Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32003L0049

    Cánachas íocaíochtaí úis agus ríchíosa a dhéantar idir cuideachtaí comhlachaithe

    Dáta an athbhreithnithe dheireanaigh:
    04/07/2018
    Dáta a céadchruthaíodh:
    03/04/2007
    Doiciméid achoimrithe:
    Údar:
    Oifig Foilseachán an Aontais Eorpaigh
    Eintiteas/is atá freagrach:
    Ard-Stiúrthóireacht an Chánachais agus an Aontais Chustaim

    Cánachas íocaíochtaí úis agus ríchíosa a dhéantar idir cuideachtaí comhlachaithe

     

    ACHOIMRE AR:

    Treoir 2003/49/CE — córas coiteann cánachais is infheidhme ar íocaíochtaí úis agus ríchíosa arna ndéanamh idir cuideachtaí comhlachaithe thíortha éagsúla AE

    CAD É IS AIDHM LEIS AN TREOIR?

    Dírítear inti ar chánachas cóir íocaíochtaí a dhéantar idir cuideachtaí comhlachaithe* i dtíortha éagsúla AE a áirithiú, agus cánachas dúbailte idir tíortha AE á sheachaint. Baineann sé leis an méid a leanas:

    • íocaíochtaí úis*;
    • íocaíochtaí ríchíosa*.

    PRÍOMHPHOINTÍ

    Is é is cuspóir leis an treoir cánacha a ghearrtar ag tír fhoinseach AE a dhíchur, i gcás go ngearradh tír fhála AE cánacha le haghaidh na híocaíochta céanna ag an am céanna.

    Dá réir sin, is é an phríomhaidhm a áirithiú nach ngearrfar cáin ar na híocaíochtaí i níos mó ná tír amháin (cánachas dúbailte).

    Tá íocaíocht úis agus ríchíosa a thagann chun cinn i dtír AE díolmhaithe ó chánacha ar bith eile a fhorchuirtear ar na híocaíochtaí sin sa tír sin ar an gcoinníoll go bhfuil úinéir tairbhiúil* na ríchíosanna:

    • ina chuideachta de chuid thír eile AE*;
    • nó ina buanbhunaíocht* lonnaithe de chuid thír eile AE.

    Cuimsítear san iarscríbhinn a ghabhann leis an treoir liosta de na cineálacha cuideachtaí a bhfuil feidhm ag an treoir maidir leo. Leasaíodh an treoir chun na cineálacha cuideachtaí sna tíortha a ghlac ballraíocht in AE in 2004, 2007 agus 2013 a chur san áireamh.

    I gcás go n–íocann cuideachta chomhlachaithe nó buanbhunaíocht cáin iomarcach ar ús nó ar ríchíosanna i tír AE nach a dtír féin í, ní mór di iarratas a dhéanamh ar aisíocaíocht. Ní mór don tír an cháin iomarcach iarchoimeádta a aisíoc laistigh de 1 bhliain i ndiaidh di iarratas agus faisnéis tacaíochta ar bith a d’fhéadfadh sí a iarraidh go réasúnta ón gcuideachta nó ón mbuanbhunaíocht a fháil. Murar aisíocadh an cháin iarchoimeádta laistigh den tréimhse sin, tá an chuideachta nó an bhuanbhunaíocht i dteideal (ar éag na bliana lena mbaineann) ús ar an gcáin a aisíocfar. Déantar an t–ús a ríomh ag ráta a chomhfhreagraíonn don ráta úis náisiúnta a chuirfear i bhfeidhm i gcásanna inchomparáide faoi dhlí intíre na tíre lena mbaineann.

    Ní chuirfear as an áireamh leis an treoir seo cur i bhfeidhm rialacha intíre nó rialacha bunaithe ar chomhaontú a theastaíonn chun calaois nó mí-úsáid a chosc. Féadfaidh tíortha AE tairbhí na treorach seo a aistarraingt nó a dhiúltú í a chur i bhfeidhm i gcás idirbheart a mbaineann a bpríomhspreagadh nó ceann dá bpríomhspreagthaí le himghabháil cánach, seachaint cánach nó mí-úsáid.

    Bhain tíortha áirithe tairbhe as tréimhse ó rialacha idirthréimhseacha i gcás go raibh moill leis an treoir a chur i bhfeidhm.

    Rinne an Biúró Idirnáisiúnta um Dhoiciméadúchán Fioscach suirbhé ar chur chun feidhme na treorach don Choimisiún Eorpach in 2006 agus d’fhoilsigh an Coimisiún a thuarascáil ar a hoibríocht in 2009. In 2011, ghlac an Coimisiún togra chun an treoir a athmhúnlú d’fhonn a raon feidhme a leathnú agus cásanna a sheachaint i gcás go ndeonaítear faoiseamh cánach ach nach bhfuil an t–ioncam comhfhreagrach faoi réir cánach go héifeachtach (neamhchánachas dúbailte).

