This document is an excerpt from the EUR-Lex website
Document JOL_2011_250_R_0162_01
2011/580/EU: Decision of the European Parliament of 10 May 2011 on discharge in respect of the implementation of the budget of the European Food Safety Authority for the financial year 2009#Resolution of the European Parliament of 10 May 2011 with observations forming an integral part of its Decision on discharge in respect of the implementation of the budget of the European Food Safety Authority for the financial year 2009
2011/580/UE: Deċiżjoni tal-Parlament Ewropew tal- 10 ta’ Mejju 2011 dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
Riżoluzzjoni tal-Parlament Ewropew tal- 10 ta’ Mejju 2011 li tinkludi l-osservazzjonijiet li jagħmlu parti integrali mid-Deċiżjoni dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
2011/580/UE: Deċiżjoni tal-Parlament Ewropew tal- 10 ta’ Mejju 2011 dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
Riżoluzzjoni tal-Parlament Ewropew tal- 10 ta’ Mejju 2011 li tinkludi l-osservazzjonijiet li jagħmlu parti integrali mid-Deċiżjoni dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
ĠU L 250, 27.9.2011, p. 162–165
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
27.9.2011 |
MT |
Il-Ġurnal Uffiċjali tal-Unjoni Ewropea |
L 250/162 |
DEĊIŻJONI TAL-PARLAMENT EWROPEW
tal-10 ta’ Mejju 2011
dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
(2011/580/UE)
IL-PARLAMENT EWROPEW,
— |
wara li kkunsidra l-kontijiet annwali finali tal-Awtorità Ewropea dwar is-Sigurtà fl-Ikel għas-sena finanzjarja 2009, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Awtorità Ewropea dwar is-Sigurtà fl-Ikel għas-sena finanzjarja 2009, flimkien mat-tweġibiet tal-Aġenzija (1), |
— |
wara li kkunsidra r-rakkomandazzjoni tal-Kunsill tal-15 ta’ Frar 2011 (05892/2011 — C7-0052/2011), |
— |
wara li kkunsidra l-Artikolu 276 tat-Trattat KE, u l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (KE) Nru 178/2002 tal-Parlament Ewropew u tal-Kunsill (3) li jistabbilixxi Awtorità Ewropea dwar is-Sigurtà fl-Ikel, u b’mod partikolari l-Artikolu 44 tiegħu, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar il-qafas tar-Regolament Finanzjarju għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002 rigward ir-Regolament Finanazjarju applikabbli għall-baġit ġenerali tal-Komunitajiet Ewropej (4), u b’mod partikolari l-Artikolu 94 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0146/2011), |
1. |
Jagħti l-kwittanza lid-Direttur Eżekuttiv tal-Awtorità Ewropea dwar is-Sigurtà fl-Ikel għall-implimentazzjoni tal-baġit tal-Awtorità għas-sena finanzjarja 2009; |
2. |
Jippreżenta l-kummenti tiegħu fir-riżoluzzjoni t’hawn taħt; |
3. |
Jagħti istruzzjonijiet lill-President tiegħu biex jgħaddi din id-Deciżjoni, kif ukoll ir-riżoluzzjoni li hi parti integrali minnha, lid-Direttur Eżekuttiv tal-Awtorità Ewropea dwar is-Sigurtà fl-Ikel, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata f’Il-Ġurnal Uffiċjali tal-Unjoni Ewropea (serje L). |
Il-President
Jerzy BUZEK
Is-Segretarju Ġenerali
Klaus WELLE
(1) ĠU C 338, 14.12.2010, p. 108.
(2) ĠU L 248, 16.9.2002, p. 1.
(4) ĠU L 357, 31.12.2002, p. 72.
