REGOLAMENT TA’ IMPLIMENTAZZJONI TAL-KUMMISSJONI (UE) …/...

ta’ 7.8.2020

dwar l-istruttura, il-format u l-proċessi tal-preżentazzjoni u r-rieżami tal-informazzjoni rrappurtata mill-Istati Membri skont ir-Regolament (UE) Nru 2018/1999 tal-Parlament Ewropew u tal-Kunsill u li jħassar ir-Regolament ta’ Implimentazzjoni tal-Kummissjoni (UE) Nru 749/2014

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill 1 , u b’mod partikolari l-Artikoli 19(5), 26(7), 37(6), 38(4) u l-Artikolu 39(3) tiegħu,

Billi:

(1)Il-mekkaniżmu għall-monitoraġġ u r-rappurtar tal-emissjonijiet ta’ gassijiet serra kif stabbilit fir-Regolament (UE) Nru 525/2013 tal-Parlament Ewropew u tal-Kunsill 2 jistabbilixxi qafas bażiku għall-monitoraġġ u r-rappurtar ta’ emissjonijiet ta’ gassijiet serra skont il-politika dwar il-klima. Id-dispożizzjonijiet ta’ dak il-mekkaniżmu huma integrati bis-sħiħ fir-Regolament (UE) 2018/1999, li jħassar ir-Regolament (UE) Nru 525/2013 mill-1 ta’ Jannar 2021. Fi ħdan dak il-mekkaniżmu, huwa meħtieġ li jiġu adottati regoli fir-rigward tar-rappurtar tal-azzjonijiet ta’ adattament nazzjonali, tal-użu ta’ dħul mill-irkant, tal-appoġġ finanzjarju u teknoloġiku pprovdut lil pajjiżi li qed jiżviluppaw, tal-inventarji tal-gassijiet serra approssimizzati, tal-inventarji ta’ gassijiet serra u emissjonijiet u assorbimenti tal-gassijiet serra kontabilizzati, tar-regoli dwar sistemi ta’ inventarji nazzjonali, tar-rieżami komprensiv, kif ukoll tal-politiki u l-miżuri u tal-projezzjonijiet.

(2)Is-sistema integrata ta’ monitoraġġ u rapportar għall-inventarji tal-gassijiet serra, għall-projezzjonijiet u għall-politiki u għall-miżuri, inkluż is-sistemi nazzjonali, tgħin biex tiġi żgurata l-konsistenza tad-data bejn ix-xejriet tal-emissjonijiet tal-passat, ix-xejriet futuri tal-emissjonijiet u l-effett tal-politiki u l-miżuri biex jintlaħqu l-objettivi ta’ mitigazzjoni tal-klima. Barra minn hekk, ir-rappurtar mill-Istati Membri tal-inventarju nazzjonali tal-gassijiet serra huwa sostantivament marbut mas-sistemi ta’ inventarji nazzjonali, li huma l-arranġamenti istituzzjonali, legali u proċedurali għall-istima tal-emissjonijiet tal-gassijiet serra. Barra minn hekk, il-proċess ta’ rieżami komprensiv jivverifika l-kwalità tad-data tal-inventarju nazzjonali ppreżentata. Għalhekk huwa xieraq li r-regoli relatati mas-sistemi ta’ inventarji nazzjonali, mar-rieżami komprensiv, mas-sistemi għall-politiki u l-miżuri u l-projezzjonijiet u mal-obbligi ta’ rappurtar tal-Istati Membri skont il-Kapitolu 4 tar-Regolament (UE) 2018/1999 jiġu inklużi f’Regolament ta’ Implimentazzjoni wieħed.

(3)Il-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) 3 li sservi ta’ laqgħa tal-Partijiet għall-Ftehim ta’ Pariġi 4 li ġie adottat fit-12 ta’ Diċembru 2015 dwar it-tibdil fil-klima, wara l-21 Konferenza tal-Partijiet għall-UNFCCC (“il-Ftehim ta’ Pariġi”), fid-Deċiżjoni 18/CMA.1, adottat il-modalitajiet, il-proċeduri u l-linji gwida għall-qafas ta’ trasparenza tal-azzjoni u l-appoġġ, li jistabbilixxu, fost l-oħrajn, ir-rappurtar dwar l-inventarji tal-gassijiet serra, il-politiki u l-miżuri, il-projezzjonijiet, l-impatti u l-adattament u l-appoġġ mogħti lill-pajjiżi li qed jiżviluppaw. L-UE u l-Istati Membri tagħha huma meħtieġa jirrappurtaw l-informazzjoni f’konformità ma’ dawn il-modalitajiet, il-proċeduri u l-linji gwida sa mhux aktar tard mill-31 ta’ Diċembru 2024.

(4)Skont ir-Regolament (UE) 2018/1999, l-Istati Membri huma meħtieġa jippreżentaw rapporti kull sentejn lill-Kummissjoni b’informazzjoni dwar l-ippjanar u l-istrateġiji nazzjonali tagħhom dwar l-adattament għat-tibdil fil-klima f’konformità mar-rekwiżiti ta’ rappurtar li hemm ftehim dwarhom fil-UNFCCC u fil-Ftehim ta’ Pariġi. Din l-informazzjoni se tintuża sabiex jiġi mmonitorjat il-progress fl-adattament għat-tibdil fil-klima u l-azzjonijiet li jkunu ttieħdu f’dan ir-rigward, biex jiġu infurmati u appoġġati l-implimentazzjoni u r-rieżamijiet tal-istrateġija ta’ adattament tal-Unjoni, biex tiġi ffaċilitata l-valutazzjoni tal-progress tal-UE rigward l-għan ta’ adattament tal-Ftehim ta’ Pariġi, biex isir possibbli l-iskambju tal-prattiki tajba bejn l-Istati Membri u l-Unjoni Ewropea u biex jiġu evalwati l-ħtiġijiet tagħhom u kemm huma lesti biex jittrattaw it-tibdil fil-klima. F’konformità ma’ arranġamenti internazzjonali ta’ rappurtar, jeħtieġ li l-Istati Membri jipprovdu wkoll idea ġenerali jew eżempji ta’ prattika tajba dwar l-attivitajiet sottonazzjonali bil-għan li jitrawwem l-għarfien tal-azzjoni ta’ adattament f’livelli oħra ta’ governanza u biex l-UE tkun tista’ tippromwovi aħjar azzjoni bħal din.

(5)Fid-dawl tal-esperjenza tal-passat fir-rappurtar dwar l-użu tad-dħul mill-irkant, huwa meħtieġ li l-Istati Membri li jirrappurtaw dwar l-użu tal-ekwivalenti f’valuri finanzjarji tad-dħul mill-irkant tagħhom, jirrapportaw il-valuri li jkunu rappreżentattivi tal-infiq tagħhom f’konformità mal-Artikolu 3d u l-Artikolu 10 tad-Direttiva 2003/87/KE tal-Parlament Ewropew u tal-Kunsill 5 .

(6)Ir-rappurtar tal-Istati Membri tal-appoġġ finanzjarju u teknoloġiku lill-pajjiżi li qed jiżviluppaw jenħtieġ li jkun dettaljat kemm jista’ jkun u jiġi pprovdut fil-livell ta’ programmi jew attivitajiet. L-informazzjoni mmarkata bħala “disponibbli” trid tiġi rrapportata biss jekk tkun disponibbli lill-Istati Membri sa meta jiddaħħal ir-rapport fis-sistema Stat Membru ma għandux għalfejn jimla u jippreżenta t-Tabella dwar l-appoġġ ippjanat fil-każ li l-informazzjoni rilevanti ma tkunx disponibbli għat-Tabella kollha, inter alia minħabba proċessi baġitarji pendenti jew li għaddejjin bħalissa. Biex tiġi żgurata l-konsistenza, jenħtieġ li l-Istati Membri jitħallew jużaw ukoll il-format tar-rappurtar previst għas-Sistema tar-Rappurtar tal-Kredituri (Creditor Reporting System — CRS), introdotta mill-Kumitat ta’ Għajnuna għall-Iżvilupp (DAC) tal-Organizzazzjoni għall-Kooperazzjoni u l-Iżvilupp Ekonomiċi (OECD). Skont id-Deċiżjoni 18/CMA.1, l-Istati Membri jipprovdu informazzjoni dwar għotja ekwivalenti għall-UNFCCC fuq bażi volontarja. Sabiex tiġi żgurata koerenza mar-rappurtar fil-livell internazzjonali, jenħtieġ li r-rekwiżiti ta’ rapportar stabbiliti f’dan ir-Regolament jiġu allinjati kemm jista’ jkun mad-deċiżjonijiet rilevanti tal-Konferenza tal-Partijiet, li sservi bħala laqgħa tal-Partijiet għall-Ftehim ta’ Pariġi, u mal-bidliet metodoloġiċi rilevanti li saru mid-DAC tal-OECD, meta dawn isiru disponibbli.

(7)L-ambitu settorjali tal-inventarju approssimat jirrappreżenta sommarju tal-ogħla livell tal-ambitu settorjali aktar dettaljat tal-inventarju totali tal-gassijiet serra. Dan jiżgura li l-istimi tal-emissjonijiet u l-assorbimenti rrapportati fl-inventarju approssimat għas-sena t-1 ikunu konsistenti mal-istimi tal-inventarju tal-gassijiet serra rrappurtati fis-sena t-2. Is-settur tal-Użu tal-Art, tat-Tibdil fl-Użu tal-Art u tal-Forestrija (LULUCF) huwa parti integrali tal-inventarju annwali, u jenħtieġ li l-Istati Membri jinkludu stimi tal-emissjonijiet u l-assorbimenti mil-LULUCF fl-inventarju approssimat tal-gassijiet serra tagħhom.

(8)Sabiex tiġi żgurata t-trasparenza tal-impenji għat-tnaqqis tal-emissjonijiet, it-titjib tal-kwalità fuq bażi kontinwa, u biex jiġi ffaċilitat il-proċess tar-reviżjoni teknika esperta, jenħtieġ livell għoli ta’ dettall tekniku u ta’ informazzjoni fir-rapporti tal-Istati Membri. Barra minn hekk, ir-Regolament (UE) 2018/1999 jintegra r-rekwiżiti ta’ rappurtar skont ir-Regolament (UE) 2018/841 tal-Parlament Ewropew u tal-Kunsill 6 u r-Regolament (UE) 2018/842 tal-Parlament Ewropew u tal-Kunsill 7 fir-rappurtar annwali tal-inventarju tal-gassijiet serra u jaġġusta għaċ-ċiklu ta’ kontroll tal-konformità ta’ ħames snin tagħhom billi jistabbilixxi proċess ta’ rieżami komprensiv fl-2027 u fl-2032. Għalhekk jeħtieġ li jiġu speċifikati l-istruttura, il-format u l-proċess ta’ rappurtar tal-użu maħsub tal-flessibbiltà u tat-trasferimenti tal-emissjonijiet konklużi u l-użu tad-dħul li jirriżulta skont ir-Regolament (UE) 2018/842 u l-integrazzjoni tar-rekwiżiti skont ir-Regolament (UE) 2018/841 fir-rappurtar dwar il-projezzjonijiet. Mill-informazzjoni rrapportata dwar it-trasferimenti konklużi skont ir-Regolament (UE) 2018/841 u r-Regolament (UE) Nru 2018/842, il-prezzijiet individwali rrappurtati dwar it-trasferimenti konklużi mhux se jiġu żvelati, filwaqt li l-firxa tal-prezzijiet li jitħallsu għal kull unità, jiġifieri l-inqas u l-ogħla prezz fit-tranżazzjonijiet kollha rrapportati mill-Istati Membri, jenħtieġ li ssir disponibbli.

(9)Biex tiġi żgurata l-implimentazzjoni f’waqtha u effettiva tal-obbligi stabbiliti mill-Konferenza tal-Partijiet għall-Ftehim ta’ Pariġi, jeħtieġ li jiġu stabbiliti l-perjodi ta’ żmien għall-kooperazzjoni u l-koordinazzjoni bejn il-Kummissjoni u l-Istati Membri fit-tħejjija tar-rapport tal-inventarju tal-gassijiet serra tal-Unjoni u tar-rieżami tal-UNFCCC. Huwa meħtieġ ukoll li jiġu determinati l-proċedura u l-iskeda għat-twettiq tar-rieżami komprensiv tal-inventarji tal-gassijiet serra tal-Istati Membri biex tiġi żgurata l-implimentazzjoni f’waqtha u effettiva tiegħu.

(10)L-Istati Membri jenħtieġ li jistabbilixxu u joperaw sistemi ta’ inventarji nazzjonali biex jiżguraw u jtejbu l-kwalità tal-inventarji permezz tal-ippjanar, it-tħejjija u l-ġestjoni tal-attivitajiet tal-inventarji, li jinkludu l-ġbir ta’data dwar l-attività, l-għażla adegwata ta’ metodi u fatturi tal-emissjonijiet, l-istima tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar, l-implimentazzjoni ta’ attivitajiet ta’ valutazzjoni tal-inċertezza u tal-garanzija/kontroll tal-kwalità, u t-twettiq ta’ proċeduri għall-verifika tad-data tal-inventarji fil-livell nazzjonali. Sabiex tinżamm il-kwalità għolja tas-sistemi tal-inventarji nazzjonali mill-perjodu ta’ qabel, jeħtieġ li l-Istati Membri jkomplu japplikaw l-istess standards ta’ ppjanar, ta’ tħejjija u ta’ ġestjoni tal-inventarji kif stabbilit fl-Artikolu 27 sa 29.

(11)Jenħtieġ li r-regoli dwar is-sistemi għall-politiki u l-miżuri u l-projezzjonijiet ikunu konsistenti mad-deċiżjonijiet rilevanti adottati mill-korpi tal-UNFCCC jew tal-Ftehim ta’ Pariġi. Peress li d-Deċiżjoni 18/CMA.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Ftehim ta’ Pariġi titlob l-informazzjoni meħtieġa biex jiġi segwit il-progress mal-Kontributi Stabbiliti fil-Livell Nazzjonali skont l-Artikolu 4 tal-Ftehim ta’ Pariġi, jenħtieġ li l-Istati Membri jippreżentaw l-informazzjoni rilevanti dwar l-arranġamenti istituzzjonali, amministrattivi u proċedurali għall-implimentazzjoni domestika tal-kontribut tal-Unjoni stabbilit fil-livell nazzjonali .

(12)Ir-rappurtar tas-sustanzi li jniġġsu l-arja skont id-Direttiva (UE) 2016/2284 tal-Parlament u tal-Kunsill 8 u dwar il-gassijiet serra fil-biċċa l-kbira jsegwi approċċi simili, inklużi l-metodoloġiji li jużaw l-Istati Membri. Għalhekk, waqt ir-rappurtar dwar politiki u miżuri, u projezzjonijiet u s-sistemi tagħhom, f’konformità mal-Kapitolu VI ta’ dan ir-Regolament, huwa appoġġat approċċ metodoloġiku konsistenti billi jitqiesu l-politiki u l-miżuri u l-projezzjonijiet irrappurtati permezz tad-Direttiva (UE) 2016/2284.

