3.8.2013   

MT

Il-Ġurnal Uffiċjali tal-Unjoni Ewropea

L 209/1

(1)

Permezz tar-Regolament (UE) Nru 513/2013 (2), il-Kummissjoni imponiet dazju provviżorju tal-antidumping fuq l-importazzjonijiet fl-Unjoni ta’ moduli fotovoltajċi bis-silikon kristallin u l-komponenti ewlenin (jiġifieri ċ-ċelloli u l-wejfers) li joriġinaw jew jiġu kkonsenjati mir-Repubblika Popolari taċ-Ċina (“RPĊ”).

(2)

Permezz tad-Deċiżjoni 2013/423/UE (3) l-Kummissjoni aċċettat l-offerta ta’ impenn minn grupp ta’ produtturi esportaturi li kkooperaw flimkien mal-Kamra tal-Kummerċ Ċiniża għall-Importazzjoni u l-Esportazzjoni ta’ Makkinarju u Prodotti Elettroniċi (CCCME).

(3)

L-aċċettazzjoni tal-impenn teħtieġ emendi tekniċi għar-Regolament (UE) Nru 513/2013,

(1)

Jiddaħħlu intestatura J ġdida u premessa 282 ġdida:

“J.   DIKJARAZZJONI DOGANALI

(*)  ĠU L 256, 7.9.1987, p. 1.”"

(2)

It-tabella fl-Artikolu 1, paragrafu 2 (ii) hija sostitwita bit-tabella li ġejja:

(3)

L-Artikoli li ġejjin jiddaħħlu u l-Artikolu 4 jingħata numru ġdid bħala l-Artikolu 8:

“Artikolu 4

Meta dikjarazzjoni għar-rilaxx għal ċirkolazzjoni ħielsa hija ppreżentata fir-rigward tal-importazzjonijiet ta’ dawk il-pannelli solari u komponenti ewlenin li bħalissa jaqgħu taħt il-kodiċi TARIC 3818001011, 3818001019, 8541409021, 8541409029, 8541409031 u 8541409039, dawk il-kodiċi TARIC jitniżżlu fil-qasam rilevanti ta’ dik id-dikjarazzjoni.

L-Istati Membri, fuq bażi ta’ kull xahar, jinfurmaw lill-Kummissjoni rigward in-numru tal-partijiet importati taħt il-kodiċi TARIC 3818001011 u 3818001019 u n-numru ta’ Watt għall-kodiċi TARIC 8541409021, 8541409029, 8541409031 u 8541409039, u l-oriġini tagħhom.

Artikolu 5

Meta dikjarazzjoni għar-rilaxx għal ċirkolazzjoni ħielsa hija ppreżentata fir-rigward tal-prodotti msemmija fl-Artikoli 1 u 4, in-numru ta’ partijiet taħt il-kodiċi TARIC 3818001011, 3818001019, u n-numru ta’ Watt taħt il-kodiċi TARIC 8541409021, 8541409029, 8541409031 u 8541409039 tal-prodotti importati jitniżżlu fil-qasam rilevanti ta’ dik id-dikjarazzjoni.

Artikolu 6

1.   L-importazzjonijiet iddikjarati għar-rilaxx f’ċirkolazzjoni ħielsa għal prodotti li attwalment jinsabu fil-kodiċijiet NM ex 3818 00 10 (kodiċi TARIC 3818001011, 3818001019), il-kodiċi NM ex 8541 40 90 (kodiċi TARIC 8541409021, 8541409029, 8541409031 u 8541409039) li huma mogħnija b’fattura minn kumpaniji li l-impenji tagħhom ġew aċċettati mill-Kummissjoni u li l-ismijiet tagħhom huma elenkati fl-Anness tad-Deċiżjoni 2013/423/UE, ikunu eżenti mid-dazju tal-antidumping impost mill-Artikolu 1, bil-kundizzjoni li:

2.   Dejn doganali jiġġarrab fil-ħin tal-aċċettazzjoni tad-dikjarazzjoni għar-rilaxx f’ċirkolazzjoni ħielsa:

Artikolu 7

Il-kumpaniji li l-impenji tagħhom ikunu aċċettati mill-Kummissjonu u li l-ismijiet tagħhom ikunu elenkati fl-Anness tad-Deċiżjoni 2013/423/UE u soġġetti għal ċerti kundizzjonijiet speċifikati hemmhekk, ukoll se joħorġu fattura għal tranżazzjonijiet li mhumiex eżentati mid-dazji tal-antidumping. Din il-fattura hija fattura kummerċjali li jkun fiha tal-inqas il-punti stipulati fl-Anness IV ta’ dan ir-Regolament.”

