52010PC0611

[pic] | AN COIMISIÚN EORPACH |

An Bhruiséil 28.10.2010

COIM(2010) 611 leagan deireanach

2010/0303 (COD)

xxxxx

Togra le haghaidh

RIALACHÁN (AE) […/…] Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (CE) Uimh. 1406/2002 lena mbunaítear Gníomhaireacht Eorpach um Shábháilteacht Mhuirí

SEC(2010) 1263 SEC(2010) 1264

MEABHRÁN MÍNIÚCHÁIN

1. Comhthéacs

Tar éis na tionóisce a tharla don tancaer ola Erika agus an truailliú mór ola a tháinig as an tionóisc sin, bheartaigh an Coimisiún Rialachán i dtreo dheireadh na bliana 2000 lenar bunaíodh an Ghníomhaireacht Eorpach um Shábháiltacht Mhuirí (EMSA) mar chomhlacht teicniúil leis an aidhm leibhéal ard, aonfhoirmeach agus éifeachtach sábháilteachta muirí agus coisc ar thruailliú ó longa a áirithiú san AE. Ghlac Parlaimint na hEorpa agus an Chomhairle Rialachán (CE) 1406/2002 an 27 Meitheamh 2002. Tháinig an Rialachán i bhfeidhm i mí Lúnasa sa bhliain chéanna, agus thosaigh EMSA a ghníomhaíochtaí i mí an Mhárta 2003.

Modhnuithe a rinneadh ar Rialachán EMSA roimhe seo

Rinneadh modhnú ar Rialachán 1406/2002 trí huaire ó 2002 i leith, go príomha i ngeall ar an bhforbairt a tháinig ar reachtaíocht mhuirí an AE.

Ba de chineál cothrománach é an chéad mhodhnú[1] a rinneadh ar Rialachán bunaidh EMSA is é sin le rá gur bhain sé le nósanna imeachta airgeadais agus buiséid chomh maith le trédhearcacht.

I bhfianaise thimpiste an Prestige in 2002, rinneadh an dara modhnú[2] ar an Rialachán a tháinig i bhfeidhm i mí na Bealtaine 2004 agus a thug isteach roinnt mhaith tascanna nua don Ghníomhaireacht go háirithe maidir le hullmhacht agus freagairt i gcás truaillithe. Sa dara hathbhreithniú seo cuireadh forbairt inniúlacht an AE i réimse na sábháilteachta muirí san áireamh freisin, ag iarraidh ar an nGníomhaireacht cúnamh teicniúil a sholáthar i gcomhair cigireachtaí an Choimisiúin faoi Rialachán (CE) Uimh. 725/2004[3] maidir le slándáil long agus saoráidí calafoirt a fheabhsú. Ina theannta sin, i réimse na hoiliúna maraithe, iarradh ar EMSA cuidiú leis an gCoimisiún chun nósanna imeachta deimniúcháin maraithe agus bunaíochtaí oiliúna a mheasúnú i dtíortha an AE agus i dtíortha lasmuigh den AE araon i gcomhréir le Coinbhinsiún na hEagraíochta Muirí Idirnáisiúnta maidir le Caighdeáin Oiliúna, Deimhniúcháin agus faire do Mharaithe.

Sa triú modhnú[4] tugadh creat airgeadais ilbhliantúil EUR 154 milliún do EMSA le haghaidh gníomhaíochtaí freagartha i gcás truaillithe don tréimhse 2007 go 2013.

Mar sin féin, ní raibh na modhnuithe roimhe sin leordhóthanach chun déileáil leis na dúshláin nua os comhair EMSA amach, mar nach bhfuil an chuid is mó de na dúshláin sin faoi chuimsiú EMSA, nó lasmuigh de EMSA agus den AE ina iomláine fiú amháin.

Staid EMSA faoi láthair

Faoi láthair tugann EMSA cúnamh teicniúil agus eolaíoch do na Ballstáit agus don Choimisiún chun cuidiú leis na Ballstáit reachtaíocht Chomhphobail a chur i bhfeidhm mar is cuí i réimse na sábháilteachta muirí, na slándála muirí agus an choisc ar thruailliú ó longa, monatóireacht a dhéanamh ar chur chun feidhme na reachtaíochta agus éifeachtacht na mbeart atá i bhfeidhm a mheas agus cuidiú bearta nua a fhorbairt. Léiríonn roinnt eochairfhigiúirí ó 2009 gníomhaíochtaí éagsúla EMSA:

Rinneadh 114 cigireacht i réimse na sábháilteachta muirí, na slándála muirí agus an choisc ar thruailliú ó longa. |

Eagraíodh 88 imeacht a raibh níos mó na 2 250 duine rannpháirteach iontu. Áirítear leis sin 694 duine oilte in 34 seisiún oiliúna. |

65 tuarascáil theicniúil shubstaintiúil. |

13 chonradh lenar cumhdaíodh 18 long chúltaca glanta doirtí ola (a bhfuil 16 long díobh sa chéim chúltaca agus 2 long díobh sa chéim ullmhúcháin) le haghaidh fharraigí réigiúnacha éagsúla an AE. Rannpháirtíocht in 47 druil. |

Malartaítear níos mó ná 3 mhilliún teachtaireacht gach mí trí chóras monatóireachta tráchta soitheach an AE SafeSeaNet, a bhfuil 2 000 úsáideoirí aige. |

CleanSeaNet: Braitheadh 2107 leo ola féideartha, d'fhíoraigh na Ballstáit 751 leo ola agus deimhníodh 194 leo ola. |

Aithint agus Rianú Long Fadraoin (LRIT): Lárionad sonraí LRIT an AE a chumhdaíonn níos mó na 6 000 long faoi bhrat an AE. |

Tá tuilleadh faisnéise cuimsithí maidir le EMSA ar fáil sa tuarascáil faoin measúnú tionchair agus ar shuíomh gréasáin EMSA[5].

2. cuspóir agus cosaint an bhirt mholta

Is é is aidhm leis an mbeart atá molta Rialachán (CE) 1406/2002 a leasú trí thascanna agus ról EMSA atá ann cheana a shoiléiriú agus trí thascanna EMSA a shíneadh go réimsí nua atá á fhorbairt ar leibhéal idirnáisiúnta agus/nó leibhéal an AE.

Ina theachtaireacht a thug isteach an tríú pacáiste um sábháilteacht mhuirí i dtreo dheireadh na bliana 2005, chuir an Coimisiún i bhfios: Beidh baint ag EMSA, arna bhunú le Rialachán (CE) Uimh.1406/2002 ó Pharlaimint na hEorpa agus ón gComhairle le cur chun feidhme na mbeart sa phacáiste seo, nuair is iomchuí. Déantar foráil do chuid de na bearta cheana sa Rialachán sin. Beidh na bearta eile i dtogra chun an Rialachán lena mbunaítear an Ghníomhaireacht a leasú, togra a bheartaíonn an Coimisiún a thíolacadh sa mhí atá romhainn[6].

Ina Theachtaireacht 'Spriocanna straitéiseacha agus moltaí do bheartas muiriompair an AE go dtí 2018'[7], dúirt an Coimisiún go raibh sé ar intinn aige sainordú agus feidhmiú na Gníomhaireachta Eorpaí um Shábháilteacht Mhuirí a athbhreithniú, d'fhonn an cúnamh teicniúil agus eolaíoch is féidir leis a thabhairt do na Ballstáit agus don Choimisiún a fheabhsú tuilleadh.

Ina conclúidí an 30 Márta 2009, thug an Chomhairle cuireadh don Choimisiún bearta a fhorbairt maidir le 'i bhfianaise na ndúshlán atá ag teacht, obair na Gníomhaireachta Eorpaí um Shábháilteaċht Mhuirí a fheabhsú chun cúnamh teicniúil agus eolaíoch a sholáthar do Bhallstáit agus don Choimisiún' [8]

Tar éis cuireadh a fháil ó Pharlaimint na hEorpa agus ón gComhairle[9], tá seirbhísí an Choimisiúin ag obair ar staidéar indéantachta maidir le seirbhís garda cósta Eorpach. Tá seirbhísí an Choimisiúin tar éis a bhaint de thátal as sin, go dtí seo, go bhféadfaí sineirgíochtaí ar leibhéal an AE maidir le hoibríochtaí áirithe garda cósta a neartú trí ghníomhaíochtaí EMSA. D'fhéadfaí an méid seo a neartú tuilleadh trí thascanna EMSA a shíneadh i limistéir roghnaithe, go háirithe maidir le monatóireacht a dhéanamh ar thrácht muirí agus bealaí loingseoireachta chomh maith le cúnamh a thabhairt do Bhallstáit agus truaillitheoirí féideartha á rianú acu.

2.1. Meastóireacht sheachtrach ar EMSA

Mar a fhoráiltear in Airteagal 22 de Rialachán (CE) Uimh.1406/2002, choimisiúnaigh Bord Riaracháin EMSA meastóireacht sheachtrach neamhspleách ar chur chun feidhme an Rialacháin i dtreo dheireadh na bliana 2007. Sa staidéar a rinne an chuideachta comhairliúcháin COWI, rinneadh meastóireacht ar thionchar Rialachán bunaidh EMSA, ar an nGníomhaireacht agus ar a cleachtais oibre. Cuireadh an tuarascáil deiridh faoi bhráid an Bhoird Riaracháin i Márta 2008[10]. Sa mheastóireacht sheachtrach bronntar sármharcanna ar an nGníomhaireacht atá achoimrithe san athfhriotal seo a leanas:

'Is é an tátal ginearálta ón meastóireacht gur líonadh bearna i réimse na sabháilteachta muirí san Aontas Eorpach trí EMSA a bhunú. D'fhás an Ghníomhaireacht go tapa ó thaobh a cúraimí agus a tábhachta de agus is gníomhaire suntasach í anois i réimse na sábháilteachta muirí. Tá an Ghníomhaireacht tar éis luach a chur leis an earnáil i gcoitinne, agus, go háirithe, lena dhá phríomh-gheallsealbhóir, na Ballstáit agus an Coimisiún.'[11]

Mar sin féin, cuirtear béim sa thuarascáil ar an deis tuilleadh feabhsuithe agus soiléirithe a dhéanamh.

2.2. Moltaí Bhord Riaracháin EMSA

Bunaithe ar an meastóireacht sheachtrach, d'eisigh an Bord Riaracháin moltaí[12]; is féidir a achoimriú mar seo a leanas:

I. Athruithe ar Rialachán (CE) Uimh. 1406/2002:

- Airteagal 22 den Rialachán bunaidh a leasú chun foráil a dhéanamh do mheastóireachtaí rialta ar chur chun feidhme Rialachán EMSA (gach 5 bliana).

II. Moltaí a bhaineann leis an nGníomhaireacht agus a cleachtais oibre.

- Leanúint de dhíriú ar ghníomhaíochtaí a chuireann le luach na Gníomhaireachta dá geallsealbhóirí;

- Plean straitéiseach a fhorbairt lena gclúdófaí peirspíocht 5 bliana;

- Leanúint de na hiarrachtaí i dtreo costáil agus buidéadú atá bunaithe ar ghníomhaíochtaí;

- Na cláir oibre bhliantúla a struchtúrú ionas go bhfeidhmeoidís mar phleananna gníomaíochta do bhliain áirithe;

- An tuarascáil bhliantúil a fhorbairt chun na spriocanna a baineadh amach go hiarbhír as measc na spriocanna uile a léiriú.

- Cumas bainistíochta tionscadal a fhorbairt.

III. Moltaí eile/ginearálta

- Athbhreithnithe foirmeáilte, tréimhsiúla a áirithiú maidir le héifeachtacht EMSA.

2.3. Straitéis ilbhliantúil EMSA

I Márta 2010, d'fhormheas Bord Riaracháin EMSA straitéis ilbhliantúil don tréimhse 2010-2014, ina leagtar amach 14 téama nua do EMSA. Tacaíonn an Coimisiún leis an straitéis ar chuntar go bhfuil na hacmhainní buiséadacha a theastaíonn ar fáil. Cé go measann an Coimisiún nach gá athruithe ar reachtaíocht an AE i gcás go leor de na 14 téamaí, go háirithe Rialachán EMSA, chuir sé na téamaí seo a leanas san áireamh sa togra seo:

Téama 1 Imscrúdú Tionóiscí: Tá foclaíocht nua Airteagal 2(4)(b) de réir na straitéise ilbhliantúla.