RIŻOLUZZJONI TAL-PARLAMENT EWROPEW
tal-10 ta’ Mejju 2011
li tinkludi l-osservazzjonijiet li jagħmlu parti integrali mid-Deċiżjoni dwar il-kwittanza għall-implimentazzjoni tal-baġit tal-Awtorità Ewropea dwar is-Sigurtà fl-Ikel għas-sena finanzjarja 2009
IL-PARLAMENT EWROPEW,
— |
wara li kkunsidra l-kontijiet annwali finali tal-Awtorità Ewropea dwar is-Sigurtà fl-Ikel għas-sena finanzjarja 2009, |
— |
wara li kkunsidra r-rapport tal-Qorti tal-Awdituri dwar il-kontijiet annwali tal-Awtorità Ewropea dwar is-Sigurtà fl-Ikel għas-sena finanzjarja 2009, flimkien mat-tweġibiet tal-Aġenzija (1), |
— |
wara li kkunsidra r-rakkomandazzjoni tal-Kunsill tal-15 ta’ Frar 2011 (05892/2011 — C7-0052/2011), |
— |
wara li kkunsidra l-Artikolu 276 tat-Trattat KE, u l-Artikolu 319 tat-Trattat dwar il-Funzjonament tal-Unjoni Ewropea, |
— |
wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (2), u b’mod partikolari l-Artikolu 185 tiegħu, |
— |
wara li kkunsidra r-Regolament (KE) Nru 178/2002 tal-Parlament Ewropew u tal-Kunsill (3) li jistabbilixxi Awtorità Ewropea dwar is-Sigurtà fl-Ikel, u b’mod partikolari l-Artikolu 44 tiegħu, |
— |
wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar il-qafas tar-Regolament Finanzjarju għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002 rigward ir-Regolament Finanazjarju applikabbli għall-baġit ġenerali tal-Komunitajiet Ewropej (4), u b’mod partikolari l-Artikolu 94 tiegħu, |
— |
wara li kkunsidra l-Artikolu 77 u l-Anness VI tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0146/2011), |
A. |
billi l-Qorti Ewropea tal-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2009 huma affidabbli, u li l-operazzjonijiet li jaqgħu taħthom huma legali u regolari, |
B. |
billi fil-5 ta’ Mejju 2010, il-Parlament ta l-kwittanza lid-Direttur Eżekuttiv tal-Awtorità Ewropea dwar is-Sigurtà fl-Ikel għall-implimentazzjoni tal-baġit tal-Aġenzija għas-sena finanzjarja 2008 (5), u fir-riżoluzzjoni tiegħu li takkumpanja d-deċiżjoni ta’ kwittanza, inter alia:
|
C. |
billi l-baġit tal-Aġenzija għall-2009 kien ta’ EUR 71 400 000, li jfisser żieda ta’ 7,5 % fuq is-sena finanzjarja 2008, |
Prestazzjoni
1. |
Jinnota li l-baġit 2009 tal-Aġenzija kien jammonta għal EUR 71 400 000, meta mqabbel ma’ EUR 66 400 000 fis-sena ta’ qabel; |
2. |
Jenfasizza li matul il-proċedura baġitarja 2009 riserva komplessiva ta’ EUR 4 546 000 ġiet introdotta mill-awtorità baġitarja fil-baġit tal-Awtorità; jilqa’ l-fatt li EUR 2 000 000 tar-riserva ġew rilaxxati f’Novembru 2009 biex jiġu implimentati l-proġetti tal-iżvilupp tal-IT u l-infrastruttura tal-Awtorità billi kienet ipprovdiet lill-kumitat rispettiv ir-riżultati tal-istħarriġ tal-opinjoni tal-persunal, li kienet il-kundizzjoni sabiex tiġi rilaxxata r-riserva; |
3. |
Jinnota wkoll li l-parti l-oħra tar-riserva ġiet allokata għall-istess qasam ta’ politika sabiex tikkontribwixxi għal miżuri xierqa ta’ reazzjoni kontra l-pandemika tal-H1N1; huwa konxju mill-fatt li l-Awtorità ma talbitx dawn il-fondi għal proċeduri ta’ reklutaġġ peress li dawn ġew posposti għall-2010; |
