Introduzzjoni Ġenerali

0.1.

Il-Qorti Ewropea tal-Awdituri (QEA) hija istituzzjoni (1) tal-Unjoni Ewropea (UE) u l-awditur estern tal-finanzi tal-UE (2). F’din il-kapaċità, aħna naġixxu bħala l-gwardjan indipendenti tal-interessi finanzjarji taċ-ċittadini kollha tal-UE, notevolment billi nikkontribwixxu għat-titjib tal-ġestjoni finanzjarja tal-UE. Aktar informazzjoni dwar ix-xogħol li nwettqu tista’ tinstab fir-rapporti annwali tal-attività, fir-rapporti speċjali, u fl-analiżijiet panoramiċi tagħna, kif ukoll fl-opinjonijiet tagħna dwar liġijiet ġodda jew liġijiet aġġornati tal-UE jew deċiżjonijiet oħra b’implikazzjonijiet għall-ġestjoni finanzjarja (3).

0.2.

Dan ir-rapport annwali, li huwa t-42 rapport dwar l-implimentazzjoni tal-baġit tal-UE, ikopri s-sena finanzjarja 2018. Rapport annwali separat ikopri l-Fondi Ewropej għall-Iżvilupp.

0.3.

Il-baġit ġenerali tal-UE jiġi approvat kull sena mill-Kunsill u mill-Parlament Ewropew. Ir-rapport annwali tagħna, flimkien, kif meħtieġ, mar-rapporti speċjali li noħorġu, jipprovdi bażi għall-proċedura ta’ kwittanza li fiha l-Parlament, filwaqt li jaġixxi fuq rakkomandazzjoni mill-Kunsill, jiddeċiedi jekk il-Kummissjoni tkunx wettqet ir-responsabbiltajiet baġitarji tagħha b’mod sodisfaċenti. Ladarba jiġi ppubblikat, aħna ngħaddu r-rapport annwali lill-parlamenti nazzjonali, lill-Parlament Ewropew u lill-Kunsill.

0.4.

Il-parti ċentrali tar-rapport tagħna hija d-dikjarazzjoni ta’ assigurazzjoni dwar l-affidabbiltà tal-kontijiet konsolidati tal-UE u dwar il-legalità u r-regolarità tat-tranżazzjonijiet. Din id-dikjarazzjoni tiġi ssupplimentata minn valutazzjonijiet speċifiċi għal kull qasam prinċipali ta’ attività tal-UE.

0.5.

Bħal fi snin preċedenti, ir-rapport ta’ din is-sena huwa strutturat kif ġej: — il-Kapitolu 1 fih id-dikjarazzjoni ta’ assigurazzjoni u sommarju tar-riżultati tal-awditjar li wettaqna dwar l-affidabbiltà tal-kontijiet u r-regolarità tat-tranżazzjonijiet; — il-Kapitolu 2 jippreżenta l-analiżi tagħna tal-ġestjoni baġitarja u finanzjarja; — il-Kapitolu 3 jiffoka fuq x’jgħidulna l-indikaturi tal-prestazzjoni tal-baġit tal-UE, jippreżenta riżultati sinifikanti mir-Rapporti Speċjali 2018 tagħna dwar il-prestazzjoni, u janalizza l-implimentazzjoni mill-Kummissjoni tar-rakkomandazzjonijiet li għamilna fir-rapporti speċjali li ppubblikajna fl-2015; — il-Kapitolu 4 jippreżenta s-sejbiet tagħna dwar id-dħul tal-UE; — il-Kapitoli 5 sa 10 juru, għall-intestaturi prinċipali tal-qafas finanzjarju pluriennali (QFP) attwali (4), ir-riżultati tal-ittestjar li wettaqna tar-regolarità tat-tranżazzjonijiet u tal-eżaminar li sar minna tar-rapporti annwali tal-attività tal-Kummissjoni, elementi oħra tas-sistemi ta’ kontroll intern tagħha u arranġamenti oħra ta’ governanza.

0.6.

Billi ma hemmx rapporti finanzjarji separati għall-intestaturi individwali tal-QFP, il-konklużjonijiet għal kull kapitolu ma jikkostitwux opinjoni tal-awditjar. Minflok, il-kapitoli jiddeskrivu kwistjonijiet sinifikanti li huma speċifiċi għal kull intestatura tal-QFP.

0.7.

Aħna għandna l-għan li nippreżentaw l-osservazzjonijiet tagħna b’mod ċar u konċiż. Mhux dejjem inkunu nistgħu nevitaw li nużaw termini li huma speċifiċi għall-UE, għall-politiki u l-baġit tagħha, jew għall-kontabbiltà u l-awditjar. Fuq is-sit web tagħna, aħna ppubblikajna glossarju bid-definizzjonijiet u t-tifsiriet tal-maġġoranza ta’ dawn it-termini speċifiċi (5). It-termini ddefiniti fil-glossarju jidhru bil-korsiv fejn jintużaw għall-ewwel darba f’kull kapitolu.

0.8.

Ir-risposti tal-Kummissjoni (jew, fejn applikabbli, ir-risposti ta’ istituzzjonijiet u korpi oħra tal-UE) għall-osservazzjonijiet tagħna huma ppreżentati ma’ dan ir-rapport. Hija r-responsabbiltà tagħna, bħala awditur estern, li nirrappurtaw is-sejbiet tal-awditjar tagħna u li naslu għall-konklużjonijiet neċessarji sabiex nipprovdu valutazzjoni indipendenti u imparzjali tal-affidabbiltà tal-kontijiet u r-regolarità tat-tranżazzjonijiet.

---

(1)  Il-QEA ġiet stabbilita bħala istituzzjoni permezz tal-Artikolu 13 tat-Trattat dwar l-Unjoni Ewropea, magħruf ukoll bħala t-Trattat ta’ Maastricht (ĠU C 191, 29.7.1992, p. 1). Madankollu, hija ġiet stabbilita għall-ewwel darba permezz tat-Trattat ta’ Brussell fl-1977, bħala l-korp Komunitarju l-ġdid inkarigat mill-funzjoni tal-awditjar estern (ĠU L 359, 31.12.1977, p. 1).

(2)  L-Artikoli 285 sa 287 tat-Trattat dwar il-Funzjonament tal-Unjoni Ewropea (TFUE) (ĠU C 326, 26.10.2012, p. 47).

(3)  Disponibbli fuq is-sit web tagħna: www.eca.europa.eu

(4)  Aħna ma nipprovdux valutazzjoni speċifika għall-infiq taħt l-Intestatura 6 (“Kumpens”) jew għal infiq li ma jaqax taħt il-QFP. L-analiżi tagħna tal-Intestatura 3 (“Sigurtà u ċittadinanza”) u l-Intestatura 4 (“Ewropa Globali”), fil-Kapitoli 8 u 9 rispettivament, ma tinkludix livell ta’ żball stmat.

(5)  https://www.eca.europa.eu/Lists/ECADocuments/GLOSSARY_AR_2018/GLOSSARY_AR_2018_MT.pdf

KAPITOLU 1

Id-dikjarazzjoni ta’ assigurazzjoni u informazzjoni ta’ sostenn

WERREJ

Id-Dikjarazzjoni ta’ Assigurazzjoni pprovduta mill-Qorti lill-Parlament Ewropew u lill-Kunsill – Rapport tal-awditur indipendenti

I–XXX

Introduzzjoni

1.1–1.5

Ir-rwol tal-Qorti Ewropea tal-Awdituri

1.1–1.3

L-infiq tal-UE huwa għodda sinifikanti għall-ilħuq tal-objettivi ta’ politika

1.4–1.5

Sejbiet tal-awditjar għas-sena finanzjarja 2018

1.6–1.41

Affidabbiltà tal-kontijiet

1.6–1.9

Il-kontijiet kienu ma kinux affettwati minn dikjarazzjonijiet skorretti materjali

1.6–1.8

Kwistjonijiet ewlenin tal-awditjar relatati mar-rapporti finanzjarji 2018

1.9

Regolarità tat-tranżazzjonijiet

1.10–1.32

L-awditu li wettaqna jkopri l-infiq li ġie aċċettat mill-Kummissjoni fl-2018

1.11–1.14

Ir-riżultati tal-awditjar tagħna għall-2018 juru li l-iżbalji huma limitati għal tipi speċifiċi ta’ nfiq

1.15

Il-kumplessità tar-regoli u l-mod kif il-fondi tal-UE jiġu żborżati għandhom impatt fuq ir-riskju ta’ żball

1.16–1.32

L-informazzjoni dwar ir-regolarità pprovduta mill-Kummissjoni

1.33–1.41

L-istima mill-Kummissjoni tal-livell ta’ żball hija kemxejn taħt il-firxa indikata minna

1.35–1.36

Il-komponenti individwali tal-istima mill-Kummissjoni mhux dejjem jikkonformaw mas-sejbiet tagħna

1.37–1.39

Ir-riskju meta jsir l-għeluq jiddependi fuq l-istimi tal-korrezzjonijiet u tal-irkupri futuri

1.40–1.41

Aħna nirrappurtaw każijiet ta’ frodi suspettata lill-OLAF

1.42–1.46

Konklużjonijiet

1.47–1.49

Riżultati tal-awditjar

1.48–1.49

Anness 1.1 — Approċċ u metodoloġija tal-awditjar

Id-Dikjarazzjoni ta’ Assigurazzjoni pprovduta mill-Qorti lill-Parlament Ewropew u lill-Kunsill – rapport tal-awditur indipendenti

Opinjoni

I. Aħna awditjajna: (a) il-kontijiet konsolidati tal-Unjoni Ewropea, li jinkludu r-rapporti finanzjarji konsolidati (1) u r-rapporti dwar l-implimentazzjoni tal-baġit (2) għas-sena finanzjarja li ntemmet fil-31 ta’ Diċembru 2018, u li ġew approvati mill-Kummissjoni fis-26 ta’ Ġunju 2019, kif ukoll (b) il-legalità u r-regolarità tat-tranżazzjonijiet ta’ bażi, kif meħtieġ mill-Artikolu 287 tat-Trattat dwar il-Funzjonament tal-Unjoni Ewropea (TFUE).

Affidabbiltà tal-kontijiet

Opinjoni dwar l-affidabbiltà tal-kontijiet II. Fl-opinjoni tagħna, il-kontijiet konsolidati tal-Unjoni Ewropea (UE) għas-sena li ntemmet fil-31 ta’ Diċembru 2018 jippreżentaw b’mod ġust, fl-aspetti materjali kollha, il-pożizzjoni finanzjarja tal-UE fil-31 ta’ Diċembru 2018, ir-riżultati tal-operazzjonijiet tagħha, il-flussi tal-flus tagħha, u l-bidliet fl-assi netti tagħha għas-sena li ntemmet dakinhar, skont ir-Regolament Finanzjarju u r-regoli kontabilistiċi bbażati fuq standards tal-kontabbiltà li huma aċċettati internazzjonalment għas-settur pubbliku.

Legalità u regolarità tat-tranżazzjonijiet li fuqhom huma bbażati l-kontijiet

Dħul

Opinjoni dwar il-legalità u r-regolarità tad-dħul III. Fl-opinjoni tagħna, id-dħul li fuqu huma bbażati l-kontijiet għas-sena li ntemmet fil-31 ta’ Diċembru 2018 huwa legali u regolari fl-aspetti materjali kollha.

Infiq

Opinjoni kwalifikata dwar il-legalità u r-regolarità tal-infiq IV. Fl-opinjoni tagħna, bl-eċċezzjoni għall-effetti tal-kwistjoni deskritta taħt “Bażi għal opinjoni kwalifikata dwar il-legalità u r-regolarità tal-pagamenti”, l-infiq aċċettat fil-kontijiet għas-sena li ntemmet fil-31 ta’ Diċembru 2018 huwa legali u regolari fl-aspetti materjali kollha.

Bażi għal opinjoni

V. Aħna wettaqna l-awditu tagħna skont l-Istandards Internazzjonali tal-Awditjar (ISAs) u l-Kodiċijiet tal-Etika tal-IFAC, u l-Istandards Internazzjonali tal-Istituzzjonijiet Supremi tal-Awditjar (ISSAIs) tal-INTOSAI. Ir-responsabbiltajiet tagħna skont dawn l-istandards huma deskritti f’aktar dettall fit-taqsima “Responsabbiltajiet tal-awditur għall-awditjar tal-kontijiet konsolidati u tat-tranżazzjonijiet ta’ bażi”. Aħna rrispettajna wkoll ir-rekwiżiti tal-indipendenza u wettaqna l-obbligi etiċi tagħna skont il-Kodiċi ta’ Etika għall-Kontabilisti Professjonali tal-Bord tal-Istandards Internazzjonali tal-Etika għall-Kontabilisti (il-Kodiċi tal-IESBA). Aħna nemmnu li l-evidenza għall-awditjar li ksibna hija suffiċjenti u xierqa biex tipprovdi bażi għall-opinjoni tagħna. Bażi għal opinjoni kwalifikata dwar il-legalità u r-regolarità tal-infiq VI. Fl-2018, aħna sibna li l-infiq b’riskju għoli (prinċipalment infiq ibbażat fuq rimborżi, u li huwa suġġett għal regoli kumplessi) (3) huwa milqut minn livell materjali ta’ żball. Il-livell ta’ żball stmat minna għall-infiq b’riskju għoli huwa ta’ 4,5 %. L-istima tagħna tal-livell kumplessiv ta’ żball (2,6 %) għadha ogħla mis-soll ta' materjalità tagħna, iżda mhix pervażiva. L-infiq b’riskju baxx, li huwa prinċipalment ibbażat fuq intitolament u huwa suġġett għal regoli simplifikati/inqas kumplessi mhuwiex milqut minn livell materjali ta’ żball (4).

Kwistjonijiet ewlenin tal-awditjar

Aħna vvalutajna l-impatt potenzjali tal-ħruġ tar-Renju Unit mill-Unjoni Ewropea fuq il-kontijiet għall-2018 VII. Fid-29 ta' Marzu 2017, ir-Renju Unit (UK) innotifika formalment lill-Kunsill Ewropew dwar l-intenzjoni tiegħu li joħroġ mill-UE. Fl-10 ta’ April 2019, il-Kunsill Ewropew qabel li d-data ta’ skadenza għall-ħruġ tar-Renju Unit (5) tiġi estiża sakemm ikun meħtieġ iżda, fi kwalunkwe każ, sa mhux aktar tard mill-31 ta’ Ottubru 2019. Skont id-deċiżjoni tal-Kunsill, ir-Renju Unit mistenni li joħroġ mill-UE fl-ewwel jum tax-xahar wara l-ikkompletar tal-proċeduri ta’ ratifika jew inkella fl-1 ta’ Novembru 2019, skont liema data tiġi l-ewwel. Ir-Renju Unit se jibqa’ Stat Membru sad-data l-ġdida tal-ħruġ, bid-drittijiet u l-obbligi kollha skont l-Artikolu 50 tat-Trattat dwar l-Unjoni Ewropea, u għandu d-dritt li jirrevoka n-notifika tiegħu fi kwalunkwe ħin. VIII. Kif indikat fil-paragrafu II, il-kontijiet konsolidati tal-UE għall-2018 tħejjew biex jirriflettu l-pożizzjoni finanzjarja tal-UE fil-31 ta’ Diċembru 2018 kif ukoll ir-riżultati, il-flussi tal-flus u l-bidliet fl-assi netti tagħha għall-2018. Il-kontijiet konsolidati tal-UE għall-2018 jirriflettu l-istat tan-negozjati fil-31 ta’ Diċembru 2018. F’dik id-data, u sad-data li fiha aħna kkompletajna x-xogħol tal-awditjar tagħna, ir-Renju Unit kien għadu Stat Membru. IX. Aħna ma identifikajna l-ebda avveniment relatat mal-proċess tal-ħruġ li jkun jirrikjedi aġġustamenti skont l-istandard internazzjonali tal-kontabbiltà fuq l-avvenimenti wara d-data tar-rappurtar (6). X. Aħna se nkomplu nivvalutaw l-impatt potenzjali tal-ħruġ tar-Renju Unit mill-Unjoni Ewropea fuq il-kontijiet konsolidati tal-UE. Se jkun meħtieġ li l-kontijiet konsolidati futuri tal-UE jirriflettu l-istat jew l-eżitu tal-proċess tal-ħruġ. Fid-data li fiha aħna kkompletajna l-awditu tagħna tal-kontijiet għall-2018, kien għadu mhux magħruf jekk ir-Renju Unit huwiex fil-fatt se joħroġ mill-UE u, jekk dan kien il-każ, f’liema data u skont liema termini. XI. Ibbażat fuq is-sitwazzjoni attwali, ma hemm l-ebda impatt finanzjarju fuq il-kontijiet annwali konsolidati tal-UE għall-2018 li jrid jiġi rrappurtat, u aħna nikkonkludu li l-kontijiet li ntemmu fil-31 ta’ Diċembru 2018 kienu jirriflettu b’mod korrett il-proċess tal-ħruġ f’dik id-data. Aħna vvalutajna l-obbligazzjoni għall-pensjoni u għal benefiċċji oħra tal-impjegati XII. Il-karta tal-bilanċ tal-UE tinkludi l-obbligazzjoni għall-pensjoni u għal benefiċċji oħra tal-impjegati li ammontaw għal EUR 80,5 biljun fi tmiem l-2018. Din hija waħda mill-obbligazzjonijiet l-aktar sinifikanti fil-karta tal-bilanċ, u tirrappreżenta aktar minn terz tat-total ta’ obbligazzjonijiet għall-2018 ta’ EUR 235,9 biljun. XIII. Il-biċċa l-kbira minn din l-obbligazzjoni għall-pensjoni u għal benefiċċji oħra tal-impjegati (EUR 70,0 biljun) hija relatata mal-Iskema tal-Pensjonijiet tal-Uffiċjali u l-Aġenti l-oħra tal-Unjoni Ewropea (PSEO). L-obbligazzjoni rreġistrata fil-kontijiet tirrifletti l-ammont li kieku kien jiġi inkluż kieku ġie stabbilit fond ta’ pensjoni biex isiru pagamenti relatati mal-obbligi eżistenti għall-pensjonijiet tal-irtirar (7). Minbarra l-pensjonijiet tal-irtirar, hija tkopri l-pensjonijiet tal-invalidità kif ukoll il-pensjonijiet li jitħallsu lin-nisa romol jew lill-orfni tal-persunal tal-UE. Il-benefiċċji mħallsa taħt din l-iskema tal-pensjonijiet jitħallsu mill-baġit tal-UE. L-Istati Membri jiggarantixxu b’mod konġunt il-pagament tal-benefiċċji, u l-uffiċjali jikkontribwixxu terz tal-ispiża għall-finanzjament tal-iskema. L-Eurostat jikkalkula din l-obbligazzjoni f’isem l-uffiċjal tal-kontabbiltà tal-Kummissjoni, billi juża parametri li ġew ivvalutati mill-konsulenti attwarji tal-Kummissjoni. XIV. It-tieni parti l-aktar sinifikanti tal-obbligazzjoni għall-pensjoni u għal benefiċċji oħra tal-impjegati (EUR 8,7 biljun) hija kostitwita mill-obbligazzjoni stmata tal-UE lejn ir-Reġim Komuni tal-Assigurazzjoni tal-Mard (JSIS). Din l-obbligazzjoni hija relatata mal-ispejjeż tal-kura tas-saħħa li jridu jitħallsu lill-membri tal-persunal tal-UE matul il-perjodi ta’ wara l-attività (bit-tnaqqis tal-kontribuzzjonijiet tagħhom). XV. Bħala parti mill-awditu tagħna, aħna vvalutajna, għall-obbligazzjoni tal-pensjoni, is-suppożizzjonijiet attwarji li saru u l-valwazzjoni riżultanti. Aħna bbażajna din l-evalwazzjoni fuq xogħol li wettqu l-esperti attwarji esterni biex jipproduċu studju dwar l-obbligazzjonijiet tal-pensjoni u tal-JSIS. Aħna vverifikajna d-data numerika, il-parametri attwarji, u l-kalkolu tal-obbligazzjoni, kif ukoll il-preżentazzjoni fil-karta tal-bilanċ konsolidata u n-noti għar-rapporti finanzjarji konsolidati. Kif iddikjarat fin-Nota 2.9 għar-rapporti finanzjarji konsolidati, il-Kummissjoni kompliet ix-xogħol tagħha lejn it-tisħiħ tal-proċessi li hija tapplika biex tikkalkula l-obbligazzjoni tal-benefiċċji tal-impjegati, u aħna se nibqgħu nirrieżaminaw dan ix-xogħol. Aħna vvalutajna stimi sinifikanti ta’ tmiem is-sena li ġew ippreżentati fil-kontijiet XVI. Fi tmiem is-sena 2018, il-valur stmat tal-ispejjeż eliġibbli mġarrba mill-benefiċjarji, iżda li kienu għadhom ma ġewx irrappurtati, ammontaw għal EUR 99,8 biljun (tmiem is-sena 2017: EUR 100,9 biljun). Dawn l-ammonti ġew irreġistrati bħala spejjeż dovuti (8). XVII. Fi tmiem is-sena 2018, l-ammont stmat li ma ntużax mill-istrumenti finanzjarji taħt ġestjoni kondiviża u mill-iskemi ta’ għajnuna rikonoxxuti fil-kontijiet tal-UE kien jammonta għal EUR 6,5 biljun (tmiem is-sena 2017: EUR 4,7 biljun), li fil-karta tal-bilanċ jintwera bħala “Avvanzi oħrajn lill-Istati Membri” (pagamenti bil-quddiem). XVIII. Sabiex nivvalutaw dawn l-istimi ta’ tmiem is-sena, aħna eżaminajna s-sistema li l-Kummissjoni stabbiliet għall-kalkoli tal-cut-off u żgurajna l-korrettezza u l-kompletezza tagħhom fid-Direttorati Ġenerali li fihom isiru l-biċċa l-kbira mill-pagamenti. Matul ix-xogħol tal-awditjar tagħna fuq il-kampjun ta’ fatturi u ta’ pagamenti ta’ prefinanzjament, aħna eżaminajna l-kalkoli tal-cut-off rilevanti sabiex nindirizzaw ir-riskju li l-ammont dovut jiġi ddikjarat b’mod skorrett. Aħna fittxejna kjarifika addizzjonali mis-servizzi kontabilistiċi tal-Kummissjoni dwar il-metodoloġija ġenerali għall-istabbiliment ta’ dawn l-istimi. XIX. Aħna nikkonkludu li l-istima tal-ammont kumplessiv ta’ imposti dovuti u ta’ pagamenti bil-quddiem oħra għall-Istati Membri ddikjarati fil-karta tal-bilanċ konsolidata hija ġusta.

Kwistjonijiet oħra

XX. Il-maniġment huwa responsabbli għall-provvediment ta’ “informazzjoni oħra”. Dan it-terminu jinkludi wkoll id-Diskussjoni U l-Analiżi tar-Rapport Finanzjarju, iżda mhux il-kontijiet konsolidati jew ir-rapporti tagħna dwarhom. L-opinjoni tagħna dwar il-kontijiet konsolidati ma tkoprix din l-informazzjoni l-oħra, u aħna ma nesprimu l-ebda forma ta’ konklużjoni ta’ aċċertament dwarha. Ir-responsabbiltà tagħna fir-rigward tal-awditu tal-kontijiet konsolidati hija li naqraw l-informazzjoni l-oħra u nqisu jekk din l-informazzjoni tkunx materjalment inkonsistenti mal-kontijiet konsolidati jew mal-għarfien li nkunu ksibna fl-awditu, jew jekk jidhirx li tkun saret xi dikjarazzjoni skorretta materjali oħra. Jekk aħna nikkonkludu li jkun hemm dikjarazzjoni skorretta materjali tal-informazzjoni l-oħra, aħna meħtieġa nirrappurtaw dan il-fatt kif meħtieġ. Aħna ma għandna xejn x’nirrappurtaw f’dan ir-rigward.

Responsabbiltajiet tal-maniġment

XXI. F’konformità mal-Artikoli 310 sa 325 tat-TFUE u mar-Regolament Finanzjarju, il-maniġment huwa responsabbli mit-tħejjija u l-preżentazzjoni tal-kontijiet konsolidati tal-UE abbażi ta' standards tal-kontabbiltà għas-settur pubbliku li huma aċċettati internazzjonalment, u mil-legalità u r-regolarità tat-tranżazzjonijiet ta’ bażi. Din ir-responsabbiltà tinkludi t-tfassil, l-implimentazzjoni u ż-żamma ta' kontroll intern rilevanti għat-tħejjija u l-preżentazzjoni ta' rapporti finanzjarji li jkunu ħielsa minn kwalunkwe dikjarazzjoni skorretta materjali, sew jekk minħabba frodi u sew jekk minħabba xi żball. Il-maniġment huwa responsabbli wkoll milli jiżgura li l-attivitajiet, it-tranżazzjonijiet finanzjarji u l-informazzjoni riflessi fir-rapporti finanzjarji jkunu jikkonformaw mal-awtoritajiet li jirregolawhom. Il-Kummissjoni hija fl-aħħar mill-aħħar responsabbli għal-legalità u r-regolarità tat-tranżazzjonijiet li fuqhom huma bbażati l-kontijiet tal-UE (l-Artikolu 317 tat-TFUE). XXII. Fit-tħejjija tal-kontijiet konsolidati, il-maniġment huwa responsabbli milli jivvaluta l-kapaċità tal-UE li tkompli bħala negozju avvjat, filwaqt li jiddivulga kull kwistjoni rilevanti u juża l-bażi kontabilistika ta' negozju avvjat, dment li ma jkunx biħsiebu jillikwida l-entità jew itemm l-operazzjonijiet, jew inkella ma jkollu l-ebda alternattiva realistika ħlief li jagħmel dan. XXIII. Il-Kummissjoni hija responsabbli mis-sorveljanza tal-proċess ta’ rappurtar finanzjarju tal-UE. XXIV. Skont ir-Regolament Finanzjarju (it-Titolu XIII), l-uffiċjal tal-kontabbiltà tal-Kummissjoni jrid jippreżenta l-kontijiet konsolidati tal-UE biex jiġu awditjati, l-ewwel bħala kontijiet proviżorji sal-31 ta’ Marzu tas-sena ta’ wara u mbagħad bħala kontijiet finali sal-31 ta’ Lulju. Il-kontijiet proviżorji jridu diġà jippreżentaw stampa vera u ġusta tal-pożizzjoni finanzjarja tal-UE. Għalhekk, huwa imperattiv li l-entrati kollha tal-kontijiet proviżorji jiġu ppreżentati bħala kalkoli finali, biex b’hekk aħna nkunu nistgħu nwettqu x-xogħol tagħna f’konformità mat-Titolu XIV tar-Regolament Finanzjarju u sad-dati ta’ skadenza mogħtija. Kull bidla bejn il-kontijiet proviżorji u dawk finali normalment tirriżulta mill-osservazzjonijiet tagħna biss.

Responsabbiltajiet tal-awditur għall-awditjar tal-kontijiet konsolidati u tat-tranżazzjonijiet ta’ bażi

XXV. L-objettivi tagħna huma li niksbu aċċertament raġonevoli dwar jekk il-kontijiet konsolidati tal-UE jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari u li, fuq il-bażi tal-awditu tagħna, nipprovdu lill-Parlament Ewropew u lill-Kunsill b’dikjarazzjoni ta’ assigurazzjoni dwar l-affidabbiltà tal-kontijiet u dwar il-legalità u r-regolarità tat-tranżazzjonijiet li fuqhom huma bbażati. Aċċertament raġonevoli huwa aċċertament ta’ livell għoli, iżda mhuwiex garanzija li l-awditu jkun neċessarjament qabad il-każijiet kollha ta’ dikjarazzjoni skorretta materjali jew nuqqas ta’ konformità meta dawn ikunu jeżistu. Dawn jistgħu jiġu kkaġunati minn frodi jew minn xi żball u jitqiesu materjali jekk, individwalment jew flimkien, jistgħu jkunu mistennija, b’mod raġonevoli, li jinfluwenzaw kull deċiżjoni ekonomika li tittieħed fuq il-bażi ta’ dawn il-kontijiet konsolidati. XXVI. Għad-dħul, l-eżaminar tagħna tal-VAT u tar-riżorsi proprji bbażati fuq l-ING jieħu bħala l-punt tat-tluq tiegħu l-aggregati makroekonomiċi li fuqhom dawn jiġu kkalkulati, u jivvaluta s-sistemi tal-Kummissjoni għall-ipproċessar tagħhom sal-punt li fih il-kontribuzzjonijiet mill-Istati Membri jkunu ġew riċevuti u rreġistrati fil-kontijiet konsolidati. Għar-riżorsi proprji tradizzjonali, aħna neżaminaw il-kontijiet tal-awtoritajiet doganali u nanalizzaw il-fluss tad-dazji sakemm l-ammonti jkunu ġew riċevuti mill-Kummissjoni u rreġistrati fil-kontijiet. XXVII. Għall-infiq, aħna neżaminaw it-tranżazzjonijiet ta’ pagament ladarba l-infiq ikun ġie mġarrab, irreġistrat u aċċettat. Dan l-eżaminar ikopri l-kategoriji kollha ta' pagamenti minbarra pagamenti bil-quddiem fil-punt meta jsiru. Il-pagamenti bil-quddiem jiġu eżaminati ladarba r-riċevitur tal-fondi jkun ipprovda evidenza dwar l-użu xieraq tagħhom u l-istituzzjoni jew il-korp ikunu aċċettaw dik l-evidenza billi japprovaw il-pagament bil-quddiem, u dan jista’ jseħħ fis-sena sussegwenti. XXVIII. Bħala parti minn awditu u f’konformità mal-ISAs u l-ISSAIs, aħna neżerċitaw ġudizzju professjonali u nżommu xettiċiżmu professjonali tul l-awditu. Barra minn hekk, aħna: (a) Nidentifikaw u nivvalutaw ir-riskji ta’ dikjarazzjoni skorretta materjali tal-kontijiet konsolidati u ta’ nuqqas ta’ konformità materjali mit-tranżazzjonijiet ta’ bażi mar-rekwiżiti tal-liġi tal-UE, sew jekk minħabba frodi u sew jekk minħabba xi żball. Aħna nfasslu u nwettqu proċeduri tal-awditjar li jirrispondu għal dawk ir-riskji, u niksbu evidenza għall-awditjar li tkun suffiċjenti u adegwata biex tipprovdi bażi għall-opinjonijiet tagħna. Każijiet ta’ dikjarazzjoni skorretta materjali jew ta’ nuqqas ta’ konformità b’riżultat ta’ frodi huma aktar diffiċli biex jinqabdu minn dawk li jkunu b’riżultat ta’ żball, billi frodi tista’ tinvolvi kollużjoni, falsifikazzjoni, ommissjonijiet intenzjonali, rappreżentazzjonijiet żbaljati, jew li jinqabeż il-kontroll intern. B’konsegwenza ta’ dan, hemm riskju akbar li dawn il-każijiet ma jinqabdux. (b) Niksbu fehim tal-kontroll interni rilevanti għall-awditu sabiex infasslu proċeduri tal-awditjar li jkunu xierqa, iżda mhux bl-iskop li nagħtu opinjoni dwar l-effettività tal-kontroll interni. (c) Nevalwaw l-adegwatezza tal-politiki kontabilistiċi użati, ir-raġonevolezza tal-istimi kontabilistiċi u d-divulgazzjonijiet relatati li jsiru mill-maniġment. (d) Nilħqu konklużjoni dwar l-adegwatezza tal-użu mill-maniġment tal-bażi kontabilistika ta' negozju avvjat u, abbażi tal-evidenza għall-awditjar miksuba, dwar jekk tkunx teżisti inċertezza materjali minħabba avvenimenti jew kundizzjonijiet li jistgħu jixħtu dubju sinifikanti fuq il-kapaċità ta’ entità li tkompli bħala negozju avvjat. Jekk aħna nikkonkludu li tkun teżisti inċertezza materjali bħal din, aħna meħtieġa niġbdu l-attenzjoni, fir-rapport tagħna, għad-divulgazzjonijiet relatati fil-kontijiet konsolidati jew, jekk dawn id-divulgazzjonijiet ma jkunux adegwati, nimmodifikaw l-opinjoni tagħna. Il-konklużjonijiet tagħna huma bbażati fuq l-evidenza għall-awditjar miksuba sad-data tar-rapport tagħna. Madankollu, avvenimenti jew kundizzjonijiet futuri jistgħu jwasslu biex l-entità ma tkomplix bħala negozju avvjat. (e) Nevalwaw il-preżentazzjoni, l-istruttura u l-kontenut ġenerali tal-kontijiet konsolidati, inklużi d-divulgazzjonijiet kollha, u nivvalutaw jekk il-kontijiet konsolidati jkunux jirrappreżentaw it-tranżazzjonijiet u l-avvenimenti ta’ bażi b’mod ġust. (f) Niksbu evidenza adegwata u suffiċjenti għall-awditjar rigward l-informazzjoni finanzjarja dwar l-entitajiet koperti mill-ambitu tal-konsolidazzjoni tal-UE biex nesprimu opinjoni dwar il-kontijiet konsolidati u t-tranżazzjonijiet li fuqhom huma bbażati. Aħna għandna r-responsabbiltà li nidderieġu, nissorveljaw u nwettqu l-awditi, u aħna unikament responsabbli għall-opinjoni tal-awditjar li nagħtu. XXIX. Aħna nikkomunikaw mal-maniġment rigward, fost oħrajn, l-ambitu u t-twaqqit ippjanati tal-awditu u dwar sejbiet sinifikanti tal-awditjar, inklużi sejbiet dwar kwalunkwe defiċjenza sinifikanti fil-kontroll intern. XXX. Mill-kwistjonijiet li ddiskutejna mal-Kummissjoni u ma’ entitajiet oħra awditjati, aħna niddeterminaw dawk li kienu tal-akbar sinifikat fl-awditjar tal-kontijiet konsolidati, u li għalhekk huma l-kwistjonijiet ewlenin tal-awditjar għall-perjodu attwali. Aħna niddeskrivu dawn il-kwistjonijiet fir-rapport tagħna, dment li l-liġi jew ir-regolament ma jkunux jipprekludu d-divulgazzjoni pubblika jew meta, f’każijiet rari ħafna, aħna niddeterminaw li kwistjoni ma għandhiex tiġi kkomunikata fir-rapport tagħna minħabba li l-konsegwenzi avversi jekk dan isir ikunu mistennija, b’mod raġonevoli, li jkunu akbar mill-benefiċċji għall-interess pubbliku.

