n-nuqqasijiet indikati f’dik id-deċiżjoni.

(97)

Il-Ġermanja ma tikkontestax li l-miżuri jikkostitwixxu għajnuna mill-istat fit-tifsira tal-Artikolu 107(1) tat-TFUE.

(98)

Il-Ġermanja tikkontesta xi riżultati dwar l-ewwel trasferiment ta’ assi lill-EAA.

(99)

Qabel xejn, il-Ġermanja ttenni l-pożizzjoni tagħha tat-2 ta’ Frar 2010, fejn sostniet li l-Komunikazzjoni dwar l-Assi Danneġġati mhijiex applikabbli għall-ewwel trasferiment ta’ assi lill-EAA. Il-Ġermanja targumenta li WestLB fil-fatt qiegħda ġġorr il-piż tal-miżura dwar l-assi danneġġati, hekk kif WestLB tittrasferixxi l-ekwità lill-EAA. B’referenza għad-Deċiżjoni ta’ Mejju 2009, il-Ġermanja ssostni li, skont in-nota 8 fil-premessa 16 ta’ dik id-Deċiżjoni, il-Komunikazzjoni dwar l-Assi Danneġġati mhijiex applikabbli meta miżura tkun qed tiġi mwettqa minn azzjonisti pubbliċi fil-kapaċità tagħhom bħala sidien.

(100)

It-tieni, il-Ġermanja ssostni li l-Kummissjoni għamlet żbalji fil-valutazzjoni tal-assi trasferiti u fl-applikazzjoni ta’ fatturi ta’ skalar.

(101)

Filwaqt li ssostni li l-valutazzjoni tal-Kummissjoni kienet b’mod ġenerali wisq konservattiva, hija telabora fuq punti individwali għall-klassijiet ta’ assi individwali "Titoli Strutturati", "Titoli Oħra" u "Portafoll ta’ Kreditu".

(102)

Fir-rigward tal-portafoll "Kreditu Strutturat", il-Ġermanja ssostni li l-metodoloġija ta’ valutazzjoni ta’ WestLB, ikkritikata mill-Kummissjoni, kienet ikkunsidrata aċċettabbli minn Deutsche Bundesbank. Barra minn hekk, hija fakkret li BlackRock Solutions, il-kumpanija li kienet mogħtija mandat bħala l-espert tal-Ġermanja, stabbilixxiet REV ogħla għall-portafoll minn WestLB innifisha, li jindika li WestLB adottat approċċ konservattiv b’mod suffiċjenti.

(103)

Għall-portafoll "Titoli Oħrajn", il-Ġermanja ssostni li d-differenzi ewlenin bejn l-evalwazzjonijiet tal-valutazzjoni jirriżultaw mid-diskussjoni dwar jekk valur tas-suq huwiex applikabbli. Filwaqt li WestLB offriet il-kriterji tagħha stess (l-aktar ibbażati fuq il-likwidità) sabiex jiġi determinat jekk suq huwiex danneġġat, il-Ġermanja tikkritika l-esperti tal-Kummissjoni li ma spjegawx b’mod suffiċjenti r-riżultati tagħhom li kważi l-assi kollha jappartjenu għal swieq mhux danneġġati. Bħala eżempju, il-Ġermanja tirreferi għall-bonds sovrani li jiffurmaw parti kbira mill-portafoll tat-titoli u ssostni li l-prezzijiet tas-suq li kienu niżlin fl-aħħar tal-2009 kienu indikazzjoni ta’ indebolimenti tas-suq.

(104)

Għall-valutazzjoni tal-"Portafoll tal-Kreditu", il-Ġermanja tiddikjara li l-opinjoni tal-esperti tal-Kummissjoni - li tfasslet mingħajr aċċess għad-dokumentazzjoni dettaljata ta’ kreditu - ma tistax tintuża biex tikkontradixxi l-valuri ta’ WestLB. Hija tikkritika b’mod partikolari n-nuqqas ta’ trasparenza rigward il-parametri ta’ valutazzjoni użati, kontradizzjonijiet inerenti, u approċċ konservattiv b’mod eċċessiv mill-esperti tal-Kummissjoni. Il-Ġermanja ssostni li għandhom jiġu applikati l-parametri użati fit-testijiet tal-istress tal-Kumitat tas-Superviżuri Bankarji Ewropej (CEBS), mhux dawk użati mill-esperti tal-Kummissjoni. Il-Ġermanja b’mod partikolari ikkritikat wieħed mix-xenarji ta’ stress, li fih l-esperti tal-Kummissjoni użaw suppożizzjoni ta’ probabilità tal-Inadempjenza ta’ 70 % u suppożizzjoni tal-LGD ta’ 30 %.

(105)

Fl-aħħar nett, il-Ġermanja indirizzat id-dubji dwar l-eliġibilità billi argumentat li l-ewwel rapport annwali tal-EAA (30 ta’ Ġunju 2010) mhuwiex indikazzjoni ta’ telf tal-portafoll eżistenti. Hija tirribatti d-dubji tal-Kummissjoni li t-telf mistenni fl-istruttura tal-EAA kien sottovalutat, bl-argument li l-ammont tal-proviżjoni tar-riskju attwali tal-EAA huwa mmexxi l-aktar mill-portafoll Phoenix. Dak l-ammont kien fil-fatt EUR [0,5-1,5] biljun inqas minn dak li kien ibbaġitjat fil-pjan ta’ likwidazzjoni. Għalhekk, it-trattament tal-proviżjon tal-EAA ma jikkontradixxix valutazzjoni ta’ WestLB ta’ telf mistenni.

(106)

Fl-aħħar nett, il-Ġermanja ssostni li l-valutazzjoni tal-portafolli trasferiti għandha tikkunsidra fatturi mitiganti, b’mod partikolari dwar (i) it-trasferiment ta’ obbligazzjonijiet diġà eżistenti, ii) flussi futuri ta’ flus, (iii) linji impenjati mhux prelevati, u (iv) tnaqqis tat-telf mistenni.

(107)

Fir-rigward ta’ obbligazzjonijiet diġà eżistenti, il-Ġermanja ssostni li bit-trasferiment ta’ obbligazzjonijiet bħal dawn (57) lil EAA, WestLB tirrinunzja vantaġġ ekonomiku ta’ EUR 882 miljun li jeħtieġ li jiġi kkunsidrat.

(108)

Fir-rigward ta’ flussi futuri ta’ flus, il-Ġermanja ssostni li, bit-trasferiment tal-portafolli tal-EAA, WestLB tirrinunzja flussi futuri ta’ flus (pagamenti ta’ imgħax, eċċ.) li jammontaw għal EUR 880 miljun li għandhom jiġu kkunsidrati wkoll.

(109)

Fir-rigward ta’ linji impenjati mhux prelevati, il-Ġermanja ssostni li korrezzjoni hija meħtieġa għat-trasferiment ta’ linji impenjati mhux prelevati għall-EAA, minħabba li r-riskji potenzjali tagħhom ġew inklużi fil-kalkolu tar-REV, waqt li l-qawwa tal-profitabilità potenzjali tagħhom ma ġiex inkluż fil-valutazzjoni globali.

(110)

Fir-rigward tat-tnaqqis ta’ telf mistenni, il-Ġermanja ssostni li l-valutazzjoni tal-portafolli għandha tkun ibbażata fuq it-telf skontat mistenni, minħabba li l-kunċett konfliġġenti ta’ prudenza diġà kien applikat b’mod suffiċjenti meta ġie kkalkulat ir-REV.

(111)

Il-Ġermanja għamlet osservazzjonijiet fuq id-dubji dwar għajnuna illegali addizzjonali li setgħet ingħatat lill-banek tat-tfaddil hekk kif ġej:

(112)

L-ewwel nett, il-Ġermanja tistipula li l-azzjonisti ta’ WestLB, li fosthom hemm il-banek tat-tfaddil, ma kinux obbligati li jistabbilixxu bank tal-assi ħżiena iżda għamlu dan fuq deċiżjoni awtonoma.

(113)

It-tieni nett, il-Ġermanja tenfasizza li l-FMStFG ma jistabbilixxix obbligu illimitat biex jikkumpensa kull telfa. L-obbligu biex tiġi kkumpensata kull telfa hija pjuttost limitata għall-ammont ekwivalenti ta’ ekwità investit fil-bank benefiċjarju. Il-Ġermanja ssostni li l-FMStFG jippermetti allokazzjoni kuntrattwali tal-obbligazzjoni ta’ kumpens tat-telf li tiddevja minn allokazzjoni pro-rata bbażata fuq ekwità, sabiex jiġu kkunsidrati kapaċitajiet finanzjarji differenti.

(114)

Fl-aħħar nett, il-Ġermanja targumenta li l-banek tat-tfaddil, li assumew l-obbligu biex jikkumpensaw għal telf potenzjali li ġej mill-EAA sa EUR 4,5 biljun, refgħu sehem adegwat tal-piż.

(115)

Il-valutazzjoni tal-għajnuna ta’ ristrutturar lil WestLB għandha tikkunsidra l-għajnuna kollha mogħtija lil WestLB mill-2008, minħabba li l-għajnuna mogħtija wara d-Deċiżjoni ta’ Mejju 2009 ingħatat għall-istess proċess ta’ ristrutturar li ġie approvat skont id-deċiżjoni ta’ Mejju 2009. Madanakollu, minħabba ż-żieda sinifikanti ta’ għajnuna u l-bidliet magħmulin lill-pjan ta’ ristrutturar, hija meħtieġa valutazzjoni ġdida tal-għajnuna kollha taħt il-pjan ta’ ristrutturar ta’ Ġunju 2011.

(116)

Skont l-Artikolu 107(1) tat-TFUE, kull għajnuna mogħtija minn Stat Membru jew permezz ta’ riżorsi tal-istat, fi kwalunkwe forma li tfixkel jew thedded li tfixkel il-kompetizzjoni billi tiffavorixxi ċerti impriżi jew il-produzzjoni ta’ ċerti prodotti għandha, safejn tolqot il-kummerċ bejn l-Istati Membri, tkun inkompatibbli mas-suq intern.

(117)

Il-kwalifika ta’ miżura bħala għajnuna mill-istat teħtieġ li tissodisfa l-kundizzjonijiet li ġejjin: a)għandha tiġi ffinanzjata minn Stat Membru jew permezz ta’ riżorsi tal-istat; b) għandha tagħti vantaġġ li jiffavorixxi ċerti impriżi jew il-produzzjoni ta’ ċerti prodotti; ċ) il-miżura trid tfixkel jew thedded li tfixkel il-kompetizzjoni; u d)il-miżura għandha jkollha l-potenzjal li taffettwa l-kummerċ bejn l-Istati Membri.

