1.   Bunaítear leis seo córas ar a dtugtar ‘Eurodac’. Is é seo a leanas an cuspóir atá leis:

2.   Gan dochar do phróiseáil sonraí atá beartaithe do Eurodac ag an mBallstát tionscnaimh i mbunachair sonraí arna mbunú faoi dhlí náisiúnta an Bhallstáit sin, ní fhéadfar sonraí bithmhéadracha agus sonraí pearsanta eile a phróiseáil in Eurodac ach amháin chun na gcríoch a leagtar amach sa Rialachán seo, i Rialacháin (CE) Uimh. 767/2008, (AE) 2018/1240, (AE) 2019/818, (AE) 2024/1351 agus (AE) 2024/1350 agus i dTreoir 2001/55/CE.

Leis an Rialachán seo, urramaítear go hiomlán dínit an duine agus cearta bunúsacha agus comhlíontar na prionsabail a aithnítear i gCairt um Chearta Bunúsacha an Aontais Eorpaigh (an ‘Chairt’), lena n-áirítear an ceart go ndéanfar an saol príobháideach a urramú, an ceart go ndéanfar sonraí pearsanta a chosaint, an ceart chun tearmainn agus toirmeasc ar chéastóireacht agus ar íde atá mídhaonna nó táireach. Sa mhéid sin, ní bheidh sé mar thoradh ar shonraí pearsanta a bheith á bpróiseáil i gcomhréir leis an Rialachán seo go ndéanfar idirdhealú in aghaidh daoine faoi chumhdach an Rialacháin seo ar aon fhoras, mar shampla, gnéas, cine, dath, bunadh eitneach nó sóisialta, gnéithe géiniteacha, teanga, reiligiún nó creideamh, tuairim pholaitiúil nó aon tuairim eile, ballraíocht de mhionlach náisiúnta, maoin, breith, míchumas, aois nó gnéaschlaonadh.

Déanfar ceart duine chun príobháideachais agus chun cosaint sonraí a choimirciú i gcomhréir leis an Rialachán seo, maidir le rochtain ag údaráis na mBallstát agus gníomhaireachtaí údaraithe an Aontais ar Eurodac.

1.   Chun críocha an Rialacháin seo:

2.   Beidh feidhm ag na sainmhínithe a leagtar amach in Airteagal 4 de Rialachán (AE) 2016/679 maidir leis an Rialachán seo a mhéid a dhéanann údaráis na mBallstát na sonraí pearsanta a phróiseáil chun na gcríoch a leagtar síos in Airteagal 1(1), pointí (a), (b), (c) agus (j) den Rialachán seo.

3.   Mura sonraítear a mhalairt, beidh feidhm ag na sainmhínithe a leagtar amach in Airteagal 2 de Rialachán (AE) 2024/1351 maidir leis an Rialachán seo.

4.   Beidh feidhm ag na sainmhínithe a leagtar amach in Airteagal 3 de Threoir (AE) 2016/680 maidir leis an Rialachán seo a mhéid a dhéanann údaráis inniúla na mBallstát na sonraí pearsanta a phróiseáil chun críocha fhorfheidhmiú an dlí.

1.   Is éard a bheidh in Eurodac:

2.   Beidh in CIR na sonraí dá dtagraítear in Airteagal 17(1), pointí (a) go (f), (h) agus (i), Airteagal 19(1), pointí (a) go (f), (h) agus (i), Airteagal 21(1), pointí (a) go (f), (h) agus (i), Airteagal 22(2), pointí (a) go (f), (h) agus (i), Airteagal 23(2), pointí (a) go (f), (h) agus (i), Airteagal 24, mír (2), pointí (a) go (f) agus (h), agus mír (3), pointe (a), agus Airteagal 26(2), pointí (a) go (f), (h) agus (i). An chuid eile de shonraí Eurodac, stórálfar sa Lárchóras iad.

3.   Úsáidfidh an Bonneagar Cumarsáide an líonra ‘Seirbhísí Tras-Eorpacha Slána le haghaidh Teileamaitic idir Córais Riaracháin’ (TESTA), líonra atá ann cheana. Chun rúndacht a áirithiú, déanfar na sonraí pearsanta a tharchuirfear go dtí nó ó Eurodac a chriptiú.

4.   Beidh Pointe Rochtana Náisiúnta aonair ag gach Ballstát. Beidh pointe rochtana aonair ag Europol (Pointe Rochtana Europol).

5.   Sonraí faoi dhaoine a chumhdaítear le hAirteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) agus Airteagal 26(1) a phróiseáiltear in Eurodac, déanfar na sonraí sin a phróiseáil thar ceann an Bhallstáit tionscnaimh faoi na coinníollacha a leagtar amach sa Rialachán seo agus déanfar iad a scaradh trí mhodhanna teicniúla iomchuí.

6.   Na tacair sonraí uile atá cláraithe in Eurodac lena gcomhfhreagraítear don náisiúnach tríú tír céanna nó don duine gan stát céanna, déanfar iad a nascadh le chéile i seicheamh. I gcás ina ndéantar comparáid uathoibríoch i gcomhréir le hAirteagail 27 agus 28 agus ina bhfaightear amas i ndáil le tacar méarlorg amháin eile ar a laghad nó, i gcás ina bhfuil na méarloirg sin ar chaighdeán nach n-áirithíonn comparáid iomchuí nó nach bhfuil fáil orthu, sonraí maidir le híomhá den aghaidh i dtacar sonraí eile lena gcomhfhreagraítear don náisiúnach tríú tír céanna nó don duine gan stát céanna, déanfaidh Eurodac na tacair sonraí sin a nascadh go huathoibríoch ar bhonn na comparáide siúd. I gcás inar gá, seiceálfaidh saineolaí, i gcomhréir le hAirteagal 38(4) agus (5), an toradh a thagann as comparáid uathoibríoch a rinneadh i gcomhréir le hAirteagail 27 agus 28. Nuair a dhearbhóidh an Ballstát glactha an t-amas, seolfaidh sé fógra chuig eu-LISA chun a dhearbhú gur nascadh na tacair sonraí sin.

7.   Beidh feidhm ag na rialacha lena rialaítear Eurodac freisin maidir le hoibríochtaí a dhéanfaidh na Ballstáit ón uair a tharchuirfear sonraí chuig Eurodac go dtí go mbainfear úsáid as torthaí na comparáide.

1.   Beidh eu-LISA freagrach as bainistiú oibríochtúil Eurodac.

Cuimseofar le bainistiú oibríochtúil Eurodac na cúraimí go léir a bheidh riachtanach chun Eurodac a choinneáil ag feidhmiú 24 uair an chloig in aghaidh an lae, 7 lá na seachtaine i gcomhréir leis an Rialachán seo, go háirithe an obair chothabhála agus na forbairtí teicniúla a bheidh riachtanach chun a áirithiú go mbeidh an córas ag feidhmiú ar leibhéal sásúil cáilíochta oibríochtúla, go háirithe maidir leis an méid ama a bheidh de dhíth chun Eurodac a cheadú. Forbróidh eu-LISA plean agus córas leanúnachais gnó, agus riachtanais chothabhála agus aga neamhfhónaimh gan choinne Eurodac á gcur san áireamh, lena n-áirítear tionchar beart leanúnachais gnó ar chosaint sonraí agus ar shlándáil.

Áiritheoidh eu-LISA i gcomhar leis na Ballstáit, go n-úsáidfear le haghaidh Eurodac an teicneolaíocht agus na teicnící is fearr agus is sláine dá bhfuil ar fáil i gcónaí, faoi réir anailís costais agus tairbhe.

2.   Féadfaidh eu-LISA fíorshonraí pearsanta ó chóras táirgthe Eurodac a úsáid chun críoch tástála, i gcomhréir le Rialachán (AE) 2016/679, sna cásanna seo a leanas:

Sna cásanna dá dtagraítear i bpointí (a) agus (b) den chéad fhomhír, beidh na bearta slándála, an rialú rochtana agus na gníomhaíochtaí logála sa timpeallacht tástála ar aon leibhéal leis na réimsí sin i gcóras táirgthe Eurodac. Maidir le próiseáil fíorshonraí pearsanta arna n-oiriúnú le haghaidh tástála, déanfar í faoi réir coinníollacha diana agus athrófar iad chun nach féidir a dhéanamh amach a thuilleadh cé hé nó hí an t-ábhar sonraí. A luaithe a bhainfear amach an chríoch dá ndearnadh an tástáil nó a chríochnófar na tástálacha, scriosfar go buan na fíorshonraí pearsanta sa timpeallacht tástála láithreach bonn.

3.   Beidh eu-LISA freagrach freisin as na cúraimí seo a leanas a bhaineann leis an mBonneagar Cumarsáide:

4.   Beidh an Coimisiún freagrach as gach cúram eile a bhaineann leis an mBonneagar Cumarsáide, cé is moite de na cúraimí dá dtagraítear i mír 3, go háirithe:

5.   Gan dochar d’Airteagal 17 de Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais a leagtar síos i Rialachán (CEE, Euratom, CEGC) Uimh. 259/68 ón gComhairle (35), cuirfidh eu-LISA rialacha iomchuí rúndachta gairmiúla nó dualgais chomhionanna rúndachta eile i bhfeidhm maidir lena chuid ball foirne ar fad ar gá dóibh bheith ag obair le sonraí Eurodac. Beidh feidhm ag an mír sin chomh maith tar éis do na baill foirne sin imeacht as oifig nó scor den fhostaíocht nó tar éis fhoirceannadh a gcúraimí.

1.   Chun críocha fhorfheidhmiú an dlí, ainmneoidh na Ballstáit na húdaráis atá údaraithe comparáidí le sonraí Eurodac a iarraidh de bhun an Rialacháin seo. Is iad na húdaráis ainmnithe údaráis na mBallstát atá freagrach as cionta sceimhlitheoireachta nó cionta coiriúla tromchúiseacha eile a chosc, a bhrath nó a imscrúdú.

2.   Coimeádfaidh gach Ballstát liosta dá údaráis ainmnithe.

3.   Coimeádfaidh gach Ballstát liosta de na haonaid oibríochtúla laistigh dá údaráis ainmnithe atá údaraithe comparáidí le sonraí Eurodac a iarraidh tríd an bPointe Rochtana Náisiúnta.

1.   Chun críoch fhorfheidhmiú an dlí, ainmneoidh gach Ballstát údarás náisiúnta aonair nó aonad den údarás sin chun gníomhú mar údarás fíoraithe aige. Is iad na húdaráis fíoraithe údaráis na mBallstát atá freagrach as cionta sceimhlitheoireachta nó cionta coiriúla tromchúiseacha eile a chosc, a bhrath nó a imscrúdú.

Féadfaidh an t-údarás ainmnithe agus an t-údarás fíoraithe a bheith páirteach san eagraíocht chéanna, má cheadaítear sin faoin dlí náisiúnta, ach gníomhóidh an t-údarás fíoraithe go neamhspleách agus a gcúraimí faoin Rialachán seo á gcomhlíonadh aige. Beidh an t-údarás fíoraithe ar leithligh ó na haonaid oibríochtúla dá dtagraítear in Airteagal 5(3) agus ní bhfaighidh sé treoracha uathu maidir le toradh an fhíoraithe.

I gcomhréir lena gceanglais bhunreachtúla nó dhlíthiúla, féadfaidh na Ballstáit níos mó ná údarás fíoraithe amháin a ainmniú chun a struchtúir eagraíochtúla agus riaracháin a léiriú.

2.   Áiritheoidh an t-údarás fíoraithe go gcomhlíonfar na coinníollacha maidir le sonraí bithmhéadracha nó sonraí alfa-uimhriúla a chur i gcomparáid le sonraí Eurodac a iarraidh.

Is í an fhoireann ar tugadh an chumhacht iomchuí di agus í sin amháin a bheidh údaraithe iarrataí ar rochtain ar shonraí Eurodac a ghlacadh agus a chur ar aghaidh i gcomhréir le hAirteagal 32.

Ní údarófar ach an t-údarás fíoraithe chun iarrataí ar chomparáidí méarlorg sonraí bithmhéadracha nó sonraí alfa-uimhriúla a chur ar aghaidh chuig an bPointe Rochtana Náisiúnta.

1.   Chun críocha fhorfheidhmiú an dlí, ainmneoidh Europol ceann amháin nó níos mó dá aonaid oibríochtúla mar ‘údarás ainmnithe Europol’. Beidh údarás ainmnithe Europol údaraithe chun comparáidí a iarraidh le sonraí Eurodac trí Phointe Rochtana Europol chun tacú le gníomhaíocht na mBallstát agus í a threisiú, agus cionta sceimhlitheoireachta nó cionta coiriúla tromchúiseacha a thagann faoi shainordú Europol á gcosc, á mbrath nó á n-imscrúdú aige.

2.   Chun críocha fhorfheidhmiú an dlí, ainmneoidh Europol aonad speisialaithe aonair ina mbeidh oifigigh Europol ar tugadh an chumhacht chuí dóibh gníomhú mar údarás fíoraithe Europol. Údarófar údarás fíoraithe Europol iarrataí ó údarás ainmnithe Europol a chur ar aghaidh le haghaidh comparáidí le sonraí Eurodac trí Phointe Rochtana Europol. Beidh údarás fíoraithe Europol go hiomlán neamhspleách ar údarás ainmnithe Europol agus a chúraimí faoin Rialachán seo á gcomhlíonadh aige. Beidh údarás fíoraithe Europol ar leithligh ó údarás ainmnithe Europol agus ní bhfaighidh sé treoracha uaidh maidir le toradh an fhíoraithe. Áiritheoidh údarás fíoraithe Europol go gcomhlíonfar na coinníollacha maidir le sonraí bithmhéadracha nó sonraí alfa-uimhriúla a chur i gcomparáid le sonraí Eurodac a iarraidh.

1.   Ón 12 Meitheamh 2026, beidh Eurodac nasctha leis an tairseach chuardaigh Eorpach dá dtagraítear in Airteagal 6 de Rialachán (AE) 2019/818 chun cur i bhfeidhm Airteagail 11 agus 20 de Rialachán (AE) 2018/1240 a chumasú.

2.   Leis an uathphróiseáil dá dtagraítear in Airteagal 20 de Rialachán (AE) 2018/1240, cumasófar na fíoruithe dá bhforáiltear san Airteagal sin na fíoruithe a dhéanfar dá éis sin dá bhforáiltear in Airteagail 22 agus 26 den Rialachán sin.

Chun na fíoruithe dá dtagraítear in Airteagal 20(2), pointe (k), de Rialachán (AE) 2018/1240 a dhéanamh, úsáidfidh Lárchóras ETIAS an tairseach chuardaigh Eorpach chun na sonraí in ETIAS a chur i gcomparáid leis na sonraí sin in Eurodac arb é a bheidh iontu sonraí a bailíodh ar bhonn Airteagail 17, 19, 21, 22, 23, 24 agus 26 den Rialachán seo i bhformáid inléite dho-athraithe agus leas á bhaint as na catagóirí sonraí a liostaítear sa tábla comhfhreagairtí a leagtar amach in Iarscríbhinn I den Rialachán seo agus a chomhfhreagraíonn do dhaoine a d’fhág críoch na mBallstát nó ar aistríodh as an gcríoch sin iad i gcomhréir le cinneadh um fhilleadh nó le hordú aistrithe. Beidh na fíoruithe sin gan dochar do na rialacha sonracha dá bhforáiltear in Airteagal 24(3) de Rialachán (AE) 2018/1240.

1.   Rachaidh Aonaid Náisiúnta ETIAS i gcomhairle le Eurodac trí bhíthin na sonraí alfa-uimhriúla céanna a úsáidtear le haghaidh na próiseála uathoibríche dá dtagraítear in Airteagal 8.

2.   Chun críoch Airteagal 1(1), pointe (g), den Rialachán seo, beidh rochtain ag Aonaid Náisiúnta ETIAS ar Eurodac, i gcomhréir le Rialachán (AE) 2018/1240, chun sonraí a cheadú i bhformáid inléite dho-athraithe chun iarratais ar údarú taistil a scrúdú. Go háirithe, féadfaidh Aonaid Náisiúnta ETIAS na sonraí dá dtagraítear in Airteagail 17, 19, 21, 22, 23, 24 agus 26 den Rialachán seo a cheadú.