Téama 4 Cigireachtaí: Léirítear smaoineamh maidir le hanailís chothrománach ar thuarascálacha cigireachta in Airteagal 3(3). Maidir le slándáil mhuirí, moltar in Airteagal 2(2)(b) gur féidir le EMSA cúnamh teicniúil a sholáthar i gcás na gcigireachtaí go léir faoi Rialachán (CE) Uimh. 725/2004 (ar thaobh na loinge agus ar thaobh na saoráidí calafoirt). Déileáilfear leis an gceist i ndáil le haitheantas eagraíochtaí slándála, más iomchuí, sa reachtaíocht shonrach de chuid an AE.

Téama 6 Faireachas Muirí: Cuireadh tagairt le hAirteagal 2(4)(a) do rannchuidiú EMSA maidir le faireachas muirí le hAirteagal 2(4)(a).

Téama 7 Faisnéis mhuirí satailíte a chomhordú (GMES): Cuireadh tagairt le hAirteagal 2(2)(d) do rannchuidiú EMSA cur chun feidhme cláir de chuid an AE amhail GMES .

Téama 9 Lárionad réigiúnach: I gcomhréir leis an straitéis, molann an Coimisiún an srianadh reatha ar mhonatóireacht tráchta soitheach a scrios mar go bhfuil tábhachtacht ag baint le foirmeacha eile comhairle teicniúla freisin, go háirithe oiliúint agus rochtain ar sheirbhísí oibríochtúla i gcomhthéacs réigiúin na Meánmhara agus na Mara Duibhe (féach an t-athrú ar Airteagal 5(3).

Téama 10 Taighde: Leagtar béim in Airteagal 2(2)(e) ar ról leathnaithe EMSA maidir le taighde an AE.

Téama 11 Tíortha comharsanachta: Tá Airteagal 2(2)(e) de réir ról nua EMSA maidir le tíortha comharsanachta.

Cé nach gá aon mhodhnuithe a dhéanamh ar Rialachán EMSA i gcás théama 13 'an eilimint dhaonna' ná i gcás théama 14 'e-maritime', déanann an Coimisiún foráil d'acmhainní daonna breise sa ráiteas airgeadais a ghabhann leis an togra seo.

2.4. Tascanna EMSA

D'úsáid an Coimisiún an mheastóireacht sheachtrach, na moltaí agus an straitéis ilbhliantúil agus an togra seo á ullmhú. Ina theannta sin, rinne sé na forbairtí idirnáisiúnta agus ar fud an AE a mheas, forbairtí óna dteastódh leasuithe ar Rialachán EMSA (féach an measúnú tionchair a ghabhann leis seo).

Molann an Coimisiún cuspóirí agus cúraimí reatha EMSA a choimeád. Mar sin féin, is gá idéanna áirithe a shoiléiriú agus cúnamh EMSA don Choimisiún, do na Ballstáit agus páirtithe eile a shainiú ar shlí níos beaichte.

Cuirtear cúraimí nua ar EMSA de dhroim an tríú pacáiste sábháilteachta muirí a chur chun feidhme. D'aontaigh reachtóir an Chomhphobail i mí na Nollag 2008 leis an bpacáiste reachtaíochta uaillmhianach agus cuimsitheach seo lena gcumhdaítear Rialú Stáit ar Chalafoirt, cumainn aicmiúcháin, monatóireacht ar thrácht soitheach, imscrúdú tionóiscí, slánaíocht paisinéirí, ceanglais Bratstáit agus dliteanas úinéirí loinge. Glacadh na hocht bpacáiste reachtaíochta go foirmeáilte i mí Aibreáin 2009 agus cuirfear na bearta éagsúla chun feidhme thar na blianta atá romhainn[13].

I réimse an taighde , ba cheart do EMSA páirt níos mó a ghlacadh i dtaighde muirí an AE agus – trí anailís a dhéanamh ar na tionscadail taighde – an obair leantach fhéideartha a aithint ó thaobh na rialála de. Ina theannta sin, d'fhéadfadh EMSA cuidiú leis an gCoimisiún na gníomhaíochtaí taighde a aithint i ngeall ar a thaithí theicniúil chuimsitheach. Mar sin féin, ní bheidh EMSA ag bainistiú tionscadail taighde ná ní dhúblálfaidh sé obair a dhéanann struchtúir taighde de chuid an AE atá ann cheana.

Sna leasuithe, táthar ag iarraidh cúnamh EMSA don Choimisiún agus do na Ballstáit a shoiléiriú in eagraíochtaí idirnáisíúnta agus réigiúnacha éagsúla d'fhonn a áirithiú go bhfaighidh an Coimisiún agus na Ballstáit an chomhairle theicniúil is fearr is féidir. Baineann sé seo le heagraíochtaí amhail an Eagraíocht Idirnáisiúnta Mhuirí, an Eagraíocht Idirnáisiúnta Saothair, Meabhrán Tuisceana Pháras i ndáil le Rialú Stáit ar Chalafoirt agus comhlachtaí réigiúnacha eile, (mar shampla Coinbhinsiún Barcelona, Comhaontú Comhair Bonn, Coinbhinsiún Bhúcairist, Coinbhinsiún Heilsincí, Comhaontú Lispóin agus an Chomhairle Artach).

Ina theannta sin, is féidir le roinnt de na seirbhísí oibríochtúla ardluacha a sholáthraíonn EMSA (SafeSeaNet, CleanSeaNet, LRIT, Rialú Stáit ar Chalafoirt etc.) rannchuidiú suntasach i ndáil le beartais eile de chuid an AE, mar shampla an cur chuige comhtháite maidir le faireachas muirí faoin mbeartas muirí AE comhtháite. Is éard atá beartaithe ná córais faireachais dhifriúla atá bunaithe nó atá á bhforbairt nó á bpleanáil a thabhairt le chéile agus a dhéanamh comh-inoibritheach[14]. Réimse beartais eile inar féidir le EMSA rannchuidiú ar bhealach ábhartha i ngeall ar a shaineolas i sonraí satailíte a phróiseáil is ea an clár GMES ('Monatóireacht Dhomhanda don Chomhshaol agus don tSlándáil'). Ina theannta sin, tá saineolas, córais, úsáidí agus sonraí úsáideach nuair atá measúnú agus anailísí á ndéanamh ar na brúnna éagsúla a chuireann loingseoireacht ar an gcomhshaol muirí , amhail uisce ballasta, bruscar muirí agus torann faoin uisce, agus é mar chúspóir stádas maith comhshaoil a bhaint amach a chuirfear i gcrích de réir na Treorach Réime um Straitéis Mhuirí[15].

Ina theannta sin, ní foláir na rioscaí a bhaineann le hoibríochtaí ola amach ón gcósta don mhuiriompar agus don timpeallacht mhuirí a chur san áireamh. San athbhreithniú seo, soiléirítear gur féidir cumas freagartha EMSA a úsáid freisin i gcás truaillithe mhara a thagann as foinsí eile seachas soithigh, go háirithe ardáin ola. Ar ndóigh, faoi chuimsiú Mheicníocht an AE um Chosaint Shibhialta, thairg EMSA agus roinnt mhaith Ballstát trealamh sonrach agus soithigh freagartha speisialaithe i gcás truaillithe d'údaráis Stáit Aontaithe Mheiriceá le cuidiú sa comhrac i gcoinne an doirte ola i Murascaill Mheicsiceo. Breathnóidh an Coimisiún a thuilleadh ar a mhéid a rannchuideoidh EMSA sa todhchaí i ndáil le sábháilteacht sirtheoireachta ola agus gáis agus suiteálacha táirgthe amach ón gcósta, ag cur san áireamh go bhfuil an ghníomhaíocht sin lasmuigh d'earnáil an mhuiriompair agus go bhfuil an Coimisiún i gcomhar leis na geallsealbhóirí ag déanamh measúnaithe faoi láthair ar an ngá atá le rialacha de chuid an AE a bhunú.

I ngeall ar Rialachán EMSA mar atá sé faoi láthair tá sé an-deacair comhar teicniúil a bhunú le tíortha comharsanachta . Go dtí seo, ní raibh ach an Iorua agus an Íoslainn ábalta bheith rannpháirteach in EMSA trí fhorálacha Airteagal 17. Tá spéis léirithe ag tríú tíortha eile a roineann farraigí réigiúnacha leis an AE (An Mhuir Bhailt, an Mhuir Dhuibh, an Mheánmhuir, agus an tAigéan Artach) comhar teicniúil a dhéanamh le EMSA i réimsí éagsúla (íomhánna satailíte a úsáid chun truaillitheoirí ionchasacha a rianú, sonraí tráchta muirí a mhalartú, gníomhaíochtaí oiliúna, saineolas teicniúil, soithigh freagartha i gcás truaillithe). I ngeall ar an mbunús dlí sriantach tá gníomhaíochtaí comhair na Gníomhaireachta an-teoranta go dtí an pointe seo.

Measann an Coimisiún nach ceart cúnamh EMSA do shlándáil mhuirí a shíneadh thar Rialachán 725/2004[16]. Ní bheartaítear mar sin go mbeidh EMSA bainteach le cur chun feidhme Threoir 2005/65/CE maidir le slándáil calafoirt a fheabhsú[17]. Mar sin féin, moltar an teorann reatha ar chúnamh EMSA do chigireachtaí[18] an Choimisiúin faoi chuimsiú Rialachán (CE) Uimh. 725/2004 a bhaint ar mhaithe le tuilleadh éifeachtúlachta agus solúbthachta. Tuigtear go ndéanfaidh an ceannaire foirne na cúraimí éagsúla a leithdháileadh ar na saineolaithe de réir a dtáithí ábhartha, laistigh d'fhoireann chigireachta. Ní bheartaítear aon acmhainní breise do EMSA tríd an modhnú seo.

2.5. Gnéithe rialachais

Tár éis taithí de níos mó ná seacht mbliana, is léir go bhfuil struchtúr rialachais EMSA láidir. Is réasúnach bunú institiúideach EMSA mar ghníomhaireacht 'rialála' an Chomhphobail, agus neamhspleáchas suntasach aici, a choimeád. Mar sin féin, i gcás líon beag réimsí, is léir ón taithí a fuarthas gur gá feabhsuithe agus soiléirithe.

Baineann sé seo, go háirithe, leis na cigireachtaí arna n-eagrú ag an nGníomhaireacht thar ceann an Choimisiúin. Sa réimse seo, is gá róil na Gníomhaireachta, an Choimisiúin, an Bhoird Riaracháin agus na mBallstát a shoiléiriú: Tá ionadaithe Ballstát ag an mBord Riaracháin ag tabhairt aghaidh ar choinbhleacht leasa a d'fhéadfadh a bheith ann: Ar thaobh amháin cinneann siad gníomhaíochtaí agus acmhainní EMSA, go háirithe maidir le cuairteanna beartais[19], ar an taobh eile déanann siad ionadaíochta thar ceann riarachán náisiúnta, atá faoi réir iad féin cigireachtaí arna ndéanamh ag EMSA thar ceann an Choimisiúin chun a sheiceáil an bhfuil rialacháin agus cleachtais náisiúnta i gcomhréir leis an dlí is infheidhme de chuid an an AE. Bhí plé ag na cruinnithe boird i ngeall ar an gcoinbhleacht leasa a d'fhéadfadh a bheith i gceist leis sin, go háirithe tráth a cinneadh 'beartas cuairteanna' EMSA.