(118)

Il-Kummissjoni ssostni l-fehma tagħha li dawk il-kundizzjonijiet jiġu sodisfatti għall-miżuri kollha, hekk kif se tispjega aktar ’l isfel, anki jekk wieħed iqis il-fatt li WestLB se jwaqqaf l-attivitajiet bankarji tiegħu, minħabba li WestLB għadu jwettaq attivitajiet ekonomiċi bħas-servizzi tal-ġestjoni tal-assi. Minħabba li dawk l-attivitajiet għadhom segwiti f’kuntest ta’ kompetizzjoni internazzjonali, il-Kummissjoni tqis li dawk il-miżuri għandhom il-potenzjal li jfixklu l-kompetizzjoni u jistgħu jaffettwaw ukoll il-kummerċ bejn l-Istati Membri (58).

(119)

Il-Kummissjoni diġà stabbilixxiet fid-Deċiżjoni ta’ Mejju 2009 li t-tarka tar-riskju tikkostitwixxi għajnuna mill-istat. Il-Ġermanja ċċarat li t-tarka tar-riskju għadha tieħu effett fuq il-parti tal-ekwità tal-portafoll Phoenix li ġiet trasferita lill-EAA.

(120)

Il-Kummissjoni diġà kkonkludiet fid-Deċiżjoni tagħha ta’ Diċembru 2009 li l-injezzjoni ta’ kapital ta’ EUR 3 biljun tikkostitwixxi għajnuna mill-istat skont it-tifsira tal-Artikolu 107(1) tat-TFUE.

(121)

Skont il-pjan ta’ ristrutturar ta’ Ġunju 2011, l-NRW se joħroġ strument addizzjonali favur il-bank tal-SPM għal ammont ta’ EUR 1 biljun sabiex jssostitwixxi l-parti ta’ ekwità ta’ WestLB (59) li se titħallas lura lil SoFFin. Peress li l-istrument addizzjonali għall-bank tal-SPM huwa sostitut tal-kapital, dan għandu wkoll jassorbi t-telf b’mod sħiħ, inkella r-regolatur ma jaċċettax it-tranżazzjoni. B’hekk l-istrument ġdid irid jikkostitwixxi wkoll il-kapital. Dak il-kapital huwa mogħti mill-NRW u għalhekk ġej mir-riżorsi tal-Istat. Huwa għandu l-effett li jkopri nuqqas ta’ kapital ta’ bank individwali u b’hekk jammonta għal vantaġġ selettiv għall-bank tal-SPM. Minħabba li l-bank tal-SPM se jkun attiv f’settur li fih impriżi minn Stati Membri oħra huma preżenti, dik il-miżura x’aktarx li tfixkel il-kompetizzjoni u taffettwa l-kummerċ bejn l-Istati Membri. Għaldaqstant dan jikkostitwixxi għajnuna mill-istat, kif ikkonfermat mill-analiżi ta’ miżuri simili ta’ kapital (60).

(122)

Skont il-pjan ta’ ristrutturar ta’ Ġunju 2011, l-NRW se jieħu fuqu t-telf għat-tħaddim u l-likwidazzjoni tal-bank tal-SPM fuq perjodu ta’ ħames snin, u se jieħu wkoll l-obbligazzjonijiet tal-pensjoni. It-telf ġenerali li l-bank tal-SPM se jakkumula tul il-ħajja operattiva tiegħu huwa maħsub li jvarja minn bejn EUR [3-6] biljun fix-xenarju ta’ każ bażi u EUR [4-7] biljun fix-xenarju ta’ każ ħażin. Dan it-telf għandu jiġi kopert mill-[…]. L-impenn li jieħu f’idejh it-telf iġġenerat mill-bank tal-SPM huwa għalhekk simili għal injezzjoni ta’ kapital li jvarja bejn EUR [100-700] miljun u EUR [0,5-2,0] biljun. Bħall-istrument kapitali addizzjonali għall-bank tal-SPM, il-kopertura addizzjonali ta’ telf tkopri wkoll nuqqas ta’ kapital tal-bank tal-SPM u tipprovdih b’vantaġġ selettiv peress li m’hemm xejn li jindika li l-bank seta’ kiseb dan il-kapital fis-suq. Ladarba l-miżura ġejja mill-NRW, hija pprovduta mir-riżorsi tal-Istat. Minħabba l-karatteristiċi tas-settur bankarju stabbiliti fil-premessa 118, il-miżura hija kapaċi tfixkel il-kompetizzjoni u taffettwa l-kummerċ bejn l-Istati Membri. B’hekk tikkostitwixxi għajnuna mill-istat.

(123)

Il-Kummissjoni diġà kkonkludiet, fid-Deċiżjoni tagħha ta’ Diċembru 2009, li l-miżura ta’ salvataġġ tal-assi danneġġati fil-forma ta’ bank tal-assi ħżiena tikkostitwixxi għajnuna mill-istat (61).

(124)

Ma taqbilx mal-Ġermanja f’dak li għandu x’jaqsam mal-argument li din tal-aħħar issostni li l-Komunikazzjoni dwar l-Assi Danneġġati m’għandhiex tiġi applikata. Minflok, hija tfakkar fil-prassi tagħha tad-deċiżjonijiet adottati fis-sens li fil-Komunikazzjoni dwar l-Assi Danneġġati, il-Kummissjoni pprovdiet gwida dwar it-trattament skont l-Artikolu 107(3)(b) tat-TFUE ta’ miżuri ta’ salvataġġ ta’ assi adottati mill-Istati Membri fuq il-bażi li "Assi danneġġati jikkorrispondu għal kategoriji ta’ assi li fuqhom il-banek x’aktarx isofru telf. Il-Kummissjoni tqis li l-IAC għandu jkopri kwalunkwe tip ta’ miżuri ta’ appoġġ immirati lejn assi danneġġati u sussegwentement jipprovdu salvataġġ ta’ assi effettiva lill-istituzzjoni destinatarja minħabba l-IAC jiddefinixxi salvataġġ ta’ assi bħala kwalunkwe miżura li biha bank huwa eżentat mill-ħtieġa għal aġġustamenti severi ’l isfel ta’ valur ta’ ċerti klassijiet ta’ assi" (62). L-ewwel trasferiment ta’ assi wkoll jaqa’ f’dik il-kategorija ta’ miżuri, għax jeħles lil WestLB milli tiffaċċja l-konsegwenzi ta’ aġġustament ’l isfel tal-valur tal-assi tagħha. Fil-fatt, preċedentement, il-Ġermanja kkonfermat li WestLB ma kinitx tkun aktar konformi mar-rekwiżiti regolatorji minimi tal-kapital li kieku ma kinitx protetta mill-miżura ta’ appoġġ mill-istat (63).

(125)

Fir-rigward tal-kamp ta’ applikazzjoni temporali tagħha, il-Komunikazzjoni dwar l-Assi Danneġġati trid tiġi applikata lit-trasferiment tal-assi. Il-Kummissjoni tfakkar li hija għandha tapplika l-liġi u l-linji gwida fis-seħħ fil-mument tal-adozzjoni ta’ deċiżjoni, irrispettivament mill-ħin li fih il-miżuri ta’ għajnuna kienu maħsuba jew innotifikati (64). Fil-fatt, fil-kuntest tal-kriżi finanzjarja attwali, il-Kummissjoni applikat minn qabel il-Komunikazzjoni dwar l-Assi Danneġġati għal miżuri notifikati qabel il-pubblikazzjoni tal-komunikazzjoni (65).

(126)

Il-Kummissjoni ma bidlitx dik il-valutazzjoni, minkejja l-oġġezzjoni magħmula mill-Ġermanja li hija ma kinitx applikat il-Komunikazzjoni dwar l-Assi Danneġġati fid-Deċiżjoni ta’ Mejju 2009. Għalkemm seta’ kien żbaljat li ma ġietx applikata l-Komunikazzjoni dwar l-Assi Danneġġati f’dak il-mument, m’hemm l-ebda aspettattiva leġittima mill-Ġermanja li tali approċċ għandu jitkompla. Fi kwalunkwe każ, il-motivazzjoni tad-Deċiżjoni ta’ Mejju 2009 kienet li taċċetta l-ammont nominali tal-garanzija bħala l-ammont ta’ għajnuna, li hija ħaġa komuni għal garanziji ta’ assi danneġġati (66); madanakollu, jekk dak l-approċċ kellu jiġu applikat f’dan il-każ attwali, kien jirriżulta f’ammont li jeċċedi bil-ħafna l-ammont ta’ għajnuna stabbilita mill-Komunikazzjoni dwar l-Assi Danneġġati.

(127)

Il-kwistjoni prinċipali għalhekk tibqa’ l-ammont ta’ għajnuna. Skont il-punt 39 tal-Komunikazzjoni dwar l-Assi Danneġġati, l-għajnuna tingħata permezz ta’ miżura tal-assi indebolita fejn il-valur tat-trasferiment jeċċedi l-valur tas-suq tal-portafoll sħiħ.

(128)

Fid-Deċiżjoni ta’ Novembru 2010, il-Kummissjoni kkalkulat l-ammont preliminari ta’ għajnuna ta’ EUR 11-il biljun mingħajr ma kkunsidrat fatturi mitiganti. Għal dak il-għan, il-Kummissjoni għamlet valutazzjoni ta’ valur probabbli tas-suq għall-assi li ma kinux fil-kummerċ fis-suq u qagħdet fuq parir espert. Madanakollu, il-Kummissjoni setgħet, permezz ta’ analiżi vigoruża tal-portafoll u bl-utilizzazzjoni ta’ dettalji meħudin mir-rapport finali tal-esperti, tirfina l-valutazzjoni tagħha.

(129)

Tabella 6 tipprovdi ħarsa ġenerali fuq il-valur tas-suq, magħmul minn lista ta’ subportafolli:

Tabella 6

Il-valur tas-suq tal-ewwel trasferiment tal-assi (EUR biljun)

(130)

(131)

(132)

Għas-subportafoll European Super Seniors, l-istima oriġinali ta’ WestLB ta’ telf prinċipali mistenni hija meqjusa bħala konservattiva ħafna u qrib kalkolu tal-valur tas-suq. Bħala riżultat, r-REV stmat mill-WestLB għall-portafoll tal-ESS jista’ jintuża bħala stima tal-valur tas-suq (EUR 1,750 biljun) (68). Fir-rigward tal-portafoll Phoenix, li huwa titolu strutturat ta’ sigurtà bi struttura ta’ pagament b’kaskata kkumplikata, tista’ ssir approssimazzjoni tal-valur tas-suq hekk kif ġej: l-ewwel, l-ipprezzar skont il-valur tas-suq (minn hawn ’il quddiem “MtM”) tal-kollateral sottostanti kien meqjusa li jkun madwar 54 % (EUR 12,375 biljun). Meta wieħed jikkunsidra l-flus disponibbli (EUR 1,325 biljun li għandu jiżdied) u l-ħruġ ta’ flus probabbli (madwar EUR 0,5 biljun f’xenarju negattiv, simili tal-MtM, għandu jitnaqqas), il-valur tas-suq jista’ jiġi stmat għal madwar EUR 13,2 biljun (69).

