This document is an excerpt from the EUR-Lex website
Document 22012A0229(01)
Agreement in the form of an Exchange of Letters between the European Union and the Russian Federation relating to the administration of tariff-rate quotas applying to exports of wood from the Russian Federation to the European Union
Ftehim fil-forma ta’ Skambju ta’ Ittri bejn l-Unjoni Ewropea u l-Federazzjoni Russa dwar l-amministrazzjoni tal-kwoti tar-rata tariffarja li japplikaw għall-esportazzjonijiet ta’ injam mill-Federazzjoni Russa lejn l-Unjoni Ewropea
Ftehim fil-forma ta’ Skambju ta’ Ittri bejn l-Unjoni Ewropea u l-Federazzjoni Russa dwar l-amministrazzjoni tal-kwoti tar-rata tariffarja li japplikaw għall-esportazzjonijiet ta’ injam mill-Federazzjoni Russa lejn l-Unjoni Ewropea
ĠU L 57, 29.2.2012, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
ELI: http://data.europa.eu/eli/exch_let/2012/105/oj
29.2.2012 |
MT |
Il-Ġurnal Uffiċjali tal-Unjoni Ewropea |
L 57/3 |
TRADUZZJONI
FTEHIM
fil-forma ta’ Skambju ta’ Ittri bejn l-Unjoni Ewropea u l-Federazzjoni Russa dwar l-amministrazzjoni tal-kwoti tar-rata tariffarja li japplikaw għall-esportazzjonijiet ta’ injam mill-Federazzjoni Russa lejn l-Unjoni Ewropea
1. Ittra mill-Federazzjoni Russa
Ġinevra, 16 ta’ Diċembru 2011
Għeżież Sinjuri,
Wara n-negozjati bejn il-Federazzjoni Russa u l-Unjoni Ewropea (minn hawn ’il quddiem — il-Partijiet), il-Partijiet qablu li l-kwoti tar-rata tariffarja applikabbli għall-esportazzjonijiet ta’ injam mill-Federazzjoni Russa lejn l-Unjoni Ewropea li huma suġġetti għal dazji tal-esportazzjoni għandhom ikunu implimentati kif ġej:
— |
il-Federazzjoni Russa rrappreżentata mill-Gvern tal-Federazzjoni Russa għandha tiftaħ kwoti tar-rata tariffarja bbażati fuq l-Iskeda ta’ Konċessjonijiet u Impenji dwar il-Prodotti li l-Federazzjoni Russa impenjat ruħha għalihom fl-Organizzazzjoni Dinjija tal-Kummerċ, inkluż is-sehem mill-kwota allokata għall-Unjoni Ewropea fuq bażi annwali. Il-Federazzjoni Russa għandha toħroġ liċenzji ta’ esportazzjoni bbażati fuq id-dokumentazzjoni tal-importazzjoni rilevanti maħruġa mill-Unjoni Ewropea, ġaladarba l-esportaturi Russi jissodisfaw ir-rekwiżiti applikabbli kollha għall-esportazzjoni. L-Unjoni Ewropea għandha tiġġestixxi s-sehem tal-kwoti tar-rata tariffarja allokati lilha permezz tal-proċeduri interni tagħha. Il-Federazzjoni Russa ma għandhiex tapplika l-limiti jew is-suddiviżjonijiet fi ħdan is-sehem tal-kwoti tar-rata tariffarja li huma allokati lill-Unjoni Ewropea; |
— |
kull tliet xhur, l-awtoritajiet kompetenti tal-Partijiet għandhom jiskambjaw data dwar l-utilizzazzjoni tal-kwoti tar-rata tariffarja. Modalitajiet tekniċi, inklużi d-dettalji tal-kooperazzjoni bejn l-awtoritajiet tal-Federazzjoni Russa u dawk tal-Unjoni Ewropea, kif ukoll il-proċessi amministrattivi għandhom ikunu elaborati mill-awtoritajiet kompetenti tal-Partijiet sad-dħul fis-seħħ tal-ftehim stabbilit f’din l-ittra. |
F’każ li l-Unjoni Ewropea tikkonferma l-qbil tagħha mat-termini stabbiliti f’din l-ittra, nipproponi li din l-ittra u l-ittra ta’ tweġiba tal-Unjoni Ewropea għandhom jikkonstitwixxu l-Ftehim bejn il-Federazzjoni Russa u l-Unjoni Ewropea dwar l-amministrazzjoni tal-kwoti tar-rata tariffarja li japplikaw għall-esportazzjonijiet ta’ njam mill-Federazzjoni Russa lejn l-Unjoni Ewropea, u dan il-Ftehim għandu jidħol fis-seħħ fid-data li fiha l-Partijiet jiskambjaw in-notifiki bil-miktub li jiċċertifikaw li huma lestew il-proċeduri interni rispettivi tagħhom.