(13)Jenħtieġ li l-pjattaforma elettronika msemmija fl-Artikolu 28 tar-Regolament (UE) 2018/1999 tintuża għar-rappurtar tad-dimensjonijiet kollha tal-Unjoni tal-Enerġija mill-Istati Membri u mill-Kummissjoni, megħjuna mill-Aġenzija Ewropea għall-Ambjent. Il-Kummissjoni tieħu l-miżuri meħtieġa biex l-informazzjoni ppreżentata fiha tkun diretta lejn il-punt ta’ dħul uniku tal-Kummissjoni jew tintbagħat permezz tiegħu, u tiġi skambjata kif xieraq mas-sistemi ta’ rappurtar ikkollegati rilevanti bħar-Reportnet tal-Aġenzija Ewropea għall-Ambjent.

(14)Sabiex tiġi żgurata l-konsistenza mad-data tal-applikazzjoni tad-dispożizzjonijiet rilevanti tar-Regolament (UE) 2018/1999, jenħtieġ li dan ir-Regolament japplika mill-1 ta’ Jannar 2021.

(15)F’konformità mal-Artikoli 57 u 58 tar-Regolament (UE) 2018/1999, ir-Regolament (UE) Nru 525/2013 tħassar b’effett mill-1 ta’ Jannar 2021, bl-eċċezzjoni tal-Artikolu 7, tal-punti (a) u (d) tal-Artikolu 17(1) u tal-Artikolu 19 ta’ dak ir-Regolament, li jridu japplikaw għar-rapporti li fihom id-data għas-snin 2019 u 2020. Għalhekk jenħtieġ li r-Regolament ta’ Implimentazzjoni (UE) Nru 749/2014 jitħassar mill-1 ta’ Jannar 2021, iżda jenħtieġ li l-Artikoli 3 sa 18 u 27 sa 43 jkomplu japplikaw għar-rapporti li jkun fihom id-data ta’ dawk is-snin.

(16)Il-miżuri previsti f’dan ir-Regolament huma f’konformità mal-opinjoni tal-Kumitat dwar it-Tibdil fil-Klima,

ADOTTAT DAN IR-REGOLAMENT:

Kapitolu I
Suġġett, kamp ta’ applikazzjoni u definizzjonijiet

Artikolu 1

Suġġett

Dan ir-Regolament jistabbilixxi r-regoli li jimplimentaw ir-Regolament (UE) Nru 2018/1999/KE fir-rigward ta’ dan li ġej:

(a)Ir-rappurtar tal-Istati Membri dwar l-azzjonijiet nazzjonali ta’ adattament, l-użu tad-dħul mill-irkant u l-appoġġ finanzjarju u teknoloġiku mogħti lill-pajjiżi li qed jiżviluppaw skont l-Artikolu 19 tar-Regolament (UE) 2018/1999;

(b)ir-rappurtar tal-Istati Membri dwar l-inventarji tal-gassijiet serra approssimati (jew GHG), l-inventarji tal-gassijiet serra u l-emissjonijiet u l-assorbimenti tal-gassijiet serra kontabilizzati skont l-Artikolu 26 tar-Regolament (UE) 2018/1999;

(c)ir-rekwiżiti dwar l-istabbiliment, it-tħaddim u l-funzjonament ta’ sistemi ta’ inventarju nazzjonali skont l-Artikolu 37 tar-Regolament (UE) 2018/1999;

(d)l-iskeda u l-proċedura għat-twettiq tar-rieżami komprensiv skont l-Artikolu 38 tar-Regolament (UE) 2018/1999;

(e)ir-rappurtar tas-sistemi nazzjonali għall-politiki u l-miżuri u l-projezzjonijiet tal-Istati Membri skont l-Artikolu 39 tar-Regolament (UE) Nru 2018/1999

Artikolu 2

Kamp ta’ applikazzjoni

Dan ir-Regolament japplika għar-rapporti sottomessi mill-Istati Membri li jinkludu d-data meħtieġa għas-sena 2021 u ’l quddiem .

Artikolu 3

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)“tabella tar-rappurtar komuni ”, jew “TKR”, tfisser tabella għall-informazzjoni dwar l-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar inklużi fl-Anness II tad-Deċiżjoni 24/CP.19 tal-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) (id-Deċiżjoni 24/CP.19);

(2)“approċċ ta’ referenza” tfisser l-approċċ ta’ referenza mill-Grupp Intergovernattiv ta’ Esperti dwar it-Tibdil fil-Klima (IPCC), kif stabbilit fil-Linji Gwida għall-Inventarji Nazzjonali tal-Gassijiet Serra tal-IPCC tal-2006 (il-“Linji Gwida tal-2006 tal-IPCC”);

(3)“approċċ 1” tfisser il-metodu bażiku għall-istima tal-inċertezzi inklużi fil-Linji Gwida tal-2006 tal-IPCC;

(4)“kategorija ewlenija” tfisser kategorija li għandha influwenza sinifikanti fuq l-inventarju totali ta’ Stat Membru jew tal-Unjoni ta’ gassijiet serra f’termini tal-livell assolut tal-emissjonijiet u l-assorbimenti, ix-xejra tal-emissjonijiet u l-assorbimenti, jew l-inċertezza fl-emissjonijiet u l-assorbimenti;

(5)“approċċ settorjali” tfisser l-approċċ settorjali tal-IPCC, kif stabbilit fil-Linji Gwida tal-2006 tal-IPCC;

(6)“qafas ġenerali għad-dokumenti dwar l-inventarji tal-gassijiet serra” tfisser il-profil stabbilit fl-Appendiċi tal-linji gwida ta’ rappurtar tal-UNFCCC tal-inventarji annwali tal-gassijiet serra kif inklużi fl-Anness I tad-Deċiżjoni 24/CP.19.;

(7)“MPGs għat-trasparenza” tfisser il-modalitajiet, il-proċeduri u l-linji gwida għall-qafas ta’ trasparenza għall-azzjoni u l-appoġġ imsemmija fl-Artikolu 13 tal-Ftehim ta’ Pariġi, kif stabbilit fl-Anness tad-Deċiżjoni 18/CMA.1 tal-Konferenza tal-Partijiet għall-UNFCCC li sservi ta’ laqgħa tal-Partijiet għall-Ftehim ta’ Pariġi;

(8)“linji gwida għall-inventarji tal-gassijiet serra” tfisser il-linji gwida speċifikati fl-Artikolu 3 tar-Regolament Delegat tal-Kummissjoni (UE) 2020/1044 9 ;

(9)“rikalkulazzjoni” hija proċedura biex jiġu stmati mill-ġdid, f’konformità mal-linji gwida għall-inventarji tal-gassijiet serra, tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar, l-inventarji tal-gassijiet serra li kienu ġew sottomessi qabel b’konsegwenza ta’ bidliet fil-metodoloġiji, bidliet fil-mod li bih jinkisbu u jintużaw il-fatturi tal-emissjonijiet u d-data dwar l-attività, jew b’konsegwenza tal-inklużjoni ta’ kategoriji ġodda ta’ sorsi u ta’ bjar.

Kapitolu II
Rappurtar mill-Istati Membri dwar l-azzjonijiet ta’ adattazzjoni nazzjonali, dħul mill-irkant u appoġġ għal pajjiżi li qed jiżviluppaw

Artikolu 4

Informazzjoni dwar azzjonijiet ta’ adattament nazzjonali

L-Istati Membri għandhom jirrappurtaw l-informazzjoni msemmija dwar l-azzjonijiet ta’ adattazzjoni nazzjonali skont l-Artikolu 19(1)(k) tar-Regolament (UE) Nru 2018/1999 f’konformità mal-format stabbilit fl-Anness I ta’ dan ir-Regolament.

Artikolu 5

Informazzjoni dwar l-użu tad-dħul mill-irkant

L-Istati Membri għandhom jirrappurtaw l-informazzjoni dwar l-użu tad-dħul mill-irkant skont l-Artikolu 19(2) tar-Regolament (UE) Nru 2018/1999 f’konformità mal-formati stabbiliti fl-Anness II ta’ dan ir-Regolament.

Artikolu 6

Informazzjoni dwar l-appoġġ finanzjarju u teknoloġiku pprovdut lill-pajjiżi li qed jiżviluppaw

1.L-Istati Membri għandhom jirrappurtaw l-informazzjoni kwantitattiva dwar ir-riżorsi finanzjarji pubbliċi u mobilizzati msemmija fil-punt (a)(i) u l-informazzjoni disponibbli dwar l-attivitajiet tal-Istat Membru relatati ma’ proġetti ta’ trasferiment ta’ teknoloġija b’fondi pubbliċi u proġetti ta’ bini tal-kapaċità għal pajjiżi li qed jiżviluppaw skont l-UNFCCC imsemmija fil-punt (a)(iii) tal-Parti 2 tal-Anness VIII tar-Regolament (UE) 2018/1999, f’konformità mal-format komuni tat-tabelli introdott mill-Kumitat ta’ Għajnuna għall-Iżvilupp tal-Organizzazzjoni għall-Kooperazzjoni u l-Iżvilupp Ekonomiċi (OECD) għar-rappurtar fis-Sistema ta’ Rappurtar tal-Kredituri (CRS)  jew mal-formati stipulati fl-Anness III ta’ dan ir-Regolament.

2.L-Istati Membri għandhom jirrapportaw l-informazzjoni metodoloġika kwalitattiva li tispjega l-metodu użat għall-kalkolu tal-informazzjoni kwantitattiva msemmija fil-punt (a)(ii) tal-Parti 2 tal-Anness VIII tar-Regolament (UE) 2018/1999 f’konformità mal-format stabbilit fl-Anness IV ta’ dan ir-Regolament.

3.L-Istati Membri għandhom jirrappurtaw l-informazzjoni disponibbli dwar l-għoti ta’ appoġġ ippjanat imsemmi fil-punt (b) tal-Parti 2 tal-Anness VIII tar-Regolament (UE) 2018/1999 f’konformità mal-format stabbilit fl-Anness V ta’ dan ir-Regolament.

Kapitolu III
Rappurtar mill-Istati Membri dwar l-inventarji tal-gassijiet serra approssimati, l-inventarji tal-gassijiet serra u l-emissjonijiet u l-assorbimenti tal-gassijiet serra kontabilizzati

Artikolu 7

Rappurtar tal-inventarji tal-gassijiet serra approssimati

1.L-Istati Membri għandhom jirrappurtaw l-inventarji tal-gassijiet serra approssimati tagħhom skont l-Artikolu 26(2) tar-Regolament (UE) 2018/1999 f’konformità mal-format stabbilit fl-Anness VI:

(a) f’livell ta’ diżaggregazzjoni tal-kategoriji li jirriflettu d-data dwar l-attività u l-metodi disponibbli għat-tħejjija tal-istimi għas-sena X-1;

(b)f’kolonni separati li juru d-distinzjoni bejn l-emissjonijiet koperti mid-Direttiva 2003/87/KE u l-emissjonijiet koperti mir-Regolament (UE) 2018/842 skont il-kategorija tas-sorsi, meta disponibbli.

2.L-Istati Membri għandhom jipprovdu spjegazzjonijiet inkluż dwar il-muturi ewlenin għall-bidliet prinċipali fl-emissjonijiet u fl-assorbimenti rrappurtati f’konformità mal-format stabbilit fl-Anness VI meta mqabbla mal-aktar inventarju finali riċenti ta’ gassijiet serra rrappurtat.

Artikolu 8

Regoli ġenerali għar-rappurtar tal-inventarji tal-gassijiet serra

1.L-Istati Membri għandhom jirrappurtaw l-informazzjoni msemmija fl-Artikolu 26(3) tar-Regolament (UE) Nru 2018/1999 billi, f’konformità mal-linji gwida dwar l-inventarji tal-gassijiet serra u mar-regoli stipulati f’dan ir-Regolament, jimlew:

(a)it-tabelli komuni tar-rappurtar billi jipprovdu sett sħiħ ta’ spreadsheets jew fajls ta’ Lingwaġġ tal-Immarkar Estensibbli (XML), skont id-disponibbiltà tas-softwer xieraq, u li jkopru l-ambitu ġeografiku ta’ dak l-Istat Membru skont ir-Regolament (UE) Nru 2018/1999;

(b)l-informazzjoni kif speċifikata fl-Artikoli 9 sa 23 ta’ dan ir-Regolament.

2.L-Istati Membri għandhom jabbozzaw ir-rapport tal-inventarju nazzjonali msemmi fl-Artikolu 26(3) tar-Regolament (UE) 2018/1999 (“rapport tal-inventarju nazzjonali”, “NIR”) ibbażat fuq l-istruttura ġenerali għad-dokumenti dwar l-inventarji tal-gassijiet serra, u skont ir-regoli previsti f’dan ir-Regolament. L-Istati Membri għandhom jinkludu l-informazzjoni rrappurtata skont l-Artikoli 9, 10, 12 u 14 sa 18 ta’ dan ir-Regolament fir-rapport tal-inventarju nazzjonali jew f’Anness separat għar-rapport tal-inventarju nazzjonali, u għandhom jindikaw b’mod ċar f’konformità mal-Anness VII fejn qed tingħata l-informazzjoni.

Artikolu 9

Rapportar dwar ir-rikalkulazzjonijiet

L-Istati Membri għandhom jirrapportaw ir-raġunijiet għar-rikalkulazzjoni tal-emissjonijiet u l-assorbimenti ta’ gassijiet serra msemmija fil-punt (d) tal-Parti 1 tal-Anness V tar-Regolament (UE) 2018/1999 fis-snin 1990, 2005 u X-3; kif tinżamm il-konsistenza fis-serje temporali għas-snin kollha rrappurtati bil-miktub fil-forma ta’ abbozz tal-kapitolu tas-sommarju ddedikat għar-rikalkulazzjoni tar-rapport tal-inventarju nazzjonali.

Artikolu 10

Rappurtar tal-implimentazzjoni tar-rakkomandazzjonijiet

1.L-Istati Membri għandhom jirrappurtaw l-informazzjoni dwar il-passi li ħadu biex itejbu l-istimi tal-inventarju msemmija fil-punt (g) tal-Parti 1 tal-Anness V tar-Regolament (UE) 2018/1999 f’konformità mal-formati stabbiliti fl-Anness VIII ta’ dan ir-Regolament.

2.Fir-rapporti tagħhom imsemmija fil-paragrafu 1, l-Istati Membri għandhom ikopru ż-żewġ kwistjonijiet li tqajmu għall-ewwel darba fl-aktar rapporti ta’ rieżami rispettivi riċenti u fi kwistjonijiet ripetuti minn rapporti ta’ rieżami preċedenti.

Artikolu 11

Rappurtar tal-metodi ta’ inventarju, tal-fatturi tal-emissjonijiet, u tad-deskrizzjonijiet metodoloġiċi relatati għall-kategoriji ewlenin tal-Unjoni

1.L-Istati Membri għandhom jipprovdu l-informazzjoni li ġejja għat-tħejjija tar-rapport tal-inventarju tal-Unjoni msemmi fil-punt (m) tal-Parti 1 tal-Anness V tar-Regolament (UE) 2018/1999:

(a)informazzjoni fil-qosor dwar il-metodi u l-fatturi tal-emissjonijiet li ntużaw għall-kategoriji ewlenin tal-Unjoni fil-fajls XML rilevanti tat-tabelli tar-rappurtar komuni;

(b)għal dawk il-kategoriji ewlenin tal-Unjoni, meta l-informazzjoni dwar il-metodi u l-fatturi tal-emissjonijiet ma tkunx inkluża fit-tabelli ta’ rappurtar komuni, informazzjoni f’konformità mal-Parti 3 tal-Anness IX ta’ dan ir-Regolament;

(c)id-deskrizzjonijiet fil-qosor tal-metodoloġiji aġġornati għall-kategoriji ewlenin tal-Unjoni f’konformità mal-format stabbilit fil-Parti 4 tal-Anness IX.