It-18 ta’ Lulju 2019

Klaus-Heiner LEHNE

President

Il-Qorti Ewropea tal-Awdituri

12, rue Alcide De Gasperi, il-Lussemburgu, IL-LUSSEMBURGU

Introduzzjoni

Ir-rwol tal-Qorti Ewropea tal-Awdituri

1.1.

Il-Qorti Ewropea tal-Awdituri hija l-awditur indipendenti tal-Unjoni Ewropea. Skont it-Trattat dwar il-Funzjonament tal-Unjoni Ewropea (TFUE), aħna: (a) nagħtu l-opinjoni tagħna dwar il-kontijiet tal-UE; (b) nivverifikaw jekk il-baġit tal-UE jintużax skont il-liġijiet u r-regolamenti applikabbli; (c) nirrappurtaw dwar jekk l-infiq tal-UE huwiex ekonomiku, effiċjenti u effettiv (9); kif ukoll (d) nagħtu parir dwar proposti għal leġiżlazzjoni b’impatt finanzjarju.

1.2.

Ix-xogħol li aħna nwettqu għad-dikjarazzjoni ta’ assigurazzjoni (spjegat fl- Anness 1.1 ) jippermettilna nilħqu l-ewwel u t-tieni objettivi ta’ hawn fuq. Fil-biċċa l-kbira mill-oqsma ta’ nfiq ewlenin tal-UE (10), ix-xogħol li nwettqu fil-qafas tar-rapport annwali jindirizza wkoll l-ekonomija, l-effiċjenza u l-effettività tal-infiq. Aħna nirrappurtaw dwar aspetti differenti tas-sistema stabbilita mill-Kummissjoni biex jiġi żgurat li l-fondi tal-UE jintnefqu sew (11). Meħud fit-totalità tiegħu, ix-xogħol tal-awditjar li nwettqu jipprovdi wkoll kontribut importanti għall-opinjonijiet li nagħtu dwar proposti għal leġiżlazzjoni.

1.3.

Dan il-kapitolu tar-rapport annwali: (a) jiddeskrivi l-kuntest għad-dikjarazzjoni ta’ assigurazzjoni tagħna u jagħti stampa ġenerali tas-sejbiet u l-konklużjonijiet tagħna dwar l-affidabbiltà tal-kontijiet u r-regolarità tat-tranżazzjonijiet; (b) jinkludi informazzjoni dwar każijiet ta’ frodi suspettata li nirrappurtaw lill-OLAF; (c) jagħti sinteżi tal-approċċ tal-awditjar tagħna (ara l- Anness 1.1 ).

L-infiq tal-UE huwa għodda sinifikanti għall-ilħuq tal-objettivi ta’ politika

1.4.

L-infiq tal-UE huwa għodda importanti – iżda mhux l-uniku wieħed – għall-ilħuq tal-objettivi ta’ politika. Għodod importanti oħra jinkludu l-użu ta’ leġiżlazzjoni u l-moviment liberu ta’ oġġetti, servizzi, kapital u persuni madwar l-UE. Fl-2018, l-infiq tal-UE ammonta għal EUR 156,7 biljun (12), li jirrappreżenta 2,2 % tal-infiq totali tal-amministrazzjonijiet pubbliċi tal-Istati Membri tal-UE u 1,0 % tal-introjtu nazzjonali gross tal-UE (ara l- Kaxxa 1.1 ). Kaxxa 1.1 L-infiq tal-UE fl-2018 bħala perċentwal tal-introjtu nazzjonali gross (ING) u tal-infiq tal-amministrazzjonijiet pubbliċi Sors: ING tal-Istati Membri: Kontijiet annwali tal-Kummissjoni Ewropea għall-2018 – Anness A – Dħul; Infiq tal-amministrazzjonijiet pubbliċi tal-Istati Membri: L-Eurostat — il-kontijiet nazzjonali annwali; l-infiq tal-UE: il-Kummissjoni Ewropea – Il-kontijiet annwali konsolidati tal-Unjoni Ewropea għall-2018.

1.5.

Il-fondi tal-UE jiġu żborżati lill-benefiċjarji jew permezz ta’ pagamenti uniċi/pagamenti akkont annwali jew permezz ta’ sensiela ta’ pagamenti fi ħdan skemi ta’ nfiq pluriennali. Il-pagamenti li saru mill-baġit tal-UE 2018 ammontaw għal EUR 126,8 (13) biljun li kienu jikkonsistu f’pagamenti uniċi, interim jew finali, kif ukoll fi prefinanzjament ta’ EUR 29,9 biljun. Kif jidher fil- Kaxxa 1.2 , l-akbar sehem mill-baġit tal-UE, ġie allokat għall-Intestatura “Riżorsi naturali” segwita mill-Intestatura “Koeżjoni” u “Kompetittività”. Kaxxa 1.2 Pagamenti fl-2018 skont l-intestatura tal-Qafas Finanzjarju Pluriennali (QFP) QFP 1a – Kompetittività għat-tkabbir u l-impjiegi (“Kompetittività”) QFP 1b – Koeżjoni ekonomika, soċjali u territorjali (“Koeżjoni”) QFP 2 – Riżorsi naturali QFP 3 – Sigurtà u ċittadinanza QFP 4 – Ewropa Globali QFP 5 – Amministrazzjoni QFP 6 – Kumpensi (“Oħrajn”) Sors: Il-QEA.

Sejbiet tal-awditjar għas-sena finanzjarja 2018

Affidabbiltà tal-kontijiet

Il-kontijiet kienu ma kinux affettwati minn dikjarazzjonijiet skorretti materjali

1.6.

L-osservazzjonijiet tagħna jikkonċernaw il-kontijiet konsolidati (il-“kontijiet”) (14) tal-Unjoni Ewropea għas-sena finanzjarja 2018. Aħna rċevejniehom, flimkien mal-ittra tar-rappreżentazzjonijiet tal-uffiċjal tal-kontabbiltà, fis-26 ta’ Ġunju 2019, qabel id-data finali għall-preżentazzjoni stabbilita bir-Regolament Finanzjarju (15). Il-kontijiet huma akkumpanjati minn “Diskussjoni u Analiżi tar-Rapport Finanzjarju” (16). Din l-analiżi mhijiex koperta mill-opinjoni tal-awditjar tagħna. Madankollu, skont l-istandards tal-awditjar, aħna wettaqna valutazzjoni tal-konsistenza tagħha mal-informazzjoni fil-kontijiet.

1.7.

Il-kontijiet ippubblikati mill-Kummissjoni juru li, fil-31 ta’ Diċembru 2018, l-obbligazzjonijiet totali kienu jammontaw għal EUR 235,9 biljun meta mqabbla ma’ assi totali ta’ EUR 174,4 biljun. Ir-riżultat ekonomiku għall-2018 huwa ta’ EUR 13,9 biljun.

1.8.

L-awditu tagħna sab li l-kontijiet ma kinux affettwati minn dikjarazzjonijiet skorretti materjali. L-osservazzjonijiet tagħna dwar il-ġestjoni finanzjarja u baġitarja tal-fondi tal-UE huma ppreżentati fil-Kapitolu 2.

Kwistjonijiet ewlenin tal-awditjar relatati mar-rapporti finanzjarji 2018

1.9.

Il-kwistjonijiet ewlenin tal-awditjar huma dawk li, fil-ġudizzju professjonali tagħna, kienu tal-akbar sinifikat fl-awditu li wettaqna tar-rapporti finanzjarji tal-perjodu attwali. Dawn il-kwistjonijiet ġew indirizzati fil-kuntest tal-awditu tagħna tar-rapporti finanzjarji fl-intier tagħhom kif ukoll aħna u nifformulaw l-opinjonijiet tagħna dwarhom, iżda ma nipprovdux opinjoni separata dwar dawn il-kwistjonijiet. Skont l-Istandard Internazzjonali tal-Istituzzjonijiet Supremi tal-Awditjar (ISSAI) 1701, aħna nirrappurtaw dwar kwistjonijiet ewlenin tal-awditjar fid-dikjarazzjoni ta’ assigurazzjoni tagħna.

Regolarità tat-tranżazzjonijiet

1.10.

Aħna neżaminaw id-dħul u l-infiq tal-UE biex nivvalutaw jekk dawn ikunux konformi mal-liġijiet u r-regolamenti applikabbli. Ir-riżultati tal-awditjar tagħna għad-dħul huma ppreżentati fil-Kapitolu 4 u għall-infiq fil-Kapitoli 5 sa 10.

L-awditu li wettaqna jkopri l-infiq li ġie aċċettat mill-Kummissjoni fl-2018

1.11.

Biex inwettqu l-awditu tagħna, aħna eżaminajna t-tranżazzjonijiet li fuqhom huma bbażati l-kontijiet tal-UE. Għall-infiq, dawn kienu jinkludu trasferimenti ta’ fondi mill-baġit tal-UE lir-riċevituri finali tal-infiq tal-UE. Aħna neżaminaw l-infiq fil-mument meta r-riċevituri finali tal-fondi tal-UE jkunu wettqu attivitajiet jew ġarrbu spejjeż, u meta l-Kummissjoni tkun aċċettat l-infiq (“infiq aċċettat”). Fil-prattika, dan ifisser li l-popolazzjoni tagħna ta’ tranżazzjonijiet tkopri l-pagamenti interim u dawk finali. Aħna ma eżaminajniex l-ammonti prefinanzjati ħlief jekk kienu ġew approvati fl-2018.

1.12.

Bħalma ġie enfasizzat fir-Rapport Annwali 2017 tagħna, il-modifiki għal-leġiżlazzjoni settorjali tal-perjodu 2014-2020 għal “Koeżjoni” kellhom impatt fuq dak li l-Kummissjoni tqis li huwa “infiq aċċettat” f’dan il-qasam (17). Għaldaqstant, mill-2017 ’l hawn, il-popolazzjoni li awditjajna għal din l-intestatura tal-QFP tikkonsisti f’pagamenti finali (inklużi prefinanzjamenti li kienu ġew approvati) għall-perjodu 2007-2013 u fi nfiq inkluż fil-kontijiet li jiġu aċċettati mill-Kummissjoni fuq bażi annwali, għall-perjodu 2014-2020 (ara l-paragrafi 2 sa 4 tal- Anness 1.1 u l-paragrafi 6.7-6.8). Dan ifisser li aħna ttestjajna tranżazzjonijiet li għalihom l-Istati Membri kienu implimentaw l-azzjonijiet korrettivi rilevanti kollha li rriżultaw minn żbalji li huma stess kienu identifikaw.

1.13.

Il- Kaxxa 1.3 turi r-ripartizzjoni tal-popolazzjoni li awditjajna għall-2018 f’pagamenti uniċi, interim (fejn ikunu ġew aċċettati mill-Kummissjoni) u finali, approvazzjonijiet ta’ prefinanzjamenti u deċiżjonijiet annwali dwar l-aċċettazzjoni tal-kontijiet. Il-popolazzjoni li awditjajna għall-2018 kellha valur totali ta’ EUR 120,6 biljun. Għall-“Koeżjoni”, il-pagamenti interim li saru fl-2018 għall-perjodu 2014-2020 se jiġu inklużi fil-popolazzjoni tagħna f’sena aktar ’il quddiem ladarba l-kontijiet ikunu ġew aċċettati mill-Kummissjoni u approvati permezz ta’ deċiżjoni annwali. Kaxxa 1.3 Tqabbil bejn il-popolazzjoni li awditjajna (EUR 120,6 biljun) u l-infiq tal-UE (EUR 156,7 biljun) skont l-intestatura tal-QFP fl-2018 (1) Minħabba l-arrotondament, il-pagamenti għal kull intestatura tal-QFP jammontaw għal 156,6 minflok 156,7. Text to be separated (2) Għal “Koeżjoni”, l-ammont ta’ EUR 47,4 biljun f’prefinanzjamenti jinkludi pagamenti interim għall-perjodi ta’ programmazzjoni 2007-2013 u 2014-2020 li jammontaw għal EUR 37,4 biljun. F’konformità mal-approċċ tagħna għal dan il-qasam, dawn il-pagamenti ma jagħmlux parti mill-popolazzjoni li awditjajna għar-Rapport Annwali 2018. Sors: Il-QEA.

1.14.

Il- Kaxxa 1.4 turi li l-Intestatura “Riżorsi naturali” tikkostitwixxi l-akbar sehem mill-popolazzjoni kumplessiva tagħna (48,2 %), segwita minn “Koeżjoni” (19,6 %) u “Kompetittività” (14,8 %). Kaxxa 1.4 Sors: Il-QEA.

Ir-riżultati tal-awditjar tagħna għall-2018 juru li l-iżbalji huma limitati għal tipi speċifiċi ta’ nfiq

1.15.

F’dak li jikkonċerna r-regolarità tad-dħul u l-infiq tal-UE, is-sejbiet ewlenin tagħna kienu: (a) Id-dħul kien ħieles minn żball materjali. B’mod ġenerali, is-sistemi relatati mad-dħul li eżaminajna kienu effettivi, iżda l-kontrolli interni ewlenin tar-riżorsi proprji tradizzjonali (RPT) li vvalutajna fil-Kummissjoni u f’ċerti Stati Membri kienu parzjalment effettivi (ara l-paragrafu 4.22); (b) Għall-infiq, l-evidenza kumplessiva tagħna għall-awditjar tindika li l-livell ta’ żball kien materjali. Aħna nistmaw li l-livell kumplessiv ta’ żball fl-infiq huwa ta’ 2,6 % (18), iżda l-iżbalji materjali kienu limitati għal infiq li kien suġġett għal regoli kumplessi (prinċipalment ibbażat fuq rimborżi) (ara l-paragrafi 1.19–1.21), li jirrappreżenta madwar 50,6 % tal-popolazzjoni li awditjajna. Il-livell kumplessiv ta’ żball stmat minna żdied kemxejn meta mqabbel mas-sena li għaddiet (ara l- Kaxxa 1.5 ). Kaxxa 1.5 Il-livell ta’ żball stmat (2016 sa 2018) Sors: Il-QEA. Żball huwa l-ammont ta’ flus li ma kellux jitħallas mill-baġit tal-UE, għaliex ma ntużax skont ir-regoli tal-UE u għaldaqstant la jikkonforma ma’ dak li l-Kunsill u l-Parlament riedu jfissru bil-leġiżlazzjoni kkonċernata tal-UE u lanqas ma jikkonforma mar-regoli nazzjonali speċifiċi fl-Istati Membri.

Il-kumplessità tar-regoli u l-mod kif il-fondi tal-UE jiġu żborżati għandhom impatt fuq ir-riskju ta’ żball

1.16.

B’segwitu għal analiżi tar-riskju bbażata fuq riżultati tal-awditjar preċedenti, aħna qsamna l-popolazzjoni li awditjajna tat-tranżazzjonijiet ta’ bażi fi nfiq b’riskju għoli u nfiq b’riskju baxx. Ir-riżultati tal-awditjar tagħna għall-2018 jikkonfermaw is-sejbiet tagħna mis-snin preċedenti: jiġifieri, li l-mod kif il-fondi jiġu żborżati għandu impatt fuq ir-riskju ta’ żball. — Ir-riskju ta’ żball għall-infiq li jkun suġġett għal regoli kumplessi huwa għoli. Dan huwa l-każ prinċipalment għal pagamenti bbażati fuq rimborżi fejn il-benefiċjarji jridu jippreżentaw klejms għal spejjeż eliġibbli li jkunu ġarrbu. Għal din il-fini, kif ukoll biex juru li huma jkunu involuti f’attività eliġibbli għall-appoġġ, huma jridu jipprovdu informazzjoni li turi l-ispejjeż imġarrba li għalihom huma jistgħu jikklejmjaw rimborż. Meta jagħmlu dan, huma jridu jsegwu regoli kumplessi rigward x’jista’ jiġi kklejmjat (eliġibbiltà) u kif l-ispejjeż jistgħu jiġġarrbu b’mod xieraq (akkwist pubbliku jew regoli dwar l-għajnuna mill-Istat). — Ir-riskju ta’ żball huwa aktar baxx għal infiq li jkun suġġett għal regoli simplifikati/inqas kumplessi. Dan it-tip ta’ nfiq jinkludi prinċipalment pagamenti ibbażati fuq drittijiet, fejn il-benefiċjarji jirċievu pagament jekk jissodisfaw ċerti kundizzjonijiet. Pagamenti bħal dawn jirrappreżentaw riskju aktar baxx ta’ żball jekk il-kundizzjonijiet stabbiliti ma jkunux kumplessi żżejjed.

1.17.

Fl-2018, aħna komplejna nsibu li l-infiq b’riskju baxx (prinċipalment ibbażat fuq drittijiet) (19) kien ħieles minn żball materjali, iżda li l-infiq b’riskju għoli (prinċipalment ibbażat fuq rimborżi) kompla jkun milqut minn żball materjali (ara l- Kaxxa 1.6 ). Kaxxa 1.6 Ripartizzjoni għall-2018 bejn infiq b’riskju baxx u nfiq b’riskju għoli Sors: Il-QEA.

Madwar 50 % tal-popolazzjoni li awditjajna huwa ħieles minn żball materjali

1.18.

Ibbażat fuq ix-xogħol ta’ awditjar tagħna, għal 49,4 % tal-popolazzjoni li awditjajna, aħna nikkonkludu li l-livell ta’ żball stmat huwa taħt is-soll ta’ materjalità ta’ 2 %, kif kien fl-2017. Infiq b’riskju baxx jinkludi prinċipalment il-pagamenti bbażati fuq drittijiet u n-nefqa amministrattiva (ara l- Kaxxa 1.7 ). Il-pagamenti bbażati fuq drittijiet jinkludu fellowships għall-istudenti u għar-riċerka (“Kompetittività” – il-Kapitolu 5), għajnuna diretta għal bdiewa (“Riżorsi naturali” – il-Kapitolu 7) u appoġġ baġitarju lil pajjiżi terzi (“Ewropa globali” – il-Kapitolu 9). In-nefqa amministrattiva tinkludi prinċipalment is-salarji u l-pensjonijiet tal-ħaddiema taċ-ċivil tal-UE (“Amministrazzjoni” – il-Kapitolu 10). Kaxxa 1.7 Ripartizzjoni tal-infiq b’riskju baxx u b’riskju għoli skont l-intestatura tal-QFP (1) (1) Minħabba l-arrotondament, l-infiq b’riskju baxx jammonta għal 59,5 minflok 59,6. Sors: Il-QEA.

L-iżball materjali jippersisti fl-infiq li jkun suġġett għal kundizzjonijiet ta' eliġibbiltà kumplessi

1.19.

Fejn kienu ġew stabbiliti kundizzjonijiet kumplessi, aħna sibna riskju għoli ta’ żball. Dan japplika għall-infiq ibbażat fuq rimborżi u għal proporzjon żgħir tal-infiq ibbażat fuq drittijiet fejn kundizzjonijiet kumplessi japplikaw (ċerti skemi ta’ żvilupp rurali). Dan it-tip ta’ nfiq b’riskju għoli jirrappreżenta madwar 50,6 % tal-popolazzjoni li awditjajna. Aħna nistmaw li l-livell ta’ żball f’dan it-tip ta’ nfiq huwa ta’ 4,5 % (2017: 3,7 %), li huwa ogħla mis-soll ta’ materjalità ta’ 2 % (ara l- Kaxxa 1.6 ).

1.20.

Il-biċċa l-kbira mill-fondi tal-UE bbażati fuq rimborżi jintnefqu fuq proġetti ta’ riċerka (“Kompetittività” – il-Kapitolu 5), proġetti relatati mal-impjieg (“Koeżjoni” – il-Kapitolu 6), proġetti fl-iżvilupp reġjonali u rurali (“Koeżjoni” – il-Kapitolu 6 u “Riżorsi naturali” – il-Kapitolu 7) u proġetti ta’ żvilupp f’pajjiżi terzi (Ewropa Globali – il-Kapitolu 9) (ara l- Kaxxa 1.7 ).

1.21.

Din il-kumplessità twassal għal żbalji li jaffettwaw il-konklużjoni tagħna għal “Kompetittività” (ara l-paragrafu 5.35), għal “Koeżjoni” (ara l-paragrafu 6.71), u għal “Riżorsi naturali” (ara l-paragrafu 7.37).

Aħna sibna li l-infiq fuq “Kompetittività”, “Koeżjoni” u “Riżorsi naturali” huwa milqut minn livell materjali ta’ żball

1.22.

Din is-sena, bħalma għamilna fl-2017, aħna nipprovdu valutazzjoni speċifika għal erba’ intestaturi tal-QFP: “Kompetittività”, “Koeżjoni”, “Riżorsi naturali” u “Amministrazzjoni”.

1.23.

Aħna ma nistmawx il-livelli ta’ żball għal oqsma oħra ta’ nfiq, inklużi “Sigurtà u ċittadinanza” (il-Kapitolu 8) u “Ewropa Globali” (il-Kapitolu 9). B’kollox, l-infiq kopert mid-dikjarazzjoni ta’ assigurazzjoni tagħna f’dawn iż-żewġ oqsma ammonta għal EUR 11,0 biljun (9,1 % tal-infiq kopert mill-awditu tagħna). Ix-xogħol li twettaq f’dawn l-oqsma jkompli jikkontribwixxi għall-konklużjonijiet kumplessivi tagħna dwar l-2018.

1.24.

“Kompetittività” (il-Kapitolu 5): il-livell ta’ żball stmat minna huwa aktar baxx minn dak fl-aħħar sentejn. Bħal fi snin preċedenti, in-nefqa għar-riċerka jibqa’ riskju għoli u huwa s-sors prinċipali ta’ żball. L-iżbalji maqbuda fl-infiq fuq ir-riċerka jinkludu kategoriji differenti ta’ spejjeż ineliġibbli (b’mod partikolari, spejjeż diretti għall-persunal u spejjeż diretti oħra u spejjeż indiretti u spejjeż relatati mas-sottokuntrattar).

1.25.

“Koeżjoni” (il-Kapitolu 6): in-nefqa f’dan il-qasam hija ddominata minn rimborżi. It-tipi prinċipali ta’ żball li nqabad mill-awtoritajiet tal-awditjar kienu relatati ma’ spejjeż ineliġibbli u ksur tar-regoli tal-akkwist pubbliku. Għal dawn l-iżbalji, l-awtoritajiet tal-Istati Membri applikaw korrezzjonijiet bil-ħsieb li jnaqqsu r-rati tal-iżball residwu għall-programmi li huma taħt is-soll ta’ materjalità ta’ 2 %. Madankollu, aħna sibna wkoll żbalji li l-awtoritajiet tal-awditjar ma kinux qabdu, bħal ksur tar-regoli tal-UE dwar l-għajnuna mill-Istat. La l-Istati Membri u lanqas, sa issa, il-Kummissjoni ma applikaw korrezzjonijiet għal dawn l-iżbalji. Ibbażat fuq l-iżbalji li nqabdu mill-awtoritajiet tal-awditjar jew minna nfusna, u wara li qisna l-korrezzjonijiet finanzjarji rilevanti kollha, aħna nistmaw li l-livell ta’ żball huwa materjali.

1.26.

“Riżorsi naturali” (il-Kapitolu 7): fl-intier tiegħu, dan il-qasam huwa milqut minn livell materjali ta’ żball. Madankollu, il-pagamenti diretti mill-Fond Agrikolu Ewropew ta’ Garanzija (FAEG), li jirrappreżentaw 71,8 % tal-infiq f’dan il-qasam, huma ħielsa minn żball materjali. Il-pagamenti diretti lill-bdiewa huma bbażati fuq drittijiet u jibbenefikaw minn regoli simplifikati relatati mal-eliġibbiltà tal-art u minn sistema ta’ kontroll effettiva (SIAK – Sistema Integrata ta’ Amministrazzjoni u Kontroll), li tippermetti li jsiru kontroverifiki awtomatizzati bejn databases differenti. Aħna nkomplu nsibu livell materjali ta’ żball fl-oqsma l-oħra ta’ nfiq (żvilupp rurali, miżuri tas-suq taħt il-FAEG, sajd, ambjent u azzjoni klimatika). In-nefqa f’dawn l-oqsma tieħu l-forma prinċipalment ta’ rimborż tal-ispejjeż u hija suġġetta għal kundizzjonijiet kumplessi ta’ eliġibbiltà. Il-benefiċjarji ineliġibbli, l-attivitajiet jew spejjeż iddikjarati u l-forniment ta’ informazzjoni impreċiża dwar l-erjas jew l-annimali jirrappreżentaw aktar minn nofs il-livell ta’ żball stmat għal din l-intestatura tal-QFP.

1.27.

“Amministrazzjoni” (il-Kapitolu 10): dan il-qasam huwa ħieles minn żball materjali. Il-biċċa l-kbira min-nefqa amministrattiva ssir fil-forma ta’ salarji, pensjonijiet u allowances imħallsa mill-istituzzjonijiet u l-korpi tal-UE.

L-iżbalji ta’ eliġibbiltà jkomplu jkunu l-aktar li jikkontribwixxu għal-livell ta’ żball stmat għal infiq li jkun suġġett għal regoli kumplessi

1.28.

Bħal fi snin reċenti, aħna ffukajna aktar mill-qrib fuq it-tipi ta’ żball li jinstabu fi’ nfiq li jkun suġġett għal regoli kumplessi (prinċipalment ibbażat fuq rimborżi), billi dan huwa l-qasam fejn jippersisti livell materjali ta’ żball. Il- Kaxxa 1.8 tipprovdi ripartizzjoni tal-livell ta’ żball stmat għall-2018, li huwa ta’ 4,5 %, għall-infiq b’riskju għoli (prinċipalment ibbażat fuq rimborżi) skont it-tip ta’ żball. Hija tipprovdi wkoll iċ-ċifri korrispondenti għall-istimi għall-2017 (3,7 %) u għall-2016 (4,8 %). Kaxxa 1.8 Kontribut għal-livell ta’ żball stmat għall-2018, permezz ta’ infiq b’riskju għoli (prinċipalment ibbażat fuq rimborżi), skont it-tip ta’ żball Sors: Il-QEA.

1.29.

L-akbar kontributuri għal-livell ta’ żball stmat minna għall-2018 għal infiq b’riskju għoli kienu “Koeżjoni” (43,0 %), segwit bi “Żvilupp rurali, miżuri tas-suq taħt il-FAEG, sajd, ambjent u azzjoni klimatika” taħt “Riżorsi naturali” (30,2 %),“Kompetittività” (12,2 %) u “Ewropa Globali” (4,5 %).

1.30.

