This document is an excerpt from the EUR-Lex website
Document L:2009:239:FULL
Official Journal of the European Union, L 239, 10 September 2009
Il-Ġurnal Uffiċjali tal-Unjoni Ewropea, L 239, 10 ta' Settembru 2009
Il-Ġurnal Uffiċjali tal-Unjoni Ewropea, L 239, 10 ta' Settembru 2009
ISSN 1725-5104 doi:10.3000/17255104.L_2009.239.mlt |
||
Il-Ġurnal Uffiċjali tal-Unjoni Ewropea |
L 239 |
|
![]() |
||
Edizzjoni bil-Malti |
Leġiżlazzjoni |
Volum 52 |
|
|
II Atti adottati skont it-Trattati tal-KE/Euratom li l-pubblikazzjoni tagħhom mhijiex obbligatorja |
|
|
|
DEĊIŻJONIJIET |
|
|
|
Il-Kummissjoni |
|
|
|
2009/699/KE |
|
|
* |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
I Atti adottati skont it-Trattati tal-KE/Euratom li l-pubblikazzjoni tagħhom hija obbligatorja
REGOLAMENTI
10.9.2009 |
MT |
Il-Ġurnal Uffiċjali tal-Unjoni Ewropea |
L 239/1 |
REGOLAMENT TAL-KUMMISSJONI (KE) Nru 820/2009
tad-9 ta’ Settembru 2009
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-10 ta’ Settembru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Settembru 2009.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
MK |
37,2 |
XS |
31,8 |
|
ZZ |
34,5 |
|
0707 00 05 |
TR |
95,8 |
ZZ |
95,8 |
|
0709 90 70 |
TR |
97,8 |
ZZ |
97,8 |
|
0805 50 10 |
AR |
91,6 |
TR |
109,0 |
|
UY |
71,6 |
|
ZA |
70,0 |
|
ZZ |
85,6 |
|
0806 10 10 |
EG |
145,1 |
IL |
143,8 |
|
TR |
98,4 |
|
ZZ |
129,1 |
|
0808 10 80 |
AR |
124,5 |
BR |
67,0 |
|
CL |
81,7 |
|
NZ |
87,3 |
|
US |
85,9 |
|
ZA |
76,5 |
|
ZZ |
87,2 |
|
0808 20 50 |
AR |
112,9 |
CN |
61,6 |
|
TR |
111,4 |
|
ZA |
76,6 |
|
ZZ |
90,6 |
|
0809 30 |
TR |
115,7 |
US |
212,2 |
|
ZZ |
164,0 |
|
0809 40 05 |
IL |
126,5 |
TR |
78,6 |
|
ZZ |
102,6 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
10.9.2009 |
MT |
Il-Ġurnal Uffiċjali tal-Unjoni Ewropea |
L 239/3 |
REGOLAMENT TAL-KUMMISSJONI (KE) Nru 821/2009
tad-9 ta’ Settembru 2009
li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (KE) Nru 945/2008 għas-sena tas-suq 2008/2009
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam ma' l-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,
Billi:
(1) |
L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2008/2009 ġew stabbiliti bir-Regolament tal-Kummissjoni (KE) Nru 945/2008 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 819/2009 (4). |
(2) |
L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (KE) Nru 945/2008 għas-sena tas-suq 2008/2009, huma b'dan mmodifikati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-10 ta’ Settembru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Settembru 2009.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
(3) ĠU L 258, 26.9.2008, p. 56.
ANNESS
L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti bil-kodiċi NM 1702 90 95 , applikabbli mill-10 ta’ Settembru 2009
(EUR) |
||
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
1701 11 10 (1) |
34,83 |
0,84 |
1701 11 90 (1) |
34,83 |
4,46 |
1701 12 10 (1) |
34,83 |
0,70 |
1701 12 90 (1) |
34,83 |
4,16 |
1701 91 00 (2) |
36,38 |
7,04 |
1701 99 10 (2) |
36,38 |
3,42 |
1701 99 90 (2) |
36,38 |
3,42 |
1702 90 95 (3) |
0,36 |
0,31 |
(1) Stabbilit għall-kwalità standard kif iddefinita fl-Anness IV, il-punt III, tar-Regolament (KE) Nru 1234/2007.
(2) Stabbilit għall-kwalità standard kif iddefinita fl-Anness IV, il-punt II, tar-Regolament (KE) Nru 1234/2007.
(3) Stabbilit bħala 1 % tal-kontenut f'sukrożju.
