This document is an excerpt from the EUR-Lex website
Document 32024R1185
Commission Implementing Regulation (EU) 2024/1185 of 24 April 2024 concerning the renewal of the authorisation of orthophosphoric acid as a feed additive for all animal species and repealing Implementing Regulation (EU) No 1055/2013
Rialachán Cur Chun Feidhme (AE) 2024/1185 ón gCoimisiún an 24 Aibreán 2024 maidir le húdarú aigéid ortafosfaraigh a athnuachan mar bhreiseán beathaithe le haghaidh gach speicis ainmhíoch agus lena n-aisghairtear Rialachán Cur Chun Feidhme (AE) Uimh. 1055/2013
Rialachán Cur Chun Feidhme (AE) 2024/1185 ón gCoimisiún an 24 Aibreán 2024 maidir le húdarú aigéid ortafosfaraigh a athnuachan mar bhreiseán beathaithe le haghaidh gach speicis ainmhíoch agus lena n-aisghairtear Rialachán Cur Chun Feidhme (AE) Uimh. 1055/2013
C/2024/2591
IO L, 2024/1185, 25.4.2024, ELI: http://data.europa.eu/eli/reg_impl/2024/1185/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2024/1185 |
25.4.2024 |
RIALACHÁN CUR CHUN FEIDHME (AE) 2024/1185 ÓN gCOIMISIÚN
an 24 Aibreán 2024
maidir le húdarú aigéid ortafosfaraigh a athnuachan mar bhreiseán beathaithe le haghaidh gach speicis ainmhíoch agus lena n-aisghairtear Rialachán Cur Chun Feidhme (AE) Uimh. 1055/2013
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
(1) |
Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan. |
(2) |
Le Rialachán Cur Chun Feidhme (AE) Uimh. 1055/2013 ón gCoimisiún, údaraíodh aigéad ortafosfarach ar feadh thréimhse 10 mbliana mar bhreiseán beathaithe le haghaidh gach speicis ainmhíoch (2). |
(3) |
I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú aigéid ortafosfaraigh a athnuachan mar bhreiseán beathaithe le haghaidh gach speicis ainmhíoch, ina n-iarrtar go n-aicmeofaí an breiseán i gcatagóir na mbreiseán ‘breiseáin theicneolaíocha’ agus san fheidhmghrúpa ‘leasaithigh’. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas sin. |
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 27 Meán Fómhair 2023 (3) go bhfuil aigéad ortafosfarach fós sábháilte don spriocspeiceas agus don chomhshaol faoi na coinníollacha úsáide a údaraítear faoi láthair. Tháinig sé ar an gconclúid freisin go bhfuil an breiseán creimneach don chraiceann agus do na súile agus gur cheart a mheas go bhfuil sé guaiseach don chonair riospráide. Mheas an tÚdarás nach bhfuil aon ghá le measúnú a dhéanamh ar éifeachtúlacht aigéid ortafosfaraigh, toisc nach n-áirítear san iarratas ar athnuachan an údaraithe moladh maidir le coinníollacha an údaraithe bunaidh a leasú ná a fhorlíonadh i ndáil leis sin. |
(5) |
Maidir leis na conclúidí agus na moltaí ar thángthas orthu le linn an mheasúnaithe a rinneadh i ndáil leis an modh a úsáidtear chun anailís a dhéanamh ar aigéad ortafosfarach mar bhreiseán beathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointe (c), de Rialachán (CE) Uimh. 378/2005 (4) ón gCoimisiún, níl gá le tuarascáil mheastóireachta ón tSaotharlann Tagartha. |
(6) |
I bhfianaise an mhéid thuas, measann an Coimisiún go gcomhlíonann aigéad ortafosfarach na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais. |
(7) |
Mar thoradh ar údarú aigéid ortafosfaraigh a athnuachan mar bhreiseán beathaithe, ba cheart Rialachán Cur Chun Feidhme (AE) Uimh. 1055/2013 a aisghairm dá réir sin. |
(8) |
Ós rud é nach gceanglaítear, ar chúiseanna sábháilteachta, go gcuirfear na modhnuithe ar na coinníollacha maidir le húdarú aigéid ortafosfaraigh i bhfeidhm láithreach, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh. |
(9) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Athnuachan an údaraithe
Údarú na substainte a shonraítear san Iarscríbhinn, ar substaint í a bhaineann le catagóir na mbreiseán ‘breiseáin theicneolaíocha’ agus leis an bhfeidhmghrúpa ‘leasaithigh’, déantar an t-údarú sin a athnuachan faoi réir na gcoinníollacha a leagtar síos san Iarscríbhinn sin.