Bħal fi snin preċedenti, l-iżbalji ta’ eliġibbiltà (jiġifieri spejjeż ineliġibbli li kienu inklużi fil-klejms għall-ispejjeż, u fi proġetti, attivitajiet jew benefiċjarji ineliġibbli) kienu dawl li l-aktar li kkontribwew għal-livell ta’ żball stmat għall-infiq b’riskju għoli. Madankollu, l-impatt tagħhom kien inqas minn dak tal-2017 (2018: 68 %; 2017: 93 %). Dan kien minħabba li fl-2018 aħna sibna għadd sinifikattivament ogħla ta’ żbalji fir-rigward tal-akkwist pubbliku, ir-regoli dwar l-għajnuna mill-Istat u l-proċeduri ta’ aġġudikazzjoni ta’ għotjiet. Dawn l-iżbalji kkontribwew 16 % tal-livell ta’ żball stmat minna għal infiq b’riskju għoli (2017: 1 %) u kienu prinċipalment f’“Koeżjoni” u f’“Riżorsi naturali”.

1.31.

Din is-sena, in-nefqa aċċettata taħt il-Fond Ewropew għall-Iżvilupp Reġjonali (FEŻR) u l-Fond ta’ Koeżjoni kienet magħmula minn 74 % tan-nefqa totali għal “Koeżjoni”. Operazzjonijiet ikkofinanzjati minn dawn il-fondi huma aktar suxxettibbli għal żbalji relatati mal-akkwist pubbliku (ara l-paragrafi 6.26-6.28).

1.32.

“Koeżjoni” u “Riżorsi naturali” irrappreżentaw il-biċċa l-kbira mill-iżbalji amministrattivi li saru minn korpi intermedjarji (20) (ara l-kategorija “oħrajn” fil- Kaxxa 6.2 u l-kategorija “żbalji amministrattivi” fil- Kaxxa 7.2 ). Dawn l-iżbalji jinkludu kalkoli ta’ għajnuna skorretti.

L-informazzjoni dwar ir-regolarità pprovduta mill-Kummissjoni

1.33.

Skont l-Artikolu 317 tat-TFUE, il-Kummissjoni hija fl-aħħar mill-aħħar responsabbli għall-implimentazzjoni tal-baġit tal-UE u timmaniġġja l-infiq tal-UE f’kooperazzjoni mal-Istati Membri (21). Il-Kummissjoni tagħti rendikont tal-azzjonijiet tagħha fi tliet rapporti, li huma inklużi fil-“Pakkett ta’ Rappurtar Finanzjarju Integrat” (22): (a) Il-kontijiet konsolidati tal-UE (proviżorji f’Marzu; finali f’Ġunju); (b) Ir-Rapport Annwali dwar il-Ġestjoni u l-Prestazzjoni (AMPR) għall-baġit tal-UE (l-ebda verżjoni proviżorja; verżjoni finali f’Ġunju); (c) Ir-rapport dwar is-segwitu għall-kwittanza tas-sena finanzjarja preċedenti (Lulju).

1.34.

Taħt l-istrateġija tagħna għall-2018-2020, aħna ddeċidejna li nibbażaw id-dikjarazzjoni ta’ assigurazzjoni tagħna fuq approċċ ta’ attestazzjoni, li jfisser li fil-futur, aħna għandna l-intenzjoni li nipprovdu aċċertament dwar id-dikjarazzjoni magħmula mill-(maniġment tal-) Kummissjoni. Dan jibni fuq l-esperjenza li akkwistajna mill-1994 ’il hawn fl-applikazzjoni ta’ dan l-approċċ waqt l-awditjar tal-affidabbiltà tal-kontijiet. Għar-regolarità tat-tranżazzjonijiet li fuqhom huma bbażati l-kontijiet, aħna qed naħdmu mal-Kummissjoni biex nistabbilixxu l-kundizzjonijiet meħtieġa biex isir progress lejn dan l-approċċ. Element importanti huwa d-disponibbiltà ta’ informazzjoni f’waqtha, kemm għall-kompilazzjoni tad-dokumenti kif ukoll għat-twettiq tal-awditjar (23).

L-istima mill-Kummissjoni tal-livell ta’ żball hija kemxejn taħt il-firxa indikata minna

1.35.

Fl-AMPR, għat-tranżazzjonijiet li fuqhom huma bbażati l-kontijiet għall-2018, il-Kummissjoni tippreżenta l-valutazzjoni tagħha tar-riskju meta jsir il-pagament. Ir-riskju meta jsir il-pagament jirrappreżenta l-istima mill-Kummissjoni tal-ammont, imħallas mhux skont ir-regoli applikabbli fil-mument meta jsir il-pagament. Dan il-kunċett huwa l-eqreb għal-livell ta’ żball stmat minna.

1.36.

Il- Kaxxa 1.9 tippreżenta ċ-ċifri ppreżentati mill-Kummissjoni għar-riskju meta jsir il-pagament flimkien mal-firxa tal-livell ta’ żball stmat minna. L-istima mill-Kummissjoni tar-riskju meta jsir il-pagament għall-2018 hija kemxejn taħt il-firxa indikata minna, jiġifieri ta’ 1,7 %. Il-livell ta’ żball stmat minna huwa ta’ 2,6 % (2017: 2,4 %) f’firxa ta’ bejn 1,8 % u 3,4 %. Kaxxa 1.9 L-istima mill-Kummissjoni għar-riskju meta jsir il-pagament bi tqabbil mal-istima tagħna Sors: Il-QEA.

Il-komponenti individwali tal-istima mill-Kummissjoni mhux dejjem jikkonformaw mas-sejbiet tagħna

1.37.

Il-Kummissjoni tuża d-dikjarazzjonijiet ta’ assigurazzjoni li jsiru mid-diretturi ġenerali tagħha fir-rapporti annwali tal-attività (RAA) tagħhom bħala l-bażi għall-valutazzjoni kumplessiva tar-riskju meta jsir il-pagament għall-oqsma ta’ politika differenti. Ir-riskju meta jsir il-pagament huwa bbażat prinċipalment fuq ir-riżultati tal-kontrolli ex post li jitwettqu mill-Kummissjoni f’oqsma taħt ġestjoni diretta jew indiretta jew minn awtoritajiet nazzjonali f’oqsma taħt ġestjoni kondiviża. Il- Kaxxa 1.10 turi l-bażi għall-istabbiliment tar-riskju meta jsir il-pagament għall-oqsma differenti ta’ nfiq. Kaxxa 1.10 Bażi għall-istima mill-Kummissjoni tar-riskju meta jsir il-pagament — “Kompetittività” - Għal Orizzont 2020, is-Servizz tal-Awditjar Komuni (CAS) tal-Kummissjoni jislet kampjun rappreżentattiv tad-dikjarazzjonijiet tal-ispejjeż bħala medja kull 18-il xahar. Huwa jistma r-riskju meta jsir il-pagament abbażi tar-riżultati tal-awditi li ġew ikkompletati sa tmiem l-2018. Għall-istima tal-2018, id-Direttorati Ġenerali għar-riċerka użaw ir-riżultati tal-awditjar ibbażati fuq kampjuni ta’ nefqa mill-bidu tal-programm sa tmiem Frar 2018. Għas-seba’ Programm Kwadru (il-predeċessur ta’ Orizzont 2020), ir-riżultati tal-awditjar jirreferu għan-nefqa li ġġarbet fis-snin qabel l-2016. — “Koeżjoni” – Il-biċċa l-kbira min-nefqa għall-2018 kienet għadha ma għaddietx miċ-ċiklu kollu ta’ kontroll. Id-DĠ REGIO u d-DĠ EMPL għaldaqstant stmaw ir-riskju meta jsir il-pagament billi applikaw jew ir-rata tal-iżball residwu totali kkonfermata għan-nefqa (nefqa mis-sena kontabilistika 2016-2017) inkella r-rata tal-iżball residwu totali rrappurtata mill-awtoritajiet tal-awditjar għas-sena kontabilistika 2017-2018, skont liema kienet l-ogħla. — “Riżorsi naturali” – Id-DĠ AGRI juża l-istatistika ta’ kontroll nazzjonali li huwa jirċievi mill-aġenziji tal-pagamenti. Huwa jagħmel ukoll aġġustamenti bbażati fuq ir-riżultati tal-awditjar ta’ korpi taċ-ċertifikazzjoni, u fuq il-kontrolli proprji u l-ġudizzju professjonali tiegħu, biex jasal għar-rata ta’ żball aġġustata għal pagamenti diretti, żvilupp rurali u miżuri tas-suq. — “Ewropa Globali” – Il-Kummissjoni tibbaża l-istima tagħha tar-riskju meta jsir il-pagament għal dan il-qasam prinċipalment fuq studju dwar ir-Rata tal-Iżball Residwu kkummissjonat kull sena mid-DĠ DEVCO u d-DĠ NEAR. L-objettiv ta’ dan l-istudju huwa li jistma l-livell ta’ żball li ma jkunx inqabad mill-ebda kontroll ta’ ġestjoni. L-istudju dwar ir-Rata tal-Iżball Residwu għal sena partikolari (is-sena n) huwa bbażat fuq kuntratti li ngħalqu mill-1 ta’ Settembru tas-sena n-1 sal-31 ta’ Awwissu tas-sena n. L-istudju jeskludi dawk il-kuntratti li għalihom it-tranżazzjonijiet ta’ bażi jmorru lura għal aktar minn ħames snin kif ukoll dawk li għalihom mhuwiex possibbli li jsir ix-xogħol meħtieġ. — “Amministrazzjoni” – Ir-riskju meta jsir il-pagament huwa bbażat fuq ir-riżultati tal-kontrolli fuq in-nefqa għall-2018.

1.38.

Il-Kummissjoni tippreżenta r-riskju għal ragruppament speċifiku ta’ oqsma ta’ politika aktar milli għal kull intestatura tal-QFP (24). Fil- Kaxxa 1.11 , aħna nagħmlu tqabbil tal-livell ta’ żball stmat għal dawk l-intestaturi tal-QFP li għalihom aħna nipprovdu valutazzjoni speċifika mal-komponenti individwali tal-istima kumplessiva li ssir mill-Kummissjoni. Aħna ħadna kont tad-differenza bejn il-mod li aħna nistmaw il-livell ta’ żball u l-mod kif il-Kummissjoni tippreżenta ċ-ċifri tagħha fl-AMPR (25). Kaxxa 1.11 Il-livell ta’ żball stmat minna bi tqabbil mar-riskju meta jsir il-pagament stmat mill-Kummissjoni għall-intestaturi tal-QFP (4) (1) Id-Direttorati Ġenerali u s-servizzi tal-Kummissjoni: CNECT, EAC, EASME, ECFIN, ENER, ERCEA, FISMA, GROW, INEA, MOVE, REA, RTD u TAXUD. Ċerti Direttorati Ġenerali ġew allokati aktar minn intestatura waħda tal-QFP (EACEA, ECHO u INEA). (2) Id-DĠ REGIO, INEA u d-DĠ EMPL (3) Id-Direttorati Ġenerali AGRI, CLIMA, ENV u MARE. (4) Għan-nefqa amministrattiva, la aħna u lanqas il-Kummissjoni ma sibna livell materjali ta’ żball.

1.39.

Aħna sibna li: — għal “Kompetittività”, l-istima kumplessiva tar-riskju meta jsir il-pagament għall-intestatura tal-QFP (1,6 %), li aħna kkalkulajna abbażi tal-informazzjoni inkluża fl-AMPR, hija fi ħdan il-firxa tal-livell ta’ żball stmat minna (ara l-paragrafi 5.36 u 5.38). — għal “Koeżjoni”, l-istima kumplessiva tal-Kummissjoni għall-intestatura tal-QFP (26) hija ta’ 1,7 %, u tinsab taħt il-firxa tal-livell ta’ żball stmat minna (ara l-paragrafi 6.56 u 6.74). — għal “Riżorsi naturali”, l-istima kumplessiva tar-riskju meta jsir il-pagament għall-intestatura tal-QFP (2,1 %), li aħna kkalkulajna abbażi tal-informazzjoni inkluża fl-AMPR, kif ukoll l-istima tal-Kummissjoni għall-infiq taħt il-PAK fl-intier tiegħu u għall-pagamenti diretti, huma konsistenti mal-konklużjoni tagħna (ara l-paragrafi 1.38 u 7.37-7.38).

Ir-riskju meta jsir l-għeluq jiddependi fuq l-istimi tal-korrezzjonijiet u tal-irkupri futuri

1.40.

Il-Kummissjoni tippreżenta indikatur addizzjonali tar-regolarità fl-AMPR imsejjaħ ir-riskju meta jsir l-għeluq. Dan jikkorrispondi għar-riskju meta jsir il-pagament (ara l-paragrafu 1.36), bit-tnaqqis tal-korrezzjonijiet u l-irkupri futuri stmati li l-maniġers tal-fondi tal-UE jistennew li jagħmlu fir-rigward tal-infiq għall-2018 matul is-sena/snin li jmiss tal-programmi attwali.

1.41.

Biex tħejji stima tal-korrezzjonijiet u l-irkupri futuri, il-Kummissjoni tuża medja storika bbażata fuq it-tranżazzjonijiet li jkunu saru matul is-snin preċedenti. Biex tiżgura li din tkun rilevanti għall-programmi attwali, il-gwida interna tal-Kummissjoni tirrikjedi li d-DĠ jaġġustaw il-medji storiċi jew jużaw metodu ieħor ta’ stima kif ikun xieraq, u jiddivulgaw dawn l-aġġustamenti u l-approċċ li jkunu ħadu fir-RAA tagħhom. Fl-2018, il-biċċa l-kbira mid-DĠ tal-Kummissjoni aġġustaw il-medji storiċi tagħhom.

Aħna nirrappurtaw każijiet ta’ frodi suspettata lill-OLAF

1.42.

Aħna nikkooperaw mill-qrib mal-Uffiċċju Ewropew ta’ Kontra l-Frodi (OLAF) fil-ġlieda kontra l-frodi fil-baġit tal-UE. Aħna ngħaddu lill-OLAF kwalunkwe suspett ta’ frodi, korruzzjoni jew attività illegali oħra li taffettwa l-interessi finanzjarji tal-UE, li nidentifikaw matul ix-xogħol tal-awditjar tagħna (inkluż ix-xogħol tagħna dwar il-prestazzjoni) jew fuq il-bażi tal-informazzjoni pprovduta lilna direttament minn partijiet terzi. L-OLAF imbagħad iwettaq segwitu ta’ dawn il-każijiet, jiddeċiedi jekk għandhiex titnieda investigazzjoni u jikkoopera kif meħtieġ mal-awtoritajiet tal-Istati Membri.

1.43.

Fl-2018: (a) aħna vvalutajna r-regolarità ta’ 728 tranżazzjoni fil-qafas tax-xogħol tal-awditjar li wettaqna għar-rapport annwali u ħriġna 35 rapport speċjali; (b) aħna rrappurtajna lill-OLAF 9 każijiet ta’ frodi suspettata li nstabu matul l-awditi tagħna (13 fl-2017); ma għaddejna l-ebda każ lill-OLAF ibbażat fuq informazzjoni li kienet ġiet ipprovduta minn partijiet terzi (6 fl-2017).

1.44.

Il-każijiet ta’ frodi suspettata li rriżultaw mix-xogħol tagħna fl-2018 li għaddejna lill-OLAF spiss kienu jikkonċernaw is-suspetti ta’ ħolqien artifiċjali tal-kundizzjonijiet meħtieġa biex jinkiseb finanzjament mill-UE, id-dikjarazzjoni ta’ spejjeż li ma jissodisfawx il-kriterji ta’ eliġibbiltà, jew l-irregolaritajiet fl-akkwist. Xi wħud mill-każijiet ta’ frodi suspettata li aħna rrappurtajna lill-OLAF kienu jinvolvu bosta irregolaritajiet.

1.45.

Fl-2018, aħna għaddejna disa’ każijiet lill-OLAF li rriżultaw mix-xogħol tal-awditjar tagħna. L-OLAF fetaħ żewġ investigazzjonijiet. F’seba’ każijiet, l-OLAF ma fetaħx investigazzjoni, għal waħda minn dawn ir-raġunijiet li ġejjin: — L-OLAF qies li awtorità nazzjonali jew istituzzjoni, korp, uffiċċju jew aġenzija tal-UE kienet f’pożizzjoni aħjar biex tittratta l-każ, għaldaqstant huwa ttrasferih kif meħtieġ; — kien hemm diġà investigazzjoni għaddejja fil-livell nazzjonali, li ma konniex konxji minnha; — għal raġunijiet ta’ proporzjonalità; — minħabba li s-suspetti ma kinux biżżejjed.

1.46.

Ibbażat fuq l-informazzjoni tal-awditjar li l-OLAF irċieva mingħandna bejn l-2010 u l-2018, huwa rrakkomanda l-irkupru ta’ total ta’ EUR 312,8 miljun. Ir-rakkomandazzjonijiet finanzjarji ta’ bażi jirrigwardaw 24 każ li jirriżultaw mix-xogħol tal-awditjar tagħna (27).

Konklużjonijiet

1.47.

Il-funzjoni ewlenija ta’ dan il-kapitolu hija li jsostni l-opinjoni tal-awditjar ippreżentata fid-dikjarazzjoni ta’ assigurazzjoni.

Riżultati tal-awditjar

1.48.

Aħna nikkonkludu li l-kontijiet ma kinux affettwati minn dikjarazzjonijiet skorretti materjali.

1.49.

Fir-rigward tar-regolarità tat-tranżazzjonijiet, aħna nikkonkludu li d-dħul kien ħieles minn żball materjali. Għall-infiq, ir-riżultati tal-awditjar tagħna juru li l-livell ta’ żball stmat żdied kemxejn meta mqabbel mas-sena li għaddiet. Bħalma għamilna s-sena li għaddiet, aħna nikkonkludu li l-infiq li jkun suġġett għal regoli simplifikati/inqas kumplessi (prinċipalment ibbażat fuq drittijiet) huwa ħieles minn żball materjali. Livell ta’ żball materjali huwa limitat għal infiq li jkun suġġett għal regoli kumplessi (prinċipalment ibbażat fuq rimborżi), li din is-sena kien jirrappreżenta 50,6 % tal-popolazzjoni li awditjajna. .

---

(1)  Ir-rapporti finanzjarji konsolidati jinkludu l-karta tal-bilanċ, ir-rapport tal-prestazzjoni finanzjarja, ir-rapport tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni (inkluż ir-rappurtar fuq is-segmenti).

(2)  Ir-rapporti dwar l-implimentazzjoni tal-baġit jinkludu wkoll noti ta’ spjegazzjoni.

(3)  Dan ammonta għal EUR 61,0 biljun. Aħna nipprovdu aktar informazzjoni fil-paragrafi 1.19 sa 1.21 tar-Rapport Annwali 2018 tagħna.

(4)  Dan ammonta għal EUR 59,6 biljun. Aħna nipprovdu aktar informazzjoni fil-paragrafu 1.18 tar-Rapport Annwali 2018 tagħna.

(5)  EUCO XT 20013/19 – Deċiżjoni tal-Kunsill Ewropew meħuda bi qbil mar-Renju Unit, li testendi l-perjodu taħt l-Artikolu 50(3) TUE.

(6)  Ara l-Istandard Internazzjonali tal-Kontabbiltà għas-Settur Pubbliku (IPSAS) Nru 14 - Avvenimenti wara d-Data tar-Rappurtar.

(7)  Ara IPSAS 39 — Benefiċċji tal-impjegati. Għall-PSEO, l-obbligu ta’ benefiċċju definit jirrifletti l-valur attwali tal-pagamenti futuri mistennija li l-UE se tkun meħtieġa twettaq sabiex tissodisfa l-obbligi tal-pensjoni li jirriżultaw minn servizzi li l-impjegati jkunu wettqu fil-perjodu attwali u dak preċedenti.

(8)  Dawn jinkludu imposti dovuti ta’ EUR 62,9 biljun fuq in-naħa tal-obbligazzjonijiet fil-karta tal-bilanċ u, fuq in-naħa tal-assi, EUR 36,9 biljun li jnaqqsu l-valur tal-prefinanzjament.

(9)  Ara l-glossarju: ġestjoni finanzjarja tajba.

(10)  Ara l- Parti 2 tal-Kapitoli 5, 6, 7, 8 u 9.

(11)  Ara l-Kapitolu 3.

(12)  Ara l-kontijiet annwali konsolidati tal-UE għall-2018, ir-rapporti dwar l-implimentazzjoni tal-baġit u n-noti ta’ spjegazzjoni, 4.3 QFP: Implimentazzjoni tal-approprjazzjonijiet ta’ pagament.

(13)  Minn dawn il-pagamenti interim, EUR 37,4 biljun ingħataw taħt l-Intestatura 1b tal-QFP għall-perjodi ta’ programmazzjoni 2007-2013 u 2014-2020. F’konformità mal-approċċ tagħna għal dan il-qasam, dawn il-pagamenti ma jagħmlux parti mill-popolazzjoni li awditjajna għar-Rapport Annwali 2018.

(14)  Il-kontijiet konsolidati jinkludu:

(a)

ir-rapporti finanzjarji konsolidati li jkopru l-karta tal-bilanċ (li tippreżenta l-assi u l-obbligazzjonijiet fi tmiem is-sena), ir-rapport tal-prestazzjoni finanzjarja (li jirrikonoxxi l-introjtu u l-ispejjeż tas-sena), ir-rapport tal-flussi tal-flus (li jiddivulga kif il-bidliet fil-kontijiet jaffettwaw il-flus kontanti u l-ekwivalenti ta’ flus kontanti) u r-rapport tal-bidliet fl-assi netti kif ukoll in-noti għar-rapporti finanzjarji;

(b)	ir-rapporti dwar l-implimentazzjoni tal-baġit li jkopru d-dħul u l-infiq għas-sena, kif ukoll in-noti relatati.

(15)  Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament tal-Kunsill (KE, Euratom) Nru 966/2012 (ĠU L 193, 30.7.2018, p. 1).

(16)  Ara l-Linja Gwida ta’ Prattika Rakkomandata 2 (RPG 2) intitolata “Diskussjoni u Analiżi tar-Rapport Finanzjarju”, tal-Bord dwar l-Istandards Internazzjonali tal-Kontabbiltà għas-Settur Pubbliku (IPSASB).

(17)  Ara l-paragrafi 1.12 u 1.13 tar-Rapport Annwali 2017 tagħna.

(18)  Aħna nistgħu naffermaw, bi grad ta’ fiduċja ta’ 95 %, li l-livell ta’ żball stmat fil-popolazzjoni jinsab bejn 1,8 % u 3,4 % (il-limiti inferjuri u superjuri tal-livell ta’ żball, rispettivament)

(19)  L-infiq ibbażat fuq drittijiet jinkludi n-nefqa amministrattiva.

(20)  F’ġestjoni kondiviża, il-korpi intermedjarji huma l-awtoritajiet nazzjonali.

(21)  L-Artikolu 317 tat-TFUE:

“Il-Kummissjoni għandha timplimenta l-baġit f’kooperazzjoni mal-Istati Membri, skont id-dispożizzjonijiet tar-regolamenti magħmula skont l-Artikolu 322, fuq ir-responsabbiltà tagħha stess u fil-limiti tal-approprjazzjonijiet, b’kunsiderazzjoni tal-prinċipji ta’ tmexxija finanzjarja tajba. L-Istati Membri għandhom jikkooperaw mal-Kummissjoni sabiex jassiguraw li l-approprjazzjonijiet ikunu użati skont il-prinċipji ta’ tmexxija finanzjarja tajba.”

(22)  https://ec.europa.eu/info/publications/annual-management-and-performance-report-2018-0_en

(23)  Ara r-Rapport Speċjali Nru 27/2016 “Il-governanza fil-Kummissjoni Ewropea — l-aħjar prattika?”, ir-Rakkomandazzjoni 2(f).

(24)  Filwaqt li aħna nipprovdu valutazzjonijiet speċifiċi u nistmaw il-livell ta’ żball għall-intestaturi 1a “Kompetittività”, 1b “Koeżjoni”, 2 “Riżorsi Naturali” u 5 “Amministrazzjoni” tal-QFP.

(25)  Pereżempju, il-Kummissjoni tippreżenta ċ-ċifri tad-DĠ MARE taħt “Koeżjoni, Migrazzjoni u Sajd” filwaqt li, fil- Kaxxa 1.11 , iċ-ċifri huma inklużi taħt “Riżorsi naturali”.

(26)  Ara t-Tabella B tal-Anness 2 tar-Rapport Annwali dwar il-Ġestjoni u l-Prestazzjoni għall-baġit tal-UE fl-2018, p. 205.

(27)  L-informazzjoni hija pprovduta mill-OLAF u ma tiġix eżaminata minna.

KAPITOLU 2

Ġestjoni baġitarja u finanzjarja

WERREJ

Introduzzjoni

2.1–2.3

Ġestjoni baġitarja fl-2018

2.4–2.21

L-impenji u l-pagamenti disponibbli fil-baġit kważi ntużaw kompletament

2.4–2.7

Dewmien fl-implimentazzjoni tal-Fondi SIE affettwa l-implimentazzjoni tal-QFP

2.8–2.21

Prinċipalment minħabba d-dewmien, ammonti sostanzjali ta’ prefinanzjament annwali mhux użat għall-Fondi SIE ntraddu lura lill-baġit tal-UE

2.9–2.11

Ammont sinifikanti tal-marġni globali għall-pagamenti ma kienx meħtieġ

2.12–2.16

L-impenji pendenti qed ikomplu jiżdiedu

2.17–2.18

Hemm riskju li l-approprjazzjonijiet ta' pagament għall-baġits futuri ma jkunux suffiċjenti

2.19–2.21

Kwistjonijiet fil-qasam tal-ġestjoni finanzjarja li huma relatati mal-baġit għall-2018 u mal-futur

2.22–2.41

L-assorbiment tal-Fondi SIE mill-Istati Membri għadu problematiku

2.22–2.24

Iż-żieda fil-garanziji żżid l-esponiment tal-baġit tal-UE għal riskji

2.25–2.32

Il-Bank Ewropew tal-Investiment — parti integrali mill-arkitettura tal-UE, iżda l-arranġamenti tal-obbligu ta’ rendikont huma differenti

2.33–2.41

Konklużjonijiet u rakkomandazzjonijiet

2.42–2.48

Konklużjonijiet

2.42–2.47

Rakkomandazzjonijiet

2.48

Anness 2.1 — Mandati mogħtija lill-BEI mill-UE — kategoriji prinċipali

Anness 2.2 — Strumenti finanzjarji tal-UE li huma mmaniġġjati mill-Grupp tal-BEI

Introduzzjoni

2.1.

Dan il-kapitolu jippreżenta l-analiżi li wettaqna ta’ kwistjonijiet fil-qasam tal-ġestjoni baġitarja u finanzjarja. Huwa jidentifika wkoll ir-riskji u l-isfidi li l-baġit tal-UE se jiffaċċja fis-snin li ġejjin, abbażi tax-xogħol attwali tagħna u tal-fehmiet li esprimejna fir-rapporti speċjali, fl-analiżijiet rapidi dwar każijiet speċifiċi, fid-dokumenti informattivi u analitiċi, u fl-opinjonijiet tagħna.

2.2.

F’Mejju 2018, il-Kummissjoni ppreżentat il-proposta tagħha għall-Qafas Finanzjarju Pluriennali (QFP) 2021–2027 il-ġdid (1) lill-Parlament Ewropew u lill-Kunsill (li flimkien jiffurmaw l-awtorità baġitarja). In-negozjati jinsabu għaddejjin bl-għan li jintlaħaq ftehim qabel tmiem l-2019. Aħna esprimejna l-fehmiet tagħna dwar is-suġġett f’dokument informattiv u analitiku (2).

2.3.

Il-ħruġ tar-Renju Unit mill-UE ma jaffettwax il-kontijiet baġitarji tal-2018. F’partijiet mill-analiżi tagħna, aħna nagħmlu projezzjonijiet dwar il-baġits futuri tal-UE. F’dawn il-każijiet, aħna assumejna li l-abbozz ta’ ftehim dwar il-ħruġ, bejn ir-Renju Unit u l-UE (3), se jiġi approvat u implimentat.

Ġestjoni baġitarja fl-2018

L-impenji u l-pagamenti disponibbli fil-baġit kważi ntużaw kompletament

2.4.

Kull sena, l-awtorità baġitarja tiffissa limitu fuq l-obbligi finanzjarji l-ġodda tal-UE (approprjazzjonijiet ta’ impenn), kif ukoll fuq il-pagamenti li jistgħu jsiru mill-baġit tal-UE (approprjazzjonijiet ta’ pagament).

2.5.

Fl-2018, l-approprjazzjonijiet ta' impenn intużaw kważi kollha kemm huma. Minn EUR 160,7 biljun li kienu disponibbli fil-baġit tal-UE għall-2018, intużaw EUR 159,9 biljun (99,5 %) (ara l- Kaxxa 2.1 ).

2.6.

L-UE użat ukoll kważi l-approprjazzjonijiet ta' pagament kollha disponibbli li kienu inklużi fil-baġit finali (4). Mill-ammont disponibbli ta’ EUR 144,8 biljun, saru pagamenti ta’ EUR 142,7 biljun (98,6 %) (5) (ara l- Kaxxa 2.1 ). Dan seħħ wara sentejn li matulhom saru pagamenti li l-ammont tagħhom kien ħafna inqas minn dak ibbaġitjat inizjalment. Fl-2018, il-klejms għall-pagamenti mill-Istati Membri żdiedu sinifikattivament għall-Fondi Strutturali u ta’ Investiment Ewropej (Fondi SIE) (6). Dawn il-fondi jirrappreżentaw madwar 43 % tal-QFP 2014–2020 (7).

2.7.

Id-differenza bejn il-baġit inizjali u dak finali kienet żgħira. Is-sitt baġits emendatorji adottati fl-2018 żiedu biss EUR 583 miljun (8) f’approprjazzjonijiet ta' impenn u EUR 87 miljun f’approprjazzjonijiet ta' pagament. Kaxxa 2.1 Implimentazzjoni tal-baġit fl-2018 Nota: Il-limitu massimu tal-QFP huwa l-ammont massimu annwali li jista’ jintuża skont ir-Regolament attwali dwar il-QFP. Madankollu, l-approprjazzjonijiet ta' impenn u l-użu tagħhom jistgħu jaqbżu l-limitu massimu bil-valur tal-istrumenti speċjali (ara l-Artikolu 3(2) tar-Regolament dwar il-QFP). Sors: Il-kontijiet annwali konsolidati tal-Unjoni Ewropea — Sena finanzjarja 2018, ir-Rapporti dwar l-implimentazzjoni tal-baġit u n-Noti ta' spjegazzjoni — in-Noti 4.1-4.3 u l-aġġustament tekniku għall-2018.

Dewmien fl-implimentazzjoni tal-Fondi SIE affettwa l-implimentazzjoni tal-QFP

2.8.