2.Għall-finijiet tar-rappurtar skont il-paragrafu 1, il-Kummissjoni għandha tipprovdi lill-Istati Membri b’dan li ġej:

(a)il-lista tal-kategoriji ewlenin l-aktar riċenti tal-Unjoni sal-31 ta’ Ottubru f’konformità mal-format ta’ tabelli stabbilit fil-Parti 1 tal-Anness IX;

(b)il-lista aġġornata msemmija fil-paragrafu 2(a) bil-bidliet enfasizzati, sat-28 ta’ Frar;

(c)meta disponibbli, l-informazzjoni dwar metodi taż-żamma tal-inventarji, dwar il-fatturi tal-emissjonijiet u dwar deskrizzjonijiet fil-qosor tal-metodoloġiji sal-31 ta’ Ottubru f’konformità mal-format stabbilit fil-Parti 2 tal-Anness IX;

(d)l-informazzjoni aġġornata msemmija fil-paragrafu 2(c) sat-28 ta’ Frar.

Artikolu 12

Rappurtar tal-inċertezza u l-kompletezza

1.L-Istati Membri għandhom jirrapportaw tal-inqas l-istimi ta’ inċertezza għall-approċċ 1 imsemmija fil-punt (m) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fl-Anness X għal dan ir-Regolament.

2.Fir-rapport tal-inventarju nazzjonali, l-Istati Membri għandhom jirrappurtaw l-informazzjoni dwar il-valutazzjoni ġenerali tal-kompletezza msemmija fil-punt (m) tal-Parti 1 tal-Anness V tar-Regolament (UE) 2018/1999, u jispeċifikaw:

(a)il-kategoriji, li ġew irrappurtati bħala mhux stmati (NE), kif definiti fl-MPLG għat-trasparenza, u spjegazzjonijiet dettaljati għall-użu ta’ din l-entrata ewlenija speċjalment meta l-linji gwida dwar l-inventarji tal-gassijiet serra jipprovdu l-metodi għall-istima tal-gassijiet serra;

(b)il-kopertura ġeografika tal-inventarju tal-gassijiet serra, u kull differenza bejn il-kopertura ġeografika skont l-UNFCCC u l-Ftehim ta’ Pariġi u skont ir-Regolament (UE) 2018/1999.

Artikolu 13

Rappurtar tal-indikaturi

L-Istati Membri għandhom jirrappurtaw l-informazzjoni dwar l-indikaturi msemmija fil-punt (e) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fl-Anness XI.

Artikolu 14

Rappurtar tal-konsistenza tal-emissjonijiet irrappurtati b’data mis-sistema tal-UE għan-Negozjar ta’ Kwoti ta’ Emissjonijiet

1.L-Istati Membri għandhom jirrappurtaw l-informazzjoni msemmija fil-punt (h) tal-Parti 1 tal-Anness V tar-Regolament (UE) Nru 2018/1999 f’konformità mal-format stabbilit fl-Anness XII ta’ dan ir-Regolament.

2.L-Istati Membri għandhom jirrappurtaw l-informazzjoni dwar ir-riżultati tal-kontrolli msemmija fil-punt (i) tal-Parti 1 tal-Anness V tar-Regolament (UE) 2018/1999 f’format testwali, u jispeċifikaw:

Artikolu 15

Rappurtar tal-konsistenza tad-data rappurtata dwar sustanzi li jniġġsu l-arja

1.L-Istati Membri għandhom jirrappurtaw l-informazzjoni dwar ir-riżultati tal-verifiki msemmija fil-punt (j)(i) tal-Parti 1 tal-Anness V tar-Regolament (UE) Nru 2018/1999 u dwar il-konsistenza tad-data skont il-punt (b) tal-Parti 1 tal-Anness V tar-Regolament (UE) Nru 2018/1999 f’format testwali, u jispeċifikaw:

(a)jekk l-istimi tal-emissjonijiet ta’ monossidu tal-karbonju (CO), ta’ diossidu tal-kubrit (SO2), ta’ ossidi tan-nitroġenu (NOx) u ta’ komposti organiċi volatili, fl-inventarji ppreżentati mill-Istat Membru skont id-Direttiva 2016/2284 tal-Parlament Ewropew u tal-Kunsill 10 humiex konsistenti mal-istimi tal-emissjonijiet fl-inventarji tal-gassijiet serra skont ir-Regolament (UE) Nru 2018/1999.

(b)id-dati tal-preżentazzjoni tar-rapporti skont id-Direttiva (UE) 2016/2284 li ġew imqabbla mal-preżentazzjoni tal-inventarji skont ir-Regolament (UE) 2018/1999.

2.Meta l-kontrolli msemmija fil-paragrafu 1 jirriżultaw f’differenzi ta’ aktar minn +/– 5 % bejn l-emissjonijiet totali li jeskludu l-Użu tal-Art, it-Tibdil fl-Użu tal-Art u l-Forestrija (LULUCF) għal inkwinant tal-arja partikolari rrappurtat skont ir-Regolament (UE) 2018/1999 u skont id-Direttiva (UE) 2016/2284, l-Istati Membri kkonċernati għandhom, minbarra l-informazzjoni testwali msemmija fil-paragrafu 1, jirrapportaw informazzjoni għal dik is-sustanza li tniġġes l-arja f’konformità mal-format stabbilit fl-Anness XIII ta’ dan ir-Regolament.

3.L-Istati Membri jistgħu jirrappurtaw biss l-informazzjoni msemmija fil-paragrafu 1 jekk id-differenza ta’ aktar minn +/– 5 % imsemmija fil-paragrafu 2 tirriżulta minn korrezzjoni ta’ żbalji fid-data, jew mid-differenzi fil-kopertura ġeografika jew mid-differenzi fil-kamp ta’ applikazzjoni bejn l-istrumenti legali rispettivi.

Artikolu 16

Rappurtar tal-konsistenza tad-data rrappurtata dwar gassijiet serra fluworurati.

L-Istati Membri għandhom jirrappurtaw l-informazzjoni dwar ir-riżultati tal-kontrolli msemmija fil-punt (j)(ii) tal-Parti 1 tal-Anness V tar-Regolament (UE) 2018/1999 f’format testwali, u jispeċifikaw:

(a)il-kontrolli mwettqa mill-Istat Membru dwar il-livell ta’ dettall, is-settijiet ta’ data u l-preżentazzjonijiet li ġew imqabbla;

(b)ir-riżultati prinċipali tal-verifiki u l-ispjegazzjonijiet għall-inkonsistenzi ewlenin;

(c)jekk intużatx id-data miġbura minn operaturi skont l-Artikolu 6(1) tar-Regolament (KE) Nru 517/2014 tal-Parlament Ewropew u tal-Kunsill 11 , u kif intużat;

(d)ir-raġunijiet għaliex il-kontrolli ma kinux ikkunsidrati bħala rilevanti, meta ma jkunux twettqu dawk il-kontrolli.

Artikolu 17

Rappurtar tal-konsistenza mal-istatistika dwar l-enerġija

1.L-Istati Membri għandhom jirrapportaw informazzjoni dwar ir-riżultati tal-kontrolli msemmija fil-punt (j)(iii) tal-Parti 1 tal-Anness V tar-Regolament (UE) 2018/1999 f’format testwali, u jispeċifikaw id-differenzi bejn l-approċċ ta’ referenza kkalkulat abbażi tad-data inkluża fl-inventarju tal-gassijiet serra u l-approċċ ta’ referenza kkalkulat abbażi tal-istatistika dwar l-enerġija rrapportata skont l-Artikolu 4 u l-Anness B tar-Regolament (KE) Nru 1099/2008 tal-Parlament Ewropew u tal-Kunsill( 12 ).

2.L-Istati Membri għandhom jirrapportaw l-informazzjoni kwantitattiva u l-ispjegazzjonijiet għad-differenzi ta’ aktar minn +/– 2 % fil-konsum totali nazzjonali li jidher ta’ karburant fossili f’livell aggregat għall-kategoriji kollha tal-karburanti fossili, għas-sena X-2 imsemmi fil-paragrafu 1 skont l-Anness XIV ta’dan ir-Regolament.

Artikolu 18

Rappurtar tal-bidliet fid-deskrizzjonijiet tas-sistemi tal-inventarji nazzjonali jew fir-reġistri

L-Istati Membri għandhom jiddikjaraw b’mod ċar fil-kapitoli rilevanti tar-rapport tal-inventarju nazzjonali jekk kienx hemm xi tibdil fid-deskrizzjoni tas-sistemi ta’ inventarji nazzjonali tagħhom jew, jekk japplika, tar-reġistri nazzjonali tagħhom imsemmija fil-punti (k) u (l) tal-Parti 1 tal-Anness V tar-Regolament (UE) Nru 2018/1999 mill-preżentazzjoni preċedenti tar-rapport dwar l-inventarju nazzjonali.

Artikolu 19

Rappurtar tal-emissjonijiet ta’ gassijiet serra koperti bir-Regolament (UE) 2018/842

L-Istati Membri għandhom jirrapportaw l-emissjonijiet antropoġeniċi ta’ gassijiet serra elenkati fil-Parti 2 tal-Anness V tar-Regolament 2018/1999 fil-kamp ta’ applikazzjoni speċifikat fl-Artikolu 2(1) tar-Regolament (UE) 2018/842, kif imsemmi fil-punt (a) tal-Parti 1 tal-Anness V tar-Regolament (UE) 2018/1999, u l-aġġornamenti ta’ din l-informazzjoni msemmija fil-punt (d) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fl-Anness XV ta’ dan ir-Regolament.

Artikolu 20

Rappurtar tal-informazzjoni fil-qosor dwar it-trasferimenti konklużi f’konformità mar-Regolament 2018/841

L-Istati Membri għandhom jirrappurtaw l-informazzjoni fil-qosor dwar it-trasferimenti konklużi skont l-Artikoli 12 u 13 tar-Regolament (UE) 2018/841, imsemmija fil-punt (f) tal-Parti 1 tal-Anness V tar-Regolament (UE) 2018/1999, f’konformità mal-format stabbilit fl-Anness XVI ta’ dan ir-Regolament. Wara l-kompilazzjoni mill-Kummissjoni, sommarju tal-informazzjoni pprovduta skont dan il-paragrafu għandu jkun disponibbli fi żmien tliet xhur minn meta jaslu r-rapporti mill-Istati Membri, f’forma elettronika. F’dan is-sommarju, għandha tingħata l-firxa ta’ prezzijiet li tħallsu għal kull tranżazzjoni tal-unitajiet ta’ mitigazzjoni tal-art.

Artikolu 21

Rappurtar tal-informazzjoni fil-qosor dwar it-trasferimenti konklużi f’konformità mar-Regolament (UE) 2018/842

1.L-Istati Membri għandhom jirrappurtaw l-informazzjoni fil-qosor dwar it-trasferimenti konklużi skont l-Artikolu 5 tar-Regolament (UE) 2018/842 kif imsemmi fil-punt (f) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fit-Tabella 1 tal-Anness XVII ta’ dan ir-Regolament. Wara l-kompilazzjoni mill-Kummissjoni, sommarju tal-informazzjoni pprovduta skont dan il-paragrafu għandu jkun disponibbli fi żmien tliet xhur minn meta jaslu r-rapporti mill-Istati Membri, f’forma elettronika. F’dan is-sommarju, għandha tiġi pprovduta l-firxa ta’ prezzijiet imħallsa għal kull tranżazzjoni ta’ allokazzjoni annwali tal-emissjonijiet.

2.Fi żmien iż-żewġ perjodi bejn il-pubblikazzjoni tal-atti ta’ implimentazzjoni msemmija fl-Artikolu 38(4) u l-bidu tal-proċedura ta’ kontroll tal-konformità stabbilita fl-Artikolu 38(6) tar-Regolament (UE) 2018/1999 skont l-Artikolu 9 tar-Regolament (UE) 2018/842, l-Istati Membri jistgħu jirrapportaw lill-Kummissjoni fil-15-il jum ta’ kull xahar dwar trasferimenti konklużi skont l-Artikolu 5 tar-Regolament (UE) 2018/842 f’konformità mal-format stabbilit fit-Tabella 2 tal-Anness XVII ta’ dan ir-Regolament. Wara l-kompilazzjoni mill-Kummissjoni, sommarju tal-informazzjoni riċevuta skont dan il-paragrafu għandu jkun disponibbli, fil-ħin u f’forma elettronika.

Artikolu 22

Rappurtar tal-informazzjoni dwar l-użu maħsub tal-flessibbiltajiet f’konformità mar-Regolament (UE) 2018/842

1. L-Istati Membri għandhom jirrappurtaw l-informazzjoni dwar l-użu intenzjonat tal-flessibbiltajiet imsemmija fil-paragrafi 4 u 5 tal-Artikolu 5 u l-Artikolu 7(1) tar-Regolament (UE) 2018/842 kif imsemmi fil-punt (n) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fl-Anness XVIII għal dan ir-Regolament.

2.Fiż-żewġ perjodi bejn il-pubblikazzjoni tal-atti ta’ implimentazzjoni msemmija fl-Artikolu 38(4) u l-bidu tal-proċedura ta’ kontroll tal-konformità stabbilita fl-Artikolu 38(6) tar-Regolament (UE) 2018/1999 skont l-Artikolu 9 tar-Regolament (UE) 2018/842, l-Istati Membri jistgħu jirrapportaw lill-Kummissjoni fil-15-il jum ta’ kull xahar dwar l-użu previst tal-flessibbiltajiet fil-paragrafi 4 u 5 tal-Artikolu 5 tar-Regolament (UE) 2018/842 f’konformità mal-format stabbilit fit-Tabella 1 tal-Anness XVIII ta’ dan ir-Regolament. Wara l-kompilazzjoni mill-Kummissjoni, l-informazzjoni li tasal skont dan il-paragrafu għandha tkun disponibbli, f’forma elettronika u sa mhux aktar tard minn tmiem ix-xahar imsemmi hawn fuq.

3.L-informazzjoni rrapportata skont il-paragrafi 1 u 2 ta’ dan l-Artikolu ma għandha tinkludi l-ebda trasferiment konkluż irrappurtat skont l-Artikolu 21.

Artikolu 23

Rappurtar tal-użu tad-dħul minn trasferimenti f’konformità mar-Regolament (UE) 2018/842

L-Istati Membri għandhom jirrappurtaw l-informazzjoni dwar l-użu tad-dħul f’konformità mal-Artikolu 5(6) tar-Regolament (UE) 2018/842 imsemmi fil-punt (n) tal-Parti 1 tal-Anness V tar-Regolament (UE) 2018/1999 f’konformità mal-format stabbilit fl-Anness XIX għal dan ir-Regolament.