4. |
Jifraħ lill-Awtorità talli stabiliet, f’tabella mehmuża mar-rapport tal-Qorti tal-Awdituri tal-2009, tqabbil ċar ta’ operazzjonijiet imwettqa matul is-snin 2008 u 2009 bil-għan li l-awtorità ta’ kwittanza tkun tista’ tivvaluta r-rendiment tagħha b’mod aktar effikaċi minn sena għall-oħra; jilqa’ l-fatt li l-Awtorità żiedet in-numru ta’ dokumenti tematiċi u ta’ informazzjoni dwar il-politika tagħha; |
5. |
Josserva li l-Awtorità introduċiet approprjazzjonijiet differenzjati għal għotjiet għax-xjenza u proġetti ta’ kooperazzjoni xjentifika fl-2009 li wasslu sabiex jiġu kkanċellati EUR 6 000 000 f’approprjazzjonijiet ta’ ħlasijiet; jagħti parir lill-Awtorità sabiex issaħħaħ l-ippjanar u l-monitoraġġ tal-proċessi baġitarji relatati ma’ approprjazzjonijiet differenzjati; |
6. |
Jenfasizza l-bżonn li l-Awtorità tiżgura li lpariri tagħha jkunu ta’ kwalità għolja u indipendenti, sabiex tiggarantixxi konformità mal-istandards ta’ sikurezza tal-Unjoni, eċċellenza xjentifika u indipendenza fil-kwistjonijiet kollha li jkollhom impatt dirett jew indirett fuq l-ikel u s-sikurezza tal-għalf u l-protezzjoni tal-pjanti; jirrakkomanda, partikolarment għall-raġunijiet ta’ trasparenza, miżuri li jkomplu jseddqu u jissorveljaw ir-regoli interni dwar id-dikjarazzjoni tal-interessi tal-persunal tal-Awtorità u tal-esperti li jaħdmu magħha; |
7. |
Jitlob lill-Qorti tal-Awdituri twettaq awditjar tal-prestazzjoni tal-Awtorità; |
Ġestjoni baġitarja u finanzjarja
8. |
Jitlob lill-Awtorità ssaħħaħ il-proċessi baġitarji relatati mal-approprjazzjonijiet differenzjati tagħha u l-ippjanar u l-monitoraġġ tal-implimentazzjoni multiannwali tagħhom. jinnota, fil-fatt, li l-Qorti tal-Awdituri rrappurtat li EUR 6 000 000 (75 %) tal-approprjazzjonijiet differenzjati għal għotjiet għax-xjenza u għall-proġetti ta’ kooperazzjoni xjentifika kellhom jiġu kkanċellati, u li minn dawn EUR 3 100 000 kienu fondi allokati b’eċċess tal-bżonnijiet identifikati mill-Awtorità; jilqa’, madankollu, l-intenzjoni tal-Awtorità li tieħu miżuri bbażati fuq l-esperjenza tagħha għas-sena 2009, l-ewwel sena fejn ġie introdott il-kunċett ta’ approprjazzonijiet differenzjati għall-proġetti ta’ kooperazzjoni xjentifika; |
9. |
Iħeġġeġ, barra minn hekk, lill-Awtorità biex ittejjeb il-ġestjoni tal-baġit tagħha sabiex tnaqqas l-ammonti għoljin ittrasferiti tagħha; jenfasizza, fil-fatt, li għar-rabà sena konsekuttiva, il-Qorti tal-Awdituri nnutat approprjazzjonijiet trasferiti għas-sena li jmiss (13 % tal-baġit tal-2009 ġie ttrasferit għas-sena 2010, 23 % tal-baġit tal-2008 ġie ttrasferiti għas-sena 2009, 16 % tal-baġit tal-2007 ġie ttrasferiti għas-sena 2008 u 20 % tal-baġit tas-sena 2006 ġie ttrasferiti għas-sena 2007); jinnota, b’mod partikolari, li din is-sitwazzjoni turi nuqqasijiet fil-ġestjoni tal-kuntratti u fil-monitoraġġ tal-preżentazzjoni tar-rapporti u d-dikjarazzjonijiet tal-infiq min-naħa tal-Awtorità; |
10. |