Il-Fondi SIE jinfluwenzaw l-ippjanar u l-implimentazzjoni tal-QFP għal żewġ raġunijiet prinċipali. L-ewwel nett, huma jikkostitwixxu parti sostanzjali mill-QFP. It-tieni nett, huma jiġu implimentati permezz ta’ impenji pluriennali, u t-talbiet għal pagament jistgħu jaslu fi kwalunkwe sena sussegwenti. Id-dewmien fl-implimentazzjoni tal-Fondi SIE, li l-Kummissjoni osservat preċedentement u li aħna kkonfermajna (9), qed ikompli jħalli impatt fuq is-snin finali ta’ dan il-QFP. Aħna nosservaw li, għall-Fond Agrikolu Ewropew għall-Iżvilupp Rurali (FAEŻR), ir-rati ta’ implimentazzjoni kienu konsiderevolment ogħla minn dawk għal Fondi SIE oħra. Klejms għall-pagamenti li jammontaw għal valur sostanzjali ddewmu u se jiġu ppreżentati fis-snin li ġejjin. Dan affettwa l-użu tal-prefinanzjament u l-evoluzzjoni tal-impenji pendenti, u se jaffettwa l-ħtiġijiet għal approprjazzjonijiet ta' pagament fil-bidu tal-QFP li jmiss, kif deskritt hawn taħt.

Prinċipalment minħabba d-dewmien, ammonti sostanzjali ta’ prefinanzjament annwali mhux użat għall-Fondi SIE ntraddu lura lill-baġit tal-UE

2.9.

Kull sena, l-Istati Membri jirċievu prefinanzjament annwali għall-operazzjonijiet tal-Fondi SIE (ħlief il-FAEŻR) mill-baġit tal-UE (10). Jekk Stat Membru jippreżenta klejms għal ammont li jkun inqas mill-prefinanzjament riċevut, il-prefinanzjament mhux użat jintradd lura lill-baġit tal-UE fis-sena ta’ wara. Dan iseħħ bħala parti mill-proċedura annwali għall-eżaminar u l-aċċettazzjoni tal-kontijiet għall-Fondi SIE, li ġiet introdotta fil-QFP attwali u ġiet applikata għall-ewwel darba fl-2017.

2.10.

Dawn l-ammonti ta’ prefinanzjament mhux użat jerġgħu jiddaħħlu fil-baġit bħala dħul assenjat. Huma jiġu assenjati biex jintużaw biss għal-linji baġitarji rilevanti tal-Fondi SIE. L-ammonti jsiru approprjazzjonijiet ta’ impenn u approprjazzjonijiet ta' pagament li jinżdiedu ma’ dawk fil-baġit ta’ dik is-sena. L-approprjazzjonijiet ta’ impenn jintużaw immedjatament. Imbagħad, l-approprjazzjonijiet ta’ pagament iridu jintużaw għal pagamenti favur l-Istati Membri f’dik l-istess sena jew inkella fis-sena ta’ wara biex ma jiġux ikkanċellati.

2.11.

L-Istati Membri rċevew prefinanzjament annwali ta’ EUR 6,8 biljun fl-2016 u ta’ EUR 9,0 biljun fl-2017. Prinċipalment minħabba d-dewmien fl-implimentazzjoni, l-Istati Membri raddew lura ammonti sostanzjali minn dan il-prefinanzjament annwali mhux użat, jiġifieri EUR 6,6 biljun fl-2017 u EUR 8,1 biljun fl-2018 rispettivament. Dan żied sinifikattivament id-dħul assenjat f’dawn is-sentejn. L-approprjazzjonijiet ta’ pagament li nħolqu minn dawn l-ammonti mroddijin lura ntużaw biex jitwettqu pagamenti fuq klejms ippreżentati mill-Istati Membri lil hinn mill-baġit approvat għas-sena, li ammontaw għal EUR 5,4 biljun fl-2017 u EUR 6,9 biljun fl-2018 (ara l- Kaxxa 2.2 hawn taħt). Li kieku dawn l-approprjazzjonijiet ta’ pagament ma kinux disponibbli biex jerġgħu jintużaw, dan seta’ jirrikjedi l-użu tal-marġni globali għall-pagamenti (MGP) fl-2018. Kaxxa 2.2 Ammonti li tħallsu minn dħul assenjat Sors: Il-QEA, ibbażat fuq ir-Rapporti tal-Kummissjoni Ewropea dwar il-ġestjoni baġitarja u finanzjarja għall-perjodu 2014–2018.

Ammont sinifikanti tal-marġni globali għall-pagamenti ma kienx meħtieġ

2.12.

Il-marġni globali għall-pagamenti (MGP) huwa mekkaniżmu li ġie introdott fil-QFP attwali biex iżid il-flessibbiltà tal-approprjazzjonijiet ta' pagament. L-għan tiegħu huwa li tiġi evitata sitwazzjoni fejn ma jkunx jifdal aktar approprjazzjonijiet ta' pagament, kif seħħ fl-aħħar snin tal-QFP preċedenti (11). Il-mekkaniżmu jippermetti t-trasferiment tal-approprjazzjonijiet li kull sena ma jkunux intużaw, fi ħdan il-limitu massimu tal-QFP, biex b’hekk jintużaw fis-snin li ġejjin.

2.13.

L-ammont ta’ MGP disponibbli li ġie ttrasferit mis-snin preċedenti għall-perjodu 2018–2020 huwa ta’ EUR 33,7 biljun (2018: EUR 5,3 biljun, 2019: EUR 12,9 biljun u 2020: EUR 15,5 biljun) (ara l- Kaxxa 2.3 ). Fil-qafas tal-QFP, l-użu tal-MGP huwa stabbilit f’limitu massimu ta’ EUR 36,5 biljun fil-perjodu 2018–2020 (2018: EUR 8,0 biljun, 2019: EUR 12,9 biljun u 2020: EUR 15,5 biljun). Kaxxa 2.3 MGP disponibbli u limiti massimi Nota: L-allokazzjoni tal-MGP ta’ sena partikolari hija bbażata fuq il-profil tal-ħtiġijiet ta’ pagament mistennija mill-Kummissjoni. Sors: Il-QEA, ibbażat fuq l-aġġustamenti tekniċi li saru fil-QFP, kif ukoll fuq ir-rapporti dwar l-implimentazzjoni tal-baġit u n-noti ta’ spjegazzjoni tal-kontijiet konsolidati tal-UE.

2.14.

Fl-2018, l-ebda pagament addizzjonali ma kien meħtieġ, u l-ammont ta’ EUR 5,3 biljun tal-MGP disponibbli minn snin preċedenti ma kienx meħtieġ. Madankollu, dan l-ammont ma setax jiġi riportat minħabba li l-limitu massimu tal-MGP għall-2019 u dak għall-2020 kienu ntlaħqu. Għall-istess raġuni, ammont addizzjonali ta’ EUR 11,2 biljun f’approprjazzjonijiet ta' pagament li ma ntużawx fl-2018 (12) ukoll ma setax jiġi ttrasferit għall-2019 jew għall-2020.

2.15.

Skont il-baġit inizjali għall-2019, l-ammont ta’ EUR 12,9 biljun tal-MGP disponibbli għas-sena lanqas mhu se jkun meħtieġ biex jiġu koperti r-rekwiżiti ta’ pagament (13). Barra minn hekk, skont l-abbozz ta’ baġit għall-2020 (14), mill-EUR 15,5 biljun tal-MGP disponibbli, jista’ jkun li mhux l-ammont kollu jkun meħtieġ fl-2020. Għalhekk, it-total ta’ EUR 33,7 biljun fl-MGP disponibbli jista’ ma jkunx meħtieġ għall-perjodu 2018–2020.

2.16.

Dment li l-ħtiġijiet ta’ pagament ma jiżdidux fil-perjodu 2019–2020, sal-2020 l-ammont ta’ EUR 33,7 biljun disponibbli taħt l-MGP se jkun għadu ma ntużax. Flimkien mal-EUR 11,2 biljun f’approprjazzjonijiet ta' pagament mhux użati mill-2018, li ma setgħux jiġu ttrasferiti għas-snin li ġejjin (ara l-paragrafu 2.14), it-total jiżdied għal EUR 44,9 biljun f’approprjazzjonijiet ta' pagament li jistgħu jkunu għadhom ma ntużawx sal-2020. Il-flessibbiltà pprovduta mill-MGP se tintemm flimkien mal-QFP attwali fl-2020. Hija ma tista’ tindirizza l-ebda ħtieġa ta’ flessibbiltà fil-QFP li jmiss (ara l-paragrafi 2.19–2.21).

L-impenji pendenti qed ikomplu jiżdiedu

2.17.

L-impenji pendenti komplew jiżdiedu, u laħqu EUR 281,2 biljun fi tmiem l-2018 (2017: EUR 267,3 biljun). Dawn żdiedu b’36 % (EUR 73,7 biljun) matul l-aħħar seba’ snin mill-2011 ’il hawn, jiġifieri s-sena korrispondenti tal-QFP preċedenti (ara l- Kaxxa 2.4 ). Ibbażat fuq il-previżjoni fuq terminu twil tal-Kummissjoni (15), l-impenji pendenti se jilħqu l-ammont ta’ EUR 313,8 biljun sal-2023, stima li tqarreb lejn il-projezzjonijiet tagħna. Kaxxa 2.4 Impenji pendenti, impenji u pagamenti inklużi projezzjonijiet sal-2023 Sors: Għall-perjodu 2007–2018: il-kontijiet annwali konsolidati tal-UE. Għall-projezzjonijiet: il-QEA, ibbażat fuq il-Baġit 2019 u d-dokument COM(2018) 687 final — Rapport tal-Kummissjoni lill-Parlament Ewropew u lill-Kunsill — Previżjoni fuq terminu twil ta’ flussi ta’ dħul u flussi ta’ ħruġ futuri tal-baġit tal-UE (2019–2023).

2.18.

Aħna analizzajna l-impenji pendenti b’mod estensiv fl-analiżi rapida tagħna dwar każ speċifiku intitolata: “Impenji pendenti fil-baġit tal-UE — Ħarsa aktar mill-qrib” (16), li tkopri l-perjodu sa tmiem l-2017. Aħna kkonkludejna li t-tliet raġunijiet prinċipali kkontribwew għaż-żieda tagħhom: id-differenza annwali bejn l-approprjazzjonijiet ta’ impenn u l-approprjazzjonijiet ta’ pagament, l-implimentazzjoni bil-mod tal-Fondi SIE u ż-żieda fid-daqs tal-baġit tal-UE.

Hemm riskju li l-approprjazzjonijiet ta' pagament għall-baġits futuri ma jkunux suffiċjenti

2.19.

Hemm riskju li mhuwiex se jkun hemm biżżejjed approprjazzjonijiet ta' pagament disponibbli biex ikopru l-ammonti kollha dovuti fl-ewwel snin tal-QFP il-ġdid. Fil-previżjoni fuq terminu twil tagħha (17), il-Kummissjoni pprojettat li l-approprjazzjonijiet ta' pagament fl-2019 u fl-2020 ikunu ferm taħt il-limiti massimi (18). Dan jagħti x’jifhem li l-ħtiġijiet ta’ pagament li preċedentement kienu previsti li jiġu koperti fil-perjodu 2019–2020 se jiġu riportati għall-ewwel snin tal-QFP il-ġdid.

2.20.

Il-valur tal-klejms ippreżentati fil-perjodu 2021–2023 se jkun fil-biċċa l-kbira jiddependi mill-implimentazzjoni, min-naħa tal-Istati Membri, tal-programmi operazzjonali tagħhom taħt il-Fondi SIE. Ibbażat fuq l-analiżi tagħna, l-approprjazzjonijiet ta' pagament li se jkunu disponibbli fil-bidu tal-QFP 2021–2027 jistgħu ma jkunux biżżejjed biex ikopru r-rekwiżiti kollha ta’ pagament fl-ewwel snin tal-perjodu. Dan jista’ jkun partikolarment il-każ fir-rigward tal-2021, l-ewwel sena tal-QFP il-ġdid.

2.21.

Fil-previżjoni fuq terminu twil tal-Kummissjoni, l-approprjazzjonijiet ta' pagament projettati għall-2021 li jirrigwardaw l-impenji li twettqu qabel l-2021 taħt l-Intestaturi 1b u 2 (19), li fil-biċċa l-kbira jirrigwardaw il-Fondi SIE, jammontaw għal EUR 63,7 biljun. Taħt il-QFP 2007–2013, madwar 40 % tal-impenji taħt il-Fondi ta’ Koeżjoni li kienu għadhom pendenti sa tmiem l-2013, li kienet l-aħħar sena tal-QFP, tħallsu fl-2014, jiġifieri fl-ewwel sena tal-QFP attwali. Bis-suppożizzjoni li proporzjon simili (40 %) ta’ impenji taħt il-Fondi SIE mill-QFP attwali se tkun għadha pendenti sa tmiem l-2020 u se tkun trid titħallas fl-2021, l-approprjazzjonijiet ta' pagament projettati ta’ EUR 63,7 biljun jistgħu ma jkunux biżżejjed. L-impenji pendenti mill-Fondi SIE kienu laħqu EUR 200,9 biljun sa tmiem l-2018 u se jkunu saħansitra ogħla sa tmiem l-2020; 40 % tal-impenji pendenti taħt il-Fondi SIE għall-2018 diġà laħqu EUR 80 biljun (konsiderevolment aktar mill-approprjazzjonijiet ta' pagament projettati ta’ EUR 63,7 biljun), għaldaqstant 40 % tal-impenji pendenti għall-2020 x’aktarx se jkunu saħansitra ogħla. Ir-riskju li l-approprjazzjonijiet ta’ pagament ma jkunux suffiċjenti jerġa’ huwa akbar minħabba li l-implimentazzjoni tal-Fondi SIE kienet iddewmet aktar minn dik tal-QFP preċedenti u minħabba li l-għadd ta’ klejms ippreżentati jista’ jkun akbar minn dak tal-2014.

Kwistjonijiet fil-qasam tal-ġestjoni finanzjarja li huma relatati mal-baġit għall-2018 u mal-futur

L-assorbiment tal-Fondi SIE mill-Istati Membri għadu problematiku

2.22.

L-assorbiment tal-Fondi SIE kiseb momentum fl-2018, jiġifieri l-ħames sena tal-QFP attwali. Madankollu, sa tmiem is-sena, fuq medja kienu biss 27,3 % tal-allokazzjonijiet totali għall-QFP kollu li kienu tħallsu lill-Istati Membri, meta mqabbel ma’ 33,4 % li kienu tħallsu sa tmiem l-2011, is-sena korrispondenti tal-QFP preċedenti. Matul l-2018, kienu tħallsu 10,9 % tal-allokazzjonijiet totali, l-istess bħall-proporzjon tal-allokazzjonijiet li kienu tħallsu fl-2011 matul il-QFP preċedenti (11,3 %). Minħabba li r-ritmu tal-implimentazzjoni mexa aktar bil-mod milli kien antiċipat fl-ewwel snin tal-QFP attwali (20), ir-rata ta’ implimentazzjoni kumulattiva għadha sinifikattivament lura meta mqabbla ma’ dik tal-QFP preċedenti. Minbarra r-riskju li l-approprjazzjonijiet ta’ pagament ma jkunux suffiċjenti fil-bidu tal-QFP li jmiss, bejn il-perjodi tal-QFP se jkun hemm trikkib sostanzjali, li x’aktarx se jitfa’ ammont eċċessiv ta’ xogħol fuq l-amministrazzjonijiet tal-Istati Membri u, fl-ewwel snin tal-QFP 2021–2027, se jikkawża dewmien li jkun simili għal dak esperjenzat fil-QFP attwali.

2.23.

Il-grafika fil- Kaxxa 2.5 turi l-ammont tal-allokazzjoni totali tal-Fondi SIE għall-QFP attwali li kien tħallas sa tmiem l-2018, u dak li kien tħallas sa tmiem l-2011, li kienet is-sena korrispondenti tal-QFP preċedenti. Dan jiżvela li huma biss il-Bulgarija, il-Lussemburgu, l-Awstrija, ir-Rumanija u l-Finlandja li għandhom rata ta’ assorbiment aktar rapida matul il-QFP attwali milli matul dak preċedenti. Kaxxa 2.5 Ir-rati ta’ assorbiment tal-Fondi SIE mill-Istati Membri fi tmiem l-2018 u fi tmiem l-2011 Sors: Il-QEA, ibbażat fuq informazzjoni mill-Kummissjoni.

2.24.

L-assorbiment baxx tal-Fondi SIE kkontribwixxa għaż-żieda tal-impenji pendenti tal-Fondi SIE. Il- Kaxxa 2.6 hawn taħt turi l-impenji pendenti ta’ kull Stat Membru, kemm bħala ammont f’euro kif ukoll bħala perċentwal tal-infiq tal-amministrazzjonijiet pubbliċi tagħhom għall-2018. Kaxxa 2.6 Impenji pendenti tal-Fondi SIE, skont l-Istat Membru Sors: Il-QEA, ibbażat fuq informazzjoni mill-Kummissjoni. Id-data tal-Eurostat dwar l-amministrazzjonijiet pubbliċi għall-2018.

Iż-żieda fil-garanziji żżid l-esponiment tal-baġit tal-UE għal riskji

2.25.

Kif jidher fil- Kaxxa 2.7 hawn taħt, il-garanziji żdiedu f’dawn l-aħħar ftit snin, prinċipalment minħabba li nżdiedu l-garanzija tal-Fond Ewropew għall-Investimenti Strateġiċi (FEIS) u l-garanzija tal-Fond Ewropew għall-Iżvilupp Sostenibbli (EFSD). L-għan ta’ dawn il-garanziji kien li jimmobilizzaw fondi esterni sabiex jiżdied l-impatt potenzjali tal-baġit tal-UE. Garanziji oħra appoġġati mill-baġit tal-UE jinkludu garanziji tal-mandat ta’ self estern mogħtija lill-BEI (21), kif ukoll garanziji tal-UE li jappoġġaw l-attivitajiet ta’ għoti u teħid b’self, li prinċipalment huma self li jingħata lill-Istati Membri (22) u li ilu jeżisti għal ħafna snin f’livell pjuttost konsistenti. Madankollu, din iż-żieda esponiet il-baġit tal-UE għal riskji potenzjali, li jridu jiġu mmonitorjati kontinwament sabiex ma jsirux eċċessivi (23). Kaxxa 2.7 L-esponiment massimu possibbli u l-esponiment reali tal-baġit tal-UE għal garanziji Sors: Il-QEA, ibbażat fuq il-kontijiet konsolidati tal-Unjoni Ewropea għall-perjodu 2015–2018.

2.26.

Il-limiti massimi juru l-ogħla esponiment possibbli tal-baġit tal-UE. Fl-2018, l-estensjoni tal-FEIS (24) u l-introduzzjoni tal-garanzija tal-EFSD żiedu l-limiti massimi, li laħqu EUR 125,5 biljun fi tmiem l-2018. L-esponiment reali se jiżdied gradwalment hekk kif isiru l-iżborżamenti (25). B’kollox, l-esponiment reali fi tmiem l-2018 kien ta’ EUR 92,8 biljun.

2.27.

Xi wħud minn dawn il-garanziji huma appoġġati minn fondi ta’ garanzija, li jipprovdu riżervi ta’ likwidità kontra telf potenzjali. Fi tmiem l-2018, l-assi preżenti fit-tliet fondi ta’ garanzija ammontaw għal total ta’ EUR 8,3 biljun (EUR 5,5 biljun fil-Fond ta’ Garanzija tal-FEIS, EUR 2,5 biljun fil-Fond ta’ Garanzija għall-Azzjonijiet Esterni u EUR 0,3 biljun fil-Fond ta’ Garanzija tal-EFSD). Meta jsiru talbiet għal pagament ta’ garanziji, il-pagamenti jsiru minn dawn il-fondi ta’ garanzija. Sa tmiem l-2018, ma kinux saru talbiet sinifikanti għall-pagament ta’ dawn il-garanziji.

2.28.

Avvenimenti futuri jistgħu jiskattaw talbiet għal pagament ta’ garanziji li jkunu jirrikjedu pagament immedjat. Il-Kummissjoni tibbaża l-valutazzjoni li hija twettaq tar-riskju li dawn l-avvenimenti jseħħu fuq l-evidenza storika, il-parametri referenzjarji, il-kundizzjonijiet prevalenti u l-għarfien professjonali. Ir-rievalwazzjoni li l-Kummissjoni wettqet fir-rigward tal-garanzija tal-FEIS bħala parti mill-proposta tagħha għal estensjoni tal-FEIS tinkludi eżempju ta’ valutazzjoni tar-riskju (26). Kull sena, il-Kummissjoni toħroġ ukoll rapport dwar il-garanziji koperti mill-baġit, li janalizza dawn ir-riskji (27).

2.29.

Jeżistu diversi arranġamenti għall-provvediment ta’ appoġġ immedjat f’każ li jkun hemm talbiet għal pagament ta’ garanziji, bħall-fondi ta’ garanzija (28). Dawn il-fondi jkopru telf relatat mal-garanziji tal-UE u ġew stabbiliti permezz ta’ użu ta’ fondi mill-baġit tal-UE fi ħdan il-konfini tal-limiti massimi tal-QFP. Taħt ċirkustanzi normali, il-ħtiġijiet ta’ pagament jistgħu jiġu koperti minn dawn il-fondi ta’ garanzija u minn approprjazzjonijiet ta’ pagament fi ħdan il-limitu massimu tal-QFP. Barra minn hekk, jeżisti limitu massimu tar-riżorsi proprji, li huwa superjuri għal-limitu massimu tal-QFP (ara l- Kaxxa 2.8 ), u li jservi bħala bafer ta’ sikurezza biex jiġu koperti ċirkustanzi estremi bħal tnaqqis serju fir-ritmu ekonomiku. Is-somma tar-riżorsi proprji kollha li jinġabru mill-Istati Membri f’sena partikolari ma tridx tkun aktar minn 1,20 % tas-somma tal-ING tal-Istati Membri kollha. L-ammont bejn il-limitu massimu tal-QFP u dak tar-riżorsi proprji, li huwa disponibbli biex ikopri l-approprjazzjonijiet ta’ pagament kull sena, ivarja u jiġi kkalkulat mill-ġdid fuq bażi annwali bħala parti mill-aġġustament tekniku għall-QFP, irrispettivament mill-ammonti ta’ dħul ieħor. Għall-2018, dan kien EUR 33,9 biljun, 0,22 % tas-somma tal-ING tal-Istati Membri kollha. Kaxxa 2.8 Limiti massimi tal-QFP u dawk tar-riżorsi proprji (*) Mingħajr preġudizzju għal kwalunkwe dħul ieħor potenzjalment riċevut. Sors: Il-QEA, ibbażat fuq l-aġġustament tekniku tal-2018.

2.30.

Il-ħruġ tar-Renju Unit mill-UE se jnaqqas is-somma tal-ING tal-Istati Membri, u l-inklużjoni tal-Fond Ewropew għall-Iżvilupp (FEŻ) fil-baġit tal-UE se żżid il-limiti massimi tal-QFP. Minħabba dawn l-aġġustamenti, għall-QFP li jmiss, il-Kummissjoni pproponiet li l-limitu massimu ta’ 0,09 % (29) tar-riżorsi proprji jiżdied għal-livell ta’ 1,29 % tas-somma tal-ING tal-Istati Membri biex b’hekk dawn il-bidliet jittieħdu inkunsiderazzjoni.

2.31.

Barra minn hekk, għall-QFP 2021–2027, il-Kummissjoni se tiġbor flimkien il-fondi ta’ garanzija f’fond ta’ proviżjonament komuni li għandu jkun ibbażat fuq rata ta’ proviżjonament effettiva (30) sabiex tiġi ffaċilitata ġestjoni aħjar tal-garanziji pprovduti (31).

2.32.

Ir-Regolament Finanzjarju l-ġdid jirrikonoxxi l-importanza dejjem tiżdied tal-garanziji, l-assistenza finanzjarja u l-istrumenti finanzjarji. Huwa kkonsolida d-dispożizzjonijiet kollha rilevanti f’Titolu X ġdid (l-Artikoli 208–220) biex jindirizza l-kwistjonijiet relatati ma’ dan il-qasam. Fl-opinjoni tagħna dwar ir-Regolament Finanzjarju, aħna lqajna l-inklużjoni tat-Titolu X (32).

Il-Bank Ewropew tal-Investiment — parti integrali mill-arkitettura tal-UE, iżda l-arranġamenti tal-obbligu ta’ rendikont huma differenti

2.33.

L-objettiv tal-Grupp tal-BEI (33) huwa li jipprovdi self, garanziji u tipi oħra ta’ appoġġ fuq bażi mingħajr skop ta’ qligħ, biex b’hekk jaqdi l-interessi tal-UE. Fi tmiem l-2018, it-total aggregat tas-self pendenti li ngħata mill-Grupp tal-BEI kien ta’ EUR 536 biljun (2017: 548) (34).

2.34.

Parti mill-attivitajiet tal-Grupp tal-BEI hija rregolata minn sensiela ta’ mandati mill-UE (ara l- Anness 2.1 ). Fis-snin reċenti, l-UE għamlet użu dejjem akbar mill-istrumenti finanzjarji u l-garanziji baġitarji pprovduti lill-Grupp tal-BEI biex ikopru parti mill-attivitajiet finanzjarji tiegħu. Mill-2015 ’il hawn, iż-żieda l-aktar notevoli saret permezz tal-FEIS. B’kollox, sa tmiem l-2018, il-Grupp tal-BEI kien iffirma operazzjonijiet finanzjarji appoġġati mill-FEIS b’valur totali ta’ EUR 53,6 biljun (2017: EUR 36,7 biljun). Fl-2019, aħna ppubblikajna rapport speċjali dwar l-operat tal-FEIS, li jippreżenta l-azzjonijiet li aħna nqisu li huma meħtieġa biex il-FEIS ikun suċċess totali (35). Barra minn hekk, preċedentement aħna rrappurtajna dwar il-mod kif il-Grupp tal-BEI jimmaniġġja fondi oħra tal-UE (36).

2.35.

Il- Kaxxa 2.9 turi l-impenji u l-pagamenti li saru mill-UE favur il-Grupp tal-BEI kull sena mill-2007 ’l hawn, b’mod partikolari għat-tariffi għal servizzi ta’ konsulenza u għall-ġestjoni tal-fondi tal-UE, kif ukoll għat-trasferimenti relatati ma’ strumenti finanzjarji. L-ammonti jinkludu l-infiq mill-partijiet kollha tal-baġit, għajr l-Intestatura 5 “Amministrazzjoni” tal-QFP. Il-biċċa l-kbira mill-infiq huwa mill-Intestatura 1 “Tkabbir intelliġenti u inklużiv” u l-Intestatura 4 “Ewropa Globali” tal-QFP. Matul il-perjodu 2007–2018, ammont totali ta’ EUR 14,7 biljun ġie impenjat mill-baġit tal-UE favur il-Grupp tal-BEI, filwaqt li b’kollox tħallas l-ammont ta’ EUR 12,3 biljun (37). Il-grafika tindika xejra solida fuq terminu twil f’dak li jirrigwarda l-pagamenti favur il-Grupp tal-BEI b’varjazzjonijiet minn sena għal sena (38). Kaxxa 2.9 Impenji u pagamenti annwali favur il-Grupp tal-BEI Sors: Il-QEA, ibbażat fuq data tal-Kummissjoni.

2.36.

Il- Kaxxa 2.10 turi l-impenji u l-pagamenti li saru mill-baġit tal-UE mill-2007 ’l hawn, għall-proviżjonament annwali tal-Fond ta’ Garanzija għall-Azzjonijiet Esterni u l-Fond ta’ Garanzija tal-FEIS (39). Matul l-istess perjodu, l-impenji għall-proviżjonament taż-żewġ fondi ta’ garanzija ammontaw għal EUR 9,8 biljun u l-pagamenti ammontaw għal EUR 7,1 biljun, li l-biċċa l-kbira minnhom ġejjin mill-perjodu 2015–2018. Kaxxa 2.10 Impenji u pagamenti annwali favur żewġ fondi ta’ garanzija Sors: Il-QEA, ibbażat fuq data tal-Kummissjoni.

2.37.

Iż-żewġ grafiki juru l-importanza dejjem tiżdied li l-Grupp tal-BEI kiseb matul iż-żmien bħala sieħeb fl-implimentazzjoni tal-baġit tal-UE. Iż-żieda l-aktar sinifikanti tirriżulta mill-proviżjonament tal-Fond ta’ Garanzija tal-FEIS.

2.38.

Ir-relazzjonijiet bejn il-baġit tal-UE u l-Grupp tal-BEI huma kumplessi u sinifikanti, minkejja li dan l-aħħar ma jagħmilx parti mill-baġit. L-appoġġ mill-baġit tal-UE huwa pprovdut minn diversi linji baġitarji u b’ħafna modi differenti, inklużi għotjiet diretti, garanziji baġitarji tal-UE appoġġati minn fondi ta’ garanzija u finanzjament mill-UE assenjat lill-Grupp tal-BEI permezz tal-awtoritajiet tal-Istati Membri kemm taħt ġestjoni kondiviża kif ukoll taħt ġestjoni indiretta. Il-Grupp tal-BEI jimmaniġġja wkoll għadd kbir ta’ strumenti finanzjarji għall-UE, li jappoġġaw diversi politiki tal-UE (ara l- Anness 2.2 ). Il-BEI infurmana li, fl-2018, kważi 35 % tal-volum annwali tiegħu ta’ self kien ġej minn operazzjonijiet taħt mandat, li ħafna minnhom jirrigwardaw l-UE.

2.39.

Kien biss fi stadju avvanzat ħafna tal-awditu li l-BEI ddivulga magħna l-volum finanzjarju tal-mandati tal-UE li hemm taħt il-ġestjoni tiegħu, kemm dawk iffinanzjati mill-baġit tal-UE kif ukoll dawk iffinanzjati mill-FEŻ, u b’hekk aħna ma stajniex inwettqu analiżi u verifikazzjoni solidi tal-informazzjoni pprovduta. Fil- Kaxxa 2.11 , aħna nimmappjaw il-komponenti prinċipali tar-relazzjoni finanzjarja bejn il-baġit tal-UE u l-FEŻ, min-naħa l-waħda, u l-Grupp tal-BEI min-naħa l-oħra. Il-grafika turi l-ġestjoni u l-fluss ta’ fondi bejn l-Istati Membri, il-Kummissjoni u l-Grupp tal-BEI. Kaxxa 2.11 Ġestjoni u fluss ta’ fondi bejn l-Istati Membri, il-Kummissjoni u l-Grupp tal-BEI Sors: Il-QEA.

2.40.