Artikolu 24

Rappurtar tal-emissjonijiet u l-assorbimenti tal-gassijiet serra kontabilizzati

L-Istati Membri għandhom jirrapportaw l-emissjonijiet u l-assorbimenti tal-gassijiet serra kontabilizzati skont l-Artikolu 26(5) tar-Regolament (UE) 2018/1999 f’konformità mal-format stabbilit fl-Anness XX.

Artikolu 25

Perjodi ta’ żmien għall-kooperazzjoni u għall-koordinazzjoni fit-tħejjija tal-inventarju tal-gassijiet serra tal-Unjoni u r-rieżami tal-UNFCCC

1.L-Istati Membri u l-Kummissjoni għandhom jikkooperaw u jikkoordinaw fit-tħejjija tal-inventarju tal-gassijiet serra tal-Unjoni u fit-tħejjija tar-rapport tal-inventarju tal-Unjoni, f’konformità mal-perjodi ta’ żmien stabbiliti fl-Anness XXI.

2.Meta Stat Membru jerġa’ jippreżenta l-inventarju tiegħu lis-Segretarjat tal-UNFCCC, dak l-Istat Membru għandu jipprovdi lill-Kummissjoni b’sommarju tal-bidliet li jkunu saru fl-inventarju ppreżentat mill-ġdid, sa mhux aktar tard minn ġimgħa wara l-preżentazzjoni mill-ġdid.

3.Matul ir-rieżami tal-UNFCCC tal-inventarju tal-Unjoni, fuq talba tal-Kummissjoni, l-Istati Membri għandhom, mill-aktar fis possibbli, jipprovdu lill-Kummissjoni bit-tweġibiet għall-mistoqsijiet imqajma mill-evalwaturi tal-UNFCCC.

Kapitolu IV
ir-rekwiżiti dwar l-istabbiliment, it-tħaddim u l-funzjonament tas-Sistemi ta’ Inventarji Nazzjonali

Artikolu 26

Funzjonament ta’ sistemi ta’ inventarji nazzjonali

Waqt li jkun qed jimplimenta s-sistemi ta’ inventarji nazzjonali skont l-Artikolu 37 tar-Regolament (UE) 2018/1999, kull Stat Membru għandu:

(a)jistabbilixxi u jżomm l-arranġamenti istituzzjonali, legali u proċedurali meħtieġa biex jitwettqu l-funzjonijiet skont l-Artikoli 27 sa 29, bejn l-aġenziji tal-gvern u entitajiet oħra responsabbli għat-twettiq tal-funzjonijiet kollha;

(b)jiżgura kapaċità suffiċjenti għal twettiq fil-ħin tal-funzjonijiet skont l-Artikoli 27 sa 29, inkluż il-ġbir tad-data għall-istima tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar u arranġamenti għall-kompetenza teknika tal-persunal involut fil-proċess ta’ żvilupp tal-inventarju.

Artikolu 27

Ippjanar tal-inventarju

1.Bħala parti mill-ippjanar tal-inventarju tiegħu, kull Stat Membru għandu:

(a)jaħtar entità nazzjonali waħda b’responsabbiltà globali għall-inventarju nazzjonali u jagħmel disponibbli l-indirizzi postali u elettroniċi tiegħu;

(b)jiddefinixxi u jalloka responsabbiltajiet speċifiċi fil-proċess ta’ żvilupp tal-inventarju, inkluż dawk relatati mal-għażla tal-metodi, il-ġbir tad-data, b’mod partikolari data dwar l-attività u fatturi ta’ emissjoni minn servizzi tal-istatistika u entitajiet oħra, l-ipproċessar u l-arkivjar, u l-kontroll tal-kwalità u l-assigurazzjoni tal-kwalità;

(c)jelabora pjan ta’ assigurazzjoni tal-kwalità u ta’ kontroll tal-kwalità li jiddeskrivi proċeduri speċifiċi ta’ kontroll tal-kwalità li se jiġu implimentati matul il-proċess ta’ żvilupp tal-inventarju, jiffaċilita l-proċeduri ġenerali ta’ assigurazzjoni tal-kwalità li se jitwettqu u jistabbilixxi objettivi ta’ kwalità;

(d)jikkunsidra li jistabbilixxi proċessi għall-kunsiderazzjoni uffiċjali u l-approvazzjoni tal-inventarju, jekk rilevanti, inkluż kwalunkwe rikalkulazzjoni, qabel il-preżentazzjoni tiegħu u bi tweġiba għal kwalunkwe kwistjoni mqajma mill-proċessi ta’ rieżami tal-inventarju.

2.Bħala parti mill-ippjanar tal-inventarju tiegħu, kull Stat Membru għandu, meta rilevanti, jikkunsidra modi kif itejjeb il-kwalità tad-data dwar l-attività, il-fatturi ta’ emissjoni, il-metodi u elementi tekniċi rilevanti oħra ta’ inventarji. L-informazzjoni miksuba mill-implimentazzjoni tal-pjan ta’ assigurazzjoni tal-kwalità u ta’ kontroll tal-kwalità, minn rieżamijiet skont l-Artikolu 19 tar-Regolament (UE) Nru 525/2013, l-Artikolu 38 tar-Regolament (UE) Nru 1999/2018 u skont l-UNFCCC għandha, meta jixraq, tiġi kkunsidrata fl-iżvilupp u / jew fir-reviżjoni tal-pjan ta’ assigurazzjoni tal-kwalità u ta’ kontroll tal-kwalità u l-objettivi tal-kwalità.

Artikolu 28

Tħejjija tal-inventarji

1.F’konformità mal-linji gwida dwar l-inventarji tal-gassijiet serra, kull Stat Membru għandu:

(a)jidentifika l-kategoriji ewlenin u jħejji stimi li japplikaw metodi xierqa biex jiġu stmati l-emissjonijiet u l-assorbimenti minn kategoriji ewlenin;

(b)jiġbor biżżejjed data dwar l-attività, informazzjoni dwar il-proċessi u fatturi ta’ emissjonijiet meħtieġa biex jappoġġa l-metodi magħżula għall-istima tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar;

(c)jagħmel stima kwantitattiva tal-inċertezza tal-inventarju għal kull kategorija u għall-inventarju totali u jħejji r-rikalkulazzjoni tal-istimi preċedentement ippreżentati tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar;

(d)jiġbor l-inventarju nazzjonali u jimplimenta proċeduri ġenerali ta’ kontroll tal-kwalità tal-inventarju f’konformità mal-pjan tagħhom ta’ assigurazzjoni tal-kwalità u ta’ kontroll tal-kwalità.

2.Bħala parti mill-preparazzjoni tal-inventarju tiegħu, kull Stat Membru għandu, meta jixraq:

(a)japplika proċeduri ta’ kontroll tal-kwalità li jkunu speċifiċi għall-kategorija, għall-kategoriji ewlenin u għall-kategoriji individwali, meta jkunu saru reviżjonijiet metodoloġiċi u/jew ta’ data sinifikanti, b’konformità mal-linji gwida dwar l-inventarji tal-gassijiet serra;

(b)jipprevedi rieżami bażiku tal-inventarju minn parti terza indipendenti jew persunal mhux involut fl-iżvilupp tal-inventarju, qabel il-preżentazzjoni tal-inventarju, f’konformità mal-proċeduri ta’ assigurazzjoni tal-kwalità ppjanati msemmija fl-Artikolu 27(1)(c);

(c)jipprevedi rieżami aktar estensiv għall-kategoriji ewlenin u l-kategoriji fejn seħħew bidliet sinifikanti fil-metodi;

(d)abbażi tar-rieżamijiet skont l-MPLG għat-trasparenza u f’konformità mal-Artikolu 38 tar-Regolament (UE) 2018/1999 u evalwazzjonijiet perjodiċi interni tal-proċess ta’ preparazzjoni tal-inventarju, jevalwa mill-ġdid il-proċess tal-ippjanar tal-inventarju sabiex jilħaq l-objettivi ta’ kwalità stabbiliti msemmija fl-Artikolu 27(1)(c) ta’ dan ir-Regolament.

Artikolu 29

Ġestjoni tal-inventarju

1.Bħala parti mill-ġestjoni tal-inventarju tiegħu, kull Stat Membru għandu:

(a)kull sena għas-serje temporali rrappurtata, jarkivja l-informazzjoni tal-inventarju li tinkludi: il-fatturi tal-emissjoni diżaggregati kollha, id-data dwar l-attività, u d-dokumentazzjoni dwar kif dawn ġew iġġenerati u aggregati; id-dokumentazzjoni interna dwar proċeduri ta’ assigurazzjoni tal-kwalità u ta’ kontroll tal-kwalità, rieżamijiet esterni u interni, dokumentazzjoni dwar is-sorsi ewlenin annwali u identifikazzjoni tas-sors ewlieni u titjib tal-inventarju ppjanat.

(b)jipprovdi timijiet ta’ rieżami skont l-MPLG għat-trasparenza u l-Artikolu 38 tar-Regolament (UE) 2018/1999 b’aċċess għall-informazzjoni arkivjata kollha użata mill-Istat Membru biex iħejji l-inventarju, filwaqt li jitqiesu r-regoli ta’ kunfidenzjalità speċifiċi għall-pajjiż.

(c)iwieġeb għat-talbiet biex tiġi ċċarata l-informazzjoni tal-inventarju li tirriżulta mill-istadji differenti tal-proċessi ta’ rieżami tal-informazzjoni tal-inventarju, u informazzjoni dwar is-sistema nazzjonali, fil-ħin.

2.Bħala parti mill-ġestjoni tal-inventarju tiegħu, kull Stat Membru għandu, meta jixraq, jagħmel il-ġbir ta’ informazzjoni arkivjata faċilment aċċessibbli

Kapitolu V
il-proċedura u l-iskeda għat-twettiq tar-rieżami komprensiv

Artikolu 30

Proċedura għar-rieżami komprensiv

1.Il-Kummissjoni u l-Aġenzija Ewropea għall-Ambjent, waqt li jwettqu r-rieżami komprensiv (jew ir-“rieżami”) imsemmi fl-Artikolu 38(1) tar-Regolament (UE) Nru 2018/1999, għandhom jiġu megħjuna minn tim ta’ rieżami magħmul minn esperti tekniċi u jsegwu l-proċedura kif stabbilit fl-Anness XXII.

2.L-Aġenzija Ewropea għall-Ambjent għandha twettaq il-kompiti segretarjali għar-rieżamijiet komprensivi kif speċifikat fl-Anness XXII.

3.Il-Kummissjoni, assistita mill-Aġenzija Ewropea għall-Ambjent, għandha tagħżel għadd suffiċjenti ta’ esperti ta’ rieżami biex ikopru s-setturi xierqa tal-inventarju. L-esperti tar-rieżami magħżula għandu jkollhom esperjenza fil-qasam tal-kompilazzjoni tal-inventarji tal-gassijiet serra u possibbilment ikunu attivi fi proċessi ta’ rieżami ta’ gassijiet serra. Esperti tekniċi li kkontribwew għall-kompilazzjoni ta’ inventarju ta’ gassijiet serra ta’ Stat Membru individwali, jew li huma ċittadini ta’ dak l-Istat Membru, ma għandhomx jieħdu sehem fir-rieżami ta’ dak l-inventarju.

4.Ir-rieżamijiet komprensivi għandhom jiġu isiru abbażi tad-dokumentazzjoni jew b’mod ċentralizzat, kif speċifikat fl-Anness XXII. Barra minn hekk, iż-żjarat fil-pajjiż jistgħu jiġu organizzati fuq rakkomandazzjoni tat-tim ta’ rieżami tal-esperti tekniċi u f’konsultazzjoni mal-Istat Membru kkonċernat.

5.Il-verifiki skont l-Artikolu 38(2)(b) tar-Regolament (UE) 2018/1999 għandhom jinkludu, meta jixraq, l-informazzjoni speċifikata fl-Anness XXII.

6.Il-verifiki msemmija fl-Artikolu 38(2)(c) tar-Regolament (UE) 2018/1999 għandhom jinkludu, meta jixraq, eżami dettaljat tal-konsistenza tal-emissjonijiet u tal-assorbimenti kontabilizzati mar-regoli tal-Unjoni.

7.Ir-rieżamijiet komprensivi jistgħu jinkludu, jekk jagħti l-każ, kontrolli maħsuba biex jistabbilixxu jekk l-elementi għal titjib identifikati għal Stat Membru wieħed fl-ambitu tar-rieżamijiet tal-UNFCCC jew tal-Unjoni jistgħux jirrappreżentaw ukoll elementi ta’ titjib għal Stati Membri oħra.

8.Ir-rieżami tal-inventarji tal-gassijiet serra għandu jsir b’mod konsistenti għall-Istati Membri kollha kkonċernati u b’mod oġġettiv.

Artikolu 31

Korrezzjonijiet tekniċi

1.Korrezzjoni teknika ta’ stima ta’ emissjoni għandha titqies meħtieġa fis-sens tal-Artikolu 38(2)(d) tar-Regolament (UE) Nru 2018/1999 jekk stima ogħla mill-valur reali jew stima iktar baxxa mill-valur reali taqbeż il-livell limitu ta’ sinifikanza stabbilit skont l-Artikolu 2 ta dan ir-Regolament. Id-dettalji tal-korrezzjonijiet tekniċi huma speċifikati fl-Anness XXII ta’ dan ir-Regolament.

2.Il-limitu ta’ sinifikat għal fonti jew bir tal-karbonju jammonta għal 0,05 % tal-emissjonijiet nazzjonali totali ta’ gassijiet serra ta’ Stat Membru mingħajr LULUCF għas-sena tal-inventarju li jkun qed jiġi rivedut, jew ekwivalenti ta’ 500 kt CO2, liema minnhom ikun l-iżgħar.

3.Bi tweġiba għal sejba mill-Kummissjoni kkomunikata lil Stat Membru matul ir-rieżami, l-Istat Membru jista’ jitlob bidla fl-istimi tiegħu tal-emissjonijiet jew tal-emissjonijiet u tal-assorbimenti kontabilizzati billi jipprovdi stimi riveduti. Jekk stima riveduta titqies xierqa mit-tim ta’ rieżami tekniku, din għandha tiġi inkluża fir-rapport ta’ rieżami msemmi fl-Artikolu 32 flimkien ma’ ġustifikazzjoni. 

Artikolu 32

Ir-rapporti finali tar-rieżami

Il-Kummissjoni għandha tinforma lill-Istat Membru kkonċernat dwar it-tmiem tar-rieżami komprensiv u tipprovdi lill-Istat Membru b’rapport ta’ rieżami finali sat-30 ta’ Awwissu 2027 u sat-30 ta’ Awwissu 2032 rispettivament.

Artikolu 33

Il-kooperazzjoni mal-Istati Membri

1.L-Istati Membri għandhom:

(a)jipparteċipaw fir-rieżami skont l-iskeda stabbilita fl-Anness XXII;

(b)jaħtru punt ta’ kuntatt Nazzjonali għar-rieżami tal-Unjoni;

(c)jieħdu sehem u jiffaċilitaw l-organizzazzjoni ta’ żjara fil-pajjiż, jekk ikun meħtieġ;

(d)jagħtu tweġibiet u informazzjoni addizzjonali u jikkummentaw dwar ir-rapporti ta’ rieżami kif rilevanti.