Dan il-Ftehim għandu jiġi applikat provviżorjament mid-data tal-adeżjoni tal-Federazzjoni Russa fl-Organizzazzjoni Dinjija tal-Kummerċ.
Jekk jogħġobkom aċċettaw, Sinjuri, l-assigurazzjoni tal-ogħla konsiderazzjonijiet tiegħi,
Għall-Federazzjoni Russa
2. Ittra mill-Unjoni Ewropea
Ġinevra, 16 ta’ Diċembru 2011
Għażiża Ministru,
Għandna l-unur ngħarrfuk li rċevejna l-ittra tiegħek bid-data tal-lum, li tinqara kif ġej:
“Wara n-negozjati bejn il-Federazzjoni Russa u l-Unjoni Ewropea (minn hawn ’il quddiem — il-Partijiet), il-Partijiet qablu li l-kwoti tar-rata tariffarja applikabbli għall-esportazzjonijiet ta’ injam mill-Federazzjoni Russa lejn l-Unjoni Ewropea li huma suġġetti għal dazji tal-esportazzjoni għandhom ikunu implimentati kif ġej:
— |
il-Federazzjoni Russa rrappreżentata mill-Gvern tal-Federazzjoni Russa għandha tiftaħ kwoti tar-rata tariffarja bbażati fuq l-Iskeda ta’ Konċessjonijiet u Impenji dwar il-Prodotti li l-Federazzjoni Russa impenjat ruħha għalihom fl-Organizzazzjoni Dinjija tal-Kummerċ, inkluż is-sehem mill-kwota allokata għall-Unjoni Ewropea fuq bażi annwali. Il-Federazzjoni Russa għandha toħroġ liċenzji ta’ esportazzjoni bbażati fuq id-dokumentazzjoni tal-importazzjoni rilevanti maħruġa mill-Unjoni Ewropea, ġaladarba l-esportaturi Russi jissodisfaw ir-rekwiżiti applikabbli kollha għall-esportazzjoni. L-Unjoni Ewropea għandha tiġġestixxi s-sehem tal-kwoti tar-rata tariffarja allokati lilha permezz tal-proċeduri interni tagħha. Il-Federazzjoni Russa ma għandhiex tapplika l-limiti jew is-suddiviżjonijiet fi ħdan is-sehem tal-kwoti tar-rata tariffarja li huma allokati lill-Unjoni Ewropea; |
— |
kull tliet xhur, l-awtoritajiet kompetenti tal-Partijiet għandhom jiskambjaw data dwar l-utilizzazzjoni tal-kwoti tar-rata tariffarja. Modalitajiet tekniċi, inklużi d-dettalji tal-kooperazzjoni bejn l-awtoritajiet tal-Federazzjoni Russa u tal-Unjoni Ewropea, kif ukoll il-proċessi amministrattivi għandhom ikunu elaborati bejn l-awtoritajiet kompetenti tal-Partijiet sad-dħul fis-seħħ tal-ftehim stabbilit f’din l-ittra. |
F’każ li l-Unjoni Ewropea tikkonferma l-qbil tagħha mat-termini stabbiliti f’din l-ittra, nipproponi li din l-ittra u l-ittra ta’ tweġiba tal-Unjoni Ewropea għandhom jikkonstitwixxu l-Ftehim bejn il-Federazzjoni Russa u l-Unjoni Ewropea dwar l-amministrazzjoni tal-kwoti tar-rata tariffarja li japplikaw għall-esportazzjonijiet ta’ injam mill-Federazzjoni Russa lejn l-Unjoni Ewropea, u dan il-Ftehim għandu jidħol fis-seħħ fid-data li fiha l-Partijiet jiskambjaw in-notifiki bil-miktub li jiċċertifikaw li huma lestew il-proċeduri interni rispettivi tagħhom.
Dan il-Ftehim għandu jiġi applikat provviżorjament mid-data tal-adeżjoni tal-Federazzjoni Russa fl-Organizzazzjoni Dinjija tal-Kummerċ.”
L-Unjoni Ewropea għandha l-unur tikkonferma l-qbil tagħha mal-kontenut ta’ din l-ittra.
Jekk jogħġbok aċċetta, Sinjura, l-assigurazzjoni tal-ogħla konsiderazzjonijiet tagħna,
Għall-Unjoni Ewropea