3.   Tar éis Eurodac a cheadú agus rochtain a fháil air de bhun mhíreanna 1 agus 2, is i gcomhaid iarratais ETIAS, agus iontu sin amháin, a dhéanfar toradh an mheasúnaithe a thaifeadadh.

1.   Gach mí, déanfaidh eu-LISA staidreamh maidir le hobair Eurodac a tharraingt suas lena léireofar an méid seo a leanas go háirithe:

2.   Déanfar na sonraí staidrimh míosúla i ndáil le daoine dá dtagraítear i mír 1 a fhoilsiú gach mí. Ag deireadh gach bliana, foilseoidh eu-LISA na sonraí staidrimh bliantúla i ndáil le daoine dá dtagraítear i mír 1. Déanfar miondealú de réir an Bhallstáit ar na sonraí staidrimh. I gcásanna inar féidir, déanfar miondealú ar na sonraí staidrimh i ndáil le daoine dá dtagraítear i mír 1, pointe (i), de réir bliain bhreithe agus gnéis.

Ní dhéanfaidh aon ní sa mhír seo difear do chineál anaithnidithe na sonraí staidrimh.

3.   Chun tacú leis na cuspóirí dá dtagraítear in Airteagal 1, pointí (c) agus (i), táirgfidh eu-LISA staidreamh traschórais míosúil. Beidh an staidreamh sin sa dóigh nach mbeifear in ann daoine aonair a shainaithint agus bainfear úsáid sa staidreamh sin as sonraí ó Eurodac, ón gCóras Faisnéise Víosaí, ó ETIAS agus EES.

Cuirfear an staidreamh dá dtagraítear sa chéad fhomhír ar fáil do na Ballstáit, do Pharlaimint na hEorpa, don Choimisiún, do Ghníomhaireacht an Aontais Eorpaigh um Thearmann, don Ghníomhaireacht Eorpach um an nGarda Teorann agus Cósta agus do Europol.

Déanfaidh an Coimisiún ábhar an staidrimh traschórais mhíosúil dá dtagraítear sa chéad fhomhír a shonrú, trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 56(2).

Ní úsáidfear staidreamh traschórais amháin chun rochtain ar chríoch an Aontais a dhiúltú.

4.   Arna iarraidh sin don Choimisiún, tabharfaidh eu-LISA staidreamh dó i ndáil le gnéithe sonracha a bhaineann le cur i bhfeidhm an Rialacháin seo agus tabharfaidh sé freisin an staidreamh dá dtagraítear i mír 1 agus cuirfidh sé na sonraí staidrimh sin ar fáil do na Ballstáit, do Pharlaimint na hEorpa, do Ghníomhaireacht an Aontais Eorpaigh um Thearmann, don Ghníomhaireacht Eorpach um an nGarda Teorann agus Cósta agus do Europol, arna iarraidh sin dóibh.

5.   Déanfaidh eu-LISA na sonraí dá dtagraítear i míreanna 1 go 4 den Airteagal seo a stóráil chun críoch taighde agus anailísithe, agus ar an gcaoi sin cuirfear ar chumas na n-údarás dá dtagraítear i mír 3 den Airteagal seo tuarascálacha agus staidreamh in-saincheaptha a fháil sa lárstóras um thuairisciú agus staidreamh dá dtagraítear in Airteagal 39 de Rialachán (AE) 2019/818. Ní bheifear in ann daoine aonair a shainaithint leis na sonraí sin.

6.   Tabharfar rochtain ar an lárstóras um thuairisciú agus staidreamh dá dtagraítear in Airteagal 39 de Rialachán (AE) 2019/818 do eu-LISA, don Choimisiún, do na húdaráis arna n-ainmniú ag gach Ballstát i gcomhréir le hAirteagal 40(2) den Rialachán seo agus d’úsáideoirí údaraithe Ghníomhaireacht an Aontais Eorpaigh um Thearmann, na Gníomhaireachta Eorpaí um an nGarda Teorann agus Cósta agus Europol, i gcás ina bhfuil an rochtain sin ábhartha chun a gcúraimí a chur chun feidhme.

1.   Tógfaidh na Ballstáit sonraí bithmhéadracha na ndaoine dá dtagraítear in Airteagal 15(1), Airteagal 18(1) agus (2), Airteagal 20(1), Airteagal 22(1), Airteagal 23(1), Airteagal 24(1) agus Airteagal 26(1) chun críocha Airteagal 1(1), pointí (a), (b), (c) agus (j), agus ceanglóidh siad ar na daoine sin a gcuid sonraí bithmhéadracha a sholáthar agus iad a chur ar an eolas i gcomhréir le hAirteagal 42.

2.   Ní mór do na Ballstáit dínit agus sláine fhisiceach an duine a urramú le linn an nós imeachta tógála méarlorg agus nuair a bheifear ag tógáil íomhá den aghaidh.

3.   Leagfar síos sa dlí náisiúnta bearta riaracháin chun a áirithiú go gcomhlíonfar an oibleagáid sonraí bithmhéadracha a leagtar amach i mír 1 a sholáthar. Beidh na bearta sin éifeachtach, comhréireach agus athchomhairleach agus féadfar a áireamh iontu an fhéidearthacht modhanna comhéigin a úsáid mar rogha dheireanach.

4.   I gcás nach n-áirithítear leis na bearta uile a leagtar síos sa dlí náisiúnta dá dtagraítear i mír 3 go gcomhlíonann iarratasóir an oibleagáid sonraí bithmhéadracha a sholáthar, beidh feidhm ag forálacha ábhartha dhlí an Aontais maidir le tearmann a bhaineann le neamhchomhlíonadh na hoibleagáide sin.

5.   Gan dochar do mhíreanna 3 agus 4, i gcás nach féidir sonraí bithmhéadracha náisiúnaigh tríú tír nó duine gan stát a mheastar a bheith ina dhuine leochaileach a thógáil de bharr riocht bharra méire nó aghaidh an duine sin, agus i gcás nár chruthaigh an duine sin an riocht sin d’aon ghnó, ní úsáidfidh údaráis an Bhallstáit lena mbaineann bearta riaracháin chun a áirithiú go gcomhlíonfar an oibleagáid sonraí bithmhéadracha a sholáthar.

6.   Déanfar an nós imeachta maidir le sonraí bithmhéadracha a thógáil a chinneadh agus a chur i bhfeidhm i gcomhréir le cleachtas náisiúnta an Bhallstáit lena mbaineann agus i gcomhréir leis na coimircí a leagtar síos sa Chairt agus sa Choinbhinsiún Eorpach chun Cearta an Duine agus Saoirsí Bunúsacha a Chosaint.

1.   Maidir le sonraí bithmhéadracha a thógáil ó mhionaoisigh ó aois 6 bliana d’aois, is iad oifigigh atá oilte go sonrach a dhéanfaidh é sin i gcaoi nach gcuireann as don leanbh agus a fhreastalaíonn ar riachtanais an linbh, agus lánurraim á tabhairt do leasanna an linbh agus do na coimircí a leagtar síos i gCoinbhinsiún na Náisiún Aontaithe um Chearta an Linbh.

Ba cheart tús áite a thabhairt do shárleas an linbh agus an Rialachán seo á chur i bhfeidhm. I gcás ina mbeidh éiginnteacht ann maidir le cé acu atá nó nach bhfuil leanbh faoi bhun 6 bliana d’aois agus nach bhfuil aon chruthúnas tacaíochta ann maidir le haois an linbh sin, measfaidh údaráis inniúla na mBallstát go bhfuil an leanbh sin faoi bhun 6 bliana d’aois chun críocha an Rialacháin seo.

Beidh mionaoisigh á dtionlacan, nuair is ann dó nó di, ag ball teaghlaigh ar duine fásta é nó í, le linn an ama a bheidh a sonraí bithmhéadracha á dtógáil. Beidh mionaoisigh neamhthionlactha á dtionlacan ag ionadaí nó, i gcás nár ainmníodh ionadaí, ag duine atá oilte ar leas na leanaí agus ar a bhfolláine a choimirciú, le linn an ama ar fad a bheidh a sonraí bithmhéadracha á dtógáil. Ní bheidh an duine oilte sin ina oifigeach a bheidh freagrach as na sonraí bithmhéadracha a thógáil, gníomhóidh sé go neamhspleách agus ní bhfaighidh sé orduithe ón oifigeach nó ón tseirbhís atá freagrach as na sonraí bithmhéadracha a thógáil. Is é a bheidh sa duine oilte sin an duine atá ainmnithe chun gníomhú go sealadach mar ionadaí faoi Threoir (AE) 2024/1346, i gcás inar ainmníodh an duine sin.

Ní úsáidfear aon chineál fornirt i gcoinne mionaoiseach chun a áirithiú go gcomhlíonann siad an oibleagáid sonraí bithmhéadracha a sholáthar. Mar sin féin, i gcás ina gceadaítear sin le dlí ábhartha an Aontais nó leis an dlí ábhartha náisiúnta, agus mar rogha dheireanach, féadfar leibhéal comhréireach comhéigin a úsáid i gcoinne mionaoiseach chun a áirithiú go gcomhlíonann siad an oibleagáid sin. Agus an leibhéal comhréireach comhéigin sin á chur i bhfeidhm, urramóidh na Ballstáit dínit agus sláine fhisiceach an mhionaoisigh.

I gcás ina ndiúltaíonn mionaoiseach, go háirithe mionaoiseach neamhthionlactha nó scartha, a shonraí bithmhéadracha a thabhairt agus go bhfuil forais réasúnacha ann lena chreidiúint go bhfuil rioscaí ann a bhaineann le coimirciú nó cosaint an mhionaoisigh, de réir mar atá measúnaithe ag oifigeach atá oilte go sonrach chun sonraí bithmhéadracha mionaoisigh a thógáil, tarchuirfear an mionaoiseach chuig na húdaráis inniúla náisiúnta cosanta leanaí, chuig na sásraí náisiúnta tarchuir nó chucu araon.

2.   I gcás nach féidir méarloirg a thógáil ná íomhá den aghaidh mionaoisigh a thógáil i ngeall ar an mbail atá ar bharra na méar nó ar an aghaidh, beidh feidhm ag Airteagal 13(5). I gcás ina n-atógtar méarloirg nó íomhá den aghaidh mionaoisigh, beidh feidhm ag mír 1 den Airteagal seo.

3.   Ní úsáidfear sonraí Eurodac a bhaineann le leanbh atá faoi bhun 14 bliana d’aois ach amháin chun críocha fhorfheidhmiú an dlí i gcoinne an linbh sin i gcás ina bhfuil forais ann de bhreis ar na forais dá dtagraítear in Airteagal 33(1), pointe (d), lena mheas go bhfuil gá leis na sonraí sin chun cion sceimhlitheoireachta nó cion coiriúil tromchúiseach eile a bhfuil drochamhras ann go ndearna an leanbh sin é a chosc, a bhrath nó a imscrúdú.

4.   Beidh an Rialachán seo gan dochar do chur i bhfeidhm na gcoinníollacha a leagtar amach in Airteagal 13 de Threoir (AE) 2024/1346.

1.   Tógfaidh gach Ballstát, i gcomhréir le hAirteagal 13(2), sonraí bithmhéadracha gach iarratasóra ar chosaint idirnáisiúnta atá 6 bliana d’aois ar a laghad:

Fiú amháin mura gcomhlíontar an teorainn ama 72 uair an chloig dá dtagraítear sa chéad fhomhír, pointí (a) agus (b), den mhír seo beidh an oibleagáid fós ar na Ballstáit na sonraí bithmhéadracha a thógáil agus iad a tharchur chuig Eurodac. I gcás ina bhfágfaidh an bhail atá ar bharra na méar nach féidir méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38, déanfaidh an Ballstát tionscnaimh méarloirg an iarratasóra a thógáil arís agus tarchuirfidh sé arís iad a luaithe is féidir agus tráth nach déanaí ná 48 n-uaire an chloig tar éis tógáil na méarlorg a chur i gcrích go sásúil.

2.   De mhaolú ar mhír 1, mura féidir sonraí bithmhéadracha iarratasóra ar chosaint idirnáisiúnta a thógáil de bharr bearta a rinneadh ar mhaithe le sláinte an iarratasóra nó ar mhaithe le cosaint na sláinte poiblí, tógfaidh na Ballstáit na sonraí bithmhéadracha sin agus tarchuirfidh siad iad a luaithe is féidir agus tráth nach déanaí ná 48 n-uaire an chloig tar éis deireadh a theacht leis na forais sláinte sin.

I gcás fadhbanna teicniúla tromchúiseacha, féadfaidh na Ballstáit uasmhéid 48 n-uaire an chloig a chur leis na teorainneacha ama 72 uair an chloig dá dtagraítear i mír 1, an chéad fhomhír, pointí (a) agus (b), chun na pleananna leanúnachais náisiúnta a chur i bhfeidhm.

3.   Féadfaidh baill d’Fhoirne den Gharda Teorann agus Cósta Eorpaigh atá oilte go sonrach chun na críche sin nó saineolaithe ó na foirne tacaíochta tearmainn atá oilte go sonrach chun na críche sin, i gcás ina bhfaighidh siad iarraidh ón mBallstát lena mbaineann, na sonraí bithmhéadracha, sonraí alfa-uimhriúla agus cóip dhaite scanta de dhoiciméad céannachta nó taistil, ach an chóip sin a bheith le fáil, a thógáil agus a tharchur thar ceann an Bhallstáit sin nuair a bhíonn siad i mbun a gcúraimí agus ag feidhmiú cumhachtaí i gcomhréir le Rialacháin (AE) 2019/1896 agus (AE) 2021/2303.

4.   Gach tacar sonraí a bhaileofar agus a tharchuirfear i gcomhréir leis an Airteagal seo, déanfar é a nascadh i seicheamh le tacair sonraí eile a chomhfhreagraíonn don náisiúnach tríú tír nó don duine gan stát céanna mar a leagtar amach in Airteagal 3(6).

1.   A luaithe a chinnfear an Ballstát freagrach i gcomhréir le Rialachán (AE) 2024/1351, déanfaidh an Ballstát a sheolann na nósanna imeachta chun a chinneadh cé acu Ballstát atá freagrach, déanfaidh sé an tacar sonraí arna thaifeadadh i gcomhréir le hAirteagal 17 den Rialachán seo a nuashonrú i ndáil leis an duine lena mbaineann, tríd an mBallstát atá freagrach a chur leis an tacar sonraí.

I gcás ina mbeidh Ballstát freagrach toisc go bhfuil forais réasúnacha ann chun a mheas go bhfuil an t-iarratasóir ina bhagairt nó ina bagairt ar shlándáil inmheánach i gcomhréir le hAirteagal 16(4) de Rialachán (AE) 2024/1351, nuashonróidh an Ballstát sin a thacar sonraí arna thaifeadadh i gcomhréir le hAirteagal 17 den Rialachán seo i ndáil leis an duine lena mbaineann, tríd an mBallstát atá freagrach a chur leis.

2.   Cuirfear an fhaisnéis seo a leanas ar aghaidh chuig Eurodac chun í a stóráil i gcomhréir le hAirteagal 29(1) chun críoch tarchuir faoi Airteagail 27 agus 28:

3.   I gcás ina n-aistreoidh freagracht chuig Ballstát eile, de bhun Airteagail 37(1) agus 68(3) de Rialachán (AE) 2024/1351, cuirfidh an Ballstát a leagann síos go bhfuil an fhreagracht sin aistrithe, cuirfidh sé in iúl cén Ballstát atá freagrach, nó cuirfidh Ballstát an athshocraithe in iúl cén Ballstát atá freagrach.