Ibbażat fuq ftehim proviżorju u parzjali li ntlaħaq bejn il-Parlament Ewropew u l-Kunsill f’April 2019, il-Grupp tal-BEI mistenni jkollu rwol importanti fl-implimentazzjoni tal-politika tal-UE matul il-QFP li jmiss permezz tal-programm InvestEU, li jibni fuq l-esperjenza tal-FEIS (ara l- Kaxxa 2.12 ). Kaxxa 2.12 Programm InvestEU Il-programm InvestEU huwa magħmul mill-Fond InvestEU, iċ-Ċentru ta’ Konsulenza InvestEU u l-Portal InvestEU. Huwa intenzjonat li jappoġġa l-kompetittività, it-tkabbir u l-impjiegi permezz ta’ investiment u innovazzjoni fl-UE. Il-Kummissjoni pproponiet li l-programm InvestEU jiġi stabbilit fuq il-bażi tal-mudell ta’ garanzija baġitarja tal-FEIS. Il-programm għandu l-għan li jiskatta EUR 650 biljun f’investiment addizzjonali billi jipprovdi garanzija ta’ EUR 38 biljun mill-baġit tal-UE. Ir-rata ta’ proviżjonament tal-garanzija hija mistennija li tkun ta’ 40 %, li jfisser li l-programm se jwarrab EUR 15,2 biljun mill-baġit tal-UE biex ikopru kwalunkwe talba għal pagament ta’ garanzija. Is-sieħeb prinċipali tal-UE inkarigat mill-implimentazzjoni se jkun il-Grupp tal-BEI. Sors: Il-proposta tal-Kummissjoni COM(2018) 439

2.41.

Il-Grupp tal-BEI mhuwiex istituzzjoni tal-UE, iżda minkejja dan huwa jagħmel parti integrali mill-arkitettura tal-UE u ġie stabbilit taħt it-trattati tal-UE biex jaqdi l-objettivi tal-UE. Madankollu, biex jittieħed kont tan-natura speċjali tiegħu, huwa għandu arranġamenti ta’ ġestjoni u ta’ governanza li huma differenti minn dawk applikabbli għall-bqija tal-baġit tal-UE. Attwalment, l-operazzjonijiet tal-Grupp tal-BEI li mhumiex iffinanzjati mill-baġit tal-UE, iżda li jaqdu l-istess objettivi tal-UE, ma jaqgħux taħt il-mandat tal-awditjar tagħna. Dan ifisser li l-QEA ma tistax tipprovdi stampa sħiħa tal-operazzjonijiet kollha tal-Grupp tal-BEI. Fid-dokument informattiv u analitiku tagħna dwar il-futur tal-finanzi tal-UE (Frar 2018), aħna pproponejna li jkun tajjeb li niġu mistiedna wkoll biex nawditjaw l-operazzjonijiet tal-BEI li mhumiex relatati mal-baġit tal-UE. Dan ma jkunx jipprevieni lill-BEI milli jżomm l-arranġamenti tal-awditjar li huwa attwalment għandu ma’ ditti privati tal-awditjar għall-kontroll tal-affidabbiltà tal-kontijiet. Il-Parlament Ewropew appoġġa l-proposta tagħna fir-riżoluzzjoni tiegħu dwar ir-Rapport Annwali dwar il-kontroll tal-attivitajiet finanzjarji tal-BEI għall-2017 (40).

Konklużjonijiet u rakkomandazzjonijiet

Konklużjonijiet

2.42.

Ibbażat fuq l-osservazzjonijiet tagħna, hawn taħt aħna niġbdu l-attenzjoni għall-problemi prinċipali li affettwaw il-ġestjoni baġitarja u finanzjarja tal-UE fl-2018, li xi wħud minnhom jistgħu jirrappreżentaw riskji għall-baġits futuri, b’mod partikolari fl-ewwel snin tal-QFP li jmiss.

2.43.

L-approprjazzjonijiet ta’ impenn u l-approprjazzjonijiet ta’ pagament disponibbli fil-baġit finali kienu kważi ntużaw kompletament (ara l-paragrafi 2.4–2.7).

2.44.

Id-dewmien fl-implimentazzjoni tal-Fondi SIE affettwa l-implimentazzjoni tal-QFP b’diversi modi u jista’ jaffettwa wkoll il-QFP li jmiss: — Ammonti sostanzjali ta’ prefinanzjament annwali ntraddu lura lill-baġit tal-UE (ara l-paragrafi 2.8–2.11). — Ammont sinifikanti tal-MGP ma kienx meħtieġ, iżda ma jistax jiġi ttrasferit għall-QFP li jmiss (ara l-paragrafi 2.12–2.16). — Il-livell għoli ta’ impenji pendenti huwa prinċipalment dovut għall-implimentazzjoni bil-mod tal-Fondi SIE, iżda wkoll għad-differenza annwali bejn l-approprjazzjonijiet ta’ impenn u l-approprjazzjonijiet ta’ pagament, u għaż-żieda fid-daqs tal-baġit tal-UE. L-impenji pendenti baqgħu jiżdiedu fl-2018 (ara l-paragrafi 2.17–2.18). — Hemm ir-riskju li l-approprjazzjonijiet ta’ pagament għall-ewwel snin tal-QFP il-ġdid ma jkunux suffiċjenti (ara l-paragrafi 2.19–2.21).

2.45.

B’mod ġenerali, l-assorbiment tal-Fondi SIE mill-Istati Membri kien aktar baxx minn dak tas-sena korrispondenti tal-QFP preċedenti (ara l-paragrafi 2.22–2.24).

2.46.

Il-garanziji appoġġati mill-baġit tal-UE żdiedu fis-snin reċenti. Dan iżid l-esponiment tal-baġit tal-UE għal riskji. Il-livell tat-telf mistenni mill-Kummissjoni huwa kopert minn fondi ta’ garanzija, li fil-QFP il-ġdid se jinġabru flimkien f’fond ta’ proviżjonament komuni (ara l-paragrafi 2.25–2.32).

2.47.

Il-Grupp tal-BEI huwa parti integrali mill-arkitettura tal-UE. Fis-snin reċenti, l-UE għamlet użu dejjem akbar mill-istrumenti finanzjarji u l-garanziji baġitarji pprovduti lill-Grupp tal-BEI. Huwa mistenni wkoll li jkollu rwol importanti fl-implimentazzjoni tal-politika tal-UE fil-QFP li jmiss. Il-Grupp tal-BEI għandu relazzjoni kumplessa mal-baġit tal-UE, u għandu arranġamenti tal-obbligu ta’ rendikont li huma differenti minn dawk tal-istituzzjonijiet tal-UE. Attwalment, l-operazzjonijiet tal-Grupp tal-BEI li mhumiex iffinanzjati mill-baġit tal-UE, iżda li jaqdu l-istess objettivi tal-UE, ma jaqgħux taħt il-mandat tal-awditjar tagħna. Dan ifisser li l-QEA ma tistax tipprovdi stampa sħiħa tar-rabtiet bejn l-operazzjonijiet tal-Grupp tal-BEI u l-baġit tal-UE. Għalhekk, aħna nżommu l-proposta tagħna li jkun tajjeb li niġu mistiedna biex nawditjaw l-operazzjonijiet tal-BEI li mhumiex relatati mal-baġit tal-UE (ara l-paragrafi 2.33–2.41).

Rakkomandazzjonijiet

2.48.

Aħna nirrakkommandaw li l-Kummissjoni

Rakkomandazzjoni 2.1

Tieħu miżuri biex tiġi evitata pressjoni żejda fuq il-livell ta’ approprjazzjonijiet ta’ pagament fl-ewwel snin tal-QFP 2021–2027. Dawn il-miżuri jistgħu jinkludu:

(a)	it-titjib fil-preċiżjoni tal-previżjonijiet tal-ħtiġijiet ta’ pagament;

(b)

l-istedina lill-Parlament Ewropew u lill-Kunsill biex: (i) jipprevedu bilanċ ordnat bejn l-approprjazzjonijiet ta’ impenn u l-approprjazzjonijiet ta’ pagament ibbaġittjati għall-QFP li jmiss. Dan jista’ jinkiseb billi jiżdiedu l-approprjazzjonijiet ta’ pagament, jinbidlu r-regoli ta’ diżimpenn u/jew billi jitnaqqsu l-approprjazzjonijiet ta’ impenn; (ii) meta jagħmlu dan, jieħdu inkunsiderazzjoni l-possibbiltà li jista’ jkun hemm ammont kbir ta’ klejms għall-pagamenti fl-2021 u fl-2022, kif ukoll il-fatt li l-approprjazzjonijiet ta' pagament mhux użati ma jistgħux jiġu ttrasferiti għall-QFP li jmiss;

(c)	l-iffaċilitar tal-adozzjoni f’waqtha ta’ oqfsa legali u l-promozzjoni ta’ ppjanar bikri tal-programmi min-naħa tal-Istati Membri.

Data mmirata għall-implimentazzjoni: sal-bidu tal-perjodu ta’ wara l-2020.

Rakkomandazzjoni 2.2

Tiżgura li, hekk kif jiġi stabbilit il-fond ta’ proviżjonament komuni, jitwettqu ġestjoni effettiva u monitoraġġ aġġornat tal-esponiment tal-baġit tal-UE għall-garanziji relatati. F’dan il-kuntest, jenħtieġ li l-Kummissjoni tibbaża l-kalkolu tagħha tar-rata ta’ proviżjonament effettiva fuq metodoloġija prudenti li tkun ibbażata fuq prassi tajba rikonoxxuta.

Data mmirata għall-implimentazzjoni: sal-bidu tal-perjodu ta’ wara l-2020.

Rakkomandazzjoni 2.3

Kull sena tippreżenta lill-awtorità baġitarja l-ammont kumplessiv u r-ripartizzjoni tal-fondi li jkunu ġew ittrasferiti mill-baġit tal-UE favur strumenti finanzjarji mmaniġġjati mill-Grupp tal-BEI.

Dan ikun jipprovdi lill-awtorità baġitarja b’informazzjoni rilevanti li tappoġġa ix-xogħol tagħha rigward l-iskrutinju tal-Grupp tal-BEI u l-operazzjonijiet tiegħu, filwaqt li tiżdied ukoll it-trasparenza ta’ dawn l-operazzjonijiet.

Data mmirata għall-implimentazzjoni: sa nofs l-2020.

---

(1)  Proposta għal Regolament tal-Kunsill li jistabbilixxi l-qafas finanzjarju pluriennali għas-snin mill-2021 sal-2027–COM(2018) 322 final.

(2)  Dokument informattiv u analitiku: The Commission’s proposal for the 2021–2027 Multiannual Financial Framework (Il-proposta tal-Kummissjoni għall-Qafas Finanzjarju Pluriennali 2021–2027), Lulju 2018.

(3)  Id-dokument intitolat: Draft Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community (Abbozz ta’ Ftehim dwar il-ħruġ tar-Renju Unit tal-Gran Brittanja u tal-Irlanda ta' Fuq mill-Unjoni Ewropea u mill-Komunità Ewropea tal-Enerġija Atomika) (ĠU C 66 I, 19.2.2019, p. 1).

(4)  Il-baġit finali huwa magħmul mill-baġit inizjali u mill-baġits emendatorji sussegwenti adottati mill-awtorità baġitarja.

(5)  It-total tal-pagamenti fl-2018 ammonta għal EUR 156,7 biljun, u kien magħmul minn pagamenti mill-baġit finali tal-2018 ta’ EUR 142,7 biljun, minn riporti ta’ EUR 1,9 biljun u minn dħul assenjat ta’ EUR 12,1 biljun. Aħna neskludu r-riporti u d-dħul assenjat minħabba li dawn ma jiffurmawx parti mill-baġit adottat u jsegwu regoli differenti. Għal aktar informazzjoni, ara l-parti A4-A5 tar-“Report on budgetary and financial management of the European Commission — for the financial year 2018” (Rapport tal-Kummissjoni Ewropea dwar il-ġestjoni baġitarja u finanzjarja — għas-sena finanzjarja 2018).

(6)  Il-Fondi SIE huma magħmula mill-Fondi ta’ Koeżjoni tal-QFP preċedenti, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għall-Affarijiet Marittimi u s-Sajd (FEMS).

(7)  Ibbażat fuq ċifri pprovduti mill-Kummissjoni tal-allokazzjoni lill-Istati Membri ta’ EUR 464,9 biljun taħt il-programmi tal-Fondi SIE u ta’ EUR 1 087,2 biljun f’approprjazzjonijiet ta' impenn taħt il-QFP 2014–2020, kif aġġustati permezz tal-aġġustament tekniku għall-2018–COM(2017) 473.

(8)  L-akbar wieħed kien il-baġit emendatorju Nru 3, li pprovda EUR 500 miljun favur il-Faċilità għar-Refuġjati fit-Turkija bħala parti mit-“tieni segment” tal-baġit ta’ EUR 3 biljun għall-Faċilità matul il-perjodu 2018–2019, kif maqbul mid-Dikjarazzjoni UE-Turkija tat-18 ta’ Marzu 2016.

(9)  Ara l-paragrafi 2.5–2.16 tar-Rapport Annwali 2017 tagħna, u r-risposti korrispondenti tal-Kummissjoni.

(10)  Għall-FAEŻR, il-prefinanzjament jitħallas biss fl-ewwel tliet snin tal-perjodu 2014–2020 (f’konformità mal-Artikolu 35(1) tar-Regolament (UE) Nru 1306/2013).

(11)  Ara l-paragrafi 1.51–1.53 tar-Rapport Annwali 2012 tagħna.

(12)  Mill-ammont ta’ EUR 11,4 biljun disponibbli f’approprjazzjonijiet ta’ pagament mill-2018 li ma ntużawx, kien biss marġni żgħir tal-MGP ta’ EUR 219-il miljun (EUR 183 miljun fi prezzijiet tal-2011) li ġie riportat għall-2020. Ara d-dokument COM(2019)310, p. 7.

(13)  Il-limitu massimu tal-approprjazzjonijiet ta' pagament għall-2019 huwa ta’ EUR 166,7 biljun u jinkludi l-MGP. Anki jekk l-MGP ta’ EUR 12,9 biljun jitnaqqas, il-limitu massimu xorta waħda se jkun ogħla mill-EUR 148,2 biljun f’approprjazzjonijiet ta' pagament fil-baġit ivvotat għall-2019.

(14)  Ara l-abbozz ta’ baġit għall-2020: COM(2019) 400.

(15)  COM(2018) 687 final — Rapport tal-Kummissjoni lill-Parlament Ewropew u lill-Kunsill — Previżjoni fuq terminu twil ta’ flussi ta’ dħul u flussi ta’ ħruġ futuri tal-baġit tal-UE (2019–2023).

(16)  Ippubblikata f’April 2019.

(17)  Ara n-Nota 15 f’qiegħ il-paġna.

(18)  Dan kien ikkonfermat mill-baġit ivvotat għall-2019, li kien jinkludi approprjazzjonijiet ta’ pagament ta’ EUR 148,2 biljun — EUR 18,5 biljun taħt il-limitu massimu ta’ EUR 166,7 biljun.

(19)  L-Intestatura 1b — Koeżjoni ekonomika, soċjali u territorjali: EUR 48,5 biljun u l-Intestatura 2 — Tkabbir sostenibbli: Riżorsi Naturali: EUR 15,2 biljun.

(20)  Ara r-Rapport Annwali 2017 tagħna, il-paragrafi 2.13–2.19.

(21)  Dawn il-garanziji huma appoġġati mill-Fond ta’ Garanzija għall-Azzjonijiet Esterni, li jipprovdi riżervi ta’ likwidità kontra telf potenzjali. Dan il-fond irid jinżamm f’livell ta’ 9 % tas-self garantit pendenti fi tmiem is-sena. Meta jsiru talbiet għal pagament ta’ garanziji, il-pagamenti jsiru mill-fond ta’ garanzija.

(22)  Ara l-paragrafi 2.42–2.45 tar-Rapport Annwali 2017 tagħna u n-Noti 4.1.1–4.1.3 tar-rapporti finanzjarji konsolidati tal-Unjoni Ewropea għas-sena finanzjarja 2018.

(23)  Il-baġit tal-UE jappoġġa diversi obbligazzjonijiet: obbligazzjonijiet reali fil-karta tal-bilanċ, obbligazzjonijiet baġitarji bħal impenji pendenti u obbligazzjonijiet kontinġenti, li prinċipalment huma garanziji.

(24)  Ir-Regolament (UE) 2017/2396 tal-Parlament Ewropew u tal-Kunsill tat-13 ta’ Diċembru 2017, li jemenda r-Regolamenti (UE) Nru 1316/2013 u (UE) 2015/1017 fir-rigward tal-estensjoni tad-durata tal-Fond Ewropew għall-Investimenti Strateġiċi kif ukoll l-introduzzjoni ta' titjib tekniku għal dak il-Fond u għaċ-Ċentru Ewropew ta' Konsulenza għall-Investimenti (ĠU L 345, 27.12.2017, p. 34).

(25)  L-iżborżamenti jirrappreżentaw l-ammonti li jiġu pprovduti lill-benefiċjarji finali appoġġati mill-garanziji.

(26)  SWD(2016) 297 final — Id-Dokument ta’ ħidma tal-persunal tal-Kummissjoni intitolat: Evaluation (Evalwazzjoni), li jakkumpanja l-proposta tal-Kummissjoni COM(2016) 597 final.

(27)  Ir-rapport l-aktar reċenti huwa COM(2018) 609 final — Rapport tal-Kummissjoni lill-Parlament Ewropew u lill-Kunsill dwar garanziji koperti mill-baġit ġenerali — Is-sitwazzjoni fil-31 ta’ Diċembru 2017.

(28)  Ara n-Nota 2.4.1 tar-rapporti finanzjarji konsolidati tal-Unjoni Ewropea għas-sena finanzjarja 2018.

(29)  COM(2018) 325 — Proposta għal Deċiżjoni tal-Kunsill dwar is-sistema ta’ Riżorsi Proprji tal-Unjoni Ewropea.

(30)  Din ir-rata tintuża biex jiġi ddeterminat l-ammont ta’ flus u ta’ ekwivalenti ta’ flus meħtieġa fil-fond ta’ proviżjonament komuni biex jiġu onorati t-talbiet għal pagament ta’ garanzija.

(31)  L-Artikolu 213 tar-Regolament Finanzjarju (ir-Regolament (UE, Euratom) 2018/1046).

(32)  L-Opinjoni Nru 1/2017 dwar il-proposta għal reviżjoni tar-“Regolament Finanzjarju”.

(33)  Il-Grupp tal-BEI huwa magħmul mill-Bank Ewropew tal-Investiment (BEI), il-Fond Ewropew tal-Investiment (FEI) u l-Pjattaforma tal-UE għall-Mikrofinanzi.

(34)  Ir-Rapport Finanzjarju tal-Grupp tal-BEI 2018, p. 44.

(35)  Ir-Rapport Speċjali Nru 3/2019 — “Il-Fond Ewropew għall-Investimenti Strateġiċi: Jeħtieġ li tittieħed azzjoni biex il-FEIS ikun suċċess totali”.

(36)  Pereżempju, ara r-Rapport Speċjali Nru 19/2016, “L-implimentazzjoni tal-baġit tal-UE permezz ta’ strumenti finanzjarji — tagħlimiet li għandhom jinsiltu mill-perjodu tal-programm 2007–2013” u r-Rapport Speċjali Nru 1/2018 “Assistenza Konġunta ta' Appoġġ għal Proġetti fir-Reġjuni Ewropej (JASPERS) — wasal iż-żmien biex l-assistenza tiġi mmirata aħjar”.

(37)  Dawn l-ammonti jinkludu l-impenji u l-pagamenti li saru mill-baġit tal-UE u mill-FEŻ.

(38)  L-ogħla livell li ntlaħaq fl-2008 jikkoinċidi mal-bidu tal-10 FEŻ. L-ammont għoli fl-2008 huwa dovut għall-mod kif l-impenji taħt il-FEŻ jiġu kontabilizzati — l-impenji kollha għall-perjodu ta' programmazzjoni kollu jsiru fil-bidu tal-perjodu ta’ seba’ snin. Fil-każ tal-baġit tal-UE, l-impenji jiġu kontabilizzati kull sena.

(39)  Il-Fond ta’ Garanzija tal-FEIS huwa mmaniġġjat mill-Kumissjoni, filwaqt li l-Fond ta’ Garanzija għall-Azzjonijiet Esterni huwa mmaniġġjat mill-BEI.

(40)  Ara l-paragrafu 72 tad-dokument P8_TA-PROV (2019)0036 — Ir-Riżoluzzjoni tal-Parlament Ewropew tas-17 ta’ Jannar 2019 dwar ir-Rapport Annwali 2017 dwar il-kontroll tal-attivitajiet finanzjarji tal-BEI għall-2017 (2018/2151(INI)).

KAPITOLU 3

Kisba ta’ riżultati mill-baġit tal-UE

WERREJ

Introduzzjoni

3.1

Parti 1 — X’jgħidulna l-indikaturi tal-prestazzjoni tal-baġit tal-UE?

3.2–3.35

Taqsima A — L-indikaturi juru varjazzjoni sinifikanti fil-kisbiet u jissuġġerixxu progress globali moderat

3.7–3.20

Intestatura 1a: L-indikaturi juru li l-progress li nkiseb minn Erasmus+ u l-FEIS kien tajjeb filwaqt li l-progress kien moderat għal Orizzont 2020 u l-Faċilità Nikkollegaw l-Ewropa

3.13

Intestatura 1b: L-indikaturi juru li fil-qasam tal-Koeżjoni l-progress kien relattivament baxx, minħabba bidu tardiv tal-programm

3.14

Intestatura 2: Fuq il-bażi tal-indikaturi, ma kienx possibbli li jiġi ddeterminat il-progress għall-biċċa l-kbira mill-infiq fil-qasam tar-“Riżorsi Naturali”

3.15

Intestatura 3: L-indikaturi għal “Sigurtà u ċittadinanza” juru li żewġ programmi kisbu progress tajjeb, wieħed kiseb progress moderat u ieħor waqa’ lura

3.16–3.17

Intestatura 4: L-indikaturi juru progress kumplessivament raġonevoli għall-programmi “Ewropa Globali”

3.18–3.19

Strumenti speċjali: Informazzjoni insuffiċjenti dwar il-progress li nkiseb

3.20

Taqsima B — L-indikaturi mhux dejjem ipprovdew stampa tajba tal-progress reali

3.21–3.35

Ħafna indikaturi ma ntgħażlux b’mod tajjeb

3.22–3.27

Għal ħafna indikaturi ma kienx possibbli li jiġi kkalkulat il-progress

3.28–3.30

Għal xi wħud mill-programmi, id-data disponibbli kienet ta’ kwalità insuffiċjenti

3.31–3.33

Xi programmi jinkludu miri li mhumiex ambizzjużi biżżejjed

3.34–3.35

Parti 2 — Riżultati tal-awditi tal-prestazzjoni mwettqa mill-Qorti: konklużjonijiet u rakkomandazzjonijiet prinċipali

3.36–3.71

Introduzzjoni

3.36

Intestaturi 1a “Kompetittività għat-tkabbir u l-impjiegi” u 1b “Koeżjoni ekonomika, soċjali u territorjali”

3.37–3.49

Intestatura 2 “Riżorsi naturali”

3.50–3.52

Intestatura 3 “Sigurtà u ċittadinanza” u Intestatura 4 “Ewropa Globali”

3.53–3.61

Intestatura 5 “Amministrazzjoni”

3.62–3.64

Rapporti dwar il-“Funzjonament tajjeb tas-Suq Uniku u sostenibbiltà tal-Unjoni Monetarja”

3.65–3.71

Parti 3 — Segwitu tar-rakkomandazzjonijiet

3.72–3.78

Aħna analizzajna l-implimentazzjoni tar-rakkomandazzjonijiet kollha li ġew indirizzati lill-Kummissjoni fl-2015

3.73–3.74

Il-Kummissjoni kif indirizzat ir-rakkomandazzjonijiet tagħna?

3.75–3.78

Konklużjonijiet u rakkomandazzjonijiet

3.79–3.85

Konklużjonijiet

3.79–3.83

Rakkomandazzjonijiet

3.84–3.85

Anness 3.1 —

Lista ta’ programmi inklużi fil-kampjun tagħna

Anness 3.2 —

Rakkomandazzjonijiet li ġew indirizzati lill-Istati Membri fl-2018

Anness 3.3 —

Status dettaljat tar-rakkomandazzjonijiet li saru fl-2015, għal kull rapport

Anness 3.4 —

Titjib miksub u d-dgħufijiet li fadal fir-rigward tar-rakkomandazzjonijiet li ġew implimentati parzjalment, għal kull rapport

Anness 3.5 —

Segwitu tar-rakkomandazzjonijiet preċedenti għal kwistjonijiet relatati mal-qafas tal-prestazzjoni

Introduzzjoni

3.1.

Kull sena, f’dan il-kapitolu, aħna nanalizzaw għadd ta’ aspetti relatati mal-prestazzjoni, jiġifieri r-riżultati miksuba mill-baġit tal-UE, li jiġi implimentat mill-Kummissjoni f’kooperazzjoni mal-Istati Membri (1). Din is-sena aħna ħarisna lejn: 1. x’jgħidulna l-indikaturi tal-prestazzjoni tal-baġit tal-UE; 2. ir-riżultati prinċipali mir-rapporti speċjali dwar il-prestazzjoni li wettaqna fl-2018; 3. u l-implimentazzjoni tar-rakkomandazzjonijiet li għamilna fir-rapporti speċjali, li ppubblikajna fl-2015.

Parti 1 — X’jgħidulna l-indikaturi tal-prestazzjoni tal-baġit tal-UE?

3.2.

F’dawn l-aħħar sentejn, aħna eżaminajna l-approċċ tal-Kummissjoni fir-rigward tar-rappurtar dwar il-prestazzjoni bi tqabbil mal-prattika tajba. Aħna vvalutajna wkoll jekk il-Kummissjoni kinitx użat b’mod adegwat l-informazzjoni dwar il-prestazzjoni fil-proċess tat-teħid tad-deċiżjonijiet. Din is-sena, aħna analizzajna l-informazzjoni dwar il-prestazzjoni ppubblikata mill-Kummissjoni. B’mod partikolari, eżaminajna l-indikaturi tal-prestazzjoni: (i) fid-dikjarazzjonijiet tal-programm li jakkumpanjaw l-Abbozz ta’ Baġit 2019 (2), (ii) fil-Ħarsa Ġenerali lejn il-Prestazzjoni tal-Programmi għall-Baġit tal-UE għall-perjodu 2014-2020 (PPO), li nħarġet għall-ewwel darba f’Mejju 2018 (3).

3.3.

Il-PPO jiddedika żewġ paġni għal kull programm. Dan jinkludi sommarju ta’ nofs paġna, kemm dwar l-objettivi ġenerali u speċifiċi kif ukoll dwar il-progress li sar għal għażla ta’ indikaturi, madankollu, ir-raġunament għall-għażla ma jiġix spjegat tajjeb. Il-pubblikazzjoni tal-PPO hija pass importanti ’l quddiem u turi r-rieda tal-Kummissjoni li tipproduċi rapporti li jkunu aktar faċli għall-qarrej. Il-Kummissjoni indikat li l-PPO kienet silta mid-dikjarazzjonijiet tal-programmi mehmuża mal-Abbozz ta’ Baġit 2019. Hija tfasslet biex tippreżenta l-programmi ta’ nfiq kollha tal-UE (2014-2020) b’mod konċiż u uniformi; biex tispjega dwar xiex kien kull programm u kif dan kien intenzjonat li jkun ta’ benefiċċju għaċ-ċittadini tal-UE, biex tipprovdi informazzjoni dwar l-istatus ta’ implimentazzjoni; biex tippreżenta l-qafas tal-prestazzjoni tal-programm; u biex tiġbed l-attenzjoni għal kisbiet ewlenin reċenti.

3.4.

Id-dikjarazzjonijiet tal-programmi jieħdu l-forma ta’ dokument ta’ 557 paġna li mhuwiex daqshekk faċli biex jinqara. Huwa ma jinkludix ħarsa ġenerali ta’ kemm hija tajba l-prestazzjoni tas-60 programm fil-QFP 2014-2020.

3.5.

Għall-analiżi tagħna, aħna għażilna 22 mis-60 programm ta’ nfiq, fosthom l-4 programmi li kellhom l-ogħla nfiq ippjanat għal kull waħda mill-5 intestaturi tal-qafas finanzjarju pluriennali (QFP) 2014-2020, kif ukoll żewġ programmi għal strumenti speċjali. It-22 programm li ġew magħżula koprew 97 % tal-programmazzjoni finanzjarja għall-perjodu ta’ 7 snin (ara l- Anness 3.1 għal-lista tal-programmi).

3.6.

Fit-Taqsima A, aħna nippreżentaw fil-qosor u f’livell aggregat l-informazzjoni pprovduta mill-indikaturi tal-prestazzjoni tal-baġit tal-UE. Kwalunkwe interpretazzjoni ta’ din l-analiżi għandha tqis il-limitazzjonijiet tal-informazzjoni pprovduta mill-indikaturi tal-prestazzjoni tal-baġit tal-UE, li aħna niddeskrivu fit-Taqsima B.

Taqsima A — L-indikaturi juru varjazzjoni sinifikanti fil-kisbiet u jissuġġerixxu progress globali moderat

3.7.

Il-kejl ta’ dak li nkiseb permezz tal-prijoritajiet, tal-politiki u tal-programmi tal-UE jippreżenta sfida. Jista’ jkun diffiċli li jiġi iżolat l-effett tal-baġit tal-UE minn dak tal-baġits nazzjonali u tal-fatturi esterni. Madankollu, huwa essenzjali li jsir monitoraġġ effettiv tal-prestazzjoni biex wieħed jifhem is-sitwazzjoni, jiġu identifikati l-kwistjonijiet emerġenti u jittieħdu deċiżjonijiet ibbażati fuq l-evidenza bil-għan li tiġi żgurata prestazzjoni xierqa.

3.8.

Aħna ffukajna l-analiżi tagħna fuq l-informazzjoni kwantitattiva pprovduta mill-indikaturi tal-prestazzjoni. Bħalma osservajna fir-Rapport Annwali 2016 (4), il-Kummissjoni ma tipprovdix informazzjoni dwar l-affidabbiltà tad-data sottostanti fid-dikjarazzjonijiet tal-programmi.

3.9.