(4)

L-Anness jinbidel u jingħata isem ġdid bħala l-Anness I u jiddaħħlu l-Annessi II-IV kif ġej:

3.8.2013   

MT

Il-Ġurnal Uffiċjali tal-Unjoni Ewropea

L 209/12

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

3.8.2013   

MT

Il-Ġurnal Uffiċjali tal-Unjoni Ewropea

L 209/14

(1)

It-Trattat dwar l-adeżjoni tar-Repubblika tal-Kroazja mal-Unjoni Ewropea (2) jistipula dispożizzjonijiet tranżitorji fi kwistjonijiet baġitarji.

(2)

Il-Konferenza tal-Adeżjoni tat-30 ta’ Ġunju 2011 approvat ir-riżultati tan-negozjati li ddeterminaw il-ħtiġijiet tan-nefqa, li jirriżultaw mill-adeżjoni tal-Kroazja mal-Unjoni Ewropea fl-1 ta’ Lulju 2013.

(3)

L-adeżjoni tal-Kroazja tirrikjedi aġġustament tal-qafas finanzjarju pluriennali 2007–2013 għas-sena 2013 u żieda tal-limiti massimi ta’ approprjazzjonijiet ta’ impenn għas-sena 2013 bl-ammont totali ta’ EUR 603 miljun fi prezzijiet attwali, maqsumin f’EUR 47 miljun għas-subintestatura 1a, EUR 450 miljun għas-subintestatura 1b, EUR 31 miljun għas-subintestatura 3b u EUR 75 miljun għall-intestatura 6, li għandha tiġi kkumpensata bis-sħiħ bi tnaqqis fil-limitu massimu għall-approprjazzjonijiet ta’ impenn għas-sena 2013 skont l-intestatura 5 għall-istess ammont.

(4)

L-adeżjoni tal-Kroazja tirrikjedi wkoll l-aġġustament tal-limitu massimu għall-approprjazzjonijiet ta’ pagament għall-2013, billi jiżdied b’ammont ta’ EUR 374 miljun fi prezzijiet attwali.

(5)

Il-qafas finanzjarju għall-Unjoni Ewropea maqbul fil-Ftehim Interistituzzjonali dwar id-dixxiplina baġitarja u l-ġestjoni finanzjarja fis-sod għandu jiġi aġġustat biex iqis l-adeżjoni tal-Kroazja għall-perjodu mill-1 ta’ Lulju sal-31 ta’ Diċembru 2013.

(6)

L-Anness I tal-Ftehim Interistituzzjonali dwar id-dixxiplina baġitarja u l-ġestjoni finanzjarja fis-sod għandu għaldaqstant jiġi emendat kif xieraq (3),

3.8.2013   

MT

Il-Ġurnal Uffiċjali tal-Unjoni Ewropea

L 209/16

(1)

Il-Fond Ewropew ta’ Aġġustament għall-Globalizzazzjoni (FEG) twaqqaf sabiex jipprovdi appoġġ addizzjonali lil ħaddiema li ngħataw is-sensja li jbatu l-konsegwenzi ta’ bidliet strutturali ewlenin fix-xejriet kummerċjali dinjin, u sabiex jgħinhom fl-integrazzjoni mill-ġdid tagħhom fis-suq tax-xogħol.

(2)

Il-Ftehim Interistituzzjonali tas-17 ta’ Mejju 2006 jippermetti l-mobilizzazzjoni tal-FEG sal-limitu massimu annwali ta’ EUR 500 miljun.

(3)

Ir-Regolament (KE) Nru 1927/2006 jistipula li 0,35 % tal-ammont massimu annwali jista’ jsir disponibbli kull sena għal għajnuna teknika fuq l-inizjattiva tal-Kummissjoni. Il-Kummissjoni għalhekk qed tipproponi li timmobilizza l-ammont ta’ EUR 750 000.

(4)

Il-FEG għandu, għaldaqstant, jiġi mmobilizzat biex jipprovdi għajnuna teknika fuq l-inizjattiva tal-Kummissjoni.