4.   I gcás ina mbeidh feidhm ag míreanna 1 nó 3 den Airteagal seo nó ag Airteagal 31(6), cuirfidh Eurodac gach Ballstát tionscnaimh ar an eolas gur tharchuir Ballstát tionscnaimh eile na sonraí sin, a luaithe is féidir agus tráth nach déanaí ná 72 uair an chloig tar éis dó na sonraí sin a fháil, tar éis do Eurodac amas a fháil ar shonraí a tharchuir na Ballstáit tionscnaimh i ndáil le daoine dá dtagraítear in Airteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1). De bhreis air sin, déanfaidh na Ballstáit tionscnaimh sin an Ballstát freagrach a thabhairt cothrom le dáta sna tacair sonraí a chomhfhreagraíonn do dhaoine dá dtagraítear in Airteagal 15(1).

1.   Is iad na sonraí seo a leanas, agus na sonraí seo amháin, a thaifeadfar in Eurodac i gcomhréir le hAirteagal 3(2):

2.   Ina theannta sin, i gcás inarb infheidhme agus iad a bheith ar fáil, déanfar na sonraí seo a leanas a thaifeadadh go pras in Eurodac i gcomhréir le hAirteagal 3(2):

3.   I gcás ina ndéantar na sonraí uile dá dtagraítear i mír 1, pointí (a) go (f) agus (h), den Airteagal seo a bhaineann le duine dá dtagraítear in Airteagal 15 a thaifeadadh in Eurodac, measfar gur tacar sonraí iad arna tharchur chuig Eurodac chun críocha Airteagal 27(1), pointe (aa), de Rialachán (AE) 2019/818.

4.   An Ballstát tionscnaimh a tháinig ar an gconclúid nach bhfuil feidhm a thuilleadh ag an mbagairt ar an tslándáil inmheánach a sainaithníodh tar éis an scagtha dá dtagraítear i Rialachán (AE) 2024/1356 nó tar éis scrúdú a dhéanamh de bhun Airteagal 16(4) de Rialachán (AE) 2024/1351 nó de bhun Airteagal 9(5) de Rialachán (AE) 2024/1348, scriosfaidh sé taifead na brataí slándála ón tacar sonraí, tar éis dó dul i gcomhairle le haon Bhallstát eile a chláraigh tacar sonraí de chuid an duine chéanna. A luaithe is féidir agus tráth nach déanaí ná 72 uair an chloig tar éis do Bhallstát tionscnaimh eile an bhratach shlándála a scriosadh i ndiaidh dó amas a fháil ar shonraí a tharchuir Ballstáit tionscnaimh eile i ndáil le daoine dá dtagraítear in Airteagail 15(1), 22(1), 23(1) nó 24(1) den Rialachán seo, cuirfidh Eurodac na Ballstáit tionscnaimh sin ar an eolas faoin scriosadh sin. Scriosfaidh na Ballstáit tionscnaimh sin an bhratach shlándála freisin sa tacar sonraí comhfhreagrach.

1.   Tógfaidh gach Ballstát go pras, i gcomhréir le hAirteagal 13(2), sonraí bithmhéadracha gach náisiúnaigh tríú tír nó gach duine gan stát atá 6 bliana d’aois ar a laghad a ghabhann na húdaráis rialaithe inniúla i dtaca le trasnú neamhrialta a dhéanamh ar thalamh, ar muir nó san aer ar theorainn an Bhallstáit sin, ar duine é atá tagtha as tríú tír agus nár seoladh ar ais é nó atá fós i láthair go fisiceach ar chríoch na mBallstát agus nach bhfuil faoi choimeád, faoi ghaibhniú nó faoi choinneáil ar feadh na tréimhse ar fad idir an t-am a ghabhtar é agus an t-am a aistrítear as an gcríoch é ar bhonn an chinnidh é a chur ar ais.

2.   Tarchuirfidh an Ballstát lena mbaineann a luaithe is féidir agus tráth nach déanaí ná 72 uair an chloig tar éis an dáta gabhála na sonraí seo a leanas chuig Eurodac i gcomhréir le hAirteagal 3(2) maidir le haon náisiúnach tríú tír nó duine gan stát, dá dtagraítear i mír 1, nach gcuirtear ar ais:

3.   Ina theannta sin, i gcás inarb infheidhme agus iad a bheith ar fáil, déanfar na sonraí seo a leanas a tharchur go pras chuig Eurodac i gcomhréir le hAirteagal 3(2):

4.   De mhaolú ar mhír 2, maidir leis na sonraí dá dtagraítear i mír 2 i ndáil le daoine a gabhadh, dá dtagraítear i mír 1, agus atá fós i láthair go fisiceach ar chríoch na mBallstát ach atá faoi choimeád, faoi ghaibhniú nó faoi choinneáil tar éis a ngabhála ar feadh tréimhse níos faide ná 72 uair an chloig, tarchuirfear na sonraí sin sula scaoilfear na daoine sin ó choimeád, ó ghaibhniú nó ó choinneáil.

5.   Fiú amháin mura gcomhlíontar an teorainn ama 72 uair an chloig dá dtagraítear i mír 2 den Airteagal seo, beidh an oibleagáid fós ar na Ballstáit na sonraí bithmhéadracha a thógáil agus iad a tharchur chuig Eurodac. I gcás ina bhfágfaidh an bhail atá ar bharra na méar nach féidir méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38, déanfaidh an Ballstát tionscnaimh méarloirg na ndaoine a gabhadh a thógáil arís mar a thuairiscítear i mír 1 den Airteagal seo agus déanfaidh sé iad a tharchur arís a luaithe is féidir agus tráth nach déanaí ná 48 n-uaire an chloig tar éis atógáil na méarlorg a chur i gcrích go rathúil.

6.   De mhaolú ar mhír 1, mura féidir sonraí bithmhéadracha an duine a gabhadh a thógáil de bharr bearta a rinneadh ar mhaithe le sláinte an duine sin nó ar mhaithe le cosaint na sláinte poiblí, tógfaidh an Ballstát lena mbaineann na sonraí bithmhéadracha sin agus déanfaidh sé iad a tharchur a luaithe is féidir agus tráth nach déanaí ná 48 n-uaire an chloig tar éis deireadh a theacht leis na forais sláinte sin.

I gcás fadhbanna teicniúla tromchúiseacha, féadfaidh na Ballstáit uasmhéid 48 n-uaire an chloig a chur leis an teorainn ama 72 uair an chloig dá dtagraítear i mír 2 chun na pleananna leanúnachais náisiúnta a chur i bhfeidhm.

7.   A luaithe a dhearbhóidh an Ballstát tionscnaimh gur fhág an duine lena mbaineann, ar taifeadadh na sonraí i ndáil leis in Eurodac i gcomhréir le mír 1, gur fhág an duine sin críoch na mBallstát i gcomhréir le cinneadh um fhilleadh nó le hordú aistrithe, nuashonróidh sé an tacar sonraí, arna thaifeadadh i ndáil leis an duine lena mbaineann, tríd an dáta a aistríodh an duine nó an dáta a d’fhág sé an chríoch a chur leis an tacar sin.

8.   Féadfaidh baill d’Fhoirne den Gharda Teorann agus Cósta Eorpaigh nó saineolaithe ó na foirne tacaíochta tearmainn atá oilte go sonrach chun na críche sin, i gcás ina bhfaighidh siad iarraidh ón mBallstát lena mbaineann, na sonraí bithmhéadracha, sonraí alfa-uimhriúla agus cóip dhaite scanta de dhoiciméad céannachta nó taistil, ach an chóip sin a bheith le fáil, a thógáil agus a tharchur thar ceann an Bhallstáit sin má bhíonn siad i mbun a gcúraimí agus ag feidhmiú cumhachtaí i gcomhréir le Rialacháin (AE) 2019/1896 agus (AE) 2021/2303.

9.   Gach tacar sonraí a bhaileofar agus a tharchuirfear i gcomhréir leis an Airteagal seo, déanfar é a nascadh i seicheamh le tacair sonraí eile a chomhfhreagraíonn don náisiúnach tríú tír nó don duine gan stát céanna mar a leagtar amach in Airteagal 3(6).

10.   I gcás ina ndéantar na sonraí uile dá dtagraítear i mír 2, pointí (a) go (f) agus (h), den Airteagal seo a bhaineann le duine dá dtagraítear i mír 1 den Airteagal seo a thaifeadadh in Eurodac, measfar gur tacar sonraí iad arna tharchur chuig Eurodac chun críocha Airteagal 27(1), pointe (aa), de Rialachán (AE) 2019/818.

1.   Tógfaidh gach Ballstát go pras, i gcomhréir le hAirteagal 13(2), sonraí bithmhéadracha gach náisiúnaigh tríú tír nó duine gan stát atá 6 bliana d’aois, ar a laghad, agus atá ag fanacht go neamhdhleathach laistigh de chríoch an Bhallstáit sin.

2.   Tarchuirfidh an Ballstát lena mbaineann a luaithe is féidir agus tráth nach déanaí ná 72 uair an chloig tar éis a cinneadh go bhfuil an náisiúnach tríú tír nó an duine gan stát ag fanacht go neamhdhleathach, tarchuirfidh sé na sonraí seo a leanas chuig Eurodac i gcomhréir le hAirteagal 3(2) i ndáil le haon náisiúnach tríú tír nó duine gan stát dá dtagraítear i mír 1:

3.   Ina theannta sin, i gcás inarb infheidhme agus iad a bheith ar fáil, déanfar na sonraí seo a leanas a tharchur go pras chuig Eurodac i gcomhréir le hAirteagal 3(2):

4.   Fiú amháin mura gcomhlíontar an teorainn ama 72 uair an chloig dá dtagraítear i mír 2 den Airteagal seo, beidh an oibleagáid fós ar na Ballstáit na sonraí bithmhéadracha a thógáil agus iad a tharchur chuig Eurodac. I gcás ina bhfágfaidh an bhail atá ar bharra na méar nach féidir méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38, déanfaidh an Ballstát tionscnaimh méarloirg na ndaoine a gabhadh a thógáil arís mar a thuairiscítear i mír 1 den Airteagal seo agus déanfaidh sé iad a tharchur arís a luaithe is féidir agus tráth nach déanaí ná 48 n-uaire an chloig tar éis atógáil na méarlorg a chur i gcrích go rathúil.

5.   De mhaolú ar mhír 1, mura féidir sonraí bithmhéadracha an duine a gabhadh a thógáil de bharr bearta a rinneadh ar mhaithe le sláinte an duine sin nó ar mhaithe le cosaint na sláinte poiblí, tógfaidh an Ballstát lena mbaineann na sonraí bithmhéadracha sin agus déanfaidh sé iad a tharchur a luaithe is féidir agus tráth nach déanaí ná 48 n-uaire an chloig tar éis deireadh a theacht leis na forais sláinte sin.

I gcás fadhbanna teicniúla tromchúiseacha, féadfaidh na Ballstáit uasmhéid 48 n-uaire an chloig a chur leis an teorainn ama 72 uair an chloig dá dtagraítear i mír 2 chun na pleananna leanúnachais náisiúnta a chur i bhfeidhm.

6.   A luaithe a dhearbhóidh an Ballstát tionscnaimh gur fhág an duine lena mbaineann, ar taifeadadh na sonraí i ndáil leis in Eurodac i gcomhréir le mír 1, gur fhág an duine sin críoch na mBallstát i gcomhréir le cinneadh um fhilleadh nó le hordú aistrithe, nuashonróidh sé an tacar sonraí arna thaifeadadh i ndáil leis an duine lena mbaineann, tríd an dáta a aistríodh an duine nó an dáta a d’fhág sé an chríoch a chur leis an tacar sin.

7.   Gach tacar sonraí a bhaileofar agus a tharchuirfear i gcomhréir leis an Airteagal seo, déanfar é a nascadh i seicheamh le tacair sonraí eile lena gcomhfhreagraítear don náisiúnach tríú tír nó don duine gan stát céanna mar a leagtar amach in Airteagal 3(6).

8.   I gcás ina ndéantar na sonraí uile dá dtagraítear i mír 2, pointí (a) go (f) agus (h), den Airteagal seo a bhaineann le duine dá dtagraítear i mír 1 den Airteagal seo a thaifeadadh in Eurodac, measfar gur tacar sonraí iad arna tharchur chuig Eurodac chun críocha Airteagal 27(1), pointe (aa), de Rialachán (AE) 2019/818.

1.   Tógfaidh gach Ballstát go pras sonraí bithmhéadracha gach náisiúnaigh tríú tír nó duine gan stát atá 6 bliana d’aois, ar a laghad, agus a dhíbhordálfar tar éis oibríocht chuardaigh agus tarrthála mar a shainmhínítear i Rialachán (AE) 2024/1351.

2.   Tarchuirfidh an Ballstát lena mbaineann a luaithe is féidir agus tráth nach déanaí ná 72 uair an chloig tar éis dháta na díbhordála na sonraí seo a leanas chuig Eurodac i gcomhréir le hAirteagal 3(2) maidir le haon náisiúnach tríú tír nó duine gan stát dá dtagraítear i mír 1:

3.   Ina theannta sin, i gcás inarb infheidhme agus iad a bheith ar fáil, déanfar na sonraí seo a leanas a tharchur chuig Eurodac i gcomhréir le hAirteagal 3(2) a luaithe a bheidh siad ar fáil:

4.   Fiú amháin mura gcomhlíontar an teorainn ama dá dtagraítear i mír 2 den Airteagal seo, beidh an oibleagáid fós ar na Ballstáit na sonraí bithmhéadracha a thógáil agus iad a tharchur chuig Eurodac. I gcás ina bhfágfaidh an bhail atá ar bharra na méar nach féidir méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38, déanfaidh an Ballstát tionscnaimh méarloirg na ndaoine a díbhordáladh a thógáil arís mar a thuairiscítear i mír 1 den Airteagal seo agus déanfaidh sé iad a tharchur arís a luaithe is féidir agus tráth nach déanaí ná 48 n-uaire an chloig tar éis atógáil na méarlorg a chur i gcrích go rathúil.

5.   De mhaolú ar mhír 1, mura féidir sonraí bithmhéadracha an duine a díbhordáladh a thógáil de bharr bearta a rinneadh ar mhaithe le sláinte an duine sin nó ar mhaithe le cosaint na sláinte poiblí, tógfaidh an Ballstát lena mbaineann na sonraí bithmhéadracha sin agus déanfaidh sé iad a tharchur a luaithe is féidir agus tráth nach déanaí ná 48 n-uaire an chloig tar éis deireadh a theacht leis na forais sláinte sin.

I gcás fadhbanna teicniúla tromchúiseacha, féadfaidh na Ballstáit uasmhéid 48 n-uaire an chloig a chur leis an teorainn ama 72 uair an chloig dá dtagraítear i mír 2 chun na pleananna leanúnachais náisiúnta a chur i bhfeidhm.

6.   I gcás insreabhadh tobann, féadfaidh na Ballstáit uasmhéid 48 n-uaire an chloig breise a chur leis an teorainn ama 72 uair an chloig dá dtagraítear i mír 2. Tiocfaidh an maolú sin i bhfeidhm an dáta a thugtar fógra ina leith don Choimisiún agus do na Ballstáit eile agus ar feadh na tréimhse a luaitear san fhógra. Ní mhairfidh an tréimhse a luaitear san fhógra níos faide ná aon mhí amháin.

7.   A luaithe a dhearbhóidh an Ballstát tionscnaimh gur fhág an duine lena mbaineann, ar taifeadadh na sonraí i ndáil leis in Eurodac i gcomhréir le mír 1, gur fhág an duine sin críoch na mBallstát i gcomhréir le cinneadh um fhilleadh nó le hordú aistrithe, nuashonróidh sé an tacar sonraí arna thaifeadadh i ndáil leis an duine lena mbaineann tríd an dáta a aistríodh an duine nó an dáta a d’fhág sé an chríoch a chur leis an tacar sin.

8.   Féadfaidh baill d’Fhoirne den Gharda Teorann agus Cósta Eorpach nó saineolaithe ó na foirne tacaíochta tearmainn atá oilte go sonrach chun na críche sin, i gcás ina bhfaighidh siad iarraidh ón mBallstát lena mbaineann, na sonraí bithmhéadracha, sonraí alfa-uimhriúla agus cóip dhaite scanta de dhoiciméad céannachta nó taistil, ach an chóip sin a bheith ar fáil, a thógáil agus a tharchur thar ceann an Bhallstáit sin má bhíonn siad i mbun a gcúraimí agus ag feidhmiú cumhachtaí i gcomhréir le Rialacháin (AE) 2019/1896 agus (AE) 2021/2303.