2.Fuq talba tal-Istati Membri, il-Kummissjoni għandha tinkludi kummenti dwar is-sejbiet tar-rieżami fir-rapport ta’ rieżami finali msemmi fl-Artikolu 32.

3.Il-Kummissjoni għandha tinforma lill-Istati Membri dwar il-kompożizzjoni tat-tim ta’ esperti tekniċi ta’ rieżami magħżula skont l-Artikolu 30.

Artikolu 34

Skeda għar-rieżamijiet komprensivi

Ir-rieżamijiet komprensivi u annwali għandhom jitwettqu skont l-iskedi stabbiliti fl-Anness XXII.

Kapitolu VI
politiki u miżuri u projezzjonijiet

Artikolu 35

Proċessi ta’ preżentazzjoni għar-rappurtar

L-Istati Membri għandhom jużaw il-pjattaforma elettronika msemmija fl-Artikolu 28 tar-Regolament (UE) 2018/1999 u l-għodod u l-mudelli relatati tal-Kummissjoni, assistiti mill-Aġenzija Ewropea għall-Ambjent skont l-Artikolu 42 tar-Regolament (UE) 2018/1999, għall-preżentazzjoni tal-informazzjoni skont dan il-Kapitolu.

Artikolu 36

Rappurtar tas-sistemi nazzjonali għall-politiki u l-miżuri u l-projezzjonijiet

L-Istati Membri għandhom jipprovdu d-deskrizzjoni tas-sistemi nazzjonali tagħhom għar-rappurtar tal-politiki u l-miżuri, jew il-gruppi ta’ miżuri, u l-projezzjonijiet imsemmija fil-punt (a) tal-Anness VI tar-Regolament (UE) 2018/1999 fil-format stabbilit fl-Anness XXIII ta’ dan ir-Regolament.

Artikolu 37

Rappurtar tal-politiki u l-miżuri nazzjonali

1.L-Istati Membri għandhom jirrappurtaw l-informazzjoni dwar il-politiki u l-miżuri nazzjonali tagħhom, jew dwar il-gruppi ta’ miżuri tagħhom, imsemmija fil-punt (c) tal-Anness VI tar-Regolament (UE) 2018/1999 fil-formati stabbiliti fl-Anness XXIV ta’ dan ir-Regolament.

2.L-Istati Membri għandhom jirrappurtaw l-informazzjoni li ġejja f’format testwali:

(a)l-aġġornamenti rilevanti għall-istrateġiji fit-tul tagħhom imsemmija fil-punt (b) tal-Anness VI tar-Regolament (UE) 2018/1999;

(b)il-politiki u l-miżuri addizzjonali ppjanati msemmija fil-punt (d) tal-Anness VI tar-Regolament (UE) 2018/1999;

(c)ir-rabtiet bejn politiki u miżuri differenti u l-kontribut ta’ dawk il-politiki u l-miżuri għal xenarji ta’ projezzjoni differenti, kif imsemmi fil-punt (e) tal-Anness VI tar-Regolament (UE) 2018/1999.

Artikolu 38

Rappurtar tal-projezzjonijiet nazzjonali

1.L-Istati Membri għandhom jirrapportaw l-informazzjoni dwar il-projezzjonijiet nazzjonali tagħhom tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar, mqassma skont il-gass jew il-grupp ta’ gassijiet, imsemmija fl-Artikolu 18(1)(b) u l-punt (a) tal-Anness VII tar-Regolament (UE) 2018/1999 fil-format stabbilit fl-Anness XXV ta’ dan ir-Regolament.

2.L-Istati Membri għandhom jipprovdu l-informazzjoni addizzjonali dwar il-projezzjonijiet nazzjonali tagħhom tal-emissjonijiet antropoġeniċi ta’ gassijiet serra mis-sorsi u tal-assorbiment tal-gassijiet serra mill-bjar imsemmija fl-Anness VII tar-Regolament (UE) 2018/1999 f’format testwali, li tispeċifika:

(a)ir-riżultati tal-projezzjonijiet għall-emissjonijiet totali tal-gassijiet serra, l-emissjonijiet koperti mir-Regolament (UE) 2018/842 u d-Direttiva 2003/87/KE rispettivament, u l-emissjonijiet ta’ gassijiet serra mis-sorsi u tal-assorbiment tal-gassijiet serra mill-bjar projettati skont ir-Regolament (UE) 2018/841, skont il-punt (b) tal-Anness VII tar-Regolament (UE) 2018/1999;

(b)ir-riżultati tal-analiżi tas-sensittività mwettqa skont il-punt (d) tal-Anness VII tar-Regolament (UE) 2018/1999;

(1)għall-emissjonijiet totali ta’ gassijiet serra rrappurtati, flimkien ma’ spjegazzjoni qasira dwar liema parametri kienu varjati u kif;

(2)maqsuma skont l-emissjonijiet totali koperti mid-Direttiva 2003/87/KE u mir-Regolament (UE) 2018/842 rispettivament u tal-emissjonijiet ta’ gassijiet serra mis-sorsi u tal-assorbiment tal-gassijiet serra mill-bjar projettati skont ir-Regolament (UE) 2018/841, meta tali informazzjoni tkun disponibbli;

(c)is-sena tad-data tal-inventarju (sena bażi) u s-sena tar-rapport tal-inventarju użati bħala punt ta’ tluq għall-projezzjonijiet;

(d)il-metodoloġiji użati għall-ipprojettar, inkluż deskrizzjoni qasira tal-mudelli użati u l-kopertura settorjali, ġeografika u temporali tagħhom, referenzi għal aktar informazzjoni dwar il-mudelli u informazzjoni dwar is-sorsi ta’ data, is-suppożizzjonijiet eżoġeni ewlenin u dwar il-parametri użati; skont il-punt (e) tal-Anness VII tar-Regolament (UE) 2018/1999.

3.Fir-rapporti dwar il-projezzjonijiet li jridu jiġu pprovduti skont l-Artikolu 18(1) tar-Regolament (UE) 2018/1999, l-Istati Membri għandhom iqisu l-valuri armonizzati għal parametri ewlenin għall-projezzjonijiet — għall-inqas għall-prezzijiet tal-importazzjoni taż-żejt, tal-gass u tal-faħam kif ukoll għall-prezzijiet tal-karbonju skont is-Sistema Ewropea għall-Iskambju ta’ Kwoti tal-Emissjonijiet skont id-Direttiva 2003/87/KE — li l-Kummissjoni rrakkomandat, b’konsultazzjoni mal-Istati Membri, tnax-il xahar qabel id-data ta’ skadenza għall-preżentazzjoni tar-rapporti.

Kapitolu VII
Dispożizzjonijiet tranżizzjonali u finali

Artikolu 39

Tħassir

Ir-Regolament ta’ Implimentazzjoni (UE) Nru 749/2014 jitħassar b’effett mill-1 ta’ Jannar 2021, soġġett għad-dispożizzjonijiet tranżizzjonali stipulati fl-Artikolu 40 ta’ dan ir-Regolament.

Artikolu 40

Dispożizzjoni tranżizzjonali

B’deroga mill-Artikolu 39 ta’ dan ir-Regolament, l-Artikoli 3 sa 18 u 27 sa 43 tar-Regolament ta’ Implimentazzjoni (UE) Nru 749/2014 għandhom ikomplu japplikaw għar-rapporti li jkun fihom id-data meħtieġa għas-snin 2019 u 2020.

Artikolu 41

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2021.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 7.8.2020

(1)    ĠU L 328, 21.12.2018, p. 1.

(2)    Ir-Regolament (UE) Nru 525/2013 tal-Parlament Ewropew u tal-Kunsill tal-21 ta’ Mejju 2013 dwar mekkaniżmu għall-monitoraġġ u r-rapportar ta’ emissjonijiet ta’ gassijiet serra u għar-rapportar ta’ informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE (ĠU L 165, 18.6.2013, p. 13).

(3)    Approvata bid-Deċiżjoni tal-Kunsill tal-15 ta’ Diċembru 1993 dwar il-konklużjoni tal-Konvenzjoni Qafas tan-Nazzjonijiet Uniti dwar il-Kambjamenti tal-Klima (94/69/KE) (ĠU L 33, 7.2.1994, p. 11).

(4)    Approvat bid-Deċiżjoni tal-Kunsill (UE) 2016/1841 tal-5 ta’ Ottubru 2016 dwar il-konklużjoni, f’isem l-Unjoni Ewropea, tal-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (ĠU L 282, 19.10.2016, p. 1).

(5)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva 96/61/KE (ĠU L 275, 25.10.2003, p. 32).

(6)    Ir-Regolament (UE) 2018/841 tal-Parlament Ewropew u tal-Kunsill tat-30 ta’ Mejju 2018 dwar l-inklużjoni tal-emissjonijiet u l-assorbimenti ta’ gassijiet serra minn użu tal-art, tibdil fl-użu tal-art u l-forestrija fil-qafas ta’ politika għall-klima u l-enerġija għall-2030, u li jemenda r-Regolament (UE) Nru 525/2013 u d-Deċiżjoni Nru 529/2013/UE (ĠU L 156, 19.6.2018, p. 1)

(7)    Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26).

(8)    Id-Direttiva (UE) 2016/2284 tal-Parlament Ewropew u tal-Kunsill tal-14 ta’ Diċembru 2016 dwar it-tnaqqis tal-emissjonijiet nazzjonali ta’ ċerti inkwinanti atmosferiċi, li temenda d-Direttiva 2003/35/KE u li tħassar id-Direttiva 2001/81/KE (ĠU L 344, 17.12.2016, p. 1).

(9)    Ir-Regolament Delegat tal-Kummissjoni (UE) (UE) 2020/1044 tat-8 ta’ Mejju 2020 li jissupplimenta r-Regolament (UE) 2018/1999 tal-Parlament Ewropew u tal-Kunsill fir-rigward tal-valuri għall-potenzjali ta’ tisħin globali u l-linji gwida tal-inventarju u fir-rigward tas-sistema tal-inventarju tal-Unjoni u li jħassar ir-Regolament Delegat tal-Kummissjoni (UE) Nru 666/2014 (ĠU 230, 17.7.2020, p. 1).

(10)    Id-Direttiva (UE) 2016/2284 tal-Parlament Ewropew u tal-Kunsill tal-14 ta’ Diċembru 2016 dwar it-tnaqqis tal-emissjonijiet nazzjonali ta’ ċerti inkwinanti atmosferiċi, li temenda d-Direttiva 2003/35/KE u li tħassar id-Direttiva 2001/81/KE (ĠU L 344, 17.12.2016, p. 1).

(11)    Ir-Regolament (UE) Nru 517/2014 tal-Parlament Ewropew u tal-Kunsill tas-16 ta’ April 2014 dwar gassijiet fluworurati b’effett ta' serra u li jħassar ir-Regolament (KE) Nru 842/2006 (ĠU L 150, 20.5.2014, p. 195).

(12)    Ir-Regolament (KE) Nru 1099/2008 tal-Parlament Ewropew u tal-Kunsill tat-22 ta’ Ottubru 2008 dwar l-istatistika dwar l-enerġija (ĠU L 304, 14.11.2008, p. 1).

ANNESS I

Informazzjoni dwar azzjonijiet ta’ adattament nazzjonali skont l-Artikolu 4

1. Ċirkostanzi nazzjonali, impatti, vulnerabbiltajiet, riskji u kapaċità ta’ adattament 1

1.1 Ċirkostanzi nazzjonali rilevanti għall-azzjonijiet ta’ adattament:

a)il-karatteristiċi bijoġeofiżiċi;

b)id-demografija;

c)l-ekonomija u l-infrastruttura.

1.2 Qafas ta’ monitoraġġ u ta’ mudellar:

a)l-attivitajiet ewlenin dwar il-monitoraġġ, il-mudellar, il-projezzjonijiet u x-xenarji tal-klima;

b)l-approċċi, il-metodoloġiji u l-għodod ewlenin, u l-inċertezzi u l-isfidi assoċjati magħhom.

1.3 Valutazzjoni tal-impatti, il-vulnerabbiltà u r-riskji tal-klima, inkluż il-kapaċità ta’ adattament:

a)ħarsa ġenerali lejn il-perikli klimatiċi osservati fost dawk elenkati fit-Tabella 1 2 u l-pressjonijiet eżistenti 3 ;

b)l-identifikazzjoni tal-perikli klimatiċi ewlenin futuri minn fost dawk elenkati fit-Tabella 1 u s-setturi ewlenin affettwati 4 .

Tabella 1 - Klassifikazzjoni tal-perikli relatati mal-klima 5

c)Għal kull settur ewlieni affettwat, ħarsa ġenerali lejn dan li ġej, ikklassifikat fuq skali kwalitattivi ta’ għoli/medju/baxx/mhux applikabbli, bi spjegazzjoni kif xieraq 6 :

I.l-impatti osservati tal-perikli ewlenin, inklużi l-bidliet fil-frekwenza u fid-daqs;

II.il-probabbiltà tal-okkorrenza ta’ perikli ewlenin, u l-esponiment għalihom fil-klima tal-futur, abbażi tal-aħjar xjenza disponibbli tal-immudellar tal-klima;

III.il-vulnerabbiltà, inkluża l-kapaċità ta’ adattament;

IV.ir-riskju tal-impatti futuri potenzjali.

2. Oqfsa legali u ta’ politika u arranġamenti istituzzjonali

2.1 Oqfsa u regolamenti legali u ta’ politika, li jinkludu l-Istrateġiji Nazzjonali tal-Adattament (NAS), il-Pjanijiet ta’ Adattament Nazzjonali (NAP) 7 u kull pjan ta’ adattament settorjali.

2.2. Ħarsa ġenerali lejn l-arranġamenti istituzzjonali u ta’ governanza fil-livell nazzjonali għal dawn li ġejjin:

a)il-valutazzjoni tal-vulnerabbiltà u r-riskji tal-klima;

b)l-ippjanar, l-implimentazzjoni, il-monitoraġġ, l-evalwazzjoni u r-reviżjoni tal-politika ta’ adattament 8 ;

c)l-integrazzjoni tal-impatti tat-tibdil fil-klima u tar-reżiljenza fi proċeduri ta’ valutazzjoni ambjentali;

d)il-ġbir, is-sjieda u l-użu mill-ġdid tad-data rilevanti (bħal data dwar it-telf minn diżastri relatati mal-klima u data dwar ir-riskju) u l-aċċess għaliha;

e)l-integrazzjoni tal-impatti tat-tibdil fil-klima u tal-ippjanar tal-adattament fl-oqfsa tal-ġestjoni tar-riskju tad-diżastri u vice versa 9 .

2.3. Ħarsa ġenerali lejn l-arranġamenti istituzzjonali u ta’ governanza fil-livell sottonazzjonali 10 għal:

a)ir-rekwiżiti legali u d-dokumenti strateġiċi;

b)in-netwerks jew kollaborazzjonijiet oħra dwar l-adattament bejn l-awtoritajiet nazzjonali;

c)eżempji ta’ prattiki tajba ta’ netwerks jew kollaborazzjonijiet oħra dwar l-adattament bejn l-awtoritajiet lokali u reġjonali.