(133)

Jekk wieħed iqabbel l-ammont totali (EUR 52,887 biljun) mal-valur tat-trasferiment (EUR 68,116 biljun), jiġi stabbilit l-ammont ta’ għajnuna, li minnu jridu jitnaqqsu xi fatturi mitiganti. Il-fatturi mitiganti huma dawk imsemmija hawn fuq (premessa 91) EUR 3,267 biljun għall-kapital tal-EAA; EUR 882 miljun permezz ta’ obbligazzjonijiet eżistenti; u EUR 268 miljun permezz tat-trasferiment ta’ Noti Marbuta ma’ Kreditu ġewwa l-istruttura ta’ Phoenix. Għaldaqstant, l-ammont ta’ għajnuna mill-istat jammonta għal EUR 10,812 biljun, jiġifieri EUR 15,229 biljun - EUR 4,417 biljun.

(134)

Dak l-ammont ta’ għajnuna jinkludi l-garanziji pprovduti mill-azzjonisti ta’ WestLB biex ikopru t-telf tal-EAA (ara premessi 32 to 38) minħabba li dawk il-garanziji se jissostitwixxu l-impenn li l-Bund ta billi jakkwistaw l-assi minn WestLB permezz tal-EAA. Għandu jiġi mfakkar li skont il-FMStFG, il-Bund irid jiġi kkumpensat mill-azzjonisti għal kwalunkwe telf li jikkristallizza fil-futur. Għalhekk dik ir-responsabbiltà tal-Bund qed tiġi fil-fatt mibdula mar-responsabbiltà tal-azzjonisti ta’ WestLB internament. Madanakollu, dik il-bidla m’għandha l-ebda effett vis-à-vis il-benefiċjarju u biex dawk il-garanziji jiġu ttrattati bħala sors separat ta’ għajnuna jkun jammonta għal kalkolar doppju tal-appoġġ. Għaldaqstant, dawk il-garanziji ma jżidux l-ammont ta’ għajnuna fl-ewwel trasferiment ta’ assi lill-EAA.

(135)

It-tieni trasferiment jikkonċerna r-riforniment potenzjali tal-EAA bl-assi u l-obbligazzjonijiet kollha attwali ta’ WestLB. Għandu jiġi mfakkar li huwa biss it-trasferiment tal-carve-out portfolio ta’ WestImmo lill-EAA li huwa aċċertat li jseħħ, waqt li t-trasferiment ta’ assi u obbligazzjonijiet marbutin mal-Verbundbank u l-Pfandbriefbank huwa biss possibbiltà. Barra minn hekk, WestLB poġġiet id-diviżjonijiet u l-unitajiet kolla ta’ negozju għall-bejgħ, u għaldaqstant, assi u obbligazzjonijiet relatati xorta jistgħu jinbiegħu skont prezzijiet tas-suq qabel it-30 ta’ Ġunju 2012 u għalhekk ma jiġux trasferiti lill-EAA. Il-valutazzjoni li ġejja hija, madanakollu, ibbażata fuq is-suppożizzjoni prekawzjonali li mit-30 ta’ Ġunju 2012, l-assi u l-obbligazzjonijiet kollha attwali ta’ WestLB se jiġu trasferiti lill-EAA.

(136)

Fil-każ ta’ WestImmo, carve-out portfolio b’assi u obbligazzjonijiet ta’ madwar EUR [5,3-6,9] biljun (il-valur skont il-kotba ta’ HGB) se jiġi segregat u trasferit lill-EAA. Il-valur tas-suq ġie stabbilit kif indikat fit-Tabella 4 hawn fuq. Il-Kummissjoni vvalutat il-figuri għall-valur tas-suq u ssib l-ispjegazzjoni għaliex dak l-ammont għandu jitqies prudenti biżżejjed bħala li hi plawsibbli. Għalhekk hija tistabbilixxi d-differenza bejn il-valuri tat-trasferiment u l-valuri tas-suq, jiġifieri l-ammont ta’ għajnuna, għall-parti ta’ WestImmo tat-tieni trasferiment ta’ assi li tkun ta’ EUR [300-800] miljun.

(137)

Barra minn hekk, il-Ġermanja ssostni li, jekk WestImmo, meħlus mill-carve-out portfolio, ma jkunx jista jinbiegħ bħala Pfandbriefbank iżda jkun jrid jiġi trasferit lill-EAA, il-valur tat-trasferiment tiegħu jkun ugwali għall-valur tas-suq tiegħu. Dik is-sottomissjoni tidher plawsibbli, minħabba li Pfandbriefbank ġie deliberatament rilaxxat minn assi danneġġati.

(138)

Fil-każ ta’ WestLB, l-assi u l-obbligazzjonijiet ta’ madwar EUR [120-150] biljun (il-valur skont il-kotba tal-HGB) se jiġu segregati. Il-valuri tas-suq tal-portafoll kienu stabbiliti għal EUR [1,0-1,8] biljun inqas mill-valuri tagħhom skont il-kotba tal-HGB, kif indikat fit-Tabella 3 fil-premessa 52. Il-Kummissjoni vvalutat il-figuri għall-valur tas-suq tal-bqija tal-assi u obbligazzjonijiet ta’ WestLB. Ma identifikat l-ebda inkonsistenza fil-valutazzjoni tas-suq. Fil-fatt, il-Kummissjoni tfakkar li WestLB ġiet meħlusa minn assi danneġġati fil-kuntest tal-ewwel trasferiment ta’ assi, u li l-eżenzjoni tal-kapital li tirriżulta kienet pjuttost kbira. Għalhekk ma tidhirx ħaġa sorprendenti li l-kwalità tal-portafoll u għaldaqstant il-valur tas-suq tiegħu hija ħafna aħjar minn dik tal-ewwel trasferiment. Għalhekk il-Kummissjoni taċċetta li l-valuri tas-suq tal-portafoll tal-assi u l-obbligazzjonijiet huma bħala total EUR [1,0-1,8] biljun anqas mill-valuri tat-trasferiment (il-valuri skont il-kotba tal-HGB), u li l-ammont ta’ għajnuna għall-parti tal-WestLB tat-tieni trasferiment ta’ assi huwa għalhekk ugwali għal EUR [1,0-1,8] biljun.

(139)

B’kollox, il-valuri tas-suq tat-tieni trasferiment ta’ assi huma ta’ EUR [1,3-2,6] biljun anqas mill-valuri tagħhom tat-trasferiment. L-ammont totali ta’ għajnuna għat-tieni trasferiment ta’ assi għalhekk huwa ta’ EUR [1,3-2,6] biljun.

(140)

Ladarba l-assi kollha ta’ WestLB ġew trasferiti fil-EAA, il-EAA se jikkontrolla l-finanzjament tagħhom. Sat-30 ta’ Ġunju 2012 (jiġifieri, sakemm it-trasferiment iseħħ) l-azzjonisti ta’ WestLB se jagħtu kwalunkwe għajnuna ta’ likwidità li hija meħtieġa sabiex jiġi żgurat li jseħħ it-trasferiment ta’ assi lill-EAA. Dik il-miżura tista’ titqies bħala parti integrali tax-xenarju ġenerali ta’ likwidazzjoni, għax sempliċement tipproteġi l-perjodu ta’ trasformazzjoni f’każ li jseħħ turbolenza fis-suq qabel it-30 ta’ Ġunju 2012. Madanakollu din tikkostitwixxi vantaġġ addizzjonali temporanju lil WestLB (70), li […]. Minħabba l-istatus tal-azzjonisti ta’ WestLB bħala awtoritajiet pubbliċi jew entitajiet taħt il-kontroll finali tal-awtoritajiet pubbliċi li lilhom tkun imputata kull deċiżjoni biex tingħata likwidità fil-kuntest tat-trasformazzjoni, il-miżura tirriżulta minn riżorsi tal-istat. Kif spjegat fil-premessa 118, il-karatteristiċi tas-settur bankarju fil-Ġermanja huma tali li l-provvista ta’ vantaġġ bħal dan tkun kapaċi tfixkel il-kompetizzjoni u taffettwa wkoll il-kummerċ bejn l-Istati Membri. Riżultat ta’ dan, il-provvista ta’ appoġġ ta’ likwidità mill-azzjonisti ta’ WestLB fl-ewwel sitt xhur tal-2012 tikkostitwixxi għajnuna mill-istat.

(141)

L-Artikolu 107(3)(b) tat-TFUE jagħti s-setgħa lill-Kummissjoni biex tqis li l-għajnuna hija kompatibbli mas-suq intern jekk hija maħsuba "li tirrimedja taqlib serju fl-ekonomija ta’ Stat Membru". Il-Kummissjoni rrikonoxxiet li l-kriżi finanzjarja globali tista’ toħloq taqlib serju fl-ekonomija ta’ Stat Membru u li miżuri ta’ sostenn lill-banek jistgħu jkunu kapaċi jirrimedjaw dik it-taqlib. Dik il-valutazzjoni ġiet ikkonfermata fil-komunikazzjoni tal-Kummissjoni Ir-rikapitalizzazzjoni ta’ istituzzjonjiet finanzjarji fil-kriżi finanzjarja preżenti: limitazzjoni tal-għajnuna għall-minimu meħtieġ u protezzjoni kontra distorsjonijiet ta’ kompetizzjoni mhux mistħoqqa  (71) (minn hawn ’il quddiem imsejħa “il-Komunikazzjoni dwar ir-Rikapitalizzazzjoni”), il-Komunikazzjoni dwar l-Assi Danneġġati u l-Komunikazzjoni dwar ir-Ristrutturar. Il-Kummissjoni għadha tikkunsidra li r-rekwiżiti għall-għajnuna mill-istat biex jiġu approvati skont l-Artikolu 107(3)(b) tat-TFUE huma sodisfatti minħabba li għal darb’oħra hemm l-istress fis-swieq finanzjarji. Il-Kummissjoni kkonfermat dik l-opinjoni bl-adozzjoni f’Diċembru 2010 ta’ Komunikazzjoni li ttawwal sal-31 ta’ Diċembru 2011 l-applikazzjoni tar-regoli tal-għajnuna mill-istat bħala appoġġ għall-miżuri favur banek fil-kuntest tal-kriżi finanzjarja (72). Minn dakinhar il-Kummissjoni estendiet l-applikazzjoni ta’ dawk ir-regoli lil hinn mill-31 ta’ Diċembru 2011 (73).