Cé go bhuil fadhbanna móra á seachaint i láthair na huaire ar ámharaí an tsaoil, i ngeall ar nádúr fadhbach na bhforálacha bunaidh tá gá le gníomhaíocht cheartaitheach trí róil na ngníomhaithe éagsúla a shoiléiriú. D'fhonn deis a thabhairt do na Ballstáit, don Ghníomhaireacht féin agus don Choimisiún ionchur a sholáthar agus freagracht a ghlacadh, molann an Coimisiún go nglacfaidh sé féin modhanna oibríochtúla na Gníomhaireachta i réimse na gcigireachtaí, trí bhíthin an nós imeachta coiste mar a dhéantar i gcás EASA (Gníomhaireacht Eorpach um Shábháilteacht Eitlíochta). Leanfaidh an Bord Riaracháin ina ról, inter alia trí chlár oibre agus buiséad na Gníomhaireachta a chinneadh.

- Baineann saincheiseanna rialachais le bainistíocht na Gníomhaireachta. Mar a mhol Bord Riaracháin EMSA, ba cheart meastóireacht sheachtrach na Gníomhaireachta a dhéanamh arís go tráthrialta agus beidh gá le modhnuithe ar Airteagal 22 dá bharr sin. Baineann an dara moladh le straitéis ilbhliantúil a fhorbairt d'EMSA, rud ar cheart dó fís straitéiseach níos fearr a cheadú fad is atá an phleanáil reatha faoi thionchar timthrialla buiséid ilbhliantúil go príomha (féach na hathruithe ar Airteagal 10 agus Airteagal 15). Ina theannta sin, i ngeall ar an méadú ar EMSA, ba cheart feidhm Cinn Roinne a chumhdach sa Rialachán.

- Maidir le gnéithe rialachais cothrománacha a dhéanann difear do ghníomhaireachtaí uile an AE, tá na hInstitiúidí tar éis beart machnaimh a lainseáil i ndiaidh Teachtaireachta ón gCoimisiún in 2008[20]. Dá bhrí sin, chinn an Coimisiún gan aon athruithe de chineál cothrománach a mholadh. Mar sin féin, ba mhaith leis an gCoimisiún aird a dhíriú ar chothromaíocht mhodhnaithe na gceart vótála idir an Coimisiún agus na Ballstáit sa Bhord Riaracháin, a athraíodh go suntasach leis na méaduithe is déanaí. Cé go raibh tuairim is 21 % de na vótaí ag an gCoimisiún sna chéad chruinnithe a bhí ag Bord Rialacháin EMSA (4 ionadaí as iomlán 19 ionadaí a raibh cearta vótála acu), laghdaíodh an cion sin go tuairim is 13 % i ngeall ar an méadú go 27 Ballstát agus beidh tuilleadh laghduithe air sna chéad mhéaduithe eile. Déanann na Boird Riaracháin cinntí trí thromlach dhá thrian de na comhaltaí uile a bhfuil ceart vótála acu (féach Airteagal 14), agus ní foláir tromlach ceithre chúigiú chun Stiúrthóirí Feidhmiúcháin a cheapadh (féach Airteagal 16). Measann an Coimisiún gur cheart aidhmeanna tosaigh an reachtóra Eorpaigh maidir le cothromaíocht institiúideach laistigh de Bhord Riaracháin EMSA a athbhunú sa mheántéarma gan ballraíocht an Bhoird Riaracháin a mhéadú tuilleadh (31 comhalta faoi láthair le cearta vótála agus 6 chomhalta gan ceart vótála[21]).

2.6. Measúnú tionchair

Tá an tuarascáil faoin Measúnú Tionchair agus an achoimre ag gabháil leis an togra. D'eisigh an Bord um Measúnú Tionchair a thuairim an 22 Meitheamh 2008 inar tugadh roinnt moltaí maidir le feabhsuithe a chur ar an dréacht-thuarascáil, a rinneadh a ionchorprú sa leagan deireanach.

3. Eilimintí dlí an togra

3.1. Bunús dlí

Is é Airteagal 100(2) CFAE an bunús dlí don togra, a bhí mar bhunús dlí do Rialachán 1406/2002.

3.2. Prionsabail na coimhdeachta agus na comhréireachta

Urramaítear prionsabail na coimhdeachta agus na comhréireachta go hiomlán. Deimhníodh sa mheastóireacht sheachtrach neamhspleách (féach faoi phointe 2.1 thuas) go bhfuil gá le hidirghabháil ón AE d'fhonn cuidiú leis na Ballstáit agus leis an gCoimisiún an leibhéal sábháilteachta muirí, slándála muirí agus cosaint an chomhshaoil mhuirí atá ina cheangal laistigh den AE a bhaint amach. Ina theannta sin, aithníodh éifeachtacht ghníomhaíochtaí na Gníomhaireachta. Tá na bearta a mholtar comhréireach mar nach leasaíonn siad ach na codanna sin den Rialachán atá ann cheana ina bhfuil gá le soiléirithe nó modhnuithe.

3.3. Rogha na hionstraime

Is é Rialachán an ionstraim is iomchuí chun Rialachán atá ann cheana a leasú.

4. Impleachtaí buiséadacha

Tá impleacht bheag bhuiséadach ag an togra sa mhéid go bhfaigheann an Ghníomhaireacht líon teoranta cúraimí nua nó cúraimí sínithe, a mbeadh gá ag EMSA le 18 bpost ina leith chun comhar éifeachtach éifeachtúil a áirithiú. Mar sin féin, i bhfianaise na staide buiséadaí atá ann faoi láthair, chomhaontaigh an Coimisiún leis an nGníomhaireacht iarracht shuntasach ath-imlonnaithe a dhéanamh, a mbeidh de thoradh uirthi go soláthróidh EMSA féin 6 cinn de na poist seo trí ath-imlonnú inmheánach a dhéanamh. Ciallaíonn sé sin nárbh fholáir don údarás buiséadach ach 12 post bhreise ar fad a chruthú sna nósanna imeachta buiséadacha bliantúla atá le teacht, do phlean bunaíochta na Gníomhaireachta, a chéimneofar isteach idir 2012 agus 2014 (5 phost in 2012, 4 phost in 2013 agus 3 phost in 2014). Tá sé seo ag luí go hiomlán le Plean Beartais Foirne Ilbhliantúil na Gníomhaireachta do na blianta 2011 go 2013 arna ghlacadh ag Bord Riaracháin EMSA i mí an Mhárta 2010 agus arna tharchur chuig an Údarás Buiséadach mar chuid den doiciméadacht do nós imeachta buiséadach 2011. Tá tionchar buiséadach an togra teoranta mar sin do shuim iomlán de thuairim is EUR 3.9 milliún don tréimhse 2012 go 2015 (le haghaidh tuilleadh sonraí féach an ráiteas airgeadais agus an measúnú tionchair a ghabhann leis).

Is é tuairim an Choimisiúin go bhfuil an Ghníomhaireacht á comhdhlúthú anois, tar éis méadú suntasach acmhainní daonna do EMSA sna blianta 2005 go 2008 (fuair EMSA 126 post breise ar fad sna 4 bliana sin), mar atá léirithe cheana sna pleananna bunaíochta do 2009 go 2011 ina dtuartar méaduithe beaga in ainneoin go bhfuil gníomhaíochtaí agus cúraimí EMSA ag fás go tapa. Sula molfaidh sé aon síneadh breise ar chúraimí a éileodh tuilleadh acmhainní, leanfaidh an Coimisiún, agus an Ghníomhaireacht de chúnamh aige, de ghníomhaíochtaí agus acmhainní EMSA a scagadh chun a áirithiú don todhchaí freisin go n-úsáidfear na deiseanna uile ath-mlonnaithe laistigh den Ghníomhaireacht.

5. ÁBHAR AN TOGRA

Tá dhá Airteagal sa togra. Sa chéad Airteagal sonraítear na modhnuithe molta do Rialachán 1406/2002, agus baineann an dara hAirteagal le teacht i bhfeidhm an Rialacháin. Sa tábla seo a leanas tugtar forléargas ar na hathruithe ar Rialachán (CE) 1406/2002, agus tugtar na mionsonraithe sna ranna ina dhiaidh sin:

Airteagal | Ábhar | Athruithe |

1 | Cuspóirí | Leagan nua |

2 | Cúraimí | Leagan nua |

3 | Cigireachtaí | Leagan nua |

4 | Trédhearcacht | Gan athrú |

5 | Stádas Dlíthiúil | Mionathruithe i míreanna 3 agus 4 |

6 | Foireann | Gan athrú |

7 | Pribhléidí | Gan athrú |

8 | Dliteanas | Gan athrú |

9 | Teangacha | Gan athrú |

10 | An Bord Riaracháin | Mionathruithe ar mhír 2: modhnú ar phointe (c), pointí (ca) agus (cb) curtha isteach, pointe (g) scriosta, athruithe ar phointe (i) agus simpliú ar phointe (l). |

11 | Comhdhéanamh | Gan athrú |

12 | Cathaoirleach | Gan athrú |

13 | Cruinnithe | Gan athrú |

14 | Vótáil | Gan athrú |

15 | Stiúrthóir Feidhmiúcháin | Athruithe ar mhír 2 (modhnú ar phointe (a) , pointí (aa) agus (ab) curtha isteach, modhnú ar phointí (b) agus (d), pointe (g) scriosta) agus mír 3 scriosta. |

16 | Ceapachán | Leagan nua |

17 | Tríú tíortha | Gan athrú |

18 | Buiséad | Mionathrú ar mhír 1 |

19 | Rialú | Gan athrú |

20 | Calaois | Gan athrú |

21 | Forálacha airgeadais | Gan athrú |

22 | Meastóireacht | Mionathrú ar mhír 1 |

23 | Tús | Leagan nua |

24 | Teacht i bhfeidhm | Gan athrú |

5.1.1. Athruithe ar Airteagal 1 (Cuspóir)

Mar a dhearbhaítear thuas, níl aon athrú ar chuspóirí an Rialacháin. Dá bhrí sin, ní mholann an Coimisiún ach roinnt leasuithe beaga ar Airteagal 1.

5.1.2. Athruithe ar Airteagal 2 (Cúraimí)

Toisc go bhfuil sé deacair an tAirteagal a léamh sa leagan reatha, molann an Coimisiún leagan nua, a urramaíonn an struchtúr a bhí ann roimhe seo. Beartaítear leis seo cúraimí EMSA a shoiléiriú tuilleadh i bhformáid atá éasca don úsáideoir. Tá cúig mhír san Airteagal molta. Sa mhír tosaigh leagtar amach réimsí gníomhaíochtaí na Gníomhaireachta agus an soiléiriú a chuirtear in iúl in Airteagal 1 á léiriú inti. Meabhraítear freagracht bunaidh an Choimisiúin as acquis an AE a chur chun feidhme in Aithris 4. I míreanna 2 go 5 leagtar amach cúraimí éagsúla EMSA i ndáil le daoine éagsúla lena mbaineann.

5.1.3. Athruithe ar Airteagal 3 (Cigireachtaí)

D'fhonn ról institiúideach EMSA i gcur chun feidhme reachtaíocht AE a léiriú i gceart, molann an Coimisiún foclaíocht nua d'Airteagal 3. Scriosadh an tagairt don bheartas arna shainiú ag an mBord Riaracháin. Ar ndóigh, d'fhéadfaí coinbhleacht leasa a chruthú d'ionadaithe na mBallstát trí 'beartas cuairteanna' a dhéanfadh difear don riarachán baile a chinneadh. Ina ionad sin, molann an Coimisiún sampla an Údaráis Eorpaigh um Shábháilteacht Eitlíochta a leanúint maidir le modhanna oibre na Gníomhaireachta sa réimse sin a bhunú[22]. Áirithítear leis sin rannpháirtíocht na bpáirtithe leasmhara uile (an Ghníomhaireacht, na Ballstáit, an Coimisiún) agus róil agus freagrachtaí institiúideacha á n-urramú acu san am céanna.

5.1.4. Athruithe ar Airteagal 5 (Stádas dlíthiúil, socruithe riaracháin, lárionaid réigiúnacha)

Tríd an athrú atá molta ar mhír 3, tá an Coimisiún ag iarraidh deireadh a chur leis an srian ar lárionaid réigiúnacha, a bhfuil sé mar chúram eisiach orthu faoi láthair díriú ar shaincheisteanna maidir le monatóireacht tráchta soitheach i gcomhthéacs Threoir 2002/59. Níltear ag tabhairt le tuiscint leis an athrú atá molta go dtíolacfaidh an Coimisiún iarraidh maidir le lárionad réigiúnach a bhunú chuig Bord Riaracháin EMSA. Ní foláir indéantacht a leithéid de lárionad réigiúnach a léiriú go soiléir ar dtús.