3.8.2013   

MT

Il-Ġurnal Uffiċjali tal-Unjoni Ewropea

L 209/17

(1)

Il-Konvenzjoni Doganali dwar it-Trasport Internazzjonali ta’ oġġetti koperti mill-carnets TIR (il-Konvenzjoni TIR) tal-14 ta’ Novembru 1975 ġiet approvata f’isem l-Unjoni permezz tar-Regolament tal-Kunsill (KEE) Nru 2112/78 (1) u daħlet fis-seħħ fl-Unjoni fl-20 ta’ Ġunju 1983 (2).

(2)

Verżjoni konsolidata tal-Konvenzjoni TIR ġiet ippubblikata bħala Anness fid-Deċiżjoni tal-Kunsill 2009/477/KE (3), skont liema l-Kummissjoni għandha tippubblika emendi futuri tal-Konvenzjoni TIR f’Il-Ġurnal Uffiċjali tal-Unjoni Ewropea fejn tindika d-dħul fis-seħħ tagħhom.

(3)

Wara deliberazzjonijiet twal, f’Ottubru 2011, il-Kummissjoni Ekonomika għall-Ewropa tan-Nazzjonijiet Uniti (UNECE) iddeċieda li kien hemm bżonn isiru xi modifikazzjonijiet għall-Konvenzjoni TIR. Dawn il-modifiki jikkonċernaw l-Artikolu 6 u l-introduzzjoni ta’ Parti III ġdida fl-Anness 9 tal-Konvenzjoni TIR li tistabbilixxi l-kundizzjonijiet u r-rekwiżiti li għandhom jiġu rispettati minn organizzazzjoni internazzjonali li tkun awtorizzata tieħu r-responsabbiltà għall-organizzazzjoni u għall-funzjonament effettivi ta’ sistema internazzjonali ta’ garanziji u li tistampa u tqassam Carnets TIR.

(4)

L-emendi proposti għall-Konvenzjoni TIR jintroduċu definizzjoni tal-organizzazzjoni internazzjonali u jiddefinixxu b’mod ċar il-proċess ta’ awtorizzazzjoni tagħha. L-introduzzjoni ta’ parti III ġdida fl-Anness 9, se tikkomplimenta l-għan ta’ dak l-Anness billi tiddefinixxi b’mod ċar ir-rwoli u r-responsabbiltajiet ta’ dawk kollha involuti fis-sistema TIR u żżid it-trasparenza fl-immaniġġjar tagħha. L-introduzzjoni ta’ dawn il-kundizzjonijiet u r-rekwiżiti fit-test ġuridiku għall-Konvenzjoni TIR ser tissimplifika wkoll it-test tal-ftehim bil-miktub bejn l-UNECE u l-organizzazzjoni internazzjonali skont in-Nota ta’ Spjegazzjoni 0.6.2 bis 2 għall-Artikolu 6 paragrafu 2 tal-Konvenzjoni TIR.

(5)

Fi ħdan il-Kumitat tal-Leġiżlazzjoni Doganali (Koordinazzjoni Ġinevra), id-delegati tal-Istati Membri kollha esprimew opinjoni favorevoli dwar il-proposta għall-emenda.

(6)

Fil-53 sessjoni tiegħu fi Frar 2012, il-Kumitat Amministrattiv tal-Konvenzjoni TIR adotta l-emendi proposti tal-Konvenzjoni TIR, soġġett għat-tlestija tal-proċeduri interni tal-Unjoni.

(7)

Fil-5 ta’ Lulju 2012, il-Kumitat Amministrattiv ittrażmetta lis-Segretarju Ġenerali, skont l-Artikolu 59(1) u (2) tal-Konvenzjoni TIR, proposti ta’ emendi għall-Artikoli 6.2bis u l-Anness 9 tat-test tal-Konvenzjoni TIR, adottati fit-tlieta u ħamsin sessjoni tiegħu li saret f’Ġinevra fid-9 ta’ Frar 2012. Fl-10 ta’ Lulju 2012, is-Segretarju Ġenerali ħareġ in-Notifika Depożitarja C.N.358.2012.TREATIES, fejn ikkomunika li jekk sal-10 ta’ Lulju 2013 ħadd mill-Partijiet Kontraenti ma jkun innotifika xi oġġezzjoni għall-emendi proposti, dawn se jidħlu fis-seħħ fl-10 ta’ Ottubru 2013.