(142)

Fir-rigward tal-ekonomija Ġermaniża dik l-analiżi ġiet ikkonfermata fl-approvazzjoni tal-Kummissjoni ta’ diversi miżuri meħuda mill-awtoritajiet Ġermaniżi fil-ġlieda kontra l-kriżi finanzjarja, b’mod partikolari, fl-approvazzjoni u l-estensjonijiet tal-operazzjoni Ġermaniża ta’ salvataġġ (74).

(143)

Tqassim mhux ikkontrollat ta’ bank bħal WestLB jista’ jaffettwa s-swieq b’mod dirett, u għalhekk l-ekonomija sħiħa ta’ Stat Membru. Fid-dawl tas-sitwazzjoni fraġli attwali tas-swieq finanzjarji, il-Kummissjoni tkompli tibbaża l-valutazzjoni tagħha dwar miżuri ta’ għajnuna mill-istat fis-settur bankarju fuq l-Artikolu 107(3)(b).

(144)

Għar-raġunijiet li ġew spjegati fil-premessi e and 124, il-kompatibbiltà tal-ewwel trasferiment ta’ assi lill-EAA trid tiġi vvalutata fuq il-bażi tal-Komunikazzjoni dwar l-Assi Danneġġati. Il-valutazzjoni tal-kompatibilità tiffoka fuq jekk it-trasferiment tal-assi jseħħx fuq il-valur tas-suq iżda mingħajr ma jeċċedi l-valur ekonomiku reali kif definit fil-punt 40 tal-Komunikazzjoni dwar l-Assi Danneġġati. Sabiex il-miżura ta’ għajnuna tkun kompatibbli l-valur tat-trasferiment għandu, skont il-punt 41 tal-Komunikazzjoni dwar l-Assi Danneġġati, ma jeċċedix il-REV u d-delta trasferiment ikun zero. Il-valutazzjoni li ġejja tiffoka l-ewwel fuq l-ammont tat-transfer delta (ara premissi 144 sa 159). Jekk it-transfer delta mhuwiex żero, jiġifieri huwa ’l fuq mill-REV, dan għandu jiġi mħallas lura jew irkuprat (ara premessi 161 u 162).

(145)

Fir-rigward tal-ewwel trasferiment ta’ assi lill-EAA, il-Ġermanja kkontestat it-twaqqif tal-REV. Il-kummenti tagħha għandhom l-għan li jikkontradixxu s-sejba tad-Deċiżjoni ta’ Novembru 2010 li hemm transfer delta li jammonta għal EUR 3,414 biljun. Il-Kummissjoni vvalutat il-kummenti tal-Ġermanja. Ir-riżultati ta’ dik l-analiżi jistgħu jiġu mqassra hekk kif ġej:

(146)

Fir-rigward tal-eżerċizzju ta’ valutazzjoni globali, li jiddetermina l-REV tal-assi li jrid jiġi trasferit, il-Kummissjoni ssostni li l-evalwazzjoni tagħha ma kinitx konservattiva żżejjed iżda kienet skont il-punt 37 tal-Komunikazzjoni dwar l-Assi Danneġġati. Il-punt 37 tal-Komunikazzjoni dwar l-Assi Danneġġati jobbliga lill-Kummissjoni li tapplika approċċ korrett u konsistenti għall-valutazzjoni tal-assi, inklużi l-assi li huma aktar kumplessi u anqas likwidi, sabiex jiġu evitati distorsjonijiet bla bżonn tal-kompetizzjoni. Il-Kummissjoni spjegat fid-Deċiżjoni ta’ Novembru 2010 li l-approċċ tagħha huwa konformi mal-prattika eżistenti fit-teħid ta’ deċiżjonijiet. L-approċċi meħuda minn korpi oħra bħal CEBS huma ċertament kredibbli, iżda mhumiex rilevanti għal dak l-eżerċizzju.

(147)

Il-Kummissjoni tibqa’ mhix konvinta li l-approċċ propost minn WestLB huwa konformi mal-prassi tad-deċiżjonijiet adottati dwar l-għajnuna mill-istat. Il-Kummissjoni tabilħaqq tinnota li l-Bundesbank ma kkonfermax l-REV propost minn WestLB iżda minflok ikkritika kemm il-metodoloġija kif ukoll l-użu ta’ parametru ta’ WestLB (75). Dik il-pożizzjoni kritika tikkuntradixxi l-pretenzjoni tal-Ġermanja li l-metodoloġija ta’ WestLB hija inġenerali "kompetenza teknika rikonoxxuta". Il-Kummissjoni għalhekk tinsisti li l-metodoloġija ta’ WestLB tiddevja mill-prassi ta’ każ normali (76).

(148)

Fir-rigward tal-valutazzjoni fid-dettall, l-ewwel, dwar il-portafoll tat-"Titoli Strutturati", il-Kummissjoni tinnota li ma teżisti l-ebda diverġenza kbira. Fil-fatt, l-REV tal-Kummissjoni għall-klassi sħiħa ta’ assi jinsab qrib ħafna ta’ dak hekk kif valutat minn WestLB. Il-Kummissjoni qagħdet lura milli tuża suppożizzjonijiet konservattivi fejn jekk isir hekk jivvalida jew jirrifjuta valutazzjonijiet individwali ta’ portafolli. Minflok, hija segwit il-parir tal-esperti tagħha li terġa’ tivvaluta mill-ġdid l-approċċ wisq konservattiv ta’ WestLB għas-subportafoll "European Super Senior". Il-Kummissjoni eżaminat ir-rapport dettaljat tal-esperti, li kien jinkludi reviżjoni tas-subkategoriji prinċipali tal-assi (ABS CDOs (77), CDOs oħrajn (78), US RMBS (79), US CMBS (80), US ABS (81), EUR ABS (82) u Finanzjarji), u sabet li l-metodoloġiji u s-sejbiet użati huma konsistenti ma’ każijiet oħra, bħal dawk imsemmija fid-deċiżjoni tal-ftuħ.

(149)

It-tieni, fir-rigward tal-Portafoll tas-Self, il-Kummissjoni ma taċċettax il-pretensjoni tal-Ġermanja dwar in-nuqqas ta’ trasparenza u inkonsistenzi fil-valutazzjoni tal-esperti tagħha. Hija tfakkar li ppruvat tagħti gwida dwar l-adegwatezza ta’ ċerti metodoloġiji għall-valutazzjoni tar-REV. Pereżempju, il-Kummissjoni rrakkomandat sottoskrizzjoni ta’ kampjun kbir ta’ assi tal-portafoll tas-self sabiex tiġi vvalutata l-adegwatezza tas-sistemi eżistenti ta’ klassifikazzjoni, il-probabbiltajiet tal-inadempjenza li jirriżultaw (PDs) u l-LGDs. Il-Ġermanja ma segwitx dik ir-rakkomandazzjoni. Il-Kummissjoni enfasizzat ukoll li, kif spjegat fil-punt 41 tal-Komunikazzjoni dwar l-Assi Danneġġati, li kellha tuża stress suffiċjentement prudenti tal-LGD u PD. B’konformità mal-prassi tad-deċiżjonijiet adottati mill-Kummissjoni, trasferiment ta’ assi irid jiġi valutat skont ir-REV tal-assi. Bħala konklużjoni, il-Kummissjoni tikkonferma l-evalwazzjoni preċedenti tagħha li l-valutazzjoni trid tiġi kkoreġuta b’madwar EUR 1 biljun.

(150)

It-tielet, għall-"Portafoll tat-Titoli" il-Kummissjoni taqbel mal-Ġermanja li d-differenzi ġejjin mis-suppożizzjoni dwar jekk is-swieq ikkonċernati humiex indeboliti. Fil-fatt, il-kwistjoni tista’ tkun ukoll jekk dik il-parti tal-portafoll fuq kollox għandhiex tiġi kkunsidrata eliġibbli skont il-Komunikazzjoni dwar l-Assi Danneġġati. Jista’ jingħad li, għalkemm xi flessibilità tista’ tkun prevista billi banek jiġu meħlusa minn assi li mhumiex primarjament involuti fl-ewwel stadji tal-kriżi finanzjarja, assi li ma jistgħux jiġu kkunsidrati bħala danneġġati fil-ħin tat-trasferiment m’għandhomx ikunu koperti minn programm ta’ salvataġġ. Fuq din il-perspettiva, is-salvataġġ ta’ assi m’għandhiex taġixxi bħala forma ta’ assigurazzjoni miftuħa kontra konsegwenzi tar-riċessjoni. Min-naħa l-oħra, it-tqegħid fis-swieq ta’ portafolli kbar, li għandhom daqs ta’ biljuni ta’ euro jista’ jġib preċiżament id-distorsjoni ta’ dawk is-swieq. Biex jintlaħaq bilanċ bejn l-għan li tinżamm l-istabbiltà finanzjarja u l-bżonn li jiġu evitati distorsjonijiet tal-kompetizzjoni, il-Komunikazzjoni dwar l-Assi Danneġġati tippermetti għat-trasferiment ta’ dawk l-assi. Madanakollu, minħabba li s-suq għal dawk l-assi jiffunzjona b’mod sħiħ (jiġifieri mhux indebolit), ir-REV se jkun daqs jew kważi daqs il-valur tas-suq.

(151)

Filwaqt li WestLB tevalwa l-eżistenza ta’ suq li jiffunzjona fuq il-bażi ta’ kriterju ta’ likwidità pura, il-Kummissjoni tosserva (83) li l-punt tat-tluq għal evalwazzjoni tal-indeboliment ta’ suq huwa meta jiġi mqabbel ma’ suq li jiffunzjona tajjeb għall-assi partikolari. F’suq li jaħdem b’mod normali, tranżazzjoni tiġi mwettqa bejn xerrej li lest li jixtri u bejjiegħ li lest li jbigħ. Il-kunċett ta’ xerrej li lest li jixtri u bejjiegħ li lest li jbigħ jimplika li t-tranżazzjoni hija volontarja u għalhekk libera minn kull att koerċittiv.

(152)

L-esperti tal-Kummissjoni pprovdew kriterji trasparenti għal suq li jaħdem normali, kriterji li huma approvati mill-Kummissjoni (84). Filwaqt li likwidità adegwata jew inkella firxiet ta’ offerti stretti jindikaw suq li jiffunzjona, il-maqlub mhuwiex neċessarjament minnu. Pereżempju, titolu mqiegħed b’mod privat, maħruġ minn emittent solvent u stabbli, jista’ ma jkunx likwidu. Madanakollu, jekk meħtieġ, offerta tas-suq kompetittiva, qrib ta’ valur fuq valwazzjoni ta’ mudell kkalkulat fuq titoli ta’ prossimità likwidi, tista’ tinkiseb b’mod faċli. Għalhekk, il-kriterji proposti minn WestLB huma stretti wisq biex jiġi evalwat il-funzjonament normali ta’ suq.