10.9.2009 |
MT |
Il-Ġurnal Uffiċjali tal-Unjoni Ewropea |
L 239/5 |
REGOLAMENT TAL-KUMMISSJONI (KE) Nru 822/2009
tas-27 ta’ Awwissu 2009
li jemenda l-Annessi II, III u IV tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta' residwu għall-azoxystrobin, atrazine, chlormequat, cyprodinil, diziocarbamati, fludioxonil, fluriksipir, indoxacarb, mandipropamid, potassju tri-iodide, spirotetramat, tetraconazole and thiram fi jew fuq ċerti prodotti
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 396/2005 (1) tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE, u b’mod partikolari l-Artikolu 5(1) u l-Artikolu 14(1)(a) tiegħu,
Billi:
(1) |
Għall-azoxystrobin, atrazine, chlormequat, cyprodinil, diziocarbamati, indoxacarb, fluriksipir, tetraconazole u thiram, il-livelli massimi ta’ residwu (MRLs) ġew stipulati fl-Annessi II u III tar-Regolament (KE) Nru 396/2005. Għall-forfludioxonil, mandipropamid u spirotetramat ġew stipulati MRLs fl-Anness III tar-Regolament (KE) Nru 396/2005. Ma ġew stipulati l-ebda MRLs speċifiċi għall-potassju tri-iodide u s-sustanza lanqas ġiet inkluża fl-Anness IV tar-Regolament (KE) Nru 396/2005. |
(2) |
Fil-kuntest ta’ proċedura, skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (2), għall-awtorizzazzjoni ta’ prodott għall-ħarsien tal-pjanti li fih is-sustanza attiva cyprodininl għall-użu fuq il-ħwawar, il-weraq tax-xitla tal-pitravi, il-pitravi u l-ispinaċi, saret applikazzjoni skont l-Artikolu 6(1) tar-Regolament (KE) Nru 396/2005 għall-modifikazzjonijiet tal-MRLs eżistenti fl-Anness II u III. |
(3) |
B’rigward għall-mancozeb (diziocarbamati), saret applikazzjoni bħal din għall-użu fuq it-tewm. B’rigward għall-indoxacarb, saret applikazzjoni bħal din għall-użu fuq il-lampun, it-tut u l-Brussels sprouts. B’rigward għall-fludioxonil, saret applikazzjoni bħal din għall-użu fuq il-karotti, il-pitravi, xorta ta’ zunnarija bajda, il-ħorsradix, il-basal, is-sassefrika, l-għeruq tat-tursin, l-ispinaċi u l-weraq tax-xitla tal-pitravi. B’rigward il-fluriksipir, saret applikazzjoni bħal din għall-użu fuq il-kurrat. B’rigward għall-mandipropamid, saret applikazzjoni bħal din għall-użu fuq il-mustrada ħamra, il-weraq u rimi of Brassica, l-ispinaċi, il-burdlieqa u l-weraq tax-xitla tal-pitravi. B’rigward għall-spirotetramat, saret applikazzjoni bħal din għall-użu fuq il-frott taċ-ċitru, il-frott taż-żerriegħa, il-berquq, il-ħawħ u l-għeneb. B’rigward għat-tetraconazole, saret applikazzjoni bħal din għall-użu fuq il-berquq. |
(4) |
Skont l-Artikolu 6(2) u (4) tar-Regolament (KE) Nru 396/2005, l-applikazzjonijiet għat-toleranzi tal-importazzjoni saru għall-azoxystrobin fuq il-frott tal-fjura tal-Passjoni, is-cyprodinil u l-fludioxonil fuq l-għeruq tal-infużjonijiet erbali u l-ħwawar, il-fluriksipir għat-te u ż-żrieragħ tal-kafe, il-potassju tri-iodide fuq il-banana, il-bettiegħ u l-għeneb u t-thiram fuq il-banana. |
(5) |
B’rigward għall-chlormequat, saret applikazzjoni minn Stat Membru biex jittawwal l-MRL eżistenti limitat fiż-żmien fl-Anness II għal-lanġas, imsejjes fuq l-okkorenza ta’ chlormequat fl-ambjent. |
(6) |
Skont l-Artikolu 8 tar-Regolament (KE) Nru 396/2005, dawn l-applikazzjonijiet ġew ivvalutati mill-Istati Membri kkonċernati u r-rapporti ta’ valutazzjoni tressqu lill-Kummissjoni. |
(7) |
L-Awtorità Ewropea għas-Sikurezza Alimentari, minn hawn 'il quddiem “l-Awtorità”, evalwat l-applikazzjonijiet u r-rapport ta' valutazzjoni, u eżaminat b'mod partikolari r-riskji għall-konsumatur u fejn rilevanti għall-annimali u tat opinjonijiet motivati fuq l-MRLs proposti. Għaddiet dawn l-opinjonijiet lill-Kummissjoni u lill-Istati Membri u għamlithom disponibbli għall-pubbliku (3). |
(8) |
Fl-opinjonijiet motivati tagħha, l-Awtorità kkonkludiet li r-rekwiżiti tagħha kollha b’rigward għad-dejta ġew issodisfatti u li l-emendi għall-MRLs mitluba mill-applikanti kienu aċċettabbli b’rigward għas-sikurezza tal-konsumatur fuq il-bażi tal-evalwazzjoni tal-esportazzjoni tal-konsumatur għal 27 grupp ta' konsumaturi Ewropew speċifiċi. L-Awtorità qieset it-tagħrif l-aktar riċenti dwar il-karatteristiċi tossikoloġiċi tas-sustanzi. La l-espożizzjoni tul il-ħajja għal dawn is-sustanzi permezz tal-konsum tal-prodotti kollha tal-ikel li jista' jkun fihom dawn is-sistanzi, u lanqas l-espożizzjoni fil-medda ta' żmien qasira minħabba l-konsum estrem tal-prodotti kkonċernati ma wriet li kien hemm riskju li d-dħul aċċetabbli ta' kuljum (DAK) jew li d-doża ta’ referenza akuta (DRA) ma ntqabżet. |
(9) |
B’rigward għall-potassju tri-iodide, l-Awtorità kkonkludiet li l-inklużjoni ta' din is-sustanza fl-Anness IV hi aċċettabbli b’rigward għas-sigurtà tal-konsumatur. |
(10) |
B’rigward għall-atrazine, ġie iffissat MRL temporanju għaċ-ċereali sal-1 ta’ Ġunju 2009, fl-istennija ta’ sottomissjoni ta’ dejta mill-applikant biex jikkonferma l-livell eżatt ta’ residwi. |
(11) |
Dan l-aħħar, l-applikant ressaq tali dejta. Peress li ma ġie identifikat l-ebda riskju għall-konsumatur, jixraq li tittawwal il-validità tal-MRL temporanju għal sena sabiex l-Awtorità titħalla tivvaluta dik id-dejta. |
(12) |
Imsejsa fuq l-opinjonijiet motivati tal-Awtorità u b’kunsiderazzjoni tal-fatturi rilevanti tas-suġġett ikkonsidrat, il-modifiki mitluba għall-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(13) |
Ir-Regolament (KE) Nru 396/2005 għalhekk għandu jiġi emendat skont dan. |
(14) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u lanqas il-Parlament Ewropew u la l-Kunsill ma mar kontrihom, |
ADOTTAT DAN IR-REGOLAMENT:
Artikolu 1
L-Annessi II, III u IV tar-Regolament (KE) Nru 396/2005 huma emendati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Awwissu 2009
Għall-Kummissjoni
Androulla VASSILIOU
Membru tal-Kummissjoni
(2) ĠU L 230, 19.8.1991, p. 1.