3. Strateġiji, politiki, pjanijiet u għanijiet ta’ adattament

3.1 Prijoritajiet ta’ adattament

   3.2 Sfidi, lakuni u ostakli għall-adattament 11

3.3 Sommarji tal-istrateġiji, il-politiki, il-pjanijiet u l-isforzi nazzjonali, b’enfasi fuq l-għanijiet u l-objettivi, l-azzjonijiet previsti 12 , il-baġit u l-iskeda ta’ żmien 13

3.4 Ħarsa ġenerali lejn il-kontenut tal-istrateġiji, il-politiki, il-pjanijiet u l-isforzi sottonazzjonali

3.5 Ħarsa ġenerali lejn l-isforzi biex l-adattament għat-tibdil fil-klima jiġi integrat fil-politiki, fil-pjanijiet, u fil-programmi settorjali, inkluż fl-istrateġiji u fil-pjanijiet ta’ azzjoni għall-ġestjoni tar-riskju tad-diżastri

3.6 Ġestjoni tal-partijiet ikkonċernati

Ħarsa ġenerali lejn il-miżuri fil-politika ta’ adattament fil-livell nazzjonali u eżempji ta’ prattiki tajba mil-livelli sottonazzjonali għall-involviment:

a)mal-partijiet ikkonċernati li huma partikolarment vulnerabbli għall-impatti tat-tibdil fil-klima;

b)mas-settur privat 14 .

4. Monitoraġġ u evalwazzjoni tal-azzjonijiet u l-proċessi ta’ adattament

4.1. Metodoloġija ta’ monitoraġġ u ta’ evalwazzjoni 15 marbuta ma’:

a)it-tnaqqis tal-impatti, il-vulnerabbiltà u r-riskji tal-klima, u ż-żieda tal-kapaċità ta’ adattament;

b)l-implimentazzjoni tal-azzjonijiet ta’ adattament.

4.2 Is-sitwazzjoni attwali tal-implimentazzjoni tal-miżuri ppjanati fil-punti 3.3 sa 3.6, inkluż ħarsa ġenerali lejn il-livell sottonazzjonali u l-iżborż ta’ finanzjament biex tiżdied ir-reżiljenza klimatika. Ir-rapportar dwar il-finanzjament għandu jkopri:

a)l-infiq allokat għall-adattament għall-klima inkluż fil-ġestjoni tar-riskju ta’ diżastri;

b)sa fejn ikun possibbli, is-sehem tal-infiq użat biex jappoġġa l-adattament tal-klima 16 f’kull settur 17 .

4.3 Evalwazzjoni tal-progress lejn dan li ġej 18 :

a)it-tnaqqis tal-impatti, il-vulnerabbiltajiet u r-riskji tal-klima;

b)iż-żieda tal-kapaċità ta’ adattament;

c)l-issodisfar tal-prijoritajiet ta’ adattament;

d)l-indirizzar tal-ostakli għall-adattament.

4.4 Passi li ttieħdu biex jiġu rieżaminati u aġġornati dawn li ġejjin:

a)il-valutazzjonijiet tal-vulnerabbiltà u tar-riskji;

b)il-politiki, l-istrateġiji, il-pjanijiet u l-miżuri ta’ adattament nazzjonali.

4.5 Ħarsa ġenerali lejn il-prattiki tajba fir-rigward tal-passi meħuda biex jiġu riveduti u aġġornati l-pjanijiet, il-politiki, l-istrateġiji u l-miżuri ta’ adattament sottonazzjonali.

5. Kooperazzjoni, prattiki tajba, sinerġiji, esperjenza u tagħlimiet miksuba fil-qasam tal-adattament

5.1 Prattiki tajbin u tagħlimiet meħuda, inkluż fil-livell sottonazzjonali 19

5.2 Sinerġiji tal-azzjonijiet ta’ adattament ma’ oqfsa u/jew konvenzjonijiet internazzjonali oħra, b’mod partikolari l-Għanijiet ta’ Żvilupp Sostenibbli u l-Qafas ta’ Sendai għat-Tnaqqis tar-Riskju ta’ Diżastri

5.3 Kooperazzjoni mal-Istati Membri tal-Unjoni, kooperazzjoni internazzjonali mal-organizzazzjonijiet reġjonali u internazzjonali 20 :

a)il-kooperazzjoni biex tiġi kondiviża l-informazzjoni u jissaħħu x-xjenza, l-istituzzjonijiet u l-għarfien dwar l-adattament;

b)il-kooperazzjoni biex tissaħħaħ l-azzjoni ta’ adattament fil-livell sottonazzjonali, nazzjonali, makroreġjonali u internazzjonali, inkluż iż-żona, l-iskala u t-tipi ta’ kooperazzjoni.

6. Kull informazzjoni oħra relatata mal-impatti u l-adattamenti għat-tibdil fil-klima

6.1 Dettalji tal-kuntatt prinċipali tal-koordinatur u tal-organizzazzjoni nazzjonali

6.2 Siti web rilevanti u sorsi tal-midja soċjali li jintużaw għall-komunikazzjoni dwar l-azzjoni ta’ adattament fil-livell nazzjonali u sottonazzjonali, kif xieraq

6.3 Rapporti ewlenin u pubblikazzjonijiet fil-livell nazzjonali u sottonazzjonali

6.4 Kull informazzjoni oħra relevanti.

ANNESS II

Informazzjoni dwar l-użu tad-dħul mill-irkant skont l-Artikolu 5

Tabella 1a: Dħul mill-irkant tal-kwoti fis-sena X-1

Noti:

(1) Għall-konverżjoni tal-munita għandha tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

Tabella 1b: L-użu tad-dħul mill-irkant tal-kwoti fis-sena X-1

Nota: x = is-sena ta’ rapportar

Noti:

(1)Għall-konverżjoni tal-munita trid tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

(2)Billi jirrapportaw “valur finanzjarju ekwivalenti”, l-Istati Membri jkunu qed jirrapportaw valuri li huma rappreżentattivi tal-infiq tagħhom f’konformità mal-Artikoli 3d u 10 tad-Direttiva 2003/87/KE, u jindikaw li l-valuri kollha rrapportati fit-Tabelli 2 sa 6 jirrappreżentaw ukoll valur finanzjarju ekwivalenti.

Tabella 2: L-użu tad-dħul mill-irkant tal-kwoti għall-finijiet domestiċi jew tal-Unjoni skont l-Artikoli 3d u 10 tad-Direttiva 2003/87/KE

Nota: x = is-sena ta’ rapportar

Noti:

(1)Għall-konverżjoni tal-munita trid tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

(2)Bħala parti mir-rapport tagħhom, l-Istati Membri għandhom jipprovdu d-definizzjonijiet li ntużaw għal “impenn” u “żborż”. Jekk parti mill-ammont irrapportat tkun impenjata u parti oħra żborżata b’rabta ma’ programm/proġett speċifiku, jenħtieġ jintużaw żewġ ringieli separati. Jekk l-Istati Membri ma jkunux jistgħu jagħmlu distinzjoni bejn l-ammonti impenjati u żborżati, jenħtieġ tintgħażel l-aktar kategorija xierqa għall-ammonti rrapportati. Fit-Tabelli kollha jenħtieġ jintużaw definizzjonijiet konsistenti.

Ġeneralment, id-dħul “impenjat” mill-irkanti huwa dak li jkun ġie impenjat legalment biex jintuża għal skopijiet ta’ klima u enerġija, iżda f’xi każijiet jaf ma jkunx għadu ntuża fil-ħin tar-rapportar. Id-dħul “żborżat” mill-irkanti huwa dak li jkun intnefaq fil-ħin tar-rapportar. Madankollu, f’xi każijiet, “Impenn” tista’ tirreferi għad-dħul li huwa ppjanat li jintuża b’mod preliminari biss, u “żborż” tirreferi għad-dħul li ġie trasferit lil Aġenzija tal-Istat speċifika għal skop speċifiku, jew lil gvern reġjonali.

(3)Il-kategoriji tal-użu msemmija fl-Artikolu 10(3) tad-Direttiva 2003/87/KE kif ġej:

— il-finanzjament tar-riċerka u l-iżvilupp u l-proġetti ta’ dimostrazzjoni għat-tnaqqis tal-emissjonijiet u għall-adattament;

— il-finanzjament ta’ inizjattivi fil-qafas tal-Pjan Ewropew Strateġiku dwar it-Teknoloġija tal-Enerġija u l-Pjattaformi Teknoloġiċi Ewropej;

— l-iżvilupp ta’ enerġiji rinnovabbli biex jintlaħaq l-impenn tal-Unjoni;

— l-iżvilupp ta’ teknoloġiji oħra li jgħinu fil-bidla lejn ekonomija b’karbonju baxx, sikura, u sostenibbli;

— l-iżvilupp ta’ teknoloġiji li jgħinu jissodisfaw l-impenn tal-Unjoni li żżid l-effiċjenza enerġetika;

— is-sekwestru tal-karbonju bil-forestrija fl-Unjoni;

— il-qbid u l-ħżin ġeoloġiku tas-CO2 b’mod li jkunu sikuri għall-ambjent;

— it-tħeġġiġ tal-bidla għal trasport b’emissjonijiet baxxi u għal forom pubbliċi tat-trasport;

— il-finanzjament tar-riċerka u l-iżvilupp fl-effiċjenza enerġetika u t-teknoloġiji nodfa;

— il-miżuri maħsuba biex tiżdied l-effiċjenza enerġetika u l-insulazzjoni jew biex jingħata appoġġ finanzjarju biex jiġu indirizzati l-aspetti soċjali tal-unitajiet domestiċi bi dħul baxx jew medju;

— il-kopertura tal-ispejjeż amministrattivi għall-ġestjoni tal-EU ETS;

— il-promozzjoni tal-formazzjoni tal-ħiliet u r-riallokazzjoni tal-ħaddiema biex jikkontribwixxu għal tranżizzjoni ġusta lejn ekonomija b’livell baxx ta’ emissjonijiet ta’ karbonju;

— tnaqqis ieħor fl-emissjonijiet tal-gassijiet serra;

— adattament għall-impatti tat-tibdil fil-klima;

— użi domestiċi oħra.

Il-kategoriji msemmija fl-Artikolu 3d(4) tad-Direttiva 2003/87/KE, iżda aktar speċifikament fl-Artikolu 10(3) kif ġej:

— il-finanzjament ta’ proġetti komuni biex jitnaqqsu l-emissjonijiet ta’ gassijiet serra mis-settur tal-avjazzjoni;

— il-miżuri biex tiġi evitata d-deforestazzjoni.

F’din it-Tabella, l-Istati Membri għandhom jevitaw li l-ammonti jingħaddu darbtejn. Jekk użu speċifiku jgħodd għal diversi tipi ta’ użi, jistgħu jintgħażlu bosta tipi; iżda l-ammont indikat m’għandux jiġi multiplikat. Minflok, dik l-entrata waħdanija għal dak l-ammont għandha tintrabat ma’ ringieli addizzjonali għat-tipi ta’ użi.

(4)Jekk għall-programm jew il-proġett irrapportat hemm bosta strumenti finanzjarji rilevanti, jistgħu jintgħażlu bosta kategoriji.

Tabella 3: L-użu tad-dħul mill-irkant tal-kwoti għal finijiet internazzjonali

Nota: x = is-sena ta’ rapportar

Noti:

(1) Għall-konverżjoni tal-munita għandha tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

(2) Bħala parti mir-rapport tagħhom, l-Istati Membri għandhom jipprovdu d-definizzjonijiet li ntużaw għal “impenn” u “żborż”. Jekk parti mill-ammont irrapportat tkun impenjata u parti oħra żborżata b’rabta ma’ programm/proġett speċifiku, jenħtieġ jintużaw żewġ ringieli separati. Jekk l-Istati Membri ma jkunux jistgħu jagħmlu distinzjoni bejn l-ammonti impenjati u dawk żborżati, jenħtieġ tintgħażel il-kategorija xierqa għall-ammonti rrapportati. Fit-Tabelli kollha jenħtieġ jintużaw definizzjonijiet konsistenti.

(3) F’din it-tabella, l-Istati Membri għandhom jevitaw li l-ammonti jingħaddu darbtejn. Jekk użu speċifiku jgħodd għal diversi ringieli, għandu jintgħażel l-aktar wieħed xieraq u l-ammont rispettiv għandu jiddaħħal darba biss. Jekk ikun hemm bżonn, l-informazzjoni testwali ta’ akkumpanjament tista’ tkompli tispjega dawn id-deċiżjonijiet ta’ allokazzjoni.

Tabella 4: L-użu tad-dħul mill-irkant tal-kwoti biex jgħin lill-pajjiżi li qed jiżviluppaw permezz ta’ kanali multilaterali skont l-Artikoli 3d u 10 tad-Direttiva 2003/87/KE (1) (2) 

Nota: x = is-sena ta’ rapportar Noti:

(1) F’din it-tabella, l-Istati Membri għandhom jevitaw li l-ammonti jingħaddu darbtejn. Jekk użu speċifiku jgħodd għal diversi ringieli, għandu jintgħażel l-aktar wieħed xieraq u l-ammont rispettiv għandu jiddaħħal darba biss. Jekk ikun hemm bżonn, l-informazzjoni testwali ta’ akkumpanjament tista’ tkompli tispjega dawn id-deċiżjonijiet ta’ allokazzjoni

(2) L-ispjega “M’hemmx informazzjoni disponibbli” tista’ tintuża jekk ma tkun teżisti l-ebda informazzjoni għaċ-ċelloli rispettivi.

(3) Għall-konverżjoni tal-munita għandha tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

(4) Għandha tingħata informazzjoni dwar l-istatus, meta din tkun disponibbli fil-livell diżaggregat. Bħala parti mir-rapport tagħhom, l-Istati Membri jenħtieġ jipprovdu d-definizzjonijiet li ntużaw għal “impenn” u “żborż”. Jekk l-Istati Membri ma jkunux jistgħu jagħmlu distinzjoni bejn l-ammonti impenjati u dawk żborżati, jenħtieġ tintgħażel il-kategorija xierqa għall-ammonti rrapportati.

(5) Din l-informazzjoni għandha tiġi rrapportata jekk tkun disponibbli għal fond jew banek multilaterali. “M’hemmx informazzjoni disponibbli” jenħtieġ tintgħażel biss jekk ma jkun hemm l-ebda informazzjoni disponibbli għar-ringiela rispettiva.

(6) Għandu jintgħażel l-istrument finanzjarju xieraq. Jekk għall-ringiela rispettiva hemm bosta strumenti finanzjarji rilevanti, jenħtieġ jintgħażlu bosta kategoriji. L-għotjiet li l-aktar jingħataw huma lil istituzzjonijiet multilaterali u ħafna drabi kategoriji oħra ma jkunux japplikaw. Madankollu għall-konsistenza mar-rekwiżiti tar-rapportar tar-rapporti biennali skont l-UNFCCC, jintużaw aktar kategoriji. “M’hemmx informazzjoni disponibbli” jenħtieġ tintgħażel biss jekk ma jkun hemm l-ebda informazzjoni disponibbli għar-ringiela rispettiva.