San athrú atá molta ar mhír 4 léirítear rannpháirtíocht EMSA, rannpháirtíocht atá ag fás fós, i saincheisteanna muiriompair ar leibhéal réigiúnach agus ar leibhéal idirnáisiúnta – e.g. trí Aithint agus Ríanú Long Fadraoin (LRIT) agus trí fhaireachas muirí a fhorbairt san AE. Leis seo ceanglaítear ar an nGníomhaireacht dul i gcomhar riaracháin le comhlachtaí eile. Déanann an Stiúrthóir Feidhmiúcháin ionadaíocht thar ceann na Gníomhaireachta trí chomhaontuithe riaracháin, nach conarthaí idirnáisiúnta iad. Ar mhaithe le trédhearcacht, teastaíonn an Bord Riaracháin a chur ar an eolas mar is iomchuí.

5.1.5. Athruithe ar Airteagal 10 (Bord Riaracháin)

Molann an Coimisiún na leasuithe seo a leanas ar mhír 2 d'Airteagal 10:

- I bpointe (c) ní foláir an tagairt d'Airteagal 2 a oiriúnú;

- Tagraíonn na pointí nua (ca) agus (cb) do straitéis ilbhliantúil agus plean beartais foirne ilbhliantúil EMSA arna nglacadh ag an mBord Riaracháin;

- De thoradh an athraithe ar Airteagal 3, ní foláir pointe (g) a scriosadh;

- I bpointe (i), ní folair na poist nua do Chinn Roinne a léiriú;

- I bpointe (l), leis an simpliú a chuirtear in iúl in Airteagal 15(2)(g) thíos maidir le tuarascáil ar leith maidir le bearta frith-thruaillithe, ceadaítear simpliú iarmhartach.

5.1.6. Athruithe ar Airteagal 15 (Stiúrthóir Feidhmiúcháin)

Molann an Coimisiún roinnt athruithe ar Airteagal 15(2) maidir leis an Stiúrthóir Feidhmiúcháin. Maidir leis an gcuid is mó díobh, níl ann ach eagarthóireacht atá le déanamh i ngeall ar athruithe ar airteagail eile. Faoi dheireadh, is féidir mír 3 a scriosadh mar gur bogadh a raibh ann go hAirteagal 16.

5.1.7. Athruithe ar Airteagal 16 (an Stiúrthóir Feidhmiúcháin agus na Cinn Roinne a cheapadh)

I ngeall ar an nGníomhaireacht a bheith ag méadú (suas go 242 duine fostaithe in 2010), tá tacaíocht ag teastáil ón Stiúrthóir Feidhmiúcháin ar leibhéal bainistíochta. Tuartar i gcairt eagrúcháin EMSA ó Mheitheamh 2008 triúr Cheann Roinne mar leibhéal bainistíochta idirmheánach a chomhfhreagraíonn leis an staid i ngníomhaireachtaí eile de chuid an AE de mhéid inchomparáide. Leis an bhfoclaíocht nua mar sin ní theastaíonn aon phoist nua i bplean bunaíochta EMSA. Athraítear teideal an Airteagail agus bunaítear ceapachán na gCeann Roinne ag an Stiúrthóir Feidhmiúcháin tar éis tuairim fhabhrach a fháil ón mBord Riaracháin.

5.1.8. Athruithe ar Airteagal 18 (Buiséad)

I ngeall ar nádúr domhanda ghréasán Aithint agus Rianú Long Fadraoin, malartóidh EMSA sonraí muirí le lárionaid sonraí eile lena n-áirítear córas mionsonraithe billeála. Cé go bhforáiltear cheana i Rialachán EMSA atá ann faoi láthair do mhuirir ar sheirbhisí éagsúla mar fhoinse ioncaim amháin don Ghníomhaireacht (féach Airteagal 18(1)(c)), ba cheart an téarma teicniúil 'táillí' a chur leis. Murab ionann is gníomhaireachtaí eile de chuid an AE, níltear ag súil agus ní bheartaítear cuid shuntasach d'ioncam EMSA a mhaoiniú trí bhíthin muirear. Fanfaidh ranníocaíocht an AE mar phríomhfhoinse cistiúcháin EMSA.

5.1.9. Athruithe ar Airteagal 22 (Meastóireacht)

Mar atá molta ag Bord Riaracháin EMSA, níor cheart go bhfanfadh forálacha maidir le meastóireacht sheachtrach na Gníomhaireachta mar chleachtadh amháin ar leithligh ach ba cheart é a dhéanamh arís go tráthrialta.

5.1.10. Athruithe ar Airteagal 23

Tá forálacha an Airteagail seo maidir le tús gníomhaíochtaí EMSA as dáta agus is féidir iad a scriosadh. Is féidir mar sin Airteagal coiste caighdeánaithe a dhéanamh den Airteagal. I réimse na sábháilteachta muirí, bunaíodh an Coiste um Shábháilteacht ar Muir agus um Thruailliú ó Longa a chosc (COSS) in 2002 trí bhíthin Rialachán (CE) Uimh.2099/2002, agus ba cheart go gcuideoidh sé leis an gCoimisiún freisin maidir leis an Rialachán seo. Meabhraítear go bhfuil modhanna oibre oibríochtúla na Gníomhaireachta i réimse na gcigireachtaí (Airteagal 3) faoi réir nósanna imeachta coiste.

2010/0303 (COD)

Togra le haghaidh

RIALACHÁN (AE) […/…] Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (CE) Uimh. 1406/2002 lena mbunaítear Gníomhaireacht Eorpach um Shábháilteacht Mhuirí

(Téacs atá ábhartha maidir leis an LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 100(2) de,

Ag féachaint don togra ón gCoimisiún Eorpach,

Tar éis dóibh an togra a chur chuig na Parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa[23],

Ag féachaint don tuairim ó Choiste na Réigiún[24],

Ag gníomhú dóibh i gcomhréir leis an ngnáthnós imeachta reachtach[25],

De bharr an méid seo a leanas:

1. Le Rialachán (CE) Uimh. 1406/2002 ó Pharlaimint na hEorpa agus ón gComhairle an 27 Meitheamh 2002[26] bunaíodh Gníomhaireacht Eorpach um Shábháilteacht Mhuirí ('an Ghníomhaireacht' anseo feasta) d'fhonn leibhéal ard, aonfhoirmeach agus éifeachtach sábháilteachta muirí agus coisc ar thruailliú ó longa a áirithiú.

2. I gcomhréir le hAirteagal 22 de Rialachán (CE) Uimh. 1406/2002, choimisiúnaigh Bord Riaracháin na Gníomhaireachta meastóireacht sheachtrach neamhspleách ar chur chun feidhme an Rialacháin sin in 2007. Bunaithe ar an meastóireacht sin, d'eisigh sé moltaí maidir le hathruithe ar Rialachán (CE) Uimh. 1406/2002, ar an nGníomhaireacht agus ar a cleachtais oibre i mí an Mheithimh 2008.

3. Bunaithe ar thoradh na meastóireachta seachtraí, ar mholtaí an Bhoird Riaracháin agus ar an straitéis ilbhliantúil, ba cheart roinnt forálacha i Rialachán (CE) Uimh. 1406/2002 a shoiléiriú agus a uasdátú. Ina theannta sin, ba cheart roinnt cúraimí breise a léiríonn an fhorbairt sa bheartas sábháilteachta muirí ar leibhéal an AE agus ar an leibhéal idirnáisiúnta a chur ar an nGníomhaireacht. Tá gá le hiarracht shuntasach scagtha agus ath-imlonnaithe chun costas agus éifeachtúlacht buiséid a ráthú. Dá bharr sin, ba cheart go mbeifear in ann aon trian den fhoireann bhreise is gá i gcomhair cúraimí nua a fháil trí ath-imlonnú inmheánach sa Ghníomhaireacht.

4. Ba cheart roinnt forálacha maidir le gnéithe sonrach de rialachas na Gníomhaireachta a shoiléiriú. Agus an fhreagracht ar leith atá ar an gCoimisún maidir le cur chun feidhme bheartais an AE atá cumhdaithe sa Chonradh á cur san áireamh, ba cheart don Choimisiún treoir beartais a thabhairt don Ghníomhaireacht i gcomhlíonadh a cúraimí agus ag an am céanna stádas dlíthiúil na Gníomhaireachta agus neamhspleáchas a Stiúrthóra Feidhmiúcháin a bunaíodh le Rialachán (CE) Uimh. 1406/2002 a urramú go hiomlán.

5. Ba cheart don Ghníomhaireacht gníomhú chun leasa an Aontais. Ba cheart a áireamh leis sin go bhféadfaidh an Ghníomhaireacht gníomhú lasmuigh de chríoch an AE ina réimsí inniúlachta.

6. Ba cheart don Ghníomhaireacht a cúnamh don Choimisiún a fheabhsú maidir le gníomhaíochtaí taighde a bhaineann lena réimsí inniúlachta. Ba cheart a sheachaint go ndéanfaí an obair chéanna is a dhéantar faoi chlár réime taighde an AE atá ann cheana. Go háirithe, níor cheart don Ghníomhaireacht a bheith freagrach as tionscadail taighde a bhainistiú.

7. Ar dhul in éag do chreat an AE um chomhar i réimse an truaillithe mara de thaisme nó d'aon ghnó arna bhunú ag Cinneadh 2850/2002/CE ó Pharlaimint na hEorpa agus ón gComhairle an 20 Nollaig 2000[27], ba cheart don Ghníomhaireacht leanúint de chuid de na gníomhaíochtaí a dhéantaí roimhe sin faoin gcreat atá in éag, go háirithe trí leas a bhaint as saineolas Ghrúpa Theicniúil Comhairliúcháin um ullmhacht agus fhreagairt i gcás truaillithe muirí.

8. De dhroim imeachtaí a thit amach de déanaí, aibhsíodh na rioscaí do mhuiriompar agus don timpeallacht mhuirí a bhaineann le sirtheoireacht agus táirgeadh ola agus gáis amach ón gcósta . Ba cheart úsáid an chumais freagartha atá ag an nGníomhaireacht a shíneadh go sainráiteeach le go gcumhdófar freagairt do thruailliú a tharlaíonn de dheasca na ngníomhaíochtaí sin. Ina theannta sin, ba cheart an Ghníomhaireacht a bheith de chúnamh ag an gCoimisiún agus sábháilteacht suiteálacha soghluaiste gáis agus ola amach ón gcósta á hanailísiú, d'fhonn laigí a d'fhéadfadh a bheith ann a aithint, agus an rannchuidiú a thabharfaidh sí á bhunú ar an saineolas atá saothraithe aici maidir le sábháilteacht mhuirí, slándáil mhuirí, cosc ar thruailliú ó longa agus freagairt i gcás truaillithe mara.

9. Tá straitéis muiriompair chuimsitheach suas go 2018 bunaithe ag an Aontas, lena n-áirítear an coincheap 'e-maritime'. Ina theannta sin, tá sé ag forbairt líonra faireachais mhuirí de chuid an AE. Tá córais mhuirí agus feidhmchláir mhuirí ar fáil don Ghníomhaireacht ar díol spéise iad chun na beartais sin a chur i gcrích. Dá bhrí sin, ba cheart don Ghníomhaireacht na córais agus na sonraí a chur ar fáil do pháirtithe leasmhara.