9.   Gach tacar sonraí a bhaileofar agus a tharchuirfear i gcomhréir leis an Airteagal seo, déanfar é a nascadh i seicheamh le tacair sonraí eile a chomhfhreagraíonn don náisiúnach tríú tír nó don duine gan stát céanna mar a leagtar amach in Airteagal 3(6).

10.   Gan dochar do chur i bhfeidhm Rialachán (AE) 2024/1351, má dhéantar sonraí duine a tharchur chuig Eurodac i gcomhréir leis an Airteagal seo, ní bheidh aon idirdhealú ann i gcoinne duine a chumhdaítear le hAirteagal 22(1) den Rialachán seo ná ní bheidh aon difríocht sa chaoi a gcaitear leis an duine sin mar thoradh air sin.

11.   I gcás ina ndéantar na sonraí uile dá dtagraítear i mír 2, pointí (a) go (f) agus (h), den Airteagal seo a bhaineann le duine dá dtagraítear i mír 1 den Airteagal seo a thaifeadadh in Eurodac, measfar gur tacar sonraí iad arna tharchur chuig Eurodac chun críocha Airteagal 27(1), pointe (aa), de Rialachán (AE) 2019/818.

1.   A luaithe a thitfidh oibleagáid ar Bhallstát an athshocraithe an duine lena mbaineann a athshocrú de bhun Airteagal 67(9) de Rialachán (AE) 2024/1351, nuashonróidh an Ballstát is tairbhí an tacar sonraí arna thaifeadadh i gcomhréir le hAirteagail 17, 22, 23 nó 24 den Rialachán seo i ndáil leis an duine lena mbaineann, trí Bhallstát an athshocraithe a chur leis.

2.   Nuair a shroichfidh duine Ballstát an athshocraithe tar éis do Bhallstát an athshocraithe a dhearbhú go bhfuil an duine lena mbaineann le hathshocrú i gcomhréir le hAirteagal 67(9) de Rialachán (AE) 2024/1351, seolfaidh an Ballstát sin tacar sonraí arna thaifeadadh i gcomhréir le hAirteagail 17 nó 23 den Rialachán seo i ndáil leis an duine lena mbaineann agus beidh sa tacar sin dáta teachta an duine sin. Déanfar an tacar sonraí a stóráil i gcomhréir le hAirteagal 29(1) chun críche tarchuir faoi Airteagail 27 agus 28.

1.   Tógfaidh gach Ballstát go pras sonraí bithmhéadracha gach náisiúnaigh tríú tír nó duine gan stát atá 6 bliana d’aois, ar a laghad, agus a cláraíodh mar thairbhí de chosaint shealadach i gcríoch an Bhallstáit sin de bhun Threoir 2001/55/CE.

2.   Tarchuirfidh an Ballstát lena mbaineann a luaithe is féidir agus tráth nach déanaí ná 10 lá ón gclárú mar thairbhí de chosaint shealadach, na sonraí seo a leanas chuig Eurodac i gcomhréir le hAirteagal 3(2) maidir le haon náisiúnach tríú tír nó duine gan stát dá dtagraítear i mír 1:

3.   Fiú amháin mura gcomhlíontar an teorainn ama 10 lá dá dtagraítear i mír 2 den Airteagal seo, beidh an oibleagáid fós ar na Ballstáit na sonraí bithmhéadracha a thógáil agus iad a tharchur chuig Eurodac. I gcás ina bhfágfaidh an bhail atá ar bharra na méar nach féidir méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38, déanfaidh an Ballstát tionscnaimh méarloirg an tairbhí de chosaint shealadach a thógáil arís mar a thuairiscítear i mír 1 den Airteagal seo agus tarchuirfidh sé arís iad a luaithe is féidir agus tráth nach déanaí ná 48 n-uaire an chloig tar éis tógáil na méarlorg a chur i gcrích go sásúil.

4.   De mhaolú ar mhír 1, mura féidir sonraí bithmhéadracha an tairbhí de chosaint shealadach a thógáil de bharr bearta a rinneadh ar mhaithe le sláinte an duine sin nó ar mhaithe le cosaint na sláinte poiblí, tógfaidh na Ballstáit na sonraí bithmhéadracha sin agus tarchuirfidh sé iad a luaithe is féidir agus tráth nach déanaí ná 48 n-uaire an chloig tar éis deireadh a theacht leis na forais sláinte sin.

I gcás fadhbanna teicniúla tromchúiseacha, féadfaidh na Ballstáit uasmhéid 48 n-uaire an chloig breise a chur leis an teorainn ama 10 lá dá dtagraítear i mír 2 chun na pleananna leanúnachais náisiúnta a chur i bhfeidhm.

5.   Féadfaidh baill d’Fhoirne den Gharda Teorann agus Cósta Eorpach nó saineolaithe ó na foirne tacaíochta tearmainn atá oilte go sonrach chun na críche sin, i gcás ina bhfaighidh siad iarraidh ón mBallstát lena mbaineann, na sonraí bithmhéadracha a thógáil agus a tharchur thar ceann an Bhallstáit sin má bhíonn siad i mbun a gcúraimí agus ag feidhmiú cumhachtaí i gcomhréir le Rialacháin (AE) 2019/1896 agus (AE) 2021/2303.

6.   Gach tacar sonraí a bhaileofar agus a tharchuirfear i gcomhréir leis an Airteagal seo, déanfar é a nascadh i seicheamh le tacair sonraí eile a chomhfhreagraíonn don náisiúnach tríú tír nó don duine gan stát céanna mar a leagtar amach in Airteagal 3(6).

7.   I gcás ina ndéantar na sonraí uile dá dtagraítear i mír 2, pointí (a) go (f) agus (h), den Airteagal seo a bhaineann le duine dá dtagraítear i mír 1 den Airteagal seo a thaifeadadh in Eurodac, measfar gur tacar sonraí iad arna tharchur chuig Eurodac chun críocha Airteagal 27(1), pointe (aa), de Rialachán (AE) 2019/818.

1.   Déanfar comparáid go huathoibríoch idir sonraí bithmhéadracha a tharchuireann aon Bhallstát, cé is moite díobh sin a tharchuirtear i gcomhréir le hAirteagal 16(2), pointí (a) agus (c), agus le hAirteagail 18 agus 20, agus na sonraí bithmhéadracha a tharchuireann Ballstáit eile agus atá stóráilte cheana féin in Eurodac i gcomhréir le hAirteagail 15, 18(2),agus Airteagail 20, 22, 23, 24 agus 26.

2.   Déanfar comparáid go huathoibríoch idir sonraí bithmhéadracha, arna dtarchur ag aon Bhallstát, i gcomhréir le hAirteagal 18(1), agus sonraí bithmhéadracha arna dtarchur ag Ballstáit eile agus atá stóráilte cheana féin in Eurodac i gcomhréir le hAirteagal 15 agus a mharcáiltear i gcomhréir le hAirteagail 31, 18(2) agus 20.

3.   Áiritheoidh Eurodac, arna iarraidh sin do Bhallstát, go gclúdóidh an chomparáid dá dtagraítear i mír 1 na sonraí bithmhéadracha a tharchuir an Ballstát sin roimhe seo, mar aon leis na sonraí bithmhéadracha ó Bhallstáit eile.

4.   Tarchuirfidh Eurodac an t-amas nó toradh diúltach na comparáide chuig an mBallstát tionscnaimh go huathoibríoch de réir na nósanna imeachta a leagtar amach in Airteagal 38(4). I gcás amas a bheith ann, tarchuirfidh sé, i gcás gach tacair sonraí a chomhfhreagraíonn don amas, na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2) mar aon leis an marc dá dtagraítear in Airteagal 31(1) agus (4), i gcás inarb iomchuí. I gcás ina bhfaightear toradh diúltach, ní tharchuirfear na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2).

5.   Má fhaigheann Ballstát amas ó Eurodac lenarbh fhusa don Bhallstát a chuid oibleagáidí faoi Airteagal 1(1), pointe (a), a chomhlíonadh, beidh tús áite ag an amas sin thar aon amas eile a fhaightear.

1.   I gcás ina bhfágfaidh an bhail atá ar bharra na méar nach féidir na méarloirg a thógáil ar chaighdeán atá oiriúnach chun comparáid iomchuí a dhéanamh faoi Airteagal 38 nó i gcás nach bhfuil aon mhéarloirg ar fáil chun comparáid a dhéanamh, déanfaidh Ballstát comparáid idir sonraí maidir le híomhá den aghaidh.

2.   Féadfar sonraí maidir le híomhá den aghaidh agus sonraí i ndáil le gnéas an ábhair sonraí a chur i gcomparáid go huathoibríoch leis na sonraí maidir le híomhá den aghaidh agus na sonraí a bhaineann le gnéas an ábhair sonraí a tharchuir Ballstáit eile agus atá stóráilte cheana in Eurodac i gcomhréir le hAirteagal 15, Airteagal 18(2), agus Airteagail 20, 22, 23, 24 agus 26, cé is moite de na sonraí a tarchuireadh i gcomhréir le hAirteagal 16(2), pointí (a) agus (c), agus Airteagail 18(2) agus 20.

Áiritheoidh Eurodac, arna iarraidh sin do Bhallstát, go gcumhdóidh an chomparáid dá dtagraítear i mír 1 sonraí maidir le híomhá den aghaidh a tharchuir an Ballstát sin roimhe sin, mar aon leis na sonraí maidir le híomhá den aghaidh ó Bhallstáit eile.

3.   Féadfar sonraí maidir le híomhá den aghaidh agus sonraí i ndáil le gnéas an ábhair sonraí arna dtarchur ag aon Bhallstát i gcomhréir le hAirteagal 18(1) a chur i gcomparáid go huathoibríoch le sonraí maidir le híomhá den aghaidh agus na sonraí a bhaineann le gnéas an ábhair sonraí a tharchuir Ballstáit eile agus atá stóráilte cheana in Eurodac i gcomhréir le hAirteagal 15 agus a mharcáiltear i gcomhréir le hAirteagal 31 agus le hAirteagail 18(2) agus 20.

4.   Tarchuirfidh Eurodac an t-amas nó toradh diúltach na comparáide chuig an mBallstát tionscnaimh go huathoibríoch de réir na nósanna imeachta a leagtar amach in Airteagal 38(5). I gcás amas a bheith ann, tarchuirfidh sé, i gcás gach tacair sonraí a chomhfhreagraíonn don amas, na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2) mar aon leis an marc dá dtagraítear in Airteagal 31(1) agus (4), i gcás inarb iomchuí. I gcás ina bhfaightear toradh diúltach, ní tharchuirfear na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2).

5.   I gcás ina bhfaighidh Ballstát amas ó Eurodac lenar féidir cabhrú leis an mBallstát sin a oibleagáidí faoi Airteagal 1(1), pointe (a), a chomhlíonadh, beidh tús áite ag an amas sin thar aon amas eile a fhaightear.

1.   Chun críocha Airteagal 15(1), stórálfar gach tacar sonraí i ndáil le hiarratasóir ar chosaint idirnáisiúnta, arna thaifeadadh i gcomhréir le hAirteagal 17, in Eurodac go ceann 10 mbliana ón dáta a tarchuireadh na sonraí bithmhéadracha.

2.   Ní dhéanfar na sonraí bithmhéadracha dá dtagraítear in Airteagal 18(1) a thaifeadadh in Eurodac.

3.   Chun críocha Airteagal 18(2), stórálfar gach tacar sonraí arna thaifeadadh i gcomhréir le hAirteagal 19 a bhaineann le náisiúnach tríú tír nó duine gan stát dá dtagraítear in Airteagal 18(2), pointe (a), in Eurodac go ceann 5 bliana ón dáta a tarchuireadh na sonraí bithmhéadracha.

4.   Chun críocha Airteagal 18(2), déanfar gach tacar sonraí arna thaifeadadh i gcomhréir le hAirteagal 19 a bhaineann le náisiúnach tríú tír nó duine gan stát dá dtagraítear in Airteagal 18(2), pointe (b) nó (c), a stóráil in Eurodac ar feadh 3 bliana ón dáta a tarchuireadh na sonraí bithmhéadracha.

5.   Chun críocha Airteagal 20, stórálfar gach tacar sonraí a bhaineann le náisiúnach tríú tír nó duine gan stát arna thaifeadadh i gcomhréir le hAirteagal 21 in Eurodac go ceann 5 bliana ón dáta a tarchuireadh na sonraí bithmhéadracha.

6.   Chun críocha Airteagal 22(1), stórálfar gach tacar sonraí a bhaineann le náisiúnach tríú tír nó duine gan stát arna thaifeadadh i gcomhréir le hAirteagal 22 in Eurodac go ceann 5 bliana ón dáta a tarchuireadh na sonraí bithmhéadracha.

7.   Chun críocha Airteagal 23(1), stórálfar gach tacar sonraí a bhaineann le náisiúnach tríú tír nó duine gan stát arna thaifeadadh i gcomhréir le hAirteagal 23 in Eurodac go ceann cúig bliana ón dáta a tarchuireadh na sonraí bithmhéadracha.

8.   Chun críocha Airteagal 24(1), stórálfar gach tacar sonraí a bhaineann le náisiúnach tríú tír nó duine gan stát arna thaifeadadh i gcomhréir le hAirteagal 24 in Eurodac go ceann 5 bliana ón dáta a tarchuireadh na sonraí bithmhéadracha.

9.   Chun críocha Airteagal 26(1), stórálfar gach tacar sonraí a bhaineann le náisiúnach tríú tír nó duine gan stát arna thaifeadadh i gcomhréir le hAirteagal 26 in Eurodac go ceann bliain amháin ó dháta theacht i bhfeidhm an Chinnidh Cur Chun Feidhme ón gComhairle. Cuirfear síneadh leis an tréimhse choinneála gach bliain le linn thréimhse na cosanta sealadaí.

10.   A luaithe a rachaidh na tréimhsí stórála sonraí in éag, is é sin na tréimhsí dá dtagraítear i míreanna 1 go 9 den Airteagal seo, scriosfar go huathoibríoch sonraí na n-ábhar sonraí ó Eurodac.

1.   Scriosfaidh an Ballstát sin sonraí a bhaineann le duine a fuair saoránacht Ballstáit tionscnaimh roimh dhul in éag na tréimhse dá dtagraítear in Airteagal 29(1), (3), (5), (6), (7), (8) nó (9) ó Eurodac gan mhoill i gcomhréir le hAirteagal 40(3).

Na sonraí a bhaineann le duine a bhain saoránacht Ballstáit eile amach roimh dhul in éag na tréimhse dá dtagraítear in Airteagal 29(1), (3), (5), (6), (7), (8) nó (9), déanfaidh an Ballstát tionscnaimh na sonraí sin a scriosadh ó Eurodac, i gcomhréir le hAirteagal 40(3), a luaithe a fhaigheann sé amach go bhfuil an tsaoránacht sin faighte ag an duine lena mbaineann.

2.   Cuirfidh Eurodac gach Ballstát tionscnaimh ar an eolas a luaithe is féidir agus tráth nach déanaí ná 72 uair an chloig tar éis an scriosta go bhfuil sonraí scriosta ag Ballstát tionscnaimh eile i gcomhréir le mír 1 den Airteagal seo, tar éis dó amas a fháil ar shonraí a tharchuir siad agus i ndáil le daoine dá dtagraítear in Airteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1).

1.   Chun na gcríoch a leagtar síos in Airteagal 1(1), pointe (a), an Ballstát tionscnaimh a dheonaigh cosaint idirnáisiúnta do dhuine a raibh a chuid sonraí taifeadta in Eurodac roimhe sin de bhun Airteagal 17, déanfaidh sé na sonraí ábhartha a mharcáil i gcomhréir leis na ceanglais maidir le cumarsáid leictreonach le Eurodac arna mbunú ag eu-LISA. Stórálfar an marc sin in Eurodac i gcomhréir le hAirteagal 29(1) chun críoch tarchuir faoi Airteagail 27 agus 28. Cuirfidh Eurodac gach Ballstát tionscnaimh ar an eolas, a luaithe is féidir agus tráth nach déanaí ná 72 uair an chloig tar éis na sonraí a mharcáil, go bhfuil sonraí marcáilte ag Ballstát tionscnaimh eile tar éis dó amas a fháil ar shonraí a tharchuir siad i ndáil le daoine dá dtagraítear in Airteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1). Déanfaidh na Ballstáit tionscnaimh sin na tacair sonraí chomhfhreagracha a mharcáil freisin.