(8)

Il-pożizzjoni li għandha tittieħed f’isem l-Unjoni dwar l-emendi proposti għandha għalhekk tiġi ddeterminata,

3.8.2013   

MT

Il-Ġurnal Uffiċjali tal-Unjoni Ewropea

L 209/21

(1)

Id-Direttiva 96/23/KE tistabbilixxi miżuri għall-monitoraġġ tas-sustanzi u gruppi ta’ residwi mniżżla fl-Anness I tagħha. Dik id-Direttiva teħtieġ li l-pajjiżi terzi li minnhom l-Istati Membri huma awtorizzati li jimportaw annimali u prodotti mill-annimali koperti minn dik id-Direttiva jissottomettu pjan ta’ monitoraġġ tar-residwi li jipprovdi l-garanziji meħtieġa. Dak il-pjan għandu mill-anqas jinkludi l-gruppi ta’ residwi u sustanzi elenkati f’dak l-Anness I

(2)

Id-Deċiżjoni tal-Kummissjoni 2011/163/UE (2) tapprova l-pjanijiet stipulati fl-Artikolu 29 tad-Direttiva 96/23/KE (“il-pjanijiet”) imressqa minn ċerti pajjiżi terzi elenkati fl-Anness tagħha għall-annimali u l-prodotti mill-annimali indikati f’dik il-lista.

(3)

Fid-dawl tal-pjanijiet li tressqu reċentement minn ċerti pajjiżi terzi u t-tagħrif addizzjonali miksub mill-Kummissjoni, huwa neċessarju li tiġi aġġornata l-lista ta’ pajjiżi terzi li minnhom l-Istati Membri huma awtorizzati jimpurtaw ċerti annimali u prodotti mill-annimali, kif inhu stipulat fid-Direttiva 96/23/KE u li bħalissa huma elenkati fl-Anness tad-Deċiżjoni 2011/163/UE (“il-lista”).

(4)

L-Armenja ppreżentat pjan għall-għasel lill-Kummissjoni. Dan il-pjan jipprovdi biżżejjed garanziji u għandu jiġi approvat. Għalhekk, fil-lista għandha tiġi inkluża annotazzjoni għall-għasel għall-Armenja.

(5)

Skont id-Deċiżjoni tal-Kunsill Ewropew 2012/419/UE tal-11 ta’ Lulju 2012 li temenda l-istatus tal-Majott fir-rigward tal-Unjoni Ewropea (3), il-Majott ma jibqax pajjiż jew territorju barrani u mill-1 ta’ Jannar 2014 isir reġjun ultraperiferiku skont l-Artikolu 349 tat-Trattat dwar il-Funzjonament tal-Unjoni Ewropea. L-annotazzjoni għall-Majott għandha titħassar f’din id-data.

(6)

San Marino fil-preżent huwa inkluż fil-lista għall-bovini u l-għasel. Dan il-pajjiż terz għarraf lill-Kummissjoni li huwa interessat li jesporta l-laħam tal-porċini lejn l-Unjoni. San Marino pprovda l-garanziji mitluba għall-porċini fil-lista b’nota f’qiegħ il-paġna li tindika li pajjiżi terzi li jużaw biss materja prima minn Stati Membri jew minn pajjiżi terzi oħra approvaw l-importazzjonijiet ta’ din il-materja prima lejn l-Unjoni. Għalhekk fil-lista għandha tiġi inkluża annotazzjoni għal San Marino għall-porċini, bir-referenza xierqa għan-nota f’qiegħ il-paġna.

(7)

Id-Deċiżjoni 2011/163/UE għandha għaldaqstant tiġi emendata skont dan.

(8)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

3.8.2013   

MT

Il-Ġurnal Uffiċjali tal-Unjoni Ewropea

L 209/26

(1)

Il-Kummissjoni skont ir-Regolament (UE) Nru 513/2013 (2), imponiet dazju antidumping provviżorju fuq l-importazzjonijiet fl-Unjoni ta’ moduli fotovoltajċi bis-silikon kristallin u l-komponenti ewlenin (jiġifieri ċ-ċelloli u l-wejfers) li joriġinaw jew jintbagħtu mir-Repubblika Popolari taċ-Ċina (RPĊ).