10. Tá an Ghníomhaireacht ar an soláthróir sonraí tráchta muirí is údarásaí ar leibhéal an AE, sonraí ar féidir leas a bhaint astu i ngníomhaíochtaí eile de chuid an AE. Trína gníomhaíochtaí, go háirithe maidir le Rialú Stáit ar Chalafoirt, monatóireacht ar thrácht muirí agus bealaí loingseoireachta mar aon le cúnamh truaillitheoirí féideartha a rianú, ba cheart don Ghníomhaireacht rannchuidiú sineirgíochtaí ar leibhéal AE a neartú maidir le hoibríochtaí áirithe de chuid an gharda cósta. Ina theannta sin, ba cheart do chóras bailiúcháin agus monatóireachta na Gníomhaireachta faisnéis bhunúsach a bhailiú faoi bhagairtí a d'fhéadfadh a bheith ann don mhuiriompar agus don chomhshaol muirí ó shirtheoireacht agus táirgeadh ola agus gáis amach ón gcosta.

11. Rannchuideoidh córais, feidhmchláir, saineolas agus sonraí na Gníomhaireachta freisin dea-riocht comhshaoil d'uiscí mara a bhaint amach i gcomhréir le Treoir 2008/56/CE ó Pharlaimint na hEorpa agus ón gComhairle an 17 Meitheamh 2008[28], go háirithe i gcomhréir leis na heilimintí atá ann a bhaineann le loingseoireacht amhail uisce ballasta, bruscar mara agus torann faoi uisce.

12. Déanann an Ghníomhaireacht cigireachtaí d'fhonn cuidiú leis an gCoimisiún agus cur chun feidhme éifeachtach dhlí an AE á mheasúnú aige. Ba cheart róil na Gníomhaireachta, an Choimisiúin, na mBallstát agus an Bhoird Riaracháin a shainiú go soiléir.

13. Ba cheart don Choimisiún agus don Ghníomhaireacht comhoibriú go dlúth lena chéile agus modhanna oibre oibríochtúla na Gníomhaireachta á n-ullmhú maidir le cigireachtaí. Fad is nach bhfuil na bearta a bhaineann leis na modhanna oibre sin i bhfeidhm, ba cheart don Ghníomhaireacht cloí leis an gcleachtas atá ann cheana maidir le cigireachtaí a dhéanamh.

14. Ba cheart na ceanglais maidir le modhanna oibre oibríochtúla na Gníomhaireachta i ndáil le cigireachtaí a dhéanamh a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 lena leagtar síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún[29].

15. Dá bhrí sin, ba cheart Rialachán (CE) Uimh. 1406/2002 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasuithe ar Rialachán (CE) Uimh. 1406/2002

Leasaítear Rialachán (CE) Uimh. 1406/2002 mar seo a leanas:

1) Cuirtear an méid seo a leanas in ionad Airteagal 1 go hAirteagal 3:

'Airteagal 1

Cuspóirí

1. Leis an Rialachán seo bunaítear Gníomhaireacht Eorpach um Shábháilteacht Mhuirí ('an Ghníomhaireacht'). Gníomhóidh an Ghníomhaireacht chun leasa an Aontais.

2. Déanfaidh an Ghníomhaireacht an cúnamh teicniúil agus eolaíoch is gá a sholáthar do na Ballstáit agus don Choimisiún ar ardleibhéal saineolais d'fhonn cuidiú leo reachtaíocht an Aontais a chur i bhfeidhm go cuí i réimse na sábháilteachta muirí, na slándála muirí, an choisc ar thruailliú ó longa, monatóireacht a dhéanamh ar chur chun feidhme na reachtaíochta sin agus éifeachtacht na mbeart atá ar bun a mheas.

3. Déanfaidh an Ghníomhaireacht cúnamh teicniúil agus eolaíoch a sholáthar do na Ballstáit agus don Choimisiún i réimse an truaillithe mhara de thaisme nó d'aon ghnó, agus tacóidh sí, arna iarraidh sin, leis na meicníochtaí freagartha i gcás truaillithe atá ag na Ballstáit trí bhíthin acmhainní breise a sholáthar agus ar bhealach éifeachtúil ó thaobh costais de, gan dochar d'fhreagracht Stát a bhfuil cósta acu meicníochtaí freagartha iomchuí i gcás truaillithe a bheith ar bun acu agus an comhar atá ann cheana idir na Ballstáit sa réimse seo á urramú. Gníomhóidh sí chun tacú le Meicníocht an AE um Chosaint Shibhialta arna bunú le Cinneadh 2007/779/CE, Euratom ón gComhairle[30].

Airteagal 2

Cúraimí na Gníomhaireachta

1. D'fhonn a áirithiú go mbainfear amach ar bhealach iomchuí na cuspóirí atá leagtha amach in Airteagal 1 , comhlíonfaidh an Ghníomhaireacht na cúraimí atá liostaithe i mír 2 den Airteagal seo i réimsí na sábháilteaċhta muirí agus na slándála muirí, an choisc ar thruailliú ó longa agus na freagartha i gcás truaillithe mhara.

2. Beidh an Ghníomhaireacht de chúnamh ag an gCoimisiún:

(a) san obair ullmhúcháin chun reachtaíocht ábhartha de chuid an AE a uasdátú agus a fhorbairt, go háirithe i gcomhréir le forbairt na reachtaíochta idirnáisiúnta sa réimse sin;

(b) i gcur chun feidhme éifeachtach na reachtaíochta ábhartha de chuid an AE, go háirithe trí chigireachtaí a dhéanamh dá dtagraítear in Airteagal 3 den Rialachán seo agus trí chúnamh teicniúil a sholáthar don Choimisiún i gcomhlíonadh na gcúraimí cigireachta arna sannadh dó de bhun Airteagal 9(4) de Rialachán (CE) Uimh. 725/2004 ó Pharlaimint na hEorpa agus ón gComhairle[31]; féadfaidh sí moltaí a sheoladh chuig an gCoimisiún maidir le haon fheabhsuithe féideartha ar reachtaíocht ábhartha de chuid an AE;

(c) tríd an gcúnamh is gá a sholáthar chun páirt a ghlacadh in obair comhlachtaí teicniúla amhail an Eagraíocht Mhuirí Idirnáisiúnta, an Eagraíocht Idirnáisiúnta Saothair, Meabhrán Tuisceana Pháras i ndáil le Rialú Stáit ar Chalafoirt agus eagraíochtaí idirnáisiúnta agus réigiúnacha ábhartha eile;

(d) i bhforbairt agus cur chun feidhme bheartais an AE i ndáil le cúraimí na Gníomhaireachta amhail Mótarbhealaí na Farraige, Spás Eorpach d'Iompar Muirí gan Bhacainní, 'e-maritime', uiscebhealaí intíre, an Treoir Réime um Straitéis Mhuirí, athrú aeráide agus in anailís ar shábháilteacht suiteálacha soghluaiste gáis agus ola amach ón gcósta;

(e) i gcur chun feidhme chláir an AE i ndáil le cúraimí na Gníomhaireachta amhail 'Monatóireacht Dhomhanda don Chomhshaol agus don tSlándáil' (GMES) agus cláir chomhair le Tíortha Comharsanachta na hEorpa;

(f) in anailís ar thionscadail atá ar siúl agus atá curtha i gcrích ar tionscadail iad atá ábhartha do réimsí gníomhaíochta na Gníomhaireachta; áireofar leis sin bearta rialála leantacha a aithint a d'fhéadfadh teacht as tionscadail taighde shonracha, agus eochairthéamaí agus eochairthosaíochtaí a aithint le haghaidh tuilleadh taighde ar leibhéal an AE;

(g) i gcomhlíonadh aon chúraimí a shanntar dó i reachtaíocht an AE faoi láthair sa réimse ábhartha, nó a shannfar dó amach anseo.

3. Oibreoidh an Ghníomhaireacht leis na Ballstáit mar seo a leanas:

(a) i gcás inar iomchuí, gníomhaíochtaí oiliúna ábhartha a eagrú i réimsí atá freagrach as an Stát calafoirt, an Bratstát agus an Stát cósta;

(b) réitigh theicniúla a fhorbairt, lena n-áirítear seirbhísí ábhartha a sholáthar, agus cúnamh teicniúil a sholáthar i ndáil le cur chun feidhme reachtaíocht an AE;

(c) tacú lena ngníomhaíochtaí freagartha i gcás truaillithe mhara de thaisme nó d'aon ghnó, trí bhíthin acmhainní breise a sholáthar ar bhealach atá éifeachtúil ó thaobh costais de, trí Mheicníocht an AE um Chosaint Shibhialta arna bunú le Treoir 2007/779/CE, Euratom, i gcás ina n-iarrfar a leithéid; i ndáil leis sin, beidh an Ghníomhaireacht de chúnamh ag an mBallstát lena mbaineann atá ag seoladh na n-oibríochtaí glantacháin.

4. Beidh an Ghníomhaireacht de chúnamh ag na Ballstáit agus ag an gCoimisiún sa mhéid seo a leanas:

(a) i réimse na monatóireachta tráchta, cothóidh an Ghníomhaireacht, go háirithe, comhar idir bruach-Stáit sna réimsí loingseoireachta lena mbaineann atá cumhdaithe le Treoir 2002/59/CE ó Pharlaimint na hEorpa agus ón gComhairle[32], forbróidh sí agus oibreoidh sí aon chóras faisnéise is gá chun cuspóirí na Treorach sin a bhaint amach. Ina theannta sin, rannchuideoidh sí an Timpeallacht Chomónta um Chomhroinnt Faisnéise a fhorbairt i réimse muirí an AE;

(b) maidir le himscrúdú tionóiscí muirí i gcomhréir le Treoir 2009/18/CE ó Pharlaimint na hEorpa agus ón gComhairle[33]; tabharfaidh an Ghníomhaireacht tacaíocht do na Ballstáit agus imscrúduithe á ndéanamh acu i ndáil le tionóiscí muirí tromchúiseacha, agus déanfaidh sí anailís ar thuarascálacha imscrúduithe tionóiscí d'fhonn breisluach ar leibhéal an AE a aithint i dtéarmaí na gceachtanna atá le foghlaim;

(c) trí staidreamh, faisnéis agus sonraí atá oibiachtúil, iontaofa agus inchomparáide a sholáthar, cuirfidh an Ghníomhaireacht ar chumas an Choimisiúin agus na mBallstát na bearta is gá a dhéanamh chun a ngníomhaíochtaí a fheabhsú agus chun éifeachtacht na mbeart atá ann cheana a mheas. Áireofar sna cúraimí sin sonraí teicniúla a bhailiú, a thaifeadadh agus a mheas, bunachair sonraí atá ann cheana a shaothrú go córasach, lena n-áirítear crostoirchiú, agus, nuair is iomchuí, bunachair sonraí bhreise a fhorbairt. Ar bhonn na sonraí a bhaileofar, beidh an Ghníomhaireacht de chúnamh ag an gCoimisiún agus faisnéis i ndáil le longa á foilsiú de bhun Threoir 2009/16/CE ó Pharlaimint na hEorpa agus ón gComhairle[34]. Beidh an Ghníomhaireacht de chúnamh ag an gCoimisiún agus ag na Ballstáit ina ngníomhaíochtaí chun feabhas a chur ar shainaithint agus ar thóraíocht long a dhéanann sceitheadh neamhdhleathach i gcomhthéacs Threoir 2005/35/CE ó Pharlaimint na hEorpa agus ón gComhairle[35].

5. Arna iarraidh sin don Choimisiún, soláthróidh an Ghníomhaireacht cúnamh teicniúil maidir le cur chun feidhme reachtaíocht ábhartha an AE do Stáit atá ag cur isteach ar aontachas, do thíortha comhpháirtíochta Chomharsanacht na hEorpa agus do thíortha atá páirteach i Meabhrán Tuisceana Pháras i ndáil le Rialú Stáit ar Chalafoirt.

Arna iarraidh sin don Choimisiún, soláthróidh an Ghníomhaireacht freisin cúnamh i gcás truaillithe mhuirí de thaisme nó d'aon ghnó a dhéanann difear do na Stáit sin, trí Mheicníocht an AE um Chosaint Shibhialta arna bunú le Cinneadh 2007/779/CE, Euratom ón gComhairle mutatis mutandi leis na coinníollacha is infheidhme maidir le Ballstáit dá dtagraítear i mír 3(c) den Airteagal seo.