2.   Déanfar na sonraí a bhaineann le tairbhithe de chosaint idirnáisiúnta atá stóráilte in Eurodac i gcomhréir le hAirteagal 3(2) agus atá marcáilte de bhun mhír 1 den Airteagal seo a chur ar fáil chun comparáid a dhéanamh chun críocha fhorfheidhmiú an dlí, go dtí go scriosfar na sonraí sin go huathoibríoch in Eurodac i gcomhréir le hAirteagal 29(10).

3.   Bainfidh an Ballstát tionscnaimh an marc de shonraí a bhaineann le náisiúnach tríú tír nó le duine gan stát ar marcáladh a chuid sonraí roimhe i gcomhréir le mír 1 den Airteagal seo má dhéantar a stádas a tharraingt siar faoi Airteagail 14 nó 19 de Rialachán (AE) 2024/1347.

4.   Chun na gcríoch a leagtar síos in Airteagal 1(1), pointí (a) agus (c), an Ballstát tionscnaimh a d’eisigh doiciméad cónaithe do náisiúnach tríú tír nó do dhuine gan stát atá ag fanacht go neamhdhleathach sa stát a raibh a chuid sonraí ar taifead roimhe sin in Eurodac, de réir mar is iomchuí, de bhun Airteagal 22(2) nó Airteagal 23(2), nó do náisiúnach tríú tír nó do dhuine gan stát a díbhordáladh tar éis oibríocht chuardaigh agus tarrthála a raibh a chuid sonraí ar taifead roimhe sin in Eurodac de bhun Airteagal 24(2), déanfaidh an Ballstát sin na sonraí ábhartha a mharcáil i gcomhréir leis na ceanglais maidir le cumarsáid leictreonach le Eurodac arna mbunú ag eu-LISA. Stórálfar an marc sin in Eurodac i gcomhréir le hAirteagal 29(6), (7), (8) agus (9) chun críoch tarchuir faoi Airteagail 27 agus 28. Cuirfidh Eurodac gach Ballstát tionscnaimh ar an eolas, a luaithe is féidir agus tráth nach déanaí ná 72 uair an chloig tar éis na sonraí a mharcáil, go bhfuil sonraí marcáilte ag Ballstát tionscnaimh eile tar éis dó amas a fháil ar shonraí a tharchuir siad i ndáil le daoine dá dtagraítear in Airteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1). Déanfaidh na Ballstáit tionscnaimh sin na tacair sonraí chomhfhreagracha a mharcáil freisin.

5.   Déanfar na sonraí a bhaineann le náisiúnaigh tríú tír nó daoine gan stát atá ag fanacht go neamhdhleathach atá stóráilte in Eurodac agus marcáilte de bhun mhír 4 den Airteagal seo a chur ar fáil chun comparáid a dhéanamh chun críocha fhorfheidhmiú an dlí go dtí go scriosfar na sonraí sin go huathoibríoch in Eurodac i gcomhréir le hAirteagal 29(10).

6.   Chun críocha Airteagal 68(4) de Rialachán (AE) 2024/1351, cláróidh Ballstát an athshocraithe, tar éis na sonraí a chlárú de bhun Airteagal 25(2) den Rialachán seo, é féin mar an Ballstát freagrach agus déanfaidh sé na sonraí sin a mharcáil leis an marcáil a thug an Ballstát a dheonaigh an chosaint isteach.

1.   Chun críocha fhorfheidhmiú an dlí, féadfaidh údaráis ainmnithe na mBallstát agus údarás ainmnithe Europol iarraidh leictreonach réasúnaithe dá bhforáiltear in Airteagail 33(1) agus 34(1), mar aon leis an uimhir thagartha arna húsáid acu, a chur faoi bhráid an údaráis fíoraithe a bheidh le cur ar aghaidh chuig Eurodac chun comparáid a dhéanamh idir sonraí bithmhéadracha nó sonraí alfa-uimhriúla tríd an bPointe Rochtana Náisiúnta nó trí Phointe Rochtana Europol. Ar an iarraidh sin a fháil, fíoróidh an t-údarás fíoraithe an bhfuil na coinníollacha ar fad chun comparáid a iarraidh dá dtagraítear in Airteagal 33 nó 34, de réir mar is iomchuí, comhlíonta.

2.   I gcás ina gcomhlíontar na coinníollacha ar fad a bhaineann le comparáid a iarraidh dá dtagraítear in Airteagail 33 nó 34, cuirfidh an t-údarás fíoraithe an iarraidh ar chomparáid ar aghaidh chuig an bPointe Rochtana Náisiúnta nó chuig Pointe Rochtana Europol, agus cuirfidh an Pointe Rochtana Náisiúnta nó Pointe Rochtana Europol ar aghaidh í chuig Eurodac i gcomhréir le hAirteagail 27 agus 28 agus chun comparáid a dhéanamh idir í agus na sonraí bithmhéadracha nó sonraí alfa-uimhriúla a tarchuireadh chuig Eurodac de bhun Airteagal 15, Airteagal 18(2), agus Airteagail 20, 22, 23, 24 agus 26.

3.   Féadfar comparáid a dhéanamh idir íomhá den aghaidh agus sonraí eile maidir le híomhá den aghaidh in Eurodac chun críocha fhorfheidhmiú an dlí, mar a fhoráiltear in Airteagal 28(1), má bhíonn na sonraí sin ar fáil tráth a dhéanfaidh údaráis ainmnithe na mBallstát nó údarás ainmnithe Europol an iarraidh leictreonach réasúnaithe.

4.   I gcásanna eisceachtúla práinne nuair atá gá le garchontúirt a chosc a bhaineann le cion sceimhlitheoireachta nó cion coiriúil tromchúiseach eile, féadfaidh an t-údarás fíoraithe na sonraí bithmhéadracha nó sonraí alfa-uimhriúla a tharchur chuig an bPointe Rochtana Náisiúnta nó chuig Pointe Rochtana Europol chun comparáid a dhéanamh láithreach ar iarraidh a fháil ó údarás ainmnithe agus féadfaidh sé gan ach fíorú ex post a dhéanamh maidir le cé acu a comhlíonadh na coinníollacha uile do chomparáid dá dtagraítear in Airteagal 33 nó Airteagal 34 nó nár comhlíonadh, lena n-áirítear má bhí cás eisceachtúil éigeandála ann i ndáiríre nó nach raibh. Déanfar an fíorú ex post gan moill mhíchuí i ndiaidh an iarraidh a phróiseáil.

5.   I gcás ina gcinntear leis an bhfíorú ex post nach raibh údar leis an rochtain ar shonraí Eurodac, déanfaidh na húdaráis go léir a rinne na sonraí sin a rochtain an fhaisnéis a fuarthas ó Eurodac a scriosadh agus cuirfidh siad in iúl don údarás fíoraithe go ndearnadh amhlaidh.

1.   Chun críocha fhorfheidhmiú an dlí, ní fhéadfaidh údaráis ainmnithe iarraidh leictreonach réasúnaithe a thíolacadh ar chomparáid a dhéanamh idir sonraí bithmhéadracha nó sonraí alfa-uimhriúla agus na sonraí atá stóráilte in Eurodac faoi raon feidhme a gcumhachtaí ach i gcás ina gcomhlíontar gach ceann de na coinníollacha seo a leanas:

I dteannta na seiceála a dhéantar roimh ré ar na bunachair sonraí dá dtagraítear sa chéad fhomhír, féadfaidh údaráis ainmnithe seiceáil a dhéanamh in VIS freisin, ar choinníoll go gcomhlíonfar na coinníollacha maidir le comparáid a dhéanamh leis na sonraí atá stóráilte ann, mar a leagtar síos i gCinneadh 2008/633/CGB. Féadfaidh na húdaráis ainmnithe an iarraidh leictreonach réasúnaithe dá dtagraítear sa chéad fhomhír a chur isteach go comhuaineach le hiarraidh ar chomparáid a dhéanamh leis na sonraí atá stóráilte in VIS.

2.   I gcás ina gceadóidh na húdaráis ainmnithe CIR i gcomhréir le hAirteagal 22(1) de Rialachán (AE) 2019/818 agus gur léiríodh in CIR, i gcomhréir le mír (2) den Airteagal sin, go bhfuil na sonraí maidir leis an duine lena mbaineann stóráilte in Eurodac, féadfaidh na húdaráis ainmnithe Eurodac a rochtain lena cheadú gan seiceáil a dhéanamh roimh ré i mbunachair sonraí náisiúnta ná i gcórais uathoibrithe um shainaithint méarlorg na mBallstát uile eile.

3.   Maidir le hiarrataí ar chomparáid le sonraí Eurodac chun críocha fhorfheidhmiú an dlí, cuirfear i gcrích iad le sonraí bithmhéadracha nó sonraí alfa-uimhriúla.

1.   Chun críocha fhorfheidhmiú an dlí, ní fhéadfaidh údarás ainmnithe Europol iarraidh leictreonach réasúnaithe a thíolacadh ar chomparáid a dhéanamh idir sonraí bithmhéadracha nó sonraí alfa-uimhriúla agus na sonraí atá stóráilte in Eurodac ach amháin laistigh de theorainneacha shainordú Europol agus i gcás inar gá chun gur féidir cúraimí Europol a dhéanamh agus inar comhlíonadh gach ceann de na coinníollacha seo a leanas:

2.   I gcás ina gceadóidh Europol CIR i gcomhréir le hAirteagal 22(1) de Rialachán (AE) 2019/818 agus gur léiríodh in CIR, i gcomhréir le mír 2 den Airteagal sin, go bhfuil na sonraí maidir leis an duine lena mbaineann stóráilte in Eurodac, féadfaidh Europol Eurodac a rochtain lena cheadú faoi na coinníollacha dá bhforáiltear san Airteagal seo.

3.   Maidir le hiarrataí ar chomparáid le sonraí Eurodac chun críocha fhorfheidhmiú an dlí, cuirfear i gcrích iad le sonraí bithmhéadracha nó sonraí alfa-uimhriúla.

4.   Aon phróiseáil ar fhaisnéis arna fáil ag Europol ó chomparáid a dhéanamh le sonraí Eurodac, beidh sí faoi réir údarú ón mBallstát tionscnaimh. Gheofar an t-údarú sin trí aonad náisiúnta Europol sa Bhallstát sin.

1.   Gan dochar d’Airteagal 39, déanfar gach cumarsáid idir na húdaráis ainmnithe, na húdaráis fíoraithe, na Pointí Rochtana Náisiúnta agus Pointe Rochtana Europol ar mhodh slán agus go leictreonach.

2.   Chun críocha fhorfheidhmiú an dlí, déanfaidh na Ballstáit agus Europol cuardaigh le sonraí bithmhéadracha nó sonraí alfa-uimhriúla a phróiseáil go digiteach agus tarchuirfear iad san fhormáid sonraí mar a leagtar amach sa Doiciméad um Rialú Comhéadain a comhaontaíodh, chun a áirithiú gur féidir an chomparáid a dhéanamh le sonraí eile a stóráiltear in Eurodac.

1.   Beidh an Ballstát tionscnaimh freagrach as a áirithiú:

2.   Áiritheoidh an Ballstát tionscnaimh go mbeidh na sonraí dá dtagraítear i mír 1 den Airteagal seo slán sula ndéantar iad a tharchur chuig Eurodac agus le linn a dtarchuir, mar a fhoráiltear in Airteagal 48, agus áiritheoidh sé slándáil na sonraí a fhaigheann sé ó Eurodac.

3.   Beidh an Ballstát tionscnaimh freagrach as na sonraí a shainaithint go críochnaitheach de bhun Airteagal 38(4).

4.   Áiritheoidh eu-LISA go ndéanfar Eurodac a oibriú, lena n-áirítear chun críoch tástála, i gcomhréir leis an Rialachán seo agus le rialacha ábhartha an Aontais maidir le cosaint sonraí. Go háirithe, déanfaidh eu-LISA an méid seo a leanas:

Cuirfidh eu-LISA Parlaimint na hEorpa, an Chomhairle agus an Maoirseoir Eorpach ar Chosaint Sonraí ar an eolas faoi na bearta a dhéanfaidh sé de bhun na chéad fhomhíre den mhír seo.

1.   Déanfar sonraí bithmhéadracha agus sonraí pearsanta eile a phróiseáil agus a tharchur go digiteach san fhormáid sonraí mar a leagtar amach sa Doiciméad um Rialú Comhéadain. A mhéid agus is gá d’oibriú éifeachtúil Eurodac, bunóidh eu-LISA na ceanglais theicniúla a bhaineann leis an bhformáid sonraí atá le húsáid ag Ballstát chun sonraí a tharchur chuig Eurodac agus vice versa. Áiritheoidh eu-LISA go mbeidh an córas ríomhairithe aitheantais méarloirg agus íomhá den aghaidh in ann na sonraí bithmhéadracha arna dtarchur ag na Ballstáit a chur i gcomparáid lena chéile.

2.   Tarchuirfidh na Ballstáit na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2) go leictreonach. Déanfar na sonraí dá dtagraítear in Airteagal 17(1) agus (2), Airteagal 19(1), Airteagal 21(1), Airteagal 22(2) agus (3), Airteagal 23(2) agus (3), Airteagal 24(2) agus (3) agus Airteagal 26(2) a thaifeadadh go huathoibríoch in Eurodac. A mhéid is gá d’oibriú éifeachtúil Eurodac, bunóidh eu-LISA na ceanglais theicniúla chun a áirithiú gur féidir sonraí a tharchur i gceart go leictreonach ó na Ballstáit go Eurodac agus vice versa.

3.   Áiritheoidh na Ballstáit go mbeifear in ann, leis an uimhir thagartha dá dtagraítear in Airteagal 17(1), pointe (k), Airteagal 19(1), pointe (k), Airteagal 21(1), pointe (k), Airteagal 22(2), pointe (k), Airteagal 23(2), pointe (k), Airteagal 24(2), pointe (k), Airteagal 26(2), pointe (k), agus Airteagal 32(1), sonraí a chur in iúl go soiléir do dhuine faoi leith agus don Bhallstát atá ag tarchur na sonraí, chomh maith lena bheith in ann a léiriú an mbaineann sonraí mar sin le duine dá dtagraítear in Airteagal 15(1), Airteagal 18(2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1).

4.   Tosóidh an uimhir thagartha dá dtagraítear i mír 3 den Airteagal seo le litir nó litreacha aitheantais an Bhallstáit atá ag tarchur na sonraí. Déanfar catagóir an duine nó na hiarrata a shainaithint i ndiaidh na litreach nó na litreacha aitheantais. Tagraíonn ‘1’ do dhaoine dá dtagraítear in Airteagal 15(1), tagraíonn ‘2’ do dhaoine dá dtagraítear in Airteagal 22(1), tagraíonn ‘3’ do dhaoine dá dtagraítear in Airteagal 23(1), tagraíonn ‘4’ d’iarrataí dá dtagraítear in Airteagal 33, tagraíonn ‘5’ d’iarrataí dá dtagraítear in Airteagal 34, tagraíonn ‘6’ d’iarrataí dá dtagraítear in Airteagal 43, tagraíonn ‘7’ d’iarrataí dá dtagraítear in Airteagal 18, tagraíonn ‘8’ do shonraí a bhaineann le daoine dá dtagraítear in Airteagal 20, tagraíonn ‘9’ do shonraí a bhaineann le daoine dá dtagraítear in Airteagal 24(1) agus tagraíonn ‘0’ do shonraí a bhaineann le daoine dá dtagraítear in Airteagal 26(1).

5.   Bunóidh eu-LISA na nósanna imeachta teicniúla is gá do Bhallstáit chun a áirithiú go bhfaighidh siad sonraí soiléire ó Eurodac.