(3) Ir-rapporti xjentifiċi tal-EFSA disponibbli fuq http://www.efsa.europa.eu
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar it-twaqqif ta’ toleranza tal-importazzjoni għall-azoxystrobin fil-frott tal-fjura tal-Passjoni. Ir-Rapport Xjentifiku tal-EFSA (2008) 209, 1-25. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-fluroxypyr fil-kurrat. Ir-Rapport Xjentifiku tal-EFSA (2008) 211, 1-17. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-thiram fil-banana. Ir-Rapport Xjentifiku tal-EFSA (2008) 210, 1-29. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-indoxacarb fil-Brussels sprouts. Ir-Rapport Xjentifiku tal-EFSA (2009) 225, 1-27. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għal-lambda-cyhalothrin fir-ribes (iswed, aħmar u abjar.) Ir-Rapport Xjentifiku tal-EFSA (2009) 226, 1-26. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-mandipropamid f’bosta ħxejjex bil-weraq jittiekel. Ir-Rapport Xjentifiku tal-EFSA (2009) 229, 1-25. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-tetraconazole fil-berquq. Ir-Rapport Xjentifiku tal-EFSA (2009) 230, 1-25. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-chlormequat fil-lanġas. Ir-Rapport Xjentifiku tal-EFSA (2009) 232, 1-34. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għad-diziocarbamati, espress bħala CS2, fit-tewm. Ir-Rapport Xjentifiku tal-EFSA (2009) 237, 1-40. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-fludioxonil fil-ħxejjex tal-għeruq. Ir-Rapport Xjentifiku tal-EFSA (2009) 238, 1-27. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-cyprodinil f’bosta uċuħ tar-raba’. Ir-Rapport Xjentifiku tal-EFSA (2009) 240, 1-26. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar l-inklużjoni tal-potassium tri-iodide fl-Anness IV tar-Regolament (KE) Nru 396/2005. Ir-Rapport Xjentifiku tal-EFSA (2009) 241, 1-20. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għall-spirotetramat f’bosta uċuħ tar-raba’ tal-frott. Ir-Rapport Xjentifiku tal-EFSA (2009) 242, 1-29. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-fludioxonil fl-ispinaċi u fil-weraq tax-xitla tal-pitravi (chard). Ir-Rapport Xjentifiku tal-EFSA (2009) 244, 1-23. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-cyprodinil fl-ispinaċi. Ir-Rapport Xjentifiku tal-EFSA (2009) 245, 1-26. |
|
Opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-MRL eżistenti għat-indoxacarb fil-lampuni u t-tut. Ir-Rapport Xjentifiku tal-EFSA (2009) 246, 1-23. |
ANNESS
L-Annessi II, III u IV tar-Regolament (KE) Nru 396/2005 huma emendati kif ġej:
(1) |
L-Anness II hu emendat kif ġej:
|
(2) |
Fl-Anness III,
|
(3) |
Fl-Anness IV, wara l-linja għall-“potassju iodide”, tiddaħħal il-linja li ġejja: “potassju tri-iodide” |
(*) Jindika limitu iktar baxx ta' determinazzjoni analitika.
(**) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(F) |
= |
Soluble tax-xaħam |
(R) |
= |
Id-definizzjoni ta' residwu tvarja għall-kombinazzjonijiet pestiċida-numru tal-kodiċi li ġejjin: MRL temporanju li għandu japplika sal-31 ta’ Lulju 2010 Fil-parenteżi l-oriġini tar-residwu (ma: maneb mz: mancozeb me: metiram pr: propineb t: thiram z: ziram). |
Indoxacarb Il-livell massimu ta' residwu għall-krema tal-ħalib hu 0,3 mg/kg”.
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(***) Jindika limitu iktar baxx ta' determinazzjoni analitika”.
(3) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(****) Jindika limitu iktar baxx ta' determinazzjoni analitika
(F) |
= |
Solubbli tax-xaħam |
(R) |
= |
Id-definizzjoni ta' residwu tvarja għall-kombinazzjonijiet pestiċida-numru tal-kodiċi li ġejjin:” |
10.9.2009 |
MT |
Il-Ġurnal Uffiċjali tal-Unjoni Ewropea |
L 239/46 |
REGOLAMENT TAL-KUMMISSJONI (KE) Nru 823/2009
tad-9 ta’ Settembru 2009
li jemenda r-Regolament (KE) Nru 690/2008 li jirrikonoxxi żoni protetti esposti għal riskji partikolari għas-saħħa tal-pjanti fil-Komunità
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jwaqqaf il-Komunità Ewropea,
Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità (1), u b’mod partikolari l-Artikolu 2(1)(h) tagħha,
Billi:
(1) |
Bir-Regolament tal-Kummissjoni (KE) Nru 690/2008 (2), ċerti Stati Membri jew ċerti żoni fi Stati Membri ġew rikonoxxuti bħala żoni protetti fir-rigward ta’ ċerti organiżmi ta’ ħsara. F’ċerti każi ngħata r-rikonoxximent għal żmien limitat biex jippermetti lill-Istat Membru kkonċernat li jipprovdi l-informazzjoni kollha meħtieġa li turi li l-organiżmu ta’ ħsara kkonċernat ma kienx jeżisti fl-Istat Membru jew fiż-żona kkonċernata jew biex ikompli l-isforzi tiegħu biex jeqred l-organiżmu rilevanti. |
(2) |