    CÉN UAIR ATÁ TOSACH FEIDHME NA TREORACH?

    Tá an treoir i bhfeidhm ón 26 Meitheamh 2003 agus b’éigean dlí a dhéanamh di i dtíortha AE faoin 1 Eanáir 2004.

    CÚLRA

    Chun tuilleadh faisnéise a fháil, féach:

    PRÍOMHTHÉARMAÍ

    Íocaíocht úis: ioncam ó éilimh ar fhiacha de gach cineál, cibé acu an bhfuil nó nach bhfuil siad urraithe ag morgáiste agus cibé an mbaineann nó nach mbaineann ceart leo chun páirt a ghlacadh i mbrabúis an fhéichiúnaí. Áirítear le samplaí ioncam ó bhannaí nó ó bhintiúir (bannaí fadtéarmacha as a dtagann ráta seasta úis, a eisíonn cuideachta agus a urraítear i gcoinne sócmhainní), agus préimheanna agus duaiseanna a bhaineann leis na bannaí nó leis na bintiúir sin. Ní bhreathnaítear muirir phionóis le haghaidh íocaíocht mhall mar ús.
    Íocaíocht ríchíosa: íocaíocht de chineál ar bith a fhaightear maidir le haon chóipcheart saothair liteartha, ealaíonta nó eolaíochta a úsáid nó maidir leis an gceart chun é a úsáid, lena n–áirítear:
    • scannáin agus bogearraí cineamatagraif,
    • paitinn ar bith,
    • trádmharc,
    • dearadh nó leagan,
    • plean,
    • foirmle nó próiseas rúnda nó le haghaidh faisnéise maidir le trealamh tionsclaíoch, tráchtála nó eolaíoch.

    Breathnaítear ar íocaíochtaí as úsáid a bhaint as, nó an ceart chun úsáid a bhaint as, trealamh tionsclaíoch, tráchtála nó eolaíocha mar ríchíosanna.

    Cuideachtaí comhlachaithe: meastar gurb ionann 2 chuideachta agus cuideachtaí comhlachaithe sna cásanna seo a leanas:
    • i gcás go bhfuil íos-sealúchas díreach 25 % ag cuideachta amháin i gcaipiteal na cuideachta eile, nó
    • i gcás go bhfuil íos-sealúchas díreach 25 % ag tríú cuideachta i gcaipiteal an dá chuideachta.
    Úinéir tairbhiúil: an chuideachta a fhaigheann na híocaíochtaí sin dá tairbhe féin agus ní mar idirghabhálaí, amhail gníomhaire, iontaobhaí nó sínitheoir údaraithe, do dhuine éigin eile.

    I gcás buanbhunaíochta, nuair a bhaineann an íocaíocht go héifeachtach leis an mbuanbhunaíocht.

    Cuideachta thír eile AE: ní mór don chuideachta sin na 3 chritéar seo a leanas a chomhlíonadh:
    • cruthaíodh í i gcomhréir le dhlí thír eile AE (i.e. tá a hoifig cláraithe, a riarachán láir nó a príomháit ghnó laistigh de AE agus tá a cuid gníomhaíochtaí ina nasc éifeachtach agus leanúnach le geilleagar na tíre sin);
    • tá sí ina cuideachta chónaitheach sa tír AE sin;
    • tá sí faoi réir cánachas corparáide.
    Buanbhunaíocht: áit sheasta ghnó atá suite i mBallstát ina gcuirtear gnó cuideachta nó Ballstáit eile i gcrích go hiomlán nó i bpáirt.

    PRÍOMHDHOICIMÉAD

    Treoir 2003/49/CE ón gComhairle an 3 Meitheamh 2003 maidir leis an gcóras coiteann cánachais is infheidhme ar íocaíochtaí úis agus ríchíosa arna ndéanamh idir cuideachtaí comhlachaithe Ballstát éagsúla (IO L 157, 26.6.2003, lgh. 49-54)

    Rinneadh leasuithe agus athruithe comhleanúnacha ar Threoir 2003/49/CE a chorprú sa bhuntéacs. Ní de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Togra i dtaca le Treoir ón gComhairle maidir le córas coiteann cánachais is infheidhme ar íocaíochtaí úis agus ríchíosa arna ndéanamh idir cuideachtaí comhlachaithe Ballstát éagsúla COM(2011) 714 críochnaitheach, 11.11.2011)

    Nuashonraithe 04.07.2018

    Barr