6.   Dearbhóidh Eurodac a luaithe is féidir go bhfuil na sonraí tarchurtha faighte aige. Chuige sin, bunóidh eu-LISA na ceanglais theicniúla is gá chun a áirithiú go bhfaigheann Ballstáit an admháil dearbhaithe má iarrtar sin.

1.   Áiritheoidh na Ballstáit go ndéanfaí tarchur na sonraí bithmhéadracha ar chaighdeán iomchuí chun críoch comparáide tríd an gcóras ríomhairithe aitheantais méarloirg agus íomhá den aghaidh. A mhéid is gá chun a áirithiú go mbaineann torthaí na comparáide a dhéanfaidh Eurodac leibhéal an-ard cruinnis amach, sonróidh eu-LISA caighdeán iomchuí i dtaca leis na sonraí bithmhéadracha a tarchuireadh. Seiceálfaidh Eurodac caighdeán na sonraí bithmhéadracha a tarchuireadh, a luaithe is féidir. Mura bhféadfar comparáid a dhéanamh idir na sonraí bithmhéadracha ag baint úsáid as an gcóras ríomhairithe aitheantais méarloirg agus íomhá den aghaidh, cuirfidh Eurodac an Ballstát lena mbaineann ar an eolas faoi sin. Tarchuirfidh an Ballstát sin sonraí bithmhéadracha den chaighdeán iomchuí ansin ag baint úsáid as an uimhir thagartha chéanna a bhí ag an tacar sonraí bithmhéadracha roimhe sin.

2.   Déanfaidh Eurodac comparáidí san ord ina dtiocfaidh iarrataí isteach. Déileálfar le gach iarraidh laistigh de 24 uair an chloig óna teacht isteach. Féadfaidh Ballstát, ar chúiseanna a bhaineann leis an dlí náisiúnta, a cheangal go ndéanfaí comparáidí atá fíorphráinneach laistigh d’aon uair an chloig. I gcás nach féidir na teorainneacha ama sin a urramú mar gheall ar dhálaí nach dtagann faoi fhreagracht eu-LISA, próiseálfaidh Eurodac an iarraidh mar ábhar tosaíochta a luaithe nach bhfuil dálaí mar sin ann níos mó. I gcásanna mar sin, agus a mhéid is gá d’oibriú éifeachtúil Eurodac, bunóidh eu-LISA critéir lena áirithiú go láimhseálfar iarrataí ar bhonn tosaíochta.

3.   A mhéid is gá d’oibriú éifeachtúil Eurodac, bunóidh eu-LISA na nósanna imeachta oibríochtúla chun na sonraí a fhaightear a phróiseáil agus chun toradh na comparáide a tharchur.

4.   I gcás inar gá, seiceálfaidh saineolaí méarlorg sa Bhallstát glactha, mar a shainmhínítear i gcomhréir lena rialacha náisiúnta agus atá oilte go sonrach sna cineálacha comparáidí méarlorg dá bhforáiltear sa Rialachán seo, láithreach toradh na comparáide idir sonraí méarlorg a rinneadh de bhun Airteagal 27.

I gcás ina dtugann Eurodac amas i leith sonraí méarlorg agus amas d’íomhá den aghaidh tar éis na sonraí méarlorg agus na sonraí maidir le híomhá den aghaidh araon a chur i gcomparáid leis na sonraí atá taifeadta sa bhunachar sonraí lárnach ríomhairithe, féadfaidh na Ballstáit toradh na comparáide leis na sonraí maidir leis an íomhá den aghaidh a sheiceáil.

Chun na gcríoch a leagtar síos in Airteagal 1(1) pointí (a), (b), (c) agus (j), den Rialachán seo, déanfaidh an Ballstát tionscnaimh an aithint chríochnaitheach i gcomhar leis na Ballstáit lena mbaineann.

5.   Toradh na comparáide idir sonraí maidir le híomhá den aghaidh arna déanamh de bhun Airteagal 27, i gcás nach bhfaightear ach amas atá bunaithe ar íomhá den aghaidh, agus de bhun Airteagal 28, déanfaidh saineolaí atá oilte i gcomhréir leis an gcleachtas náisiúnta é a sheiceáil agus a fhíorú láithreach sa Bhallstát glactha.

Chun na gcríoch a leagtar síos in Airteagal 1(1) pointí (a), (b), (c) agus (j), den Rialachán seo, déanfaidh an Ballstát tionscnaimh an aithint chríochnaitheach i gcomhar leis na Ballstáit eile lena mbaineann.

Scriosfar faisnéis arna fáil ó Eurodac a bhaineann le sonraí eile a mheastar a bheith neamhiontaofa a luaithe a fhaightear amach go bhfuil na sonraí neamhiontaofa.

6.   I gcás ina dtugann aithint chríochnaitheach i gcomhréir le míreanna 4 agus 5 le fios nach bhfuil toradh na comparáide a fhaightear ó Eurodac ag freagairt do na sonraí bithmhéadracha a seoladh chun comparáid a dhéanamh, scriosfaidh na Ballstáit toradh na comparáide láithreach agus cuirfidh siad an méid sin in iúl do eu-LISA a luaithe is féidir agus tráth nach déanaí ná 3 lá oibre tar éis an toradh a fháil agus uimhir thagartha an Bhallstáit tionscnaimh agus uimhir thagartha an Bhallstáit a fuair an toradh á gcur in iúl dóibh.

1.   Beidh rochtain ag an mBallstát tionscnaimh ar shonraí a tharchuir sé agus atá taifeadta in Eurodac i gcomhréir leis an Rialachán seo.

Ní dhéanfaidh aon Bhallstát cuardach sna sonraí arna dtarchur ag Ballstát eile ná ní bhfaighidh sé sonraí mar sin cé is moite de shonraí a fhaightear de thoradh na comparáide dá dtagraítear in Airteagail 27 agus 28.

2.   Is ionann údaráis na mBallstát a mbeidh rochtain acu, de bhun mhír 1 den Airteagal seo, ar shonraí atá taifeadta in Eurodac agus iad sin arna n-ainmniú ag gach Ballstát chun na gcríoch a leagtar síos in Airteagal 1(1), pointí (a), (b), (c) agus (j). Sonrófar go beacht leis an ainmniúchán sin an t-aonad a bheidh freagrach as na cúraimí a chur i gcrích a bhaineann le cur i bhfeidhm an Rialacháin seo. Cuirfidh gach Ballstát liosta de na haonaid sin agus aon leasuithe orthu in iúl don Choimisiún agus eu-LISA gan mhoill. Foilseoidh eu-LISA an liosta comhdhlúite in Iris Oifigiúil an Aontais Eorpaigh. I gcás ina ndéantar leasuithe ar an liosta sin, foilseoidh eu-LISA liosta comhdhlúite nuashonraithe ar líne uair sa bhliain.

3.   Ní bheidh sé de cheart ach ag an mBallstát tionscnaimh sonraí atá tarchurtha aige chuig Eurodac a leasú trí na sonraí sin a cheartú nó trí ábhar breise a chur leo, ná iad a scriosadh, gan dochar do scriosadh arna dhéanamh de bhun Airteagal 29.

4.   Deonófar rochtain chun sonraí Eurodac a stóráiltear in CIR a cheadú d’fhoireann chuí-údaraithe údaráis náisiúnta gach Ballstáit atá inniúil agus d’fhoireann chuí-údaraithe chomhlachtaí an Aontais atá inniúil chun na gcríoch a leagtar síos in Airteagail 20 agus 21 de Rialachán (AE) 2019/818. Beidh an rochtain sin teoranta don mhéid is gá chun cúraimí na n-údarás náisiúnta sin agus na gcomhlachtaí sin de chuid an Aontais a chomhlíonadh agus chun na cuspóirí sin a bhaint amach, agus beidh sí comhréireach leis na cuspóirí atá á saothrú.

5.   Má tá fianaise ag Ballstát nó ag eu-LISA a thugann le tuiscint go bhfuil na sonraí arna dtaifeadadh in Eurodac míchruinn ar bhonn fíorasach, cuirfidh sé é sin in iúl, gan dochar d’fhógra a thabhairt faoi shárú ar shonraí pearsanta de bhun Airteagal 33 de Rialachán (AE) 2016/679, don Bhallstát tionscnaimh a luaithe is féidir.

Má tá fianaise ag Ballstát a thugann le tuiscint gur taifeadadh sonraí in Eurodac de shárú ar an Rialachán seo, cuirfidh sé an méid sin in iúl do eu-LISA, don Choimisiún agus don Bhallstát tionscnaimh a luaithe is féidir. Déanfaidh an Ballstát tionscnaimh na sonraí lena mbaineann a sheiceáil agus, más gá, iad a leasú nó a scriosadh gan mhoill.

6.   Ní dhéanfaidh eu-LISA na sonraí atá taifeadta in Eurodac a aistriú chuig údaráis aon tríú tír ná a chur ar fáil dóibh. Ní bheidh feidhm ag an toirmeasc sin maidir le haistriú na sonraí sin chuig tríú tíortha a bhfuil feidhm ag Rialachán (AE) Uimh. 2024/1351 maidir leo.

1.   Coimeádfaidh eu-LISA taifid de na hoibríochtaí próiseála sonraí go léir in Eurodac. Taispeánfaidh na taifid sin cuspóir, dáta agus am na rochtana, na sonraí a tarchuireadh, na sonraí a úsáideadh i gcomhair cuardach agus ainm an aonaid a chuireann isteach na sonraí nó a dhéanann aisghabháil ar na sonraí agus ainmneacha na ndaoine atá freagrach.

2.   Chun críocha Airteagal 8 den Rialachán seo, coinneoidh eu-LISA taifid ar gach oibríocht próiseála sonraí a dhéanfar in Eurodac. Áireofar sna taifid ar oibríochtaí den chineál sin na gnéithe dá bhforáiltear i mír 1 den Airteagal seo agus na hamais a spreagfar agus an uathphróiseáil a leagtar síos in Airteagal 20 de Rialachán (AE) 2018/1240 á cur i gcrích.

3.   Chun críocha Airteagal 10 den Rialachán seo, coinneoidh na Ballstáit agus eu-LISA taifid ar gach oibríocht próiseála sonraí a dhéanfar in Eurodac agus in VIS i gcomhréir leis an Airteagal seo agus le hAirteagal 34 de Rialachán (CE) Uimh. 767/2008.

4.   Ní fhéadfar na taifid dá dtagraítear i mír 1 den Airteagal seo a úsáid ach amháin le haghaidh faireachán cosanta sonraí ar inghlacthacht phróiseáil na sonraí agus chun slándáil sonraí a áirithiú de bhun Airteagal 46. Déanfar na taifid sin a chosaint trí bhearta iomchuí i gcoinne rochtain neamhúdaraithe agus scriosfar iad aon bhliain amháin tar éis don tréimhse stórála dá dtagraítear in Airteagal 29 dul in éag, ach amháin má tá siad de dhíth i gcomhair nósanna imeachta faireacháin atá tosaithe cheana.

5.   Chun na gcríoch a leagtar síos in Airteagal 1(1) pointí (a) (b), (c), (g), (h) agus (j), déanfaidh gach Ballstát na bearta is gá chun na cuspóirí a leagtar amach i míreanna 1 go 4 den Airteagal seo maidir lena chóras náisiúnta a bhaint amach. Chomh maith leis sin, coimeádfaidh gach Ballstát taifead den fhoireann atá cuí-údaraithe chun sonraí a chur isteach nó a aisghabháil.

1.   Cuirfidh an Ballstát tionscnaimh duine arna chumhdach le hAirteagal 15(1), Airteagal 18(1) agus (2), Airteagal 20(1), Airteagal 22(1), Airteagal 23(1), Airteagal 24(1) nó Airteagal 26(1) den Rialachán ar an eolas faoin méid seo thíos i scríbhinn, agus i gcás inar gá, ó bhéal, i dteanga a thuigfidh sé nó sí, nó a shíltear le réasún go dtuigfidh sé nó sí i bhfoirm ghonta thrédhearcach intuigthe a mbeidh rochtain éasca uirthi, le friotal soiléir simplí:

2.   Maidir le duine atá cumhdaithe le hAirteagal 15(1), Airteagal 18(1) agus (2), Airteagal 20(1), Airteagal 22(1), Airteagal 23(1), Airteagal 24(1) agus Airteagal 26(1), soláthrófar an fhaisnéis dá dtagraítear i mír 1 den Airteagal seo tráth atá sonraí bithmhéadracha an duine sin á dtógáil.

I gcás inar mionaoiseach an duine atá cumhdaithe le hAirteagal 15(1), Airteagal 18(1) agus (2), Airteagal 20(1), Airteagal 22(1), Airteagal 23(1), Airteagal 24(1) agus Airteagal 26(1), cuirfidh na Ballstáit an fhaisnéis ar fáil ar bhealach atá oiriúnach dá aois.

Míneofar an nós imeachta chun sonraí bithmhéadracha a ghabháil do mhionaoisigh trí bhileoga eolais, grafaicí faisnéise nó taispeántais, nó trí mheascán ar bith de na trí cinn, mar is iomchuí, agus iad deartha go sonrach ar bhealach a áiritheoidh go dtuigfidh mionaoisigh iad.

3.   Tarraingeofar suas bileog eolais choiteann ina mbeidh, ar a laghad, an fhaisnéis dá dtagraítear i mír 1 den Airteagal seo agus an fhaisnéis dá dtagraítear in Airteagal 19(1) de Rialachán (AE) 2024/1351 i gcomhréir leis an nós imeachta dá dtagraítear in Airteagal 77(2) den Rialachán sin.

Beidh an bhileog eolais choiteann soiléir simplí, arna dréachtú i bhfoirm ghonta thrédhearcach intuigthe a mbeidh rochtain éasca uirthi, le friotal soiléir simplí agus i dteanga a thuigfidh an duine lena mbaineann nó i dteanga a shíltear le réasún go dtuigfidh sé.

Tarraingeofar an bhileog eolais choiteann suas ar bhealach ina mbeidh na Ballstáit in ann í a chomhlánú le faisnéis bhreise is sonrach don Bhallstát. Áireofar san fhaisnéis is sonrach don Bhallstát, ar a laghad, na bearta riaracháin chun a áirithiú go gcomhlíontar an oibleagáid sonraí bithmhéadracha a chur ar fáil, cearta an ábhair sonraí, an fhéidearthacht faisnéis agus cúnamh a fháil ó na húdaráis mhaoirseachta náisiúnta, sonraí teagmhála oifig an rialaitheora agus an oifigigh cosanta sonraí, agus sonraí teagmhála na n-údarás maoirseachta náisiúnta.

1.   Chun na gcríoch a leagtar síos in Airteagal 1(1), pointí (a), (b), (c) agus (j), den Rialachán seo déanfar cearta an ábhair sonraí a theachtadh i dtaca le sonraí pearsanta a rochtain, a cheartú, a chomhlánú, a scriosadh agus srian a chur ar phróiseáil na sonraí sin i gcomhréir le Caibidil III de Rialachán (AE) 2016/679 agus cuirfear i bhfeidhm iad de réir mar a leagtar amach san Airteagal seo.

2.   Beidh sé de cheart ag an ábhar sonraí i ngach Ballstát rochtain a fháil ar na sonraí pearsanta a bhaineann leis nó léi atá taifeadta in Eurodac, lena n-áirítear aon taifead a léiríonn go bhféadfadh an duine sin a bheith ina bhagairt ar an tslándáil inmheánach, agus an Ballstát a tharchuir na sonraí sin chuig Eurodac faoi na coinníollacha a leagtar amach i Rialachán (AE) 2016/679 agus sa dlí náisiúnta arna ghlacadh dá bhun. Is Ballstát amháin a fhéadfaidh rochtain mar sin a thabhairt ar shonraí pearsanta.

Nuair a fheidhmítear na cearta ceartúcháin agus scriosta sonraí pearsanta i mBallstát, cé is moite den Bhallstát sin, nó díobh sin, a tharchuir na sonraí, rachaidh údaráis an Bhallstáit sin i dteagmháil le húdaráis an Bhallstáit nó na mBallstát a tharchuir na sonraí, ionas go bhféadfaidh siad cruinneas na sonraí agus dlíthiúlacht a dtarchuir agus a gcuid taifeadta in Eurodac a sheiceáil.