Jiddispjaċih li, għat-tielet sena konsekuttiva, il-Qorti tal-Awdituri nnotat li l-impenji għall-attivitajiet operattivi trasferiti mis-sena ta’ qabel kellhom jiġu kkanċellati (19 % tal-impenji għall-attivitajiet operattivi ġew ittrasferiti mis-sena 2008, 37 % tal-impenji għall-attivitajiet operattivi ġew ittrasferiti mis-sena 2007 u 26 % tal-impenji għall-attivitajiet operattivi ġew ittrasferiti mis-sena 2006); iħeġġeġ lill-Awtorità tbiddel din is-sitwazzjoni u tinforma lill-Qorti tal-Awdituri bil-miżuri li ttieħdu; |
11. |
Jinnota, barra minn hekk, li l-Qorti tal-Awdituri rrapportat diffikultajiet fl-implimentazzjoni tal-programm ta’ ħidma tal-2009; jitlob, għaldaqstant, lill-Awtorità tieħu l-miżuri neċessarji biex tirrimedja dawn in-nuqqasijiet; |
Verifika interna
12. |
Jirrikonoxxi li l-Awtorità bagħtet lill-awtorità responsabbli għall-kwittanza rapport imfassal mid-Direttur Eżekuttiv tiegħha li jagħti sommarju tal-kontenut tar-rakkomandazzjoni tal-IAS kif stipulat fl-Artikolu 72(5) tar-Regolament Finanzjarju qafas; madankollu jinsab ikkonċernat, b’mod partikolari, li mill-48 rakkomandazzjoni, waħda minnhom hi kkunsidrata “kritika” (dwar il-ġestjoni tal-għotjiet), 27 huma kkunsidrati “importanti ħafna” u 20 huma kkunsidrati “importanti” iżda ma ngħatat l-ebda informazzjoni lill-awtorità tal-kwittanza dwar il-kontenut ta’ dawn ir-rakkomandazzjonijiet; iħeġġeġ, għal din ir-raġuni, lid-Direttur Eżekuttiv tal-Awtorità jipprovdi din l-informazzjoni; |
13. |
Jirrikonoxxi mill-Awtorità li l-IAS wettaq verifika dettaljata tal-evalwazzjoni tar-riskju fl-aħħar kwart tal-2009 biex jiddetermina l-prijoritajiet ta’ verifika u l-pjan ta’ verifika tal-IAS għat-tliet snin li ġejjin, verifika dwar id-dikjarazzjonijiet tal-interessi u verifika dwar ir-reklutaġġ fl-2009; |
14. |
Jikkunsidra li l-kumitat tal-verifika, maħluq mill-Awtorità fl-2006, għandu rwol importanti biex jassisti lill-Bord tat-Tmexxija billi jiżgura li x-xogħol tal-IAS u tal-IAC jitwettaq sewwa u jitqies kif xieraq mill-Bord tat-Tmexxija u mid-Direttur Eżekuttiv; jemmen, għaldaqstant, li dan il-kumitat ta’ verifika fi ħdan l-Awtorità jista’ jservi ta’ eżempju għal aġenziji oħra; |
15. |
Itenni t-talba tiegħu lill-Awtorità biex tieħu miżuri xierqa f’każ ta’ konflitti ta’ interess; jistieden lill-Awtorità sabiex tagħti bidu għal stħarriġ dwar konflitti potenzjali ta’ interess tax-xjenzjati prominenti, il-membri tal-bord u tal-panel, biex b’ hekk jkunu jistgħu jiġu identifikati ommissjonijiet possibbli u jiġu segwiti permezz ta’ azzjoni fi żmien opportun; |
16. |
Fir-rigward tal-osservazzjonijiet l-oħrajn li jakkumpanjaw id-Deċiżjoni ta’ kwittanza tiegħu, li huma ta’ natura orizzontali, jirreferi għar-riżoluzzjoni tiegħu tal-10 ta’ Mejju 2011 (6) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 338, 14.12.2010, p. 108.
(2) ĠU L 248, 16.9.2002, p. 1.
(4) ĠU L 357, 31.12.2002, p. 72.
(5) GU L 252, 25.9.2010, p. 155.
(6) Testi adottati, P7_TA(2011)0163 (Ara paġna 269 ta’ dan il-Ġurnal Uffiċjali).