Aħna nipprovdu żewġ settijiet ta’ informazzjoni dwar il-prestazzjoni għal kull programm li eżaminajna: — Il-progress lejn il-mira jiġi kkalkulat bi tqabbil mal-linja bażi (5) skont id-data disponibbli fid-dikjarazzjonijiet tal-programmi. Din il-metodoloġija hija użata b’mod mifrux u hija faċli biex tiġi kkalkulata (6). Il-Kummissjoni rreferiet għal dan l-approċċ fil-“Linji Gwida għal Regolamentazzjoni Aħjar”, u tat parir biex: “Is-sinifikat mistenni tal-impatt jiġi vvalutat f’termini tal-bidliet relattivi bi tqabbil mal-linja bażi” (7). — Il-progress lejn il-mira jiġi kkalkulat bi tqabbil mal-valur żero, kif indikat fil-PPO maħruġ mill-Kummissjoni (8). Iċ-ċifri ppreżentati huma differenti minn dawk fl-ewwel inċiż ta’ hawn fuq, minħabba li huma bbażati fuq għażla ta’ indikaturi magħmula mill-Kummissjoni u li ġeneralment ġew ikkalkulati bħala r-riżultat reali l-aktar reċenti diviż bil-valur fil-mira mingħajr ma jittieħed kont tal-linja bażi. Huma kienu jinkludu wkoll previżjonijiet tal-perċentwal ta’ progress lejn il-mira li huma ferm ogħla għal żewġ programmi, il-Fond ta’ Koeżjoni (FK) u l-Fond Ewropew għall-Iżvilupp Reġjonali (FEŻR). Dan jispjega l-biċċa l-kbira mid-differenza bejn il-kalkoli tagħna li jsiru fuq il-bażi tad-dikjarazzjonijiet tal-programmi u dawk ibbażati fuq il-PPO f’livell kumplessiv. Il- Kaxxa 3.1 turi d-differenzi bejn dawn iż-żewġ metodi li jintużaw biex jiġi kkalkulat il-progress. Kaxxa 3.1 Metodi differenti għall-kalkolu tal-progress     Linja bażi Riżultat reali Mira Progress Perċentwal tal-progress     Progress lejn il-mira kkalkulat bi tqabbil mil-linja bażi 40 70 100 30 30/(100-40)=50 %     Progress lejn il-mira kkalkulat bi tqabbil mal-valur żero 40 70 100 70 70/100=70 %   Sors: Il-QEA.

3.10.

Il-perċentwali tal-progress ikkalkulat bi tqabbil mal-linja bażi huma l-valuri medji tal-indikaturi kollha minn programm li għalihom id-data meħtieġa kienet disponibbli fid-dikjarazzjonijiet tal-programmi. Aħna nqisu li dawn il-valuri medji għandhom jipprovdu indikazzjonijiet siewja dwar il-prestazzjoni tal-programm, jekk l-indikaturi kollha tal-programm ikunu tal-kwalità meħtieġa. Għall-PPO tal-Kummissjoni, aħna kkalkulajna l-progress medju għall-indikaturi magħżula. Ikkalkulajna wkoll il-medji ponderati għal kull intestatura tal-QFP abbażi tal-programmazzjoni finanzjarja 2014-2020 għaż-żewġ tipi ta’ indikaturi tal-progress. Aħna nosservaw li din l-informazzjoni jista’ jkollha limitazzjonijiet u li biex tingħata stampa sħiħa tal-prestazzjoni jkun tajjeb li din tiġi kkomplementata b’informazzjoni kwalitattiva.

3.11.

Id-disponibbiltà tal-informazzjoni dwar il-prestazzjoni kienet tvarja skont il-mod ta’ ġestjoni tal-programm. Għal programmi taħt ġestjoni diretta mill-Kummissjoni, id-data l-aktar reċenti disponibbli kienet ġeneralment minn tmiem l-2017. Għal programmi taħt ġestjoni kondiviża, id-data l-aktar reċenti li ġiet ipprovduta mill-Istati Membri kienet ġeneralment minn tmiem l-2016. Id-data għal programmi taħt ġestjoni indiretta kienet prinċipalment mill-2017 jew mill-2016, iżda f’xi każijiet din kienet tmur lura għall-2015 jew saħansitra aktar qabel. B’mod ġenerali, għall-kampjun tagħna, id-data l-aktar reċenti kienet mill-2016, fi 42 % mill-każijiet, filwaqt li fi 48 % mill-każijiet din kienet mill-2017.

3.12.

Filwaqt li l-progress mistenni tal-indikaturi tal-prestazzjoni, fil-biċċa l-kbira mill-każijiet, mhuwiex lineari, mill-2014 sal-2020, li kieku dan kien hekk, il-perċentwal tiegħu kien ikun ta’ 43 % fl-2016 u ta’ 57 % fl-2017 (9). B’mod ġenerali, id- data li tqiegħdet għad-dispożizzjoni mill-Kummissjoni turi varjazzjoni sinifikanti fil-kisbiet tal-programmi, bi progress globali moderat (ara l- Kaxxa 3.2 ). Kaxxa 3.2 Kampjun totali ta’ 22 programm — Il-progress kif jintwera mill-indikaturi tal-prestazzjoni tal-baġit tal-UE   Intestatura tal-QFP Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     1A - Kompetittività għat-tkabbir u l-impjiegi 147 57 46 % 71 %     1B - Koeżjoni ekonomika, soċjali u territorjali 87 60 31 % 40 %     2 - Riżorsi naturali 105 54 31 % 51 %     3 - Sigurtà u ċittadinanza 74 48 49 % 64 %     4 - Ewropa Globali 65 49 49 % 68 %     Strumenti Speċjali 2 1 100 % 100 %     Total 480 269       Nota: Minħabba n-nuqqas ta’ data, il-kalkoli tal-medja ponderata tal-progress lejn il-mira jeskludu l-FAEG u l-FSUE (għall-kalkolu mwettaq kemm fuq il-bażi tad-dikjarazzjonijiet tal-programmi kif ukoll fuq il-bażi tal-PPO). Sors: Il-QEA.

Intestatura 1a: L-indikaturi juru li l-progress li nkiseb minn Erasmus+ u l-FEIS kien tajjeb filwaqt li l-progress kien moderat għal Orizzont 2020 u l-Faċilità Nikkollegaw l-Ewropa

3.13.

Aħna analizzajna l-indikaturi ta’ 4 mit-23 programm tal-Intestatura 1 A “Kompetittività għat-tkabbir u l-impjieg” tal-QFP (ara wkoll il-Kapitolu 5): — Il-progress imkejjel għall-Programm Qafas għar-Riċerka u l-Innovazzjoni (Orizzont 2020) kien moderat, b’perċentwal ta’ 40 % (ara l- Kaxxa 3.3 ). Il-PPO tal-Kummissjoni ta messaġġ aktar pożittiv dwar il-progress li sar. Ibbażat fuq is-seba’ indikaturi magħżula mill-Kummissjoni fil-PPO tagħha, aħna kkalkulajna progress medju ta’ 73 % lejn l-ilħuq tal-mira. — Minħabba n-nuqqas ta’ data għal 31 mill-44 indikatur, ma kienx possibbli li jitkejjel il-progress tal-Faċilità Nikkollegaw l-Ewropa (FNE). L-indikaturi l-oħra urew progress moderat ta’ 37 %. Iċ-ċifri tal-PPO jirrappreżentaw biss it-total tal-ftehimiet ta’ għotja, jiġifieri l-assorbiment tal-baġit aktar milli l-prestazzjoni. — Il-PPO tal-Kummissjoni kklassifika l-progress għall-Programm tal-Unjoni għall-Edukazzjoni, Taħriġ, Żgħażagħ u Sport (Erasmus+) b’rata ta’ 100 %. Madankollu, dan il-kejl qabbel ir-riżultati reali mal-objettiv intermedju għall-2017 aktar milli mal-mira għall-2020. Il-progress ikkalkulat bi tqabbil mal-linja bażi ta’ 69 %, huwa bbażat fuq is-26 indikatur li għalihom jista’ jiġi kkalkulat dan il-perċentwal. — Il-Fond Ewropew għall-Investimenti Strateġiċi (FEIS) għandu bħala mira li jimmobilizza EUR 500 biljun f’investimenti sal-2020. Iċ-ċifra reali għall-2017 kienet ta’ EUR 256,3 biljun. Il-PPO qabbel ir-riżultati mal-mira ta’ EUR 315 biljun għal nofs l-2018 li inizjalment kienet ġiet stabbilita għall-ewwel tliet snin tal-operat. L-għażla tal-PPO ta’ 6 indikaturi turi l-miri intermedji tal-2017 inkisbu 100 % (10). Kaxxa 3.3 Intestatura 1a tal-QFP — Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     Orizzont 2020 52 13 40 % 73 %     FNE 44 13 37 % 23 %     Erasmus+ 38 26 69 % 100 %     FEIS 13 5 82 % 100 %     Total 147 57         Medja ponderata     46 % 71 %   Sors: Il-QEA.

Intestatura 1b: L-indikaturi juru li fil-qasam tal-Koeżjoni l-progress kien relattivament baxx, minħabba bidu tardiv tal-programm

3.14.

Filwaqt li l-kalkolu tal-perċentwal tal-progress bi tqabbil mal-linja bażi (31 %) kien pjuttost baxx, iċ-ċifra li kkalkulajna fuq il-bażi tal-PPO tal-Kummissjoni (40 %) uriet progress moderat għall-Intestatura 1B “Koeżjoni ekonomika, soċjali u territorjali” tal-QFP meta ġiet inkluża previżjoni aktar milli data reali. Dawn ir-riżultati jiġu prinċipalment spjegati mill-adozzjoni tardiva tal-leġiżlazzjoni u mid-dewmien sussegwenti fl-implimentazzjoni tal-programmi ta’ Koeżjoni, jiġifieri l-FK, il-FEŻR u l-Fond Soċjali Ewropew (FSE). Din l-intestatura tinkludi erba’ programmi (ara wkoll il-Kapitolu 6), li kienu kollha parti mill-kampjun tagħna: — L-indikaturi għall-FK u għall-FEŻR urew ftit li xejn progress anke minħabba li ġew irrappurtati biss ir-riżultati għal operazzjonijiet li kienu ġew implimentati bis-sħiħ (11). Anke jekk jiġu inklużi l-previżjonijiet, li s-sors tagħhom mhuwiex spjegat, iċ-ċifra li kkalkulajna fuq il-bażi tal-PPO tal-Kummissjoni uriet biss progress moderat ta’ 35 % għall-FK u 34 % għall-FEŻR (ara l- Kaxxa 3.4 ). — Għall-FSE, il-perċentwal ta’ 75 % tal-progress bi tqabbil mal-linja bażi seta’ jiġi kkalkulat biss fuq il-bażi ta’ 3 indikaturi minn 13-il wieħed. Iċ-ċifra li kkalkulajna fuq il-bażi tal-PPO tal-Kummissjoni (12) kienet aktar baxxa, b’perċentwal ta’ 55 %. — Għall-Fond għal Għajnuna Ewropea għall-Persuni l-Aktar fil-Bżonn, aħna kkalkulajna progress moderat ta’ 39 % mil-linja bażi għall-“Għadd ta’ persuni li jirċievu assistenza mill-Fond” li huwa l-uniku indikatur relatat ma’ objettiv speċifiku. Il-perċentwal tagħna ta’ 50 % tal-progress globali kien ogħla, billi l-uniku indikatur relatat mal-objettiv ġenerali dwar “Persuni f’riskju ta’ faqar jew esklużjoni soċjali” wera progress ta’ 61 %. Kaxxa 3.4 Intestatura 1b tal-QFP — Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     FEŻR 50 42 13 % 34 %     FSE 13 3 75 % 55 %     FK 22 13 26 % 35 %     Fond għal Għajnuna Ewropea għall-Persuni l-Aktar fil-Bżonn 2 2 50 % 100 %     Total 87 60         Medja ponderata     31 % 40 %   Sors: Il-QEA.

Intestatura 2: Fuq il-bażi tal-indikaturi, ma kienx possibbli li jiġi ddeterminat il-progress għall-biċċa l-kbira mill-infiq fil-qasam tar-“Riżorsi Naturali”

3.15.

Il-medja ponderata tal-progress għall-Intestatura 2 “Riżorsi Naturali”, fuq il-bażi tal-kampjun tagħna, kienet ta’ 31 % (ara l- Kaxxa 3.5 ) — li, flimkien mal-Intestatura 1b tal-QFP, kienet l-aktar baxxa għall-intestaturi kollha tal-QFP. L-UE twettaq il-politika tagħha taħt l-Intestatura 2 tal-QFP permezz ta’ ħames programmi (ara wkoll il-Kapitolu 7), li l-akbar erbgħa minnhom ġew koperti fil-kampjun tagħna: — Għall-Fond Agrikolu Ewropew ta’ Garanzija (FAEG), prinċipalment minħabba nuqqas ta’ miri kwantitattivi, aħna stajna nikkalkulaw biss il-progress mil-linja bażi għal wieħed mis-27 indikatur inklużi fid-Dikjarazzjoni tal-Programmi. L-indikatur inkwistjoni — “Perċentwal ta’ infiq (FAEG u FAEŻR), flimkien ma’ statistika jew kontrolli kumplessivi” — mhuwiex suffiċjenti biex jipprovdi stampa rappreżentattiva tal-kisbiet tal-programm. Il-FAEG jirrappreżenta erbgħa minn kull ħamsa tal-infiq għall-Intestatura 2. — Għall-Fond Agrikolu Ewropew għall-Iżvilupp Rurali (FAEŻR), il-progress kien ta’ 28 %, fuq il-bażi ta’ 24 indikatur. Fil-biċċa l-kbira mill-każijiet, din iċ-ċifra kienet tirrifletti biss il-kisbiet fl-ewwel sena ta’ implimentazzjoni. Id-data l-aktar reċenti kienet mill-2016, u l-maġġoranza l-kbira tal-programmi tal-iżvilupp rurali li permezz tagħhom l-Istati Membri u r-reġjuni jimplimentaw il-FAEŻR kienu bdew fl-2015. Il-progress kien aħjar għall-10 indikaturi magħżula mill-Kummissjoni għall-PPO. — Għall-Fond Ewropew għall-Affarijiet Marittimi u s-Sajd (FEMS) u l-Programm għall-Ambjent u l-Azzjoni Klimatika (LIFE), aħna stajna nikkalkulaw il-progress ikkalkulat mil-linja bażi għal aktar minn nofs l-indikaturi. Għall-FEMS, ir-riżultat kien ta’ 58 % (ibbażat fuq 8 mill-15-il indikatur) u għal-LIFE dan kien ta’ 77 % (ibbażat fuq 21 mit-33 indikatur). Kaxxa 3.5 Intestatura 2 tal-QFP — Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     FAEG 27 1 M/A mhux applikabbli     FAEŻR 30 24 28 % 51 %     FEMS 15 8 58 % 33 %     LIFE 33 21 77 % 89 %     Total 105 54         Medja ponderata minbarra l-FAEG     31 % 51 %   Nota: Minħabba n-nuqqas ta’ data, il-kalkoli tal-medja ponderata tal-progress lejn il-mira jeskludu l-FAEG (għall-kalkolu mwettaq kemm fuq il-bażi tad-dikjarazzjonijiet tal-programmi kif ukoll fuq il-bażi tal-PPO). Sors: Il-QEA.

Intestatura 3: L-indikaturi għal “Sigurtà u ċittadinanza” juru li żewġ programmi kisbu progress tajjeb, wieħed kiseb progress moderat u ieħor waqa’ lura

3.16.

Mill-11-il programm taħt l-Intestatura 3 “Sigurtà u ċittadinanza” tal-QFP, aħna għażilna 4 (ara wkoll il-Kapitolu 8): il-Fond għall-Asil, il-Migrazzjoni u l-Integrazzjoni, il-Fond għas-Sigurtà Interna, il-Programm dwar l-Ikel u Għalf, u l-Programm Ewropa Kreattiva. Il-medja ponderata kkombinata tal-progress mil-linja bażi kienet ġeneralment raġonevoli, b’perċentwal ta’ 49 % (ara l- Kaxxa 3.6 ).

3.17.

Il-progress medju, meta seta’ jiġi kkalkulat u bl-użu ta’ data tal-2017, indika li kemm il-Fond għall-Asil, il-Migrazzjoni u l-Integrazzjoni (53 %) kif ukoll il-Fond għas-Sigurtà Interna (56 %) kienu sejrin tajjeb. Il-Programm Ewropa Kreattiva wera progress moderat ta’ 41 %, filwaqt li l-Programm dwar l-Ikel u l-Għalf kien jidher li waqa’ lura u l-progress li nkiseb kien ta’ 20 %. Kaxxa 3.6 Intestatura 3 tal-QFP - Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     Fond għall-Asil, il-Migrazzjoni u l-Integrazzjoni 23 20 53 % 60 %     Fond għas-Sigurtà Interna 20 19 56 % 55 %     Ikel u Għalf 7 2 20 % 81 %     Programm Ewropa Kreattiva 24 7 41 % 84 %     Total 74 48         Medja ponderata     49 % 64 %   Sors: Il-QEA.

Intestatura 4: L-indikaturi juru progress kumplessivament raġonevoli għall-programmi “Ewropa Globali”

3.18.

Aħna analizzajna 4 mill-15-il programm taħt l-Intestatura 4 “Ewropa Globali” tal-QFP: l-Istrument tal-Kooperazzjoni għall-Iżvilupp (DCI), l-Istrument Ewropew ta’ Viċinat (ENI), l-Istrument għall-Assistenza ta’ Qabel l-Adeżjoni (IPA II) u l-Għajnuna Umanitarja (ara wkoll il-Kapitolu 9). Il-medja ponderata ta’ 49 % tal-progress mil-linja bażi kienet kumplessivament raġonevoli (għad-49 indikatur — minn total ta’ 65 — li għalihom din setgħet tiġi kkalkulata — ara l- Kaxxa 3.7 )

3.19.

Għall-programmi kollha, ħlief id-DCI, il-PPO tal-Kummissjoni wera livell ta’ progress ferm ogħla, minħabba l-għażla tal-indikaturi. Fil-każ tad-DCI, il-Kummissjoni kkalkulat eċċezzjonalment il-progress lejn il-mira bi tqabbil mal-linja bażi, mingħajr ma spjegat fil-PPO li kienet intużat din il-metodoloġija. Kaxxa 3.7 Intestatura 4 tal-QFP - Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     DCI 11 11 50 % 31 %     ENI 24 18 46 % 79 %     IPA II 19 11 41 % 94 %     Għajnuna umanitarja 11 9 67 % 93 %     Total 65 49         Medja ponderata     49 % 68 %   Sors: Il-QEA.

Strumenti speċjali: Informazzjoni insuffiċjenti dwar il-progress li nkiseb

3.20.

Id-dikjarazzjonijiet tal-programmi jindikaw li l-miri taż-żewġ strumenti speċjali tal-QFP 2014-2020 kienu ntlaħqu, għalkemm dan ma ġiex issostanzjat: — Għall-Fond ta’ Solidarjetà tal-Unjoni Ewropea (FSUE), il-Kummissjoni kkunsidrat li l-mira għall-2017 kienet intlaħqet, u l-kombinament tal-miżuri li ttieħdu kien ikopri 100 % tal-popolazzjoni affettwata minn sitwazzjoni ta’ kriżi. Madankollu, l-informazzjoni relatata mar-riżultati reali li ġiet inkluża fid-dikjarazzjonijiet tal-programmi li nħarġu f’Mejju 2018 ma tantx ipprovdiet informazzjoni dwar 4 mill-10 applikazzjonijiet għall-għajnuna li ġew riċevuti fl-2017. — Bis-saħħa tal-Fond Ewropew ta’ Aġġustament għall-Globalizzazzjoni (FEG), ġie rrappurtat li 57 % tal-ħaddiema li ngħataw is-sensja ġew integrati mill-ġdid fid-dinja tax-xogħol. Dan il-perċentwal huwa ogħla mill-mira ta’ 50 %. Madankollu, l-objettiv inkluż fil-leġiżlazzjoni (13) kien differenti, billi huwa jirreferi għal “benefiċjarji li jsibu impjieg sostenibbli minnufih…”. Kaxxa 3.8 Strumenti speċjali — Il-progress kif jintwera mill-indikaturi tal-prestazzjoni tal-baġit tal-UE   Programm Għadd ta’ indikaturi Progress medju lejn il-mira kkalkulat permezz ta’ metodoloġiji differenti (ara l-paragrafu 3.9)     Total Progress mil-linja bażi li jista’ jitkejjel fuq il-bażi tad-dikjarazzjonijiet tal-programmi fuq il-bażi tal-PPO     FSUE 1 0 M/A M/A     FEG 1 1 100 % 100 %     Total 2 1         Medja ponderata minbarra l-FSUE     100 % 100 %   Nota: Minħabba n-nuqqas ta’ data, il-kalkoli tal-medja ponderata tal-progress lejn il-mira jeskludu l-FSUE (għall-kalkolu mwettaq kemm fuq il-bażi tad-dikjarazzjonijiet tal-programmi kif ukoll fuq il-bażi tal-PPO). Sors: Il-QEA.

Taqsima B — L-indikaturi mhux dejjem ipprovdew stampa tajba tal-progress reali

3.21.

F’din it-taqsima, aħna niffukaw fuq id-dgħufijiet li identifikajna fl-informazzjoni dwar il-prestazzjoni li ġiet ipprovduta mill-Kummissjoni. L-atti legali li fuqhom huma bbażati l-programmi għall-QFP 2014-2020 jiddefinixxu l-indikaturi tal-prestazzjoni li l-Kummissjoni trid tirrapporta dwarhom.

Ħafna indikaturi ma ntgħażlux b’mod tajjeb

Fil-biċċa l-kbira, l-indikaturi ffukaw fuq l-inputs u l-outputs milli fuq ir-riżultati u l-impatti

3.22.

Il-monitoraġġ tal-prestazzjoni jirrikjedi li jinżamm rekord tal-inputs, l-outputs, ir-riżultati u l-impatti tal-programm (ara t- Tabella 3.1 ). L-indikaturi tal-input u tal-output huma importanti għall-ġestjoni ta’ kuljum tal-programmi ta’ nfiq pubbliku. L-indikaturi tar-riżultati u tal-impatti huma aktar utli biex jiġi vvalutat il-progress lejn l-ilħuq tal-objettivi tal-programmi, u għalhekk huma aktar rilevanti għal rapporti ta’ livell għoli dwar il-prestazzjoni, bħad-dikjarazzjonijiet tal-programmi. Tabella 3.1 Inputs, outputs, riżultati u impatti     Definizzjoni tal-indikaturi Eżempji illustrattivi ta’ indikaturi mid-dikjarazzjonijiet tal-programmi     Inputs Riżorsi finanzjarji, umani u materjali li jiġu mmobilizzati għall-implimentazzjoni tal-programm — Investiment totali fl-iffrankar u fl-effiċjenza tal-enerġija (FAEŻR) — Perċentwal tat-total tal-pagamenti diretti li huma diżakkoppjati (FAEG) — Volum ta’ investiment fi proġetti ta’ interess komuni (FNE)     Outputs (14) Ir-riżultati tanġibbli speċifiċi tal-intervent — Għadd ta’ interventi biex jappoġġaw l-implimentazzjoni tas-Seba’ Programm ta’ Azzjoni Ambjentali (LIFE) — It-total tat-tul ta’ linji tat-tram u tal-metro ġodda jew imtejba (FEŻR) — L-għadd ta’ studenti u trainees li jipparteċipaw fil-Programm, skont il-pajjiż, is-settur, l-azzjoni u l-ġeneru (Erasmus +)     Riżultati L-effetti immedjati tal-intervent b’referenza partikolari għad-destinatarji diretti — Għadd ta’ impjiegi maħluqa permezz ta’ proġetti LEADER li jibbenefikaw minn appoġġ (FAEŻR) — Tnaqqis fil-konsum annwali ta’ enerġija primarja f’ bini pubbliku (FEŻR) — Applikazzjonijiet għal privattivi u privattivi miksuba fil-Qasam tat-Teknoloġiji Futuri u Emerġenti (Orizzont 2020)     Impatti L-eżitu intenzjonat tal-intervent f’termini tal-impatt fuq l-ekonomija/is-soċjetà usa’ lil hinn minn dawk affettwati direttament mill-intervent — Sehem ta’ esportazzjonijiet agrikoli tal-UE fis-suq dinji (FAEG) — Valur ta’ produzzjoni tal-akkwakultura fl-UE (FEMS) — Sehem ta’ sorsi rinnovabbli fil-konsum finali gross tal-enerġija (FK)   Sors: Il-QEA.

3.23.

L-analiżi tagħna turi li aktar minn 60 % tal-indikaturi inklużi fid-dikjarazzjonijiet tal-programmi kienu indikaturi tal-input jew tal-output (15) (ara l- Kaxxa 3.9 ). Din il-predominanza tal-indikaturi tal-input u ta’ output tillimita l-utilità tal-informazzjoni pprovduta dwar il-progress fl-ilħuq tal-objettivi (16). Kaxxa 3.9 Proporzjon għoli ta’ indikaturi tal-input u ta’ indikaturi tal-output Sors: Il-QEA.

Xi indikaturi tal-prestazzjoni ma kinux marbutin b’mod ċar mal-infiq tal-UE

3.24.

Waħda mill-funzjonijiet ewlenin tad-dikjarazzjonijiet tal-programmi hija li tiġi “ipprovduta informazzjoni għal kull programm ta’ infiq dwar (…) il-progress li nkiseb f’dak li jirrigwarda l-prestazzjoni tal-programm (…) u l-kontribuzzjoni li ngħatat għall-politiki u għall-objettivi prinċipali tal-UE” (17). L-aħjar mod biex jintlaħaq dan l-għan huwa permezz tal-indikaturi tar-riżultati u tal-impatt li huma marbutin mill-qrib mal-objettivi tal-programm u jistgħu jiġu affettwati sinifikattivament mill-programm inkwistjoni (18).

3.25.

Aħna sibna każijiet fejn l-indikaturi li ntużaw kienu kważi kompletament irrelevanti għall-effetti tal-infiq tal-UE (ara t- Tabella 3.2 ). F’ċerti każijiet, id-dikjarazzjonijiet tal-programmi saħansitra ġibdu l-attenzjoni għall-fatt li l-programmi ma affettwawx l-indikaturi (19). Tabella 3.2 Eżempji ta’ indikaturi li ma għandhomx rabtiet ċari mal-infiq u mal-objettivi tal-UE   Programm Objettiv iddikjarat Indikatur Analiżi     Għajnuna Umanitarja Li tiġi pprovduta assistenza ad hoc u għajnuna kif ukoll protezzjoni għal popolazzjonijiet f’pajjiżi terzi li jkunu vittmi ta’ diżastri naturali jew diżastri kkawżati mill-bniedem, sabiex jiġu ssodisfati l-ħtiġijiet umanitarji li jirriżultaw minn dawn is-sitwazzjonijiet differenti. Għadd ta’ mwiet minħabba diżastri naturali L-indikatur huwa affettwat b’mod indirett ħafna mill-implimentazzjoni tal-programm     FAEG Li l-Kummissjoni tiġi pprovduta b’aċċertament raġonevoli li l-Istati Membri stabbilew sistemi ta’ ġestjoni u kontroll (…) biex jiġu protetti l-interessi finanzjarji tal-UE. Perċentwal ta’ nfiq (FAEG u FAEŻR) flimkien ma’ statistika jew kontroll kumplessiv. La l-objettiv u lanqas l-indikatur ma huma direttament relatati mar-riżultati tal-programm   Sors: Il-QEA

Ma hemm l-ebda indikatur għal ċerti aspetti ta’ xi wħud mill-objettivi tal-programmi

3.26.

Id-dikjarazzjonijiet tal-programmi għandhom struttura ġerarkika, b’objettivi li huma organizzati f’żewġ saffi: livell ogħla ta’ “objettivi ġenerali” u livell aktar baxx ta’ “objettivi speċifiċi” (20). Kull objettiv (ġenerali jew speċifiku) għandu mill-anqas indikatur wieħed, u normalment aktar minn wieħed. Fil-biċċa l-kbira mill-każijiet, ir-rabtiet bejn l-objettivi ġenerali u dawk speċifiċi huma ċari, iżda dawn mhumiex indikati b’mod espliċitu fid-dikjarazzjonijiet tal-programmi. Ċerti objettivi speċifiċi jistgħu jintrabtu ma’ aktar minn objettiv ġenerali wieħed, u viċi versa.

3.27.

L-analiżi li wettaqna tat-22 dikjarazzjoni tal-programmi magħżula biex jiġu eżaminati żvelat li ċerti aspetti tal-objettivi ma kinux koperti minn indikatur, bħal: — FK: Objettiv Speċifiku 4 (“Promozzjoni tat-trasport sostenibbli u t-tneħħija ta’ konġestjoni f’netwerks tal-infrastruttura”) kellu 6 indikaturi, iżda l-ebda minnhom ma kienu jindirizzaw it-“tneħħija ta’ konġestjoni f’netwerks tal-infrastruttura”; — DCI: Objettiv Speċifiku 1 (“Tnaqqis tal-faqar u trawwim tal-iżvilupp ekonomiku, soċjali u ambjentali sostenibbli”) kellu 5 indikaturi, iżda l-ebda minnhom ma jkopru l-“iżvilupp ambjentali (…) sostenibbli”; — FEŻR: Objettiv Speċifiku 9 (“Promozzjoni tal-inklużjoni soċjali, il-ġlieda kontra l-faqar u kull diskriminazzjoni”) kellu 4 indikaturi li jittrattaw l-inklużjoni soċjali iżda l-ebda minnhom ma kienu jindirizzaw il-ġlieda kontra l-faqar u d-diskriminazzjoni.

Għal ħafna indikaturi ma kienx possibbli li jiġi kkalkulat il-progress

3.28.

Fit-Taqsima A, aħna ppreżentajna l-perċentwali tagħna tal-progress għal diversi intestaturi tal-QFP. Madankollu, kif jidher fil- Kaxxa 3.10 hawn taħt, ma kienx possibbli li dan il-perċentwal jiġi kkalkulat għal kważi nofs l-indikaturi fil-kampjun tagħna (44 %), prinċipalment minħabba li: — jew ma kienx hemm mira speċifika u kkwantifikata (eż. mira ddefinita bħala li “iżżid”, “iżżomm”, eċċ.); u/jew inkella — il-valur tal-linja bażi ma ġietx ipprovduta; — ma kien hemm l-ebda data disponibbli dwar il-progress li nkiseb; — il-linja bażi, id-data dwar il-progress li nkiseb u l-mira ma ġewx ippreżentati fl-istess format. Kaxxa 3.10 Għal kważi nofs l-indikaturi kollha mhuwiex possibbli li jiġi kkalkulat il-progress lejn il-mira Sors: Il-QEA.

3.29.

Il-FAEG u Orizzont 2020 jikkostitwixxu żewġ eżempji ta’ programmi li għalihom ma kienx possibbli li jiġi kkalkulat il-perċentwal tal-progress għal ħafna indikaturi (għal 26 mis-27 indikatur u għal 39 mit-52 indikatur, rispettivament). Għall-FSUE, kien hemm biss indikatur wieħed (21) li għalih ma setax jiġi kkalkulat il-progress, minħabba l-kwantità kbira ta’ data li kellu għad-dispożizzjoni.

3.30.