3.   Maidir le taifead ina gcuirtear in iúl go bhféadfadh duine a bheith ina bhagairt nó ina bagairt ar an tslándáil inmheánach, féadfaidh na Ballstáit srian a chur le cearta an ábhair sonraí mar a thagraítear dóibh san Airteagal seo i gcomhréir le hAirteagal 23 de Rialachán (AE) 2016/679.

4.   Má thagann sé chun solais go bhfuil na sonraí a taifeadadh in Eurodac míchruinn go fíorasach nó gur taifeadadh go neamhdhleathach iad, déanfaidh an Ballstát a tharchuir na sonraí iad a cheartú nó a scriosadh i gcomhréir le hAirteagal 40(3). Dearbhóidh an Ballstát sin i scríbhinn don ábhar sonraí go bhfuil gníomh déanta aige chun próiseáil na sonraí a bhaineann leis an ábhar sonraí sin a cheartú, a chomhlánú, a scriosadh nó a shrianadh.

5.   Mura n-aontóidh an Ballstát a tharchuir na sonraí go bhfuil na sonraí atá taifeadta in Eurodac míchruinn go fíorasach nó gur taifeadadh go neamhdhleathach iad, míneoidh sé i scríbhinn don ábhar sonraí an fáth nach bhfuil sé beartaithe aige próiseáil na sonraí a cheartú nó a scriosadh.

Cuirfidh an Ballstát sin faisnéis ar fáil don ábhar sonraí chomh maith ag míniú na gcéimeanna is féidir a thógáil mura nglacann sé nó sí leis an míniú a chuirtear ar fáil. Áireofar leis sin faisnéis maidir leis an gcaoi le caingean a thabhairt nó, más iomchuí, an chaoi le gearán a chur faoi bhráid údaráis inniúla nó chúirteanna an Bhallstáit sin, agus maidir le haon chúnamh airgeadais nó aon chúnamh eile atá ar fáil i gcomhréir le dlíthe, rialacháin agus nósanna imeachta an Bhallstáit sin.

6.   Beidh na mionsonraí ar fad is gá chun an t-ábhar sonraí a aithint, lena n-áirítear sonraí bithmhéadracha, le fáil in aon iarraidh faoi mhíreanna 1 agus 2 maidir le sonraí pearsanta a rochtain, a cheartú, a chomhlánú nó scriosadh nó srian a chur le próiseáil na sonraí sin. Úsáidfear na sonraí sin go heisiach chun feidhmiú na gceart de chuid an ábhair sonraí dá dtagraítear i míreanna 1 agus 2 a cheadú agus scriosfar iad láithreach ina dhiaidh sin.

7.   Comhoibreoidh údaráis inniúla na mBallstát go gníomhach chun na cearta atá ag an ábhar sonraí chun na sonraí sin a rochtain, a cheartú, a chomhlánú, a scriosadh agus chun srian a chur lena bpróiseáil a fhorfheidhmiú go pras.

8.   Aon uair a iarrann duine rochtain ar shonraí a bhaineann leis nó léi, coimeádfaidh an t-údarás inniúil taifead i bhfoirm doiciméid scríofa go ndearnadh a leithéid d'iarraidh agus an bealach ar déileáladh leis an iarratas, agus cuirfidh sé an doiciméad sin ar fáil gan mhoill do na húdaráis mhaoirseachta náisiúnta arna iarraidh sin dóibh.

9.   Tabharfaidh údarás maoirseachta náisiúnta an Bhallstáit a tharchuir na sonraí agus údarás maoirseachta náisiúnta an Bhallstáit ina bhfuil an t-ábhar sonraí i láthair, arna iarraidh sin air, faisnéis don ábhar sonraí a bhaineann lena cheart nó lena ceart a fheidhmiú a iarraidh ar an rialaitheoir sonraí na sonraí pearsanta a bhaineann leis nó léi a rochtain, a cheartú, a chomhlánú nó a scriosadh nó srian a chur lena bpróiseáil. Comhoibreoidh na húdaráis mhaoirseachta náisiúnta i gcomhréir le Caibidil VII de Rialachán (AE) 2016/679.

1.   Déanfaidh gach Ballstát foráil go ndéanfaidh a údarás maoirseachta nó a údaráis mhaoirseachta, dá dtagraítear in Airteagal 51(1) de Rialachán (AE) 2016/679, faireachán ar dhlíthiúlacht phróiseáil na sonraí pearsanta arna déanamh ag an mBallstát atá i gceist chun na gcríoch a leagtar síos in Airteagal 1(1), pointí (a), (b), (c) agus (j), den Rialachán seo, lena n-áirítear a dtarchur chuig Eurodac.

2.   Áiritheoidh gach Ballstát go mbeidh rochtain ag a údarás maoirseachta ar chomhairle ó dhaoine a bhfuil dóthain eolais acu ar shonraí bithmhéadracha.

1.   Áiritheoidh an Maoirseoir Eorpach ar Chosaint Sonraí go ndéanfar na gníomhaíochtaí próiseála sonraí pearsanta ar fad a bhaineann le Eurodac, go háirithe na gníomhaíochtaí a dhéanann eu-LISA, i gcomhréir le Rialacháin (AE) 2018/1725 agus leis an Rialachán seo.

2.   Áiritheoidh an Maoirseoir Eorpach ar Chosaint Sonraí go ndéanfar iniúchadh ar ghníomhaíochtaí próiseála sonraí pearsanta eu-LISA i gcomhréir leis na caighdeáin iniúchóireachta idirnáisiúnta uair gach 3 bliana ar a laghad. Seolfar tuarascáil ar na hiniúchtaí sin chuig Parlaimint na hEorpa, chuig an gComhairle, chuig an gCoimisiún, chuig eu-LISA agus chuig na húdaráis mhaoirseachta náisiúnta. Tabharfar deis do eu-LISA barúlacha a nochtadh sula nglacfar an tuarascáil.

1.   I gcomhréir le hAirteagal 62 de Rialachán (AE) 2018/1725, comhoibreoidh na húdaráis mhaoirseachta náisiúnta agus an Maoirseoir Eorpach ar Chosaint Sonraí, agus iad araon ag gníomhú taobh istigh de raon feidhme a n-inniúlachtaí faoi seach, go gníomhach faoi chuimsiú a bhfreagrachtaí agus déanfaidh siad maoirseacht chomhordaithe Eurodac a áirithiú.

2.   Áiritheoidh na Ballstáit go ndéanfaidh comhlacht neamhspleách iniúchadh ar phróiseáil sonraí pearsanta gach bliain chun críocha fhorfheidhmiú an dlí i gcomhréir le hAirteagal 47(1), lena n-áirítear anailís ar shampla d’iarrataí leictreonacha réasúnaithe.

Beidh an t-iniúchadh i gceangal le tuarascáil bhliantúil a rinne na Ballstáit dá dtagraítear in Airteagal 57(8).

3.   Agus iad araon ag feidhmiú laistigh de raon feidhme a n-inniúlachtaí faoi seach, malartóidh na húdaráis mhaoirseachta náisiúnta agus an Maoirseoir Eorpach ar Chosaint Sonraí faisnéis ábhartha, cabhróidh siad le chéile iniúchtaí agus cigireachtaí a dhéanamh, scrúdóidh siad deacrachtaí maidir le léirmhíniú nó cur i bhfeidhm an Rialacháin seo, déanfaidh siad staidéar ar fhadhbanna a bhaineann le feidhmiú maoirseachta neamhspleáiche nó le feidhmiú chearta na n-ábhar sonraí, tarraingeoidh siad suas tograí comhchuibhithe i gcomhair comhréiteach ar aon fhadhbanna agus cuirfidh siad feasacht faoi chearta cosanta sonraí chun cinn, de réir mar is gá.

4.   Chun críocha mhír 3, tiocfaidh na húdaráis mhaoirseachta náisiúnta agus an Maoirseoir Eorpach ar Chosaint Sonraí le chéile dhá uair in aghaidh na bliana ar a laghad faoi chuimsiú an Bhoird Eorpaigh um Chosaint Sonraí. Is é an Bord Eorpach um Chosaint Sonraí a sheasfaidh costais agus seirbhísiú na gcruinnithe. Glacfar na rialacha nós imeachta do na cruinnithe ag an gcéad chruinniú den sórt sin. Déanfar modhanna oibre eile a fhorbairt i gcomhpháirt le chéile, de réir mar is gá. Seolfaidh an Bord Eorpach um Chosaint Sonraí comhthuarascáil ar ghníomhaíochtaí chuig Parlaimint na hEorpa, chuig an gComhairle agus chuig an gCoimisiún gach re bliain. Sa tuarascáil sin, beidh caibidil maidir le gach Ballstát arna hullmhú ag údarás maoirseachta náisiúnta an Bhallstáit sin.

1.   Is é údarás maoirseachta náisiúnta nó is iad údaráis mhaoirseachta náisiúnta gach Ballstáit dá dtagraítear in Airteagal 41(1) de Threoir (AE) 2016/680 a dhéanfaidh an faireachán ar dhlíthiúlacht na próiseála sonraí pearsanta faoin Rialachán seo arna déanamh ag na Ballstáit chun críocha fhorfheidhmiú an dlí, lena n-áirítear tarchur na sonraí sin chuig Eurodac agus uaidh sin.

2.   Déanfaidh Europol sonraí pearsanta a phróiseáil de bhun an Rialacháin seo i gcomhréir le Rialachán (AE) 2016/794 agus déanfaidh an Maoirseoir Eorpach ar Chosaint Sonraí maoirseacht air sin.

3.   Ní dhéanfar sonraí pearsanta a gheofar ó Eurodac de bhun an Rialacháin seo chun críocha fhorfheidhmiú an dlí a phróiseáil ach amháin chun an cás sonrach ar iarr an Ballstát sin nó Europol na sonraí ina leith a chosc, a bhrath nó a imscrúdú.

4.   Gan dochar d’Airteagal 24 de Threoir (AE) 2016/680, coinneoidh Eurodac, na húdaráis ainmnithe agus na húdaráis fíoraithe agus Europol taifead ar na cuardaigh chun go bhféadfaidh na húdaráis mhaoirseachta náisiúnta agus an Maoirseoir Eorpach ar Chosaint Sonraí faireachán a dhéanamh ar an tslí a bhfuil an phróiseáil sonraí i gcomhréir le rialacha um chosaint sonraí de chuid an Aontais, lena n-áirítear chun críche taifid a chothabháil chun na tuarascálacha bliantúla dá dtagraítear in Airteagal 57(8) den Rialachán seo a ullmhú. Seachas i gcás na gcríoch thuasluaite, déanfar sonraí pearsanta, chomh maith le taifid ar na cuardaigh, a scriosadh sna comhaid náisiúnta agus i gcomhaid Europol uile tar éis tréimhse aon mhí amháin, ach amháin má tá na sonraí de dhíth chun críocha an imscrúdaithe choiriúil shonraigh atá ar siúl ar iarr an Ballstát sin nó Europol na sonraí ina leith.

1.   Áiritheoidh an Ballstát tionscnaimh slándáil na sonraí sula dtarchuirfear chuig Eurodac iad agus le linn a dtarchuir.

2.   Glacfaidh gach Ballstát, i ndáil leis na sonraí uile arna bpróiseáil ag a údaráis ábhartha de bhun an Rialacháin seo, na bearta is gá, lena n-áirítear plean slándála sonraí, chun an méid seo a leanas a dhéanamh:

3.   Cuirfidh na Ballstáit agus Europol eu-LISA ar an eolas faoi na teagmhais slándála a bhaineann le Eurodac a bhraithfear ar a gcórais gan dochar d’fhógra a thabhairt faoi shárú sonraí pearsanta agus cur in iúl an tsáraithe sin de bhun Airteagail 33 agus 34 de Rialachán (AE) 2016/679 agus Airteagail 30 agus 31 de Threoir (AE) 2016/680, chomh maith le hAirteagail 34 agus 35 de Rialachán (AE) 2016/794, faoi seach. Cuirfidh eu-LISA na Ballstáit, Europol agus an Maoirseoir Eorpach ar Chosaint Sonraí ar an eolas, gan moill mhíchuí, faoi theagmhais slándála a bhaineann le Eurodac a bhraithfear ar a gcórais gan dochar d’Airteagail 34 agus 35 de Rialachán (AE) 2018/1725. Comhoibreoidh na Ballstáit lena mbaineann, eu-LISA agus Europol le linn teagmhas slándála.

4.   Glacfaidh eu-LISA na bearta is gá chun na cuspóirí a leagtar amach i mír 2 den Airteagal seo a bhaint amach maidir le hoibriú Eurodac, lena n-áirítear plean slándála sonraí a ghlacadh.

Sula gcuirfear tús le húsáid oibríochtúil Eurodac, déanfar an creat slándála do thimpeallacht ghnó agus theicniúil Eurodac a nuashonrú, i gcomhréir le hAirteagal 33 de Rialachán (AE) 2018/1725.

5.   Déanfaidh Gníomhaireacht an Aontais Eorpaigh um Thearmann na bearta uile is gá chun Airteagal 18(4) a chur chun feidhme, lena n-áirítear plean slándála sonraí dá dtagraítear i mír 2 den Airteagal seo a ghlacadh.

1.   Ní dhéanfar sonraí pearsanta a fhaigheann Ballstát nó Europol ó Eurodac de bhun an Rialacháin seo a aistriú ná a chur ar fáil d’aon tríú tír, eagraíocht idirnáisiúnta ná eintiteas príobháideach atá bunaithe laistigh nó lasmuigh den Aontas. Beidh feidhm ag an toirmeasc sin freisin má dhéantar tuilleadh próiseála ar na sonraí sin de bhrí Airteagal 4, pointe (2), de Rialachán (AE) 2016/679 agus Airteagal 3, pointe (2), de Threoir (AE) 2016/680, ar an leibhéal náisiúnta nó idir na Ballstáit.

2.   Maidir le sonraí pearsanta a thagann ó Bhallstát agus a mhalartaítear idir Ballstáit tar éis amas a fuarthas chun críocha fhorfheidhmiú an dlí ní aistreofar chuig tríú tíortha iad má bhíonn fíor-riosca ann go bhfulaingeoidh an t-ábhar sonraí céasadh, íde nó pionós atá mídhaonna agus táireach nó aon sárú eile ar a bhunchearta nó a bunchearta de thoradh an aistrithe sin.

3.   Maidir le sonraí pearsanta a thagann ó Bhallstát agus a mhalartaítear idir Ballstát agus Europol tar éis amas a fuarthas chun críocha fhorfheidhmiú an dlí ní aistreofar chuig tríú tíortha iad má bhíonn fíor-riosca ann go bhfulaingeoidh an t-ábhar sonraí céasadh, íde nó pionós atá mídhaonna agus táireach nó aon sárú eile ar a bhunchearta nó a bunchearta de thoradh an aistrithe sin. Ina theannta sin, ní dhéanfar aon aistrithe ach amháin nuair atá siad riachtanach agus comhréireach i gcásanna a thagann faoi shainordú Europol, i gcomhréir le Caibidil V de Rialachán (AE) 2016/794 agus faoi réir thoiliú an Bhallstáit tionscnaimh.

4.   Aon fhaisnéis a bhaineann le hiarratas ar chosaint idirnáisiúnta a bheith déanta i mBallstát nó le duine a bheith faoi réir nós imeachta um ligean isteach i mBallstát, ní nochtfar í d’aon tríú tír lena mbaineann na daoine sin dá dtagraítear in Airteagal 15(1), Airteagal 18(1) agus (2) nó Airteagal 20(1).

5.   Beidh na toirmisc a leagtar amach i míreanna 1 agus 2 den Airteagal seo gan dochar do cheart na mBallstát na sonraí sin a aistriú i gcomhréir le Caibidil V de Rialachán (AE) 2016/679 nó leis na rialacha náisiúnta arna nglacadh de bhun Chaibidil V de Threoir (AE) 2016/680, de réir mar is iomchuí, chuig tríú tíortha a bhfuil feidhm ag Rialachán (AE) 2024/1351 maidir leo.