It-territorju kollu tal-Greċja ġie rikonoxxut bħala żona protetta fir-rigward ta’ Dendroctonus micans Kugelan, Gilpinia hercyniae (Hartig), Gonipterus scutellatus Gyll., Ips amitinus Eichhof, Ips cembrae Heer and Ips duplicatus Sahlberg skont l-ewwel inċiż tas-sottoparagrafu tal-Artikolu 2(1)(h) tad-Direttiva 2000/29/KE. |
(3) |
Skont it-tielet sottoparagrafu tal-Artikolu 2(1)(h) tad-Direttiva 2009/29/KE, il-Greċja trid twettaq stħarriġiet uffiċjali regolari u sistematiċi dwar il-preżenza ta’ dawn l-organiżmi ta' ħsara u għandha tinnotifika minnufih lill-Kummissjoni bil-miktub ma' kull sejba tal-organiżmi kkonċernati. L-għan ta’ dan l-obbligu huwa li jagħti l-opportunità lill-Kummissjoni biex tirtira r-rikonoxximent ta’ żona protetta fil-każ li l-kundizzjonijiet tar-rikonoxximent ma jibqgħux sodisfatti. |
(4) |
Tul perjodu ta' ħames snin, il-Greċja ma nnotifikatx lill-Kummissjoni dwar ir-riżultati tal-istħarriġ dwar il-preżenza ta' dawn l-organiżmi ta' ħsara. Żjara magħmula minn esperti tal-Kummissjoni bejn is-26 ta’ Jannar 2009 u s-6 ta’ Frar 2009 kkonfermat li l-Greċja kienet naqset milli twettaq l-istħarriġiet regolari u sistematiċi dwar il-preżenza ta’ dawn l-organiżmi ta’ ħsara. Madankollu, f’Marzu 2009 l-Greċja tat provi lill-Kummissjoni li kienu ttieħdu l-passi legali, finanzjarji u organiżżattivi meħtieġa għat-twettieq tal-istħarriġ regolari dwar dawn l-organiżmi ta’ ħsara għall-istaġun ta’ rapportaġġ mill-2009 ’l quddiem. |
(5) |
B’konsegwenza, sakemm il-Greċja tkun wettqet l-istħarriġ stipulat fit-tielet sottoparagrafu tal-Artikolu 2(1)(h) tad-Direttiva 2000/29/KE u bagħtet rapport tar-riżultati lill-Kummissjoni skont il-ħames sottoparagrafu ta’ dik id-dispożizzjoni, mhemmx possibbiltà li jkun stabbilit li ma għad hemm l-ebda preżenza ta’ dawn l-organiżmi ta’ ħsara fil-Greċja. Biex il-Greċja tingħata ż-żmien meħtieġ għat-twettieq tal-istħarriġ u għan-notifikazzjoni tar-riżultati lill-Kummissjoni, il-Greċja għandha tibqa' rikonoxxuta bħala żona protetta fir-rigward ta’ dawn l-organiżmi ta’ ħsara sal-31 ta’ Marzu 2010. |
(6) |
Fil-Greċja, Kreta u Lesvos ġew rikonoxxuti bħala żoni protetti fir-rigward ta’ Cryphonectria parasitica (Murrill) Barr. Il-Greċja ressqet l-informazzjoni li turi li Cryphonectria parasitica (Murrill) Barr. issa hija stabbilita fil-Greċja. Għalhekk, Kreta u Lesvos m’għandhomx jibqgħu jkunu rrikonoxxuti bħala żoni protetti fir-rigward ta’ dan l-organiżmu ta’ ħsara. |
(7) |
Ċerti reġjuni jew partijiet ta’ reġjuni differenti fl-Awstrija ġew rikonoxxuti provviżorjament bħala żoni protetti għall-Erwinia amylovora (Burr.) Winsl. et al. sal-31 ta’ Marzu 2009. L-Awstrija ressqet l-informazzjoni li turi li Erwinia amylovora (Burr.) Winsl. et al. issa stabbiliet ruħha f’xi partijiet tat-territorju tagħha. Għalhekk, dan il-perjodu ta’ żmien mhuwiex se jiġi estiż. |
(8) |
Ir-Repubblika Ċeka u ċerti reġjuni fi Franza u fl-Italja ġew rikonoxxuti provviżorjament bħala żoni protetti fir-rigward tal-grapevine flavescence dorée MLO sal-31 ta’ Marzu 2009. Fid-dawl tal-informazzjoni li ntbagħtet minn dawn l-Istati Membri, dawn iż-żoni protetti għandhom b’eċċezzjoni jkunu rikonoxxuti għal sentejn oħra sabiex l-Istati Membri jkollhom iż-żmien meħtieġ biex jippreżentaw l-informazzjoni li turi li ma hemmx grapevine flavescence dorée MLO jew, fejn hemm bżonn, biex itemmu l-isforzi tagħhom biex jeqirdu lil dan l-organiżmu. |
(9) |
Għalhekk, ir-Regolament (KE) Nru 690/2008 għandu jiġi emendat skont dan. |
(10) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar is-Saħħa tal-Pjanti, |
ADOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 690/2008 qed jiġi emendat kif ġej:
(1) |
Fil-punti 4, 5, 7, 8, 9 u 10 tal-intestatura (a), wara l-kelma “Greċja”, għandhom jiżdiedu dawn il-kliem li ġejjin: “(sal-31 ta' Marzu 2010)”. |
(2) |
Fil-punt 2 tal-intestatura (b), jitħassar it-tielet inċiż. |
(3) |
Fil-punt 01 tal-intestatura (c) jitħassar il-kliem “il-Greċja (Kreta u Lesvos)”. |
(4) |
Il-punt 4 tal-intestatura (d) jinbidel b'dan li ġej:
|
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta' Diċembru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Settembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 169, 10.7.2000, p. 1.
(2) ĠU L 193, 22.7.2008, p. 1.
10.9.2009 |
MT |
Il-Ġurnal Uffiċjali tal-Unjoni Ewropea |
L 239/48 |
REGOLAMENT TAL-KUMMISSJONI (KE) Nru 824/2009
tad-9 ta’ Settembru 2009
li jemenda r-Regolament (KE) Nru 1126/2008 li jadotta ċerti standards internazzjonali tal-kontabilità skont ir-Regolament (KE) Nru 1606/2002 tal-Parlament Ewropew u tal-Kunsill fir-rigward tal-Istandard Internazzjonali tal-Kontabilità (IAS) 39 u l-Istandard Internazzjonali għar-Rappurtar Finanzjarju (IFRS) 7
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1606/2002 tal-Parlament Ewropew u tal-Kunsill tad-19 ta’ Lulju 2002 dwr l-applikazzjoni ta’ standards internazzjonali tal-kontabilità (1), u b’mod partikolari l-Artikolu 3(1) tiegħu,