Ta’ spiss ma kienx hemm objettivi intermedji annwali. Fejn dawn kienu disponibbli, il-Kummissjoni kellha riżervi dwar l-użu tagħhom (22), filwaqt li aħna nikkunsidraw li dawn huma importanti għall-monitoraġġ tal-prestazzjoni.

Għal xi wħud mill-programmi, id-data disponibbli kienet ta’ kwalità insuffiċjenti

Għal xi wħud mill-programmi, ħafna indikaturi ma kellhom l-ebda data dwar il-progress li nkiseb, li tkompli wara l-2015, jew inkella din kienet kompletament ineżistenti

3.31.

Aħna osservajna li għal xi wħud mill-programmi (ara l- Kaxxa 3.11 ), aktar minn 25 % tal-indikaturi ma kellhom l-ebda data li tkompli wara l-2015 dwar il-progress li nkiseb jew inkella din kienet kompletament ineżistenti. Aħna osservajna wkoll li l-qafas tal-prestazzjoni kien jinkludi ċerti indikaturi minkejja li kien magħruf li kien hemm xi problemi f’dak li jirrigwarda d-disponibbiltà tad-data (23).

3.32.

Fir-rakkomandazzjoni tiegħu dwar il-kwittanza għas-sena finanzjarja 2017, il-Kunsill enfasizza l-ħtieġa li tiġi inkluża “informazzjoni aġġornata fir-rappurtar dwar il-prestazzjoni rigward il-progress li jkun sar lejn l-ilħuq tal-miri” (24). B’mod simili, il-Parlament Ewropew fil-kwittanza tiegħu 2017 talab lill-Kummissjoni biex “tinkludi informazzjoni aġġornata fir-rappurtar dwar il-prestazzjoni, inkluż fl-AMPR, rigward il-progress li jkun sar lejn l-ilħuq tal-miri…” (25). Kaxxa 3.11 Għal ħafna indikaturi ma hemm l-ebda data reċenti jew data reali Sors: Il-QEA.

Problemi oħra relatati mal-kwalità tad-data

3.33.

Hemm għadd ta’ problemi oħra relatati mal-kwalità tad-data li jikkumplikaw aktar l-analiżi tal-progress, bħal: — Bidliet sinifikanti fl-ambitu ta’ indikatur, li jirriżultaw f’inkonsistenzi bejn il-linja bażi, id-data dwar il-progress li nkiseb u l-mira, eż. l-Indikatur 2 tal-Objettiv Speċifiku 2 tal-Istrument tal-Kooperazzjoni għall-Iżvilupp (DCI), jiġifieri “Għadd ta’ proġetti ffinanzjati mid-DCI biex jippromwovu d-demokrazija, l-istat tad-dritt, il-governanza tajba u r-rispett għad-drittijiet umani fil-pajjiżi benefiċjarji tad-DCI”. Il-kodiċijiet tas-Sistema Komuni ta’ Informazzjoni Relex (CRIS) użati għall-estrazzjoni tad-data għal dan l-indikatur ġew estiżi b’mod sinifikanti mis-sena 2016 “biex tiġi koperta firxa wiesgħa ta’ setturi inklużi fl-indikatur”. — Formati differenti fil-linja bażi, fl-objettivi intermedji u fid-data dwar il-progress li nkiseb jagħmluha impossibbli li jiġi vvalutat il-progress li sar, eż. l-Indikatur 2 tal-Objettivi 8 sa 12 tal-Programm Orizzont 2020. Ir-riżultati (l-għadd ta’ applikazzjonijiet ta’ privattivi) għal dawn l-indikaturi mhumiex fl-istess format bħal dak tal-linja bażi u tal-mira, li juru l-“għadd ta’ applikazzjonijiet ta’ privattivi għal finanzjament ta’ EUR 10 miljun”. — Linji bażi ta’ ċerti indikaturi li huma obsoleti u li jwasslu għal riżultati mhux realistiċi tal-“progress lejn il-mira” u tad-“distanza lejn il-mira”, eż. l-Indikatur 3 tal-Objettiv Ġenerali 1 tal Programm FEŻR, “Emissjonijiet ta’ Gassijiet Serra” (użat ukoll għall-Indikatur 1 tal-Objettiv Ġenerali 1 tal-Fond ta’ Koeżjoni). Il-linja bażi għat-tnaqqis ippjanat ta’ 20 % fl-emissjonijiet ta’ gassijiet serra sal-2020 hija s-sena 1990, iżda skont id-dikjarazzjonijiet tal-programmi, diġà kien seħħ tnaqqis ta’ 19,8 % qabel il-bidu tal-programmi fl-2014.

Xi programmi jinkludu miri li mhumiex ambizzjużi biżżejjed

3.34.

Għadd ta’ programmi (17 mit-22 programm li ġew eżaminati) kienu jinkludu miri li aħna kkunsidrajna li ma kinux ambizzjużi. Kemm mira hija ambizzjuża tista’ tkun kwistjoni ta’ ġudizzju professjonali. Aħna identifikajna l-kategoriji li ġejjin li bla dubju nikkunsidraw li mhumiex ambizzjużi: 1. Miri li ntlaħqu kompletament fl-ewwel ftit snin tal-perjodu ta’ 7 snin tal-implimentazzjoni tal-programm: eż. l-Indikatur FEMS, “Profitabbiltà tal-flotta tas-sajd tal-UE skont is-segment tal-flotta”, li għalih il-marġni ta’ profitt medju nett tal-flotta tas-sajd tal-UE ta’ bejn 10 u 12 % kien diġà ntlaħaq sal-2015; 2. Miri partikolarment baxxi: eż. il-mira għall-indikatur tal-Fond ta’ Koeżjoni, “Total tat-tul ta’ linja ferrovjarja ġdida”, stabbilita għal 64 km (TEN-T) għall-perjodu ta’ programmazzjoni kollu kemm hu, jiġifieri madwar 9 km fis-sena għall-UE kollha (26). 3. Miri ekwivalenti għal/qrib il-linja bażi: eż. l-Indikatur ta’ Orizzont 2020, “Applikazzjonijiet għal privattivi u privattivi miksuba fit-teknoloġiji abilitanti u industrijali differenti”, għall-Objettiv Speċifiku 5, “Tmexxija Industrijali”, il-mira kienet saħansitra aktar baxxa mil-linja bażi (27).

3.35.

Il- Kaxxa 3.12 turi l-programmi li għalihom il-proporzjon ta’ dawn l-indikaturi b’miri li ma kinux ambizzjużi kien ta’ 15 % jew aktar. Kaxxa 3.12 Ħafna mill-miri għal xi programmi mhumiex ambizzjużi Sors: Il-QEA.

Parti 2 — Riżultati tal-awditi tal-prestazzjoni mwettqa mill-Qorti: konklużjonijiet u rakkomandazzjonijiet prinċipali

Introduzzjoni

3.36.

Kull sena, aħna nippubblikaw għadd ta’ rapporti speċjali li fihom neżaminaw kemm il-prinċipji tal-ġestjoni finanzjarja tajba qed jiġu applikati tajjeb fl-implimentazzjoni tal-baġit tal-UE. Fl-2018, aħna ppubblikajna 35 rapport speċjali (28) (29). Huma koprew l-intestaturi kollha tal-QFP (30) u kien fihom 380 rakkomandazzjoni dwar firxa wiesgħa ta’ suġġetti (ara l- Kaxxa 3.13 ). Ir-risposti ippubblikati għar-rapporti tagħna juru li l-entitajiet awditjati aċċettaw bis-sħiħ 78 % tar-rakkomandazzjonijiet tagħna, meta mqabbel ma’ 68 % fl-2017 (ara l- Kaxxa 3.14 ). L- Anness 3.2 jagħti sommarju tar-rakkomandazzjonijiet li saru lill-Istati Membri fir-Rapporti Speċjali tagħna tal-2018. Kaxxa 3.13 Ir-rakkomandazzjonijiet ikopru firxa wiesgħa ta’ suġġetti Sors: Il-QEA. Kaxxa 3.14 L-entitajiet awditjati tagħna aċċettaw il-maġġoranza l-kbira tar-rakkomandazzjonijiet tagħna Sors: Il-QEA.

Intestaturi 1a “Kompetittività għat-tkabbir u l-impjiegi” u 1b “Koeżjoni ekonomika, soċjali u territorjali”

3.37.

Fl-2018, aħna ppubblikajna 12-il rapport speċjali għal dawn l-intestaturi tal-QFP (31). Aħna nixtiequ niġbdu l-attenzjoni għal xi wħud mill-konklużjonijiet u mir-rakkomandazzjonijiet ewlenin li jinsabu f’6 minn dawn ir-rapporti.

(a)   Ir-Rapport Speċjali Nru 8/2018 — Durabbiltà tal-appoġġ mogħti mill-UE għal investimenti produttivi fin-negozji

3.38.

Aħna sibna li l-proġetti awditjati, b’mod ġenerali, wasslu l-output ippjanat u li, fil-biċċa l-kbira mill-każijiet, dan l-output kien għadu jeżisti u kien qed jintuża. Madankollu, f’wieħed minn kull ħames każijiet, ir-riżultati miksuba ma damux fit-tul. Aħna kkonkludejna li dan kien prinċipalment dovut għall-fatt li la l-Kummissjoni u lanqas l-awtoritajiet nazzjonali/reġjonali ma għamlu biżżejjed enfasi fuq id-durabbiltà tar-riżultati fil-ġestjoni kemm fil-livell tal-programmi kif ukoll fil-livell tal-proġetti.

3.39.

Aħna rrakkomandajna li: — il-Kummissjoni tagħti attenzjoni partikolari lejn kif l-Istati Membri jindirizzaw id-durabbiltà tar-riżultati tal-proġetti matul il-proċess ta’ approvazzjoni tal-programmi operazzjonali; u — l-Istati Membri jtejbu l-proċeduri u l-kriterji relatati mal-għażla tal-proġetti.

(b)   Ir-Rapport Speċjali Nru 9/2018 — Sħubiji Pubbliċi-Privati (PPPs) fl-UE

3.40.

Aħna sibna li, filwaqt li l-PPPs kellhom il-potenzjal li jiksbu l-implimentazzjoni tal-politika b’mod aktar rapidu u jiżguraw livell tajjeb ta’ manutenzjoni matul il-ħajja tagħhom, il-PPPs awditjati li ngħataw appoġġ mill-UE, mhux dejjem kienu mmaniġġjati b’mod effettiv u ma pprovdewx valur adegwat għall-flus. Il-benefiċċji potenzjali tagħhom ta’ spiss ma nkisbux, billi — l-istess bħall-proġetti suġġetti għal proċedura ta’ akkwist tradizzjonali - dawn kienu suġġetti għal dewmien, żidiet fl-ispejjeż u użu insuffiċjenti tal-eżiti tal-proġetti. Barra minn hekk, kien hemm nuqqas ta’ analiżijiet adegwati dwar il-potenzjal għall-PPPs li jwasslu valur għall-flus addizzjonali, kif ukoll nuqqas ta’ strateġiji adegwati dwar l-użu tal-PPPs u ta’ oqfsa istituzzjonali u legali.

3.41.

Aħna rrakkomandajna li l-Kummissjoni u l-Istati Membri jevitaw il-promozzjoni ta’ użu aktar intensiv u mifrux tal-PPPs sakemm jiġu indirizzati l-problemi identifikati.

(c)   Ir-Rapport Speċjali Nru 12/2018 — Broadband fl-Istati Membri tal-UE

3.42.

Aħna sibna li għalkemm b’mod ġenerali kien sar titjib fil-kopertura bil-broadband fl-UE kollha, mhumiex se jintlaħqu l-miri kollha li ġew issettjati għall-2020. Filwaqt li l-Istati Membri kollha kienu żviluppaw strateġiji għall-broadband, il-miri tal-istrateġiji li eżaminajna mhux dejjem kienu konsistenti ma’ Ewropa 2020. Barra minn hekk, mhux l-Istati Membri kollha li żorna kienu stabbilew ambjent legali u regolatorju xieraq għal dak li jikkonċerna l-kompetizzjoni bejn il-fornituri. Finalment, il-ħtiġijiet finanzjarji għall-infrastruttura tal-broadband f’żoni rurali u suburbani mhux dejjem ġew indirizzati b’mod xieraq.

3.43.

Aħna rrakkomandajna li: — l-Istati Membri jiżviluppaw pjanijiet ġodda għall-perjodu wara l-2020; — il-Kummissjoni Ewropea tikkjarifika l-applikazzjoni tal-linji gwida dwar l-għajnuna mill-Istat, u tappoġġa l-isforzi li l-Istati Membri jagħmlu biex irawmu aktar kompetizzjoni fil-forniment ta’ servizz tal-broadband; u — il-Bank Ewropew tal-Investiment jiffoka l-appoġġ tiegħu fuq proġetti żgħar u ta’ daqs medju f’żoni fejn l-appoġġ mis-settur pubbliku ikun l-aktar meħtieġ.

(d)   Ir-Rapport Speċjali Nru 17/2018 — Assorbiment

3.44.

Aħna sibna li għall-perjodi ta’ programmazzjoni 2007-2013 u 2014-2020, l-adozzjoni tardiva tal-qafas leġiżlattiv wasslet għal dewmien fil-programmi operazzjonali. Dan kellu effett indirett fuq il-mument li fih beda l-infiq tal-fondi allokati. Filwaqt li xi wħud mill-miżuri meħuda mill-Kummissjoni wasslu għal żieda kbira fl-assorbiment matul il-perjodu 2007-2013, ir-riżultati ftit li xejn ingħataw kunsiderazzjoni.

3.45.

Aħna rrakkomandajna li l-Kummissjoni: — tipproponi skeda ta’ żmien biex l-awtoritajiet leġiżlattivi jiżguraw li l-implimentazzjoni tkun tista’ tibda fil-bidu tal-perjodu ta’ programmazzjoni; u — tiżgura li l-fokus ikun fuq it-twassil ta’ riżultati.

(e)   Ir-Rapport Speċjali Nru 30/2018 — Id-Drittijiet tal-passiġġieri

3.46.

Aħna sibna li l-mezzi prinċipali tat-trasport pubbliku, huma koperti fir-regolamenti, u dan jagħmel il-qafas tal-UE għad-drittijiet tal-passiġġieri uniku fid-dinja. Madankollu, bosta passiġġieri ma kinux konxji biżżejjed tad-drittijiet tagħhom u ħafna drabi ma setgħux jibbenefikaw minnhom minħabba problemi relatati mal-infurzar. Barra minn hekk, filwaqt li d-drittijiet ewlenin huma maħsuba biex jipproteġu l-passiġġieri kollha, fl-erba’ mezzi kollha tat-trasport pubbliku, il-firxa tal-protezzjoni tiddependi mill-mezz ta’ trasport użat.

3.47.

Aħna rrakkomandajna li l-Kummissjoni: — ittejjeb il-koerenza, iċ-ċarezza u l-effettività tal-qafas tal-UE għad-drittijiet tal-passiġġieri; — tieħu azzjoni biex tippromwovi u tikkoordina t-tnedija ta’ kampanji ta’ sensibilizzazzjoni mill-korpi nazzjonali ta’ infurzar; — tindirizza, fil-proposti tagħha li għandhom l-għan li jemendaw ir-regolamenti eżistenti, il-ħtieġa li l-Korpi Nazzjonali tal-Infurzar jingħataw għodod ulterjuri għall-infurzar tad-drittjiet tal-passiġġieri.

(f)   Ir-Rapport Speċjali Nru 28/2018 — Orizzont 2020

3.48.

Il-konklużjoni ġenerali tagħna f’dan ir-rapport speċjali kienet li l-maġġoranza tal-miżuri ta’ simplifikazzjoni li ttieħdu mill-Kummissjoni kienu effettivi fit-tnaqqis tal-piż amministrattiv minn fuq il-benefiċjarji f’Orizzont 2020, għalkemm mhux l-azzjonijiet kollha pproduċew ir-riżultat mixtieq u għad hemm lok għal titjib. Il-benefiċjarji jeħtieġu gwida u għodod aktar faċli għall-utent, u l-Kummissjoni għandha tkompli tittestja x-xerqien u l-utilizzabbiltà tal-iskemi ġodda ta’ finanzjament. L-istabbiltà fir-regoli hija importanti wkoll, u filwaqt li l-benefiċjarji jistgħu jadattaw għall-kumplessità, modifiki frekwenti tal-gwida jistgħu jikkawżaw konfużjoni u inċertezza.

3.49.

Aħna nirrakkomandaw li l-Kummissjoni: — tikkomunika aħjar mal-applikanti u mal-benefiċjarji; — tintensifika l-ittestjar tas-somom f’daqqa; — tesplora l-possibbiltajiet li tagħmel użu akbar mill-evalwazzjonijiet tal-proposti f’żewġ stadji; — teżamina mill-ġdid il-kundizzjonijiet ta’ rimunerazzjoni għal evalwaturi esperti; — iżżid ir-rikonoxximent tas-Siġill ta’ Eċċellenza; — tiżgura l-istabbiltà tar-regoli u l-gwida għall-parteċipanti; — ittejjeb il-kwalità tal-awditi esternalizzati; — tissimplifika aktar l-għodod u l-gwida għall-SMEs.

Intestatura 2 “Riżorsi naturali”

3.50.

Aħna ppubblikajna tmien rapporti speċjali li jikkonċernaw it-tkabbir sostenibbli kif ukoll ir-riżorsi naturali u l-azzjoni ambjentali u klimatika. Ippubblikajna wkoll dokument informattiv u analitiku dwar il-futur tal-politika agrikola komuni (PAK), segwit mill-Opinjoni 7/2018 dwar il-proposti għar-regolamenti relatati mal-Politika Agrikola Komuni għall-perjodu wara l-2020.

3.51.

Ir-rapporti speċjali tagħna li jittrattaw aspetti diversi tal-politika agrikola inkludew rakkomandazzjonijiet għal titjib fil-prestazzjoni tal-istrumenti, il-fondi u l-iskemi tal-PAK, kif ġej: — Fir-Rapport Speċjali Nru 5/2018, aħna enfasizzajna li teżisti l-possibilità ta’ sinerġiji bejn il-politika dwar l-enerġija rinnovabbli u l-fondi li huma ddestinati biex jiffaċilitaw l-iżvilupp rurali sostenibbli, iżda osservajna li dawn is-sinerġiji għadhom fil-biċċa l-kbira mhumiex qed jiġu realizzati. Ir-rakkomandazzjonijiet tagħna indirizzaw is-sostenibbiltà tal-politika futura dwar l-enerġija rinnovabbli futura. — Fir-Rapport Speċjali Nru 10/2018, aħna kkonkludejna li l-iskema ta’ pagament bażiku għall-bdiewa, minkejja li operazzjonalment tinsab miexja tajjeb, kellha impatt limitat fuq is-simplifikazzjoni, fuq l-immirar u fuq il-konverġenza tal-livelli ta’ għajnuna. Aħna rrakomandajna li l-miżuri proposti ta’ appoġġ għall-introjtu għall-bdiewa jkunu marbutin ma’ objettivi operazzjonali u ma’ linji bażi xierqa li magħhom tkun tista’ titqabbel il-prestazzjoni tagħhom. — Ir-Rapport Speċjali Nru 11/2018 eżamina l-opzjonijiet il-ġodda għall-finanzjament ta’ proġetti tal-iżvilupp rurali, li minkejja li kienu aktar sempliċi, ma ffukawx fuq ir-riżultati. Aħna rrakkomandajna li l-Kummissjoni tivvaluta l-potenzjal li ma tibqax tibbaża r-rimborż fuq l-ispejjeż imġarrba iżda fuq ir-riżultati.

3.52.

Ir-rapporti speċjali l-oħra, li jkopru oqsma ta’ politika, bħall-enerġija, il-klima, l-ambjent, il-kwalità tal-arja u l-benessri tal-annimali, inkludew ukoll rakkomandazzjonijiet li l-għan tagħhom kien li jtejbu l-prestazzjoni tal-baġit tal-UE permezz ta’ sinerġiji msaħħa bejn is-setturi u obbligu ta’ rendikont akbar. Pereżempju: — l-integrazzjoni tal-politika dwar il-kwalità tal-arja f’politiki oħra tal-UE, (ir-Rapport Speċjali Nru 23/2018); — it-tisħiħ tar-rabtiet bejn is-sistema ta’ kundizzjonalità u l-benessri tal-annimali, (ir-Rapport Speċjali Nru 31/2018); — it-titjib fil-koerenza bejn l-oqfsa tal-agrikoltura, tal-klima, tal-ambjent u tar-riċerka biex tissaħħaħ il-protezzjoni tal-ħamrija (ir-Rapport Speċjali Nru 33/2018) — it-titjib tal-elementi kritiċi tal-governanza u tal-obbligu ta’ rendikont fil-programm tal-UE għad-dimostrazzjoni tal-qbid u l-ħżin tal-karbonju b’mod li jkun sikur għall-ambjent u ta’ teknoloġiji innovattivi tal-enerġija rinnovabbli fuq skala kummerċjali (ir-Rapport Speċjali Nru 24/2018); — it-titjib tal-għażla tal-proġetti li tkun ibbażata fuq kriterji oġġettivi u rilevanti għall-proġetti ta’ prevenzjoni tal-għargħar (ir-Rapport Speċjali Nru 25/2018), kif ukoll għall-proġetti ta’ ġbir tal-karbonju jew għal dawk innovattivi tal-enerġija rinnovabbli (ir-Rapport Speċjali 24/2018).

Intestatura 3 “Sigurtà u ċittadinanza” u Intestatura 4 “Ewropa Globali”

3.53.

Aħna ppubblikajna tmien rapporti speċjali li jikkonċernaw dawn l-intestaturi tal-QFP. Aħna nixtiequ niġbdu l-attenzjoni għal xi wħud mill-konklużjonijiet u mir-rakkomandazzjonijiet ewlenin li jinsabu f’erbgħa minn dawn ir-rapporti.

(a)   ir-Rapport Speċjali Nru 7/2018 - It-Turkija

3.54.

Aħna sibna li, b’mod ġenerali, l-assistenza kienet imfassla tajjeb u li l-proġetti kienu pproduċew l-output tagħhom. Madankollu, minħabba n-nuqqas ta’ rieda politika u minħabba l-fatt li l-Kummissjoni ftit li xejn kienet għamlet użu mill-kundizzjonalità, l-assistenza pprovduta mill-UE ma kinitx indirizzat biżżejjed xi wħud mill-ħtiġijiet fundamentali tal-pajjiż biex itejjeb il-governanza u l-istat tad-dritt tiegħu. Barra minn hekk, is-sostenibbiltà tar-riżultati kienet ta’ spiss f’riskju. Għalhekk, aħna qisna li l-effettività tal-finanzjament kienet biss limitata.

3.55.

Aħna rrakkomandajna li l-Kummissjoni, u fejn applikabbli, is-Servizz Ewropew għall-Azzjoni Esterna: — jimmiraw lejn fondi tal-”Istrument għall-Assistenza ta’ qabel l-Adeżjoni” b’mod aktar speċifiku f’oqsma fejn ir-riformi jkunu għadhom ma seħħewx; — itejbu l-valutazzjonijiet tal-approċċ settorjali; — iżidu l-użu tal-kundizzjonalità; — itejbu l-monitoraġġ tal-prestazzjoni tal-proġetti; — inaqqsu d-dewmien bl-applikazzjoni selettiva tal-ġestjoni indiretta.

(b)   ir-Rapport Speċjali Nru 20/2018 — L-Arkitettura Afrikana għall-Paċi u s-Sigurtà (APSA)

3.56.

Aħna sibna li l-appoġġ tal-UE, iffinanzjat taħt il-Fond Ewropew għall-Iżvilupp, ftit li xejn kellu effett u kien jeħtieġ iffukar mill-ġdid. Għalkemm kien hemm stabbilit qafas strateġiku ġenerali, l-appoġġ mill-UE għall-APSA kien ilu ffukat fuq il-kontribuzzjoni għall-ispejjeż operazzjonali bażiċi. Minħabba li l-kontribuzzjoni finanzjarja mill-Unjoni Afrikana kienet dgħajfa, l-APSA kienet ilha għal bosta snin dipendenti ħafna fuq l-appoġġ tad-donaturi. Minkejja l-kontribuzzjonijiet finanzjarji mill-UE għall-komponenti tal-APSA, il-kapaċità kienet tvarja b’mod konsiderevoli u kien għad hemm bosta sfidi.

3.57.

Aħna rrakkomandajna li l-Kummissjoni, u fejn applikabbli, is-Servizz Ewropew għall-Azzjoni Esterna: — iħeġġu lill-Unjoni Afrikana biex tipparteċipa fl-APSA sabiex tikseb l-indipendenza finanzjarja u jiffukaw mill-ġdid l-appoġġ li jingħata mill-UE biex ma jibqax iffokat fuq l-ispejjeż operazzjonali iżda jiffoka fuq miżuri tal-bini ta’ kapaċità; — jaċċertaw li l-interventi jkunu konsistentement ibbażati fuq ir-riżultati, inaqqsu d-dewmien fil-konklużjoni ta’ kuntratti u l-finanzjament retroattiv, itejbu l-monitoraġġ u jagħmlu użu koerenti mill-istrumenti ta’ finanzjament.

(c)   ir-Rapport Speċjali Nru 27/2018 — Il-Faċilità għar-Refuġjati fit-Turkija

3.58.

Aħna sibna li, f’kuntest diffikultuż, il-Faċilità għar-Refuġjati fit-Turkija kienet immobilizzat EUR 3 biljun fi żmien qasir biex tipprovdi rispons rapidu għall-kriżi tar-refuġjati. Minkejja dan, hija ma kinitx laħqet għalkollox l-objettiv tagħha li tikkoordina dan ir-rispons b’mod effettiv. Il-proġetti awditjati pprovdew appoġġ utli lir-refuġjati; il-biċċa l-kbira minnhom kienu kisbu l-outputs tagħhom, iżda nofshom kienu għadhom ma kisbux l-eżiti mistennija minnhom. Barra minn hekk, aħna sibna li hemm lok għal żieda fl-effiċjenza ta’ proġetti ta’ assistenza fi flus kontanti. Għalhekk, aħna kkonkludejna li l-Faċilità setgħet tkun aktar effettiva, u setgħet tikseb aktar valur għall-flus.

3.59.

Aħna rrakkomandajna li l-Kummissjoni: — tindirizza b’mod aktar effettiv il-ħtiġijiet tar-refuġjati f’dak li jirrigwarda infrastruttura muniċipali u appoġġ soċjoekonomiku; — ittejjeb ir-razzjonalizzazzjoni u l-komplementarjetà tal-assistenza billi tiddividi l-kompiti b’mod ċar bejn id-diversi sorsi ta’ finanzjament; — timplimenta strateġija għat-tranżizzjoni minn assistenza umanitarja għal assistenza għall-iżvilupp; — ittejjeb l-effiċjenza ta’ proġetti ta’ assistenza fi flus kontanti; — taħdem mal-awtoritajiet Torok biex ittejjeb l-ambjent operazzjonali għall-NGOs Internazzjonali; — tintensifika l-monitoraġġ u r-rappurtar rigward il-Faċilità għar-Refuġjati fit-Turkija.

(d)   Ir-Rapport Speċjali Nru 32/2018 — Il-Fond Fiduċjarju ta’ Emerġenza tal-UE (EUTF) għall-Afrika

3.60.

Aħna sibna li l-EUTF għall-Afrika kien għodda flessibbli. Madankollu, meta jiġu kkunsidrati l-isfidi mingħajr preċedent li ffaċċja, it-tfassil tiegħu kien jeħtieġ aktar fokus akbar. Fit-tnedija ta’ proġetti, l-EUTF għall-Afrika kien aktar rapidu meta mqabbel ma’ strumenti tradizzjonali, iżda ffaċċja sfidi simili li wasslu għal dewmien fl-implimentazzjoni. Minkejja li l-proġetti awditjati kienu fi stadju bikri, kienu bdew jipproduċu output.

3.61.

Aħna rrakkomandajna li l-Kummissjoni: — ittejjeb il-kwalità tal-objettivi tal-EUTF għall-Afrika; — tirrevedi l-proċedura tal-għażla tal-proġetti; — tieħu miżuri biex tħaffef l-implimentazzjoni; — ittejjeb il-monitoraġġ tal-EUTF għall-Afrika.

Intestatura 5 “Amministrazzjoni”

3.62.

Fl-2018, aħna ppubblikajna tliet rapporti speċjali relatati mal-qasam tal-amministrazzjoni. Aħna nixtiequ niġbdu l-attenzjoni għal xi wħud mill-konklużjonijiet u mir-rakkomandazzjonijiet ewlenin li jinsabu f’wieħed minn dawn ir-rapporti.

(a)   Ir-Rapport Speċjali Nru 34/2018 — L-ispazji għal uffiċċji tal-istituzzjonijiet tal-UE

3.63.

Aħna sibna li l-istituzzjonijiet immaniġġjaw l-infiq tagħhom fuq l-ispazji għal uffiċċji b’mod effiċjenti, iżda l-istrateġiji immobiljari mhux dejjem ġew iddokumentati b’mod uffiċjali. L-istituzzjonijiet ikkooperaw u applikaw prinċipji simili fir-rigward tat-teħid ta’ deċiżjonijiet. Ir-rappurtar li jintbagħat lill-awtoritajiet baġitarji, madankollu, ma ppermettiex li jsir tqabbil u li titwettaq analiżi tal-effiċjenza. Il-mekkaniżmi ta’ finanzjament għall-proġetti l-kbar ta’ kostruzzjoni li analizzajna ta’ spiss kienu kumplessi u dan affettwa t-trasparenza baġitarja. Il-biċċa l-kbira minn dawn il-proġetti ddewmu, li f’xi każijiet dan wassal għal spejjeż addizzjonali.

3.64.

Aħna rrakkomandajna li l-Istituzzjonijiet: — jaġġornaw u jiddokumentaw b’mod uffiċjali l-istrateġiji immobiljari tagħhom u jaġġornaw b’mod regolari d-dokumenti ta’ ppjanar; — iżidu t-trasparenza baġitarja fir-rigward tal-użu tal-mekkaniżmi ta’ finanzjament għal proġetti ta’ kostruzzjoni; — jistabbilixxu proċeduri ta’ ġestjoni li jkunu adegwati kemm għall-proġetti l-kbar ta’ kostruzzjoni kif ukoll għal dawk ta’ rinnovazzjoni; u — itejbu l-konsistenza tad-data u l-monitoraġġ tal-portafoll immobiljari.

Rapporti dwar il-“Funzjonament tajjeb tas-Suq Uniku u sostenibbiltà tal-Unjoni Monetarja”

3.65.