1.   De mhaolú ar Airteagal 49, féadfar na sonraí pearsanta a bhaineann le daoine dá dtagraítear in Airteagal 15(1), Airteagal 18(2)(a), Airteagal (20)(1), Airteagal 22(2), Airteagal 23(1), Airteagal 24(1) agus Airteagal 26(1) a fuair Ballstát de bhun amais chun na gcríoch a leagtar síos in Airteagal 1(1), pointe (a), (b), (c) nó (j), féadfar iad a aistriú chuig tríú tír nó a chur ar fáil di le comhaontú an Bhallstáit tionscnaimh.

2.   Is i gcomhréir le forálacha ábhartha dhlí an Aontais a dhéanfar aistrithe sonraí chuig tríú tír de bhun mhír 1 den Airteagal seo, go háirithe le forálacha maidir le cosaint sonraí, lena n-áirítear Caibidil V de Rialachán (AE) 2016/679, agus, i gcás inarb infheidhme, comhaontuithe um athligean isteach, agus le dlí náisiúnta an Bhallstáit a bhfuil na sonraí á n-aistriú aige.

3.   Ní dhéanfar sonraí a aistriú chuig tríú tír de bhun mhír 1 ach amháin i gcás ina gcomhlíontar na coinníollacha seo a leanas:

4.   Cur chun feidhme Rialachán (AE) 2016/679, lena n-áirítear maidir le haistrithe sonraí pearsanta chuig tríú tíortha de bhun an Airteagail seo, agus go háirithe úsáid, comhréireacht agus riachtanas na n-aistrithe bunaithe ar Airteagal 49(1), pointe (d), den Rialachán sin, beidh sé faoi réir faireachán ón údarás maoirseachta neamhspleách arna bhunú de bhun Chaibidil VI de Rialachán (AE) 2016/679.

5.   Ní dhéanfaidh aistrithe sonraí pearsanta chuig tríú tíortha de bhun an Airteagail seo dochar do chearta na ndaoine dá dtagraítear in Airteagal 15(1), Airteagal 18(2)(a), Airteagal 20(1), Airteagal 22(2), Airteagal 23(1), Airteagal 24(1) agus Airteagal 26(1) den Rialachán seo, go háirithe maidir le non-refoulement, nó an toirmeasc ar fhaisnéis a nochtadh nó a fháil i gcomhréir le hAirteagal 7 de Rialachán (AE) 2024/1348.

6.   Ní bheidh rochtain dhíreach ag tríú tír ar Eurodac chun sonraí bithmhéadracha nó aon sonraí pearsanta eile i ndáil le náisiúnach tríú tír nó duine gan stát a chur i gcomparáid le chéile ná a tharchur agus ní thabharfar rochtain do thríú tír ar Eurodac trí Phointe Rochtana Náisiúnta Ballstáit.

1.   Áiritheoidh na Ballstáit agus Europol go ndéanfar gach oibríocht próiseála sonraí a thagann as iarrataí ar chomparáid le sonraí Eurodac chun críocha fhorfheidhmiú an dlí a logáil nó a dhoiciméadú chun críocha inghlacthacht na hiarrata a sheiceáil agus faireachán a dhéanamh ar dhlíthiúlacht na próiseála sonraí agus ar shláine agus slándáil sonraí agus chun críoch féinfhaireachán a dhéanamh.

2.   Léireoidh an loga nó an doiciméadacht an méid seo a leanas i ngach cás:

3.   Ní úsáidfear logaí agus doiciméadacht ach amháin chun faireachán a dhéanamh ar dhlíthiúlacht na próiseála sonraí agus chun sláine agus slándáil sonraí a áirithiú. Ní úsáidfear logaí ina bhfuil sonraí pearsanta chun an faireachán ná an mheastóireacht dá dtagraítear in Airteagal 57 a dhéanamh.

Na húdaráis mhaoirseachta náisiúnta atá freagrach as inghlacthacht na hiarrata a sheiceáil agus as faireachán a dhéanamh ar dhlíthiúlacht na próiseála sonraí agus as sláine agus slándáil sonraí, beidh rochtain acu ar na logaí sin arna iarraidh sin dóibh chun críche a gcúraimí a chomhlíonadh.

1.   Aon duine, nó aon Bhallstát, ar bhain damáiste, atá ábharach nó nach bhfuil, dó de thoradh oibríocht neamhdhleathach próiseála nó aon ghnímh eile nach bhfuil ag luí leis an Rialachán seo, beidh sé i dteideal cúiteamh a fháil ón mBallstát atá freagrach as an damáiste a bhain dó, nó ó eu-LISA má tá sé freagrach as an damáiste a bhain dó sa mhéid nár chomhlíon sé na hoibleagáidí atá air de bhun an Rialacháin seo a díríodh go sonrach air nó i gcás inar ghníomhaigh sé lasmuigh de threoracha an Bhallstáit sin nó i gcás inar ghníomhaigh sé ar bhealach a bhí contrártha dóibh. Beidh an Ballstát atá freagrach nó eu-LISA díolmhaithe óna dhliteanas, go hiomlán nó go páirteach, má chruthaíonn sé nach bhfuil sé freagrach in aon chor as an imeacht ba shiocair leis an damáiste.

2.   Má bhíonn aon mhainneachtain de chuid Ballstáit a chuid oibleagáidí faoin Rialachán seo a chomhlíonadh ina cúis damáiste do Eurodac, beidh an Ballstát sin faoi dhliteanas i leith an damáiste sin, mura rud é gur mhainnigh, agus a mhéid a mhainnigh, eu-LISA nó Ballstát eile bearta réasúnta a ghlacadh chun cosc a chur ar an damáiste tarlú nó chun a thionchar a íoslaghdú.

3.   Beidh éilimh ar chúiteamh in éadan Ballstáit as an damáiste dá dtagraítear i míreanna 1 agus 2 den Airteagal seo faoi rialú ag forálacha dhlí náisiúnta an Bhallstáit is cosantóir i gcomhréir le hAirteagail 79 agus 80 de Rialachán (AE) 2016/679 agus le hAirteagail 54 agus 55 de Threoir (AE) 2016/680. Is faoi réir na gcoinníollacha dá bhforáiltear sna Conarthaí a bheidh éilimh ar chúiteamh a dhéanfar i gcoinne eu-LISA as an damáiste dá dtagraítear i míreanna 1 agus 2 den Airteagal seo.

1.   Is ar bhuiséad ginearálta an Aontais a thitfidh na costais a thabhófar i dtaca le bunú agus oibriú Eurodac agus an Bhonneagair Chumarsáide.

2.   Is ar gach Ballstát agus ar Europol faoi seach a thitfidh na costais a thabhóidh na Pointí Rochtana Náisiúnta agus Pointe Rochtana Europol mar aon leis na costais a bheidh orthu don nasc le Eurodac.

3.   An bonneagar teicniúil is gá chun an Rialachán seo a chur chun feidhme, déanfaidh gach Ballstát agus Europol é a chur ar bun agus a chothabháil ar a gcostas féin, agus beidh siad freagrach as na costais a íoc a bheidh ann de thoradh iarrataí ar chomparáid a dhéanamh le sonraí Eurodac chun críocha fhorfheidhmiú an dlí.

1.   Tabharfaidh coiste cúnamh don Choimisiún. Is coiste de réir bhrí Rialachán (AE) Uimh. 182/2011 a bheidh sa choiste sin.

2.   I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3.   I gcás nach dtabharfaidh an Coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Cuirfidh eu-LISA tuarascáil bhliantúil ar ghníomhaíochtaí Eurodac, lena n-áirítear ar fheidhmiú teicniúil agus ar shlándáil an chéanna, faoi bhráid Pharlaimint na hEorpa, faoi bhráid na Comhairle, faoi bhráid an Choimisiúin agus faoi bhráid an Mhaoirseora Eorpaigh ar Chosaint Sonraí. Beidh faisnéis sa tuarascáil bhliantúil faoi bhainistíocht agus feidhmíocht Eurodac de réir tháscairí cainníochtúla réamhshainithe na gcuspóirí a bhaineann le haschur, costéifeachtacht agus caighdeán seirbhíse.

2.   Áiritheoidh eu-LISA go mbeidh nósanna imeachta i bhfeidhm chun faireachán a dhéanamh ar fheidhmiú Eurodac de réir na gcuspóirí dá dtagraítear i mír 1.

3.   Chun críocha na cothabhála teicniúla, an tuairiscithe agus an staidrimh, beidh rochtain ag eu-LISA ar an bhfaisnéis is gá maidir leis na hoibríochtaí próiseála a dhéanfar in Eurodac.

4.   Faoin 12 Meitheamh 2027, déanfaidh eu-LISA staidéar ar indéantacht theicniúil bogearraí aghaidh-aitheanta a chur le Eurodac chun comparáid idir íomhánna den aghaidh, mionaoisigh san áireamh, a dhéanamh. Beidh meastóireacht sa staidéar sin ar a iontaofa agus a chruinne a bhíonn torthaí ó bhogearraí aghaidh-aitheanta chun críocha Eurodac agus beidh na moltaí is gá ann faoina bhfuil le déanamh sula dtabharfar teicneolaíocht aghaidh-aitheanta isteach in Eurodac.

5.   Faoin 12 Meitheamh 2029 agus gach 4 bliana ina dhiaidh sin, cuirfidh an Coimisiún meastóireacht fhoriomlán ar Eurodac le chéile ina mbeidh scrúdú ar na torthaí a baineadh amach de réir na gcuspóirí a bhí ann agus ar an tionchar ar chearta bunúsacha, go háirithe an tionchar ar chosaint sonraí agus cearta chun príobháideachais, lena n-áirítear cé acu a bhí idirdhealú indíreach in aghaidh daoine a chumhdaítear leis an Rialachán seo mar thoradh ar rochtain chun críocha fhorfheidhmiú an dlí nó nach raibh, agus ina mbeidh measúnú ar bhailíocht leanúnach na bunréasúnaíochta lena n-áirítear úsáid bogearraí aghaidh-aitheanta agus ar aon impleacht d’oibríochtaí amach anseo; agus déanfaidh an Coimisiún aon mholadh is gá de réir an mhéid sin. Áireofar sa mheastóireacht sin freisin measúnú ar na sineirgí idir an Rialachán seo agus Rialachán (AE) 2018/1862. Tarchuirfidh an Coimisiún an mheastóireacht chuig Parlaimint na hEorpa agus chuig an gComhairle.

6.   An fhaisnéis is gá chun an tuarascáil bhliantúil dá dtagraítear i mír 1 a dhréachtú, cuirfidh na Ballstáit an fhaisnéis sin ar fáil do eu-LISA agus don Choimisiún.

7.   Soláthróidh eu-LISA, na Ballstáit agus Europol don Choimisiún an fhaisnéis is gá chun an mheastóireacht fhoriomlán dá bhforáiltear i mír 5 a dhréachtú. Ní chuirfidh an fhaisnéis sin modhanna oibre i gcontúirt ná ní bheidh faisnéis ar áireamh inti a nochtfaidh foinsí, baill foirne ná imscrúduithe na n-údarás ainmnithe.

8.   Agus forálacha an dlí náisiúnta maidir le foilsiú faisnéise íogaire á n-urramú, ullmhóidh gach Ballstát agus Europol tuarascálacha gach 2 bhliain maidir le héifeachtacht chomparáid na sonraí bithmhéadracha le sonraí Eurodac chun críocha fhorfheidhmiú an dlí, tuarascálacha ina mbeidh faisnéis agus staidreamh fúthu seo a leanas:

Tarchuirfear tuarascálacha na mBallstát agus tuarascálacha Europol dá dtagraítear sa chéad fhomhír chuig an gCoimisiún roimh an 30 Meitheamh den bhliain ina dhiaidh sin.

9.   Ar bhonn na dtuarascálacha ó na Ballstáit agus Europol dá dtagraítear i mír 8, agus sa bhreis ar an meastóireacht fhoriomlán dá bhforáiltear i mír 5, gach 2 bhliain, tiomsóidh an Coimisiún tuarascáil ar an rochtain ar Eurodac chun críocha fhorfheidhmiú an dlí agus tarchuirfidh sé í chuig Parlaimint na hEorpa, chuig an gComhairle agus chuig an Maoirseoir Eorpach ar Chosaint Sonraí.

1.   Faoin 12 Meitheamh 2028, déanfaidh an Coimisiún measúnú ar fheidhmiú agus éifeachtúlacht oibríochtúil aon chórais TF a úsáidtear chun sonraí tairbhithe de chosaint shealadach a mhalartú chun críocha an chomhair riaracháin dá dtagraítear in Airteagal 27 de Threoir 2001/55/CE.

2.   Déanfaidh an Coimisiún measúnú freisin ar an tionchar a mheastar a bheidh ag Airteagal 26 den Rialachán seo a chur i bhfeidhm i gcás ina ngníomhachtófar Treoir 2001/55/CE, agus an méid seo a leanas á chur san áireamh:

3.   Ag brath ar thoradh na measúnuithe dá dtagraítear i míreanna 1 agus 2 den Airteagal seo, déanfaidh an Coimisiún togra reachtach lena leasófar nó lena n-aisghairfear Airteagal 26, más iomchuí.

1.   Faoin 12 Meán Fómhair 2024, tabharfaidh gach Ballstát fógra don Choimisiún maidir lena údaráis ainmnithe agus maidir lena aonaid oibríochtúla dá dtagraítear in Airteagal 5(3) agus maidir lena údarás fíoraithe agus tabharfaidh sé fógra gan mhoill maidir le haon leasú air sin.

2.   Faoin 12 Meán Fómhair 2024, tabharfaidh Europol fógra don Choimisiún maidir lena údarás ainmnithe agus maidir lena údarás fíoraithe agus tabharfaidh sé fógra gan mhoill maidir le haon leasú air sin.

3.   Foilseoidh an Coimisiún an fhaisnéis dá dtagraítear i míreanna 1 agus 2 in Iris Oifigiúil an Aontais Eorpaigh ar bhonn bliantúil agus i bhfoilseachán leictreonach a bheidh ar fáil ar líne agus a nuashonrófar gan mhoill.

1.   Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2.   Beidh feidhm ag an Rialachán seo ón 12 Meitheamh 2026.

Beidh feidhm ag Airteagal 26, áfach, ón 12 Meitheamh 2029.

3.   Ní bheidh feidhm ag an Rialachán seo maidir le daoine a thairbhíonn de chosaint shealadach de bhun Chinneadh Cur Chun Feidhme (AE) 2022/382, ná aon chosaint choibhéiseach náisiúnta eile dá bhun, aon leasuithe a dhéanfar amach anseo ar Chinneadh Cur Chun Feidhme (AE) 2022/382, ná aon síneadh ar an gcosaint shealadach sin.

4.   Déanfaidh na Ballstáit agus eu-LISA an Doiciméad um Rialú Comhéadain a chomhaontú tráth nach déanaí ná an 12 Nollaig 2024.

5.   Beidh feidhm ag comparáidí idir íomhánna den aghaidh a rinneadh le bogearraí aghaidh-aitheanta mar a leagtar amach in Airteagail 15 agus 16 den Rialachán seo ón dáta a tugadh an teicneolaíocht aghaidh-aitheanta isteach in Eurodac. Tabharfar bogearraí aghaidh-aitheanta isteach in Eurodac laistigh de bhliain tar éis an staidéar ar thabhairt isteach bogearraí aghaidh-aitheanta dá dtagraítear in Airteagal 57(4) a thabhairt i gcrích. Go dtí an dáta sin, stórálfar íomhá den aghaidh in Eurodac mar chuid de thacair sonraí an ábhair sonraí agus tarchuirfear iad chuig Ballstát tar éis na comparáide idir na méarloirg má bhíonn amas ann.

6.   Cuirfidh na Ballstáit an Coimisiún agus eu-LISA ar an eolas a luaithe atá na socruithe teicniúla chun sonraí a aistriú chuig Eurodac déanta acu, tráth nach déanaí ná an 12 Meitheamh 2026.