Déanfar na cúraimí a chomhordú leis na cláir chomhair réigiúnacha atá ann cheana agus áireofar iontu, nuair is iomchuí, eagrú gníomhaíochtaí oiliúna ábhartha.

Airteagal 3

Cigireachtaí

1. D'fhonn na cúraimí a shanntar di a chomhlíonadh agus chun cuidiú leis an gCoimisiún i gcomhlíonadh a dhualgas faoin gConradh go háirithe cur chun feidhme éifeachtach dhlí an Aontais a mheas, déanfaidh an Ghníomhaireacht cigireachtaí sna Ballstáit.

Éascóidh údaráis náisiúnta na mBallstát obair fhoireann na Gníomhaireachta.

Ina theannta sin, déanfaidh an Ghníomhaireacht cigireachtaí thar ceann an Choimisiúin i dtríú tíortha mar atá ina cheangal i reachtaíocht an AE, go háirithe maidir le heagraíochtaí arna n-aithint ag an Aontas i gcomhréir le Rialachán (CE) Uimh. 391/2009 ó Pharlaimint na hEorpa agus ón gComhairle[36] agus maidir le hoiliúint agus deimhniúchán maraithe i gcomhréir le Treoir 2008/106/CE ó Pharlaimint na hEorpa agus ón gComhairle[37].

2. Beidh modhanna oibre oibríochtúla na Gníomhaireachta maidir le cigireachtaí a dhéanamh, dá dtagraítear i mír 1, faoi réir ceanglas a ghlacfar i gcomhréir leis an nós imeachta dá dtagraítear in Airteagal 23(2).

3. I gcás inar iomchuí, agus in aon chás ina gcuirfear timthriall cigireachtaí i gcrích, déanfaidh an Ghníomhaireacht anailís ar thuarascálacha ón timthriall sin d'fhonn torthaí cothrománacha agus conclúidí ginearálta ar éifeachtacht na mbeart atá ar bun a aithint. Tíolacfaidh an Ghníomhaireacht an anailís sin don Choimisiún ar mhaithe le tuilleadh plé uirthi leis na Ballstáit.'

2) In Airteagal 5, cuirtear an méid seo a leanas in ionad mhír 3 agus mhír 4:

'3. Arna iarraidh sin don Choimisiún, féadfaidh an Bord Riaracháin a chinneadh, le comhaontú na mBallstát lena mbaineann, na lárionaid réigiúnacha is gá a bhunú d'fhonn cúraimí na Gníomhaireachta a chomhlíonadh sa bhealach is éifeachtúla agus is éifeachtaí.

4. Déanfaidh an Stiúrthóir Feidhmiúcháin ionadaíocht thar ceann na Gníomhaireachta. Thar ceann na Gníomhaireachta, féadfaidh an Stiúrthóir Feidhmiúcháin comhaontuithe riaracháin a thabhairt i gcrích le comhlachtaí eile a oibríonn i réimsí gníomhaíochta na Gníomhaireachta tar éis dó an Bord Riaracháin a chur ar an eolas.'

3) In Airteagal 10, leasaítear mír 2 mar seo a leanas:

(a) cuirtear an méid seo a leanas in ionad phointe (c):

'(c) iarrataí ó Bhallstáit ar chúnamh teicniúil a scrúdú, dá dtagraítear in Airteagal 2(3), faoi chuimsiú an clár oibre a ullmhú;

(ca) straitéis ilbhliantúil a ghlacadh lena gcumhdófar tréimhse cúig bliana le teacht agus lena gcuirfear an tuairim ón gCoimisiún san áireamh;

(cb) plean beartais foirne ilbhliantúil na Gníomhaireachta a ghlacadh;'

(b) scriostar pointe (g).

(c) cuirtear an méid seo a leanas in ionad phointe (i):

'(i) údarás araíonachta a fheidhmiú ar an Stiúrthóir Feidhmiúcháin agus ar na Cinn Roinne dá dtagraítear in Airteagal 16;'

(d) cuirtear an méid seo a leanas in ionad phointe (l):

'athbhreithniú a dhéanamh ar fheidhmiú airgeadais an phlean mhionsonraithe dá dtagraítear i bpointe (k) agus ar cheangaltais bhuiséadacha dá dtagraítear i Rialachán (CE) Uimh. 2038/2006 ó Pharlaimint na hEorpa agus ón gComhairle.[38]'

4) Leasaítear Airteagal 15 mar seo a leanas:

(a) i mír 2, cuirtear an méid seo a leanas in ionad phointí (a) agus (b):

'(a) ullmhóidh sé straitéis ilbhliantúil na Gníomhaireachta agus cuirfidh sé í faoi bhráid an Bhoird Riaracháin tar éis dul dó i gcomhairle leis an gCoimisiún ar a laghad 8 seachtaine roimh an gcruinniú ábhartha Boird;

(aa) ullmhóidh sé plean beartais foirne ilbhliantúil na Gníomhaireachta agus cuirfidh sé é faoi bhráid an Bhoird Riaracháin tar éis dó dul i gcomhairle leis an gCoimisiún;

(ab) ullmhóidh sé an clár oibre ilbhliantúil agus an plean mionsonraithe i gcomhair gníomhaíochtaí ullmhachta agus freagartha na Gníomhaireachta i gcás truaillithe, agus cuirfidh sé faoi bhráid an Bhoird Riaracháin iad tar éis dó dul i gcomhairle leis an gCoimisiún ar a laghad 8 seachtaine roimh an gcruinniú ábhartha Boird. Déanfaidh sé na bearta is gá chun iad a chur chun feidhme. Freagróidh sé aon iarrataí ar chúnamh ó Bhallstát i gcomhréir le hAirteagal 10(2)(c);

(b) cinnnfidh sé na cigireachtaí dá bhforáiltear in Airteagal 3 a dhéanamh, tar éis dul i gcomhairle leis an gCoimisiún agus i gcomhréir leis na ceanglais dá dtagraítear san Airteagal 3 céanna. Comhoibreoidh sé go dlúth leis an gCoimisiún agus na bearta dá dtagraítear in Airteagal 3(2) á n-ullmhú;'

(b) cuirtear an téacs seo a leanas in ionad phointe (d) de mhír 2:

'(d) eagróidh sé córas monatóireachta éifeachtach d'fhonn a bheith in ann na spriocanna atá bainte amach ag an nGníomhaireacht a chur i gcomparáid lena cuspóirí agus lena cúraimí mar atá leagtha síos sa Rialachán seo. Áiritheoidh sé go ndéanfar struchtúr éagrúcháin na Gníomhaireachta a oiriúnú go rialta do na hathruithe a thiocfaidh ar na riachtanais agus é sin laistigh de na hacmhainní airgeadais agus daonna atá ar fáil. Ar an mbonn sin ullmhóidh an Stiúrthóir Feidhmiúcháin dréacht-thuarascáil ghinearálta gach bliain agus cuirfidh sé faoi bhráid an Bhoird Riaracháin í. Beidh roinn ar leith sa tuarascáil i ndáil le feidhmiú airgeadais an phlean mhionsonraithe i gcomhair gníomhaíochtaí ullmhachta agus freagartha na Gníomhaireachta i gcás truaillithe agus tabharfar tuairisc chun dáta ar stádas na ngníomhaíochtaí ar fad atá cistithe faoin bplean sin. Bunóidh sé nósanna imeachta le haghaidh meastóireachta rialta a chomhlíonfaidh caighdeáin ghairmiúla aitheanta;'

(c) i mír 2, scriostar pointe (g).

(d) scriostar mír 3.

5) Cuirtear an méid seo a leanas in ionad Airteagal 16:

' Article 16

Ceapachán an Stiúrthóra Feidhmiúcháin agus na gCeann Roinne

1. Is é an Bord Riaracháin a cheapfaidh agus a dhífhostóidh an Stiúrthóir Feidhmiúcháin. Ceapfar duine ó liosta iarrthóirí a mholfaidh an Coimisiún ar feadh thréimhse cúig bliana agus ar bhonn tuillteanais agus scileanna riaracháin agus bainistíochta doiciméadaithe, agus ar bhonn inniúlachta agus taithí atá ábhartha do shábháilteacht mhuirí, do shlándáil mhuirí, do chosc ar thruailliú ó longa agus do fhreagairt i gcás truaillithe mhara. Roimh an gceapachán, tabharfar cuireadh don iarrthóir atá roghnaithe ag an mBord Riaracháin ráiteas a dhéanamh os comhair choiste inniúil Pharlaimint na hEorpa agus ceisteanna a chuirfidh comhaltaí an choiste a fhreagairt. Déanfaidh an Bord Riaracháin cinneadh trí thromlach ceithre chúigiú de na comhaltaí uile a bhfuil ceart vótála acu.

2. Féadfaidh an Bord Riaracháin, ag gníomú dó ar thogra ón gCoimisiún, agus an tuarascáil meastóireachta á cur san áireamh, téarma oifige an Stiúrthóra Feidhmiúcháin a shíneadh ar feadh trí bliana ar a mhéid. Déanfaidh an Bord Riaracháin cinneadh trí thromlach ceithre chúigiú de na comhaltaí uile a bhfuil ceart vótála acu. Cuirfidh an Bord Riaracháin Parlaimint na hEorpa ar an eolas maidir leis an rún atá aige téarma oifige an Stiúrthóra a shíneadh. Laistigh de mhí sula sínfear a théarma/a téarma oifige, féadfar cuireadh a thabhairt don Stiúrthóir Feidhmiúcháin ráiteas a dhéanamh os comhair choiste inniúil Pharlaimint na hEorpa agus ceisteanna arna gcur ag comhaltaí an choiste a fhreagairt. I gcás nach síneofar an téarma oifige, fanfaidh an Stiúrthóir in oifig go dtí go gceapfar a chomharba/a comharba.

3. Féadfaidh Ceann Roinne amháin nó níos mó ná Ceann Roinne amháin cúnamh a thabhairt don Stiúrthóir Feidhmiúcháin. Má bhíonn an Stiúrthóir Feidhmiúcháin as láthair nó mura mbeidh sé nó sí ar fáil, glacfaidh duine de na Cinn Roinne a ionad nó a hionad.

4. Ceapfar Cinn Roinne ar bhonn tuillteanais agus scileanna riaracháin agus bainistíochta doiciméadaithe, agus ar bhonn inniúlachta gairmiúla agus taithí atá ábhartha do shábháilteacht mhuirí, do shlándáil mhuirí, do chosc ar thruailliú ó longa agus do fhreagairt i gcás truaillithe mhara. Is é an Stiúrthóir Feidhmiúcháin a cheapfaidh agus a dhífhostóidh na Cinn Roinne tar éis tuairim dhearfach a fháil ón mBord Riaracháin.'

6) Cuirtear an méid seo a leanas in ionad phointe (c) d'Airteagal 18(1):

'(c) táillí agus muirir ar fhoilseacháin, ar oiliúint agus/nó ar aon seirbhísí eile a sholáthraíonn an Ghníomhaireacht.'

7) Cuirtear an méid seo a leanas in ionad mhír 1 d'Airteagal 22:

'1. Go tráthrialta agus ar a laghad gach cúig bliana, coimisiúnóidh an Bord Riaracháin meastóireacht sheachtrach neamhspleách ar chur chun feidhme an Rialacháin seo. Cuirfidh an Coimisiún ar fáil don Ghníomhaireacht aon fhaisnéis a mheasann sí a bheith ábhartha don mheastóireacht sin.'

8) Cuirtear an méid seo a leanas in ionad Airteagal 23:

'Article 23

Coiste

1. Beidh an Coiste um Shábháilteacht ar Muir agus um Thruailliú ó Longa a Chosc (COSS), arna chur ar bun le hAirteagal 3 de Rialachán (CE) Uimh. 2099/2002 ó Pharlaimint na hEorpa agus ón gComhairle, de chúnamh ag an gCoimisiún[39].

2. I gcás ina ndéanfar tagairt don mhír seo, beidh feidhm ag Airteagal 3 agus Airteagal 7 de Chinneadh 1999/468/CE, ag féachaint d'fhorálacha Airteagal 8 de.'