(7) Jistgħu jintgħażlu bosta setturi applikabbli. L-Istati Membri jistgħu jirrapportaw tqassim settorjali jekk din l-informazzjoni tkun disponibbli. “M’hemmx informazzjoni disponibbli” jenħtieġ tintgħażel biss jekk ma jkun hemm l-ebda informazzjoni disponibbli għar-ringiela rispettiva.

(8) Jenħtieġ li, f’din it-tabella, jiddaħħal biss l-appoġġ finanzjarju mogħti li jkun speċifiku għall-klima bħal pereżempju dak indikat bl-indikaturi CDC DAC.

Tabella 5: L-użu tad-dħul mill-irkant tal-kwoti skont l-Artikoli 3d u 10 tad-Direttiva 2003/87/KE għal appoġġ bilaterali jew reġjonali fil-pajjiżi li qed jiżviluppaw (1) (2) 

Nota: x = is-sena ta’ rapportar

Noti:

(1) F’din it-tabella, l-Istati Membri għandhom jevitaw li l-ammonti jingħaddu darbtejn. Jekk jgħodd użu speċifiku għal diversi ringieli, għandu jintgħażel l-aktar wieħed xieraq u l-ammont rispettiv għandu jiddaħħal darba biss. Jekk ikun hemm bżonn, l-informazzjoni testwali ta’ akkumpanjament tista’ tkompli tispjega dawn id-deċiżjonijiet ta’ allokazzjoni.

(2) L-ispjega “M’hemmx informazzjoni disponibbli” tista’ tintuża jekk ma tkun teżisti l-ebda informazzjoni għaċ-ċelloli rispettivi.

(3) Għall-konverżjoni tal-munita għandha tintuża rata tal-kambju annwali medja għas-sena X-1 jew ir-rata tal-kambju reali applikata għall-ammont żborżat.

(4) Għall-inqas fit-Tabella 3 u f’din it-tabella, għandha tingħata informazzjoni dwar l-istatus, meta din tkun disponibbli fil-livell diżaggregat. Jekk l-Istati Membri ma jkunux jistgħu jagħmlu distinzjoni bejn l-ammonti impenjati u dawk żborżati, jenħtieġ tintgħażel il-kategorija xierqa għall-ammonti rrapportati.

(5) Jenħtieġ li, f’din it-tabella, jiddaħħal biss l-appoġġ finanzjarju mogħti li jkun speċifiku għall-klima bħal pereżempju dak indikat bl-indikaturi OECD DAC.

(6) Jistgħu jintgħażlu bosta setturi applikabbli. L-Istati Membri jistgħu jirrapportaw tqassim settorjali jekk din l-informazzjoni tkun disponibbli. “M’hemmx informazzjoni disponibbli” jenħtieġ tintgħażel biss jekk ma jkun hemm l-ebda informazzjoni disponibbli għar-ringiela rispettiva.

(7) Għandu jintgħażel l-istrument finanzjarju xieraq. Jekk għar-ringiela rispettiva hemm bosta strumenti finanzjarji rilevanti, jistgħu jintgħażlu bosta kategoriji. “M’hemmx informazzjoni disponibbli” jenħtieġ tintgħażel biss jekk ma jkun hemm l-ebda informazzjoni disponibbli għar-ringiela rispettiva.

Tabella 6: Informazzjoni komplimentari dwar l-użu domestiku tad-dħul skont it-tip ta’ nfiq li l-Istati Membri jistgħu jipprovdu (1)

Il-kategoriji ta’ nfiq:

-1. L-appoġġ dirett għall-mitigazzjoni fis-setturi koperti mill-EU ETS (2).

-2. L-appoġġ indirett għall-mitigazzjoni fis-setturi koperti mill-EU ETS, eż. l-innovazzjoni (3).

-3. L-appoġġ dirett għall-mitigazzjoni tal-emissjonijiet domestiċi/tal-UE f’setturi mhux koperti mill-EU ETS (4).

-4. L-appoġġ indirett għall-mitigazzjoni tal-emissjonijiet domestiċi/tal-UE fis-setturi li mhumiex koperti mill-EU ETS, eż. l-innovazzjoni (5).

-5. Il-kumpens għall-piż tal-kost tal-karbonju (6).

-6. L-infiq mhux marbut mal-mitigazzjoni, eż. l-adattament (7).

Noti:

(1)    Din it-Tabella tintuża biex tipprovdi tqassim addizzjonali tal-informazzjoni dwar l-infiq domestiku, f’konformità mal-kategoriji li jintużaw b’mod komuni fit-tqabbil internazzjonali. Għat-tipi ta’ użi koperti mill-Artikoli 3d u 10 tad-Direttiva 2003/87/KE, l-ammonti jistgħu jikkoinċidu mal-ammonti rrapportati fit-Tabella 2.

(2)    L-infiq irrapportat f’din il-kategorija jista’ jkopri s-sehem tal-infiq rilevanti għas-setturi tal-ETS irrapportati fil-kategoriji li ġejjin fit-Tabella 2:

(a)    l-iżvilupp ta’ enerġiji rinnovabbli biex jintlaħaq l-impenn tal-Unjoni;

(b)    l-iżvilupp ta’ teknoloġiji oħra li għenu fil-bidla lejn ekonomija b’karbonju baxx, sikura, u sostenibbli;

(c)    l-iżvilupp ta’ teknoloġiji li jgħinu jissodisfaw l-impenn tal-Unjoni li żżid l-effiċjenza enerġetika;

(d)    tnaqqis ieħor fl-emissjonijiet tal-gassijiet serra;

(e)    il-finanzjament ta’ proġetti komuni biex jitnaqqsu l-emissjonijiet ta’ gassijiet serra mis-settur tal-avjazzjoni.

(3)    L-infiq irrapportat f’din il-kategorija jista’ jkopri s-sehem tal-infiq rilevanti għas-setturi tal-ETS irrapportati fil-kategoriji li ġejjin fit-Tabella 2:

(a)    il-finanzjament ta’ riċerka u żvilupp u proġetti ta’ dimostrazzjoni għat-tnaqqis tal-emissjonijiet u għall-adattament;

(b)    il-finanzjament ta’ inizjattivi fil-qafas tal-Pjan Ewropew Strateġiku dwar it-Teknoloġija tal-Enerġija u l-Pjattaformi Teknoloġiċi Ewropej;

(c)    il-qbid u l-ħżin ġeoloġiku tas-CO2 b’tali mod li jkunu sikuri għall-ambjent;

(d)    il-finanzjament ta’ riċerka u żvilupp fl-effiċjenza enerġetika u t-teknoloġiji nodfa.

(4)    L-infiq irrapportat f’din il-kategorija jista’ jkopri s-sehem tal-infiq rilevanti għas-setturi li ma jaqgħux taħt l-ETS irrapportati fil-kategoriji li ġejjin fit-Tabella 2:

(a)    l-iżvilupp ta’ enerġiji rinnovabbli biex jintlaħaq l-impenn tal-Unjoni;

(b)    l-iżvilupp ta’ teknoloġiji oħra li għenu fil-bidla lejn ekonomija b’karbonju baxx, sikura, u sostenibbli;

(c)    l-iżvilupp ta’ teknoloġiji li jgħinu jissodisfaw l-impenn tal-Unjoni li żżid l-effiċjenza enerġetika;

(d)    is-sekwestru tal-karbonju bil-forestrija fl-Unjoni;

(e)    l-inkoraġġiment għal bidla għal trasport b’emissjonijiet baxxi u għal forom pubbliċi ta’ trasport;

(f)    il-miżuri maħsuba biex jiżdiedu l-effiċjenza enerġetika u l-insulazzjoni jew biex jingħata appoġġ finanzjarju biex jiġu indirizzati l-aspetti soċjali tal-unitajiet domestiċi bi dħul baxx jew medju;

(g)    tnaqqis ieħor fl-emissjonijiet tal-gassijiet serra;

(h)    il-miżuri biex tiġi evitata d-deforestazzjoni.

(5)    L-infiq irrapportat f’din il-kategorija jista’ jkopri s-sehem tal-infiq rilevanti għas-setturi li ma jaqgħux taħt l-ETS irrapportati fil-kategoriji li ġejjin fit-Tabella 2:

(a)    il-finanzjament ta’ riċerka u żvilupp u proġetti ta’ dimostrazzjoni għat-tnaqqis tal-emissjonijiet u għall-adattament;

(b)    il-finanzjament ta’ inizjattivi fil-qafas tal-Pjan Ewropew Strateġiku dwar it-Teknoloġija tal-Enerġija u l-Pjattaformi Teknoloġiċi Ewropej;

(c)    il-finanzjament ta’ riċerka u żvilupp fl-effiċjenza enerġetika u t-teknoloġiji nodfa.

(6)    L-infiq irrapportat f’din il-kategorija ma jaqax fil-kamp ta’ applikazzjoni tal-għanijiet speċifikati fl-Artikoli 10(3) u 3d(4) tad-Direttiva 2003/87/KE.

(7)    L-infiq irrapportat f’din il-kategorija jista’ jkopri l-infiq irrapportat fil-kategoriji li ġejjin fit-Tabella 2:

(a)    il-kopertura tal-ispejjeż amministrattivi għall-ġestjoni tal-EU ETS;

(b)    l-adattament għall-impatti tat-tibdil fil-klima;

(c)    il-promozzjoni tal-formazzjoni tal-ħiliet u r-riallokazzjoni tal-ħaddiema biex jikkontribwixxu għal tranżizzjoni ġusta lejn ekonomija b’livell baxx ta’ emissjonijiet tal-karbonju;

(d)    użi domestiċi oħra.

ANNESS III

Informazzjoni dwar l-appoġġ finanzjarju u teknoloġiku pprovdut lill-pajjiżi li qegħdin jiżviluppaw skont l-Artikolu 6(1)

Tabella 1: L-għoti tal-appoġġ impenjat u pprovdut mir-riżorsi finanzjarji pubbliċi permezz ta’ kanali multilaterali, inkluż l-iżvilupp u t-trasferiment tat-teknoloġija u l-bini tal-kapaċità fejn rilevanti(1)(2)

Noti:

(1) L-elementi ta’ informazzjoni mmarkati b’ “*” għandhom jimtlew hekk kif ikunu disponibbli.

(2) L-informazzjoni għandha tiġi rrapportata għal kull sena kalendarja (X-1).

(a) L-ammont għandu jiġi rrappurtat fil-munita domestika.

(b) Din l-informazzjoni għandha tiġi pprovduta kif irrappurtata lin-NU jew lill-Organizzazzjoni għall-Kooperazzjoni u l-Iżvilupp Ekonomiċi (OECD) f’konformità ma’ kull rekwiżit ta’ informazzjoni miftiehem f’livell internazzjonali.

(c) Il-kodiċijiet ta’ ħames ċifri introdotti mill-Kumitat ta’ Għajnuna għall-Iżvilupp tal-OECD għar-rappurtar lis-Sistema ta’ Rappurtar tal-Kredituri (DAC CRS) jistgħu jintużaw meta tiġi rrappurtata l-informazzjoni tas-sottosettur.

(d) L-Istati Membri għandhom jindikaw “T” jekk l-attività tikkontribwixxi għall-objettivi tal-iżvilupp u tat-trasferiment tat-teknoloġija, “C” jekk tikkontribwixxi għall-objettivi tal-bini tal-kapaċitajiet, “It-Tnejn” jekk tkun trasversali u “Mhux applikabbli” jekk ma tkunx applikabbli.

(e) Għandha tingħata informazzjoni addizzjonali, bħal link għad-dokumentazzjoni tal-programm rilevanti jew deskrizzjoni tal-proġett.

Tabella 2: L-għoti tal-appoġġ impenjat u pprovdut mir-riżorsi finanzjarji pubbliċi permezz ta’ kanali multilaterali, inkluż l-iżvilupp u t-trasferiment tat-teknoloġija u l-bini tal-kapaċità fejn rilevanti (1)(2)

Noti:

(1) L-elementi ta’ informazzjoni mmarkati b’ “*” għandhom jimtlew hekk kif ikunu disponibbli.

(2) L-informazzjoni għandha tiġi rrapportata għal kull sena kalendarja (X-1).

(a) L-ammont għandu jiġi rrappurtat fil-munita domestika.

(b) Din l-informazzjoni għandha tiġi pprovduta kif irrappurtata lin-NU jew lill-OECD f’konformità ma’ kull rekwiżit ta’ informazzjoni miftiehem f’livell internazzjonali.

(c) L-Istati Membri għandhom jindikaw jekk l-ammont irrapportat huwiex ibbażat fuq il-“kontribuzzjoni tal-fluss tad-dħul” għall-istituzzjoni multilaterali jew fuq is-“sehem tal-fluss tal-ħruġ” tar-riżorsi finanzjarji tal-istituzzjoni multilaterali.

(d) L-Istati Membri għandhom jindikaw jekk l-ammont “speċifiku għall-klima” huwiex ikkalkulat skont l-Ishma Multilaterali Imputati tal-OECD.

(e) Il-kodiċijiet ta’ ħames ċifri tal-OECD-DAC tas-CRS jistgħu jintużaw meta tiġi rrappurtata l-informazzjoni tas-sottosettur.

(f) L-Istati Membri għandhom jindikaw “T” jekk l-attività tikkontribwixxi għall-objettivi tal-iżvilupp u tat-trasferiment tat-teknoloġija, “C” jekk tikkontribwixxi għall-objettivi tal-bini tal-kapaċitajiet, “It-Tnejn” jekk tkun trasversali u “Mhux applikabbli” jekk ma jkunx applikabbli.

(g) Għandha tingħata informazzjoni addizzjonali, bħal link għad-dokumentazzjoni tal-programm rilevanti u deskrizzjoni tal-proġett.

Tabella 3: Informazzjoni dwar l-appoġġ finanzjarju mmobbilizzat permezz ta’ interventi pubbliċi (1)(2)

Noti:

(1) L-elementi ta’ informazzjoni mmarkati b’ “*” għandhom jimtlew hekk kif ikunu disponibbli.

(2) L-informazzjoni għandha tiġi rrapportata għal kull sena kalendarja (X-1).

(a) L-ammont għandu jiġi rrappurtat fil-munita domestika.

(b) Il-kodiċijiet ta’ ħames ċifri tal-OECD-DAC tas-CRS jistgħu jintużaw meta tiġi rrappurtata l-informazzjoni tas-sottosettur.

(c) Din l-informazzjoni għandha tiġi pprovduta kif irrappurtata lin-NU jew lill-OECD f’konformità ma’ kull rekwiżit ta’ informazzjoni miftiehem f’livell internazzjonali.

(d) Għandha tingħata informazzjoni addizzjonali, bħal link għad-dokumentazzjoni tal-programm rilevanti jew deskrizzjoni tal-proġett.

Mudell 1: Informazzjoni dwar l-appoġġ finanzjarju mobilizzat permezz ta’ interventi pubbliċi għal kull attività (1)(2) li għandha tintuża meta jkun impossibbli għal Stat Membru li jimla t-Tabella 3

Titlu tal-attività/programm/proġett jew oħrajn

1. Kanal

2. Riċevitur

3. Tip ta’ intervent pubbliku

4. Tip ta’ appoġġ

5. Settur

6. Ammont mobilizzat (a)

7. Sottosettur * (b)

8. Ekwivalenti ta’ għotja* (a) (c)

9. L-ammont tar-riżorsi li ntużaw biex jiġi mmobilizzat l-appoġġ*

10. Informazzjoni addizzjonali * (d)

Noti:

(1) L-elementi ta’ informazzjoni mmarkati b’ “*” għandhom jimtlew hekk kif ikunu disponibbli.