Billi:
(1) |
Bir-Regolament tal-Kummissjoni (KE) Nru 1126/2008 (2) ġew adottati ċerti standards internazzjonali u interpretazzjonijiet li kienu fis-seħħ fil-15 ta' Ottubru 2008. |
(2) |
Fis-27 ta' Novembru 2008, il-Bord Internazzjonali tal-Istandards tal-Kontabilità (IASB) ippubblika emendi għall-Istandard Internazzjonali tal-Kontabilità 39 u għall-Istandard Internazzjonali għar-Rappurtar Finanzjarju 7 (Riklassifikazzjoni tal-Assi Finanzjarji – Data Effettiva u Transizzjoni) minn issa ’l quddiem “emendi għall-IAS 39 u l-IFRS 7.” L-emendi għal IAS 39 u għal IFRS 7 jiċċaraw id-data effettiva u l-miżuri ta’ transizzjoni tal-emendi għal dawk l-istandards maħruġa mill-IASB fit-13 ta’ Ottubru 2008. |
(3) |
Il-konsultazzjoni mal-Grupp ta' Esperti Tekniċi (TEG) tal-Grupp Ewropew dwar ir-Rappurtar Finanzjarju (EFRAG) tikkonferma li l-emendi għall-IAS 39 u għall-IFRS 7 jilħqu l-kriterji tekniċi għall-adozzjoni kif stipulat fl-Artikolu 3(2) tar-Regolament (KE) Nru 1606/2002. F'konformità mad-Deċiżjoni tal-Kummissjoni 2006/505/KE tal-14 ta' Lulju 2006 li tistabbilixxi Grupp ta' Reviżjoni tal-Konsulenza dwar Normi [Grupp Konsultattiv dwar ir-Reviżjoni tal-Istandards] biex jagħti parir lill-Kummissjoni dwar l-oġġettività u n-newtralità tal-opinjonijiet tal-Grupp Ewropew dwar ir-Rappurtar Finanzjarju (EFRAG) (3), il-Grupp Konsultattiv dwar ir-Reviżjoni tal-Istandards qies l-opinjoni tal-EFRAG dwar l-approvazzjoni u lill-Kummissjoni taha l-parir li din hija bbilanċjata kif xieraq u oġġettiva. |
(4) |
Ir-Regolament (KE) Nru 1126/2008 għalhekk għandu jiġi emendat skont dan. |
(5) |
Peress li jeħtieġ li dan ir-Regolament ma jiġix applikat retroattivament, ma hemmx il-bżonn li l-istrumenti finanzjarji li diġà tħejjew u ġew ippreżentati abbażi tar-Regolament tal-Kummissjoni (KE) Nru 1004/2008 (4) jiġu emendati retroattivament. |
(6) |
Il-miżuri stipulati f'dan ir-Regolament huma skont l-opinjoni tal-Kumitat Regolatorju dwar il-Kontabilità. |
ADOTTAT DAN IR-REGOLAMENT:
Artikolu 1
Fl-Anness għar-Regolament (KE) Nru 1126/2008 l-Istandard Internazzjonali tal-Kontabilità (IAS) 39 Strumenti Finanzjarji: Rikonoxximenti u Kejl u l-Istandard Internazzjonali għar-Rappurtar Finanzjarju (IFRS) 7 Strumenti Finanzjarji: Żvelar huma emendati kif stipulat fl-Anness għal dan ir-Regolament.
Artikolu 2
Fil-każ li kumpanija tkun diġà ppreżentat ir-rapporti finanzjarji tagħha f'konformità mar-Regolament (KE) Nru 1004/2008, ma hemmx il-bżonn li terġa' tippreżenta r-rapporti finanzjarji tagħha.
Artikolu 3
Dan ir-Regolament għandu jidħol fis-seħħ fit-tielet jum tal-pubblikazzjoni teigħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, fid-9 ta’ Settembru 2009.
Għall-Kummissjoni
Charlie McCREEVY
Membru tal-Kummissjoni
(1) ĠU L 243, 11.9.2002, p. 1.
(2) ĠU L 320, 29.11.2008, p. 1.
(3) ĠU L 199, 21.7.2006, p. 33.
(4) GU L 275, 16.10.2008, p. 37.
ANNESS
STANDARDS INTERNAZZJONALI TAL-KONTABILITÀ
L-IAS 39 u l-IFRS 7 |
Riklassifikazzjoni ta' Assi Finanzjarji - Data Effettiva u Tranżizzjoni (Emendi għal IAS 39 Strumenti Finanzjarji: Rikonoxximent u Kejl u IFRS 7 Strumenti Finanzjarji: Żvelar) |
Riproduzzjoni permessa fi ħdan iż-Żona Ekonomika Ewropea. Id-drittijiet kollha eżistenti huma riżervati barra ż-ŻEE, bl-eċċezzjoni tad-dritt ta' kkupjar għall-użu personali jew għal skopijiet oħra ta' kummerċ ġust. Aktar tagħrif jista’ jinkiseb mill-IASB fuq l-internet www.iasb.org
Riklassifikazzjoni tal-Assi FinanzjarjiData Effettiva u Tranżizzjoni (Emendi għall-IAS 39 Strumenti Finanzjarji: Rikonoxximent u Kejl u l-IFRS 7 Strumenti Finanzjarji: Żvelar)
Emendi għall-IAS 39
Il-paragrafu 103G tħassar u żdiedu l-paragrafi 103H u 103I.
DATA EFFETTIVA U TRANŻIZZJONI
103H |
Riklassifikazzjoni tal-Assi Finanzjarji (Emendi għall-IAS 39 u l-IFRS 7), maħruġ f'Ottubru 2008, jemenda l-paragrafi 50 u AG8, u jżid il-paragrafi 50B-50F. Kull entità għandha tapplika dawk l-emendi fl-1 ta’ Lulju 2008 jew wara. Entità ma għandhiex tirriklassifika assi finanzjarju skont il-paragrafu 50B, 50D jew 50E qabel l-1 ta’ Lulju 2008. Kwalunkwe riklassifikazzjoni ta' assi finanzjarju mwettqa fl-1 ta’ Novembru 2008 jew wara għandhom jidħlu fis-seħħ biss mill-jum meta ssir ir-riklassifikazzjoni. Kwalunkwe klassifikazzjoni mill-ġdid ta' assi finanzjarju skont il-paragrafi 50B, 50D jew 50E ma għandhiex tiġi applikata b'lura għal qabel l-1 ta' Lulju 2008. |
103I |
Riklassifikazzjoni tal-Assi FinanzjarjiData Effettiva u Tranżizzjoni (Emendi għall-IAS 39 u l-IFRS 7), maħruġ f'Novembru 2008, emenda l-paragrafu 103H. Kull entità għandha tapplika dawk l-emendi fl-1 ta’ Lulju 2008 jew wara. |
Emendi għall-IFRS 7
Il-paragrafu 44E ġie emendat u żdied il-paragrafu 44F.