(153)

Għandu jiġi osservat li l-attribuzzjoni ħażina ta’ assi mhux danneġġati bħala assi danneġġati fiha nnifisha mhijiex problema biex jiġi determinat l-REV. Wieħed jistenna li l-REV ikkalkulat għal pożizzjonijiet ta’ assi bħal dawn ikun qrib il-valur tas-suq tal-assi, sakemm jintużaw metodu u kalibrazzjoni adegwati. Kull metodu ta’ kalkolu tar-REV għandu ġeneralment jikkonverġi mal-prezz tas-suq, meta suq partikolari mhuwiex indebolit. Tabilħaqq, każijiet ta’ attribuzzjoni ħażina jirrappreżentaw test tal-adattabilità tal-metodu tal-kalkolu tar-REV u tal-parametri wżati.

(154)

Fir-rigward tal-pretensjoni tal-Ġermanja li ċerti swieq tal-bonds sovrani kienu danneġġati fit-tmiem tal-2009, il-Kummissjoni tosserva li kriterji li jindikaw suq li jaħdem kienu sodisfatti f’dak iż-żmien. Minflok, sottoswieq sovrani speċifiċi wrew evidenza ta’ indeboliment qrib it-tmiem tat-tieni kwart tal-2010 (85) u lil hinn, b’mod partikolari b’interventi fil-livell tal-BĊE u fil-livelli oħra Ewropej. Madanakollu, ma kienx il-każ fil-31 ta’ Diċembru 2009 jew il-31 ta’ Marzu 2010, li kienu ż-żewġ dati ta’ referenza wżati fl-eżerċizzju ta’ valutazzjoni.

(155)

Għaldaqstant, il-Kummissjoni żżomm il-fehma tagħha li WestLB jew użat metodoloġija ta’ valutazzjoni żbaljata jew applikat il-parametri żbaljati fil-metodoloġija ta’ valutazzjoni tagħha, għalhekk il-valutazzjoni trid tiġi korretta b’madwar EUR 600 miljun.

(156)

Bħala konklużjoni, il-Kummissjoni ssib li l-evalwazzjoni tal-REV għal kull wieħed mit-tliet subportafolli kif indikat fir-rapport tal-esperti hija valida u konsistenti mal-prassi tagħha tad-deċiżjonijiet adottati. Riżultat ta’ dan, il-Kummissjoni tqis li d-differenza bejn il-valur tat-trasferiment u r-REV tal-assi fil-portafoll hija ta’ EUR 6,949 biljun (86).

(157)

Fid-Deċiżjoni tal-2010, il-Kummissjoni esprimiet id-dubji jekk l-assi kollha kinux eliġibbli għat-trasferiment. Il-Kummissjoni ħadet dikjarazzjonijiet mill-ewwel rapport annwali tal-EAA bħala evidenza li f’xi assi diġà kien hemm telf fid-data tat-trasferiment, għalkemm assi bħal dawn ma jaqgħux fil-kamp ta’ applikazzjoni tal-punt 32 tal-Komunikazzjoni dwar l-Assi Danneġġati. Madanakollu, il-Ġermanja sussegwentement ipprovdiet informazzjoni addizzjonali u spjegat l-ammont ta’ proviżjonament tar-riskju magħmul mill-EAA u l-ammont ta’ telf li kien sar fl-assi trasferiti lill-EAA. Dawk l-ispjegazzjonijiet kienu plawsibbli u jtaffu t-tħassib tal-Kummissjoni. Għaldaqstant, m’hemmx bżonn li jsiru aktar korrezzjonijiet fir-rigward tan-nuqqas ta’ eliġibilità tal-assi.

(158)

Barra minn hekk, il-Kummissjoni ma taċċettax fatturi mitiganti apparti dawk diġà aċċettati fid-Deċiżjoni ta’ Novembru 2010. Aċċettat ukoll l-effetti kumpensatorji tal-injezzjoni ta’ ekwità (EUR 3,267 biljun) u n-noti marbuta mal-kreditu (EUR 268 miljun) (87), kif indikat fit-Tabella 2 fil-premessa 42. Barra minn hekk, il-Kummissjoni stiednet lill-Ġermanja tqabbad lill-Bundesbank jikkummenta dwar l-effetti kumpensatorji u li kull alterazzjoni proposta fil-valutazzjoni tal-portafoll tiġi verifikata u konfermata minn awtorità regolatorja bħall-Bundesbank, b’konformità mal-gwida mogħtija mill-Komunikazzjoni dwar l-Assi Danneġġati. Ma twettqet l-ebda verifika u konferma mill-awtorità regolatorja.

(159)

Rigward l-obbligazzjonijiet diġà eżistenti, il-Kummissjoni tinnota li l-valutazzjoni ta’ obbligazzjonijiet hija fiha nnifisha mhux diskussi fil-Komunikazzjoni dwar l-Assi Danneġġati. Għaldaqstant kien hemm il-ħtieġa li tevalwa kif tittratta ma’ trasferiment li fih taħlita ta’ assi u obbligazzjonijiet hekk kif seħħ f’dan il-każ. Filwaqt li l-Kummissjoni tirrikonoxxi l-iżvantaġġ ekonomiku potenzjali ta’ trasferiment ta’ obbligazzjonijiet ta’ rendiment baxx, kellha tilħaq bilanċ bejn l-ammonti kompatibbli fuq in-naħa tal-assi u l-ammonti fuq il-naħa tal-obbligazzjonijiet. Bħala riżultat, filwaqt li l-Kummissjoni kkunsidrat l-effett tal-obbligazzjonijiet diġà eżistenti meta qed tevalwa l-ammont ta’ għajnuna totali (ara premessa 132) il-Kummissjoni ma tikkunsidrax li hu applikabbli fil-valutazzjoni tar-REV.

(160)

Rigward ir-riżultati futuri pożittivi għall-assi trasferiti, il-Kummissjoni ma taqbilx mal-argument tal-Ġermanja u tinsisti li, ladarba l-assi ġew trasferiti, il-profitti futuri m’għandhomx jitqiesu aktar. Dik il-metodoloġija li tistabbilixxi r-REV tal-portafoll tas-self hija konformi mal-prassi tad-deċiżjonijiet adottati tal-Kummissjoni (88).

(161)

Rigward linji impenjati mhux prelevati, il-Kummissjoni tikkonferma li linja impenjata mhux prelevata tista’ tabilħaqq ikollha valur ta’ żero skont il-kotba. Dik il-possibilità madanakollu ma teskludix il-fatt li linja impenjata mhux prelevata jista’ jkollha kontribuzzjoni negattiva tar-REV. Il-prelevament ta’ linja mhijiex eskluża, minħabba li kuntrattwalment dan ma jistx jiġi evitat. Għaldaqstant, il-fatt li linja għadha mhix prelevata mhijiex se tbiddel ir-REV anki jekk pożizzjonijiet bħal dawn għandhom valur żero skont il-kotba.

(162)

Rigward it-tnaqqis tat-telf mistenni, il-Kummissjoni tosserva li billi jiġi mnaqqas it-telf mistenni, WestLB tkun qed tbiddel biss l-approċċ tagħha stess ta’ valutazzjoni, u barra minn hekk tagħmel dan mingħajr appoġġ mill-Bundesbank. B’hekk, il-Ġermanja tikkontradixxi l-istima tagħha stess tar-REV iżda ma tipprovdi l-ebda argument addizzjonali kontra l-opinjoni tal-Kummissjoni.

(163)

Fil-qosor, ladarba l-REV ġie approvat hawn fuq u huwa konformi mal-punti 40 u 41 tal-Komunikazzjoni dwar l-Assi Danneġġati, il-Kummissjoni għalhekk ma tqisx li t-telf mistenni jew kwalunkwe wieħed mit-tliet fatturi mitiganti l-oħra mressqa mill-Ġermanja fil-kummenti tagħha bħala rilevanti għall-valutazzjoni tal-REV.

(164)

Id-dubji tal-Kummissjoni dwar il-ġestjoni tajba tal-assi danneġġati fid-dawl tat-trasferiment tal-assi kienu mtaffija. Il-Kummissjoni kellha riżervi dwar li WestLB kienet se tkompli tamministra l-assi danneġġati, minħabba li bank għandu jikkonċentra fuq attivitajiet ġodda u jevita kwalunkwe kunflitt bejn attivitajiet li qed jiġu eżawriti u attivitajiet ġodda. Madanakollu, minħabba li WestLB/il-bank tal-SPM wara t-30 ta’ Ġunju 2012 mhux se jwettqu aktar attivitajiet bankarji ġodda, iżda servizzi ta’ ġestjoni ta’ assi biss, id-dubji tal-Kummissjoni ġew imtaffija.

(165)

Bħala konklużjoni, wara li kkunsidrat l-fatturi u l-argumenti kollha addizzjonali potenzjalment mitiganti mressqa mill-Ġermanja, id-dubji tal-Kummissjoni ma ġewx allevjati. Għalhekk, tibqa’ tikkunsidra li t-transfer delta jammonta għal EUR 3,414 biljun.

(166)

Skont il-punt 41 tal-Komunikazzjoni dwar l-Assi Danneġġati, sabiex jittaffew id-distorsjonijiet tal-kompetizzjoni li jirriżultaw minn trasferiment tal-assi fuq il-valur li huwa kkunsidrat aċċettabbli biex ipatti għan-nuqqas tas-suq fiż-żmien rilevanti, it-transfer delta għandu jingħata lura mill-bank. Jekk ħlas lura bħal dan mhux possibbli li jsir b’mod immedjat, dan għandu jitwettaq fuq perjodu ta’ żmien f’forma ta’ claw back. Anki fejn ħlas lura bħal dan permezz ta’ claw back mhuwiex possibbli mingħajr ma jwassal għal falliment tekniku, id-distorsjoni tal-kompetizzjoni teħtieġ li tiġi kkumpensata minn ristrutturar fil-fond, li jista’ jwassal sa likwidazzjoni (89).

(167)

WestLB indikat fil-pjan tagħha ta’ ristrutturar ippreżentat fi Frar 2011 li ma kenitx kapaċi tħallas lura EUR 3,4 biljun mill-ewwel trasferiment ta’ assi lill-EAA mingħajr ma tipperikola l-vijabilità tagħha. Barra minn hekk, huwa improbabbli li jsir il-bejgħ ta’ WestLB jekk xerrej potenzjali jkollu jħallas lura 3,4 EUR biljun lill-Ġermanja. Bħala konsegwenza, il-Ġermanja ppreżentat il-pjan ta’ ristrutturar ta’ Ġunju 2011 li jipprovdi għal-likwidazzjoni ta’ WestLB fi żmien 12-il xahar. Il-Kummissjoni tqis li l-likwidazzjoni ta’ WestLB hija biżżejjed biex tagħmel tajjeb għad-distorsjonijiet tal-kompetizzjoni. Għalhekk, suġġett għall-obbligu li l-pjan ta’ likwidazzjoni huwa kredibbli, li se jiġi evalwat fit-taqsima c, il-Kummissjoni ssib li l-għajnuna hija konformi mal-Komunikazzjoni dwar l-Assi Danneġġati u kompatibbli mas-suq intern fuq il-bażi tal-Artikolu 107(3)(b) tat-TFUE.