(2) L-informazzjoni għandha tiġi rrapportata għal kull sena kalendarja (X-1).

(a) L-ammont għandu jiġi rrappurtat fil-munita domestika

(b) Il-kodiċijiet ta’ ħames ċifri tal-OECD-DAC tas-CRS jistgħu jintużaw meta tiġi rrappurtata l-informazzjoni tas-sottosettur.

(c) Din l-informazzjoni għandha tiġi pprovduta kif irrappurtata lin-NU jew lill-OECD f’konformità ma’ kull rekwiżit ta’ informazzjoni miftiehem f’livell internazzjonali.

(d) Għandha tingħata informazzjoni addizzjonali, bħal link għad-dokumentazzjoni tal-programm rilevanti jew deskrizzjoni tal-proġett.

ANNESS IV

Informazzjoni metodoloġika kwalitattiva skont l-Artikolu 6(2)

Mudell 1: Il-forniment ta’ informazzjoni metodoloġika kwalitattiva skont kif japplika u ta’ informazzjoni oħra dwar id-definizzjonijiet u l-metodoloġiji

1. Finanzjament għall-klima

2. Appoġġ ġdid u addizzjonali

3. Pajjiż li qed jiżviluppa

4. Ewlenin/ġenerali

5. Speċifiċità għall-klima

6. Strumenti finanzjarji (eż. għotja, self aġevolanti, self mhux aġevolanti, ekwità, garanzija, assigurazzjoni, oħrajn (speċifika))

7. Sors ta’ finanzjament (ODA, OOF, oħrajn)

8. Status (impenjati u pprovduti)

9. Appoġġ mobilizzat (eż. (i) L-identifikazzjoni ta’ rabta kawżali ċara bejn intervent pubbliku u finanzjament privat mobilizzat, fejn l-attività ma kienet titressaq ’il quddiem xejn jew ma kinitx titressaq ’il quddiem fuq l-iskala meħtieġa, mingħajr l-intervent tal-Parti; (ii) Li jipprovdi l-informazzjoni dwar il-punt tal-kejl (eż. il-punt tal-impenn, il-punt tal-iżborż) tal-finanzjament privat immobilizzat b’riżultat tal-intervent pubbliku, safejn hu possibbli b’rabta mat-tip ta’ strument jew mekkaniżmu li jintuża għall-mobilizzazzjoni; (iii) L-għoti ta’ informazzjoni dwar il-limiti użati biex jiġi identifikat il-finanzjament kif immobilizzat permezz tal-intervent pubbliku)

10. Settur, sottosettur

11. Tip ta’ appoġġ (mitigazzjoni tal-klima/ adattament għall-klima/ trasversali)

12. Finanzi pubbliċi/finanzi privati (eż. b’mod partikolari fejn l-entitajiet jew il-fondi jkunu mħallta)

13. Applikazzjoni tal-indikaturi ta’ Rio (koeffiċjenti)

14. Determinazzjoni tal-komponent tal-ewkivalenti ta’ għotja tal-appoġġ finanzjarju u l-appoġġ mobilizzat meta l-informazzjoni tal-ekwivalenti ta’ għotja tkun ġiet irrapportata

15. Metodoloġiji li ntużaw biex jiġu ddeterminati ċ-ċifri tal-appoġġ mobilizzat

16. Kif ġie evitat l-għadd doppju bejn ir-riżorsi rrapportati bħala impenjati jew ipprovduti, u r-riżorsi li ntużaw f’konformità mal-Artikolu 6 tal-Ftehim ta’ Pariġi mill-Parti akkwirenti għall-użu biex jinkiseb il-Kontribut Stabbilit fil-Livell Nazzjonali

17. Deskrizzjoni tas-sistemi u tal-proċessi li ntużaw biex jidentifikaw, jittraċċaw u jirrapportaw dwar l-appoġġ impenjat, ipprovdut u mobilizzat permezz tal-interventi pubbliċi

18. Deskrizzjoni tas-sistemi nazzjonali u tal-arranġamenti istituzzjonali għall-għoti tal-informazzjoni dwar l-għoti tal-appoġġ ippjanat, inkluż informazzjoni dwar l-attivitajiet ippjanati b’rabta mal-proġetti ta’ trasferiment tat-teknoloġija ffinanzjati pubblikament u mal-proġetti ta’ bini tal-kapaċitajiet għall-pajjiżi li qed jiżviluppaw skont l-UNFCCC

19. Jekk disponibbli, informazzjoni li tinkludi deskrizzjoni tas-sistemi nazzjonali u tal-arranġamenti istituzzjonali għall-għoti tal-appoġġ għat-trasferiment tat-teknoloġija u għall-bini tal-kapaċità, inkluż dwar is-suppożizzjonijiet, id-definizzjonijiet u l-metodoloġiji sottostanti użati biex tiġi pprovduta l-informazzjoni dwar it-trasferiment tat-teknoloġija u dwar l-appoġġ għall-bini tal-kapaċità

20. Informazzjoni dwar il-mezzi u l-ostakli li ltaqgħu magħhom, it-tagħlimiet meħuda u l-miżuri li għandhom jittieħdu biex dawn jingħelbu

21. Informazzjoni dwar kif qed jiġi żgurat li l-appoġġ impenjat, ipprovdut u mobilizzat permezz ta’ interventi pubbliċi jkun konformi mal-għanijiet fit-tul tal-Ftehim ta’ Pariġi

22. Informazzjoni dwar kif l-appoġġ impenjat, ipprovdut u mobilizzat huwa mmirat biex jgħin lill-pajjiżi li qed jiżviluppaw fl-isforzi tagħhom biex jilħqu l-għanijiet fit-tul tal-Ftehim ta’ Pariġi, inkluż billi jassistihom fl-isforzi biex jagħmlu l-flussi finanzjarji konsistenti ma’ perkors li jwassal għal emissjonijiet baxxi ta’ gassijiet b’effett ta’ serra u żvilupp reżiljenti għall-klima

23. Informazzjoni dwar kif l-informazzjoni pprovduta tirrifletti progress mil-livelli preċedenti fl-għoti tal-appoġġ u l-mobilizzazzjoni tal-finanzi skont il-Ftehim ta’ Pariġi

24. Kif għandha l-għan li tiżgura li l-appoġġ ipprovdut u mobilizzat permezz ta’ interventi pubbliċi jindirizzaw effettivament il-ħtiġijiet u l-prijoritajiet tal-Partijiet li huma pajjiżi fil-fażi tal-iżvilupp għall-implimentazzjoni tal-Ftehim ta’ Pariġi, kif identifikat fl-istrateġiji u fl-istrumenti mmexxija mill-pajjiżi, bħar-rapporti ta’ trasparenza biennali, l-NDCs u l-pjanijiet ta’ adattament nazzjonali

25. Informazzjoni dwar l-azzjonijiet u l-pjanijiet biex jiġu mobilizzati finanzjamenti addizzjonali għall-klima bħala parti mill-isforz globali biex jiġu mobilizzati l-finanzjamenti għall-klima minn firxa wiesgħa ta’ sorsi, inkluż ir-relazzjoni bejn l-intervent pubbliku li jrid jintuża u l-finanzjament privat mobilizzat

26. Informazzjoni dwar ir-rapportar tal-finanzi multilaterali, inkluż: (i) Jekk il-finanzjament multilaterali rrapportat huwiex ibbażat fuq il-kontribuzzjoni tal-fluss tad-dħul tal-Parti għall-istituzzjoni multilaterali u/jew fuq is-sehem tal-Parti mill-fluss tal-ħruġ tar-riżorsi finanzjarji tal-istituzzjoni multilaterali; (ii) Jekk u kif il-finanzjament multilaterali ġiex irrappurtat bħala speċifiku għall-klima u kif is-sehem speċifiku għall-klima ġie kkalkulat, inkluż billi, pereżempju jintużaw standards internazzjonali eżistenti; (iii) Jekk il-finanzjament multilaterali ġiex irrappurtat bħala ewlieni/ġenerali, bil-qbil li l-ammont reali ta’ finanzjament għall-klima li jittrasferixxi fih jiddependi mill-għażliet ta’ programmazzjoni tal-istituzzjonijiet multilaterali; (iv) Jekk u kif il-finanzjament multilaterali ġie attribwit lill-Parti li qed tirrapporta.

ANNESS V

L-informazzjoni disponibbli dwar l-għoti ta’ appoġġ ippjanat skont l-Artikolu 6(3)

Tabella: Informazzjoni disponibbli dwar l-għoti ta’ appoġġ ippjanat

Noti:

(a) L-Istati Membri għandhom jipprovdu l-informazzjoni dwar il-pajjiż/reġjun riċevitur fil-livell ta’ diżaggregazzjoni preferut.

(b) Meta possibbli, l-Istati Membri għandhom jipprovdu l-ammont ta’ appoġġ li jrid jingħata fil-munita domestika (huwa rakkomandat li jiġi pprovdut valur par fuq bażi ta’ impenn).

(c) L-Istati Membri għandhom jindikaw “T” jekk l-attività tikkontribwixxi għall-objettivi tal-iżvilupp u tat-trasferiment tat-teknoloġija, “C” jekk tikkontribwixxi għall-objettivi tal-bini tal-kapaċitajiet, “It-Tnejn” jekk tkun trasversali u “Mhux applikabbli” jekk ma jkunx applikabbli.

(d) Għandha tingħata informazzjoni addizzjonali, bħal link għad-dokumentazzjoni tal-programm rilevanti jew deskrizzjoni tal-proġett, jew informazzjoni disponibbli f’konformità mal-Artikolu 9(5) tal-Ftehim ta’ Pariġi.

Mudell 1: Informazzjoni disponibbli dwar l-għoti ta’ appoġġ ippjanat għal kull attività/programm/proġett, li għandha tintuża fil-każijiet meta jkun impossibbli li Stat Membru jimla t-Tabella 1

Titlu tal-attività/programm/proġett

1. Sena

2. Riċevitur (a)

3. Ammont ipproġettat biex jingħata (b)

4. Tip ta’ appoġġ

5. Trasferiment tat-teknoloġija/Bini tal-Kapaċità (c)

6. Informazzjoni addizzjonali (d)

Noti:

(a) L-Istati Membri għandhom jipprovdu l-informazzjoni dwar il-pajjiż/reġjun riċevitur fil-livell ta’ diżaggregazzjoni preferut.

(b) Meta possibbli, l-Istati Membri għandhom jipprovdu l-ammont ta’ appoġġ li jrid jingħata fil-munita domestika (huwa rakkomandat li jiġi pprovdut valur par fuq bażi ta’ impenn).

(c) L-Istati Membri għandhom jindikaw “T” jekk l-attività tikkontribwixxi għall-objettivi tal-iżvilupp u tat-trasferiment tat-teknoloġija, “C” jekk tikkontribwixxi għall-objettivi tal-bini tal-kapaċitajiet, “It-Tnejn” jekk tkun trasversali u “Mhux applikabbli” jekk ma jkunx applikabbli.

(d) Għandha tingħata informazzjoni addizzjonali, bħal link għad-dokumentazzjoni tal-programm rilevanti jew deskrizzjoni tal-proġett, jew informazzjoni disponibbli f’konformità mal-Artikolu 9(5) tal-Ftehim ta’ Pariġi.

ANNESS VI

Ir-rapportar dwar l-inventarji approssimati tal-gassijiet serra skont l-Artikolu 7

ANNESS VII

Ħarsa ġenerali lejn ir-rapportar dwar l-inventarji tal-gassijiet serra skont l-Artikolu 8(2) (1, 2)

Noti:

(1) L-informazzjoni li trid tiġi sottomessa sal-15 ta’ Jannar għandha tiġi sottomessa fil-forma ta’ abbozzi tal-kapitoli tan-NIR jew tal-annessi rispettivi separati.

(2) L-entrata “possibbli” tfisser li l-Istati Membri għandhom jagħżlu jirrappurtawx l-informazzjoni fin-NIR jew f’anness separat min-NIR

ANNESS VIII

Ir-rapportar dwar l-implimentazzjoni tar-rakkomandazzjonijiet skont l-Artikolu 10

Tabella 1: Format għar-rapportar tal-informazzjoni dwar l-istatus tal-implimentazzjoni ta’ kull rakkomandazzjoni elenkata fir-rapport ta’ rieżami individwali tal-UNFCCC li ġie ppubblikat l-aħħar, inklużi r-raġunijiet għaliex tali rakkomandazzjoni ma ġietx implimentata

Tabella 2: Il-format għar-rapportar tal-informazzjoni dwar l-istatus tal-implimentazzjoni ta’ kull rakkomandazzjoni, korrezzjoni teknika jew stima riveduta elenkata fl-aktar rapport ta’ rieżami riċenti skont l-Artikolu 35(2) tar-Regolament ta’ Implimentazzjoni tal-Kummissjoni Nru 749/2014 jew skont l-Artikolu 32 ta’ dan ir-Regolament

ANNESS IX

Ir-rappurtar dwar il-metodi tal-inventarju, il-fatturi tal-emissjonijiet u dwar id-deskrizzjonijiet metodoloġiċi relatata għall-kategoriji ewlenin tal-Unjoni skont l-Artikolu 11

Noti:

(a)    Il-kategoriji użati fl-analiżi tal-kategoriji ewlenin tal-Unjoni għandhom jiġu speċifikati mill-Kummissjoni skont il-kodiċi tal-kategorija, it-titlu tal-kategorija, il-gassijiet serra vvalutati u, fejn japplika, it-tip ta’ karburant. Pereżempju: 1.A.1.a, Produzzjoni Pubblika tal-Elettriku u tas-Sħana, Karburanti tal-Gass, CO2.

(b)    L-ispjegi (abbrevjazzjonijiet) għal “metodu applikat” u għal “fatturi tal-emissjonijiet” li jintużaw fl-iskeda ta’ sinteżi tat-tabelli komuni tar-rapportar dwar il-metodi u l-fatturi tal-emissjonijiet użati.

(c)    Informazzjoni dwar id-deskrizzjoni tas-sena ta’ qabel li trid tiġi inkluża sal-31 ta’ Ottubru 2023, għall-ewwel darba.

(d)    Il-Kolonna H trid tingħata mill-Kummissjoni.

(e)    L-informazzjoni fil-kolonna F trid tingħata mill-Kummissjoni sal-31 ta’ Ottubru 2023, għall-ewwel darba.

(f)    Il-bidliet relatati mal-informazzjoni rrapportata fil-kolonni I, J, K u L, fejn japplika, għandhom jiġu rrapportati biss għall-kategoriji ewlenin identifikati fil-kolonna B.

(g)    “NIR finali” tfisser l-aħħar NIR kompluta li ġiet ippreżentat lill-UE.

ANNESS X

Ir-rapportar dwar l-inċertezza u l-kompletezza skont l-Artikolu 12

ANNESS XI 
Rapportar dwar l-indikaturi skont l-Artikolu 13