This document is an excerpt from the EUR-Lex website
Document C2009/037/08
MEDIA 2007 — Development, distribution, promotion and training — Call for proposals — EACEA/36/08 — Support for the networking and mobility of students and trainers in Europe
MEDIA 2007 — Żvilupp, Distribuzzjoni, Promozzjoni u Taħriġ — Sejħa għall-proposti — EACEA/36/08 — Appoġġ għan-netwerking u l-mobilità ta' studenti u ħarrieġa fl-Ewropa
MEDIA 2007 — Żvilupp, Distribuzzjoni, Promozzjoni u Taħriġ — Sejħa għall-proposti — EACEA/36/08 — Appoġġ għan-netwerking u l-mobilità ta' studenti u ħarrieġa fl-Ewropa
ĠU C 37, 14.2.2009, p. 26–27
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
14.2.2009 |
MT |
Il-Ġurnal Uffiċjali tal-Unjoni Ewropea |
C 37/26 |
MEDIA 2007 — ŻVILUPP, DISTRIBUZZJONI, PROMOZZJONI U TAĦRIĠ
Sejħa għall-proposti — EACEA/36/08
Appoġġ għan-netwerking u l-mobilità ta' studenti u ħarrieġa fl-Ewropa
(2009/C 37/08)
1. Għanijiet u deskrizzjoni
Dan l-avviż ta' sejħa għall-proposti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta' Novembru 2006 dwar l-implimentazzjoni ta' programm ta' appoġġ lis-settur awdjoviżiv Ewropew (MEDIA 2007).
Wieħed mill-għanijiet tal-programm huwa li jħeġġeġ l-iskambji u l-kooperazzjoni, li jappoġġja n-netwerking ta' dawk l-Ewropej involuti fit-taħriġ, b'mod partikolari l-istituzzjonijiet tal-edukazzjoni ogħla, l-organizzazzjonijiet ta' taħriġ u l-imsieħba tas-settur awdjoviżiv. Għandu l-għan ukoll li jħeġġeġ il-mobilità tal-istudenti u l-ħarrieġa fl-Ewropa.
2. Applikanti eliġibbli
Dan l-avviż huwa immirat lejn konsorzji pan-Ewropej ta' istituzzjonijiet tal-edukazzjoni ogħla, l-organizzazzjonijiet ta' taħriġ u l-imsieħba tas-settur awdjoviżiv li l-attivitajiet tagħhom jikkontribwixxu għall-ilħuq tal-għanijiet tal-programm MEDIA msemmija hawn fuq kif deskritt fid-Deċiżjoni tal-Kunsill.
L-applikanti għandhom ikunu stabbiliti f'wieħed mill-pajjiżi li ġejjin:
— |
is-27 pajjiż tal-Unjoni Ewropea, |
— |
il-pajjiżi tal-EFTA, l-Iżvizzera u l-Kroazja. |
3. Azzjonijiet eliġibbli
Dawn l-azzjonijiet li ġejjin u l-attivitajiet tagħhom, li jseħħu fil-pajjiżi MEDIA, huma eliġibbli.
Azzjonijiet immirati lejn l-iżvilupp tal-kapaċità tal-professjonisti awdjoviżivi futuri biex jifhmu u jintegraw dimensjoni Ewropea f'xogħolhom billi jtejbu l-għarfien espert fl-oqsma li ġejjin:
— |
taħriġ fil-ġestjoni ekonomika, finanzjarja u kummerċjali, |
— |
taħriġ f'teknoloġiji awdjoviżivi ġodda, |
— |
taħriġ fl-iżvilupp tal-proġett tal-iskripts. |
It-tul tal-azzjoni (= kemm iddum l-eliġibilità tal-ispejjeż) huwa ta' 12-il xahar (sa massimu ta' 18-il xahar meta jkun hemm ġustifikazzjoni xierqa).
L-azzjoni trid issir bejn l-1 ta' Settembru 2009 u t-30 ta' Ġunju 2011.
4. Kriterji għall-għoti
Il-punti għall-applikanti eliġibbli se jiġu allokati minn total ta' 100 abbażi tal-kunsiderazzjonijiet li jmiss:
— |
il-kwalità tal-kontenut tal-attività (20 punt), |
— |
il-ġestjoni tal-proġett (20 punt), |
— |
il-kwalità tal-konsorzju (20 punt), |
— |
id-dimensjoni Ewropea (20 punt), |
— |
l-impatt (20 punt). |
5. Baġit
Il-baġit totali disponibbli huwa ta' EUR 1 900 000.
Il-kontribuzzjoni finanzjarja li tingħata hija sussidju. L-assistenza finanzjarju mill-Kummissjoni ma tistax taqbeż il-50 % jew il-75 % tal-ispejjeż kollha eliġibbli.
L-Aġenzija tirriżerva d-dritt li ma tallokax il-fondi kollha disponibbli.
6. Skadenza għall-preżentazzjoni tal-applikazzjonijiet
L-applikazzjonijiet għandhom jintbagħtu lill-Aġenzija Eżekuttiva (EACEA) mhux aktar tard mis-27 ta' Marzu 2009 u f'dan l-indirizz:
Education, Audiovisual and Culture Agency (EACEA) |
Call For Proposals EACEA 36/08/ “MEDIA Support for the networking and mobility of students and trainers in Europe” |
Mr Constantin Daskalakis |
BOUR 03/30 |
Avenue du Bourget 1 |
B-1140 Brussels |
L-applikazzjonijiet ippreżentati fuq il-formola tal-applikazzjoni uffiċjali, iffirmati kif dovut mill-persuna intitolata li tidħol għal impenji li jorbtu legalment għan-nom tal-organizzazzjoni li qed tapplika biss jiġu aċċettati.
Applikazzjonijiet mibgħuta b'fax jew email ikunu rifjutati.
7. Tagħrif sħiħ
It-test kollu tal-linji gwida flimkien mal-formoli tal-applikazzjoni huma disponibbli f'dan l-indirizz:
http://ec.europa.eu/information_society/media/training/forms/initial/index_en.htm
L-applikazzjonijiet għandhom jikkonformaw mat-termini kollha tal-linji gwida, jintbagħtu fuq il-formoli pprovduti u jkun fihom l-informazzjoni u l-annessi kollha speċifikati fit-test tas-sejħa.