Airteagal 2
Rialachán Cur Chun Feidhme (AE) Uimh. 1055/2013 a aisghairm
Aisghairtear Rialachán Cur Chun Feidhme (AE) Uimh. 1055/2013.
Airteagal 3
Bearta idirthréimhseacha
1. An tsubstaint a shonraítear san Iarscríbhinn agus réamh-mheascáin a bhfuil an tsubstaint sin iontu, nithe a tháirgtear agus a lipéadaítear roimh an 15 Samhain 2024 i gcomhréir leis na rialacha is infheidhme roimh an 15 Bealtaine 2024, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe.
2. Beatha chumaisc agus ábhair bheatha a bhfuil an tsubstaint a shonraítear san Iarscríbhinn iontu, nithe a tháirgtear agus a lipéadaítear roimh a 15 Bealtaine 2025 i gcomhréir leis na rialacha is infheidhme roimh an 15 Bealtaine 2024, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh bia-ainmhithe.
3. Beatha chumaisc agus ábhair bheatha a bhfuil an tsubstaint a shonraítear san Iarscríbhinn iontu, nithe a tháirgtear agus a lipéadaítear roimh an 15 Bealtaine 2026 i gcomhréir leis na rialacha is infheidhme roimh an 15 Bealtaine 2024, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh ainmhithe nach bia-ainmhithe iad.
Airteagal 4
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 24 Aibreán 2024.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) Rialachán Cur Chun Feidhme (AE) Uimh. 1055/2013 ón gCoimisiún an 25 Deireadh Fómhair 2013 maidir leis an údarú ullmhóide arb é atá inti aigéad ortafosfarach mar bhreiseán beathaithe le haghaidh gach speicis ainmhíoch (IO L 288, 30.10.2013, lch. 57,. ELI: http://data.europa.eu/eli/reg_impl/2013/1055/oj).
(3) EFSA Journal [Iris EFSA], 2023;21(10):8361.
(4) Rialachán (CE) Uimh. 378/2005 ón gCoimisiún an 4 Márta 2005 maidir le rialacha mionsonraithe chun Rialachán (CE) Uimh. 1831/2003 ó Pharlaimint na hEorpa agus ón gComhairle a chur chun feidhme a mhéid a bhaineann le dualgais agus cúraimí Shaotharlann Tagartha an Chomhphobail maidir le hiarratais ar údaruithe breiseán beatha (IO L 59, 5.3.2005, lch. 8, ELI: http://data.europa.eu/eli/reg/2005/378/oj).
IARSCRÍBHINN
Uimhir aitheantais an bhreiseáin |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhíoch |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||
mg/kg d’ábhar beatha iomlán ina bhfuil cion taise 12 % |
||||||||||||
Catagóir: breiseáin theicneolaíocha. Feidhmghrúpa: leasaithigh |
||||||||||||
1a338 |
Aigéad ortafosfarach |
Comhdhéanamh an bhreiseáin Aigéad ortafosfarach (67 % -85,7 %) w/w (tuaslagán uiscí) Aigéad so-ghalaithe: ≤ 10 mg/kg (mar aigéad aicéiteach) Clóirídí: ≤ 200 mg/kg (mar chlóirín) Sulfáití: ≤ 1 500 mg/kg (mar CaSO4) ------------- Tréithriú na substainte gníomhaí Aigéad ortafosfarach H3PO4 Uimh. CAS 7664-38-2 ------------- Modh anailíse (1) Maidir le haigéad ortafosfarach a chinneadh sa bhreiseán beathaithe: toirtmheascadh le hiodrocsaíd sóidiam (Aigéad fosfarach JECFA Monagraf) Maidir le fosfar iomlán i réamh-mheascáin a chinneadh: modh atá bunaithe ar Rialachán (CE) Uimh. 152/2009 ón gCoimisiún (Iarscríbhinn III) |
Gach speiceas ainmhíoch |
- |
- |
- |
|
an 15 Bealtaine 2034 |
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.
ELI: http://data.europa.eu/eli/reg_impl/2024/1185/oj
ISSN 1977-0839 (electronic edition)