DATA EFFETTIVA U TRANŻIZZJONI
44E |
Riklassifikazzjoni tal-Assi Finanzjarji (Emendi għall-IAS 39 u l-IFRS 7), maħruġ f'Ottubru 2008, jemenda l-paragrafu 12 u jżid il-paragrafu 12A. Kull entità għandha tapplika dawk l-emendi mill-1 ta’ Lulju 2008. |
44F |
Riklassifikazzjoni tal-Assi FinanzjarjiData Effettiva u Tranżizzjoni (Emendi għall-IAS 39 u l-IFRS 7), maħruġ f'Novembru 2008, emenda l-paragrafu 44E. Kull entità għandha tapplika dawk l-emendi fl-1 ta’ Lulju 2008 jew wara. |
DIRETTIVI
10.9.2009 |
MT |
Il-Ġurnal Uffiċjali tal-Unjoni Ewropea |
L 239/51 |
DIRETTIVA TAL-KUMMISSJONI 2009/118/KE
tad-9 ta’ Settembru 2009
li temenda l-Annessi minn II sa V għad-Direttiva tal-Kunsill 2000/29/KE dwar il-miżuri protettivi kontra l-introduzzjoni fil-Komunità ta’ organiżmi ta’ ħsara għall-pjanti jew għall-prodotti tal-pjanti u kontra t-tixrid tagħhom fil-Komunità
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jwaqqaf il-Komunità Ewropea,
Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni fil-Komunità ta’ organiżmi ta’ ħsara għall-pjanti jew għall-prodotti tal-pjanti u kontra t-tixrid tagħhom fil-Komunità (1), u b’mod partikolari l-punti (c) u (d) tat-tieni paragrafu tal-Artikolu 14 tagħha,
Wara konsultazzjoni mal-Istati Membri kkonċernati,
Billi:
(1) |
Id-Direttiva 2009/29/KE tipprevedi li ċerti żoni għandhom jiġu rikonoxxuti bħala żoni protetti. |
(2) |
Ċerti reġjuni u partijiet ta’ reġjuni fl-Awstrija ġew rikonoxxuti għal żmien limitat bħala żoni protetti fir-rigward tal-Erwinia amylovora (Burr.) Winsl. et al. permezz tar-Regolament tal-Kummissjoni (KE) Nru 690/2008 (2). L-Awstrija ressqet informazzjoni li turi li l-Erwinia amylovora (Burr.) Winsl. et al. issa ġiet stabbilita fit-territorju tagħha. Għalhekk dawk ir-reġjuni u dawk il-partijiet mir-reġjuni ma għandhomx jibqgħu jiġu rikonoxxuti bħala żoni protetti. |
(3) |
Fil-Greċja, Kreta u Lesvos ġew rikonoxxuti bħala żoni protetti fir-rigward tal-Cryphonectria parasitica (Murrill) Barr. Il-Greċja ressqet informazzjoni li turi li l-Cryphonectria parasitica (Murrill) Barr. issa hija stabbilita f’dawk ir-reġjuni. Għalhekk Kreta u Lesvos ma għandhomx jibqgħu jiġu rrikonoxxuti bħala żoni protetti fir-rigward ta’ dan l-organiżmu ta’ ħsara. |
(4) |
B’riżultat ta’ emendi preċedenti wħud mill-annotazzjonijiet u referenza għal żona protetta fl-Anness IV tad-Direttiva 2000/29/KE ma għadhomx jgħoddu u għandhom jitħassru. |
(5) |
Ċerti kodiċi tal-injam u ta’ artikoli tal-injam tan-Nomenklatura Magħquda ġew emendati permezz tar-Regolament tal-Kummissjoni (KE) Nru 1031/2008 (3). Jeħtieġ li d-Direttiva 2000/29/KE tiġi adattata għal dawk l-iżviluppi tekniċi. |
(6) |
L-Annessi minn II sa V tad-Direttiva 2000/29/KE għandhom għalhekk jiġu emendati skont dan. |
(7) |
Il-miżuri previsti f’din id-Direttiva huma skont l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DIRETTIVA:
Artikolu 1
L-Annessi minn II sa V tad-Direttiva 2000/29/KE huma emendati skont l-Anness ta’ din id-Direttiva.
Artikolu 2
L-Istati Membri għandhom jadottaw u jippubblikaw, sa mhux aktar tard mit-30 ta’ Novembru 2009, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom jikkomunikaw minnufih lill-Kummissjoni t-test ta’ dawk id-dispożizzjonijiet flimkien ma’ tabella ta’ korrelazzjoni bejn dawk id-dispożizzjonijiet u din id-Direttiva.
Għandhom japplikaw dawn id-dispożizzjonijiet mill-1 ta’ Diċembru 2009.
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew għandhom ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir referenza bħal din.
Artikolu 3
Din id-Direttiva għandha tidħol fis-seħħ fl-20 jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, id-9 ta’ Settembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 169, 10.7.2000, p. 1.
(3) ĠU L 291, 31.10.2008, p. 1.