(168)

It-trasferiment tat-tieni segment ukoll, bħala prinċipju, irid ikun valutat skont il-Komunikazzjoni dwar l-Assi Danneġġati. Madanakollu, il-Kummissjoni tikkunsidra, abbażi tal-pjan ta’ ristrutturar ta’ Ġunju 2011, li r-riżultat ta’ valutazzjoni bħal din m’għadx għandu impatt. Kwalunkwe distorsjoni addizzjonali tal-kompetizzjoni li tirriżulta minn delta trasfer fir-rigward tat-tieni segment, fi kwalunkwe każ għandha tiġi mtaffija bil-likwidazzjoni prevista fil-pjan ta’ ristrutturar ta’ Ġunju 2011. Għalhekk, fis-sitwazzjoni eċċezzjonali attwali, il-Kummissjoni tikkunsidra li, fejn l-ammont kollu ta’ għajnuna diġà jista’ jiġi kkunsidrat kompatibbli taħt il-punt 41 tal-Komunikazzjoni dwar l-Assi Danneġġati, hija tista’ tastjeni minn evalwazzjoni fil-fond tal-valutazzjoni, jiġifieri kalkolu tal-REV.

(169)

It-trasferiment tal-assi huwa għalhekk kompatibbli minħabba li d-distorsjonijiet potenzjali tal-kompetizzjoni huma mitigati mil-likwidazzjoni ta’ WestLB u għalhekk huma konformi mal-punt 41 tal-Komunikazzjoni dwar l-Assi Danneġġati.

(170)

Il-Kummissjoni għandha tevalwa l-kompatibbiltà tal-miżuri kollha ta’ għajnuna abbażi tal-linji gwida tagħha biex titratta ma’ banek fil-kriżi finanzjarja, b’mod partikolari l-Komunikazzjoni dwar ir-Ristrutturar u l-komunikazzjoni tal-Kummissjoni L-applikazzjoni ta’ regoli ta’ għajnuna mill-Istat għal miżuri meħuda b’rabta ma’ istituzzjonijiet finanzjarji fil-kuntest tal-kriżi finanzjarja globali attwali  (90) (minn hawn ’il quddiem imsejħa “il-Komunikazzjoni Bankarja”).

(171)

Il-Kummissjoni tinnota li l-pjan ta’ ristrutturar ta’ Ġunju 2011 jeħtieġ li tiżgura l-kompatabilità tal-miżuri ta’ għajnuna indikati fit-Tabella 7.

(172)

Dawk il-miżuri jammontaw għal għajnuna totali ta’ EUR [21,6-24,4] biljun, li huwa ekwivalenti għal ammont ta’ għajnuna fir-rigward tal-RWA mill-31 ta’ Diċembru 2009 ta’ [24,4-27,6]%. Dak l-ammont ta’ għajnuna għandu jiġi kkunsidrat bħala proporzjon kbir ħafna tad-daqs tal-benefiċjarju u għalhekk jeħtieġ ristrutturar jew likwidazzjoni fil-fond. Barra minn hekk, il-pjan ta’ ristrutturar jeħtieġ ukoll li jikkunsidra d-distorsjonijiet addizzjonali ta’ kompetizzjoni li jirriżultaw mill-ammont a priori ta’ għajnuna inkompatibbli identifikati bid-delta trasfer. Ir-ristrutturar jew il-likwidazzjoni proposta jridu jkunu adegwati biex jindirizzaw dik id-distorjoni.

(173)

Il-pjan ta’ ristrutturar ta’ Ġunju 2011 jissodisfa l-kriterji stabbiliti fil-Komunikazzjoni dwar ir-Ristrutturar. Punt 21 tal-Komunikazzjoni dwar ir-Ristrutturar jistabbilixxi li likwidazzjoni ordinata jew l-irkant ta’ bank fallut għandhom jiġu kkunsidrati meta bank ma jistax jirritorna b’mod kredibbli għal vijabbiltà fit-tul. Il-Komunikazzjoni Bankarja tipprovdi għal proċedura fi ħdan il-qafas li biha għandha ssir likwidazzjoni ordinata bħal din (91). Likwidazzjoni kontrollata ta’ dak it-tip tista’ tiġi applikata f’każijiet individwali wara li għajnuna ta’ salvataġġ tkun ingħatat lil istituzzjoni finanzjarja individwali meta jkun jidher ċar li din tal-aħħar ma tistax tiġi ristrutturata b’suċċess.

(174)

Sabiex l-għajnuna għal likwidazzjoni tkun kompatibbli mal-Artikolu 107(3)(b) tat-TFUE, l-għajnuna għal likwidazzjoni għandha, skont il-prassi tad-deċiżjonijiet adottati tal-Kummissjoni (92), tissodisfa t-tliet kundizzjonijiet ġenerali li ġejjin:

(175)

Il-Kummissjoni tikkunsidra l-pjan ta’ ristrutturar ta’ Ġunju 2011 li jirrappreżenta xenarju ta’ likwidazzjoni ordinata għal WestLB li huwa bbażat fuq ftehima ta’ qsim tal-piż fost l-azzjonisti tal-bank. Il-pjan ta’ ristrutturar ta’ Ġunju 2011 iqis b’mod partikolari l-fatt li soluzzjonijiet oħra possibbli orjentati għas-suq għal WestLB li setgħu kienu jiswew anqas flus jew ta’ anqas distorsjoni diġà ġew esplorati għal aktar minn sentejn mingħajr suċċess. Mill-banda l-oħra, proċedura ta’ likwidazzjoni mhux ikkontrollata, tkun ta’ theddida għall-istabilità finanzjarja; dak ir-riskju huwa indirizzat aħjar b’xenarju ta’ likwidazzjoni ordinata. Il-pjan ta’ ristrutturar ta’ Ġunju 2011 jippermetti li l-Kummissjoni tevalwa l-proċess ta’ likwidazzjoni u l-impatt kompetittiv potenzjali tal-miżuri tal-istat involuti fiha.

(176)

Il-kriterju l-aktar importanti għall-klassifikazzjoni ta’ xenarju ta’ likwidazzjoni huwa li l-bank se jieqaf mill-attivitajiet kollha bankarji u jibqa’ jopera biss biex jeżawrixxi l-portafolli eżistenti u ma jikkuntratta l-ebda negozju ġdid.

(177)

Il-waqfien tal-attivitajiet bankarji għandhom jiġu żgurati fost l-oħrajn permezz ta’ bejgħ jew trasferiment tal-bqija tal-assi u l-obbligazzjonijiet kollha ta’ bank, sabiex jidher biss ramp fejn dan hu meħtieġ biex jassisti fl-eżawriment tal-assi eżistenti b’mod partikolari sabiex tiġi żgurata likwidazzjoni li tippreserva l-valur tal-portafolli tiegħu.

(178)

Abbażi tal-pjan ta’ ristrutturar ta’ Ġunju 2011, WestLB se tittrasferixxi l-assi bankarji kollha tagħha jew għall-banek tat-tfaddil jew għall-EAA. Għalhekk sat-30 ta’ Ġunju 2012 il-bank se jibqa’ kważi mingħajr assi peżati għar-riskju. Il-bank li jifdal, skont l-impenji pprovduti mill-Ġermanja, mhux se jibqa’ juża l-isem tad-ditta tiegħu "WestLB" iżda se jingħata isem tad-ditta ġdid "il-bank tal-SPM" f’perjodu ta’ mhux aktar minn tliet xhur. Barra minn hekk, il-bank mhux se jkompli bl-attivitajiet bankarji f’ismu iżda sempliċement ikun fornitur ta’ servizz għall-EAA u, għal ammont limitat, eventwalment, għal partijiet terzi. Għalhekk passi sinifikanti u irriversibbli ġew stabbiliti fil-pjan ta’ ristrutturar, li jimmarkaw il-ħruġ irrevokabbli mis-suq tal-maġġoranza tal-attivitajiet preċedenti ta’ WestLB fi żmien 12-il xahar.

(179)

It-tieni, b’konformità mar-rekwiżit stabbilit fil-punt 47 tal-Komunikazzjoni Bankarja, il-fażi ta’ likwidazzjoni hija limitata għall-perjodu strettament meħtieġ sabiex ikun hemm likwidazzjoni ordinata u b’hekk jiġu evitati distorsjonijiet mhux dovuti tal-kompetizzjoni. Għalkemm il-likwidazzjoni ta’ WestLB se tieħu diversi snin, xorta tista’ titqies li hija limitata għall-iqsar żmien possibbli. Il-kumpanija ta’ servisjar biss se tipparteċipa fil-kompetizzjoni, billi toffri ammont limitat ta’ servizzi ta’ ġestjoni ta’ assi lil partijiet terzi. Il-Ġermanja impenjat ruħha li l-kumpanija tas-servisjar se tinbiegħ qabel il-31 ta’ Diċembru 2016. Il-perjodu ta’ trasformazzjoni sal-31 ta’ Diċembru 2016 huwa meħtieġ sabiex tippermetti lill-ammistrazzjoni biex torganizza mill-ġdid l-istrutturi organizzattivi fi ħdan il-bank tal-SPM, biex tissepara l-kumpanija tas-servisjar u għall-inqas tistabbilixxi track-record qasir sabiex tattira investituri potenzjali. Il-bank tal-SPM innifsu se jibqa’ responsabbli għal assi li ma jistgħux jiġu fiżikament trasferiti lill-EAA, u għalhekk it-tul tal-ħajja tiegħu huwa mmexxi mill-maturità ta’ dawk l-assi. Il-likwidazzjoni li tippreserva l-valur tal-portafolli għandha tieħu sal-2008, u dak il-perjodu ta’ żmien ma jistax jiġi mqassar. Madanakollu, il-funzjoni bħala detentur ta’ assi mhijiex attività ekonomika għaldaqstant hija mingħajr effett fuq il-kompetizzjoni. Filwaqt li t-tnaqqis tal-ħaddiema fil-bank tal-SPM se jieħu xi snin biex jilħaq il-mira ta’ daqs ta’ 1 000 impjegat, dak it-tnaqqis fil-ħaddiema għadu konformi mal-tnaqqis tal-livell ta’ attività tal-bank tal-SPM, peress li r-rijorganizzazzjoni ta’ bank tal-SPM se tkun proċess li jinvolvi xogħol intensiv anki jekk l-attivitajiet bankarji mhumiex mwettqa aktar. Fil-qosor, dawk il-proċessi kollha jistgħu jitqiesu bħala limitati għall-iqsar perjodu possibbli.