Airteagal 2

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstáit i gcomhréir leis na Conarthaí.

Arna dhéanamh sa Bhruiséil, an […]

Thar ceann Pharlaimint na hEorpa Thar ceann na Comhairle

An tUachtarán An tUachtarán […] […]

RÁITEAS AIRGEADAIS REACHTACH DO THOGRAÍ

LEAGAN AMACH AN TOGRA/AN TIONSCNAIMH

Teideal an togra/an tionscnaimh

Rialachán ó Pharlaimint na hEorpa agus ón gComhairle lena leasaítear Rialachán (CE) Uimh. 1406/2002 lena mbunaítear Gníomhaireacht Eorpach um Shábháilteacht Mhuirí

Réimse/réimsí beartais lena mbaineann i gcreat ABM/ABB[40]

06: Fuinneamh agus Iompar

0602: Beartas iompair intíre, d'aer, agus ar muir

060202: Gníomhaireacht Eorpach um Shábháilteacht Mhuirí

Cur chun feidhme forálacha maidir le sábháilteacht mhuirí, slándáil mhuirí, cosc ar thruailliú agus freagairt i gcás truaillithe.

An cineál togra/tionscnaimh

( Baineann an togra/tionscnamh le gníomhaíocht nua

( Baineann an togra/tionscnamh le gníomhaíocht nua tar éis treoirthionscadail/réamhghníomhaíochta[41]

( Baineann an togra/tionscnamh le síneadh ar ghníomhaíocht atá ann cheana

( Baineann an togra/tionscnamh le gníomhaíocht a atreoraíodh i dtreo gníomhaíochta nua

Cuspóirí

Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe

Cuspóirí/breisluach an AE i gcomhréir le Eoraip 2020:

Rannchuidíonn an Ghníomhaireacht muiriompar sábháilte, slán agus inbhuanaithe a chothú ar son gheilleagar an AE agus shaoránaigh an AE. Tá sé seo go hiomlán i gcomhréir le trí thosaíocht Eoraip 2020:

– Fás cliste: geilleagar a fhorbairt atá bunaithe ar eolas agus ar nuálaíocht. Rannchuidíonn an Ghníomhaireacht na caighdeáin theicniúla is airde do longa a fhorbairt, agus ar an dóigh sin cuireann sí eolas agus nuálaíocht chun cinn.

– Fás inbhuanaithe: geilleagar atá níos éifeactúla ó thaobh acmhainní, níos glaise agus níos iomaíche a chur chun cinn. Rannchuidíonn an Ghníomhaireacht truailliú ó longa a chosc agus freagairt i gcás truaillithe mhara i limistéir éagsúla. Rannchuideoidh loingseoireacht na spriocanna aeráide/fuinnimh '20/20/20' agus an tionscnamh bratstáit 'Eoraip tíosach ar acmhainn' a bhaint amach. Imreoidh an Ghníomhaireacht a ról i gcur chun feidhme sna hearnála.

– Fás cuimsitheach: geilleagar ardfhostaíochta a chothú as a dtiocfaidh comhtháthú sóisialta agus críochach. Maidir le hoileáin agus na réigiúin sár-fhorimeallacha, is eilimint fíor-riachtanach é an muiriompar chun comhtháthu agus lánpháirtiú críochach san AE a áirithiú. Rannchuidíonn an Ghníomhaireacht muiriompar a dhéanamh sábháilte, slán agus inbhuanaithe don AE.

Rannchuidiú DG MOVE maidir le Straitéis Bheartais Ilbhliantúil 2010:

Is cuid de príomhghníomhaíochtaí gnó DG MOVE é gníomhaireachtaí a fhorbairt, a bhainistiú agus a chomhordú (áirítear EMSA leis sin ).

Tá cur chun feidhme an tríú pacáiste sabháilteachta muirí lena rannchuidíonn EMSA mar chuid de phríomhghníomhaíochtaí gnó DG MOVE freisin.

Ina Theachtaireacht 'Spriocanna straitéiseacha agus moltaí do bheartas muiriompair an AE go dtí 2018' dúirt an Coimisiún go raibh sé ar intinn aige 'sainordú agus feidhmiú na Gníomhaireachta Eorpaí um Shábháilteacht Mhuirí a athbhreithniú, d'fhonn an cúnamh teicniúil agus eolaíoch is féidir leis a thabhairt do na Ballstáit agus don Choimisiún a fheabhsú tuilleadh' (COIM(2009)8, 21.1.2009, lch.7).

Cuspóirí sonracha agus na gníomhaíochtaí ABM/ABB lena mbaineann

Réimse buiseádach 06 02 Sainchuspóir Uimh. 3 Sábhailteacht iompair a fheabhsú

Gníomhaíocht ABM/ABB lena mbaineann 060202 Gníomhaireacht Eorpach um Shábháilteacht Muirí

An toradh agus an tionchar a bhfuil súil leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

Cúnamh teicniúil feabhsaithe ó EMSA do na Ballstáit agus don Choimisiún

Cúnamh teicniúil ó EMSA do na tíortha comharsanachta chun beartas sábháilteachta muirí an AE a chur chun cinn.

Táscairí a léiríonn toradh agus tionchar

Sonraigh na táscairí a léiríonn monatóireacht ar chur chun feidhme an togra/an tionscnaimh.

Sainíonn EMSA táscairí feidhmíochta ina gcláir oibre bhliantúla. Déanann an Bord Riaracháin monatóireacht orthusan i gcónaí. Is í an tuarascáil bhliantúil an phríomhuirlis monatóireachta.

Na forais leis an togra/an tionscnamh

An riachtanas/na riachtanais is gá a shásamh sa ghearrthéarma nó san fhadtéarma

leathnú teoranta ar shainordú EMSA go cúraimí nua

Breisluach a bhaineann le rannpháirteachas an AE

Bunaíodh EMSA mar Ghníomhaireacht de chuid an AE chun cuidiú beartas sábháilteachta muirí an AE a chur chun feidhme.

Ceachtanna a foghlaimíodh ó thaithí chosúil roimhe seo

I meastóireacht shonrach EMSA in 2008 agus i meastóireacht ghinearálta Ghníomhaireachtaí an AE in 2009 araon, léiríodh an breisluach arna sholáthar ag an nGníomhaireacht don Choimisiún agus do na Ballstáit.

Comhchuibheas agus sineirgíocht a d'fhéadfadh a bheith ann le hionstraimí ábhartha eile

Tá an togra ag luí le beartas sábháilteachta muirí agus reachtaíocht an AE agus is obair leantach é ar an tríú pacáiste sábháilteachta muirí a glacadh in 2009.

Fad agus tionchar airgeadais

( Togra/tionscnamh d'fhad teoranta

- ( Togra/tionscnamh i bhfeidhm ó [LL/MM]BBBB go [LL/MM]BBBB

- ( Tionchar airgeadais ó BBBB go BBBB

( Togra/tionscnamh d'fhad neamhtheoranta

- Cur chun feidhme le tréimhse dúisithe ó 2012 go 2014,

- arna leanúint le hoibríocht ar scála iomlán.

Modh(anna) bainistíochta atá beartaithe[42]

( Bainistiú láraithe díreach ag an gCoimisiún

( Bainistiú láraithe indíreach trí na cúraimí cur chun feidhme a tharmligean chuig:

- ( gníomhaireachtaí feidhmiúcháin

- ( comhlachtaí arna mbunú ag na Comhphobail[43]

- ( comhlachtaí náisiúnta san earnáil phoiblí/comhlachtaí a bhfuil misean de sheirbhís phoiblí acu

- ( daoine a bhfuil sé de chúram orthu gníomhartha ar leith a chur chun feidhme de bhun Theideal V den Chonradh ar an Aontas Eorpach agus atá sainaitheanta sa ghníomh bunaidh ábhartha de réir bhrí Airteagal 49 den Rialachán Airgeadais

( Bainistiú comhpháirteach leis na Ballstáit

( Bainistiú díláraithe le tríú tíortha

( Comhbhainistiú le heagraíochtaí idirnáisiúnta (le sonrú)

BEARTA BAINISTÍOCHTA

Rialacha monatóireachta agus tuairiscithe

Sonraigh an mhinicíocht agus na coinníollacha.

Tá Gníomhaireachtaí ar fad an AE ag obair faoi chóras monatóireachta dian lena mbaineann inniúlacht iniúchta imheánaigh, Seirbhís Iniúchta Inmheánaigh an Choimisiúin, an Bord Riaracháin, an Coimisiún, an Chúirt Iniúchóirí agus an tÚdarás Buiséadach. Leanfar den chóras sin a úsáid.

Córas bainistíochta agus rialaithe

An riosca/na rioscaí a aithníodh

Níor aithníodh riosca ar bith

Modh(anna) rialaithe atá beartaithe

Neamhbhainteach

Bearta chun calaois agus neamhrialtachtaí a chosc

Sonraigh bearta coisctheacha agus cosanta atá ann cheana nó atá beartaithe.

Leanfaidh na bearta frith-chalaoise faoi Airteagal 20 den Rialachán seo d'fheidhm a bheith acu.

AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

Ceannteideal/ceannteidil an chreata airgeadais ilbhliantuil agus an líne/na línte buiséid lena mbaineann

- Línte buiséid don chaiteachas reatha

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil | Líne Buiséid | Saghas caiteachais | Ranníocaíocht |

Uimhir [Tuairisc……………………………………] | LD /LN ([44]) | ó thíortha an CSTE[45] | ó thíortha is iarrthóirí[46] | ó thríú tíortha | de réir bhrí Airteagal 18(1)(aa) den Rialachán Airgeadais |

1a | 06.02.02.01 [Ranníocaíocht le EMSA Teidil I agus III] | LD | TÁ | NÍL | NÍL | NÍL |

1a | 06.02.02.02 [Ranníocaíocht le EMSA Teideal III] | LD | TÁ | NÍL | NÍL | NÍL |

An tionchar a mheastar ar chaiteachas

Achoimre ar an tionchar a mheastar ar chaiteachas

EUR milliún (go dtí an 3ú deachúil)

Ceannteideal an chreata airgeadais ilbhliantúil: | 1a | Fás agus Iomaíochas |

EUR milliún (go dtí an 3ú deachúil)

Riachtanais a mheastar in acmhainní daonna

- ( Ní éilítear acmhainní daonna a úsáid leis an togra/tionscnamh.

- ( Éilíonn an togra/an tionscnamh go n-úsáidfear acmhainní daonna mar a mhínítear thíos:

Sloinnfear an meastachán i méideanna iomlána (nó go dtí an 1ú deachúil ar a mhéid)

2012 | 2013 | 2014 | 2015 | …cuir isteach an méid blianta agus is gá chun fad an tionchair a léiriú (féach pointe 1.6) |

( Poist don phlean bunaíochta (oifigigh agus gníomhairí sealadacha) |

XX 01 01 01 (Ceanncheathrú agus Oifigí Ionadaíocht an Choimisiúin) | 1 | 1 | 1 | 1 |

XX 01 01 02 (Toscaireachtaí) |

XX 01 05 01 (Taighde indíreach) |

XX 01 05 01 (Taighde díreach) |

( Pearsanra seachtrach (i gcoibhéis lánaimseartha: FTE)[55] |

XX 01 02 01 (GC, FE, SNI ón 'gclúdach domhanda') |

XX 01 02 02 (GC, FE, SÓT, GA agus SNI sa Toscaireachtaí) |

10 01 05 02 (GC, FE, SNI – Taighde Díreach) |

Línte buiséid eile (sonraigh) |

IOMLÁN | 1 | 1 | 1 | 1 |

Is é XX an réimse beartais nó teideal buiséid lena mbaineann.

Sásófar na riachtanais acmhainní daonna le foireann ón DG a bhfuil bainistiú na gníomhaíochta faoina cúram cheana agus/nó atá ath-imlonnaithe taobh istigh den DG, mar aon le haon leithdháileadh breise, más gá, a d'fhéadfaí a thabhairt don DG atá i mbun na bainistíochta faoin nós imeachta maidir le leithdháileadh bliantúil agus i bhfianaise na srianta buiséadacha.