(2)

Wara l-adozzjoni ta’ miżuri antidumping provviżorji, grupp ta’ produtturi esportaturi li jikkooperaw, inklużi l-kumpaniji relatati tagħhom fir-RPĊ u fl-Unjoni Ewropea, flimkien mal-Kamra tal-Kummerċ Ċiniża għall-Importazzjoni u l-Esportazzjoni ta’ Makkinarju u Prodotti Elettroniċi (minn hawn ‘il quddiem is-“CCCME”), offrew impenn konġunt dwar il-prezzijiet skont l-Artikolu 8(1) tar-Regolament bażiku. L-offerta ta’ impenn kienet appoġġjata mill-awtoritajiet Ċiniżi.

(3)

L-offerta ta’ impenn ġiet eżaminata fil-kuntest ta’ ċirkostanzi tas-suq li nbidlu mill-mument tas-sottomissjoni tal-offerta ta’ impenn sal-perjodu tal-investigazzjoni, fl-investigazzjoni li wasslet għall-impożizzjoni tal-miżuri provviżorji. Il-bidliet osservati jirrigwardaw tnaqqis kemm fil-livelli tal-prezzijiet kif ukoll fil-konsum fis-suq tal-Unjoni, u huma marbutin ma’ diversi fatturi stabbiliti kif ukoll analizzati fl-investigazzjoni li wasslet għall-impożizzjoni ta’ miżuri provviżorji.

(4)

Il-bidliet fil-livelli tal-prezzijiet f’impenn, kultant jistgħu jiġu indirizzati permezz ta’ metodu ta’ indiċjar li jgħaqqad il-prezzijiet ta’ importazzjoni minimi mal-prezzijiet tal-prodotti bażiċi kif ikkwotati f’sorsi rikonoxxuti u disponibbli pubblikament. Madankollu, f’dan il-każ ma setgħet tiġi stabbilita l-ebda korrelazzjoni bejn il-prezzijiet tal-prodotti bażiċi u dawk tal-prodotti finali li tippermetti li jkun hemm metodu affidabbli ta’ indiċjar. Sabiex jiġi indirizzat it-tibdil stabbilit fil-livelli tal-prezzijiet, kellu jiġi stipulat metodu alternattiv, u ġew użati bħala referenza rapporti tal-prezzijiet minn bażijiet tad-dejta rappreżentattivi u pubblikament disponibbli (Bloomberg (3) u pvXchange (4)) li jispeċjalizzaw fis-settur ikkonċernat.

(5)

Sabiex jiġi żgurat li l-impenn jista’ jseħħ, l-esportaturi Ċiniżi ppreżentaw offerta ta’ impenn konġunta, bi prezz wieħed minimu ta’ importazzjoni għall-moduli fotovoltajċi, u prezz għal kull wieħed mill-komponenti ewlenin tagħhom (jiġifieri ċ-ċelloli u l-wejfers).

(6)

Barra minn hekk, l-esportaturi Ċiniżi, sabiex jitnaqqas ir-riskju ta’ qlib għal kumpaniji oħra u jagħmluha possibbli u prattika sabiex l-għadd ta’ esportaturi parteċipanti jiġu mmonitorjati, offrew li jiżguraw li l-volum tal-importazzjonijiet magħmula taħt impenn jikkorrispondu bejn wieħed u ieħor fuq livell annwali mal-prestazzjoni attwali tagħhom fis-suq.

(7)

L-esportaturi offrew impenn dwar il-prezz. Sabiex jiġi vvalutat jekk dan l-impenn dwar il-prezz ineħħix l-effett dannuż tad-dumping, il-Kummissjoni analizzat, inter alia, il-prezzijiet ta’ esportazzjoni attwali u l-livell ta’ dazju provviżorju. Fuq din il-bażi, ġie konkluż li l-impenn dwar il-prezz ineħħi l-effett dannuż tad-dumping.

(8)

L-effett dannuż tad-dumping għalhekk jiġi eliminat permezz tal-impenn dwar il-prezzijiet li jkopri l-importazzjonijiet fil-livell relatat annwali, u barra minn hekk b’dazju provviżorju ad valorem miġbur minn fuq importazzjonijiet ogħla mil-livell annwali kif hemm referenza għalih fil-premessa 6 ta’ hawn fuq.