ANNESS
L-Annessi minn II sa V tad-Direttiva 2000/29/KE qed jiġu emendati kif ġej:
(1) |
Il-Parti B tal-Anness II qed tiġi emendata kif ġej:
|
(2) |
Il-Parti B tal-Anness III qed tiġi emendata kif ġej:
|
(3) |
L-Anness IV huwa emendat kif ġej:
|
(4) |
L-Anness V huwa emendat kif ġej:
|
II Atti adottati skont it-Trattati tal-KE/Euratom li l-pubblikazzjoni tagħhom mhijiex obbligatorja
DEĊIŻJONIJIET
Il-Kummissjoni
10.9.2009 |
MT |
Il-Ġurnal Uffiċjali tal-Unjoni Ewropea |
L 239/55 |
DEĊIŻJONI TAL-KUMMISSJONI
tad-9 ta’ Settembru 2009
dwar deroga mir-regoli ta' oriġini kif imfissra fid-Deċiżjoni tal-Kunsill 2001/822/KE fejn jidħol iz-zokkor mill-Antilli Olandiżi
(notifikata bid-dokument numru C(2009) 6739)
(2009/699/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 2001/822/KE tas-27 ta' Novembru 2001 dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea (“Deċiżjoni dwar Assoċjazzjoni lil hinn mill-baħar”) (1), u b'mod partikolari l-Artikolu 37 tal-Anness III tagħha,
Billi:
(1) |
L-Anness III tad-Deċiżjoni 2001/822/KE jikkonċerna d-definizzjoni tal-kunċett ta' “prodotti ta' oriġini” u metodi ta' koperazzjoni amministrattiva L-Artikolu 37 tiegħu jistipula li derogi minn dawk ir-regoli ta’ oriġini jistgħu jiġu adottati fejn ikun ġustifikat bl-iżvilupp ta' industriji eżistenti jew il-ħolqien ta' industriji ġodda f'pajjiż jew territorju. Dak l-artikolu jistipula wkoll ir-regoli li japplikaw għal kwalunkwe talba ta' estensjoni. |
(2) |
Fl-2002, l-Olanda talbet deroga mir-regola tal-oriġini fil-każ ta' kwantità annwali ta' 3 000 tunnellata ta' zokkor mhux mill-AKP, importat mill-Kolumbja lejn l-Antilli Olandiżi, biex ikun ipproċessat u wara dan esportat lejn il-Komunità Ewropea fuq perjodu ta' ħames snin. Fl-10 ta' Jannar 2003, ġiet adottata d-Deċiżjoni tal-Kummissjoni 2003/34/KE (2), li permezz tagħha d-deroga mitluba nċaħdet. Dik id-Deċiżjoni ġiet annullata mill-Qorti tal-Prim'Istanza tal-Komunitajiet Ewropej fis-sentenza tagħha tat-22 ta' Settembru 2005 (3). Konsegwentement, permezz ta' ittra tat-18 ta' Jannar 2006, il-Kummissjoni kkonfermat li t-talba tqieset bħala aċċettata skont it-talba oriġinali, u għalhekk id-deroga kellha tintemm fil-31 ta' Diċembru 2007. F'dik l-ittra l-Kummissjoni talbet li tinżamm infurmata mill-awtoritajiet kompetenti tal-kwantitajiet importati u esportati bis-saħħa tad-deroga. |
(3) |
Fit-2 ta' Ġunju 2009, l-Olanda talbet f'isem l-Antilli Olandiżi deroga ġdida mir-regoli ta' oriġini stipulati fl-Anness III tad-Deċiżjoni 2001/822/KE għall-perjodu bejn is-7 ta' Awwissu 2009 sal-31 ta' Diċembru 2010. Fit-22 ta' Ġunju 2009 l-Antilli Olandiżi pprovdew aktar informazzjoni. It-talba hija sew għal estensjoni tad-deroga ta' qabel, ippreżentata fl-2002, kif ukoll għal deroga ġdida indipendenti. B'kollox tkopri kwantità annwali totali ta' 7 500 tunnellata zokkor li joriġina f'pajjiżi terzi u pproċessat fl-Antilli Olandiżi biex ikun esportat lejn il-Komunità. |
(4) |
Il-kwantità annwali mitluba ta' 7 500 tunnellata tikkonsisti minn kwantità ta' 3 000 tunellata bħala estensjoni tat-talba ppreżentata fl-2002, u kwantità ta' 4 500 tunnellata skont it-talba l-ġdida għal estensjoni. Fiż-żewġ każi, id-deroga mitluba tkun tikkonsisti mill-għoti tal-permess li jintuża zokkor nej minn pajjiżi terzi biex jiġi aromatizzat, ikkulurit, mitħun u pproċessat f'zokkor tal-biċċiet fl-Antilli Olandiżi filwaqt li jingħata l-oriġini OCT (Overseas Countries and Territories – Pajjiżi u Territorji lil hinn mill-ibħra). |
(5) |
It-talba hija bbażata fuq rekwiżiti ta' kwalità, peress li z-zokkor mill-AKP fil-reġjun tal-Karibbew ma jissodisfax il-kriterji għal produzzjoni ta' zokkor ta' kwalità għolja destinat lejn il-konsumaturi fil-Komunità, kif ukoll fuq rekwiżiti ta' disponibbiltà, peress li z-zokkor tal-AKP mill-Karibbew huwa suġġett għal nuqqasijiet kontinwi minħabba l-kundizzjonijiet tal-klima. Barra minn dan, l-Istati tal-AKP qegħdin dejjem aktar jesportaw il-produzzjoni tagħhom taz-zokkor direttament lejn l-Istati Uniti u lejn il-Komunità. Barra minn dan, il-Komunità ma tipproduċix zokkor tal-qasba nej li jiġi użat għall-prodott finali. Għaldaqstant ikun ġustifikat li l-Antilli Olandiżi jiksbu z-zokkor nej f'pajjjiżi terzi ġirien li mhumiex parti mill-Istati tal-AKP, l-OCT jew tal-Komunità. |
(6) |
Fejn tidħol it-talba għal perjodu addizzjonali ta' żmien tad-deroga ppreżentata fl-2002 u li tibqa' valida sal-31 ta' Diċembru 2007 għal 3 000 tunnellata ta' prodotti taz-zokkor sew għall-2009 kif ukoll għall-2010, l-Artikolu 37(2) tal-Anness III tad-Deċiżjoni 2001/822/KE jistipula li l-istess regoli bħal fil-każ tad-derogi l-ġodda għandhom japplikaw għall-estensjoni. Barra minn dan, l-ogħti ta' kwalunkwe estensjoni loġikament tippresupponi li estensjoni bħal din tkun marbuta mill-qrib mal-kundizzjonijiet tad-deroga ta' qabel. |
(7) |