Cur síos ar na cúraimí a bheidh le déanamh

Oifigigh agus gníomhairí sealadacha | Caidreamh idir an Coimisiún agus an Ghníomhaireacht a chomhordú, Monatóireacht ar ghníomhaíochtaí na Gníomhaireachta, Ionchur an Choimisiúin d'obair na Gníomhaireachta a ullmhú |

Comhoiriúnacht leis an gcreat airgeadais ilbhliantúil reatha

- ( Tá an togra/an tioscnamh comhoiriúnach leis an gcreat airgeadais ilbhliantúil reatha.

- ( Beidh athchlárú an cheannteidil ábhartha ag gabháil leis an togra/tionscnamh seo sa chreat airgeadais ilbhliantúil.

Mínigh cad é an t-athchlárú a éilítear, ag sonrú na línte buiséid lena mbaineann agus na méideanna comhfhreagracha.

[…]

- ( Teastaíonn ón togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil[58].

Mínigh cad tá ag teastáil, ag sonrú na ceannteidil agus na línte buiséid lena mbaineann agus na méideanna comhfhreagracha.

[…]

Ranníocaíochtaí ó thríú páirtithe

- Ní fhoráiltear do chómhaoiniú ó thríú páirtithe sa togra/tioscnamh

- Déantar foráil sa togra/tionscnamh don chómhaoiniú atá réamh-mheasta thíos:

Leithreasaí faoi chomhair oibleagáidí in EUR milliún (go dtí an 3ú deachúil)

2012 | 2013 | 2014 | 2015 | …cuir isteach an méid blianta agus is gá chun fad an tionchair a léiriú (féach pointe 1.6) | Iomlán |

Ranníocaíocht CSTE ón Iorua agus ón Íoslainn arna ríomh ag 2% den bhuiséad breise |0.012 |0.020 |0.027 |0.028 | | | |0.087 | |IOMLÁN leithreasaí cómhaoinithe |0.012 |0.020 |0.027 |0.028 | | | |0.087 | |

An tionchar a mheastar ar ioncam

- ( Níl tionchar airgeadais ar bith ag an togra/tionscnamh ar ioncam.

- ( Tá an tionchar airgeadais seo a leanas ag an togra/tionscnamh:

- ( ar acmhainní dílse

- ( ar ioncam ilghnéitheach

[1] An chéad mhodhnú trí bhíthin Rialachán (CE) Uimh. 1644/2003 ó Pharlaimint na hEorpa agus ón gComhairle an 22 Iúil 2003, IO L 245, 29.9.2003, lch. 10;

[2] An dara modhnú trí bhíthin Rialachán (CE) Uimh. 724/2004 ó Pharlaimint na hEorpa agus ón gComhairle an 31 Márta 2004, IO L 129, 29/04/2004, lch. 1.

[3] Rialachán (CE) Uimh. 725/2004 ó Pharlaimint na hEorpa agus ón gComhairle an 31 Márta 2004 maidir le slandáil long agus saoráidí calafoirt a fheabhsú, IO L 129, 29.4.2004, lch. 6.

[4] An tríú modhnú trí bhíthin Rialachán (CE) Uimh. 2038/2006 ó Pharlaimint na hEorpa agus ón gComhairle an 18 Nollaig 2006, IO L 394, 30/12/2006, lch. 1, féach freisin an ceartúchán in IO L 30, 3.2.2007, lch. 12.

[5] http://www.emsa.europa.eu/

[6] See COIM(2005)585, 23.11.2005, lch. 5

[7] See COIM(2009)8, 21/1/2009, lch. 7.

[8] Féach dearbhú na Comhairle don phreas, doiciméad 8176/09, lch. 28.

[9] Féach Airteagal 11 de Threoir 2005/35/EC an 7 Meán Fómhair 2005 maidir le truailliú ó longa agus píonóis ar sháruithe a thabhairt isteach , IO L 255, 30.9.2005, lch. 11.

[10] Féach suíomh gréasáin ag http://www.emsa.europa.eu/end179d003d002.html. Ina theannta sin, tá achoimre fheidhmeach Thuarascáil Cowi ar fáil in Iarscríbhinn II den mheasúnú tionchair a ghabhann léi.

[11] Féach staidéar COWI, lch. 6.

[12] Féach suíomh gréasáin EMSA ag http://www.emsa.europa.eu/end179d003d002.html. Ina theannta sin, tá na moltaí ar fáil in Iarscríbhinn I den mheasúnú tionchair a ghabhann léi.

[13] IO L 131, 28.5.2009, lch. 11-135.

[14] Féach an Teachtaireacht 'I dtreo chomhtháthú an fhaireachais mhuirí: Timpeallacht chomónta um chomhroinnt na faisnéise i réimse muirí an AE” COIM (2009)538 leagan deireanach.

[15] Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht Chomhphobail i réimse an bheartais comhshaoil muirí (Treoir Réime um Straitéis Mhuirí) IO L 164, 25.6.2008, lch. 19.

[16] Rialachán (CE) Uimh. 725/2004 ó Pharlaimint na hEorpa agus ón gComhairle an 31 Márta 2004 maidir le slandáil long agus saoráidí calafoirt a fheabhsú, IO L 129, 29.4.2004, lch. 6.

[17] Treoir 2005/65/CE ó Pharlaimint na hEorpa agus ón gComhairle an 26 Deireadh Fómhair 2005 maidir le slándáil calafoirt a fheabhsú (IO L 310, 25.11.2005, lch. 28).

[18] In Airteagal 2(b)(iv) de Rialachán 1406/2002 foráiltear don mhéid seo a leanas: 'Beidh cúnamh na Gníomhaireachta don Choimisiún teoranta do longa agus comhlachtaí ábhartha agus Eagraíochtaí Slándála Aitheanta atá údaraithe chun gníomhaíochtaí áirithe a bhaineann le slándáil a dhéanamh sa chomhthéacs seo'.

[19] Féach Airteagal 3(1). 'Féadfaidh an Ghníomhaireacht cuairteanna a thabhairt ar na Ballstáit i gcomhréir leis an mbeartas arna shainmhíniú ag an mBord Riaracháin, d'fhonn na cúraimí a shanntar di a chur i gcrích.' Tá an doiciméad ar fáil ag http://www.emsa.europa.eu/end179d003d001.html faoi chinntí an chruinnithe Boird an 25 Meitheamh 2004.

[20] Féach Teachtaireacht 'European Agencies – the way forward' ('Gníomhaireachtaí Eorpacha – an bealach ar aghaidh' COIM(2008) 135.

[21] Tá ceart vótála ag 27 ionadaí na mBallstát agus ag 4 ionadaí an Choimisiúin cé nach bhfuil ceart vótála ag na 4 proifisiúnaí ó na hearnálacha is mó atá gafa leis ná ag an 2 ionadaí ón Iorua agus ón Íoslainn.

[22] Féach Rialachán (CE) Uimh. 216/2008 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Eorpach um Shábháilteacht Eitlíochta, IO L 79, 19.3.2008, lch.1 agus Rialachán cur chun feidhme (CE) Uimh. 736/2006 ón gCoimisiúin an 16 Bealtaine 2006 maidir le modhanna oibre na Gníomhaireachta Eorpaí um Shábháilteacht Eitlíochta i ndáil le cigireachtaí caighdeánaithe a dhéanamh, IO L 129, 17.5.2006, lch. 10.

[23] IO C , , lch.

[24] IO C , , lch.

[25] IO C , , lch.

[26] IO L 208, 5.8.2002, lch.1.

[27] IO L 332, 28.12.2000, lch.1.

[28] Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht Chomhphobail i réimse an bheartais comhshaoil mhuirí (Treoir Réime um Straitéis Mhuirí) IO L 164, 25.6.2008, lch. 19.

[29] IO L 184, 17.7.1999, lch. 23.

[30] IO L 314, 1.12.2007, lch. 9.

[31] IO L 129, 29.4.2004, lch. 6.

[32] IO L 208, 5.8.2002, lch.10.

[33] IO L 131, 28.5.2009, lch.114.

[34] IO L 131, 28.5.2009, lch. 57.

[35] IO L 255, 30.9.2005, lch.11.

[36] IO L 131, 28.5.2009, lch. 11.

[37] IO L 323, 3.12.2008, lch.33.

[38] IO L 394, 30.12.2006, lch. 1.

[39] IO L 324, 29/11/2002, lch. 1.

[40] ABM: Bainistiú de réir gníomhaíochtaí – ABB: Bunú an bhuiséid de réir gníomhaíochtaí.

[41] Mar a thagraítear dó in Airteagal 49(6)(a) nó (b) den Rialachán Airgeadais.

[42] Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Budg: http://www.cc.cec/budg/man/budgmanag/budgmanag_en.html

[43] Dá dtagraítear in Airteagal 185 den Rialachán Airgeadais.

[44] LD = Leithreasaí difreáilte / LN = Leithreasaí neamhdhifreáilte

[45] CSTE: Comhlachas Saorthrádála na hEorpa.

[46] Tíortha is iarrthóirí agus, nuair is iomchuí, tíortha a d'fhéadfadh a bheith ina n-iarrthóirí ó na Balcáin Thiar.

[47] Cúnamh agus caiteachas teicniúil agus/nó riaracháin ar mhaithe le cláir AE agus/nó gníomhaíochtaí (seanlínte "BA"), taighde indíreach, taighde díreach a chur chun feidhme.

[48] Is ionann aschuir agus táirgí agus seirbhísí atá le soláthar (e.g. líon na malartuithe mac léinn atá maoinithe, líon na gciliméadar bóithre atá tóghta, etc.).

[49] Mar a thuairiscítear i Roinn 1.4.2. 'Cuspóir/cuspóirí Sonracha...'

[50] Is fearr na foirmeacha éagsúla aschuir a thuairisciú mar Chúnamh Teicniúil (CT) don Choimisiún agus do na Ballstáit

[51] Meastar meánchostas in aghaidh an fhostóra EMSA ag EUR 98.050 (Ríomhann EMSA an costas bliantúil in aghaidh gach baill foirne ag EUR 91 550 do 2011 + 5 % do fhorchostais, bhonneagar agus costais taistil + 2 % boilsciú do 2012). Innéacsaítear méideanna faoi 2 % ó 2013 (= n+1).

[52] Ríomhtar 'líon na n-aschur' mar líon na bpost nua a theastaíonn. Meastar na hacmhainní daonna breise a theastaíonn ó EMSA faoin aschur seo mar iomlán de + 15 choibhéiseach lánaimseartha (FTE), a sholáthróidh EMSA seisear díobh trí ath-imlonnú inmheánach, tar éis scagadh inmheánach a dhéanamh ar a gníomhaíochtaí agus a hacmhainní. Ba cheart na 9 post nua a chéimniú isteach ar an mbealach seo a leanas: 4 phost nua in 2012, 3 phost in 2013 agus 2 phost in 2014.

[53] Baineann an t-aschur seo le Cúnamh Teicniúil do thríú tíortha comharsanachta

[54] Ríomhtar 'líon na n-aschur' mar an líon post nua a theastaíonn. Meastar na hacmhainní daonna breise arna n-éileamh ag EMSA mar + 3 choibhéiseach lánaimseartha (le céimniú isteach thar 3 bliana le post nua amháin in aghaidh na bliana).

[55] GC=Gníomhaire Conarthach (Contract Agent) FE=Foireann Eatramhach (' Intérimaire' ) SÓT='Saineolaí Óg i dToscaireacht' (Young Experts in Delegations); GA= Gníomhaire Áitiúil (Local Agent) SNI=Saineolaí Náisiúnta ar Iasacht (Seconded National Expert)

[56] Faoin uasteorainn do phearsanra seachtrach ó leithreasaí faoi chomhair oibríochtaí (seanlínte 'BA').

[57] Go bunúsach do Chistí Struchtúrtha, don Chiste Eorpach Talmhaíochta um Fhorbairt Tuaithe (CETFT) agus don Chiste Iascaigh Eorpaigh

[58] Féach pointí 19 agus 24 den Chomhaontú Idirinstitiúideach.