(9)

Is-CCCME sejra wkoll tipprovdi lill-Kummissjoni b’informazzjoni regolari u ddettaljata dwar il-bejgħ lill-Unjoni mill-kumpaniji li jippreżentaw l-offerta ta’ impenn konġunta, li jfisser li l-impenn jista’ jiġi mmonitorjat b’mod effettiv mill-Kummissjoni. Minħabba r-rwol attiv tas-CCCME, l-appoġġ mogħti mill-awtoritajiet Ċiniżi u x-xibka ta’ sigurtà fil-forma tal-livell annwali msemmi fil-premessa 6, il-Kummissjoni tqis li r-riskju ta’ ċirkomvenzjoni jiġi limitat u jista’ jingħeleb mill-konsiderazzjonijiet marbutin mal-bżonn li tiġi żgurata provvista fis-suq tal-Unjoni.

(10)

L-offerta ta’ impenn qiegħda għad-dispożizzjoni tal-partijiet interessati. S’issa ma wasal l-ebda kumment kontra l-aċċettazzjoni tagħha.

(11)

Fid-dawl ta’ dak li ntqal hawn fuq, l-impenn offrut mill-produtturi esportaturi huwa aċċettabbli. Il-kumpaniji kkonċernati u s-CCCME ġew infurmati bil-fatti essenzjali, bil-kunsiderazzjonijiet u bl-obbligi li fuqhom tkun ibbażata l-aċċettazzjoni.

(12)

Barra minn hekk, biex il-Kummissjoni tkun tista’ tagħmel monitoraġġ b’mod effettiv li l-impenn qed jiġi osservat, meta t-talba għar-rilaxx għaċ-ċirkulazzjoni libera tiġi ppreżentata lill-awtoritajiet doganali rilevanti, l-eżenzjoni mid-dazju antidumping tkun bil-kundizzjoni li:

(13)

Meta ma jiġu ppreżentati l-ebda fattura jew ċertifikat ta’ dan it-tip jew meta ma jkunux jikkorrispondu mal-prodott ippreżentat lid-dwana, jew meta fattura kummerċjali li jkun fiha mill-inqas l-elementi tal-Anness IV tar-Regolament (UE) Nru 513/2013 tiġi ppreżentata, ir-rata xierqa tad-dazju ta’ antidumping għandha titħallas minflokhom.

(14)

Kull meta, skont l-Artikolu 8(9) tar-Regolament bażiku, il-Kummissjoni tirtira l-aċċettazzjoni tagħha ta’ impenn wara ksur, billi tirreferi għal tranżazzjonijiet partikolari u tiddikjara li l-fatturi tal-impenn rilevanti mhumiex validi, jidħol fis-seħħ dejn doganali hekk kif tiġi aċċettata d-dikjarazzjoni biex it-tranżazzjonijiet joħorġu fiċ-ċirkolazzjoni ħielsa.

(15)

L-importaturi għandhom ikunu konxji li d-dejn doganali jista’ jidħol fis-seħħ bħala riskju normali tan-negozju hekk kif tiġi aċċettata d-dikjarazzjoni għall-ħruġ fiċ-ċirkolazzjoni ħielsa, kif deskritt fil-premessi (11) (12), anki jekk l-offerta ta’ impenn mill-manifattur li kienu qed jixtru mingħandu direttament jew indirettament tkun ġiet aċċettata mill-Kummissjoni.

(16)

Skond l-Artikolu 14(7) tar-Regolament bażiku, l-awtoritajiet tad-dwana għandhom jinformaw minnufih lill-Kummissjoni kull meta jkun hemm indikazzjoni li l-impenn inkiser.

(17)

Fil-każ ta’ ksur jew irtirar tal-impenn jew fil-każ ta’ rtirar tal-aċċettazzjoni tal-impenn mill-Kummissjoni, id-dazju provviżorju tal-antidumping impost skont l-Artikolu 7 tar-Regolament bażiku japplika awtomatikament permezz tal-Artikolu 8(9) tar-Regolament bażiku.

3.8.2013   

MT

Il-Ġurnal Uffiċjali tal-Unjoni Ewropea

L 209/s3

3.8.2013   

MT

Il-Ġurnal Uffiċjali tal-Unjoni Ewropea

L 209/s3