Fl-aħħar nett, aħna ppubblikajna wkoll erba’ rapporti speċjali dwar il-“Funzjonament tajjeb tas-Suq Uniku u Sostenibbiltà tal-Unjoni Monetarja”. Aħna nixtiequ niġbdu l-attenzjoni għal xi wħud mill-konklużjonijiet u mir-rakkomandazzjonijiet ewlenin li jinsabu fi tlieta minn dawn ir-rapporti.

(a)   Ir-Rapport Speċjali Nru 2/2018 — L-effiċjenza operazzjonali tal-ġestjoni ta’ kriżijiet bankarji mill-BĊE.

3.66.

Dan l-awditu vvaluta l-effiċjenza operazzjonali tal-ġestjoni tal-Bank Ċentrali Ewropew (BĊE) ta’ kompitu superviżorju speċifiku: il-ġestjoni ta’ kriżijiet. Il-BĊE kien stabbilixxa qafas għall-ġestjoni ta’ kriżijiet, iżda kien jeħtieġ li jindirizza xi difetti fit-tfassil u ċerti sinjali li l-implimentazzjoni ma kinitx effiċjenti. Ġew stabbiliti proċeduri għall-valutazzjoni tal-pjanijiet ta’ rkupru tal-banek, u l-assessuri kellhom aċċess għal għodod u gwida utli. Madankollu, ir-riżultati tal-valutazzjonijiet tal-pjanijiet ta’ rkupru ma ntużawx b’mod sistematiku għall-identifikazzjoni ta’ kriżijiet u r-rispons għalihom. Il-BĊE ma kellux sistema għall-użu ta’ skattaturi speċifiċi għall-banek, li setgħu jindikaw kull deterjorament possibbli fil-kundizzjoni finanzjarja ta’ bank. Barra minn hekk, is-sistemi u l-gwida għal valutazzjoni rapida ta’ intervent bikri ma kinux żviluppati biżżejjed, filwaqt li kien meħtieġ li jsir titjib fir-rappurtar tal-ġestjoni dwar il-kwalità tal-assi tal-banek dgħajfa u dwar il-kapaċità fuq il-post korrispondenti.

3.67.

Aħna rrakkomandajna li l-BĊE: — ikompli jiżviluppa l-gwida tiegħu dwar il-valutazzjoni bikrija, inkluż ir-rispons rapidu għall-kriżijiet; — jiddefinixxi sett ċar ta’ indikaturi għall-identifikazzjoni tal-kriżijiet u r-rispons tagħhom; — itejjeb il-monitoraġġ u l-użu ta’ informazzjoni dwar il-pjanijiet ta’ rkupru.

(b)   Ir-Rapport Speċjali Nru 3/2018 — Proċedura ta’ Żbilanċ Makroekonomiku (MIP)

3.68.

Aħna eżaminajna l-implimentazzjoni, li saret mill-Kummissjoni Ewropea, tal-Proċedura ta’ Żbilanċ Makroekonomiku, li għandha l-għan li tidentifika, tipprevieni u tindirizza żbilanċi makroekonomiċi li jistgħu jaffettwaw b’mod negattiv l-istabbiltà ekonomika. Aħna sibna li, għalkemm b’mod ġenerali l-MIP kienet imfassla tajjeb, il-Kummissjoni ma kinitx qed timplimentaha b’mod li jkun jiżgura l-prevenzjoni u l-korrezzjoni tal-iżbilanċi b’mod effettiv. B’mod ġenerali, ir-rakkomandazzjonijiet speċifiċi għall-pajjiż (CSRs) maħruġa mill-Kummissjoni urew bosta dgħufijiet; il-klassifikazzjoni tal-Istati Membri li kellhom żbilanċi ma kinitx trasparenti, l-analiżi approfondita li twettqet mill-Kummissjoni, minkejja l-istandard tajjeb tagħha, kienet saret inqas viżibbli, u kien hemm nuqqas ta’ sensibilizzazzjoni pubblika rigward il-proċedura u l-implikazzjonijiet tagħha. Barra minn hekk, il-proċedura ma ffaċilitatx b’mod adegwat l-identifikazzjoni bikrija tal-iżbilanċi, billi l-indikaturi tagħha kienu bbażati fuq data skaduta u medji mobbli, b’hekk hija ma kinitx tieħu kont tal-avvenimenti reċenti.

3.69.

Aħna rrakkomandajna li l-Kummissjoni ttejjeb sostanzjalment ċerti aspetti tal-ġestjoni tagħha u tagħti prominenza akbar lill-MIP.

(c)   Ir-Rapport Speċjali Nru 18/2018 — L-objettiv prinċipali tal-parti preventiva tal-Patt ta’ Stabbiltà u Tkabbir qiegħed jintlaħaq?

3.70.

Aħna sibna li f’bosta Stati Membri b’dejn għoli, il-PST ma kienx kiseb progress suffiċjenti lejn l-ilħuq tal-objettivi ta’ terminu medju f’perjodu ta’ żmien raġonevoli. Il-Kummissjoni Ewropea kienet użat is-setgħat diskrezzjonali tagħha b’mod estensiv fl-istabbilment tar-regoli għall-implimentazzjoni u fit-teħid ta’ deċiżjonijiet individwali sabiex tnaqqas ir-rekwiżiti tal-aġġustament.

3.71.

Aħna rrakkomandajna li l-Kummissjoni: — tbiddel ir-rati ta’ aġġustament meħtieġa inklużi fil-“matriċi tar-rekwiżiti” biex iżżid ir-rekwiżiti ta’ aġġustament għall-Istati Membri bi proporzjon ta’ dejn ta’ aktar minn 60 % u tindirizza l-effetti kumulattivi ta’ devjazzjoni awtorizzata meta jingħataw klawsoli multipli; — tirriforma l-applikazzjoni attwali tal-klawsoli ta’ flessibbiltà, billi tillimita l-flessibbiltà għal spejjeż fiskali reali tar-riformi, u tiżgura li l-klawsola tal-investiment ma tkomplix tintuża fil-forma attwali tagħha, u li tiġi rriformata b’tali mod li tiżgura li l-infiq kollu addizzjonali li jirriżulta mid-devjazzjoni mill-perkors oriġinali lejn l-MTO (jiġifieri fis-snin kollha wara li tingħata din il-klawsola) ikun relatat ma’ investiment u jwassal għal żieda fl-investiment pubbliku meta mqabbel mal-PDG; — tiżgura l-konsistenza bejn ir-rekwiżiti taħt il-parti preventiva u dawk taħt il-parti korrettiva; — tinkludi rekwiżiti aktar ċari fir-rakkomandazzjonijiet speċifiċi għall-pajjiż, u tipprovdi spjegazzjonijiet aħjar tar-rekwiżiti u tar-riskji li jinħolqu jekk dawn ma jiġux implimentati fil-ħin.

Parti 3 — Segwitu tar-rakkomandazzjonijiet

3.72.

Kull sena, aħna neżaminaw il-punt sa fejn l-entitajiet awditjati tagħna jkunu ħadu azzjoni b’rispons għar-rakkomandazzjonijiet tagħna. Dan is-segwitu tar-rakkomandazzjonijiet tagħna huwa pass importanti fiċ-ċiklu tal-awditjar. Huwa jipprovdi feedback dwar l-impatt tax-xogħol tagħna u jinkoraġġixxi lill-entitajiet awditjati tagħna biex jimplimentaw ir-rakkomandazzjonijiet li nagħmlu.

Aħna analizzajna l-implimentazzjoni tar-rakkomandazzjonijiet kollha li ġew indirizzati lill-Kummissjoni fl-2015

3.73.

Fi snin preċedenti, aħna analizzajna biss għażla ta’ rakkomandazzjonijiet li kienu saru tliet snin qabel. Din is-sena, analizzajna l-185 rakkomandazzjoni kollha li ġew indirizzati lill-Kummissjoni fil-25 rapport speċjali li ġew adottati fl-2015. Aħna ma eżaminajniex l-implimentazzjoni ta’ rakkomandazzjoni waħda minħabba li ma kinitx għadha rilevanti, u ma tajniex segwitu għat-48 rakkomandazzjoni li ġew indirizzati lill-Istati Membri.

3.74.

Biex inwettqu s-segwitu tagħna, aħna użajna analiżijiet dokumentarji u wettaqna intervisti mal-persunal tal-Kummissjoni. Biex niżguraw li jsir eżaminar ġust u bbilanċjat, aħna bgħatna s-sejbiet tagħna lill-Kummissjoni u ħadna kont tar-risposti tagħha fl-analiżi finali tagħna.

Il-Kummissjoni kif indirizzat ir-rakkomandazzjonijiet tagħna?

3.75.

Mill-184 rakkomandazzjoni li ngħataw segwitu, il-Kummissjoni kienet implimentat bis-sħiħ 114 (62 %). Hija kienet implimentat 26 mir-rakkomandazzjonijiet li kien jifdal (14 %) fil-biċċa l-kbira mill-aspetti, 33 (18 %) f’xi wħud mill-aspetti, u l-11 (6 %) l-oħra ma kinitx implimentathom (ara l- Kaxxa 3.15 ). L- Anness 3.3 juri l-istatus ta’ implimentazzjoni tar-rakkomandazzjonijiet fid-dettall. Kaxxa 3.15 Implimentazzjoni tar-rakkomandazzjonijiet li għamilna fl-awditi tal-prestazzjoni li wettaqna fl-2015 Sors: Il-QEA.

3.76.

F’ċerti oqsma, il-Kummissjoni kienet partikolarment risponsiva għar-rakkomandazzjonijiet tagħna. Għal tliet rapporti speċjali relatati mal-enerġija rinnovabbli fl-Afrika tal-Lvant (RS Nru 15/2015), mal-assistenza finanzjarja pprovduta lil pajjiżi li jinsabu f’diffikultajiet (RS Nru 18/2015), u mal-assistenza teknika lill-Greċja (RS Nru 19/2015), ir-rakkomandazzjonijiet kollha kienu ġew implimentati bis-sħiħ.

3.77.

Il-Kummissjoni ma aċċettatx 15-il rakkomandazzjoni u 17 aċċettathom parzjalment. Madankollu, 10 mis-17-il rakkomandazzjoni li ġew parzjalment aċċettati ġew eventwalment implimentati bis-sħiħ, filwaqt li 2 mir-rakkomandazzjonijiet li ġew irrifjutati ġew indirizzati bis-sħiħ u 2 oħra ġew indirizzati f’xi wħud mill-aspetti.

3.78.

Bħala konklużjoni, aħna osservajna li l-awditi tal-prestazzjoni tagħna kienu wasslu għal bosta titjib importanti, għalkemm xi wħud mid-dgħufijiet identifikati għadhom hemm. L- Anness 3.4 jiddeskrivi d-dgħufijiet li għad fadal għar-rakkomandazzjonijiet li kienu ġew implimentati parzjalment.

Konklużjonijiet u rakkomandazzjonijiet

Konklużjonijiet

1.   L-indikaturi juru varjazzjoni sinifikanti fil-kisbiet u indikazzjoni ta’ progress globali moderat (il-paragrafi 3.7 sa 3.20)

3.79.

B’mod ġenerali, id-data inkluża fid-dikjarazzjonijiet tal-programmi tindika li l-progress lejn il-miri tal-prestazzjoni huwa moderat. Il-bidu tardiv u kajman kemm għall-programmi ta’ Koeżjoni kif ukoll għal dawk tal-iżvilupp rurali, kien fattur limitanti importanti.

2.   L-indikaturi mhux dejjem ipprovdew stampa tajba tal-progress reali (il-paragrafi 3.21 sa 3.35)

3.80.

Kemm il-kalkolu tal-progress lejn il-mira bi tqabbil mal-linja bażi kif ukoll il-progress lejn il-mira rrappurtat mill-Kummissjoni fil-PPO għandhom jiġu ttrattati b’attenzjoni minħabba diversi raġunijiet: (a) Ħafna indikaturi ma ntgħażlux b’mod tajjeb (il-paragrafi 3.22 sa 3.27) — L-indikaturi ffukaw fuq l-inputs u fuq l-outputs aktar milli fuq r-riżultati u l-impatti; — Ċerti indikaturi ma kejlux il-kisbiet tal-baġit tal-UE; — Ma kien hemm l-ebda indikatur għal ċerti aspetti ta’ xi wħud mill-objettivi tal-programmi. (b) Għal ħafna indikaturi ma kienx possibbli li jiġi kkalkulat il-progress (il-paragrafi 3.28 sa 3.30) — Għal kważi nofs l-indikaturi, ma kienx possibbli li jiġi kkalkulat il-progress lejn il-mira bi tqabbil mal-linja bażi. Filwaqt li dan jista’ jiġi spjegat permezz ta’ diversi fatturi, ir-raġuni prinċipali kienet in-nuqqas ta’ linja bażi, u ta’ ċifri relatati mal-progress li nkiseb u/jew mal-mira. (c) Għal xi wħud mill-programmi, id-data disponibbli kienet ta’ kwalità insuffiċjenti (il-paragrafi 3.31 sa 3.33) — Għal xi wħud mill-programmi, bosta indikaturi ma kellhom l-ebda data dwar il-progress li nkiseb, li tkompli wara l-2015, jew inkella din kienet kompletament ineżistenti; — Għadd ta’ problemi oħra relatati mal-kwalità tad-data kkumplikaw aktar l-analiżi tal-progress. (d) Xi programmi jinkludu miri li mhumiex ambizzjużi biżżejjed (il-paragrafi 3.34 sa 3.35) — Ħafna programmi kienu jinkludu miri li aħna nikkunsidraw li ma kinux ambizzjużi. F’7 programmi, dawn il-miri kienu jikkostitwixxu mill-inqas 15 % tal-miri kollha.

3.81.

Il- Kaxxa 3.16 tagħti sommarju tal-konklużjonijiet tagħna dwar il-punt sa fejn il-programmi kienu partikolarment affettwati mid-dgħufijiet identifikati fil-punti (a) u (d) hawn fuq; (a) programmi li l-proporzjon tagħhom tal-indikaturi tal-input u tal-output kien ogħla minn 66 %; (b) programmi li għalihom, għal aktar minn 33 % tal-indikaturi, il-progress ma setax jitkejjel; (c) programmi li għalihom mill-inqas 25 % tal-indikaturi ma kellhom l-ebda data dwar il-progress li nkiseb, li tkompli wara l-2015, jew inkella din kienet kompletament ineżistenti; (d) programmi li għalihom mill-inqas 15 % tal-indikaturi kellhom miri li ma kinux ambizzjużi. Dan juri li ma hemm l-ebda programm fil-kampjun tagħna li mhuwiex affettwat minn dawn id-dgħufijiet. Kaxxa 3.16 Sommarju tal-konklużjonijiet   Programmi eżaminati u perċentwal tal-programmazzjoni finanzjarja 2014-2020 fil-kampjun f’kull kaxxa Progress medju lejn il-mira: Kalkolu mill-QEA (mil-linja bażi)     Progress medju lejn il-mira, b’perċentwal ta’ 20 % jew inqas Progress medju lejn il-mira, b’perċentwal ta’ aktar minn 20 % jew inqas minn 50 % Progress medju lejn il-mira, b’perċentwal ta’ 50 % jew aktar     Qafas tal-prestazzjoni li ma jippreżenta l-ebda waħda mill-erba’ dgħufijiet identifikati           Qafas tal-prestazzjoni li jippreżenta waħda mill-erba’ dgħufijiet identifikati FEŻR, Ikel u għalf FAEŻR, ENI, IPA II Erasmus+, Fond għal Għajnuna Ewropea għall-Persuni l-Aktar fil-Bżonn, Fond għall-Asil, il-Migrazzjoni u l-Integrazzjoni, Fond għas-Sigurtà Interna, DCI, Għajnuna Umanitarja, Fond Ewropew ta’ Aġġustament għall-Globalizzazzjoni     21 % tal-programmazzjoni finanzjarja fil-kampjun 13 % tal-programmazzjoni finanzjarja fil-kampjun 6 % tal-programmazzjoni finanzjarja fil-kampjun     Qafas tal-prestazzjoni li jippreżenta mill-inqas tnejn mill-erba’ dgħufijiet identifikati   Orizzont 2020, FNE, FK, Programm Ewropa Kreattiva FEIS, FSE, FEMS, LIFE     17 % tal-programmazzjoni finanzjarja fil-kampjun 11 % tal-programmazzjoni finanzjarja fil-kampjun   Nota: Il-progress lejn il-mira ma setax jiġi kkalkulat għall-FAEG u għall-Fond ta’ Solidarjetà tal-Unjoni Ewropea (32 % tal-programmazzjoni finanzjarja fil-kampjun) Sors: Il-QEA

3.82.

Fil-paragrafi 3.36 sa 3.71, aħna nippreżentaw il-konklużjonijiet u r-rakkomandazzjonijiet ewlenin minn għażla ta’ rapporti speċjali li ppubblikajna fl-2018.

3.83.

Din is-sena, is-segwitu tar-rakkomandazzjonijiet li saru fil-passat (ara l-paragrafi 3.72 sa 3.78) ikkonfermaw li, bħal fis-snin li għaddew, 76 % mir-rakkomandazzjonijiet li aħna eżaminajna kienu ġew implimentati bis-sħiħ jew fil-biċċa l-kbira mill-aspetti. Fi 18 % tal-każijiet, ir-rakkomandazzjonijiet kienu ġew implimentati biss f’xi wħud mill-aspetti, u kien għad hemm xi dgħufijiet sinifikanti. Perċentwal ta’ 6 % biss tar-rakkomandazzjonijiet ma kinux ġew implimentati.

Rakkomandazzjonijiet

3.84.

L- Anness 3.5 juri s-sejbiet tal-analiżi ta’ segwitu tagħna għat-tliet rakkomandazzjonijiet li għamilna fil-Kapitolu 3 tar-Rapport Annwali 2015 tagħna. It-tlieta li huma kienu ġew implimentati f’xi wħud mill-aspetti.

3.85.

Ibbażat fuq il-konklużjonijiet tagħna għall-2018, aħna nagħmlu r-rakkomandazzjonijiet li ġejjin:

Rakkomandazzjoni 3.1 — Jenħtieġ li l-Kummissjoni tippromwovi l-inklużjoni, fid-dikjarazzjonijiet tal-programmi, ta’ indikaturi li:

(a)	permezz ta’ bilanċ aħjar bejn l-inputs, l-outputs, ir-riżultati u l-impatti jipprovdu informazzjoni aktar rilevanti dwar il-kisbiet tal-programmi ta’ nfiq tal-UE;

(b)	ikollhom rabta ċara mal-azzjonijiet iffinanzjati mill-programmi ta’ nfiq tal-UE;

(c)	jirriflettu l-kisbiet tal-programmi ta’ infiq tal-UE aktar milli l-prestazzjoni tal-Kummissjoni u tal-korpi l-oħra li jimplimentawhom; u

(d)	ikopru l-objettivi tal-programmi.

Data mmirata għall-implimentazzjoni: il-ħruġ fl-2022, tad-dikjarazzjonijiet tal-programmi għall-Baġit 2023

Rakkomandazzjoni 3.2 — Biex tkun tista’ tikkalkula l-progress lejn il-mira bi tqabbil mal-linja bażi, jenħtieġ li l-Kummissjoni tipproponi oqfsa tal-prestazzjoni għall-programmi kollha li jkollhom il-karatteristiċi elenkati hawn taħt għal dak li jirrigwarda l-indikaturi tal-prestazzjoni. Jekk il-Kummissjoni tqis li dan mhuwiex utli għal indikatur speċifiku, jenħtieġ li hija tispjega l-għażla tagħha fid-dikjarazzjonijiet tal-programmi.

(a)	linji bażi kwantitattivi, li jistipulaw is-sena għal-linja bażi;

(b)	objettivi intermedjarji kwantitattivi;

(c)	miri kwantitattivi, li jistipulaw is-sena tal-mira;

(d)	data li jkollha l-livell meħtieġ ta’ kwalità biex il-progress lejn il-mira bi tqabbil mal-linja bażi jkun jista’ jiġi kkalkulat faċilment.

Data mmirata għall-implimentazzjoni: il-ħruġ fl-2022, tad-dikjarazzjonijiet tal-programmi għall-Baġit 2023

Rakkomandazzjoni 3.3 — Jenħtieġ li l-Kummissjoni timmira li tirċievi informazzjoni f’waqtha dwar il-prestazzjoni għall-indikaturi kollha tal-prestazzjoni, pereżempju billi tintroduċi għodod ġodda ta’ rappurtar fuq pjattaformi tal-Internet.

Data mmirata għall-implimentazzjoni: it-tnedija tal-proġett fl-2021

Rakkomandazzjoni 3.4 — Jenħtieġ li l-Kummissjoni tiddokumenta l-miri proposti, biex l-awtorità baġitarja tkun tista’ tivvaluta l-livell tagħhom ta’ ambizzjoni. Dan se jinvolvi li jiġu proposti miri għall-indikaturi kollha fil-programmi ta’ nfiq.

Data mmirata għall-implimentazzjoni: il-ħruġ fl-2022, tad-dikjarazzjonijiet tal-programmi għall-baġit 2023

Rakkomandazzjoni 3.5 — Jenħtieġ li l-Kummissjoni tkompli ttejjeb il-Ħarsa Ġenerali lejn il-Prestazzjoni tal-Programmi, speċjalment billi:

(a)	tuża metodu wieħed għall-kalkolu tal-progress lejn il-mira bi tqabbil mal-linja bażi. Jekk il-Kummissjoni tqis li dan mhuwiex fattibbli għal indikatur speċifiku, jenħtieġ li hija tispjega l-approċċ tagħha fil-PPO;

(b)	tispjega r-raġunament li ntuża għall-għażla tal-indikaturi tal-prestazzjoni għal kull programm.

Data mmirata għall-implimentazzjoni: l-Edizzjoni 2021 tal-Ħarsa Ġenerali lejn il-Prestazzjoni tal-Programmi

---

(1)  L-Artikolu 317 tat-Trattat dwar il-Funzjonament tal-UE.

(2)  Ara l-“Abbozz tal-Baġit Ġenerali tal-Unjoni Ewropea għas-sena finanzjarja 2019, id-Dokument ta’ Ħidma, il-Parti I — id-Dikjarazzjonijiet tal-programmi għan-nefqa operazzjonali, COM(2018) 600 — Mejju 2018”.

(3)  Ara “Ħarsa Ġenerali lejn il-Prestazzjoni tal-Programmi għall-Baġit tal-UE għall-perjodu 2014-2020 — Silta mid-dikjarazzjonijiet tal-programmi għan-nefqa operazzjonali tal-Abbozz tal-Baġit 2019 — COM(2018) 600 — Mejju 2018”.

(4)  Nota: fir-Rakkomandazzjoni 5 tal-Kapitolu 3 tar-Rapport Annwali 2016 (il-paragrafu 3.77), aħna tlabna lill-Kummissjoni biex “tindika fir-rapporti ewlenin dwar il-prestazzjoni jekk, sa fejn taf hi, l-informazzjoni dwar il-prestazzjoni pprovduta tkunx ta’ kwalità suffiċjenti”.

(5)  Il-linji bażi kienu jiddipendu fuq id-disponibbiltà ta’ informazzjoni iżda fil-prinċipju dawn kienu jikkorrispondu għad-data dwar l-aspett rilevanti tal-programm li kienet disponibbli fl-1.1.2014.

(6)  Ara pereżempju “Measuring distance to the Sustainable Development Goal (SDG) targets — An assessment of where OECD countries stand” (Il-kejl tad-distanza għall-Għanijiet ta’ Żvilupp Sostenibbli (SDG) — Valutazzjoni tas-sitwazzjoni tal-pajjiżi OECD) — Ġunju 2017 — OECD, p. 15, it-Tabella 3: Vantaġġi u żvantaġġi ta’ proċeduri differenti ta’ normalizzazzjoni.

(7)  Ara d-“Dokument ta’ Ħidma tal-Persunal tal-Kummissjoni, Linji Gwida għal Regolamentazzjoni Aħjar — SWD(2017)350 Finali — 7/7/2017”, p. 26.

(8)  Kif spjegat fin-“Nota metodoloġika” tal-PPO, p. 2.

(9)  Wara tlieta jew erba’ snin minn sebgħa, rispettivament.

(10)  Nota: għall-kalkolu tal-progress bi tqabbil mal-linja bażi, aħna kkunsidrajna li l-linja bażi għall-indikaturi kienet żero anke jekk din l-informazzjoni ma ġietx inkluża fid-dikjarazzjonijiet tal-programmi.

(11)  Tinsab għaddejja modifika tal-leġiżlazzjoni rilevanti, biex ikun jista’ jsir rappurtar għal operazzjonijiet implimentati parzjalment.

(12)  Ibbażat fuq ħames indikaturi.

(13)  Ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament tal-Kunsill (KE) Nru 1927/2006 (ĠU L 347, 20.12.2013, p. 855).

(14)  Għad-definizzjonijiet ta’ “Output”, “Riżultat” u “Impatt”, ara l-Artikolu 2 tar-“Regolament Finanzjarju applikabbli għall-baġit ġenerali tal-Unjoni (Lulju 2018)” u l-paġna 49 tal-Linji Gwida għal Regolamentazzjoni Aħjar (SWD(2017) 350 final).

(15)  F’xi każijiet, il-klassifikazzjoni tagħna tal-indikaturi kienet tvarja minn dik użata mill-Kummissjoni jew stipulata fil-leġiżlazzjoni rilevanti tal-UE.

(16)  Dan il-punt jidher ukoll fid-dokument “OECD Best Practices for Performance Budgeting” (L-aħjar prattiki tal-OECD għal Ibbaġitjar ibbażat fuq il-Prestazzjoni) maħruġ mill-Kumitat tad-Direttorat għall-Governanza Pubblika tal-OECD (GOV/PGC/SBO(2018)7, 23 ta’ Novembru 2018). “L-aħjar prattika 3” tinkludi dan li ġej: Il-gvern juża taħlita ta’ miżuri tal-prestazzjoni, li jibbilanċjaw il-ħtieġa li jitkejlu l-eżiti ta’ politika fuq terminu itwal mal-ħtieġa li jiġi mmonitorjat il-progress fuq it-terminu qasir.

(17)  COM(2018) 600 — Mejju 2018: Abbozz tal-Baġit Ġenerali tal-Unjoni Ewropea għas-sena finanzjarja 2019; id-Dokument ta’ Ħidma, il-Parti I, id-Dikjarazzjonijiet tal-programmi għan-nefqa operazzjonali, p. 5.

(18)  Fejn ikun rilevanti, anke mill-politika ta’ akkumpanjament li ma tinvolvix infiq (pereżempju permezz tar-regolament tal-UE).

(19)  Ara pereżempju n-nota f’qiegħ il-paġna li jmiss għaż-żewġ indikaturi relatati mal-objettivi ġenerali tal-programm Għajnuna Umanitarja (Għadd ta’ mwiet minħabba diżastri naturali kif irreġistrat fid-database tal-EM-DAT u Għadd ta’ pajjiżi li ġew ikklassifikati bħala li jinsabu f’riskju għoli ħafna ta’ diżastri fl-indiċi INFORM): Għandu jiġi osservat li parti importanti ħafna tar-riżultati annwali u l-evoluzzjoni ta’ dan l-indikatur tiddependi fuq fatturi esterni li huma kompletament barra mill-kontroll tal-Kummissjoni. Huwa diffiċli li tiġi vvalutata l-kontribuzzjoni speċifika tal-għajnuna umanitarja għall-evoluzzjoni ta’ dan l-indikatur.

(20)  Il-programmi kollha kellhom objettivi speċifiċi. Xi programmi, madankollu, ma kellhomx objettivi ġenerali.

(21)  L-Għadd ta’ persuni fil-popolazzjoni li ġew megħjuna biex jegħlbu sitwazzjoni ta’ kriżi fejn il-kundizzjonijiet ta’ għejxien tagħhom ġew affettwati.

(22)  Pereżempju, it-tabelli tal-prestazzjoni tal-Anness 11 tar-RAA tad-DĠ REGIO, jindikaw li rigward iċ-ċifri tal-objettivi intermedji inklużi fit-tabelli li ġejjin, għandu jiġi osservat li dawn huma biss stimi indikattivi li ma għandhom jintużaw biex jiġu identifikati każijiet ta’ prestazzjoni insuffiċjenti.

(23)  Eż. L-indikatur 2 tal-Objettiv Speċifiku 1, tal-Istrument tal-Kooperazzjoni għall-Iżvilupp (DCI), dwar il-proporzjon ta’ studenti li jibdew l-ewwel sena tal-iskola primarja u li jaslu sal-aħħar sena, diżaggregati skont il-ġeneru, li għalih hemm nota f’qiegħ il-paġna li tindika li madankollu, għandu jiġi osservat li dan l-indikatur għadu mhuwiex disponibbli: il-metodoloġija għadha ma ġietx iddefinita u hemm nuqqas ta’ data. Skont l-Unesco, li hija minn ta’ quddiem f’dak li jirrigwarda l-indikaturi SDG fil-qasam tal-edukazzjoni, se jkunu meħtieġa minn 3 sa 5 snin qabel ma dan l-indikatur ikun jista’ jintuża.

(24)  “Rakkomandazzjoni tal-Kunsill dwar il-kwittanza li għandha tingħata lill-Kummissjoni fir-rigward l-implimentazzjoni tal-baġit ġenerali tal-Unjoni Ewropea għas-sena finanzjarja 2017”, il-Kapitolu 3, il-paragrafu 3.

(25)  “Discharge 2017: EU general budget — Commission and executive agencies” (Kwittanza 2017: Baġit ġenerali tal-UE - Il-Kummissjoni u l-aġenziji eżekuttivi ” P8_TA(2019)0242, il-paragrafu 236.

(26)  Filwaqt li n-netwerk komprensiv fl-UE jammonta għal aktar minn 138 000 km ta’ linji ferrovjarji.

(27)  Il-linja bażi u l-mira kienu jikkonsistu minn applikazzjoni ta’ 3.2 u 3.0 ta’ privattivi rispettivament għal finanzjament ta’ EUR 10 miljun.

(28)  https://www.eca.europa.eu

(29)  Il-pubblikazzjonijiet tagħna tal-2018 kienu jinkludu wkoll disa’ pubblikazzjonijiet analitiċi: żewġ analiżijiet panoramiċi, sitt dokumenti informattivi u analitiċi u analiżi rapida dwar każ speċifiku.

(30)  L-Intestaturi 1a (“Kompetittività għat-tkabbir u l-impjiegi”), 1b (“Koeżjoni ekonomika, soċjali u territorjali”), 2 (“Tkabbir sostenibbli: riżorsi naturali”), 3 (“Sigurtà u ċittadinanza”), 4 (“Ewropa Globali”) u 5 (“Amministrazzjoni”).

(31)  Nota: ir-rapporti speċjali li jindirizzaw l-azzjoni ambjentali u klimatika tal-UE huma inklużi mal-Intestatura 2 hawn taħt.