(180)

It-tielet kriterju huwa li l-bank m’għandux ikompli l-attivitajiet tiegħu fis-suq ħlief biex ibiegħ l-assi tiegħu, u jiżgura li parti insinifikanti biss mill-attivitajiet bankarji preċedenti jibqgħu fis-suq.

(181)

Xi attivitajiet miġburin flimkien bħala l-Verbundbank se jiġu kkontrollati minn Helaba. L-attivitajiet tal-Verbundbank jirrappreżentaw f’termini ta’ daqs tal-karta tal-bilanċ inqas minn 20 % tal-karta tal-bilanċ preċedenti ta’ WestLB (il-portafoll Verbundbank se jirrapreżenta daqs tal-karta tal-bilanċ ta’ EUR 45 biljun fil-massimu, meta mqabbel mal-karta tal-bilanċ totali ta’ WestLB ta’ EUR 288 biljun fl-2008). F’termini ta’ daqs tal-persunal il-Kummissjoni tinnota li inqas minn 10 % tal-persunal preċedenti ta’ WestLB se jkomplu jaħdmu fis-settur isseparat ta’ Verbundbank (madwar 400 impjegat fis-settur ta’ Verbundbank, meta mqabbel mal-persunal inizjali ta’ WestLB tal-5 661 impjegat fl-2008). Barra minn hekk, għandu jiġi nnutat li l-Verbundbank se jiġi sseparat permezz ta’ trasferiment ta’ assi u obbligazzjonijiet u mhux jiġi trasferit bħala bank b’mod sħiħ. Peress li t-tranżazzjoni ma tikkonċernax lil WestLB iżda lil parti żgħira biss mill-assi u l-obbligazzjonijiet tagħha, it-tranżazzjoni ma tistax titqies bħala bejgħ sinifikanti tal-bank.

(182)

Barra minn hekk, il-Kummissjoni m’għandha l-ebda indikazzjoni li r-rekwiżiti tal-punt 49 tal-Komunikazzjoni Bankarja ma ġewx issodisfati, skont liema tranżazzjoni għandha ssir fuq termini tas-suq u timmassimizza l-prezz tal-bejgħ għall-assi u l-obbligazzjonijiet involuti. F’dan ir-rigward il-Kummissjoni tinnota li WestLB kienet waqqfet proċess tal-bejgħ mingħajr suċċess bil-għan li timmassimizza l-prezz tal-bejgħ għall-assi u l-obbligazzjonijiet kollha tagħha. Madanakollu, WestLB ma rċiviet l-ebda offerta aċċettabbli. Barra minn hekk, il-valur tal-kumpanija tal-attivitajiet ta’ Verbundbank, li jinkludu assi, obbligazzjonijiet, u struttura organizzattiva b’madwar 400 impjegat, qed tiġi riveduta minn diversi awdituri esterni abbażi ta’ metodi ta’ valutazzjoni stabbiliti. Il-Ġermanja timpenja ruħha li l-attivitajiet ta’ Verbundbank, li se jiġu jew ikkontrollati minn Helaba jew mis-settur tal-banek tat-tfaddil, ikollhom valur ta’ kumpanija ta’ żero, b’konformità mal-Eckpunktevereinbarung. Fil-fatt, b’differenza ma’ proċessi oħra ta’ bejgħ fil-każijiet ta’ likwidazzjoni (96), il-bejgħ tal-attivitajiet ta’ Verbundbank minn WestLB ma jirrikjedux kwalunkwe ħlasijiet addizzjonali mill-awtoritajiet pubbliċi. Il-Kummissjoni għalhekk ma tara l-ebda benefiċċju mhux dovut għall-entità li se tieħu f’idejha l-attivitajiet ta’ Verbundbank u għalhekk tikkonkludi li la Helaba u lanqas il-banek tat-tfaddil ma jiksbu kwalunkwe għajnuna li tirriżulta mill-bejgħ tal-attivitajiet ta’ Verbundbank.

(183)

Fi kwalunkwe każ, ir-regoli għall-bejgħ tal-bank kollu previst fil-punti 17 ’il quddiem tal-Komunikazzjoni dwar ir-Ristrutturar huma, anki jekk ma japplikawx f’dan il-każ (97), wkoll milħuqa fil-każ attwali. Ir-regoli għal bejgħ bħal dan jirrikjedu l-kriterji li ġejjin: vijabilità restawrata, il-qsim ta’ piżijiet u l-mitigazzjoni ta’ distorsjonijiet ta’ kompetizzjoni. Iċ-ċessjoni lil Helaba tilħaq dawk il-kriterji. L-ewwel, Helaba għandha tkun tista’ tiżgura vijabilità tal-bank trasferit, peress li l-Verbundbank - meta mqabbel ma’ Helaba - huwa pjuttost żgħir f’termini ta’ daqs tal-karta tal-bilanċ u għadd ta’ persuni, u għandu biss impatt żgħir fuq il-profitabbiltà tal-entità magħquda. Min-naħa l-oħra l-fużjoni għandha twassal għal tfaddil fir-rigward ta’ dawk l-ispejjeż li ma jagħtux lok għal valutazzjoni pożittiva tal-Verbundbank fuq bażi individwali (98). It-tieni, qsim tal-piż huwa żgurat minħabba li l-azzjonisti ta’ WestLB mhu se jirċievu l-ebda introjtu mill-bejgħ iżda minflok se jitilfu l-kapital tagħhom f’WestLB. It-tielet, minħabba li l-attivitajiet ta’ WestLB se jitnaqqsu għal inqas minn 20 % ta’ dawk tal-bank kif oriġinarjament kien jeżisti, il-prassi tad-deċiżjonijiet adottati tal-Kummissjoni hija li ma tintalab ebda miżura kumpensatorja addizzjonali għat-tali bejgħ (99).

(184)

Barra minn hekk, il-Kummissjoni m’għandha l-ebda raġuni biex tassumi li l-Verbundbank bħala grupp ta’ assi jista’ jitqies bħala s-suċċessur ekonomiku ta’ WestLB. Helaba la hija s-suċċessur legali ta’ WestLB u lanqas il-Verbundbank m’għandu xi identità funzjonali sinifikanti ma’ WestLB. Helaba ma tissodisfax il-kriterji biex tiġi stabbilita l-eżistenza ta’ entità ekonomika kontinwa li l-Kummissjoni użat sabiex tistabbilixxi jekk l-għajnuna mill-istat ġietx estiża lil kumpanija li tkompli l-attività tal-kumpanija oriġinali (100).

(185)

Fl-aħħar, żgurat ukoll li l-għajnuna hija limitata għall-minimu meħtieġ. B’mod partikolari, trasferiment ta’ assi lill-EAA se jseħħ biss jekk dawn ma jistgħux jinbiegħu lil partijiet privati. Barra minn hekk, l-injezzjoni addizzjonali ta’ kapital fil-bank tal-SPM hu meħtieġ biex tkopri għall-ispejjeż mistennija tal-eżawriment. Fl-aħħar nett, l-appoġġ ta’ likwidità jista’ jitqies bħala parti integrali tax-xenarju ta’ likwidazzjoni ġenerali, għax sempliċement jipproteġi l-perjodu ta’ trasformazzjoni f’każ li jseħħ taqlib fis-suq qabel it-30 ta’ Ġunju 2012. L-appoġġ tal-likwidità għalhekk jiżgura li l-proċedura ta’ likwidazzjoni ordinata ma tinbidilx f’likwidazzjoni diżordinata qabel it-30 ta’ Ġunju 2012.

(186)

It-tieni parti tal-valutazzjoni tikkonċerna l-qsim tal-piż. Punt 46 tal-Komunikazzjoni Bankarja jinsisti li fil-kuntest tal-likwidazzjoni, kura partikolari trid tittieħed biex jitnaqqas periklu morali, l-aktar billi jiġu esklużi xi azzjonisti u possibilment ċerti tipi ta’ kredituri milli jirċievu l-benefiċċju ta’ kull għajnuna fil-kuntest ta’ proċedura ta’ likwidazzjoni kkontrollata. Fil-każijiet ta’ Northern Rock (101) u HRE (102), il-qsim tal-piż intlaħaq permezz tan-nazzjonalizzazzjoni. Bħalma ġara f’dawk il-każijiet, l-azzjonisti hawnhekk se jitilfu l-ekwità kollha tagħhom. Barra minn hekk, l-azzjonisti ta’ WestLB, kif ukoll SoFFin bħala l-fornitur prinċipali ta’ kapital ibridu, se jieħu r-responsabbiltà individwali għall-partijiet differenti li fihom WestLB se tinqasam u jipprovdu kapital addizzjonali.

(187)

Fil-fatt, il-banek tat-tfaddil aċċettaw li jieħdu r-responsabbiltà għall-attivitajiet ta’ Verbundbank u se jiġbru l-kapital għal dak il-għan, u l-NRW aċċetta li jieħu l-parti l-kbira tal-piż, billi jidħol responsabbli għall-ispejjeż operattivi u l-ispejjeż ta’ likwidazzjoni tal-bank tal-SPM. Barra minn hekk, SoFFin aċċettat ukoll li tieħu parti sinifikanti tal-piż billi tħalli żewġ terzi tal-parteċipazzjoni silenzjuża tagħha f’WestLB, u b’hekk bi probabilità kbira tevita l-ħlas lura tal-investiment tagħha. Għalhekk il-ftehim ġenerali jikkunsidra b’mod suffiċjenti kemm il-kapaċitajiet rispettivi tal-qsim tal-piż tal-partijiet kif ukoll il-grad li fih qabel kienu involuti fit-twaqqif tal-istrateġija tal-bank u l-grad ta’ influwenza tagħhom fuq il-governanza korporattiva tal-bank.

(188)

Il-pjan ta’ likwidazzjoni jiżgura limitazzjoni ta’ distorsjonijiet tal-kompetizzjoni ta’ WestLB, ladarba tisparixxi mis-suq sat-30 ta’ Ġunju 2012. Wara dan, WestLB se tiġi ttrasformata f’entità mingħajr attivitajiet bankarji li flimkien mal-EAA teżawrixxi l-assi.

(189)

Barra minn hekk, distorsjonijiet mhux dovuti tal-kompetizzjoni fil-likwidazzjoni huma evitati billi jiġi żgurat li WestLB wara t-30 ta’ Ġunju 2012 tkompli topera biss sakemm ikun meħtieġ għal-likwidazzjoni u ma tidħol fl-ebda attività ġdida, iżda tara biss li jiġu eżawriti l-attivitajiet eżistenti. Fil-każ attwali, dak il-prinċipju huwa implimentat billi kemm jista’ jkun malajr jiġu irtirati dawk il-partijiet tal-liċenzja bankarja ta’ WestLB li mhumiex meħtieġa għaż-żamma tal-assi jew tal-provvista ta’ servizzi ta’ ġestjoni tal-assi, u sa mhux aktar tard mill-31 ta’ Diċembru 2012.