Ukoll, estensjoni ta' deroga timplika li talba bħal din tkun sottomessa qabel jew ftit wara t-tmiem tad-deroga kkonċernata. Madankollu, għadda żmien konsiderevoli bejn it-tmiem tad-deroga ta' qabel u t-talba għal estensjoni. Barra minn dan, is-sitwazzjoni preżenti tas-suq għaddiet minn tibdil konsiderevoli mindu kienet saret it-talba fl-2002, filwaqt li t-talba għal estensjoni hija bbażata fuq l-istess elementi tad-deroga ta' qabel. Għalkemm id-deroga ta' qabel kienet titlob lill-awtoritajiet kompetenti li jinfurmaw lill-Kummissjoni bil-kwantitajiet importati u esportati bis-saħħa tad-deroga, il-Kummissjoni ma rċevietx l-informazzjoni mitluba, u din lanqas ma ġiet ippreżentata fit-talba għall-estensjoni. Bħala riżultat, il-Kummissjoni ma tistax tevalwa l-użu reali tad-deroga ta' qabel kif xieraq. |
(8) |
Quddiem dan l-isfond, l-estensjoni mitluba mhix konformi mal-elementi li jirregolaw id-deroga ta' qabel li kienet ippreżentata fl-2002, u għaldaqstant il-Kummissjoni ma tistax tagħti l-estensjoni. |
(9) |
Id-deroga l-ġdida mitluba, mir-regoli ta' oriġini kif stipulati fl-Anness III tad-Deċiżjoni 2001/822/KE għal kwanitità ta' 4 500 tunnellata għal prodotti li jaqgħu fi ħdan il-kodiċi tan-NM 1701 99 10 u 1701 91 00 hija ġġustifikata skont l-Artikolu 37(1) u (7) ta' dak l-Anness, partikolarment fejn jidħol l-iżvilupp ta' industrija lokali eżistenti u l-benefiċċji għall-impjieg u l-ekonomija lokali. Peress li d-deroga qed tingħata għal prodotti li jinvolvu attwalment l-ipproċessar u peress li l-valur miżjud maz-zokkor nej huwa mill-anqas 45 % tal-valur tal-prodott lest, din se tkun ta' kontribut għall-iżvilupp ta' industrija eżistenti. |
(10) |
L-Artikolu 6 tal-Anness III tad-Deċiżjoni 2001/822/KE jistipula l-perjodi u l-limiti kwantitattivi li għalihom jista' jitħalla b'mod temporanju l-kumulu tal-oriġini, u li huma kumpatibbli mal-għanijiet tal-organizzazzjoni tal-Komunità tas-suq komuni filwaqt li tittieħed kunsiderazzjoni xierqa tal-interessi leġittimi tal-operaturi tal-OCT. Suġġett għal konformità ma' ċerti kundizzjonijiet dwar kwantitajiet, sorveljanza u tul ta' validità, id-deroga għandha tingħata fi ħdan il-limiti tal-kwota kumulattiva annwali stipulata fl-Artikolu 6(4) tal-Annness III, li tammonta għal 14 000 tunnellata għall-2009 u għal 7 000 tunnellata għall-2010. Għall-2009 għandha tingħata deroga għal 44 390,24 tunnellata zokkor li għalih ġew allokati liċenzji ta' importazzjoni lejn l-Antilli Olandiżi. Għall-2010 għandha tingħata deroga għalll-kwantitajiet li għalihom se jiġu allokati liċenzji ta' importazzjoni għaz-zokkor lejn l-Antilli Olandiżi għal dik is-sena. Għaldaqstant, suġġett għal dawn il-kundizzjonijiet, id-deroga mhix tali li tikkawża ħsara serja lil xi settur ekonomiku jew lil xi industrija stabbilita fil-Komunità. |
(11) |
Peress li qed tintalab deroga għall-perjodu li jibda' fis-7 ta' Awwissu 2009, id-deroga għandha tingħata b'effett minn dik id-data. |
(12) |
Il-miżuri pprovduti f'din id-Deċiżjoni huma skont l-opinjoni tal-Kumitat tal-Kodiċi Doganali, |
ADOTTAT DIN ID-DEĊIŻJONI:
Artikolu 1
It-talba ppreżentata fit-2 ta' Ġunju 2009 mill-Olanda għal estensjoni tad-deroga mid-Deċiżjoni 2001/822/KE fejn jidħlu r-regoli tal-oriġini għaz-zokkor mill-Antilli Olandiżi, li għaliha saret talba fl-4 ta' Ottubru 2002 mill-Olanda, hija miċħuda.
Artikolu 2
B'deroga mill-Anness III tad-Deċiżjoni 2001/822/KE, prodotti taz-zokkor ipproċessati fl-Antilli Olandiżi li jaqgħu taħt il-kodiċi tan-NM 1701 99 10 u 1701 91 00 għandhom jitqiesu bħala li joriġinaw fl-Antilli Olandiżi fejn jinkisbu minn zokkor mhux ta' oriġini, skont il-kundizzjonijiet stipulati fl-Artikoli 3, 4 u 5 ta' din id-Deċiżjoni.
Artikolu 3
Id-deroga stipulata fl-Artikolu 2 għandha tapplika għal prodotti taz-zokkor li jkunu importati lejn il-Komunità mill-Antilli Olandiżi mis-7 ta' Awwissu 2009 sal-31 ta' Diċembru 2010 fi ħdan il-limiti tal-kwantitajiet annwali għall-importazzjoni taz-zokkor għall-2009 u għall-2010, kif stipulat fl-Artikolu 6(4) tal-Anness III tad-Deċiżjoni 2001/822/KE, li għalih ingħataw liċenzji ta' importazzjoni lill-Antilli Olandiżi.
Artikolu 4
L-awtoritajiet doganali tal-Antilli Olandiżi għandhom jieħdu l-miżuri neċessarji biex jagħmlu kontrolli kwantitattivi fuq esportazzjonijiet tal-prodotti msemmija fl-Artikolu 2.
Iċ-ċertifikati kollha ta’ moviment EUR.1 li joħorġu għal dawk il-prodotti għandhom jinkludu referenza għal din id-Deċiżjoni.
L-awtoritajiet kompetenti tal-Antilli Olandiż għandhom jibagħtu lill-Kummissjoni dikjarazzjoni kull tliet xhur tal-kwantitajiet li għalihom ikunu nħarġu ċertifikati ta’ moviment tal-EUR.1 skont din id-Deċiżjoni u n-numri tas-serje ta’ dawk iċ-ċertifikati.
Artikolu 5
Il-Kaxxa 7 taċ-ċertifikati EUR.1 ippubblikati skont din id-Deċiżjoni għandu jkollhom waħda mill-annotazzjonijiet li ġejjin:
— |
“Derogation — Decision 2009/699/EC”; |
— |
“Dérogation — Décision 2009/699/CE”. |
Artikolu 6
Din id-Deċiżjoni għandha tapplika mis-7 ta' Awwissu 2009 sal-31 ta' Diċembru 2010.
Artikolu 7
Dan id-Deċiżjoni hija indirizzata lill-Istati Membri.
Magħmul fi Brussell, id-9 ta’ Settembru 2009.
Għall-Kummissjoni
László KOVÁCS
Membru tal-Kummissjoni
(1) ĠU L 314, 30.11.2001, p. 1.
(2) ĠU L 11, 16.1.2003, p. 50.
(3) Il-Każ T-101/03, Suproco vs Kummissjoni ECR [2005] II-3839.