(190)

Fir-rigward tal-intenzjoni tal-bank tal-SPM bank li jagħmel spin-off ta’ kumpanija tas-servisjar, li toffri servizzi ta’ ġestjoni ta’ assi lil partijiet terzi u li b’hekk tidħol f’kompetizzjoni ma’ fornituri oħra ta’ dak it-tip ta’ servizz, il-Kummissjoni tinnota li tali pass huwa propost sabiex jitnaqqas l-għajnuna mill-istat f’WestLB wara t-30 ta’ Ġunju 2012. Fil-fatt, l-NRW, li huwa responsabbli għall-bank tal-SPM, ħa l-akbar piż tal-azzjonisti ta’ WestLB. B’hekk jista’ jiġi ġġustifikat tnaqqis fin-nefqa operattiva tal-bank tal-SPM billi jiġu offruti servizzi lil partijiet terzi.

(191)

Barra minn hekk, il-potenzjal tal-kumpanija tas-servisjar li tfixkel il-kompetizzjoni huwa delimitat minn diversi impenji mill-Ġermanja. L-ewwel nett, il-kuntratti ta’ partijiet terzi jistgħu jingħataw biss minn entità separata tal-bank tal-SPM li jkollha liċenzja bankarja limitata għall-minimu meħtieġ u li se tinbiegħ sal-31 ta’ Diċembru 2016. It-tieni, in-natura tas-servizzi li l-bank tal-SPM jista’ jipprovdi ġiet sostanzjata minn lista eżawrjenti ta’ attivitajiet eliġibbli. F’dak il-kuntest il-Ġermanja timpenja ruħha li l-liċenzji bankarji kollha ta’ WestLB li mhumiex meħtieġa għall-provvista ta’ servizzi ta’ ġestjoni ta’ assi se jiġu rritornati sal-31 ta’ Diċembru 2012. It-tielet, il-forza tax-xogħol fil-bank tal-SPM se tkun konsiderevolment imnaqqsa fil-kors tar-ristrutturar tiegħu u mhux se taqbeż 1 000 impjegat fl-2016, li hija 20 % inqas mill-persunal inizjali ta’ WestLB ta’ 5 661 impjegat fl-2008. Ir-raba’ nett, il-volum ta’ negozju tal-parti terza li l-kumpanija tas-servisjar tal-bank tal-SPM tista’ tixtri fuq is-suq ma għandux jeċċedi [40-60]% tad-dħul globali tagħha, li huwa għatu effettiv fuq il-perspettiva tan-negozju tagħha. Il-ħames, il-Ġermanja timpenja ruħha li l-bank tal-SPM se joffri s-servizzi tiegħu ta’ ġestjoni ta’ assi bi prezzijiet ġusti tas-suq biss, u li r-rati offruti se jkunu biżżejjed biex ikopru l-ispejjeż kollha tal-kumpanija tas-servisjar. Fl-aħħarnett, il-Ġermanja timpenja ruħha li, jekk il-kumpanija tas-sevisjar li tipprovdi servizzi ta’ ġestjoni ta’ assi lil partijiet terzi ma tistax tinbiegħ sal-31 ta’ Diċembru 2016, il-bank tal-SPM se jiġi likwidat ukoll. It-taħlita ta’ dawk ir-restrizzjonijiet tiżgura li parti żgħira biss mill-attivitajiet ta’ qabel tibqa’ fis-suq u għandha potenzjal limitat ħafna li tfixkel il-kompetizzjoni.

(192)

Barra minn hekk, il-kumpanija tas-servisjar għandha tkun suffiċjentement profitabbli. Dokumentazzjoni sottomessa mill-Ġermanja tindika li hemm ċans realistiku li l-kumpanija tas-servisjar tagħme pprofitt biżżejjed, b’mod partikolari wara l-aġġustament tal-[…]. Jekk il-miżuri intenzjonati għat-tnaqqis fl-ispejjeż huma implimentati u opportunitajiet ta’ negozju huma żviluppati, hemm ċans li l-kumpanija tas-servisjar se tattira l-investituri fis-suq.

(193)

L-impenji mogħtija mill-Ġermanja jiżguraw b’mod suffiċjenti li l-bank tal-SPM mhux se jkompli joffri servizzi fis-suq jekk l-attivitajiet tiegħu jirriżultaw li jkunu inqas ta’ profitt minn dak antiċipat tant li ma jistax jiġi mibjugħ fl-2016.

(194)

Il-Kummissjoni għalhekk tikkonkludi li l-pjan ta’ ristrutturar ta’ Ġunju 2011 jirrappreżenta xenarju ta’ likwidazzjoni ordinata għal WestLB li, minħabba l-impenji stipulati fl-Anness mad-Deċiżjoni attwali, jissodisfa l-kriterji rilevanti kollha tal-Komunikazzjoni dwar ir-Ristrutturar u l-Komunikazzjoni Bankarja u b’hekk jiżgura kompatibilità tal-miżuri ta’ għajnuna indikati fit-Tabella 7. Id-dubju tal-Kummissjoni indikat fid-deċiżjonijiet tal-ftuħ rigward il-kompatibbiltà tal-għajnuna addizzjonali għalhekk ġie allevjat.

(195)

Fil-kors tad-Deċiżjoni attwali, il-Kummissjoni kellha wkoll tikkunsidra l-miżuri mogħtija skont id-Deċiżjoni ta’ Mejju 2009. Dik id-deċiżjoni u l-pjan korrispondenti ta’ ristrutturar ta’ April 2009 ma koprewx l-għajnuna pprovduta sussegwentement u lanqas il-pjan ta’ ristrutturar ta’ April 2009 ma kien addattat biex jiggarantixxi l-vijabbiltà meħtieġa, il-qsim tal-piż u l-limitazzjoni ta’ distorsjonijiet tal-kompetizzjoni li jagħmlu l-għajnuna sussegwenti kompatibbli. Għaldaqstant, fid-Deċiżjonijiet ta’ Diċembru 2009 u Novembru 2010 il-Kummissjoni talbet pjan ġdid komprensiv ta’ ristrutturar. Pjan bħal dan ġie ppreżentat f’Ġunju 2011 u jissostitwxxi l-pjanijiet preċedenti kollha. Barra minn hekk, dak il-pjan ttrasforma dak li qabel kienu previst bħala r-ristrutturar ta’ WestLB fi proċess ta’ likwidazzjoni. Kif indikat fil-premessa d, il-pjan ta’ ristrutturar ta’ Ġunju 2011 huwa kapaċi jiżgura kompatibbiltà tal-għajnuna kollha pprovduta bejn l-2008 u l-2012 lil WestLB. Konsegwentement, id-Deċiżjoni ta’ Mejju 2009 saret superfluwa u għandha tiġi mħassra. Dik ir-revoka għandha testendi wkoll għall-impenji u l-obbligi kollha ppreżentati fil-kuntest tad-Deċiżjoni ta’ Mejju 2009.

(196)

Id-dubji tal-Kummissjoni ġew allevjati li l-banek tat-tfaddil ma pparteċipawx b’mod adegwat fil-qsim tal-piż u bbenefikaw b’mod straordinarju mill-miżura ta’ salvataġġ ta’ assi.

(197)

L-ewwel, it-tħassib tal-Kummissjoni li l-banek tat-tfaddil kellhom l-obbligu li jikkontribwixxu għall-rikapitalizzazzjoni ta’ WestLB ma setax jiġi sostanzjat; fil-fatt, il-banek tat-tfaddil ma kinux ħadu obbligu speċjali bħal dan.

(198)

It-tieni, il-Kummissjoni tosserva ammont tajjeb ta’ qsim tal-piż li jagħmel tajjeb għal-limitazzjoni tal-esponiment tal-banek tat-tfaddil għal EUR 4,5 biljun. Ċertament, l-obbligu ta’ kumpens għal telf li jista’ jseħħ fir-riżoluzzjoni tal-EAA kien, sa ċertu punt allevjat għall-banek tat-tfaddil, hekk kif l-obbligu tagħhom ġie limitat għal EUR 4,5 biljun. Madanakollu, l-ewwel nett il-banek tat-tfaddil ma kellhom l-ebda obbligu li jittrasferixxu l-assi għaż-ŻEE u tabilħaqq kellhom xi libertà kuntrattwali biex jagħmlu arranġament intern għar-responsabbiltà għal telf. Anki hekk, mid-Deċiżjoni ta’ Diċembru 2009 il-banek tat-tfaddil għaddew minn qsim tal-piż sinifikanti u tilfu l-kapital kollu tagħhom f’WestLB. Għalhekk, f’dan ir-rigward m’hemm l-ebda raġuni aktar għaliex il-każ kontra l-banek tat-tfaddil għandu jiġi segwit.

(199)

Finalment, ta’ min jinnota wkoll li l-ebda vantaġġ ma jista’ jiġi osservat favur xi membri tal-assoċjazzjonijiet tal-banek tat-tfaddil lil hinn mil-likwidazzjoni ta’ WestLB. B’mod partikolari t-trasferiment ta’ assi lil Helaba kif ukoll il-provvista ta’ kapital lil Helaba bħala skambju għall-irċevuta ta’ ishma ta’ Helaba jistgħu jitqiesu bħala parti mil-likwidazzjoni ta’ WestLB u dan l-arranġament sar biss għal dak il-għan. Anki jekk kkostitwiet bħala għajnuna mill-istat, hija tkun kompatibbli mas-suq intern fil-kuntest tal-provvista ta’ għajnuna għal-likwidazzjoni lil WestLB.

a)

it-tarka tar-riskju tal-2009 ta’ EUR 5 biljun għall-portafoll Phoenix;

b)

l-injezzjoni ta’ kapital tal-2010 ta’ EUR 3 biljun fil-kuntest tal-ewwel trasferiment ta’ assi:

c)

l-ewwel trasferiment ta’ assi tal-2010 lil Erste Abwicklungsanstalt b’ammont ta’ għajnuna ta’ EUR 10,812 biljun;

d)

it-tieni trasferiment ta’ assi tal-2012 lil Erste Abwicklungsanstalt b’ammont ta’ għajnuna ta’ EUR [1,3-2,6] biljun;

e)

l-istrument kapitali addizzjonali tal-2012 għall-bank tal-SPM ta’ EUR 1 biljun;

f)

il-kopertura addizzjonali ta’ telf tal-2012 ta’ EUR [0,5-2,0] biljun mill-Land tal-NRW għall-bank tal-SPM; u

g)

il-provvista ta’ appoġġ ta’ likwidità mill-azzjonisti ta’ WestLB fl-ewwel sitt xhur tal-2012 […] tikkostitwixxi għajnuna mill-istat.